Mukophunzila na cholinga chakuti mukoujako ayakine vinthu vamwaphunzila

Keno tuphunzila Baibolo tusangalala ngako. Koma tingosangalala ngako keno tuujako ayakine mfundo za ntengo wapalulu zatuphunzila mu Baibolo. Lemba ya Miyambo 11:25 yunena kuti: “Wamene osisimula ayakine nayesoti azasisimuliwe.”

Keno tuujako ayakine mfundo zataphunzila, vingankhale vosavuta kuti tikokumbukila komasoti tingazimvwishe luweme. Chifukwa chakuti mfundo zamene izo zingayavyesoti ayakine, tingankhale osangalala ngako tikaujako ayakine.—Ntchi. 20:35.

Yejani kuchita ivi: Sondo ikuza, muzayeje kufwana mpata woujako munthu muyakine mfundo zamwaphunzila. Mungachite vamene ivi poujako nkwanu, munthu wamusonkhana naye, muyanu waku ntchito, muyanu wakusikulu, mneba wanu olo munthu muyakine wamungakumane naye mu utumiki wakumunda. Yejani kufotokoza mfundo zamene izo mwachibadwa, mosavuta kumvwa komasoti momvwika luweme.

Kumbukilani ivi: Mukouja ayakine mfundo zamwaphunzila na cholinga chakuti muŵatang’ishe, osati kuti akokuwonani kuti muziŵa vinthu vinyinji.—1 Ako. 8:1.