February

Jeso ke mo a kwela ba bangwana. Sosone se yye sa maka gore batho ba di bone tsa gore Jeso o ba nyaka ka matla, ke mokane ba kwa ba nabela go theetsela molayetsa wa Mmušo. Le rune mo re ka tseya batho ka mokgo ne a ba tseya ka gona, re nyoko ba le maphomela ya gabutši ka matla ku tšhomong. Re ka gelepa king gore re šupetse bo re ba tšhomayelelang gore re ba kwela go baba? Re tshwanele re tipeye seyemong sa bo re hlakanang nabo tšhomong ke mokane re ba tshware ka mokgo le rune ne re ka nyaka go tshwariwa ka gona. (Mat. 7:12) Nagana ka so motho ye mongwana le ye mongwana a se hlokang. A re berekisi mokgwa wa go tshwana mo re tšhomayelela batho tšhomong. Re tseyela hlogong seyemo sa motho ye mongwana le ye mongwana le ka mokgo a tseyang dilo ka gona. Mmutsise diputsiso tsa gabutši gore o thogo mo tšiba. (Diy. 20:5) Mo re maka batho gore ba phutuluge, sosone se nyoko maka gore re thogo di bona gore ke ntaba ba nyaka ditaba tsa go bafala. Mo re šele re tšiba ditaba ka bona, sosone se nyoko re tšhofa gore re ba kwele go baba go fo tshwana le Jeso, re tšibe dilo tso di ba hlopang ke mokane re sa pumutsi mo re ba fetola.—Tshwanisa ka 1 Makorente 9:19-23. w19.03 20 ¶2; 22 ¶8-9

Adamo le Efa ba šupetsiye gore a ba na taba le dilo tsa gabutši tso Jehova a ba makeleng tsona. Ka mokana ga rune di nyaka re šupetsa gore a re kwane le tso ba di makiyeng. Mo re kolobetsiwa, re šupetsa Jehova gore ra dumela gore ke yene a tshwaneleng go lawola dilo ka mokana ga tsona le go re botsa gore sa go loka ke sefeng, sa go sa loka ke sefeng. Re šupetsa gabutši gore ga Papa wa rune re ya mo nyaka fote re ya mo tshepa. Ka nthago ga go kolobetsiwa, di nyaka re ye mahlong re phela ka melawo ya Jehova ka moka matšatši, re sa make tsa go tšiba ke rune, le mo di roba. Dimiliyoni tsa batho di maka ka mokgonone mongwaga wo mongwana le wo mongwana. Le wene o ka tshwana nabo mo o ka fo ya mahlong o leketsa ka matla go kwisisa Lentsu la Modimo Baebele, o ya megahlanong le go sabalatsa ditaba tso o di tšhutiyeng ka Papago wa legedimong. (Maheb. 10:24, 25) Mo o segelela dipheto, thomisa ka go theetsela mo Jehova a go yeletsa ka Lentsu lage le ka mokgahlo wage. (Jes. 30:21) Mo o ka maka tsotsone, selo se sengwana le se sengwana so o se makang se nyoko phomelela.—Diy. 16:20. w19.03 7 ¶17-18

Jehova o re tšhutisa dilo tsa go tlala ka matla. Mo re beyisa, re tšhuta dilo tsa gabutši megahlanong ya rune, dimaghazining tsa rune le wepsayeteng ya rune. Sale wa kwa polabolo, wa bala hlogotaba ye nngwana kela wa lebelela setiši se sengwana ke mokane wa re, ‘Ga polabolo yowa, nkare ke mo ba ra nna, yi ntikisiye ka matla’? Re ka mo leboga byang ga Jehova? (Makol. 3:15.) Se sengwana so re ka se makang ke go mo rapela re leboge dilo tsa gabutši tso a re makeleng tsona. Mo re ka fo maka gore mo re tshwarelang megahlano go dule go yediye, tsotsone le tsona di šupetsa gore re leboga Jehova. Diholo tsa rune tsa Mmušo re ya di yedisa le go di lukisa thina le thina, le bo ba tshwarang metšhenetšhene le dimayekhrofowunu tsa phutego ba leketsa go di berekisa gabutši. Mo re ka tshwara Diholo tsa rune tsa Mmušo gabutši, di ka sa tšhetšhisi di sinyega, di nyoko fo nyaka go fo lukisiwa hala le hala. Mo re maka ka mokgonone, re maka gore tšheleta yo yi leng gona yi berekisiwe go yaga le go lukisa Diholo tse dingwana tsa Mmušo lefaseng ka mokana ga lona. w19.02 18 ¶17-18

Jobo o fetsiye nako ya go tlala a lebelele dilo tsa go bafala tso Jehova a di makiyeng. (Job. 26:7, 8) Ke mo a makele ka matla mo a nagana ka lefase, sebakabaka, maru le leduma, mara le yene o yye a di bona gore aa tšibi selo ka bogolo bya dilo tso Jehova a di makiyeng. Le tso Jehova a di bolabolang di yye tsa mo jabodisa ka matla. Mo Jobo a bolabola ka mantsu ya Modimo, o yitseri: “Tso a di bolabodiyeng ke yye ka di tseyela hlogong.” (Job. 23:12) Jobo o jabodisiye ke Jehova ka matla fote ke mo a mo hlompa. Ke mo a mo nyaka ka matla ga Papage fote a nyaka go mo jabodisa. Tsotsone di makiye gore Jobo a nape a di nyaka ka matla tsa go tshepega. Le rune di nyaka re tshwane le Jobo. Re tšiba dilo tsa go tlala ka matla ka tso Jehova a di makiyeng go feta batho bo ba phidiyeng nakwela ya Jobo. Fote re na le Baebele yo yi re gelepang gore re tšibe Jehova gabutši. Dilo ka mokana ga tsona tso re di tšhutang di re tikisa dipelo. Go hlompa Jehova go nyoko re gelepa le rune gore re thogo mo nyaka le go mo theetsela fote re nyoko kwa re nabela ka matla go fo ya mahlong re tshepega.—Job. 28:28. w19.02 5 ¶12

Ke botala batho ba Jehova ba hlupegisa ke batho bo ba ba yetiyeng mahlong. Le mo ba ka re bolabolela matsaka ba re re sinnye, gabutšibutši so re ba tshwatisang ka sona ke gore re fo kgeta go ya mahlong re “theetsela Modimo ka gore go lawola yene, a re theetsele batho.” (Meber. 5:29) Re ka fo kweriwa, ra yisiwa jele kela le mo go ro teyiwa. Mara Jehova o nyoko re thuša gore re sa busetse le gore re dule re kgibiye mo ba kene ba re hlupegisa. Tla re boneneng so re ka se tšhutang ga Maheberu yala ka mararo ya ne ma le bobhantiting—Hananiya, Mishayele le Azariya. Ba bolabodiye le kgoši ba kgibiye, ba yi hlatollela gore ke ntaba ba re ba ka sa di kgone go rapela sethombhe sone a se makiyeng. Ke mo ba nyoko fo lesetsa go makege se sengwana le se sengwana so Jehova a lesetsang gore se makege. (Dan. 3:1, 8-28) Mo le rune di nyaka re šupetse gore re ya tshepega ga Modimo, re ka maka byang gore re yekisele banna bowa ka bararo ba Maheberu? Di nyaka re tinyanafatse, re dumele gore Jehova o nyoko ba le rune. (Pis. 118:7) Mo motho a fo re lebela re tikgomolelele, re mo fetola re bebiye ka go ba hlompa. (1 Pet. 3:15) Fote mo go le tsa gore di nyoko maka gore senghana sa rune le Jehova se šehle, re napa re ro gana re sa tekateki. w19.02 10-11 ¶11-13

Mo re ka fo nagana ka tshepo yo re bang nayo ka taba la gore Kreste o re kgwele, re nyoko napa re šišimala ka matla. (Joh. 3:16; Maef. 1:7) Re ka šupetsa gore taba yone re yi tseyela gedimo ka matla ka mabeke ya mo go kene go šutela Segopotso. Ka dinako tsoneng, sipidisana le letheto la go bala Baebele la Segopotso, o rapele o boye o ghayele ka tso di makegiyeng mo Jeso a kgwa. Ke mokane mo go segela nako ya gore re gahlane re gopole likgu la Morena, re nyoko yakgoswa re kwisisa gore sekgwa le wayini tso di berekisiwang mone ke setšha go le ying fote re nyoko tšiba le sehlabelo so ba se tshwanisang natso. Re napa re tshepa re tiyye mo re kwisisa dilo tso Jehova le Jeso ba re makeleng tsona le gore di re berekela mo di tla kaye, rune le mašaga ya rune, ke mokane sone se re maka gore re sa khwanyole go segela mo go nyoko šinyang go fela. (Maheb. 12:3) Re leboga ka matla gore Jeso o sa na a le ka mokgonone, go sa na go le yene Moprista ye Mogolo ku legedimong, fote o kene wa re phaphathela ga Modimo! (Maheb. 7:24, 25) Mo re nyaka go šupetsa gore re leboga ka dipelo tsa rune ka moka, di nyaka re gopole tsa likgu la Jeso ka mokgo a hlayyeng gore re make ka gona.—Luk. 22:19, 20. w19.01 22 ¶8; 23-24 ¶10-11

Ka mokana ga rune Jehova o makiye gore re di kgone tsa go mo thanaka. Go fetola mo re le megahlanong ke ye nngwana tsela ya go ‘ntsha sehlabelo sa go mo thanaka,’ fote a go na motho ye a ka re makelang sehlabelo sone. (Maheb. 13:15.) Ayitsano Jehova o nyaka gore mo re fetola megahlanong, ye mongwana le ye mongwana a beye taba go tshwana le ba bangwana? Le ka go nyana! Tseya megahlano ya phutego go tshwana le mo o le tafoleng o ja tsa go natefa le banghana bago. Tla re fo tseya gore magageru ya mangwana ka ho phutegong ba kwanne gore ba nyaka go gahlana gore ba bese nama ke mokane ba kgopela gore wene o tle o tshwere se sengwananyana so le nyoko tlang le se ja ka mokana ga lune. Ke mo o ka fo re king mara? O ka fo kwa o tšhoganyana, mara o ko fo leketsa ka matla gore o yapege tsa gore ye mongwana le mongwana a je a šale a leka dinwana. Jehova, yene ye a re memmeng, o re neyye tafola ya gore yi tlele ka tsa go ja tsa go natefa tso re ka di jang megahlanong. (Pis. 23:5; Mat. 24:45) Fote o jabola ka matla mo a bona re tla tafoleng yowa re tshwere se sengwana se senyananyana sa gabutši ka matla, gore le rune re tlatsise ga tso di leng gona. Byalo lukiselela gabutši gore o thogo fetola ka mokgo o ka di kgonang. Mo o maka tsotsone, o ka sa fo jela tafoleng ya Jehova, mara le wene o nyoko ba o leyela magageru se sengwana ka ho phutegong. w19.01 8 ¶3; 13 ¶20

Ku botala, bonghwahla bya go napa bo silikisa ka matla ke mo bo makiwa ga borapedi bya matsaka. (Hos. 4:13, 14) Ke mo ba le gona batho ba gore ba nabela borapedi bya mošaga wonone ka taba la tso ne di makega ga byona. Mara a baa jabola go ya kaye. Gabutšibutši ba yye ba šala ba kgongwele! Dafita o yitseri ‘bo ba rapelang medimo ye mengwana ba tiyeketsela mešekelo.’ Ba yye ba maka le tsa lešidi la go sa hlayisege ka bana ba bona. (Jes. 57:5) Jehova ke mo a silikisa ke dilo tsone. (Jer. 7:31) Dikereke tsa go tlala lekgono di re a go hlope mo motho a fo yetsela le motho ye mongwana le ye mongwana, di re le mong banna ba go yetsela le banna kela basadi ba go yetsela le basadi a ba hlope. Tso Baebele yi di bolabodiyeng go tlugisela botala di sa fo ba ka mokgonone, byalo bo ba go maka tsa go tšiba ke bona ba re bona ba lokologiye, ba thinda tsa go tlala, ba ko di kweng. (1 Makor. 6:18, 19) Le wene o ka fo ba o di bonne gore batho “ba tiyeketsela mešekelo.” Byalo lune bo le sa ga golang, theetselaneng Papa wa lune wa ku legedimong. Di tšibeneng gore mo le mo theetsela, di thuša lune. Napaneng le kikitela taba yowa ka ho dipelong tsa lune ya gore mo motho a kgana ka mollo a re o nyaka go bona gore di jabodisa go segela kaye, o nyoko swa.—Magal. 6:8. w18.12 27-28 ¶16-18

Mo monna kela mosadi wa Mokreste a makiye bonghwahla, yewa wa gore aa sinya di nyaka a tseye sepheto. Jeso o yitseri yewa wa gore aa sinya o na le lebaka la go mo hlala, ke mokane mo a nyakiye a ka tseyana le ye mongwana. (Mat. 19:9) Fote, yene yenewa wa gore aa sinya selo, a ka fo mo tshwarela mo a di nyaka. O ko ba a sa sinyi. Hoseya o yye a boyelana le Gomere. Mo Gomere a šele a boyelanne le Hoseya, ke mo a sa tshwanela go yetsela le monna ye mongwana. Hoseya o tsere nako nyana “a sa yetsele” le Gomere. (Hos. 3:1-3) Mara, mo go-ya go-ya, di šupa nkare Hoseya o yye a thomisa go yetsela le mosadi yela wage fote, sosone se šupetsa gore Modimo ke mo a ka yamogela batho bage fote, a boya a berekisana nabo. (Hos. 1:11; 3:4, 5) Byalo manyalo ya lekgono wona ma kena ka kaye ga tsotsone? Mo nkare ye a sa sinyang selo o kgeta go dula le monna kela mosadi wage, ke mokane a fo ya mahlong a yetsela naye, tsotsone di šupetsa gore o mo tshwarele. (1 Makor. 7:3, 5) O ko ba a sa sa na mabaka ya gore wa mo hlala. Byalo di nyaka ka babedi ga bona ba bereke ka matla gore ba tseye lenyalo ka mokgo Modimo a le tseyang ka gona. w18.12 13 ¶13

Mo re kene re titšhutisa, di nyaka re nagane gore go ka nyarela dilo tsa mohlobo mang ku mahlong mo re kene re leketsa go nagana go tshwana le Jehova. Mo re ka maka tsotsone, o ka sa kraye re sa tšibi gore re ka kena kakaye mo go ka nyarela taba ya gore yi nyaka re make sepheto ka nako yonone. Nakwela Josefa a gana mo mosadi wa Potifaro a leketsa go mo woka-woka, ke mo di šupetsa gore ke mo a yye a di nagana botala gore Jehova o yi tseya byang taba ya go tshepega mo motho a na le monna kela mosadi. (Gen. 39:8, 9) Fotefote, tsa gore o yye a fetola mosadi wa Potifaro a re: “Tsa go befa ka matla ka mokgonone nko ba ke di makela ying mara ka šinya ke sinyela le Modimo?” di fo šupetsa gore le yene ke mo a tseya dilo ka mokgo Modimo a di tseyang ka gona. Rune gee? Tla re fo tseya gore motho ye o berekang naye o thomisa go šupetsa nkare wa go nyaka. Kela o nyoko maka byang mo ba ka fo go romela molayetsa kela sethombhe sa go šupetsa tsa maroga ho fowunung yago? Di lola ka matla go tšiba gore re nyoko maka ying mo go ka ba go šele go le botala ka matla re naganne ka taba yone fote re lebelela dilo go tshwana le Jehova ra boya ra ro tipotsa gore re nyoko maka ying. w18.11 25 ¶13-14

Bo ba go tšhutega ba nagana gore temanyana yowa gabutšibutši yi rela gore “ke nyoko dukuluga ke jabolele Modimo.” Taba yone yi re jabodisa ka matla ka mokana ga rune! Jehova aa fo jabodisa ke go bolabola nje, mara dilo tsa go bafala tso a re tshepisiyeng tsona o nyoko di maka ka go yakgoswa. So re se tšhutang ga Habakuku ke gore re tshepe Jehova. (Habak. 2:4) Tsowa ka mokana ga tsona re ka di kgona mo re kene re ya mahlong re tiyisa senghana sa rune le Jehova (1) mo re ya mahlong re rapela, re botsa Jehova ka moka tso di re hlopang le tso di re šekedisang; (2) mo re tseyela hlogong tso Lentsu la Jehova le re botsang tsona le tso di hlayang ke mokgahlo wage; le (3) mo re yemele Jehova ka go tshepega re kene re lefisiye dipelo. Habakuku o makiye tsotsone. Le mo a thomisiye puku yage a kena a lla, mafelelong ke mo a jabodiye fote a kwa a tiyelele ka matla. Tla re mo yekiseleneng gore le rune re thogo bona ka mokgo Papa wa rune Jehova a re nyakang ka gona! Nje se kgona se sengwana so se ka re kgomoletsang ga lefase lowa la letshwifi? w18.11 17 ¶18-19

Tsotsone di ka maka gore Makreste ya nnete ma šutele thina ga Jehova: O “nyakiye lefase ka matla a šinya a fana ka Morwayi wage wa gore o belegiwwe a ntoši, gore ye mongwana le ye mongwana ye a dumelang gage go sa fele ka yene, mara a kraye lephelo la go ya go yye.” (Joh. 3:16) Ka nnete Jeso le yene o šupetsiye gore wa re nyaka nakwela a neyela ka lephelo lage gore rune re thogo phela! Le rune re kwa di re tšhofa go maka dilo tse dingwana ka taba la gore re di tšiba gabutši gore o re nyaka ka matla! Lentsu la Modimo le tshepisa gore le ho go ka ba le “motšhatšhamelo kela mošekelo,” o ka sa re “mamarolle ga lerato la Kreste.” (Mrm. 8:35, 38, 39) Mo re gahlana le tsa go re phika lephelong, ka ho ga tso tsa Modimo kela di re nopa matla, lerato la Kreste ke lona le nyoko re neyang matšhika gore re thogo tiyisela. (2 Makor. 5:14) Ka mokgo Jeso a re nyakang ka matla ka gona, re kwa re tiyelela le go sa šepisi ga tso re di makang, le mo re rula ke dilo tsa go baba tsa go tshwana le dikotsi, go hlorisiwa, go fo šitega go segelela tso re di nyakang, kela go šekela re sa fetse. w18.09 14 ¶8-9

Mo re nyaka go sepela nneteng, di nyaka re theetsele fote re yamogele dilo ka mokana ga tsona tso Jehova a di hlayang. Di nyaka re phele ka ditšhiko tsa Baebele fote re yetise nnete ka ku mahlong. Le rune di nyaka re tseyele ga Dafita, re sa šepisi mo re kene re sepela nneteng ya Modimo. Mo re ka šepisa, o ka kraya se re nagana ka tso re di lahliyeng nakwela re kraya nnete fote re ka šinya re thomisa go tseya tse dingwana tso re pateleng ka tsona. Mara, tla re fo napa re ngangarela nnete yowa ka matla. Re ya di tšiba gore re ka sa kgete gore re tseya nnete yifeng le gore re lesetsa yifeng. Gabutšibutši di nyaka re sepela “nneteng ka mokana ga yona.” (Joh. 16:13) Di nyaka re berekise nako ya rune gabutši gore re sa khunghulege, ra šiya nnete. Mo re ka sa make tsotsone, re ka thomisa go berekisa nako ya rune ga dilo tsa go tijabodisa, mekgano, go fatafatana le dilo ga Inthanete kela go lebelela TV. Mo motho a maka dilo tsone, aa sinyi, mara di ka ja nako ya rune ya gore ke mo re yi berekisa go tšhuta Baebele le go maka tse dingwana ga tso tsa Modimo. w18.11 10 ¶7-8

Mo lephelo la rune le tšhentšha re sa nagana, re ka thomisa go šekela, re sa sa di tšiba gore re ka kena kakaye. (Diy. 12:25) Re ka kwa di biye di roba gore re yamogele. Mo tsa mošaga wonone di re tlela, re ka maka byang gore moya wa rune ‘wo kgibe fote re tikgomolelele’? (Pis. 131:1-3) Le rune lekgono re ka kgomoletsa ke “go beba ga Modimo” ga gore go pasopa menagano ya rune le mo re ka rulana le tse dingwana. (Mafil. 4:6, 7.) Fote mo re botsa Jehova mo re kgahleletsiye ke tse dingwana, go beba ga Modimo go ka re neya matšhika, ra thogo segelela dilo tso re nyakang go di maka ka ho ga tsa Modimo le go re gelepa gore re sa lahle tewu. Selo se sengwana sa go napa se maka gore re sa šekele ka matla ke gore moya wa Modimo o thogo re gopotsa mangwalo ya gore ma nyoko re gelepa gore re karakarele go tlalela ka matla ga tso tsa Modimo.—Joh. 14:26, 27. w18.10 27 ¶2; 28 ¶5, 8

Ke selo sefeng sa go napa se ro ba kotsi ka matla go di feta ka mokana ga tsona fote se tshelele batho ba go tlala? Ke matsaka! Mo motho a bolabola matsaka, o ba a maka tsotsone ka bomu, a di tšiba gore a yi nnete gore a thogo tshokanya ye mongwana. Anthe matsaka ma thomisiye ke mang? Jeso Kreste o yitseri “Diyabolo” ke “papa wa matsaka.” (Joh. 8:44) O thomisiye leng go bolabola matsaka? O thomisiye botala ka matla ku tšhomong ya Edeni. Monna le mosadi wage ba mathomothomo, Adamo le Efa, ke mo ba ja mothebenene ga Pharadeyisi yo Modimo ne a ba makele yona. Ke mokane gwa fo nyarela yenewa ba reng ke Diyabolo. Ke mo a di tšiba gabutši gore Modimo o yitseri monna yewa le mosadi wage ba sa ji tsa “sehlare sa go tšiba tsa go bafala le tsa go befa,” mo ba ka sa theetsele, ba ko di kweng, ba nyoko kgwa. Mara Sathane a berekisa noga gore yi ye yi bolabole le Efa, yi re: “Le ka sa ro kgwa [matsaka ya mathomothomo ke wonone]. Modimo o di tšiba gabutši gore tšatši lo le nyoko jang tsa sehlare sone, mahlo ya lune ma nyoko popologa ke mokane le nyoko tshwana le Modimo, la tšiba sa go bafala le sa go befa.”—Gen. 2:15-17; 3:1-5. w18.10 6 ¶1-2

Mo re nyaka gore dipelo tsa rune di dule di yediye, di nyaka re yele ka ku teng ga rune fote re nabele dilo tsa gore di ya yagisa le tsa go yela. Di nyaka ka moka matšatši re nagane dilo tsa go yela gore go sa be le selo ka ssoši so se re thilafatsang mo re kene re tlalele ka ho ga tsa Jehova. (2 Makor. 4:2; 1 Thim. 1:5) Mara byalo, bowa ba gore ba yediye ka ho dipelong tsa bona ‘ba mmona byang ga Modimo’ ka taba la gore ‘aa šiyo motho wa gore a ka bona [Modimo] a fetsa a phela’? (Ek. 33:20) Lentsu la Segerika la gore mowa ba re ke “bona” le ka rela “go bona ka monagano, go nagana, go tšiba.” Bo ba bonang Modimo ka ‘mahlo ya pelo’ ke ba gore ba mo tšiba gabutši, fote ba tšiba le gore ke yene wa mošaga mang. (Maef. 1:18) Go tšiba gore Modimo ke wa mošaga mang go ka gelepa malata ya Modimo ya mannete, mara ma ka “bona Modimo” mo ma ka lebelela ka mokgo a ma makelang dilo. (Job. 42:5) Fote ‘mahlo ya dipelo tsa bona ma lebelela’ ga dilo tsa go jabodisa tso Modimo a nyoko rufang bo ba karakarelang go dula ba yediye le go mmerekela ka go tshepega. w18.09 20 ¶13, 15-16

Mo re maka dilo tsa gore le rune beng re ya di tšiba gore ke tsa go loka, re nyoko rufiwa ka matla. Ke nnete gore motho o maka ke tso a di tšibang gore a thogo hlalefa, mara tsa go napa di šupetsa ka matlamatla gore motho o hlalefiye a di ye ka gore o kwisisa dilo go segela kaye, mara di ya ka gore o segelela sephetho sa mošaga mang. Le ditšhotšhwane di hlalefiye. Ditšhotšhwane di šupetsa gore di hlalefiye ka matla ka taba la gore di tilukisela tsa go ja go sa le selemo. (Diy. 30:24, 25) Kreste, wa “go hlalefa ga tsa Modimo,” o dula a maka tsa go jabodisa Papage. (1 Makor. 1:24; Joh. 8:29) Modimo o di tšiba gabutši gore go tseya sepheto sa ga butši a di tshwane le go maka tsa gabutši. Bo ba tinyanafatsang ba boya ba tiyisela le bo ba makang tso ba tšibang gore ke nnete, o ba rufa ka matla. (Mat. 7:21-23) Byalo, karakara ga tso tsa Modimo gore o thogo tinyanafatsa tsa mannete go ya go yye. Go berekisa dilo tso re tšibang gabutši gore ke nnete di fo nyaka re lefisa pelo, mara go napa go šupetsa gabutši gore re tinyanafatsiye fote le rune beng re ko tikweng gore re jabodiye gana byalo le go ya go yye. w18.09 7 ¶18

Yewa wa gore o re makiye o di bonne botala tsa gore batho ba gore ba yenele mmeleng ke mo ba ka di kgona go berekisana naye gabutši gore ba thogo segelela tso a di nyakang. Le mo batho ba sa felegelela gana byalo, ba sa le gona batho ba go tshepega ba gore ba ka berekisana le Jehova ka moka matšatši. Mo re beyisa, re ba “dibereki ggoši le Modimo” mo re tšhomayela ditaba tsa go bafala tsa Mmušo wage le mo re tšhutisa batho gore ba be malata. (1 Makor. 3:5-9) Di jabodisa ka matla gore re berekisana le papa wa matšhika ye a makiyeng dilo ka mokana ga tsona ku legedimong le howa lefaseng! Ke nnete gore go tšhomayela le go maka batho gore go be malata a yi tsona di le ntoši tso di makang gore re berekisane le Jehova. Tsotsone re ka di maka byangmo re gelepa ba mitšing ya rune le magageru ka ho phutegong, mo re tlela ke divakaši, mo re tšhela letsogo ga mmereko wa Mmušo le mo re yeketsa mmereko wo mongwana re sa tšhofe ke motho . (Makol. 3:23) Mara o sa tshwanisi tso wene o kgonang go di makela Jehova le tso di kgonang ke ba bangwana. O sa lebale gore a re lekane ka mengwaga, a re ya phelega go tshwana, seyemo a se tshwane fote a re kgone dilo tsa go tshwana le tsa batho ba bangwana. w18.08 23 ¶1-2

Jehova o yye a tshepisa Habakuku a boya a ro mo phaphata le legetla a mo tshepisa gore o nyoko mo fetola ga tso a yyeng a di butsisa. Ke mo a šele a le thina le go yimologa ga tso ne a šekela ka tsona. Gabutšibutši Modimo ke mo a botsa moporofeta yewa gore: “Lefisa pelo, o ntshepe. Ke nyoko go fetola le mo di šupa nkare di tseya nako!” Jehova o mo gopotsiye gore O na le nako yage ya go maka tso A di tshepisiyeng. O yeletsiye Habakuku gore a mo yemele, a šinye a make tso Yene a nyakang go di maka. Mafelelong, moporofeta yewa ke mo a ka sa šale a tšebiye. Mo re ka fo yemela Jehova re lefisiye pelo fote re theetsela tso a re botsang tsona, re nyoko ba le pelo ya go beba le mo rulana le tsa go baba. Jeso o napiye a yi kgahlisela taba ya gore re ka mo tshepa ga Jehova ka taba la gore o phala batho ka mokana ga bona ka go tshwara nako, re sa lebelele “dinako” tsa gore Modimo aa soko di wupulla. (Meber. 1:7) Byalo, tla re yemeneng re tinyanafatsiye, re na le tumelo fote re lefisiye pelo, re sa šepisi mo re kene berekisa nako ya rune ka go berekela Jehova ka mokgo re ka kgonang.—Mar. 13:35-37; Magal. 6:9. w18.11 16 ¶13-14

Petro le yene o gudiye a tshwana le Majuda ya mangwana, ke mo a tšiba gore motho mo go se Lejuda, aa yela. Mara go na le tso di makegiyeng tsa go šinya di maka gore Petro a tinyakolle. Mo re beyisa, ke mo go se botala Petro a bonne mohlolo. (Meber. 10:9-16) Go fo tshwana le Petro, ka mokana ga rune di fo nyaka re tinyakolle gabutši, fote re dumele mo ba bangwana ba re gelepa gore re thogo napa re gonyolla moya wowa wa go nyenyana ka ho dipelong tsa rune. King se sengwana so re ka se makang? Mo re yamogela batho ba mohlobo ka mokana ga wona ka dipelo tsa go yela, re nyoko ba re resa mo re re ka nnete re ya ba nyaka, re sa ba nyenye. (2 Makor. 6:11-13) Ayitsano le wene o fo nghanelana le batho ba go tshwana nago ka khala, ka setšo, setšhaba kela mmolabolo? Mo nkare o ka mokgonone, lukisa. Ke ntaba o sa meme batho ba mohlobohlobo gore o ye nabo tšhomong kela o ba bitse gore ba tle ba je tsa go ja ku gaye gago kela mo le gahlanne nje le banghana ba bangwana? (Meber. 16:14, 15) Mo o ka maka tsotsone, o ko di kweng le wene gore pelo yago yi ba nyaka ka matla, gwa kwalega sekgala sela sa go ba nyenya. w18.08 9 ¶3, 6; 10 ¶7

Go na le Dihlatse tse dingwana tsa gore a di ya napa di lahla mokgwa wa lefase. Mo ba yye ba re baa bina mo menyanyeng, o ka šala o tšebiye o tšhaba le go hlaya gore motho yene ke Mokreste. Mo difowunung kela dithebholeteng, ba bangwana ba tšhela dithombhe tsa bona le ditaba tsa go kekema tsa gore o šale o tiputsisa gore nje yenewa o sa na a sepela le rune. Mara, ba ka sinyetsela batho ba Jehova ba bangwana ba gore ba kene ba leketsa ka matla go titshwara gabutši. (1 Pet. 2:11, 12) Lefase lowa le botsetsela batho ka tšhinghi gore ba ye le “tsa go nabela ke nama le tsa go nabela ke mahlo le go kganyisa tso motho a nang natso.” (1 Joh. 2:16) Mara rune, ka taba la gore ke rune ba Jehova, re butsiwa gore re “nyenye mekgwa ya go sa nyake ke Modimo le tsa go nabela ke lefase lowa fote re phele di šupetsa gore re butšwiye, re lukiye fote re felegelele ka ho ga Modimo mo re kene re phela lefaseng lowa.” (Tito 2:12) So se tšwang ka ho ganong, so re se jang kela re se nwang, mayaparelo le go tiphošonka, maberekelo—dilo ka mokana ga tsona tso re di makang—di nyaka batho ka mokana ga bona ba di bone gore ga Jehova re mo mamarele. w18.07 25 ¶13-14

Mo re ka fo ya mahlong re lebelele Jehova, re ka sa dumele tso batho ba di makang di re kwatisa kela di sinya senghana sa rune le yene. Sone se bereka ka matla mo nkare le wene ke wene se sengwana ka ho mokgahlong wa Modimo, go tshwana le Moše. Ke nnete gore ka mokana ga rune di nyaka re ‘ye mahlong re berekela go tl’le phoneng, re kene re tšhoga fote re hlagasela,’ di nyaka re sa lebale gore Jehova aa re tokegela melawo ya go roba ya gore a thogo re yahlola gabutši. (Mafil. 2:12) Mara, mo re neyiwwe tsa go tlala, le rune re ntshe tsa go tlala. (Luk. 12:48) Mo nkare re ya resa mo re re ga Jehova re mo nyaka ka matla, a se šiyo so se nyoko re phiriketsang kela sa re mamarolla ho gage. (Pis. 119:165; Mrm. 8:37-39) Ga dinako tsowa tsa go baba, koriyeneng mahlong barena re kene re lebelele ga Ye a “duling setulong sa bogoši magedimong,” gore re thogo tšiba tso a di nyakang. (Pis. 123:1) Nkare re ka tipasopa gore go sa be le batho bo ba sinyang senghana sa rune le Jehova. w18.07 16 ¶19-20

A re jabole lona mo re kwa gore batho ba Jehova ba kene baa yeketsega! Bo re tšhutiyeng nabo Baebeleka 2017, ke mo ba teya ka ku ga 10 000 000. So se napa se šupetsa gabutši gore malata ya Modimo ma lesetsiye malampa ya wona gore ma khanye! Nagana nje ka dimiliyoni tsa batho bo ne ba le Segopotsong. Ba tšhutiye gore Modimo o šupetsiye gore o re nyaka ka matla nakwela a re lepolla. (1 Joh. 4:9) Batho ba Jehova lefaseng ka mokana ga lona ba bolabola mebolabolo ya mehlobohlobo. Mara sosone a se re make gore re šitege go thanaka Papa wa rune Jehova re le selo ka ssoši. (Kut. 7:9) Le mo mmolabolo wa rune go ka fo ba go le wa mohlobo mang kela re dula kaye, di ya kgonega go ya mahlong re kene re “khanya go tshwana le malampa ho lefaseng.” (Mafil. 2:15) Mo re kene re yeketsega, mo re kene re le selo ka ssoši, le mo re kene re karakarela gore re sa kobole, tsotsone ka moka di maka gore re gadimise Jehova—w18.06 21 ¶1-3

Jeso mo a ba fetola o šupetsiye gore o hlopega ka matla ka tso tsa Modimo go feta tsa go ja. Go tšhomayelela batho—le mong mosadi wa Mosamariya—ke mo go le so se nyakang ke Papage, fote gage ke mo di fo tshwana le tsa go ja. (Joh. 4: 32-34. ) Jakobo le Johane ke mo ba sa kwisisi taba yowa. Mo ba kene ba ya tlase le kgakala ba na le Jeso ku Samariya, ba yye ba nyakana le ga go yetsela mutšing wo mongwana gana hone. Masamariya ma yye ma gana go ba neya ga go yetsela, ke mokane Jakobo le Johane ba toba, ba ya ba re nkare go ka segela mollo wa go tšwa legedimong gore o tle o ba gagare ka mokana ga bona. Jeso o yye a ba kgala a sa tshege. (Luk. 9:51-56) Re ka tiputsisa gore ayitsano Jakobo le Johane ke mo ba ka maka tsotsone hala di makegiye ku Galeliya mo ba tšwang gona. Di napa di šupetsa gore go hlawola ba bangwana di makiye gore ba ro napa ba ba hloya. Di ka makega gore mopostola Johane o yye a tšeba a bona nkare ne a na le magaba ka taba la gore Masamariya ma yye ma mo theetsela fote a kwa di natefela mo a kene a tšhomayela.—Meber. 8:14, 25. w18.06 10-11 ¶12-13

Mo re titlemme ka nnete ya Baebele fote re yi swinelele, di nyoko re tšhofa gore maphelelo ya rune ma yelane le so yi se bolabolang fote nnete re yi bolabole nako ye nngwana le ye nngwana. Ke ntaba di nyaka re sa bolabole matsaka? Ka taba la gore matsaka ke thulusi ye Sathane a yi berekisang, fote yi mmerekela ka matla. Motho wa go bolabola matsaka wa tikwaletsa fote o kwaletsa le bo ba mo theetselang. (Joh. 8:44) Le mo re sa felegelela, re leketsa ka matla gore re sa bolabole matsaka. (Maef. 4:25) Mara a go lola. Sesi ye mongwana ye ba reng ke Abigail wa go ba le 18 ya mongwaga o re: “Go bolabola nnete a yi ga go tlala di thušang ka gore ka dinako tse dingwana matsaka ma ka go ntsha mathateng.” Byalo ke ntaba re lwela go dula re bolabola nnete? Victoria wa go ba le 23 ya mongwaga yene o re: “Mo o bolabola nnete o boya o yemelela so o se dumelang, o ka hlorisiwa. Mara ka moka matšatši o kraya maphomela ya gabutši: O ba le lešiši, o tikwa o le thina ga Jehova ka matla fote mašaga le banghana bago ba nyoko go hlompa.” Tla re duleneng re ‘tlemme lepanta la dinnete masekeng ya rune.’ w18.05 28 ¶3, 5

Mo dinako tso tsa rune tsa go baba di kene di befa ka matla, di nyaka ka mokana ga rune re dule re budiye mahlo. Mo Jehova a thomisa go maka se sengwana, yi nyoko ba yi le nako ya gona. (Mat. 24:42-44) Re sa yemele yene, wene ariye mahlong o kene o lefisa pelo, o dule o budiye mahlo. Bala Lentsu la Modimo ka moka matšatši, fote o sa lesetse go rapela. (1 Pet. 4:7) Tšhuta ga magageru ya mangwana ya gore ma jabolela go dula ma budiye mahlo le go maka gore llampa la wona le khanye. Lephelo lago le tlatse ka dilo tsa go jabodisa le ka batho ba gore baa yagisa. Sosone se nyoko maka gore o jabole ka matla, fote se nyoko maka gore o bone nkare nako ya taboga. (Maef. 5:16) Re kwa di re tiyisa tumelo mo re tšiba gore le mo re sa felegelela, re ka sa šitegi go berekela Jehova ka mokgo a nyakang. Byalo, tseyela gedimo “dineyiwa tso go leng banna,” re ra bagolo ba phutego. (Maef. 4:8, 11, 12) Mo mogolo a ka go vakašela, berekisa lešuba lone gore o theetsele tso di ka go hlalefisang ke mokane o di berekise. w18.06 24-25 ¶15-18

Jeso o butsiye bo ba mo latelelang gore ba sa fo mo rata tsa nje, ba ‘dule ba mo rata’ tsa mannete. Ke ntaba? Ka taba la gore go dula o latelela Kreste mongwaga wo mongwana le wo mongwana, di nyaka o ro tiyisela. Jeso o yi beyye gabutši taba ya gore di nyaka re tiyisela mo a berekisa mantsu ya gore “le dule” ga tleletlele ga taba yowa ya gore yi ga Johane 15:4-10. Re šupetsa ka ying gore re nyaka go dula re rata ke Kreste fote re kene re mo jabodisa? Re tshwanele re latelele melawo yage. Mo re fo yi beya gabutši nje, Jeso o re ga rune, ‘Ntheetseleneng.’ Tso Jeso a kgopeleng gore re di make ke tso le yene a di makiyeng, yene mong o hlayye gore: “Ke latelele melawo ya Papa, sosone se maka gore a dule a nrata.” Tla re tseyeleneng ga Jeso. (Joh. 13:15) Mo re ya mahlong re theetsela Jeso mo a re re ye tšhomayeleng, re šupetsa gore ga Modimo re ya mo nyaka ka taba la gore tso Jeso ke mo a re botsa tsona di šupetsa gore ke tso Papage a nyakang re di maka. (Mat. 17:5; Joh. 8:28) Jehova le Jeso ba nyoko dula ba re rata mo le rune re garagarela go ba šupetsa gore re ya ba rata. w18.05 18 ¶5-7

Mathari ma tshwanele ma timakele sepheto ka taba tsa go tšhutega, mmereko, le tse dingwana. Mo o ka fo titšiba gore o nyaka ying le tso o nyakang go di segelela, go ka sa hlope go maka dipheto tsa gabutši. Mo o ka yakgoswa o fetsa le pelo yago gore o nyaka go segelela ying tsa gabutši, o nyoko yakgoswa o yema gabutši lephelong. Re thanaka mathari ya go tlala ya re nang nawo ka mo diphutegong lefaseng ka mokana ga lona. Ba ngangarele Jehova fote a ba tekateke mo ga taba ya go yetisa ditaba tsa Mmušo mahlong. Mathari ya mohlobo wononeng ma jabolela lephelo ka matla fote ka mo ma kene ma tšhuta go yetetsa ke Jehova ga dilo ka mokana ga tsona tso ma leketsang go di segelela. Dilo tsa gona di ka tshwana le go ba le mutši. Solomone o ngwadiye gore: “Tshepa Jehova ka pelo yago ka mokana ga yona. Mo tšhele ga tso o di makang ka mokana ga tsona, ke mokane yene o nyoko maka gore ditsela tsago di wolologe.” (Diy. 3:5, 6) Bo go leng mathari ka ho phutegong ya Sekreste, Jehova o ba nyaka ka matla, wa ba pasopa, wa ba yetetsa, le go ba rufa wa maka. w18.04 26-27 ¶7, 9

Mopostola Johane ke mo a tiyelele ka ho phutegong ya botala ya Sekreste. Taba yo a yi ngwadiyeng ya tso Jeso ke mo a di maka mo a kene a tšhomayela yi tiyisiye Makreste ya go tlala ka dinako tsetsela tsa botala—le gana byalo go sa fo tshwana. Ke puku yage fela ya gore yi na le mantsu ya ma bolabodiyeng ke Jeso ya gore lerato ke setwaba sa bo ba mo latelelang ka mannete. (Joh. 13:35) Mangwalo ka mararo ya Johane ma na le dinnete tse dingwana tse dibutši. Mo re kgongwela ka taba la gore go na le tsa go befa tso re di makiyeng, ayitsano a re yimulugi mo re tšhuta gore “madi ya Jeso . . . ma re yedisa ga dilo ka moka tso re di sinnyeng”? (1 Joh. 1:7) Mo dipelo tsa rune di ya mahlong di re kokona re kwa go baba, nje a re jabole mo re tšhuta gore “Modimo ke ye mogolo ga dipelo tsa rune”? (1 Joh. 3:20) Ke Johane a ntoši ye a ngwadiyeng gore “Modimo ke lerato.” (1 Joh. 4:8, 16) Ga lengwalo lage la bobedi le la boraro, o thanakiye Makreste ya ma yang mahlong ma ‘sepela nneteng.’—2 Joh. 4; 3 Joh. 3, 4. w18.04 18 ¶14-15