March

Mo re bala ditema ka dipedi tsa mo mathomisong ga Genesi, re yakgoswa re di bona gore Adamo le Efa ke mo ba tikwisa ka go lokologa mo ga gore batho ba gana byalo ba go nyaka ka mahlo ya makhubedu—go kraya tso ba di nyakang, go lokologa ga dilo tsa go tšhabisa le go totometsa ga go kwisiwa go baba. Batho boneng ka babedi ke mo ba sa šekele ka selo, ba sa hlopege ka gore ba nyoko ja ying, ba nyoko bereka kaye, ba sa lwale le go kgwa. (Gen. 1:27-29; 2:8, 9, 15) Mara, mo go bolabodiwa ka go lokologa, a di nyake re boya re ro lebala gore Jehova Modimo ke yene a ntoši a ka re neyang so re kaga bolabolang ka nnete gore ke go lokologa ga go felegelela. Ke ntaba go le sone? Ka taba la gore ke yene a makiyeng dilo tso di leng gona ka mokana ga tsona fote ke yene Kgoši ya matšhika ka moka go feta dilo tso ka mokana ga tsona. (1 Thim. 1:17; Kut. 4:11) Gabutši dilo ka mokana ga tsona tso di phelang ku legedimong le ho lefaseng di lokologiye ka go lekanela. Di tshwanele di tšibe gore go lawola Jehova fote ke yene a hlayang gore sa go loka ke sefeng, so se ka ga makiwa ke sefeng, a boya a re kgerela gore re segele kaye. Sosone ke so Jehova Modimo a yyeng a se maka ga batho bo a ba makiyeng go tlogisela mo a sa thomisa go maka dilo. w18.04 4 ¶4, 6

Ga lefase lowa, re gelepa ke Jehova gore re thogo tiyisela. (2 Makor. 4:7, 8) O fo nagana nje gore bo go seng banghana ba Jehova bona di ba phiriketsa go segela kaye. Go fo tshwana le Jeso, re ba kwela go baba fote sosone se re tšhofa gore re ba botse “ditaba tsa go bafala tsa se sengwana sa gore se kawone.” Byalo, lefisa pelo mo o kene o ba tšhutisa. Gopola taba ye nngwana ke yowa: Di ka makega gore dinnete tso rune re di tšibang gabutši a ba soko di kwelela le ka gonyana. Ba go tlala ba mamarele ga so ba se dumelang gana byalo fote ba kwana naso ka matla. Mo ba lebelele ba bona nkare so ba se dumelang se maka gore ba mamarelane le ba mutši wa bona, setšo sa bona le batho ba polekeng ya bona. A re fo thomisa ka go botsa motho gore a lesetse dilo tsa “botala” tso a di dumelang, mara di ka fo nyaka re thomisa ka go mo gelepa gore a di kwisise gabutši dinnete tsowa tsa “nyuwane” le go kwana natso ka matla—dinnete tsa Baebele tsa gore ke mo ba sa di tšibi nakwela re sa thoma go tšhuta nabo. Mo di šele di ba yelela gabutši, ba ko thogo lesetsa dilo tso ne ba di tseya ka mokgwa wo mongwana. Go gelepa batho gore ba tšhentšhe so ba se dumelang di ka tseya nako.—Mrm. 12:2. w19.03 23 ¶10, 12; 24 ¶13

Ka mokgo Jehova a šupetsiyeng lerato le go yamogelana ka gona di re gopotsa gore le rune re tiyise ye mongwana le ye mongwana mo go thulega lešuba. (Joh. 5:20) Mo motho ye a re nyakang ka matla a re šupetsa gore wa hlopega ka rune le go re thanaka ka dilo tse dibutši tso re di makang re ya hlohlotela. Go fo tshwana le magageru ka ho phutegong kela le bo ba leng ka mutšing ga rune ba di nyaka gore re ba nyake re boye re ba tiyise. Mo re thanaka ba bangwana, re ya ba tiyisa fote re ba gelepa gore ba ye mahlong ba kene ba berekela Jehova ba sa tene. Ka matlamatla babelegi ba tshwanele ba tiyise bana ba bona. Mo babelegi ba tlatsa go thanaka bana ba bona le go ba šupetsa gore ba ba nyaka ka matla sone se ba maka gore ba hlohlotele. Mantsu ya gore “Ke go yamogele,” ma fo šupetsa gabutši gore Jehova ke mo a tshepela ga Jeso gore o nyoko maka tso Yene a di nyakang. Go fo tshwana le Jehova le rune re ka tshepela ga Jeso gore o nyoko maka dilo ka mokana ga tsona tso Jehova a di tshepisiyeng. (2 Makor. 1:20) Mo re naganisisa ka tso Jeso a di makiye re kwa re tšhofega gore re tšhute gage re boye re latelele mo a gatiyeng gona.—1 Pet. 2:21. w19.03 8 ¶3; 9 ¶5-6

Mo re bona gore selo so motho a re neyyeng sona se mo turele, re kwa di re tšhofa gore re mo leboge. Maisrayele a maa leboga mo Jehova a ma ntsha bobhantiting ku Egepita. Ke mo go soko bane go fela dikgwedi ka dikaye mo ba thomisa go hlologela tsa go ja le tsa go nwa tsa ku Egepita, ba boya ba ro kokola mo Jehova a ba neya dilo, ba re nke bona ba fo ba lesetsa ba sologe ba ye Egepita. Batho ba gona ke mo ba nyaka ‘hlapi, dikgebetlele, magapu, dinyala tsa mphogo, dinyala le dikonofolo,’ ba sa tihlope ka Jehova, yene Modimo wa nnete ye a ba neyyeng go lokologa. Tso ba di makiyeng di yye tsa kwatisa Modimo ka matla, ayitsano di ya makatsa mara? (Dip. 11:5, 6, 10; 14:3, 4) Tla re napeneng re tšhuta ga taba yone! Mopostola Pawulo o butsiye Makreste ka mokana ga wona gore go lokologa howa ga gore ma go neyye ke Jehova ka pelo ye tšhwewu a berekisa Morwayi wage Jeso Kreste, ma sa kgane ka gona.—2 Makor. 6:1. w18.04 9-10 ¶6-7

Ka mokana ga rune re nyaka go ratiwa. Fote ka mokana ga rune re ya di nyaka tsa go tšwariwa gabutši. Mo re fo dula re tshwariwa lešidi fote re di bona tsa gore batho ba bangwana a ba re nyake, re ka thomisa go kgongwela le go šekela. Jehova o di tšiba gabutši tsa gore re nyaka go ratiwa le go tshwariwa gabutši. (Pis. 33:5) Re ya di tshepa tsa gore Modimo o re nyaka ka matla fote o nyaka re tshwariwa gabutši. Tsotsone di bonala gabutši mo re lebelela Molawo wo a yyeng a wo neya Maisrayele a berekisa Moše. Mo re kene re bala Molawo wa Moše, re thogo bona gabutši gore Modimo wa rune Jehova, o re nyaka ka matla. (Mrm. 13:8-10) Re šinya re re molawo wa Moše wo šupetsa gore Modimo o nyaka batho ka matla ka taba la gore Jehova o tšhofa ke lerato ga se sengwana le se sengwana so a se makang. (1 Joh. 4:8) Melawo ka mokana ga yona yo Jehova a yi makiyeng o yi tsere ga melawo ye megolo ka mmedi—go nyaka Modimo le go nyaka moyagelani. (Lef. 19:18; Dot. 6:5; Mat. 22:36-40) Molawo wo mongwana le wo mongwana ga yela ya go teya ka ku ga 600 wo šupetsa gore Jehova o nyaka batho ka matla. w19.02 20-21 ¶1-4

Jobo ke mo a titshwere gabutši mo go tla ga taba ya basadi. (Job. 31:1) Ke mo a di tšiba tsa gore o ko ba a sa make tsona mo a nabela-nabela basadi ba bangwana, mara ka thoko a kene a na le wage. Lekgono, lefase lowa le re kutšetsela gore re nabele go sa titshware gabutši. Nje le rune re ko mo yekisela ga Jobo, ra lesetsa go nabela batho ba gore a ra šada nabo? Nje re nyoko di gana tsa go lebelela dithombhe tsa go nabetsa tsa maroga kela mohlobo wo mongwana le wo mongwana wa dithombhe tsa batho ba go sa tšwara? (Mat. 5:28) Mo re ka kgona go titshwara ka mokgonone ka moka matšatši, re nyoko di kgona go tshepega. Jobo o šupetsiye gore o theetsela Jehova ka mokgo ne a tseya dilo tsa majabajaba. Jobo o di bonne gore mo a ka beya dilo tsa majabajaba mahlong, ke mo a nyoko ba a sinya ka matla. (Job. 31:24, 25, 28) Lekgono, re phela ga lefase la gore le kwana ka matla le dilo tsa majabajaba. Mo re ka theetsela Baebele mo yi re botsa gore tšheleta le dilo tsa majabajaba re di tseye byang, re nyoko di kgona go ya mahlong re kene re tshepega.—Diy. 30:8, 9; Mat. 6:19, 20. w19.02 6 ¶13-14

Ka mokana ga dilo tso Jeso ne a di maka di šupetsa gabutši gore Jehova o re nyaka ka matla. (1 Joh. 4:8-10) Tabakgolo ke gore Jeso o re kgwele a sa tšhofe ke motho. Go ka fo ba go le rune ba go tlotsiwa kela go le rune ba “dinku tse dingwana,” so se šalang ke gore Jehova le Jeso ba re šupetsiye ka sehlabelo sone gore ba re nyaka ka matla. (Joh. 10:16; 1 Joh. 2:2) Nagana fote le ka dilo tso di berekisiwang ka nako ya Segopotso; di sa na di šupetsa gore Jeso o ma nyaka ka matla malata yage fote wa ma naganela. Sebyang-byang? Jeso o yye a šupetsa malata yage ya go tlotsiwa ka moya gore o ma nyaka ka matla, a maka gore go sa berekisiwi dilo tsa go hlupa mo go makiwa mogahlano wowa wa go mo gopola. Mo nako yi kene yi ya, go yye gwa nyaka gore malata yane ya go tlotsiwa ma be le Segopotso mongwaga wo mongwana le wo mongwana, le mo ba le ga seyemo sa mošaga mang, le mong jele. (Kut. 2:10) Nje ba yye ba di kgona go mo theetsela ga Jeso? Eya, ba mo theetsele! Go tlugisela ku botala go segela gana byalo, Makreste ya mannete ma leketsiye ka matla gore ma gopole likgu la Jeso. w19.01 24 ¶13-15

Nnete yone yi re lokolliye ga dilo tsa go tshwana le dikereke tsa matsaka, go phela nkare a o na taba ka lephelo le go tshepa dilo tsa gore a di šiyo. Fote a yi tsona di ntoši. Ga tsotsone go nyoko ba le ‘go lokologa ga go gadima ga bana ba Modimo.’ (Mrm. 8:21) Tikwise ka go lokologa ga mošaga wonone gana byalo ka go ‘dula lentsung la Kreste,’ kela tsona tso a di tšhutisiyeng. (Joh. 8:31) Ka mokgononeng, le wene o nyoko “tšiba nnete” mo o ka fo yi tšhuta, wa boya wa berekisa so o se tšhutang. Le mo go na le tso batho ba reng ke monate ga lefase lowa, go fo ba tsa nakonyana fote di yakgoswa di šaša. A re tšibi tsa ka motshwana. (Jak. 4:13, 14) Byalo, go šupetsa gore re hlalefiye, re nyoko ya mahlong re sepela ga pata yo yi bakiyeng ga “lephelo la mannete”—lephelo la go ya go yye. (1 Thim. 6:19) Modimo aa re kenisi ga pata yone ka tšhinghi. Di tšwa ga rune beng. O sa lebale gore “dilo ka mokana ga tsona” di tšwa ga Jehova. (Pis. 16:5) Tseyela hlogong “dilo tsa gabutši” tso a go neyyeng tsona. (Pis. 103:5) O dule o di tšiba gore ke yene a nyoko makang gore o ‘tikwe o jabodiye tsa mannete fote o be ka mokgonone go ya go yye.’—Pis. 16:11. w18.12 28 ¶19, 21

Di nyaka Makreste ka mokana ga wona ma karakare gore ma hlompe lenyalo, go tshwana le Jehova le Jeso. Mara ka taba la gore a ra felegelela, ba bangwana baa šitega. (Mrm. 7:18-23) Byalo, a di nyake re tšhoga ka taba la gore le Makreste ya ku botala ke mo ma tshwere ntshetshere yonone manyalong ya wona. Le mo Pawulo a ngwadiye gore “mosadi aa tshwanela go šiya monnage,” ba bangwana ba yye ba ba šiya. (1 Makor. 7:10) Pawulo aa re botsa gore monna le mosadi wage ke mo ba maka king gore ba yahlogane. A di šupetsi nkare ke mo ba yahlogana ka taba la gore monna o makiye bonghwahla bya go maka gore mosadi a mo lahle ke mokane a nyadiwe ke ye mongwana. Pawulo o ngwadiye gore mosadi ye a yahloganneng le monna wage “a dule a sa nyadiwa kela a boyele ga monnage.” Batho bone ga Modimo ke mo go sa le selo ka ssoši. Pawulo o hlayye gore le mo go bifiye byang, solanka ye mongwana a sa maka bonghwahla, di nyaka batho bowa ba karakare gore ba lukise ditaba ke mokane ba boyelane. Ba le ka babedi ga bona ba ka fo bolabola le bagolo ka ho phutegong ke mokane bona ba nyoko ba gelepa ba berekisa Baebele. w18.12 13 ¶14-15

Modimo lekgono o nyaka gore batho bage ba nghanelane naye le go bereka mmereko wage di ba baba. (Mat. 28:19, 20; Jak. 4:8) Le rune di ka re tlela, wa kraya batho ba gore ba re kwela go baba ba leketsa go maka gore re šepise ga mmereko wone. Mo re beyisa, o nyoko maka byang mo lekgowa lago le ka fo re le nyaka go go neya seyemo sa gedimo mmerekong le go yeketsa mogolo wago mara wa kraya gore mmereko wone wa go phiriketsanya mo o leketsa go maka tso tsa Modimo? Kela mo nkare o kena sekolo, tla re fo re ba yitseri o rure hone gagenu o ye go tšhutela dilo tsa go tlala. Mo go nyarela tsotsone, nje go ko ba go le yona nako ya gore o thomise go rapela ke mokane o ye o nyakolle ka taba yowa, o bolabole le ba bangwana, ke mokane o segelele sepheto? Ke ntaba o sa nyake go tšiba gana byalo gore Jehova o nagana ying ka taba yonone ke mokane o karakare gore o nagane go tshwana naye? Ke mokane mo go ka tšhoga go nyarele selo sa mošaga wonone, o ka fo teya o feta. O ko ba o tšiba gore o yemme kaye ga tso tsa Modimo fote le pelo yago yi ko ba yi di tšiba, byalo di fo nyaka gore o make tsotsone o tiputsiyeng gore o nyoko di maka. w18.11 27 ¶18

Solomoni ke mo go sa le ye monyana mo a ba kgoši ya Israyele. Ke mo go se botala Solomoni a thomisiye go lawola mo Jehova a nyarela molorong wage a re: “Kgopela tso o nyakang ke go makela tsona.” Solomoni a re: “Go sa fo ba mong bošego ho ga ka fote a ke tšibi selo. . . . Maka gore lelata lago le be le pelo ya go theetsela gore le thogo yahlola batho bago.” (1 Mag. 3:5-10) “Pelo ya go theetsela”—morenewa o kgopele taba ye nngwana ya gabutši ka matla! Ke tsotsone di makiyeng gore Jehova a mo nyake ka matla ga Solomoni! (2 Sam. 12:24) Modimo yewa wa rune ke mo a jabodisiye ke mantsu ya kgoši yewa ya mosogana a šinya a neya Solomoni “pelo ya go hlalefa le ya go kwisisa.” (1 Mag. 3:12) Solomoni o yye a rufiwa ka matla nakwela a kene a ya mahlong go le motho wa go tshepega. O yye a neyiwa mayemo ya gore go be yene a yagang tempele “ya lebitso la Jehova Modimo wa Israyele.” (1 Mag. 8:20) O yye a tšibega ka gore o hlalefiye, ka mokgonola a neyyeng ke Modimo. Fote tso a yyeng a di bolabola tsa gore ke mo a di botsa ke Modimo di yye tsa ngwadiwa ga dipuku ka ditharo tsa Baebele. Ye nngwana ya dipuku tsone ke ya Diyema. w19.01 14 ¶1-2

Batho ba bangwana a ba di nyake mo go ka fo ba le motho wa gore o ba botsetsela kela go ba kutšetsela gore ba make se sengwana. Ba re: “Ke hlopega ka tsa nna mong.” Mo ba reyane kela ba fo bolabolela gore baa tipotsa bona beng gore ba nyaka ying le gore king sa gore se gabutši go se maka. A ba nyake go lawola ke ye mongwana kela go maka dilo tsa gore a di yelane le tso bona ba di nyakang. Mara mo rune re leketsa go nagana go tshwana le Jehova, tsotsone a di rele gore a re sa berekisa monagano kela go hlaya ka mokgo rune re bonang dilo. Makorente ya Bobedi 3:17 yi re, “mo go nang le moya wa Jehova, go na le go lokologa.” A re tšhabe go hlaya ka mokgo rune re bonang dilo ka gona. Di gona dilo tso re ka di hlawolang rune beng le tso di jabodisang rune. Gabutšibutši, Jehova o re makiye ka mokgonone. Mara le mo re lokologiye, go na le mokgero. (1 Pet. 2:16) Jehova ga ditaba tsa gabutši le tsa go befa, o nyaka gore re nagane go tshwana naye ka mokgo a hlayyeng ga Lentsu lage. w18.11 19 ¶5-6

Mo re tšhutiye nnete, tso tsa Modimo di yeta mahlong ga dilo tsa majabajaba. Di re jabodisiye ka matla go lahla dilo tsa majabajaba gore re thogo sepela nneteng. Mara mo nako yi kene yi ya, re ka fo bona batho ba bangwana ba rekiye dilo tsa nyuwane tsa elektroniki kela ba na le dilo tsa majabajaba. Re ka fo bona nkare ra šalela. Go gongwana re ka fo kwa nkare dilo tso re nang natso a di ya yenela, wa kraya re šele re thomisa go šepisa ga tso tsa Modimo gore re thogo hlekeletsa dilo tsa majabajaba. Tsotsone di re gopotsa monna yela ba reng ke Demase. “Lefase la gana byalo” ke mo a kwana nalo ka matla, a šinya a lesetsa go bereka le Pawulo wa lepostola. Demase ke mo a ro kena king mo a šinya a šiya Pawulo? Aritši kela ne a kwana ka matla le dilo tsa majabajaba go feta Modimo kela ne a sa sa di nyaka go tikona tse dingwana gore a thogo bereka le Pawulo, Baebele a yi hlaye selo ga tsotsone. A re nyake go nabela dilo tsa majabajaba di phiphetsiye go nyaka ga rune nnete. w18.11 10 ¶9

Matsaka ya Sathane ke mo go le mong ya go tshosa ka taba la gore ke mo a di tšiba gabutši tsa gore mo Efa a ka fo mo tshepa ke mokane a ja seyengwa sone, o nyoko kgwa. Nnete Adamo le Efa a baa mo theetsela ga Jehova, ke bobone ba kgwile. (Gen. 3:6; 5:5) A di ya felela gana hone, ga tso ba sinnyeng, ba makiye gore ‘likgu le tshelele batho ka mokana ga bona.’ Gabutšibutši, “likgu le lawodiye go le lona kgoši . . . , le ga bo ba sa sinyang go tshwana le Adamo.” (Mrm. 5:12, 14) Batho nke ba tiphelela lephelo lo ba le neyyeng ke Modimo la go ya go yye la gore fote le yenele gabutši, mara batho a ba sa phela go ya kaye, mo motho a šinya a phela “70 ke mokane wa gore o tiyelele ka matla a phela 80 ya mongwaga,” di ra gore o phidiye. Le mo a phidiye nako yonone ya go lefa, ga go tlala lephelo “le tlele ka mehlopego le go kgongwela.” (Pis. 90:10) Taba yowa yi baba ka matla—tsotsone di makiye ke matsaka ya ma bolabodiyeng ke yenewa ba reng ke Sathane! Mo Jeso a hlatolla tso di makiyeng ke Diyabolo, o re: “Aa yi ngangarela nnete, ka taba la gore nnete a yi šiyo ho gage.” (Joh. 8:44) Le gana byalo Sathane aa na nnete, o sa na a ya mahlong “a fokola batho bo ba leng ga lefase lowa ka mokana ga lona” ka matsaka yage. (Kut. 12:9) Rune a re nyake go fokola ke Diyabolo. w18.10 6-7 ¶1-4

Bo ba leketsang go maka gore go dule go bebiye baa jabola. Lelata lo ba reng ke Jakobo le ngwadiye gore: “Seyengwa sa go loka se gašiwa seyemong sa go beba ga batho ba go beba.” (Jak. 3:18) Mo re phiriketsanne le ye mongwana wa lešaga kela wa ka ho phutegong, re ka kgopela Modimo re šwennye gore a re gelepe re bebe. Sosone se nyoko maka gore re lawole ke moya wa Jehova wa go hlawolega, re phele gabutši le go jabola ka matla. Jeso o hlayye gore di gabutši ka matla mo motho go le yene a yang ga ye mongwana gore ba ye maka gore go bebe, mo a re: “Byalo, mo o ka fo re o leya se o nyakang go se neya ku aletareng ke mokane mo o le gana hone wa gopola gore wene le mogagenu go na le mo le sa fitisanang gabutši, napa o lesetsa newo yone yago mone aletareng, ke mokane o tloge. Thomisa ka go maka gore go bebe magareng gago le mogagenu, ke mokane o sologe o tl’le neyela so o nyakang go se neya.”—Mat. 5:23, 24. w18.09 21 ¶17

Ke mo go le bošego bya mafelelo Jeso a soko kgwa mo a bolabola ampore ga 30 ka lerato. O bolabodiye a sa jikajiki gore di nyaka malata yage ma “ratanane.” (Joh. 15:12, 17) Tsa gore baa ratanana ke mo di nyoko ba lekgwaying la gore ba šale ba bonala gore ke bona malata yage ya mannete. (Joh. 13:35) Lerato lone a yi la go makela moyano. Jeso ke mo a bolabola ka taba ye nngwana ye kgolo ka matla—taba yone ke go tikona tse dingwana ka taba la go rata ba bangwana. O yitseri: “Aa šiyo le ka wweši wa go ba le lerato la go feta lowa, la mo motho a šinya a kgwela banghana bage. Ke lune banghana baka mo le maka tso ke reng le di make.” (Joh 15:13, 14) Batho gore ke malata ya Jehova lekgono re bona mo ba ratanana tsa mannete, go tikona dilo tse dingwana ka taba la ba bangwana le go dula ba mamarelanne ba le selo ka ssoši. (1 Joh. 3:10, 11) Re jabola ka matla mo re kene re bona lerato la rune la Sekreste le yeketsega ga malata ya Jehova le mo ba sa tshwane ka dipoleke, ditšo, mmolabolo kela ba sa gudisiwa go tshwana! w18.09 12 ¶1-2

Jehova o nyaka gore malata yage ma pasope mitši ya wona. Mo re beyisa, go gongwana di ka nyaka gore o kraye matogo gore o thogo pasopa ba genu. Bo mmane ba go tlala ba šala gaye le dibanenyana tsa ba bona. Bana ba bangwana ba gore ba šele ba golagudiye di ka fo nyaka gore ba pasope babelegi ba bona ba gore ba šele ba tsofele. Dilo tsone di tshwanele go makiwa. Mo tsa mohlobo wonone di go lebanne, a di šupi o ka ba le nako ya go tlala ya go maka tsa go yelana le Mmušo wa Modimo, le mo o ka fo ba o di nabela. Mara o sa hlopege! Jehova wa jabola mo o pasopa mutši wago. (1 Makor. 10:31) Mo nkare wene a o tleme ke selo gore o pasope ye mongwana, ke ntaba o sa gelepe magageru ka ho phutegong ba gore ba pasopiye magagabo bona ya go tsofala, ba go tilwalela kela ba go nyaka go gelepiwa ka tse dingwana? Ke ntaba o sa lebelele hone phutegong ya lune gore o ka gelepa mang? Mo o maka tsotsone, o ka fo ba o berekisana le Jehova gore a fetole thapelo ya mogageru yenene.—1 Makor. 10:24. w18.08 24 ¶3, 5

Josefa ke mo a na le gana hala ga 17 ya mongwaga mo bobhuti bage ba mo rekisa ka taba la mona, ba maka gore a ye ba lelata. Mo go soko makega dilo tsowa, Josefa ke mo a sa wele fase ga papage. (Gen. 37:2-4, 23-28) Josefa o fetsiye gana hala ga 13 ya mongwaga go le lelata fote a le jele ku Egepita, a le kgole ka matla le papage, Jakobo. Josefa o gelepiye king gore a sa nape a hluwa le go dula a tubiye? Mo Josefa a kene a hlopega ku jele, di šupa nkare o yye a nagana ka dilo tso ne di šupetsa gore Jehova wa mo rufa. (Gen. 39:21; Pis. 105:17-19) Moloro wo Josefa a yyeng a ba nawo mo go sa le ye monyana o ka fo ba o yye wa mo maka gore a tshepe gore Jehova o mo nyaka ka matla. (Gen. 37:5-11) Di ya šupetsa gore o yye a kgotolela Jehova mešekelo yage gatleletlele. (Pis. 145:18) Josefa o yye a rapela di mmaba, ke mokane Jehova a mo tshepisa gore O nyoko “ba naye” ga dilo ka mokana ga tsona tsa go mo phiriketsa. w18.10 28 ¶3-4

So se ka ga makang gore re tseyele batho fase ke gore ba ghannye kela baa hlopega. Tsa gore motho o ghannye kela wa hlopega di yelana byang le tsa gore re mo tshwara byang? Moya wa go hlawolega o yye wa tšhofa Solomoni go hlaya selo se sengwana sa go baba ka batho ba gore a baa yenela gabutši mmeleng ga temanyana ya lekgono. Seyema sowa se re tšhutisa ying? Mo re ka sa pasope, o ka kraya le rune re šele re nyaka go nghanelana le magageru ba gore ba yemme gabutši ke mokane ra nyenya ba nkare baa tihlopegela. Ke ntaba go le kotsi go kala batho go ya le ka gore ba yemme byang ka tsa lephelo? Mo re maka ka mokgonone, re ka tšhoga re makiye gore ka ho phutegong batho ba sa be selo ka ssoši. Jakobo wa lelata o yye a hlaya gore taba yononeng yi yye ya maka gore diphutego tse dingwana tsa ku botala di sa mamarelane. (Jak. 2:1-4) Di nyaka re sa lesetse dilo tsa mohlobo wonone di kena ka ho phutegong ya rune fote di nyaka re lwe le dilo tsa mošaga wonone tsa go fo lebelela motho ra ba re fetsiye ka yene. w18.08 10 ¶8-10

Di šupetsa ka mokgo re tshwaranang le magageru ka ho phutegong gore re leboga senghana sa rune le Jehova sa go hlawolega. Le bona ke batho ba Jehova. Mo taba yonone yi ka sa re khwanyogele, re nyoko dula re tshwarana le magageru gabutši le go ba nyaka ka matla. (1 Mathes. 5:15) Jeso o butsiye bo ba mo latelelang a re: “Batho ka mokana ga bona ba nyoko di tšiba gore ke lune malata ya ka—mo lune beng le nyakanana.” (Joh. 13:35) Sa go jabodisa ke gore Malaki o re Jehova “o re lebelele fote wa theetsela” mo batho bage ba kene ba bolabodisana. (Mal. 3:16) Jehova ka nnete “o tšiba bo go leng bage.” (2 Thim. 2:19) Tso re di makang le tso re di bolabolang o di tšiba gabutši. (Maheb. 4:13) Mo re sa tshware magageru gabutši ka ho phutegong, Jehova “o re lebelele fote wa theetsela.” Mo re yamogela divakaši, re sa konane, re tshwarana gabutši, re napa re tshepa gore Jehova le tsotsone o di lebelele.—Maheb. 13:16. w18.07 26 ¶15, 17

Di kwagala ka matla mo re mamarela ga Jehova. Aa šiyo wa go ba le matšhika, wa go hlalefa le wa go re nyaka ka matla go feta Modimo! Ke mang ho ga rune ye a sa nyakeng go ba ka lethokong la Modimo? (Pis. 96:4-6) Ba bangwana ba gore ke malata ya Modimo ba yye ba tekateka mo go segela nako ya gore ba tseye sepheto sa go yema le Jehova. Tla re bolaboleneng ka Kayine. Ke mo a sa tipotsa gore o rapela modimo ye mongwana, ke mo a re o rapela Jehova. Mara morapelo wa Kayine ke mo o sa jabodisi Modimo. Ke mo go tlele tsa go bola ka ho pelong yage. (1 Joh. 3:12) Jehova o yye a botsa Kayine gore: “Nje o ra gore mo o ka fo maka tsa gabutši nka sa go nyake? Mara mo o sa sokologe o ko di kweng ka gore sebe ke sosone se go ramele monyako, se go wonngwe, mara nje wene o ko se hlola?” (Gen. 4:6, 7) Gabutšibutši Jehova ke mo a botsa Kayine gore, “Mo o ka fo lesetsa tso o di makang ke mokane wa yema ka lethokong laka o sa thogathoge, le nna ke nyoko yema ka lethokong lago.” Mara Kayine aa theetsela mo ba mo kgala. w18.07 17 ¶1, 3; 18 ¶4

Mokgwa wo mongwana wa go khanyisa letshwifing ke go tšhomayela ditaba tsa go bafala le go maka batho gore ba be malata. (Mat. 28:19, 20) Se sengwana ke gore mo re titshwara di šupetsa gore ke rune Makreste, re thanakisa Jehova. Beng ba mitši le batho bo ba tifetelang ka tsela ba re lebelele gore maphelelo ya rune ma byang. Mo re ngwalangwala nabo le mo re ba tamisa gabutši, baa di bona gore re rapela Modimo wa mohlobo mang. Jeso o butsiye bo ba tšhutang gage gore “mo le kena mutšing le tamiseneng ba ntlong yonone.” (Mat. 10:12) Dipolekeng tso Jeso le mapostola yage ne ba tšhomayela gona ga go tlala, ke mo di makega tsa gore beng ba mitši ba meme batho ba gore a ba ba tšibi mitšing ya bona. Lekgono tsa go tshwana le tsotsone a di sa makega ga dipoleke tsa go tlala. Mara mo o segela gana hone o ba šupetsa gore wa ba jabolela fote o ba botsa gore o tlele ying, o ka bona mong wa mutši a thomisa go ba gabutši kela go beba. Ga go tlala mo o tamisa motho o kene o ngwalangwala, le yene o ba gabutši. Sosone se bereka le mo magageru ba banna le ba basadi ba tšhomayela ba berekisa sekoloyyane sa dipuku. O ko di boneng ga go tlala gore batho baa jabola mo ba go bona o ngwalangwala o boya o ba tamisa. w18.06 22 ¶4-5

Mopostola Petro o yye a di maka gatleletlele tsa gore a nyenye batho ba bangwana, a fo kwana le Majuda ma ntoši. Mara mo Modimo a šele a hlayye gore tsa go kgeranana aa kwane natso, Petro o yye a ye tšhomayelela lesole la Leroma lo ba reng ke Koroneliyo. (Meber. 10:28, 35) Go tlogisela gana hone, Petro o yye a thomisa go ja le batho ba mehlobo ye mengwana. Mara mo go šele go fitiye mengwaga ya go tlala, yene Petro fote o yye a lesetsa go ja le Makreste ya gore a yi wona Majuda nakwela ba le ku mutšing wa Antiyokiya. (Magal. 2:11-14) Pawulo aa mo jikajika, o yye a mo sola ka matla ga tsotsone, ke mokane le yene a theetsela. Mo Petro a ngwala borifi bya mathomo ku Asia Minor a bo ngwalela Makreste ya go leng Majuda le ya go tšwa mafaseng ya ka tawong, o thanakiye mogoba ka mokana ga wona wa magageru. (1 Pet. 1:1; 2:17) Nnete ke gore mapostola ma tšhutisiye ke Jeso go rata “batho ba mehlobo ka moka.” (Joh. 12:32; 1 Thim. 4:10) Tsona di ba tsere nako, mara ba feleletsiye ba wolologa monagano. Mo Makrese ya ku botala ma šele ma yapere “setho sa nyuwane,” kela bomotho, ma yye ma thomisa go di bona gore batho ka mokana ga bona ga Modimo baa lekana.—Makol. 3:10, 11. w18.06 11 ¶15-16

Mohlobo wo mongwana wa sephemo sa dikguba so ke mo se yapara ke lesole la Roma ku botala ke mo se na le masenke ya go tshekagana mo dimpeng. Kobo yone ke mo di nyaka gore le fele le lebelela gore nje masenkenyana yane a ma tšhomoge gore ma sa kwaletse pelo ya lona le tse dingwana gana ho mmeleng. Taba yowa yi re tšhutisa gore melawo ya Jehova ya go loka yi ka pasopa dipelo tsa rune tsa go fo tshwanisa! (Diy. 4:23) Lesole le ka sa tseye sephemo sa sekguba la se tšhentšhisa ka se sengwana sa go makiwa ka tshipi ya go khura, le rune re ka sa tšwe re lesetsiye melawo ya Jehova, ra bereka ka ya rune. Rune a re nape re di kgona tsa go tipasopa ka mokg’o go nyakegang. (Diy. 3:5, 6) So rune re tshwaneleng re se make ke go lebelela gore ayitsano ‘sephemo sa tshipi’ so re se neyyeng ke Jehova se sa swinegiye le gore nje dipelo tsa rune se sa di kogele gabutši. Mo re kene re kwana ka matla le nnete, go nyoko ba lola gore re yapare “sephemo sa dikguba” gore maphelelo ya rune ma thogo yelana le melawo ya Modimo.—Pis. 111:7, 8; 1 Joh. 5:3. w18.05 28 ¶3-4, 6-7

Le mo Moše a yye a lesetsa dilo tsa go tlala gore a thogo yetetsa batho, ba yye ba fo ya mahlong ba kene ba kokola ka meetši le ka yene mong Moše, tsa nkare ke yene a makiyeng gore ba wongwe meetši. (Dip. 20:1-5, 9-11) Moše o yye a kwata ka matla, a šinya a šitega go titshwara. Aa maka tso Jehova a mmutsiyeng tsona tsa gore a bolabole le letlapa lela, mara Moše o yye a kgwasolanya batho bale ke mokane a hlaya gore ke yene a ba neyang meetši. Ke mokane a teya letlapa lela gabedi, gwa tšwa meetši ya go tlala. O šinnye a sinya ka mokgo a makisa ke go kwata le go ba le magetla. (Pis. 106:32, 33) Moše o yye a phiriketsega ka gonyananyana a šitega go tinyanafatsa, tsotsone tsa maka gore a sa kene ga Lefase lo ne ba Tshepisiwwe lona. (Dip. 20:12) Go na le dilo tse dikgolo tso re di tšhutang ga taba yowa. Sa mathomo ke gore di nyaka re sa lesetse go karakara gore re dule re tinyanafatsiye. Mo re ka fo šepisa ka gonyana, re ka thomisa go ba le magetla ke mokane ra maka kela ra bolabola dilo re sa nagana. Sa bobedi ke gore go šekela go ka re lelemetsa, byalo di nyaka re karakare gore re dule re tinyanafatsiye, le mo go ka fo ba go roba byang. w19.02 12-13 ¶19-21

Ayitsano di napa di ro roba go maka tso Jeso a itsering re di make tsa go tšhomayela? Le ka go nyana. Mo Jeso a fetsa go tshwanisa ka modhriva, o itseri rune bo re tšhomayelang ditaba tso tsa Mmušo re nyoko jabola. (Joh. 15:11) Gabutšibutši o ro boya a re tshepisa le gore ka mokgo a jabodiyeng ka gona, le rune re nyoko ba sone. Anthe o ra byang tsetseni? Jeso yene o titshwanisiye le modhriva ke mokane bo ba mo latelelang a ba tshwanisa le makala ya gona. (Joh. 15:5) Modhriva wo thegana le makala. Mo makala ma sa mamarelanne le modhriva wone, ma kraya meetši ya go lekanela le tse dingwana gana hone modhriveng. Le rune mo re ka fo dula re mamarelanne le Kreste, ra latelela mo a gatiyeng, re nyoko jabola go tshwana naye ka mokgo a jabolelang go maka so Papage a se nyakang. (Joh. 4:34; 17:13; 1 Pet. 2:21) Mosadi ye mongwana ye ba reng ke Hanne wa gore o phayonne 40 ya mongwaga, o re, “Ka mokgo ke jabolang mo ke tšwa tšhomong, sosone se nama se maka gore ke nabele go ya mahlong ke berekela Jehova.” Mo re jabodiye tsa mannete, re ba le matšhika ya go ya mahlong re tšhomayela le ga tšhomo ya go thatafa kela ya go tshwatisa.—Mat. 5:10-12. w18.05 17 ¶2; 20 ¶14

Ka nako tsetsela tsa botala, di ka makega gore mopostola ye a tiyisiyeng magagabo ka matla ke mo go le mopostola Pawulo. O yye a tšhofa ke moya wa go hlawolega gore a ye tšhomayela ga batho ba mehlobohlobo ba lefaseng la Maroma le Magerika, bo ke mo ba rapela medimo ya go tlala ya dithombhe. (Magal. 2:7-9) Pawulo o yye tlase le kgakala polekeng yo gana byalo ba reng ke Turkey, le ku Gerika le Italy, a tsama a yaga diphutego tsa Makreste le ga bo go seng Majuda. Makreste yawa ya gore a yi botala ma sokologiye ke mo ma “hlorisa ke batho ba polekeng yo ma dulang ga yona,” ke mo ba nyaka go tiyisiwa. (1 Mathes. 2:14) Gana mola ga mongwaga wa bo 50 C.E., Pawulo o ngwalele phutego ye nyana ya ku Thesalonika a re: “Re dula re leboga Modimo mo re hlaya lune ka moka ga dithapelo tsa rune, ka taba la gore re ya mahlong re gopola gore le bereka ka go tshepega, le karakara ka go di nyaka fote le ya tiyisela.” (1 Mathes. 1:2, 3) Fote o ba yeletsiye gore ba tiyisane mo a re: “Le sa lesetse go tiyisana le go yagana.”—1 Mathes. 5:11. w18.04 18-19 ¶16-17

Lethari lo le dulang le nagana ka go jabodisa Jehova le beya taba ya tšhomo mahlong. Ka taba la gore mmereko wa rune wa go tšhomayela wo yakgoswiye, re tshwanele re wo bereke go feta dilo tsa rune. Ke ntaba o sa tipotse gore wene o nyaka go bereka tšhomo ka matla? Ke ntaba le wene o sa phayone? Byalo o nyoko re king mo tsa tšhomo di sa go tikisi kela o fo kwa o kgongwela? Se sengwana ke gore o ka maka byang gore o lokotše matšhomayelelo yago? Dilo tso di ka go gelepang nka dipedi ke tso: Lukiselela gabutši, fote o sa kwe o tshwata go botsa ba bangwana ka tso o di tšibang. O ka tla wa šala o makele mo o šele o kwa monate wa go tšhomayela. O ka fo thomisa ka go nyakana le phetolo ya putsiso ya gore ga go tlala bana ba sekolo ba bolabola ka yona kela go yi butsisa, ya go tshwana le yo ya gore: “Ke ntaba o tshepa gore go na le Modimo?” Re na le wepesayete ya jw.org ya go ba le dihlogotaba tsa gore di makediwwe wona mathari gore ma kgone go titšhutisa go tifetolela yona putsiso yone. Gana hone o ko kraya lephephe la go ngwadiwa gore “Ke Ntaba o Tshepa Gore go na le Modimo?” Diphephane tsone di nyoko go gelepa gore o lukiselele gabutši phetolo yago. w18.04 27 ¶10-11

Ku mathomisong Adamo le Efa ke mo ba lokologiye ga dilo tsa go tlala, mara ke mo go na le mo ba ba kgereleng gore ba sa tlole. Tse dingwana ke mo ba di maka ka taba la gore ka hlago batho baa di maka. Mo re beyisa, babelegi ba rune ke mo ba di tšiba gabutši gore mo ba nyaka go ya mahlong ba phela, ba tshwanele go wona, go ja, go yetsela le go maka tse dingwana. Ayitsano mo ba kene ba maka tsotsone, ke mo ba nyoko kwa nkare go lokologa howa go ba khwanyogele? Awwa, ka taba la gore Jehova o di bonne gabutši gore mo ba ka fo ya mahlong ba kene ba maka dilo tsone ka moka matšatši, ba nyoko jaboleng fote ba nyoko tikwa ba yenele. (Pis. 104:14, 15; Mmo. 3:12, 13) Jehova o butsiye Adamo and Efa gore ba tlatse lefase lo fote ba le pasope. Ayitsano taba yone ba kwile nkare yi ba swinelele, ba šinya ba kwa nkare ba šitega le go wona? Le ka gonyana! Taba yo yi makiye gore le bona ba tšhele letsogo ga tso Modimo a di makiyeng—tsa go maka gore lefase lo go be pharadeyisi ya go ya go yye yo go dulang batho ba gore ba yenele mmeleng. (Pis. 127:3; Jes. 45:18) Hala Adamo le Efa ba makiye tsona, ke mo ba nyoko phela ba jabodiye mutšing wa bona le go jabodisa ke dilo tsa go tlala mo ba kene ba phela go ya go yye. w18.04 4-5 ¶4, 7-8

Mo nkare re lefisela batho ba ku tšhomong pelo, re ka sa ba jage gore ba kwisise kela go yamogela dinnete tsa Baebele go sa le la mathomo ba di kwa. Mo re beyisa, nagana ka mokgo o ka gelepang motho gore a kwisise tshepo yo re nang nayo ya lephelo la go ya go yye pharadeyising ho lefaseng. Ba go tlala ba tseya gore mo motho a kgwile, ke moka ka yene kela ba re batho ka mokana ga bona ba go loka mo ba kgwile ba ya legedimong. Bona gore mogageru ye mongwana yene o gelepa batho byang gore ba kwisise taba yowa. O thomisa ka go bala Genesi 1:28. Ke mokane, o butsisa mong wa mutši gore Modimo ke mo a nyaka gore batho ba phele kaye fote ba phele lephelo la mošaga mang. Ba go tlala ba fetola ka gore, “Ke mo a nyaka ba phele ho lefaseng ba jabodiye.” Ke mokane mogageru yewa o bala Jesaya 55:11, mo a fetsa o butsisa gore nje so Modimo ke mo a nyaka go se maka se tšhentšhiye. Ga go tlala mong wa mutši o fetola ka gore awwa. Lengwalo la mafelelo lo a le balang ke la Pisalema 37:10, 11, ke mokane a butsisa gore lephelo la batho le nyoko ba byang ku mahlong. O gelepiye ba go tlala a berekisa Mangwalo ka mokgononeng gore ba di kwisise tsa gore Modimo o sa na a di nyaka gore batho ba tle ba phele go ya go yye lefaseng la Pharadeyisi. w19.03 24 ¶14-15; 25 ¶19

Jehova o yi beyye lekgwaying taba ya gore re tshwanele re theetsele so Morwayi wage a se bolabolang. Jeso o tšhutisiye bo ba mo latelelang ka mokgo ba tshwaneleng ba sabalatse ditaba tsa go bafala ka gona, a boya a šihlela taba ya gore ba sa kobole. (Mat. 24:42; 28:19, 20) Fote o yye a ba botsa gore ba sa šepise, a boya a ba kutšetsela gore ba sa tene. (Luk. 13:24) Jeso o šihlele taba ya gore bo ba mo latelelang ba tshwanele ba nyakanane, ba dule ba le ngata ka yyoši, fote ba theetsele melawo yage. (Joh. 15:10, 12, 13) Taba yo yi sa na yi bereka le lekgono go fo tshwana le ka nako tsela Jeso a sa yi bolabola. Jeso yitseri: “Go šupetsa gore motho o nneteng o theetsela lentsu laka.” (Joh. 18:37) Re nyoko ba re theetsela lentsu lage mo re ya mahlong re “tiyiselana re boya re tshwarelana mahala.” (Makol. 3:13; Luk. 17:3, 4) Fote re foya mahlong re kene re tšhomayela ditaba tsa go bafala “ga dinako tsa go temeka le tsa go baba ka matla” go šupetsa gore re theetsela lentsu lage.—2 Thim. 4:2. w19.03 10 ¶9-10