April

Rune gee? Ayitsano re kutšetsela ke Modimo kela ke lefase lowa? Nnete re ka fo ba re karakariye ka matla gore maphelelo ya rune ma yelane le tso di nyakang ke Modimo. Mara nje le tso re di naganang di ka mokgonone? Nje re maka gore tso re di naganang le ka mokgo re bonang dilo go yelane le tsa Jehova? Di nyaka re ro ganya dikobo gore re make ka mokgonone. Ka thoko, a di nyake re leketsa go nagana go tshwana le lefase lowa. Tsotsone di maka ke gore moya wa lefase lowa wo go gongwana le go gongwana mo re phelang gona. (Maef. 2:2) Mo re tokegela gana hone, re ka tšhoga re wokiye ke ka mokgo batho ba lefase lowa ba naganang ka gona ka taba la gore ga go tlala ba leketsa go maka dilo tsa go nabetsa. Ke nnete gore go nagana go tshwana le Jehova a di lola, mara go nagana go tshwana le lefase, yi fo ba mothebenene. Mara mo re lesetsa lefase lowa le re kutšetsela, re ka thomisa go kwana le dilo tso di jabodisang rune le go sa di nyake go butsiwa gore re titshware byang. (Mar. 7:21, 22) Byalo, di gabutši ka matla gore re tšhute go ‘nagana tsa Modimo,’ re sa ‘nagane tsa batho.’ w18.11 18 ¶1; 19 ¶3-4

Di šupa nkare Jeso o yye a tiyelela ka matla mo Jehova a mo thanaka gararo, a bolabola di kwala a le gana ku legedimong. Mo Jeso a šele a kolobetsiwwe ku Nokeng ya Jorodane, Jehova o bolabodiye mantsu ya ma leng ka ho kgakala. Di šupetsa nkare Johane wa go Kolobetsa ke ye mongwana ye a kweleng mantsu yane. Mo go sa šele mongwaga ka wwoši Jeso a soko kgwa, mapostola yage ya mangwana ka mararo ma yye ma kwa Jehova a bolabolola ka Jeso a re: “Yewa ke yene Morwayi waka, ye ke mo nyakang ka matla, ke mo yamogele. Mo theetseleneng.” (Mat. 17:5) Ke mokane mo go sa šele matšatšinyana Jeso a soko kgwa, Jehova o yye a bolabola le Morwayi wage fotefote, a le gana ku legedimong. (Joh. 12:28) Jeso ke mo a di tšiba tsa gore mo ba soko mmolaya ba nyoko mo maka lešidi, ba mmolabolela matsaka ya gore wa rogelelana, mara o yye a rapelela gore go sa makege tso di nyakang ke yene, go makege tso di nyakang ke Jehova. (Mat. 26:39, 42) “O tiyisele phate ya mohlopego le go tšebisiwa,” ke mo a sa nyake ka matlamatla go tšiba ke batho, ke mo a nyaka go tšiba ka matla ke Papage a ntoši.—Maheb. 12:2. w18.07 10-11 ¶15-16

Mo Jeso a fetsa go bolabola ka Selalelo sa Morena, o yye a šupetsa gore o na le lešiši ka matla. Byang? Jeso o yye a maka tso Papage a di nyakang le mo ne a tšiba gore tsotsone di nyoko maka gore ba mmolaye ka taba la gore ba tseya gore o rogelele Modimo. (Mat. 26:65, 66) Jeso o yye a dula a tshepega gore lebitso la Jehova le sa poyidiwi, a thanakisa go lawola ga Modimo ke mokane a maka gore batho ba go tisola ba tle ba kraye lephelo la go ya go yye. Ka nako yonone, ke mo a kene a lukiselela bo ba mo latelelang gore ba thogo yema mo go nyarela tsa go baba go se botala. Jeso fote o šupetsiye gore o na le lešiši nakwela a sa šekele ka tso ne di mo phiriketsa ke mokane a lebelela tso di nyakang ke mapostola yage ya go tshepega. Mogahlano wowa wa gore o ba butsiye ka wona ka nthago ga gore a rake Judase, ke mo wo nyoko gopotsa bo ne go nyoko ba malata yage ya go tlotsiwa gore madi ya Jeso ya ma yyeng ma falala ma ba gelepa ka ying le gore di ba gelepa ka ying tsa go kena ga kwano ya nyuwane.—1 Makor. 10:16, 17. w19.01 22 ¶7-8

Jeso a fo kwa Papage a fetola a le legedimong a re: “Ke Ie gadimisiye fote ke sa nyoko le gadimisa.” So ne se hlopa Jeso ke gore ke mo a na le mmereko wa go tlala wa gore o tshwanele a berekele Jehova a tshepegiye. Ke mo a ditšiba gabutši gore o nyoko hlopegisiwa a boya a kgwisa lešidi. (Mat. 26:38) So ke mo a hlopegiye ka sona ka matla ke gore a gadimise lebitso la Papage. Jeso ba yye ba mmolabolela matsaka, fote ke mo a kwa di mo kokona ka taba la gore sosone ne se nyoko tupetsanya lebitso la Modimo. Le rune re ka kwa di re baba mo lebitso la Modimo le tupetsiwa go fo tshwana le ka mokgo Jeso ne a tikwa ka gona. Nakwenngwana le rune re tshwariwa bošidi go tshwana le Jeso. Kela re ka fo ba re hlakahlakanya ke ditaba tsa matsaka tso ba di bolabolang ka rune. Re ka fo hlopa ke gore ba sinya lebitso la Jehova. Mantsu ya Modimo ma dula ma re kgomoletsa mo re tikwa ka mokgonone. Jehova a ka sa šite ke go gadimisa lebitso lage.—Pis. 94:22, 23; Jes. 65:17. w19.03 11-12 ¶14-16

Taba yowa ke mo yi kwala nkare ke moloro ga malata ya Jeso. Ke mo ba yemele gore Jeso o nyoko lukisa mmušo wa Israyele, byalo yene o ba botsa gore go se botala o nyoko hlopegisiwa ke mokane ba mmolaya. Petro wa lepostola ke mo yi mo kokona ka matla taba yowa, a šinya a bolabola. O yitseri: “Morena, tikwele go baba; dilo tsone di ka sa makege gago le ka gonyana.” Jeso o yye a gana, a re: “Tloga ho mahlong gaka, Sathane! O ka šinya o n’ghula, ka gore tso o di naganang a yi tsa Modimo, ke tsa batho.” (Mat. 16:22, 23; Meber. 1:6) Mo Jeso a bolabola mantsu wone, o yye a šupetsa gore go nagana dilo tsa go tšwa ga Modimo le go nagana dilo tsa lefase lowa la go lawola ke Sathane a go tshwane. (1 Joh. 5:19) Petro ke mo a šupetsa gore o kutšetsela ke lefase lowa la go nyaka gore motho a tikwele go baba. Mara Jeso ke mo a di tšiba tsa gore Papage aa nagane ka mokgonone. Mo Jeso a fetola Petro, o yye a gana go kutšetsela ke lefase ke mokane a šupetsa gore o nyaka tso tsa Jehova. w18.11 18 ¶1-2

Nje o yye wa nagana gore Jehova o fo re king mo a bona batho ba go teya ka ku ga dimiliyone ba gahlana gore ba tle ba gopole Selalelo sa Morena. O bona motho ye mongwana le ye mongwana ye a segeleng. O kene wa ba bona batho ba go tshepega bo ba tlang mongwaga wo mongwana le wo mongwana. O fo kraya mone ga batho bone go na le bo ba kwang tsa go sasamela ka matla, mara ba fo tla le mo go na go le sone. Ba bangwana ke ba gore ba fela ba nyarela ga megahlano ya rune ye mengwana, mara Segopotsong gona a ba gayele. Go ba le ba bangwana fote ba gore go ro ba la mathomo ba segela Segopotsong ba re ba nyaka go bona gore go makega ying, le bobone Jehova o kene o ba lebelele. Jehova wa jabola mo a bona batho ba ya Segopotsong go le mong sekwata. (Luk. 22:19) Mara o jabodisa ke go tšiba gore ba tšhofiye king mo ba šinya ba tla; sosone ke se segolo ka matla ga Jehova. Ayitsano re di nyaka ka matla tsa gore re tšhutise ke Jehova le mokgahlo wage?—Jes. 30:20; Joh 6:45. w19.01 26 ¶1-3

Jeso ke mo a tikemisele go kgwela bo ba mo latelelang le go yetisa mahlong dilo tso ba di nyakang ka moka matšatši. Mo re beyisa, ka nako tsela a tinnwe kela a kgongwele, o yye a gahlana le bo ba mo latelelang. (Luk. 22:39-46) O yye a hlopega ka matla ka tso a ka di neyang batho ba bangwana, a sa lebelela gore bona ba neye yene. (Mat. 20:28) Ke rune fela ba gore re Makreste ya mannete ya gore re bana ba motho, fote re jabolela go mema batho ka mokgo re ka kgonang gore ba tle ba gahlanele le rune. Mara ka matlamatla re nabela go gelepa bo re ‘šagelanang nabo tumelong’ ba gore ba šele baa bata ga tso tsa Modimo. (Magal. 6:10) Re šupetsa gore re ba nyaka ka matla mo re ba hlohletsela gore ba tle megahlanong, ka matlamatla Segopotsong. Le rune re jabola ka matla go tshwana le Jehova le Jeso mo re bona bo ba gore ke mo ba thomisiye go bata ba boyela ga Jehova —Mat. 18:14. w19.01 29 ¶12, 14; 30 ¶15

Mo Jeso a thomisa taba yowa ya gore go be le Segopotso sa likgu lage, tso a yyeng a di berekisa ke mo go fo ba sekgwa sa gore a se na dikomelo le wayini yo ne yi le gona. Jeso o butsiye mapostola yage gore dilo tsowa ka dipedi ke setšha go le mmele wage le madi yage ya gore a ma na selabi, tsa gore go se botala ke mo a nyoko di berekisa go le sehlabelo ka taba la bona. Di ka makega gore mapostola yawa a maa makala mo dilo di makega lula ga mogahlano wowa. Ke ntaba? Dikgwedinyana ku nthagonyana, mutšing wa banghana bage ba bagolo—Lazaro, Mata le Mariya—Jeso o yye a thomisa go ba tšhutisa. Mata ke mo a le gona, mara ke mo go na le dilo tso di mo tshwarelelang tsa go yapegela sevakaši sage sa go hlompega tsa go ja tsa go tlala. Mo Jeso a di bona tsa gore Mata o tshwaraganne ka matla ka go yapega, o yye a mo wolola, a mo gelepa gore a sa nape a yapega dikhenekhene. (Luk. 10:40-42) Mo Jeso a šele a le thina le go kgwa, le yene o yye a maka tsotso ne a fela a di botsa batho ba bangwana. O makiye dilo tsa gore di lula mo a šupetsa gore Segopotso se makiwe byang. w19.01 20-21 ¶3-4

Jehova o yye a rufa Jeso a sa di nagana, go šupetsa gore wa mo tšiba, a mo tsosa mabitleng ke mokane a mmeya ga mayemo “ya gedimo ka matla” a boya a mo neya selo se sengwana sa gore le motho ka wwoši aa soko se kraya—go phela go ya go yye ku legedimong la gore a ka sa sa kgwa! (Mafil. 2:9; 1 Thim. 6:16) Jeso o rufiwwe ka matla ka taba la go tshepega, go šupetsa gore wa tšibega! Re ka gelepa king gore re sa lelekisane le go nyaka go thanaka ke lefase lowa? O dule o di tšiba tsa gore ka moka matšatši Jehova wa ma tšiba malata yage ya gore maa tshepega le gore ga go tlala o ma rufa ma sa nagana. Nje o gona ye a ka reng yene wa di tšiba gore ku mahlong re nyoko tla re rufiwa ka ying? Mara gana byalo, mo re kene re tiyisela tsa go roba le tsa go re phiriketsa, tla re sa lebaleneng gore lefase lowa le ya tiphetela. (1 Joh. 2:17) Papa wa rune ye a re nyakang ka matla, Jehova, ‘a yi tsona tsa gore aa loka la gore a ka šinya a lebala mmereko wa rune le ka mokg’o re šupetsiyeng gore lebitso lage re le nyaka ka matla.’—Maheb. 6:10. w18.07 11 ¶17-18

Mo Jeso a kene a ja tsa go ja tsa mafelelo a na le mapostola yage, ke mo a kene a šekela ka taba ya go mamarelana. Mo a kene a rapela a le nabo, o yye a bolabola ka so a se nabelelang bo ba tšhutang gage gore ba mamarelane go tshwana naye le Papage. Mo ba le selo ka seteya, ke mo di nyoko šupetsa gabutši gore Jeso mo a šinya a tla ho lefaseng ke mo a romme ke Jehova gore a tle a make tso Modimo a di nyakang. Setwaba sa malata ya Jeso ya mannete ke lerato lo le makang gore ba dule ba mamarelanne ba le selo ka seteya. (Joh. 13:34, 35) Di ya kwala mo Jeso a šinya a šihlela taba ya go ba selo ka seteya. Ke mo a di bonne gabutši gore ga mapostola yage, go gongwana gwa kgwelakgwehla, a ba tšhayisane gabutši, go tshwana le nakwela a ja nabo tsa go ja tsa mafelelo. Taba yela ya bona yi yye ya tsoga fote, ba thomisa go phigisana ka gore “ke mang wa bona ye a tišupang nkare ke ye mogolo ka matla.” (Luk. 22:24-27; Mar. 9:33, 34) Tšatši le lengwana, Jakobo le Johane ba yye ba kgopela Jeso gore a ba beye ga nkare go gedimo thina naye Mmušong wage.—Mar. 10:35-40. w18.06 8 ¶1-2

Jehova o nyaka gore monna le mosadi wage ba nyakanane ka matla gore go be tsa go ya go yye. (Mat. 19:3-6) Selo se segolo sa go befa sa go di feta ka moka so motho a ka se makang ke bonghwahla. Hala ga Melawo ye Lesome, go na le taba ya go kwala gabutši yo yi makang gore wa bošupa o gane taba yowa ya bonghwahla. (Dot. 5:18) Ke go ‘sinyela Modimo’ fote motho wa go maka tsotsone o šupetsa gore o na le lešidi ga motho ye a nyalanneng naye. (Gen. 39:7-9) Fote motho ye ba mo makeleng bonghwahla di ka mo kwisa go baba mengwaga ya go tlala ka matla. Jehova fote o kwelana ka matla le bananyana. Jehova o yitseri babelegi ba neye bana ba bona tso ba di hlokang gore ba phele le gore ba be le senghana sa gabutši le Modimo. Ke mo di nyaka gore babelegi ba berekise lešuba le lengwana le le lengwana lo ba le krayang go tšhutisa bana ba bona ka melawo ya Jehova le go tšhuta go mo nyaka ka matla. (Dot. 6:6-9; 7:13) Ke mo di sa nyake babelegi ba tseya nkare bana ba bona go fo ba dilo nje tsa gore di fo tshwariwa ka mokgo mongwana le wo mongwana, mara ke mo di nyaka ba ba tseye go le so Jehova a ba neyyeng sona fote ba ba tseyele gedimo ka matla.—Pis. 127:3. w19.02 21 ¶5, 7

Jobo o kgonne go tshepega ka taba la gore ke mo a dula a naganne ka tso Modimo a nyoko mo rufang ka tsona. Ke mo a di tshepa tsa gore Modimo wa jabola mo a mmona a tshepega. Le mo Jobo a kene a ghula ke tse dingwana, ke mo a di tšiba tsa gore Jehova o nyoko feleletsa a mo rufiye. Taba yowa yi mo gelepiye ka matla gore a tshepege. Jehova o yye a jabola ka matla mo a bona Jobo a tshepega ke mokane a mo rufa ka matla a sa na a le motho wa gore aa felegelela! (Job. 42:12-17; Jak. 5:11) Fote o sa na a nyoko mo rufa ka matla ga Jobo. Modimo wa rune o sa na a le ka mokgonola. (Mal. 3:6) Mo re ka sa lebale gore re mo jabodisa ka matla mo re tshepega, re nyoko dula re naganne ka tsa go bafala tso a re beyeleng tsona ku mahlong. (1 Mathes. 5:8, 9) Go gongwana o ka fo kwa nkare o karakara o ntoši o leketsa go tshepega, mara a yi wene o ntoši. O nyoko ba gare ga dimiliyoni tsa batho ba go tshepega lefaseng ka mokana ga lona. Fote o nyoko ba gare ga banna le basadi ba ku botala ba gore ba na le tumelo, bo ba yyeng ba tshepega le mo ba di bona gore ba ka fo bolayiwa.—Maheb. 11:36-38; 12:1. w19.02 7 ¶15-16

Mo dinako tsa Segopotso di kene di feta, tla re tiputsiseneng diputsiso ke tsowa: ‘Nka tseyela ga Jeso byang wa kraya le nna ke kwana nabo batho? Ayitsano ke naganela magageru ka ho phutegong go feta nna mong? Nje a ke lebelele gore magageru ka ho phutegong ma mmakele dilo tsa go feta tso ba di kgonang kela ke ya di bona gore tso ba di kgonang di kgera kaye?’ Le rune tla re tshwaneneng le Jeso, re “naganelaneneng.” Taba yowa ya Segopotso sa likgu la Kreste yi nyoko segela le mo yi felang. Mo Jeso a “segela” ka nako ya motšhatšhamelo wo mogolo, o nyoko hlekeletsa bo ba sa ga šeleng ba gore “ba hlawodiwwe” gore ba ye legedimong, ke mokane go nyoko ba go fediye gana hone ka Segopotso. (1 Makor. 11:26; Mat. 24:31) Le mo Segopotso se ko ba se sa sa le šiyo, malata ya Jehova ma ka sa yi lebale taba yowa ya gore a yi hlupi go yi maka, ka taba la gore ke yona yi ba šupetsiyeng gore a go na motho wa gore o ba nyakiye go tshwana le yenewa, wa go ba le lešiši le wa go tinyanafatsa. w19.01 25 ¶17-19

Bona gore ho mmeleng re šupetsa ka ying gore ke rune ba mohlobo mang ka ho teng. Sa mathomo ke gore mo re nyaka go dula re philegiye, di nyaka re je tsa go ja tsa gore di ya re yaga fote re dule re jima gore re thogo wolologa. Byalo, di nyaka re bale Baebele ka moka matšatši le dipuku tsa mokgahlo fote re ye mahlong re tshepegela Jehova gore re thogo dula re philegiye ga tso tsa Modimo. Mo re berekisa tso re di balang re boya re botsa batho ba bangwana ka tso re di dumelang, re šupetsa gore re na le tumelo. (Mrm. 10:8-10; Jak. 2:26) Sa bobedi ke gore mo re tilebelela, re ka fo tseya nkare re philegiye, mara wa kraya gore ka ho teng re fehliye. Le mo ga tsa Modimo go ka mokgonone, re ka fo tipotsa gore tumelo ya rune yi tiyelele mara wa kraya dipelo tsa rune di nagana dilo tsa go kekema. (1 Makor. 10:12; Jak. 1:14, 15) A di nyake re lebala gore Sathane o nyaka go maka gore re fokoge. w19.01 15 ¶4-5

Re ka tiputsisa gore: ‘Ayitsano nna ke ya di maka tsotsone? Ayitsano nna ke ya di maka tso di makiyeng ke Lesamariya lela la pelo ya gabutši?’ (Luk. 10:30-35) ‘Mara nje nka sa di kgone go yeketsa ga tso ke di makang tsa go kwelana le batho ba go hlopega le go ba makela dilo tsa gabutši? Mo re beyisa, ayitsano nka sa gelepe bokokwane ba ka howa phutegong, ba gore ba hlokofalele ke banna le bana ba gore bopapa ba bona a ba gahlanele? Ayitsano nka leketsa go “bolabola nkene ke kgomoletsa batho bowa ba gore ba gatelelegiye”?’ (1 Mathes. 5:14; Jak. 1:27) Mo re kwelana le batho ba bangwana, re kwa re jabola ka taba la ho re ba gelepiye. Fote re di tšiba gabutši tsa gore ga Jehova yene re ya mo jabodisa. (Meber. 20:35; Maheb. 13:16) Kgoši Dafita mo a bolabola ka batho ba go kwelana go baba o yitseri: “Jehova o nyoko mo pasopa, a boya a mo phidisa. O nyoko jabola ho a le ho lefaseng.” (Pis. 41:1, 2) Mo re šupetsa ka tso re di makang gore re ya resa mo re re re kwela batho go baba, tsotsone di nyoko maka gore le rune Jehova a re kwele go baba, ke mokane ra tla ra jabola go ya go yye.—Jak. 2:13. w18.09 19 ¶11-12

Mogageru ye mongwana wa mosadi wa go tshepega ye ba reng ke Yoshiko ba yye ba mmotsa ditaba tsa go gakga. Dogotela wage o yye a mmotsa gore go se botala o nyoko kgwa. Byalo Yoshiko o yye a re king? O yye a nagana lengwalo la Baebele la go mo papatela pelo la temanyana ya lekgono. Byalo o yye a botsa dogotela wage gore aa tšhoge selo, ka taba la gore Jehova o mo ngangarele ka letsogo. Taba yo mogageru yewa a yi krayyeng ga lengwalo lowa yi mo gelepiye gore a tshepele ga Jehova a nape a ro felegelela gona. Le rune mo go na le tso di re kgahleletsiyeng, re ka nagana ka temanyana yowa ka taba la gore yi nyoko re kgomoletsa. Mo Jehova a šinya a botsa Jesaya gore a ngwale mantsu yane, ke mo a makela gore a kgomoletse Majuda ya gore ke mo ma nyoko yisiwa bobhantiting Bhabhilona. Mara Jehova o yye a re ditaba tsone di ngwadiwe gore di gelepe Majuda yane ya gore ke mo ma nyoko ya bobhantiting le go gelepa batho bage ka mokana ga bona go tlugisela ka nako yonone go segela lekgono. (Jes. 40:8; Mrm. 15:4) Lekgono re phela ga “dinako tsa go sasamela tsa gore gwa thathafa go phela ga tsona,” byalo re di nyaka ka matla go tiyisiwa ka mantsu ya go tshwana le ya ma leng ho ga puku ya Jesaya.—2 Thim. 3:1. w19.01 2 ¶1-2

Le mo batho ba ka fo ba ba yaroganne, go sa na go le monna le mosadi ba gore ba šadiyefote le mo ba ka fo kgeta go yarogana, ga tse dingwana ba ka fo gahlana le ntshetshere. Pawulo wa lepostola o bolabodiye ka taba ye nngwana yo yi ka makang gore monna le mosadi ba sa mamarologane: “Monna wa gore aa dumele o hlawogiye ka taba la mosadi wage, le mosadi wa gore aa dumele o hlawogiye ka taba la monna wage; mola go se ka mokgonone, bana ba lune nke ba sa yela, mara gana byalo ba hlawolegiye.” (1 Makor. 7:14) Makreste ya go tlala ma yye ma fo dula le banna kela basadi ba bona ba gore a ba dumele, le mo ba na ba kwa go sasamela ka matla. Ba bangwana ba yye ba di bona gore go tiyisela ga bona go yye gwa gelepa ka matla, ka taba la gore banna kela basadi ba bona ba yye ba feleletsa go le Dihlatse tsa Jehova. (1 Makor. 7:16; 1 Pet. 3:1, 2) Makreste ya go tlala ga diphutego tsa lefase ka mokana ga lona, tsa lenyalo di ba sepelela gabutši. Le ga phutego ya lune, o ka kraya gore le nabo banna le basadi ba gore ba jabodiye ka mitšing ya bona. Banna bowa ba go tshepega ba ba nyaka ka matla ga basadi ba bona fote le basadi ba bona ba ba nyaka ka matla ga banna ba bona, tsotsone di napa di ro šupetsa gore di nyaka lenyalo le hlompiwe.—Maheb. 13:4. w18.12 14 ¶18-19

Lentsu la gore Edeni le rela “Go jabola,” fote ga tšhomo yone ka nnete ke mo go jabodisa. Tsa go ja ke mo di tlele la go tshosa, poleke yone go le ya go bafala ka matla fote le diphoolwane ke mo di fo tijikajikela di sa hlope ke selo. (Gen. 1:29-31) Lentsu la Seheberu la “tšhomo,” ka Segerika ba re ke pa·raʹdei·sos. Puku ye nngwana ya go ngwala ke M’Clintock le Strong mo yi bolabola ka pa·raʹdei·sos yowa yi re: “Ke poleke ya go bulega ka matla, ya go bafala, ya go dulega, ya go fo dula yi lebelelega, ya go ba le mašahla ya gabutši, ya go tlala dihlare tsa go yengwa, fote yi kraya meetši ya go tšwa dinokaneng tsa ho thina, ke mokane mo thina le dinokana tsone go sepela merape ya go tlala ya diphala kela dinku—sowa ke mong sona so monna yela wa go tisepelela wa Legerika ne a se naganne.” (Yi tshwanise le Genesi 2:15, 16.) Modimo o beyye Adamo le Efa ga pharadeyisi ya mohlobo wonone, mara bona beng ba tipolayisiye ka go sa theetsele Modimo. Tsa Pharadeyisi ga bona di yye tsa šaša, le bana ba bona a baa yi bona. (Gen. 3:23, 24) Ga tšhomo yone go yye gwa fo šala go yitsa, kela yi šinnye yi suwelanya ke Mogogola wola wa Nnowa mo wo segela. w18.12 3-4 ¶3-5

Babelegi baa karakara gore ba tšhutise bana ba bona maphelelo ya gabutši. Mo bana ba tipotsa gore bona ba nyoko phela ka tso ba di kweleng ga babelegi ba bona, ga go tlala ba ka segelela sepheto sa gore ba ka sa tle ba tisola. Tsotsone di nyoko maka gore ba sa thindi dilo tsa go sa ye ka tsela le go šekela ka tsa go tlala. Jehova o tshwana le mmelegi wa gabutši ka matla, o nyaka gore bana bage ba jabolele lephelo ka matla. (Jes. 48:18) Byalo o ba botsa tso ba ka ga di makang gore ba thogo titshwara gabutši le go tshwara ba bangwana gabutši. Ga ditaba tsa mošaga wonone, o re tšhutisa gore re leketse go nagana go tshwana naye le go tseya dilo ka mokgo yene a di tseyang ka gona. Go maka tsotsone go maka gore re hlalefe, re jabole le go nagana dilo gabutši, a go make gore re kwe nkare a re tshwane le batho ba bangwana. (Pis. 92:5; Diy. 2:1-5; Jes. 55:9) Tsotsone di maka gore re hlawole dilo tso di nyoko re leyelang mojabolo, mara le gana byalo dilo tsone di ka maka gore ka mokana ga rune re jabolele lephelo. (Pis. 1:2, 3) Eya, di gelepa ka matla go nagana go tshwana le Jehova fote tsotsone di gabutši ka matla! w18.11 19-20 ¶7-8

Mo re nyaka go ya mahlong re sepela nneteng, di nyaka re sa šepisi mo ba bangwana ba re kgongwetsa. Senghana sa rune le batho ba gore a yi Dihlatse le seghana sa rune le bo re dulang nabo ka mutšing se tšhentšhiye nakwela re thomisa go sepela nneteng. Ba bangwana ne ba kwisisa; ba bangwana ba ganetsa ba sa thogathoge. Mašaga, bo re berekang nabo le bo re kenang nabo sekolo ba ka re bitsa kela ba re mema mo ba na le diphathi kela mmereko ka ho gaye. Re ka šupetsa byang gore a re nyake go latelela ditšo le matšatši ya go khutsa ya gore a ma thanakisi Jehova? Tsotsone re ka di maka ka go tigopotsa ka mokgo Jehova a di lebelelang ka gona. Di ka re gelepa ka matla mo re ka bala dipuku tsa rune tsa go hlatolla gore matšatši yane ya go khutsa ma thomisiye kaye kela ma tšwa kaye. Mo re berekisa Mangwalo gore re tigopotse gore ke ntaba re sa kenele tsa matšatši ya go khutsa, re ko di tshepeng gore re sepela tseleng ya gore “Morena wa yi yamogela.” (Maef. 5:10) Go tshepa Jehova le Lentsu lage di nyoko maka gore re sa “hlagasele ka taba la batho.”—Diy. 29:25. w18.11 11 ¶10, 12

Mo re tlela ke dilo re sa nagana, go lola gore re šekele ka matla wa kraya re šala re kgongwele. Tsotsone le ga Josefa di ka fo ba di makegiye. Mara, maphelelo yage ke mo ma sa šupetsi gore go na le sa go mo kokona, fote Jehova a mo rufa ka matla. Le mo Josefa a le jele, o yye a karakara gore a make mmereko wo mongwana le wo mongwana wa gore ke mo a wo neya ke ndhuna ya gana hone, go tshwana le ka mokgonola a makiyeng mo a sa berekela Potifaro. (Gen. 39:21, 22) Le rune re ka tshwana naye ga Josefa, wa kraya re wele ke tsa go baba tsa gore re šitega go di lukisa kela go di lawola. Mara mo re ka fo lefisa pelo, re kene re leketsa go phela nkare a go na sa go re phiriketsa, le rune Jehova o nyoko re rufa. (Pis. 37:5) Nnete ke gore go gongwana re ka fo kwa ‘go roba ka matla,’ mara Pawulo le yene o hlayye gore le ka tšatši ka lloši, re ka sa “lahliwi sebakabakeng.” (2 Makor. 4:8) Mantsu yawa ya Pawulo ma nyoko makega le ho ga rune, ka matlamatla mo re ka sa thogathoge mo re kene re berekela Modimo. w18.10 29 ¶11, 13

O ka re king mara, mo motho wa gore wa mo tšiba fote wa mo hlompa a ka fo re o lebele lebitso lago, a boya a go botsa gore le mong go go tshwanisa doo? O ka šala o pawogiye ka go tšeba. Ka ying? Taba ke gore ye mongwana le ye mongwana ka hlago wa di nyaka go kwa a yamogelegiye. Ka mokg’o re nabelang nkare batho ba ka re tšiba ka gona a yi fo ba go nyaka go boniwa ke batho ba bangwana; re nyaka go tšibega gore ke rune bomang le gore re segelele ying. (Dip. 11:16; Job. 31:6) Go fo tshwana le dilo tse dingwana tso re di nabelang ka hlago, go nyaka go yamogediwa le gona go ka re pitegetsa, wa kraya re šele re nyaka go tšibega ka matla, re woka le ke go sa felegelele ga rune ho mmeleng. O ka kraya re nabela go botsa batho dilo tso di nyoko makang gore ba re thanake. Lefase lowa la Sathane le kutšetsela batho gore ba nabele go tšibega ke mokane ba lebala gore gabutšibutši re tshwanele go thanaka le go rapela Papa wa rune wa ku legedimong, Jehova Modimo.—Kut. 4:11. w18.07 7 ¶1-2

Byalo, a di re makatse mo Sathane le madimona yage ba kutšetsela batho ba gore ba ku ditulong tsa gedimo gore ba “hlaye matsaka.” (1 Thim. 4:1, 2) Baruti ba go bolabola matsaka bona ba mathateng ya magolo ka matla, ka taba la gore ba napa ba potlometsa batho ka teng ga matsaka ya go maka gore lephelo la go ya go yye ba sa tle ba le kraya. Mo motho a ka fo tshepa matsaka yane ke mokane a maka dilo tsa gore Modimo aa kwane natso, a ka fo sa le bone lephelo la go ya go yye. (Hos. 4:9) Jeso ke mo a di tšiba tsa gore baruti ka dinako tsage ke mo go le bona ba go tshokanya batho. Aa ba jikajika, o yitseri: “Le teyye fase lune bamangwalo le Mafaraseyi, lune ba go timakisa! ka taba la gore le ro rwalagana le tlola lewatle le feta le ga mobu wa go woma, gore le ye sokolosa motho ka wwoši, ke mokane mo motho yene a sokologa, le mo tšhela Gehenna [go bolayiwa la gore a o sa tsoga] a nape a logela ka matla go feta lune.” (Mat. 23:15) Jeso o yye a lakatsa baruti bone ba dikereke. Nnete ke mo ‘ba tšwa ga papa wa bona Diyabolo, wa go bolaya.’—Joh. 8:44. w18.10 7 ¶5-6

Jeso ke mo a ra ying tsotso? Mo a ya mahlong, o yitseri: “Jabolaneng le nape le ro hlakela, ka taba la gore patela ya lune ke ye kgolo ka matla ku legedimong, le maporofeta ya dinako tsa mo go soko segela lune ba ma hlorisiye ka mokgonone.” (Mat. 5:12) Nakwela mapostola ma teyiwa go baba ma biye ma butsiwa gore ma lesetse go tšhomayela, “ma yye ma tloga ga Sanhedrini, ma kene ma jabodiye.” Nnete ke gore ke mo ba sa jabodisi ke go kwa go sasamela ga go teyiwa. Mara ba yye ba jabola “ka taba la gore ke mo ba badiwa le batho ba go poyidiwa ka taba la lebitso la [Jeso].” (Meber. 5:41) Le lekgono, batho ba Jehova ba sa fo tiyisela mohlopego ba kene ba jabodiye le ho ba hlorisiwa ka taba la lebitso la Jeso kela ho ba gahlana le tsa go ba phiriketsa go baba. (Jak. 1:2-4) Le rune re fo tshwana le mapostola, a re kwe monate mo re hlopegisiwa. Mara mo re ya mahlong re tshepega ga Modimo re kene re rulana le dilo tsone, Jehova o nyoko re neya matšhika ya go tiyisela. Mo re di tšiba tsa gore “Modimo wa go jabola” wa ngwalangwala ka rune, le rune re napa re jabola le ho ba re hlorisa ka taba la tso re di dumelang, mo re ganetsiwa ka mitšing ya rune.—1 Thim. 1:11. w18.09 21 ¶18-20

Ba go tlala ga dinako tsowa “tsa go baba ka matla” ba kgongwele ka taba la dilo tsa go tlala tsa mohlobohlobo, ba šinya ba lahla tewu. (2 Thim. 3:1-5) Bo ba go balela dilo ba naganela gore mongwaga wo mongwana le wo mongwana go na le batho ba go teya ka kgakala ga 800 000 bo ba tipolayang—tsotsone di ra gore ga 40 ya disekonte tse dingwana le tse dingwana, go kgwa motho. Sa go napa se babisa pelo ke gore le Makreste ya mangwana ma yye ma kgongwela ka matla ma šinya ma tipolaya. Le mo magageru ba ka sa nape ba nyaka go lahla tewu, ba go tlala lekgono ba kgahleletsa ke tsa go tlala ba šala ba kgongwele, bobone di nyaka ba yagiwe ka lerato. Ba bangwana ba tiyisela mahloriso le go tshwariwa go baba. Ba bangwana baa poyidiwa kela go tshegiwa ke bo ba berekang nabo. Ba bangwana ba tinwisa ke go bereka ba sa khutsi kela go dula ba lelekiselana le gore mmereko o sa šalele nthago. Fote ba bangwana ba hlakana le tsa go tlala tsa go ba yilametsa ka matla mitšing ya bona, tsa go tshwana le go poyila ke banna kela basadi ba bona ba gore a yi Makreste. Ka taba la tsotsone le tse dingwana, ba go tlala ka ho phutegong ba thomisa go lelemela le go kwa nkare nke ba se šiyo. w18.09 13 ¶3, 5

Batswadi ba Makreste ba gore ba botsa bana ba bona gore ba yetise tsa mmušo wa Modimo mahlong, ba berekisana le Jehova. Ba go tlala bo ba yyeng ba maka ka mokgonone ba yye ba bona barwayi le barwediya ba bona ba kena ga mmereko wa nako ka moka ba berekela kgole le gaye. Ba bangwana ke barumiwa, ba bangwana ba phayona mo go gayelang dihlatse, ke mokane ba bangwana ba berekela Bhethele. Go ba kgole le kgole di ra gore batho ba mutši wone ba ka sa sa di kgona go bonana thina le thina. Mara babelegi ba gore ba tikona tsa go tlala ba hlohletsela bana ba bona gore ba ngangarele mmerekong wone wa bona. Ke ntaba? Ba jabola ka matla fote ba tikwa ba yenele mo ba bona bana ba bona ba yetisa tsa Mmušo mahlong. Nakwenngwana babelegi bowa ba go tlala ba tikwa go fo tshwana le Hanna, wa gore o yitseri o “kadimme” Jehova morwayi wage ye bareng ke Samuwele. Babelegi bowa ba jabola ka matla mo ba tipona ba berekisana le Modimo ka mokgonone. A ba sa nyaka tsa go tlala.—1 Sam. 1:28. w18.08 24 ¶4

Jeso ke mo a sa re gore di ka sa kgonege. Fote o yitseri: “Go jabola lune ba go tihlopegela, ka taba la gore Mmušo wa Modimo ke wa lune.” (Luk. 6:20) Ke mo a sa re gore ba go tihlopegela ke bona ba le ntoši ba nyoko rufiwang kela ba nyoko theetselang tso Jeso a di tšhutisiyeng. Ba go tlala ba go hlopega a baa mo theetsela. Mara taba ke yowa: Re ka sa nape re re senghana sa motho le Jehova se tiyelele, re lebelele gore o ghannye kela wa tihlopegela. Re rufiwwe ka bobhuti le bosesi ba go tlala ka ho phuthegong, ba go ghanya le ba gore a ba napa ba yema gabutši, ba gore ga Jehova ba mo nyaka ka matla. Mangwalo ma botsa bo ba ghannyeng gore “ba sa tshepe makgumo ya gore a ma tshepege, ba tshepe Modimo.” (1 Thim. 6:17-19) Fote Lentsu la Modimo le botsa batho ba Modimo ka mokana ga bona, ba go ghanya le ba go tihlopegela, gore ba pasope ba sa kraye ba šele ba nyaka tšheleta ka matla. (1 Thim. 6:9, 10) Nnete ke gore mo re tseya magageru ka mokgo Jehova a ba tseyang ka gona, re ka sa kraye re ba kala go ya le ka gore ba na le ying kela a ba na ying. w18.08 10-11 ¶11-12

Ka nnete re di nyaka ka matla go leboga Jehova mo a re makiye batho bage. Re thogo bona gore re ya hlalefa mo re tineyela gage gore re lawole ke yene. Re nyenya tsa go befa re sa tšebisi ke selo. Fote magageru ka ho phutegong re ba nyaka ka matla le go ba hlompa, re di tšiba gabutši gore le bona ke ba Jehova. (Mrm. 12:10) Baebele yi tshepisa gore: “Jehova a ka sa ba lahle batho bage.” (Pis. 94:14) Taba yone yi napa yi ro swinelela gore le mo re ka hlakana le mathata ya mošaga mang a ka sa re lesetse ma re kutetsa. Le mong likgu le ka sa make gore Jehova a sa sa re nyaka. (Mrm. 8:38, 39) “Ho re phela le ho re kgwa, ke rune ba Jehova.” (Mrm. 14:8) Jehova o nyoko tla a tsosa banghana bage ba go tshepega ba gore gana byalo ba hlokofele, letšatši lone re le yemele ka mahlo ya makhubedu. (Mat. 22:32) Le gana byalo o kene wa re rufa. Baebele yi re, “A yi go jabola ga sona setšhaba sa gore Modimo wa sona ke Jehova, batho ba gore yene mong o ba kgetiye gore go be bage.”—Pis. 33:12. w18.07 26 ¶18-19

Batho ba bangwana ba re ditaba tsowa a di nyake motho ye mongwana, ba re tsa go tshwana le gore ba nyoko tšhutega go segela kaye, ba nyoko maka mmereko wa mošaga mang le gore ba nyaka go segelela ying lephelong,ke tsa bona beng, solanka lekwalo la bona le sa ba rakele. Kela ba rela tsela Pawulo a di butsiyeng Makreste ya ku Korinte nakwela a bolabola ka tsa go ja a re: “Ke ntaba motho ye mongwana a tshwanele a nkgerele ka letswalo lage gore nna ke lokologiye go maka ying?” (1 Makor. 10:29) Tsona baa resa gore mang le mang o tikgetela so a nyakang go se maka, mara a di nyake re lebala le ka gonyana gore go lokologa ga rune go kgera kaye le gore sepheto se sengwana le se sengwana se na le tsa sona. Ka taba lone, Pawulo o bolabodiye ka mantsu yawa ga temanyana ya lekgono. So se napa se re šupetsa gabutši gore go na le dilo tso re ka di tseyelang hlogong ka matla go feta tso rune beng re nyakang tsona mo re šele re bolabola ka taba ya dilo tso re lokologiyeng ga tsona mo lephelong. w18.04 10 ¶10

Mokreste lekgono a ka fo maka dilo tsa go tšiba ke yene mara ka thoko a kene a re o rapela Jehova. (Juda 11) Mo re fo beyisa, o ka fo kraya motho a kwana le go nagana dilo tsa maroga, go nyaka go ghanya, kela a fo kwa a nyenya mogageru wa Mokreste. (1 Joh. 2:15-17; 3:15) Menagano yone yi ka maka gore motho a segele le ho a sinyang ka matla. Motho yene o ka kraya a dula a ya tšhomong le megahlanong, le mo a kene a nagana dilo tsa mošaga wonone. Batho ba bangwana ba ka fo ba ba sa di bone tso re di naganneng kela maphelelo ya rune, mara Jehova yene wa di bona ka mokana ga tsona, fote mo re sa mmerekele di tšwa pelong, o di bonne botala. (Jer. 17:9, 10) Mara Jehova o re lefisela pelo. Mo motho a thomisa go keketlela ku kgole le Modimo, Jehova o re gage: ‘Sologa o tle ho gaka.” Ka matlamatla mo re hlopa ke go fo kraya re makiye dilo tsa go tšwa pateng, Jehova o nyaka gore re kganele kgole le tsa go befa. (Jes. 55:7) Mo re ka maka tsotsone, le yene o nyoko šupetsa gore o na le rune ka go re neya matšhika ya go tiyisela ga tso tsa Modimo, ra tikwa re le gabutši mo re kene re phela gore “re thogo hlola” dilo tsa go befa tso di re gomeleng.—Gen. 4:7. w18.07 18 ¶5-6