May

Mengwaga ya go sa tšwa go fela, go na le dipoleke tsa go tlala tsa gore batho ba segela gona ba tšwa ba tšhaba. Ke ntaba o sa tšhuti matamiselo ka mmolabolo wa batho bo ba tšwang ba sepela bo ba leng ga naga ya lune? Ke ntaba o sa fo leketsa go tšhuta mantsu ya gore ma ka ba jabodisa mo o ma bolabola ka mmolabolo wa bona? Ke mokane o ka ba botsa ka jw.org wa boya wa ba šupetsa mehlobohlobo ya dividiyo le dipuku tso di nang gana hone ka mmolabolo wa bona. Ka taba la gore Jehova o re nyaka ka matla, o makiye gore re be le Mogahlano wa Maphelelo le Matšhomayelelo, gore re thogo ba digele mo re le ku tšhomong. Tse dingwana tso re di tšhutang ga megahlano yowa di re gelepa gore re sa titšhoge ho re tšhomayela le ho re boyela ga bo re bolabodisanneng nabo ka Baebele le go ba tšhutisa. Lune babelegi, tšhutisaneng bana ba lune go fetola ka mantsu ya bona, ka mokg’onone ba maka gore llampa la bona le khanye. Ba bangwana ba gore ke mo go le la mathomo ba tla megahlanong ba napiye ba tshepa gore yowa ke nnete mo ba kwa phetolo ya sengwanenyana ya go tikisa pelo le ya gore a yi ya lefa.—1 Makor. 14:25. w18.06 22-23 ¶7-9

Re sa lebale phela gore ka mokana ga rune ke mo re tshwana le batho “ba go sa tšibalege” kela ba go tšwa ba sepela, Modimo re sa mo tšibi. (Maef. 2:12) Mara Jehova a re gogela thina gage ka “dithapo tsa lerato.” (Hos. 11:4; Joh. 6:44) Kreste yene o yye a re yamogela. Di tshwana le gore o budiye sekwalo ke mokane ra kena, le rune ra ba ga mutši wa batho ba Modimo. A re tšibi gore re ko ba re kenne king mo re nyenya motho ye mongwana, ka taba la gore le rune re ro gogiwa ke Jeso le mo re kene re sa felelegela gabutši! Go sa nyakanane, go hlawolana le go hloyana di sa nyoko yeketsega howa lefaseng mo re kene re šutela mafelelong. (Magal. 5:19-21; 2 Thim. 3:13) Mara ka gore ke rune malata ya Jehova, re kgopela yene gore a re hlalefise, ka taba la gore yene aa hlawolane fote o di nyaka ka matla gore go dule go bebiye. (Jak. 3:17, 18) Re jabola ka matla mo re nghanelana le batho ba go tšwa dipolekeng tse dingwana, ka thoko re kene re di tšiba tsa gore ditšo tsa bona di ka sa tshwane le tsa rune, ra boya re ro leketsa go tšhuta mmolabolo wa bona. Mo re maka ka mokg’onone, go beba ga rune go napa go ro yela nkare ke noka, le go tshwarana gabutši gwa tshwana le lewatle mo le ya mahlong le nthago.—Jes. 48:17, 18. w18.06 12 ¶18-19.

Ku Roma, lesole ke mo le ka sa ye ntweng le sa rwala dijombho. Dijombho tsa lona tsa nkare ke mphašane ke mo di makiwwe ka mehlobo ka meraro ya marala gore mo di tlemiwwe mo lotong di sa kgwelakgwehle. Ka mokg’o mphašane wone ne wo makiwwe ka gona, ke mo wo sa yakgoswe wo hlagala fote ke mo wo bešabeša. Masole ya Roma ke mo ma yapara dijombho mo ma ya ntweng, Makreste le wona re ka fore ma yapara dijombho gore ma thog’o bolabola ditaba tsa go bafala tsa go beba. (Jes. 52:7; Mrm. 10:15) Mo go thulega lešuba, di nyaka lešiši gore re tšhomayele. Bhuti ye mongwana ye bareng ke Bo wa go ba le 20 ya mongwaga o re: “Ke mo ke tšhaba go tšhomayela bo ke kenang nabo sekolo. Gabutšibutši ke mo di ntšebisa. Mara mo ke lebelela gabutši, a ke tšibi gore anthe ke mo ke tšhaba ying. Gana byalo ke jabolela go tšhomayelela dithaka tsaka.” Ba go tlala bo go sa leng mathari ba di bonne gabutši gore mo ba ka lukiselela gabutši gore ba ye tšhomayela ditaba tsa go bafala, ba fo teya ba feta. w18.05 29 ¶9-11

Jeso o botsa bo ba mo latelelang a re: “Ke le neya go khutsa gaka.” (Joh. 14:27) Sona selo sone—go khutsa gage—se re gelepa byang gore re yengwe diyengwa? Mo re kene re tiyisela, re kwa dipelo tsa rune di bebiye go ya go yye ka taba la gore re ya di tšiba gore re jabodisa Jehova le Jeso. (Pis. 149:4; Mrm. 5:3, 4; Makol. 3:15) Mo Jeso a šele a fetsiye go kgopelela mapostola yage gore nkare mojabolo wa bona wo ka “tlala tswi,” o ba hlatollele gore ba tseyele hlogong taba ya go ratanana tsa gore ba ka kgwelana. (Joh. 15:11-13) Mo a fetsa go reyane a re: “Ke itseri ke lune banghana baka.” Taba yone ke ye kgolo ka matla—go ba monghana wa Jeso! Mapostola ke mo ma tshwanele ma make ying gore ma dule ma le banghana ba Jeso? Ke mo di fo nyaka gore ‘ba ye fote ba sa lesetse go yengwa.’ (Joh. 15:14-16) Mo go sa šele mongwaga ka mmedi, Jeso o yye a layeletsa bo ba mo latelelang a re: “Mo le kene le ya, le tšhomayeleneng, le re: ‘Mmušo wa magedimo wo šele wo le thina.’” (Mat. 10:7) Ka malobana ya mafelelo mo a soko kgwa, o ba butsiye gatleletlele gore ba tiyisele ga mmereko wowa ba wo thomisiyeng.—Mat. 24:13; Mar. 3:14. w18.05 20-21 ¶15-16

Wene o sa golang o nyaka go ngangarela ga tso o di nabelang tsa go berekela Jehova. Di ra gore o tshwanele o tlalele ka matla ga tso tsa Modimo mo o kene o phela. Di ka makega gore ba bangwana ba go lekana nago ba go bitse gore o ye maka nabo tso ba di makang, tse ba reng ke monate wa go phela. Ke wene o nyoko šupetsang gore o tlalele ga difeng mo o ka fo sa sologe ga tso o di kgetiyeng. O bone o sa lesetse banghana ba go tshokanya. Di tlele tso o ka di makang gore o sa šinyi o nabela tso di makang ke bo ba go lekana nago. Ye nngwana ke yowa, o sa ye dipolekeng tsa go tšibega ka go fokola batho. (Diy. 22:3) O dule o nagana ka maphomela ya go baba ya ma ka bang gona mo a ka fo ya nabo dilong tsone tsa bona tsa go tikela ku. Se sengwana ke go dumela gore le wene wa di nyaka go yetetsiwa. Mo o ka fo tinyanafatsa, o nyoko nyaka go kwa tso di bolabolang ke babelegi bago le bo ba butšwiyeng ba ka ho phutegong. (1 Pet. 5:5, 6) Nje le wene o tinyanafatsiye la gore mo ba go yeletsa o ka sa di phakgele ku? w18.04 28-29 ¶14-16

Ga melayetsa yo Jeso a yyeng a yi romela ga diphutego tse dingwana tsa Asia Minor, o yye a leboga mmereko wo o makiyeng ke bo ba mo latelelang. Mo re beyisa, molayetsa wo a yyeng a wo botsa phutego ya Thiyathira o f’lo wo thomisa ka gore: ‘Ke tšiba dilo tso o di makang, lerato lago, tumelo le mmereko wago le gore wa tiyisela fote dilo tso o di makang gana byalo di feta tso ne o di maka mathomisong.’ (Kut. 2:19) Jeso aa fo bolabola ka dilo tso ba yyeng ba di yeketsa mo ba kene ba bereka, mara o ba thanakiye le ga dilo tsa gabutši tso ne ba di maka. Le mo go na le ba bangwana ba gore Jeso ke mo a nyaka go ba wolola hala Thiyathira, o thomisiye molayetsa wage a boya a wo fetsa ka mantsu ya go ba tiyisa. (Kut. 2:27, 28) Nagana ka seyemo so Jeso a leng ga sona sa go lawola go le yene hlogo ya diphutego ka mokana ga tsona. A di nyake a re leboga ka mmereko wo re mmakelang wona. Mara o fo re leboga go na go yitsano. O beyela bagolo mošupetso wa go bafala ka matla! w19.02 16 ¶10

Mogoba wa go lawola wa ku botala ke mo o gelepa ka matla ka go tiyisa bo ke mo ba yetiye mahlong ka nako yonone le Makreste ka mokana ga wona. Ba yye ba romela ka babedi ba bona, Petro le Johane, gore ba tl’le rapelela bo go seng botala ba sokologiye gore le bona ba kraye moya wa go hlawolega. (Meber. 8:5, 14-17) Filipi le bo ke mo go se botala ba sokologiye di šupetsa ba yye ba tiyisa ka matla ke tso di yyeng tsa bolabola ke mogoba wa go lawola! Le lekgono Mogoba wa go Lawola wa Dihlatse tsa Jehova o sa tiyisa bo ba leng Bethele, bo ba go hlawolega ba go fetsa nako ka moka ba le tšhomong, le magageru bo go leng Makreste ya mannete ba mohlobohlobo lefaseng ka moka. Fote maphomela ya gona ma fo tshwana le ya gana ku botala—batho bone ba jabolela go tiyisiwa! Se sengwana so Mogoba wa go Lawola o se makiyeng ka 2015 ke go ntsha sepukwane sela sa gore Boela go Jehofa, sa go ka sa tiyisa ba go tlala lefaseng ka mokana ga lona. w18.04 19 ¶18-20

Batho ba go tlala ba tseya nkare mo ba ka fo lesetsiwa gore ba lokologe ka matlanyana go feta gana byalo, ba ko tikwa ba lekanele, mara nnete ke gore mo motho a fo tilawola a sa kgere, o thinda tsa go tlala. Re fela re lebala gore mola ho lefaseng ga tse dingwana ba sa rakele, ke mo go nyoko ba byang. Ka taba loloneng, The World Book Encyclopedia yi re: “Ga melawo ya setšhaba se sengwana le se sengwana, go gahlanisiwa dilo tsa gore motho o lokologiye go di maka le tsa gore baa rakela mo a nyaka go di maka.” Lentsu la go yi beya gabutši taba yo ke lo la gore “gahlanisa.” O fo nagana gore ke dipuku ka dikaye tsa molawo tso motho a di ngwadiyeng, a re sa bolabola ka go tlala ga batšhutšhisi le bayahlodi bo ba tshwaneleng ba di hlatolle ba boye ba di lawole. Jeso o bolabodiye gore mo motho a nyaka go lokologa ga mannete, o tshwanele a make dilo ka dipedi ke tsowa: Sa mathomo ke gore a yamogele dinnete tso di tšhutisiyeng ke Jeso, ke mokane sa bobedi ke go ba lelata lage. Mo a ka maka ka mokg’onone o nyoko lokologa tsa mannete. Anthe mara motho ke mo a tantele king mo re šinya re re o lokologiye? Jeso o yye mahlong a hlatolla taba yo, o itseri: “Motho ye mongwana le ye mongwana ye a makang tsa go befa ke lebhantiti la dilo tsone. . . . Mo le lokolla ke Morwayi, le nyoko lokologa tsa mannete.”—Joh. 8:34, 36. w18.04 6-7 ¶13-14

Gwa natefa go dula le batho ba gore ba re kwela go baba le ba gore baa tihlopa ka rune. Ba leketsa go tipeya seyemong sa rune gore ba thogo tšiba gore re tikwa byang. Ba nagana gore re gayela ying ke mokane ba leketsa go re gelepa—go gongwana ba re gelepa le mo re soko bane re ba kgopela. Gwa jabodisa go ba le batho ba mohlobo wonone ba go šupetsa gore ba re “kwela go baba.” Rune Makreste, re nyaka go šupetsa gore re kwelana go baba. Mara mo re fo bolabola nnete, di nyaka re karakare gore re kwelane go baba. Ke ntaba? Se sengwana ke ka taba la gore a ra felegelela. (Mrm. 3:23) Byalo di nyaka re lwe le mokgwa wowa wa gore re belegiwa nawo wa go tinaganela re ntoši. Ba bangwana re ka fo ba re šitega go kwela batho ba bangwana go baba ka taba la ka mokgo re gudisiwweng ka gona kela ka taba la dilo tso di yyeng tsa re makegela ku nthago. Se sengwana go fo ba go le ka taba la go tshilela ke mekgwa ya batho bo re phelang nabo. Ga dinako tsowa tsa mafelelo, batho ba go tlala a ba sa na taba le batho ba bangwana. Mara ba nagana ka bona beng ba ntoši, baa “tipona.” (2 Thim. 3:1, 2) Mara, re ka di kgona go kwela ba bangwana go baba mo re ka yekisela Jehova Modimo le Morwayi wage, Jeso Kreste. w19.03 14 ¶1-3

Molawo wa mafelelo ga Lesome la Melawo wo re re sa nabele dilo tsa gore a yi tsa rune. (Dot. 5:21; Mrm. 7:7) Jehova o neyye batho bage molawo wowa gore a ba tšhutise taba ye nngwana ye kgolo—ya gore batho bage ba pasope dipelo tsa bona, ba rela menagano ya bona, ka mokgo ba tikwang ka gona le mabolabolelo ya bona. Jehova wa di tšiba tsa gore re šinya re maka dilo tsa go befa ka taba la gore di tlugisela ga dilo tso re di nagang le ka mokgo re tikwang ka gona. Mo re beyisa, tsa mohlobo wonone di yye tsa mo tanya ga Kgoši Dafita. Yene gabutšibutši ke mo go le monna wa go loka. Mara tšatši le lengwana o yye a nabela mosadi wa monna ye mongwana. Tsotsone di yye tsa maka gore a sinyele Jehova. (Jak. 1:14, 15) O yye a yetsela le mosadi yewa wa gore a yi wa gage, a leketsa go maka monna wa mosadi yewa setlayela ke mokane a mo makela polane ya gore ba mmolaye. (2 Sam. 11:2-4; 12:7-11) Jehova aa fo bona ka mokgo re leng ka gona ka ho tawong. O bona le so re leng sona ka ku teng teng ga dipelo. (1 Sam. 16:7) Re ka sa di kgone go mo wutametsela ka mokgo re tikwang ka gona, so re se naganang kela so re se makang. O lebelela tsa go bafala ho ga rune fote o re hlohletsela gore re ye mahlong re kene re maka dilo tsa go bafala. Mara o nyaka gore mo re thomisa go nagana dilo tsa go befa, re yakgoswe re di tšhabelela re so ko maka dilo tsa go kekema.—2 Dikor. 16:9; Mat. 5:27-30. w19.02 21 ¶9; 22 ¶11

Baebele mo yi hlatolla Moše yi re ke mo go le “motho wa go tinyanafatsa ka matla go phala batho ka mokana ga bona ho lefaseng.” (Dip. 12:3) Ayitsano tsotsone di šupetsa gore ke mo a fo tseya-tseyega, a tšhaba go segelela dipheto kela go yemelela ditaba tsage? Ba bangwana ba ka fo mo hlatolla ka mokgonone motho wa gore o tinyanafatsiye. Mara taba yone a yi nnete le ka gonyana. Moše ke mo go le lelata la Modimo la go tiya, a tikemisela mo a maka dilo fote a na le lešiši. Jehova o mo tiyisiye ga Moše nakwela a ye bolabola le kgoši ya go tshosa ya Egepita, a yeta mahlong batho ba gore ba ka fo segela gana hala ga 3 000 000 nakwela ba le ku mašahleng fote o gelepiye setšhaba sa Maisirayele gore se hlule manaba ya sona. Rune tso di re tlelang a di tshwane le tso di yyeng tsa tlela Moše, mara ka moka matšatši re phela le batho kela re gahlana le dilo tso di ka re phriketsang ra kraya go roba go tinyanafatsa. Mara go na le selo so se ka re gelepang gore re dule re tinyanafatsiye. Jehova o tshepisa gore “ba go tinyanafatsa ba nyoko ba beng ba lefase.” (Pis. 37:11) Mo wene o tilebelele, nje o bona nkare o tinyanafatsiye? Nje le ba bangwana ba ka hlaya gore o ka mokgonone? w19.02 8 ¶1-2

Go tlugisela ku botala mo motho a makiwa ho lefaseng, ke mo a na le lekwalo. Mo Adamo le Efa ba fetsa go sinyela Jehova, ba yye ba mo wutamela. Sosone se šupetsa gore ke mo ba hlopa ke lekwalo. Mo motho a sa tšhutisa lekwalo lage gore sa go befa king, sa go bafala king, re ka fo mo tshwanisa le sedhrayivelo sa gore a se bereke gabutši. O nyoko ba a kgana ka mollo mo a ka fo kena pateng a kene a tšiba gabutši gore sedhrayivelo sone sage a se make tsona. Mo moya wo kene wo tšutla ku lewatle, wo ka tšukatšukisa sekepe wa šinya o se ketola. Mara mo sedhrayivelo se bereka gabutši, ye a dhrayivelang o ko thogo se sipidisa gabutši. Makwalo ya rune ma ka tshwanisiwa le sedhrayivelo sa mohlobo wononeng. Lekwalo ke lona le makang gore re tikwe ho moyeng wa rune gore sa gore-gore se gabutši, sa gore-gore a se gabutši. Mara mo re nyaka gore lekwalo la rune le bereke gabutši, di nyaka re ro kena fase re le tšhutisa. Mo motho a sa tšhutisa lekwalo lage gabutši, le ka sa mmotse mo a tšwa pateng. (1 Thim. 4:1, 2) Lekwalo la mošaga wonone, o ka kraya go le lona le re tshokanyang le re “sa go befa ke sa go bafala.” w18.06 16 ¶1-3

Se sengwana ke gore di nyaka re yakgoswe re di bona fote re gane go kutšetsela ke lefase ka mokgwa wa gore a wo nape o bonala tsona. Mo re beyisa, mo go badiwa ditaba, di ka kwala di tlalele ka matla ga tsa dipolotiki. Taba ye nngwana yo yi hlayang ke motho yi ka kutšetsela ka mokgo lefase le tseyang dilo tso batho ba nyakang go di segelela mo ba kene ba phela. Dimuvi tse dingwana le dipuku di tšhutisa gore motho a yetise yene mong mahlong le mašaga yage, fote di re taba yonone yi gabutši, ya jabodisa fote a yi na le mong selabi. Go kutšetsela ke dilo tsa mošaga wonone go maka gore re šinye re sa theetsele Mangwalo mo ma re rune le mašaga ya rune re nyoko jabola mo re ka mo nyaka ka matla ga Jehova, ra beya yene ka ku mahlong ga dilo ka mokana ga tsona. (Mat. 22:36-39) Taba yowa a yi rele gore go tijabodisa gabutši nje a yi tsona. Mara, di nyaka re tiputsise diputsiso ke tsowa: ‘Nje re yakgoswa re di bona gore tso lefase le di tšhutisang a yi tsona le mo di ka fo ba di wutamme? Nje re ya ba kgerela bana ba rune—le rune beng—ga dilo tse dingwana ga TV kela ga tso ba di balang? Nje ga bana ba rune re ya ba šupetsa gore tso lefase le di tšhutisang di kekemme mo di segela kaye mo o di lebelele go ya ka Jehova?’ w18.11 22 ¶18-19

Jehova o maka gore re di bone gore o na le rune ka go re tshwara gabutši le ka go re pasopa. Theetsela tso a di bolabolang tsa go šupetsa gore nnete wa re nyaka. Jehova o re: “Mo ke go lebelela ke f’lo kwa o njabodisa. Ke go hlompiye ka matla fote ke f’lo kwa ke go nyaka.” (Jes. 43:4) A se šiyo selo legedimong le ho lefaseng sa go ka maka gore Jehova a kwe a sa sa re nyaka mo rune re mmerekela; mo a re wa re nyaka, aa hlaye matsaka. (Jes. 54:10) Jehova a ka sa di tlusi ka mohlolo dintshetshere tso re nang natso, mara a ka sa fo lesetsa dintshetshere tsa nkare ke “dinoka” di re kgama kela re totometsa ke dilo tsa go tšhuba go tshwana le “mollo.” Yene wa tshepisa gore o nyoko ba le rune, a re gelepa ‘go feta’ ga dintshetshere tsone. Jehova o nyoko maka ying? O nyoko maka gore tso re kwang re di tšhaba di kgibe, gore re dule re mo tshepegela le mo go ka fo ba go bifiye la gore le go kgwa re ka kgwa. (Jes. 41:13; 43:2) Mo re tshepa tso Modimo a di tshepisang mo a re “ke nago,” le rune re nyoko ba le lešiši, ra thogo tiyelela mo re kene re tiyisela tsa go baba. w19.01 3 ¶4-6

Mo nkare le wene o wela ga bo ba sa ga golang, di ka makega gore mathitšere le batho ba bangwana ba yye ba go kutšetsela gore o tšhutege fote o kraye mmereko wa go golela ka masaka. Mara Jehova yene aa go kutšetsele gore o make ka mokgonone. Nnete ke gore Jehova wa di nyaka gore o garagare ka matla mo o le ku sekolo gore o pase, o thogo kraya matogo. (Makol. 3:23) Mara yene wa di tšiba gore mo o sa le ye monyana o yitsa, go na le dilo tse dingwana tso o tshwaneleng o di make gore di thogo go gelepa ka motsho, byalo ga dinako tso tsa mafelelo, o go yetetsa ka ditšhiko tsage gore di go gelepe go phela ka mokgo a nyakang ka gona. (Mat. 24:14) Jehova o di tšiba gabutši gore lefase lowa le nyoko felela kaye, le gore tsa lona di nyoko šaša leng. (Jes. 46:10; Mat. 24:3, 36) Se sengwana ke gore o re tšiba gabutši—wa di tšiba gore king so se ka makang gore re jabole le so se ka makang gore re tšebe kela go kgongwela. Di ka fo šupa nkare tso batho ba go yeletsang ka tsona di ya kwala, mara solanka di sa yelane le tso Lentsu la Modimo le di bolabolang, di ka sa go hlalefisi le ka gonyana. w18.12 19 ¶1-2

Mara, “ba go loka go nyoko dula bona ho lefaseng, fote ba nyoko jabola ka matla ka taba la gore go ko ba go bebiye.” Fote moya wa Modimo o yye wa maka gore Dafita a bolabole go sa le botala gore: “Go nyoko dula ba go loka ho lefaseng, fote ba nyoko phela go ya go yye ho ga lona.” (Pis. 37:11, 29; 2 Sam. 23:2) O bona nkare bo ba gore ga Modimo ba mo nyaka ka matla ba yye ba re king mo ba kwa mantsu yawa? Tsotsone ke mo di ka maka gore ba bone gore mo nkare ho lefaseng go nyoko ba le batho bobone ba go loka fela, di ra gore le pharadeyisi ya go tshwana le yela ya Edeni, ke mo yi nyoko ba gona. Mo nako yi kene yi ya, Maisrayele ya go tlala ya gore ke mo ma tipotsa gore wona ma rapela Jehova, ma yye ma mo jikela fote le nnete yo yage ke mo ma sa sa yi nyaka. Modimo o yye a lesetsa Mabhabhilona gore ma hlule batho bage, ma sinyanye poleke ya bona ma boye ma ye nabo ma ye ba maka mabhantiti. (2 Dikor. 36:15-21; Jer. 4:22-27) Mara, bo ke mo go le maporofeta ya Modimo ka dinako tsotsone ba yye ba hlaya gore batho bage ke mo ba nyoko boya gaye ka nthago ga 70 ya mongwaga. Seporofeto sone se yye sa makega. Mara le ga rune di ya re tikisa—re yemele gore go segele nako ya pharadeyisi ya gana ho lefaseng. w18.12 4 ¶9-10

Ga go tlala mantsu ya ma bolabolang ke batho ba lefase a ma yelane le tso di hlayang ke Baebele. Mara, nje tse dingwana di ka fo ba di kena ka matla ga dinako tsowa tsa rune? Jeso o yitseri, “Gore motho o hlalefiye, re bona ka tso a di makang.” (Mat. 11:19) Batho ba lefase lowa ba di tšiba ka matla dilo tsa theknoloji; mara ba šitega go lukisa dintshetshere tse dikgolo tso di kgongwetsang batho, tsa go tshwana le ntwa, go hlawolana ka khala le bokgohlane. Mara ga go tlala batho ba lefase lowa ba re king mo motho a sa titshwara gabutši? Batho ba go tlala baa di bona gore dilo tsowa di napa di ro tšhela pharafeni, di maka gore mitši yi sinyege, di yeketsa malwele le mathatha ya mangwana. Mara Makreste ya gore ma theetsela tso di hlayang ke Modimo maa jabola mitšing ya wona, maa yela maphelong le go dula ma bebiye ga lefase ka mokana ga lona. (Jes. 2:4; Meber. 10:34, 35; 1 Makor. 6:9-11) Nje tsotsone a di šupetsi gore tso Jehova a di naganang di kgakala ka matla ga tsa batho ba lefase lowa? w18.11 20 ¶8-10

Di nyaka re bone gore mo re kene re leketsa go phidisana gabutši le bo re dulang nabo ka mutšing kela mašaga, re sa kraye re lahliye nnete re maka ke gore re nyaka go jabodisa bona. Re ya mahlong re kene re karakara gore re phidisane gabutši le ba ka mutšing kela mašaga, mara batho ba gore re ba le senghana sa thina nabo ke ba gore ga Jehova baa mo nyaka. Bo ba sepelang nneteng ka mokana ga bona di nyaka ba hlawolege. (Jes. 35:8; 1 Pet. 1:14-16.) Ka mokana ga rune mo re thomisa go tšiba nnete, re yye ra potolla hala le hala gore re sipidisane le dilo tsa go loka tso Baebele yi di bolabolang. Ba bangwana di ro napa di nyaka ba wolola tsa go tlala ka matla. Le mo go ka makega ying, tla re sa logeleneng ka teng ga dithila tsa lefase lowa, ke mokane wa kraya re sa sa yediye le mong go hlawolega. Re ka maka byang gore re sa tikraye re tlungwele gana hone ga tsa go maka tsa maroga tsa go tšebisa? Re ka nagana ka patela ye kgolo ka matla yo Jehova a yi ntshiyeng gore re thogo hlawolega—madi ya Morwayi wage Jeso Kreste. (1 Pet. 1:18, 19) Di nyaka ka ho menaganong le dipelong re nagane ka matlamatla ka taba ya gore Jeso o re lepolliye, tsotsone di nyoko re gelepa gore re dule re yediye mahlong ga Jehova. w18.11 11 ¶10-11

Ba go tlala bo go leng malata ya go berekela Modimo ka nako ka moka ba re nnete di ba gelepiye ka matla tsa go tshwaragana ga tso tsa Modimo le mo dilo di tšhentšha. Di fo ba ka mokgonone, mo re ka fo ya mahlong re kene re karakara le mo go na le tsa go re ghula ke mokane re yemela Jehova re kene re mo tshepa, re nyoko dula re kgibiye. Go gongwana o ka kraya re boya re di bona gore go tšhentšha ga seyemo go re gelepiye gore re tiyelele ka matla ga tso tsa Modimo. Mo lephelo le ka fo tšhoga le tšhentšhiye o sa nagana—go ka fo ba go le ka ho ga tsa Mmušo wa Modimo, tsa lephelo, kela ka mutšing wago—tšiba gore Jehova aa go lahla fote o nyoko go gelepa ka nako ya gona. (Maheb. 4:16; 1 Pet. 5:6, 7) Mara mo o sa na o mo yemele, leketsa go fo ba o kene o phela nkare a go na sa go hlopa. Šutela thina ga Papago wa ku legedimong ka go rapela, ke mokane o tšhute go šiya dilo tsa gore di ya go hlopa ka matsogong yage. Ka mokgonone, le wene o nyoko dula o kgibiye le mo go ka fo teya leduma la mošaga mang. w18.10 30 ¶17; 31 ¶19, 22

Baebele yi bolabola ka batho ba go tlala ba go šupetsa gore Jehova wa ma naganela malata yage ka mokgo a ma tshwarang ka gona. Mo re beyisa, hala ga 1 Samuwele 3:1-18, go na le taba yo Modimo a yi makiyeng ya go naganela Samuwele nakwela a ye hlatollela Moprista ye Mogolo Eli gore go nyoko makega ying. Molawo wa Jehova ke mo wo re dibanenyana di hlompe batho ba bagolo, ka matlamatla dindhuna. (Ek. 22:28; Lef. 19:32) Ayitsano o ka mo nagana ga Samuwele a šele a ya ga Eli go sa le ka phu ke mokane a segela a bolabola naye a šišimele gore Modimo o yahlodiye ditaba a re king? A ka sa make tsotsone! Gabutšibutši, mo re kene re bala, re kwa gore Samuwele “ke mo a tšhaba go hlaya ga Eli so a se loriyeng.” Mara, Modimo o yye a maka gore Eli a di bone gore ke Yene a bolabodiyeng le Samuwele. Eli o makiye ke tsotsone gore a šinye a kgopele Samuwele gore a bolabole fote a sa wutametsi “le lentsu ka lloši.” Samuwele o yye a mo theetsela, ke mokane “a mo hlayisela dilo ka mokana ga tsona,” fote mantsu yage ke mo ma yelana le tsela a di hlayyeng mathomisong. (1 Sam. 2:27-36) Taba yowa ya gore yi tšhela Samuwele le Eli ka teng ga yona yi re šupetsa gore Jehova wa naganelana fote o hlalefiye. w18.09 23 ¶2; 24 ¶4-5

Di tlele ka matla lekgono tsa go kraya motho a fo sabalatsa taba ya gore ke matsaka. Hlogotaba ya gore “Ke Ntaba re Bolabola Matsaka” ya gore yi ngwadiye ke Y. Bhattacharjee yi re, “go bolabola matsaka re šele re ro go tlwayela, go ho llemeng.” Batho ga go tlala ba bolabola matsaka gore ba sa sodiwi, ba bangwana ba makela gore ba kraye mayemo. Ba bolabola matsaka gore ba kwalakwale mabošayedi ya bona kela go kraya tšheleta le dilo tse dingwana tsa bona beng. Hlogotaba yowa yi re, go na le batho ba gore “go bolabola matsaka a di ba hlope, ga dilo tse dikgolo le ga tse dinyana, ga batho ba gore a ba ba tšibi, ga bo ba berekang nabo, ga banghana ba bona le mong ga mašaga.” Ba felela kaye ka matsaka wone? A ba sa tshepanana fote le senghana se ka šaša. Mopisalema Dafita o yye a rapela Jehova a re: “Wene o jabodisa ke nnete yo motho a nang nayo ka ho teng gage.” (Pis. 51:6) Dafita ke mo a di tšiba gabutši gore nnete, yi ka ku teng ga dipelo tsa rune. Mo Makreste ya mannete ma na ma phela, ma ‘botsanana nnete.’—Zak. 8:16. w18.10 7 ¶4; 8 ¶9-10; 10 ¶19

Mo Maisrayele ma tloga Egepita ka 1513 B.C.E., nombhoro ya wona ke mo yi segela ka ku ga dimiliyoni ka ditharo. Ke mo go le gana hala ga 3 kela 4 ya meloko, dibananyana di le gana hone, batho ba go tsofala, le dikoka kela digole ke mo di le gona. Ke mo di nyaka gore ye a nyoko yetang mahlong go be wa go butšwa gabutši gore a thogo ntsha sekwata sone ku Egepita. Jehova o ba yetiye mahlong a berekisa Moše. Sosone se makiye gore Maisrayele ma sa kwe ma kamaka mo ma tloga ga poleke yone ya gore ma belegediwwe ga yona fote ma yi tseya go le gaye. (Pis. 78:52) Jehova o makiye byang gore batho bage ba tikwe ba lokologiye ba sa tšhabe selo? Se sengwana so a se makiyeng ke gore o ba ntshiye Egepita ba sepela ka letheto, go le “sekwata sa ntwa.” (Ek. 13:18) Go maka dilo ka letheto ka mokgonone go makiye gore Maisrayele ma tshepe gore ma yetetsa ke Modimo. Fote Jehova o yye a maka gore ma mmone, ka go leya “leru mo go le motshegare ke mokane . . . a khanyisa ka mollo” bošego go šupetsa gore o nabo. (Pis. 78:14) Ka mokgonone, Jehova ke mo a re: “Le sa hlagasele. Ke na le lune gore ke le yetetse fote ke le pasope.” w18.09 26 ¶11-12

Nakwela go sa ngwadiwa Baebele, malata ya Modimo ya mangwana ke mo ma kgongwetsiye ka matla ke tso ne di ma makegela, ma šinya ma nyaka le go kgwa ma di šiya. Mo re beyisa, Jobo o yye a lla ka matla a kwa nkare di mo kgahleletsiye ka matla, a re: “Lephelo laka le ya gakga; a ke sa di nyaka go ya mahlong ke phela.” (Job. 7:16) Jona ke mo a tshwatisiye ke tso di yyeng tsa makega nakwela ba mo romme, a šinya a re: “Byalo gona Jehova, ke kgopela o tseye lephelo laka, ke bona nkare di kawone ke fo tikhwela, ke šiye tsa lephelo.” (Jona 4:3) Eliya le yene o yye a kgongwetsa ke tso di mo tleleng gwa šinya go segela le mo a kwang nkare a ka kgwa. O yitseri: “Byalo gona ke tinnwe! O fo tseya lephelo laka Jehova.” (1 Mag. 19:4) Mara malata yane yage Jehova o yye a ma tseyela hlogong ka taba la gore ke mo a nyaka gore ma phele. Aa ba lakatsa a re anthe ba ro kena king, mara o ba gelepiye gore ba sa sa kwa ba nabela go kgwa ke mokane a ba šupetsa lerato gore ba ye mahlong ba mmerekela ka go tshepega. w18.09 13 ¶4

Batho ba gore ba berekisana le Modimo ba tšibega ka gore ba yamogela divakaši. Ga Mangwalo ya Sekreste ya Segerika, go berekisiwwe lentsu la ‘go yamogelana’ la gore le rela “go ba le pelo ye butši ga batho ba gore a o ba tšibi.” (Maheb. 13:2) Lentsu la Modimo le bolabola ka dilo tso di re tšhutisang go nyakanana ka mokgonone. (Gen. 18:1-5) Re ka di kgona fote di nyaka re berekise lešuba lo le ka fo nyarelang gore re thogo gelepa batho re sa šepisi, le mo ba ‘le tumelong ka yyoši le rune’ kela re sa ba tšibi. (Magal. 6:10) Nje o ka šupetsa gore o berekisana le Modimo, wa re mo go vakaša magageru ba gore ba kenne ga mmereko wa nako ka moka, wa ba yamogela? (3 Joh. 5, 8) Ga go tlala mo re maka tsotsone, re thogo “tiyisana.” (Mrm. 1:11, 12) Lentsu la Modimo le re banna ka ho phutegong ba berekisane le Jehova ka go leketsa go segelela go ba se sengwana ka ho phutegong. (1 Thim. 3:1, 8, 9; 1 Pet. 5:2, 3) Bo ba makang tsotsone ba gelepa ba bangwana ka tsa lephelo le gore ba tlalele ga tso tsa Modimo. (Meber. 6:1-4) Le bo ba berekang mebereko ya go tshwana le go pasopa phutego ba ko go botseng gore a yi go natefa ga tsona. w18.08 24 ¶6-7; 25 ¶10

Thimothi ke mo a le ka gedimo ga magageru yane ya gore ma šele ma gudiye, mara ke mo di nyaka a ba tshware di šupetsa gore o ba kwela go baba fote wa ba hlompa. Mara taba yone re nyoko yi tseyela gedimo go segela kaye? Mo re beyisa, ayitsano tsotsone di ra gore mo motho wa gore o tsofele a sinyela Jehova ka bomu kela a tšhutisa taba ya gore a yi nnete, rune re fo mo lesetsa? Jehova aa yi ka gore motho o yemegiye byang fote a ka sa fo lesetsa motho a sinya ka bomu a re yene o šele a tsofele. Bona tšhiko yo yi leng howa ga Jesaya 65:20, ya gore: “Ye a sinyang o nyoko patela, le mo a ka fo ba a na le lekgolo la mengwaga.” Hezekiyele o yye a yi bona taba ya go tshwana le yonone. (Hezek. 9:5-7) Byalo, di nyaka re hlopege ka matla ka go hlompa Jehova Modimo, yene wa Botalatala. (Dan. 7:9, 10, 13, 14) Mo re ka fo maka ka mokgonone, re ka sa tšhabe go wolola motho mo a tšwa pateng, le mo go ka fo ba go le ye mokaye.—Magal. 6:1. w18.08 11 ¶13-14

Ke rune Makreste ya mannete, byalo di nyaka re tšibe go nyakolla ditaba le go segelela sepheto sa nnete. (Diy. 3:21-23; 8:4, 5) Mo re ka sa make tsotsone, re nyoko ba re bulela Sathane le lefase lage sekgala sa gore ba thogo re fokola. (Maef. 5:6; Makol. 2:8) Ke nnete gore mo re tšiba gabutši gore go makega ying, re ko thogo segelela sepheto sa gabutši. Lekgono, ditaba a yi go tlala ga tsona. Mo inthaneteng, ga TV le ga tse dingwana tso tsa thekinoloji, go na le ditaba tsa mošagašaga ya go tlala. Batho ba go tlala ba kraya di-e-mail tsa go tlala, melayetsa le ditaba tse dingwana tso di tšwang ga banghana ba bona. Ditaba tsa gore di kekemme di tlele ka matla lekgono, byalo di nyaka re tipasope, re sa fo yakgoswa re tshepa se sengwana le se sengwana so se segelang ho ditsebeng. w18.08 3 ¶1, 3

Mo go segela nako ya gore Morwayi wa Modimo a belegiwe ho lefaseng, Jehova o yye a hlawola ngwannyana wa gore aa soko yetsela le monna, ye ba reng ke Mariya, gore a belege ngwana yewa wa go hlawolega ka matla. Mariya ke mo a dula ga toropo ya go sa re selo ya Nazareta, ya gore ke mo yi le kgole ka matla le Jerusalema le tempele ya yona ya go bafala la go sa hlayisege. (Luk. 1:26-33) Ka nthago, mo Mariya a bolabola le lešaga lela lage ba reng ke Elisabetha, o šupetsiye gore o tlalele ka matla ka ho ga Modimo. (Luk. 1:46-55) Eya, Jehova ke botala a kene a mo lebelele ga Mariya, ke mokane a di bona gore wa tshepega, a mo neya le tso ke mo a sa di nagana. Mo Mariya a šele a belegiye Jeso, a go na le ndhuna ka yyoši kela kgoši ya ku Jerusalema le Betlelehema yo Jehova a makiyeng gore yi tšibe ditaba tsowa. Badisi ba gore a ba re selo ke mo ba pasopiye dinku ku thina le dibaya tsa ka tawong ga Betlelehema, ba fo bona go nyarela barongwa. (Luk. 2:8-14) Ke mokane badisi bowa ba yye ba vakašela leseya lone. (Luk. 2:15-17) Di šupa Mariya le Josefa ba yye ba makala ka matla ba kene ba jabodiye mo ba bona Jeso a thanakiwa ka mokgonone! w18.07 9-10 ¶11-12

Ke mo go rorebeng mo Jehova a šinya a kwatela Solomone ka mokgonone? Baebele yi re: “Ka taba la gore pelo yage ke mo yi keketlela ku kgole le Jehova . . . , ye a yyeng a nyarela gage gabedi a tl’le mmotsa ka yona taba yonowa, a mmotsa gore a sa latelele medimonyana yone. Mara aa theetsela tso Jehova a di bolabodiyeng.” Jehova le yene o yye a napa a mo lesetsa. Bo ba yyeng ba belegiwa ka nthago ga Solomoni ba krayye mmušo wa Israyele o sa mamarelana ba boya ba tlela ke dilo tsa go baba tsa go tlala, tsa tlela le bana ba bana ba bona. (1 Mag. 11:9-13) Re ya tšhuta mo ga Solomoni gore go nghanelana le batho ba gore a ba kwisisi kela a ba hlompe melawo ya Jehova, go ntsha motho seporong, a napa a keketlela ku kgole. Ba bangwana ba ka šupetsa nkare ba gahlanela gabutši mara ba kene ba tekateka ka ho ga tsa Modimo. Ba bangwana o kraya go le mašaga, bayagelani, bo re berekang nabo kela bo re kenang nabo sekolo ba gore a ba rapele Jehova. Ba yye ka mehlobohlobo, mara mo nkare bo re nghanelanang nabo a ba nyake Jehova le melawo yage, ba ka fetsa ba makiye gore tsa rune le Modimo di šaše. w18.07 19 ¶9-10

Sathane o berekisa dimuvi le TV gore a re naganise dilo tsage tsa go kekema. O di tšiba gabutši gore ditori re kwana natso ka matla fote re yakgoswa re yekisela tso re di bonang ga ditori tsone, tsa go tshwana le go nagana, go tikwa ka mokgo mongwana le go maka dilo. Jeso ke mo a di kgona ka matla tsa go tšhutisa batho ka go ba hlatollela setori. Nagana ka mešupetso ye mengwana ya gore o yye a yi bolabola, go tshwana le wola wa Lesamariya la pelo ye butši le wa morwayi wa segeyageya wa go tloga gaye a ye sinyanya dilo ka mokana ga tsona tso a nang natso. (Mat. 13:34; Luk. 10:29-37; 15:11-32) Mara batho ba gore Sathane o ba tlanyetsiye, ba ka re woka le rune ka ditori tsa bona. Di nyaka re gate gabutši. Go na le dimuvi le dilo tso di leng ho ga TV tsa gore re ka fokatsa ka tsona ra boya ra tšhuta se sengwana fote ra sa šale re kenne ke dithila ka ho menaganong. Mara a di nyake re ya ka matla. Mo re šele re lebelela so re ka ga se makang, di nyaka re tiputsisa gore, ‘Ayitsano muvi wowa kela selo so se kganang mo TV se ntšhutisa gore a di hlupi le mo ke maka dilo tsa gore di nabela ke nama yo yaka?’ (Magal. 5:19-21; Maef. 2:1-3) Di nyaka o make ying mo o bona nkare dilo tso o di lebeleleng di na le bosathane ka ho teng? Napa o kganela kgole natso go tshwana le mo o sa nyake go tshilela ke bolwele! w19.01 15-16 ¶6-7

Go fo tshwana le ho lekarapo lone le tšhireletsa byoko bya lesole, le ga rune “tshepo ya go phona” yi pasopa dilo tso re di naganang. (1 Mathes. 5:8; Diy. 3:21) Sathane o re woka byang gore re segele le ho re yapolang lekarapo la rune? Gopola tsela a yyeng a di maka Jeso. Sathane ke mo a di tšiba gabutši tsa gore Jeso o na le tshepo ya go tl’le lawola batho. Mara Jeso ke mo a tshwanele a yemele Jehova gore go šinye go segele nako ya gona. Mara mo go soko segela nako yone, ke mo a tshwanele a hlopegisiwe ke mokane a kgwe. Byalo Sathane o leketsiye go phiriketsa Jeso a re yene o nyoko yakgoswa a mo neya so a se yemeleng. Sathane o yye a botsa Jeso gore mo a ka fo mo thinyela letolo ga teya, o nyoko mo neya dilo tsone ka mokana ga tsona, fote a ka sa re ka motshwana, gana byalo. (Luk. 4:5-7) Le ga rune Sathane o di tšiba gabutši gore Jehova o nyoko tla a re rufa ka dilo tsa go tlala ku ga lefase la nyuwane. Mara re tshwanele re mo yemele, re kene re hlopegisiwa. Byalo Sathane o re woka ka dilo-dilo tsa go fore re jabolele lephelo tsa gana byalo. O nyaka gore re lelekisane le dilo tsa lefase lowa re di yetise mahlong, fote o re dilo tsone re nyoko di kraya ka mokana ga tsona—gana byalo. Gabutšibutši Sathane o re kutšetsela gore re thomise ka tso tsage, ke mokane tsa Mmušo wa Modimo di tle ka morago.—Mat. 6:31-33. w18.05 30-31 ¶15-17

Nnete Jehova o di nyaka ka matla tsa gore pelo yago wene lethari yi dule yi re tswe-tswe. O sa thogathoge ga tso tsa Modimo, o tšhele Jehova mo o kene o tipotsa tso o nyakang go di maka. Mo o ka yakgoswa o maka ka mokg’onone, le wene o ko boneng gore Jehova wa go yetetsa, wa go pasopa fote o go rufa tsa mannete. Nagana ka go yetetsiwa go go butši ga gore re go kraya ka teng ga Lentsu la Modimo, ke mokane o tseyele hlogong keletso ya gore: “Ye Mogolo ye a go makiyeng, mo gopole o sa le lethari.” (Mmo. 12:1) Mathari ka mo phutegong ma tshwanele go thanakiwa ka taba yowa ya gore ma karakarela go berekela Jehova. Mathari ma maka sone ka go tipotsa tso ma nyakang go di segelela ga tso tsa Modimo le ka go beya mmereko wa go tšhomayela ka ku mahlong ga dilo tsa bona mong. Se sengwana ke gore ba fetsa le dipelo gore a ba nyake go fokola ke lefase lowa. Bo ba gore ba sa gola di nyaka ba di tšibe gore mo ba karakara ka matla ka mo ga tsa Modimo, a baa tshwara ya go kgana. Go na le magageru ba banna la ba basadi ba gore ba yema nabo, fote mo ba ka dula ba tšhela Jehova ditabeng tsa bona, tsa lephelo di nyoko ba tshwara gabutši. w18.04 29 ¶17, 19