June

Taba yowa ga malata ya Jeso a ya ma tiyisa lona! Bona ke mo ba sa nape ba yi tshwara gabutši taba yone ya gore ye a ba yetang mahlong o thina le go kgwa, mara ke mo ba ka sa šale ba ntoši. Jehova ke mo a nyoko ba fetola mo ba mo rapela ba kgopela gore a ba gelepe mo ba kene ba tšhomayela ka tsa Mmušo. Go f’lo ba ka mokg’onone, ba yye ba di bona gore Jehova o ba fetodiye mo ba kgopela thušo gage. (Meber. 4:29, 31) Go sa fo tshwana le lekgono. Mo re yengwa, re tikwisa ka go ba banghana ba Jeso. Se sengwana ke gore a re kanakane gore Jehova o nyoko re fetola mo re rapela, mo re kene re bolabola ka ditaba tsa go bafala tsa Mmušo ku tšhomong le mo go na le tsa go re phiriketsa. (Mafil. 4:13) Di natefa ka matla mo merapelo ya rune yi fetodiwa ka thoko re kene re le banghana ba Jeso! Dilo tsowa tsa gore re di neya ke Jehova di maka gore re be le matšhika fote re ye mahlong re yengwa.—Jak. 1:17. w18.05 21 ¶17-18

Ke mo go f’lo šala sehlano sa mongwaga gore Makreste ya Majuda ya gore ne ma dula Jerusalema ma bone “letšatši la Jehova” le šutela le go bona mošupetso wo Jeso a bolabodiyeng ka wona gore mo ma di bona di makega ma tšhabe mutšing wone. (Meber. 2:19, 20; Luk. 21:20-22) Letšatši lone la Jehova le segele ka 70 C.E. mo Maroma ma fetsa ka Jerusalema ka mokg’o go nyakiyeng Jehova. Tso di makegang lekgono di napa di šupetsa gore byalo gona “letšatši le legolo la go tshosa” la Jehova se le šutele. (Juw. 2:11) Moporofeta Zefaniya o itseri: “Letšatši le legolo la Jehova le thina! Le thina fote le šutela ka go yakgoswa!” (Zef. 1:14) Go pasopisiwa ka taba yone le ga rune gwa bereka. Pawulo mo a kene a lebelele ka mokg’o letšatši lowa la Jehova le yakgoswang ka gona, o re ‘re yisaneneng hlogong gore re gotetsane leratong le meberekong ya gabutši.’ (Maheb. 10:24) Byalo, di nyaka re sa lesetse go hlopega ka magageru, gore re thogo ba thina mo ba nyaka re ba tiyisa. w18.04 20 ¶1-2

Le wene ke mo o ka napa o tlogamela mo o kwa Jehova a neya Jošuwa mmereko wa go yisa batho bage ga Naga yo ne ba Tshepisiwwe yona! Jehova ke mo a sa tiyisi motho ka wweši ka wweši fela, le mo ba le mogoba ke mo a ba tiyisa. Seporofeto so a yyeng a se bolabola se ka fo ba se yye sa kgomoletsa Majuda nako tsela go le mabhantiti ku Bhabhilona, Jehova o itseri: “O sa tšhabe, ke nago. O sa šekele, ka taba la gore Modimo wago ke nna. Ke nyoko go tiyisa, ke ya resa, ke nyoko go thuša, ka nnete ke nyoko go tshwara ka letsogo laka la go ja la go loka.” (Jes. 41:10) Modimo tsotsone o yye a di tshepisa Makreste ya ku botala, le ga batho bage lekgono o sa fo reyane. (2 Makor. 1:3, 4) Jeso le yene o yye a tiyisa ke Papage. Nakwela a kolobetsiwa, Jeso o yye a kwa lentsu la go tšwa legedimong le re: “Yewa ke Morwayi waka, ye ke mo nyakang ka matla, ke kwana naye.” (Mat. 3:17) Mantsu wone ma yye ma tiyisa Jeso mo a kene a tshwaraganne le mmereko wa go tšhomayela wa mo lefaseng! w18.04 16 ¶3-5

Ba go tlala mo ba bala ka molawo wo Jehova a wo neyyeng Adamo ba ka fetsa ka gore ke mo ba mo gatelela ba sa nyake a maka tso a di nyakang. Mo ba reyane ba fo šupetsa gore a ba kwisisi dilo tsowa ka dipedi—rune batho re lokologiye go hlawola ga tso re di nyakang, mara Modimo ke yene a beyang molawo wa gore sa go bafala le sa go befa ke sefeng. Adamo le Efa ke mo ba ka tikgetela gore bona baa mo theetsela ga Modimo kela e-e. Mara mo re šele re ya nneteng, ke Jehova ye a tshwaneleng go bolabola gore sa gabutši ke sefeng le sa go befa ke sefeng, go fo tshwana le mo a šupetsiye ka “sehlare sela sa go tšiba tsa go bafala le tsa go befa” sa ku tšhomong ya Edene. (Gen. 2:9) Ga tso Jehova a di bolabodiyeng, ke mo a tšhutisa Adamo le Efa gore go lokologa ga bona ga mannete ba go berekise byang. Go ka mokgonola re tšibang, babelegi ba rune ba mathomongthomong a baa theetsela. Ayitsano Adamo le Efa ba yye ba kwa ba lokologiye ka matla nyana mo ba fetsa go maka tso di tšibang ke bona? Dhoo. Tsa go lokologa tsela ne ba ba neyye tsona di psyile ka taba la gore ba yye ba nyaka go tilawola bona beng. w18.04 5-6 ¶9-12

Go na le dilo tsa go tlala tso Jehova a di makang tsa go šupetsa gore malata yage o ma kwela go baba. O maka se sengwana gore a ba gelepe. Mo re beyisa, nakwela Maisrayele ba le bobhantiting ku Egepita, Jehova ke mo a di bona gore ba kwa go baba ke mokane a kwa di mo tšhofa gore a ba gelepe. Jehova o bolabodiye le Moše, a re: “Mohlopego wa batho baka ke wo bonne . . . , fote mo ba lla ke ba kwile . . . Ke di tšiba gabutši tso di ba kwisang go baba. Ke nyoko ya ke ye ba ntsheng ku matsogong ya Maegepita.” (Ek. 3:7, 8) Jehova ke mo a ba kwela go baba batho bage, a šinya a ba ntsha bobhantiting. Mengwaga ya go tlala ka nthago ga mone, ba yye ba gahlana le manaba ya go ba hlorisa mo ba le ga Lefase lo ne ba Tshepisiwwe lona. Jehova o yye a re king ka taba yone? O yye “a ba kwela go baba mo ba gotla ka taba la go kwisa go baba ke bo ba ba kgahleletsiyeng le bo ne ba ba tshwere lešidi.” Le ga taba yonone, Jehova o yye a kwa di mo tšhofa gore a gelepe batho bage. O yye a romela bayahludi gore ba phonise Maisrayele ga manaba ya bona.—Bay. 2:16, 18. w19.03 15 ¶4-5

Melawo ka mmedi ya mathomo ga Lesome la Melawo ke mo wo re Maisrayele ma berekele Jehova ka dipelo tsa go felegelela fote ke mo wo re ba sa rapele medimo ya dithombhe. (Ek. 20:3-6) Melawo yewa ke mo go se ya go gelepa Jehova. Mara ke mo go le ya go gelepa batho bage. Mara mo ba thomisa go rapela medimo ya ditšhaba tse dingwana, lephelo ke mo le thomisa go gakga. Ka nthoko ye nngwana, Jehova ke mo a ba rufa batho bage mo ba tshepega fote ba tshwarana gabutši. (1 Mag. 10:4-9) A di nyake re sola Jehova mo batho ba gore ba re bona ba berekela Jehova ba maka tsa go tšiba ke bona fote ba kwisa batho bage go baba. Mara Jehova wa re nyaka fote wa di bona mo ba re hlupegisa. O re kwela go baba go feta mo mmane wa ngwana a kwela ngwanage go baba mo a hlupegisiwa. Le mo a ka fo sa yakgoswe a maka se sengwana ka nako yonone, mo nako yage yi segela, o nyoko yahlola batho ba gore a ba nyake go tisola ba gore ke mo ba sa tshware batho bage gabutši. w19.02 22 ¶13-15

Ka mabeke ya mo Segopotso se kene se šutela, mo megahlanong ya rune go bolabodiwa ka matla ka Jeso le ka mokgo a yyeng a tinyanafatsa ka gona mo a neyela ka lephelo lage gore a re lepolle. Re kwa di re tšhofa gore re yekisele go tinyanafatsa ga Jeso le go maka tso Jehova a di nyakang, le mo go se lola. Re nagana ka lešiši lo a yyeng a ba nalo mo a soko bane a kgwa. Ke mo a di tšiba gabutši tsa gore go se botala manaba yage ma nyoko mo poyila, ma mo teya le go fetsa ka yene. (Mat. 20:17-19) Mara, aa sologa ka taba la go tšhaba go kgwa. Mo nako yi segela, o yye a re ga mapostola ya go tshepega ya ke mo ma le naye hala Getsemane: “Tlogamelaneng, koriyeneng. Bonaneng! Yela wa go n’sepela ka fase ke yenene.” (Mat. 26:36, 46) Mo go nyarela mogoba wola wa go tshwara digale wo nyaka go mo tshwara, o yye a šutela hala ga bona a ba hlatollela gore ke yene mang ke mokane a botsa masole yane gore ma lesetse mapostola yage ma tisepelele. (Joh. 18:3-8) Lešiši la Jeso ke mo go le le legolo ka matla! Le lekgono, Makreste ya ma tlotsiwweng le dinku tse dingwana ma karakarela go šišimala go tshwana le Jeso. w19.01 27-28 ¶7-8

Go fo tshwana le mo motho wa go penta a gahlanisa dikhala tsa go tlala nyana mo a penta sethombhe, le rune di nyaka re make dilo tsa go tlala nyana gore re be batho ba go tinyanafatsa. Tse dingwana tsa tsona di tshwana le go tipeya fase, go theetsela, go temeka le lešiši. Batho ba gore ba tipeyye fase ke bona ba kgonang go theetsela le go maka so Modimo a se nyakang. Se sengwana sa dilo tso Modimo a di nyakang ke gore re be ba go temeka. (Mat. 5:5; Magal. 5:23) Sathane o kwata ka matla mo a re bona re maka tso Modimo a di nyakang. Le mo go le rune batho ba go tinyanafatsa le ba go temeka, batho ba go tlala ba ho lefaseng la Sathane ba fo re hloyanya. (Joh. 15:18, 19) Byalo, di nyaka re be le lešiši gore re thogo hlula Sathane. Motho wa go ba le magetla di ya mo šita tsa go tinyanafatsa, o fo kwatakwata fote aa theetsele Jehova. Sathane o fo ba ka mokgonone. Ke tsotsone di makang gore a kwe batho ba go beba ba mo tinwisa ka matla! O tshwatisa le ke gore baa mo phala. Sa go napa se mo phirwa ke gore baa šupetsa gore Sathane o na le matsaka. Ke ntaba? Ka taba la gore se sengwana le se sengwana so a ka se makang kela go se bolabola, a ka sa di kgone go maka gore batho ba go tinyanafatsa ba lesetse go berekela Jehova!—Job. 2:3-5. w19.02 8-9 ¶3-5

Jehova ke mo a di tšiba gabutši gore batho ba Bhabhilona ba nyoko šekela. Mabhabhilona ke mo ma nyoko kutulugela ke masole ya Mameda le Maperesiya. Jehova ke mo a nyoko berekisa masole yane gore a ntshe batho bage bobhantiting hala Bhabhilona. (Jes. 41:2-4) Mo Mabhabhilona le batho ba dipoleke tse dingwana ba bona nkare manaba ya wona maa šutela, ke mo ma tiyisanana le go šišimala ma re: “Tiyelelaneng.” Ba yye ba maka medimonyana ya go tlala ba fo re kela yi ka ba pasopa. (Jes. 41:5-7) Ka nako yonone, Jehova o yye a papatela dipelo tsa Majuda ya ke mo ma le bobhantiting, o yitseri: “Wene Israyele [a o tshwane le bayagelani bago] ke wene lelata laka . . . O sa šekele, ka taba la gore Modimo wago ke nna.” (Jes. 41:8-10) Jehova o yitseri: “Ke nna Modimo wago.” Mo Jehova a hlaya tsotsone, ke mo a botsa batho bage ba gore baa tshepega gore aa ba lebala fote le bona ke mo go sa le batho bage. O ba butsiye mantsu ya gore: “Ke nyoko le kakola . . . ke nyoko le phonisa.” Di šupa nkare mantsu yane ya go kgomoletsa ma yye ma tiyisa Majuda yane ka matla nakwela ma le bobhantiting.—Jes. 46:3, 4. w19.01 4 ¶8

Di makegiye gararo, mara Mareka 1:9-11 yi bolabola ka nako ya mathomo ya mo Jehova a bolabola a le ku legedimong. Jehova o yitseri: “Ke wene Morwayi waka, ye ke mo nyakang ka matla; Ke go yamogele.” O fo nagana nje gore sone se yye sa tikisa pelo ya Jeso byang ho a kwa Papage a bolabola ka mokgo a mo nyakang ka matla ka gona! Mantsu ya Jehova ma yye ma šihlela dilo ka diraro ka Jeso. Sa mathomo, Jeso ke Morwayi ke wage. Sa bobedi, Jehova o mo nyaka ka matla Morwayi wage. Sa boraro, Jehova o yamogele ga Morwayi wage. Mantsu ya gore “Ke wene Morwayi waka,” ma šupetsa gore Jeso o krayye senghana sa nyuwane le Jehova. Ka nako tsela Jeso a le ku legedimong, ke mo go le morwayi wa Modimo wa moya. Mo a fetsa go kolobetsiwa o yye a tlotsiwa ka moya wa go hlawolega. Ka nako yonone Modimo o yye a hlawola Jeso gore yi be Morwayi wage wa moya, sosone se šupetsa gore Jeso o nyoko boyela legedimong gore a ye a be Kgoši le Mophrista ye Mogolo. (Luk. 1:31-33; Maheb. 1:8, 9; 2:17) Byalo di ya kwisisega gore ka nakotsela Jeso a kolobetsiwa ke ntaba Papage a yye a re: “Ke wene Morwayi waka.”—Luk. 3:22. w19.03 8 ¶3-4

Go fukudiwa a gwa thomisa lekgono, go thomisiye ke Sathane ku botala nakwela go thomisa go ba le batho. O yye a kakola magetla, a maka nkare yene aa šiti ke selo, a ya a botsa Efa gore mo yene le monnage ba ka fo tihlawolela go phela ka mokgo bona ba nyakang, ba nyoko jabola. (Gen. 3:1-6) Sathane ke mo a ba tšhela mošohlong. Ke mo a nyaka gore Adamo le Efa—le bana bo ba nyoko tlang ba ba belega—ba sa rapele Jehova, ba rapele yene. Mara dilo ka mokana ga tsona tso ke mo ba le natso, lenyalo, poleke ya go bafala yo ke mo ba dula ga yona, go yenela mmeleng le go tšiba gore ba ka di kgona go phela go ya go yye, dilo tsone ka mokana ga tsona ke mo ba di neyye ke Jehova. Sa go kwisa go baba ke gore Adamo le Efa ba yye ba fo womisa dihlogo ba sa theetsele Modimo, ba šupetsa gore bona a ba sa mo nyaka ho thina. Re ya di tšiba gore maphomela ya gona ma yye ma sasamela ka matla. Ba yye ba tshwana le lebhlomu mo le kgonoga, la puna ke mokane la kgwa ka go nyana ka go nyana. Senyama sone se yye sa tlolela le ga bana ba bona. (Mrm. 5:12) Le lekgono lowa, batho ba go tlala ba sa fo ya mahlong ba beyela Modimo ku kgole. Ba nyaka go phela ka mokgo go nyakang bona beng. (Maef. 2:1-3) Mo ba felelang gona di napa di ro šupetsa gore temanyana ya lekgono ya resa. w18.12 20 ¶3-4

Pawulo wa lepostola ke mo a hlalefiye fote a tšhutegiye, ke mo a kgona mehlobo ka mmedi ya mebolabolo. (Meber. 5:34; 21:37, 39; 22:2, 3) Mara mo go nyarela ditšhiko tso a di tšibang, ke mo a sa lesetse lefase le mo kutšetsela. Mara ke mo a maka dilo tsa gore di yelana le Mangwalo. (Meber. 17:2; 1 Makor. 2:6, 7) Tsotsone di makiye gore tšhomo yi mo natefele ga Pawulo fote o kgwile a di tšiba gore o nyoko kraya patela ya go ya go yye. (2 Thim. 4:8) Nnete re ya di bona gore Modimo o ba feta kgole batho ba lefase lowa ka monagano. Mo re ngangarela tso yene a di naganang mo re kene re phela, re nyoko jabola ka matla fote le lephelo le nyoko ro sepela gabutši. Mara Jehova aa re makisi ka tšhinghi gore re nagane go tshwana naye. “Lelata la go tshepega le la go hlalefa” a le lawole dilo tso batho ba di naganang, le mong tsa bagolo. (Mat. 24:45; 2 Makor. 1:24) Mokreste ye mongwana le ye mongwana o na le mmereko wa gore yene mong a leketse gore tso a di naganang di yelane le tso di nyakang ke Modimo. w18.11 20-21 ¶12-13

Modimo o bolabodiye botala a berekisa Jesaya gore mo batho bage ba boyela gaye, ba nyoko phela gabutši go se na tsa go ba kwaletsanya, tsa go ba tshosanya tsa go tshwana le diphoolwane kela go hlagasedisa ke batho ba go phela tsa nkare ke bona diphoofolo. Ka mokana ga bona ba nyoko kwa dipelo tsowa di yitseri tswee. (Jes. 11: 6-9; 35:5-10; 51:3) Jesaya o yitseri ‘go tšiba Jehova go nyoko sabalala lefaseng ka mokana ga lona go fo tshwana le meetši mo ma tlalaganne ma yenetsiye lewatle’—tsotsone ke mo di sa rele Maisrayele ma ntoši. Jesaya o yye mahlong a kgahlisela taba yowa ya gore batho bone mo ba boya gaye, ba nyoko phela ba sa tšhabe selo, ba sa tshosanye ke diphoolwane, kela batho ba bangwana. Go fo tshwana le ku tšhomong ya Edeni, naga ya bona ke mo yi nyoko ba le diyengwa tsa go tladisa mohlolo, ka taba la gore ke mo di nyoko kraya meetši ya go di yenetsa. (Gen. 2:10-14; Jer. 31:12) Ayitsano ke mo go nyoko felela gana hone? A go na so re ka tshwarelelang ga sona sa go šupetsa gore batho bala ba go tšwa bobhantiting ba yye ba fodisiwa ka mohlolo. Mo re beyisa, ba go popela mahlo a sanka ba bona fote. Modimo ke mo a šupetsa gabutši gore tsa go yalafiwa ke mo di sa nyoko makega ku mahlong. w18.12 5 ¶11-12

Go sepela nneteng a re lesetse, pata yowa di nyaka re sepela ga yona go ya go yye. Re ka maka byang gore re sa šepisi mo re kene re ya mahlong re sepela nneteng? Ariye mahlong o tšhuta dinnete tsa Lentsu la Modimo fote o ghayele ka tsona. Eya, reka nnete ka go dula o beya nako ya go bala dinnete tsowa tse dikgolo tsa Lentsu la Modimo. Mo o maka tsotsone, o ko napa o šupetsa gore o yi leboga ka matla nnete yowa fote o nyoko yi ngangarela gore o sa tsoge o yi rekisiye. Mo Diyema 23:23 yi tokegela ga taba yonone ya go reka nnete, yi re reka le “go hlalefa, go kgala le go kwisisa.” Go fo tšiba dilo a gwa yenela. Nnete yowa di nyaka re yi berekise mo re kene re phela. Mo re kwisisa, re napa re di bona gabutši tso Jehova a di bolabolang. Go hlalefa go maka gore tso re di tšibang re di berekise. Ka nakwenngwana, nnete yi fela yi re kgala, ya re botsa gore re wolole kaye. Tla re theetseleneng ka moka matšatši barena mo re kgadiwa ka mokgonone. Go theetsela ke selo se segolo ka matla go feta siliva.—Diy. 8:10. w18.11 9 ¶3; 11 ¶13-14

Selo se segolo ka matla ho gago king? Ayitsano o ka nabela go se lahla ke mokane wa kota sa go fo re tlo? Ga malata ya Jehova, go fetola diputsiso tsone di lola ka matla. Selo se segolo ka matla ho ga rune ke senghana sa gabutši le Jehova fote re ka sa nyake go se lesetsa se hufuga. Se sengwana ke gore re tseyela gedimo nnete ya Baebele ka taba la gore ke yona yi makiyeng gore re mamarelane le Papa wa rune wa legedimong. (Makol. 1:9, 10) Thitšere ya rune ye Kgolo yi berekisa Baebele go re tšhutisa dilo tsa go tlala! Ke yene Jehova a re botsang nnete ka lebitso lage gore le ra gore king le ka mekgwa yage ye mebutši. O re botsa le ka taba yo a re makeleng yona ya go šupetsa gore o re nyaka ka matla ya hala Morwayi wage Jeso a re lepolla. Fote Jehova o re hlayisela ka Mmušo wa Mesiya fote o re tshepisa gore re nyoko phela Pharadeyising ho lefaseng. (Joh. 10:16) O re tšhutisa le gore maphelelo ya rune ma tshwanele ma be ya mošaga mang. Re tseyela dinnete tsowa hlogong ka taba la gore di maka gore re thogo šutela thina ga Modimo ye a re makiyeng. Di maka le gore lephelo la rune le jabodise. w18.11 3 ¶1-2

Batho ba go ba le matsaka ba ka sa wutametsele Jehova selo, ka taba la gore “dilo ka mokana ga tsona di yapogiye fote di fo ba lekgwaying” ho gage. (Maheb. 4:13) Mo re fo beyisa, Ananiyase le Safira ba yye ba tipotsa ka ho dipelong gore ba nyoko tshokanya mapostola. Ba yye ba rekisa phahlo ye nngwana ya bona mara ba segela ba neya mapostola sengatha sa tšheleta yone. Monna yewa le mosadi wage ke mo ba nyaka phutego yi tseya nkare ke bona batho ba gabutši, ba maka nkare bona a ba konane mara gabutšibutši ke mo ba wutametsiye tse dingwana. Mara Jehova ke mo a kene a lebelele mo ba maka tsotsone, a ba maka tso di ba tshwaneleng. (Meber. 5:1-10) Jehova yene o re king ga taba yowa ya go bolabola matsaka? Sathane le batho ka mokana ga bona ba gore a ba lesetse matsaka fote ba ro napa ba fetelela mo ba kene ba mo yekisela, ba nyoko bošediwa ‘nokeng ya mollo.’ (Kut. 20:10; 21:8; Pis. 5:6) Ra di tšiba tsa gore Jehova “aa tshwane le motho wa go tipolabolela matsaka.” Gabutšibutši, “a di kgonege tsa gore Modimo a hlaye matsaka.” (Dip. 23:19; Maheb. 6:18) “Jehova o hloyye . . . lleme la go bolabola matsaka.” (Diy. 6:16, 17) Mo nkare re ya di nyaka go mo jabodisa, di nyaka re phele ka melawo yage ya nnete. w18.10 8 ¶10-13

Tla re fo tseya gore lekgowa lago le kgopela gore o ntshe tšheleta ya gore go tle go makiwe phathi ya gore yi yelana le bodumedi bya matsaka. O nyoko maka byang? Napa o nagana ka taba yonone gana byalo gore Jehova o re king ka yona, o sa re o ko fo tla o bona ka nako yonone mo di nyarela gore o maka byang! Ke mokane mo go ka nyarela seyemo se sengwana ga tso re bolabodiyeng ka tsona, go ko ba lola gore o make o boye o bolabole selo sa gabutši. Go nagana ka taba yi soko segela go ka re gelepa gore re ye mahlong re tshepega le mo go ka nyakega gore re yalafiwe ka go yakgoswa. Nnete ke gore re ka sa tšhele madi ya gore ma felegelele kela sengatha sa tsela tse dikgolo ka dine tsa madi, mara mo nkare re nyoko yalafiwa ka mokgwa wo mongwana wa gore le taba ya madi ya kenelela gana hone, di nyaka re segelele sepheto sa rune beng sa gore se yelana gabutši le ditšhiko tsa Baebele tsa go šupetsa gore re nagana go tshwana le Jehova. (Meber. 15:28, 29) Gabutšibutši, dilo tsone a di nyake go naganiwa ho re šele re segele sepetlele, di ka makega gore ka nako yonone re ko ba re kwa go baba fote re tšhofiwa gore re yakgoswe re segelela sepheto. Gana byalo ke nako ya go nyakolla ka taba yone, o nape o tlatsa le lekhate la molawo la go šupetsa gore o nyaka go yalafiwa byang, o boye o bolabole le dokotela yago. w18.11 24 ¶5; 26 ¶15-16

Jehova ke yene modisi wa gore batho bage wa ba pasopa fote o ba makela dilo tso di ko ba gelepang, o ba tseyela gedimo, aa nyake le manaba ma šutela thina gore ma sa ba kwaletse. Nnete yowa yi re kgomoletsa ka matla gana byalo mo re kene re bakiye mafelelong ya lefase lowa! Jehova o nyoko ya mahlong a pasopa batho bage ka mokana ga bona le ga motšhatšhamelo wo mogolo wa gore wo šutela ka go yakgoswa. (Kut. 7:9, 10) Byalo, batho ba Modimo ka nako ya motšhatšhamelo ba ka sa kwe ba hlagasela kela ba tšhugiye, le mo go ka fo ba motho ye monyana kela ye mogolo, wa gore o philegiye gabutši kela wa sekoka. Gabutšibutši, ba nyoko maka sa go makatsa! Ba nyoko gopola mantsu ya Jeso Kreste ya gore: “Yemaneng le wolologiye le sa tekateki le boye le yemise dihlogo tsa lune, ka taba la gore go phonisiwa ga lune gwa šutela.” (Luk. 21:28) Ba ka sa hlagasele le mo ba kguhliwa ke Gogo—ditšhaba tsa go gahlana tsa go ba le matšhika. (Hezek. 38:2, 14-16) Batho ba Modimo ba nyoko maka king gore ba sa titšhoge? Baa di tšiba tsa gore Jehova o fo dula a le ka mokgonola wa botala. O nyoko dula a šupetsa gore ke yene wa go phonisa, wa go kwelana go baba le wa pelo ye butši.—Jes. 26:20. w18.09 26 ¶15-16

Di šupa nkare Maisrayele ma yye ma kgomoletsega ka matla mo ma kwa mantsu ya Jehova ya ma leng ka ho kgakala. Mo o le lelata la Jehova, le wene napa o di tšiba tsa gore Jehova o go nyaka ka matla. Lentsu la Modimo le tshepisa bo ba kwanang le tso tsa Modimo gore: “Ke yene wa Matšhika, o nyoko le phonisa. O nyoko le neya mojabolo wo mogolo.” (Zef. 3:16, 17) Le mo batho ba Jehova ba ka gahlana le tsa mohlobo mang, o ba tshepisa gore o nyoko ba tiyisa a boye a ba kgomoletse. “Le nyoko yangwa la boya la pepudiwa la beyiwa ho lesekeng, ke mokane la beyiwa ho matolong. Go tshwana le mmane ye a kgomoletsang morwayi wage, le nna nka sa lesetse go le kgomoletsa.” (Jes. 66:12, 13) A yi go jabodisa ga tsona barena mo mmane wa ngwana a pepudiye ngwanage a le ho masekeng kela a mmeyye ho matolong! Ka mokgonone Jehova o šupetsa gabutši gore malata yage ya mannete o ma nyaka ka matla ka lerato le lengwana la go bešabeša. O sa yi tseyele fase taba ya gore Jehova o go nyaka ka matla fote aa nyake go kwa selo ka wene.—Jer. 31:3. w18.09 13 ¶6-7

Ku ga Isirayele ya botala, ke mo go fela go nyakega batho ba go bereka ka go di nyaka. (Ek. 36:2; 1 Dikor. 29:5; Neh. 11:2) Lekgono go na le mašuba ya go tlala ya gore o ka thogo gelepa magageru ka go berekisa nako yago, dilo tso o nang natso, le tso o di kgonang. Mo o maka ka mokgonone, o nyoko jabola tsa mannete fote wa rufiwa ka matla. Ga go tlala bo ba berekang mmereko wa Modimo ka go di nyaka ba tikrayela banghana. Nagana ka mogageru ye mongwana ye ba reng ke Margie, ye a berekiyeng 18 ya mengwaga ga tso tsa go yaga Diholo tsa Mmušo. O tsere mengwaga ya go tlala a kene a tšhutisa magageru ya basadi ya go sa leng mathari. O bonne tsotsone di le gabutši ka matla gore ba thogo tiyisana gore ba tlalele ga tso tsa Modimo. (Mrm. 1:12) Mo Margie a kene a phika ke tsa lephelo, ke mo a tiyisa ke banghana bage bo ke mo a bereka nabo ga tsa go yaga diholo. Ayitsano wene o yye wa bereka go yaga diholo? w18.08 25 ¶9, 11

Ho Pawulo a ngwala mantsu yawa, nkare Thimothi ke mo a le gana hala ga bo 30 ya mongwaga. Mara mmereko wo Pawulo ne a mo neyye wona ke mo go le wo mogolo ka matla. Le ho re sa nape re tšiba gabutši gore ke ntaba a mmutsiye tsotsone, tso a mmutsiyeng tsona di kwala gabutši. Re ko ba re sa make tsona mo re fo kala magageru bo go sa leng mathari re lebelele gore ba na le mengwaga ka mekaye. Tla re sa lebaleneng gore le Morena wa rune Jeso o makiye mmereko wage wa go tšhomayela ho lefaseng a sa le gana hala ga bo 30 ya mongwaga. Setšo sa rune go ka fo ba go le sela sa gore banna ba gore ba saa gola, ba tseyediwa fase. Mo nkare go ka mokgonone, o ka kraya bagolo ka ho phutegong ba jikajika go bolabolela ngwaneru gore a be lelata kela mogolo. Di nyaka bagolo ka mokana ga bona ba di tšibe tsa gore ka ho phutegong, a go na mo Mangwalo ma hlayang gore motho a be mogolo kela lelata mo a le ye mokaye ka bogolo.—1 Thim. 3:1-10, 12, 13; Tito 1:5-9. w18.08 11-12 ¶15-16

A di nyake re tseya sepheto re sa tšibi gore tso re di kweleleng ke nnete go segela kaye. Byalo di nyaka re make dilo ka letheto mo re hlawola gore king tso re nyoko go di bala. (Mafil. 4:8, 9) Tla re lesetseneng go sinya nako ka go lebelela ditaba tsa go sodisa tso di leng ho Inthaneteng kela go bala dilo tsa gore a di nape di tshepisa tso di segelang ga rune ka e-mail. Ga diwepsayete tsa batho ba gore ba kgelugiye nneteng re napa re ro keketlela ku kgole natso. Ba fo nyaka go faganya batho ba Modimo le go thilafatsa nnete yo re yi tshwereng. Mo tso re di kwang di fo re “tlo,” le dipheto tsa rune di ko fo re “tlo.” O sa tseye nkare wene mo ba kene ba go tshokanya ka mokgonone di ka sa go fokole monagano le pelo. Nagana gore go makegiye ying ka nakwela ya Moše, mo 12 ya dindhuna tsela ne ba di romme go ye hloleleng ku ga Lefase lo le Tshepisiwweng di sologa, 10 yi leyye ditaba tsa gore di ya toka. (Dip. 13:25-33) Dindhuna tsowa ke mo di ro tšhela le letswayi mo di kene di botsetsela batho ba Jehova matsaka, di šinya di maka gore ba hlagasele. (Dip. 14:1-4, 6-10) A baa maka le ka gonyana ba re ba leketsa go nyakolla nnete le mong go tshepa Jehova, ba yye ba fo tshepa matsaka yane ba ma kwang. w18.08 4 ¶4-5

Batho ba go tlala ba gabutši, fote ba gona ba bangwana ba gore a yi dihlatse mara maphelelo ya bona a ma tshwatisi. Mo nkare batho bo o ba tlwayeleng ba ka mokg’onone, nje di rela gore o nghanelane nabo? Tiputsise gore go nghanelana nabo go nyoko se maka ying senghana sago le Jehova. Nje ba ko maka gore se gole? Go na le ying ka ku teng ga dipelo tsa bona? Mo re fo beyisa, ayitsano ga go tlala ba bolabola ka fešeni, tšheleta, direkarekane, tsa go tijabodisa kela dilo tso ba nyakang go di segelela tsa lefase lo? Nje tso ba di bolabolang ka ba bangwana a di ya kekema kela tsa go kraya go le maroga? Jeso o f’lo yi beya a sa jikajiki a re: “Molomo wo bolabola tso di tleleng ka ku pelong.” (Mat. 12:34) Mo nkare wa di bona tsa gore banghana bago ba ka šinya ba sinya senghana sago le Jehova, napa o ro poma senghana sone kela o nape o se lesetsa.—Diy. 13:20. w18.07 19 ¶11

Mo Moše a na le 80 ya mongwaga, Jehova o yye a mo neya mmereko wa gore a ye a ntshe Maisrayele bobhantiting bya ku Egepita. (Ek. 3:10) Moše o leketsiye ga tleletlele go tšhabela tso ba mmutsiyeng tsona. Mara Jehova o yye a fo mo lefisela pelo a boya a mo neya le matšhika ya go maka mehlolo. (Ek. 4:2-9, 21) Hala go le ye mongwana, nke a tshosetsannye Moše a re a make tso a mmotsang. Mara Jehova aa maka ka mokgonone, o yye a fo lefisa pelo a boya a mo tshwara gabutši, a leketsa go tiyisa lelata lowa lage la gore le tinyanafatsiye. Ayitsano tsotsone di yye tsa bereka? Gabutši ka matla! Moše go yye gwa ba moyeta-mahlong wa gabutši ka matla wa gore o yye a leketsa go tshwara ba bangwana le go sa ba kgwasolanye go tshwana le ka mokgo Jehova le yene a mo makiyeng ka gona. Mo nkare go na le bo ba leng ka tlase gago, di gabutši ka matla gore o ba tshware gabutši o kene o kopisela ga Jehova ga taba ya go naganela, go ba le pelo ye butši le go lefisa pelo! (Makol. 3:19-21; 1 Pet. 5:1-3) Mo o karakara gore o kopisele ga Jehova le ga Moše ye mogolo, Jeso Kreste, o nyoko nyaka ke ye mongwana le ye mongwana fote ba nyoko kwa ba lokologa mo ba le nago.—Mat. 11:28, 29. w18.09 24-25 ¶7-10

Ke ntaba le wene o sa tipotse gore o nyoko swinenela ngata yowa ya go ba selo ka seteya ga magageru ba banna le ba basadi? Mo nkare o na o thomisiye go maka tsotsone, re go thanaka ka matla. Nje o ka di kgona go yeketsa gana hone, wa napa o maka gore mollo wone o ye mahlong wo dura ? (2 Makor. 6:11-13) Byalo re ka re king ka taba ya go khanyisa llampa la dinnete tsa Baebele mo o dulang gona? Mo bayagelani bago ba bona o bolabodisega fote o phela ka tso o di tšhutisang, ba ka nabela go tšhuta dinnete. Tiputsise gore: ‘Bayagelani baka ba mpona byang mara? Ayitsano mutšing gaka go yediye, tsa gore le bo ba fetang ka tsela ba di bone? Ayitsano batho ba bangwana ke ya leketsa go ba gelepa?’ Mo o kene o bolabodisana le Dihlatse tse dingwana, ke ntaba o sa ba butsisi gore mašaga ya bona, bayagelani, bo ba berekang nabo le bo ba kenneng nabo sekolo ke mo ba ba tseya byang mo ba titshwara gabutši? O ka kraya ditaba tsa go jabodisa ka matla.—Maef. 5:9. w18.06 24 ¶13-14

Tsotsone di makegiye nakwela ba bolaya lelata lela ba reng ke Setefano, le ba bangwana fote ba go tshwana naye. (Meber. 6:8, 12; 7:54-60) Di napa di sa kwale tsa gore batho bowa mo ba re botsa matsaka ba re ba rapela Modimo, mara ka thoko ba kene ba taka melawo yage, ba makana swele ya go šinya ba bolaya batho ba bangwana! (Ek. 20:13) Di fo šupetsa gore makwalo ya bona ma khwešugiye! Re ka maka byang gore makwalo ya rune ma sa tshwane le selepe mo se komele? Ditšhiko le melawo yo yi leng ka teng ga Lentsu la Modimo ‘ya re tšhutisa, ya re kgala, yi wolola dilo, yi re yetetsa ka go loka.’ (2 Thim. 3:16) Byalo mo Baebele re ka fo yi tšhuta di re baba, ra ghayela ka tso re di tšhutang re kene re sepela ka tsona, re nyoko tšhutisa makwalo ya rune gore ma yakgoswe ma gopola tso Modimo a di nyakang ho go nyarela dilo tsa go befa, ka mokg’ononeng ma ko thogo re gelepa gore re sa tšwe pateng. w18.06 16-17 ¶3-4.

Sabola kela lerumo lo ke mo le berekisa ke masole ya Roma nakwela Pawulo a ngwala lengwalo, ke mo yi le 20 ya di-intši ka go lefa (50 ya disenthimitha) fote ke mo ba yi makele go berekisiwa mo masole ma lwa ma le thina le thina. So ke mo se maka gore masole ya Roma ma hlole ke gore ke mo ma dula ma titšhutisa ka tso ma lwang ka tsona ka moka matšatši. Pawulo o re Lentsu la Modimo le tshwana le sabola yo Jehova a re neyyeng yona. Mara di nyaka re tšhute go yi berekisa gabutši go tswana le batho ba digele mo re lwela so re se dumelang—kela mo re tilukisa monagano. (2 Makor. 10:4, 5; 2 Thim. 2:15) A di nyake re boya re ro hlagasedisa ke Sathane le madimona yage. Go tshosa gona baa tshosa, mara a di re gore re ka sa ba hlole. Fote a ba phele go ya go yye. Go se botala mo Jeso a ko ba a šele a lawola ka 1 000 ya mongwaga, o nyoko ba kwalela ga gore ba sa hlope, ke mokane a tla a fetsa ka bona. (Kut. 20:1-3, 7-10) Re tšiba lenaba la rune, mathayithayi ya lona le gore le tikemisele ying. Mo re ka ba thina le Jehova, re ka sa hlagasele! w18.05 30 ¶15; 31 ¶19-21

Adamo ke mo a di tšiba gabutši gore dinoga a di bolabole. Di ka makega gore o yye a kamaka gore Efa o tshwanele go ba a bolabodiye le morongwa a berekisa noga. (Gen. 3:1-6) Adamo le Efa ke mo ba sa tšibi selo ka morongwa yewa. Mara Adamo a fo timakela tsa go tšiba ke yene, a jikela Papa wa go mo nyaka ka matla wa ku legedimong ke mokane a yema le segeyageya sowa sa gore se phigisana le Modimo. (1 Thim. 2:14) Jehova o yye a napa a thomisa go wupulla ditaba tsa lenaba lone la gore ke mo le makiye gore Adamo le Efa ba fokoge, a hlaya le gore yenene wa pelo ya go befa o nyoko tlusiwa. Fote Jehova o thuletsiye se sengwana, a re noga yewa yi sa nyoko ba hlopa ka matla ba gore ga Modimo baa mo nyaka, ka taba la gore yi na le matšhika. (Gen. 3:15) Jehova o šupetsiye gore o hlalefiye ka taba la gore le lebitso la morongwa yene wa go mo jikela wa gore ne go le morwayi wage, aa re botsa. Fote Modimo o kgetiye gore a sa hlaye lebitso lone la lenaba lage gwa šinya go ro boya go fela 2 500 ya mongwaga.—Job. 1:6. w18.05 22 ¶1-2

Mo nkare le wene o na le go kgongwetsa ke go tšhomayela ga poleke ya batho ba go sa thogathoge, napa o di tšiba gore mopostola Pawulo le yene di yye tsa mo makegela tsotsone. Ka nako tsa ho a na le bo 30 ya mongwaga a tšhomayela, o yye a gelepa ba go tlala gore go be malata ya Kreste. (Meber. 14:21; 2 Makor. 3:2, 3) Mara a sanka a phomelela ga Majuda gore a ma busetse dinneteng. Ba go tlala ba yye ba mo poyila ga Pawulo, ba bangwana ba boya ba mo hlorisa. (Meber. 14:19; 17:1, 4, 5, 13) Ka mokgo Majuda ma yyeng ma mo tshwara lešidi ka gona go mo makiye ying ga Pawulo? Aa jikajika mo a hlatolla gore: “Ke bolabola nnete ka Kreste . . . ke kwa go baba go gongwana ka ho pelong gaka fote go baba hone a go pomege.” (Mrm. 9:1-3) Ke ntaba Pawulo a yye a kwa ka mokgonone? Tsa go tšhomayela ke mo a kwana natso ka matla. Mo a šinya a tšhomayelela Majuda ke mo di mmaba. Byalo mo a bona Modimo ba mo phakgela ku kgole, di yye tsa mo kwisa go baba ka matla. Go fo tshwana le Pawulo, le rune batho bowa re ba tšhomayelela di re baba.—Mat. 22:39; 1 Makor. 11:1. w18.05 13 ¶4-5

Pawulo o hlayye gore le motho ye a tiyisang ba bangwana le yene wa di nyaka go tiyisiwa. Nakwela a ngwalela Makreste ya ku Roma borifi, o itseri: “Ke le hlologele, gore ke tle ke le petlolele tso tsa Modimo gore le tiyelele; kela, yema ke fo re, gore re tiyisanane ka tumelo yo re nang nayo, ya lune le yaka.” (Mrm. 1:11, 12) Ke nnete gore Pawulo ke mo a tiyisa ba bangwana, mara le yene ke mo a fela a nyaka go kgotatsiwa. (Mrm. 15:30-32) Re tshwanele re thanake bo ba tikonneng tsa go tlala lephelong ka taba la Modimo. Magageru ya banna le basadi bo ba theetselang taba ya go nyala kela go nyadiwa “Moreneng fela” ba sa wela ga bo ba nyakang go kgotatsiwa. (1 Makor. 7:39) Le bo ba gore ke Makreste mara a ba šepisi mo ba kene ba hlorisiwa kela ba lwala baa di nyaka go tiyisiwa.—2 Mathes. 1:3-5. w18.04 21 ¶3-5