July

Lephelo gana byalo le “sasamela ka matla” tso go ‘thatafang go lebana nalo,’ fote lephelo le sa nyoko befa mo matšatši ma kene ma belegana go šinye go segela go beba ga mannete ho lefaseng. (2 Thim. 3:1) Byalo re maka gabutši mo re tiputsisa gore, ‘Mo ke sa di tšibi gore nka kena kakaye, ke lebelela kaye?’ Botala ku, mopisalema o yye a bolabola taba ye nngwana a šupetsa gore re ye ga Jehova ho re sa sa tšiba gore re ka kena kakaye. (Pis. 123:1-4) Taba yowa ya go ya ga Jehova ho re na le tso di re phiriketsang o yi tshwanisiye le mo sebereki se ya ga mong wa sona mo se na le tsa go se hlopa. Mopisalema ke mo a ra byang mo a reyano? Nnete ke gore sebereki sowa a se bolabole le mong wa sona mo se nyaka tsa go ja fela kela mo se nyaka go koramediwa, di nyaka se dule se bolabola le mong wa sona gore a thogo bona tso se di hlokang ke mokane a se gelepe. Le rune di nyaka ka moka matšatši re sekele ka ku Lentsung la Modimo gore re tšibe tso Jehova a di nyakang ga ye mongwana le ye mongwana wa rune, ke mokane re make tsotsone. Ho re maka tsotsone, re ko di boneng mo Jehova a re gelepa mo re hlopa ke tse dingwana. w18.07 12 ¶1-2

Jeso ke mo a bolabola ka go khwanyoga ga dilo tso di tlemmeng batho ba go tlala le tso di ba gatelelang ka matla—go ba “lebhantiti la sebe.” Sebe so se re makisa dilo tsa go tikela ku fote se maka gore re šitege go maka dilo tso re tšibang gabutši gore di wolologiye, tsa gore ke tsona re tshwaneleng go phela ka tsona. Ka mokg’ononeng re ya se bhantitela, ka taba la sona re thomisa go fokoga, ra kwa go baba, ra hlopega, ra šinya re kgwa. (Mrm. 6:23) Tšatši lo re ko reng re lokologiye tsa mannete go tshwana le babelegi bala ba rune ba mathomongthomong, ke mo dilo tso sebe se re tanteleng ka tsona di tlosiwa di bošediwa ku kgole. Mantsu ya Jeso ya gore “mo le ka sa khwanyole ga tso ke le botsang tsona” ma šupetsa gore motho aa fo bolabola a phutiye matsogo a re Jeso a mo lokolle, o tshwanele a make se sengwana. (Joh. 8:31) Le rune re Makreste fote re tineyele, re tirothothiye ke mokane ra tipotsa gore re nyaka go ba malata yage ya go berekisa tso yene Kreste a di tšhutisiyeng. (Mat. 16:24) Ka mokg’o Jeso a tshepisiyeng ka gona, re tl’le lokologa tsa mannete mo re kwa sehlabelo sage se šele se re lepolla go napa go ro felegelela. w18.04 7 ¶14-16

Jehova o fo ya mahlong a kwela batho bage go baba—le mo ba na le go maka tsa go tšiba ke bona. Tseya ka Jona. Modimo o yye a roma moporofeta yewa gore a yise molayetsa wa gore Ninive yi nyoko yahludiwa. Mo ba sokologa, Modimo o yye a ba lesetsa. Mara Jona a sanka a jabolela taba yone. O yye “a kwata ka matla” ka taba la gore seporofeto sage a se ya makega. Jehova o yye a lefisela Jona pelo ke mokane a mo gelepa gore a wolole monagano. (Jon. 3:10–4:11) Mo go ya go ya, Jona o yye a thomisa go yi kwisisa ke mokane Jehova a berekisa yene fote gore a ngwale taba yone yage gore le rune re tšhute ga yona. (Mrm. 15:4) Ka mokgo Jehova ne a berekisana le batho bage di ya šupetsa gore ke mo a ba kwela go baba. Wa di bona mo ye mongwana le ye mongwana wa rune a kwa go baba le go hlopega. O kwisisa so re se naganang ka ku tengteng, ka mokgo re tikwang ka gona, fote wa di tšiba le tso re gayelang ga tsona. Fote “a ka sa re lesetse re leketsiwa ka tso re ka šitegang go di tiyisela.” (1 Makor. 10:13) Ka nnete tshepiso yowa ya re kgomoletsa! w19.03 16 ¶6-7

Ga Molawo wa Moše, banna ba bagolo bo ba kgetiwang ke mo ba maka mmereko wa go lawola tso tsa Modimo le tse dingwana tsa mo o kraya batho ba sa tshwarana gabutši kela go makiwwe tse dingwana tsa bokgohlane. Bona tse dingwana ke tsowa. Mo Leisrayele le ka bolaya motho, ke mo ba sa fo yakgoswela go le bolaya. Bagolo ba polekeng yone ke mo ba nyakolla taba yone ke mokane mo ba fetsiye, ke mo ba tseya sepheto sa gore motho yene a bolayiwe kela awwa. (Dot. 19:2-7, 11-13) Ka moka matšatši, bagolo bowa ke mo ba na le dilo tsa go tlala tso ba berekanang natso—tsa go tshwana le mo batho ba lwela diphahlo kela dilo tse dingwana tsa go yelana le manyalo ka ho mitšing. (Ek. 21:35; Dot. 22:13-19) Mo bagolo ba yahlola gabutši ke mokane Maisrayele le wona ma theetsela Molawo, batho ka mokana ga bona ke mo dula ba jabodiye fote setšhaba ke mo se maka gore Jehova a thanakiwe. (Lef. 20:7, 8; Jes. 48:17, 18) Re napa re ro di bona gore Jehova o tseyela hlogong se sengwana le sengwana so re se makang lephelong la rune. O nyaka re tshware ba bangwana gabutši fote re sa ba make swili. Ka moka tso re di makang le tso re di bolabolang wa di bona, le mo re di maka re le makhukhung. w19.02 23 ¶16-18

Mo re kgahleletsegiye, a go lola gore re tinyanafatse. O ka bolabola mantsu ya go baba le dilo tsa go sa ye ka tsela. Mo nkare di yye tsa go tlela tsa go go šekedisa, bona gore Jeso yene o yye a maka byang. Ka dikgwedi tsa mafelelo tsa mo Jeso a sa le ho lefaseng, o yye a šekela ka matla. Ke mo a di tšiba tsa gore o nyoko hlupegisiwa ka matla fote ba nyoko mmolaya. (Joh. 3:14, 15; Magal. 3:13) Dikgwedi nyana mo ba soko mmolaya, o hlayye gore go na le so se mo kgongwetsang. (Luk. 12:50) Fote mo go sa šele matšatši nyana gore Jeso a bolayiwe, o yitseri: “Ke hlakahlakanne.” Re napa re ro di bona gore wa tinyanafatsa le gore o theetsela Modimo nakwela a mo rapela a mmotsa so se leng pelong yage. (Joh. 12:27, 28) Mo nako yi segela, Jeso o yye a fo šišimala a ya ga batho bo e ba hloyye Modimo, ba yye ba mmolayisa tsa lešidi le tsa go poyila. Le mo Jeso a kene a šuwanegiye fote a hlupegisiwa, o yye a maka tso Modimo a di nyakang a kene a kgibiye. A re kamake gore Jeso o phadiye batho ka mokana ga bona ga taba ya go dula a kgibiye le mo a kgahleletsiye ke tsa go maka gore a kwe nkare o šitega le go wona!—Jes. 53:10. w19.02 11 ¶14-15

Mo re nyaka go ya megahlanong beke ye nngwana le ye nngwana, go gongwana di ka nyaka re šišimale le mo seyemo se thathafa. Magageru ya mangwana ma fo ya megahlanong le mo ma kgongwetsiye ke gore ye mongwana o hlokofele, ma šekela kela ma sa titsusi. Ba bangwana ba fo šišimala ba ya mogahlanong le mo mašaga ya bona ma ba phigisa ka matla kela ba mmušo ba ba hlorisa. O fo nagana nje gore tsotsone di ma tikisa byang magageru ya gore ma jele ka taba la so ma se dumelang. (Maheb. 13:3) Ba kwa ba tiyelela tumelong, ba šišimala le go ya mahlong ba tshepega mo ba kwa gore re fo ngangarela Jehova le mo di buya. Mo Pawulo a le hala jele ya Roma, o yye a di kwelela tsa gore magageru ma fo ya mahlong ma berekela Jehova, tsotsone di yye tsa mo jabodisa ka matla. (Mafil. 1:3-5, 12-14) Mo Pawulo a ngwalela Maheberu borifi, ke mo a šele a le thina le go tšwa jele kela ke mo a šele a tšwile. Ga borifi byone, o ngwalele Makreste yane ya go tshepega gore ma sa lesetse go gahlana ggoši.—Maheb. 10: 25. w19.01 28 ¶9

Sathane o nyaka re tshwane naye—o yye a woma hlogo a kgeluga ga tso Jehova ke mo a di bolabola. O re šutetsa thina le batho ba gore o ba tlanyetsiye, o fo tshepa gore kela banghana bone re nyoko nghanelana nabo, le mo re kene re di tšiba tsa gore banghana ba go kwana le tsa go befa ba nyoko re “sinya.” (1 Makor. 15:33) Taba ye nngwana ke gore Sathane o leketsa a šwennye gore dipelo tsa rune di re makise tsa go kekema, re thomise go tseya nkare batho ba hlalefiye go phala Jehova. (Makol. 2:8) Bona taba ye nngwana ke yowa ya gore Sathane wa yi berekisa—o re mo o ka ghanya, o nyoko ba o le motho. Le mo batho ba kene ba lelekisana le dilo tsowa, ba bangwana ba ka tikraya ba ghannye mara ga ba bangwana di sa make. Batho bone ba kgana ka mollo? Ke ntaba? Ba fo dulela go lelekisa tsotsone tsa go nyaka go ba le sekwetše sa go tlala, a ba na taba le mo ba ka kwalela, a ba na taba le mitši ya bona fote le tsa Modimo a ba sa di kena, so ba hlupegang ka sona go fo ba tšheleta. (1 Thim. 6:10) Re kwa re jabola ka taba la gore Papa wa rune wa ku magedimong wa re gelepa gore re sa tlungwele ga taba yowa ya go tabogisana le tšheleta.—Mmo. 7:12; Luk. 12:15. w19.01 15 ¶6; 17 ¶9

Le nakwela Morwayi wa Jehova a soko bane a tla ho lefaseng a tl’le re šupetsa gabutši gore go tiyisana ba ra byang, ke mo go na go šele go na le malata ya go tshepega ya Jehova ya gore maa di tšiba gore go tiyisana go gabutši. Ka nako tsela Maasiriya ma tshosetsa Majuda, Hezekiya o yye a bitsa ba bagolo ba masole le setšhaba ka mokana ga sona, a ba kgotatsa. “Batho ba kwa ba tiyelele ka taba la mantsu [yage].” (2 Dikor. 32:6-8) Le mo Jobo go le yene wa gore ke mo a nyaka go kgomoletsiwa, o yye a tšhutisa bala ka bararo ba go “kgomoletsa ba kene ba go kwisa go baba” gore go tiyisa motho ba ra ying. O yye a re mola go le yene bona, ‘ke mo a nyoko ba tiyisa ka mantsu ya gabutši a boya a ntsha tsa go ba kgomoletsa ka molomo wage ba šala ba yimulugiye.’ (Job. 16:1-5) Jobo o feleletsiye a tiyisiye ke Elikgu le Jehova ka boyenemong.—Job. 33:24, 25; 36:1, 11; 42:7, 10. w18.04 16 ¶6; 17 ¶8-9

Jesaya o šele a hlayye gore Jehova o nyoko tiyisa batho bage byang le go ba neya matšhika, o yitseri: “Jehova o nyoko tla ka matšhika, ke mokane letsogo lage le nyoko lawola sekaleng sage.” (Jes. 40:10) Baebele ga go tlala mo yi bolabola ka lentsu la gore “letsogo,” yi fo ba yi tshwanisa, gabutšibutši yi rela matšhika. Byalo taba ya gore ‘letsogo la Jehova le nyoko lawola’ yi re gopotsa gore Jehova ke Kgoši ya go ba le matšhika ka moka. O berekisiye matšhika yage ya magolo ka matla gore a lwele batho bage ku botala, le lekgono o sa na a maka ka mokgonola ga bo ba mo tshepang. (Dot. 1:30, 31; Jes. 43:10) Jehova aa lebale mantsu ya a ma tshepisiyeng ya gore: “Ke nyoko go tiyisa,” ka matlamatla mo o ka kraya gore go na le batho ba go re hlorisa. Go na le dipoleke tse dingwana ho lefaseng tsa gore mmereko wa rune wa go tšhomayela wa nyenyiwa kela ba nyaka go kwala mokgahlo wa rune. Mara, a re nape re hlagasela mo ba re teyela diparapara ka mokgonone. Jehova o re tshepisiye taba ye nngwana ya gore ya re tiyisa fote yi maka gore re nape re mo tshepa. O re tshepisa gore: “Segale so ba se makeleng go lwa le lune se ka sa phomelele.”—Jes. 54:17. w19.01 5-6 ¶12-13

Wene a o tshwane le diphoolwane, tsona a di nabele go tšhuta ka Modimo, fote yene mong Modimo a ka go tšhutisa wa kwa o kgodwiye. (Mat. 4:4) Mo o mo theetsela ga Modimo, o thogo tšiba dilo gabutši, wa hlalefa fote wa jabola. Re kwa nkare re ja tsa go ja mo Modimo a kene a re tšhutisa ka yene mong a berekisa Baebele le dipuku tsa go tlala tsa go tšwa ga “lelata la go tshepega le la go hlalefa.” (Mat. 24:45) Tsa go ja tsone a yi go tlala ga tsona fote manatefelo ya gona a ma hlayisege! (Jes. 65:13, 14) Mo o lesetsa Modimo a go tšhutisa, o nyoko hlalefa wa boya wa nagana gabutši ke mokane tsotsone di nyoko go pasopa ga dilo tsa go tlala. (Diy. 2:10-14) Mo re beyisa, tsotsone di nyoko go gelepa gore o thogo di bona mo batho ba tšhutisa matsaka ya gore Modimo aa šiyo. O ka sa di tshepe mo ba kene ba go tshokanya ba re tšheleta kela dilo tsa majabajaba, ke tsona di makang gore motho a jabole. Di go gelepa gore o kganele kgole le go maka dilo tsa go befa le go sa nabele dilo tsa gore di ka go kwaletsa. Garagara gore o thogo tšiba ka Modimo gore o hlalefe le go nagana gabutši, dilo tsowa ke mong makolwane! w18.12 20 ¶6-7

Nje yi nyoko segela ka nnete nako ya gore matšatši ya batho “ma nyoko lefa go tshwana le ya sehlare.” Dihlare tse dingwana di phela mengwagangwaga. Gore batho ba thogo phela nako ya go lefa go tshwana le ya dihlare, di nyaka ba philege gabutši, ba sa kenakene ke malwele. Mola di ka kgonega gore ba phele ga seyemo so Jesaya a bolabodiyeng ka sona, ka nnete yonone ke mo go nyoko ba go le mong yona pharadeyisi! Le mo go ka teya leduma la mošaga mang, pharadeyisi yi nyoko segela ka mokgonola go hlayyeng seporofeto sone! Nagana ka dilo tsa go šupetsa gore ku mahlong go nyoko ba le pharadeyisi: Modimo o tshepisa gore o nyoko rufa batho lefaseng ka mokana ga lona. A go na motho wa gore o ko hlagasedisa ke diphoolwane kela ke batho ba go phela tsa nkare ke diphoofolo. Go nyoko yalafiwa ba go sa bone, ba gore a ba kwe le ba gore ba thwadiye. Batho ba nyoko tiyagela dintlo tsa bona, ba boya ba tikwisa ka tsa go ja tsa go yaga mmele. Ba nyoko phela go feta dihlare. Eya, ke Baebele yi ntoši yo yi re hlayiselang gore dilo tsowa di kene di ya šutela. Mara, ba bangwana ba ka nagana gore re ro napa re tlatsa le meetši ga tso di bolabolang ke seporofeto sowa. O tshepa ka ying gore nnete pharadeyisi yi nyoko ba gona ho lefaseng? Jeso o yye a re neya taba yo re ka tshwarelelang ga yona.—Luk. 23:43. w18.12 5 ¶13-15

Monagano wa di kgona go ya ka howa kela ka hala fote o ka dula o tšhentšha. Ga go tlala mo re kene re tšhentšha, di nyoko ya ka gore re tšhela ying ka ho menaganong le gore re tlalele ka kaye ka matlamatla. Mo re tlalela ka matla ga tso Jehova a di naganang kela re ghayela ka tsona ka matla, le rune beng re ko di boneng gore tso yene a di naganang go ro ba mong tsona tsa gabutši. Le rune beng re ko fo kwa re nabela gore tso re di naganang di yelane le tsa gage. Mara tla re sa lebaleneng phela gore mo nkare re ya di nyaka gore menagano ya rune yi yelane le tso Jehova a di naganang, di nyaka re ‘lesetse go kutšetsela ke batho ba lefase lowa.’ Di nyaka ka ho menaganong ya rune re lesetse go tšhela dilo tsa go kekema kela menagano ya gore yi phigisana le ya Modimo. Go šupetsa gore taba yowa ke ye kgolo, tla re beyiseneng ka tsa go ja. Motho a ka fo tipotsa gore o nyaka go ja tsa go ja tsa gabutši gore a thogo philega. Nje di ka mo gelepa mo a kene a ja tsa go ja tsotsone tsa gabutši mara ka thoko a kene a ja tsa gore di ya lwadisa? Le go tšhela menagano ya Modimo ka ho dihlogong tsa rune di ka sa re gelepe go segela kgole mo nkare re kene re tšhela le dithila tsa lefase ka ho menaganong. w18.11 21 ¶14-15

Di nyaka o tipotse wene mong gore o nyaka gore ka moka matšatši maphelelo yago ma yelane le nnete. Tlema lepanta la nnete ho masekeng yago. Ku botala, lepanta la lesole ke mo le pasopa maseka yage, ka ku maleng, sebete le pelo. Mara, gore lepanta lone le thogo mo tšhireletsa, ne di nyaka a le swine. Mo lepanta le šepiye, le ka sa go tšhireletse. Lepanta la rune la nnete le ka re tšhireletsa byang ga tso tsa Modimo? Mo nnete yowa re tiswinelela ka yona go tshwana le lepanta, yi nyoko re gelepa gore re segelele dipheto tsa gabutši le go re tšhireletsa gore re sa nagane dilo tsa go kekema. Mo go na le tso di re ghulang, nnete ya Baebele yi nyoko re gelepa gore re sa lelemele, mara re ye mahlong re maka tsa gabutši. Lesole le ka sa yi ntweng le sa tlema lepanta la lona, le rune a di nyake le ka gonyana re šepisa kela re tlemolla lepanta la rune la nnete. Mara re karakara ka matla gore ho masekeng re dule re le swinelele ka go phela ka nnete. w18.11 12 ¶15

Mo re ka sa ro tihlopa ka go tšhuta Lentsu la Modimo, re ka sa ro yi tšiba nnete. Di nyaka re tikone tse dingwana gore re feleletse re tšiba nnete yowa. Motho wa go hlalefa ye a ngwadiyeng Diyema o hlatolla gore mo re ka fo “reka,” kela ra tšiba “nnete,” di nyaka re pasope gore re sa tsoge re yi “rekisiye,” kela ya khwanyoga. Le selo sa mahala, di ka fo nyaka gore o se berekele. Ga Diyema 23:23, lentsu la Seheberu lo le hlatodiwwang go le go “reka” fote le rela le go “kraya.” Mantsu yawa ka mabedi ga wona ma rela go karakara gore re lahle selo sa go sa re selo, ke mokane re tseye sa gore se ya ka tsela. Re ka fo tshwanisa taba yowa ya go reka nnete ka taba ye nngwana. Tla re fo re hala mmakete ba re go na le dibhanana tsa mahala. Ayitsano o ko fo re mo o re phaphara wa kraya di le ho tafoleng? Dhoo. Di nyaka re ro tlogamela re ye titseyeleng. Mara nje ke nnete gore ke tsa mahala? Eya, mara di nyaka re tihlope gore re ye di tseyeng ku mmakete. Go fo tshwana le ka nnete yowa, a yi nyake tšheleta gore re yi reke. Mara gore re yi kraye di nyaka re ro garagara. w18.11 4 ¶4-5

Jeso ke mo a memme Petro, Jakobo le Johane ba le ku thabeng ya go lefa. Mo ba sa le gana hone ba bonne mmono wa go makatsa. Sefahlego sa Jeso le dikobo tsage ke mo di gadima tsa go sa hlayisege. Mo ga mmono wone go yye gwa bonala Moše le Eliya ba bolabola le Jeso ka tso di nyoko makegang ka likgu le go tsosiwa gage. (Luk. 9:29-32) Ka nthago ga hone, ba kogela ke liru la go gadima ka matla ke mokane gwa kwala lentsu la Modimo hone lirung! Mmono wowa ke mo o fo ba lekisa ka gonyana ka taba ya gore Jeso go nyoko ba Kgoši ya Mmušo wa Modimo dinakong tsa ka motshwana. A re kamake gore Jeso o yye a tiyisiwa tabeng ya gore o nyoko kgwisa lešidi. Mmono wo wo yye wa ba tiyisa ka matla fote o ba gelepiye gore ba thogo lebana le tsa go ba ghula tso di leng ka mahlong le ga mmereko wo ba tshwaneleng ba wo make. Ka nthago ga gana mola ga bo 30 ya mengwana, Petro wa lepostola ke mo a bolabola ka mmono wola wa mo Jeso a tšhentšha a biye a gadimela, sosone se šupetsa gore ke mo a sa lebala ka mmono wola.—2 Pet. 1:16-18. w19.03 10 ¶7-8

Re bona ka ying gore Makreste ya mannete le batho ba dikereke tsa matsaka a ba tshwane? Rune re ‘bolabola nnete.’ (Zak. 8:16, 17) Re nyoko bolabola nnete ga tse dikgolo le tse dinyana—ga batho ba gore a re ba tšibi, ba gore re bereka nabo, banghana le mašaga. Byalo o nyoko maka byang mo nkare ke wene lethari fote o kene wa karakara gore o jabodise banghana bago? Pasopa gore le wene o sa phele maphelelo ya nkare ke wene lewobu, o kraya mo o le ka ho mutšing wa geno le ka ho phutegong, o šupetsa nkare o lukiye ka matla, mara mo o na le dithaka tsago ka ho tawong le ga tso tsa inthanete, wa kraya motho a sa tshepe gore ke wene. Lephelo lone go fo ba matsaka fela, ke la go tshokanya le babelegi bago, le tshokanya batho ba ka ho phutegong, le tshokanya le mong yene Modimo. (Pis. 26:4, 5) Jehova wa di bona mo re fo ‘mo thanaka ka melomo ya rune, mara dipelo tsa rune di le ku kgole naye.’ (Mar. 7:6) Di gabutši ka matla mo re maka tso di hlayang ke seyema sa gore: “O sa make gore pelo yago yi nabele ba go maka tsa go kekema, mara o tšhabe Jehova letšatši ka mokana ga lona.”—Diy. 23:17. w18.10 9 ¶14-15

Batho ba Modimo ke mutši wa bo ba tlaleleng ka matla ga tso tsa Modimo—setwaba sa bona ke go ratanana. (1 Joh. 4:21) Go ratanana ga mošaga wowa ga go tlala a go šupetsiwi ka go makelana dilo tse dikgolo ka matla, mara go bonala mo re makelana dilo tse dinyana, tsa go tshwana le go botsanana mantsu ya go jabodisa le go makelana dilo tsa gabutši. Mo re tshwara ba bangwana gabutši fote re ba naganela, re ‘thomisa go kopisela Modimo, go tshwana le bana bo a ba nyakang ka matla.” (Maef. 5:1) Jeso o f’lo tseya tsa Papage di felele. O yitseri: “Tlaneng ho gaka, lune ka moka ba gore le goga go baba fote le kwa go roba, ke nyoko le yimolla . . . , ka gore ke nna motho wa go beba le wa go tinyanafatsa pelong.” (Mat. 11:28, 29) Mo le rune re kopisela ga Kreste ka ‘go naganela bo ba gore ba fase ka matla,’ re nyoko jabodisa Papa wa rune wa ku magedimong fote re nyoko jabola tsa mannete. (Pis. 41:1) Byalo, koriyeneng mahlong re šupetsana gore re nyakanana ka matla le gore re ya naganelana ka mutšing, ka phutegong le ku tšhomong. w18.09 28 ¶1-2

Mo go nyarela tsa go baba, batho ba Modimo ba ka šupetsa gore ba berekisana le Modimo mo ba gelepa magageru. Mo re beyisa, ba gelepa bo ba leng ka teng ga mathata wone ka tšheleta. (Joh. 13:34, 35; Meber. 11:27-30) Se sengwana yi ka fo ba go ba gelepa ka go tsosetsela dintlo tsa bona kela go yedisa ga gore go thilafele. Ntlo ya mogageru wa mosadi wa go tšwa Poland ye ba reng ke Gabriela yi yye ya rwala ke pula ya mogogola, o yye a jabola ka matla mo a bona magageru ya go tšwa ga diphutego tsa thina ma tl’le mo gelepeng. O yitseri: “A ke nyake go bolabola ka tso ke yyeng ka di loba—tsone go fo ba dilo tsa go sa yisi motho kaye. Mara, ke fo nyaka go le lekisa ka gonyana tso ke di krayyeng. Sowa se makiye gore ke di bone gabutši gore go ba ka ho phutegong ya Sekreste go jabodisa ka matla.” Ba go tlala bo ba yyeng ba gelepiwa mo ba tlele ke tsa go baba ba re ba kwa ba tsifiye ka tso ba di bonneng. Le bo ba berekisanang le Jehova go gelepa ba bangwana ka mokgonone, ba tikwa ba sa gayele selo.—Meber. 20:35; 2 Makor. 9:6, 7. w18.08 26 ¶12

Mo nkare ka nnete re ya di nyaka go tšhireletsa dipelo tsa rune, di nyaka re tšiba dilo tso di ka ga re tlonyang gore mo di nyarela, re tšibe gore re kena kakaye. Lentsu lowa la gore ba le hlatolla go le “tšhireletsa” le re gopotsa ka mmereko wo wo makang ke matšinghelani. Bomatšinghelani ba dinako tsela tsa Kgoši Solomoni ke mo ba yema mo mapharong ya mutši ke mokane ba yahlamela mo ba bona go šutela se sengwana sa go tshosa. Mo re nagana ka taba yowa ya bomatšinghilane bowa, re thogo kwisisa gabutši gore ke ntaba di nyaka re karakare gore Sathane a sa re fokole. Ku botala, bomatšinghelani bo ba berekelang ka ho teng ga mutši ke mo ba berekisana le bo ba kwalang digheyiti tsa hone mutšing. (2 Sam. 18:24-26) Ka mokana ga bona ke mo ba berekisana gore mutši o pasopege, ke mo ba kwala digheyiti tsa mutši mo di šupa nkare lenaba le ya šutela. (Neh. 7:1-3) Le rune makwalo ya rune ya gore ma lokotšiwwe gabutši ka Baebele ma ka bereka go tshwana le bomatšinghelani ke mokane ma yakgoswa ma re botsa mo Sathane a nyarela le mathayithayi yage ya go sinya dipelo tsa rune—ka mantsu ya mangwana, mo a nyaka gore tso re di naganang, ka mokgo re tikwang, tso re nyakang go di segelela kela tso re di nabelang go be tsa go kekema. Mo makwalo ya rune ma yahlamela ma re go nyarela kotsi, le rune di nyaka re yakgoswe re kwala digheyiti. w19.01 17 ¶10-11

A re yi ka gore mang o re king kela setšo se re king mo re kgeta banna mo ba kene ba gola ho phutegong, re ba kala ka Lentsu la Modimo. (2 Thim. 3:16, 17) Go kala banna ba gore baa tshwanelega ka setšo sa gore a se yelane le Mangwalo go ka ba tshwarelela go segela kaye. Ga naga ye nngwana, lelata ka ho phutegong ke mo le maka dilo gabutši fote ba le neyye mmereko wa go tlala. Bagolo ba phutego yone ke mo ba dumela gore ngwaneru yewa o di maka gabutši tso Mangwalo ma di bolabolang fote go ka ba mogolo, mara ke mo ba sa mmolabolele gore a hlawodiwe. Bagolo ba bangwana ba gore bona ba šele ba kgalabyele, ke mo ba ngangarele ga taba ya gore mogageru yewa ke ye monyana mo o mo lebelele, le mo a ka kgetiwa, o ka sa nape o tshepa gore ke mogolo. Sa go baba ka matla ke gore ngwaneru yewa a baa mo kgeta gore go be mogolo ka taba la gore mo o mo lebelele wa solega. Di tlele tso re di kwelelang lefaseng ka mokana ga lona tsa go yelana le tsotso. Re ko ba re maka gabutši ka matla mo re maka tso di hlayang ke Mangwalo, re sa make dilo re lawola ke gore rune re di bona byang! Yonone ke yona fela tsela ya go šupetsa gore re theetsela Jeso fote a re kale motho ka go fo mo lebelela ka tawong ra ba re šele re fetsiye ka yene.—Joh. 7:24. w18.08 12 ¶16-17

Go kotsi mo motho a fo tabogela go romela melayetsa ga ba bangwana. Ga dipoleke tse dingwana, mmereko wa rune ba wo thibelele kela ba ro rakela. Bo ba re phigisang gana hone ga dipoleke tsotsoneng, ba ka fo maka ka bomu ba sabalatsa ditaba tsa gore a di šiyo gore ba tshosanye magageru kela ba maka gore re sa tshepanane. Gopola so se makegiyeng ku Soviet Union ya botala. Maphodisa ya makhukhung, ya ke mo ba re ke ma-KGB, ma yye ma sabalatsa ditaba tse dingwana tsa gore magageru ya mangwana ya gore maa tšibega ma rekisiye batho ba Jehova. Ba go tlala ba yye ba napa ba tshepa matsaka yanane, ba šinya ba thomisa go keketlela ku kgole le mokgahlo wa Jehova. Di baba byang! Mara re leboga gore ba bangwana ba yye ba boya, mara ba bangwana go sa le gana hala. Ba napiye ba ro logela. (1 Thim. 1:19) Re ka maka byang gore le rune re sa kraye re wele ke tsa mohlobo wonone? Kganela kgole le tsa go fo romela-romela melayetsa ya gore a ya hlamatsega kela o kraya le wene le mong go ro tšiba gore yi tšwa kaye, o sa di tšibi. O sa be motho wa go fokoga kela wa go fo tshepa se sengwana le se sengwana. Mo o šala o tlogamela, o be o tšiba ditaba ka mokana ga tsona. w18.08 4 ¶8

Ku botaleng mo go ngwadiwa Segerika, dilo tsa mohlobo wonone ke mo di sa berekisiwi. Byalo putsiso ke yowa: Ayitsano Jeso ke mo a re, “Ke ya go botsa, lekgono o nyoko ba le nna Pharadeyising”? Kela ke mo a re, “Ke ya go botsa lekgono, o nyoko ba le nna Pharadeyising”? O fo nagana ka so Jeso a yyeng a se botsa bo ba mo latelelang, o yitseri: “Morwayi wa motho o nyoko dula ka lebitleng go segela go fela matšatši ka mararo le mašego ya gona.” (Mat. 12:40; 16:21; 17:22, 23; Mar. 10:34; Meber. 10:39, 40) Byalo taba yowa yi šupetsa gabutši gore a go na pharadeyisi yo Jeso le sekgohlane sela ba yyeng ga yona ka tšatši lolone ba kgwileng ka lona. Matšatši yananeng ka mokana ga wona Jeso ke mo a le ‘ka lebitleng’ go segela mo Modimo a mo tsosa. (Meber. 2:31, 32) Sekgohlane sone ke mo se sa di tšibi tsa gore Jeso ke mo a šele a kwanne le mapostola yage ya go tshepega, gore o nyoko ba nabo Mmušong wa legedimong. (Luk. 22:29) Fote sekgohlane sone ke mo se soko bane se kolobetsiwa. (Joh. 3:3-6, 12) Pharadeyisi yo Jeso ne a bolabola ka yona, ke ya ho lefaseng, ke mo yi nyoko ba gona ka nthago. w18.12 6 ¶17-18, 20-21

A gwa ba tseya nako, Maisrayele ma thomisa go rapela senamane sa gholdi! Maisrayele yawa ma yye ma fo tiwomisa dihlogo ka bomu, mara ke mo ma fo titshokanya ma tseya gore ga Jehova ma sa na ma mo jabodisa. Arone le yene o šinnye a re mo ba kene ba rapela senamane sela, ba “makele Jehova monyanya”! Jehova o yye a tikwa byang? O f’lo kwa ba mo tinisiye. Jehova o butsiye Moše gore batho bowa “ba phukuluganne dithileng” fote “ba lesetsiye pata yo [A] ba butsiyeng gore ba sepele ga yona.” Jehova “ke mo a kwatiye ka matla,” a šinya a nyaka le go ba psyitlanya, le mo yi le gore ke mo go le setšhaba sa nyuwane sa Israyele. (Ek. 32:5-10) Mara, Jehova o yye a yi lesetsa yone ya go psyitlanya Maisrayele. (Ek. 32:14) Arone ke mo a le gona nakwela go makiwa senamane sela, mara o yye a tisola a yema ka lethokong la Jehova le Malifi yala. Ba go tlala ba yye ba kgwa ka letšatši lone ka taba la go rapela medimo ya dithombhe, mara bo ba yyeng ba yema ka lethokong la Jehova ba yye ba tshepisiwa gore ba nyoko rufiwa.—Ek. 32:26-29. w18.07 20 ¶13-16

Di nyaka re karakarele go tšibega ga mošaga mang? A re nyake tso tsa gore di lelekisa ke batho ba lefase lowa tsa go tšhutega, tsa dibhisinisi le tsa go tijabodisa. Re nyaka mohlobo wa go tšibega wola Pawulo a bolabodiyeng ka wona nakwela a re: “Ka taba la gore gana byalo Modimo le šele la mo tšiba kela, yema ke re, le šele le tšiba ke Modimo, ke ntaba le sologa fote le boyela ga dinabetsane tsetsela tsa go sa re selo le tsa gore di fase ka matla ke mokane le boya le nyaka go di berekela fote?” (Magal. 4:9) A di tlele ba go tlala tsa gore re ka “tšiba ke Modimo,” yene wa gore ke Kgoši ye Kgolo ka matla legedimong le lefaseng! O di nyaka ka matla tsa gore re be banghana bage ba thina-thina. Morene mongwana wa go tšhutega o hlayye gore, re “thomisa go nyaka ke yene [Modimo] ka matla.” Mo Jehova a šele a re tseya re le banghana bage, re thogo tšiba gabutši gore re phelela ying.—Mmo. 12:13, 14. w18.07 8 ¶3-4

Mo re nyaka melawo ya Modimo yi re berekela, di ro nyaka gore re kwane nayo ka matla fote re yi tseyele hlogong. (Amo. 5:15) Mara sosone re se maka byang? Se segolo ka matla ke ho re leketsa go tseya dilo go tshwana le ka mokg’o Jehova a di tseyang. Tla re fo maka mošupetso ke wowa: Tla re fo tseya gore ke botala o ferega boroko. Byalo o ya ga dogotela, ke mokane o go botsa gore o sa ji ying o je ying, o taboge ka bošego byo bongwana le byo bongwana, le tse dingwana tso di nyakang o di lesetsa. Mo le wene o leketsa tso a yitsering o di make, o thomisa go di bona gore di ya go berekela! Nnete ga dogotela yone o nyoko yi leboga o sa fetse ka taba la gore o tikwa o phelegiye. Di ya tshwana ka taba la gore ye a re makiyeng o re neyye melawo gore re thogo sepelela kgole le tso di ka re kwaletsang mo re ka sinya, le rune ra tikwa gore re gabutši. Ka nnete di thuša rune mo re berekisa melawo ya Baebele mo yi re re sa bolabole matsaka, re sa sepele ba bangwana ka fase, re sa yetswe, re sa šitege go titshwara, re sa be dikgohlane kela go loyanana. (Diy. 6:16-19; Kut. 21:8) Mo re kraya re na le maphomela ya go bafala ka taba la go maka dilo ka tsela ya Jehova, re fo kwa re jabola fote ka ho dipelong go ba le so se re tšhofang go leboga Jehova le melawo yage. w18.06 17 ¶5-6

Nakwenngwana Pilato ke mo a tšhoga gore Jeso a ka tla a faganya dilo tsa dipolotiki, taba yone ke mo yi mo tshosa ka matla go segela mafelelong ga nako yage ya go lawola. Jeso o yye a fetola a re: “Mmušo wa ka a wo yelane le tsa lefase lowa.” (Joh. 18:36) Ke mo a sa nyake go kenela tsa dipolotiki ka taba la gore wage Mmušo ke wa ku magedimong. O butsiye Pilato gore mmereko wage ho lefaseng ke go “yemelela nnete.” (Joh. 18:37) Mo le rune re kwisisa mmereko wa rune gabutši go tshwana le Jeso, re ka sa šupetsi re na le mo re tlaleleng gona ga mekgahlo ya dipolotiki. Tsotsone di ka fo sa be lola. Mopotologi ye mongwana o yitseri: “Batho ho re dulang gona ba fo ya mahlong ba maka tsa go tšiba ke bona. Ba kwana ka matla le tsa naga yo ba dulang ga yona go feta tse dingwana, fote ba go tlala ba tshepa ka matla gore dipolotiki tsowa di nyoko tsosatsosa maphelo ya bona. Sa go jabodisa ke gore magageru ya Makreste ba fo ya mahlong go le selo ka seteya ba sa šepisi ga taba ya go tšhomayela ditaba tsa go bafala tsa Mmušo. Ba tshepele ga Modimo gore o nyoko ba gelepa go tlosa batho ba swele a boya a tlosa le tse dingwana tsa go ba hlopegisa.” w18.06 4-5 ¶6-7

Nka ditharo fela dipuku tsa Mangwalo ya Seheberu, 1 Dikoronika, Jobo le Zakariya, tsa gore di bolabola ka Sathane, ya gore yi ra “Wa go Phigisana.” Ke ntaba go sa bolabodiwi ka matla ka lenaba lowa la rune mo go soko segela Mesiya? Di šupa nkare Jehova ke mo a sa nyake go neya Sathane magetla ka go tihlopa a hlwa a bolabola ka yene mo ga Mangwalo ya Seheberu le tso ne a di maka. Mo Jehova a šala a butšwelela gore go ngwadiwe sekopa sone sa Mangwalo, ke mo a nyaka batho ba Modimo ba kwe ka Mesiya, ba mo tšibe. (Luk 24:44; Magal. 3:24) Mo sosone se šele se makegiye ke mokane Mesiya a segele, Jehova o berekisiye yene le bo ba mo latelelang gore ba wupulle tsa go tlala tsa gore gana byalo re ya di tšiba ka Sathane le barongwa bo ba yyeng ba fokoga naye. Sosone se ya kwagala ka taba la gore Jeso le bo ba hlawodiwweng ba gore ba nyoko lawola naye, ba kgetiye ke Jehova gore ba psitlanye Sathane le bo ba mo latelelang. (Mrm. 16:20; Kut. 17:14; 20:1) Gopola gore matšhika ya Diyabolo ma kadiwwe. Re tikokotlela ka Jehova, Jeso le barongwa ba go tshepega. Mo re gelepa ke bona, re ka thog’o hlola lenaba la rune. w18.05 22-23 ¶2-4

Jehova o re tseya re le malata yage mo re yengwa. (Mat. 13:23; 21:43) Mara tsa go yengwa diyengwa ga mošupetso wowa wa Johane 15:1-5, a di rele gore Mokreste ye mongwana le ye mongwana o tshwanele a be le motho ye a mo gelepang gore a tle dinneteng. (Mat. 28:19) Mola go le sone, ke mo di nyoko kwala nkare bo ba gore ba tšhomayela ga dipoleke tsa gore batho ba gona a ba thogathoge, ke makala ya go sa yengwe ya Jeso a ma hlayyeng ga mošupetso wage. Mara taba yone yi ka sa kwagale! Ke ntaba? Ka taba la gore a re gapeletse batho go ba malata. Go ka sa be tsona mo re ka fo thomisa go solasola malata ya Jehova re re ma tshwere tsa go kgana mara wona ma kene ma karakara ka matla. Selo se sengwana le se sengwana so Jehova a reng re se make, se ka sa re šiti. (Dot. 30:11-14) Byalo diyengwa tso re tshwaneleng go ba natso ke ying? Mo ye mongwana le ye mongwana ga rune a karakara ka mo ga tsa Modimo, ka mokgonone wa yengwa. O maka mmereko wofeng? O maka mmereko wa go tšhomayela ditaba tsa go bafala tsa Mmušo wa Modimo.—Mat. 24:14. w18.05 14 ¶8-9

Le mo ba bangwana ba re ke bona baruti, maprista, borabi, bopapa, kela ba thanakiwa ka mekgwa ye mengwana, tabataba ke gore ga lefase la lekgono, ba go yeta dikereke mahlong ba yye ka mehlobohlobo. Le bona ba fo tshwana le bala ba ku botala, ba “kgahleletsa nnete” ya Lentsu la Modimo, ba boya ba “kogela nnete ya Modimo ka matsaka.” (Mrm. 1:18, 25) Ba tšhutisa matsaka ya go tshwana le gore batho ba ya diheleng, gore moya wa motho a wo kgwe, taba ya go belegiwa ka bonyuwane le taba ya bophokophoko ya gore Modimo aa hlopege mo monna a kgetisa monna kela mosadi a kgetisa mosadi, le mong go ro boya ba nyalanana. Batho ba dipolotiki le bona ba tshokanya batho. Matsaka ya mangwana ya magolo ya gore ba sa nyoko ma bolabola ke ya gore “go kgibiye fote go tšhireletsegiye!” Mara ba nyoko re ba sa bolabola, “ba yakgoswa ba tlusiwa.” Le rune ba sa re woke ka matsaka yane ya bona barena, wa kraya re tseya nkare lefase lowa a le tekateki! Rune re “tšiba gabutši gore letšatši la Jehova le šutela go tshwana gabutši le wa go yetswa bošego.”—1 Mathes. 5:1-4. w18.10 7-8 ¶6-8

Jeso Kreste, o berekisa magagabo ya go tlotsiwa le “dindhona” tso di mo thekgang tsa dinku tse dingwana, go kgotatsa le go yetetsa batho ka mokana ga bona bo ba kwang go baba le go kgongwetsa ke tsa lephelo ka dinako tsowa tsa go befa. Ke ka mokgo go tshwaneleng go be ka gona, ka gore bagolo bowa a ba “lawole” tumelo ya ba bangwana, ba fo ba “ba berekisana” nabo gore magagabo ba dule ba jabodiye. (Jes. 32:1, 2; 2 Makor. 1:24) Mopostola Pawulo o re beyisele so re ka kopiselang ga sona. O ngwalele Makreste ya ku Thesalonika nakwela ma hlorisiwa, a re: “Ka mokgo re le nyakang ka gona, ke mo re tikemisele go le ngathela ditaba tsa go bafala tsa Modimo le se sengwana ka rune beng, ka taba la gore re le nyakiye ka matla.” (1 Mathes. 2:8) A di re gore ka moka matšatši motho o tikwa a yenele mo a fo butsiwa lentsu la go kgotatsa ka molomo, Pawulo ke mo a di tšiba tsotsone, a šinya a botsa bagolo ba Maefeso mantsu ya ma leng ga temanyana ya lekgono. w18.04 21-22 ¶6-8

Le rune mo re nyaka go tikwisa ka go lokologa ga mošaga wonone, di nyaka re ‘sologe re ye ga Jehova,’ gore re nape re ro ba banghana bage ba bagolo. (2 Makor. 3:16) Maisrayele mo ba le ku mašahleng ke mo ba sa tseye gore ba yetetsa ke Jehova. Dipelo tso tsa bona ke mo di fokogiye, nkare di tšhiriye ke šolo fote le menagano ya bona yi sa tseye gabutši, ka taba la gore ke mo ba šele ba lokologiye Egepita, ba thomisa go tinyakela tsa go tšiba ke bona beng. (Maheb. 3:8-10) Go lokologa ga gore re go neya ke Jehova go phala go lokologa bobhantiting. Moya wa Jehova wo maka tso di šitang batho le mo ba kene ba leketsa, wona wo ntsha batho bobhantiting bya sebe le likgu, le ga medimonyana ya go sa phele le dilo tsa go yelana nayo. (Mrm. 6:23; 8:2) Go lokologa hone ke gona ga mannete! Motho a ka tikwisa ka go lokologa ga mošaga wonone le mo a ka fo ba a le jele kela go le lebhantiti.—Gen. 39:20-23. w18.04 9 ¶3-5