August

Mo re le megahlanong, re dula re gopotsiwa ka tso Jehova le Jeso ba re makeleng tsona. Letšatši le lengwana le lengwana mo re phela, re leketsa go yekisela Jeso ka taba la gore re leboga tso a di makiyeng. (2 Makor. 5:14, 15) Go tokegela gana hone, re kwa di re tšhofa ka ho dipelong gore re thanake Jehova ka taba la go re lepolla ka Morwayi wage. Mokgwa wo mongwana wa go mo thanaka ke wa go fetola tsa go tšwa pelong mo re le mogahlanong. Mo re tikemisela go tikona tse dingwana, Jehova le Jeso baa di bona gore re ba nyaka ka matla go segela kaye. Ga go tlala re fo re tse dingwana di tšwe di yemme gore re thogo ya megahlanong. Diphutego tsa go tlala di tshwara mogahlano wo mongwana ka malobana fote ba go tlala ka nako yonone ba ka fo ba ba tinnwe. Ke mokane mogahlano wo mongwana wo tshwariwa mo beke yi fela, ka nako yonone batho ba bangwana ba ba ba tikhutsele. Mara nje Jehova wa di bona gore le mo re tinnwe, re fo ya megahlanong? O di bona gabutši! Gabutšibutši, mo go na le tso di re phiriketsang mo re leketsa go ya, Jehova o napa a di bona gabutši gore re mo nyaka ka matla.—Mar. 12:41-44. w19.01 29 ¶12-13

Jeso le yene o yye a ghula ke tso di ghulang batho ba bangwana. Mo re beyisa, di šupa nkare Jeso o golele ga mutši wa go tihlopegela. Jeso o tšhutiye mmereko wa matsogo ga papage ye ba reng ke Josefa. (Mat. 13:55; Mar. 6:3) Di šupa nkare Josefa o kgwile mo Jeso a soko bane a fetsa mmereko wage wa go tšhomayela ho lefaseng. Di ra gore Jeso wa di tšiba gore go baba ga likgu la motho ye o mo nyakang ka matla go byang. Fote ke mo a di tšiba tsa gore go ba ga mutši wa go fapana ka bodumedi go byang. (Joh. 7:5) Dilo tsone ka mokana ga tsona di makiye gore a kwisise ka mokgo batho ba tikwang ka gona mo ba phiriketsa ke tsa lephelo le ka mokgo ba tikwang ka gona. Mo Jeso a maka mehlolo, ke gona mo ne di napa di šupetsa gabutši gore o hlopega ka batho. Mo a maka mehlolo, ke mo a sa makele moyano. Ke mo “a kwa go baba” mo a bona batho ba hlopega. (Mat. 20:29-34; Mar. 1:40-42) Jeso ke mo a kwela batho go baba batho fote a nyaka go ba gelepa.—Mar. 7:32-35; Luk. 7:12-15. w19.03 16 ¶10-11

Bošego bya Jeso bya mafelelo ho lefaseng. O ka fo ba o di gopola tsa gore Jeso ke mo a kgongwele ka matla. Nje ke mo a nyoko di kgona tsa gore a šinye a kgwe a kene a tshepega? Mola a sa tshepega, ke mo go ka sa be le ka wweši wa gore ke mo a nyoko kraya lephelo la go ya go yye. (Mrm. 5:18, 19) Se segolo ka matla ke gore lebitso la Papage ke mo le yamega. (Job. 2:4) Nakwela a ja tsa go ja la mafelelo le banghana bage ba thina ka matla ba gore ke mapostola, mo ba kene ba bolabodisana ba yye ba thomisa go ‘phigisana’ ka gore ‘ke mang ye di šupang nkare ke ye mogolo ho ga bona.’ Sa go makatsa ke gore Jeso aa ba garatsa. O yye a fo bolabola nabo fote a bebiye. Jeso o yye a bolabola nabo a sa ba kganisi mara a sa lakatse, a ba hlatollela—fotefote—gore di nyaka ba titshware byang. Ke mokane o yye a thanaka banghana bage ka taba la gore ba yye ba ya mahlong ba sepela naye ka go tshepega. (Luk. 22:24-28; Joh. 13:1-5, 12-15) Re ka kopisela ga Jeso, ra dula re bebiye le mo re kgahleletsiye ke tsa go baba,mo re ka fo dula re gopola gore le rune re fela re bolabola le go maka dilo tso di tshwatisang ba bangwana. (Diy. 12:18; Jak. 3:2, 5) Se sengwana ke sowa, titšhutise go thanaka ba bangwana mo ba maka dilo tsa go bafala.—Maef. 4:29. w19.02 11-12 ¶16-17

Molawo wa Moše wo makiye gore motho ba sa fo mo yahlolela selo sa gore aa se tšibi. Motho ye a sodiwang ke mo a ka butsisa gore o tlelagiye ke mang. (Dot. 19:16-19; 25:1) Mo ba soko segelela sepheto sa gore o na le molato kela byang, molawo ke mo wo dumela gore go ka bitsiwa nyana dihlatse ka dipedi gore di tle di mo yemelele. (Dot. 17:6; 19:15) Byalo ke mo go makiwa byang mo Leisrayele le sinnye mara taba ya gona yi bonne ke hlatse ka yyoši? Motho yene ke mo a ka sa nape a fetsa ka gore ba ka sa mo make selo, go fediye. Jehova ke mo a bonne tso a di makiyeng. Eya, Jehova o re tšhutisa dilo tsa go tlala; a se šiyo le selo ka ssoši so a se makang sa gore se kekemme. O rufa bo ba mo tshepegelang, mara o nyoko ba lukisa bo ba gore a ba lawole gabutši. (2 Sam. 22:21-23; Hezek. 9:9, 10) Ba bangwana ba ka maka dilo tsa go befa, gwa fo šupa nkare a ba makiwi selo, mara mo Jehova a šele a di bona gore nako ya go wolola motho yene yi segele, o nyoko mo lukisa. (Diy. 28:13) Mo ba sa tisole, go se botala ba nyoko di bona tsa gore ‘go baba ka matla go tshwara ke matsogo ya Modimo wa go phela.’—Maheb. 10:30, 31. w19.02 23-24 ¶20-21

Moše ke mo a ya ga Jehova mo a nyaka go yetetsiwa. Gabutšibutši, “o yye a yema a sa thogathoge tsa nkare o bona Yela wa go sa bonale.” (Maheb. 11:24-27) Bowa ba Maisrayele ke mo ba soko fetsa dikgwedi ka dipedi ba tlugiye mo go makega taba ye nngwana ye kgolo—le Thabeng ya Sinayi ke mo ba soko segela. Ba yye ba thomisa go kokola ba re ba wonngwe meetši. Ba kenela Moše ba nghonghora ka yene, le yene a kwa di šele di mo phirwa, a šinya a llela Jehova a re: “Ke make ying mara ka batho bo? Ka gore ba ko šinya ba mpshaya ka matlapa!” (Ek. 17:4) Jehova o yye a fetola Moše, a mmotsa gabutši gore a make ying. Ke mo a butsiwwe gore a tseye thoka yage a teye letlapa la ku Horebe, ke mokane ke mo le nyoko tšwa meetši ya go tlala. Re bala ka mokgo: “Moše a maka ka mokgonone a lebelele ke banna ba bagolo ba Israyele.” Maisrayele ma yye ma nwa ma kgolwa, gwa sa sa kokola motho.—Ek. 17:5, 6. w18.07 13 ¶4-5

Jehova o berekisa phutego ya Makreste gore a re yagise ka lerato lage. Ye mongwana le ye mongwana ho ga rune a ka mo yekisela ka go rata magageru le go ba yagisa ga tso tsa Modimo le ga tsa lephelo mo ba kwa go roba. (1 Joh. 4:19-21) Mopostola Pawulo o yitseri ga Makreste: “Le ye mahlong le kene le tiyisana le go yagana, ka mokgonone le makang ka gona.” (1 Mathes. 5:11) Eya, a yi bagolo ba ntoši, mara ke batho ka mokana ga bona ka ho phutegong bo ba ka kopiselang ga Jehova le Jeso, ka go kgomoletsa magagabo rune. (Mrm. 15:1, 2) Batho ba bangwana ka ho phutegong ba gore ba šinya ba lwala ka taba la go šekela di ka fo nyaka gore ba ye bona ditogotela. (Luk. 5:31) Bagolo le batho ba bangwana ka ho phutegong baa di tšiba tsa gore bona a baa tšhutela tsa go yalafa batho menagano. Mara, bona le ba bangwana ka gana ho phutegong go na le tsa go tlala tsa gore ba ka tšhela letsogo ga tsona—gore mo ba “bolabola ba kgomoletse bo ba kgahleletsiyeng ke tsa go baba, go thegeletsa bo ba lelemelang, go lefisela ye mongwana le ye mongwana pelo.”—1 Mathes. 5:14. w18.09 14 ¶10-11

Ga Jehova re thogo mo tshepa ka matla mo re mo tšiba tšibi-tšibi. Byalo go tšhuta Baebele le go ghayela ka tso re di balang ke gona go ntoši go ka makang gore re mo tšibe gabutši. Baebele yi re botsa ditaba tsa go tlala tsa go šupetsa gore Modimo o yye a ba pasopa byang batho bage ku botala. Ditaba tsa mohlobo wonone di re maka gore re tshepe gore le rune o nyoko re pasopa gana byalo. Bona taba ye nngwana ke yowa ya go bafala ka matla ya gore Jesaya o yi bolabodiye go šupetsa ka mokgo Jehova a pasopang batho bage. O re Jehova ke setšha go le motho wa go disa ke mokane malata yage ke setšha go le dinkunyana. Jesaya mo a bolabola ka Jehova o re: “O nyoko hlekeletsa dinkunyana tsage a berekisa letsogo lage, ke mokane a di rwala ka sekguba.” (Jes. 40:11) Mo re kwa matsogo ya Jehova ma re ngangarele, re fo kwa re tiyelele re sa tšhoge selo. Gore o thogo dula o kgibiye le mo go nyarela tsa go go kwisa go baba, ghayela ka mantsu ya ma leng ga temanyana ya lekgono. Ma nyoko go gelepa gore mo o gahlana le tsa go go phireketsa, o thogo teya o feta. w19.01 7 ¶17-18

Ayitsano go na le tso o karakarelang go di segelela ga tso tsa Modimo? O ka fo ba o leketsa go bala sepetlonyana sa Baebele ka moka matšatši. Kela o leketsa ka matla gore tso o di bolabolang le tso o di tšhutisang di tikise batho dipelo. O kwa di go tikisa kaye mo o kraya gore dilo tso o leketsang go di maka di ya makega, kela mo o kwa batho ba go thanaka? Nnete ke gore o fo kwa o ngwalangwala ka taba la go jabola. Go fo ba ka mokgonone, ka taba la gore o yekisela Jeso mo tso tsa Modimo o kene o di yetisa mahlong. (Diy. 27:11) Mo o garagara gore o segelele tso Modimo a di nyakang, o maka gabutši ka taba la gore a wo makele mahala. Pawulo wa lepostola o ngwadiye gore: “Yema o tiyye, o sa thogathoge, o dule o na le mmereko wa go tlala wa gore o wo makela Morena, o tšiba gore a o karakarele mahala ga tso tsa Morena.” (1 Makor. 15:58) Mo re beyisa, mo motho a lebelele taba ya go lelekisana le dilo tsa majabajaba le ya go nyaka go tšibega, di ka šupetsa go le tsona, mara nnete ke gore dilo tsone di fo šiya motho a yitsa.—Luk. 9:25. w18.12 22 ¶12-13

Dafita mowa ke mo a bolabolela ka dinako tsa ho batho lefaseng ka mokana ga lona ba nyoko bang ba phela ka ditsela tsa gabutši tsa Modimo. (2 Pet. 3:13) Seporofeto so se leng ga Jesaya 65:22 se re: “Matšatši ya batho baka ma nyoko lefa go tshwana le matšatši ya sehlare.” Sosone se šupetsa gabutši gore batho ba nyoko phela mengwagangwaga. Kutullo 21:1-4 yi re Modimo o nyoko lebelela batho, ke mokane a ba makela selo se sengwana sa gore o tshepisiye go se maka, selo sa gona ke sa gore “likgu le ko ba le sa sa šiyo” ga batho bo ba berekelang Modimo ga lefase lage la go loka la nyuwane. Tsa go phela Pharadeyising ga Adamo le Efa ku Edeni di yye tsa šaša, mara a gwa napa go fela ka Pharadeyisi yone. Dafita o bolabodiye mantsu ya gore ba go loka le ba go maka tsa gabutši ba nyoko dula ho lefaseng ke mokane ba phela ga lona go ya go yye. (Pis. 37:11) Di nyaka seporofeto so se leng ga Jesaya se re nabetse dilo tsa gabutši tso di nyoko tlang di makega. (Jes. 11:6-9; 35:5-10; 65:21-23) Di nyoko makega leng? Di nyoko makega mo go segela nako ya selo sela Jeso a se tshepisiyeng sekgohlane sela sa Lejuda. (Luk. 23:43) Le wene o ka kena ga Pharadeyisi yone. w18.12 7 ¶22-23

Ayitsano re ka di kgona go ro napa re sa kutšetseli ke lefase le mong ka go twi-twi? Awwa, re ka sa di kgone go tloga ho lefaseng. Tse dingwana di fo ba di sa kgonege gore re nape re re di ka sa re tikisi. (1 Makor. 5:9, 10) Mong wona mmereko wowa wa go tšhomayela wo maka gore re gahlane le batho ba gore ba dumela dilo tsa gore ke matsaka. Mara, mo go nyarela tsotsone tsa gore le mo re kakare-kakare, ke tsotso, a di nyake re fo napa re lesetsa di re tantela. Tla re tshwaneneng le Jeso, re yakgoswe re gana dilo tsa gore Sathane o kwana natso. Fote-fote, le rune re ka tipasopa gore re sa tšhoge re khuriye menagano re maka ke menagano ya lefase. Mo re beyisa, di nyaka re sa fo lla go hlawola banghana. Baebele yi re mo re nghanelana le batho ba gore ga Jehova a ba mmerekele, ba nyoko re tsheletsa ka mokgo ba naganang. (Diy. 13:20; 1 Makor. 15:12, 32, 33) Fote, mo re gana go tijabodisa ka dilo tsa gore di tšhutisa gore batho ba tšwa ga ditšhwena, tsa gore bokgohlane kela go šitega go tishwara go lukiye, re ko ba re sa nyake go tšhela tšhefu ka ho menaganong ya rune ka taba la gore tsotsone ‘a di kwane le go tšiba Modimo.’—2 Makor. 10:5. w18.11 21 ¶16-17

Re ka maka ying gore re kwe re nabela go ya mahlong re kene re sepela nneteng? Se sengwana so re ka ga se maka ke go sa tshwatele mmereko wa go tšhutisa batho nnete ya Baebele. Mo o maka tsotsone, o ko thogo ngangarela sabola yago, sabola yone ke “lentsu la Modimo.” (Maef. 6:17) Ka mokana ga rune re ka karakarela go ba digele mo re tšhutisa le “go tshwara lentsu la nnete gabutši.” (2 Thim. 2:15) Mo re kene re gelepa batho gore ba reke nnete ke mokane ba lesetse matsaka, re napa re ro kikitela tso Modimo a di tšhutisang ka menaganong le dipelong tsa rune. Mo re maka tsotsone, re ka sa šepisi mo re kene re sepela nneteng. Nnete yo re yi tšibang ke selo se segolo so Jehova a re neyyeng sona. Re na le senghana se segolo le Papa wa rune wa legedimong ka taba la selo so a re neyyeng sona. Tso a re tšhutisiyeng tsona go segela gana byalo, go sa le mathomo! Modimo o re tshepisiye lephelo la go ya go yye gore re thogo yeketsela ga nnete yo re yi rekiyeng. Byalo, tshwara nnete yowa gabutši, ke lekolwane la go bafala ka matla. Ariye mahlong o “reka nnete, o sa tsoge o yi rekisiye.”—Diy. 23:23. w18.11 8 ¶2; 12 ¶15-17

Nnowa ke mo a kene a tšhomayela nakwela go soko segela Mogogola, ke mo a ba yeletsa gore ba nyoko tla ba kgwa mo ba sa theetsele. Kwane gore Jeso o itseri king: “Ka mokgonola ne ba le ka gona mo go soko segela Mogogola, ba tijela fote ba tinwela, banna ba nyala le basadi ba nyadiwa, gwa šinya go segela nako ya gore Nnowa a kene ka teng ga areka; ke mo go se na so ba se tseyelang hlogong gwa šinya go segela Mogogola, wa ba suwela ka mokana ga bona, le go ba gona ga Morwayi wa motho go nyoko fo ba ka mokgonone.” (Mat. 24:38, 39) Batho ke mo ba sa yi kene yone ya Nnowa, mara o yye a fo ya mahlong a ba botsa ditaba tso a di kweleleng. Le gana byalo re sa fo tšhomayela ditaba tso tsa Mmušo gore batho ba tšhute ka tso Modimo a nyoko ba makelang tsona. Le rune re tshwana le Jehova, re nabela gore batho bo re ba tšhomayelelang ba kwe ditaba tsowa gore ba thogo ‘dula ba phela.’ (Hezek. 18:23) Se sengwana fote ke gore mo re tsama re tšhomayela ka mutši ka mutši le ga gore go feta-feta batho, re yeletsa batho ba go tlala ka mokgo re ka kgonang gore Mmušo wa Modimo wo kene wa šutela fote o nyoko tla o tlosa batho bowa ba yisi felo ka Modimo.—Hezek. 3:18, 19; Dan. 2:44; Kut. 14:6, 7. w18.05 19 ¶8-9

O ka maka byang mo ba mmušo ba ka fo le rakela gore le sa sa bolabola ka Mmušo wa Modimo ga poleke ya genu ke mokane ba go bitsa ba go butsisa ka magagenu ba bangwana? Ayitsano o nyoko ba botsa dilo ka mokana ga tsona tso o di tšibang ka bona? Jeso o yye a maka byang mo a kene a butsisiwa ke monna yela ke mo a lawola Roma? Tšhiko ye nngwana ya ka ho Baebeleng yi re go na le “nako ya go kgomolela le nako ya go bolabola,” ga tse dingwana Jeso le yene ke mo a fo tikgomolelela! (Mmo. 3:1, 7; Mat. 27:11-14) Ga seyemo sa go tshwana le sowa, di nyaka gore motho a hlahlame, gore re sa thirimetse magageru ga tsa go baba. (Diy. 10:19; 11:12) Byalo o nyoko maka byang mo nkare monghanago kela lešaga lago le sinnye ka matla, fote wene taba yone wa yi tšiba? “Bolabola nnete.” Di nyaka o botse bagolo nnete yo wene o yi tšibang, fote o sa kekemisi ditaba. Ba tshwanele gore ba tšibe ditaba ka mokana ga tsona gore ba thogo tšiba tso ba ka di makang mo ba kene ba leketsa go gelepa mogageru yene, gore a lukise senghana sage le Jehova.—Jak. 5:14, 15. w18.10 10 ¶17-18

Re ka yaganana byang le ba bangwana go šupetsa gore re ya nyakanana? Se sengwana so re ka ga se maka ke go titšhutisa go theetsela gabutši. (Jak. 1:19) Go theetsela motho o kene o mo kwela go baba di šupetsa gore o na le lerato. O ka fela o butsisa diputsiso tsa go kwala le tsa go šupetsa gore o kwelana le motho yene wa gore o kwa go baba. O ko thogo tšhuta go kwelana le batho le go yaga motho yene wa batho. Le ho mahlong o šupetse gore nnete o mo kwela go baba. Mo Mokreste ye mongwana a kwa a nyaka go go hlatollela ditaba go ya mahlong, mo theetsele o lefisiye pelo fote o sa mo tshware molomo. Mo o theetsela o kene o lefisiye pelo, o ka kraya o kwisisa ka mokgo a tikwang ka ku teng-teng. Sosone se ka maka gore mogagenu yene wa go kwa go baba a go tshepe ke mokane le yene a ka go theetsela mo o thomisa go mo yaga. Mo o šupetsa gore nnete o mo kwela go baba, tsotsone di ka mo kgomoletsa ka matla. w18.09 14 ¶10; 15 ¶13

Ye mongwana le ye mongwana ye a rekang nnete, o patela ka nako. Di nyaka nako gore motho a theetsele molayetsa wa Mmušo, a bale Baebele, a bale dipuku tso di bolabolang ka Baebele, a titšhutise Baebele, a lukiselele megahlano ya phutego, a boye a ye ga yona. Nako yone ra yi reka, kela go yi tseya, ga dilo tsa gore a yi tsa go hlopa ka matla. (Maef. 5:15, 16) Nje di ka napa di nyaka nako ya go tlala gore re kwisise gabutši so Baebele yi se tšhutisang? Di ya ka rune. Di tlele ka matla dilo tso re ka di tšhutang ka go hlalefa ga Jehova, ditsela tsage le ka mokgo a makang dilo. (Mrm. 11:33) Sewokamelo sa mathomothomo se tshwanisiye nnete le “lebhlomu le le nyana” ke mokane sa re: “Mo o na le lebhlomu ka lloši la nnete, o sa nape o jabola. Taba ya gore mabhlomu ma tlele, yi šupetsa gore ka lloši ne le sa yenela. Ariye mahlong o kene o nyakana le ya mangwana.” Le mo re šele re phela lephelo la go ya go yye, di sa tlele ka matla tso re nyoko di tšhutang ka Jehova. Taba ye kgolo lekgono, ke gore re berekise nako ya rune gabutši gore re thogo reka nnete ya go tlala ka mokgo re ka kgonang. w18.11 4 ¶7

Banna ba guputsiwa gore ba dudisane le basadi ba bona “ka go ba tšiba”—taba yone yi ka beyiwa yi le gore ba ba “naganele; ba ba kwisise.” (1 Pet. 3:7) Go kwisisa le go naganela di ya yelana. Mo re beyisa, monna wa go kwisisa wa di tšiba tsa gore mosadi wage aa tshwane naye ka dilo tsa go tlala, mara a yi taba ya gore o tshwanele a mo tseyele fase. (Gen. 2:18) O šupetsa gore wa mo naganela ka mokgo a tikwang ka gona, a boya a mo tshwara go tshwana le lesoso le go mo hlompa. Monna wa go naganela mo a ka fo ba a tshwanele go maka tse dingwana le basadi ba bangwana, o di maka ka mokgwa wa gore a sa kwisi mosadi wage go baba. Aa make tsa nkare o nyaka go kgana-kgana nabo kela a šupetsa nkare o nyaka le go ba kgetisa; fote tsotsone aa di make le mo a ka fo ba a kenne mo ga tso tsa go bolabola le ba bangwana ka Inthanete. (Job. 31:1) O dula a tshepega ga mosadi wage, aa make tsotsone ka go fore o mo nyaka ka matla ga mosadi wage, mara o di makisa ke gore le ga Modimo o mo nyaka ka matla fote o nyenya go maka tsa go befa.—Pis. 19:14; 97:10. w18.09 29 ¶3-4

Ke ntaba di roba go maka tso re di tšhutang ka ho Lentsung la Modimo? Go gongwana di maka ke gore di nyaka re tinyanafatsa gore re thogo maka dilo tsa gabutši, mara go na le dilo tso di makang gore go sa be lola go tinyanafatsa. Ga ‘dinako tsowa tsa mafelelo,’ batho bo re phelang nabo ke ba go “tirata, ba go rata tšheleta, ba go kganya, ba go ba le magetla,” le “ba go sa kgone go titshwara.” (2 Thim. 3:1-3) Mo motho wa Modimo a kwelela ka batho ba go tinaganela ba ntoši le ba gore ba jabolela go maka tsotsone, a ka kwa tsotsone di mo tshwatisa mara a kwa a nabela mo a bona tso ba di segelelang. (Pis. 37:1; 73:3) Motho a ka tiputsisa gore: ‘Mara nje tsa go ba nkene ke tihlopa ke re ke naganela batho ba bangwana ke lesetsa go tinaganela nna mong di nkisa kaye? Mo nka fo “timaka ye monyana,” nje batho ba ka sa ntseyele fase?’ Mo le rune re ka fo yikela moya wa lefase lowa o re kena, wo nyoko re kwaletsa wa kraya senghana sa rune ka ho phutegong se šele se kgwelakgwehla, gwa boya gwa ro sinyega le setwaba sa rune sa go šupetsa gore ke rune Makreste. Mara re rufiwa mo re yekisela tso re di balang ka ho Baebeleng re boya re di maka. w18.09 3 ¶1

Le mo Jehova a tsere nako ya go lefa a ntoši a soko maka dilo, ke mo a sa tinaganele a ntoši. Dilo tsa go hlalefa tso a di makiyeng, tsa ku legedimong le tsa ho lefaseng, o yye a di neya lephelo. “Modimo wa go jabola,” Jehova, o kwana natso tsa go neyana dilo tsa go bafala.” (1 Thim. 1:11; Jak. 1:17) Fote o re tšhutisa gore re sa konane gore re thogo jabola. (Mrm. 1:20) Modimo o makiye motho ka setshwano sage. (Gen. 1:27) Sosone se rela gore re ka di kgona go maka dilo go tshwana naye. Mo re nyaka go jabola le go tikwa re yenele, di nyaka re kopisele ga Jehova re rate batho ba bangwana fote re sa ba kone dilo tso re nang natso. (Mafil. 2:3, 4; Jak. 1:5) Ke ntaba? Mo re fo yi beya gabutši, ke ka taba la gore Jehova o makiye batho a nyaka gore ba be ka mokgonone. Le mo re sa felegelela, re ka di kgona go yekisela Jehova. Jehova wa di nyaka tsa gore bo a ba makiyeng ba kopisele ho gage, byalo mo re sa konane re mo jabodisa ka matla.—Maef. 5:1. w18.08 18¶1-2; 19 ¶4

Bo ba latelelang Kreste ba theetsela lentsu lage fote ba boya ba maka ka mokgo Kreste a bolabolang ka gona. Go “šekela ka tsa lephelo” a go make gore ba keketlele. (Luk. 21:34) Taba ya go theetsela Jeso ba yi yetisa mahlong le mo ba kene ba gahlana le tsa go ba ghula. Le mo go bifiye, magageru ba yye ba fo dula ba tshepegela Jehova ba sa tekateki. Wo mongwana mokgwa wa go šupetsa gore re theetsela Jeso ke wa go berekisana le bo ba hlawodiwweng gore ba re yete mahlong. (Maheb. 13:7, 17) Mengwaga ya go sa tšwa go fela, mokgahlo wa Modimo o tšhentšiye dilo tsa go tlala nyana, tsa go tshwana le dithulusu tso re di berekisang tšhomong, ka mokgo sepukwane sa rune sa mogahlano wa gare ga beke se makiwweng ka gona le ka mokgo re yagang Diholo tsa Mmušo ka gona, go di lukisa le go di pasopa. Re leboga ka matla ka mokgo re yetetsiwang ka gona! Fote a re kanakane gore Jehova o nyoko re rufa mo re theetsela dilo ka mokana ga tsona tso mokgahlo wage wo re botsang tsona. w19.03 10-11 ¶11-12

Taba ya gore nnete ya gona go fo ba sepetlonyana, di ra gore go ro ba mong matsaka. Nagana ka tso di makegeleng Maisrayele ya ke mo ma dula ka nthoko ya bodikela bya Noka ya Jorodane nakwela go lawola Jošuwa. (Još. 22:9-34) Ba yye ba fo kwelela ditaba tsa gore Maisrayele ya ke mo ma dula ka bohlabela,ba makiye aletara ye nngwana ye kgolo. Sekopa sa taba yone ke mo go le nnete. Mo bowa ba gore ba ka ho bodikela ba kwa sekopa sone sa taba, ba napa ba re di ra gore magagabo ba jikele Jehova. (Još. 22:9-12.) Sa go jabodisa ke gore mo ba soko bane ba tloga, ba yye ba romela banna ba go tshepega ka ku bohlabela gore ba ye nyakolla taba. Banna bone ba krayye go makiye byang? Aletare ne ba yi makiye, mara ke mo ba sa yi makela gore go hlabediwe ga yona, ke mo ba yi makiye gore go be segopotso, gore ka motsho batho ka mokana ga bona ba tle ba di tšibe gore ke mo go le bona malata ya go tshepega ya Jehova. Di šupa nkare Maisrayele yane ma yye ma leboga ma sa fetse gore a maa lwa le magagabo, ma makisa ke go sa tšibi ditaba ka mokana ga tsona, mara ma yye ma ye butsiseleng gore gabutši go makega ying! w18.08 5 ¶9-10

Pawulo wa resa, le bo go leng barapedi ba mannete ba ka kraya ba goromele ga dilo tsa go sa loka. Bo ba gore ba fo tilisetsa ba tlungwelanya ga dilo tsa go ba woka ba ka fo tseya nkare ga Jehova ba kene baa mo jabodisa. Mara nnete ke gore mo motho a re wa di nyaka go ba monghana wa Jehova kela a tipotsa gore yene wa tshepega, a di rele gore Jehova ka nnete wa mo yamogela. (1 Makor. 10:1-5) Maisirayele ma yye ma šekela mo ma bona Moše a sa yakgoswe a sologa ku Sinayi, le Makreste lekgono ma ka šekela mo ma bona nkare Jehova aa yakgoswe a yahlola lefase fote lefase la nyuwane le lona a le tšhetšhisi le segela. Di ka šupetsa nkare dilo tsowa a di tshepisiyeng di nyoko makega go šele go le botala kela le ka tšatši ka lloši di ka sa makege. Mo re ka fo ya mahlong re kene re nagana tsotsone, re ka tšhoga re lebele go maka tso Jehova a di nyakang, wa kraya re lelekisana le tso di nabelang ke rune. O ka kraya re šele re thomisa go keketlela ku kgole le Jehova, ra šinya re maka le dilo tsa gore ke mo re ka sa di make mola re phela gabutši ga tso tsa Modimo. w18.07 21 ¶17-18

Le rune ho Jehova a re tšiba gabutši, o nyoko re rufa ra šala re bafele. Mara re ka maka byang gore Jehova a re tšibe? Tsotsone di makega mo re mo rata fote re neyela maphelo ya rune gage. (1 Makor. 8:3) Mara di nyaka gore re sa khwanyole ga senghana sowa sa rune le Papa wa rune wa legedimong. Tla re tseyeleneng ga Makreste ya Magalata yala Pawulo a ma ngwaleleng borifi, re lesetse go fo ba re kene re tihlopa ka ‘dinabetsane tsa lefase lowa tsa go sa re selo le tsa gore di fase ka matla,’ tsa go tshwana le go nyaka go tšibega. (Magal. 4:9) Makreste yane ya ku botala ma yye ma karakara ma šinya ma segela le mo ma tšibang ke Modimo. Mara Pawulo o yitseri magageru yanane maa ‘sologa ma boyela’ ga dilo tsa go sa re selo. Gabutšibutši Pawulo ke mo a re: “Le tšwa kgole ka matla, ke ntaba le boyela ga dilo tsetsela tsa botlayela, tsa go sa re selo tsela le di šiyyeng ku nthago?” w18.07 8 ¶5-6

Re leboga gore mo re nyaka go tšhuta se sengwana, a yi tsa go šinya di nyaka re kwe go sasamela ka taba la go tlola molawo wa Modimo. Re ka tšhuta ga ba bangwana bo ba yyeng ba ghulega ba gore ditaba tsa bona di tšhediwwe ka ho Baebeleng. Ka nnete Modimo ke yene a re tšhutisang tsa gabutši ka matla, go tshwana le ho re bala re boya re ghayela ka tso re di balang Baebeleng. Mo re beyisa, nakwela Kgoši Dafida a sa theetsele Jehova ke mokane a ye yetsela le Bat’sheba, o yye a kwa go sasamela ka matla. (2 Sam. 12:7-14) Mo re kene re bala re boya re ghayela ka taba yowa, re ka tiputsisa gore: ‘Kgoši Dafita nke a makiye ying gore a sa goromele ga tsa go kwisa go baba tso di makiyeng gore a šinye a yetsela le Bat’sheba? Mola tsotsone di tlele nna, ayitsano ne ke nyoko solotsa molala gore ke sa goromele ga tsona? Nje nke ke tšhabiye ka lebelo go tshwana le Josefa, kela le nna ke mo ke nyoko tshwana le Dafita?’ (Gen. 39:11-15) Mo re ka fo dulela go nagana gore tsa go sinya di nyoko re gorometsa kaye, dipelo tsa rune di nyoko tiyelela, ra “hloya sa go befa.”—Amo. 5:15. w18.06 17 ¶5, 7

Go tshwariwa lešidi ga go tlala go maka gore batho ba tlalele ka matla ga tso tsa dipolotiki. Taba ya mothelo ke mo yi hlopa ba go tlala nakwela Jeso a le ho lefaseng. Bo ba gore ke mo ba lawola ke Roma, le ba gore ba yye ba theetsela Jeso, ke mo ba patela methelo ya go tlala, go tswana le mothelo wa dilo tso ba nang natso, mothelo wa go dula polekeng le mothelo wa dintlo. Byalo batho bo ne ba koleka mothelo wone ke mo ba na le dipelo tse diphifadu, ba fo tokegela le tsa gore a di šiyo, ba šinya ba maka gore batho ba kwe di roba go thela. Ba bangwana ba go thedisa ke mo ba reka ditulo tsa go lawola ke mokane ba tseya tšheleta ye nngwana yo ba yi kolekiyeng. Zakiyo, wa gore ke mo a patedisa mothelo ku Jeriko, ke mo a ghannye ka go ghwinya ditšheleta tsa batho. (Luk. 19:2, 8) Ba go tshwana naye ke mo ba tlele ka matla. Ba gore ke mo ba silikisa ke Jeso ba leketsiye go mo loba gore a phigisane nabo ga tso tsa mothelo. Taba yo ne ba tiputsisa yona ka matla ke ya gore nje ke tsona tsa gore ‘motho a thele,’ gore a patele mothelo wa dinariyase ka yyoši ya gore ke mo yi ntsha ke bo ba lawolang ke Roma. (Mat. 22:16-18) Mothelo wowa ke mo wo silikisa Majuda ya go tlala. Ke mo wo šupetsa gore ba lawola ke Roma. w18.06 5-6 ¶8-10

Maphomela ya go yema le Sathane ma ka moka matšatši ma leyela batho dilo tsa go sasamela go feta tsa go natefela. (Job. 21:7-17; Magal. 6:7, 8) Go tšiba gore Sathane o re woka go segela kaye di re gelepa ka ying? So se re gelepa gore re tšibe so re kgerang ka sona mo re kene re theetsele ba go bereka mmušo fote go re tšhofa gore re ye mahlong re tšhomayela. Re di tšiba gabutši gore Jehova o nyaka re hlompa bo ba go lawola. (1 Pet. 2:17) Fote o nyaka re hlompa melawo ya mmušo, solanka melawo yone yi sa phigisane le ya Modimo. (Mrm. 13:1-4) Mara a re nape re kenelela ka matla, o kraya re šele re yema le mekgahlo ya gona kela re kwa nkare moyetamahlong-mokete o phala mokete. (Joh. 17:15, 16; 18:36) Ka taba la gore re di bona gabutši gore Sathane o nyaka go sinya Jehova lebitso le go le tupetsanya ka marole, re kwa re nyaka ka matla go tšhutisa batho dinnete ka Modimo. Re titeya sekguba ka lebitso lage fote re ya le berekisa, re tšiba gabutši gore mo re nyaka yene, re nyoko rufiwa ka tsa go tlala go feta mo re nyaka tšheleta kela dilo tse dingwana.—Jes. 43:10; 1 Thim. 6:6-10. w18.05 24 ¶8-9

Mo go nyarela tsa go ba phiriketsa, ayitsano tsotsone di napa di rela gore ba yahlogane? Mangwalo a maa bolabola gore ba ka kgeta go yarogana mo go makiye byang. Pawulo o ngwadiye gore: “Mo nkare mosadi o na le monna wa gore aa dumele, fote monna yene a di nyaka go dula naye, mosadi yene a sa mo šiyi ga monna wage.” (1 Makor. 7:12, 13) Le lekgono go sa fo ba ka mokgonone. Go na le go gongwana ga gore ‘monna yewa wa go sa dumele’ a šupetsiyeng gore aa ‘di nyake go dula le mosadi wage.’ O ka kraya a mo hlopegisa go baba ka matla, gwa šinya gwa segela le ga gore mosadi le yene a di bone gabutši gore a ka lwala kela le go šinya a kgwa. Monna yewa a ka fo ba a na le tšhinghi, a gana go pasopa mosadi yewa wage le bana ba bona kela a maka le tsa go šupetsa gore a ka šinya a mo kwaletsa ka matla mo a fo ya mahlong a kene a berekela Modimo. Ga dilo tsa mohlobo wonone, Makreste ya mangwana ma yye ma fetsa ka gore di kawone ma yarogane le motho wa mošaga wonone le mo motho yene a sa nape a hlaya gore yene o nyaka tsotsone, mara tso a di makang di šupetsa gore ‘aa nyake go dula naye.’ Mara ba bangwana bo go leng Makreste ya gore ma ka teng ga seyemo sa go baba ka matla ba yye ba fo tiyisela, le mo di kene di sasamela ka matla, ke mokane ba leketsa go lukisa ditaba. w18.12 13 ¶14, 16; 14 ¶17

Ga mošupetso wa go bolabola ka motho wa go gaša wo o leng ga Luka 8:5-8, 11-15, “lentsu la Modimo” le tshwanisiwa le pewu kela ditaba tsa Mmušo. Ke mokane mobu wo tshwanisiwa le pelo ya motho. Pewu yo yi weleng mobung wa go tsefa yi fatelegiye, ya thomisa go thunya ke mokane ya gola, yi “yenngwe tsa go tlala ga makgolokgolo.” Le rune re tshwanne le mobu wela wa go tsefa wola wa gore pewu yi fatelegiye ga wona ga mošupetso wa Jeso, ka taba la gore le rune re yamogele ditaba tsowa ra boya ra di ngangarela. Sosone se maka gore pewu yowa ya Mmušo yi mele ke mokane yi gole lehlakeng, ke mokane mo nako yi kene yi ya, yi thog’o yengwa. Byalo, ka mokgo lehlaka la korong le belegang pewu ya nyuwane, yi seng lehlaka la nyuwane, le rune re ka fore re ntsha peu ya nyuwane ya Mmušo, a re yengwe batho ba nyuwane. Diyengwa tsa nyuwane tsa Mmušo re di yengwa byang? Ka moka nako mo re tšhomayela ditaba tso tsa Mmušo, ke setšha re yeketsa le go sabalatsa pewu yo yi gašiwweng ka mo dipelong tsa rune. (Luk. 6:45; 8:1) Mošupetso wowa wo re tšhutisa gore solanka re kene re tšhomayela ditaba tsa Mmušo, re ‘yengwa re kene re tiyisela.’ w18.05 14 ¶10-11

Pawulo ke mo a di nyaka go tiyisa magagabo le mong go ‘tikona dilo le go ro šala a hloka’ ka taba la bona. (2 Makor. 12:15) Di nyaka bagolo le bona ba mo yekisele, ba sa fo jabodisa ke mo ba butsiye motho lentsu la go kgotatsa kela go kgomoletsa, mara ba tshwanele ba šupetse le ka mokg’o ba mo tshwarang ka gona gore baa resa mo ba re ba mo kwela go baba. (1 Makor. 14:3) Mo re tiyisana di ka nyaka gore re fele re wololana, mara gana hone le gona, di nyaka gore bagolo ba kopisele ga taba yo yi leng ka Baebeleng ya gore mo motho a wolola ye mongwana o tshwanele a make byang gore motho yene a šale a tiyelele. Jeso mo a tsoga mabitleng o yye a šupetsa gabutši gore tsosone di makiwa ka mokg’o mang. Go na le tso ke mo a tshwanele go wolola diphutego tsa Asia Minor ga tsona, a bolabola natso a sa tshege, mara bona gore taba yage o yye a yi beya byang. Mo a soko bane a wolola phutego yowa, o thomisiye ka go thanaka phutego ya Efeso, ya Phereghamo le Thiyathira. (Kut. 2:1-5, 12, 13, 18, 19) Mo bagolo ba kopisela ga Kreste mo ba wolola ba bangwana, ba ko ba ba maka gabutši ka matla. w18.04 22 ¶8-9

Lune babelegi, le na le mmereko wo mongwana wo mogolo ka matla wa go gelepa bana ba lune gore ba sa fokole ke Sathane. Nnete ke gore bana ba lune le ya ba pasopa gore ba sa kene ke malwele le yedisa mitši ya lune le go lahla dilo tso di ka ba tšhelang malwele. Di nyaka le make tsotsone gore bana ba lune ba sa topele ka taba la gore Sathane a ba kutšetsele ka dimuvi, TV, mekgano ya go makiwa mo difowunung kela ga TV le diwepesayete tse dingwana. Jehova o neyye lune mmereko wa go pasopa bana bowa le go ba gelepa gore ba butšwe ga tso tsa Modimo. (Diy. 1:8) Byalo o sa tšhabe go beya melawo ya go yelana le Baebele ka ho mutšing gago. Botsa bana bago gore king sa gore a o nyake ba se lebelela, fote o leketse go maka gore ba di kwisise gore ke ntaba o ba rakela ga tse dingwana. (Mat. 5:37) Mo bana bago ba kene ba gola, ba tšhutise gore ba thogo di tšiba bona beng gore sa go loka le sa go befa ke sefeng sa gore a se yelane le melawo ya Jehova. (Maheb. 5:14) Fote o gopole gore bana bago ba nyoko tšhuta tsa go tlala mo ba bona le wene o maka tsotsone.—Dot. 6:6, 7; Mrm. 2:21. w19.01 16 ¶8

Mo nkare ke wene lethari la Mokreste, ke ntaba o sa tipotse gore o nyaka go tšibana gabutši le bokokwane ka ho phutegong? O ka ba butsisa ka dilo tsa botala gore ke mo go le byang mo ba kene ba le ka ho phutegong. Di ko go tiyisa ka matla fote ka babedi ga lune le nyoko kwa le nyaka gore llampa la lune le khanye ka matla. Ka mokana ga rune re ka karakarela go yamogela bo ba tlang megahlanong Holong ya Mmušo. Mo nkare ba go neyye gore o gape mogahlano wa tšhomo, karakarela go gelepa bokokwane ka ho phutegong gore le bona ba jabolele tšhomo. Ayitsano yi gona tšhomo yo ba neyiwweng yona? Go gongwana le ka fo ba neya motho wa gore o sa tiyelele gore ba sepele naye mo ba kene ba kokotlela. Le sa lebaleneng le bo ba gore baa lwala, le ba kweleneng go baba, a ba sa kgona go bereka go ya kaye. Mo le hlopega ka batho bowa ka mokana ga bona, ba bagolo le ba banyana, ba gore ke botala ba le ka ho phutegong le ba gore a yi botala, ba nyoko jabolela go tšhomayela ditaba tsowa tsa go bafala.—Lef. 19:32. w18.06 23-24 ¶10-12

Di nyaka re sa kgane ka taba yowa ya gore Jehova o re ntshiye bobhantiting bya sebe le likgu. Ka taba la go lepolliwa, gana byalo re thog’o berekela Modimo wa rune ka makwalo ya go yela fote tsotsone di re jabodisa ka matla. (Pis. 40:8) Le mo re ka fo ba re nyaka go šupetsa gore re leboga tso Modimo a re makelang tsona, tla re pasopeneng gore re sa šinyi re taka mokgero wa go lokologa ga rune. Mopostola Petro o itseri o sa kraye re maka dilo tsa go sa hlamatsega re phema ka gore re lokologiye. Nje sosone a se bolabodiyeng a se go gopotse tso di makegeleng Maisrayele mo ba sa le ku mašahleng? Nnete ke gore bo ba leng kotsing ka matla ke rune. Sathane le lefase lowa lage ba kene ba khanda dilo tsa gore le wene o kwe di nabetsa tsa go tshwana le dikobo le difešeni, tsa go ja le tsa go nwa, tsa go tijabodisa le tsa go fokatsa le tse dingwana tsa go tlala. Bo ba gore baa rekisa ba fo go beyela motho wa go bafala wa go yemega ba mo yapesiye kela ba mo tshwarisiye selo sa gore mo o mo lebelele o kwe nkare o nyoko ba o sa tseye gabutši mo o se naso, mara o kraya gore gabutšibutši selo sone se fo tikela ku. Di lola ka matla gore re tikraye re šele re goromele gana mone, ke mokane tsela tsa gore re lokologiye di thomisa go kekema! w18.04 10 ¶7-8