September

Jeso o yye a šupetsa Mata le Mariya gore o ba kwela go baba. Mo a di bona gore likgu la bhote wa bona ye ba reng ke Lazaro le ba kwisiye go baba, ‘Jeso o yye a thotha dinepedi.’ (Joh. 11:32-35) Ke mo a sa fo llisa ke gore o kgwele ke monghana. Ke mo a di tšiba gabutši gore ga Lazaro o nyoko mo tsosa. Mara Jeso o yye a lla ka taba la gore ke mo a di kwisisa gabutši gore banghana bowa bage ba kwa go baba. Go tšhuta ka mokgwa wa Jeso wa go kwela ba bangwana go baba go re thuša ka matla. Ke nnete gore rune a ra yenela mmeleng, a re tshwane naye. Mara re jabodisa ke gore ke mo a tshwara batho gabutši ka matla. Re jabola ka matla ka taba la gore gana byalo ke Kgoši ya Mmušo wa Modimo. Go se botala o nyoko tlosa mehlopego ka mokana ga yona. Jeso go yye gwa ba motho wa ho lefaseng, byalo ke yene ye a di tšibang gore go byang go hlopega, ke taba lo go leng yene wa gabutši ye a nyoko tlosang dilo tsa go baba tso Sathane a di leyeleng batho. Re rufiwwe ka go ba le Kgoši ya gore mo re kwa go baba le yona “yi re kwela go baba.”—Maheb. 2:17, 18; 4:15, 16. w19.03 17 ¶12-13

Re thuša batho gore ba tšhute ka Modimo, mara a yi rune re makang mmereko wo mogolo. (1 Makor. 3:6, 7) Jehova ke yene a gogang batho. Gore motho wa theetsela kela awwa, di ya ka so se leng ka pelong yage. (Mat. 13:4-8) Jeso ke mo go le Thitšere ya go di phala ka moka—mara batho ba go tlala a baa wo yamogela molayetsa wage! Byalo, a di nyake di re kwisa go baba mo batho ba go tlala bo re leketsang go ba gepela ba sa re theetsele. Mo re kwela batho ba ku tšhomong go baba, re nyoko bona maphomela ya mabutši. Re ko kweng gore tšhomo yi natefa ka matla. Re ko thogo di bona gabutši gore go neya go leya go jabola. Sosone se nyoko maka gore go be lola ga bo ba “tlaleleng ka ho ga lephelo la go ya go yye” gore ba yamogele ditaba tsa go bafala. (Meber. 13:48) Byalo “mo re sa na re thulegele ke lešuba, tla re makeleneng batho ka mokana ga bona tsa gabutši.” (Magal. 6:10) Re nyoko jabola ka matla ka taba la gore re ko ba re gadimisa Papa wa rune wa ku legedimong.—Mat. 5:16. w19.03 25 ¶18-19

Kgoši Dafita o ngwadiye gore: “Jehova ke ye mogolo fote di ro mo tshwanela ka matla gore a thanakiwe.” (Pis. 145:3) Ke mo a mo nyaka ka matla ga Jehova fote go mo nyaka gone go mo tšhofiye gore a thanake Modimo le mo a le “ka phutegong.” (1 Dikor. 29:10-13; Pis. 40:5) Lekgono, mokgwa wo mongwana wa go šupetsa gore re thanaka Jehova ke mo re fetola mo re le megahlanong ya Sekreste. Ka mokana ga rune re ya jabola mo re kwa diphetolo tsa mošagašaga mo re le mogahlanong. Re jabola ka matla mo re kwa ngwana ye monyana a bolabola ka boyenemong mantsu ya go tikisa pelo. Re kwa di natefela mo re theetsele ye mongwana a fetola ke mokane a hlaya gore go na le taba ye nngwana ya nyuwane ya gore o sa tšwa go yi tšhuta yo ne a sa yi tšibi. Re napa re ro jabola ka matla mo re kwa le bo ba gore ba na le dihlong kela ba gore ba sa tšhuta mmolabolo wa rune, “ba šišimala” ke mokane ba fetola megahlonong. (1 Mathes. 2:2) Re ka šupetsa ka ying gore re leboga ka matla mo ba kene ba karakara ba leketsa go fetola? Mo go fela mogahlano, re ka ya ra ba lebogisa gore ba fetodiye gabutši. Tsela ye nngwana ya go šupetsa gore re leboga diphetolo tsa ba bangwana mo re le mogahlanong, ke gore le rune re fetole. Mo re maka ka mokgonone, a re make gore go be rune re ntoši re tiyisiwang, mara le rune re tiyisa ba bangwana.—Mrm. 1:11, 12. w19.01 8 ¶1-2; 9 ¶6

Lephelo ke mo le sa sa natefa ga lesome la banna bowa. Ke mo ba na le lephera fote ba bona nkare ba nyoko šinya ba kgwa ba kene ba lwala ka mokgonone. Mara tšatši le lengwana, ba yye ba bona Jeso, yene Thitšere ye Kgolo, mara ke mo a le kgole nabo. Ke mo ba di kwelele tsa gore Jeso o yye a fodisa batho ba malwele ya mohlobohlobo. Byalo, ba yye ba yahlamela ba re: ‘Jeso, Thitšere, re kwele go baba barena!’ Banna bowa ba yye ba yalafiwa ka mokana ga bona, lesome la bona. Ka nnete ka mokana ga bona ba yye ba mo leboga ka matla ga Jeso gore o yye a ba kwela go baba. Mara ka wweši wa bona aa fo kwa a nyaka go leboga—o yye a šupetsa gore ka nnete wa mo leboga ga Jeso. Monna yene wa gore ba mo yalafiye ke mo go le Lesamariya, o yye a kwa di mo tšhofa go “yahlamela” a thanaka Modimo.” (Luk. 17:12-19) Le rune di nyaka re kopisele ga Lesamariya lowa, re leboge batho ba gore ba re tshwara gabutši. Jehova o re šupetsiye gore re ka leboga byang. Se sengwana so a se makang go šupetsa gore wa leboga ke gore o rufa bo ba mo jabodisang. (2 Sam. 22:21; Pis. 13:6; Mat. 10:40, 41) Le Mangwalo ma re botsa gore ‘re yekisele Modimo, ka gore ke rune bana bage bo a ba nyakang’. (Maef. 5:1) Se segolo ka matla so se makang gore re leboge ke gore re nyaka go tshwana le Jehova. w19.02 14 ¶1-2; 15 ¶4

Ngwannyana osekolong ke mokane a kene a hlompa o gana go kena mo go makiwa phathi ya go gopola letšatši le lengwana la gore a le mo jabodisi ga Modimo. Mosogana ye mongwana wa gore o na le dihlong o tšhomayela mutši ka mutši, mo a kokota o kraya gore ye mongwana wa bo a kenang nabo sekolo o dula ga ntlo ye ba leng thina le go kena ga yona—motho wa gona o yye a kweranya Dihlatse tsa Jehova. Papa wa mutši o bereka ka matla gore a thogo pasopa ba mutši wage, ye a mmerekelang o mo kgopela gore a make dilo tsa botsotsi kela tsa gore a di yelane le molawo. Le mo papa yewa a di bona gore a ka felela ke mmereko, o mo hlatollela gore di nyaka a dule a bolabola nnete le go latelela melawo ye Modimo a yi beyeleng malata yage. (Mrm. 13:1-4; Maheb. 13:18) O bona nkare batho bowa ka bararo ba makiye ying sa go bafala? O ka fo ba o bonne dilo tsa go tlalanyana, tsa go tshwana le lešiši. Mara go na le ka yyoši ya go di phala ka moka—go tshepega. Ka mokana ga bona ba le ka bararo ba yye ba tshepegela Jehova. Ka mokana ga bona ba ganne go maka tsa go sa yelane le molawo wa Modimo. Ba makiye tsotsone ka taba la gore ba di nabela ka matla go dula ba tshepega. Jehova o jabola ka matla mo a bona ye mongwana le ye mongwana ho ga bona a tshepega. Le rune re nyaka go tshwana nabo, re jabodise Papa wa rune wa ku legedimong. w19.02 2 ¶1-2

Molawo ke mo wo pasopa ba gore ke mo ba sa kgone go tilwela ba go tshwana le bana ba go kgwela ke babelegi, basadi ba go kgwela ke banna le batho ba go tšwa ba sepela. Bo ne di nyaka ba yahlole ku Israyele ba yye ba butsiwa gore: “Le sa kekemisi mo le yahlola motho wa go tšwa a sepela kela ngwana wa go kgwela ke papa fote mo mosadi wa go kgwela ke monna a go kolota o sa mo yamogi kobo yage.” (Dot. 24:17) Le mong motho wa gore ho setšhabeng ba bona nkare a yi selo, Jehova ke mo a mo kwela go baba. Fote o yye a wolola le batho ba gore ke mo ba ba tshwara lešidi. (Ek. 22:22-24) Jehova o nyaka gore bo a ba beyyeng gore ba lawole ba bangwana, ba make dilo gabutši mo ba kene ba tshwere batho ka mokana ga bona bo ba ba lawolang. O hloyye motho wa go reyipana, motho wa go maka tsa maroga le phoofolo le mo motho wa go maka tsa maroga le dibananyana, fote o nyaka go ba tshwara gabutši le go ba pasopa ka moka, ka matlamatla ba gore ba fo leboga mo ba na ba phela. (Lef. 18:6-30) Mo re thomisa go di tshepa tsa gore Jehova o re tshwara gabutši, le rune re ko kweng gore re thomisa go mo nyaka ka matla. Fote mo ga Modimo re mo nyaka fote re kwana ka matla le melawo yage, re fo kwa di re tšhofa gore re kwane le batho ba bangwana fote re ba tshware gabutši. w19.02 24-25 ¶22-26

Bona taba ye nngwana ke yowa ya go šupetsa ka mokgo re ka makang gore Sathane a sa re fokole. Jehova o re tšhutisiye gore “bonghwahla le mehlobo ka mokana ga yona ya dilo tsa go sa yela [re] sa boye [ra] ro bolabola ka tsona.” (Maef. 5:3) Mara byalo re nyoko maka byang mo re kraya gore ku sekolo kela mmerekong go bolabodiwa ka tsotsone tsa gore mang o yetsele le mang? Lekwalo la rune lela la go tshwana le matšinghelani le ka re botsa mo go šutela kotsi. (Mrm. 2:15) Nje re ko le theetsela? Mara go gongwana re ka fo kwa re nabela go theetsela dithaka tsa rune kela go lebelela mo ba šupetsana dithombhe. Mara gana byalo ke nako ya go kwala digheyiti tsa mutši, o ka fo tšhentšha taba yo go bolabodiwang ka yona kela wa fo titlugela. Di nyaka lešiši gore re sa kwe re nabela mo dithaka tsa rune di re kutšetsela go nagana kela go maka dilo tsa go sa yela. Nnete ke gore mo re na re karakara, Jehova o kene o lebelele, fote o nyoko re neya matšhika le go re hlalefisa gore re sa be le monagano wa bosathane.—2 Dikor. 16:9; Jes. 40:29; Jak. 1:5. w19.01 17-18 ¶12-13

Solomone le mo a ghannye fote a na le matšhika, o yye a kwa a nabela go lekanyana gore a “kwe menate le go bona gore di jabodisa [go segela kaye].” (Mmo. 2:1-10) O yye a yaga dintlo tsa mohlobohlobo, a maka dibaya le diphaka, a boya a maka le selo se sengwana le se sengwana so ke mo a se nyaka. Mara o yye a tikwa byang mo a fetsa? Ayitsano o yye a tikwa a yenele, a kgodwiye le pelo yage ya fo kwa yi yitseri tswee? A yi tsa go butsisa ye mongwana. Yene mong Solomone o yye a re hlayisela ga temanyana ya lekgono. Taba yone yi re popolla mahlo! Ayitsano o ko šupetsa gore o hlalefiye ke mokane wa yi tseyela hlogong? Jehova aa nyake re tšhuta mola re šele re kwalele. Nnete ke gore di nyaka tumelo gore o thogo theetsela Modimo le go yetisa tso a di nyakang mahlong mo o kene o phela. Mo o na le tumelo yone, o ko ba o fetsiye, yi ka sa go tšebisi le ka tšatši ka lloši. Jehova a ka sa tsoge a lebele “ka mokgo le šupetsiyeng gore lebitso lage le ya le nyaka.” (Maheb. 6:10) Garagara gore o thogo tiyisa tumelo yago, ka mokgonone o nyoko di bona gabutši gore Papago wa legedimong o go nabelela tsa gabutši.—Pis. 32:8. w18.12 22 ¶14-15

Motho wa go tlalela ga tso tsa Modimo o na le tumelo ga Modimo fote o nyaka go yetetsa ke yene ga dilo ka moka. O theetsela Modimo fote mo a nyaka go maka selo, o dumelela yene gore a mo yetetse. (1 Makor. 2:12, 13) Dafita o di makiye gabutši ka matla tsotsone. Mo a yepelela o yitseri: “Dilo ka mokana ga tsona ke di neya ke Jehova le komitši yo ke nwelang ga yona yi tšwa gage.” (Pis. 16:5) Ga “dilo ka mokana ga tsona” tso Dafita ke mo a bolabola ka tsona, go kena le senghana sa gabutši sa gore ke mo a le naso le Modimo, wa gore fote ke mo go le legawu lage. (Pis. 16:1) O feleletsiye kaye? O ngwadiye gore: “A ke ya jabola lona.” Ka nnete Dafita ke mo a jabodiye ka matla ka taba la gore ke mo a na le senghana sa thina le Modimo. (Pis. 16:9, 11) Bo ba lelekisanang le tsa go tijabodisa le makgumo ba ka sa ro tsoga ba jabodiye go tshwana le ka mokgo Dafita ke mo a jabodiye ka gona. (1 Thim. 6:9, 10) Mo o na le tumelo ga Jehova o boya mmerekela, o nyoko tšiba so o se phelelang wa kwa le pelo yowa yi f’lo re kgehle. O ka tiyisa tumelo yago byang? Di nyaka o be le nako ya bolabodisana le Jehova ka go tšhuta Baebele, ka go lebelela dilo tso a di makiyeng le ka go nagana ka mokgo a šupetsang ka gona gore wa go nyaka.—Mrm. 1:20. w18.12 25 ¶7-8

Pawulo ke mo a sa tshwara tsa go kgana mo a bolabola ka taba yowa. Mo a hlaya tsotsone, ke mo a botsa Makreste gore di nyaka ma hlompe lenyalo ma boye ma le tseyele hlogong. Ayitsano le wene o le tseya ka mokgonone lenyalo, ka matlamatla lenyalo la wene mong, mo nkare o nyadiye kela o nyadiwwe? Mo nkare le wene wa le hlompa lenyalo, o maka gabutši. Jeso le yene ke mo a le hlompa. Nakwela Mafaraseyi ma butsisa Jeso ka taba ya go hlala, o yye a bolabola ka tso Modimo a di hlayyeng ka lenyalo la mathomo, a re: “Ka taba lowa, monna o nyoko šiya papage le mmane wage, ke mokane ba le ka babedi ga bona ba nyoko ba nama ka yyoši.” Jeso a tokegela le ka gore: “Go sa be le motho wa gore o tlemolla so Modimo a se swineleleng lejokong.” (Mar. 10:2-12; Gen. 2:24) Jeso ke mo a yema nayo taba ya gore lenyalo le thomme ke Modimo fote o yye a kikitela taba ya gore bo ba nyalanneng ba sa boye ba ro hlalana. Modimo aa botsa Adamo le Efa gore mo ba di nyaka ba ka fo hlalana. Gabutšibutši so Modimo ke mo a se nyaka go tlugisela ku Edeni, ke gore monna a be le mosadi ka wwoši, le mosadi a be le monna ka wwoši, fote ba dule ‘ba le ka babedi’ go ya go yye. w18.12 10-11 ¶2-4

Nakwela re sa thoma go tšiba nnete, re yye ra tšhuta gore go theetsela Jehova di gabutši fote go ro ba mong lephelo la rune. Mara mo re kene re tlalela ka mo ga tsa Modimo, re tšhuta tsa go tlala ka Jehova—dilo tso a kwanang natso, tso a di nyenyang le ka mokgo a tseyang dilo tsa mohlobohlobo—fote tsotsone di re kutšetsela ga tso re di makang le ga sepheto so re se segelelang. Go tšhuta go kutšetsela ke Jehova gwa jabodisa, mara ka thoko a go lola. Go gongwana re ka phiriketsa ke gore menagano ya rune a ya yenela gabutši. Mo re beyisa, o ka fo kraya re sa nape re kwisisa gore ke ntaba Jehova a re maphelelo ya rune ma yele, a re re sa lelekisane le dilo tsa majabajaba, re ye tšhomong, re sa tšhele madi kela tse dingwana. Re ka maka byang mo go le ka mokgonone? Re ka maka byang gore re ye mahlong re kene re kutšetsela ke Modimo? Phetolo ya gona ke gore re tšhute Lentsu la Modimo re boye re karakare gore re nagane go tshwana naye, re ghayele ka tsona le go maka gore tso Modimo a di naganang di yelane le tso rune re di naganang. w18.11 23-24 ¶2-4

Habakuku o phidiye ka dinako tsa go baba ka matla. Ne a kgongwetsa ke gore ke mo a phela le batho ba dipelo tse diphifadu le dikgohlane. Ne di nyoko fela leng dilo tso tsa bona tsa go kwisana go baba? Ke ntaba Jehova a sa yakgoswa a maka se sengwana? Habakuku ne a fo bona batho ba polekeng ya gabo ba maka dilo tsa go befa fote ba tshwara ba bangwana lešidi. Ke mo a tikwa a lelemela. Ka nako yonone ya go baba, o llele ga Jehova gore a mo gelepe. Mathomisong Habakuku a ka fo ba a yye a bona nkare Jehova aa tihlope ka tsona. Ne di šupa nkare Modimo a ka sa yakgoswe a maka se sengwana. Nje wa di bona gore lelata lowa la Modimo ne le tikwa byang? Ayitsano Habakuku ne a sa sa mo tshepa ga Jehova? Nje di šupa a yye a sa sa tshepa tso Modimo a di tshepisiyeng? Dhoo! Taba ya gore ne a botsa Jehova mathata le mehlopego yage, a sa ma botse batho, tsotsone ke mo di šupetsa gore o sa mo tshepa ga Jehova. Ke mo di mo hlopa ka matla ka gore aa kwisisi ka mokgo Jehova a makang dilo le gore ke ntaba a mo lesetsa a tlela ke dilo tsa go baba. w18.11 14 ¶4-5

Petro le Andreya ke mo go le banna ba go loba dihlapi, byalo nakwela Jeso a ba bitsa gore ba tle ba “lobe batho,” ba yye ba “lesetsa matabane ya bona.” (Mat. 4:18-20) Ke nnete gore batho ba go tlala bo ba tšhutang nnete lekgono, ba ka sa nape ba fo lesetsa mmereko. Baebele yi re ba pasope mitši ya bona. (1 Thim. 5:8) Mara, ga go tlala batho bo ba tšhutang nnete di nyaka ba letsetse go hlwa ba lelekisana le go hlekeletsa dilo tsa lefase lowa ke mokane ba beye dilo tsa gabutši ka ku mahlong. Go na le sesi ye mongwana ba re ke Mariya. Mokgano wa gholf ne a wo nyaka ka matla fote ne a tipotsa gore o nyoko napa a yi tipa ka masaka mo a kene a kgana mokgano wone. Ke mokane o yye a thomisa go tšhuta Baebele, ke mokane nnete ya mo gelepa go tšhentšha lephelo lage, fote o yye a jabola ka matla. Mariya o di bonne gore dilo tsa lefase lowa le tso tsa Modimo, motho a ka sa di lelekisi magahla. (Mat. 6:24) Ke mo a yi kgona ka matla gholf yowa, mara o yye a di lesetsa ka moka. Gana byalo ke mošupatsela fote o hlatolla taba yowa go le “mong lephelo la mannete la go jabodisa.” w18.11 5 ¶9-10

Mo Jeso a šele a na le 30 ya mongwaga, o yye a lesetsa mmereko wone wa dibhakabhaka ke mokane a thomisa mmereko wa go tšhomayela ka taba la gore mmereko wo mogolo ka matla ke mo go le wonone. O yitseri ho lefaseng Modimo o mo romme gore a tle a make mmereko wa go tšhomayela ditaba tsa Mmušo wa Modimo. (Mat. 20:28; Luk. 3:23; 4:43) Jeso ke mo a beya mmereko wa go tšhomayela mahlong fote ke mo a nyaka ba bangwana ba wo maka naye. (Mat. 9:35-38) Rune re ka fo ba re sa bereke ka dibhakabhaka, mara re kene re tšhomayela ditaba tsa go bafala. Mmereko wone ke wo mogolo ka matla la gore go šinnye go kena le Modimo ga wona; le rune fote ba re ke rune “ba go berekisana le Modimo.” (1 Makor. 3:9; 2 Makor. 6:4) Re di bona gabutši gore “monopo wa lentsu la [Jehova] ke nnete.” (Pis. 119:159, 160) Re maka ke tsotsone mo re šinya re nyaka go “tshwara lentsu la nnete gabutši” mo re le tšhomong. (2 Thim. 2:15) Re napa re ro ya mahlong ka go lokotša mokgwa wa rune wa go berekisa Baebele, yona thulusu ye kgolo yo re yi berekisang go tšhutisa batho ka Jehova, ka Jeso le ka Mmušo. w18.10 11 ¶1-2

Mo monna a kopisela ga hlogo yage, Jeso Kreste, o gelepa mosadi wage gore a nape a ro mo “hlompa ka matla.” (Maef. 5:22-25, 33) Mo mosadi a hlompa monnage, sosone se nyoko maka gore mosadi yewa le yene a mo naganele ga monna wage. Mo batswadi ba šupetsa gore baa naganelana bona beng, ba maka gore bana ba bona ba ba yekisele. Nnete ke gore mmereko wa go tšhutisa bana gore ba naganele batho ba bangwana ke wa batswadi. Mo re fo beyisa, batswadi ba ka tšhutisa bana ba bona gore ba sa taboganye mo ba le ka teng ga Holo ya Mmušo. Mo ba ye fokatseng le batho ba bangwana, ke mokane go segela nako ya tsa go ja, babelegi ba ka fo botsa bana ba bona gore ba yemele batho ba bagolo go thomise bona go tshola. Mo ngwana a re makela selo sa gabutši—nakwenngwana a re bulela sekwalo—di nyaka re mo thanaka ga ngwana yene. Sosone se ka hlohletsela ngwanene, gore a dule a di tšiba tsa gore ‘ye a neyang o jabola go feta ye a yageletsang.” w18.09 29 ¶5-6

Ka mokgo melawo yage yi šupetsang, di šupetsa gabutši gore Kgoši ya rune, Jeso Kreste, o nyaka go bona tso di nyoko makegang ku mahlong. Rune di nyaka re jabole ka taba la gore ra di bona gore di re gelepa ka ying mo go kene go tšhentšhiwa dilo. Taba yowa ya gore di re gelepiye ka ying mo go kene go tšhentšhiwa ka mokgo re gapang megahlano kela tšhomo, yi ka le tiyiisa ka matla mo le ka fo bolabola ka yona ga morapelo wa mutši. Mo re ka fo bona gore king so se tšhofang mokgahlo wa Jehova gore wo tšhentšhe dilo le gore rune di re gelepa ka ying, re nyoko theetsela tsotsone re butsiwang tsona re kene re jabodiye. Re di bona gabutši gore taba yo ya go poma dipuku tsa gore di ya phrinthiwa yi maka gore re seketše tšheleta; go berekisa dilo tsa nyuwane tsa thekinoloji go maka gore re thogo ya mahlong ka mmereko wa Mmušo wa lefase ka mokana ga lona. Berekisa dipuku tso di leng ho dithebholeteng kela difowunung ka matla, mo nkare gwa kgonega. Ka mokgononeng, re nyoko berekisa dilo tsa mokgahlo re kene re šupetsa gore ga Kreste re ya mo naganela. Mo re ka fo theetsela mo Kreste a re yetetsa, re nyoko tiyisa tumelo ya batho ba bangwana fote ra maka gore re mamarelane. w18.10 25-26 ¶17-19

Mo re kwela batho go tshwana le Modimo, sosone se nyoko maka gore ye a Kwang go baba a bone gore tso ne a di rapelela di fetolegiye. (2 Makor. 1:3-6) Mara o sa yemele gore magagenu ba titshware nkare ke barongwa. Tseya magagenu ya Makreste gabutši nje. Mo o ka fo nyaka gore mo bona ba maka dilo go sa be le ga go kekema, o nyoko šala o kwa go baba. (Mmo. 7:21, 22) O sa lebale gore Jehova aa nyake gore malata yage ma make dilo tsa gore ma ka sa di kgone. Mo re ka fo kopisela gage, re ka sa di yisi hlogong mo ba bangwana ba sa nape ba maka dilo gabutši. (Maef. 4:2, 32) O sa ba make gore ba kwe nkare ba tshwere tsa go kgana ga tso ba di makang, wene ba thanake ga tso ba kgonang go di maka. Sosone se ka ba tiyisa. Mo ba bangwana ba thanakiwa tsa mannete, ba kwa di ba tiyisa ka matla fote ba thogo ‘jabola’ ho ba kene ba berekela Modimo. Di gabutši ka matla mo re maka ka mokgone, re lesetse go leketsa go tshwana le bangwana ka gore tsotsone di nyoko re šiya re tubiye.—Magal. 6:4. w18.09 16 ¶16-17

Jeso ke mo a re tsa go ja tsowa ke go maka tso di hlayang ke Modimo. Di tshwana le tsa go ja ka mokgo mang? Ho re ja tsa go ja tsa gabutši, ga go tlala mmele wo thomisa go hlohlotela, mo le rune re maka tso di nyakang ke Modimo, re ko kwa dipelo tsa rune di le gabutši, ra boya ra di kwa gore tumelo ya rune yi tiyelele la gore lephelo la go ya go yye re nyoko le kraya. Mo re maka tso di hlayang ke Modimo, re šupetsa gore re hlalefiye. (Pis. 107:43) Gore motho a hlalefe di nyaka a karakare. “Le ka ssoši sa tso o di nabelang se ka sa lekane nago. . . . Ke mohlare wa lephelo ga bo ba wo segelelang, fote bo ba wo ngangarelang ba nyoko tšibiwa go le batho ba go jabola.” (Diy. 3:13-18) Jeso o yitseri: “Mo le tšiba dilo tsowa le boya le di maka, nnete le ya jabola.” (Joh. 13:17) Malata ya Jeso ke mo ma nyoko dula ma jabodiye mo ma ka maka tso di hlayang ke Jeso. A yi go tlalela go makiyeng gore ma jabodise ke dilo tso ma di tšhutiyeng le tso ne a di maka. Tsotsone ma yye ma phela ka tsona. w18.09 4 ¶4-5

Modimo o neyye batho ba mathomothomo molawo wo ne o tshwanele o make gore ba naganele ba bangwana, le mo ka nako tsotsone ke mo ba sa le ntoši ku tšhomong ya Edeni. Jehova o yye a rufa Adamo le Efa a boya a re ba yeketsege, ba tlase lefase ba le lawole. (Gen. 1:28) Go fo tshwana le ka mokg’o Modimo a yyeng a jabolela dilo tso a di makiyeng, le babelegi bone ba mathomo ke mo di nyaka ba nabelele bana ba bona mojabolo, ba tshwanele ba jabolele le bana ba bona ba gore a ba soko belegiwa. Bana ba Adamo ke mo ba nyoko tlatsa lefase lo ka mokana ga lona ke mokane ba le make Pharadeyisi. Mmereko wone wo mogologolo ke mo wo nyoko maka gore mo mutši wage wo kene wo gola, wo tshwaranane gabutši. Gore banna le basadi bo ke mo ba felegelele mmeleng ba make lefase lowa gore go be Pharadeyisi, ke mo di nyaka gore ba theetsele Jehova gore ba segelele tso a nyakang go di maka, ke mokane ba kwa ba le gabutši ka taba la gore o nabo. (Maheb. 4:11) O fo nagana gore mmereko wone ke mo wo nyoko natefa go segela kaye! Mola ba sa naganela bona beng ba ntoši, nke ba yye ba rufiwa ka matla le go kwa dipelo tsa bona di yenele. w18.08 18 ¶2; 19-20 ¶8-9

O ka maka byang ho o ka fo kraya ba go bolabolele matsaka? Jeso le Johane wa go Kolobetsa tsotsone ba yye ba gahlana natso. (Mat. 11:18, 19.) Jeso o fitiye byang ga tsotsone tsa gore ba mo hlayele matsaka? Aa boya a ro tihlopa a re wa tiyemelela. O yye a fo botsa batho gore bona beng ba tinyakollele—ba lebelele tso a di makang le tso a di tšhutisang. Jeso yene mo a bolabola, o yitseri, “gore motho o hlalefiye, re bona ka tso a di makang.” (Mat. 11:19) Re tšhuta taba ye nngwana ya gabutši ka matla howa. Batho ba ka fo hlaya dilo tsa gore a yi tsona kela tsa go baba ka rune. Re ka kwa re nabela ka matla go bona dilo di wolodiwa kela ra kwa nkare re ka maka se sengwana gore re sa poyilege. Nnete se gona so re ka se makang. Mo motho ye mongwana a ka fo bolabola matsaka ka rune ho bathong, maphelelo ya rune ke wona ma nyoko šupetsang gore motho yene ke mo a hlaya matsaka. Mo re ka fo maka go tshwana le Jeso, re titshwara di šupetsa gore ka nnete ke rune Makreste, matsaka yane ma nyoko solega. w18.08 6 ¶11-13

Ditaba tsa Baebele tsa go bolabola ka taba ya go sa kwe ga Kayine, Solomoni le Maisrayele mo ba le ku Thabeng ya Sinayi di ya tshwana hala le hala. Batho bowa ke mo ba ka “tisola . . . ke mokane ba sokologa.” (Meber. 3:19) Mo motho a thomisa go tšhotšhomela mašahleng, Jehova aa yakgoswe a mo lahla. Jehova ga Arone o yye a mo tshwarela. Lekgono, Jehova a ka re kgala ka Baebele, dipuku tsa go bolabola ka Baebele kela a berekisa Mokreste ye mongwana gore a re yetetse. Mo re ka fo theetsela mo re pasopisiwa, Jehova o nyoko re kwela. Jehova mo a re tshwara gabutši go na le se sebutši so a se bonang. (2 Makor. 6:1) Sosone se bula sekgala sa gore “re gane tsa go sa yelane le Modimo le tso di nabelang ke lefase lo.” (Tito 2:11-14.) “Ga dilo tsa lefase lowa,” re sa nyoko gahlana natso tsa go re phiriketsa mo re kene re leketsa go šupetsa gore re tineyele re felegelele ga Jehova. Tla re tipotseneng barena gore re nyoko yema ka lethokong lage re sa tekateke! w18.07 21 ¶20-21

Re ka tiyisa byang taba ya rune ya go nyaka go tšiba ke Jehova, yi seng lefase lo? Gore go be ka mokgonone, di nyaka re tšibe dilo tse dikgolo ka dipedi ke tsowa. Sa mathomo ke gore Jehova wa ba tšiba ba gore ka moka matšatši ba mmerekela ka dipelo tsa go felegelela. (Maheb. 6:10; 11:6) O tseyela hlogong ye mongwana le ye mongwana wa gore ke lelata lage, fote o re o ko ba “a sa loka” mo a sa tihlope ka batho bo ba mmerekelang ka go tshepega. “Wa mmona wa gore o maka tsa gabutši,” wa di tšiba le gore o ba ntsha byang mo ba potlomele ka teng ga hlakase. (Pis. 1:6; 2 Pet. 2:9) Sa bobedi, Jehova wa di kgona tsa gore a re tšibe ka tsela ye nngwana ya gore le rune beng ya re makatsa. Bo ba makang tsa go bafala ka taba la gore ba nyaka go jabodisa batho ba butsiwa gore Jehova o nyoko ba takisa mahlo. Ke ntaba? Patela ya bona ba šele ba yi krayye. (Mat. 6:1-5.) Jeso o hlayye gore Papage o “bona le tsa makhukhung” mo ba bangwana ba sa tseyediwi gedimo mara ba kene ba maka dilo tsa go bafala. Tsotsone ka mokana ga tsona wa di bona, fote motho ye mongwana le ye mongwana wa mohlobo wonone o mo rufa ka matla. w18.07 9 ¶8, 10

Petro o yye a tiputsisa gore lentsu lone le leketsa go mmotsa ying. A gwa ya kaye, gwa segela malata ya Koroneliyo. Mo moya wa go hlawolega o šele o segele ga Petro o boya o mo yetetsa, o yye a tlogamela a ya le malata yawa mutšing wa Koroneliyo. Mola Petro a f’lo lebelela dilo ka mahlo, nke a sa kena ga mutši wa Koroneliyo. Majuda gabutši ke mo ma sa kene mutšing wa motho mo go se Lejuda. Petro o makiye king gore yene a fo ya mahlong a kena le ho go kene go talaganya moya wa go hlawolana? Petro ke mo a tikisiye ka matla ke moloro wola a wo bonneng le tso moya wa go hlawolega o mo yetetsiyeng ga tsona. Tso Koroneliyo a di bolabodiyeng di yye tsa mo tikisa ka matla ga Petro, moya wa šinya o mo tšhofa gore a bolabole a re: “Gana byalo ke di kwisisa gabutši tsa gore Modimo aa hlawole, mara mo ga setšhaba sengwana le se sengwana go na le motho wa go mo hlompa fote a maka tsa gabutši, o ko mo yamogeleng.” (Meber. 10:34, 35) Di jabodisa ka matla gore gana byalo Petro ke mo a šele a thomisa go kwisisa dilo—tso ne a di kwisisa di segele kgole ka matla! w18.08 9 ¶3-4

Re ka fo ba re tiputsiye gore re nyaka go kganela kgole le tso Modimo a di nyenyang. Mara ho re kene re phela, di gona tse dingwana tso Baebele yi sa di tikising kela molawo wa go fo napa o re kwatla wa go rakela ga tse dingwana. Ga tsotsoneng, re ka di tšiba byang gore sowa Modimo wa se nyaka fote se ya mo jabodisa? Lekwalo la gore le tšhutisiwwe ka Baebele, le ko šupetsa ga tsa mohlobo wonone gore le ya bereka. Jehova o re nyaka ka matla, o šinnye a re neya ditšhiko tsa go gelepa lekwalo la rune mo le tšhutegiye ka Baebele. Yene mong o re: “Nna, Jehova, ke nna Modimo wa lune, wa go le tšhutisa tsa go le berekela, wa go le yetetsa ka mokg’o di nyakang le sepela ka gona.” (Jes. 48:17, 18) Mo re yenela menagano ya rune le dipelo tsa rune ka teng ga ditšhiko tsa Baebele, re thogo kekemolla, go yetetsa le go wolola makwalo ya rune. Tsotsone di re gelepa gore re tseye sepheto sa gabutši. Ditšhiko ke dinnete tsa gore a di ya kekema kela selo so se tšhutisiwweng sa go šupetsa tso di tshwaneleng di makiwe. Mo re nyaka go kwisisa tšhiko ye nngwana le ye nngwana, di nyaka re tšibe gore re yi neya ke mang le gore o re neyela ying. w18.06 17-18 ¶5, 8-10

Ba mokgahlo wa Heroda ke bona ba butsisiyeng taba yowa, ke mo ba ramele gore Jeso a hlaye gore mothelo a wo gabutši, ke mokane ba mo sole ba re o šuhlašuhlana le mmušo. Fote mola Jeso a f’lo re mothelo o gabutši ka matla, bo ba mo latelelang ke mo ba nyoko napa ba mo lesetsa gana hone. Jeso ke mo a sa nyake go kenakena ga taba yowa ya go ntsha mothelo. Nnete ke gore Jeso ke mo a di tšiba tsa gore go na le mathayithayi mo ga bo ba go patedisa mothelo. Mara Jeso ke mo a sa nyake go tšwa seporong, wa kraya a šele a lesetsiye taba yo go leng yona ye kgolo ka matla. Taba yone ke ya go bolabola ka Mmušo wa Modimo, wa gore ke wona o ntoši o nyoko lukisang dilo. Bo ba mo šalang nthago ba napiye ba di bona gore ba tshwanele ba make dilo byang. Ba tshwanele ba kganele kgole le tso tsa dipolotiki, le mo di ka fo šupetsa nkare go gongwana di lukiye kela di maka tsona. Bo go leng Makreste ba nyaka Mmušo wa Modimo le go loka gage. Ba bolabola ka wona, a ba hlwe ba phigisana, kela ba bolabola ka matla, ka dilo tso di makegang tsa go befa le tsa lešidi. (Mat. 6:33) Ba bangwana ba gore ke Dihlatse tsa Jehova ba yye ba khwanyola ga mekgahlo ya gedimo ya dipolotiki ya gore ne ba tlungwele ka teng ga yona. w18.06 6 ¶9-11

Nakwenngwana Sathane o nabetsiye barongwa bone ka tsotsone tsa go yetsela le basadi le tsa gore ba nyoko di kgona go lawola batho. Kela ke mo a nyaka go sinyetsela gore ‘pewu ya mosadi’ yela yi tshepisiwweng yi sa segele. (Gen. 3:15) Le mo re sa tšibi gabutši gore ke ntaba, tsotsone ka mokana ga tsona di yye tsa šaša mo Jehova a leya Mogogola—Sathane le barongwa bala ba go fokoga ba šala ba tšebiye. Byalo, a di nyake o tseye nkare taba yowa ya go šitega go titshwara ga tsa ka ku mapaying le ya go ba le magetla yi ka sa go tlele. Barongwa bowa ba gore ba latelele Sathane, ke mo ba berekela Modimo ka mengwagangwaga go se na sa go hlopa. Mara, ba go tlala ba bona ba yye ba fo lesetsa le mo ba bona nkare tso ba di nabelang di kekemme. Le rune go ka fo ba go le botala re le ka ho mokgahlong wa Modimo wa lefaseng. Le mo re le ka gana ho mokgahlong wa go yela wa Modimo, re ka tšhoga re nabele dilo tsa gore a di ya yela. (1 Makor. 10:12) Di nyaka re sa lesetse go tinyakolla ka ho dipelong, gore mo nkare monagano wo thomisa go kekema, re yakgoswe re wo wolola, le magetla mo nkare ma thomisa go kokomoga, re yakgoswe re rothotha!—Magal. 5:26; Makol 3:5. w18.05 25 ¶11-12

Pawulo o yye a tšeba mo Majuda ma phagela ditaba tso tsa Mmušo ku kgole. Mara aa ba tobela. Bona so a se hlayyeng ga lengwalo lo a le ngwaleleng Makreste ya ku Roma mo a ba botsa gore o tikwa byang ka Majuda, o itseri: “Tso ke di nabelang ka ho pelong yaka le tso ke ba phophotelang tsona ga Modimo ke go fore ba phone. Ka taba la gore nna ke di bonne gore bona ba šupetsa ba karakara ba nyaka Modimo, mara a ba tšibi nnete gabutši ya gore o nyakiwa byang.” (Mrm. 10:1, 2) Pawulo o hlayye gore ke ntaba a sa lesetsa go tšhomayelela Majuda. Ne a tšhofa ke gore ‘pelo yage ke mo yi di nabela.’ Ke mo a nabela gore go be le Majuda ya ma phonang. (Mrm. 11:13, 14) O yye a rapela Modimo, a kgopela gore a gelepe Lejuda le lengwana le le lengwana gore le yamogele ditaba tso tsa Mmušo. Pawulo o tokegele le ka gore: “Bona ba šupetsa ba karakara ba nyaka Modimo.” Ke mo a di bona gore sa go bafala sona se ka krayega mo ga batho bowa. Pawulo ke mo a di tšiba gabutši gore mo motho go le wa matšato, a ka feleletsa go le lelata la Kreste la go ba le matšato. w18.05 13 ¶4; 15-16 ¶13-14

Ka mokana ga rune di nyaka re yakgoswe re di bona mo ba bangwana ba “gayela.” Pawulo o butsiye Makreste ya Maheberu a re: “Tiyisaneng matsogo ya ma lelemelang le matolo ya ma kgwelakgwehlang, le dule le maka gore pata ya mawoto ya lune yi wolologe, gore sa go golofala se sa komologe, mara, se yalafiwe.” (Maheb. 12:12, 13) Ka mokana ga rune, le bo go sa ga leng ba banyana, re ka di kgona tsa go tiyisana ka mantsu ya rune. Pawulo o yitseri: “Mo nkare go na le sa go tiyisa sa go tšwa ga Kreste, mo nkare go na le go kgomoletsa ga go šupetsa lerato, mo nkare go na le go ba selo ka ssoši ga dilo tsa Modimo, mo nkare go na le go naganelana le go kwelana go baba, ke nyoko jabola ka matla ka gore le nagana dilo tsa go tshwana ka mokana ga lune fote le na le lerato la go tshwana le ngangarelanne le le selo ka seteya, le nagana go tshwana. Le sa make selo ka taba la tšhinghi kela go kganya, mara le tinyanafatse le kene le dumela gore ba bangwana ba ka kgakala ga lune, le nyakane le tso di ka jabodisang ba bangwana, le sa nyake tso di jabodisang lune le ntoši.”—Mafil. 2:1-4. w18.04 22 ¶10;23 ¶12

Mo Jehova a šala a re ntsha bobhantiting bya sebe le likgu ka Jeso ke mo a rela gore re phele di šupetsa gore re tineyele ga ‘Modimo re le malata yage.’ Mo re nyaka go berekisa go lokologa ga rune gabutši o sa kraye re boyele re lelekisa dilo tsa lefase lo, di nyaka re tlalele ka matla ka mo ga tsa Modimo. (Magal. 5:16) Tla re naganeneng ka gonyana ka Nnowa le ba mutšing gage. Ba phidiye ka nako tsela lefaseng go tlele dikgohlane le batho ba go maka tsa go tšiba ke bona. Mara tso ke mo di maka ke batho bone a sanka ba di kenakena. Ba di kgonne byang tsotsone? Ba f’lo tikgetela go tlalela ka matla ga tso Jehova a itsering ba di make—go yaga Areka, go tikgobaketsela tsa go ja tsa bona le tsa diphoofolo, le go botsa ba bangwana ka kotsi yo ke mo yi šutela. “Nnowa o yye a maka tso Modimo a mo rommeng tsona. A fo maka ka mokgonone.” (Gen. 6:22) Go feleletsiye ka ying? Nnowa le ba mutšing gage ba yye ba phona mo go fela ka lefase ka nako yonone.—Maheb. 11:7. w18.04 10 ¶8; 11 ¶11-12

Sathane le madimona yage a ba berekisi memmušo fela, ba tshokanya “lefase ka mokana ga lona la batho” ba berekisa dikereke tsa matsaka le dibhizinisi. (Kut. 12:9) Sathane o berekisa dikereke gore di bolabolele Jehova matsaka. Fote Diyabolo aa šepisi ga taba ya go karakarela gore batho ba go tlala ka matla ba lebale ka lebitso la Modimo. (Jer. 23:26, 27) Ke dilo tsa mošaga wonone tso di šinyang di maka gore batho ba go tlala ba tipotse gore ba rapela Modimo, anthe bona ba rapela madimona. (1 Makor. 10:20; 2 Makor. 11:13-15) Sathane fote o berekisa dibhizinisi gore di tshoke batho. Mo re fo beyisa, lefase la lekgono ga go tlala le tšhutisa batho gore mo motho a nyaka go jabola, di nyaka a lelekisane le tšheleta fote a be nghamula. (Diy. 18:11) Batho ba gore ba tshepa matsaka yanane ba ya tlase le kgakala ba leketsa go kraya “Makgumo,” ba tšwa ba phakgele Modimo ku kgole. (Mat. 6:24) Mo goya-goya, ba segela le mo ba mamarelang dilo tsone, ba kwa ga Modimo ba sa sa mo nyaka.—Mat. 13:22; 1 Joh. 2:15, 16. w18.05 23 ¶6-7