October

Rune re ka sa kgone go bona so motho a se naganang go tshwana le Jehova le Jeso. Mara re ka kgona go kwisisa ka mokgo ba tikwang ka gona le tso ba di nyakang. (2 Makor. 11:29) A re tshwane le lefase lo re phelang ga lona la go tipona, rune re ya karakara gore “re sa tinaganele re ntoši, mara re naganela le ba bangwana.” (Mafil. 2:4) Di nyaka bagolo go be bona ba yi makang ka matla taba yowa ya go kwelana go baba. Ke bona bo Jehova a ba hlawodiyeng gore ba pasope dinku tsage. (Maheb. 13:17) Mo bagolo ba nyaka go gelepa magageru ka ho phutegong, di nyaka ba leketse go ba kwisisa. Bagolo ba ka šupetsa ka ying gore ba kwela ba bangwana go baba? Mogolo wa go kwelana go baba o fokatsa le magageru ya mangwana ya Makreste ya ka ho phutegong. O ba butsisa diputsiso ke mokane a ba theetsela a kene a lefisiye pelo. Taba ya mohlobo wonone yi gabutši, ka matlamatla mo o kraya gore nku ye nngwana yi nyaka go ntsha so se leng ka ho pelong mara yi sa tšibi gore yi ka re king. (Diy. 20:5) Mo mogolo a fetsa nako yage a le nabo, o maka gore ba mo tshepe, ba be le senghana sa go tiya fote ba mamarelane.—Meber. 20:37. w19.03 17 ¶14-17

Go leboga go tshwana le go ja dikhenekhene—di natefa ka matla mo o di ja o na le ba bangwana. Mo ba bangwana ba leboga so re ba makelang sona, re kwa re jabola ka matla. Le rune mo re leboga batho ba bangwana, le bona ba jabola ka matla. Motho ye re mo lebogang o nyoko di bona gore nakwela a re thuša kela a re neya selo, aa kgana ka nako yage. Fote senghana sa rune le motho yene se napa se ro tiya. Motho aa lebale mo re mo šupetsa kela re mmotsa gore re leboga so a re makeleng sona, go tshwana le ka mokgo temanyana ya lekgono yi bolabolang ka gona. Nje o yye wa ma bona gore ma bafele byang maapola ya go makiwa ka gholdi mo ma le ka gare ga sitša sa siliva? Ma bafele ka matla. O ka re king mara mo ba ka fo go neya wona? Mo le wene o ka fo leboga batho ba bangwana, ba ka sa lebale go bafala ga mantsu yane. Nagana ka sowa: Leapola la go makiwa ka gholdi a le khwankhwi. Le mo o leboga motho, a ka sa tsoge a lebele tso o mmutsiyeng tsona lephelo lage ka mokana ga lona. w19.02 15 ¶5-6

Nakwela Adamo le Efa ba ja sehlare sela sa go tšiba tsa go bafala le tsa go befa, ba f’lo tišupetsa gabutši gore ga Jehova a ba mo tshepe fote le melawo yage ba ka sa yi theetsele. Ba yye ba re bona beng ba ko boneng gore sa go bafala le sa go befa ke sefeng. Yii, ba sinnye ka matla. Senghana sa bona le Jehova se napiye se šaša gana hone. Le tsa go phela go ya go yye di yye tsa sa sa maka, ba tshiletsa bana ba bona ka senyama sone sa bona le likgu. (Mrm. 5:12) Nje wa di bona gore ndhuna yela ya Leyitopiya a ya maka dilo go tshwana le Adamo le Efa, nakwela Filipi a yi tšhomayelela? Ndhuna yowa yi yye ya leboga ka matla tso Jehova le Jeso ba yi makeleng tsona, ya sa sa diyega, ya napa yi kolobetsiwa. (Meber. 8:34-38) Mo re tineyela ga Modimo, re boya re kolobetsiwa go tshwana le ka mokgo go makiyeng ndhuna yela, re napa re ro beya taba ya rune lekgwaying. Re šupetsa gabutši gore re leboga Jehova le Jeso ka tso ba re makeleng tsona. Fote re šupetsa gore ga Jehova re ya mo tshepa le gore re ya di tšiba tsa gore ke yene ye a tshwaneleng go re botsa gore sa go loka ke sefeng, sa go sa loka ke sefeng. w19.03 2 ¶1-2

Mo ga rune malata ya Modimo, go tshepega di rela go nyaka Jehova ka dipelo tsa rune ka mokana ga tsona la go šinya re sa nyake selo se kena rune le Jehova segare, fote re yetisa yene mahlong ga dilo ka mokana ga tsona tso re di makang. Ka Baebeleng lentsu go “tshepega” le rela go felegelela, go philega kela go yenela. Mo re beyisa, dipholwane tsa mo ba makela Jehova sehlabelo go nyaka go be tsa go philega. (Lef. 22:21, 22) Motho wa Modimo ke mo a ko ba a sa make tsona mo a yisa pholwane ya gore a yi na loto, tsebe kela lehlo; fote ke mo ba ka sa yisi pholwane ya gore ya lwala. Jehova ke mo a nyaka dipholwane tsa gore di felegelele, di philegiye kela di yenele. (Mal. 1:6-9) Re thogo di bona gabutši gore ke ntaba Jehova a re o nyaka dilo tsa go philega kela tsa go felegelela. Le rune mo re reka selo, sa go tshwana le seyengwa, puku kela thulusu, a re se reke mo re kraya se na le lešuba kela se na le tso di gayelang. Re nyaka tsa go felegelela, tsa go philega kela tsa go yenela. Le Jehova o nyaka re kwana naye le go mo tshepegela ka mokgonone. Di nyaka re make dilo tsa go felegelela, tsa go philega kela tsa go yenela. w19.02 3 ¶3

Di nyaka re tlosa dipelo tsa rune ga dilo tsa go sa yi ka tsela re boye re di tšhutise go theetsela tsa gore di gabutši. Ku botala ga mitši ya go yagelediwa ka mapharo, matšinghelani ne a kwala digheyiti gore manaba ma šitege go kena, mara go gongwana wa di bula gore go thogo kena ba gore ba tl’le khita tsa go ja kela dilo tse dingwana hone mutšing. Mo go ka fo dula go kwadiwwe digheyiti, batho ke mo ba nyoko kgwa ka tlala. Le rune di nyaka re bule dipelo tso tsa rune gore Jehova a di tlatse ka dilo tsa gabutši gore re thogo maka dilo tso yene a di nyakang. Baebele yi tlele ka ditaba tsa go tšwa monaganong wa Jehova, byalo mo re kene re yi bala, ke setšha re lesetsa monagano wa Jehova o re lawola ga tso re di naganang, ka mokgo re tikwang le tso re di makang. Re ka maka byang gore tso re di balang Baebeleng di re tikise dipelo? Go rapela go gabutši ka matla, go re gelepa gore re thogo ‘kwisisa gabutši dilo tsa go jabodisa’ tso di leng ka ho Lentsung lage. (Pis. 119:18) Di nyaka re ghayela ka tso re di balang. Lentsu la Modimo le thogo segelela ka ku “teng-teng ga dipelo tsa rune” mo re rapela, mo re bala, le mo re ghayela ka tso re di balang, ke mokane sosone se maka gore re thogo kwisisa gabutši ka mokgo Jehova a naganang.—Diy. 4:20-22. w19.01 18 ¶14-15

Jehova wa di tšiba gore re kgona dilo tsa gore a di tshwane le gore seyemo sa rune a se tshwane, byalo o leboga ka matla mo go na le dilo tsa gore re kgona go mo makela. O fo nagana nje ka mehlobohlobo ya dilo tso ne a di jabolela mo Maisrayele ma mo makela tsona. Ya mangwana Maisrayele ke mo ma di kgona go neyela ka senkunyana kela pudi. Mara Leisrayele la go tihlupegela ke mo le ka fo neyela ka “maleba ka mabedi ya hlaga kela ka mabedi ya gaye.” Fote mo go na le Leisrayele la gore le šitega go ntsha maleba yawa ka mabedi, Jehova ke mo a re “thole ya gabutši ya go kala sitša sa dilitha ka dipedi” le yona yi lukiye. (Lef. 5:7, 11) Thole ke mo yi tšhipiye ka matla, mara Jehova ke mo a yi jabolela mo neya yona ka go di nyaka, solanka go le “thole ya gabutši.” Modimo o sa na a kwelana go tshwana le ka mokgonola. Mo re fetola mogahlanong, Modimo aa yemela gore ka mokana ga rune re be digele tsa go beya ditaba go tshwana le Apollo kela go napa re ro tikisa pelo go tshwana le Pawulo. (Meber. 18:24; 26:28) So Jehova a se nyakang ke gore re sa tiwopisi dihlogo mo re nyaka go fetola, re make so re se kgonang. Kela o sa mo gopola mosadi yela wa go kgwela ke monna wa gore o yye a neyela ka ditšheleta ka dipedi tsa tshipi. Jehova o yye a mo tseyela hlogong ka taba la gore o yye a neyela ka so ye a le naso.—Luk. 21:1-4. w19.01 8-9 ¶3-5

Di nyaka re di tšibe tsa gore mo re na re latelela Kreste, batho ba nyoko re hloya. Jeso o hlayye botala gore mo lefase le ya mafelelong, malata yage ma nyoko hlorisiwa go baba. (Mat. 24:9; Joh. 15:20) Seporofeto sa Jesaya se re botsa gore manaba ya rune ma nyoko re hloya ma boya ma re kwisa go baba ka digale tsa mohlobohlobo. Ga digale tsone ba ra go tshukanyiwa ga gore go wutamme, go bolabolediwa matsaka le go hlorisiwa go baba. (Mat. 5:11) Jehova a ka sa rakele manaba yane mo ma berekisa digale tsowa mo ma lwa le rune. (Maef. 6:12; Kut. 12:17) Mara a di nyake re hlagasela. Jehova o bolabodiye gore ‘a se šiyo segale’ so ba se makeleng go lwa le rune sa gore ‘se nyoko phomelela.’ (Jes. 54:17) Jehova o re tšhireletsa ga “dikgohlane tsa dipelo tse diphifadu,” go tshwana le lepharo mo le re tšhireletsa ga sedingwane se segolo. (Jes. 25:4, 5) Manaba ya rune ma ka sa tsoge ma re kwaletsiye la gore re šitege go tlogamela. (Jes. 65:17) Batho ka mokana ga bona bo go leng manaba ya Modimo “ba nyoko tlusiwa gwa fela ka bona.”—Jes. 41:11, 12. w19.01 6-7 ¶13-16

Lune bo le sa golang, Jehova o kwana le go lokologa, fote go lokologa ga mošaga wonone o go tšhediye ka ho pelong gago. Mara so a se nyakang ke gore o berekise go lokologa mone gabutši, ka taba la gore go nyoko go pasopa. Nakwenngwana go na le ba bangwana bo o ba tšibang ba gore ba lebelela dithombhe tsa batho ba go sa tšwara, ba go maka bonghwahla, ba go kgana mekgano ya gore yi kgana ka lephelo, ba kgokga didhraksi le go nwela go tlayila. Bona ba ka jabola, mara go fo ba tsa nakonyana yonone. Ga go tlala maphomela ya gona maa sasamela, o ka kraya pasela ya gona go le malwele, go napa ba ro topela ga dilo tsone le go kgwa. (Magal. 6:7, 8) Ba re ba “lokologiye” bona beng, mara baa tikwaletsa, a ba tšebi le go tšeba. (Tito 3:3) Mo o lebelela, nka bakaye bo o ba tšibang ba gore ba yye ba lwala ka taba la go ngangarela tso di tšhutisang ke Baebele? Di fo ba lekgwaying gore mo re theetsela Jehova, re nyoko philega le go tikwa re yenele. (Pis. 19:7-11) Se sengwana ke gore mo o berekisa go lokologa hone ga rune gabutši—o kgera mo Modimo a reng re kgere gona o boya o ngangarela ditšhiko tsage—o nyoko ba o šupetsa Modimo le babelegi bago gore o šele o gudiye.—Mrm. 8:21. w18.12 22-23 ¶16-17

Nakwela Adamo a sinya, dilo di yye tsa tšhentšha. Se sengwana so ne se nyoko yama lenyalo ke likgu. Taba yone re thogo yi bona gabutši ga tso Pawulo wa lepostola a di ngwadiyeng, nakwela a hlatolla gore Makreste a ma sa latelela Molawo wa Moše. O hlayye gore mo ka wweši wa bona a hlokofala, gwa fela ka lenyalo lone, ke mokane ye a šalang a ka fo tseya kela a tseyiwa fote. (Mrm. 7:1-3) Molawo wo Modimo a wo neyyeng Maisrayele wo hlatolliye ditaba tsa go tlala ka lenyalo. Molawo wone ke mo wo sa rakele mo monna a maka basadi bagaditsong kela gona go nyala basadi ba go tlala, fote mokgwa wone o thomisiye botala mo Modimo a soko neya Maisrayele Molawo. Mara mo monna a makiye basadi bagaditsong, le gana hone ke mo go na le molawo, gore basadi le bana ba sa hlopegisiwi. Mo re beyisa, tla re fo re monna wa Leisrayele o nyala mosadi wa lelata ke mokane ka nthago o nyala mosadi wa bobedi, molawo ke mo o re aa tshwanela go poma tsa go ja tsa mosadi wa mathomo, dikobo le taba ya ka ku mapaying. Modimo ne a nyaka gore a mo pasope a boye a mo tseyele hlogong. (Ek. 21:9, 10) Rune a re latelele Molawo wa Moše, mara tsone a di re gore Jehova a di sa mo hlopa tsa lenyalo. Ayitsano tsotsone a di go gelepe gore le wene o tseyele lenyalo hlogong? w18.12 10 ¶3; 11 ¶5-6

Habakuku a ka fo ba a yye a tiputsisa gore Jehova o nyoko maka ying mo se a mmutsiye tso ne di mo kwisa go baba le go mo šekedisa. Ka gore Jehova ke Papa wa go kwelana go baba le wa go kwisisa, aa mo kgwasolanya ka tso ne a di butsisa. Modimo ke mo a tšiba gore o lla ka taba la go kwa go baba. Jehova o butsiye Habakuku so se nyoko makegang go se botala ka mantsu ya gore gabutšibutši ne a ma botsa Majuda ya go sa theetsele. Di ka fo makega gore Habakuku ne go le yene wa mathomo ye Jehova a mo wunyulleleng gore o thina le go tlosa bokgohlane byo ne bo makega. Jehova o šupetsiye Habakuku gore o thina le go maka se sengwana. Batho bone ba dipelo tse diphifadu ne ba le thina ka matla le go kwa mosasamelo. Jehova mo a re “ka matšatši yago,” ke mo a šupetsa gore go yahlola mone ne go nyoko makega ka nako ya mo moporofeta yewa a sa phela kela mo moloko wage o sa le gona. Habakuku ke mo a sa di nagana gore Jehova o nyoko fetola ka mokgonone. Ayitsano yowa ne go le phetolo ya tso ne a dulele go lla ka tsona? So Jehova a mmutsiyeng sona ke mo se ra gore mohlopego ne wo nyoko ya mahlong o yeketsega ga Juda ka mokana ga yona. w18.11 15 ¶7-8

Wene o re king ka mehlobohlobo ya batho bowa ba gore a ba soko bane ba tšhuta nnete? Le mo Pawulo wa lepostola a yye a tsama a kena disinagogeng a ye nyakana le batho ba gore ke mo ba šele ba tšiba tse dinyananyana ka Modimo, ke mo a sa bolabole le Majuda fela. Nakwela Pawulo a kene a sepela la mathomo go le morumiwa, go tshwana le ku Likoniya, batho ba gana hone ke mo ba re yene le Bharenabhase ke digoboro—nkare ba tshwana le medimonyana yela ya bona ya matsaka ye ba reng ke Zeus le Hermes. Ayitsano Pawulo le Bharenabhase ba yye ba kwa nkare bona ke bona ka taba la tsotsone? Nje taba yowa ke mo yi sola tsela ba fitiyeng ga tsona tsa go hlopegisiwa ku ga ditoropo tsela ka dipedi tso ba thomisiyeng leyeto la bona ga tsona? Nje ba yye ba nagana gore kela tsotsone di nyoko maka gore ditaba tsowa tsa go bafala di taboge ka lebelo gore di yakgoswe di segela ga batho ba go tlala? Le ka go nyana! Ba yye ba yakgoswa ba tlerola dikobo tsa bona ke mokane ba kena hala teng ga mogoba wela ba re: “Anthe ke ntaba le maka ka mokgonowa mara? Phela le rune re fo ba batho nje, ga tse dingwana re gayela go fo tshwana le lune.”—Meber. 14:8-15. w18.09 4-5 ¶8-9

Dilo tso re di makang le tso re di naganang go nyaka di šupetse gore re yamogela nnete fote re phela ka tso Babebele yi di tšhutisang. Petro o ngwadiye ka dilo tsowa gore: “Tshwananeng le dibananyana tsa go theetsela, lesetsaneng go kutšetsela ke dilo tso le yyeng la di nabela botala le makisa ke go sa tšibi, mara . . . hlawoleganeng lune beng ka mokgo le titshwereng ka gona ga dilo ka moka.” (1 Pet. 1:14, 15) Ku Korente ne go na le batho ba bangwana ba gore ba fokogiye mong go fokoga, byalo mo batho bone ba reka nnete ne di rela gore ba tšhentšhe maphelelo ya bona. Le lekgono, batho ba go tlala ba lesetsiye dilo tsa gore Modimo aa kwane natso gore ba thogo reka nnete. Petro o gopotsiye Makreste ya a phidiyeng nawo gore: “Nako yowa ya gore yi šele yi fitiye ke mo yi yenele gore le thogo maka tso di nyakang ke ditšhaba, nakwela le maka dilo le di makisa ke monyadi, magaba, go nwa ka matla, diphati tsa go fetelela, nakwela mokgete le sa wo tšhela fote le rapela dilo tsa gore a di molawong.”—1 Pet. 4:3. w18.11 6 ¶13

Byalo re nyoko di tšiba ka ying gore bowa ba “tlalele gabutši ga lephelo la go ya go yye”? Go fo tshwana le ku botala, a go na ka mokgo mongwana, batho ba mošaga wonone re ba kraya mo re tšhomayela. Byalo, di nyaka re make tsela Jeso a di hlayyeng tsa gore: “Ga mutši kela semitšane se sengwana le se sengwana so le kenang ga sona, nyakaneng ba gabutši.” (Mat. 10:11) Tso re di hlayang howa a yi tsa gore batho ba go sa kwane le ditaba tsowa tsa go bafala kela ba go ba le magetla ba nyoko sokologa, ba re theetsela. Rune re nyakana le batho ba go tshepega, ba go tinyanafatsa le ba gore ba wonngwe go tšiba nnete. Taba yowa re ka fo yi tshwanisa le nakwela Jeso a sa bereka ka lepolanka, nakwenngwana ke mo a nyakana le mapolanka ya gabutši ya gore ne a ka ma berekisa mo a maka diphahlo, dikwalo, majoko kela tse dingwana. Mo a krayye la gabutši, ke mo a tseya lebhokisi lage la dithulusu, a kena fase, gore a thogo ntsha selo sa go bafala. Le rune di nyaka re make ka mokgonone mo re kene re nyakana le batho ba dipelo tsa go tshepega gore re ba tšhutise Baebele.—Mat. 28:19, 20. w18.10 12 ¶3-4

Filipi o šupetsiye gabutši gore ba ra byang mo ba re motho aa šepisi ga mmereko wa Modimo. Ku Jerusalema, batho ba Modimo ba yye ba phigisiwa go baba ka nthago ga go bolayiwa ga Stefano. Ka nako yonone, Filipi ke mo a tikhodisa ka mmereko wage wa nyuwane. (Meber. 6:1-6) Mara nakwela malata ya Kreste ma palakana, Filipi ke mo a sa tikgomolelela. O yye a rwalagana a ya Samariya gore a ye tšhomayela gona, sepetlo se segolo sa mutši wonone ke mo se soko kwelela ditaba tsowa tsa go bafala ka nako yonone. (Mat. 10:5; Meber. 8:1) Filipi ke mo a nabela go ya go gongwana le go gongwana mo moya wa Modimo wo reng a ye gona, byalo Jehova a mmerekisa gore a tsame a bula ditšhomo tsa nyuwane tsa go tšhomayela ga tsona. Ke mo a sa hlawole motho mo a bolabola le Masamariya, tsotsone di ka fo ba di ba jabodisiye ka matla, ka taba la gore ke mo ba di tšiba gore Majuda maa ba nyenya. A di nape di makatsa gore batho ba go tlala ka matla ba yye ba mo theetsela “ba kwana naye”! (Meber. 8:6-8) Filipi o yye a fo ngangarela mmerekong wage, sosone se makiye gore Jehova a rufe yene le ba mutši wage.—Meber. 21:8, 9. w18.10 30 ¶14-16

Tšatši le lengwana Jeso ke mo a le ku Dekapoli, mo a le gana hone, batho ba yye “ba mo leyela monna ye mongwana wa gore aa kwe ditsebeng fote le tsa go bolabola di ya mo šita.” (Mar. 7:31-35) Jeso aa mo yalafela hone mahlong ga batho, “o yye naye ka thoko” ke mokane a mo yalafa. Ke ntaba? Di ka makega gore bolwele bya monna yewa ke mo bo mo tšebisa mo batho ba mo lebelela. Nakwenngwana Jeso o yi bonne taba yone mo a šinya a mo yalafela ka makhukhung. Nnete ke gore rune tsa go yalafa batho ka mohlolo, re ka sa di kgone. Mara tsa go kwelana go baba le magageru re ka di kgona—fote di nyaka re di make—gore re šupetse gore tso ba gayelang ga tsona le ka mokgo ba tikwang ka gona, re go tseyela gedimo. Jeso ke mo a di tšiba gabutši tsa gore monna yela wa go sa kwe ho ditsebeng ke mo a tikwa byang ke mokane a mo naganela. Le rune, di nyaka re naganela bokokwane le ba go lwala. Setwaba sa phutego ya Sekreste a yi gore dilo di ya mahlong di makega, mara ke lerato. (Joh. 13:34, 35) Lerato lone le re tšhofa ka matla gore re gelepe bokokwane le batho ba go lwala gore ba tle ga megahlano ya Sekreste le go ye tšhomayela ditaba tsa go bafala. A go na taba le mo ba sa di kgone go maka dilo tsa go tlala.—Mat. 13:23. w18.09 29-30 ¶7-8

Jehova ga motho ye mongwana le ye mongwana ye go leng nku yage, o mo tseyela gedimo, le Jeso le yene o tseyela motho yene gedimo. (Magal. 2:20) Magageru re ba nyaka ka matla. Fote re nyaka go ba pasopa ka lerato re biye re ba tshwara gabutši. Mo re nyaka go šiya batho ba tikwa gabutši, “di nyaka re lelekisane le dilo tsa go beba le tsa gore di yagisa ba bangwana.” (Mrm. 14:19) Ka mokana ga rune re fo kwa nkare Pharadeyisi nke yi šele yi segele, gore re sa sa kgongwetsa ke selo! Go ka sa sa ba le malwele, dintwa, likgu, go hlorisiwa, go tshwariwa lešidi ka ho mitšing ya rune, kela go šekela ka se sengwana. Mo go fediye 1000 ya mengwaga, batho ka mokana ga bona ba nyoko ba ba felegelele mmeleng. Bo ba nyoko fetang gabutši mo ba leketsiwa la mafelelo ba nyoko ba bana ba Jehova Modimo ba ho lefaseng ke mokane ba “jabolela go lokologa ga go gadima ga bana ba Modimo.” (Mrm. 8:21) Nkare ka mokana ga rune re ka ya mahlong re šupetsana lerato la go yagisa fote re gelepana gore re tle re segelele taba yone le go kraya patela ya go jabodisa. w18.09 14 ¶10; 16 ¶18

Mo ba re go tšhuta Lentsu la Modimo a ba rele go fo wokola ka gedimo fote a yi go fo thalela diphetolo. Mo re tšhuta, re lebelela gore taba yone yi re botsa ying ka Jehova, ka mokgo a nyakang re maka dilo ka gona le ka mokgo a naganang. Re leketsa go kwisisa gore ke ntaba Modimo a re taba ye nngwana yi gabutši mara ga ye nngwana a re a yi gabutši. Re fela re nagana le gore maphelelo ya rune le menagano ya rune re ka ma potolla kaye. Le mo ditaba tsowa di ka sa nape di bolabodiwa ka nako ka yyoši, re nyoko thušega mo re fo beya nako—go gongwana re ka tseya sekopa sa nako yo re yi fetsang re titšhutisa—ke mokane ra ghayela ka tso re di balang gore di thogo thothela ku pelong. (1 Thim. 4:15) Mo re kene re ghayela ka tso re di kwang Lentsung la Modimo, ‘le rune beng’ re napa re tshepa gore tso Jehova a di bolabolang ga taba yonone di fo re kwatla. Re thomisa go bona dilo go tshwana naye ke mokane ra yema le taba yone. Menagano ya rune ‘ya tšhentšha,’ ke mokane ra thomisa go nagana ka mokgwa wa nyuwane. (Mrm. 12:2) Ka gonyana ka gonyana, re thomisa go kutšetsela ke Jehova. w18.11 24 ¶5-6

Ku botala, Pawulo o yye a bolabola ka yene mong le ka bo ke mo a berekisana nabo gore ke bona “dibereki ggoši le Modimo” ka taba la ho ba gaša pewu ya nnete ya Mmušo fote ba yi tšheletsa. (1 Makor. 3:6) Le rune lekgono re ka di kgona go ba “dibereki ggoši le Modimo,” mo re ka fo berekisa nako ya rune, dilo tso re nang natso le matšhika ya rune gore re make mmereko wowa wa go tšhomayela wo re wo neyyeng ke Modimo. Taba yone yi gabutši ka matla wa tšiba! Re jabola ka matla mo re berekisa nako ya rune le matšhika ya re nang nawo, re kene re tšhomayela fote re tšhutisa batho. Ba go tlala bo ba yyeng ba kgona go tšhutisa batho Baebele ba ko go botseng gore go natefa ka matla. Go jabodisa ka matla mo o bona bo o ba balelang Baebele ba di kwisisa dinnete tso ba di kwang, ba gola tumelong, ba tšhentšha maphelelo fote ba thomisa go botsa ba bangwana nnete yone. Jeso le yene o yye a jabola ka matla nakwela 70 ya batšhomayedi bala ke mo a ba romme tšhomong “ba boya ba jabodiye” ka taba la gore bo ba gahlanneng nabo ba jabolele ditaba tsowa.—Luk. 10:17-21. w18.08 20 ¶11-12

Di ka re ghulanya mo re tipotsa gore rune re ya tšiba. Re ka fo lebelela seyemo, ke mokane ra fo napa re tipotsa gore re ya se kwisisa le ho re sa nape re tšiba ditaba ka mokana ga tsona. Taba ye nngwana yo yi ka re tlonyang ke mo re ka fo ba re gatananne le mogageru ka ho phutegong. Mo re ka fo dula re tlalele ga tso a sa di makeng ka mokg’o rune re di bonang, re ka thomisa go lebelela mogageru yewa ka lehlo la ntšhotšhonono. Ke mokane mo re ka fo kwelela se sengwana sa go kekema ka yene, ra napa re fo re baa resa. Re tšhuta ying? Re tšhuta gore mo re ka fo dula re tshwere mogageru ka pelo, re ka šinya re mo naganele tsa go sa ye ka tsela re maka ke gore a re tšibi ditaba ka mokana ga tsona. (1 Thim. 6:4, 5) Mo re ka fo ntsha mona ka ho dipelong, o ka sa kraye re makiye dilo ka magaba. Nkare re ka lesetsa go fo ba re kene re tshwere magageru ka dipelo, re gopole gore re tshwanele re ba nyake ka matla fote re ba tshwarele ka dipelo tsa rune ka mokana ga tsona.—Makol. 3:12-14. w18.08 6 ¶15; 7 ¶18

Ka mokana ga rune mo re yitsa re gona ka taba la gore re makiye ke Jehova, ke rune batho bage. (Pis. 100:3; Kut. 4:11) Mara go tlugisela motho a le gona, Modimo o yye a hlawola mogoba wa batho bo a yyeng a ba tseya go le bage. Mo re beyisa, mo Pisalema 135 yi bolabola ka Maisrayele ya go tshepega ya gore ke mo ma rapela Jehova ku botala yi re ke “phahlo yage ya go hlawolega.” (Pis. 135:4) Fote, puku ya Hoseya yi yye ya bolabola gore le bo go seng Maisrayele ke mo ba nyoko ba batho ba Jehova. (Hos. 2:23) Tso di porofitiyeng ke Hoseya di makegiye nakwela Jehova a tšhela le ba bangwana ba gore a yi bona Majuda gore le bona ba tle ba lawole le Kreste. (Meber. 10:45; Mrm. 9:23-26) “Setšhaba sowa sa go yela” ke “phahlo [ya Jehova] ya go hlawolega” ka matla, batho ba sona ba tlotsiwwe ka moya wa go hlawolega gore ba ye phela legedimong. (1 Pet. 2:9, 10) Byalo go nyoko makega ying ka batho bo go leng Makreste ya go tshepega bo ba nyoko phelang ho lefaseng? Jehova o re le bobone ke “batho” kela “bo a ba hlawodiyeng” bage.—Jes. 65:22. w18.07 22 ¶1-2

Makreste ya mannete ma kopisela ga Kreste, yene ye a yyeng a šupetsa gore di gabutši ka matla tsa go sa konane. (Mat. 20:28) Di gabutši ka matla mo ka mokana ga rune re ka tiputsisa re re, ‘Nje nka di kgona go kopisela ga Jeso go feta ka mokg’o ke makang?’ (1 Pet. 2:21) Jehova a ka kwa a re nyaka ka matla ho re ka fo mo yekisela, yene le Kreste, mo re nabela go bona batho ba bangwana ba le gabutši, le mo re leketsa go bona gore re ka ba gelepa byang ga tso ba gayelang ga tsona. Nakwela Jeso a bolabola ka Lesamariya lela la pelo ye butši, o šupetsiye gabutši gore o nyaka malata yage ma gelepa batho ba bangwana, le mo ba sa ba tšibi. (Luk. 10:29-37) Nje o sa yi gopola putsiso yela yi makiyeng gore Jeso a šinye a bolabole ka mošupetso wa Lesamariya la pelo ye butši? O butsisiye ke Lejuda gore: “Anthe gabutšibutši moyagelane waka ke mang?” Phetolo ya Jeso yi šupetsa gabutši gore mo re nyaka go jabodisa Modimo, di nyaka re leketse go ba le pelo ye butši ya go tshwana le ya Lesamariya lela. w18.08 19 ¶5-6

Ayitsano Jehova o yye a ya mahlong a šupetsa gore o sa mo tšiba ga Mariya mo a kene a gudisa Morwayi wage ka go tshepega? Eya. Modimo o makiye gore ditaba ka moka tsa Mariya di ngwadiwe ka Baebeleng. Di šupa nkare Mariya ke mo a ka sa di kgone go ya le Jeso tlase le kgakala mo a kene a tšhomayela mengwaga ka meraro le sekopa. Di ka makega gore Mariya ke mo a šele a hlokofalele ke monna, byalo o yye a napa a dula ku Nazareta. Le mo a fitiye ke dilo tsa go tlala, ke mo a le gona nakwela Jeso a le thina le go kgwa. (Joh. 19:26) Mara ka nthagonyana, Mariya o yye Jerusalema a na le malata mo go šele go šutela Pentekoste, nakwela go thewoga moya wa go hlawolega. (Meber. 1:13, 14) Di šupa nkare le yene o tlotsiwwe le bala ba gore ke mo a le nabo. Mo nkare go sone, di ra gore o napiye a kraya lešuba la gore a ye phela ku legedimong a na le Jeso go ya go yye. Bona gore go tshepega go mo leyele go rufega ga mohlobo mang! w18.07 9 ¶11; 10 ¶14

Sale Jeso a thomisa go tšhomayela, ke mo a tšhutisa bo ba tšhutang gage dinnete tsa go sa hlope, a ba gelepa go bona gore dilo tse dingwana di ka ba yisa kaye. Mo re beyisa, o tšhutisiye gore mo motho a tshwarana ka pelo go segela le mo a makang motho lešidi le mo motho a kwana le go fo nabela-nabela basadi kela banna, o wela bonghwahleng. (Mat. 5:21, 22, 27, 28) Mo re nyaka makwalo ya rune ma tšhutega gabutši, di nyaka re lesetse ditšhiko tsa Modimo di re yetetse gore re thanakise Modimo. Go na le go gongwana ga gore o ka kraya gore Makreste ya gore ma tšhutisiye makwalo ya wona gabutši ka Baebele ma sa make dilo go tshwana. Tla re fo tshwanisa ka go nwa mokgete kela byala. Baebele a yi re motho wa sinya mo a nwa a meta. Mara yi re a yi tsona mo motho a nwa ka matla, kela a šinya a tlayila. (Diy. 20:1; 1 Thim. 3:8) Mo re lebelele taba yowa, nje yi rela gore Mokreste a sa hlopege ka tsa go tlala mo nkare yene mo a tinwela mokgete wage, o meta gabutši? Awwa. Le mo Mokreste yewa yene lekwalo lage le ka fo ba le sa mo hlope, di nyaka a naganele makwalo ya ba bangwana. w18.06 18 ¶10-11

Jeso o napiye a šihlela taba yone ga malata yage a re ba kganele kgole le tso di tšhutisang ke Mafaraseyi, Masadutseyi le bo ba latelelang Heroda, kela komelo ya bona. (Mat. 16:6, 12) Sa go jabodisa ke gore Jeso o bolabodiye nabo ka tsotsone go se botala batho ba nyakiye go mmeya gore go be kgoši. Mo ba tsa madumedi ba hlakananne le ba dipolotiki, tsa go ngwapanana a di gayele. Jeso o tšhutisiye bo ba mo latelelang gore dilo tsa mošaga wonone di sa make gore ba thogathoge. Sosone le sona se šinnye se maka gore maprista ya magolo le Mafaraseyi ba nyake go bolaya Jeso. Ke mo ba tseya nkare ke ye mongwana wa tsa dipolotiki le tsa madumedi fote o nyaka go ba ketula ditulong. Ba bolabodiye mantsu ya gore “Mo re ka fo mo lesetsa, ka mokana ga bona ba nyoko napa ba mo šala nthago, ke mokane Maroma ma nyoko tla ma tseya poleke ya rune le setšhaba sa rune.” (Joh. 11:48) Ka taba lone, Moprista ye Mogolo Kheyifase o yye a maka polane ya gore Jeso a bolayiwe.—Joh. 11:49-53; 18:14. w18.06 6-7 ¶12-13

Se sengwana sa gore Sathane mo a re loba ka sona ga go tlala wa phomelela ke dilo tsowa tsa go yelana le boloyi. Lekgono aa sa berekisa bodumedi bya matsaka fela mo a tshokanya batho, o di tšhela le ga tso batho ba tijabodisang ka tsona. Dimuvi, mekgano ya thekinoloji le tse dingwana di maka nkare boloyi bya jabodisa. Byalo re ko kena kakaye gore di sa re tlolele? Re sa yemele gore mokgahlo wa Modimo o nyoko re neya letheto la dilo tsa go tijabodisa tsa gore a di nyake re di lebelela le tsa gore ke tsona. Ye mongwana le ye mongwana di fo nyaka gore a tšhutise lekwalo lage gore le sa mo makise tso Modimo a sa di nyakeng. (Maheb. 5:14) Mara re nyoko ba re maka tsona mo re ka fo latelela mantsu ya mopostola Pawulo ya ma butšwelediwweng ke Modimo ya ma leng ka ho kgakala. Re ka fo tiputsisa gore: ‘Ayitsano tsa go tijabodisa tso nna ke kwanang natso di šupetsa gore ke ya resa mo ke re ga Modimo ke ya mo nyaka? Mo di ka fo makega gore bo ke tšhutang nabo Baebele ba tle mutšing gaka ba kraye ke lebelele tsotsone, nje ba ka tseya gore tso ke ba tšhutisang le nna ke ya di maka?’ Sathane a ka sa re lobe mo re ka fo lwa ka matla gore tso re di botsang batho ba bangwana di yelane le tso re di makang.—1 Joh. 3:18. w18.05 25 ¶13

Re ka mo yekisela byang ga Pawulo? Sa mathomo ke gore re garagare di re baba gore re kraye bo ba ka fo bang “ba tlalele gabutši ga tsa lephelo la go ya go yye.” Sa bobedi, re rapela Jehova re mo kgopela gore a make gore nnete yi segelele dipelo tsa ba gore baa tshepega. (Meber. 13:48; 16:14) Silvana wa gore o fetsiye 30 ya mongwaga go le mošupatsela o re, “Mo ke le tšhomong ke le thina le go kena mutšing, ke thomisa ka go rapela Jehova gore a nthuše gore ke sa tobele batho.” Le rune re rapela Modimo Jehova gore a rome barongwa ba re gelepe re kraye batho ba go tshepega. (Mat. 10:11-13; Kut. 14:6) Robert, wa gore o fetsiye 30 ya mongwaga a phayona o re, “Go jabodisa ka matla go bereka le barongwa bo ba tšibang gore go makega ying ka mitšing ya batho bo re bolabolang nabo.” Sa boraro, re leketsa go lebelela tse dibutši ga batho. Mogolo ye ba reng ke Carl o re, “Ke lebelela dilo tse dinyana tso di ka nšupetsang gore motho o tlalele ka kaye, tsa go tshwana le go fo ngwalangwala, mahlong ga go yela kela mo a butsisa tsa go ya ka tsela.” Le rune re ka tshwana le Pawulo, ra tiyisela mo re kene re yengwa. w18.05 15 ¶13; 16 ¶15

Mo re kwa ditaba tsa go jabodisa tsa gore batho bo re yyeng ra gelepana nabo ba sa yi ngangarele nnete, re kwa re tiyelela, di yye tsa makega le ga mopostola Johane yela wa go ngwala gore: “A se šiyo sa go njabodisa go feta sowa: mo ke kwelela tsa gore bana baka ba sa ya mahlong ba tshwere tsela ya nnete.” (3 Joh. 4) Maphayona ya go tlala ma ka yema nayo taba yowa ya gore di ya natefela mo ba kwelela gore ba bangwana ga bo ba yyeng ba ba gelepa go tšhuta dinnete a ba khwanyole, go gongwana o kraya batho bone le bona ba šele ba phayona. Go na le tso di ka kgongwetsang motho wa gore ke lephayona, mara mo o segela gage o mo gopotsa tsa botala tso di yyeng tsa jabodisa, o šala a tiyelele ka matla. Bapotologi ba go tlala ba hlayye gore ba šala ba jabodiye mo bona le basadi ba bona ba leboga ke phutego ya gore a yi botala ba yi vakašele, le mo go ka fo ba go ngwadiwwe sephephane se senyananyana. Go fo ba ka mokgonone le ga bagolo, barumiwa, maphayona, ba go bereka Bethele, le bona baa jabola mo ba kwa re leboga gore ba bereka ka go di nyaka ba tshepega ga Modimo. w18.04 23 ¶14-15

Solomoni aa theetsela, o feleletsiye a tsere 700 ya basadi. Ka ho ntlong yage o yye a leya metlabo ye mengwana 300 ya yona. (1 Mag. 11:3) Basadi bage ba go tlala ke mo go se Maisrayele, ke mo ba rapela medimo ya matsaka. Byalo Solomoni le yene o yye a jikela Modimo, a sa sa theetsela molawo wage wa gore ke mo o rakela gore a sa nyale basadi ba ka tawong. (Dot. 7:3, 4) Solomoni o lesetsiye melawo ya Jehova ka gonyana ka gonyana, a feleletsa a goromele go gongwana ga go sa hlayisege. Solomoni o yye a yagela modimo wa mosadi ye ba reng ke Asitherothe aletara ke mokane ye nngwana a yagela modimo wa matsaka ye ba reng ke Kemoshe. O napiye a thomisa go rapela medimo yone a na le basadi bone bage. Ga dipoleke ka mokana ga tsona tso a di tšibang, o f’lo hlawola thaba ya gore ke mo yi fo ba gana ho mahlong ga Jerusalema, a yaga ga yona dialetara tsoneng tsage, thina le mo a yyeng a yagela Jehova tempele! (1 Mag. 11:5-8; 2 Mag. 23:13) Kela Solomoni yewa ke mo a titshokannye ka go fo nagana gore mo a ka fo ya mahlong a tšhuba dihlabelo ku tempeleng, Jehova o ko fo mo lesetsa le mo a tlola molawo wage. Mara Jehova tsa go befa o yakgoswa a di bona. w18.07 18-19 ¶7-9

Ye mengwana ‘mesefo ya go dura’ yo Sathane a ka leketsang go go tšhuba ka yona ke go bolabola matsaka ka Jehova—matsaka ya gore Modimo aa na taba nago le gore wa mo tinisa. Ida wa go ba le 19 ya mongwaga ke mo a hlopa ke go tikwa nkare wa tshwatisa. O re: “Ke ga go tlala ke tikwa nkare Jehova o kgole le nna fote aa sa di nyaka tsa go ba Moghanaka.” O yye a yi hlola byang taba yowa? Ida o re: “Megahlano ke yona yi rotetsang tumelo yaka. Mo ke ya mogahlanong, ke mo ke fo segela ku ke tidulela, ke sa fetole selo, nna mong ke tipotsa gore aa šiyo wa gore a ka napa a theetsela selo sa go bolabola ke nna. Mara gana byalo, ke ya lukiselela mo ke ya megahlanong fote ke leketsa go fetola gabedi kela gararo.” Taba ya Ida yi re tšhutisa nnete ye nngwana ke kgolo ya gore: Legawu la mannete lo ke mo le neyiwa lesole ke mo le metiwwe gore go be le lekaye ka bogolo, mara la rune legawu la tumelo le ka kwaritšela kela la raramologa. Di fo ya ka rune beng gore re le nyaka byang. (Mat. 14:31; 2 Mathes. 1:3) Koriyeneng mahlong re kene re rotetsa tumelo ya rune! w18.05 29-30 ¶12-14

Pelo ya matšinghelane yi yye ya tšhentšha mo go šele go tekatekiye lefase. (Meber. 16:25-34) Go fo tshwana le ka batho ba lekgono ba gore tso tsa Baebele a ba di kene, mo go nyarela mathata ba ka kwa ba hlakahlakanne ba sa tšibi gore ba ka kena kakaye, ba ka feleletsa ba sokologa mo ba kwa ditaba tso. Kela o kraya ba felele ke mmereko ba sa di nagana, ba šala ba kgongwele ba sa tshepe. Ba bangwana ba ka fo ba ba sa tšwa go di kwa gore ba kenne le bolwele byo bongwana bya go tshosa kela ba ka foba ba kwele go baba ka taba la gore ye mongwana gana hone mutšing o hlokofele. Ba ka tiputsisa gore anthe lephelo lowa le bakiye kaye. Le bona o ka kraya ba tiputsisa gore, ‘Barena ke make byang mara gore le nna ke tle ke phone?’ Mo re hlakana le batho ba mošaga wonone, re ka makala go le la mathomothomo ba jabolela go theetsela ditaba tsowa tsa rune tsa go ba tshepisa tse dibutši. Byalo mo re ya mahlong ka mmereko wa rune wa go tšhomayela, re maka gore mo batho ba šele ba nyaka re ba kgomoletsa, ba re kraye ka bothina ka gore ba nyaka go re theetsela ka nako yonone.—Jes. 61:1. w18.05 19-20 ¶10-12

Batho ba go tlala lekgono ba sa popele mahlo ka taba la gore modimo wa lefase lo o sa ba tlemme—ka madumedi, ka tsa ditšheleta le ka tsa lephelo. (2 Makor. 4:4) Di gabutši ka matla mo re kopisela ga Jeso le rune re maka tso ne a di maka tsa go gelepa batho gore le bona ba tšibe Jehova le go mo rapela, yene Modimo wa go lokologa. (Mat. 28:19, 20) Sone a yi go kgana, ka taba la gore go na le tsa go tlala tso di ka re parakang. Ga dipoleke tse dingwana batho ba thomisa go sa sa tihlopa ka ba bangwana, fote ba dula ba teyye mokgakga. Byalo ye mongwana le ye mongwana wa rune a ka tiputsisa gore: ‘Ayitsano nka berekisa go lokologa mo gaka gore ke yeketse mo ga mmereko wa Mmušo?’ Di jabodisa ka matla gore ba bangwana ba šele ba pomme dilo tso ba nang natso ke mokane ba kena mmerekong wa go berekela Jehova ka nako ka moka, ba šupetsa gore baa di bona gore nako yi yye. (1 Makor. 9:19, 23) Ba bangwana ba berekela dipolekeng tso ba dulang ga tsona; ba bangwana ba rorela mo go gayelang Dihlatse. Mo re ka berekisa go lokologa ga rune gore re berekele Jehova, o nyoko re rufa ra šala re bafele!—Pis. 110:3. w18.04 11-12 ¶13-14