December

Mokgwa wo mongwana wa go jabodisa wa gore Jeso o nawo ke wa go kwisisa mathata ya gore rune batho ba go sa yenela re gahlana nawo. Nakwela Jeso a le ho lefaseng, o yye a “jabola le bo ba jabodiyeng” fote “a lla le bo ba llang.” (Mrm. 12:15) Mo re beyisa, nakwela 70 ya malata ya Jeso ma fetsiye mmereko wo a ma neyyeng wona wa go tšhomayela, ke mo ma jabodiye ka matla, Jeso le yene o yye “a jabola tsa go sa hlayisege ka taba la moya wa go hlawolega.” (Luk. 10:17-21) Ye nngwana taba ke yowa, mo Jeso a di bona tsa gore likgu la Lazaro le babiye ka matla ga batho bo ne ba mo nyaka ka matla, o yye “a kwa go baba ka ku teng, a thomisa go hlakahlakana.” (Joh. 11:33) Jeso ke mo a yenele mara o yye a ba kwela go baba batho ba gore ke mo ba sa yenela, a ba gelepa a boya a berekisana nabo gabutši, mara o thušiye king gore a make tsotsone? Sa mathomo ke gore Jeso ke mo a nyaka batho ka matla. Ke mo “a kwana ka matla le bana ba batho.” (Diy. 8:31) Ke mo a ba nyaka ka matla la go šinya a kwa di mo tšhofa gore a nyake go kwisisa gore ba nagana byang. Johane wa lepostola o hlatolla gore: “Ke mo a di tšiba gore motho o byang.”—Joh. 2:25. w19.03 20 ¶1-2

Sathane o yye a kenelela dilo tsa Jobo, a sinyanya le dilo tso ne a ghannye ka tsona, a bolaya bo ne ba mmerekela, a mo sinya lebitso mo ne a dula gona. Le ga mutši wa Jobo o yye a kena, a napa a suwelanya bana ba Jobo lesome la bona ka moka, gwa šala go yitseri nghwee. Ke mokane a kenelela yene mong Jobo, a mo ntsha mašupa ya go sasamela mmele wo ka mokana ga wona, go tlugisela hlogong go segela lotong. Mosadi wa Jobo ke mo a sa sa tšiba gore a ka kena kakaye, a šinya a botsa Jobo gore a lahle fase, a rogelele Modimo ke mokane a tikgwele. Le yene mong Jobo ke mo a nabela ka matla go kgwa, mara a fo ya mahlong a tshepega. Mara Sathane ke mo a soko fetsa. O yye a berekisa banna ka bararo ba gore Jobo ke mo a ba tlwayele. Banna bowa ba yye ba vakašela Jobo ka matšatši ya go tlala, mara ke mo ba mmotsa dilo tsa go galaka, ba sa mo kgomoletse. Ke mo ba sa mo kwele go baba fote ba ro napa ba totometsa mola ga go sasamela. Ba yye ba re Modimo ke yene a mo leyelang dilo tsone tsa go baba fote aa na taba le mo yene a maka nkare wa tshepega. Wa tšiba ba napiye ba re le yene mong Jobo o na le pelo ye phifadu fote o layegiye ka tso di mo makegelang!—Job. 1:13-22; 2:7-11; 15:4, 5; 22:3-6; 25:4-6. w19.02 4 ¶7-8

Mehlobo ye mengwana ya go tšhoga yi gabutši. Mo re beyisa, di nyaka re kwe re tšhaba go maka tso Jehova a sa di nyakeng. Mola Adamo le Efa ba yye ba fo tšhoga tsotsone, nke ba sa mo sinyela ga Jehova. Mara ba yye ba mo sinyela. Ke mokane ka nthago ga mone mahlo ya bona ma yye ma bulega, ba di bona gabutši gore ba sinnye. Senyama sone le likgu ba di tshiletsiye bana ba bona. Mo ba re phaphara, ba yye ba thomisa go bona gore taba yowa ba yi makiyeng a yi ya go kgana, ba tipona le bona beng gore a baa tšwara, ke mokane ba leketsa go tithibathiba ka matlakala. (Gen. 3:7, 21) Mo re kene re tšhaba go maka tso Jehova a sa di nyakeng, a di nyake re napa re hlagasedisa ke go tšhaba go kgwa. Jehova o re thulele lešuba la gore re kraye lephelo la go ya go yye. Jehova o nyoko re tshwarela mo re ka fo tšhoga re mo sinyele, solanka re tisola tsa mannete. Mo re dumela ga sehlabelo sa Morwayi wage, o nyoko re tshwarela. Mokgwa wo mogolo wa go šupetsa gore re na le tumelo ga Modimo ke mo re tineyela gage ke mokane re fetsa re kolobetsiwa.—1 Pet. 3:21. w19.03 5-6 ¶12-13

Maisirayele ke mo ma ka leboga dilo tsa go tlala. Jehova o ba ntshiye bobhantiting nakwela a leyela Maegepita Lesome la Dilo tsa go Baba. Modimo o ba ntshiye ga ntshetshere yone ka go bolaya masole ka mokana ga wona ya Maegepita hala Lewatleng le Lekhubedu. Maisrayele ke mo ma jabodiye ka matla, ma šinya ma leboga Jehova ka go mo yepelelela koša ya gore ma hludiye. Mara nje ba yye ba fo dula ba le ka mokgonone? Mo go nyarela tso di yyeng tsa phiriketsa Maisirayele, ke mo ma yakgoswa ma lebala dilo ka mokana ga tsona tsa gabutši tso Jehova a ma makeleng tsona. Ba napiye ba šupetsa gana hone gore a ba leboge. (Pis. 106:7) Byang? “Setšhaba ka mokana ga sona sa Maisirayele se yye sa thomisa go kokolela Moše le Arone”—gabutšibutši ke mo ba kokolela Jehova. (Ek. 16:2, 8) Jehova o yye a tšeba mo a di bona tsa gore batho bage a ba leboge. Ka nthagonyana o bolabodiye gore wona Maisirayele yanane ke mo ma nyoko kgwela ku mašahleng, a re go nyoko fo šala Jošuwa le Khalebho.—Dip. 14:22-24. w19.02 17 ¶12-13

Jeso aa titeyela porompeta ya go šupetsa gore ke yene ye mogolo le gore dilo tso di berekisiwang mo ba gopola likgu lage go sa be tse dikgolo ka matla. Mara o yye a botsa malata yage gore di nyaka ma mo gopole ga ggoši mo mongwageng ka go ba le mogahlano wa lula. (Joh. 13:15; 1 Makor. 11:23-25) Go maka mogahlano wonone wa lula ke mo di šupetsa gore Jeso ke mo go se motho wa magetla. Di re jabodisa ka matla tsa go tšiba gore Kgoši ya rune ya ku magedimong yi tinyanafatsa ka matla. (Mafil. 2:5-8) Re ka kopisela byang go tinyanafatsa ga Jeso? Di nyaka re beye tso di nyakang ke ba bangwana mahlong ga tso di nyakang ke rune. (Mafil. 2:3, 4) Nagana ka so se yyeng sa makega bošego bya mafelelo nakwe Jeso a sa le ho lefaseng. Jeso ke mo a di tšiba tsa gore go se botala o nyoko kgwa go baba, mara o yye a naganela mapostola yage ya go tshepega gore ke mo ma nyoko kwa go baba ka taba la mo a kgwile. O fetsiye bošego byone a ba tšhutisa le go ba tiyisa. (Joh. 14:25-31) Jeso o yye a šupetsa gore o tinyanafatsiye ka go naganela batho ba bangwana, a sa lebelela tsage fela. Tso a di makiyeng di gabutši ka matla, tla re tseyeleneng gage! w19.01 21 ¶5-6

Ayitsano o kwa nkare o kgahleletsiye ke se sengwana mo di nyaka o yemise letsogo o fetole mogahlanong? Mo nkare go sone, a yi wene o ntoši. Nnete ke gore ba go tlala ba rune re kwa re tšhoganyana mo re fetola mogahlanong. Gabutšibutši, letšhogo la mošaga wone le gabutši. Mo o tšhoga ka mokgonone, di ya šupetsa gore o tseya ba bangwana ba go phala fote wa tinyanafatsa. Mokgwa wone Jehova o wo nyaka ka matla. (Pis. 138:6; Mafil. 2:3) Mara fote, Jehova o di nyaka ka matla gore o mo thanake o boye o tiyise magageru megahlanong. (1 Mathes. 5:11) O go nyaka ka matla fote o nyoko go neya lešiši mo o kwa nkare le ya gayela. Mangwalo ma re gopotsa taba ye nngwana ke yowa. Baebele yi re ka mokana ga rune re fela re bolabola dilo tsa gore a di yi ka tsela. (Jak. 3:2) Jehova aa re o nyaka re make dilo nkare re yenele mmeleng fote le magageru a ma yemela gore re be ka mokgonone. (Pis. 103:12-14) Le bona ke magageru fote ba re nyaka ka matla. (Mar. 10:29, 30; Joh. 13:35) Magageru maa di kwisisa gore go gongwana mo re leketsa go fetola, diphetolo tsa rune a di tšwi ka mokgola rune ne re di foromme ka gona. w19.01 8 ¶3; 10-11 ¶10-11

Tsotsone a di lola ga lefase lowa. Mara a di rele gore di ka sa makege. Ka nnete Jehova o nyaka gore o jabole fote o phomelele lephelong. Mo o yetetsiwa ke Modimo, o nyoko phomelela gana byalo, le mo o kene o phela. Gore re thogo kwisisa taba yowa gabutši, tla re boneneng so re ka se tšhutang ga tso di yyeng tsa makega nakwela Maisrayele ma kena ga Naga yo yi Tshepisiwweng. Modimo a sanka a botsa Maisrayele gore ma lokotše tsa go lwa ka tsona kela ma jimele ntwa, nakwela ma šele ma le thina le go kena ga Naga yo ma Tshepisiwweng yona. (Dot. 28:1, 2) Mara o ba butsiye gore ba theetsele melawo yage fote ba tshepe yene. (Još. 1:7-9) Mo motho a theetsele tsotsone, a ka kwa nkare di fo re tlo! Mara ke mo di kwagala gabutši ka matla, ka taba la gore Jehova o makiye gore Maisrayele ma hlule Makanana ga tleletlele. (Još. 24:11-13) Nnete ke gore di nyaka tumelo gore re theetsele Modimo, mara mo re na le tumelo ya mošaga wonone, re nyoko dula re phomelela. Nnete yone yi ka sa tšhentšhi. Yi sa fo bereka le lekgono. w18.12 25 ¶3-4

Ba bangwana lekgono ba yye ba phiriketsega mo go tšhentšhiwa ka mokgo re kwisisang taba ye nngwana ya ka Baebeleng. Ba bangwana ba sepela le ba go kgeloga le ba go phigisana le so re se dumelang. Ba bangwana ba feleletsiye ba “keketlela” kgole le Jehova le phutego. (Maheb. 3:12-14) Ne di nyoko jabodisa ka matla mola ba yye ba fo ya mahlong ba na le tumelo le go tshepa Jeso, go tshwana le Petro wa lepostola! Di ka makega gore ba bangwana ba yye ba lesetsa nnete ka gonyana ka gonyana, le bona beng ba sa di bone gore go makega ying. Mo motho a lesetsa nnete ka gonyana ka gonyana, a ka tshwanisiwa le selo sa gore se ka ya le noka. Baebele yi re tsotsone ke go ‘khunghulega.’ (Maheb. 2:1) Motho wa gore wa khunghulega aa tshwane le wa gore o fo lesetsa nnete ka bomu. Mara, motho yene o maka gore senghana sage le Jehova se kgwelakgwehle fote se ka sinyega. w18.11 9 ¶5-6

Nje a wo nabele go tšhutisiwa gore mmereko wo ba go neyyeng wona o tle o wo make gabutši? Mo go le ka mokgonone, di ra gore le wene o ka ya ga Sekolo sa Batšhomayedi ba Mmušo. Sekolo sowa se tšhutisa banna le basadi bo ba tlaleleng ka matla ga tso tsa Modimo ba gore ba bereka mmereko wa nako ka moka gore ba thogo ya mahlong ka mmereko wa Mmušo. Bo ba kgopelang go ya ga sekolo sowa di nyaka ba di tšibe gore mo ba fetsa, ba ka fo ba romela go gongwana le go gongwana. Ayitsano o ka jabolela go kenela mmereko wowa wa go bereka nako ka moka? (1 Makor. 9:23) Ke rune batho ba Jehova, byalo re kwa re nabela go neyana—go tshwara batho gabutši, go ba le pelo ye butši le go nyaka ba bangwana—le go hlopega ka batho ba bangwana ka moka matšatši. Mo re maka tsotsone, re nyoko dula re bebiye fote re jabodiye tsa mannete. (Magal. 5:22, 23) Le mo seyemo sago go ka ba go le sa mošaga mang, o nyoko jabola mo o kopisela ka mokgo Jehova a sa konaneng ka gona fote o tseyela hlogong taba yowa ya gore o berekisana naye!—Diy. 3:9, 10. w18.08 27 ¶16-18

Motho a ka butsisa gore, ‘Nje se gona so se ka makang gore Mokreste a hlale ke mokane a nyalane le motho ye mongwana?’ Jeso o bolabodiye ka taba ya go hlala, o yitseri: “Ye mongwana le ye mongwana ye a hlalang mosadi wage ke mokane a nyala ye mongwana, o mo makela bonghwahla, le mosadi wa go hlala monnage ke mokane a nyala ke ye mongwana, le yene o maka bonghwahla.” (Mar. 10:11, 12; Luk. 16:18) Di fo ba lekgwaying gore Jeso ke mo a hlompa lenyalo fote ke mo a nyaka ba bangwana le bona ba maka tsotsone. Mo monna a hlala mosadi wage wa gore aa sinya selo (kela mosadi a hlala monnage wa gore aa sinya selo) a boya a ro leketsa go phema-phema ka dilo tsa go sa re selo ke mokane a nyala ye mongwana, ke mo a maka bonghwahla. Tsotsone di ya kwala ka taba la gore mo motho a fo hlala motho ye a nyalanneng naye mara di sa nape di kwala gabutši gore anthe o mo hlalela ying, a di rele gore lenyalo lone le fediye. Gabutšibutši batho bone Modimo o sa na a ba tseya go le “nama ka yyoši.” Go tokegela gana hone, Jeso o yitseri mo monna a hlala mosadi wage wa gore aa sinya selo, a ka šinya a makisa mosadi yene bonghwahla. Ke mo a ra byang tsotsone? Ku botala, mosadi wa gore ba mo hladiye le yene ke mo a ka fo tikwa a nabela go nyadiwa fote, gore a kraye monna wa go mo pasopa ka ditšheleta. Lenyalo la mošaga wonone ke mo go nyoko ba setšha go le la bonghwahla. w18.12 11 ¶8-9

Polabodisano ya Habakuku le Jehova yi makiye gore pelo yage yi bebe. Byalo o yye a tikemisela go ya mahlong a yemele Jehova gore a make se sengwana. Tsotsone ne yi se go ba le magaba, ka gore ka nthago o hlayye gore o nyoko “yemela letšatši la mosasamelo a tikgomolelele.” (Habak. 3:16) Re tšhuta ying ga tso Habakuku a di segeleleng? Sa mathomo, re sa tsoge re lesetsiye go rapela Jehova le mo re ka teya leduma la mošaga mang. Sa bobedi, di nyaka re theetsele tso Jehova a re botsang tsona a berekisa Lentsu lage le mokgahlo wage. Sa boraro, di nyaka re yemele Jehova re lefisiye pelo fote re tshepe gore tsa go re kwisa go baba o nyoko di tloseng ka nako yage. Mo re ya mahlong re bolabola le Jehova di tšwa pelong fote re mo theetsela re lefisiye pelo, le rune re nyoko ba le dipelo tsa go beba, ra thogo tiyisela go tshwana le Habakuku. Mo re na le tshepo, re nyoko tiyelela mo re kene lefisiye dipelo fote sone se nyoko re gelepa gore re dule re jabodiye le mo go na le tsa go re ghula. Re ya di tshepa gore Papa rune wa magedimong o nyoko maka se sengwana.—Mrm. 12:12. w18.11 15-16 ¶11-12

Modimo o yi tseya byang taba ya go kwatisa ba bangwana? Jeso o yitseri: “Ye a phiriketsang ye mongwana wa bowa ba banyana ba gore ba dumela ho gaka, di kawone ba make mogwabetso ga tšhilo ya go dukulusa ke bhongholo ba wo gwabetse ho molaleng wage ke mokane a bošediwe ka teng ga lewatle.” (Mar. 9:42) Taba yone a yi go kgana! Jeso o šupetsiye gabutši gore o tshwana le Papage, byalo re ka tshepa gore mo go na le motho wa gore o phiriketsa ye mongwana ye go leng lelata la Jeso, taba yone ga Jehova yi mo hlopa ka matla. (Joh. 14:9) Nje le rune dilo tsowa re di tseya ka mokgo Jehova le Jeso ba di tseyang ka gona? Nje le rune re maka tsotsone? Tso re di makang di šupetsa ying? Mo re beyisa, tla re fo re ka mokgo o yaparang kela o tilukisang di go jabodisa ka matla mara wa kraya tsotsone di sa tshware ba bangwana gabutši ka ho phutegong kela di maka gore ba bangwana ba kwe ba nabela go yetsela le motho. Ayitsano re nyoko nyaka gore ka ku mahlong re beye magageru ba ka ho phutegong ba gore re ba nyaka ka matla ke mokane ra sa hlopege ka tso di nabelang ke rune? w18.11 25 ¶9-10

Ke ntaba ka mokana ga rune di nyaka re tshepega? Di nyaka o tshepega ka taba la gore Sathane o nyakisa Jehova, le wene wa go nyakisa. Lengeloyi lowa la go ba le tšhinghi le leketsiye go sinyanya lebitso la Jehova ka go bolabola gore Modimo aa loka, wa tipona fote ke wa go Lawola wa gore o na le matsaka. Sa go tšebisa ke gore Adamo le Efa ba yye ba yema naye ga Sathane, ba jikela Jehova. (Gen. 3:1-6) Ku Edeni ke mo go na le dilo tsa go tlala tsa gore ke mo di nyoko tiyisa senghana sa bona le Jehova. Nakwela Sathane a ba šuhlašuhla, bona ke mo ba re ga Jehova baa mo nyaka, mara go mo nyaka ga bona ke mo go sa philega, go sa felegelela kela go yenela. Go nyarele putsiso ye nngwana ya gore: Nje ke mo a le gona motho wa gore a ka tshepegela Jehova ka taba la gore a mo nyaka? Mo re šele re yi beya gabutši, nje di ka kgonega gore batho ba tshepege? Putsiso yone yi yye ya fetolega nakwela ya Jobo. (Job. 1:8-11) Ke mo a fo titshwanela le rune, a sa yenela. Ke mo a na le go phikega le yene. Mara Jehova ke mo a mo nyaka ka matla ga Jobo ka taba la gore ke mo a tshepega. w19.02 3-4 ¶6-7

Jeso o šupetsiye gore nnete ya Mmušo wa Modimo ke taba ye kgolo ka matla ga bo ba yi krayang, mo a bolabola ka motho wa go tsama a rekisa wa gore ne a nyakana le makolwane ya go bafala. Mo a kraya ka lloši, o “yakgoswiye a rekisa” dilo ka mokana ga tsona tso ne a le natso gore a thogo reka lekolwane lone la go tura ka matla. (Mat. 13:45, 46) Le ga rune go ka mokgonone, nnete yowa re yi krayyeng—nnete ya Mmušo wa Modimo le tse dingwana tso re di tšhutiyeng ga Lentsu la Modimo—re di tseyela gedimo ka matla, re šinya re lesetsa dilo tse dingwana ka borunebeng ke mokane re yakgoswa re lahla tse dingwana gore re yi kraye. Mo nkare nnete yowa re yi tseyela gedimo, re ka sa “tsoge re [yi] rekisiye.” (Diy. 23:23) Mara sa go re kwisa go baba ke gore batho ba Modimo ba bangwana ba lebele ka nnete yo ba nang nayo—fote ba yi rekisiye. Rune re sa di make tsotsone! Mo nkare re nyaka di šupetse gore nnete yowa re yi tseyela hlogong fote re ka sa yi rekisi, di nyaka re theetsele mo Baebele yi re “ariyeneng mahlong le sepela nneteng.” (3 Joh. 2-4.) Gore re sepela nneteng di nyoko šupetsa mo re phela ka yona—ka mokgo re makang dilo ka gona le go yi yetisa ka ku mahlong. w18.11 9 ¶3

Maisrayele ke mo ba yitseri ma sa hlasele Jerikho, mara ma yi dukuluge ga ggoši ka letšatši, ka kobodi ya matšatši, ke mokane ka la bošupa, ma yi dukuluge ga šupa. Masole ya mangwana ma ka fo ba ma yye ma re, ‘Mowa nkare re tshwere ya go kgana!’ Mara Moyetamahlong wa Maisrayele wa gore aa bonale ke mo a di tšiba gabutši gore o maka ying. Taba yo a yi makiyeng yi tiyisiye tumelo ya Maisrayele ya boya ya maka gore ba sa ye ba ye lwa ka bobona beng le masole ya Jeriko. (Još. 6:2-5) Re tšhuta ying ga taba yowa? Re ka sa nape re kwisisa dilo ka mokana ga tsona tsa gore ke ntaba mokgahlo wo tšhentšha dilo. Mo re beyisa, ka nako tsela tsa ku nthago re ka fo ba re yye ra sa nape re kwisisa taba yowa ya gore re berekise difowunu kela dithebholete mo re titšhutisa rune beng, mo re le tšhomong le mo re le megahlanong. Gana byalo re ka fo ba re di bona gore di ya re berekela. Re kwa tumelo ya rune yi napa yi ro tiyelela fote re ba selo ka ssoši mo re bona maphomela ya mohlobo wowa, le mo re ka fo ba re thomisiye ka go kokola. w18.10 23 ¶8-9

Ka mokgo batho ba Galeliya ne ba wonngwe Mesiya, go tshwana le bo ba latelelang Jeso, ba yye ba šinya ba nyaka le go mmeya gore go be kgoši ya bona. Di fo šupetsa gore ke mo ba bona nkare Jeso yene a ka ba yeta mahlong gabutši. Ga tsa go bolabola ke mo go le segele; ba go lwala ke mo a ba yalafa; le ba go kwa tlala ke mo a ba neya tsa go ja. Mo Jeso a neyye 5 000 ya batho tsa go ja ba kguri, o yye a yakgoswa a di bona gore ba tikwa ka mokg’o mongwana. “Jeso ke mo a šele a ba bonne gore ba thina le go tla ba mo tshwara gore ba mo make kgoši, a fo nyamalala fote a ya thabeng a ntoši.” (Joh. 6:10-15) Ka motshwana wa gona mo ba le ka mosekola wa lewatle la Galeliya, ke mo ba šele ba lesetsiye taba yone. Jeso o yye a hlatollela mogoba wone wa batho gore gabutšibutši yene o bereka-bereka byang. Mo a tla ho lefaseng, ke mo a nyaka go tšhutisa batho ka Modimo, ke mo a sa ba leyela dilo tsa lefase lo. O ba butsiye gore: “Le sa berekele tsa go ja tsa gore go se botala di ko ba di fediye, berekelaneng tsa go ja tsa lephelo la go ya go yye.”—Joh. 6:25-27. w18.06 4 ¶4-5

Jeso ke mo a naganela batho ba makwalo ya go tshwana le mahlaka ya go konega kela ba go tshwana le hlase ya gore yi thina le go tima. Byalo, ke mo a naganelana, a na le pelo ye butši fote a lefisa pelo. (Mar. 10:14) Nnete ke gore re ka sa di kgone go nagana le go tšhutisa go tshwana le Jeso! Mara re ka di kgona—fote di nyaka re make ka mokgonone—go naganela batho ba tšhomong ya rune. Sosone se rela le ga taba ya ho re bolabola nabo, re bolabola nabo neng, le gore re tseya nako ya go segela kaye. Lekgono, batho ba go segela ga dimiliyoni tsa go tlala ba “šegamme le go pawoga” ka taba la batho ba go rekisa ba gore a ba naganelane, ba dipolotiki le ba go yeta dikereke mahlong. (Mat. 9:36) Sosone se makiye gore batho ba go tlala ba sa kwediwi go baba fote a ba sa tshepa selo. Byalo di gabutši ka matla gore re be le dipelo tse dibutši le go kwelana go baba fote re kgete mantsu gabutši mo re bolabola le batho! Nnete ke gore batho ba go tlala ba jabolela molayetsa wa rune, a ba make ke go fo re re tšiba Baebele kela re beya ditaba tsa rune di kwala, mara ba maka ke gore re šupetsa gore re ba jabolela ka matla le go ba naganela. w18.09 31-32 ¶13-14

Re šupetsa byang gore taba yonone re ya yi gopola? Re maka ka mokgonone ka go tšhuta lentsu la Modimo, ka go theetsela mo Modimo a re makela mokgero le go karakara gore re thogo ya mahlong re rapela Modimo wa gore o jabodiye. Mo re sa tshwatele dilo tsone, re nyoko jabola tse dingwana tsa mohlolo. Tso Modimo a di tshepisiyeng re nyoko ro napa re di tshepa re sa tekateki. (Tito 2:13) Di nyaka re be le senghana sa go tiya le Jehova gore re thogo dula re jabodiye. Mopostola Pawulo o gelepiye ke moya wa Modimo mo a ngwala gore: “Le duleneng le jabodiye ga Morena [Jehova]. Ke ya boyelela ke re, Le jaboleneng!” (Mafil. 4:4) Gore re jabolele senghana sa mošaga wonone sa mayemo, di nyaka re kgopele Modimo a re hlalefise. (Diy. 3:13,18) Mara gore re dule re jabodiye, a di nyake re fo tšhuta Baebele ke mokane gwa felela gana hone, di nyaka re berekise so re se tšhutang. Jeso o bolabodiye mantsu ya mangwana ya go šupetsa gore di gabutši go berekisa tso re di tšhutang, o yitseri: “Mo dilo tsowa le di tšiba, le nyoko jabola mo le di maka.” (Joh. 13:17; Jak. 1:25) Tabataba ke yonone yo yi nyoko makang gore motho a tikwe a yenele ga tso tsa Modimo fote a jabodiye. w18.09 18 ¶4-6

Epaforase ke mo a ma tšiba gabutši magagabo ka ho phutegong fote ke mo a hlopega ka matla ka bona. Nakwela “yene le Pawulo ba tshwariwwe,” aa lebala go hlopega ka ba bangwana ga tso tsa Modimo. (Filim. 23) Fote aa fo dula a re tse. Nje sosone a se šupetsi gore ke mo a naganela ba bangwana? Go rapedisa malata ya Jehova o boya o ma hlaya le ka mabitso, go maka gore re tiyelele ka matla. (2 Makor. 1:11; Jak. 5:16) Nagana ka bo o ka ba hlayang ka mabitso mo o rapela. Magageru ya go tlala ma tshwana le Epaforase, ma rapedisa ba bangwana ka ho phutegong le mitši ya gore yi kgahleletsiye ke dilo tsa go tlala tsa go roba kela ba gore di nyaka ba segelele sepheto sa gabutši kela bo ba ghulang ke tse dingwana. Go tlatsisela gana hone, re maka gabutši ho re gopola le bowa ba gore ba hlokofalele ke mašaga ya bona, ba gore ba phonne dikotsi tsa hlago le dintwa, le ba gore ba gayela tšheleta ya go tiphidisa. Ke nnete gore go na le magageru ya go tlala ya re tshwaneleng go ma rapedisa, fote ma ka thušega mo re maka tsotsone. w18.09 5-6 ¶12-13

Pawulo ke mo a sa bolabole ka go neyana dilo tso re nang natso fela, ke mo a rela le go kgotatsana, go yetetsana le go gelepa bo ba nyakang go gelepiwa. (Meber. 20:31-35) Pawulo o tšhutisiye a boya a šupetsa gore ba bangwana re ka ba neya ying—nako ya rune, matšhika ya rune, go ba theetsela le go ba nyaka ka matla. Bowa ba go fatisisa ditaba tsa maphelelo ya batho ba krayye gore go neyana go maka gore batho ba jabole. Hlogotaba ye nngwana yi re, “batho ba jabola ka matla ho ba fetsa go makela ba bangwana dilo tsa gabutši.” Bowa ba go fatisisa ba re go gelepa batho ba bangwana go maka gore “motho a nape a tikwa gore wa phela le gore o phelela ying” ka taba la gore “go maka gore motho a kwe a yenele ga tso a di nyakang.” Fote bo ba go tšiba tsa lephelo ba re di nyaka batho ba fele ba maka mebereko ya go berekela setšhaba gore ba thogo jabola le go phelega. Sosone a yi sa go makatsa ga batho bo ba tseyang Baebele go le Lentsu la Modimo wa go nyaka batho, Jehova.—2 Thim. 3:16, 17. w18.08 22 ¶17-18

Jesaya o beya dipelo tso tsa rune gabutši fote wa re kgomoletsa ka seporofeto so a se ngwadiyeng ka Morena wa rune Jeso Kreste. Jesaya o bolabodiye di soko bane di makega gore Jeso “a ka sa yi ka tso di bonang ke mahlo, kela a fo sola ka go fo re ditsebe tsage di kwelele se sengwana.” ‘Ba go tihlopegela o nyoko ba yahlola gabutši a sa hlawole.’ (Jes. 11:3, 4) Ke ntaba taba yowa yi re tiyisa? Ka taba la gore re phela ga lefase la gore le tlele ka batho ba go hlawolana le go kgerana. Ka mokana ga rune re nabela nkare re ka yahlola ke Moyahludi wa gabutši, a re nyake wa go fo re mo a re lebelela nje, a ba a šele a fetsiye ka rune! Tšatši le lengwana le le lengwana, re ya di maka tsa go kala batho. Mara rune ba gore a re ya felegelela gabutši, di ya re šita go kala gabutši go tshwana le Jeso. Ga go tlala re fo lebelela selo ka mahlo, ra napa re fetsiye le dipelo ka selo sone. Mara nakwela Jeso a le ho lefaseng, o re butsiye gore re lesetse go kala motho “go ya le ka gore ka ho tawong o yemegiye byang,” mara re “mo kaleneng gabutši ka go loka.” Nnete Jeso o nyaka re tshwana naye, re sa fo ya ka gore motho re mmona byang. w18.08 8 ¶1-2

Nnete ke gore a re soko mo kwa ga Modimo a bolabola le rune a le ku legedimong. Mara o makiye gore Baebele yi ngwadiwe gore yi thogo re yetetsa. Go tokegela gana hone, Jehova o berekisa moya wa go hlawolega gore o tšhofe “lelata la go tshepega” gore le phakise tsa go ja tsa moya ka nako. (Luk. 12:42) A yi go tlala ga tsona tsa go ja tsa moya tso re di krayang tsa go gatisiwa, tsa inthanete, dividiyo le tsa go theetsela! Nkare mantsu yane ya Modimo ya gore ma ngwadiwwe ka Baebeleng ma ka re tiyisa ra boya ra tshepa gore Jehova ke yene a ntoši ye a ka makang gore dilo tso Sathane a di sinnyeng di boyele sekeng. Fote nkare re ka tikemisela ka matla gore re dule re theetsela lentsu la Jehova. Mo re ka fo maka ka mokgonone, re nyoko thogo tiyisela dilo tsa go re ghula tso re gahlanang natso tsa ganabyalo le tso di saga tlang. Baebele ya re gopotsa mo yi re: “Di nyaka le tiyisele go maka tso Modimo a di nyakang, gore le thogo kraya tso le tshepisiwweng tsona.”—Maheb. 10:36. w19.03 13 ¶17-18

Ke mo go le botala ka matla Moše go le yene wa go yeta Maisrayele mahlong, byalo Jošuwa a ka fo ba a tiputsisiye gore nje batho bowa ba Modimo ba nyoko theetsela mo ba yetiye ke yene mahlong. (Dot. 34:8, 10-12) Puku ye nngwana ya go bolabola ka ditaba tsowa tsa Baebele, mo yi bolabola ka lengwalo la Jošuwa 1:1, 2, yi re: “Ga dinako tsela tsa ku botala le tsa gana byalo, go tšhentšha bo ba yetang mahlong go tshosa batho ka matla la gore ba šinye ba sa tshepe gore mmušo wa bona wo tiyelele.” Tso Jošuwa ne a di tšhoga di šupa nkare ke mo di kwagala, mara ka nthagonyana, o yye a tipotsa gore o nyoko maka ying. (Još. 1:9-11) Modimo aa mo tšebisa. Baebele yi šupetsa gore Jehova o yye a mo yetetsa ga Jošuwa le batho Bage ba Maisrayele, a berekisa morongwa. Di šupa nkare morongwa yene ke mo go le Lentsu, Morwayi wa Modimo wa mathomothomo. (Ek. 23:20-23; Joh. 1:1) Jehova o yye a gelepa Maisrayele, ma thomisa go kwisisa gore gana byalo ye a ba yetang mahlong a go sa le Moše, mara ke Jošuwa. w18.10 22-23 ¶1-4

Jehova wa ba bona bo ba gore ba mmerekela ba sa tšhofe ke motho, o ngwala mabitso ya bona ka teng ga “puku ya segopotso.” Gore mabitso ya rune ma ngwadiwe ka teng ga “puku ya segopotso” ya Jehova a yi go kgana. Malaki o bolabodiye a sa jikajiki a re di nyaka re ‘hlompe Jehova re boye re ghayele ka tso di bolabolang ke lebitso lage.’ Mo re ka fo thomisa go rapela motho kela selo sa go tšiba ke rune, Jehova o nyoko re sola pukung yage ya lephelo. (Ek. 32:33; Pis. 69:28) Go tineyela ga Jehova a yi go fo mo tshepisa gore re nyoko maka so a se nyakang ke mokane mo re fetsa, ra ya ra tlungwela ka ku meetšing ra kolobetsiwa. Dilo tsone a di tseye nako ya go lefa go di maka, fote di yakgoswa di feta. Mo re re ke rune batho ba go yema ka lethokong la Jehova, di nyaka re mo šupetsa re sa fetse gore re ya mo theetsela gana byalo le gore re nyoko mo theetsela le ku mahlong—mo re sa na re phela.—1 Pet. 4:1, 2 w18.07 23-24 ¶7-9

Taba yowa a yi fo timakegela. Di nyaka re ‘karakare,’ kela re sa lesetse go maka tsotsone. Go karakarela go butšwa go rela gore o tšibe dilo gabutši fote o di kwisise. Ke tsotsone di makang gore re butsiwe gatleletlele gore re bale Baebele ka moka matšatši. (Pis. 1:1-3) Nje wene o tiputsiye gore wa nyaka go yi segelela taba yonone? Mo o kene o bala, o ko thogo tšiba tsa go tlala ka melawo ya Jehova le ditšhiko tsa gona le go kwisisa Lentsu la Modimo ka matla. Molawo wa mathomothomo wa Makreste ke wa gore re nyakanane kela go ratanana. Jeso o butsiye malata yage gore: “Batho ba nyoko di bona ka sowa gore ke lune malata yaka—mo lune beng le nyakanana.” (Joh. 13:35) Bhuti wa Jeso ye ba reng ke Jakobo o yitseri go nyakanana ke “molawo wa magošing.” (Jak. 2:8) Pawulo o yitseri: “Go ratanana go yenetsa molawo.” (Mrm. 13:10) A di re makatse ka mokg’o Baebele yi bolabolelang go ratanana ka taba la gore yi re botsa gore “Modimo ke yene lerato.”—1 Joh. 4:8. w18.06 19 ¶14-15

Le mo Maisrayele ma lebele Jehova, Moše ke yene ye a yyeng a silikisega. O šitegiye go titshwara a fo bolabola a sa naganele gore go nyoko makega ying ka nthago. Moše o f’lo lesetsa batho ba mo tlonya, a sa sa lebelela Jehova. Taba yela ya mathomisong, Moše o yi lukisiye gabutši. (Ek. 7:6) Ke mo go šele go le botala ka matla a yisana tlase le kgakala le Maisrayele yawa ya go woma dihlogo, ka nnete di ka makega gore ke mo ba šele ba mo tinisiye le yene a tenne. Ayitsano Moše ke mo a hlopega ka matla ka tso di mo tinisiyeng, a sa sa hlopega ka go thanaka Jehova? Mo moporofeta wa go tshepega wa go tshwana le Moše di mo phiriketsiye, le ga rune di ka makega. Re tshwana naye ga Moše, go se botala le rune re nyoko kena lefaseng la nyuwane la gore re le tshepisiye ke Jehova. (2 Pet. 3:13) Aa šiyo le ka wwoši ye a nyakang go pumutsa ke tsotsone. Mara mo nkare sosone re nyaka go se segelela, di nyaka re sa tlose mahlo ya rune ga Jehova, ka moka matšatši re nyake go maka so a se nyakang.—1 Joh. 2:17. w18.07 15 ¶14-16

Sathane a ka sa di kgone go gapeletsa batho gore ba make tso ba sa di nyakeng. (Jak. 1:14) Ba bangwana ba berekisana naye Sathane ba sa tšibi. Mara mo ba šele ba tšhutiye dinnete, ye mongwana le ye mongwana wa tikgetela gore yene o nyaka go berekela mang. (Meber. 3:17; 17:30) Mo re ka fo tipotsa gore re nyoko maka tso tsa Modimo, Sathane a ka sa make selo le mo a ka fo leketsa go re ntsha seporong. (Job. 2:3; 27:5) Sathane le madimona yage ba na le ho ba sologang gona. Mo re nyaka ka ho Baebeleng, a go šiyo mo re krayang gore ba kgona go tšiba so rune batho re se naganang kela go bona tso di leng ka pelong ya motho. Go fo ba Jehova le Jeso ba ntoši bo ba kgonang go maka sosoneng. (1 Sam. 16:7; Mar. 2:8) Mo re ka fo dula re phela ka mokgo Modimo a nyakang, tla re tshepeneng gore Jehova o nyoko thiba Diyabolo gore a sa re kwaletse ka matla. (Pis. 34:7) Di ya nyakega tsona gore re tšibe lenaba la rune, mara le sa nape le re tshosa wa kraya re hlagasela. Mo Jehova a le ho thina, le batho ba gore a ba yenela gabutši mmeleng ba ka di kgona go hlola lenaba lone ba reng ke Sathane. Mo re ka fo mo tula, o nyoko re tšhaba.—Jak. 4:7; 1 Pet. 5:9. w18.05 26 ¶15-17

Yema re fo re o nagana ka go rwalagana o ye toropong ya kgole nyana o ye maka selo se sengwana sa go nyakega ka matla. Go ya gana hone go sipidiwa ka bhase fote mo o lebelela poleke ya gona, a yi howa. Mo o segela mo ba kalamelang dibhase o kraya dibhase tsa go tlala. O tinyakela go kalama bhase ya go ya mo o go nyakang! Mo o ka fo kalama bhase ye nngwana le ye nngwana, o ka sa segele mo o nyakang go ya gona. Le lekgono go sa na go le ka mokgonone, mo motho a šele a le thina le go ba ye mogolo, go tshwana le mo re ka fore o tseya leyeto la go lefa mo lephelong. Ka nako tse dingwana ba ka kwa ba sa tšibi gore ba tseye ying ba lesetse ying ga dilo tso ba gahlanang natso. Lune mathari, go ba lola mo le tšiba gore le bakiye kaye mo lephelong. Ayitsano le nyoko kekemela ka matla ka mo ga Jehova fote le mo jabodise? Sosoneng se rela go yetisa yene mahlong ga dilo ka mokana ga tsona—go tšhutega, mmereko, go ba le mutši le tse dingwana. Fote se rela le go leketsa ka matla go segelela se sengwana ka ho ga tsa Modimo. Mo ba banyana le mathari ba ya mahlong ba kene ba nyaka Jehova, ba di tšibe gore aa ba tshokanye, O nyoko ba rufa. w18.04 25 ¶1-3

Jefeta o yye a maka tso a di tshepisiyeng, a yisa kgareba yage Šilo, ya ye bereka tabernakeleng lephelo la yona ka mokana ga lona. (Bay. 11:30-35) Le mo taba yowa yi babiye ga Jefeta, di ra gore ga morwediyage gona a re sa bolabola, mara o yye a dumela go maka so papage a se tshepisiyeng. (Bay. 11:36, 37) O napiye a lebala ka tsa go nyadiwa, le tsa go ba le bana le gore moloko wa gabo ke mo o nyoko nyamalala a boya a lahlegela ke tse dingwana. Mo re bolabola ka batho ba go nyaka go tiyisiwa, re bolabola ka ba go tshwana le yene. Baebele yi re: “Ke mo go le setlwayedi ku Israyele: Mongwaga wo mongwana le wo mongwana, makgareba ku Israyele ke mo ma ya ma ye thanaka morwediy’a Jefeta wa Moghiliyade, matšatši ka mane ka mongwaga.” (Bay. 11:39, 40) Ayitsano le ga rune di ka sa be gabutši mo re ka thanaka ra boya ra tiyisa Makreste ya gore a maa nyala kela go nyadiwa ka taba la gore ma nyaka go beya “dilo tsa Morena” ka ku mahlong?—1 Makor. 7:32-35. w18.04 17 ¶10-11

Barongwa ba go tlala ba kgetiye go fokoga le Sathane. Mo go soko bane go tla Mogogola, Sathane o yye a tshokanya ba bangwana ba bona, ba kwa ba šele ba nabela barwediya ba batho. Baebele mo yi re thuletsela taba yone yi tshwanisa ka nkwahle ye kgolo—nkwahle yone gabutšibutši ke noga ye kgolo ya go goga dinanedi tse dingwana mo ba kene ba yi bošela fase. (Gen. 6:1-4; Kut. 12:3, 4) Mo barongwa bone ba jikela mutši wa Modimo, ba yye ba yema le Sathane ba nyaka go lawola ke yene. Bobowa ba go fokoga phela a yi fo ba mogoba wa go maka tsa go befa. Sathane le yene o tikhandele tsage, a timaka kgoši a kopisela ga Mmušo wa Modimo. Sathane ga Mmušo wage wa go sa bonale, o kgobaketsele mekgahlokgahlo ya madimona, a neya bona gore ba tshware tsa go lawola lefase. (Maef. 6:12) Sathane ka mokgahlo wage wa barongwa, o lawola memmušo ka mokana ga yona ya batho. w18.05 23 ¶5-6

Modimo go gongwana o šupetsa gore wa re nyaka mo a re wolola, go tshwana le papa mo a wolola bana bage. Dafita le yene o yye a dumela mo ba mo kgala. Ke mo a ghayela ka tso Modimo a di naganang, a di berekisa a boya a di lesetsa gore yi mo wolole. Le wene mo o ka fo ba le tumelo wa maka ka mokgonone, o nyoko kwa o mo nyaka ka matla ga Modimo, wa kwa o nabela ka matla go mo theetsela. Ga tso tsa Modimo o nyoko butšwa wa boya wa ro naama go tshwana le moreke wa šuping. Mogageru ye mongwana wa mosadi ye ba reng ke Christin o yitseri: “Mo ke nyakolla ke boya ke ghayela ka tso ne ke di bala, ke fo kwa nkare Jehova o ngwalele nna dilo tso!” A yi matsaka go hlaya gore mo o tlalele ga tso tsa Modimo, le wene o nyoko tshwana naye, wa thogo tšiba tso di nyoko makegang ka lefase lowa, tsa gana byalo le tsa ku mahlong. Ke ntaba Modimo a nyaka gore o tšibe dilo tsa mohlobo wonone? O nyaka gore o yetise dilo tsa gabutši mahlong, o tseye sepheto sa gabutši fote o jabolele le tso di nyoko makegang ku mahlong!—Jes. 26:3. w18.12 26 ¶9-10