May

Babelegi ba ka di maka ying gore ba thogo gelepa bana ba bona gore ga Jehova ba mo nyake ka matla? Rapela Jehova gore a go gelepe, go tshwana le Manowa. Fote o make tso o di tšhutisang. Tso o di makang ke tsona tso ngwanago a di kopiselang go phala tso o di bolabolang. A re kamake gore Josefa le mosadi wage ye ba reng ke Mariya ke mo ba tšhutisa Jeso le bana ba bangwana ba bona ka go maka tso ba di tšhutisang. Josefa ke mo a bereka ka matla gore a thogo pasopa ba mutši wage. Go tokegela gana hone, Josefa o yye a hlohletsela ba mutši wage gore ba kwane ka matla le tso tsa Modimo. (Dot. 4:9, 10) Ke mo a sepela le ba mutši wage go ya Jerusalema “mongwaga wo mongwana le wo mongwana” ka letšatši la Paseka. (Luk. 2:41, 42) Nakwela ya bo Josefa, bopapa ba bangwana ke mo ba tseya gore go sepela le ba mutši wa bona, a yi go kgana, di ja nako fote di nyaka tšheleta ya go tlala. Nnete ke gore tso tsa Modimo, Josefa ke mo a kwana natso ka matla, a ro boya a tšhutisa bana bage gore ba make ka mokgonone. Fote Mariya le yene ke mo a tšiba Mangwalo gabutši. Ka tso a di bolabolang le tso a di makang, ke mo a sa šitege go tšhutisa bana bage gore Lentsu la Modimo ba le nyake ka matla. w19.12 24-25 ¶9-12

Re thogo di bona gabutši gore Jehova o re nyaka ka matla ga taba ya ka mokgo a yyeng a tshwaragana le bothatha bya go sa theetsele ga Adamo. Nakwela Adamo a sa theetsele Papage wa ku magedimong, yene le bana bage ka mokana ga bona ke mo ba sa sa badiwa ga mutši wa Jehova wa gore wo dula wo jabodiye. (Mrm. 5:12) Mara Jehova o yye a maka se sengwana gore a thogo gelepa bana ba Adamo. Jehova o makiye gore Adamo a bune so a se gašiyeng mara o yye a tshepisa gore o nyoko gelepa bana bage ba gore a ba soko belegiwa. O yakgoswiye a tshepisa taba ya gore o nyoko maka gore batho ba gore baa mo theetsela, ba boyele ba badiwe ga mutši wage fote. (Gen. 3:15; Mrm. 8:20, 21) Jehova o makiye gore sosone se kgonege nakwela a berekisa sehlabelo sa Morwayi wage ye a mo nyakang ka matla, Jeso. Jehova o šupetsiye gore o re nyaka ka matla mo a re neya Morwayi wage gore a re kgwele. (Joh. 3:16) Ke mong yene Papa wa go ba phala ka mokana ga bona. O theetsela merapelo ya rune fote o re neya tso re di gayelang tsa go maka gore senghana sa rune naye se sa šehle. Wa re tšhutisa fote wa re thega. Fote o sa nyoko re makela dilo tsa gabutši ku mahlong. Taba ya gore Papa wa rune o re nyaka ka matla fote wa re pasopa yi re tikisa dipelo la go sa hlayisege! w20.02 6 ¶16-17; 7 ¶20

Ayitsano go na le selo so se yyeng sa maka gore o šekele ka matla? Kela ke ka taba la tso ba bangwana ba di bolabodiyeng kela ba di makiyeng, kela o ka šekedisa ke tso wene mong o di bolabodiyeng kela o di makiyeng. Mo re beyisa, di ka makega gore o yye wa maka tsa go kekema byalo o tšhoga gore Jehova a ka sa tsoge a go tshwarele. Sa go napa se maka gore dilo di gakale ke gore o ka fo tseya gore mo o tlela ke mešekelo, nka taba la gore a o na tumelo kela nka taba la gore ke wene motho wa go sa loka. Tseya ka mešupetso ye mengwana ya ka ho Baebeleng. Hanna, mmane wa moporofeta Samuwele ke mo go le mosadi wa go ba le tumelo ya go tiya. Mara o yye a šekela ka matla mo ye mongwana ka mutšing gage a sa mo tshware gabutši. (1 Sam. 1:7) Pawulo wa lepostola ke mo a na le tumelo ya go tiya mara ke mo a kgahleletsa ke taba ya go ‘hlupega ka matla ka diphutego ka mokana ga tsona.’ (2 Makor. 11:28) Kgoši Dafita le yene ke mo a na le tumelo ya go tiya la go šinya Jehova a mo nyaka ka matla. (Meber. 13:22) Le mo go le sone, Dafita o yye a maka tsa go kekema tsa gore di yye tsa maka gore a šekele tsa nkare ke moka. (Pis. 38:4) Jehova o yye a ba kgomoletsa ka mokana ga bona a boya a maka gore ba kgibe. w20.02 20 ¶1-2

Mo o tineyela ga Jehova, o rapela di go baba fote o mmotsa gore o nyaka go mmerekela go ya go yye. Mo o tineyela ga Modimo a o sa “tiphilela.” Ke wene wa Jehova, fote yone ke taba ye kgolo ka matla. (Mrm. 14:8) O ba o mmotsa gore go tlugisela gana byalo lowa, o nyoko ba o lebelele go berekela yene o sa lebelela go jabodisa wene mong. Mo o tineyela, o ba o tshepisa Modimo selo se segolo ka matla. Aa re makisi ka tšhinghi gore re mo tshepise selo sa gore re ka sa di kgone go se maka. Mara mo re mo tshepisa, o yemele gore re di make. (Pis. 116:12, 14) Mo o tineyela a di nyake motho ye mongwana, ke tsago le Jehova. Go kolobetsiwa go makega mahlong ya batho, ga go tlala go makega megahlanong ye megolonyana kela ye megolo. Mo o kolobetsiwa, o ba o šupetsa gore o šele o tineyele ga Jehova. Byalo, mo o kolobetsiwa o ba o šupetsa batho gore ga Jehova Modimo wago o mo nyaka ka pelo yago ka mokana ga yona, bowene byago, monagano wago le ka matšhika yago fote o tikemisele go mmerekela go ya go yye.—Mar. 12:30. w20.03 9 ¶4-5

Sathane o maka gore batho ba sa tšibi Jehova. Mo mapostola ya Jeso ma šele ma kgwile, go yye gwa thomisa go ba le batho bo ne ba tseya gore ke bona Makreste ke mokane ba tšhutisa batho ba go tlala matsaka. (Meber. 20:29) Mapostola yawa ya matsaka ma makiye gore batho ba sa tšibi Modimo wa nnete. Mo re beyisa, ba yye ba tlosa lebitso la Modimo ka Dibaebeleng tsa bona ke mokane sekaleng sa lona ba ngwala gore “Morena.” Mo ba tlosa lebitso la Modimo ke mokane sekaleng sa lona ba ngwala “Morena,” tsotsone di makiye gore batho bo ba balang Baebele ba sa sa di bona gore anthe Jehova o šiyana mo a tla kaye le “barena” bo go bolabodiwang ka bona ka ho Mangwalong. (1 Makor. 8:5) Lentsu lone la gore “Morena” ba fo le berekisa ga Jehova le ga Jeso, ke mokane sosone se maka gore motho a sa kwisisi gore anthe Jehova le Jeso gabutši ba šiyana byang. (Joh. 17:3) Taba yone yi makiye gore batho ba thomise go tšhutisiwa ka selo se sengwana so ba reng ke Mabitso ka Mararo, fote ka ho Baebeleng selo sone a se šiyo. Sosone se makiye gore batho ba go tlala ba sa tshepe Modimo fote ba mo tseye nkare aa kwisisege mohlobo wage. Tsotsone a yi matsaka a yi matsaka!—Meber. 17:27. w19.06 5 ¶11

Mokgwa ka wwoši wa go ka re gelepa gore re yenetse mmereko wa rune wa go tšhomayela ke mo re ka lokotša matšhutiselo le matšhomayelelo ya rune. (Diy. 1:5; 1 Thim. 4:13, 15) Re fo kwa re le ku malenghelengheng mo re tšiba gore Jehova o nyaka gore ‘re bereke ggoši naye’! (1 Makor. 3:9) Mo re ka fo “tšiba tso di tshwaneleng go yeta mahlong” fote re dula re lebelele mmereko wa Sekreste wa go tšhomayela, re nyoko “berekela Jehova re jabodiye.” (Mafil. 1:10; Pis. 100:2) Go fo tshwana le malata ya mangwana ya Modimo, le wene o ka tshepa gore Modimo o nyoko go neya matšhika ya o ma nyakang gore o thogo yenetsa mmereko wago wa go tšhomayela le mo go bifiye kela go na le tso di go phikang. (2 Makor. 4:1, 7; 6:4) Le mo o ya tšhomong ka go kašela ka taba la tso di go phikang kela o di kgona, solanka o ya ka pelo yago yi felegelele “o nyoko ba le sa go go jabodisa.” (Magal. 6:4) Mo o yenetsa mmereko wago wa go tšhomayela, o šupetsa gabutši gore ga Jehova le batho o ba nyaka ka matla. “Ka mokgononeng, o nyoko tiphonisa wa boya wa phonisa le bo ba go theetselang.”—1 Thim. 4:16. w19.04 6 ¶15; 7 ¶17

Mokgwa wo mongwana wo mogolo wa gore Sathane le madimona yage baa wo berekisa gore ba fokole batho ke go phasa badimo. Batho ba go maka tsotsone tsa go phasa ba tseya gore badimo ba bona ba kgona go maka dilo tsa gore batho ba bangwana ba ka sa di kgone kela go di kwisisa. Mo re beyisa, ba bangwana ba tseya gore ba tšiba tsa ka motshwana ka go phekola kela go berekisa dinanedi. Ba bangwana ba ka fo maka nkare ke mo ba bolabola le bo ba kgwileng. Ba bangwana baa loya kela ba maka masalamose, fote ba ka leketsa go teya ba bangwana ka difolane. Bo ba go nyakolla ditaba ba yye ba nyakolla ga 18 ya dipoleke ku Latin America le Caribbean, ga batho ba go tlala ba gore ba tshepa masalamose kela boloyi fote ba bangwana ba tshepa gore di ya kgonega go bolabola le madimona. Le Afrikha ba yye ba nyakolla ka taba yowa ga 18 ya dipoleke. Gona go yye gwa krayega gore batho ba go teya ka ku ga hafo ba re ba tshepa boloyi. A di yi ka gore re dula kaye, mara nnete ke gore di nyaka re dule re tipasopiye ga taba ya boloyi. w19.04 20-21 ¶3-4

Jehova Modimo o silikisa ke dilo ka mokana ga tsona tsa go befa. (Pis 5:4-6.) Tsotsone di ra gore le tso tsa go hlorisa bana ka go ba maka tsa maroga aa kwane natso—ka matlamatla tsa go ba maka lešidi ka tšhinghi! Le rune Dihlatse tsa Jehova re mo yekisela ka go nyenya mokgwa wa go hlorisa bana fote a re nyake le go wo bona ka ho phutegong ya Sekreste. (Mrm. 12:9) Mokgwa wo mongwana le wo mongwana wa go hlorisa bana wo ganana le “molawo wa Kreste”! (Magal. 6:2) Dilo ka mokana ga tsona tso Jeso a di tšhutisiyeng ka tso ne a di bolabola le ka maphelelo yage, di šupetsa gore wa re nyaka fote aa makane lešidi. Ka gore Makreste ma lawola ke molawo wone, ma maka gore bana ba tikwe ba pasopegiye fote ba nyakiwa tsa mannete. Mara motho ye a hlorisang ngwana aa mo naganele, o naganela yene a ntoši, fote dilo tsone a di makang tsa go sa loka di maka gore ngwana a tikwe a sa pasopega fote le go nyakiwa dhoo. Sa go kwisa go baba ka matla ke gore taba yowa yi gona le ho ga Makreste ya mannete. Anthe ke ntaba mara? “Ba go sa loka le ba go timakisa” baa yeketsega fote ba leketsa go gogomela le ka ho phutegong. (2 Thim. 3:13) Go tokegela gana hone, ba bangwana ba go tipotsa gore ke bona Dihlatse, ba yye ba woka ke dilo tsone tsa go silikisa, ba fetsa ba hlorisiye bana ka tsa maroga. w19.05 8 ¶1-3

Motho wa gore o kgongwele a ka fo titseya go se yene wa selo gore a ka šinya a bolabola le Jehova. Mo re nyaka go kgomoletsa motho wa mošaga wonone, di nyaka re rapele re le naye re boye re ro mmitsa le ka lebitso. Re ka fo botsa Jehova ka mokgo mogageru yewa wa go kwa go baba re mo nyakang ka gona, le ka mokgo phutego yi mo nyakang. Re ka boya ra kgopela Jehova gore a kgomoletse nku yage yo yi kwileng go baba. Merapelo ya mošaga wonone yi ka kgomoletsa ye a kwang go baba. Thomisa ka go nagana mo o nyoko bolabola. Go bolabola tsa go kekema go ka kwaletsa ye mongwana. Mantsu ya go kwelana go baba ma ka kgomoletsa pelo. (Diy. 12:18) Byalo rapela Jehova gore a thogo go gelepa gore o bolabole ka mokgwa wa go kwelana, wa go kgomoletsa le ka mantsu ya go temeka. O sa lebale gore mantsu ya mošaga wonone ya gore ma bolabola ke Jehova a go na go gongwana mo re ka ma krayang gona, mo go se Baebeleng. (Maheb. 4:12) Mo re kgomoletsa ba bangwana, re ba gopotsa gore Jehova o ba nyaka ka matla. Fote re sa lebale gore Jehova ke Modimo wa go loka. Tsa go befa tso motho a makiwweng tsona, ga Jehova di fo ba lekgwaying. Jehova o bona dilo ka mokana ga tsona, fote bo ba go woma dihlogo ba go maka tsa go befa o nyoko ba lukisa.—Dip. 14:18. w19.05 18 ¶18; 19 ¶19, 21

Sathane o nyaka gore re jikele Jehova. Gore a segelele tsotsone, o leketsa ka matla go re fokola gore a tanye menagano ya rune, re thomise go theetsela yene. O leketsa go re tanya a berekisa dilo tso re di nabelang. (Makol. 2:4) Ayitsano re napa re le kotsing ya go fokola ke Sathane? Eya, re kotsing ye kgolo ka matla! O sa lebale gore mo Pawulo a ngwala Makolosi 2:8 ke mo a sa ngwalele batho fela nje ba gore a yi Makreste. Ke mo a ngwalela Makreste ya gore ma tlotsiwwe ka moya wa go hlawolega. (Makol. 1:2, 5) Makreste yanane ke mo ma le kotsing, mo go le rune lekgono re kotsing ye kgolo ka matla. (1 Makor. 10:12) Ke ntaba mara? Sathane ba mo fošele ho lefaseng fote o karakara ka matla gore a tshokanye malata ya Modimo ya go tshepega. (Kut. 12:9, 12, 17) Go tokegela gana hone, re phela ga dinako tsa batho ba dipelo tse diphifadu le ba go timakisanya “ba gore ba sinyegiye ka matla fote ba ro napa ba topela.”—2 Thim. 3:1, 13. w19.06 2 ¶1-2

Eliya o yye a tšhoga ka matla mo Mosadi wa Kgoši ye ba reng ke Jezebele a mmotsa gore o nyoko mmolaya. Byalo o yye a tšhabela polekeng ye ba reng ke Bheresheba. O yye a kgongwela ka matla “a šinya a kgopela gore nkare a ka kgwa.” King so se mo makiyeng gore a tikwe ka mokgonone? Eliya ke mo a sa yenela, go le “motho wa go fo tshwana le rune.” (Jak. 5:17) Nakwenngwana taba yone yi ka fo ba yi mo makiye gore a kwe di mo kgahleletsiye fote a tinnwe la go sa hlayisege. Di šupa nkare Eliya ke mo a tseya gore tso a di makiyeng tsa go botsa batho gore ba rapele ka mokgo Modimo a nyakang, ke mo go fo ba tsa mahala, le gore a se šiyo so se tšhentšhiyeng ga Maisrayele fote ke mo go le yene a ntoši ye ne a berekela Jehova. (1 Mag. 18:3, 4, 13; 19:10, 14) Jehova ke mo a kwisisa ka mokgo Eliya a tikwang ka gona fote a sanka a mo kgwasolanya nakwela a mmotsa ka mokgo a tikwang. Mara o yye a mo tiyisa. (1 Mag. 19:5-7) Ka nthago Jehova o yye a gelepa Eliya gore a tšhentšhe ka mokgo a naganang, ke mokane a mo šupetsa matšhika Yage. Byalo Jehova o mmutsiye gore go sa na le 7 000 ya Maisrayele ya gore ma ganne go rapela Bhaali. (1 Mag. 19:11-18) Gabutšibutši Jehova o mo šupetsiye ga Eliya gore o mo nyaka ka matla. w19.06 15-16 ¶5-6

O sa tiwomisi hlogo. Mo re ka fo latelela tso re butsiwang tsona ke magageru ya go tshepega, ya gore ma hlupega ka matla gore ma pasope phutego, re nyoko phona tsa go tlala. Mo re beyisa, ga mafase ya mangwana ya gore mmereko wowa baa wo rakela, magageru ma yye ma botsa batšhomayedi gore ba sa neye batho dipuku mo ba le tšhomong. Mara mogageru ye mongwana wa mošupatsela ga poleke yone, o yye a tithibisa ditsebe, a fo ya mahlong a kene a sabalatsa dikgatiso tsela. Di feleletsiye byang? Ka nthago ga mo a fetsiye go tšhomayela le bo ne a le nabo, maphodisa ma yye ma ba kenelela ka diputsiso. Di šupa nkare ba mmušo ke mo ba ba lebelele, ba šinya ba kraya dikgatiso tso ba di neyyeng batho. Re tšhuta ying ga so se makegeleng magageru yawa? Di nyaka re fo latelela tso ba re botsang tsona le mo re bona nkare re tšiba dilo. Jehova aa lesetse go re rufa mo re berekisana le magageru ya gore yene mong o ma hlawodiye gore ma re yetetse.—Maheb. 13:7, 17. w19.07 12 ¶17

Mo Morena wa rune Jeso a bolabola gore batho ka mokana ga bona bo ba kgetang go ba malata yage ba nyoko hloyiwa, ke mo go le ka malobana wa gore ka motshwana wa gona ne a nyoko bolayiwa. (Joh. 17:14) Le lekgono lowa, Makreste ya go tshepega ya gore ke Dihlatse tsa Jehova ma sa fo hlorisiwa ke batho bo ba sa nyakeng go rapela Jehova. Re di tšiba gabutši gore mo masipidiselo yawa ya dilo ma kene ma šutela mafelelong, re nyoko hlorisiwa la go sa hlayisege. (Mat. 24:9) Re ka tilukiselela byang ga taba ya go hlorisiwa? A di nyake re tihlupa ka matla ka go nagana ka dilo tsa go befa tso di nyoko re makegelang. Mo re ka maka ka mokgonone, letšhogo le go šekela di nyoko re phiphetsa. O ka kraya re šele re yikela dilo tsone re di naganang tsa go tshosa di maka gore re lelemele, ke mokane ra lesetsa go berekela Jehova le mo nako ya go hlorisiwa yi soko segela. (Diy. 12:25; 17:22) Segale se segolo so “lenaba la [rune] Diyabolo” a se berekisang gore a re wise ke letšhogo. (1 Pet. 5:8, 9) Byalo di nyaka re tiyise senghana sa rune le Jehova gana byalo. w19.07 2 ¶1-3

Di ka makega gore mo mapostola ma gahlana ku thabeng, ke mo ma jabodiye la go sa hlayisege. Ka nthago ga gore Jeso a tsusiwe, o yye a kgopela malata yage gore a gahlane nawo gana ku thabeng. (Mat. 28:16) Nakwenngwana ne go le nakwela “a nyarela ga mapostola yala ya go teya ka ku ga 500 ka nako ka yyoši.” (1 Makor. 15:6) Ke ntaba a yye a ma kgopela gore ma tle ga mogahlano wone? Ka taba la gore ke mo a nyaka go ma neya mmereko wa go jabodisa ka matla a re: “Byalo, ariyeneng le ye maka batho ba ditšhaba ka moka malata.” (Mat. 28:18-20) Malata ya ma yyeng ma theetsela mantsu ya Jeso, ma yye ma feleletsa go le phutego ya Sekreste ya dinako tsa mapostola. Mmereko wo mogolo wa phutego ke mo go le go maka batho gore go be malata ya Kreste. Le lekgono, go na le diphutego tsa go tlala tsa Makreste ya nnete lefaseng ka mokana ga lona fote mmereko wa tsona go sa fo ba wonone wa go maka malata. w19.07 14 ¶1-2

Mopotulugi ye mongwana wa ku Norway mo a hlayisa o re, ga go tlala batho bo ba sa nyakeng go bolabola ka Modimo ba di nyaka ka matla tsa go bolabola ka tso di makegang ho lefaseng. Mo a fetsa go dumedisa batho, o yitseri: “O fo re king nje ka tsa gabutši tso di nyoko makegang ku mahlong? Ayitsano re tshepele ga ba dipolotiki, ba sayense kela batho ba bangwana?” Mo a fetsa go kwa so motho yene a se naganang, o bala temanyana ya go bolabola ka dilo tsa gabutši tso di nyoko makegang ku mahlong kela go di hlatolla. Ba bangwana ba jabodisa ke tso Baebele yi di tshepisang tsa gore lefase le nyoko dula le le gona fote batho ba go loka ba nyoko phela go ya go yye. (Pis. 37:29) Di gabutši ka matla mo re tšhentšha-tšhentšha ka mokgo re bolabolang le batho bo re gahlanang nabo. Ke ntaba? Ka taba la gore a re jabodise ke dilo tsa go tshwana. Ba bangwana a di ba hlupi tsa go bolabola ka Modimo kela ka Baebele, hala ba bangwana ba nyaka go thomisa ka go bolabola dilo tse dingwana nje. Ga seyemo se sengwana le se sengwana, re nyoko berekisa lešuba lo le thulegang gore re bolabole le mehlobo ka mokana ga yona ya batho. (Mrm. 1:14-16) Jehova ke yene ye a makang gore nnete yi gole ka dipelong tsa bo ba kwanang le go maka tsa go loka.—1 Makor. 3:6, 7. w19.07 22-23 ¶10-11

Mo re di bona tsa gore Modimo o re nyaka ka matla, tsotsone di nyoko re tšhofa gore le rune re nyake magageru. (1 Joh. 4:20, 21) Re ka fo tseya nkare tsa go nyaka magageru di nyoko fo timakegela ka mohlolo. Mara gabutšibutši di maka ke gore re rapela Jehova fote re leketsa ka matla go ba le mekgwa ya go tshwana le yage. Re yekisela Jeso, yene wa gore o yye a šinya a kgwela batho ka taba la gore o ba nyaka ka matla. Mara ka dinako tse dingwana re ka fo kwa di roba go theetsela molawo wa gore re nyakanane. Ebhodiya le Sintike ke mo go le magageru ya basadi ya go ba le matšato ga tso tsa Modimo fote ba berekiye “thina ka matla” le Pawulo wa lepostola. Mara di ka fo makega gore ba yye ba yikela dilo tse dingwana di sinya senghana sa bona. Ga borifi byo Pawulo ke mo a bo ngwalele phutego yo Ebhodiya le Sintike ke mo ba le ga yona, o ba hlayye ka mabitso ke mokane a ba yeletsa gore ‘ba nagane go tshwana.’ (Mafil. 4:2,3) Pawulo o f’lo kwa di mo tšhofa gore a botse phutego ka mokana ga yona gore: “Ariyeneng mahlong le makela batho ba bangwana dilo le sa kokole fote le sa lakatse.”—Mafil. 2:14. w19.08 9 ¶6-7

Sa go jabodisa ka matla ke gore diphutego tsa go tlala le magageru ya banna le ya basadi, ma maka so ma ka se kgonang gore ma gelepe bo ba gore ba ga mmereko wa nako ka moka gore ba sa lesetse. Ba ba gelepa ka go ba tiyisa gore ba ye mahlong ka mmereko wowa wa nako ka moka, ba ba gelepa le ka ditšheleta kela go ba neya sela le sela, ka thoko ye nngwana ba ba gelepa le ka go ba pasopela ba mitši ya bona bo ba ba šiyyeng gaye. Mo magageru ya gore ma bereka mmereko wa nako ka moka ma ka romediwa ga phutego ya lune, le sa tseyi nkare di ba šitiye tsa ku ne ba le gona kela la tseya nkare ba makiye se sengwana sa go kekema, byalo baa ba wolola. Le sa ba thathafisele lephelo. Ba yamogeleneng le boye le ba thanake ka mmereko wo ba wo makiyeng, le mo ba sa sa di kgona go bereka go tshwana le mathomisong ka taba la go lwala. Ba šuteleleneng gore le thogo ba tšiba. Tšhutaneng ga tso ba le hlayiselang tsona, ga tso ba le tšhutisang tsona le ga tso ba gahlanneng natso. Magageru yawa ya gore ma yisiwa gore ma ye bereka go gongwana ma ka nyaka go gelepiwa gore ma kraye ga go dula, tsa go kalama, mmereko le tse dingwana tso ma di hlokang. w19.08 23-24 ¶12-13

Gogo o nyoko tshepela ga ‘masole ya gore ke batho’ le matšhika ya wona. (2 Dikor. 32:8) Rune re nyoko tshepela ga Modimo wa rune Jehova, sosone ditšhaba di nyoko tseya nkare ke bophukuphuku. Sosone se maka ke gore Bhabhilona ye Mogolo ke mo a na le matšhika, mara medimonyana yage a sanka ya mo phonisa ga “sebata” sela sa go ba le “lesome la manaka”! (Kut. 17:16) Byalo Gogo o nyoko tseya nkare go nyoko ba lula go fetsa ka rune. O nyoko kutulugela batho ba Jehova “go fo tshwana le mo maru ma kugele naga.” Nnete ke gore Gogo o nyoko di bona gabutši gore a ka sa khwanyudisi. Gogo o nyoko di bona gabutši go fo tshwana le Farawo ku Lewatleng le Lekhubedu gore ke mo a lwa le Jehova. (Ek. 14:1-4; Hezek. 38:3, 4, 18, 21-23) Kreste le masole yage ya legedimong ba nyoko lwela batho ba Modimo ke mokane ba psyitlanya Gogo le masole yage. (Kut. 19:11, 14, 15) Lenaba le legolo la Jehova lo ba reng ke Sathane la gore le bolabodiye matsaka ya go maka gore ditšhaba di kutulugele batho ba Modimo ga ntwa ya Aremaghedoni, go nyoko makega ying ka lona? Jeso o nyoko ro bošela yene le madimona yage moleteng wa go yisa, ga gore ba nyoko ba khiyelela 1 000 ya mengwaga.—Kut. 20:1-3. w19.09 11-12 ¶14-15

Re yemele ka mahlo ya makhubedu dilo tso Jehova a re tshepisang tsona. Mara, ka nakwenngwana mo dilo tso re di yemeleng di sa yakgoswe di makega, re ka thomisa go kwa re kgongwela. Ke mokane ra lahla tewu. (Diy. 13:12) Taba yone yi makegiye gana hala ga bo-1914. Makreste ya go tlala ya gore ke mo ma tlotsiwwe ke mo ma tseya gore ka 1914 ma nyoko kraya patela ya go ya legedimong. Makreste ya go tshepega ma yye ma maka ying mo dilo tso ne ba di yemele di sa segele? A sanka ma šepisa, ka taba la gore so ne ma hlupegiye ka matla ka sona ke mo go le go maka tso Modimo a di nyakang le mo ma sa ye legedimong. Ke mo ma tikemisele ka matla go tiyisela mo ma kene ma taboga. Le wene o ka fo ba o di nyaka ka matla, tsa go bona Jehova a hlatswa lebitso lage gore a šupetse go le yene ye a tshwaneleng go lawola le go maka dilo ka mokana ga tsona tso a di tshepisiyeng. Dula o di tšiba gore dilo tsowa ka mokana ga tsona di nyoko makega ka nako yo Jehova a yi beyyeng. Solanka re sa yemele nako yone, nkare re ka ya mahlong re karakara ka matla gore re berekele Modimo, re sa kgongwetse ke dilo tso re di yemeleng mo di sa yakgoswe di segela. w19.08 4-5 ¶9-10

Tiputsise ša, gore: ‘Nje batho ba ntšiba ke le motho wa go temeka le wa go tinyanafatsa? Mo go le mmereko wa go tseyediwa fase wona, nje ke ya wo maka gore ke thogo gelepa ba bangwana? Nje ke tshwara ba bangwana gabutši?’ Jeso o makiye gore go be le go beba ga malata yage fote ke mo a jabolela go ma tšhutisa. (Luk. 10:1, 19-21) O yye a botsa malata yage gore ma mmutsise diputsiso fote ke mo a nyaka go kwa so ma se naganang. (Mat. 16:13-16) Taba yowa ya gore malata ya Jeso ma yye ma hlohlotela, yi fo tshwana le diplantšese tsa go nona. Ma yye ma tšhuta dilo tso Jeso a ma tšhutisiyeng, ke mokane ma yengwa diyengwa ka go maka dilo tsa gabutši. Ayitsano go na le bo o leng ka kgakala ga bona? Mo nkare go sone, tiputsise gore: ‘Ke tshwara ba bangwana byang mo ke le mmerekong kela ke le ka ho mutšing gaka? Nje ke maka gore go dule go bebiye? Ayitsano ke maka gore batho ba bangwana ba sa tšhabe go mputsisa diputsiso? Nje ke ya theetsela mo ba bangwana ba bolabola?’ A re di nyake go tshwana le Mafaraseyi ya gore ke mo ma silikisa ke batho ba go kwana le go fo butsisabutsisa fote ma hlorisa batho ba gore ba bolabola dilo tsa gore a di yelane le tso bona ba di nyakang.—Mar. 3:1-6; Joh. 9:29-34. w19.09 20 ¶1; 23 ¶9-1

Ka dinako tse dingwana, bo ba go lawola lefase ba fela ba bolabola ka mokgonone mo ba kene ba tiyisa senghana sa bona le dinaga tse dingwana. Mara, go ka sa tshwane le tšibiso yo Baebele yi yi hlayang ya gore “go bebiye fote go tšhireletsegiye.” Ke ntaba? Ka taba la gore mo dilo tsone di makega, batho ba ka fo nagana gore bo ba go lawola lefase ba di kgonne go maka gore lefase le tšhireletsege. Mara nnete ke gore go nyoko thomisa “motšhatšhamelo wo mogolo” ba sa nagana. (Mat. 24:21) A re tšibi so se nyoko tšhofang bo ba go lawola gore ba thomise taba yone ya go tšibisa, le gore ba nyoko yi tšibisa byang. Fote a re di tšibi gore ba nyoko tšibisa ga ggoši kela ba nyoko tšibisa ba sa fetse. A go na taba gore ba nyoko di makamaka byang tsotsone, mara so re se tšibang ke gore: Re ka sa fokole ke taba ya gore bo ba lawolang lefase ba ka di kgona go maka gore ho lefaseng go bebe. Di fo ba lekgwaying gore mo go makega dilo tsone “letšatši la Jehova” le nyoko thomisa byalo!—1 Mathes. 5:2. w19.10 8-9 ¶3-4

Mo go segela Aremaghedoni, go ko ba go le mafelelofelelong ya masipidiselo ya dilo. Mara, a go na sa go ka maka gore re hlagasele. Ke ntaba re reyane? Ka taba la gore ntwa yowa ke ya Modimo. (Diy. 1:33; Hezek. 38:18-20; Zak. 14:3) Ka nako yo yi nyoko hlayang ke Jehova, Jeso o nyoko yeta masole yage mahlong. O ko ba a na le bala ba gore ba tlotsiwwe le mangeloyi ya go tlala ka matla. Ka mokana ga bona ba nyoko lwa le Sathane, madimona yage le masole yage ya mo lefaseng. (Kut. 6:2; 17:14) Jehova o re tshepisiye gore: “Segale so ba se makelang go lwa le lune se ka sa phomelele.” (Jes. 54:17) “Mogoba wo mogolo” wa malata ya Jehova ya go tshepega “wo nyoko phona motšhatšhamelo wo mogolo!” Ke mokane wa ya mahlong wo berekela Jehova. (Kut. 7:9, 13-17.) So Baebele yi se bolabolang se maka gore re sa kamake gore ku mahlong re nyoko phona! Re di tšiba gabutši gore “Jehova o tšhireletsa ba gore baa tshepega.” (Pis. 31:23) Ka mokana ga bona ba gore ga Jehova ba mo nyaka ka matla, ba nyoko jabolela go bona mo Jehova a gadimisa lebitso lage la go hlawolega.—Hezek. 38:23. w19.10 18-19 ¶17-18

Mo re kene re bakiye mafelelofelong ya “matšatši ya mafelelo,” di ka makega gore re gahlane le tsa go sasamela ka matla. (2 Thim. 3:1) Mo re beyisa, ka nthago ga gore go be le dikgeto nageng ye nngwana ku bodikela bya Afrikha, batho ba yye ba thoma go lwa. Go fitiye kobodi ya dikgwedi, magageru ma sa kgone go sepelasepela ka taba la gore ke mo go lwiwa ga dipoleke tsa go tlala. Mara ba kgonne byang go lebana le seyemo sa mošaga wonone? Ba bangwana ba tšhabele mitšing ya magageru ya gore ma dula ga poleke ya gore yi tšhireletsegiye. Mogageru ye mongwana o yitseri: “Ke mo ke jabodiye ka matla ka taba la gore ke mo ke dula le banghane. Ke mo re kgona go tiyisana.” Mo “motšhatšhamelo wo mogolo” wo segela, re nyoko jabodisa ke taba ya gore re na le banghana ba go re nyaka ka matla. (Kut. 7:14) Byalo, taba ya gore re make senghana sa go tiya gana byalo di nyaka re yi make ka go yakgoswa. (1 Pet. 4:7, 8.) Ke ntaba? Ka taba la gore bo ba re hloyyeng ba nyoko leketsa go re yaroganya ka go re botsa matsaka. Ba nyoko leketsa go re maka gore re jikelane. Mara tsone di ka sa bereki ho ga rune. Ba ka sa kgone go maka gore re lesetse go nyakanana. w19.11 2 ¶1-2; 7 ¶19

Sathane, “papa wa matsaka,” o berekisa bo a ba lawolang gore ba sabalatse matsaka ka Jehova le magageru. (Joh. 8:44) Mo re beyisa, bo ba go kgeloga ba sabalatsa matsaka fote ba bolabola dilo tsa gore a yi tsona ka mokgahlo wa Jehova ba berekisa diwepsayete, TV le tse dingwana ga inthanete. Matsaka yane ke “mesefo ya go dura” ya Sathane. Re ka re king mo ye mongwana a ka re tlela ka matsaka ya mošaga wonone? Re ka sa ro mo theetsela! Ke ntaba? Ka taba la gore re na le tumelo ga Jehova fote le magageru re ma tshepa ka matla. Gabutšibutši, di nyaka re kganele kgole le ga bo ba go kgeloga. A re nyake motho kela selo le ka ssoši kela go nabela go tšiba, go maka gore re phigisane nabo kela gwa maka gore tumelo ya rune yi šehle. Ayitsano sa le wa kganela kgole le matsaka ya ma sabalatsang ke bo ba go kgeloga? Re go thanaka ka matla. Mara di nyaka re dule re ntshiye maahlo dikwakweng gore re thogo bona mathayithayi ya Sathane. w19.11 15 ¶8; 16 ¶11

Tšiba gore ke ntaba o nyaka go maka sepheto sone. Jehova o nyaka re tshepega ga dilo ka mokana ga tsona. Byalo, mo re maka dipheto, a di nyake re titshokanya kela re tshokanya ba bangwana, mara di nyaka re tšibe gore ke ntaba re nyaka go segelela dipheto tsone. Mo nkare a re resi, di nyoko re šita go ngangarela sepheto sa rune. Mo re beyisa, mogageru wa mosogana a ka segelela sepheto sa gore o nyaka go ba mošupatsela wa nako ka moka. Mara ka nthagonyana, o šitega go segelela diawara tsa mašupatsela fote aa sa jabolela tšhomo. A ka fo tseya gore nakwela a ba mošupatsela, ke mo a nyaka go jabodisa Jehova. Nje di ka makega gore nakwela a nyaka go ba mošupatsela ne go le ka taba la gore a nyaka go jabodisa babelegi bage kela motho ye mongwana? Nagana ka motho ye o tšhutang naye Baebele wa gore o nyaka go lesetsa go kgokga. Le mo go se lula go lesetsa, o kgona go fetsa beke ya mathomo kela le ya bobedi a sa kgokge, mara ka nthago wa boyela fote wa kgokga. Mafelelong, taba ya go kgokga wa yi hlula! Ka taba la gore ga Jehova o mo nyaka ka matla fote o nyaka go mo jabodisa, tsotsone di mo gelepa gore a thogo hlula mokgwa wone wa go sa loka.—Makol. 1:10; 3:23. w19.11 27 ¶9; 29 ¶10

Pawulo wa lepostola ke mo a tshepa gore o nyoko fetsa lebelo lage le go segelela so a nyakang go se segelela. Ka taba la gore ke mo go le Mokreste wa go tlotsiwa, ke mo a lebelele gore o nyoko kraya “patela ya go bitsa ke Modimo ku legedimong.” Mara ke mo a di tšiba gore di nyaka a “karakara” ka matla gore a segelele tsone ka mokana ga tsona. (Mafil. 3:14) Pawulo o yye a berekisa mošupetso wa gabutši ka matla gore a gelepe Mafilipi gore ma segelele so ne ma nyaka go se segelela. Pawulo o yye a gopotsa Mafilipi ka taba ya gore ba nyoko feleletsa ba phela ku legedimong. (Mafil. 3:20) Ke ntaba ne ba tshwanele ba gopole taba yone? Ka nako yonone, mo motho a dula Roma ke mo go le mayemo ka matla. Mara tsone ke mo go se selo ka taba la gore ga Mmušo wo Makreste ya go hlawolega ne ma nyoko ya ga wona, ke mo ma nyoko dula ma rufiwa. Nnete Mmušo wa Roma ke mo wo sa le beyi ga wa legodimong! Makreste ya go tlotsiwa lekgono ke bona bo re ka kopiselang ga bona, ka taba la gore ba karakara ka matla gore ba segelele lephelo la go ya go yye ku legedimong. w19.08 6 ¶14-15

Go lokologa ga mošaga wonone, ne go phala go lokologa ga Maisrayele ka mongwaga wa Jubhili! (Lef. 25:8-12) Mo re beyisa, mo motho a ka lokolliwa ka nako yone ya Jubhili di ka makega gore a be lebhantiti fote, kela ka dinako tse dingwana a ka feleletsa a hwile. Ka letšatši la Pentekoste ya 33 C.E., Jehova o yye a tlotsa mapostola le banna le basadi ba bangwana ba go tshepega ka moya wa go hlawolega. O yye a ba tseya go le barwayi bage, gore mo ba šele ba tsusiwwe ba le ku legedimong, ba lawole le Jeso. (Mrm. 8:2, 15-17) Bowa ke bona ba mathomo ba go berekela ke go lokologa ga gore Jeso o bolabodiye ka gona a le ku sinagogeng sa Nazareta. (Luk. 4:16-19, 21) Banna le basadi bone ne ba sa sa le bobhantiting bya dilo tsa matsaka tso ne ba tšhutisiwa tsona, fote ne ba sa sa maka le dilo tsa go yelana le setšo tso ne di tšhutisa ke bo ba go yeta sedumedi sa Sejuda mahlong. Modimo ke mo a šele a ba bona ba lokologiye ga taba ya go sinya ga gore go maka gore motho a kgwe. So Jehova a se makiyeng gore batho ba lokologe, se thomme nakwela a tlotsa bo ba latelelang Kreste ka 33 C.E., ke mokane se nyoko segela mafelelong mo go fela 1 000 ya Mengwaga ya go Lawola ga Jeso. w19.12 11 ¶11-12

Babelegi, gelepaneng bana ba lune gore ba thogo hlawola banghane ba gabutši. Mmane le papa ba tshwanele go tšiba gore banghane ba bana ba bona ke bomang le gore ba maka ying. Tsotsone di ra gore ba tshwanele go tšiba gore bana ba bona ba bolabola le bomang mo difowung tsa bona. Banghane bone ba bona ba ka kutšetsela bana bone ka mokgo ba naganang le ka mokgo ba makang dilo ka gona. Babelegi ba go tlala ba garagariye ka matla gore bana ba bona ba nghanelane le bo ba gore ba maka dilo gabutši ka mo ga tso tsa Modimo. Mo re beyisa, mogageru ye mongwana ye ba reng ke N’Déni le mosadi wage ye ba reng ke Bomine ba go dula ku Côte d’Ivoire, ke mo ba dula ba kgopela gore mopotulugi a tle a dule nabo ka mutšing wa bona. N’Déni o re: “Sosone se gelepiye morwayi wa rune ka matla. O thomisiye go le mošupatsela, fote gana byalo o bereka go le mopotulugi wa go gelepa.” Di gabutši ka matla gore babelegi ba tšhutise bana bona di sa tloga. (Diy. 22:6) Tla re beyiseneng ka Thimothi. Mmane wa Thimothi ye ba reng ke Yunisi le kokwane wage ye ba reng ke Luwisa, ba yye ba mo tšhutisa “go sa le mong meetši.”—2 Thim. 1:5; 3:15. w19.12 25 ¶14; 26 ¶16-17

Bang monghana wa go tshepega. Mo re beyisa, a re fo tshepisa gore re ko gelepa magageru ya gore maa tihlupegela mara re maka tsotsone re di tshepisiyeng gore re thogo ma gelepa. (Mat. 5:37; Luk. 16:10) Mo bo ba gore ba nyaka go gelepiwa ba di tšiba tsa gore ba ka tshepela ga rune, ba kgomoletsega tsa mannete. Mogageru ye mongwana wa mosadi o hlatolla gore ke ntaba go le sone. O re, “A di nyake o šekela o tiputsisa gore nje motho ye a bolabodiyeng gore o ko n’gelepeng, ayitsano o ko segela ka nako gore a make so a ntshepisiyeng sona.” Bo ba gahlanneng le tsa go ba ghula kela tsa go ba kgongwetsa, ga go tlala baa kgomoletsega mo ba ka bolabola le monghana wa go tshepega. Mara gore o thogo ba monghana wa go tshepega, di nyaka o be motho wa go lefisa pelo. Mo Zhanna a šiya ke monnage, o yye a kgomoletsa ke go botsa banghana bage ka mokgo a tikwang. Zhanna o re, “Ba yye ba ntheetsela ba lefisiye pelo le mo nkene ke bolabola ke boyelela selo ka ssoši.” Le wene o ka di kgona go ba monghana wa gabutši mo o ka ba motho wa go theetsela. w20.01 10-11 ¶9-11

Ka ho Baebeleng, go na le mešupetso ya go tlala ya banna le basadi ba go šupetsa gore ba na le tumelo ba gore ba yye ba neyiwwa moya wa go hlawolega; mara ne ba se na tshepo ya go phela legedimong. Dafita ke mo a yetetsa ke moya wa go hlawolega. (1 Sam. 16:13) Moya wa go hlawolega wo mo gelepiye gore a kwisise dilo tsa go kenelela ka Jehova fote wo mo yetetsiye gore a ngwale dikopa tse dingwana tsa Baebele. (Mar. 12:36) Le mo go le ka mokgonone, Petro wa lepostola o yitseri, Dafita “aa yinugela magedimong.” (Meber. 2:34) Johane wa go Kolobetsa ke mo a “tlele ka moya wa go hlawolega.” (Luk. 1:13-16) Jeso o yitseri ke mo go se na motho wa ka kgakala ga Johane mara o bolabodiye gore Johane aa badiwa ga Mmušo wa legedimong. (Mat. 11:10, 11) Jehova o berekisiye moya wage wa go hlawolega go neya banna bowa matšhika ya go maka dilo tsa go makatsa mara aa berekisa moya wone go ba kgeta gore ba ye phela legedimong. Ayitsano taba ya gore aa ba kgeta yi rela gore ke mo ba sa tshepege? Awwa. Yi fo ba yi rela gore Jehova o nyoko ba tsosa gore ba phele Pharadeyising ho lefaseng.—Joh. 5:28, 29; Meber. 24:15. w20.01 25 ¶15

Jehova o re memme gore re be ba mutši wage wa batho ba gore ba rapela yene. Bo ba leng ga mutši wowa ke batho ba gore ba tineyele ga Modimo fote ba šupetsa gore ba na le tumelo ga sehlabelo sa go lepolla so se makiyeng ke Morwayi wage. Ke rune mutši wa gore wo dula wo jabodiye. Re jabodisa ke go tšiba gore re phelela ying fote tshepo yo re nang nayo ya go phela go ya go yye legedimong kela Pharadeyising mo lefaseng yi maka gore re jabole ka matla. Jehova o makiye gore go kgonege gore re be ka mutšing wage ka taba la gore o re nyaka ka matla. (Joh. 3:16) Re “rekiwwe go tura.” (1 Makor. 6:20) Jehova o berekisiye sehlabelo sa go lepolla go maka gore go kgonege gore re be le senghana sa thina naye. Re thogo ra le Motho wa ku malenghelengheng ya dilo ka mokana ga tsona re re ke Papa. Jehova ke mong yene Papa wa go phala bo papa ka mokana ga bona. Go fo tshwana le ye mongwana ye a ngwadiyeng Baebele re ka tiputsisa gore: “Mara Jehova nka mo patela ka ying barena ga dilo ka mokana ga tsona tsa gabutši tso a mmakeleng tsona?” (Pis. 116:12) Phetolo ke gore re ka sa di kgone go patela Papa wa rune wa magedimong. Mara ka taba la gore o re nyaka ka matla, tsotsone di maka gore le rune re mo nyake ka matla. w20.02 8 ¶1-3