June

Mmane wa moporofeta Samuwele ye ba reng ke Hanna o yye a tlela ke mathatha ya magolo. Mengwaga ke mo yi fo takamela a sa kraye bana. (1 Sam. 1:2) Ka setšo sa Maisrayele ke mo go le sepoyila mo mosadi a sa belege. Sosone se mo makiye gore a tikwe a tšebiye. (Gen. 30:1, 2) Sa go maka gore seyemo sa Hanna se gakale ka matla ke gore monnage ke mo a tsere mosadi ye mongwana ye ba reng ke Penina wa gore o yye a mmelegela bana, sosone se yye sa hlupegisa Hanna. Mo dilo tso tsa go kwisa go baba di thoma go makega, ke mo di maka gore lephelo la Hanna le gakge. Ke mo a kwile go baba la go šinya “a lla fote le go ja a sa ji.” O yye a feleletsa a “sa jabole” ka ho pelong. (1 Sam. 1:7, 10) Hanna o yye a kgomoletsega byang? Hanna o yye a rapela Jehova a mo kgotolela dilo ka mokana ga tsona tso di mo hlupang. Ka nthago ga mo a rapele, o yye a hlatollela Moprista ye Mogolo ye ba reng ke Eli ditaba tsage. Byalo o yye a mmotsa gore: “Ariye, go sa be le selo sa go go maka gore o kgongwele fote nkare Modimo wa Israyele a ka go neya tso o di kgopelang.” Ditaba tsa Hanna di feleletsiye ka mokgo mang? Hanna “o yye a sepela fote a ja ke mokane sefahlego sage ke mo se sa sa kgongwele.” (1 Sam. 1:17, 18) Go rapela go gelepiye Hanna gore a boyele a kgibe. w20.02 21 ¶4-5

Go se botala, Jehova o nyoko fetsa ka lefase lo. Go nyoko phona “ba gore ba tlalele ga lephelo la go ya go yye.” (Meber. 13:48) Byalo re šele re tlwayele gore le ga mašaga ya rune re ya ma tšhomeyelela gore ma feleletse ma berekela Jehova ma na le rune. Papa wa rune wa go re nyaka ka matla Jehova, “aa nyake gore go lahlege le ka wwoši mara o nyaka gore batho ka mokana ga bona ba sokologe.” (2 Pet. 3:9) Di nyaka re sa lebale gore go na le mokgwa wa gabutši le mokgwa wa gore a wo gabutši wa go tšhomayela molayetsa wa go phonisa. Re ka fo ba re bolabola gabutši mo re tšhomayelela bo re sa ba tšibing, mara wa kraya mo re tšhomayelela mašaga ya rune re fo phašoga. Ba go tlala ba rune re ya tisola ka mokgo re yyeng ra tšhomayelela mašaga ya rune, re fo kwa nkare nke re yye ra bolabola nabo gabutši. Re sa tšhoge re lebele taba yowa Pawulo wa lepostola a yi hlayyeng, yo go bolabodiwang ka yona mo ga temanyana ya lekgono, mo re tšhomayelela mašaga ya rune. Ka taba la gore mo re ka sa make ka mokgonone, re nyoko feleletsa re ba rakele kgole ba sa sa nyaka go re theetsela. w19.08 14-15 ¶3-5

King so o se makiyeng mo o tšhuta nnete ka Morwayi? Jeso ke motho wa bobedi ye di nyakang re mo tseyela hlogong. Ke yene a re lepolliyeng. O yye a re kgwela ka go di nyaka. Mo re šupetsa ka tso re di makang gore re na le tumelo ga sehlabelo sa Jeso, re ka tshwarediwa tso re di sinnyeng, ra thomisa go nghanelana le Modimo, ra boya ra kraya lephelo la go ya go yye. (Joh. 3:16) Jeso ke Moprista wa rune ye Mogologolo. O nyaka go re gelepa gore sehlabelo se re berekele fote re thogo ba le senghana sa thina le Modimo. (Maheb. 4:15; 7:24, 25) Jehova o nyoko berekisa Jeso gore a gadimise lebitso lage, a fetse ka dilo tsa go befa a boye a make gore batho ba rufiwe ka matla ga Pharadeyisi yo yi sa ga tlang ka taba la gore ke yene Kgoši ya Mmušo wa Modimo. (Mat. 6:9, 10; Kut. 11:15) Jeso ke yene ye re ka mo yekiselang. Taba ya gore ke mo a phelela go maka tso Modimo a di nyakang ke mošupetso ga rune. (Joh. 4:34) Mo o yamogela nnete yo Baebele yi yi tšhutisang ka Jeso, o nyoko thomisa go nyaka Morwayi yene wa Modimo ka matla. Mo o mo nyaka ka matla, tsotsone di nyoko go tšhofa gore o make tso Modimo a di nyakang go fo tshwana naye. w20.03 10 ¶12-13

Jeso o rapele a sa fetse ka letšatši la mafelelo la mo a šele a nyoko kgwa. Nakwela a šupetsa malata yage gore ma tshwanele ma make byang segopotso sa likgu lage o yye a rapelela sekgwa le wayini. (1 Makor. 11:23-25) Mo a soko bane a tloga ga poleke yo ne ba makele segopotso ga yona, o yye a rapela le malata yage. (Joh. 17:1-26) Mo ba segela Thabeng ya Mohlo bošegong byone, o yye a rapela ga tleletlele. (Mat. 26:36-39, 42, 44) Mantsu ya mafelelofelelo ya Jeso a ma bolabodiyeng mo a le thina le go kgwa, gabutšibutši ke mo go le thapelo. (Luk. 23:46) Jeso o yye a botsa Jehova ka dilo ka mokana ga tsona tso di makegiyeng ka letšatši lone la mo a šele a le thina le go kgwa. Selo se sengwana so se makiyeng gore Jeso a tiyisele ga tso ne di mo ghula ke gore ne a tshepiye thapelo. Mara mapostola yage wona ma yye ma šitega go ya mahlong ma kene ma rapela ma le naye bošego ka moka. Sosone se makiye gore ba šepise nakwela go thomisa go befa. (Mat. 26:40, 41, 43, 45, 56) Le rune re nyoko dula re tshepega mo re gahlana le tsa go re phiriketsa, solanka re ka fo yekisela Jeso ga taba ya go “dula re rapela.” w19.04 9 ¶4-5

Jehova o hloyye boloyi! O butsiye Maisrayele gore: “Go sa be le ka wwoši ye a krayegang mo ga lune wa gore o fitisa morwayi kela morwediya wage mollong, wa go berekisa dikgakgare, wa go berekisa masalamose, wa gore mo a bona selo a tseye gore ke bhati, wa go loya, wa go teya ba bangwana ka sefolane, wa go bolabola le badimo kela wa go porofeta, kela wa go butsisa dilo ga bo ba kgwileng. Ka taba la gore ye a makang dilo tsone, o silikisa Jehova.” (Dot. 18:10-12) Makreste a ma sa lawola ke Molawo wola Jehova a wo neyyeng Maisrayele. Mara re ya di tšiba gore Modimo a ka sa tšhentšhi ka mokgo a tikwang ka gona ka boloyi. Jehova wa re pasopisa ga dilo tsa boloyi ka taba la gore wa di tšiba gore Sathane o berekisa tsona gore a kwaletse batho. Sathane o berekisa boloyi byone gore a gadimise matsaka yage—ya go tshwana le gore bo ba kgwileng baa phela go gongwana. (Mmo. 9:5.) Sathane o berekisa boloyi byowa gore a make batho gore ba dule ba tšhugiye le go ba maka gore ba keketlele ku kgole le Jehova. So a tikemiseleng sona ke gore batho ba tshepe boloyi ka matla ke mokane ba jikele Jehova. w19.04 21 ¶5-6

Taba yowa ya go hlorisa bananyana ke go sinya la mafelelo. Ye a hlorisang ngwana o mo kwaletsa ka matla la go sa hlayisege. O maka gore ngwanene a sa sa tshepa motho le ka go nyana, a fo dula a tikwa gore aa pasopega. Byalo bananyana ba tshwanele gore ba pasopiwe gore ba sa ba make dilo tsowa tsa go befa, fote bowa ba gore ba makiwwe dilo tsowa tsa go befa di nyaka re ba kwela go baba le go ba gelepa. (1 Mathes. 5:14) Mo motho wa gore ke Mokreste a krayega gore wa di maka tsotsone tsa go hlorisa bana o poyila phutego ka matla. (Mat. 5:16; 1 Pet. 2:12) Re ka sa di kgone go tiyisela motho wa gore aa tišupetse a nyaka go tšhentšha ga tsa go befa tso a di makang fote a boya a poyilanya lebitso la phutego. Mo motho ka phutegong a ba le molato ka go tshela molawo wa naga, go tshwana le mo a maka tsotsone tsa go hlorisa bana, gabutšibutši o maka dilo tsa gore le ba mmušo a ba kwane natso. (Tshwanisa ka Meber. 25:8.) Bagolo a yi bona bo ba tshwaneleng go bona gore molawo wa naga wa latediwa kela byang, mara a ba wutege mabošayedi ya ma makiyeng ke motho wa go hlorisa bananyana le maphomela ya gona. w19.05 9 ¶4-7

Dintshetshere tso re gahlanang natso re thogo di hlula ka taba la gore Jehova ke yene Thitšere ya rune ye Kgolo. (Jes. 30:20, 21) Lentsu lage le re neya dilo ka mokana ga tsona tso di re gelepang gore re “dule re maka dilo gabutši” fote re “yemme gabutši gore re thogo maka mmereko wo mongwana le wo mongwana wa go bafala.” (2 Thim. 3:17) Mo re phela ka tso Baebele yi di tšhutisang re nyoko hlalefa, re ka sa tshwane le batho ba go ba le “mahlalefelo ya lefase lowa.” (Pis. 119:97-100) Di kwisa go baba gore mahlalefelo ya lefase lowa ma ka tšhoga ma re wokiye. Ka dinako tse dingwana di ka re thathafela gore re ganane le mekgwa ya batho ba lefase lowa. Di ya kwagala mo Baebele yi re: “Le pasopeneng gore go sa be le ka wwoši ho ga lune, wa go le woka ka dilo tsa go fo tikhandela le dilo tsa matsaka tsa go sipidisana le ditšo tsa batho.” (Makol. 2:8) Baebele yi bolabodiye botala gore ga dinako tsa go baba tso re phelang ga tsona, batho ‘ba nyoko kwana le menate.’ (2 Thim. 3:4) Ba tlele ka matla batho bo ba tshileleng ke malwele ya go tshwana le bo-AIDS ka taba la go maka tsa maroga, tsotsone di fo šupetsa gore mahlalefelo ya lefase lowa ke bophokophoko.—2 Pet. 2:19. w19.05 21 ¶1-2; 22 ¶4-5

Sathane o yye a tshokanya Maisrayele, a maka gore ma tseye nkare mo ma ka fo yekisela ditšhaba tse dingwana, ma nyoko phomelela. Ditšhaba tsone ke mo di tshepa gore se sengwana se tshwanele se makiwe gore medimo ya tsona yi thogo maka tso ba di kgopelang, go tshwana le go nisa pula. Bo ba sa mo tshepeng gabutši ga Jehova ke mo ba tseya gore mo ba maka ka mokgonone, ke gona go nyoko makang gore nako ya kgwaakgwa yi sa nape yi lefa ka matla, byalo ke mo ba maka dilo tso di nyakang ke modimo wa matsaka ye ba reng ke Bhaali. Sathane fote o yye a maka gore ma nabele go maka tsa maroga. Ditšhaba tsone mo di rapela medimo ya tsona ya matsaka, ke mo di tšhela le tsa maroga gana hone. Ke mo di maka dilo tsone tsa maroga ya go ro tshosa, mong go ro di makela tempeleng fote bonghwahla byone ke mo bo maka ke banna le basadi. Batho ke mo ba šele ba di tlwayele go bona banna ba maka tsa maroga le banna, le basadi ba maka tsotsone le basadi, le tse dingwana tsa go tshwana le tsotsone! (Dot. 23:17, 18; 1 Mag. 14:24) Batho bowa ke mo ba tshepa gore mo ba maka tsotsone, medimonyana ya bona ya matsaka yi nyoko maka gore mobu wa naga yone wo tsife. Maisrayele ya go tlala ke mo ma tannye ke tsotsoneng tsa maroga ma boya ma rapela le medimo yone ya matsaka. w19.06 2 ¶3; 4 ¶7-8

Magageru ya go tlala ya Bethele le ya mangwana ma yye ma kraya mmereko wo mongwana wa nyuwane. Magageru yawa ya banna le ya basadi ya gore maa tshepega ma kwa di baba go šiya mmereko wo ne ma wo tlwayele ka matla. Mo nkare ke wene ye mongwana wa bona, o ka gelepa king gore o thogo hlula seyemo sowa? Gore o dule o le thina ga Jehova di nyaka o bale Baebele ka moka matšatši ke mokane o ghayele ka tso o di balang. Fote ariye mahlong o bereka ka matla ga mmereko wa go tšhomayela mo o le ga phutego ya gore a yi botala o segele ga yona. Jehova o ba gopola gabutši bo ba yyeng mahlong ba mmerekela ka go tshepega le mo gana byalo ba sa sa kgona go maka ka mokgo ne ba bereka ka gona ku botala. Phela lephelo la lula. O sa yikele dilo tsa lefase la Sathane di go maka gore o “lesetse” go berekela Jehova. (Mat. 13:22) O sa lesetse lefase lowa le banghane bago kela mašaga yago, ba go kutšetsela gore o lelekisane le ditšheleta ga lefase lowa la Sathane. (1 Joh. 2:15-17) Di tshepe tsa gore Jehova o nyoko go yetetsa mo o kene o mmerekela, a go tiyisa le go go neya tso o di nyakang “ka nako ya gona.”—Maheb. 4:16; 13:5,6. w19.08 20 ¶4; 21-22 ¶7-8

Ayitsano le wene go na le tso di go kgahleletsang? Di re jabodisa ka matla go tšiba gore Jehova o kwisisa seyemo sa rune. O di tšiba gabutši tso re ka kgonang go di maka le tso di re šitang fote o tšiba ka mokgo re naganang le ka mokgo re tikwang. (Pis. 103:14; 139:3, 4) Mo re ka fo tisamela ka Jehova mo go na le tso di re kgahleletsiyeng, o nyoko re gelepa. Mo go ka fo ba go na le tso di go kgahleletsiyeng, o ka fo tseya gore tso di go makegelang di ka sa ro fela, sosone se ka maka gore o kgongwele. Mo di ka fo go makegela, o sa lebale gore Jehova o nyoko go gelepa gore o tiyisele ga tso di go kgahleletsang. O nyoko go gelepa byang? O re wene mmotse tso di go hlupang le tsa go go kgongwetsa. O nyoko go fetola mo o mo llela gore a go gelepe. (Pis. 5:3; 1 Pet. 5:7) O sa lesetse go botsa Jehova mathatha yago. Nnete ke gore a ka sa bolabodisane nago mara o nyoko bolabola nago a berekisa Baebele le mokgahlo wage. Tso o di balang ho Baebeleng di ka go kgomoletsa fote tsa maka gore o tshepe gore dilo di nyoko tšhentšha. Le magageru ya ka ho phutegong ma ka go kgomoletsa.—Mrm. 15:4; Maheb. 10:24,25. w19.06 16 ¶7-8

Mo o hlupegisiwa, o rapele Jehova, o mo “tshollwele tsa ho pelong gago go tshwana le meetši,” ke mokane o botse Papago wa ku legedimong ka tso o kwang di go tshosanya le tsa go go šekedisa. (Dillo 2:19) Mo o ka fo ya mahlong o rapela ka mokgonone, o ko tikweng le wene gore o šutela thina ga Jehova. (Mrm 8:38, 39) Tshepa gore tso Modimo a di bolabodiyeng ka Mmušo wage di nyoko makega. (Dip. 23:19) Mo nkare tshepo yago ga tso Modimo a re tshepisang tsona ya kgwelakgwehla, Sathane le batho bage ba nyoko kgana ka wene. (Diy. 24: 10; Maheb. 2:15) Nyakolla ka dilo tso Modimo a di tshepisang gore o nyoko di maka ka Mmušo wage, le gore ke ntaba o ka tshepa o tiyisiye gore di nyoko makega. Sosone se nyoko go gelepa ka ying? Tseya ka mošupetso wa morene mongwana ke yewa ba re ke Stanley Jones wa gore ke mo ba mo tshwere 7 ya mengwaga ka taba la so a se dumelang. King so se mo gelepiyeng gore a tiyisele? O yitseri: “Tumelo yaka yi yye ya tiyelela ka taba la gore ke mo ke tšiba ka Mmušo wa Modimo le so o nyoko se makang fote ne ke sa kamake ka tsone le mong motho ne a ka sa ro mmamarolla ga Jehova.” Mo o tshepa o tiyisiye ga tso Modimo a di tshepisiyeng, o ka sa ro tšhoga selo.—Diy. 3:25, 26. w19.07 2 ¶1; 3 ¶6-7

Ke ntaba mmereko wa go maka batho malata go le taba ye kgolo? Taba ke gore ke malata ya Kreste ma ntoši ya ma ka bang banghana ba Modimo. Go tokegela gana hone, bo ba latelelang Kreste ba phela gabutši le gana byalo fote ba na le tshepo ya go phela lephelo la go ya go yye ku mahlong. (Joh. 14:6; 17:3.) Nnete ke gore Jeso o re neyye mmereko wo re tshwaneleng re wo make, mara so se šalang ke gore a re wo make re ntoši. Pawulo wa lepostola o ngwadiye ka yene le ka bo ne a le nabo gore: “Ke rune dibereki ggoši le Modimo.” (1 Makor. 3:9) A yi go jabodisa ga tsona go bona gore Jehova le Kreste ba neyye batho ba go sa yenela mmereko wowa wo mogolo! Fote mmereko wa go maka batho malata wo maka gore re jabole ka matla. Selo sa mathomo so re tshwaneleng re se make mo re maka batho malata, ke go “nyakana” le batho bo ba tlaleleng ga tsa go loka. Mo re tšhomayelela ye mongwana le ye mongwana ye re gahlanang naye, re napa re ro tišupetsa gabutši gore ke rune Dihlatse tsa Jehova. Re šupetsa gore ke rune Makreste ya mannete mo re theetsela tso Kreste a yitsereng re di make, tsa go tšhomayela. w19.07 15 ¶3-5

So se makang gore batho ba jabolele molayetsa wa Baebele ke ka taba la tsa go hlalefa tsa yona. Ku New York, mogageru ye mongwana wa mosadi wa gore o fela a vakašela batho ba go bolabola Semandarin, o re: “Ke šupetsa batho gore ke ya ba jabolela le go ba theetsela ho ke le tšhomong. Mo ke ba bona gore a yi batho ba ho ga poleke ya rune, ke na le go ba butsisa gore: ‘Yi go tshwere byang poleke yo? O fela o tshwara matogo nyana? Batho ba ho polekeng ba go tshwere byang?’” Ka nakwenngwana, mo a hlaya tsotsone di mo gelepa ka matla mo a nyaka go botsa motho ka taba ya go tšhuta Baebele. Mo mogageru yewa wa mosadi a bona seyemo se dumela, o butsisa gore: “Wene o bona nkare re ka maka byang gore re kwane le batho ba bangwana? Ke go šupetse seyema se sengwana ka ho Baebeleng? Se re: ‘Go thomisa ga ntwa go fo tshwana le go bulela mogogola mašuba; tšhaba go soko bane go befa.’ O bona nkare taba yowa yi ka re gelepa gore re kwane le batho ba bangwana?” (Diy. 17:14) Mo re bolabola le batho ka mokgonone, re ko thogo bona batho ba gore baa di nyaka go tšiba. w19.07 23 ¶13

Bo ba gore ba fetsa go yisiwa gore ba ye bereka go gongwana a ba nyake go kwediwa go baba ka matla mara ba nyaka re leketsa go kwisisa seyemo sa bona. Ba ka fo ba ba lwala kela mo ye mongwana wa lešaga a sa titsose. Ba ka fo ba ba kwisiye go baba ke mo ye mongwana wa lešaga la bona a hlokofele. Fote o kraya mo ba le ka makhukhung ba šekedisa ke gore a ba sa kgona go bolabola le banghana ba bona, bo ne ba gahlanela nabo ku ba tšwang. Di ka ba tseya nako gore ba fole le gore ba tlwayele. Mo o ka fo ya nabo tšhomong wa maka gore ba kopisele gago, sone se nyoko ba tiyisa gore ba tlwayele seyemo. Mogageru ye mongwana wa mosadi wa gore o berekiye mengwagangwaga a le mafaseng ya ka tawong o re: “Mo ne ke le mošupatsela gona, ke mo ke tšhutisa batho Baebele ka moka matšatši. Gana byalo a di sa le lula gore ke balele motho Baebele kela le mong go mo šupetsa vidiyo ho ke le tšhomong. Mara magageru ya phutego yo ne ke gahlanela ga yona, ke mo ma mpitsa gore ke ye nawo ga bo ma tšhutang nawo Baebele. Ke f’lo kwa di ntšhofa gore ke ye mahlong ke sa šepisi. Ke yye ka tšhuta le go thoma ditaba ho ke le tšhomong. Tsotsone ka mokana ga tsona di yye tsa maka gore ke jabole fote.” w19.08 22 ¶10; 24 ¶13-14

Le rune re ka hlakana le dilo tsa go maka gore re sa be le senghana sa gabutši le ba bangwana, go tshwana le Ebhodiya le Sintike, wa kraya re šele re lebelele tsa go kekema tso ba di makang. Ka mokana ga rune re ya di maka dilo tsa go kekema ka moka matšatši. Mo re ka fo dula re lebelele tsa go kekema tso ba bangwana ba di makang, re nyoko thomisa go sa sa ba nyaka tsona. Mo re beyisa, re ka fo silikisa ke mo mogageru a ka fo ba a lebele go re gelepa go yedisa Holo ya Mmušo. Mo re ka fo thomisa go balela gore magageru ma re sinyele ga kaye, re nyoko fo kwa ba re tshwatisa fote le tsa go ba nyaka di nyoko šehla. Le wene mo o ka fo tikraya o le ga seyemo sa mošaga wonone, di nyaka o gopole taba ke yowa ya gore: Jehova wa di bona tsa gore rune le magageru a ra yenela. Mara le mo re sa yenela, aa lesetse go fo ya mahlong a kene a re nyaka. Byalo, di nyaka re yekisele Jehova ka mokgo a nyakang batho ka gona, ke mokane le rune re ye mahlong re kene re lebelele mekgwa ya gabutši ga magageru. Mo re leketsa ka matla gore re nyakanane le magageru, re nyoko maka gore ngata ya rune ya go ba selo ka ssoši yi sa šehle.—Mafil. 2:1,2. w19.08 9-10 ¶7-8

Batho ba go tinyanafatsa, Jehova o ba nyaka ka matla. Bo ba gore ba tinyanafatsiye, ke bona ba ntoši ba gore ba ka ba le senghana sa thina ka matla le Modimo. Mara, “wa magetla o mo tšiba a le ku kgole.” Ka mokana ga rune re ya di nyaka go jabodisa Jehova fote re nyaka a be thina ga rune, byalo di nyaka re tšhute go tinyanafatsa. Motho wa go tinyanafatsa aa nagane gore yene ke yene fote aa na magetla. Baebele yi re botsa gore motho wa go tinyanafatsa wa di tšiba gore Jehova Modimo ke yene ye mogolo fote o kwisisa mayemo ya ba bangwana. Byalo motho wa mošaga wonone, o di kwisisa ka matla gore ba bangwana baa mo phala. (Mafil. 2:3, 4) Batho ba bangwana ba šupa nkare ba tinyanafatsiye mara go se ka mokgonone. Ba ka fo ba ba na le dihlong ka hlago. Nakwenngwana go tinyanafatsa mone go ka fo ba go maka ke gore babelegi ba bona ba ba tšhutisiye ka mokgonone. Mara ka ku tengteng ga bona, o ka kraya ba na le magetla. Mo nako yi kene yi ya, di nyoko šupetsa gore batho bone baa timakisa.—Luk. 6:45. w19.09 2 ¶1, 3

Ga “ditaba tsa go bafala tsa go bolabola ka Morena wa rune Jeso,” go na le dinnete ka mokana ga tsona tso Jeso a di tšhutisiyeng. Re šupetsa gore re theetsela ditaba tsa go bafala mo re di berekisa ho lephelong. Go theetsela moneng go rela go yetisa tsa Mmušo mahlong, melawo ya Modimo ya go loka le go tšhomayela ka Mmušo wa Modimo. (Mat. 6:33; 24:14) Fote gana hone go tokegela le taba ya go thega Makreste ya go tlotsiwa mo ma kene ma tshwaraganne ka mebereko ya wona wo mogolo. (Mat. 25:31-40) Go se botala, malata ya Modimo ya ma tlotsiwweng ma nyoko šupetsa gore ma leboga “dinku tse dingwana” mo di yye tsa tshwarisana nawo. (Joh. 10:16) Ka mokgo mang? Mo Aremaghedoni yi soko bane yi segela, ka mokana ga bona bo ba 144 000 ba nyoko ba ba šele ba tsusiwwe gore ba ye phela legedimong ba sa sa kgwa. Go nyoko ba go le ba bangwana ba masole ya ku legedimong ya gore ma nyoko psyitlanya Gogo ke mokane ba tšhireletsa “mogoba wo mogolo wa go tshwana le dinku.” (Kut. 2:26, 27; 7:9, 10) Yone go nyoko ba taba ye butši ka matla ya gore mogoba wo mogolo wo ko ba wo yi makiye ya go gelepa malata ya Jehova ya ma tlotsiwweng! w19.09 12-13 ¶16-18

Ke ntaba go maka mmereko wo Jeso a re neyyeng go yimulla? Ka taba la gore re na le ba go yetamahlong ba gabutši. Jehova ke yene wa go Yetamahlong ye Mogolo wa gore wa leboga mo batho ba makiye dilo tsa gabutši, fote aa na lešidi. O di tseyela gedimo tso di makang ke malata yage. (Maheb. 6:10) Fote o re neya matšhika ya go maka mmereko wo a re neyyeng wona. (2 Makor. 4:7; Magal. 6:5) Jeso wa gore ke yene Kgoši ya rune, o re beyisele gore re ka tshwara batho ba bangwana byang. (Joh. 13:15) Bagolo ba gore baa re pasopa ba leketsa ka matla go yekisela Jeso, yene “ye mogolo wa gona wa go disa.” (Maheb. 13:20; 1 Pet. 5:2) Ba leketsa ka matla go re tshwara gabutši, baa re tiyisa, ba šupetsa gore ba na le lešiši mo ba kene ba re yetetsa fote baa re pasopa. Fote re na le banghana ba gabutši. A ba šiyo batho ba go ba le mmereko wa go jabodisa go tshwana le wa rune fote ba boya ba nyakanana ka mokgo re makang. O fo nagana nje: Re bereka le magageru ya banna le ya basadi ya gore ma na le maphelelo ya gabutši fote a ma kakole magetla. Ma tseya ba bangwana ba le ka kgakala ga wona. Magageru yane ma re tseya go le rune batho ba go bereka nawo fote re le banghana. Ma re nyaka ka matla tsa gore le go re kgwela ma ka re kgwela! w19.09 20 ¶1; 23 ¶12-14

Ga taba yo Pawulo wa lepostola a yyeng a yi šihlela o bolabodiye ka “letšatši la Jehova.” (1 Mathes. 5:1-6) Ga lengwalo lowa, letšatši la Jehova le rela nako ya mo go hlasediwa “Bhabhilona ye Mogolo” yene mong wa dikereke tsa matsaka ke mokane gwa feleletsa ka Aremaghedoni. (Kut. 16:14, 16; 17:5) Pawulo fote o re botsa so re tshwaneleng re se make go šupetsa gore “letšatši la Jehova” re le yemele. “Re sa kobole go fo tshwana le ba bangwana” mo ba kobola. “Re dule re yitse phagaphaga” gore re sa kenakena ga tsa dipolotiki. Mo re ka fo yi lahla, re nyoko tikraya re šele re le “ba lefase lowa.” (Joh. 15:19) Re di tšiba gabutši gore Mmušo wa Modimo ke wona wo ntoši wo nyoko makang gore ho lefaseng go bebe. Re nyaka le gore le batho ba bangwana ba di tšibe. Mo motšhatšhamelo wo mogolo wo ka fo thomisa, di ka sa be lula gore batho ba thomise ka nako yonone go berekela Jehova. Byalo di gabutši ka matla gore re tšhomayele di re baba! w19.10 8 ¶3; 9 ¶5-6

Mo ba šele ba fetsiye go ngwala lengwalo lone la go phutiwa, Jeremiya ke mo a tshepiye Bharuke gore go be yene a ye botsang batho ka molayetsa wone. (Jer. 36:5, 6) Bharuke o yye a maka mmereko wone a šišimele le mo ne go le kotsi go wo maka. Di ka makega gore Jeremiya ke mo a jabodiye ka matla mo a bona Bharuke a ya tempeleng go ye botsa batho molayetsa. (Jer. 36:8-10) Mo barwayi ba kgoši ya Juda ba kwa so Bharuke a se makiyeng, ba yye ba mo kgopela gore a balele lengwalo lone gedimo! (Jer. 36:14, 15) Barwayi ba kgoši ba yye ba fetsa ka gore ba botse Kgoši Jehoyakimi tso Jeremiya a di bolabodiyeng. Kgoši Jehoyakimi mo a kwa molayetsa wo Jeremiya a wo ngwadiyeng, o yye a kwata ka matla la go šinya a tšhubanya lengwalo lone la go phutiwa, ke mokane a fetsa ka gore Jeremiya le Bharuke ba fošediwe jele. Mara Jeremiya o yye a tseya lephephe le lengwana a le neya Bharuke, gore a ngwale “mantsu ka mokana ga wona ya gore Kgoši ya Juda ye ba reng ke Jehoyakimi o yye a ma tšhubanya.”—Jer. 36:26-28,32. w19.11 3-4 ¶4-6

Jehova o kgona go ba se sengwana le se sengwana so a nyakang go ba sona gore go thogo makega so yene a se nyakang. Mo re beyisa, Jehova ke mong yona Thitšhere, wa Kgomoletsana fote ke Motšhomayedi, tsowa go fo ba tse dingwana ga dilo tsa go tlala tso a di makang. (Jes. 48:17; 2 Makor. 7:6; Magal. 3:8) Mara ga go tlala o berekisa batho gore dilo tsone di makege. (Mat. 24:14; 28:19, 20; 2 Makor. 1:3, 4) Fote Jehova a ka maka ye mongwana le ye mongwana wa rune gore a hlalefe a boya a mo neya matšhika gore go thogo makega tso yene a di nyakang. Ba bangwana ga bo ba go tšhutega ba nagana gore lebitso la Jehova le hlatolliwa ka mokgonone. Ka mokana ga rune re ya di nyaka gore Jehova a re berekise, mara ba bangwana ba ka kwa ba sa nape ba di tshepa gabutši tsa gore Jehova wa ba berekisa. Ke ntaba mara? Ka taba la gore ba bona nkare ba tsofele ka matla, ba phiriketsa ke tsa lephelo kela dilo tso ba šitegang go di maka di ba kgerela ga tso ba nyakang go di segelela. Ba bangwana ba ka fo bona di sa nyake gore ba yeketse ka mokgo ba berekelang Modimo ka gona, ke mokane sosone sa maka gore ba sa yi mahlong ba karakara. w19.10 20 ¶1-2

Dilo tsa majabajaba di ka maka gore re sa tseyele legawu la rune la tumelo gedimo. Pawulo wa lepostola o yitseri: ‘A go na lesole la gore le ka kenakena ga tsa dibhisinisi ke mokane la yamogela ke ye a le kgetiyeng gore go be lesole.’ (2 Thim. 2:4) Gabutšibutši masole ya Roma ke mo ba ma rakela gore ma bereke mebereko ye mengwana. Re tshwana le masole ya go maka dilo gabutši, a re nyake go lebatsega ga so re nyakang go se segelela, sa gore re yamogele ke Jehova le Kreste, bona bo ba re kgetiyeng gore re be masole. Re tseya go yamogela ke Jehova le Kreste go le selo se segolo go phala go lelekisana le dilo tsa lefase la Sathane. Re maka ka mokgo re ka kgonang gore re berekise nako le matšhika ya rune re berekela Jehova, gore dikobo tsa rune tsa ntwa tsa go tšwa ga Modimo di sa sinyege le gore legawu la rune la tumelo le sa sinyege. Di nyaka re dula re ntshiye mahlo dikwakweng! Ke ntaba? Pawulo wa lepostola o pasopisiye ka taba ya gore, ‘bo ba tikemiseleng go ghanya’ ba nyoko ‘keketlela ku kgole le tumelo.’—1 Thim. 6:9, 10. w19.11 17 ¶12, 14-15

Taba ya gore “go bebiye fote go tšhireletsegiye” yi nyoko makega mo “letšatši la Jehova” le soko segela. (1 Mathes. 5:1-6) Ga 1 Mathesalonika 5:2, “letšatši la Jehova” le rela “motšhatšhamelo wo mogolo.” (Kut. 7:14) Re ko di tšiba byang gore motšhatšhamelo wone wo šele wa thomisa? Baebele yi re botsa gore batho ba nyoko thomisa go tšibisa batho ka taba ye ngwana ye kgolo ka matla. Taba yone yi nyoko šupetsa gore motšhatšhamelo wo mogolo wa thomisa. Yone go ko ba go le yona tšibiso yo yi ko bang yi porofitiwwe ya gore “go bebiye fote go tšhireletsegiye.” Ayitsano baruti le bona ba nyoko tšhela letsogo ga taba yone? Di ka fo tla tsa makega. Re di tšiba gabutši tsa gore mo bowa ba go yeta mahlong ba lefase ba thomisa go bolabola taba ya gore “go bebiye fote go tšhireletsegiye,” tsone ka mokana ga tsona go nyoko ba go le matsaka ya madimona. Matsaka yawa ma nyoko fokola batho, ka taba la gore ma nyoko maka gore ba tshepe gore ba tšhireletsegiye mo motšhatšhamelo wo mogolo wa gore a sanka wa ba gona wo šele wo nyoko thomisa. Nnete ke gore “go psyitlanyiwa hone ga mo ba sa tilebele, go nyoko makega go tshwana le lešoko la mosadi wa go yima.” Byalo go nyoko makega ying ka malata ya Jehova ya go tshepega? Ma ka fo makatsa ke go bona letšatši la Jehova le fo re palakata, mara nnete ke gore ma ko ba ma na ma le yemele. w19.09 9 ¶7-8

Tšiba so o nyakang go se segelela mo o maka dipheto. Ga go tlala, mo o tšiba so o nyakang go se segelela, di ba lula go se segelela. Mo re beyisa, o ka fo ba o makiye sepheto sa gore a o nyake go lesetsa go bala Baebele. Mara mo o se na letheto lo o le latelelang, di ka makega gore o šitege go segelela sepheto sone. Bagolo ba phutego ba makiye sepheto sa gore ba nyaka go vakašela magageru ya ka ho phutegong gore ba thogo ma tiyisa, mara go feta nako ya go lefa ba soko bane ba thoma go maka so ba kwanneng ka sona. Gore ba thogo phomelela ga sepheto sa bona, ba tshwanele go tiputsisa gore: “Nje re makiye letheto la magageru ya banna le basadi ba gore ba ka tiyisa ke taba ya go ba vakašela? Nje re šele re bolabodiye gore re nyoko ba vakašela leng?” Di nyaka o tšibe tso o kgonang go di segelela. Phela aa šiyo motho wa go fo dula a na le nako, kela dilo tso a ka di berekisang go maka tso a di nyakang, kela a dula a na le matšhika ya go maka selo se sengwana le se sengwana so a se nyakang. Byalo, titšibe o boye o tšibe le tso o ka kgonang go di segelela. Mo go kgonega, di ka nyaka o tšhentšhe sepheto so o yyeng wa se segelela ka taba la gore se feta matšhika yago. w19.11 29 ¶11-12

Seporofeto sa go hlatolla lephelo la ku mahlong ho lefaseng se krayega ga Jesaya 65:21-23. Re ka sa fo dula re sa make selo, re ko ba re na le tsa go tlala tsa go di maka. Mara, Baebele yi re batho ba Modimo ba ko ba ba maka mmereko wa gabutši ka matla le wa gore wo šiya motho a jabodiye. A re kamake gore mo go fela 1 000 ya Mengwaga ya go Lawola ga Jeso “tso Modimo a di makiyeng di nyoko khutsa go ba mabhantiti ya tsa go sinya fote di nyoko ba le go lokologa ga go gadima ga bana ba Modimo.” (Mrm. 8:21) Go fo tshwana le ka mokgo Jehova ne a makiye gore Maisrayele ma be le nako ya go bereka le nako ya khutsa, go nyoko fo ba ka mokgonone le ga batho bage ka nako ya 1 000 ya Mengwaga ya go Lawola ga Kreste. Re ko ba le nako ya go maka tso tsa Modimo. Lekgono di nyaka re rapele Modimo mo re nyaka gore re dule re jabodiye fote le lefaseng la nyuwane go nyoko fo ba ka mokgonone. Batho ba go tshepega ka mokana ga bona ba ko ba ba jabodiye ka nako ya 1 000 ya Mengwaga ya go Lawola ga Kreste ka taba la gore ba ko ba ba na le mmereko wa go jabodisa fote ka mokana ga bona ba ko ba ba berekela Modimo. w19.12 12 ¶15; 13 ¶17-18

“Go tšhutisa gatleletlele” di rela “go tšhutisa le go šihlela taba, o kene o yi boyelela.” Gore babelegi ba thogo maka tsotsone, di nyaka ba dule ba na le bana ba bona. Ka dinako tse dingwana go tšhutisa bana selo ka ssoši o boyelela di ya tinwisa. Mara mo babelegi ba ka sa tinwi, tsotsone di nyoko maka gore go be lula go gelepa bana ba bona go kwisisa Lentsu la Modimo le go le berekisa. Di nyaka o tšibe bana bago gabutši. Pisalema 127 yi tshwanisa bana le mesefo. (Pis. 127:4) Dilo tso di berekisiwang go maka mesefo a di tshwane fote le ka bogolo a di lekane, le bana ba ka mokgonone, a ba tshwane. Byalo di nyaka babelegi ba tšibe ka mokgo ba tshwaneleng ba tšhutise ngwana ye mongwana le ye mongwana. Mogageru ye mongwana le mosadi wage ba ku Israel ba bolabola ka so se ba gelepiyeng go gudisa bana ba bona ka babedi gore ba thogo berekela Jehova, ba re, “Ke mo re sa tšhuti nabo Baebele ka nako ka yyoši.” Mara hlogo ya mutši wo mongwana le wo mongwana yi nyoko kgeta gore yi nyaka go tšhuta ka mokgwa wowa kela e-e. w19.12 26-27 ¶18-20

Mo go na le tso di re kgahleletsang, di re tikisa pelo wa tšiba mo re bona ba bangwana ba re gelepa! Ryan wa gore papage o hlokafele a sa nagana ka kotsi ya koloyi o re, “Go na le tsa go tlala tsa go šupa nkare o ka sa kgone go di maka mo dilo di sa go sepelele gabutši. Le mo motho a ka fo go makela selo sa go šupetsa go le se senyana ka matla mara se ka thuletsa kgole.” O sa tseyele fase selo se senyana so o ka kgonang go se makela motho ye mongwana ka taba la gore se ka mo kgomoletsa. Mareka lelata la gore le phidiye ku botala ke mo go le Mokreste wa go garagara. Mareka o yye a timakela nako ya gore a kgomoletse Pawulo wa lepostola fote sosone se makiye gore Pawulo a tikwe a lokolugiye go kgopela Mareka gore a tle a mo gelepe. Angela, wa gore o yye a kwa go baba mo ye mongwana wa lešaga lage a bolayiwwe lešidi, o lebogiye ka matla mo a bona ba bangwana ba kwa di ba tšhofa gore ba tle go mo kgomoletseng. O re, “Mo banghana ba mannete ba nyaka go gelepa, sosone se maka gore ba kenege. Mo ba gelepa, ba gelepa ka go di nyaka fote a ba kamake.” Re ka tiputsisa gore, ‘Ayitsano ke tšibega ke le motho wa go kwana le go kgomoletsana kela go gelepa magageru ka tso ma gayelang tsona? w20.01 11-12 ¶14-16

Nje di ka kgonega gore mogageru wa gore o tlotsiwwe a je selalelo Segopotsong mara “a sa tshwanela”? Eya, tsotsone o nyoko di maka mo o kraya a ja sekgwa a boya a nwa wayini mara a sa sa latelela melawo ya Jehova ya go loka mo a kene a phela. (Maheb. 6:4-6; 10:26-29) Bo ba go tlotsiwa baa di tšiba tsa gore ba tshwanele ba dule ba tshepega gore ba thogo kraya ‘patela ya go bitsiwa ku legedimong ke Modimo a berekisa Kreste Jeso.’ (Mafil. 3:13-16) Moya wa Jehova wa go hlawolega wo gelepa malata yage gore ma tinyanafatse fote ma sa be le magetla. (Maef. 4:1-3; Makol. 3:10, 12) Byalo bo ba go tlotsiwa a ba titseye gore bona ke bona. Baa di tšiba tsa gore Jehova aa ba neye moya wa go hlawolega go phala malata ya mangwana. A ba tseye gore ba kwisisa nnete ya Baebele ka matla go phala ba bangwana. Fote ba ka sa ro botsa motho ye mongwana gore o tlotsiwwe le gore byalo o tshwanele go thoma go ja selalelo Segopotsong. Mara ba di tšiba gabutši gore ke Jehova a ntoši ye a kgetang batho gore ba ye legedimong. w20.01 27-28 ¶4-5

Jehova o nyaka gore re be banghana bage re boye re bolabole naye. O re botsa gore re “sa lesetse go rapela,” ka taba la gore o dula a na le nako ya rune. (Mrm. 12:12) Aa duli a tshwaraganne kela a tinnwe gore a ka šitega go re theetsela. Mo re bala Lentsu lage Baebele le dipuku tso di re gelepang gore re yi kwisise, ke setšha re theetsela Modimo. Fote re theetsela Modimo mo re le megahlanong ya Sekreste. Mo re dula re bolabola le Jehova sosone se re gelepa gore re dule re mamarelanne naye. Jehova o nyaka gore re mo tshollwele tso di leng ka ho dipelong tsa rune mo re mo rapela. (Pis. 62:8) Re tshwanele re tiputsise gore: ‘Ayitsano merapelo yaka yi fo ba go makela moyano, go fo bolabola dilo tsa gore a ka thomisa ke nagana ka tsona kela ke merapelo ya gore yi tšwa pelong, ya gore ke thomme ke nagana ka tso ke nyoko di bolabolang mo ke rapela?’ A re kamake gore ga Jehova o mo nyaka ka matla fote o nyaka gore senghana sa lune se sa šehle. Gore o thogo maka ka mokgonone, di nyaka gore o sa lesetse go bolabola naye nako ye nngwana le ye nngwana. O sa šiyi selo mo o bolabola naye. Mmotse tso di go jabodisang le tso di go kgongwetsang. O sa kamake le ka go nyana go ya gage gore a go gelepe. w20.02 9 ¶4-5

Jehova o neyye bagolo mmereko wo mogolo wa go pasopa batho bage. Bagolo ba ka tšhuta ga Nehemiya ka mokgo a yyeng a berekisana le batho ba Jehova. Nehemiya ke mo a lawola dilo tsa go tlala ka taba la gore ne go le moyetamahlong wa Majuda. (Neh. 1:11; 2:7, 8; 5:14) O fo nagana nje ka dintshetshere tse dingwana tso ne a gahlana natso. Go na le nako ye a yyeng a kraya batho ba thilafatsiye tempele fote ba sa sa latelela Molawo wa gore ba ntshe tšheleta ya moneyelo wa go pasopa Malifi. Majuda ke mo ma sa sa latelela molawo wa Sabatha fote ba tsere basadi ba ditšhaba tsa go sa rapele Jehova. Ne di nyaka gore Nehemiya wa gore ke mo go le ndhuna, a tshwaragane le seyemo sowa sa go thathafa. (Neh. 13:4-30) Nehemiya a sanka a timaka yene ka go beyela batho ba Modimo melawo yage. O yye a rapela Jehova gore a mo yetetse ke mokane a tšhutisa batho Molawo wa Jehova. (Neh. 1:4-10; 13:1-3) Nehemiya ke mo a tinyanafatsiye ka matla mo a kene a bereka le magagabo, a boya a ro ba gelepa mo ba kene ba tsosa mapharo ya Jerusalema.—Neh. 4:15. w19.09 16 ¶9-10