July

Re ka šekedisa ke mo ba bangwana ba re hlaba ka mantsu kela ba re maka lešidi. Di ro baba ka matla mo o kraya gore ye a go makang tsotsone ke monghanago kela lešaga lago. Gore re sa šekele ka matla, re ka tšhuta tsa go tlala ga mošupetso wo wa ka Baebeleng wa Hanna, wa gore ke mo a hlupegisiwa ke mogaditsong wage. (1 Sam. 1:12) Go fo tshwana le Hanna, le rune re ka tseya nako re bolabola le Jehova ka tso di re šekedisang le dilo tso di makang gore re tšhoge. A di nyake gore re be digele tsa go rapela le gore re lategetse mantsu ya rune ka letheto. Ka dinako tse dingwana, di ka makega gore re lle mo re botsa Jehova ka tso di re kgahleletsiyeng. Le mo go le ka mokgonone, Jehova a ka sa tinwisi ke go re theetsela. Go tokegela ga taba ya go botsa Jehova mathatha ya rune, re sa lebale mantsu ya ma leng mo ga Mafilipi 4:6, 7. Pawulo wa lepostola o yi beyye lekgwaying taba ya gore re leboge Jehova mo re rapela. Re na le dilo tsa go tlala tso di ka re tšhofang gore re leboge Jehova—tsa go tshwana le taba ya gore o re neyye lephelo, dilo tsa gabutši tso a di makiyeng, gore o re nyaka tsa mannete le gore o re tshepisiye dilo tsa gabutši ku mahlong. w20.02 21 ¶3; 22 ¶6

Go bolabola ke selo so Jehova a re neyyeng sona. (Ek. 4:10, 11; Kut. 4:11) O berekisa Lentsu lage go re gelepa gore re kwisise ka mokgo re tshwaneleng go berekisa so a re neyyeng sona. Di nyaka gore re dule re ramele mo go thulega lešuba la gore re bolabole ka Jehova le ka Mmušo wage. (Mat. 24:14; Mrm 10:14) Mo re maka ka mokgonone, re ko ba re yekisela Jeso. Se sengwana so se makiyeng Jeso gore a tle ho lefaseng ke mo go le gore a botse ba bangwana nnete ka Papage. (Joh. 18:37) Mara di nyaka re sa lebale gore selo se sengwana so re tshwaneleng re se tseyele hlogong, ke mokgwa wo re bolabolang ka wona. Byalo mo re bolabola le ba bangwana ka Jehova, di nyaka re make ka mokgonone re “bebiye fote re šupetsa gore re hlompa ka matla,” re boya re šupetsa gore re hlupega ka matla ka taba ya ka mokgo ba tikwang ka tso ba di dumelang. (1 Pet. 3:15) Sosone se nyoko maka gore re sa fo bolabola le motho nje, mara re mo tšhutise re boye re tikise pelo yage. Bagolo a di nyake ba jikajika mo ba bona gore mogageru wa monna kela wa mosadi o hloka go yeletsiwa. Nnete ke gore ba ko hlawola nako ya gabutši gore ba bolabole naye gore ba sa kraye ba maka gore a feleletse a tšeba. w20.03 18-19 ¶2-4

Re ka rapelela ying? Re ka rapela Jehova gore a “re yeketsele tumelo.” (Luk. 17:5; Joh. 14:1) Di nyaka re be le tumelo ka taba la gore Sathane o nyoko hlupa batho ka mokana ga bona ba gore ba latelela Jeso. (Luk. 22:31) Byalo anthe tumelo yowa yi nyoko re gelepa byang? Tumelo yowa ke yona yi nyoko re tšhofang gore re lesetse Jehova a berekane le dilo ka mokana ga tsona tso di re ghulang, mo o kraya gore re leketsiye ka mokgo re kgonang go lwa natso. Re ba le go beba ka ho teng fote re kwa re kgibiye ka taba la gore re ya di tshepa tsa gore a ka lukisa dilo go re phala. (1 Pet. 5:6, 7) Re gelepa ke go rapela gore re dule re bebiye le mo re gahlana le tsa go re ghula. Lebelela tso di makegeleng Robert wa gore o na le gana hala ga bo 80 ya mengwaga, wa gore ke mogolo wa go tshepega. O re: “Tso di bolabolang ke Mafilipi 4:6, 7 di nthušiye ka matla ho nkene ke gahlana le tso di mphiriketsang tsa lephelo. Ke mo ke na le mathatha ya tšheleta. Tsa go ba mogolo le tsona di yye tsa fo tšwa di yemme.” King so se gelepiyeng Robert gore a dule a bebiye? O re: “Mo ke thomisa go šekela, ke ya rapela. Mo ke dula ke rapela thina le thina fote di mpaba, ke gona mo ke kwang ke bebiye.” w19.04 9-10 ¶5-7

Go hlorisa ngwana ke go sinyela Modimo. Mo motho a sinyela motho ye mongwana ke setšha a sinyela Jehova. Nagana ka Molawo wo Modimo a wo neyyeng Maisrayele. Ke mo wo re mo motho a maka motho ye mongwana botsotsi kela go mo hlalefetsa, “aa tshepegele Jehova.” (Lef. 6:2-4) Nnete ke gore mo motho ka phutegong a hlorisa ngwana o maka gore ngwanene a tikwe a sa tšhireletsega—fote tsotsone a di makang ke go sa tshepege ga Modimo. Motho yene o poyila lebitso la Jehova. Ka taba lone, re tshwanele re di tšibe gore taba yowa ya go hlorisa bana ka tsa maroga ke go sinyela Modimo ka matla. Dihlogotaba tso di leng ga Sewokamelo le Awake! di hlatolliye gore bo ba yyeng ba hlorisiwa ka tsa maroga ba ka phela byang ka mabadi ya mošaga wonone, tsa bolabola le ka mokgo ba bangwana ba ka ba gelepang, le gore babelegi ba ka pasopa bana ba bona ka mokgo mang. Bagolo ba yye ba tšhutisiwa di kwala, gore ba ka berekana byang le taba ya go hlorisiwa ga bana ba berekisa Baebele. Mokgahlo wo sa fo ya mahlong wo nyakolla taba yowa ya go maka molato wa go hlorisa bana. w19.05 9 ¶8-9

Lentsu la Modimo le tshwana le thipa ya go lokotšiwa ka matla ya gore yi ka šinya yi kgona go sega ke mokane ya tlosa matsaka ka mokana ga wona ya Sathane a ma bolabolang. (Maef. 6:17) Mo re beyisa, Lentsu la Modimo le yi beya lekgwaying taba yowa ya gore a di kgonege gore batho ba go kgwa ba ka bolabola le bo ba phelang. (Pis. 146:4) Fote yi re botsa gore ke Jehova a ntoši ye a tšibang tsa ka motshwana. (Jes. 45:1; 46:10) Mo re bala Lentsu la Modimo re boya re ghayela ka lona ka moka matšatši, re nyoko lokotšega, ra gana matsaka ka mokana ga wona ya madimona ma nyakang re ma dumela. Byalo, gana go maka se sengwana le se sengwana so se sipidisanang le madimona. Ke rune Makreste ya nnete, byalo a re kene felo ga dilo tsa madimona. Mo re beyisa, rune a re make tsa gore ba ye re phekoleng kela go butsisa badimo. A re kenakene ga dilo tso di makiwang ka setšo tsa mo go na le likgu, tsa go šupa nkare bakgu baa phela kayekaye. Fote a re berekisi dinanedi kela baporofeta gore re thogo tšiba tsa ka motshwana. Re di tšiba gabutši gore tsa mošaga wonone di kotsi ka matla fote di ka maka gore re nghanelane le Sathane le madimona. w19.04 21-22 ¶8-9

Batho ba gore ba kwana le mahlalefelo ya lefase lowa ba kwera so Baebele yi se bolabolang ka melawo ya go titshwara, ba re a yi kwagale. Batho ba mošaga wonone ba ka fo tiputsisa gore, ‘Anthe byalo Modimo ke ntaba a makiye gore monna a nabele go yetsela le mosadi le mosadi a nabele go yetsela le monna, mara mo a fetsa a bolabola gore ba titshware?’ Ba butsisa putsiso yone ka taba la gore bona ba tseya gore mo motho a kwa a nyaka go maka selo, o tshwanele a fo se maka. Mara Baebele yona a yi reyano. Yona yi re tšhutisa gore di nyaka re lwe le mekgwa yone ya go befa. (Makol. 3:5) Go tokegela gana mone, Jehova o makiye gore monna le mosadi ba tseyanane gore le mo ba yetsela ba le ka babedi, ba sa sinyi. (1 Makor. 7:8, 9) Ka mokgo Baebele yi beyang taba yowa ya go yetsela ga monna le mosadi a yi tshwane le ka mokgo lefase le yi beyang ka gona. Yona ya dumela gore monna le mosadi baa jabola mo ba yetsela ba le ka babedi. (Diy. 5:18, 19) Baebele yi re: “Ye mongwana le ye mongwana ho ga lune di nyaka a tšibe go lawola mmele wage gore wo dule wo hlawolegiye fote wo hlompega, a sa be le dipawu, a sa nabele go yetsela ga monna le mosadi.”—1 Mathes. 4:4, 5. w19.05 22-23 ¶7-9

Modimo a ka sa lesetse ba ditšhaba gore ba fetse ka batho bage. Batho ba Modimo ba jabodisa ke go bolabola ka lebitso lage fote ba yye ba mo theetsela mo a re ba tšwe mone Bhabhilona ye Mogolo. (Meber. 15:16, 17; Kut. 18:4) Fote ba karakariye ka matla gore ba gelepe ba bangwana gore le bona ba tšwe mone gage. Byalo malata ya Jehova ma ka sa ‘tlele ke tsa go baba tso di nyoko tlelang Bhabhilona ye Mogolo.’ Mara, tumelo ya bona ba sa nyoko yi šiginya. (Hezek. 38:2, 8) Mo go šele go fediye ka mekgahlo ka mokana ga yona ya dikereke tsa matsaka, batho ba Modimo ba nyoko yema ba sa thogathoge go fo tshwana le sehlare sa go phona sedingwane se segolo. Nnete Sathane o nyoko fufulela ka matla. Go šupetsa gore o kwatiye, o nyoko bolabola “dilo tso di butšwelediwweng tsa go sa yela” tsa madimona—tso di nyoko makang gore ditšhaba di kutulugele malata ya Jehova. (Kut. 16:13, 14) Mogoba wone wa ditšhaba tsa go timaka ngata ka yyoši ba re ke “Gogo wa naga ya Magogo.” Mo ditšhaba tsone di kgobeketsana gore di lwe le malata ya Jehova, ke gona mo ntwa yela ya Aremaghedoni yi nyoko go thomisa.—Kut. 16:16. w19.09 11 ¶12-13

Nakwela ya ku botala ya Maisrayele, Sathane o yye a berekisa sedumedi sa matsaka gore se make dilo tso a di nyakang tsa go silikisa. Le lekgono o sa fo maka ka mokgonone. Bodumedi bya matsaka a bo re selo le mo batho ba gona ba maka dilo tsa go silikisa. Sone se makiye gore batho bo ba tipotsang gore ba berekela Modimo ba feleletse ba maka dilo tsa gore a di sipidisane le melawo yage. Pawulo wa lepostola o hlatolliye gabutši ga borifi byo a bo ngwaleleng Maroma gore dilo tsone ka mokana ga tsona di makiye gore batho go feleletse go le ba mošaga mang. (Mrm. 1:28-31) Ga “dilo [tsone] tsa go tšwa pateng” go kena mehlobo ka mokana ga yona ya dilo tsa maroga, tsa go tshwana le mo monna a maka tsa maroga le monna kela mosadi a maka tsa maroga le mosadi. (Mrm. 1:24-27, 32; Kut. 2:20) Di nyaka re tseyele hlogong dilo ka mokana ga tsona tso Baebele yi di tšhutisang. Dilo tsa go tikhandela tso batho ba di tšhutisang a di sipidisane le ka go nyana le melawo ya Jehova ya go loka. A di šupetse di na le diyengwa tsa moya wa Modimo, mara di šupetsa “mebereko ya nama.” (Magal. 5:19-23) Di kutšetsela batho gore ba be le magetla le go tipona, fote sosone se maka gore batho ba feleletse ‘ba tinyaka ka matla.’ (2 Thim. 3:2-4) Mekgwa yowa yi šiyana kgole le go temeka le go tinyanafatsa ga gore batho ba Modimo ba tshwanele ba be nago.—2 Sam. 22:28. w19.06 5-6 ¶12-14

Eliya o yye a berekela Jehova le mo go kene go bifiye fote a kene a ghulana le tsa go tlala tsa go baba. Nakwela Jehova a botsa Eliya gore a neye Eliša mmereko wo mongwana wo ne a wo maka, ke mo a mo gelepiye ka matla, ka taba la gore Eliša ke mo go le motho wa gabutši ye ne a nyoko gelepa Eliya. Le rune di gabutši ka matla mo re ka fo kraya monghana ye re ka bolabolang naye, ka taba la gore o nyoko re gelepa gore re šikare tso di makang gore re tikwe re kgongwele. (2 Mag. 2:2) Mo o ka fo kwa nkare aa šiyo ye o ka mo hlayiselang tso di go hlupang, rapela Jehova o mo kgopela gore a go gelepe o kraye Mokreste wa gore o butšwiye gore a go tiyise. Jehova o gelepiye Eliya gore a ye mahlong a lwa le tso ne di mo šekedisa, ka thoko a kene a mmerekela ka go tshepega ka mengwagangwaga. Tso di makegeleng Eliya di re tiyisa ka matla. Re ka fo hlakana le tsa go re kgahleletsa tsa go maka gore re lwale le go maka gore re sa jabole. Mara mo re tisamela ka Jehova, o nyoko re neya matšhika ya go mmerekela re sa tekateke.—Jes. 40:28, 29. w19.06 15 ¶4; 16 ¶9-10

Mo re tšhomayela ditaba tsa go bafala tsa Mmušo wa Modimo, re nyoko šišimala. Ke ntaba re reyano? Ka taba la gore go tšhomayela go maka gore re tshepe Jehova fote re sa tšhabe batho. Mmele wa tiyelela mo motho a jima, byalo le lešiši le nyoko tiyelela mo re tšhomayela mutši ka mutši, mo go tleleng batho, re tšhomayela re sa tikemisela le mo re le ditolo. Mo re ka fo titlwayetsa gana byalo gore re be le lešiši mo re tšhomayela, re nyoko tla re šišimala le mo go segela nako ya gore ba mmušo ba thomise go re rakela. (1 Mathes. 2:1, 2) Re ka tšhuta tsa go tlala ga mogageru yewa wa mosadi wa go tshepega, wa gore o yye a šupetsa gore o na le lešiši la go sa hlayisege. Nancy wa ga Yuen ke mo go le ye mokopana, mara ke mo go se leghwala. O yye a gana go lesetsa go tšhomayela ditaba tsa go bafala tsa Mmušo wa Modimo. Ka taba lolone, o yye a tshwariwa a yisiwa jele 20 ya mongwaga ku China. Maphodisa ya ne ma mmutsisa diputsiso ma re mogageru yewa wa mosadi ke mo go le “motho wa go woma hlogo” mone nageng ya bona! w19.07 5 ¶13-14

Ba bangwana ba nabela stereka gore ba tšhute nnete ya Baebele mara ba go tlala mo re sa thomisa o ka fo bona nkare a di ba hlupe. Di ka fo nyaka gore rune re ba šiginye. Mo re nyaka go phomelela mo re tšhomayela, di nyaka re tšibe ditaba tsa rune. Kgeta taba yo yi ka jabodisang batho bo o gahlanang nabo. Ke mokane o tšibe gore o nyoko beya ditaba tsago byang. Mo re beyisa, o ka fo butsisa mong wa mutši gore: “O ka re king ka taba yowa? Lekgono batho ka mokana ga bona ho lefaseng ba na le mathatha. O nagana gore memmušo ya lefase lowa yi nyoko di kgona tsa go lukisa mathatha ya batho?” Ke mokane o ka bolabola naye ka Daniyele 2:44. Kela o ka fo re: “O bona nkare king so se ka gelepang gore babelegi ba gudise bana ba go tseya gabutši? Ke fo nyaka go kwa gore o yi bona byang taba yo.” Ke mokane o ka bolabola naye ka Dotoronoma 6:6, 7. Nnete ke gore re jabola ka matla mo re bona gore go na le bo re ba gelepiyeng gore go be malata ya Kreste. w19.07 15 ¶4, 6-7

Mogageru wa go tšwa Bohlabela bya Asia wa gore ke botala a tšhomayelela batho ba gore a ba kene kereke, o re: “Ga go tlala ho ga poleke yowa, mo o ka kwa motho a re, ‘a ke tshepe gore Modimo o gona,’ o ra gore aa rapele dilo tso di rapelang ke batho ba go tlala ga poleke yone. Ke ya dumela gore ga go tlala medimonyana yowa yi makiye ke batho fote ke ya matsaka. Ke na le go bala Jeremiya 16:20 ke mokane ka butsisa gore: ‘Re ka mo tšiba byang modimo wa mannete, fote ye a makiyeng ke batho yene re ka mo tšiba byang?’ Ke mo theetsela gabutši ke mokane ka mmalela Jesaya 41:23, ya gore: ‘Re botseneng tso di nyoko makegang ku mahlong, gore re thogo tšiba gore ke lune medimo.’ Ke mokane ke mo šupetsa selo so se šupetsang gore Jehova o hlayye botala dilo tso di sa ga tlang.” Mogageru ye mongwana o re: “Ga go tlala ke ba šupetsa tso Baebele yi di bolabolang tsa go hlalifisa, tso yi porofitiyeng ka tsona tsa gore di ya makega, le melawo ya go lawola hlago. Ke mokane ke ba šupetsa gore go na le ye a di makiyeng wa go hlalefa. Mo ke bona gore motho o thomisa go dumela gore Modimo o gona, ke mo šupetsa so Baebele yi se bolabolang ka Jehova.” w19.07 23-24 ¶14-15

Ga dilo tso di tshwaneleng go yeta mahlong, go na le go gadimisa lebitso la Jehova, tso a nyakang go di makela batho ku mahlong, go beba le go ba selo ka ssoši ka ho phutegong. (Mat. 6:9, 10; Joh. 13:35) Mo lephelo la rune le tlalele ga dilo tsowa, re šupetsa gore ga Jehova re mo nyaka ka matla. Fote Pawulo wa lepostola o yitseri a di nyake “re ba le selabi.” Sone a se rele gore re tshwanele re felegelele. Jehova o nyoko re bona re se na selabi mo re ka fo leketsa ka matla gore re nyakanane le go yetisa dilo tsa gabutši mahlong. Se sengwana so re ka šupetsang ka sona gore re ya nyakanana ke gore re sa tšhoge re makiye gore ba bangwana ba tobele Jehova. Taba ya gore re sa tšhoge re makiye ba bangwana gore ba tobe ke ye kgolo ka matla. Re ka tubisa ye mongwana byang? Ba bangwana ba ka tubisa ke tso re kgetang go tijabodisa ka tsona, dikobo tso re di yaparang kela mmereko wo re wo berekang. Tso re di makang di ka fo ba di sa tšwa pateng. Mara mo o ka kraya gore tso o di makang a di tshware ba bangwana gabutši, go nyoko ba taba ye kgolo.—Mat. 18:6. w19.08 10 ¶9-11

Go tlugisela ka 1935, Dihlatse tsa Jehova ke mo di kwisisa gore mogoba wo mogolo wo Johane a wo bonneng mmonong, ke mo go le Makreste ya go tshepega ya gore ma na le tshepo ya go tl’le phela ho lefaseng go ya go yye. (Kut. 7:9, 10) Gore mogoba wone wo mogolo wo phone motšhatšhamelo wo mogolo wo tshwanele wo tšhute ka dilo tso Jehova a di nyakang, mo go soko bane go segela 1 000 ya mengwaga ya go lawola ga Jeso. Ba tshwanele ba šupetse gore ba na le tumelo ya go tiya gore ba thogo “phomelela go phona dilo ka mokana ga tsona tso di tshwaneleng go makega” go soko bane go thomisa 1 000 ya mengwaga ya go lawola ga Kreste. (Luk. 21:34-36) Bo ba mogoba wo mogolo ba jabola ka matla mo ba nagana ka tso ba di yemeleng ku mahlong. Baa di tšiba tsa gore Jehova ke yene ye a kgetang gore mang o ye phela kaye, legedimong kela lefaseng. Bowa ba go tlotsiwa le ba mogoba wo mogolo ba di kwisisa gabutši tsa gore patela ya bona ba nyoko yi kraya ka taba la mo Jehova a ro ba kwela ka go ba lepolla ka sehlabelo sa Jeso Kreste.—Mrm 3:24. w19.09 28 ¶10; 29 ¶12-13

Ayitsano ba go yisiye gore o ye bereka go gongwana? O ka sa šitege go phomelela ga mmereko wago wa nyuwane. O sa tseye gore mo seyemo se tšhentšha di rela gore go šitegiye wene. Dula o nagana ka tso Jehova a go gelepang ka tsona tsa gana byalo, ke mokane o ye mahlong ka tšhomo. Yekisela Makreste ya go tshepega ya dinako tsa mapostoIa. Ke mo ‘ma dula ma tšhomayela ditaba tsa go bafala tsa Lentsu la Modimo,’ go gongwana le go gongwana mo ne ma le gona. (Meber. 8:1,4) Mo o karakara ka matla mo o tšhomayela, o nyoko phomelela. Mo re beyisa, mašupatsela ya mangwana ya ba yyeng ba ma raka ga naga ye nngwana, ma yye ma rurela ga poleke ye nngwana ya thina ya mmolabolo wa bona, ya gore le ga yona ke mo go gayela Dihlatse. A gwa fela dikgwedi tsa go tlala, gwa thomisa go ba le mogoba wa bo ne ba gahlana gore o tle wo tšhute Baebele wo le ka moka. Di nyaka re dula re jabodisa ke Jehova. Byalo dula o le thina ga Jehova, o lesetse yene a go make gore o hlalefe, a go yetetse a boye a go thege. O sa lebale gore mo o šinya o nyaka mmereko wowa, nka taba la gore o di nyaka ka matla go gelepa batho ba bangwana. Karakara ka matla gore o bereke stereka ga mmereko wago wa nyuwane fote o bone ka mokgo Jehova a nyoko go gelepang.—Mmo. 7:10. w19.08 24-25 ¶15-16

Di nyaka re theetsele Jehova ka taba la gore ke yene ye a re makiyeng. Taba yone ke yona yi makang gore go be yene a bolabolang gore re tshwanele re make ying fote re sa make ying. (Kut. 4:11) Se sengwana so se makang gore re mo theetsele ke gore aa šiyo wa go lawola go tshwana naye. Batho go tlugisela ku nthago ke botala ba kene ba lawola ba bangwana. Mo re tseya Jehova re mmeya le batho bone, re thogo di bona gabutši gore Jehova o hlalefiye ka matla, wa re nyaka, o kwelana bošuwana fote ka mokgo a lawolang ka gona di šupetsa gore o kwelana go baba. (Ek. 34:6; Mrm. 16:27; 1 Joh. 4:8) Re šupetsa gore re theetsela Jehova mo re maka se sengwana le sengwana so a reng re se make fote ka thoko re kene re lesetsa go maka tsa go tšiba ke rune. (Diy. 3:5) Mo re tšiba mekgwa ya Jehova ya gabutši, di ba lula gore re mo theetsele. Ke ntaba mara? Taba ke gore mekgwa yowa yage ke yona yi makang gore a make dilo ka mokgo a di makang. (Pis. 145:9) Mo re ya mahlong re tšhuta ka Jehova, sosone se nyoko maka gore re nape re ro mo nyaka ka matla. Mo ga Jehova re mo nyaka ka matla, a di nyake gore re be le letheto la melawo ya go re botsa gore re make ying kela re sa make ying. w19.09 14 ¶1, 3

Sathane o kgahleletsa batho ka morwalo wa gore mo ba ka fo rwesa yene, o nyoko tshetsha nawo. Mo re beyisa, o nyaka gore re dumele gore Jehova a ka sa tsoge a re tshwarele fote aa re nyake. A yi letsaka a yi letsaka, la go šiya batho ba šala ba kgongwele! (Joh. 8:44) Mo ‘re ya’ ga Kreste, re tshwarediwa melato ya rune. (Mat. 11:28) Nnete ke gore Jehova o re nyaka ka matla. (Mrm. 8:32, 38, 39) Morwalo wo Jeso a re neyyeng gore re wo rwale a wo tshwane le ye mengwana. Mo re fo beyisa, ba go tlala mo ba tšwa mmerekong ba boya ba tinnwe fote ba sa jabola. Mara rune mo re makiye tso di jabodisang Jehova le Jeso, re fo kwa dipelo tsowa di yitseri tswee. Ka nako ye nngwana, o ka fo kraya re tinnwe mara re tigoga gore re ye megahlanong ka malobana. Mara ga go tlala mo re boya mone megahlanong, re ba re jabodiye fote re na le matšato. Se sengwana sa go re jabodisa ke mo re leketsa ka matla go tšhomayela le mo re titšhutisa Baebele re ntoši. Sosone se nyoko re yimulla ra tikwa re tiyelele! w19.09 20 ¶1; 23-24 ¶15-16

Le mo go šele nako ye nyana ya gore “letšatši” la Jehova le segele, Jehova o nyaka gore re sa lesetse mmereko wa rune wa go tšhomayela. Re nyaka go tipona ‘re na le tsa go tlala tso re di makelang Morena.’ (1 Makor. 15:58). Mo Jeso a bolabola ka dilo ka mokana ga tsona tso di nyoko tlang di makega ga dinako tsa mafelelo, o yye a tokegela ka gore: ‘Ga ditšhaba ka mokana ga tsona, di nyaka go thomisiwe ka go tšhomayela ditaba tsa go bafala.’ (Mar. 13:4, 8, 10; Mat. 24:14) O fo nagana nje, gore mo o kene o sa lesetse go ya tšhomong, le wene o maka gore seporofeto sa Baebele se makege! Mongwaga wo mongwana le wo mongwana di šupetsa gabutši gore mmereko wa go tšhomayela wo ya mahlong. Mo re beyisa, nagana ka mokgo batšhomayedi ba Mmušo ba yeketsegang ka gona lefaseng ka mokana ga lona, ka dinako tso tsa mafelelo. Ka 1914, ke mo go na le 5 155 ya batšhomayedi ga 43 ya dinaga. Re bolabola re yitsa, go na le 8.5 ya dimiliyoni tsa batšhomayedi ga 240 ya dinaga! Le mo go le ka mokgonone, mmereko wa rune a wo soko fela. Di nyaka re ye mahlong re kene re botsa batho gore Mmušo wa Modimo ke wona wo ntoši wo nyoko tlang wo fetsa ka tso di hlupang batho ho lefaseng.—Pis. 145:11-13. w19.10 8 ¶3; 9-10 ¶7-8

Jehova o yye a berekisa Barazilayi gore a gelepe Kgoši Dafita. Dafita le batho bo ne a le nabo ke mo ba ‘kwa tlala fote ba tinnwe ba biye ba wonngwe meetši’ nakwela ba tšhabelela morwayi wa Dafita ye ba reng ke Abhesalomo. Barazilayi, wa gore ka nako yonone ke mo go šele go le mokgalabye, o yye a fo re a ka mpa a kgwa, ke mokane a tloga le batho ba bangwana gore ba ye ba gelepe Dafita le batho bo ne a le nabo. Barazilayi ke mo a sa tseye nkare Jehova a ka sa sa mmerekisa ka taba la gore o šele a tsofele. Mara o yye a berekisa so a ka se kgonang gore a gelepe malata ya Modimo ya ne ma gayela se sengwana. (2 Sam. 17:27-29) Re tšhuta ying gana howa? Re tšhuta gore le mo re na re tsofele, o ka kraya Jehova a berekisa rune gore re kwale go gongwana ga dilo tsa gore magageru ka ho phutegong ma gayela ga tsona, go ka fo ba go le mo re dulang gona kela mafaseng ya mangwana. (Diy. 3:27, 28; 19:17) Mo nkare rune beng re ka sa di kgone go ba makela dilo, re ka ntsha tšheleta ya go neyela ga mmereko wa lefase ka mokana ga lona gore tšheleta yone yi ba gelepe ga tso ba di nyakang mo go ka fo nyarela se sengwana.—2 Makor. 8:14, 15. w19.10 21 ¶6

Ka dinako tse dingwana re ka kwa di roba go botsa ye mongwana ka mokgo re tikwang, ka taba la gore re yye ra kwisiwa go baba botala. (Diy. 18:19) Kela re ka bona nkare a re na nako ya go maka senghane sa mannete. Mara a di nyake re nagana gore re ka sa di kgone. Mo re nyaka gore magageru ma sa re lahle mo re tlela ke tsa go re ghula, di nyaka re thomise gana byalo go tshepa magageru ka go felegelela. Mo re ka maka tsotsone, re ko thogo ba le senghananghana. (1 Pet. 1:22) Jeso ke mo a bolabola le banghana bage a lukulugiye, tsotsone ke mo di šupetsa gore wa ba tshepa. (Joh. 15:15) Re ka mo yekisela ka go bolabola nabo ka tso di re jabodisiyeng, ka tso di re kokonang kela tso di re kgongwetsang. Mo ye mongwana a bolabola nago, o mo theetsele gabutši, mo o ka maka tsotsone o ko thogo di bona gore le nagana go tshwana, le tikwa go tshwana fote tso le nyakang go di segelela di ka fo ba di tshwana. Mo go ka fo ba wene ye o thomang go bolabola le ba bangwana o lukulugiye, sosone se nyoko maka gore senghana sa lune se hlohlotele.—Diy. 27:9. w19.11 4 ¶8-9

Ga dinako tsa motšhatšhamelo wo mogolo, molayetsa wo re wo tšhomayelang wo ka fo tšhentšha. Gana byalo, re tšhomayela ditaba tsa go bafala tsa Mmušo fote re leketsa ka matla go maka batho malata. Byalo ka nako yonone re ko ba re tšhomayela molayetsa wa go sa keketlele, wa go teya go baba nkare ke sefako. (Kut. 16:21) Re nyoko tšhomayela gore go se botala, go nyoko fela ka lefase la Sathane. Mo goya goya, re ko di tšibeng gore re nyoko tšhomayela re re king le gore re ka di maka byang gore molayetsa wowa wo segele bathong. Ayitsano re ko maka mmereko wowa ka mokgo ne re wo maka ka gona kela re nyoko berekisa mekgwa ye mengwana? Aritši. A gona taba gore re tšhomayela ka mokgo mang, mara so se šalang ke gore molayetsa wa Jehova wa go yahlula, re nyoko wo tšhomayela re sa hlagasedisi ke selo! (Hezek. 2:3-5) Molayetsa wa rune wo ka šuhlašuhla ditšhaba, ke mokane tsa leketsa go re kwala melomo gore re sa sa tšhomayela le ka letšatši ka lloši. Gana byalo re nyaka gore Jehova a re gelepe mo re le tšhomong, le ku mahlong re ka sa lesetse go nyaka gore a re gelepe mo re tšhomayela. A re kamake gore Modimo o nyoko re neya matšhika gore re thogo maka tso yene a di nyakang.—Mmik. 3:8. w19.10 16 ¶8-9

Taba yo ya ‘go keketlela’ yi rela gore re ka fukula ke go nyakana le dilo tsa gore gabutšibutši a re di hloke. Re ka thomisa go lelekisana le dilo tsa ‘go tlala tsa go sa re selo le go nabela dilo tsa gore di ka re kwaletsa.’ (1 Thim. 6:9) Di nyaka re sa lebale gore Sathane wa di bona mo re na le dipelo, byalo o berekisa go nabela mo ga rune gore a sinyanye tumelo ya rune. Di ka makega gore re na le sekwetše sa go ka reka dilo tsa go tlala tsa majabajaba. Ayitsano re ko ba re ya ka matla, mo re fo reka se sengwana le se sengwana so re kwang re nyaka go se reka, mara re sa se hloke? Aritši. Mara nagana ka diputsiso ke tsowa: Le mo re ka fo ba re kgona go reka selo, ayitsano re nyoko kraya nako ya go se berekisa le go se pasopa? Nje re ka thomisa go kwana ka matla le dilo tsone tsa rune? Go nyaka dilo tsa majabajaba ka matla go ka maka byang gore re tshwane le mosogana yela wa go gana mo Jeso a mmitsa gore a tle a yeketse mmereko wage wa go berekela Modimo? (Mar. 10:17-22) Di gabutši ka matla gore re phele lephelo la lula fote re berekise nako le matšhika ya rune gabutši gore re thogo maka tso Modimo a di nyakang! w19.11 17-18 ¶15-16

Modimo a ka go neya ‘matšhika ya gore o thogo maka se sengwana,’ le gore o thogo segelela sepheto. (Mafil. 2:13) Byalo, rapelela matšhika gore o thogo maka se sengwana. Kgopela Jehova gore a go neye moya wage wa go hlawolega gore wo go neye matšhika. O sa lesetse go rapela le mo o bona nkare phetolo ya thapelo yago ya diyega. Jeso o yitseri: “Ariyeneng mahlong le kgopela [moya wa go hlawolega], le nyoko neyiwa.” (Luk. 11:9, 13) Maka letheto la dilo tso o nyakang go di segelela. Gore o thogo fetsa so o se thommeng, di nyaka o make se sengwana. Byalo, di nyaka gore o garagare. Mo o maka sepheto, ngwala dilo ka mokana ga tsona tso o nyoko di makang gore o thogo se segelela. Mo o nyaka go maka mmereko wo mogolo, di gabutši gore o wo make ka dingatha gore o thogo bona gore se o tla kaye ka mmereko wago. Pawulo wa lepostola o yye a hlohletsela Makorente gore ma beye meneyelo ka thoko “ka letšatši la mathomo la beke ye nngwana le ye nngwana,” ma sa fo thoma go hlekeletsa meneyelo mo yene a šele a segele. (1 Makor. 16:2) Go maka dilo tse dikgolo ka dikopakopa go gelepa gore o sa bone nkare o ka sa kgone go fetsa so o se thommeng. w19.11 29 ¶13-14

Re ka fo re motho wa mo tšiba ga Jehova mo a tšiba lebitso lage, tso a di hlayyeng le tso a di makiyeng. Mara mo nkare re nyaka go mo tšiba gabutši, di nyaka re make tse dingwana fote. Di nyaka re timakele nako ya go tšhuta ka Jehova le ka mekgwa yage ya go bafala. Re ko thogo kwisisa gabutši dilo tso a di hlayang le tso a di makang. Re ko kwisiseng le gore o tikwa byang ka tso re di naganang le tso re di makang. Mo re tšhutiye tso Jehova a nyakang re di maka, go nyaka re di make. Ba bangwana ba ka re poyila mo re re re nyaka go berekela Jehova, fote ba ka re hlopegisa ka matla mo re thomisa go ya megahlanong. Mara mo re ka tshepela ga Jehova, a ka sa tsoge a re lahliye. Re ko ba re maka senghana le Modimo sa gore se ka sa tsoge se šehliye. Nje di ya kgonega gore ga Jehova re nape re mo tšiba gabutši? Eya! w19.12 16-17 ¶3-4

Ka dinako tse dingwana babelegi ba ka kwa di roba go gudisa bana, mara nnete ke gore bana ke phahlo ya go tšwa ga Jehova. O dula a tikemisele go gelepa. O theetsela merapelo ya babelegi ka go di nyaka. O fetola merapelo yone a berekisa Baebele, dikgatiso tsa rune, mešupetso le mayele ya babelegi ba gore ba butšwiye ka ho phutegong. Ba bangwana ba re di tseya 20 ya mengwaga go gudisa bana, mara nnete ke gore mo le le babelegi, le ko fo dula le le babelegi. Dilo tsa gabutši tso ba ka di neyang bana ba bona ke go ba nyaka ka matla, go ba le bona le go ba yetetsa ka Baebele. Bana bowa mo o kene o ba tšhutisa, ba ka sa kwisisi dilo go tshwana. Mara nnete ke gore ba go tlala ba gore ba gudisiye ke babelegi ba gore ga Jehova ba mo nyaka ka matla, ba tikwa go tshwana le mogageru wa mosadi ye ba reng ke Joanna Mae wa ku Asia mo a re: “Ke jabodisiye ke ka mokgo babelegi baka ba n’yetetsiyeng le go ntšhutisa gore ga Jehova ke mo nyake ka matla. A ba fo mpelegela mahala, mara ba makiye gore ke be le lephelo la go tseya gabutši.” (Diy. 23:24, 25) Makreste ya gore ma teya ka ku ga dimiliyoni le wona ma ka tikwa ka mokgonone. w19.12 27 ¶21-22

Di lula ka matla go kraya magageru ya gore ma nyaka go kgomoletsiwa. Di nyaka re garagare gore re make se sengwana le mo re tikwa re tšhaba. Mo re beyisa, re ka kwa re tshosa ke go sa tšibi gore re ka re king kela ke go sa tšibi gore re ka gelepa byang motho wa gore o gahlanne le seyemo sa go baba. Mo nkare re hlupega ka matla ka batho ba bangwana, nnete re ka sa šitege go ba kgomoletsa. Mo re kene re bakiye mafelelong ya lefase lowa, tso di makegang mo lefaseng di nyoko fetelela ka go befa fote lephelo le nyoko thathafa ka matla. (2 Thim. 3:13) Mathatha ya re tileyelang wona ka taba la go sa felegelela ga rune, ma maka gore re dule re nyaka go kgomoletsiwa. Pawulo wa lepostola o yye a kgona go tiyisela ka go tshepega go segela a kgwa, ka taba la gore Makreste ya mangwana ma yye ma mo kgomoletsa. Mo le rune re ka yekisela Makreste yane, re ka di kgona go gelepa magageru gore ma dule ma tiyye tumelong.—1 Mathes. 3:2, 3. w20.01 12-13 ¶17-19

Bo ba go tlotsiwa a baa yemela gore batho ba bangwana ba ba tshware nkare ke makata. (Mafil. 2:2, 3) Baa di tšiba tsa gore mo Jehova a ba kgeta, aa maka gore taba yone yi tšibe ke batho ba bangwana. Byalo ye a tlotsiwweng a ka sa makatse ke mo ba bangwana ba sa yakgoswe ba tshepa taba ya gore nnete o tlotsiwwe. O kwisisa gore Baebele yi re botsa gore re sa fo yakgoswela go tshepa motho wa go fo re Modimo o mo neyye mmereko wa go hlawolega. Mokreste wa gore o tlotsiwwe aa fo tipitsela mahlo ya batho ka go fo tsama a botsa bo a gahlanang nabo la mathomo gore yene o tlotsiwwe. Fote a ka sa titeye sekguba ka taba yone. (1 Makor. 4:7, 8) Bo ba Makreste ya go tlotsiwa a tsame ba nyakana le ba bangwana ba go tlotsiwa gore ba thogo bolabodisana ka taba ya bona ya go tlotsiwa kela go nyaka go thoma go tšhuta Baebele go le bona ba ntoši. (Magal. 1:15-17) Mo bo ba go tlotsiwa ba ka fo maka tsotsone, phutego yi nyoko yahlogana. Ba ko ba ba sa berekisane le moya wa go hlawolega, wa gore wo gelepa batho ba Modimo gore ba dule ba bebiye fote go le selo ka ssoši.—Mrm. 16:17, 18. w20.01 28 ¶6-7

Mo nako yi kene yi ya, ka nako ya motšhatšhamelo wo mogolo, batho ba gore go fediye ka dikereke tsa bona ba ka fo kwa ba silikisa ke Dihlatse tsa Jehova, ka taba la gore di ko ba di kene di ya mahlong di rapela Modimo. O fo nagana nje gore go nyoko tupa lerole la mošaga mang, ba ko šinya ba bolabola ka tsona le ga inthanete. Re nyoko hloya ke ditšhaba le ye a di lawolang ye ba reng ke Sathane, ka taba la gore ke rune re sa ga šeleng re rapela Modimo. Di ra gore ba ko ba ba sa phomelela ga taba ya gore go fele ka sedumedi se sengwana le se sengwana ho lefaseng. Byalo, ba ko ba ba re gorolele mahlo. Ka nako yonone, ditšhaba di nyoko maka mmereko wa Gogo wa Magogo. Ba nyoko timaka ngata ka yyoši gore ba thogo hlasela batho ba Jehova. (Hezek. 38:2, 14-16) Re ka thomisa go hlagasela ka taba la gore a re tšibi ditaba ka mokana ga tsona, ga tso di nyoko makegang ga motšhatšhamelo wo mogolo. Mara so re se tšibang ke gore: A di nyake re tshosa ke motšhatšhamelo wo mogolo. Ka taba la gore Jehova o nyoko re botsa so re tshwaneleng re se make gore re phone.—Pis. 34:19. w19.10 16-17 ¶10-11

A re fo tikwa re le batho ba go leboga nje; mara re šupetsa ka tso re di bolabolang le ka tso re di makang gore ga Jehova re ya mo leboga. Tsotsone di re maka gore re sa tshwane le batho ba go tlala lekgono. Re phela ga lefase la gore batho ba gona a ba leboge dilo ka mokana ga tsona tso Modimo a ba makeleng tsona. Gabutšibutši, se sengwana so se šupetsang gore re phela ga “dinako tsa mafelelo” ke gore batho a ba leboge. (2 Thim. 3:1, 2) A di nyake re tshwana nabo! Jehova o nyaka gore bana bage ka mokana ga bona ba dule ba kwana. Gabutšibutši, ka mokgo re nyakananang ka gona di fo šupetsa gabutši gore ke rune Makreste ya mannete. (Joh. 13:35) Re yema le tso mopisalema a di ngwadiyeng mo a re: “Di gabutši fote a yi go natefa ga tsona, mo bana ba motho ba duli ggoši ba kwana!” (Pis. 133:1) Mo magageru re ma nyaka ka matla, re šupetsa Jehova gore re ya resa mo re re re ya mo nyaka, a re timakisi. (1 Joh. 4:20) Di jabodisa ka matla wa tšiba go ba le magageru ya go ba le ‘dipelo tse dibutši fote ma kwelana go baba’!—Maef. 4:32. w20.02 9 ¶6-7

Tso ne di šekedisa Hanna a di ya napa di ro tloga ka nako yonone. Ke mo a tshwanele a boyele ga mutši wonola yene le Penina ba dulang ga wona. Fote Baebele a yi re botse gore Penina o yye a tšhentšha mekgwa yage kela e-e. Byalo, di ka makega gore Hanna o yye a ya mahlong a kene a tiyisele mantsu ya Penina ya go hlaba. Mara Hanna o yye a sa sa dula ka pelo ya go baba. Ka nthago ga gore Hanna a kgotolele Jehova tso di mo hlupang, o yye a sa sa hlupega. O yye a lesetsa Jehova gore a mo kgomoletse fote a make gore a kgibe. Ye lune, phela mo nako yi kene yi ya Jehova o yye a rufa Hanna ke mokane a ba le bana! (1 Sam. 1:2, 6, 7, 17-20) Re ka gotetsa go beba ga rune le mo so se re šekedisang se sa tloge. Mathatha ya mangwana ma ka fo re mamarela le mo re ka fo rapela re sa fetse fote re sa lofe megahlanong. Mara tso di makegeleng Hanna di re tšhutisa gore Jehova a ka sa ro šitega go maka gore dipelo tsa rune di kgibe. Le ka letšatši ka lloši Jehova a ka sa ro re lebala fote mo re ka sa lahle tewu, o nyoko re rufa la go sa hlayisege.—Maheb. 11:6. w20.02 22 ¶9-10

Bagolo ba dula ba nyaka go bolabola le batho ba bangwana ka ditšhiko tsa Baebele tso di ka ba gelepang gore ba thogo maka dilo gabutši. Ke ntaba di le gabutši ka matla gore re sa tšhabe go bolabola mo re tshwanele re bolabole? Tla re bolaboleneng ka mošupetso wa Eli: Moprista ye Mogolo ye ba reng ke Eli ke mo a na le barwayi ka babedi ba gore ke mo a ba nyaka ka matla. Mara barwayi bone ke mo ba sa hlompe Jehova. Ke mo ba maka mmereko wa go hlawolega go le maprista ku tebarenakeleng. Mara ne ba berekisa matšhika ya bona bošayedi, ba sa hlompe le ka gonyana dihlabelo tso ke mo di yisiwa ga Jehova ka ho thoko ba kene ba maka bonghwahla. (1 Sam. 2:12-17, 22) Go ya ka Molawo wa Moše, barwayi ba Eli ke mo ba tshwanele ba kgwe, mara Eli wa go sa rakele dilo tsa mošaga wonone gore di makege, o yye a fo ba kgala ka gonyana ke mokane a ba lesetsa gore ba ye mahlong ba kene ba bereka ku tebarenakeleng. (Dot. 21:18-21) Jehova o yye a tikwa byang ka Eli ka mokgo a yyeng a bereka taba yowa ka gona? O yitseri ga Moprista Eli: “Ke ntaba o fo ya mahlong o hlompa barwayi bago go phala nna?” Ke mokane Jehova o yye a fetsa ka gore o nyoko fetsa ka barwayi bone ba Eli ba gore ke mo ba maka dilo tsa go befa.—1 Sam. 2:29, 34. w20.03 19 ¶4-5