December

Mo nkare re šitega go lawola tso re di bolabolang, re ka tikraya re sinnye ka matla. Mo re beyisa, mo o gahlana le mogageru wa gore o tšwa ga naga ya gore mmereko wa go tšhomayela ba wo rakele, ayitsano o kwa o nabela go mmutsisa ditaba tsa gore ba makamaka byang gore mmereko wa go tšhomayela wo ye mahlong? Nnete ke gore a o butsisi ka taba la gore o nyaka go ba kwisa go baba. Magageru re ma nyaka ka matla fote re hlupega ka matla ka dilo tso di ma makegelang. Fote mo re ma rapelela di nyaka di kwagale gore re rapelela wona. Mara, yone ke nako yo re tshwaneleng re sa bolabole selo. Mo re ka fo gatelela ye a tšibang ditaba tsa gore ke sephiri gore a re botse tsona, tsotsone di ko ba di šupetsa gore ga mogageru yene le magageru ya mangwana ka mokana ga wona a re na taba nawo fote re ko ba re sinyanya taba ya gore ba bangwana ba yye ba mmotsa ditaba tso ba tseyang gore a ka sa tsoge a di butsiye motho. Nnete ke gore a go na ye a nyakang go yeketsa mathatha ya magageru ya gore ma dula ga dipoleke tsa gore mmereko wa rune wa go tšhomayela ba wo rakele. Byalo, a go na mogageru ye a leng ga naga ya gore mmereko wa rune wo rakediwwe wa gore o nyaka go fo botsanya batho gore Dihlatse tsa Jehova di makamaka byang gore di thogo tšhomayela le gore di tshwara megahlano ya tsona byang. w20.03 21 ¶11-12

Modimo ke mo a sa nyake gore batho ba kgwe. Gore Adamo le Efa ba thogo phela go ya go yye ke mo di nyaka ba theetsele molawo ka wwoši wa go sa hlupe wo Jehova a ba butsiyeng wona wa gore: “Ga sehlare sela sa go tšiba tsa go bafala le tsa go befa, o sa tikisi selo le ka go nyana, ka taba la gore tšatši lo o jang hone ga sona, o nyoko kgwa.” (Gen. 2:16, 17) Ke mokane Sathane a kena ditabeng. O yye a bolabola a berekisa noga, ke mokane a bolabola mantsu ya ma leng ga temanyana ya lekgono ga Efa. Sa go babisa pelo ke gore Efa le yene o yye a tshepa matsaka yane ke mokane a ja seyengwa sone. Ka nthago gwa tla monnage, le yene a kgema a phuretsela. (Gen. 3:6) Ka mokgonone, gwa napa go kena senyama le likgu bathong. (Mrm. 5:12) Modimo o yye a re Adamo le Efa ba nyoko kgwa, sosone se yye sa fo ba ka mokgonone. Mara Sathane a sanka a lesetsa go bolabola matsaka ka likgu. Mo go-ya go-ya, o yye a thomisa go tla ka matsaka ya mangwana. Matsaka ya mangwana ke ya gore mo motho a kgwa go kgwa nama, ke mokane go na le so se šalang se phela polekeng ya moya. Go tlugisela botala go segela le lekgono lowa, matsaka yane ma sa na ma fokola batho.—1 Thim. 4:1. w19.04 14-15 ¶3-4

Bananyana a baa gola la gore ba ka kgona go nagana gabutši, go kwisisa dilo, kela go bona mo go nyarela sa go befa ke mokane ba tšhaba. Di fo ba lula gore batho ba go hlorisana ba woke bana. Batho bone ba go hlorisa bana ba tšhutisa bana matsaka ya go tshosa, ya gore ngwanene ke yene a makiyeng gore a šinye a mo maka tsa maroga, ya gore taba yowa ya go hlorisiwa yi sa tšibi ke motho, ya gore a go na ye a nyoko mo theetselang le mo a ka fo re wa tl’laga, kela ya gore taba yone a mo makiyeng yona ke ya go šupetsa gore o mo nyaka ka matla. Matsaka yane ma ka sinya monagano wa ngwana fote di nyoko tseya mengwaga gore ngwanene a thogo bona gore ne ba mmotsa matsaka. Ngwanene o nyoko gola a titseya nkare o hlagele, o thilafele, fote a go na wa gore a ka mo nyaka kela go mo kwela. Go fo ba nnete gore mo motho a yye a hlorisiwa, o nyoko phela a na le lebadi lone. Re phela dinakong tsa mafelelo, tsa gore batho ba gona “a ba sa le natso tsa go nyakanana ga hlago” le gore “batho ba go maka dilo tsa go befa le ba go wutetsa so ba leng sona ba fo yeketsega.”—2 Thim. 3:1-5, 13. w19.05 15 ¶7-8

Jeso o tšhutisiye byang? Sa mathomo, o tšhutisiye batho ka tso ne a di bolabola. Mantsu yage ke mo ma phela ka taba la gore ma ngangarele nnete ka Modimo, ma tšhutisa ka lephelo le ka Mmušo wa Modimo, gore ke wona wo nyoko lukisang dilo ka mokana ga tsona tso di hlupang batho. (Luka 24:19) Mokgwa wa Jeso wa go maka dilo ke mo wo tšhutisa. Ka mokgo yene mong ne a phela ka gona, malata yage ke mo ma thogo tšhuta gore di nyaka ma phile byang. (Joh. 13:15) Jeso o tšhutisiye leng? O tšhutisiye nakwela a le ho lefaseng a tšhomayela. (Mat. 4:23) Fote o tšhutisiye malata yage nakwela a sa tšwa go tsusiwa. Mo re beyisa, o yye a nyarela ga malata yage ya go teya ka ku ga 500 ke mokane a ma botsa gore ma ‘make batho malata.’ (Mat. 28:19, 20; 1 Makor. 15:6) Ka gore Jeso ke yene hlogo ya phutego, o yye mahlong a kene a yetetsa malata yage le nakwela a šele a boyele legedimong. Mo re beyisa, gana hala ga 96 C.E., Kreste o yye a botsa Johane wa lepostola gore a tiyise le go yetetsa Makreste ya go hlawolega.—Makol. 1:18; Kut. 1:1. w19.05 3 ¶4-5

Di ya roba matšatši yawa go kraya sa go phela ka sona. Magageru ya go tlala ma bereka diawara tsa go tlala gore ma thogo krayela mitši ya wona sela le sela. Ba go tlala ba berekela kgole, ba sepela diawara tsa go tlala mo ba sa ya le ho ba boya mmerekong. Ba bangwana ba bereka mmereko wa go baba gore ba tipasope. Mo letšatši le dikela, go ba go tiniwwe ka matla! Ka taba lone, ba go tlala ba thathafela ke go kraya nako ya go titšhutisa. Taba ke gore di nyaka re kraye nako ya go tšhuta Lentsu la Modimo le dipuku tsa mokgahlo. Taba yone ke yona yi makang gore re be le senghana sa gabutši le Jehova fote re kraye lephelo la go ya go yye! (1 Thim. 4:15) Ba bangwana ba tsoga go sa le ka phu gore ba tšhute, mo monagano wa bona wo sa le gabutši. Ba bangwana ba tšhuta Baebele ka malobana ba boya ba ghayela ka tso ba di tšhutiyeng. w19.05 26 ¶1-2

Gore motho a tšhentšhe, a di fo makega ka mohlolo kela ka bošego ka bbyoši. Di ka nyaka gore ‘re lwe ka matla,’ fote di tseya mengwaga. (2 Pet. 1:5) Di nyaka re karakare ka matla gore re tšhentšhe so re leng sona ka ho teng-teng. Go rapela ke selo se segolo sa mathomo. Di nyaka re rapele go fo tshwana le mopisalema mo a re: “Nneye pelo ya go yela, barena Modimo, fote o nneye moya wa go yela, moya wa go tiyelela.” (Pis. 51:10) Re tshwanele re yamogele gore nnete menagano yo ya rune yi nyaka go tšhentšha, ke mokane re kgopele Jehova gore a re gelepe. Selo sa bobedi so re ka ga se makang ke go ghayela. Mo re kene re tšhuta Lentsu la Modimo re sa le wokole, di nyaka re boye re ghayele ka tso re di balang, re nagane ka matla ka tsona, gore re thogo tšiba mo re tshwaneleng re lukise gona. (Pis. 119:59; Maheb. 4:12; Jak. 1:25) Di nyaka re bone gore dilo tso re di naganang le tso re di makang a di kutšetsele ke dilo tsa go tikhandela tso di tšhutisang ke lefase lo. Re tshwanele re tšibe gore re tekateka mo go tla kaye, ke mokane re leketse ka matla gore re tiyise gana mone. w19.06 8 ¶1; 10 ¶10; 12 ¶11-12

Kgeta nako yo o nyoko thomang go maka tso o fetsiyeng le pelo yago gore o nyaka go di maka, fote o sa tšhentšhi. O sa yemele nako ya gabutši gore o make tso o di naganneng, ka taba la gore di ka fo makega gore nako yone yi sa tle. (Mmo. 11:4) O pasope gore o sa fokole ke dilo tsa go sa re selo, wa kraya di go jela nako le matšhika ya o ma nyakang gore o thogo ma berekisa ga dilo tso di tshwaneleng go yeta mahlong. (Mafil. 1:10) Kgeta go berekisa nako ya mo go se na dilo tso di ka go šitisang. Botsa ba bangwana gore ba sa go šitisi. Tima fowunu yago fote o sa bale di e-mail, o ko di bona mo o fetsiye. Maphomela ya sepheto sago ma tshwana le mo o ya ga go ya. Mo o nyaka go segela mo o yang, le mo o ka kraya ba kwadiye pata, o ko nyaka ye nngwana gore o thogo segela. Di fo tshwana le mo tabeng ya go maka dipheto, mo re dula re naganne ka maphomela ya dipheto tsa rune, re ka sa fo ngala mo re gahlana le tsa go re ghula.—Magal. 6:9. w19.11 30 ¶17-18

King so se tshwaneleng go go tšhofa gore o segelele sepheto sa go nyaka go kolobetsiwa? Mo o kene o tšhuta Baebele, o tšhutiye tsa go tlala ka Jehova, ka mokgo a leng ka gona le ka mokgo a makang dilo ka gona. Tso o di tšhutiyeng ka yene di go tikisiye pelo fote di makiye gore o mo nyake la go sa hlayisege. Go mo nyaka ka matla ga Jehova ke selo se segolo so se tshwaneleng go go maka gore o segelele sepheto sa go nyaka go kolobetsiwa. Se sengwana so se makiyeng gore o segelele sepheto sa go nyaka go kolobetsiwa, ke go dumela ga tso nnete ya Baebele yi di tšhutisang. Lebelela so Jeso a se bolabodiyeng ga taba ya go maka batho malata. (Mat. 28:19, 20) Gabutšibutši Jeso ke mo a re batho ba kolobetsiwe “ka lebitso la Papa, la Morwayi le la moya wa go hlawolega.” Tsotsone ke mo di ra gore king? O tshwanele o tshepe nnete yo Baebele yi yi bolabolang ka Jehova; ka Morwayi wage, Jeso, le ka moya wa go hlawolega. Nnete yowa yi na le matšhika fote yi ka go tikisa ka ku tengteng ga pelo. w20.03 9 ¶8-9

Jehova o yye a romela mangeloyi gore ma bolabole le Llota ma boye ma mo gelepe gore a yakgoswe a tšhaba go soko segela kotsi hone Sodoma. (Gen. 19:12-14, 17) Le rune mo re bona nkare mogageru o swa kobo, di nyaka re yakgoswe re mmotsa. Le mo a šupa nkare wa nanankela mo a berekisa tso Baebele yi di tšhutisang, di nyaka re lefisa pelo. Di nyaka re tshwane le mangeloyi yala ka mabedi. Re sa mo ngalele, ra re o ko fo šala a tikwela mo a swa nama, mara di nyaka re bone se sengwana so re ka ga se makang gore re thogo mo gelepa. (1 Joh. 3:18) Mo re maka ka mokgonone go ko fo tshwana le nkare re mo tshwara ka letsogo, ke mokane re mo gelepa gore a berekise dilo tsa gabutši tso a butsiwang tsona. Hala Jehova go le ye mongwana, ke mo a nyoko dula a ramele Llota, a nyaka go bona gore o sinya kaye. Mara aa di maka ka mokgonone, o yye a maka gore Petro wa lepostola a hlaye gore Llota ke monna wa go loka. (Pis. 130:3) Ayitsano ka mokgo Jehova ne a tseya Llota re ka sa mo yekisele? Mo re ka fo lebelela dilo tsa gabutši tso di makang ke magageru, re nyoko di kgona go ma lefisela pelo. Sosone se nyoko maka gore ba yamogele mo re ba gelepa. w19.06 21 ¶6-7

Ka nakwenngwana mo ba mmušo ba thomisa go rakela taba ya go rapela Jehova ga poleke yo o dulang ga yona, o ka thomisa go tiputsisa gore nje di nyaka ke rurele ga poleke ye nngwana ya gore nka thogo berekela Jehova ke sa phiriketse ke selo. Sone sepheto ke sago, aa šiyo ye a ka go makelang sona. Ba bangwana ba ka fo thomisa ka go bala ka tso Makreste ya ku botala ma yyeng ma di maka mo ma hlorisiwa. Malata ya ku Jerusalema ma yye ma palakana le Judiya le Samariya, ke mokane ba bangwana ba sobelela Funikiya, Tsipero le Antiyokiya. (Mat. 10:23; Meber. 8:1; 11:19) Mara, ka nthago ga go hlorisiwa mo ne go le gona ka dinako tsa mapostola, Pawulo a sanka a tloga ga dipoleke tsa gore ke mo ba rakela mmereko wa go tšhomayela. (Meber. 14:19-23) Re tšhuta ying ga dilo tsowa ka mokana ga tsona tso di makegiyeng? Hlogo ya mutši ke yona yi tshwaneleng go segelela sepheto sa gore baa rura kela e-e. Mo a soko bane a segelela sepheto sone, di nyaka a rapele a boye a nagane ka mutši wage gore di nyoko ba tshwara byang mo ba ka fo rura. A di nyake re yahlula ba bangwana ka sepheto so ba se segeleleng. w19.07 10 ¶8-9

Jeso o yitseri “ariyeneng . . . le ye maka batho ba ditšhaba ka moka malata.” (Mat. 28:19) Mo re kene re tšhutisa motho ka tso Jeso a di nyakang ga malata yage, di nyaka re mo gelepe a tšibe gore tso a di tšhutang a ka di berekisa byang mo lephelong lage. Fote re mo gelepe mo a kene a leketsa go berekisa ditšhiko tsa Baebele. Di lola gore ba bangwana ba bona ba tšhentšhe mara ga ba bangwana di tseya nako. Mogageru ye mongwana wa gore ke morumiwa wa ku Peru o yye a di bona gore go lefisa pelo di gabutši ka matla. Morumiwa yene mo a hlayisa o re: “Ke tšhutiye dipuku ka dipedi le morene mongwana ye ba reng ke Raúl. Mara go sa fo ba le dintshetshere tso a gahlanang natso. Tsa lenyalo lage ke mo di sa make tsona, tso di tšwang ka ho ganong ke mo di sa yela fote le bana bage ke mo ba sa mo hlompe ka taba la maphelelo yage. Mara yene ke mo a tla mogahlanong a sa tshidisi, byalo ke yye ka fo ya mahlong ke mo vakašela gore ke mo gelepe le ba mutši wage. Ka nthago ga mengwaga ka meraro ke tšhuta naye, o yye a feleletsa a kolobetsiwwe.” w19.07 15 ¶3; 19 ¶15-17

Bona ka mokgo Pawulo wa lepostola a yyeng a karakara ka gona mo a ngwalela Mafilipi. Ke mo a tshwariwwe ntlong hala Roma, ba sa dumele gore a tšwe. Tsotsone di makiye gore a sa kgone go tšhomayela ka mokgo a nyakang. Mara o yye a ya mahlong a tšhomayelela bo ba mo vakašelang le go ngwalela diphutego tsa kgole marifi. Pawulo ke mo a di tšiba tsa gore o tshwanele a garagare go tshwana le Kreste. O tshwanisiye lephelo la Sekreste le motabogo. (1 Makorente 9:24-27) Mo motho a taboga, o dula a naganne ka go segela mafelelong, aa tsame a kene a nabelanya dilo tsa ka ho mathoko tsa gore di ka mo phiriketsa. Mo re beyisa, bo ba go taboga ditoropong ba ka phiriketsa ke dilo tso ba di bonang ho ditolo ke mokane dilo tsone tsa thomisa go ba woka. Nje o bona nkare motho ye a tabogang a ka yaroga a ye lebelela dilo tso ba di rekisang hala mafastereng? Tsone a ka sa di make mo nkare o nyaka go segela mafelelong! Le rune di nyaka re sa yikele dilo di re phiriketsa mowa ga motabogo wa rune wa lephelo. Mo le rune re ka fo tshwana le Pawulo, ra dula re naganne ka so re nyakang go se segelela go tshwana le go berekela Jehova ka matšato, re nyoko kraya patela! w19.08 3 ¶4; 4 ¶7

Mo re šele re segelele sepheto sa gore re nyaka go berekela Modimo, mašaga ya rune ma ka thathafalela ke go yamogela so re se dumelang le ka mokgo re phelang ka gona. Ga go tlala, dilo tso ba thomisang go bona ka tsona gore a re sa le nabo ga dilo tsa bona ke mo re sa sa ba nabo ga menyanya yo ba yi makang ya sedumedi re boya re sa sa kenakena ga dilo tsa dipolotiki. Tsone di ka maka gore ba re kwatele. (Mat. 10:35, 36) Mara a di nyake re nagana gore ba ka sa tsoge ba tšhentšhiye. Mo re ka fo lesetsa go ba gelepa gore ba kwisise so re se dumelang, gabutšibutši go ko ba go le setšha re ba yahludiye, gore a baa tshwanela ke lephelo la go ya go yye. Jehova a sanka a re neya mmereko wa go yahlula batho, o wo neyye Jeso. (Joh. 5: 22) Mo re ka fo ba lefisela pelo, di ka makega gore ka gonyana ka gonyana mašaga ya rune ma tikwe ma nyaka go theetsela molayetsa wa rune. Di nyaka re pasope gore re sa kwaletse ba bangwana fote mo go nyarela tsa go nyaka gore re tiyisele, re sa tekateki. (1 Makor. 4: 12b) Di ka fo tseya nako gore mašaga ya rune ma kwisise gore mo re rapela Jehova a ra tshwara tsa go kgana. w19.08 17 ¶10, 13; 18 ¶14

Nje a wo fele o gopola ntshetshere yo o fitiyeng ga yona, ke mokane wa bolabola gore: “Ke di tšiba gabutši gore ka bo nna mong, nke ke sa kgona go yi hlula.” Ba go tlala ba rune re fitiye gana hone. Di ka makega gore o yye wa bolabola ka mokgonone ka nthago ga go bona ka mokgo o yyeng wa kgona go tiyisela, nakwela o lwala ka matla kela o kgwele ke motho ye o mo nyakang ka matla. Mo o nagana ka ntshetshere yone, le wene wa tikwa gore o yi hludiye ka taba la gore moya wa Jehova wa go hlawolega, wo go neyye “matšhika ya gore ma ka kgakala ga ya re ma tlwayeleng.” (2 Makor. 4:7-9) Re tshepiye moya wa go hlawolega gore re sa fokole ke lefase lowa la go sa loka. (1 Joh. 5:19) Go tokegela gana hone, re nyaka matšhika ya go lwa le “madimona.” (Maef. 6:12) Moya wa Jehova wa go hlawolega wo re neya matšhika kela wa re tiyisa gore re thogo maka mmereko wa rune le mo re hlakana le tsa go re ghula. Pawulo wa lepostola ke mo a di tšiba tsa gore o kgonne go ya mahlong a kene a berekela Jehova le go fetsa mmereko wo ne ba mo neyye wona ka taba la gore ke mo a tikokotlele “ka matšhika ya Kreste.” —2 Makor. 12:9. w19.11 8 ¶1-3

Baebele yi na le ditaba tso di bolabodiyeng ke batho ba gore ga Jeso ba mmonne. Tšhuta go kwana ka matla le Jeso ke mokane o nyoko fo ya o mo nyaka ka matla ga Jehova. Ke ntaba? Ka taba la gore Jeso o di rwele ka moka tsa Papage. Byalo, mo o kene o ya mahlong o tšhuta ka Jeso, sosone se nyoko maka gore ga Jehova o mo tseyele gedimo ka matla. Nagana ka mokgo Jeso ne a kwela bo ne ba tseyediwa fase ke batho ba bangwana ka taba la mohlupego, go lwala fote ba lelemela. Nagana le ka mokgo a go yetetsang fote le ka mokgo lephelo lago le bang ka gona mo o mo theetsela. (Mat. 5:1-11; 7:24-27) Mo re nagana ka sehlabelo so Jeso a re makeleng sona gore re thogo tshwarediwa tso re di sinnyeng, sosone se napa se maka gore ga Jeso re mo nyake ka matla. (Mat. 20:28) Mo o ka fo kwisisa taba ya gore Jeso o go kgwele ka go di nyaka, di nyoko go tšhofa gore o tisole fote o nyake gore Jehova a go tshwarele. (Meber. 3:19, 20; 1 Joh. 1:9) Fote mo ga Jeso le Jehova o ba nyaka ka matla, o nyoko fo kwa o nyaka go ba thina le ba bangwana ba gore le bona ba tikwa ka mokgonone. w20.03 5-6 ¶10-12

Mogageru wa monna a ka thomisa go nagana gore ke yene a ntoši ye a tshwaneleng go bereka mmereko wo mongwana ka ho phutegong. Kela mogageru wa mosadi a ka bolabola mantsu ya go tshwana le gore, ‘Monnaka ke mo a nyoko maka mmereko wone gabutši go phala mokete!’ Mara mo re tinyanafatsiye, re ka sa be le mokgwa wa mošaga wonone wa go tipona. Re ka tšhuta ga tso Moše a yyeng a di maka nakwela ba bangwana ba ba neya mmereko wo mongwana. Moše ke mo a wo tseyela gedimo mmereko wage wa go yeta setšhaba sa Maisrayele mahlong. Byalo Moše o yye a re king mo Jehova a hlawola ba bangwana gore ba make mebereko ye mengwana yo ne a yi maka? A sanka a ba jela mona. (Dip. 11:24-29) Moše o yye a tinyanafatsa, ke mokane a dumela gore ba bangwana ba mo gelepe ka mmereko wa go yahlula. (Ek. 18:13-24) Taba yowa yi yye ya berekela Maisrayele, ka taba la gore ke mo go na le banna ba go tlala ba go gelepa mo go yahludiwa. Tsotsone di šupetsa gore Moše ke mo a sa hlupege ka matla ka mmereko wage, ke mo a hlupega ka matla ka batho. Taba yowa yi gabutši ka matla gore le rune re ka kopisela ga yona! Go tinyanafatsa go yi phala kgole taba ya go kgona go maka dilo. w19.09 5-6 ¶13-14

A re di tšibi tsa gore go nyoko ba go makiye byang mo ditšhaba di kutulugela Bhabhilona ye Mogolo. Ba ka fo re dikereke tsowa ke tsona di makang gore go sa be le go beba ho lefaseng le gore dikereke di fo dula di kenakena ditaba tsa dipolotiki. Kela ditšhaba di ka re mekgahlo ya dikereke yi kgobeketsele ditšheleta ka masaka fote di na le diphahlo tsa go tlala. (Kut. 18:3, 7) Di ka makega gore go sa hlasediwi ye mongwana le ye mongwana ye a kenang kereke. Mara, di fo ba lekgwaying gore ditšhaba di nyoko fetsa ka mekgahlo ya dikereke. Mo mekgahlo yone ya dikereke go šele go fediye ka yona, bo ba yi šeleng nthago ba nyoko yi tšhabela ka taba la gore ba ko ba ba di bona gabutši gore baruti ba bona di ba tudiye tsa lefase. Go fetsa ka Bhabhilona ye Mogolo go ka sa tseye nako ya go lefa. (Kut. 18:10, 21) Jehova o tshepisiye gore o nyoko “poma matšatši” ya motšhatšhamelo gore “bo ba hlawodiwweng” le bo ba mo rapelang tsa mannete ba thogo phona.—Mar. 13:19, 20. w19.10 15 ¶4-5

Bommane, le ka fo ba le gudisiye ke ba belegi ba go ba le sepelwapelwana kela ba go kwana le go kgwasolanya bana ba bona. Byalo le lune le ka fo ba le gudiye le tseya gore wone ke wona mokgwa wa go gudisa bana. Mara le mo le šele le tšhutiye ka melawo ya Jehova, go ka fo sa be lula go dula le bebiye fote le lefisiye pelo, ka matla mo le kraya gore bana bowa baa tšhega, ka howa le lune le kene le tinnwe. (Maef. 4:31) Ka dinako tsotsone, ke gona mo di nyakang le rapela Jehova gore le go gelepe. (Pis. 37:5) Bommane ba ka kwa di se lula go šupetsa bana ba bona gore ba ba nyaka ka matla. Ba ka fo ba ba golele mitšing ya gore babelegi ba gona ke mo ba sa nape ba šupetsa bana ba bona gore ba ba nyaka ka matla. Ho nkare le wene ke wene ye mongwana wa bona, a di rele gore le wene o tshwanele o gudise bana bago ka mokgonone. Mmane ye a nyakang go maka tso Jehova a di nyakang, o tshwanele a tšhute go šupetsa bana bage gore o ba nyaka ka matla. Di ka fo sa be lula gore mmane wa mutši a tšhentšhe. Mara tsone di ka makega fote di ka mmerekela tsa boya tsa maka gore mutši wage o dule o jabodiye. w19.09 18-19 ¶19-20

Motho wa go rapela Jehova ka thoko a kene a karakara gore a ghanye, gabutšibutši o ko ba a berekela magoši ka mabedi. O ko ba a sa rapele Jehova a ntoši. Go ya mafelelong ya dinako tsa mapostola, Makreste ya phutego ya Lawodekiya ke mo ma kganya stereka ma šinya ma hlaya gore: “Ke ghannye fote ke na le dilo tsa go tlala, a ke gayele selo le ka go nyana.” Mara ga Jehova le Jeso ke mo “ba hlakahlakanne, ba kwisa go baba, ba hlupega, ba popele maahlo fote ba sa tšwara.” Jeso ke mo a sa ba pasopisi ka taba la gore ke mo ba ghannye ka matla, mara ke mo a ba pasopisa ka taba la gore go ghanya ga bona ke mo go sinya senghana sa bona le Jehova. (Kut. 3:14-17) Mo re bona nkare re thomisa go nyakanana le tsa go ghanya, di nyaka re thome go lukisa ka mokgo re naganang. (1 Thim. 6:7, 8) Mo re ka sa lukisi, re nyoko napa re titlema ka dilo tsa go tlala ke mokane Jehova a ka sa sa re yamogela. Modimo o “nyaka re rapele yene a ntoši.”—Dot. 4:24. w19.10 27 ¶5-6

Lentsu la Segerika la gore le hlatodiwwe go le “tšhofa” gabutšibutši le rela go “kgarametsa.” Luka ye a ngwadiyeng puku ya Mebereko o berekisiye lentsu la go yelana le lolone la Segerika, mo a bolabola ka sekepe sa go “tšhofa” ke moya wa ku lewatle. (Meber. 27:15) Morene mongwana wa go tšhutela Baebele o yitseri, mo Petro wa lepostola a ngwala ka bo ba ngwadiyeng Baebele gore ke mo ba “tšhofa” ke moya wa go hlawolega, o yye a maka gore batho ba nagane ka taba ya mo motho a sepela ka sekepe. Gabutšibutši Petro ke mo a re taba yowa yi fo tshwana le mo sekepe se tšhofa ke moya gore se thogo segela mo se yang, byalo le bo ba ngwadiyeng Baebele ke mo ba tšhofa kela ba kgarametsa ke moya wa go hlawolega gore ba make mmereko wa bona. Morenewa wa go tšhutela Baebele o yitseri: “Bo ke mo ba ngwala Baebele ke mo ba tshwana le dikepe tsa gore ba di ghwimbhiye diseyila tsa tsona gabutši, byalo ke mo ba tikemisele go yetetsa ke moya wa go hlawolega gore ba make mmereko. Jehova o yye a maka so ne a tshwanele a se make. O yye a ba “tšhofa” kela a ba neya moya wa go hlawolega. Ke mokane sosone sa maka gore bo ba go ngwala Baebele ba thogo maka mmereko wa bona. Ba yye ba bereka ba kene ba yetetsa ke moya wa go hlawolega. Le lekgono, go fo tshwana le mo moya o tšhofa meetši ya lewatle, moya wa go hlawolega le wona o nyoko re gelepa gore re thogo hlula mo re gahlana le tsa go re ghula mo re kene re yemele lefase la nyuwane lo re tshepisiweng lona. w19.11 9 ¶7-9

Re ka fo tikwa re kgongwele. Mara a di nyake re dula re naganne ka mathatha ya rune. Mo re ka maka ka mokgonone, dilo tsa gabutši tso Jehova a re tshepisang tsona ku mahlong, re ka sa sa di tseyela hlogong. (Kut. 21:3, 4) Go kgongwela go ka re poma matšhika ke mokane ra thomisa go šepisa. Lebelela ka mokgo mogageru wa mosadi wa ku United States a yyeng a tiyisa tumelo yage le mo a kene a tshwaraganne le go pasopa monnage wa gore o lwala ka matla. O yitseri: “Ka dinako tse dingwana seyemo sa rune se re kwisa go baba fote se ya re kgongwetsa, mara tumelo ya rune a yi tekateki. Ke kwa ke tikisega pelo ka dilo ka mokana ga tsona tso Jehova a re neyyeng tsona, di tiyisa tumelo ya rune fote di maka gore re sa lelemele. Go yetetsiwa le go tiyisiwa ka mokgonone, ke mo re di nyaka ka matla. Go maka gore re sa šepisi fote re tiyisele.” Nnete re ya di bona gore re ka tšhuta ga mogageru yewa wa mosadi gore le mo re gahlana le tsa go re kgongwetsa, re ka hlula! Ka mokgo mang? Tseya tsa go re phiriketsa go le molabo wa Sathane. Tseya Jehova go le yene a ka go kgomoletsang. Leboga Modimo ka taba la Lentsu lage, Baebele. w19.11 16 ¶9-10

Bagolo ka matlamatla ke bona bo ba tshwaneleng go berekisa tšhiko yowa. Mogolo aa lebale gore aa tshwanela go botsa ba bangwana ka “diphiri” tsa magageru ya ka ho phutegong. Mo a ka fo yi lahla, phutego yi ka sa sa mo tshepa fote o ko ba a tisinnye lebitso. Bo ba neyiwweng mmereko wa go pasopa phutego a di nyake ba “bolabola se sengwana mara gabutšibutši ba di tšiba tsa gore a ba re sona” kela go tshokanya motho. (1 Thim. 3:8) Sone se rela gore ba ka sa tshokanyi ba bangwana kela go kwana le go seba. Mo nkare mogolo wa resa mo a re ga mosadi wage o mo nyaka tsa mannete, a ka sa mmotse dilo tsa gore a di mo nyake. Mosadi a ka gelepa monnage gore a dule a na le lebitso la go bafala ka go sa mo tšhofatšhofe gore a mmotse ditaba tsa gore ke sephiri. Mo mosadi a maka ka mokgonone, a yi gore o thega monnage fela mara o šupetsa gore o hlompa le bo ba butsiyeng monnage ditaba tsa bona tsa gore ke diphiri. Sa go phala dilo ka moka ke gore o maka gore pelo ya Jehova yi jabole ka taba la gore o tšhela letsogo ga taba ya gore phutego yi dule yi bebiye fote yi mamarelanne.—Mrm. 14:19. w20.03 22 ¶13-14

Ka 1512 B.C.E. mo tabarenekele yi makiwa ku tlase ga Thaba ya Sinayi, Moše ke mo a yetiye mahlong mmereko wa go maka gore Aroni le barwayi bage go be maprista. (Ek. 40:17; Lef. 9:1-5) Jehova o šupetsiye ka ying gore wa ma yamogela maprista yane ya gore ma sa tšwa go kgetiwa? Mo Aroni le Moše ba rufa batho, Jehova o yye a romela mollo wa go tšwa legedimong gore wo tšhube sehlabelo so ke mo se le aletareng. (Lef. 9:23, 24) Mollo wa go tšwa legedimong ke mo wo šupa ying? Jehova ke mo a šupa gore o yamogele Aroni le barwayi bage gore go be maprista. Mo Maisrayele ma bona gore nnete Jehova o yema le maprista, ma yye ma kwisisa gore le wona ma tshwanele ma yeme nawo. Ayitsano le rune di ya re tikisa? Eya! Mmereko wo ke mo wo maka ke maprista ya Maisrayele ke mo go fo ba mošupetso wa mmereko wo mogolo wo wo nyoko makang ke 144 000 ya bo ba nyoko berekang le Kreste ku legedimong. (Maheb. 4:14; 8:3-5; 10:1) A re kamake gore lekgono Jehova o yetetsa mokgahlo wage a boya a wo rufa. w19.11 23 ¶13; 24 ¶14, 16

Nakwela Pawulo wa lepostola a le Korente, ke mo a dula le Akhwila le Phrisilla fote “a bereka nabo mmereko wa bona wa go maka matente.” Taba ya gore Pawulo ne a bereka “bošego le motshegare” ne yi sa rele gore aa khutsi. Ne a fela a khutsa ga mmereko wage wa go maka matente, ka matlamatla ka Sabatha. Ka letšatši lone ne go thulega lešuba la gore a tšhomayelele Majuda, ya gore le wona ne ma khutsa ka Sabatha. (Meber. 13:14-16, 42-44; 16:13; 18:1-4) Pawulo ne di nyaka a bereke gore a thogo tipasopa; mara ka matlamatla ne a “maka mmereko wa go hlawolega wa go tšhomayela ditaba tsa go bafala tsa Modimo.” (Mrm. 15:16; 2 Makor. 11:23) O yye a hlohletsela ba bangwana gore tso tsa go tšhomayela le bona ba di yetise mahlong. Akhwila le Phrisilla ne ba bereka le Pawulo go maka matente, mara ka matlamatla ne ba ‘berekela Kreste Jeso ggoši.’ (Mrm. 12:11; 16:3) Pawulo o hlohletsele Makorente gore ma “make mmereko wa go tlala ga tso tsa Morena.” (1 Makor. 15:58; 2 Makor. 9:8) Jehova o berekisiye Pawulo gore a ngwale gore: “Wa gore aa nyake go bereka, le go ja a sa ji.”—2 Mathes. 3:10. w19.12 5 ¶12-13

Mo Jehova a maka monna wa mathomo le mosadi wage, o yye a fo maka gore di be mo mading gore ba nabele go ba le bana. Ke mang ye a tshwaneleng go botsa monna le mosadi wage gore ba be le bana, le gore ba be le bona leng? Ga ditšo tse dingwana, batho ba tseya gore monna le mosadi wage mo ba fetsa go tseyana ba tshwanele ba be le bana di sa tloga, ba sa sinyi nako. Monna le mosadi wage ba ka kwa ba kgahleletsiwa ke taba ya gore mašaga ya bona kela batho ba bangwana ba nyaka gore ba yakgoswe ba be le bana. Mogageru ye mongwana ye ba reng ke Jethro wa ku Asia o yitseri, “Magageru ya mangwana ka ho phutegong ya gore ma na le bana, ma botsetsela magageru ya gore a ma na bana, gore ma be le bana.” Mogageru ye mongwana wa ku Asia ye ba reng ke Jeffrey o re, “Ba bangwana ba botsa bo ba gore a ba na bana gore mo ba šele ba tsofele, go ka sa be le motho wa go ba pasopa.” Mara ke monna le mosadi wage bo ba tshwaneleng go kgeta gore ba nyaka go ba le bana kela byang. Sone ke sepheto sa bona. (Magal. 6:5.) Nnete ke gore banghane le mašaga ba di nyaka ka matla tsa gore bo ba gore ba sa tšwa go tseyana, ba dule ba jabodiye. Mara batho ka mokana ga bona ba tshwanele ba gopole tsa gore taba ya go ba le bana ke sepheto sa monna le mosadi wage fela.—1 Mathes. 4:11. w19.12 22 ¶1-3

Ayitsano o kwa di roba go tseya Modimo go le Papago? Ba bangwana ba fo bona nkare ke bona ditšiya mo ba nagana ka mokgo Jehova a leng ka gona. Ba kwa ba sa yi tshepe taba ya gore Modimo wa Matšhika ka moka wa tihlupa ka motho ye mongwana le ye mongwana. Nnete ke gore Papa wa rune wa gore o re nyaka ka matla aa nyake re tikwa ka mokgonone. O re neyye lephelo fote o nyaka gore re be le senghana sa gabutši naye. Mo Pawulo wa lepostola a beya nnete ya taba ga bo ne ba mo theetsele ku Athene a bolabola ka Jehova o re, “aa kgole le ye mongwana le ye mongwana wa rune.” (Meber. 17:24-29) Modimo o nyaka gore ye mongwana le ye mongwana a bolabole naye go fo tshwana le mo ngwananyana a sa tšhabe go bolabola le mmelegi wa gore o mo nyaka ka matla fote wa mo pasopa. Ba bangwana ba ka kwa di thathafa go tseya Jehova go le Papa ka taba la gore le mong bo papa ba go ba belega ba makiye ka go nyana kela a baa maka selo sa go šupetsa gore baa ba nyaka. Mogageru ye mongwana wa mosadi o re: “Papaka ke mo a hlupa stereka. Mo ke thoma go tšhuta Baebele, ke mo di se lula go tikwa ke le thina le Papa wa legedimong.” Ayitsano le wene o tikwa ka mokgonone? Mo nkare go ka mokgonone, di tšibe gore le wene o ka di kgona go tseya Jehova go le Papa wa go ba phala ka moka. w20.02 3 ¶4-5

Jeso o re tšhutisiye gore le mo go na le tso re sa kgoneng go di maka kela re bona nkare mo re kene re tsofala tso re di makang a yi selo, Jehova yene o di tseyela gedimo. (Pis. 92:12-15; Luk. 21:2-4) Byalo, maka tso o kgonang go di maka. Mo re beyisa, o ka maka tsa go tshwana le tsowa, wa bolabola ka Jehova, wa rapelela magageru wa boya wa ma tiyisa gore ma dule ma tshepega. Jehova o go tseya go le wene motho wa gore o bereka naye, go se ka taba la gore o na le tso o kgonang go di maka, mara go le ka taba la gore o nyaka go maka tso a di nyakang o sa tšhofe ke motho. (1 Makor. 3:5-9) A yi go jabodisa ga tsona wa tšiba go berekela Jehova, Modimo wa gore o tseyela bo ba mmerekelang gedimo! O re makiye gore re thogo maka tso a di nyakang, fote mo re mo rapela ka mokgo a nyakang, ke tsona tso di makang gore re di tšibe gore re phelela ying. (Kut. 4:11) Le mo batho ba ka re tseyela fase mara Jehova yene a re mo tšebise. (Maheb. 11:16, 38) Mo malwele, go gayela sekwetše kela go tsofala go re kgongwetsa, a di nyake re lebala gore a go na so se ka re yahloganyang le ka mokgo Papa wa rune wa legedimong a re nyakang ka gona.—Mrm. 8:38, 39. w20.01 18 ¶16; 19 ¶18-19

Mo re le batho ba go tinyanafatsa fote re yenele ka tso re nang natso re ka kgona go lwa le mokgwa wa go ba le mona. Mo re na le mekgwa yowa ya gabutši, mona wo ka sa ro kraya ga go mela. Go tinyanafatsa go nyoko re gelepa gore re sa tsoge re titseyele gedimo. Motho wa go tinyanafatsa aa nagane gore ke yene a tshwaneleng go kraya dilo go phala ba bangwana. (Magal. 6:3, 4) Motho wa gore o kgotsofele ka tso a nang natso aa titshwanisi le ba bangwana. (1 Thim. 6:7, 8) Mo motho wa gore o tinyanafatsiye, a yenele ka tso a nang natso fote a bona ye mongwana a neyiwa se sengwana, o jabola naye. Di nyaka re be le moya wa Modimo wa go hlawolega gore re kganele kgole le mona le gore wo re gelepe gore re be batho ba go tinyanafatsa fote re tikwe re kgotsofele ka tso re nang natso. (Magal. 5:16; Mafil 2:3, 4) Moya wa Jehova wa go hlawolega wo ka re gelepa gore re tipombhole ka ku tengteng gore re thogo bona tso re di naganang le go bona gore re tšhofa king mo re maka dilo. Mo Modimo a re gelepa, re ko thogo lesetsa go fo tikwa ka mokgwa wa gore a yi wona le go dulela go nagana dilo tsa go sa yagisi ke mokane re be le mekgwa ya gabutši.—Pis. 26:2. w20.02 15 ¶8-9

Mo o tineyela, go na le so o se tshepisiyeng Jehova fote Jehova o nyaka gore o ngangarele ga sosone o mo tshepisiyeng. Ka taba lone, mamarela phutego yo o leng ga yona. Magageru ka ho phutegong ma tshwana le mutši wa genu. Mo o dula o tla megahlanong, o maka gore ngata ya lune yi nape yi swinega. Bala Lentsu la Modimo o boye o ghayele ka lona ka moka matšatši. (Pis. 1:1, 2) Di nyaka o be le nako ya go ghayela ka so o se badiyeng. Sosone se nyoko maka gore mantsu yane ma go tikise ka ku pelong. “Ariye mahlong o kene o rapela.” (Mat. 26:41) Mo o rapela o botsa Jehova so se leng ka ku pelong, o nyoko kwa o le thina naye ka matla. ‘O sa lesetse . . . go yetisa tso tsa Mmušo mahlong.’ (Mat. 6:33) Sosone o ka se maka ka go beya mmereko wa go tšhomayela ka ku mahlong mo o kene o phela. Mo o dula o ya tšhomong, tumelo yago yi nyoko tiya. Se sengwana le se sengwana sa gore se ka re kgahleletsa ga lefase lowa la botala ‘ke sa nako ye nyana fote se ro fefoga.’ (2 Makor. 4:17) Mara, mo o tineyela fote kolobetsiwa, sosone se go thulela lešuba la gore o jabolele lephelo gana byalo le ‘lephelo la mannete’ lo le sa ga leng ku mahlong. Nje go maka tsotsone go gabutši? Ka matla!—1 Thim. 6:19. w20.03 13 ¶19-21

Mo nkare ye o balang naye Baebele aa tšhentšhi maphelelo yage, di ka nyaka gore o tiputsise gore, ‘Ayitsano ke tshwanele ke lesetse go bala naye Baebele?’ Mo o kene o pombhola seyemo, tiputsise gore: ‘Ayitsano ye ke balang naye o berekisa tso a di tšhutang go ya ka mokgo seyemo sage se mo dumelelang ka gona?’ ‘Ayitsano o šele a thomme “go maka,” kela go berekisa dilo tso a di tšhutang?’ (Mat. 28:20) Di kwisa go baba go bona gore ba bangwana bo re balang nabo Baebele ba tshwana le Maisrayele ya dinako tsa Hezekiyele. Jehova o bolabodiye ka bona a botsa Hezekiyele gore: “Lebelela! O tshwana le koša ya gore ba yi yepelelela batho ba gore ba nyakanana ka matla, ba yi yepelela ka lentsu la go bafala fote yi kganiwa gabutši ka matla ka selo sa nkare ke katara. Ba ko kwa mantsu yago mara go ka sa be le ye a makang tso a di kwileng.” (Hezek. 33:32) Re ka kwa di roba go botsa motho gore re nyoko lesetsa go bala naye. Nnete ke gore “nako yo yi šeleng ke ye nyana.” A re nyake go ba re kene re sinya nako ya go tlala re bala le motho wa gore aa thogathoge, di nyaka re nyake ye mongwana wa go šupetsa gore o “tlalele gabutši ga tsa lephelo la go ya go yye.”—Meber. 13:48. w20.01 6 ¶17; 7 ¶20

Ga go tlala dikereke a di yi tšhutisi nnete ya Baebele ya gore batho ba go theetsela Modimo ba nyoko phela go ya go yye ho lefaseng. (2 Makor. 4:3, 4) Dikereke tsa go tlala lekgono di tšhutisa gore mo motho a kgwa o ya legedimong. Mara Bo ba go Tšhuta Baebele ba gore ba yye ba ngwala Sewokamelo ku botala ka bo-1800, a sanka ba bolabola go tshwana le dikereke. Ke mo ba di kwisisa gabutši gore Modimo o nyoko maka gore lefase lowa go be Pharadeyisi fote, ke mokane batho ba go theetsela Modimo ba dule gana ho lefaseng, go seng legedimong. Mara, di ba tsere nako gore go segele le mo ba kwisisang gabutši gore batho ba go loka bo go bolabodiwang ka bona ke bafeng. Nnete ke gore Bo ba go Tšhuta Baebele ba yye ba yi kwisisa gabutši taba ya Mangwalo ya gore ba bangwana ba nyoko “rekiwa ho lefaseng” gore ba ye lawola le Jeso ku legedimong. (Kut. 14:3) Mogoba wone ke mo go nyoko ba 144 000 ya Makreste ya go karakara ka matla fote ma tineyele ga Modimo le go mmerekela ka go tshepega ka nako tsa mo ba sa le ho lefaseng. w19.09 27 ¶4-5