November

Lekgono batho ba go tlala bo ba nkare ba hlalefiye mo o ba lebelele, ba kgana ka taba ya Baebele ya go bolabola ka go ba le magetla. O fo kwa ba re mo motho a tinyanafatsa ga batho ba bangwana, o nyoko maka gore batho ba bangwana ba mo delele. Mara gabutši ke diyengwa tsa mohlobo mang tsa gore lefase la Sathane le di bakiye ka go maka gore batho ba tinaganele ba ntoši? Ayitsano batho ba go tipona ba jabodiye? Nje mitši ya bona yi jabodiye fote ba na le banghana ba mannete? Ga Modimo yene nje ba napa ba mo tseya go le monghana wa bona? Ga tso o šeleng o di bonne wene, o bona nkare king so se makang gore motho a be le diyengwa tsa gabutši—ayitsano ke mo a latelela mahlalefelo ya lefase lowa kela mo a berekisa tsa go hlalifisa tsa Lentsu la Modimo? (1 Makor. 3:19) Bo ba theetselang batho ba gore lefase le ba tseya ba hlalefiye, ba fo tshwana le batho ba gore ba vakašele poleke ya gore a ba yi tšibi ke mokane ye mongwana a butsisa ye mongwana gore pata ya go ya kaye-kaye ke yifeng. Mo Jeso a bolabola ka batho ba ne ba tseya nkare ba hlalefiye nakwela a sa le ho lefaseng, o yitseri: “Ba popele maahlo mara ba re ba yetetsa ba bangwana. Mo motho wa go popela maahlo a yetetsa motho ye mongwana wa go popela maahlo, ka babedi ga bona ba ye fekemeleng mokoting.” (Mat. 15:14) Nnete mahlalefelo ya lefase lowa ga Modimo ke bophokophoko. w19.05 24-25 ¶14-16

Mengwaganyana ya go fela, nombhoro ya bo ba jang selalelo Segopotsong ke mo yi fo ya yi kene yi yeketsega. Ayitsano taba yowa yi tshwanele go re hlupa? Dho. “Jehova o tšiba bo go leng bage.” (2 Thim. 2:19) Magageru ya ma balelang bo ba jang selalelo Segopotsong a ma tšibi gore ke mang ye a tlotsiwweng, ke mang ye a sa tlotsiwang, mara Jehova yene wa di tšiba. Gana hone go badiwa le bo ba naganang gore ba tlotsiwwe mara go se sone. Mo re beyisa, ba bangwana bo ne ba kene ba ja ka nthagonyana ba yye ba lesetsa go ja. Ba bangwana di ka makega gore ba na le bothatha bya monagano kela bya ka mokgo ba tikwang ka gona, ke mokane ba fetsa ka gore le bona ba ye lawola le Kreste legedimong. Nnete ke gore a re di tšibi tsa gore go šele ka bakaye ho lefaseng ba gore ba tlotsiwwe. Ga dipoleke tsa go tlala ho lefaseng go ko ba go sa na le bo ba go tlotsiwa mo Jeso a tl’le ba tseyeng gore ba ye legedimong. Baebele ya hlaya gore ga dinako tsa mafelelo, bo ba go tlotsiwa ba ko ba ba sa tlala ho lefaseng. (Kut. 12:17) Mara a yi hlayi gore go ko ba go šele ka bakaye mo motšhatšhamelo wo mogolo wo thoma. w20.01 29-30 ¶11-13

Jeso o šupetsiye ka mokgo Jehova a nyakang bana bage ka matla ka gona, nakwela a bolabola ka taba ya morwayi wa gore ke mo a lahlegiye. (Luk. 15:11-32) Papa ye go bolabodiwang ka yene mone ga taba yone, a sanka a lesetsa go tshepa gore ka letšatši le lengwana morwayi wage o ko boya gaye. Mo morwayi yene a boyela gaye, papage o yye a mo gahlanetsa di mmaba. Mo nkare re tlugiye ga Jehova mara re tisola tsa mannete, re sa kamake gore Papa wa rune wa gore o re nyaka ka matla o tikemisele go re yamogela ka matsogo ka mabedi. Papa wa rune o nyoko lukisa dilo ka mokana ga tsona tso Adamo a di sinnyeng. Ka nthago ga gore Adamo a make tsa go tšiba ke yene, Jehova o yye a kgeta 144 000 ya batho ho lefaseng, ba gore ba nyoko bereka go le magoši le maprista ku legedimong ba na le Morwayi wage. Jeso le bo a lawolang nabo ba nyoko gelepa bo ba makang tso Modimo a di nyakang gore go be batho ba go felegelela lefaseng la nyuwane. Ka nthago ga gore bo ba gore ba theetsela Modimo ba hlule go leketsiwa la mafelelo, Modimo o nyoko ba neya lephelo la go ya go yye. Ke mokane Papa wa rune o nyoko jabodisa ke go bona lefase le tlele ka barwayi le barwediya bage ba gore ke batho ba go felegelela. Yone, go nyoko ba nako ya go jabodisa la go sa hlayisege! w20.02 6-7 ¶17-19

Ka mokana ga rune di nyaka re tiputsise gore, ‘Ayitsano ke ya resa mo ke re ke tšhentšhiye ke nna Mokreste kela go fo ba tsa nako yonone?’ Di nyaka re tšhentšhe tsa mannete. Ga mantsu ya Jeso a ma bolabodiyeng ga Matewu 12:43-45, o hlayye so di nyakang re se make. Mantsu ya ma leng mone ma šihlela gore taba yowa ke nnete mo ma re: Re tluse menagano ya go befa ke mokane sekaleng sa wona re tšhele menagano ya Modimo. Nje di ya kgonega gore re tšhentšhe dilo tso re tlaleleng ga tsona kela so re leng sona ka ku teng-teng? Lentsu la Modimo le re: “Yaparaneng motho wa nyuwane wa gore o makiwwe ka mokgo Modimo a nyakang, ka go loka ga mannete le go tshepega.” (Maef. 4:24) Nnete ke gore di ya kgonega gore motho a tšhentšhe so a leng sona ka ho teng, mara a di lola. A di nyake re lesetsa dilo tsa go befa di re woka ke mokane ra tšhoga re di makiye. Di nyaka re tšhentšha dilo “tsa go befa tso re di naganang.” Tsotsone di rela go tšhentšha ga tso re di nabelang, tso re di naganang le tso di re tšhofang. Go maka dilo tsowa ka mokana ga tsona di nyaka re garagare. w19.06 9-10 ¶6-7

Jehova o yye a kwela Llota go baba ke mokane a romela mangeloyi gore ma phonise yene le ba mutši wage. Le mo go le sone, Llota o yye “a fo ganelela.” Mangeloyi yane ma yye ma tshwanela ke go mo goga, yene le ba mutši wage, gore ba tšhabe mone ga poleke yone. (Gen. 19:15, 16) Ke mokane mangeloyi ma yye ma mmotsa gore a tšhabele dithabeng. Llota a sanka a theetsela Jehova, o yye a kgopela go tšhabela ga poleke ya thina. (Gen. 19:17-20) Jehova o yye a mo theetsela ke mokane a lesetsa Llota gore a ye ga poleke yone ya thina. Ka nthagonyana, Llota o yye a kwa a tšhaba go dula mone ga poleke ya thina ke mokane a ya gana ku ga gore Jehova o mmutsiye di sa tloga gore a ye gona, ku dithabeng. (Gen. 19:30) Ye lune, wa tšiba Jehova o na le pelo! Tso di tleleng Llota di ka fo makega le ga dinako tso tsa rune, ye mongwana ka ho phutegong a ka fo maka dilo tsa go tšwa pateng ke mokane a tipitsela mathatha ma le kgole. Wene o nyoko maka byang mo tsotsone di ka fo makega? Re ka fo tšhoga re bolabodiye re sa nagana, wa kwa re šele re re motho yene o buna so a se gašiyeng, fote re nyoko ba re resa. (Magal. 6:7) Mara, re ka bolabola tsa gabutši tsa go kwagalanyana. Le rune re ka kopisela ka mokgo Jehova a yyeng a tshwara Llota. w19.06 20 ¶3; 21 ¶4-5

Mo manaba ya rune ma re rakela gore re sa rapele Jehova, gabutšibutši ma nyaka go maka gore re tšhabe le go mmerekela. Go tokegela ga taba yone ya go re phigisa, ba sabalatsa matsaka ka rune, ba romela ba mmušo gore ba ye hlola mitši ya rune gore ayitsano a ra wutega selo, fote ba re gapeletsa go ya khota kela go re tshwara ba re yisa jele. Ba fo tseya gore re nyoko lelemela ka taba la mo ba yisiye ba bangwana ba rune jele. Mo re ka fo ba yikela gore ba re tshosanye, re nyoko lesetsa go rapela Jehova. A re nyake go tshwana le bo go bolabodiwweng ka bona ho ga puku ya Lefitiko 26:36, 37. Re ka sa lesetse letšhogo le re maka gore re šepise kela re lesetse go berekela Jehova. Re tshepa Jehova ka dipelo tsa rune di felegelele fote a re nyake go boya re ro hlagasela. (Jes. 28:16) Re rapela Jehova gore a re yetetse. Re di tšiba gabutši tsa gore mo Jehova a na le rune, nnete a wo šiyo mmušo wa ho lefaseng wa gore wo ka re maka gore re lesetse go berekela Modimo wa rune ka go tshepega. Go hlorisiwa go napa go re maka gore re kwe re di nyaka ka matla go berekela Jehova. w19.07 9-10 ¶6-7

Le mo o ka fo sa kraye motho wa go tšhuta naye Baebele, o sa lahle tewu mo o kene o ya mahlong o nyaka. O sa lebale gore Jeso o yye a tshwanisa mmereko wa go maka batho malata le wa go loba dihlapi. Batho ba go loba dihlapi ba ka tseya nako ya go lefa ba bereka mara ba sa boye le selo. Ga go tlala ba bereka le mašego kela go sa le ka phu fote ka nako ye nngwana di ba nyaka gore ba sepele ka dikepe ba ye kgole, ba tsama ba loba le dihlapi. (Luk. 5:5) Go fo tshwana le ka batšhomayedi ba bangwana, ba ya tlase le kgakala ba nyakana le batho bo ba ka tšhutang nabo. Ke ntaba mara? Ba nyaka go kraya batho ba go tlala. Bo ba karakarang ka matla ga mmereko wowa, ba rufega ka go kraya batho bo ba jabolelang go theetsela molayetsa wa rune. Ke ntaba le wene o sa leketse go tšhomayela ga dipoleke tsa gore batho baa krayega le ga gore go tlele batho? Ke ntaba di nyaka re lefisa pelo mo re tšhutisa batho Baebele? Ka taba la gore re nyaka go ba gelepa gore le bona ba kwane ka matla le tso Baebele yi di tšhutisang. Fote re nyaka gore motho ye re mo tšhutisang a mo nyake ka matla ga Jehova a boye a mo tšibe gore ke yene ye a ngwadiyeng Baebele. w19.07 18-19 ¶14-15

Ba bangwana ba rune di nyaka re karakare ka matla gore re lebale ka tsa go befa tso re yyeng ra di maka botala. Mo nkare le wene o ka mokgonone, ke ntaba o sa tšhuti ka taba ya gore yi bolabola ka sehlabelo sa Kreste? Mo re ka fo tšhuta, ra ghayela, ra boya ra rapela ka taba yone re balang ka yona, di nyoko re gelepa gore re lebale ka go dula re tisola. Re nyoko lesetsa le go fo ba re kene re tisola-sola le mo Jehova a re tshwarele. Bona se sengwana so re ka se tšhutang ga Pawulo. Ba bangwana ba lesetsiye mebereko ya go golela ka masaka, ka taba la gore ba nyaka go tlalela ka matla ga tso tsa Modimo. Mo nkare go sone, ke ntaba re sa fo lebala ka dilo tsa ku nthago tsa gore di ka maka gore re nabele go boyela ga dilo tsa majabajaba tsa gore nke re le natso? (Dip. 11: 4-6; Mmo. 7: 10) “Dilo tsa ku nthago” di ka rela le dilo tso re yyeng ra di segelela kela mathatha ya re yyeng ra ma tiyisela. Nnete ke gore mo re ka fo ya mahlong re nagana ka tso Jehova a yyeng a re rufa ka tsona ku nthago, re nyoko napa re šutela thina ka matla ga Papa yewa wa rune. A re nyake go titshokanya re re mmereko wa rune wo fediye. —1 Makor. 15:58. w19.08 3 ¶5-6

Re ka rapela Modimo wa rune nako ye nngwana le ye nngwana, di sa yi ka gore re kaye. Aa dule a tshwaraganne la gore a ka šitega go re theetsela; o dula a le gona gore a theetsele mo re mo rapela. Mo re di bona gore Jehova o theetsela merapelo ya rune sosone se nyoko maka gore re mo nyake ka matla. Mopisalema o yitseri: “Ga Jehova ke mo nyaka ka matla ka taba la gore wa nkwa mo ke bolabola naye.” (Pis. 116:1) Phela Papa wa rune aa fo theetsela merapelo ya rune mara o boya a ro yi fetola. Johane wa lepostola o re hlayisela gore: ‘Le mo go ka fo ba go le ying tso re di kgopelang ga Modimo, solanka di yelana le tso a di nyakang, wa re kwa.’ (1 Joh. 5:14, 15) Nnete ke gore Jehova a ka fo sa fetole merapelo ya rune ka mokgo re naganneng ka gona. Ke yene ye a tšibang tso di re tshwaneleng, byalo ka dinako tse dingwana a ka fo re e-e kela a nyaka gore re tšwe re yemme nyana. (2 Makor. 12:7-9) Jehova o re neya tso re di hlokang. O maka dilo ka mokana ga tsona tso a nyakang gore bo papa ba di make. (1 Thim. 5:8) O neya bana bage dilo tso ba di gayelang gore ba thogo phela. Aa nyake re šekedisa ke gore re nyoko ja ying, re nyoko tšwara ying le gore re nyoko dula kaye. (Mat. 6:32, 33; 7:11) Jehova o tshwana le mmelegi wa gore bana bage o ba nyaka ka matla, le yene o makiye se sengwana le se sengwana gore re sa hlupege ka selo ku mahlong. w20.02 5 ¶10-12

Bo ba yang go phela legedimong, a yi ka mokana ga bona bo go leng “lelata la go tshepega le la gore fote le hlalefiye.” (Mat. 24:45-47) Go fo tshwana le ka dinako tsa mapostola, le lekgono lowa Jehova le Jeso ba berekisa magageru ya go sa tlala go fepa kela go tšhutisa batho. Ka dinako tsone, a yi magageru ya go tlotsiwa ka mokana ga wona ya gore ke mo ma berekisiwa go ngwala Mangwalo ya Sekreste ya Segerika. Le lekgono lowa, a maa tlala magageru ya go tlotsiwa ya gore ma maka mmereko wa go neya batho ba Modimo “tsa go ja ka nako ya gona.” Jehova o hlawodiye go neya batho bage ba go tlala lephelo la go ya go yye ho lefaseng ke mokane go phela legedimong, a go neya bo ba yang go lawola le Jeso. Jehova o rufa malata yage ka mokana ga wona, “Lejuda” le “lesome la banna” fote o nyaka gore ka mokana ga bona ba latelele melawo ya go tshwana fote ba dule ba tshepega. (Zak. 8:23) Ka mokana ga bona ba tshwanele go dula ba tinyanafatsiye. Ka mokana ga bona ba tshwanele ba mmerekele ggoši ba le selo ka ssoši. Ka mokana ga bona ba tshwanele ba karakare gore go dule go bebiye ka ho phutegong. Mo dinako tsowa di šele di bakiye mafelelong, nkare re ka ya mahlong re berekela Jehova fote re latelele Kreste re le “morape ka wwoši.” w20.01 31 ¶15-16

Re ka sa gapeletse mašaga ya rune gore ma dumele tso re di dumelang mara re ka ma hlohletsela gore ma bule menagano le dipelo tsa bona gore ma thogo theetsela molayetsa wa Baebele. (2 Thim. 3:14, 15) Maka gore mekgwa yago go be yona yi go bolabolelang. Ga go tlala ke gore dilo tso re di makang ke tsona tso mašaga ya rune ma di tseyelang hlogong ka matla go feta tso re di bolabolang. O sa lahle tewu mo o gelepa mašaga yago. Jehova o maka gore re kopisele gage. Ke “ga go tlala” a neya batho nako ya gore ba yamogele molayetsa wa ditaba tsa go bafala, gore ba kraye lephelo la go ya go yye. (Jer. 44:4) Pawulo wa lepostola o butsiye Thimothi gore a ye mahlong a gelepa ba bangwana. Ke ntaba mara? Ka taba la gore mo a maka tsotsone, o nyoko tiphonisa fote a phonise le bo ba mo theetselang. (1 Thim. 4:16) Re ma nyaka ka matla mašaga ya rune, byalo re nyaka gore ma tšibe nnete ya Baebele. w19.08 14 ¶2; 16-17 ¶8-9

Re maka gabutši mo re dula re nagana taba ya gore mo motho a šinya a tl’le re kgaleng, di ra gore ke botala re kene re maka tsa go kekema mara rune beng re sa tiponi. Di ka fo makega gore ka dinako tsotsone re nyake go tikemelela. Re ka fo mo tseyela fase motho ye a re yeletsang kela ra kokola re kwa nkare aa re kena gabutši. Mara mo re tinyanafatsiye, re ko karakara ka matla gore re wolole ga gore go kekemme. Motho wa go tinyanafatsa wa theetsela mo ba mo kgala. Tseya ka mošupetso ke wowa: O fo nagana o le mogahlanong wa phutego. Ke mokane mo o kene o bolabola le magageru ya go tlalanyana gana hone, ye mongwana o fo go gogela ka thoko ke mokane o go botsa gore o na le tsa go ja mo menong. Nnete o nyoko fo kwa o tšebiye. Mara nje ne o ka sa jabole gore o go butsiye? Gabutšibutši ne o ko kwa nkare ye mongwana nke a yakgoswiye a go botsa! Byalo le rune di nyaka re tinyanafatse mo mogageru a šupetsa gore o na le lešiši la go re kgala. Motho yene re napa re mo tseya go le monghana ye mogolo fote a re mo tseye go le lenaba.—Diy. 27:6; Magal. 4:16. w19.09 5 ¶11-12

Jehova o neyye mmane mmereko wa go hlompega ka ho mutšing, fote o mmeyye gore a lawole bana bage ga tse dingwana. Gabutšibutši tso mmane a di botsang bana bage ga go tlala ba dula ba di gopola mo ba kene ba phela. (Diy. 22:6) Lebelela gore bommane ba ka tšhuta ying ga Mariya mmane wa Jeso. Mariya ke mo a tšiba Mangwalo gabutši. O yye a titšhutisa go hlompa Jehova di tšwa pelong fote a na le senghane sa gabutši ka matla naye. Ke mo a tikemisele ka matla gore a theetsele mo Jehova a mo yetetsa, le mo di yye tsa mo nyaka gore a tšhentšhe maphelelo yage. (Luk. 1:35-38, 46-55) Lune bommane, go na le tsa go tlala tso le ka di kopiselang ga Mariya. Ka mokgo mang? Sa mathomo, maka gore senghane sago le Jehova se sa šehle ka go titšhutisa Baebele le go rapela ka moka matšatši. Sa bobedi, tikemisele go tšhentšha maphelelo yago gore o jabodise Jehova. w19.09 18 ¶17-19

Johane wa lepostola o yye a šupetsiwa mmono wa go jabodisa wa go bolabola ka tso di nyoko makegang ku mahlong. Ga mmono wone, mangeloyi ma butsiwa gore ma tshware diphefo tsa go sinya, tsa motšhatšhamelo wo mogolo go segela mo mogoba wela wo šele wo na le setwaba. (Kut. 7:1-3) Mogoba wone ke wa 144 000 wa gore wo ye lawola le Jeso ku legedimong. (Luk. 12:32; Kut. 7:4) Ke mokane Johane o bolabola ka mogoba wo mongwana, wa gore ke wo mogolo ka matla, wa makatsa Johane a šinya a bolabola lentsu la go šupetsa gore nnete ke mo a makele, a re: “Ye lune!” Anthe Johane ke mo a ro bona ying? “Mogoba wo mogolo wa batho, wa gore aa šiyo ye a ka di kgonang tsa go wo balela, batho ba go tšwa ga ditšhaba ka moka le ditšo ka moka le mehlobo ka moka le mebolabolo ka moka ba yemme mahlong ga setulo sa bogoši, le mahlong ga Senkunyana.” (Kut. 7:9-14) O fo nagana nje gore Johane ke mo a jabodiye byang mo a kwa gore go nyoko ba le batho ba go tlala bo ba nyoko rapelang Modimo ka mokgwa wo yene mong a wo nyakang! A re kamake gore mmono wone wo tiyisiye tumelo ya Johane. Le rune di nyaka mmono wowa wo re tiyise ka taba la gore tso wo di bolabodiyeng re phela ga tsona gana byalo! Re di bonne gabutši dimiliyoni tsa batho bo ba nyoko phonang motšhatšhamelo wo mogolo ke mokane ba tle ba phele go ya go yye ho lefaseng. w19.09 26 ¶2-3

O fo nagana nje, gore go nyoko ba byang mo ditšhaba di šele di tšibisiye taba yowa ya gore ke botala di yi yemele, ya gore “go bebiye fote go tšhireletsegiye.” Bo ba lawolang lefase ba ka fo kganyisa taba ya gore, byalo gona lefase le bebiye. Ditšhaba di nyoko nyaka gore rune re nagane gore ba di kgonne go lukisa mathatha ka mokana ga wona ya lefase. Mara gabutšibutši ba ka sa di kgone go lawola dilo tso di sa ga tlang. Go nyoko fela ka “Bhabhilona ye Mogolo”! (Kut. 17:5, 15-18) Ka taba la gore ‘Modimo o nyoko maka gore dipelo tsa bona di make tso yene a di naganneng.’ Dilo tsone Modimo a di naganneng king? Ke tsa gore go fele ka dikereke ka mokana ga tsona tsa matsaka, le bo ba go timaka nkare ke bona Makreste. Modimo o nyoko maka gore “lesome la manaka” la “sebata se sekhubedu”se make tso yene a di naganneng. Lesome la manaka le yemela memmušo ka mokana ga yona ya gore yi gobagoba le “sebata” sa gore ke Ditšhaba tsa go Timaka Ngata ka Yyoši. (Kut. 17:3, 11-13; 18:8) Mo sebata se jikela dikereke tsa matsaka, sosone se nyoko ba se šupetsa gore motšhatšhamelo wo mogolo wo segele. Nnete ke gore dilo tsowa di nyoko makega ba sa nagana fote go nyoko ba go bifiye stereka. w19.10 14 ¶1, 3

Ka dinako tsa mapostola, Diyoterefe ke mo a jelasela bo ba yetang phutego ya Sekreste mahlong. Ke mo “a kwana le go tseyediwa gedimo” ka ho phutegong, byalo o yye a thoma go bolabola matsaka ka Johane wa lepostola le ka magageru ya mangwana ka ho phutegong a makela gore ba sa sa ma tseyela hlogong. (3 Joh. 10) Le mo re ka sa make tso Diyoterefe a di makiyeng, mara o ka kraya re thomisa go jelasela mogageru ye a neyiwang mmereko wa gore ne re nagana gore o nyoko neyiwa rune, ka matlamatla mo re tikwa gore le rune re ka kgona go wo maka go tshwana naye kela go mo phala. Mona wo tshwana le ngwere ya gore yi na le tšhefu. Mo ngwere ya mona yi šele yi midiye ka ho dipelong tsa rune, di ka fo sa be lula go yi tomola. Mo motho a na le mona, tsotsone di ka maka gore go ba le magetla le go tinaganela a ntoši go nape go ro topela. Go fo tshwana le mo ngwere yi maka gore lebhlomu le sa gole gabutši kela le kwaritšele, mona le wona wo ka maka gore re šitege go ba le mekgwa ya gabutši, ya go tshwana le go kwa re nyaka batho ba bangwana, go kwela ba bangwana go baba le go ba le pelo ye butši. Mo re thoma go bona mona wo mela ka ho dipelong tsa rune, di nyaka re yakgoswe re wo tomola. w20.02 15 ¶6-7

Pawulo wa lepostola ke mo a bolabola gore tso ke mo a hlakanne natso ke mo di tshwana le mo nkare o hlabiye ke mutlwa. Ke mo a re dilo tsone tsa go mo ghula di tshwana le “lengeloyi la Sathane” la gore le dula le mo “tula.” Di ka makega gore Sathane le madimona yage a yi bona ba makiyeng gore Pawulo a hlakane le tsa go mo ghula tsa go tshwana le mutlwa wa gore wo mo hlabiye. Mara mo madimona yane ya dipelo tse diphifadu ma bona mutlwa wone, ke mo ma nyaka go napa ma wo totometsa gore a kwe go sasamela tsa nkare ke moka. Byalo Pawulo o yye a maka ying? Sa mathomo ke gore Pawulo ne a nyaka go hlomudiwa “mutlwa.” O yitseri: “Ke yye ka kgopela Jehova gararo . . . gore a nhlomule mutlwa wone.” Nnete ke gore le mo Pawulo a rapele ga tleletlele, mutlwa wone ke mo wo f’lo re gememe. Ayitsano sosone se rela gore Jehova a sanka a mo fetola ga Pawulo mo a rapela? Dho. O yye a mo fetola. Jehova a sanka a tlosa ntshetshere yone, mara o yye a neya Pawulo matšhika ya go tiyisela. Jehova o yitseri: “Matšhika yaka ma napa ma šupetsa gore ma felegelele mo o lelemela.” (2 Makor. 12:8, 9) Modimo o yye a gelepa Pawulo gore a dule a jabodiye fote a bebiye tsa mannete!—Mafil. 4:4-7. w19.11 9 ¶4-5

Di nyaka re rapele Jehova a ntoši ka taba la gore ke yene ye a re makiyeng fote ke yene a re neyyeng lephelo. (Kut. 4:11) Mara a di lula. Jehova re mo nyaka ka matla fote re ya mo hlompa, mara tsotsone a di rele gore dilo tse dingwana di ka sa re fokole wa kraya re sa sa rapela yene a ntoši. Ka ho Baebeleng, go rapela Modimo go sipidisana le go šupetsa gore o mo nyaka tsa mannete. Mo re rapela Jehova a ntoši re ka sa rapele le dilo tse dingwana. Fote re ka sa lesetse motho kela selo se sengwana se re fokola gore re sa sa go rapela Modimo. (Ek. 34:14) Phela a re ya tineyela ga Jehova re sa tšibi selo. Ke ntaba re reyano? Ka taba la gore re tineyele ga Jehova ka nthago ga mo re tšhutiye ka yene. Re jabodisa ke mekgwa yage ya go bafala. Tso a di nyakang le tso a sa di nyakeng re ya di tšiba fote re tikwa go tshwana naye ka dilo tsone. Tso a tikemiseleng go re makela tsona re di kwisisa gabutši. Re thogo di bona gabutši gore Modimo o re tseyela gedimo ka taba la gore o nyaka re be banghane bage. (Pis. 25:14) Se sengwana le se sengwana so re se tšhutang ka ye a re makiyeng se maka gore re nape re šutela ka matla thina gage.—Jak. 4:8. w19.10 26 ¶1-3

Re bolabola re yi tsa, magageru ma kene ma gahlana le tsa go tlala, tsa go ma ghula. Mo re beyisa, go tekateka ga lefase le dintwa di maka gore ba go tlala ba šale ba kwile go baba ka matla. Mo dilo tsowa di makega, ba bangwana ba rune di ka makega gore re yamogele magageru ka mitšing ya rune. Ba bangwana ba ka gelepa ka tšheleta. Mara ka mokana ga rune re ka kgopela Jehova gore a gelepe magageru. Di ka makega re tikraya re sa tšibi gore re ka re king, kela re sa tšibi gore re make ying mo magageru ma kgongwele. Mara ka mokana ga rune re ka kgona go ma gelepa. Mo re beyisa, o ka fokatsa le monghane wago. Di ka nyaka gore re theetsele gabutši mo mogageru a kene a bolabola. Fote re ka mmotsa ka lengwalo le lengwana la ka ho Baebeleng la go kgomoletsana. (Jes. 50:4) Se segolo ka matla ke taba ya gore o ba o le gona gore o thogo gelepa banghane bago. Di nyaka re tikemisele go maka gore re be le senghana sa go tiya gana byalo le magageru fote re make gore se sa šaše. Senghana sone go nyoko ba sa go ya go yye! w19.11 7 ¶18-19

Mo Leisrayele le maka sehlabelo sone le sa tšhofe ke motho, ke mo le šupa gore ga Jehova Modimo le mo nyaka ka matla. Ye a makang sehlabelo, ba mutši wage le maprista ke mo ba ja nama ya phoolwane yo go makiwweng sehlabelo ka yona. Mara dilo tse dingwana ga phoolwane yone ke mo di neyiwa Jehova a ntoši. Ke difeng dilo tsa gona?. Jehova ke mo a tseyela makgura ya phoolwane gedimo ka matla. O yye a yi beya lekgwaying taba yo ya gore dipshiyo le tse dingwana o di tseyela gedimo ka matla. (Lef. 3:6, 12, 14-16) Byalo Jehova ke mo a jabola ka matla mo Leisrayele le mo neya makgura le dilo tse dingwana tso a di tseyelang gedimo le sa tšhofe ke motho. Leisrayele lo le makiyeng sehlabelo sone ke mo le šupetsa gore le nyaka go neya Modimo so le se kgonang. Nka mokgo Jeso a makiyeng dilo ka gona, ka taba la gore ke mo a nyaka Jehova ka matla, o yye a mo neya so a ka se kgonang, a mmerekela ka go felegelela a sa tšhofe ke motho. (Joh. 14:31) Jeso ke mo a jabodisa ke go maka tso Modimo a di nyakang. (Pis. 40:8) Jehova ke mo a jabodiye ka matla, mo a bona Jeso a mmerekela ka go di nyaka! w19.11 22-23 ¶9-10

Baebele yi re ka nthago ga kobodi (6) ya “matšatši,” Modimo o yye a yema nyana ka go maka dilo ho lefaseng. (Gen. 2:2) Mara Jehova o kwana nawo mmereko fote o kene o “ya mahlong a bereka.” (Joh. 5:17) Letšatši la Sabatha la Maisrayele le fo tshwana le letšatši la Jehova la go khutsa lo go bolabodiwweng ka lona ga Genesi. Modimo o yitseri letšatši la Sabatha ne le yemela senghana sage le Maisrayele. (Ek. 31: 12-14.) Letšatši lowa ne le bereka ga batho ka mokana ga bona, bana, dibereki kela diphoolwane. (Ek. 20:10) Ke mo le neya batho nako ya gore ba make tso tsa Modimo. Baruti ba go tlala ba nakwela ya Jeso ba yye ba maka gore letšatši lowa la Sabatha le thathafe. Ne ba re batho ba sa kgi korong fote ba sa yalafisi batho ba go lwala ka letšatši lone. (Mar. 2:23-27; 3:2-5) Ne ba sa make tso Jehova a di nyakang, le Jeso o hlayye tsotsone nakwela a bolabola le ba gore ne ba mo theetsela. w19.12 3-4 ¶8-9

Go tšhuta ka mekgwa ya Jehova ya go bafala, go maka gore go be lula go kopisela gage. Ka taba la gore Dafita ne a tšiba Papage wa ku legedimong, o kgonne go kopisela gage mo a berekisana le batho. Ka taba la gore Dafita ne go le monghana wa Jehova, o yye a ba gare ga magoši ya gore batho ne ba kwana nawo ka matla fote Jehova o butsiye magoši ya mangwana ya Israyele gore ma tseyele gage. (1 Mag. 15:11; 2 Mag. 14:1-3) Re tšhuta ying rune ga tsowa? Di nyaka re “kopisele ga Modimo.” Mo re kopisela ga Jehova, re šupetsa gore ke rune bana bage. (Maef. 4:24) Re ka sa tsoge re felele ke dilo tsa go di tšhuta ka Jehova. (Mmo. 3: 11) A di yi ka gore re tšiba ying ka Jehova, mara di ya ka gore re maka ying ka so re se tšibang. Mo re ka berekisa tso re di tšhutang le go kopisela ga Papa rune, o nyoko ya mahlong a šutela thina le rune. (Jak. 4:8) Ka Baebeleng, Jehova o re tshepisa gore a ka sa tsoge a lahliye bo ba nyakang go mo tšiba. w19.12 20 ¶20; 21 ¶21, 23

Jakobo ke mo a nyaka barwayi bage ka mokana ga bona ka matla mara mo go le Josefa wa gore ke mo a na le 17 ya mengwaga ke mo a mo nyaka tsa nkare ke moka. Tsotsone di yye tsa tshwara bobhuti ba Josefa ka mokgo mang? Ba yye ba thomisa go mo jelasela ke mokane ba mo hloya. Byalo ba yye ba mo rekisa gore go be lebhantiti ke mokane ba botsa papa bona matsaka ya gore morwayi wage wa gore o mo nyaka ka matla o bolayye ke sebata. Go ba le mona go makiye gore go beba mo ne go le gona gabo Josefa go šaše fote ba kwisiye le papa bona go baba ka matla. (Gen. 37:3, 4, 27-34) Mona wo badiwa ga letheto la “mebereko ya nama” ya gore ya bolaya fote yi ka maka motho gore a sa kene ga Mmušo wa Modimo. (Magal. 5:19-21) Ga go tlala mona ke wona wo makang gore motho a be le mekgwa ya nkare ke tšhefu ya go tshwana le go garatsa, go kwana le dintwa le go dulela go kukumusa dikana. Tso bobhuti ba Josefa ba di makiyeng di šupetsa gabutši gore mona wo ka sinya senghana fote wa maka gore go beba mo ne go le gona ka gaye go šaše. Le mo re ka sa tsoge re makiye tso bobhuti ba Josefa ba di makiyeng, mara nnete ke gore ka mokana ga rune a ra yenela fote dipelo tso tsa rune di tlele bošakašakane. Nka taba lo ka dinako tse dingwana re ka tikwang re jelasela ba bangwana. w20.02 14 ¶1-3

Jehova o yye a tseya moya wo mongwana ga Moše ke mokane a wo pomela mogoba wa bagolo ba Maisrayele ba gore ke mo ba yemme ga letente lo go gahlanediwang ga lona. Ka nthagonyana ga mone, Moše o yye a di kwelela tsa gore bagolo ba bangwana ba gore ne ba se šiyo ku letenteng lo go gahlanediwang ga lona le bona ba krayye moya wa go hlawolega, ke mokane ba thomisa go titshwara go tshwana le ba go porofeta. King so a yyeng a se maka mo Jošuwa a mmutsisa gore ayitsano a ye a botse bagolo baala ka babedi gore ba lesetse mmereko wone? Moše a sanka a jelasela bagolo bowa mo Jehova a thomme go ba berekisa. Mara ke mo a tinyanafatsiye fote a jabola nabo mo ba neyiwwe mmereko wa go porofeta. (Dip. 11:24-29) King so re ka se tšhutang ga Moše? Mo nkare ke wene mogolo, ayitsano ba yye ba go kgopela gore o tšhutise ye mongwana ka ho phutegong go maka mmereko wa gore wene wo kwana nawo ka matla? Mara mo nkare o tinyanafatsiye go tshwana le Moše, di ka sa go hlupi mo ba go kgopela gore o tšhutise mogageru ye mongwana mmereko wone, gore mo go-ya-go-ya le yene a thogo tšiba ka mokgo a tshwaneleng go maka mmereko wone. Mara di ko go jabodisa ka matla go nyaka go gelepa mogageru. w20.02 15 ¶9; 17 ¶10-11

Go lwala go ka re gatelela tsa nkare ke moka. Re ka tšeba mo batho ba bona gore a re kgone go maka dilo tse dingwana kela mo di nyaka re kgopele ba bangwana gore ba re gelepe. Le mo di ka makega gore ba bangwana ba sa di bone gore re ya lwala, di ka makega gore rune beng re lwe le taba ya go titseyela fase ka taba la mo go na le tso re šitegang go di maka. Mo re tlela ke dilo tsone tsa go roba, Jehova o nyoko re gelepa. Ka mokgo mang? Jehova o makiye gore Baebele yi be le mantsu ya gabutši gore yi thogo re gopotsa gore wa re kwela le mo re ka ba re le dikoka. (Pis. 31:19; 41:3) Jehova o nyoko berekisa mantsu yane ya go butšwelediwa go go gelepa gore bolwele byago bo sa nape bo maka gore o kwe nkare a yi wene motho. O sa kamake gore Jehova wa di tšiba tsa gore o hlakana le tsa mošaga mang. Mo llele, gore a go gelepe gore o thogo tseya seyemo sago gabutši. Bala Baebele gore o kraye mantsu ya Jehova ya gore ma ka go kgomoletsa. Lebelela ka matla mangwalo ya ma šupetsang ka mokgo Jehova a tseyelang malata yage gedimo. Mo o maka ka mokgonone, o ko di boneng gore Jehova o ba kwela go baba bo ba mmerekelang ka go tshepega.—Pis. 84:11. w20.01 15-16 ¶9-10; 17 ¶12

Isaka ke mo go le monna wa gore ke mo a ghannye fote Mafilisita ke mo ma mo jelasela ga tso ne a le natso. (Gen. 26:12-14) Ma yye ma fatela didiba tso Isaka ne a di tshepiye gore a thogo neya diphoolwane tso ne a di ruwwe meetši. (Gen. 26:15, 16, 27) Go fo tshwana le Mafilisita, batho ba bangwana lekgono ba jelasela ba bangwana a taba la gore ba na le dilo tsa go tlala tsa majabajaba tsa go phala tsa bona. Ba nyaka dilo tsa ba bangwana fote ba nyaka go ba yamoga le tso ba nang natso. Bo ba go yeta mahlong ba sedumedi sa Sejuda ba yye ba jelasela Jeso ka taba la gore batho ba go tlala ke mo ba mo nyaka ka matla. (Mat. 7:28, 29) Jeso ke mo a maka tso Modimo a di nyakang fote ke mo a tšhutisa nnete. Le mo go le sone, bobone ba go yeta mahlong ba sedumedi ke mo ba bolabola letsaka la mafelelo ba boya ba sinya Jeso lebitso. (Mar. 15:10; Joh. 11:47, 48; 12:12, 13, 19) King so re ka se tšhutang ga taba yowa? Di nyaka re lwe ka matla gore re sa tikraye re jelasela magageru ya mangwana ka ho phutegong, mo ma nyakiwa ka matla go phala rune ka taba la mekgwa ya wona ya gabutši. Mara di nyaka re leketse ka matla go yekisela tsa gabutši tso ma di makang.—1 Makor. 11:1. w20.02 15 ¶4-5

Tla re fo re 2 500 ya mengwaga ya go feta ke mo o dula ga naga yo ba reng ke Pheresiya fote o nyaka go bolabola le kgoši ka taba ye nngwana. Mara taba ke gore o ka sa kene ka ku ga kgoši yi sa go bitsa, di nyaka o thomise ka go kgopela go bolabola nayo ke mokane yi dumele. Mo o ka fo ya, le go bolayiwa o ka bolayiwa! Re leboga ka matla wa tšiba gore Jehova aa tshwane le kgoši yela ya Pheresiya! Aa re rakele mo re nyaka go bolabola naye ka nako ye nngwana le ye nngwana. O nyaka re lokologe mo re nyaka go bolabola naye. Mo re beyisa, le mo Jehova ba re ke ye a makiyeng dilo ka mokana ga tsona, wa Matšhika ka moka le Morena ye Mogolo mara o nyaka gore re mmitse re re ke “Papa.” (Mat. 6:9) Ye lune, phela taba ya gore Jehova o nyaka re tikwe re šutele thina naye yi ro jabodisa ka matla wa tšiba! Re ko ba re sa yi lahle mo re re Jehova ke “Papa” ka taba la gore ke yene ye a re neyyeng lephelo. (Pis. 36:9) Taba ya gore Jehova ke Papa wa rune yi re tšhofa gore re mo theetsele. Mo re maka tso a re botsang gore re di make, re nyoko jabolela tso a ko bang a re rufa ka tsona. (Maheb. 12:9) Tso re nyoko rufiwang ka tsona ke lephelo la go ya go yye mo lefaseng kela legedimong. w20.02 2 ¶1-3

So re nyakang go se segelela ke go gelepa bo re balang nabo Baebele gore ba gole ga tso tsa Modimo. (Maef. 4:13) Mo motho a dumela go tšhuta Baebele, gabutšibutši o ba a nyaka go bona ka mokgo yi ka mmerekelang. Mo a thomisa go kwa a mo nyaka ka matla ga Jehova, o nyoko thoma go bona ka mokgo a ka gelepang ba bangwana, go tokegela le bo ba leng ka ho phutegong. (Mat. 22:37-39) Mo nako ya gabutši yi segela, o sa tšhabe go mmotsa ka taba ya moneyelo wa gore wo gelepa mmereko wa rune wa go tšhomayela gore wo ye mahlong. Tšhutisa ye o balang naye gore a tšibe so a tshwaneleng go se maka mo a gahlana le tsa go mo ghula. Mo re beyisa, tla re fo re ye o balang naye Baebele, wa gore go šele go le motšhomayedi wa gore aa kolobetsiwa o go botsa gore go na le ye a sa mo tshwarang gabutši ka ho phutegong. Mo šupetse so Baebele yi se bolabolang ka seyemo sone, go sa be le ye o yemang naye. A ka fo tshwarela mogageru yene mara mo nkare a ka sa di kgone go fo lesetsa taba yone, di ko nyaka gore a bolabole le motho yene a bebiye fote a šupetsa gore so a nyakang go se segelela ke gore yene le ‘mogageru ba boyelane’. (Beyisa ka Matewu 18:15.) Gelepa ye o balang naye Baebele gore a lukiselele tso a nyoko di bolabolang. w20.01 5-6 ¶14-15

Re šupetsa gore re leboga taba ya gore Jehova wa re tshwarela mo re kgopela gore a re tshwarele, mo re sa gane go wolodiwa le mo re karakara ka matla gore re sa boyelele tsa go kekema tsetsela. Mo re maka tsotsone, re nyoko boyela ra beba ka ku tengteng ga rune. Wa tšiba di tiyisa ka matla go tšiba gore “Jehova o thina le ba dipelo tsa go kwa go baba; o phonisa bo ba gore ba kwile go baba”! (Pis. 34:18) Ka taba la gore re šele re le thina ka matla le mafelelong, tsa go maka gore re šekele di nyoko fo ya di tokegelana. Mo go na le tso di go šekedisang, yakgoswa o botsa Jehova gore a go gelepe. Wunyulla tso di leng ka ho Baebeleng. Tšhuta ga mešupetso ya bo Hanna, Pawulo wa lepostola le Kgoši Dafita. Kgopela Papago wa legedimong gore a go gelepe gore o thogo bona tso di makang gore o šekele. (Pis. 139:23) Mo lesetse a go rwalele dijumbha tsago, ka matlamatla ga tsa gore a wo tšibi gore o ka kena ka kaye. Mo o ka maka tsotsone, phela o nyoko fo tshwana le mopisalema wa gore o yye a yepelela Jehova, a re: “Mo ke kgahleletsa ke mešekelo, o yye wa nkgomoletsa wa boya wa maka gore ke kgibe.”—Pis. 94:19. w20.02 24 ¶17; 25 ¶20-21

Modimo o berekisiye moya wa go hlawolega go “butšwelela” bo ke mo ba ngwala Baebele gore ba ngwale tso yene a di nyakang. Modimo o berekisiye moya wage gore a ‘butšwelele’ tso a di naganneng ka menaganong ya bo ne ba ngwala Baebele. Mo re bala Baebele re boya re ghayela ka tso re di badiyeng, melawo ya Modimo yi kena ka menaganong le dipelong tsa rune. Sosone se maka gore re tšhentšhe maphelelo ke mokane re kwe di re tšhofa gore re make tso di jabodisang Modimo. (Maheb. 4:12) Mara gore moya wa go hlawolega wo thogo re berekela, di nyaka re tihlupe ka go bala Baebele ka moka matšatši fote re ghayele ka matla ka tso re di badiyeng. Ke mokane Lentsu la Modimo le nyoko re kutšetsela ga tso re di bolabolang le ga tso re di makang. Fote di nyaka re rapele Modimo ggoši. (Pis. 22:22) Moya wa Jehova wa go hlawolega wo gona megahlanong. (Kut. 2:29) Mo re gahlana le magageru re rapelela moya wa go hlawolega, re yepelela dikoša tsa gore di tšwa ka Lentsung la Modimo fote re theetsela magageru ya gore ma hlawodiwwe ka moya wa go hlawolega mo ma beya dipolabolo. Gore moya wa go hlawolega wo re berekele, di nyaka re lukiselele gabutši gore re thogo fetola megahlanong. w19.11 11 ¶13-14