January

Tumelo ya Thimothi ke mo yi tiyisiye ke dinnete tsa go sa tšhentšhi tso di mo gelepiyeng gore a šutele thina ka matla le Jehova. Le wene di nyaka o ghayele ka dilo tso o di tšhutang ka Jehova ho Baebeleng gore o thogo bona gore ayitsano dya kwagala. Di nyaka o thome o tšibe dilo tsowa ka ditharo tso go leng nnete. Sa mathomo, di nyaka o sa kamake gore Jehova Modimo ke yene a makiyeng dilo ka mokana ga tsona. (Ek. 3:14, 15; Maheb. 3:4; Kut. 4:11) Sa bobedi, di nyaka o di tšibe gore Baebele ke molayetsa wa gore o butšwelele ke Modimo. (2 Thim. 3:16, 17) Sa boraro, di nyaka o fetse le pelo gore Jehova o na le mokgahlo wa batho bo ba mmerekelang ba yetetsa ke Kreste le gore mokgahlo wone ke wa Dihlatse tsa Jehova. (Jes. 43:10-12; Joh. 14:6; Meber. 15:14) Tsosone a di nyake gore o thome ka go tšiba Baebele ka mokana ga yona. Di nyaka o tikemisele go ‘berekisa monagano wago’ gore o tiyise taba ya gore o krayye nnete.—Mrm. 12:1. w20.07 10 ¶8-9

Seporofeto sowa se bolabola ka moririmane sa ditšiya tsa gore di na le difahlego tsa batho fote di na le fapo ya gholdhi mo dihlogong tsa tsona. (Kut. 9:7) Di fetsa sehlano sa dikgwedi, ga go tlala lephelo la tšiya le segela gana hone, di kene di hlorisa batho bone [manaba ya Modimo] ba gore a ba na setwaba sa Modimo mo mopong. (Kut. 9:4) Di šupa nkare taba yowa yi rela malata ya Jehova ya gore ma tlotsiwwe. Bona ba tšhomayela ba sa hlagasele ditaba tsa gore Modimo o nyoko yahlula batho ba lefase lowa ba go ba le dipelo tse diphifadu, fote tsotsone a di ba tshware gabutši batho ba lefase lo. Ayitsano re ra gore ditšiya tso Juwele 2:7-9 yi bolabolang ka tsona a di tshwane le ditšiya tso go bolabodiwang ka tsona ga puku ya Kutullo? Eya. Ka ho Baebeleng, gwa makega gore selo se berekisiwe ga mayemo ya go tlala ya gore a ma tshwane. Mo re beyisa, ga Kutullo 5:5, ba re Jeso ke “tawu ya moloko wa Juda,” mara ga 1 Petro 5:8, Diyabolo ba mo hlatolla go le “tawu ya go bopa.” w20.04 3 ¶8; 5 ¶10

Haghara ke mo go le sebereki sa Sarayi, mara o yye a maka tsa bophokophoko nakwela ba mo makiye mosadi wa Abhrama. Haghara o yye a yima ke mokane a thomisa go tseyela Sarayi fase ka taba la gore ke mo a se na le mong ngwana ka wwoši. Taba yone ke mo go le ye kgolo ka matla la go šinya Sarayi a mo raka. (Gen. 16:4-6) Ka taba la gore re šitega go bona dilo gabutši, re ka fo tseya nkare Haghara o layegiye fote o krayye tso ne a di nyaka. Mara Jehova ke mo a sa mo tseye ka mokgonone ga Haghara. O yye a romela lengeloyi lage gore le ye le mo gelepe. Mo lengeloyi lone le segela gage, le yye la mo gelepa gore a tseye dilo gabutši ke mokane la mo rufa. Haghara le yene o yye a di bona gore Jehova ke mo a kene a mo lebelele fote a tšiba se sengwana le se sengwana so a fitiyeng ga sona. O yye a kwa di mo tšhofa gore a hlaye gore ke “Modimo wa go bona, . . . wa gore wa mpona.” (Gen. 16:7-13) Jehova o bonne ying ga Haghara? Ke mo a mo tšiba gabutši le dilo ka mokana ga tsona tso a fitiyeng ga tsona. Taba yowa ya Haghara ya go delela Sarayi Jehova a sanka a yi tseya ka go nyana, mara tso Haghara a yyeng a gahlana natso le seyemo so ne a le ga sona o yye a sa di takisi maahlo. w20.04 16 ¶8-9

Pawulo wa lepostola o yitseri, Makreste ya mannete ka mokana ga wona maa taboga. (Maheb. 12:1) Byalo ka mokana ga rune, ye mogolo le ye monyana, wa gore o na le matšato kela wa gore o tinnwe, ka mokana ga rune di nyaka re tiyisele go segela mafelelong, mo nkare re nyaka gore Jehova a re neye patela yo a re tshepisiyeng yona. (Mat. 24:13) Pawulo ke mo a kgona go bolabola a sa tšhabe selo ka taba la gore o yye a “taboga go segela mafelelong.” (2 Thim. 4:7, 8) Mara gabutšibutši motabogo wo Pawulo ne a bolabola ka wona king? Ka dinako tse dingwana Pawulo mo a tšhutisa dilo tso a nyakang gore batho ba di tseyele hlogong ke mo a berekisa tso di makegang mo go kganiwa mekgano ya ku Gerika ya botala. (1 Makor. 9:25-27; 2 Thim. 2:5) Ga go tlala o tshwanisiye motabogo wa mawoto le lephelo la Mokreste. (1 Makor. 9:24; Magal. 2:2; Mafil. 2:16) Motho o thoma go taboga “motabogo” wowa mo a tineyela ga Jehova ke mokane a kolobetsiwa. (1 Pet. 3:21) O fetsa go taboga mo Jehova a mo neya patela yage ya lephelo la go ya go yye.—Mat. 25:31-34, 46; 2 Thim. 4:8. w20.04 26 ¶1-3

“Morena wa tshepega, o nyoko go tiyisa a boye a go pasope ga wa pelo ye phifadu.” (2 Mathes. 3:3) Jehova o re pasopa ka mokgo mang? Jehova o re neyye dikobo tsa ntwa tsa gore di nyoko re pasopa ga tso Sathane a re bošang ka tsona. (Maef. 6:13-17) Dikobo tsowa tsa go tšwa ga Modimo di tiyye fote di re pasopa ka nnete! Mara di nyoko re pasopa mo re ka di yapara ka mokana ga tsona, re sa di yapole. Mo re beyisa, lepanta la nnete le yemela dinnete tso di leng ka teng ga Lentsu la Modimo, Baebele. Re le tlemisa king lepanta lowa? Re le tlemisa ke gore Sathane ke “papa wa matsaka.” (Joh. 8:44) O fetsiye dikete tsa mengwaga a kene a lokotša matsaka yawa yage le go fokola “lefase ka mokana ga lona”! (Kut. 12:9) Mara dinnete tso di leng ka ho Baebeleng di ya re gelepa gore a sa re tshokanye. Lepanta lowa re le tlema ka mokgo mang? Ka go tšhuta nnete ka Jehova, go mo rapela ka “tsa go kwana le Modimo le nnete” le ka go phela ka mokgwa wa go tshepega ga dilo ka moka.—Joh. 4:24; Maef. 4:25; Maheb. 13:18. w21.03 26-27 ¶3-5

So ne se maka gore naga yone yi bafale ka matla, ke gore ke mo ne go rapediwa Modimo wa mannete gona. Go tlugisela ka Pentekoste ya 33 C.E., “naga” yone ke mo go sa sa le poleke ya mannete ya gore ke yona yi le ntoši ka taba la gore batho ba Jehova ke mo ba šele ba tlalaganne lefase ka mokana ga lona. Mara, lekgono “naga ya go Kgabisiwa” ke dilo ka mokana ga tsona tso di makang ke batho ba Jehova, gana hone go kena le go mo rapela mo ba le megahlanong le mo ba tšhomayela. Mo dinako tsa mafelelo di kene di ya maahlong, kgoši ya lebowa yi kenne ga “naga ya go Kgabisiwa” ga tleletlele. Mo re beyisa, mo Nazi ya Jeremane yi ba kgoši ya lebowa, ka matlamatla ka dinako tsa ntwa ya bobedi ya lefase, mo kgoši yone yi hlorisa yi boya yi bolaya batho ba Modimo, ke mo di šupetsa gore yi kenne ga “naga ya go Kgabisiwa.” Ka nthago ga Ntwa ya Bobedi ya Lefase mo Soviet Union yi ba kgoši ya lebowa, kgoši yone yi yye ya kena ga “naga ya go Kgabisiwa” mo yi hlupegisa batho ba Modimo ka go ba maka mabhantiti. w20.05 13 ¶7-8

Bona banna ba bangwana ba gore ba phidiye mo go soko segela nako ya Sekreste ba gore ba yye ba nghanelana le Modimo. Abhrahama ke mo go le monna wa gore o šupetsiye a na le tumelo ya go tiya ka matla. Mo go šele go fitiye mengwaga ya go teya ka ku ga 1 000 Abhrahama a šele a kgwile, Jehova o yye a re ke “monghane waka.” (Jes. 41:8) Byalo, di fo šupetsa gore le mong likgu le ka sa di kgone go sinya senghana so Jehova a nang naso le banghana bage ba bagolo. Abhrahama o sa phela monaganong wa Jehova. (Luk. 20:37, 38) Ye mongwana ke Jobo. Jehova o yye a bolabola dilo tsa go šupetsa gore wa mo tshepa ga Jobo, mo a hlaya tsotsone ke mo a theetsele ke mangeloyi ya ne ma hlekeletsanne ku legedimong. Jehova o yye a mo hlatolla go le “monna wa go loka wa go tshepega, wa go tšhaba Modimo wa gore fote o hloyye tsa go befa.” (Jobo 1:6-8) Jehova ke mo a tikwa byang ka Daniyele, wa gore o fetsiye gana hala ga bo-80 ya mengwaga a berekela Modimo ka go tshepega a le ga poleke ya gore go dula batho ba go sa rapele Modimo? Mangeloyi ma hlayye gararo ma botsa monna yewa wa gore o šele a tsofele gore Modimo o mo ‘tseyela gedimo ka matla.’ (Dan. 9:23; 10:11, 19) Byalo, a re kamake gore Jehova o ro nabela gore go segele letšatši lo a nyoko tsosang banghana bage ba gore o ba nyaka ka matla ba gore ba kgwile.—Jobo 14:15. w20.05 26-27 ¶3-4

Ye o balang naye a ka tšhuta ka melawo ya Modimo a boya a yi jabolela. Mara ayitsano ye o tšhutang naye Baebele o ko theetsela Jehova ka go di nyaka? O sa lebale gore Efa ke mo a tšiba molawo wa Modimo, mara ke mo a sa re selo ka Mong wa molawo wone; ga Adamo yene ayya! (Gen. 3:1-6) Byalo, di nyaka re tšhutise batho ka dilo tso Modimo a nyakang gore ba di make, re boye re ba tšhutise ka melawo yage. Nnete ke gore Melawo ya Jehova ya jabodisa fote yi bafele. (Pis. 119:97, 111, 112) Mara o ka kraya motho ye re tšhutang naye Baebele a sa bone gore melawo yone yi mmerekela byang, byalo di nyaka a tšibe gore Jehova o makiye melawo yone ka taba la gore batho o ba nyaka ka matla. Byalo re ka fo butsisa ye re tšhutang naye Baebele gore: “O nagana gore ke ntaba Modimo a re malata yage ma make selo sowa kela a re ma sa make selo sowa? Sosone se re botsa ying ka Modimo?” Mo re gelepa ye re tšhutang naye gore a nagane ka Jehova, a boye a kwe a kwana ka matla le lebitso lo la Modimo la go hlawolega, re ko ba re le thina ka matla le go segelela pelo yage. Mo re maka tsotsone, batho bo re ba tšhutisang Baebele ba nyoko tikwa ba mo nyaka ka matla ga Modimo ba boya ba kwana le melawo yage. Tumelo ya bona yi nyoko tiyelela, fote ba ko di kgoneng go yema ba sa tekateke mo ba gahlana le dilo tsa go ba ghula.—1 Makor. 3:12-15. w20.06 10 ¶10-11

Di nyaka re lefise pelo ka taba la gore di tseya nako gore motho a yalafege ga tso tsa Modimo. Ba go tlala ba gore ke mo ba bata ga tso tsa Modimo, baa dumela gore ba yye ba thoma go thogathoga ka nthago ga gore bagolo le magageru ya mangwana ka ho phutegong ba ba vakašele ga tleletlele. Mogageru ye mongwana wa mosadi ye ba reng ke Nancy, wa ku Borwabohlabela bya Asia, o ngwadiye gore: “Mogageru ye mongwana ka phutegong wa gore ke mo go le monghane waka, o n’gelepiye ka matla. Ke mo a nnyaka ka matla tsa nkare go ro ba sesi waka ye mogolo. O yye a n’gopotsa ka dinako tsa gabutši tso re yyeng ra di jabolela ku nthago. Mo nkene ke mmotsa ka mokgo ke tikwang ka gona, ke mo a lefisa pelo fote ke mo a sa jikajiki go nneya mayele. Ke mo a tišupetsa go le monghana wa mannete, wa gore o dula a yemele go gelepa ka nako ye nngwana le ye nngwana.” Go kwelana go baba go tshwana le makgura ya gabutši ka matla, ya gore ma ka yalafa motho mo a kwalele. Ba bangwana ba gore baa bata ga tso tsa Modimo, go fitiye mengwagangwaga ba kwisiye go baba ke tso di makiyeng ke ye mongwana ka ho phutegong. Sosone se makiye gore ba šitege go boyela ga Jehova. Ba bangwana ba ka fo kwa nkare a baa tshwariwa gabutši. Ba ka fo ba ba nyaka motho wa gore a ka ba theetsela gabutši a boya a kwisisa ka mokgo ba tikwang. w20.06 26 ¶10-11

Nako ye nngwana le ye nngwana mo o gana go maka so go seng sona, di nyoko ba lula gore o make tsa gabutši. Phela o sa lebale gore dilo tso batho ba lefase ba di tšhutisang ka taba ya go yetsela ga monna le mosadi ke dilo tso di tšhutisang ke Sathane. Byalo mo o gana go maka dilo tso batho ba lefase lowa ba di makang o ko ba o ‘hludiye ye wa pelo ya go befa.’ Re di tšiba gabutši gore Jehova ke yene wa go ka re botsa gore mo ba re motho o sinya ka matla ba ra mo a maka ying. Byalo re maka so re ka se kgonang gore re sa sinyi ka matla. Mara mo re sinya ka matla, re rapela Jehova re mmotsa tso re di makiyeng. (1 Joh. 1:9) Fote mo re sinnye ka matla, re kgopela bagolo bo Jehova a ba hlawodiyeng gore ba re pasope gore ba re gelepe. (Jak. 5:14-16) Mara a di nyake re kokona ke dilo tsa go kekema tso re yyeng ra di maka ku botala. Ke ntaba mara? Ka taba la gore Papa wa rune wa go re nyaka ka matla o makiye gore go be le sehlabelo sa go re lepolla ka Morwayi wage gore re tshwarediwe ga tsa go kekema tso re yyeng ra di maka. Mo Jehova a re o ko re tshwareleng ga tsa go kekema mo re tisola, aa re tshokanyi. Byalo, a se šiyo le ka ssoši so se ka makang gore re sa sa berekela Jehova ka lekwalo la go yela.—1 Joh. 2:1, 2, 12; 3:19, 20. w20.07 22-23 ¶9-10

Ne go na le nakwenngwana ya gore Jehova ne a le ntoši. Mara sone a se rele gore ne a bhoregiye. Ne a sa nyake motho wa go mo ntsha budutu. Mara Modimo ne a nyaka gore le ba bangwana ba jabolele lephelo. Jehova o yye a thomisa go maka dilo a tšhofa ke gore wa re nyaka. (1 Joh. 4:19) Jehova o thomisiye ka go maka Morwayi wage ye ba reng ke Jeso. Ne a berekisana le Morwayi wage go “maka dilo ka mokana ga tsona,” gana hone go kena le mangeloyi. (Makol. 1:16) Jeso o jabolele go bereka le papage. (Diy. 8:30) Go na le so se yyeng sa maka gore mangeloyi le wona ma jabole. Ne ma lebelele mo Jehova a berekisana le Segele se Segolo, Jeso, go maka legedimo le lefase. Mangeloyi ne ma tikwa byang ka taba yowa? Ma yye ma thanaka Modimo mo a maka lefase le dilo ka mokana ga tsona fote ma mo thanaka go segela mo a maka le batho. (Jobo 38:7; Diy. 8:31) Selo se sengwana le se sengwana so Jehova a se makiyeng se šupetsa gore wa re nyaka le gore o hlalefiye.—Pis. 104:24; Mrm. 1:20. w20.08 14 ¶1-2

Jehova o re makiye ka mokgwa wa gore re di kgone go šupetsa batho ba bangwana gore re ya ba nyaka, le rune re kwe re nabela gore ba re šupetse gore baa re nyaka. Byalo mo motho a re hloyye, tsotsone di ka re kwisa go baba kela dya maka gore re dule re tšhugiye. Mogageru ye mongwana o ngwadiye gore: “Masole ma yye ma nteya, ma nrogelela fote ma ntshosetsa ka taba la gore ke nna Hlatse ya Jehova, ke yye ka tšhoga ka matla, ka boya ka šala ke tšebiye.” Di kwisa go baba ka matla mo ba go hloyye ka mokgonone, mara a di re makatse. Ke botala Jeso a hlayye gore ba nyoko re hloya. Ke ntaba lefase le hloyye malata ya Jeso? Ka taba la gore “a yi rune ba lefase lowa,” go fo tshwana le Jeso. (Joh. 15:17-19) Bo ba go lawola ba lefase lowa re ya ba hlompa, mara a re ba thinyele letolo kela go rapela dilo tso di yemelang memmušo ya bona. Re rapela Jehova a ntoši. Taba ya gore Modimo ke yene a ntoši ye a tshwaneleng go lawola batho re yi tseyela gedimo, fote selo sone, Sathane le ‘bana’ bage a ba kwane naso. (Gen. 3:1-5, 15) Re tšhomayela gore Mmušo wa Modimo ke wona fela wo batho ba ka tshepelang ga wona fote wo nyoko psyitlanya batho ka moka ba gore ba phigisana nawo. (Dan. 2:44; Kut. 19:19-21) Tsone ke ditaba tsa go bafala ga bo ba go loka mara bo ba go sa loka ba psyile. w21.03 20 ¶1-2

Jehova o šupetsa gore magageru ya basadi o ma tseyela gedimo ka go ma neya mmereko wo mogolo ka ho phutegong. Ke mešupetso ya gabutši ka taba la gore ke mo ba šupetsa gore ba hlalefiye, ba na le tumelo, matšato, lešiši, a ba konane le gore ke mo ba maka mebereko ya gabutši. (Luk. 8:2, 3; Meber. 16:14, 15; Mrm. 16:3, 6; Mafil. 4:3; Maheb. 11:11, 31, 35) Re jabola ka matla ka taba la gore re na le bo ba gore ba tsofele diphutegong tsa rune. Ya mangwana maa lwalalwala ka taba la go tsofala. Mara magageru yawa ma maka so ma ka se kgonang ga mmereko wa go tšhomayela fote ma karakara ka matla gore ma thogo tšhutisa ba bangwana mmereko le go ba tiyisa! Fote re tšhuta tsa go tlala ga bona. A re kamake gore Jehova o ma tseyela gedimo, le rune re tikwa ka mokgonone. (Diy. 16:31) Nagana le ka bo ba sa golang. Ba ghulana le dilo tsa go tlala mo ba kene ba gola ga lefase lowa la go lawola ke Sathane Diyabolo wa gore o kutšetsela dilo tso batho ba tikhandelang tsona tsa go kekema. Mara re kwa re tiyelele ka matla mo re bona bo ba sa golang ba fetola megahlanong, ba karakara tšhomong fote ba yemela tso ba di dumelang ba kene ba šišimele. Nnete ke gore bo ba sa golang ba na le tsa go tlala tso ba di makang ka phutegong ya Jehova!—Pis. 8:2. w20.08 21-22 ¶9-11

Mo re tšhomayela ke mokane batho ba thomisa go tšiba gore ke rune Dihlatse tsa Jehova, re ka gahlana le “didingwane” tsa go tshwana le go phigisa ke ba mitši kela mašaga ya rune, banghana ba rune ba ka re poyilanya kela ra kgongwetsa ke mo batho ba sa nyake go theetsela molayetsa wa rune. King so se ka go gelepang gore o šišimale? Sa mathomo, di nyaka o di tshepa gore Jeso yetiye mahlong mmereko wa go tšhomayela a le ku legedimong. (Joh. 16:33; Kut. 14:14-16) Ke mokane o di tshepe o sa thogathoge tsa gore Jehova o yitseri o nyoko go pasopa. (Mat. 6:32-34) Mo tumelo yago yi kene yi tiya, o ko di kweng le wene gore wa šišimala. O šupetsiye gore o na le tumelo ye kgolo mo o botsa banghana le mašaga yago gore o tšhuta Baebele le Dihlatse tsa Jehova le gore o šele o ya megahlanong! Re ya tšiba gore o tšhentšhiye maphelelo yago gore o thogo phela ka melawo ya Jehova ya go loka. Tsotsone le tsona di nyaka tumelo le lešiši. Mo o kene o ya mahlong o šišimele, o sa lebale gore “Jehova o nago gongwana le go gongwana mo o yang gona.”—Još. 1:7-9. w20.09 5 ¶11-12

Kgoši Asa ke mošupetso wa gabutši wa motho wa gore o hlalefiye ka taba la gore o yye a tisamela ka Jehova ka pelo yage ka mokana ga yona. Ke mo a berekela Jehova mo dilo di mo sepelela gabutši le mo di sa mo sepelele gabutši. Go tlugisela botala, “Asa ne a tineyele ga Jehova ka pelo yage ka mokana ga yona.” (1 Mag. 15:14) Se sengwana so a se makiyeng go šupetsa gore o tineyele ga Jehova ke go tlosetsela borapedi bya medimo ya dithombhe ku Juda. Baebele yi re “o yye a tlosa dialetare tsa medimo ya matsaka le diwolo, a šilanya dikholomo tsa go hlawolega, a boya a ro kopetsela diphate tsa go hlawolega.” (2 Dikor. 14:3, 5) O yye a ro tlosa le mong kokwane wage wa mosadi ye ba reng ke Maakha setulong sage sa ka ntlong ya bogoši. Ke ntaba? Ka taba la gore sekgekolane sowa ne se kutšetsela batho gore ba rapele medimo ya dithombhe. (1 Mag. 15:11-13) Asa aa felela gana hone ga go tlosetsela medimo ya matsaka. Mara o yye a gelepa batho ba Juda gore ba boyele ba rapele Jehova fote. Jehova o yye a rufa Asa le Maisrayele ka go maka gore ba be ga seyemo sa go beba. Ka lesome la mengwaga la mo go lawola Asa, “go yye gwa kgiba ga poleke yone.”—2 Dikor. 14:1, 4, 6. w20.09 14 ¶2-3

Ga go tlala re tshwarisa batho dilo tso re di tseyelang gedimo. Mo re beyisa, re ka beya tšheleta ya rune pankeng. Re yi beya ka pelo ya gore yi ka sa lahlege kela ba yi yetswa. Pawulo wa lepostola o guputsiye Thimothi gore o tshwere selo se segolo ka matla—selo sone ke nnete ya go felegelela ya dilo tso Modimo a nyoko di makelang batho. Fote Thimothi ba mo neyye mmereko wa go “tšhomayela lentsu” le go “maka mmereko wa motšhomayedi.” (2 Thim. 4:2, 5) Pawulo o yye a hlohletsela Thimothi gore a pasope so ba mo neyyeng sona. Le rune re tshwarisiwwe dilo tse dikgolo ka matla go tshwana naye Thimothi. Jehova o berekisiye Lentsu lage Baebele go re tšhutisa mong yona nnete. Nnete yowa ke lekolwane ka taba la gore yi re tšhutisa ka mokgo re ka nghanelanang le Jehova le ka mokgo re ka jabolang tsa mannete. Mo re ka yamogela nnete yowa ke mokane ra phela ka yona, re lesetsa go ba mabhantiti ya matsaka ya ma tšhutisiwang le mekgwa ya go sa hlamatsega.—1 Makor. 6:9-11. w20.09 26 ¶1-3

Di nyaka ye o tšhutang naye Baebele a di bone gore nnete yo yi leng ka Baebeleng wa yi jabolela fote wa yi tshepa. Sosone se nyoko maka gore tso a di tšhutang a di jabolele. Mo nkare a go sinyegi selo, o ka mmotsa le ka mokgo di go berekeleng ka gona go phela ka ditšhiko tsa Baebele. Le yene o ko di bona gore Baebele yi ka mo yetetsa. Mo le kene le tšhuta Baebele, yanegela ye o tšhutang naye ka dintshitshire tsa nnete tso di yyeng dya tlela magageru tsa gore di yelana le tsage fote ba di hludiye. O ka tla le ye mongwana wa ka ho phutegong wa gore ye o tšhutang naye Baebele a ka tšhuta ga mošupetso wage. Gelepa ye o tšhutang naye Baebele a thogo bona gore o ko ba a hlalefiye ka matla mo a berekisa ditšhiko tsa Baebele. Mo nkare ye o tšhutang naye Baebele o šadhiye, ayitsano ye a šadhiyeng naye le yene wa tšhuta? Mo nkare aa tšhuti, mo memeneng. Hlohletsela ye o tšhutang naye gore a botse ba mutši wage le banghana bage tso a di tšhutang.—Joh. 1:40-45. w20.10 16 ¶7-9

Babelegi ba Jeso ba mo gelepiye gore le mo a šele a gudiye a yamogele ke Modimo ka taba la gore babelegi bone ba yye ba latelela tso Jehova ne a ba yetetsa ga tsona. (Dot. 6:6, 7) Josefa le Mariya ke mo ba mo nyaka ka matla ga Jehova fote se segolo so ne ba se yetisa mahlong ke gore le bana ba bona ba mo nyake ka matla ga Jehova. Josefa le Mariya ba kgetiye go dula ba berekela Jehova ggoši le ba mutši wa bona. A re kamake gore ke mo ba sa lofe megahlano ya beke ka beke sinagogeng ku Nazaretha le ga paseka ya mongwaga wo mongwana le wo mongwana ku Jerusalema. (Luk. 2:41; 4:16) Di ka makega gore ba berekisiye mayeto yane ya go ya Jerusalema gore ba thogo tšhutisa Jeso le banyanana bage ka tso di yyeng dya makegela batho ba Jehova, fote di ka makega gore mo ba kene ba le tseleng ba yye ba vakašela dipoleke tso ba kwileng Mangwalo ma bolabola ka tsona. Mo bana ba bangwana ba kene ba belegiwa, di ka makega gore ke mo di se lula ga Josefa le Mariya gore ba dule ba tshwaraganne ka tso tsa Modimo. Mara maphomela ya gona a ma hlayisege! Ka taba la gore ne ba yetisa go berekela Jehova mahlong, mutši wa bona ke mo wo pasopegiye ga tso tsa Modimo. w20.10 28 ¶8-9

Mo nkare ba go memme gore le ye tšhutisa motho Baebele, di ko ba gabutši gore o lukiselele puku yo le ko bang le yi bala. Mošupatsela wa go hlawolega ye ba reng ke Dorin o re: “Mo ye ke sepelang naye a lukiselele, ke kwa ke jabola wa tšiba. Mo a makiye tsotsone, o kgona go tšiba mo a ka kenang gona.” Go tokegela gana hone, ye le balang naye a ka fo di bona le yene gore le tšiba ditaba tsa lune, a tseyela ga lune. Le mo o ka sa nape o lukiselela o kenelela, leketsa go kraya dilo tso di ka go gelepang go kwisisa tabataba. Mo nkare ba go kgopele gore o rapele, di nyaka o nagane gore o nyoko re king ka taba la gore thapelo ke taba ye kgolo. Mo o maka ka mokgonone, thapelo yago yi nyoko kwagala. (Pis. 141:2) Hanae, wa gore o dula ku Japane, o gopola dithapelo tsa mogageru ye mongwana wa mosadi wa gore ke mo ba tla naye mo ba tl’le tšhuta naye Baebele. O re: “Ke mo ke di kwa gore senghana sage le Jehova se tiyye, ne ke nabela go tshwana naye wa tšiba. Mo ke kwa a hlaya lebitso laka mo a kene a rapela, ke mo ke tikwa barena gore le nna ke nna motho.” w21.03 9-10 ¶7-8

Jeso o yye a tshepisa Pawulo wa lepostola gore o nyoko segela Roma a tšhireletsegiye. Mara, Majuda ya mangwana ku Jerusalema ma yye ma kwana gore ma kutulugele Pawulo ke mokane ma fetse ka yene. Mo ndhuna ya masole ya Roma ye ba reng ke Claudius Lysias a kwelela tso ba di polanneng, o yye a gelepa Pawulo. Claudius o yye a yakgoswa a romela Pawulo ku Kesariya a kene a tšhireletsiye ke moririmane wa masole. Gana hone, Ndhuna ye ba reng ke Filikisi yi yye ya re Pawulo, “ba mmeyele matšinghelani ntlong ya bogoši ya Heroda.” Dipolane tsa bo ne ba nyaka go fetsa ka Pawulo di yye dya šaša . (Meber. 23:12-35) Mara ka dinako tsotsone Fistosi ne go le ndhuna ya nyuwanene a di nyaka ka matla “gore Majuda ma kwane naye.” O butsisa Pawulo gore: “Ayitsano o nyaka go ya Jerusalema gore ba ye ba go yahlule mahlong gaka?” Pawulo ke mo a di tšiba gore a na a fo le beya ku Jerusalema go fediye ka yene. O yitseri: “Ke nyaka go ye seka ga Kesara!” Fistosi o butsiye Pawulo gore: “O nyaka go ye seka ga Kesara, re nyoko go yisa ga Kesara.” Pawulo go se botala o ko ba a segele Roma—ku kgole le Majuda ya gore ma nyaka go mmolaya.—Meber. 25:6-12. w20.11 13 ¶4; 14 ¶8-10

Taba ya go kokona ke lekwalo a yi makatse. Mo re beyisa, ba bangwana ba kikita ke lekwalo ka taba la tso ba yye ba di maka mo ba soko bane ba tšhuta nnete. Ba bangwana le ba kokona ka taba la tsa go kekema tso ba yye ba di maka ka nthago ga mo ba šele ba kolobetsiwwe. (Mrm. 3:23) Nnete ke gore, re ya di nyaka go maka tsa gabutši. Mara “ka mokana ga rune re phiriketsega ga go tlala.” (Jak. 3:2; Mrm. 7:21-23) Le mo di sa natefe go kokona ke lekwalo, mara ka dinako tse dingwana go ka re gelepa. Ke ntaba? Ka taba la gore go kokona ke lekwalo go ka re gelepa gore re ghobolle mo go ghobegiyeng ke mokane re tikemisele go sa sa di boyelela. (Maheb. 12:12, 13) Dya makega gore re dulele go kokona ke lekwalo—le mo re šele re tisodiye ka tso re di makiyeng fote Jehova a šupetsiye gore o re tshwarele. Go kokona ke lekwalo ga mošaga wonone go ka re kwaletsa. (Pis. 31:10; 38:3, 4) Di gabutši ka matla gore re kganele kgole le molabo wone wa go dulela go kokona ke lekwalo. O fo nagana nje gore Sathane o nyoko hlakela go segela kaye mo re lahla tewu—le mo Jehova a kene a re tshwarele!—Tshwanisa le 2 Makorente 2:5-7, 11. w20.11 27 ¶12-13

Mopisalema wa Lelifi o yye a thomisa go jelasela bo ba dipelo tse diphifadu ba gore fote ba na le magetla, go se ka taba la tsa go befa tso ba di makang mara ka taba la gore ba bonala di ba sepelela gabutši. (Pis. 73:2-9, 11-14) Di bonala nkare a ba gayele selo—ba ghannye, ba phela mothebenene, fote a ba šekele ka selo. Ke mo di nyaka Lelifi a lebelele dilo ka lihlo la Jehova gore a thogo lesetsa go ba le jelase le go fela a kgongwela. Go maka ka mokgonone, go yye gwa maka gore a boyele a kgibe fote a boye a jabole. O yitseri: “Mo ke na le [Jehova] a ke gayele selo.” (Pis. 73:25) Le rune, tla re sa jelaseleneng batho ba dipelo tse diphifadu mo ba bonala nkare di ba sepelela gabutši. Mojabolo wa bona yi fo ba moya fote a wo tshwarelele. (Mmo. 8:12, 13) Go jelasela bona go fo tshwana le go tipitsela go kgongwela le go keketlela kgole le Modimo. Mo nkare le wene dya go kena tsa go jelasela bo ba go bonala nkare di ba sepelela gabutši, yakgoswa o make so Lelifi le yyeng la se maka. Theetsela mo Modimo a go yetetsa o boye o nghanelane le bo ba gore ba maka tso Jehova a di nyakang. Mo nkare ga Jehova o mo nyaka ka matla, o nyoko jabola tsa mannete. O nyoko dula o sepela ga pata ya “lephelo la mannete.”—1 Thim. 6:19. w20.12 19 ¶14-16

Mo o kene o kgotolela Jehova mešekelo yago, o sa lebale mantsu ya go leboga. Di gabutši ka matla gore re dule re gopola tsa gabutši tso re yyeng ra rufiwa ka tsona ka matlamatla mo re goga thabeng. Mo nkare ka dinako tse dingwana a wo tšibi gore o ka rapela o re king, o sa lebale gore Jehova o fetola le merapelo ya go sa lefa ya go tshwana le ‘N’gelepe barena!’ (2 Dikor. 18:31) Tshepela ga Jehova wa go hlalefa, o sa tshepe wene mong. Ka di nako tsa moporofeta Jesaya, Majuda ne ma hlagasedisa ke taba ya go kutulugela ke Maasiriya. Ka taba la gore ne ma tšhaba go lawola ke Maasiriya, ma yye ma tšhabela ga Maegepita ya gore a ma tšibi Modimo. (Jes. 30:1, 2) Jehova o ma pasopisiye ka gore tsotsone ma di makiyeng di nyoko ma leyela tsa go sasamela. (Jes. 30:7, 12, 13) Jehova o berekisiye Jesaya gore a botse Majuda gore ma ka kraya go tšhireletsega ga mannete ka mokgo mang. O yitseri: “O ko ba le matšhika mo o dula o bebiye fote o šupetsa gore o na le tshepo” ga Jehova.—Jes. 30:15b. w21.01 3-4 ¶8-9

Patela yo bobhuti wa Kreste ba go tlotsiwa ba nyoko yi krayang ke ya gore ba lawole naye ku legedimong go le magoši le maprista. (Kut. 20:6) Ka mokana ga bona bo go leng ba mutši wa Jehova wa ku legedimong, ba yemele go bona mo ba 144 000 ba gore ba tlotsiwwe ba kraya patela ya bona ya go ye phela legedimong. Ka nthago ga mo Johane wa lepostola a bolabodiye ka 144 000 ya magoši ya gore fote ke maprista, o bona selo se sengwana sa go jabodisa “mogoba wo mogolo” wa gore wo phonne Aremaghedoni. Mogoba wa bobedi a wo tshwane le wola wa mathomo ka taba la gore wo tlele ka matla fote aa šiyo ye a ka kgonang go wo balela. (Kut. 7:9, 10) Ba “yapere dikobo tse ditšhwewu,” tsa go šupetsa gore a ba na selabi ba kganele kgole le dilo tsa lefase la Sathane fote ne ba kene ba tshepegiye mahlong ga Modimo le ga Kreste. (Jak. 1:27) Ba yahlamela gore ba phonne ka taba la tso di makiyeng ke Jehova le Jeso Senkunyana sa Modimo. Ye mongwana le ye mongwana o tshwere mphogo wa mopalema go šupetsa gore o jabolela taba ya gore Jeso ke Kgoši yo yi kgetiyeng ke Jehova.—Tshwanisa le Johane 12:12, 13. w21.01 15-16 ¶6-7

Mo monna a ka kopisela ka mokgo Jehova le Jeso ba berekisang bohlogo a ka tšhuta go ba hlogo ya gabutši ya mutši. Mo re beyisa, lebelela taba ya go tinyananfatsa. Jehova o re phala ka moka ka go hlalefa mara o theetsela malata yage mo ma na le so ma se naganang. (Gen. 18:23, 24, 32) Jehova o felegelele mara aa yemela gore re make dilo ka moka go tshwana naye. Mara o gelepa malata yage ya gore a maa yenela gore ma thogo maka dilo gabutši. (Pis. 113:6, 7) Gabutšibutši Baebele yi hlatolla Jehova go le “ye a re gelepang.” (Pis. 27:9; Maheb. 13:6) Kgoši Dafita o yitseri o kgonne go maka mmereko wo mogolo wo ba mo neyyeng wona ka taba la gore Jehova o ro tinyanafatsa ke mokane a mo gelepa. Tseya ka mošupetso wa Jeso. Le mo malata ya Jeso ma mo tseya go le Morena mara o yye a ma hlapisa mawoto. Jeso o yitseri: “Ke le beyele mošupetso gore tso ke le makeleng tsona le lune le di make.” (Joh. 13:12-17) Le mo Jeso ne a na le matšhika ya go lawola ke mo a sa tlela go berekediwa. Mara ke mo a tlele go berekela ba bangwana.—Mat. 20:28. w21.02 3-4 ¶8-10

Lune magageru ya gore le sa le masogana, di tlele dilo tso le ka kgonang go di maka. Ba go tlala le na le matšhika fote le na le matšato. Diphutego tso le leng ga tsona di le tseyela gedimo ka matla. O ka kraya o nabela ka matla go bereka go le wene lelata ka ho phutegong. Mara mo o lebelele, o ka fo bona nkare ba bangwana ba tseya nkare o sa le ye monyana kela ba bona nkare mmereko wo mogolo wo nyoko go šita ka taba la gore a o soko napa o butšwa gabutši. Di ka makega gore go sa le wene ye monyana, mara di gona dilo tsa gore le gana byalo lowa, o ka di maka gore phutego yo o leng ga yona yi go tshepe fote yi go hlompe. Lune masogana, nje di gona dilo tsa gore le kgona go di maka tsa gore di ka gelepa bo ba gore ba šele ga gudiye ka ho phutegong? Ba go tlala le natso. Mo re beyisa, le ka fo ba le di bonne gore bowa ba gore ba šele ba tsofele baa jabola mo le ba šupetsa gore ba ka berekisa byang dithebholete tsa bona kela dilo tse dingwana tsa elekthroniki mo ba tipalela dipuku tsa mokgahlo kela mo ba le megahlanong ya phutego. Akere lune le ya di tšiba gore dilo tsowa ba di berekisa byang, byalo bowa ba gore ba šele ba gudiye le ko ba le ba gelepiye ka matla mo le ba tšhutisa. Jabodisa Papago wa ku legedimong ga dilo ka mokana ga tsona tso o di makang. w21.03 2 ¶1, 3; 7 ¶18

Le mo mosadi a tšhutegiye ka matla go phala monna wage, ke mmereko wa monna gore a ba yetetse ga morapelo wa mutši le ga tse dingwana tsa Mmušo wa Modimo. (Maef. 6:4) Mosadi di nyaka a theetsela monna wage mo a mo yetetsa mara le yene mong di nyaka a titšhutisa ga tso tsa Modimo. Mara gore a thogo maka tsotsone, di nyaka a be le nako ya go tšhuta a boye a ghayele. Tsotsone di nyoko mo gelepa gore ga Jehova a mo nyake ka matla a boye a mo hlompe fote taba ya go hlompa monna wage yi ka sa mo robe. Basadi ba gore ba dula ba theetsela le go hlompa banna ba bona ka taba la gore ba nyaka Jehova ka matla, ba dula ba jabodiye fote ba kgotsofele go phala bo ba gore a ba yise felo ka bohlogo bo Jehova a makiyeng gore bo be gona. Fote ke mošupetso wa gabutši ga bo ba gore ba sa gola. Ba gelepa gore go bebe ka ho mutšing le ka ho phutegong. (Tito 2:3-5) Ga malata ya go tshepega ya Jehova lekgono, ba go tlala ba gona ke basadi.—Pis. 68:11. w21.02 13 ¶21-23

Pawulo wa lepostola o re beyisele mošupetso wa gabutši ka matla wa go ba le lešiši le go tiyisela. Ka dinako tse dingwana ne a tikwa a lelemela. Mara o yye a kgona go tiyisela ka taba la gore ne a tshepela ga Jehova gore a mo neye matšhika ya ne a ma gayela. (2 Makor. 12:8-10; Mafil. 4:13) Re ka ba le matšhika yane le lešiši mo re ka bona gore nnete re ya di hloka gore Jehova a re gelepe. (Jak. 4:10) A re kamake gore dintshitshire tso re gahlanang natso a di leye ke Jehova. Lelata lo ba reng ke Jakobo le re botsa gore: “Mo motho a na le tso di mo phiriketsang a sa re: ‘Modimo o mmaka lešidi.’ Ka taba la gore Modimo aa phiriketsane ka dilo tsa go befa, fote gabutšibutši aa makane lešidi.” (Jak. 1:13) Mo re ka sa kamake gore tsotsone ke nnete, re ba banghana ba bagolo le Papa wa rune wa go re nyaka ka matla wa ku legedimong. Jehova “aa tšhentšhi.” (Jak. 1:17) O yye a thega Makreste ya ku botala nakwela ma gahlana le dintshitshire, fote le lekgono o nyoko gelepa ye mongwana le ye mongwana wa rune. Kgopela Jehova di go baba gore a go gelepe gore o hlalefe, o be le tumelo fote o be le lešiši. O nyoko fetola merapelo yago. w21.02 31 ¶19-21

O ka hlohletsela yeo tšhutang naye Baebele wa gore okene wa tla megahlanong ka go ya mahlong o mo šupetsa gore wa tihlupa ka yene. (Mafil. 2:4) O ka mo thanaka ga tso a tšhentšhiyeng ga tsona ke mokane wa mmutsisa gore di ya byang tsa go tšhuta Baebele, wa mmutsisa ka ba mutši wage le ka mmereko wage, mara o sa nape o ya ka matla. Mo le bolabola ka dilo tsa mošaga wonone, le ka fetsa le le banghana. Mo o mo maka monghanago, o nyoko mo gelepa gore a ye mahlong a šinye a kolobetsiwe. Mo ye a tšhutang Baebele a kene a ya mahlong fote a tšhentšha le maphelelo, mo gelepe gore a kwe a sa lahlega ka ho phutegong. Sone o ka se maka ka gore o sa mo kganyele. (Maheb. 13:2) Mo ye a tšhutang Baebele go šele go le motšhomayedi, o ka mmitsa gore a ye nago tšhomong. Motšhomayedi ye ba reng ke Diego wa ku Brazil, o re: “Magageru ya go tlala ke mo ma mpitsa gore ke ye nawo tšhomong. Wowa ke mo go le mokgwa wa gabutši wa go tšibana nawo. Mo nkene ke maka ka mokgonone, ke yye ka tšhuta tsa go tlala fote tsotsone di yye dya maka gore ke šutele thina le Jehova le Jeso.” w21.03 12 ¶15-16

Jeso o butsiye malata yage gore ma kwane le manaba ya wona. (Mat. 5:44, 45) Ayitsano di lula go di maka? Awwa! Mara re ka di kgona mo re gelepa ke moya wa Modimo wa go hlawolega. Ga diyengwa tsa moya wa go hlawolega go kena le go nyakanana, go lefisa pelo, go kwelana go baba, go beba le go titshwara. (Magal. 5:22, 23) Diyengwa tsowa di re gelepa gore re tiyisele le mo lefase le kene le re hloyye. Batho ba go tlala ba yye ba sa sa re phigisa ka taba la gore banna, basadi, bana kela mayagelane ba bona ba šupetsiye gore ba na le diyengwa tsowa. Ba go tlala ba gore ke mo ba re phigisa gana byalo ke magageru. Mo nkare a di lula go kwana le bo ba gore ba go hloyele gore o berekela Jehova, rapelela moya wa go hlawolega. (Luk. 11:13) Fote o nape o tshepa gore tsela ya Modimo go nyoko fo dula go le mong yona ya gabutši. (Diy. 3:5-7) Go hloyiwa a go natefe fote go baba ka matla, mara sa go ba le matšhika ka matla ke mo re šupetsa ba bangwana gore re ba nyaka ka matla. O ka makala motho a thomisa a kgiba. Fote go jabodisa Jehova. Re ka jabola le mo manaba ya rune ma ka fo ya mahlong ma re hloyye. w21.03 23 ¶13; 24 ¶15, 17

Seporofeto sa Jowele ke mo se bolabolela mo go hlasela masole. (Juw. 2:1, 8, 11) Jehova o yitseri o nyoko berekisa “masole yage ya go tlala” (Masole ya Bhabhilona) gore ma wolole Maisrayele ya gore a ma theetsele. (Juw. 2:25) Di ya kwagala tsa gore masole ya ma kutulugelang setšhaba sowa ke “ya go tšwa lebowa” ka taba la gore Mabhabhilona ke mo ma nyoko kutulugela Israyele ma tšwa lebowa. (Juw. 2:20) Masole yane ma tshwanisiwa le moririmane wa ditšiya tsa gore di maka dilo ka letheto. Juwele o bolabola ka tsona mo a re: “[Lesole] le lengwana le le lengwana le maka mmereko wa lona. . . . Ma tabogela mutšing wone . . . Ma kena dintlong ka mafastere go tshwana le wa go yetswa.” (Juw 2:8, 9) Nje wa yi bona taba yowa? Go na le masole go gongwana le go gongwana. A go na mo motho a ka wutamang gona. A go na mo motho a ka tšhabelang sabola ya Mabhabhilona! Go tshwana le ditšiya, Mabhabhilona (kela Makaladiya) ma yye ma kutulugela mutši wa Jerusalema ka 607 B.C.E. Baebele yi re: “Kgoši ya Makaladiya . . . a ya kwela masogana kela makgareba go baba kela batho ba go tsofala kela dikoka.”—2 Dikor. 36:17. w20.04 5 ¶11-12