February

Tšiba magageru gabutši. Bolabola nawo mo go soko thomisa megahlano le mo megahlano yi fediye, sepela nawo tšhomong, ke mokane mo nkare wa di kgona, mema magageru yane o tle o je nawo tsa go ja. Mo o maka ka mokgonone, o ka kraya gore mogageru wa mosadi wa gore o šupa nkare aa kwane le batho o fo ba a hlupa ke dihlong, mogageru wa monna wa gore ke mo o tseya nkare o kwana le dilo tsa majabajaba, o kwana le go yamogela divakaši kela ba mutši wa gore ga go tlala ba segela megahlano yi šele yi thomme ba ka fo ba ba maka ke gore baa phigisiwa. (Jobo 6:29) Nnete ke gore a di nyake re ‘kenakena ditaba tsa batho.’ (1 Thim. 5:13) Mara di gabutši go tšiba se sengwana ka magageru le seyemo so ba yyeng ba feta ga sona mo ba kene ba phela. Mo go ka fo ba go na le mogageru wa gore wa go tshwatisa mara wa leketsa go tšiba gore o gudiye byang, ga go tlala o nyoko thomisa go mo kwela go baba. Di nyaka o ro ganya dikobo gore o thogo tšiba magageru gabutši. Fote, mo o ka fo maka tso Baebele yi di bolabolang, tsa gore o bule pelo yago ka matla, o ko ba o yekisela Jehova wa gore ‘batho ba mehlobo ka mokana ga yona’ o kwana nabo ka matla.—1 Thim. 2:3, 4; 2 Makor. 6:11-13. w20.04 16-17 ¶10-12

Bošego bya mo Jeso a soko kgwa, o yye a gopotsa malata yage gore ma nyakanane. Ke mo a di tšiba gore go nyakanana tsela tsa gore o ka šinya o kgwela motho di nyoko ma gelepa gore ma dule ma mamarelanne fote ma tiyisele le mo lefase le kene le ma hloyye. Yema re beyise ka phutego ya Thesalonika. Ba yi hlupegisiye yi sa fo thoma go ba gona. Mara magageru yane ma re beyisele gabutši ga taba ya go tshepega le go nyakanana. (1 Mathes. 1:3, 6, 7) Pawulo o ma kutšetsele gore ma ye mahlong ma nyakanana ka matla, go šinye ‘go tlale tswi.’ (1 Mathes. 4:9, 10) Go nyakanana ne go nyoko ma tšhofa gore ma kgomoletse bo ba gore ba kgongwele le go tiyisa ba go lelemela. (1 Mathes. 5:14) Ba mo theetsele ga Pawulo ka taba la gore ga lengwalo lage la bobedi la gore o le ngwadiye mo go šele go fediye gana hala ga mongwaga, o yitseri: “Ka mokana ga lune le ya šupetsa gore le ya nyakanana fote go fo ya mahlong go kene go yeketsega.” (2 Mathes. 1:3-5) Go nyakanana go ba gelepiye gore ba tiyisele mo ba tsa go baba le go hlorisiwa. w21.03 22 ¶11

Mo re nyaka go kraya patela ya lephelo la go ya go yye di nyaka gore re make tso Makreste ma tshwaneleng ma di make kela lephelo la rune le šupetse gore re Makreste. (Meber. 20:24; 1 Pet. 2:21) Mara, Sathane le bo ba mo latelelang ba nyaka gore re hlawole tsa gore a yi tsona; ba nyaka re “ye mahlong re taboga nabo.” (1 Pet. 4:4) Ba kwera ka mokgo re phelang ka gona ba boya ba bolabola gore bona ba phela kawone fote ba lokologiye. Mara tso ba di bolabolang ke mong matsaka ya mafelelo. (2 Pet. 2:19) Di gabutši ka matla gore re hlawole go sepela ga pata ya gore ke yona! Sathane o nyaka gore ka mokana ga rune re lesetse go sepela ga pata ye nyana ya gore yi ‘yisa motho lephelong’ ke mokane re sepele ga pata ya gore yi bulegiye fote batho ba go tlala ho lefaseng ba sepela ga yona. Pata yowa ba go tlala ba yi tšiba fote di lula go sepela ga yona. Mara yi ‘maka motho gore a sa sa kraya lephelo la go ya go yye.’ (Mat. 7:13, 14) Gore re dule re le ga pata ya gabutši fote re sa fokole ke selo, di nyaka gore re tshepele ga Jehova fote re mo theetsele. w20.04 26 ¶1; 27 ¶5, 7

Ga mengwaganyana ya gana byalo, Russia le bo ba berekisanang nayo, le bona ba kenne ga “naga ya go Kgabisiwa.” (Dan. 11:41) Ka mokgo mang? Ka 2017, kgoši yowa ya gana byalo ya lebowa yi yye ya rakela mmereko wa batho ba Jehova ya boya ya maka gore magageru ya mangwana ya banna le ya basadi ma bošediwe jele. Yi yye ya rakela le dipuku tsa rune, gana hone go kena le Baebele ya New World Translation. Go tokegela gana hone, yi yye ya tseya ofisi ya rune ya lekala ya ku Russia, Diholo tsa Mmušo le Diholo tsa Megahlano ye Megolonyana. Ka nthago ga dilo tsowa, ka 2018 Mogoba wa go Lawola wo yye wa re Russia le bo ba berekisanang nayo, ke kgoši ya lebowa. Le mo batho ba Jehova ba hlupegisiwa ka matla, a ba kenakene ga ditaba tsa go wisa kela go nyaka go tšhentšha memmušo ya batho. Mara, ba latelela tso Baebele yi di bolabolang gore ba rapelele batho “ka mokana ga bona bo ba nang le ditulo tsa mayemo ya gedimo,” ka matlamatla mo batho bone ba segelela dipheto tsa gore di ka fo tla di hlupana le mmereko wa go tšhomayela. w20.05 14 ¶9

Babelegi, gore bana ba lune ba sa kamake gore ba krayye nnete, di nyaka gore ba be le senghana sa gabutši le Modimo gore ba sa kamake nnete yo yi tšhutisang ke Baebele. Mo nkare le nyaka go tšhutisa bana ba lune nnete ka Modimo, di nyaka le ba mošupetso wa gabutši wa go kwana le go bala Baebele. Le tshwanele le ghayele ka tso le di tšhutang. Ke mokane le ko thogo tšhutisa bana ba lune. Di nyaka le tšhutisa bana ba lune go berekisa dithulusi tsa go tšhuta Baebele, go fo tshwana le mo le tšhutisa ye le balang naye Baebele. Mo le maka ka mokgonone, le ko ba le gelepa bana ba lune gore ba leboge Jehova gore o berekisa lelata la go tshepega la gore fote le hlalefiye go re tšhutisa. (Mat. 24:45-47) Le sa fo tšhutisa bana ba lune nnete ya Baebele fela. Ba gelepeneng gore ba thogo tiyisa tumelo ya bona ka go ba tšhutisa ka “dilo tsa go kenelela tsa Modimo,” le kene le lebelele mengwaga ya bona le tso ba ka kgonang go di maka.—1 Makor. 2:10. w20.07 11 ¶10, 12-13

Nka bakaye batho ba gore a baa yenela lekgono ba gore ke banghana ba Jehova ba bagolo ka matla? Go ro ba mong dimiliyoni. Senghana sone se kgonega ka taba la tumelo yo ba nang nayo ga sehlabelo sa go lepolla sa Jeso. Ka taba la tsotsone, Jehova o re lesetsa re tineyela re boya re kolobetsiwa ka taba la gore o re kwela go baba. Mo re maka dilo tsone, re ba re kena ga dimiliyoni tsa Makreste ya gore ma tineyele, ma kolobetsiwwe fote ke “banghana ba thina” ba Motho ye mogolo ka matla legedimong le lefaseng! Re ka šupetsa ka ying gore re tseyela gedimo senghane sa rune le Modimo? Abhrahama le Jobo ba yye ba dula ba tshepega ga Modimo gwa šinya go fela mengwaga ya go teya ka ku ga lekgolo, le rune di nyaka re dule re tshepega—le mo re ka fo ba re na le mengwaga ka mekaye re berekela Jehova ga lefase lowa la botala. Di nyaka re yekisele Daniyele, re tseyele senghana so re nang naso le Modimo gedimo go feta mong lona lephelo. (Dan. 6:7, 10, 16, 22) Mo Jehova a na le rune, re ka tiyisela ga mehlobo ka mokana ga yona ya dintshitshire tso di ka re tlelang ra boya ra tiyisa senghana sa rune naye.—Mafil. 4:13. w20.05 27 ¶5-6

Kgoši Dafita o yye a bona mosadi wa monna ye mongwana a hlapa. Nnete ke gore ke mo a tšiba molawo wa Jehova wa gore: “O sa nabele mosadi wa motho wa genu.” (Ek. 20:17) Mara, di šupa nkare o yye a fo ya mahlong a kene a gorolele mosadi yene wa batho maahlo. Ke mokane a thomisa go ba le dipelo ka dipedi, ye nngwana go le ya go nabela mosadi yewa ba reng ke Bhathišeba, ye nngwana go le ya go nabela go jabodisa Jehova. Ke mo go le botala ka matla Dafita a kene a šupetsa gore ga Jehova o mo nyaka ka matla fote wa mo tšhaba, mara o yye a fo ya le pelo yage. Mowa Dafita ke mo a makiye tsa go tšiba ke yene, mong tsa go kekema. O yye a maka gore lebitso la Jehova le poyilege. Dafita o makiye le gore batho ba gore a baa sinya selo ba tlele ke dilo tsa go baba, gana hone go kena le ba mutši wage. (2 Sam. 11:1-5, 14-17; 12:7-12) Jehova o yye a mo wolola ga Dafita, ke mokane Dafita a hlohlotela. (2 Sam. 12:13; Pis. 51:2-4, 17) Dafita o yye a dula a gopola dilo tsa go baba tso di yyeng dya mo tlela ka taba la go ba le dipelo ka dipedi. Mantsu ya ma leng ga Pisalema 86:11 ma ka boya ma beyiwa ka mokgo: “Maka gore pelo yaka go be selo ka ssoši.” Ayitsano Jehova o yye a gelepa Dafita gore pelo yage yi felegelele, a sa be le dipelo ka dipedi? Nnete ke gore Jehova o yye a fo maka ka mokgonone ka taba la gore lentsu lage mo le bolabola ka Dafita le re ke motho “wa gore pelo yage . . . ke mo yi felele ga Jehova Modimo wage.”—1 Mag. 11:4; 15:3. w20.06 11 ¶12-13

Baebele yi šupetsa gore Jehova o ba nyaka ka matla batho bage, byalo yi tshwanisa taba yone le thapo. Tsa gore Modimo o ba nyaka ka matla batho bage di tshwana ka ying le thapo? Tla re nagane ka taba ye nngwana ke yowa: Tla re fo re ke wene yewa o thina le go kgwela lewatle, ke mokane ye mongwana o go bošela so se ka go gelepang gore o dule o phaphamele. Nnete ke gore o nyoko mo leboga o sa fetse ka taba la gore o go gelepiye gore o sa kgwele. Mara selo sone motho yela a go neyyeng sona gore o sa kgwele, a yi sona fela so se ka go gelepang gore o ye mahlong o kene o phela. Meetši yane ya lewatle maa bata, nnete ke gore o ka sa phone mo o sa karakare gore o segele mo sekepe se leng gona. Byalo, o nyaka ye mongwana gore a go bošele thapo ke mokane a go goge gore o thogo segela mo sekepe se leng gona. Go fo tshwana le ka mokgo Jehova a bolabodiyeng mantsu ya ma leng ga temanyana ya lekgono, o yye a sa “lesetse go goga” Maisrayele ya gore ke mo ma lahlegiye. Modimo o sa na a tikwa ka mokgonone ka bo ba gore ba lesetsiye go mmerekela ba boya ba logela mathatheng le ga dilo tso di makang gore ba šekele ka matla. O nyaka gore ba di tšibe gore o ba nyaka ka matla, o nyaka gore ba boyele gage. Fote Jehova a ka berekisa wene go ba šupetsa ka mokgo a ba nyakang ka matla ka gona. Di gabutši ka matla go gelepa bo ba gore baa bata ga tso tsa Modimo, re nyaka ba di bone gore Jehova o ba nyaka ka matla fote le rune re ya resa mo re re re ba nyaka ka matla. w20.06 27 ¶12-13

Nakwela go bolayiwa lelata lo ba reng ke Stefano, Makreste ya go tlala ma yye ma tšhaba Jerusalema ke mokane ma ‘tlalagana dimitšaneng tsa Judiya le tsa Samariya’ ma feleletsa ma le Siprase le Anthiyoko. (Meber. 7:58–8:1; 11:19) Nnete ke gore malata yawa ma yye ma gahlana le dintshitshire tsa go sa hlayisegi. Le mo go le ka mokgonone, ma yye ma ya mahlong ma tšhomayela ditaba tsa go bafala go gongwana le go gongwana mo ne ma sepela gona ke mokane gwa thomisa go ba le diphutego tsa go tlala. (1 Pet. 1:1) Mara ke mo go sa na le dintshitshire tsa go tlala tso ne di yemele Makreste ya ku botala. Mo re beyisa, gana hala ga 50 C.E., Ndhuna ya Roma ye ba reng ke Claudius o rakiye Majuda ka mokana ga wona gore ma tloge Roma. Majuda ya gore ke mo ma šele go le Makreste di yye dya nyaka gore ma šiye mitši ya wona ke mokane ma rurele go gongwana. (Meber. 18:1-3) Gana hala ga 61 C.E., Pawulo wa lepostola o yye a ngwala gore Makreste ma yye ma poyidiwa, ma fošediwa jele fote ba ma yetswela le dilo tsa wona. (Maheb. 10:32-34) Fote go fo tshwana le batho ka mokana ga bona, ne di nyaka gore Makreste le wona ma tiyisele go gayela tsa go ja le go sa titsose.—Mrm. 15:26; Mafil. 2:25-27. w21.02 26-27 ¶2-4

A se šiyo le mong ka ssoši so Sathane kela batho ba gore ba kutšetsela ke yene ba ka se makang so se ka tekatekisang Mokreste wa gore tumelo yage yi tiyye. (2 Joh. 8, 9) Re sa makale mo lefase lowa le re hloya. (1 Joh. 3:13) Johane o re gopotsa gore “lefase ka mokana ga lona le lawola ke wa pelo ye phifadu.” (1 Joh. 5:19) Mo lefase lowa le kene le ya mafelelong, Sathane o ro napa a ro belelana. O berekisa dilo tsa go sa bonale go re hlasela, tsa go tshwana le go maka tsa maroga kela matsaka ya ma bolabolang ke bo ba go kgeloga. O boya a maka gore re hlorisiwe go baba. Sathane wa di tšiba gore o šalele ke nako ye nyana go leketsa gore a šitise mmereko wa go tšhomayela le go maka gore tumelo ya rune yi kgwelakgwehle. A di makatse gore mmereko wa rune wa go tšhomayela ba wo rakele ga dipoleke tse dingwana. Le mo go le ka mokgonone, magageru ga dinaga tsone ma ya mahlong ma tiyisela. Ma šupetsa gabutši gore le mo Sathane a ka re hlasela ka tsa mošaga mang, re ko fo hlula! w20.07 24 ¶12-13

Mo Jehova a maka batho ne a nyakiye gore ba jabolele lephelo la go ya go yye lefaseng la go bafala lo a le makiyeng. Mara ka nthago ga gore Adamo le Efa ba mo sinyele, batho ka mokana ga bona ba yye ba kena ke senyama sa go sinya le likgu. (Mrm. 5:12) Jehova o yye a maka byang? O napiye a hlaya ka mokgo a nyoko phonisang batho ka mokana ga bona. (Gen. 3:15) Jehova ne a nyoko maka sehlabelo ka Morwayi wage Jeso gore a thogo tlemolla ditlogolwane tsa Adamo le Efa ga go sinya le likgu. Ke mokane sosone ne se nyoko maka gore ye mongwana le ye mongwana ye a kgetang go mmerekela a kraye lephelo la go ya go yye. (Joh. 3:16; 1 Makor. 15:21, 22) Re nagana gore mo Jehova a berekisa Morwayi wage go tsosa batho ba go tlala ba gore ba hlokofele, a ka sa ba tsose ka nako ka yyoši. Ke ntaba re reyano? Ka taba la gore mo batho ka mokana ga bona ba ka fo re palakata, go nyoko hlakahlakana. Fote Jehova aa kwane le dilo tsa go hlakahlakana. O di tšiba gabutši tsa gore mo dilo di sepela ka letheto, go nyoko dula go bebiye.—1 Makor. 14:33. w20.08 14 ¶3; 15 ¶5

Ye re tšhutang naye di nyaka a di kwisise gore o tšhuta Baebele gore a be Hlatse ya Jehova. Ka gonyana ka gonyana, ye a tšhutisiwang Baebele a ka feleletsa a segelela sepheto sa gore o nyaka go kolobetsiwa! Sa mathomo, ye a tšhutisiwang Baebele o nyoko thomisa go tšiba Jehova le go mo nyaka ka matla a boya a tshepela gage. (Joh. 3:16; 17:3) O nyoko thomisa go nghanelana le Jehova a boya a mamarelana le magageru ka ho phutegong. (Maheb. 10:24, 25; Jak. 4:8) Mo go-ya-go-ya, ye a tšhutisiwang Baebele o lesetsa go maka tsa go befa fote wa tisola ga tsa go kekema tso a yyeng a di maka. (Meber. 3:19) Ka ho thoko, o ko ba a kene a tšhutisa ba bangwana nnete yo a yi dumelang. (2 Makor. 4:13) Ke mokane o tineyela ga Jehova, sosone a se šupetsa ka go kolobetsiwa. (1 Pet. 3:21; 4:2) Go ko ba go se mojabolo go se mojabolo! Mo a kene a garagara ka matla, o sa mo kone taba ya go mo thanaka le go mo hlohletsela gore a ye mahlong ga tso tsa Modimo a sa keketlele. w20.10 17-18 ¶12-13

Mo o leketsa go titshwanisa le ba bangwana ka phutegong, le tso o kgonang go di segelela di ka sa go jabodise. Ba bangwana ka ho phutegong ke digele ka tso tsa go tšhutisa, ba kgona go maka dilo ka letheto kela ba kgona go kgomoletsa le go tiyisa ba bangwana. Mohlomongwana o ka fo nagana gore a wo kgone go maka dilo go tshwana le ka mokgo ba bangwana ba di makang ka gona. Sosone se šupetsa gore o tinyanafatsiye. (Mafil. 2:3) Mara di nyaka o pasope. Mo nkare o dula o leketsa go tshwana le ba bangwana ka tso ba kgonang go di segelela, o nyoko fo dula o kgongwele. O ka feleletsa o nagana ka mokgo Pawulo wa lepostola a bolabodiyeng, gore a wo tseyediwe gedimo ka phutegong. Jehova o makiye gore Makreste ya mangwana ya dinako tsa mapostola ma thogo maka mehlolo ma gelepa ke moya wa go hlawolega mara Makreste yawa ka mokana ga wona ke mo ma sa fiwa go tshwana. (1 Makor. 12:4-11) Mara Mokreste ye mongwana le ye mongwana ke mo a mo tseyela hlogong. Lekgono a re kgone go maka mehlolo re gelepa ke moya wa go hlawolega. Mara tšhiko ya Baebele nka yyoši. Re ka fo ba re sa kgone go maka dilo tsa go sa tshwane mara ka mokana ga rune Jehova o re tseyela gedimo. w20.08 23 ¶13-15

Mo o rapela gore o be le lešiši fote o sa hlagasele, Jehova o nyoko fetola merapelo yago fote a ka sa tsoge a go lahliye. (Meber. 4:29, 31) O nyoko fo dula a go thega. Nagana le ka mokgo Jehova a yyeng a go gelepa ka gona mo o gahlana le tsa go ghula le ka mokgo a yyeng a go neya matšhika mo o kene o tšhentšha maphelelo yago. Nnete Ye a yetetsiyeng batho bage Lewatleng le Lekhubedu, le wene a ka go gelepa gore o be lelata la Kreste. (Ek. 14:13) Tseyela ga mopisalema yela a hlayyeng mantsu ya ma leng ga temanyana ya lekgono. Jehova a ka gelepa batšhomayedi ba nyuwane gore ba be le lešiši. Go na le mogageru wa mosadi ye ba reng ke Tomoyo. Tšatši lo a thommeng go tšhomayela mutši ka mutši, ga ntlo ya mathomo o yye a gahlana le mosadi wa gore o yye a mo kgwasolanya a re: “Dihlatse tsa Jehova a ke kwane natso!” ke mokane a boša sekwalo. Tomoyo o yye a šišimala a botsa ye a sepelang naye gore: “O mo kwile mara? A ka hlaya selo mara o di bonne gore ke nna Hlatse ya Jehova. Ke jabodiye ka matla wa tšiba!” Gana byalo Tomoyo ke lephayona la nako ka moka. w20.09 6 ¶13-14

Asa o butsiye batho gore ke Jehova ye a ba “neyyeng seyemo sa go beba nako ka moka.” (2 Dikor. 14:6, 7) Asa ne a sa tseye gore nako yowa ke ya go fo naama mawoto. Mara o yye a yaga ditoropo, mapharo, diwokamelo le digheyiti. O butsiye batho ba Juda gore: “Naga yowa go sa le ya rune.” Asa ke mo a ra gore king tsotsone? Ne a rela gore a go na manaba ya gore ne ma ka ba šitisa go maka mmereko wa go yaga hone ga poleke yone ya gore Modimo ke mo a ba neyye yona. O kgopele batho gore ba yi berekise gabutši nako ya mo go sa bebiye. Se sengwana so Asa a se makiyeng nakwela go bebiye ke go jimisa masole yage. (2 Dikor. 14:8) Ayitsano sosone se rela gore ne a sa mo tshepe ga Jehova? Awwa. Asa ke mo go le Kgoši, byalo ne a di tšiba tsa gore ke mmereko wage gore a pasope batho mo ba ka fo kutulugela ke tse dingwana ku mahlong. Asa ne a di tšiba tsa gore le mo dilo di sepela gabutši hone Juda, go ka sa fo dula go le ka mokgonone, fote ke mo a resa. w20.09 15 ¶4-5

Ka taba la gore mogolo o nyaka phutego ka matla, a ka fo maka molawo gore a thogo pasopa dinku tsa Modimo. Le mo go le ka mokgonone, go na le tso di sa tshwaneng ka mmereko wo wo makang ke mogolo le wo wo makang ke hlogo ya mutši. Mo re beyisa, Jehova o neyye bagolo mmereko wa go yahlula, a boya a ba neya mmereko wa gore ba ntshe bo ba ganang go sokologa ka ho phutegong. (1 Makor. 5:11-13) Ka nthoko ye nngwana, matšhika ya go lawola ya Jehova a ma neyyeng dihlogo tsa mutši a ma tshwane le ya a ma neyyeng bagolo. Mo re beyisa, o dumelele hlogo ya mutši gore yi make melawo yi boye yi bone gore ba wo theetsela. (Mrm. 7:2) Mo re beyisa, hlogo ya mutši yi na le matšhika ya go hlawola gore bana ba ka boya gaye nako mang. Fote yi na le matšhika ya go wolola bana ba yona mo ba ka sa theetsele molawo wone. (Maef. 6:1) Nnete ke gore, hlogo ya mutši yi nyoko thomisa ka go bolabodisana le mosadi wa yona mo yi soko bane yi beya molawo, phela bona ba le ka babedi ke “nama ka yyoši.”—Mat. 19:6. w21.02 16-18 ¶10-13

Nnete yowa ke makolwane ka taba la gore Jehova o yi wunyullela batho ba gore ba ‘tlalele gabutši ga tsa lephelo la go ya go yye’ ba gore fote ba tinyanafatsiye. (Meber. 13:48) Batho ba mohlobo wonone ba leboga mokgwa wo a wo berekisang mo a re tšhutisa nnete. (Mat. 11:25; 24:45) Re ka sa di kgone go titšhutisa nnete yowa re le ntoši ke mokane ra yi kwisisa fote a e šiyo sa go phala go kwisisa nnete yone. (Diy. 3:13) Jehova o re neyye mmereko wa go tšhutisa ba bangwana nnete ka yene le ka tso a nyoko di makang. (Mat. 24:14) Molayetsa wo re wo tšhomayelang wo yi phala ka mokana ga yona ka taba la gore wo gelepa batho gore ba tle ka phutegong ya Jehova le gore ba kraye lephelo la go ya go yye. (1 Thim. 4:16) A di yi ka gore re fetsa nako ya go teya kaye re tšhomayela, so se šalang ke gore ka mokana ga rune re tšhela letsogo ga mmereko wo mogolo ka matla wo wo makegang gana byalo. (1 Thim. 2:3, 4) A yi go jabodisa ga tsona wa tšiba go bereka ggoši le Modimo!—1 Makor. 3:9. w20.09 26-27 ¶4-5

Mo Pawulo wa lepostola a kene a le tseleng ya go ya Roma, Jehova o yye a fo ya mahlong a mo gelepa a berekisa Makreste ya mangwana. Mo re beyisa, banghana ka babedi ba Pawulo ba gore baa tshepega Aristokhasi le Luka ba yye ba fetsa ka gore ba ye naye ku Roma. Ba f’lo kgeta go tipolayisa ba sa tšhofe ke motho ka go sepela le Pawulo, le mo bona Jeso a sa ba tshepisa gore ba ko segela Roma ba tšhireletsegiye. Tsa gore ba nyoko tšhireletsega ba di kwile ba kene ba le ho tseleng. Mo ba šele ba phulugiye sekepe ku toropong ya Sidoni, Juliyase o yye dumelela Pawulo gore “a ye ga banghana bage gore ba mo pasope.” (Meber. 27:1-3) Fote ka nthagonyana, ku toropong ya Puteoli, Pawulo le banghana bage “ba yye ba kraya magageru ke mokane magageru yane ma yye ma ba hlohletsela gore ba dule nabo kašupa ya matšatši.” Mo Makreste ya gana hone thina ma kene ma pasopa Pawulo ka tso a di hlokang, a re kamake gore di yye dya ba tiyisa ka matla mo a kene a ba yanegela ka tso a yyeng a gahlana natso.—Tshwanisa le Mebereko 15:2, 3. w20.11 15-16 ¶15-17

Babelegi tšhutisaneng bana ba lune ka tso le di bolabolang le ka tso le di makang gore nnete mo le re ga Jehova le ya mo nyaka a le timakisi. Di nyaka o di bone gore selo sa go di phala ka moka so o ka ba neyang sona ke gore o ba gelepe gore ga Jehova ba mo nyake ka matla. Fote se segolo ka matla so di nyakang o ba tšhutisa sona ke gore ba sa lesetse go tšhuta Baebele, go rapela, go ya megahlanong le go maka mmereko wa tšhomo. (1 Thim. 6:6) Nnete ke gore o tshwanele go ba neya tso ba di hlokang gore ba thogo phela. (1 Thim. 5:8) Mara o sa lebale gore so se ka gelepang bana bago gore ba thogo phona lefase la Sathane ke mokane ba kene ga lefase la Modimo la nyuwane, ke go ba le senghana sa thina le Jehova, go seng dilo tso ba nang natso tsa majabajaba. (Hezek. 7:19) Wa tšiba di tikisa pelo ka matla go bona babelegi bo go leng Makreste ba karakara ka matla go gelepa mitši ya bona gore yi tlalele ga tso tsa Modimo! Ga go tlala bana bo ba gudisiwweng ga mitši ya mošaga wonone a ba lesetse mekgwa ya gabutši yo ba tšhutisiwweng yona fote a ba tisole le ka go nyana!—Diy. 10:22. w20.10 28-29 ¶10-11

Ka dinako tse dingwana, Petro wa lepostola ne a bolabola kela a maka dilo tsa gore ne a feleletsa ka go tisola. Mo re beyisa, mo Jeso a botsa mapostola yage gore o nyoko hlupegisiwa a boya a kgwa, Petro o yye a mo wolola ka mantsu ya ma leng ka ho kgakala. (Mat. 16:21-23) Jeso o yye a wolola Petro. Mo mogoba wa batho wo tl’le tshwara Jeso, Petro ka magaba o yye a tlupula tsebe ya lebhantiti la moprista ye mogolo. (Joh. 18:10, 11) Fote Jeso o yye a boya a wolola lepostola lone. Go tokegela gana hone, Petro o yye a titeya sekguba ka gore le mo mapostola ma ka lahla Kreste yene a ka sa tsoge a di makiye tsotsone! (Mat. 26:33) Go titshepa ka matla hone ga Petro go yye gwa šaša ka taba la go tšhaba batho, fote o yye a phiga Jeso gararo. Petro wa gore o kgongwele ka matla “o yye a tšwela ka tawong, a thomisa go lla ka sethakga.” (Mat. 26:69-75) Ke mo a tiputsisa gore nje Jeso o nyoko tsoga a mo tshwarele. Le mo go le ka mokgonone, Petro a sanka a yikela go kgongwela go maka gore a lesetse go berekela Jehova. Ka nthago ga tsa go kekema tso a di makiyeng, o yye a boyela a ba le mapostola ya mangwana.—Joh. 21:1-3; Meber. 1:15, 16. w20.12 20 ¶17-18

Di tlele tso hlogo ya mutši yi ka di makang go šupetsa gore yi tinyanafatsiye. Mo re beyisa, wa di tšiba gore mosadi wage le bana bage a baa yenela. O tseyela gedimo tso ba mutši wage ba di naganang le mo ba sa bone dilo go tshwana. Go tokegela gana hone monna wa gore o tinyanafatsiye o tikemisele go bereka mmereko wo mongwana le wo mongwana ka ho gaye, le mo yi le gore ga poleke yo a dulang ga yona ba tseya mmereko wone go le wa basadi. Taba yone go ka ba ntshitshire. Ke ntaba? Mogageru wa mosadi ye ba reng ke Rachel o re “mo ke tšwang gona mo nkare monna o gelepa mosadi wage go hlatswa ditša kela go yedisa ntlo, bayagelane bage le mašaga ba nyoko butsisa gore nje ke ‘monna wa mannete.’ Ba nyoko tseya gore mosadi wage o mo goga ka nko.” Mo nkare batho ba poleke ya mo o dulang ga yona ba tseya dilo ka mokgonone, o sa lebale gore Jeso o yye a hlapisa malata yage mawoto le mo e le gore batho ne ba tseya gore ke mmereko wa go maka ke mabhantiti. Monna wa gore ke hlogo ya gabutši ya mutši aa na taba le gore batho ba mo tseya byang mara so a hlupegang ka sona ka matla ke gore mosadi wage le bana bage ba dule ba jabodiye. w21.02 2 ¶3; 4 ¶11

Ke Jehova ye a re makiyeng gore re thogo gopola tsa gabutši tso di yye dya makega ku botala; le mo nkare tsa lephelo ne di re sepelela gabutši ku nthago mara ga lefase la nyuwane, o ko kweng. Ba bangwana ba ka re kwatisa ka matla mara mo re ka kgeta go ba tshwarela re ka sa fatele nthago. Go dulelela go kokona ke lekwalo go ka maka gore re berekele Jehova re pipeganne. Mara, go fo tshwana le Pawulo wa lepostola di nyaka re tshepe gore ke botala Jehova a re tshwarele. (1 Thim. 1:12-15) Re na le tshepo ya go ye phela go ya go yye ku mahlong. Fote ga lefase la Modimo la nyuwane, re ka sa dulele go tisola ka tso re yyeng ra di maka ku nthago. Baebele mo yi bolabola ka tsa nako yonone yi re: “Dilo tsa botala di ka sa sa tla mo monaganong.” (Jes. 65:17) O fo nagana nje: Ba bangwana ba rune re tsofalela gana howa mmerekong wa Jehova mara ga lefase la nyuwane re nyoko boyela bonyaneng. (Jobo 33:25) Tla re tikemiseleneng go sa dulele go fatela nthago. Mara, tla re makeneng so re ka se kgonang gore re thogo segela ga lefase la nyuwane! w20.11 24 ¶4; 29 ¶18-19

Re yemele ying ku mahlong? Ka nako ya motšhatšhamelo wo mogolo, Jehova o nyoko berekisa ditsela ka dipedi tsa go makatsa. Ya mathomo ke gore o nyoko phonisa malata yage ya gore maa tshepega mo a maka gore magoši ya lefase ma nape ma fetsa ka Bhabhilona ye Mogolo, dikereke ka moka tsa matsaka. (Kut. 17:16-18; 18:2, 4) Ke mokane, o nyoko phonisa batho bage mo a suwela mawudu ya ma šeleng ya lefase la Sathane ka ntwa ya Aremaghedoni. (Kut. 16:14, 16) Ho re dula re le thina ga Jehova, Sathane a ka sa re kwaletse la gore re šitege le go tlogamela. Gabutšibutši, go nyoko rapogana yene, a napa a re ‘tse.’ (Mrm. 16:20) Byalo, yapara dikobo tsa ntwa ka mokana ga tsona, o sa di yapole! O sa leketse go lwa ntwa yowa o le ntoši. Gelepa magagenu. O make tso Jehova a reng o di make. Mo o ka maka dilo ka mokgonone, o sa kamake gore Papago wa legedimong wa gore wa go nyaka o nyoko go tiyisa le go go pasopa.—Jes. 41:10. w21.03 30 ¶16-17

Re ka šupetsa ka mokgo mang gore re tshepa Jehova? Ka go berekisa tso a re yetetsang ka tsona. Baebele yi na le mešupetso ya go tlala ya go šihlela taba ya gore di nyaka re yi tseyela gedimo, go dula re kgibiye le go tshepa Jehova. Mo o kene o tšhuta ka mešupetso yowa, lebelela ka mokgo malata ya Modimo ma yyeng ma dula ma kgibiye le mo ma kene ma phigisiwa go baba. Mo re beyisa, mo khota ye kgolo ya Majuda yi botsa mapostola gore ma lesetse go tšhomayela a maa tšhoga. Mara ma fetodiye ma šišimele ma re: “Re theetsela Modimo ka gore go lawola yene, a re theetsele batho.” (Meber. 5:29) Le ka nthago ga mo ba ma thuwele ka dikgati, mapostola a sanka ma hlagasela. Ke ntaba mara? Ka taba la gore ne ma tšiba gore Jehova o nawo. Tsotsone di jabodisiye Jehova ka matla. Byalo, ma yye mahlong ma tšhomayela ditaba tsa go bafala. (Meber. 5:40-42) Go fo tshwana le lelata lo ba reng ke Stefano nakwela a nkgela ke likgu, o yye a fo dula a bebiye ke mokane sefahlego sage se yye sa “tshwana le sa lengeloyi.” (Meber. 6:12-15) Ke ntaba? Ke mo a sa kamake gore Jehova wa mo yamogela. w21.01 4 ¶10-11

Tsotsone di šupetsa gore makwalo ya bona ma yediye fote ma lukiye mahlong ga Jehova. (Jes. 1:18) Ke Makreste ya gore ma tineyele fote ma kolobetsiwwe ma šupetsa gore ma na le tumelo ga sehlabelo sa Jeso fote ma na le senghana sa thina ka matla le Jehova. (Joh. 3:36; 1 Pet. 3:21) Byalo, a di ma roni go yema mahlong ga setulo sa Modimo sa go lawola ma mo makela “mmereko wa go hlawolega bošego le motshegare” ho lefaseng. (Kut. 7:15) Le gana byalo lo, ma sa šupetsa matšato mo ma kene ma maka mmereko wa go tšhomayela ka Mmušo wa Modimo le wa go maka batho gore go be malata le go yetisa tsa Mmušo wa Modimo mahlong. (Mat. 6:33; 24:14; 28:19, 20) Mogoba wo mogolo wa gore wo phonne motšhatšhamelo wo mogolo a wo kamake gore Modimo a ka sa lesetse go ya mahlong a kene a wo pasopa ka taba la gore “ye a duling setulong sa go lawola o nyoko phurullela batho letente lage.” Ba dinku tse dingwana ba wonngwe go bona dilo ka moka tso ba tshepisiwweng tsona di makega tsa gore: “[Modimo] o nyoko sola menepedi ka moka mahlong ya bona.”—Kut. 21:3, 4. w21.01 16 ¶9-10

Taba ya gore ke rune ba mutši wa Jehova yi re jabodisa ka matla ka mokana ga rune re tseyela gedimo bohlogo bo Jehova a makiyeng gore bo be gona. Baebele yi šupetsa gore Jehova o tseyela basadi le banna gedimo. Mo re beyisa, di šupetsa gore ka dinako tsa mapostola, Jehova o neyye basadi le banna moya wa go hlawolega gore ba thogo maka mmereko wa go makatsa wa go tshwana le go bolabola mebolabolo ye mengwana. (Meber. 2:1-4, 15-18) Bo ba tlotsiwweng ka moya wa go hlawolega gore ba ye lawola le Kreste ke banna le basadi. (Magal. 3:26-29) Bo ba nyoko krayang lephelo la go ya go yye ho lefaseng, ke basadi le banna. (Kut. 7:9, 10, 13-15) Fote mmereko wa go tšhomayela le wa go tšhutisa ka ditaba tsa go bafala, ba wo neyye banna le basadi. (Mat. 28:19, 20) Gabutšibutši, puku ya Mebereko yi bolabola ka mogageru wa mosadi ye ba reng ke Phrisilla le mmonage ye ba reng ke Akhwila, ba gore ba yye ba hlatollela morene mongwana wa go tšhutega ka matla ye ba reng ke Apholo nnete gabutši.—Meber. 18:24-26. w21.02 14 ¶1; 15 ¶4

Lune bagolo, le na le mmereko wo mogolo wa go gelepa batšhomayedi gore go be digele tsa go tšhomayela le tsa go tšhutisa. Mo nkare ye o sepelang naye o tšhaba go tšhutisa mo o le gona, o ka kgopela gore go be wene o tšhutisang. Bagolo ba ko ba ba berekiye ka matla mo ba tiyisa le go ba gelepa gore ba sa lahle tewu. (1 Mathes. 5:11) Le mo nkare gana byalo a go na ye o tšhutang naye Baebele, o ka gelepa ye mongwana gore a tlalele ka matla ga tso tsa Modimo. O ka thega ye a tšhutisang Baebele ka diphetolo tsago tsa go kwagala tsa gore o di lukiselele gabutši, mara o sa bolabole ka matla. O ka nghanelana le bo go tšhutiwang nabo Baebele mo ba tla Holong ya Mmušo fote o ka ba mošupetso wa gabutši ga bona. Le bagolo ba ka tiyisa bo ba sa tšhutang Baebele ka go tipha nako ya go ba nabo le go tiyisa batšhomayedi ka go ba tšhutisa le go ba thanaka. Di jabodisa ka matla go tšiba gore re tšhediye letsogo ka go gelepa motho gore a nyake Papa wa rune Jehova fote a jabolele go mmerekela. w21.03 13 ¶18-19

Se sengwana le se sengwana so Dafita ne a se maka ke mo se šupetsa gore o butšwiye fote wa tshepega. Mo re beyisa, nakwela go sa le mošomanyana, ke mo a sa yemele ba mo kgarametsa nkare ke yene lebhara mo a tshwanele a pasope dinku tsa papage. Mmereko wone ke mo wo le kotsi ka matla. Tšatš’e nngwana Dafita o yye a hlatollela Kgoši Sawulo a re: “Nna lelata lago ke mo ke disa dinku tsa papa, ke mokane gwa tla tawu, gwa tla le bhere, ye nngwana le ye nngwana ya kota nku ho morapeng. Ka yi latelela ka yi teya ya wela fase ke mokane ka phonisa phoolwane yone ho molomong wa yona.” (1 Sam. 17:34, 35) Dafita ke mo a tseya gore mmereko wowa wa go pasopa dinku ke wa gage. Mo magageru ya gore go sa le masogana ma ka maka mmereko wa wona ma sa lepoge, ma ko ba ma tseyele ga Dafita. Mo Dafita go sa le ye monyana, o yye a maka gore a be le senghana sa thina ka matla le Jehova. Senghana sone ke mo go le selo se segolo ka matla go feta lešiši lo Dafita ke mo a le nalo kela go ba segele sa go kgana dikoša. Dafita ke mo a tseya Jehova go le Modimo wage fote go le Monghanage, mong monghananghana. Lune magageru ya gore le sa gola, selo se segolo ka matla sa gore le ka se maka ke gore le tiyise senghana sa lune le Papa wa lune wa legedimong. w21.03 3 ¶4-5