April

Ayitsano o na le dilo tso di go kgahleletsiyeng, o kwa o šitega le go wona? Di ka makega gore o tlokolanne le ye mongwana ka ho phutegong. (Jak. 3:2) Kela bo o kenang nabo sekolo kela o berekang nabo ba fo ba ba kene ba go poyilanya ka taba la gore o berekela Jehova. (1 Pet. 4:3, 4) Nakwenngwana ka mo mutšing kela mašaga yago ba go kenelele ba re o lesetse go ya megahlanong kela go tšhomayela batho ba bangwana. (Mat. 10:35, 36) Mo ba kene ba go thonoga o kwa go sasamela, o ka fo kwa nkare o ka lahla tewu. O sa kamake gore Jehova o nyoko go hlalefisa gore o segelele dipheto tsa gabutši, o nyoko go neya le matšhika gore o thogo tiyisela ga tso di go rulang. Ka ho Baebeleng, go na le batho ba gore le bona a baa felegelela ba gore ba yye ba logela ga tsa go baba, Jehova o re thuletsele gore ba makiye ying gore ba thogo tiyisela. Ke ntaba a sa re wutametsela? Gore re tšhute ga bona. Jehova o berekisiye Pawulo wa lepostola gore a ngwale tsotsone. Mo re kene re bala ditaba tsowa, di nyoko re kgomoletsa dya boya dya re tiyisa. Mara mo re nyaka gore tso re di tšhutang ka ho Baebeleng di re berekele, a re fo fetsa nje ka go yi bala. Di nyaka re lesetse Baebele yi wolole menagano ya rune, yi re tikise le dipelo. w21.03 14 ¶1-2

Ayitsano wene, o tseya bo o ba tšhomayelelang ba tshwana le korong ya gore yi šele yi nyaka go buniwa? Mo nkare go sone, go nyoko makega dilo tsowa ka ditharo. Sa mathomo, o nyoko berekisa nako ye nngwana le ye nngwana yo o yi krayang gore o tšhomayele. Nako ya go buna ke ye nyana ka matla, a di nyake re yi sinya. Sa bobedi, di nyoko go jabodisa ka matla mo o bona batho ba maka tso Baebele yi di tšhutisang. Baebele yi re: “Mo go segela nako ya go buna, batho baa jabola.” (Jes. 9:3) Sa boraro, o ko tseya motho ye mongwana le ye mongwana gore a ka di kgona go ba lelata la Jeso, byalo o ko maka gore o tšhentšhatšhentšhe matšhomayelelo yago gore ma tshwanele motho ye o bolabolang naye. Bo ba go latelela Jeso ke mo ba ngalele Masamariya, mara yene ke mo a sa ma ngalela. Byalo, ke mo a ma tseya gore ma ka di kgona gore ma be malata yage. Le rune, di nyaka re tseye batho ba tšhomo yo re yi berekang gore ba ka di kgona go ba malata ya Kreste. Pawulo wa lepostola o re beyele mošupetso wa gabutši wa gore di nyaka re wo tseyele hlogong. Ke mo a tšiba tso di dumelang ke bo a ba tšhomayelelang, tso ba di jabolelang le go ba tseya go le ba gore ba ka di kgona go ba malata ya Jeso. w20.04 8-9 ¶3-4

Lesetsa go solasola tso motho ye mongwana a di makang, mara o karakare gore o leketse go mo kwisisa gore o tikwa byang. Jehova ke yene a ntoši wa gore o re kwisisa gabutši. Byalo mo kgopele gore a go gelepe o thogo bona dilo tso a di bonang ga ba bangwana le go bona tso o ka ga di maka gore o thogo ba kwela go baba. O ka sa tšibi gore ke magageru mafeng ya di nyakang o ma kwele go baba. Ka mokana ga wona ma yye ma hlakana le dintshitshiri tsa go tshwana le tso Jona, Eliya, Haghara le Llota ba yyeng ba gahlana natso. Ga go tlala, ba yye ba tileyela dintshitshiri ka bo bona beng. Nnete ke gore, ka dinako tse dingwana le rune re fela re di maka tsotsone, re boya re tiputsisa gore anthe ke mo re ro kena king. Byalo, di kwala gabutši mo Jehova a re kgopela gore re šupetsane gore re kwelana go baba. (1 Pet. 3:8) Mo re theetsela Jehova, re maka gore mutši wo re leng ga wona wa go jabodisa wa lefaseng ka mokana ga lona wo nape wo ro mamarelana. Byalo, mo re na re phela, tla re tipotseneng gore re nyoko theetsela batho ba bangwana, ra ba tšiba ke mokane ra thogo ba kwela go baba. w20.04 18-19 ¶15-17

Jeso o yye a re beyela mošupetso wa gabutši ka go dula a maka tso Jehova a di nyakang. Byalo, mokgwa wo mongwana wo re ka šupetsang gore re theetsela Jehova ke mo re yekisela Jeso ka mokgo re ka kgonang. (Joh. 8:29) Gore re dule re sepela nneteng, di nyaka re sa kamake gore Jehova ke yene Modimo wa mannete le gore dilo ka mokana ga tsona tso a re botsang tsona tsa gore di ka Lentsung lage Baebele, ke nnete. Fote di nyaka re sa kamake gore Jeso ke yene Mesiya ye ne re tshepisiwwe yene. Ba go tlala lekgono, baa kamaka gore Jeso ke yene ye a hlawodiwweng gore go be Kgoši ya Mmušo wa Modimo. Johane o yye a pasopisa ka “bo ba go fokola ba go tlala” ba gore ke mo ba fokola bo ba go sa tikemisela go yemelela nnete yo ba yi tšibang ka Jehova le Jeso. (2 Joh. 7-11) Johane o ngwadiye gore: “Wa go bolabola matsaka ke mang, ke wa go phigisa gore Jeso ke Kreste?” (1 Joh. 2:22) Tsela ka yyoši yo yi ka re gelepang gore re sa fokodiwi, ke go tšhuta Lentsu la Modimo. Mo re ka maka ka mokgonone, re ko tšiba Jehova le Jeso gabutši. (Joh. 17:3) Fote re ka sa tsoge re thomme le go kamaka le ka gonyana. w20.07 21 ¶4-5

Se sengwana so re ka se makang gore re sa “phiki” ba bangwana mo re kene re taboga ke gore re ba lesetse ba make tso bona ba di nyakang, re sa ba gapeletse go maka tso di nyakang ke rune. (Mrm. 14:19-21; 1 Makor. 8:9, 13) Se segolo ga taba yowa ke gore, a re taboge go tshwana le motho wa go taboga ga motabogo wa mannete gore go be yene a krayang patela. Batho bone ba go taboga gabutšibutši ba fo ba ba naganne ka tso bona ba di nyakang. Byalo ba ka fo leketsa ka matla gore ba šinye ba fete ba bangwana ka moka. Mara rune a re tshwane nabo, a re phadisane. (Magal. 5:26; 6:4) So re nyakang go se segelela ke go gelepa batho ba go tlala ka mokgo re ka kgonang gore ba fetse motabogo wa bona le rune ke mokane re kraye patela ya lephelo la go ya go yye. Byalo, re leketsa ka matla gore re hlohletsele ke mantsu ya gore “le nyakane le tso di ka jabodisang ba bangwana, le sa nyake tso di jabodisang lune le ntoši.” (Mafil. 2:4) Mo ga motabogo wo re wo tabogang, Jehova o tshepisiye batho bage gore mo ba ka fo segela mafelelong o nyoko ba neya lephelo la go ya go yye ku legedimong kela pharadeyiseng ya ho lefaseng. w20.04 28 ¶10; 29 ¶12

Dimiliyoni tsa Makreste ya banna le basadi di nyoko kena ga lefase la nyuwane. Bo ba phonneng ho lefaseng ba nyoko di bona ka maahlo mo likgu le hludiwa fote—mo go tsusiwa dibhiliyoni tsa batho bo ba kgwileng ku botala. Ye lune, a yi mojabolo, a yi mojabolo mo tsotsone di makega! (Meber. 24:15) Ka mokana ga bona bo ba tshepegang ga Jehova ba nyoko hlula likgu lo ba le yanngweng. Ba ko thogo phela go ya go yye. Mokreste ye mongwana le ye mongwana di nyaka a tiyise ke mantsu ya Pawulo ya a ma ngwadiyeng ga Makorente ka taba ya tsogo. Di ya kwagala mo re yamogela mantsu ya Pawulo ya gore re dule re kenne fase re maka ‘mmereko wa Morena.’ (1 Makor. 15:58) Mo re dula re maka so re ka se kgonang ga mmereko wowa, re ko ba re tithulela lešuba la gore le rune re kraye lephelo la go jabodisa la ku mahlong. Lephelo lone le phala dilo ka mokana ga tsona tso motho a ka di naganang. Di napa di šupetsa gabutši gore ne re sa berekele mahala ga Morena. w20.12 13 ¶16-17

Mo re pombhola diporofeto tsa Hezekiyele 38:10-23; Daniyele 2:43-45; 11:44–12:1; le Kutullo 16:13-16, 21 mo di kene di bolabola ka dinako tsa go tshwana di boya di bolabola le ka tso di makegang tsa go tshwana, di šupa di kwagala gore re ka yemela gore go makege dilo tsowa re nyoko bolabolang ka tsona gana byalo. Mo motšhatšhamelo wo mogolo wo sa tšwa go thomisa, “magoši ya lefase ka mokana ga lona” ma nyoko gahlana ke mokane go ba ditšhaba tsa go timaka ngata ka yyoši. (Kut. 16:13, 14) Ditšhaba tsone tsa go timaka ngata ka yyoši ke tsona tso Baebele yi reng ke “Gogo wa naga ya Magogo.” (Hezek. 38:2) Ditšhaba tsone tsa go timaka ngata ka yyoši di nyoko hlasela batho ba Modimo tsa nkare ke moka. Mo re bolabola ka dinako tsowa, Johane wa lepostola o bonne sedingwane sa go tla le sefako se segolo sa gore a sa tlwayelega, se teya manaba ya Modimo. Sefako sone sa go tshwanisela go ka fo ba go le molayetsa wa go yahlula wa go teya go baba, wa gore wo leya ke batho ba Jehova, molayetsa wone ke wona wo wo nyoko tšhofang Gogo wa Magogo gore a hlasele batho ba Modimo a naganne go fetsa ka bona lefaseng ka mokana ga lona.—Kut. 16:21. w20.05 15 ¶13-14

Matšhika ya Modimo ya a re neyang wona di nyaka re ma tseyela gedimo. Re ka šupetsa gore re leboga moya wa go hlawolega ka matla mo re dula re nagana ka so wo re makelang sona gana byalo. Mo Jeso a soko bane a yinugela legedimong, o yye a botsa malata yage gore: “Le nyoko kraya matšhika mo moya wa go hlawolega wo thewogela ga lune, fote ke lune ba gore le nyoko bolabola ka nna bathong . . . go segela dipolekeng tsa kgole ka matla tsa lefase.” (Meber. 1:8) Moya wa go hlawolega wo gelepiye gore go hlekeletsiwe batho ba go rapela Jehova ba go segela gana hala ga mabala (8) ya dimiliyoni le sekopa ba go tšwa lefaseng ka mokana ga lona. Fote, re thogo phidisana gabutši le magageru ka ho phutegong ka taba la gore moya wa Modimo wa re gelepa gore re be le mekgwa ya go bafala ka matla ya go tshwana le go nyakanana, go jabola, go dula re bebiye, go lefisa pelo, go ba le pelo ye butši, re be batho ba go loka, re be le tumelo, re temeke re boye re kgone le go titshwara. Dilo tsone ka mokana ga tsona ke ‘dilo tso di yengwang ke moya.’ (Magal. 5:22, 23) Moya wa go hlawolega ke selo sa go bafala ka matla wa tšiba! w20.05 28 ¶10; 29 ¶13

Go na le tsa go tlala tso di makang gore re nagane gore bo ba nyoko gahlanetsang mašaga le banghana ba bona ba gore ba hlokofele, ba sa nyoko ba gopola. Mo re beyisa, mo re lebelela batho bo Jehova a šeleng a ba tsusiye re kgona go bona gore aa tšhentšha ka mokgo ne ba bonagala ka gona, mabolabolelo fote aa tšhentšha ka mokgo ne ba nagana ka gona. Fote Jeso o tshwanisiye likgu le go yetsela ke mokane a re mo motho wa go kgwa a tsusiwa go fo tshwana le mo a tsusiwa mo a yetsele. (Mat. 9:18, 24; Joh. 11:11-13) Mo motho wa gore o yetsele a tsusiwa, o tsoga a sa tšhentšha, o bolabola ka mokgo ne a bolabola ka gona fote le monagano wage o bereka ka mokgo ne wo bereka ka gona. Tla re bolaboleneng ka Lazaro. Mmele wage ne wo šele wo bola ka taba la gore ne go šele go fitiye matšatši ka mane a kgwile. Mara nakwela Jeso a mo tsosa bo sesi bage ba kgonne go mo tšiba fote le yene ne a sa ba gopola.—Joh. 11:38-44; 12:1, 2. w20.08 14 ¶3; 16 ¶8

Jehova aa tseye gore bo ba go tlotsiwa ba phala ba dinku tse dingwana. Ka mokana ga bona o ba tseya go tshwana. Mo a reka bo ba go tlotsiwa, le bo ba dinku tse dingwana o ba rekiye ka patela ya go lekana go leng lephelo la Morwayi wage. So ba sa tshwaneng ka sona ke tshepo yo ba nang nayo. Megoba yo ka mmedi di nyaka yi dule yi tshepegiye ga Modimo le Kreste. (Pis. 31:23) Fote o sa lebale gore moya wa go hlawolega wa Modimo wo ka bereka go tshwana, ga ka mokana ga rune. Tsotsone di ra gore mo Jehova a re neya moya wage wa go hlawolega o neya ye mongwana le ye mongwana go ya ka tso a di gayelang. Jehova o neyye malata yage ka mokana ga wona tshepo ya go di phala ka moka. (Jer. 29:11) Segopotso sa likgu la Jeso se thulela ye mongwana le ye mongwana lešuba la go thanaka Modimo le Kreste ka tso ba re makeleng tsona gore re thogo jabolela lephelo la go ya go yye. Segopotso ke mogahlano wo Makreste ma wo tseyelang gedimo ka matla. w21.01 18 ¶16; 19 ¶19

Ba go tlala bo ba tlang Segopotsong tshepo ya bona ke ya go phela ho lefaseng. Byalo, ke ntaba ba tla? Taba ya gore batho ba tla Segopotsong re ka yi tshwanisa le mo batho ba ya mošadhong wa monghana. Ba šupetsa monghana bona gore ba mo nyaka ka matla, fote baa mo thega. Byalo, bo ba dinku tse dingwana ba ya Segopotsong ka taba la gore ba nyoko šupetsa Kreste le bo ba go tlotsiwa gore ba ba nyaka ka matla fote baa ba thega. Bo ba dinku tse dingwana ba tla Segopotsong go šupetsa gore ba leboga sehlabelo sa Jeso so se makang gore ba thogo kraya lephelo la go ya go yye ho lefaseng. Selo se sengwana so se makang gore bo ba dinku tse dingwana ba tle Segopotsong ke gore ba thogo theetsela so Jeso a se hlayyeng. Mo Jeso a maka Selalelo sa mathomo a na le mapostola yage ya go tshepega o ma butsiye gore: “Le duleneng le maka tsotso le kene le ya mahlong le n’gopola.” (1 Makor. 11:23-26) Mo go kene go sa na le ba go tlotsiwa ho lefaseng, bo ba dinku tse dingwana ba ka sa lesetse go ya mahlong ba gopola Selalelo sa Morena. w21.01 17-18 ¶13-14

Mo nkare re ya resa gore re ya nyakanana, di nyaka di šupetsa ka tso re di makang. (Tshwanisa le Jakobo 2:17, 26.) Mo re beyisa, Jehova o re nyaka ka matla. (1 Joh. 4:19) Fote o šupetsa gore wa nyakanana ka go berekisa mantsu ya go natefa ya ma leng ka Baebeleng. (Pis. 25:10; Mrm. 8:38, 39) Mara re napa re sa kamake gore Modimo o re nyaka ka matla ka taba la tso a di makang. Jehova o lesetsiye Morwayi wage ye a mo nyakang ka matla gore a hlupegisiwe a boye a re kgwele. (Joh. 3:16) Ayitsano go na le so se makang gore re kamake taba ya gore Modimo o re nyaka ka matla? Mo re theetsela Jehova le Jeso re ba re šupetsa gore re ba nyaka ka matla. (Joh. 14:15; 1 Joh. 5:3) Fote mo Jeso a re botsa gore re nyakanane a sanka a jikajika. (Joh. 13:34, 35) Re sa fo bolabola ka molomo gore magageru re ma nyaka ka matla mara di nyaka re šupetse ka tso re di makang.—1 Joh. 3:18. w21.01 9 ¶6; 10 ¶8

Bo ba go tlotsiwa ka moya wa go hlawolega ba na le tshepo ya go ye ba le Jeso go ya go yye ku legedimong, ba lawola naye ga Mmušo wa Modimo. Ba nyoko ba le Kreste, ba kgona go mmona, ba bolabola naye le go fokatsa naye. (Joh. 14:2, 3) Bo ba nang le tshepo ya go phela ho lefaseng le bona Jeso o ko šupetsa gore o ba nyaka ka matla, a boya a ba le nako ya bona. Senghana sa bona Jeso se nyoko fo ya mahlong se tiyelela le mo ba sa kgone go mmona, ba kene ba jabolela lephelo lo Jehova le Jeso ba ba neyyeng lona. (Jes. 9:6, 7) Mo re dumela go ba banghana ba Jeso re nyoko rufiwa lela la go sa hlayisege. Mo re beyisa, ka mokgo a re nyakang ka gona le ka mokgo a re pasopang ka gona gwa re berekela lekgono. Re na le lešuba la go kraya lephelo la go ya go yye. Taba ye kgolo ka matla yo di nyakang re yi tseyela hlogong ke gore, senghana sa rune le Jeso se nyoko re leyela makolwane ya go ma phala ka moka le senghana sa thina ka matla le Jehova. A yi batho ka mokana ga bona ba go na le senghana le Jeso, rune re ro kgetiwa! w20.04 25 ¶15-16

Lengwalo lo Pawulo wa lepostola a le ngwadiyeng ke mo a le ngwalela Makreste ya ku Korente ya gore ma tlotsiwwe fote ma nyoko tsusediwa go ye phela legedimong. Lune Makreste ya gore ‘le gadimisiwwe ka taba la gore le mamarelanne le Kreste Jeso, le hlawolegiye.’ Fote Pawulo o hlayye gore le ‘bo ba gore ba yetsele boroko bya likgu ba mamarelanne le Kreste.’ (1 Makor. 1:2; 15:18; 2 Makor. 5:17) Ga lengwalo le lengwana Pawulo o ngwadiye gore “mo re mamarelanne le [Jeso] ka likgu lage” re nyoko “mamarelana naye le mo a tsusiwa.” (Mrm. 6:3-5) Jeso o yye a tsusiwa go le motho wa moya ke mokane a ya legedimong. Sosone go nyoko ba maphomela ya gabutši ga ka mokana ga bona bo ‘ba mamarelanneng le Kreste,’ go leng Makreste ka mokana ga wona ya gore ma tlotsiwwe ka moya wa go hlawolega. Pawulo o hlayye gore Kreste ke yene ye a yyeng a tsusiwa go le “seyengwa sa mathomo ga bo ba yetseleng boroko bya likgu.” (1 Makor. 15:20) Jeso ke mo go le yene wa mathomo wa go tsusiwa go le motho wa moya ke mokane a kraya lephelo la go ya go yye ku legedimong. w20.12 5-6 ¶15-16

Bo ba gore ba tlotsiwwe, mo ba kgwa gana byalo ba tsusiwa ka go yakgoswa gore ba ye phela legedimong. Pawulo wa lepostola o napiye a šihlela taba yowa ga Makorente wa Mathomo 15:51, 52. Bo bhuti ba Kreste ba nyoko jabola stereka mo ba tsusiwa. Baebele yi re botsa gore ke mmereko wa mošaga mang wa gore wo nyoko maka ke bo ba gore ba nyoko ba tšhentšha “ka go ponya ga lihlo” ku legedimong. Jeso o ba butsiye gore: “Ye a hlulang le go latelela tso ke di makang go segela mafelelong, ke nyoko mo neya matšhika ya go lawola ditšhaba, fote o nyoko disa batho a berekisa thoka ya tshipi la go šinya a ba psyitlanya go tshwana le sitša sa letsopa, go fo tshwana le mo Papa le nna a nneyye.”—Kut. 2:26, 27. w20.12 12 ¶14-15

MoPawulo wa lepostola a šinya a re Jeso ke “seyengwa sa mathomo” ke mo a rela gore go sa nyoko ba le ba bangwana ba gore ba nyoko tsusediwa go ye phela legedimong. Mapostola le ba bangwana ba gore ba “mamarelanne le Kreste” ba nyoko šala Jeso nthago. (1 Makor. 15:18) Mo nako yi kene yi ya, le bona ba nyoko tsusiwa gore ba ye phela legedimong go fo tshwana le Jeso. Nakwela Pawulo a ngwalela Makorente lengwalo, tsogo ya go tsogela legedimong ya bo ba gore ba “mamarelanne le Kreste” ke mo yi soko bane yi makega. Mara, Pawulo ke mo a šupetsa ga tso di sa tlang ku mahlong mo a re: “Ye mongwana le ye mongwana o sepela ka letheto: Kreste ke seyengwa sa mathomo, ka nthago ke bo go leng ba Kreste ka dinako tsa mo a šele a segele.” (1 Makor. 15:23; 1 Mathes. 4:15, 16) Gana byalo re phela ga dinako tso go bolabodiwweng ka tsona tsa go ‘segela’ ga Kreste. Nnete ke gore mapostola le Makreste ya mangwana ya gore ma tlotsiwwe fote ma šele ma kgwile, ne di nyaka ma lete go šinye go segele Kreste gore ma thogo kraya patela ya wona ya go ye phela legedimong, ke mokane ma “mamarelane le [Jeso] ka taba la gore ma tsusiwwe go tshwana naye.”—Mrm. 6:5. w20.12 5 ¶12; 6 ¶16-17

Pawulo wa lepostola ke mo a bolabola ka motho wa gore o tsusiwa a na le mmele wa legedimong, go leng, “mmele wa moya.” (1 Makor. 15:43, 44) Mo Jeso a sa phela ho lefaseng, ke mo a na le mmele wa nama. Mara mo a tsusiwa “o yye a ba moya wo wo neyang lephelo” ke mokane a boyela legedimong. Le wona Makreste ya go tlotsiwa ma nyoko tsusiwa ma na le mmele wa gore ma thogo phela legedimong. Pawulo o yitseri: “Ka taba la gore re yapere mmele wa motho wa go makiwa ka lerole, re nyoko boya re yapara mmele wa legedimong.” (1 Makor. 15:45-49) Re sa lebale gore Jeso aa tsusiwa a na le mmele wa nama. Pawulo mo a yi beya nje, o yitseri: “Nama le madi di ka sa wo bone Mmušo wa Modimo” ku legedimong. (1 Makor. 15:50) Mapostola le bo ba go tlotsiwa ba ka sa tsusiwi gore ba ye legedimong ba na le mmele wa nama le madi wa gore wo nyoko sinyega. w20.12 10-11 ¶10-12

Modimo o butšwelele malata ya Jeso ya mangwana ya ku botala gore ma ngwale ka tshepo ya go ya legedimong. Johane wa lepostola o yitseri: “Gana byalo re bana ba Modimo, mara a di soko re yelela gore go nyoko makega ying ka rune ku mahlong. So re se tšibang ke gore mo yene a šele a di tšiba le rune re nyoko tshwana naye.” (1 Joh. 3:2) Byalo, Makreste ya go tlotsiwa a ma di tšibi gore ma nyoko ba ma le byang mo ma tsusiwa gore ma ye legedimong ka mmele wa moya. Mara, ma nyoko bona Jehova mo ma kraya patela ya wona. Baebele yi bolabodiye ka tse dingwana ga taba yowa. Bo ba go tlotsiwa ba nyoko ba le Kreste mo a šele a “fetsa ka memmušo ya lefase lo le matšhika ya lona.” Gana hone go kena le “lenaba la mafelelo lo ba reng ke likgu.” Ke mokane Jeso—le bo a lawolang nabo—ba nyoko busetsa dilo ka mokana ga tsona ga Jehova. (1 Makor. 15:24-28) Yone go nyoko ba nako ya go jabodisa ka matla! w20.12 8 ¶2

Makreste ya go tshepega ya gore a ma na tshepo ya go ye phela legedimong le Kreste fote ma na le tshepo ya gore ma nyoko tsusiwa. Baebele yi re Pawulo wa lepostola le ba bangwana ba gore ba ya legedimong ba nyoko “tsusiwa la mathomo ga bo ba kgwileng.” (Mafil. 3:11) Ayitsano sosone a se rele gore go nyoko ba le tsogo ye nngwana? Tsotsone di napa di kwana ka matla le tso Jobo a hlayyeng gore di nyoko mo makegela ku mahlong. (Jobo 14:15) “Bo go leng ba Kreste ka dinako tsa mo a šele a segele” ba nyoko ba ba le ku legedimong ba na le Jeso mo a fetsa ka bo ba go lawola ba mmušo le ka mokana ga bona bo ba nang le matšhika ya go lawola. Le mong “lenaba la mafelelo lo ba reng ke likgu,” go nyoko fela ka lona. A re kamake le ka gonyana gore bo ba tsusediwang legedimong, ba ka sa sa bona likgu. (1 Makor. 15:23-26) Mantsu ya Pawulo ya ma leng ga temanyana ya lekgono ma ka tiyisa tshepo ya bo ba nyoko tsusiwang gore ba tl’le phela ho lefaseng. Nnete ke gore wa go sa loka a ka sa kene legedimong, byalo di fo ba lekgwaying gore mantsu yane ma rela tsogo yo yi nyoko makegang ho lefaseng. w20.12 6-7 ¶18-19

Re ka tiputsisa gore, ‘Byalo ke nyoko di tšiba byang gore nnete Jehova o ntshwarele?’ Mo re tiputsisa putsiso ya mošaga wonone, di rela gore a re kamake gore Jehova wa tshwarelana. Go fitiye mengwagangwaga Sewokamelo se hlayye gore: “Re ka tikraya re fo boyelela tsetsela tsa go kekema tsa gore re di makiye botala mo re soko bane re thomisa go berekela Modimo. . . . Re sa fetse ka gore re sinnye la gore re ka sa sa tshwarediwa. Sathane o nyaka re tseya dilo ka mokgonone. Taba ya gore di ya go baba yi fo šupetsa gabutši gore a wa befa pelo la gore Jehova a ka napa a šitega go go tshwarela. Di sa go tinwisi go tineyela ga Modimo o tinyanafatsiye o mo kgopela gore a go tshwarele a boye a go gelepe gore o sa sa boyelela.” Mo a soko bane a ba Mokreste o yye a sinya ka matla. Pawulo wa lepostola ke mo a sa di gopola tso a di sinnyeng. (1 Thim. 1:12-15) Mara o yye a tseya sehlabelo sa Jeso go le selo so Modimo a mo neyyeng sona. Pawulo o yye a kganela kgole le molabo wa go dulela go kokona ke lekwalo ke mokane a tikemisela go ya mahlong a kene a berekela Jehova di mmaba. w20.11 27 ¶14; 29 ¶17

Sathane o leketsa go re loba le ka dilo tsa go tlala gore re feleletse re sinnye ka matla. Mo a maka tsotsone, rune re maka ying? Re ka fo tseya nkare a di hlupi. Mo re beyisa, re ka fo re: ‘Mo ke maka selo sowa, ba ka sa ntlose ka ho phutegong, di ra gore a se hlupi ka matla.’ Go nagana ka mokgonone ke bophokophoko. Re ko ba re maka gabutši mo re yemanyana ke mokane re tiputsisa gore: ‘Ayitsano Sathane o berekisa selo sowa go maka gore ke be le dipelo ka dipedi? Mo ke fo tilesetsa ke nabelanya dilo tsa gore a yi tsona, ayitsano nkoba ke sa make gore lebitso la Jehova le poyilege? Ayitsano tso ke nyakang go di maka di ko n’gelepa gore ke be thina ka matla le Modimo waka, kela di nyoko mmaka gore ke be kgole naye?’ Ghayela ka diputsiso tsa mošaga wonone. Mo o fetola diputsiso tsowa, kgopela Modimo gore a go hlalefise o thogo bolabola nnete mo o fetola, o sa titshokanye. Mo o ka fo maka tsotsone, o ko ba o tipasopa. Di ka go gelepa gore o ganetse dilo tso di leketsang go go phiriketsa, o tseyele ga Jeso nakwela a re: “Tloga ho gaka, Sathane!” (Mat. 4:10) O sa lebale gore pelo ya gore yi yahloganne a yi gelepe ka selo. w20.06 12-13 ¶16-17

Re šupetsa gore re tinyanafatsiye mo re berekisa melawo ya Jehova mo re kene re phela fote re di tšiba gabutši gore ke yene ye a tšibang so se re tshwaneleng. (Maef. 4:22-24) Go tinyanafatsa go re tšhofa gore re yetise mahlong tso Jehova a di nyakang, le go tseya ba bangwana gore baa re phala. Ka mokgonone, re jabolela senghana sa rune le Jehova le magageru. (Mafil. 2:3) Mo re ka sa pasope, re ka kutšetsela ke batho ba lefase lowa la Sathane ba gore ba na le magetla fote ba tinaganela ba ntoši. Mayemo ya mošaga wonone ya gore ke mo ma le kotsi ke mo ma le gona ka dinako tsa mapostola, nka taba lo Pawulo wa lepostola a yyeng a ngwalela Maroma gore: “Ye mongwana le ye mongwana mone ga lune, a sa nagane ka matla ka yene mong go feta ka mokgo a tshwaneleng go nagana ka gona, mara a nagane gabutši di šupetse gore o butšwiye mabyokong.” Pawulo ke mo a di tšiba tsa gore di ya nyakega gore re tinaganele. Mara go tinyanafatsa go nyoko re gelepa gore re lekanisele ka mokgo re titseyang ka gona fote yi nyoko re gelepa gore re sa titseye gore rune ke rune. w20.07 2 ¶1-2

Ka dinako tsa Kgoši Asa, nako ya go beba yi yye ya fela. Go yye gwa tla masole ya go tlala ka matla—ya go teya ga miliyoni—ya gore ne ma tšwa Ithopiya. Zera wa gore ne a ba yetiye mahlong ne a fetsiye le pelo gore yene le masole yage ba nyoko suwelanya Juda. Mara Asa ne a sa hlagasedisi ke nombhoro ya masole, ne a tshepele ga Modimo wage, Jehova. Asa o yye a rapela, a re: “Jehova Modimo wa rune, re gelepe barena, ka taba la gore re tshepele gago fote re nyoko lwa le mogoba wowa re berekisa lebitso lago.” (2 Dikor. 14:11) Masole ya Asa ne ma teya ka tlase ga hafo ya masole ya Maithopiya, mara Asa o yye a tshepa gore Jehova o na le matšhika fote o nyoko phonisa batho Bage. Jehova a sanka a mo tšebisa; ba yye ba hlula masole ya Maithopiya ma šala ma pawogiye. (2 Dikor. 14:8-13) A re nape re tšiba gore ye mongwana le ye mongwana wa rune o nyoko tlela king ku mahlong, mara so re se tšibang ke gore batho ba Modimo ba ka sa fo dula ba le ga seyemo sa gore se bebiye. Gabutšibutši, Jeso o hlayye gore ka dinako tsa mafelelo, malata yage ma nyoko “hloya ke ditšhaba ka mokana ga tsona.”—Mat. 24:9. w20.09 17-18 ¶14-16

A go na ye a jabodisang ke go rogelediwa. Mara mo nkare manaba ya rune maa re rugelela fote tsotsone di re kwatisa, di nyoko maka gore re kgongwele. (Diy. 24:10) Byalo mo bo ba go re phigisa ba re rogelela, re ka maka ying? Go fo tshwana le Pawulo wa lepostola, le rune re ka ‘jabola mo re rogelediwa.’ Ke ntaba mara? Ka taba la gore go rogelediwa le go phigisiwa ke tsona tso di šupetsang gore re mong wona malata ya Jeso. (1 Pet. 4:14) Jeso o yitseri malata yage ma nyoko hlorisiwa. (Joh. 15:18-20) Tsotsone di yye dya makega ka dinako tsa mapostola. Ku nthago, bo ne ba kutšetsele ke setšo sa Magerika ke mo ba tseya Makreste go le diphokophoko fote go le batho ba go sa re selo. Majuda ya mangwana ke mo ma tseya Makreste go le batho ba go sa ‘tšhutega fote go fo ba batho nje,’ go fo tshwana le Petro wa lepostola le Johane wa lepostola. (Meber. 4:13) Makreste ke mo ma tišupetsa ma sa kgone selo, ma sa kenakene ga tsa dipolotiki kela tsa bosole fote batho ke mo ba sa ma hlompe. Ayitsano Makreste ya ku botala ma yye ma šitisa ke taba ya gore bo ne ba ma phigisa ke mo ba sa tseyi dilo gabutši? Dho. w20.07 14-15 ¶3-4

Johane wa lepostola ke mo a hlupegiye ka matla ka senghana so magageru ke mo ma le naso le Jehova, sosone se bonala gabutši ga marifi ka mararo ya a yyeng a ma ngwalela magageru ya gore moya wa go hlawolega wo yye wa mo tšhofa gore a ma ngwale. A yi go jabodisa ga tsona go tšiba gore banna le basadi ba go tshwana naye ba tlotsiwwe gore ba ye lawola le Kreste ku legedimong! (1 Joh. 2:27) Wa tšiba nkare tso a di hlayyeng re ka di tseyela hlogong barena. Nkare re ka tikemisela go sepela nneteng fote re kwa Jehova ga dilo ka mokana ga tsona mo re kene re phela. Titšhutise Lentsu la Modimo fote o le tshepe. Tiyisa go dumela gago ga Jeso. Ganetsa dilo tso batho ba di tšhutisang tsa gore ba ro tikhandela fote o sa theetsele bo ba go kgeloga. Kganela kgole le go phela nkare o Mokreste ka ho thoko o kene o maka dilo tsa go kekema. Dula o berekisa melawo ya Jehova ya go yi phala ka mokana ga yona. Fote mo re tshwarela magageru mo ma re sinyele, re ko ba re ma gelepa gore ma dule ma tiyelele le go boya re ma gelepa ka tse dingwana. A go na taba gore re hlakana le dintshitshiri tsa mošaga mang mara re ko dula re sepela nneteng. w20.07 24-25 ¶15-17

Jehova o neyye malata yage ya go tshepega mebereko ka ho phutegong. Le mo re na le mebereko ya go sa tshwane ka ho phutegong, re tseyediwa gedimo fote ka mokana ga rune re ya hlokanana. Pawulo wa lepostola o šihlele taba ya gore a ra tshwanela go botsa lelata le lengwana la Jehova gore “a ke go hloke.” (1 Makor. 12:21) Gore ka ho phutegong go dule go bebiye, di nyaka re tseyelane gedimo fote re berekisane. (Maef. 4:16) Mo re bereka re le ngata ka yyoši, re nyoko nyakanana tsa mannete fote phutego yi nyoko tiya. Bagolo ka mokana ga bona ba kgetiwwe ka moya wa go hlawolega. Mara ka mokana ga bona a ba kgone go maka dilo go tshwana. (1 Makor. 12:17) Ba bangwana a yi botala ba kgetiwwe gore go be bagolo fote ba ka fo ba ba sa tšibi dilo tsa go tlala go tshwana le bagolo ba bangwana. Ba bangwana ba ka fo ba ba sa kgone go maka tsa go tlala ka taba la gore ke dikoka kela ba šele ba gudiye. Byalo, mogolo aa tshwanela go lebelela bagolo ba bangwana ke mokane a re, ‘a ke le hloke.’ Mara mogolo ye mongwana le ye mongwana di nyaka a make so se leng ga Maroma 12:10. w20.08 26 ¶1-2; 27 ¶4

Jehova o re yetetsa a berekisa mokgahlo wage wa ho lefaseng mo re kene re le pateng ya go ya lephelong. Mo go na le hlatolla ya nyuwane ya go tšwa ka Baebeleng ya gore yi yelana le tso re di dumelang kela maphelelo, nnete ke gore a re jikajiki re ya yi berekisa. Mara re titshwara byang mo mokgahlo wa Modimo wo tšhentšha se sengwana, go tshwana le mo go rekisiwa Holo ya Mmušo yo re tshwarelang megahlano ga yona? Mo re ka sa lebale gore re berekela Jehova fote ke yene a yetetsang mokgahlo wage, re nyoko dula re jabodiye tsa nkare ke moka. (Makol. 3:23, 24) Kgoši Dafita ke mo go le mošupetso wa gabutši ga taba ya go neyela nakwela go yagiwa tempele. O yitseri: “Ke nna mang fote ba mutši waka go ro ba ying la gore re ka šutela re tshwere so re nyakang go se neya Jehova? Dilo ka mokana ga tsona tso re nang natso di tšwa gago fote le mo re go neya tsona di na di tšwa gago.” (1 Dikor. 29:14) Le rune mo re neyela, gabutšibutši re ba re neya Jehova so se tšwang gage. Byalo, Jehova o leboga nako, matšhika le mo re neyela ka dilo tso re nang natso gore go thogo makega mmereko wage.—2 Makor. 9:7. w20.11 22-23 ¶14-16

Rune Dihlatse tsa Jehova, re ka sa nape re re re phomelele ga mmereko wa go tšhomayela ka taba la mo re gelepiye batho ba go tlala gore ba tle ga mokgahlo wa Modimo. (Luk. 8:11-15) Solanka re ya mahlong re tšhomayela ditaba tsa go bafala le go tšhutisa ba bangwana, Jehova o re re phomelele. Ke ntaba? Ka taba la gore re theetsela yene le Morwayi wage. (Mar. 13:10; Meber. 5:28, 29) Re na le so se re tšhofang ka matla gana byalo: Taba ya gore lefase lowa le bakiye mafelelong ka go yakgoswa! Ke ye nyana ka matla nako yo yi šeleng ya gore re botse batho ka ditaba tso tsa gore di nyoko ba phonisa. O sa jikajiki o fo re o yemele nako ya gabutši gore o thogo ba tšhomayelela ditaba tsowa. Thomisa gana byalo go tiputsisa gore ke ntaba o tshwanele go tšhomayela, o tšhute tsa go tlala ka Baebele, o šišimale fote o tigapeletse go maka dilo. Bereka ggoši le batho ba go teya ka ku ga mabala (8) ya dimiliyoni ba gore ba loba dihlapi ke mokane Jehova o nyoko maka gore o jabole. (Neh. 8:10; Luk. 5:10) Tikemisele go maka mmereko wowa ka mokgo o ka kgonang ka gona go segela mafelelong. w20.09 7 ¶18-20

A re nyake go kgana ka mollo wa go nabela le dilo tsa majabajaba. ‘Dinabetsane tsa go ghanya di na le matšhika,’ di ka maka gore re thomise go nyenya Jehova, ra sa sa kwana le Lentsu la Modimo, ra boya ra kwa re sa sa nabela le go le tšhutisa ba bangwana. (Mat. 13:22) Gore re thogo pasopa dilo tso Jehova a re neyyeng tsona, di nyaka re yakgoswe re maka se sengwana mo re bona kotsi. Re ka lebelela gore re nyoko maka byang mo go nyarela dilo tsa go ba le bonghwahla, bokgohlane kela tsa bo ba bo kgeloga mo re lebelele TV kela mo re berekisa inthanete. Mo re ka dula re tilukiselele, re ko thogo bona kotsi yi sa le kgole ke mokane ra yakgoswa re maka se sengwana gore re thogo dula re nghanelanne le Jehova le go dula re yediye mahlong gage. (Pis. 101:3; 1 Thim. 4:12) Di nyaka re pasope makolwane ya Jehova a re neyyeng wona—ya gore ke nnete ya ka Baebeleng le mmereko wa gore re tšhutise ba bangwana nnete yowa. Mo re maka ka mokgonone, re nyoko ba le lekwalo la go yela, ra tšiba gore re philela ying fote re nyoko jabola mo re gelepa ba bangwana gore ba thogo tšiba Jehova. w20.09 30 ¶16-19

Ayitsano o kolobetsiwwe? Mo nkare go ka mokgonone, di fo ba lekgwaying gore ga Jehova wa mo tshepa fote wa di nyaka go bereka le mokgahlo wage. Lekgono, Jehova o yetetsa mokgahlo wage ka mokgwa wa go šupetsa dilo tso a tšibegang ka tsona, tso a tikemiseleng go di maka le melawo yage. Lebelela ka kararo ya dilo tso Jehova a tšibegang ka tsona tsa gore di thogo bonala gabutši ga mokgahlo wage. Sa mathomo, ‘Modimo aa hlawolane go ya ka mohlobo.’ (Meber. 10:34) Jehova o re nyaka ka matla, tsotsone di mo tšhofiye gore a neyele ka Morwayi wage gore go be “patela ya batho ka moka.” (1 Thim. 2:6; Joh. 3:16) Jehova o berekisa batho bage gore ba tšhomayele ditaba tsa go bafala ga batho ka mokana ga bona ba gore ba nyaka go theetsela, ke mokane ba go tlala ba thogo bona gore patela yone yi ba gelepa ka mokgo mang. Sa bobedi, Jehova ke Modimo wa go maka dilo ka letheto le wa go beba. (1 Makor. 14:33, 40) Byalo, di ra gore bo ba mo rapelang le bona ba maka dilo ka letheto le ka go beba mo ba kene ba mmerekela. Sa boraro, Jehova ke “Thitšere ye Kgolo.” (Jes. 30:21) Nka taba lo mokgahlo wage wo tshwaraganneng ka go tšhutisa Lentsu lage ka phutegong le tšhomong. w20.10 20 ¶1-3