October

Mo re šele re tšiba Jeso, re nyoko kopisela ka mokgo a naganang le ka mokgo a makang dilo. Fote mo re kene re maka re boya re nagana go tshwana le Jeso, re nyoko ba le senghana sa thina ka matla naye. Re ka mo kopisela byang ga Jeso? Lebelela mošupetso wowa. Jeso ke mo a sa dulele go nagana ka go tijabodisa yene mong mara ke mo a dula a nagana ka go gelepa ba bangwana. (Mat. 20:28; Mrm. 15:1-3) Ka taba la gore ke mo a dula a nagana ka mokgonone, o yye a tikona tsa go tlala fote a tshwarelana. Tso batho ne ba di bolabola ka yene ke mo di sa mo tubisi. (Joh. 1:46, 47) Ke mo a sa tshware batho ka pelo mo go na le tso ba sa di makang gabutši ku botala. (1 Thim. 1:12-14) Jeso o yitseri: “Ka mokana ga bona ba nyoko di tšiba gore ke lune malata yaka—mo lune beng le nyakanana.” (Joh.13:35) Ke ntaba o sa tiputsisi gore, “nje ke latelela mošupetso wa Jeso wa go maka tso nka di kgonang gore re dule re kwana le magageru?” w20.04 24 ¶11

Le mo batho ba lefase lowa ba thilafatsa fote ba rogelela lebitso la Jehova, wene o na le lešuba la go šišimala ke mokane o bolabole nnete ya gore—Jehova o hlawolegiye, o lukiye le gore o re nyaka ka matla. Le wene o ka šupetsa gore o yema le mokgwa wage wa go lawola. O ka šupetsa ka tso o di makang gore mokgwa wa Jehova wa go lawola ke mong wona wa gabutši, fote ke wona wo wo ko makang gore go beba go be gona le gore dilo ka mokana ga tsona tso Modimo a di makiyeng di dule di jabodiye. (Pis. 37:9, 37; 146:5, 6, 10) Ga go tlala mo re tšhutisa batho nnete ya Baebele, re šihlela taba ya gore Modimo ke yene ye a tshwaneleng go lawola dilo ka mokana ga tsona, le gore mokgwa wage wa go lawola ke wona wa gore wo lukiye. Ke nnete gore re ya di nyaka go maka tso Modimo a di nyakang, mara fote di nyaka re gelepe ba bangwana gore ba kwe ba mo nyaka ka matla ga Jehova Papa wa rune fote ba make tso a di nyakang. Di nyaka re šihlele mekgwa ya Jehova ya go bafala re boye re šihlele gore Mong wa lebitso lowa ke Motho wa mošaga mang. (Jes. 63:7) Mo re kene re tšhutisa batho ka mokgonone, re ko ba re ba gelepa gore ba kwe ba mo nyaka ka matla ga Jehova fote ba make tso yene a di nyakang ka taba la gore ba kwa ba nabela go tshepega gage. w20.06 6 ¶16; 7 ¶19

Byoko bya motho ke mong mohlolo. Nakwela o sa le ka mpeng ya mmane wago, byoko byago bo yye bya makega go ya ka mokgo ne bo tshwanele bo be ka gona ke mokane diketekete tsa disele tsa nyuwane tsa go maka byoko ke mo di makega ka minete ye nngwana le nngwana! Bo ba go nyakolla dilo ba naganela gore byoko bya motho wa gore o gudiye bo na le gana hala ga bo 100 ya dibhiliyoni ya disele tsa go hlawolega tso ba reng ke dinyuroni di mamarelanne gabutši tsa gore o ka sa ro di yahloganya, di kala gana hala ga bo 1.5 ya dikhiloghremo. Se sengwana sa go makatsa ga tso byoko bo kgonang go di maka ke ga taba ya go kgona go bolabola. Lentsu le lengwana le le lengwana lo o le bolabolang, di nyaka gore byoko byago bo lawole ditšhika tsa go teya gana hala ga 100 tsa lleme lago, mogolo, molomo, mohlagare le sekguba. Mešifa yone ka mokana ga yona yi tshwanele go sepela ka nako yo go leng yona gore so motho a se bolabolang se thogo kwagala gabutši. Ka 2019 go yye gwa tšwa taba ye nngwana ya gore bana ba gore ba sa tšwa go belegiwa ba kgona go fapanyisa mantsu ya ba ma kwang. Tsotsone di napa di ro kikitela taba yo yi tshepang ke batho ba go tlala ba go nyakolla, ya gore re belegiwwe re kgona go kwisisa le go tšhuta mebolabolo ye mengwana. Di fo ba lekgwaying gore taba ya gore re kgona go bolabola, ke selo sa go bafala so re neyyeng ke Modimo. w20.05 22-23 ¶8-9

Abhrahama aa tšhofa ke motho nakwela a rura polekeng ya Uri, ga gore ke mo a dudisegiye gabutši. Ke ntaba? Ka taba la gore ke mo a yemele ‘poleke ya fandhiši ya go tiya.’ (Maheb. 11:8-10, 16) Poleke yo Abhrahama ne a yi yemele ke Mmušo wa Modimo. Ga Mmušo wone go lawola Jeso Kreste le Makreste ya go tlotsiwa 144 000 ya wona. Pawulo o re Mmušo wone ke “poleke ya Modimo wa go phela ya gore ke Jerusalema ya ku legedimong.” (Maheb. 12:22; Kut. 5:8-10; 14:1) Jeso o tšhutisiye malata yage gore ma rapelele Mmušo wone gore wo tle, gore go thogo makega tso Modimo a di nyakang ho lefaseng go fo tshwana le ku legedimong. (Mat. 6:10) Ayitsano Abhrahama ne a di tšiba gore Mmušo wo wa Modimo go nyoko ba wa mošaga mang? Dho. Go tlugisela ku botala, taba yone ke mo go le “sephiri sa go hlawolega.” (Maef. 1:8-10; Makol. 1:26, 27) Mara Abhrahama ne a di tšiba gore ditlogolwane tsage tse dingwana di nyoko ba magoši ga Mmušo wowa. Ka gore Jehova ne a ro mo tshepisa.—Gen. 17:1, 2, 6. w20.08 2-3 ¶2-4

Di nyaka re kganele kgole le dilo tso di tšhutisang ke batho ba go kgeloga. Go tlugisela mo phutego ya Sekreste yi thoma, Diyabolo ke mo a kene a berekisa batho ba go fokolana gore ba make malata ya Modimo ya go tshepega ma thomise go kamaka ga dilo tse dingwana. Byalo, di nyaka gore re tšibe ka mokgo re ka bonang so go leng nnete le so go leng matsaka. Manaba ya rune ma ka berekisa Inthanete go maka gore re sa sa tshepa Jehova le gore re sa sa kwana le magageru. O sa lebale gore ke mang ye a makang dilo tsa mošaga wonone fote di nyaka re sa di dumelele gore di re kene! (1 Joh. 4:1, 6; Kut. 12:9) Gore re thogo phigisa dilo tso Sathane a re fošang ka tsona, di nyaka gore re tshepele ga Jeso le ga dilo tso a di makang gore dilo tso Modimo a di nyakang di makege. Di nyaka re tshepele ga mokgwa ka wwoši wo Jehova a wo berekisang lekgono. (Mat. 24:45-47) Mo re bala Lentsu la Modimo ka moka matšatši re ko ba re kikitela tshepo ya rune. Byalo, tumelo ya rune yi ko tshwana le sehlare sa gore tšhika ya sona yi ku fasefase. Pawulo wa lepostola o yye a bolabola ka taba yone nakwela a ngwala mantsu ya temanyana ya lekgono. w20.07 23-24 ¶11-12

Ka taba la gore a ra yenela, ka mokana ga rune re fela re kala motho go ya ka mokgo a yemegiyeng ka gona. (Joh. 7:24) Mara a re nape re tšhuta tsa go tlala mo re fo kala motho go ya ka so maahlo ya rune ma se bonang. Mo re beyisa, le mong togotela ya gore ga tsa go yalafa yi fo teya yi tshwarelele, yi ka sa nape yi tšiba gabutši gore motho o bolaya king mo yi ka fo mo lebelela nje ka ho tawong. Di nyaka yi mo theetsele gabutši gore yi thogo bona gore motho yene o thomisiye go lwala leng, o fela a tikwa byang, kela dilo tse dingwana tso a ka fo bang a le natso. Togotela yone, yi ka fo kgopela gore motho yene ba mo make eksreyi gore ba thogo mmona gore o byang ka ku teng. Mo togotela yi ka sa make tsotsone, o ka kraya yi neyye motho maphilisi ya gore a ma yalafe bolwele byo a nang nabyo. Le rune re ka sa nape re hlaya gore re kwisisa magageru mo re fo ma bona ka ho tawong. Di nyaka re ba tšibe mong tšibi—gore ka ku tengteng ke batho ba mošaga mang. Nnete ke gore re ka sa di kgone go tšiba so se leng ka ho pelong ya motho. Mara re ka maka so re ka se kgonang gore re yekisele Jehova. O theetsela malata yage. O tšiba tso ba fitiyeng ga tsona lephelong le seyemo so ba leng ga sona gana byalo. Fote wa ba kwela. w20.04 14-15 ¶1-3

Di nyaka re karakare ka matla gore re tinyanafatse ka taba la gore batho ba go ba le magetla a baa ‘butšwa mabyokong.’ Bo ba gore ba na le magetla a ba nyake go butsiwa selo fote ba nagana gore bona ke bona. Tso ba di naganang le tso ba di makang a di kwaletsi bona ba ntoši, di kwaletsa le ba bangwana. Mo ba ka sa tšhentšhi ka mokgo ba naganang ka gona, ba nyoko ba letshwifing fote Sathane o nyoko ba fokola. (2 Makor. 4:4; 11:3) Motho wa go tinyanafatsa o butšwiye mabyokong. Aa na magetla fote o tseya gore ba bangwana baa mo phala ka tse dingwana. (Mafil. 2:3) Fote wa di tšiba tsa gore ‘ba go ba le magetla Modimo aa kwane nabo, mara o šupetsa bo ba go tinyanafatsa gore o ba kwela go baba.’ (1 Pet. 5:5) Bo ba gore ba butšwiye mabyokong ba nyaka gore Jehova a dule a ba nyaka ka matla. Gore re thogo tinyanafatsa, di nyaka gore re berekise so Baebele yi se bolabolang mo yi re re “yapole motho wa botala le mekgwa yage ya botala ke mokane re tiyapese motho wa nyuwane.” Di nyaka re tšhute ga tso Jeso a yyeng a di maka fote re leketse ka matla go mo yekisela.—Makol. 3:9, 10; 1 Pet. 2:21. w20.07 7 ¶16-17

Ke selo se segolo ka matla go ba ka phutegong ya Jehova! Di re tikisa pelo mo re na le magageru re berekela Jehova ga poleke ya gore yi bebiye fote re kene re jabodiye. Wene o maka mmereko wofeng ka ho phutegong? Pawulo wa lepostola o tshwanisiye phutego le mmele wa motho. Fote o tshwanisiye ye mongwana le ye mongwana ka ho phutegong le dilo tsa ho mmeleng. (Mrm. 12:4-8; 1 Makor. 12:12-27; Maef. 4:16) So re se tšhutang ga mošupetso wa Pawulo ke gore ye mongwana le ye mongwana wa rune go na le so a tshwaneleng go se maka ka mutšing wa Jehova. Pawulo o thomisa ka gore: “Go fo tshwana le mo mmele wo na le dilo tsa go tlala mara dilo tsowa di sa bereke mmereko wa go tshwana, le rune re selo ka ssoši le Kreste le mo re tlele, ka mokana ga rune a re tshwane mara re mmele ka wwoši.” (Mrm. 12:4, 5) Mara Pawulo ne a leketsa gore king? Ne a leketsa gore a re make mmereko wa go tshwana ka ho phutegong mara ka mokana ga rune re tseyediwa gedimo. w20.08 20 ¶1-2; 21 ¶4

Lune babelegi, le ka kopisela byang ga mošupetso wa Jehova ga taba ya go tinyanafatsa? Mo seyemo se dumela, butsisaneng bana ba lune tso ba di naganang ka gore mebereko ye mengwana yi ka makiwa byang. Mo nkare di ya kgonega, maka dilo ka mokgo ba go botsang ka gona. Jehova ke mošupetso wa gabutši ga taba ya go lefisa pelo, le mo bo ba mmerekelang ba mmutsisa gore ke ntaba a maka dilo ka mokgo a di makang. Nakwela Jehova a nyoko psyitlanya Sodoma le Ghomora, o yye a theetsela ka mokgo Abhrahama a tikwang ka gona ka taba yowa. (Gen. 18:22-33) O sa gopola ka mokgo Jehova a yyeng a tikwa ka gona ka mosadi wa Abhrahama ye ba reng ke Sara? Nakwela Jehova a botsa Sara gore o nyoko yima le mo a kene a tsufele, Sara o yye a tshega mara Jehova a sanka a mo kwatela. (Gen. 18:10-14) O yye a fo ya mahlong a šupetsa Sara gore wa mo hlompa. Lune babelegi le bagolo, king so le ka se tšhutang ga mošupetso wa Jehova? Le maka byang mo ba bangwana ba sa kwane le tso le di hlayang? Ayitsano le tabogela go tiyemelela? Kela le leketsa go kwisisa ka mokgo ba tikwang ka gona? Ba ka ho phutegong le ka mutšing ba dula ba jabodiye mo bo ba go lawola ba kopisela ga Jehova. w20.08 10 ¶7-9

Nakwela re thoma go gahlana le batho ba Jehova di ka makega gore ke mo re dula re sa gane mo ba re gelepa, re di bona gabutši gore re sa le ba banyana ga tso tsa Modimo fote go sa na le tsa go tlala tso re tshwaneleng go di tšhuta. (1 Makor. 3:1, 2) Mara gana byalo gee? Mo nkare go šele go fitiye mengwaga ya go tlala re kene re berekela Jehova fote re šele re tšiba dilo tsa go tlala, di ka makega gore re tikwe re sa nyake ba bangwana ba re gelepa ka matlamatla mo re kraya re gelepiwa ke ye mongwana wa gore a yi botala a krayye nnete. Mara Jehova o dula a berekisa magageru gore ma re tiyise. (Mrm. 1:11, 12) Gore Jehova a thogo re neya moya wage wa go hlawolega di nyaka re sa lebale nnete ya gore o berekisa magageru ka mokana ga wona. Go phomelela a di nyake gore motho a be le matšhika, a tšhutege, a ghanye kela a be a belegiwwe ga mutši wa batho ba gore ba ghannye mara di fo nyaka gore a tinyanafatse fote a tisamele ka Jehova. Nkare ka mokana ga rune re ka karakara ke mokane re (1) tisamele ka Jehova, (2) re tšhute ka mešupetso ya ka ho Baebeleng fote (3) re sa gane mo magageru ma nyaka go re thuša. Le mo re ka tikwa re lelemela tsa nkare ke moka, Jehova o nyoko re neya matšhika! w20.07 14 ¶2; 19 ¶18-19

Di ka fo sa be lula gore re lefise pelo mo re tšhomayelela mašaga ya rune ya gore a yi wona Dihlatse. Re ka gelepa ke tšhiko yo yi leng ga Mmolabodi 3:1, 7. Yi re: “Go na le . . . nako ya go kgomolela le nako ya go bolabola.” Mo mašaga ya rune ma ka bona re titshwere gabutši, ma ka nyaka go re theetsela mara ka nthoko ye nngwana mo re thulegela ke lešuba, di nyaka re ma tšhutise nnete. (1 Pet. 3:1, 2) Mo re kene re tšhomayela le go tšhutisa ka matšato, di nyaka re lefise pelo ga batho ka moka, gana hone go tokegela le mašaga ya rune. Re ka tšhuta go lefisa pelo ga mešupetso ya batho ba gore ne ba tshepega ka Baebeleng le ba gore ba phela ka dinako tsa rune. Habakuku ke mo a nabela nkare dilo tsa go befa di ka fela ka nako yonone mara o šupetsiye gore o lefisiye pelo mo a re: “Nko dula ke yemme mo ke tšinghelang ke le gona.” (Hab. 2:1) Pawulo wa lepostola o hlayye di mmaba gore o nyaka go “fetsa” mmereko wage wa go tšhomayela. Mara o yye a ya mahlong a lefisa pelo “a kene a yemelela ditaba tsa go bafala ka go felegelela.”—Meber. 20:24. w20.09 11-12 ¶12-14

Jeso, wa gore o tla ka nthago ga Jehova ka go lawola, aa nagane gore yene ke yene. In imitation of Jeso, malata ya Jehova ya go tinyanafatsa ma tšhela letsogo ga taba ya go nyakanana ya gore mokgahlo wa Modimo wo tšibega ka yona. (Luk. 9:48; Joh. 13:35) Byalo, mo nkare go na le mathatha ka ho phutegong fote o kwa nkare a ma lukisiwi gabutši gee? O ka šupetsa gore o tinyanafatsiye ka go thega bo ba le yetiyeng mahlong o sa kokole. (Maheb. 13:17) Gore o thokgo maka ka mokgonone, tiputsise gore: ‘Ayitsano mathatha ya ke ma bonang ke ya magolo tsa gore ma nyaka go lukisiwa? Ayitsano ke nako ya gabutši ya gore ma lukisiwe? Ayitsano ke nna ye a tshwaneleng go ma lukisa? Mo re fo yi beya nje, ayitsano ke maka so nka se kgonang gore re dule re le ngata ka yyoši kela ke dulela go yetisa tsaka mahlong?’ Jehova o tseyela gedimo ka matla go tinyanafatsa go feta dilo tso re kgonang go di maka fote o tseyela taba ya go ba selo ka ssoši gedimo go feta go maka dilo gabutši. Byalo, maka so o ka se kgonang gore o berekele Jehova o tinyanafatsiye. Mo o maka tsotsone o ko ba o maka gore phutego yi hlohlotele ga taba ya go ba selo ka ssoši.—Maef. 4:2, 3. w20.07 4-5 ¶9-11

Jeso ke mo a tseyela gedimo taba ya gore basadi ba go tshepega ba yye ba mo gelepa “ka dilo tsa bona.” (Luk. 8:1-3) O yye a ba tšhutisa go maka tso Modimo a di nyakang. Mo re beyisa, o ba butsiye gore o nyoko bolayiwa a boya a tsusiwa. (Luk. 24:5-8) O yye a lukiselela mapostola yage ga dilo tso ne ma nyoko ghulana natso, le basadi bowa o yye ba lukiselela. (Mar. 9:30-32; 10:32-34) Mapostola ya Jeso ma yye ma tšhaba nakwela a tshwariwa, mara go na le basadi ba gore ba yye ba mo thega bo ne ba le gona nakwela a kgwela phateng ya mohlupego. (Mat. 26:56; Mar. 15:40, 41) Basadi ba gore ba tlalele ga tso tsa Modimo ke bona ba mathomo ba gore ba bonne Jeso ka nthago ga gore a tsusiwe. O neyye basadi bone mmereko wa gore ba ye ba hlayisele mapostola yage gore o dilahlong. (Mat. 28:5, 9, 10) Ka Pentekoste ya 33 C.E. nakwela malata yage ma tlotsiwa ka moya wa go hlawolega, di ka makega gore le basadi ne ba le gona gana honefote ka mokana ga bona ba yye ba di kgona go bolabola mebolabolo ya mehlobohlobo le go botsa ba bangwana ka “dilo tsa go makatsa tsa Modimo.”—Meber. 1:14; 2:2-4, 11. w20.09 23 ¶11-12

Mmereko wa go maka malata ke mmereko wa go phonisa batho! Re di tšibela kaye tsotsone? Nakwela Jeso a beya molawo ga Matewu 28:19, 20, o yitseri: “Ariyeneng, . . . le ye maka batho gore go be malata . . . , le ba kolobetseneng.” Go kolobetsiwa ke taba ye kgolo go segela kaye? Mo nkare wa di nyaka go phona, o ko kolobetsiwa. Ye a nyakang go kolobetsiwa di nyaka a dumele gore lephelo la go ya go yye re nyoko le kraya ka taba la gore Jeso o yye a re kgwela ke mokane ka nthago a tsusiwa. Petro wa lepostola o makiye ke tsotsone mo a šinya a botsa magagabo ya Makreste gore: ‘Go kolobetsiwa le gana byalo gwa le phonisa . . . ka taba la go tsusiwa ga Jeso Kreste.’ (1 Pet. 3:21) Byalo, mo lelata le kolobetsiwa, le tithulela lešuba la go phona. Gore re thogo maka batho gore go be malata di nyaka re be “digele ga taba ya go tšhutisa.” (2 Thim. 4:1, 2) Ke ntaba? Ka taba la gore Jeso o yitseri: “Ariyeneng, . . . le ye maka batho gore go be malata. . . , le ba tšhutiseneng.” Pawulo wa lepostola o yitseri “tsika” ga mmereko wone, “mo o maka tsotsone o nyoko tiphonisa wa boya wa phonisa le bo ba go theetseleng.” w20.10 14 ¶1-2

Lelata lo ba reng ke Petro le yye la tšhuta go kwana le mmereko wa go loba batho. Jehova o yye a mo gelepa ga Petro gore a be segele ga mmereko wowa. (Meber. 2:14, 41) Selo se segolo so se makang gore re tšhomayele ke gore ga Jehova re mo nyaka ka matla. Taba ya gore ga Jehova re mo nyaka ka matla yi re tšhofa gore re botse batho ka yene le mo re kwa nkare rune di ya re šita. Nakwela Jeso a bitsa Petro gore a tle a lobe batho, o yitseri: “O sa tšhoge.” (Luk. 5:8-11) Petro ne a sa tshose ke gore go nyoko makega ying mo a ka ba lelata. Mara ne a tshusiye ke mohlolo wo Jeso a wo makiyeng mo a maka gore ba tshware dihlapi tsa go tlala, sosone se makiye gore Petro a kwe nkare yene di nyoko mo šita tsa go bereka le Jeso. Le wene o ka fo kwa o tšhoga go tshwana le Petro, o tshosa ke gore o nyoko ba lelata la Kreste. Mo nkare go ka mokgonone, maka gore ga Jehova, Jeso le moyagelani wago o ba nyake ka matla, sosone se nyoko maka gore o dumele mo Jeso a go bitsa gore o tle o lobe batho.—Mat. 22:37, 39; Joh. 14:15. w20.09 3 ¶4-5

A re llele nako, matšhika le mong tšheleta ya rune mo re nyakana le bo ba gore “ba tlalele gabutši ga tsa lephelo la go ya go yye.” (Meber. 13:48) Mo re maka tsotsone re ba re latelela mošupetso wa Jeso. O yitseri: “Ke setšha go le tsa go ja ho gaka mo ke maka tso di nyakang ke ye a nrommeng fote ke fetsa mmereko wage.” (Joh. 4:34; 17:4) Tsotsone ke tso le rune re di nabelang. Re nyaka go fetsa ka mmereko wo re neyiwweng wona. (Joh. 20:21) Fote re nyaka gore ba bangwana le bo ba gore baa bata ga tso tsa Modimo re tshwarisane ggoši mmereko wowa. (Mat. 24:13) Go maka tso Jeso a re butsiyeng tsona a yi go kgana. Mara, so se šalang ke gore a re ntoši. Jeso o tshepisiye gore o nyoko ba le rune. Re bereka mmereko wa go maka batho gore go be malata ka taba la gore re “dibereki ggoši le Modimo” fote “le Kreste.” (1 Makor. 3:9; 2 Makor. 2:17) Nnete ke gore, re ka di kgona. Wa tšiba ba re makiye batho ka go re neya mmereko wa mayemo ya gedimo le gore re gelepe ba bangwana gore ba wo make!—Mafil. 4:13. w20.11 7 ¶19-20

Ga go tlala tso babelegi ba kgetang go di maka di yama bana ba bona nako ya go lefa ka matla. Mo babelegi ba ka sa kgete tsona, ba ka kwaletsa bana ba bona. Mara mo ba ka kgeta gabutši, ba nyoko maka gore bana ba bona ba tikwise ka go jabolela lephelo le dipelo tsa bona di kgehlemele. Mara bana le bona di nyaka ba segelele sepheto sa gabutši. Go berekela Papa wa rune wa legedimong Jehova, ke mong sona sepheto sa gabutši ka matla so di nyakang ye mongwana le ye mogwana a se segelela. (Pis. 73:28) Babelegi ba Jeso ne ba fetsiye le pelo gore ba nyaka go gelepa bana ba bona gore ba berekele Jehova, tso ne ba di maka ne di šupetsa gabutši gore go berekela Jehova ke selo se segolo ka matla so ba se nyakang. (Luk. 2:40, 41, 52) Tso Jeso a di kgetiyeng le yene di mo gelepiye gore a thogo maka tso Jehova ne a nyaka a di maka. (Mat. 4:1-10) Jeso o gudiye go le wa pelo ye butši, a tshepega fote go le monna wa go ba le lešiši—ke mo go le morwayi wa gore babelegi ka mokana ga bona ba gore ga Jehova ba mo nyaka ka matla ba ka titeya sekguba ka yene. w20.10 26 ¶1-2

Nagana ka mešupetso ke yowa. Mogageru wa mosadi wa gore o šele a gudiye o nagana ka dinako tsa ku nthago tsa gore dya jabodisa. Le mo lephelo le thathafa gana byalo, o fo ya mahlong a makela Jehova so a ka se kgonang. (1 Makor. 15:58) Ka moka matšatši o nagana a šele a phela lefaseng la nyuwane a na le ba mutši wage le banghana bage. Mogageru ye mongwana wa mosadi o yye a kwisa go baba ke mogageru ye mongwana ka ho phutegong mara taba yone a fo yi teyisa ka moya. (Makol. 3:13) Mogageru ye mongwana o sa di gopola gabutši tso a di sinnyeng ku botala mara o dula a garagara ka matla gore a thogo jabodisa Jehova. (Pis. 51:10) Magageru yawa kararo ya wona ma tshwana ka ying? Ka mokana ga wona ma gopola tso di yyeng dya makega ku botala mara a ma fatele nthago. Ma “lebelela tsa ku” mahlong. Ke ntaba go le selo se segolo? Go fo tshwana le mo motho a ka sa kgone go sepela a ya mahlong a kene a lebelele nthago, le rune re ka sa di kgone go ya mahlong re berekela Jehova mo nkare re dula re nagana ka dilo tsa ku botala.—Luk. 9:62. w20.11 24 ¶1-3

Segoboro so ba reng ke Gholiyate ke mo se tseya Dafita go fo ba lephephe nje. Nnete ke gore Gholiyate ke mo go le ye mogolo ka matla, a na le tsa go lwa ka tsona fote a tšhutele ntwa. Mo go le Dafita yene, ke mo go fo ba mošumanyana wa go sa tšibi selo wa gore ke mo a bonala nkare aa na le tsa go lwa ka tsona. Mara Dafita o yye a tshepela ga Jehova gore a mo neye matšhika ke mokane a hlula lenaba lage. (1 Sam. 17:41-45, 50) Dafita ke mo di nyaka a lebane le ntshitshiri ya gore di ka makega gore ke mo yi maka gore a tikwe a lelemela a boya a se na matšhika. Dafita ka go tshepega o yye a berekela kgoši ya Israyele yo ba reng ke Sawulo ya gore ke mo yi kgetiye ke Jehova. Kgoši Sawulo o thomisiye a mo hlompa ga Dafita. Mo go-ya-go-ya, Sawulo o yye a ba le magetla ke mokane a thomisa go jelasela Dafita. Sawulo o yye a tshwara Dafita go baba a boya a leketsa le go fetsa ka yene. (1 Sam. 18:6-9, 29; 19:9-11) Le mo Kgoši Sawulo a yye a tshwara Dafita go baba mara Dafita o yye a ya mahlong a hlompa kgoši yowa ya gore yi hlawodiye ke Jehova. (1 Sam. 24:6) O yye a tshepela ga Jehova gore a mo neye matšhika ya ne a ma hloka gore a thogo hlula ntshitshiri yo ne a hlakanne nayo.—Pis. 18:1, mantsu ya ma leng ka ku kgakala ga tema. w20.07 17 ¶11-13

Sekopa se segolo sa seporofeto sone sa kgoši ya lebowa le kgoši ya borwa se šele se makegiye, byalo a re kamake gore ga tso di šeleng le tsona di nyoko makega. Gore re thogo kwisisa seporofeto sa puku ya Daniyele tema 11, di nyaka re sa lebale gore se bolabola fela ka bo ba lawolang le ka memmušo ya gore ke yona yo ne yi hlupahlupana le batho ba Modimo. Malata ya Modimo ke ya manyana ka matla ho lefaseng, mara ke wona ya ma šalašadiwang nthago ka matla. Ke ntaba? Ka taba la gore selo se segolo so Sathane le lefase lage ba nyakang go se maka, ke go fetsa ka batho bo ba berekelang Jehova le Jeso. (Gen. 3:15; Kut. 11:7; 12:17) Go tokegela gana hone, seporofeto sa puku ya Daniyele se tshwanele se yelane le diporofeto tse dingwana tsa ka ho Baebeleng. Gabutšibutši, re ka kgona go kwisisa seporofeto sa Daniyele gabutši mo nkare re boya re bala le mangwalo ya mangwana ya Baebele. w20.05 2 ¶1-2

Batho ba go tlala lekgono a ba dumele dilo tsa go tshwana ga taba ya mo motho a kgwile. Anthe mara Baebele yi tšhutisa ying? Mo motho a kgwa, mmele wage wo fo ya wo kene wo sinyega. Mara Ye a makiyeng legedimo le lefase, a ka di kgona go tsosa motho yene a boya a mo neya mmele wa gabutši. (Gen. 1:1; 2:7) Pawulo wa lepostola o yye a berekisa mošupetso go šupetsa gore Modimo a di mo tleme gore a tsose motho ka mmele wonola. Nagana ka “thoro” kela “pewu” ya semelane. Mo o gaša pewu, ya thunya ke mokane ya ba semelane. Semelane sone se fapana kgole le pewu. Pawulo o berekisiye mošupetso wowa go re šupetsa gore ye a re Makiyeng a ka tšhentšha “mmele gore go be wo wo [nyakang] ke yene.” Pawulo o tokegele ka gore “go na le mmele wa legedimong le mmele wa lefaseng.” Byang mara? Ho lefaseng, re na le mmele wa nama, mara ku legedimong go na le mmele wa moya wa go tshwana le wo mangeloyi ma nang nawo.—1 Makor. 15:36-41. w20.12 9-10 ¶7-9

Ka mokana ga rune mo re yitsa, re ya di nyaka go phela lephelo la gore le kgibiye fote le bebiye. Aa šiyo le ka wweši ye a jabodisang ke go šekela. Ka taba la gore ka dinako tse dingwana o ka fo kraya re šekela re sa fetse. fote re butsisa putsiso yo Kgoši Dafita a yyeng a yi butsisa ga temanyana ya lekgono. Tsa go tlala tso di makang gore re šekele, a re kgone go di thiba gore di sa makege. Mo re beyisa, mo tsa go ja, dikobo le ga go dula di fo ya di tura mongwaga le mongwaga, a go na so re ka se makang, fote re ka sa di kgone go lawola ka mokgo bo re berekang nabo kela bo re kenang nabo sekolo ba leketsang go re woka gore re make dilo tsa go sa hlamatsega. Fote a go na so re ka se makang ka bokgohlane bo bo leng gona ga dipoleke tso re dulang ga tsona. Re gahlana le dilo tso tsa go re ghula ka taba la gore re phela lefaseng la gore batho ba go tlala a ba phele ka ditšhiko tsa Baebele. Modimo wa lefase lowa Sathane, o di tšiba gabutši gore batho ba bangwana ba ka yikela “mošekelo wa dilo tsa lefase lowa” wo ba maka gore ba lesetse go berekela Jehova. (Mat. 13:22; 1 Joh. 5:19) Byalo, a di makatse mo lefase lowa le tlele ka tsa go sasamela! w21.01 2 ¶1, 3

Johane wa lepostola o re hlohletsele gore re sa hloye magageru. Mo re ka šitega ga taba yone Sathane o nyoko kgana ka rune. (1 Joh. 2:11) Tsotsone di yye dya makegela ba bangwana ku botala. Sathane o yye a maka so a ka se kgonang gore batho ba Modimo ba sa kwane. Ka nakwela Johane a ngwala mangwalo yane ne go šele go gogomele ba gore ba šupetsa mekgwa ya Sathane ka ho phutegong. Mo re beyisa, Diyotrefese ke mo a lwisanya batho ka phutegong. (3 Joh. 9, 10) Ke mo a sa hlompe bagolo bo ba vakašelang diphutego ba gore ba yemela mogoba wa go lawola. Bo ba gore ne ba yamogela divakaši tsa gore yene ne a sa kwane natso ke mo a leketsa go ba ntsha ka phutegong. Mong go tipotsa watšiba! Le lekgono lowa Sathane o sa leketsa go lwisanya batho ba Modimo. Tla re sa yikele go hloyanana go re šehlollanya ša. w21.01 11 ¶14

Ka ntwa ya mathomo ya lefase mmušo wa Jeremane le mmušo wa Brithani wo yye wa hlorisa malata ya Modimo ka taba la mo ba gana go ya ntweng. Mmušo wa United States wo yye wa tshwara bo ne ba yeta maahlong mmereko wa go tšhomayela, wa ba yisa jele. Go hlorisiwa mone go makiye gore seporofeto so go bolabodiwweng ka sona ga Kutullo 11:7-10 se makege. Ka bo-1930, ka matlamatla mo ntwa ya bobedi yi kene yi ya maahlong, kgoši ya lebowa yi yye ya hlasela batho ba Modimo yi sa ba kwele go baba. Hitler le batho bage ba yye ba yemisa mmereko wa batho ba Modimo. Batho bone ba go phigisa batho ba Modimo ba yye ba bolaya makgolokgolo ya batho ba Jehova fote ba yisa diketekete tsa wona dikampeng tsa mahloriso. Kgoši ya lebowa yi yye ya thilafatsa “poleke ya go hlawolega” ya boya ya maka gore “dihlabelo di sa sa makiwa” ka go thibela malata ya Modimo gore ma sa lokologe go thanakisa lebitso la Jehova go gongwana le go gongwana mo ma leng gona. (Dan. 11:30b, 31a) Moyetamahlong wa bona ye ba reng ke Hitler o yye a šinya a ro hlaya gore o nyoko fetsa ka batho ba Modimo ku Jeremane. w20.05 6 ¶12-13

Mo re šupetsa gore re kwana ka matla le ba bangwana tsotsone di gelepa gore go sa be le go phadisana ka ho phutegong. O sa lebale gore Jonathane a sanka a jelasela Dafita le ka go nyana, fote a sanka a leketsa go timaka kgoši. (1 Sam. 20:42) Ka mokana ga rune re ka kopisela ga Jonathane. Le sa jelasele magageru mo ma maka mmereko wa bona gabutši mara le tinyanafatse le kene le dumela gore ba bangwana baa le phala.” (Mafil. 2:3) Di nyaka re dula re gopola gore ye mongwana le ye mongwana a ka tšhela letsogo gore a thogo gelepa phutego. Mo re ka dula re tinyanafatsiye re nyoko thogo bona mekgwa ya gabutši ya magageru ke mokane ra tšhuta ga mošupetso wa bona wa go ba le tumelo. (1 Makor. 12:21-25) Mo re šupetsa gore re kwana ka matla le ba bangwana, re gelepa magageru gore ma berekele Jehova ma kene ma jabodiye. Re šupetsa gore ke rune malata ya Jeso fote sosone se maka gore batho ba nabele go berekela Jehova. Sa go di phala ka moka ke gore re gadimisa “Papa wa go kwelana go baba le Modimo wa mehlobo ka mokana ga yona ya go kgomoletsana,” Jehova.—2 Makor. 1:3. w21.01 24 ¶14; 25 ¶16

Lekgono, ka taba la gore ke rune batho ba Jehova, ka dinako tse dingwana re tseyediwa fase, re poyidiwa ka gore ba re re diphokophoko fote re fo ba batho ba go sa re selo. Ke ntaba mara? Ka taba la gore a re dumelelane le mekgwa ya batho bo re phelang nabo. Re leketsa ka matla gore re tinyanafatse, re loke fote re be batho ba go theetsela. Mara batho ba lefase lowa ba jabodisa ke mo motho a na le magetla, a sa nyake go butsiwa selo le wa gore o na le tšhinghi. Go tokegela gana hone, a re kene ga tsa dipolotiki fote a re kenele tsa dintwa ga lefase le lengwana le le lengwana. A re tshwane le batho ba lefase lowa, byalo re tseya ba bangwana ba re phala. (Mrm. 12:2) Le mo batho ba lefase lowa ba tseya gore a yi rune batho ba selo mara Jehova o berekisa rune gore a thogo segelela dilo tsa go tlala. O maka gore mmereko wa go tšhomayela wa gore a sanka wa ba gona wo phomelele. Lekgono, malata yage ma hlatolla le go sabalatsa dipuku tsa go tlala ka matla lefaseng ka mokana ga lona fote ma berekisa Baebele go gelepa dimiliyoni tsa batho gore ba tšhentšhe maphelelo. Go thanakiwa Jehova ga dilo ka mokana ga tsona tso di segelediwweng. w20.07 15 ¶5-6

Jeso o theetsela a boya a hlompa Jehova mara tsotsone a di rele gore aa hlalefa kela go na le tso a sa kgoneng go di maka. Phela ka mokgo Jeso ne a tšhutisa ka gona di šupetsa gabutši gore o hlalefiye. (Joh. 7:45, 46) Jehova na sa tseyele fase tso Jeso a kgonang go di maka, nka taba lo a yyeng a bereka naye mo a maka legedimo le lefase. (Diy. 8:30; Maheb. 1:2-4) Fote ka nthago ga ho Jehova a tsosiye Jeso o mo neyye ‘matšhika ya go lawola legedimong le lefaseng.’ (Mat. 28:18) Le mo Jeso go le segele sa go kgona go maka dilo o sa na a di nyaka tsa gore Jehova a mo yetetse. Ke ntaba mara? Ka taba la gore ga papage o mo nyaka ka matla. Banna di nyaka ba tšibe taba ya gore Jehova o makiye mosadi gore a hlompe monna wage a yi rele gore o tseya basadi go se selo. Tsotsone Jehova o di šupetsiye gabutši ka go hlawola basadi le banna gore ba lawole ggoši le Jeso. (Magal. 3:26-29) Jehova o šupetsiye gore o tshepa Morwayi wage ka go mo neya matšhika ya go lawola. Go fo tshwana le Jehova monna wa go hlalefa o nyoko lesetsa gore dilo tse dingwana di lawole ke mosadi wage. w21.02 11 ¶13-14

Lentsu la Modimo le tshwana le seboki le re gelepa gore re tipombhole, re thogo lukisa mo re lukisang. (Jak. 1:23-25) Mo re beyisa, mo šele re tšhutiye Lentsu la Modimo re ka di bona tsa gore di nyaka mo re kwata re sa nape re ya ka matla. Mo Jehova a re gelepa re nyoko šinya re tšhuta gore mo ba re šuhlašuhla kela go na le tsa go re ghula re dule re kgibiye. Re nyoko segelela dipheto tsa gabutši re sa tlonye ke selo. (Jak. 3:13) Go tšiba Baebele gabutši dya gelepa ye lune! Ka dinako tse dingwana re tšhuta mo re šele re kekemisiye. Mokgwa wa gabutši wa go šupetsa gore re hlalefiye ke go tšhuta ga ba gore di ba sepelele gabutši le ga bo ba gore ba yye ba kekemisa. Nka taba lo Jakobo a re hlohletselang gore re lebelele mešupetso ya ka ho Baebeleng ya go tshwana le ya Abhrahama, Rahaba, Jobo le Eliya. (Jak. 2:21-26; 5:10, 11, 17, 18) Malata yane ya Jehova ma kgonne go tiyisela dintshitshire tso ne di ka ma yamoga mojabolo. Mešupetso ya bona ga taba ya go tiyisela yi šupetsa gore le rune re nyoko pasa mo re gelepa ke Jehova. w21.02 29-30 ¶12-13

Mo re ye tšhutisa motho Baebele, yewa wa gore ke yene a mo tšhutisang, ke yene ka matlamatla wa gore o tshwanele a mo gelepe go kwisisa Lentsu la Modimo. Mo ye a tšhutisang a go mema gore o ye naye ga ye a tšhutang naye, di nyaka o tseye gore wene le yene le ya berekisana. Wene sago ke go mo thega. (Mmo. 4:9, 10) Byalo, king so wene o ka ga se maka mo le kene le tšhutisa motho yene? Lukiselela. Sa mathomo, handahanda le yewa a go bitsang, mo kgopele a go hlatollele tse dingwana ka motho yene. Ye o tšhutang naye ke motho wa mošaga mang? Le ye tšhuta ka hlogotaba yifeng? O nyaka gore ye o balang naye a tšhute ying ga taba yowa? Di gona tsa gore di gabutši kela a di gabutši go di maka kela go di hlaya mo re kene re tšhuta naye? King so nka se hlayang sa go ka mo maka gore a tlalele ka mo ga tsa Modimo? Ke nnete gore ye a mo tšhutisang a ka sa nape a go thuletsela diphiri tsa motho yene, mara tso a go botsang tsona di ka gelepa. Morumiwa ye mongwana ye ba reng ke Joy, o re: “Tsotsone di maka gore ye ke sepelang naye a kwe a nyaka go gelepa ye ke balang naye le gore a tšibe so a ka se hlayang mo re kene re bala.” w21.03 9 ¶5-6

Ka dinako tse dingwana ba re hloyele gore re phela ka melawo ya Modimo ya go loka. Melawo yowa, le ka gonyana a yi sipidisane le ya lefase lowa. Mo re beyisa, batho ba go tlala ba maka dilo tsa go silikisa tsa go tshwana le tso di makiyeng gore Modimo a fetse ka Sodoma le Ghomora! (Juda 7) Rune re latelela melawo ya Baebele ya go bolabola ka ditaba tsa mošaga wonone, byalo batho ba go tlala baa re poyilanya fote mo ba re lebelele, ba re a di tseyi!. (1 Pet. 4:3, 4) King tso di ka re gelepang gore re tiyisele mo batho ba re hloyye ba boya ba ro re rogelela? Di nyaka re tshepe gore Jehova o nyoko re gelepa. Tumelo ya rune yi tshwana le legawu “la go timanya mesefo ka moka ya go dura ya wa pelo ye phifadu.” (Maef. 6:16) A go nyake re be le tumelo yi ntoši. Di nyaka gore re nyakanane. Ke ntaba? Ka taba la gore mo motho o mo nyaka, ‘o ka sa mo tshware ka pelo.’ Go nyakanana go maka gore re kgone go tiyisela dilo tsa gore di re kwisa go baba. (1 Makor. 13:4-7, 13) Mo ga Jehova re mo nyaka ka matla, magageru re ma nyaka ka matla, le mong manaba ya rune re ma nyaka ka matla, tsotsone di nyoko re gelepa gore re tiyisele le mo lefase le kene le re hloyye. w21.03 20-21 ¶3-4

Ka dinako tse dingwana, re šupetsa gore magageru re ma nyaka ka matla mo re fitisa taba. Mo re beyisa, a re fo yikela tso ba di hlayang di re kukumusa dikana. Lebelela so se yyeng sa makega mo Jesu a šele a le thina le go kgwa. O butsiye malata yage gore ma je nama yage ma boye ma nwe madi yage gore ma thogo kraya lephelo. (Joh. 6:53-57) Mantsu yane ma tshusiye malata yage ya go tlala la go šinya ma mo tšhabela—mara gwa šala banghana bage ba mannete. A sanka ma lesetsa go gobagoba naye. Tso Jeso ne a di bolabola ne ba sa di kwisisi, di ka makega gore le bona di ba makatsiye. Mara banghana ba Jeso ba go tshepega a sanka ba fetsa ka gore tso Jesu a di bolabolang a yi tsona kela dya maka gore ba tobe. Mara ba yye ba fo mo tshepa ba tšiba taba ya gore tsa go bolabola nnete o kwana natso. (Joh. 6:60, 66-69) Di gabutši ka matla gore tso banghana ba rune ba di bolabolang di sa yakgoswe di re tubisa! Mara, re ba lesetse ba re yatlalele taba gabutši.—Diy. 18:13. w21.01 11 ¶13