November

Ka taba la gore a re tšibi dilo ka moka, byalo re ka fo tseya Jona go le motho wa go sa tshepege. Jehova o mmutsiye gore a ye a sabalatse taba ya gore Ninive yi nyoko yahludiwa. Mara Jona a sanka a theetsela o yye a maka tsa go tšiba ke yene, a kalama sekepe sa go ya mo ba sa mo romang gona, “kgole le Jehova.” (Jona 1:1-3) Mola go le wene, nje nke o yitseri a ghobolle mo a kekemisiyeng? Di ka makega gore nke o yitseri a nape a lese. Mara ke mo go na le tso di makiyeng Jehova gore a lesetse Jona a lukise ga tso a sa di makang gabutši. (Jona 3:1, 2) Mo Jona a rapela, o yye a maka gore di nape di ro bonala gore ke yene motho wa mohlobo mang. (Jona 2:1, 2, 9) Thapelo yone, ya gore ke mo yi le ye nngwana ya merapelo ya go tlala yo Jona a yyeng a yi rapela, yi re gelepa gore re sa fo tseya gore ke le ghwala fote o tšhaba mmereko wo ba mo neyyeng wona. Tso a di bolabodiyeng di šupetsiye gore ke mo a tinyanafatsiye, a leboga fote a tikemisele go theetsela Jehova. Di napa di ro ba lekgwaying gore Jehova o makiye king gore a sa fo lebelela tso Jona a di makiyeng, a mo fetole mo a mo rapela, a boya a ro mmerekisa go le moporofeta! Di gabutši ka matla gore mogolo ye mongwana le ye mongwana a “theetsele gore ditaba di ya le lefeng” mo a soko bane a wolola motho! w20.04 15 ¶4-6

Makreste ya ku botala ke mo ma yamogele tso ne ma di tšhuta fote ma tshepela ga moya wa go hlawolega gore wo ma gelepe ma kwisise Lentsu la Modimo. Ke mo ma di bonne gabutši gore tso ne di tšhutisiwa di tšwa ka teng ga Mangwalo. (Meber. 17:11, 12; Maheb. 5:14) A maa yaga tumelo ya wona go ya ka mokgo ma tikwang ka gona fela fote a sanka ma fo berekela Jehova ka taba la gore ma natefela ke go nghanelana le magageru ya mangwana. Mara tumelo ya wona ke mo yi yagiwwe ga ‘mong yona nnete ya Modimo.’ (Makol. 1:9, 10) Nnete ya Lentsu la Modimo a yi tšhentšhi. (Pis. 119:160) Mo re beyisa, nnete yo yi leng ka ho teng ga Lentsu la Modimo a yi tšhentšhi le mo mogageru a ka re kwisa go baba kela le mo a ka sinya ka matla. Fote le mo re ka gahlana le tsa go baba tsa mošaga mang, yi ka sa tsoge yi tšhentšhiye. Byalo, di nyaka re tlwayelane le tso Baebele yi di tšhutisang fote re sa kamake le ka gonyana gore ya tshepega. Tumelo ya rune ya go tiya ka taba la tso di leng ka ho Baebeleng yi nyoko re gelepa gore le mo re gahlana le tsa go re ghula re sa tekateke, go fo tshwana le tshipi ya sekepe ya go maka gore se sa thogathoge mo go na le sedingwana se segolo. w20.07 9 ¶6-7

Dilo ka mokana ga tsona tso re di makelang bo bhuti wa Jeso ba gore ba tlotsiwwe, o di tseya nkare re makela yene. (Mat. 25:34-40) Selo sa mathomo so re ka ba gelepang ka sona bo ba go tlotsiwa, ke go kenela mmereko wa go maka malata wo Jeso a butsiyeng malata yage gore ba wo make. (Mat. 28:19, 20) Gore mmereko wo wa go tšhomayela wo thogo ya mahlong, di nyaka gore “dinku tse dingwana” di gelepe bo ba go tlotsiwa gore wo thogo makiwa lefase ka mokana ga lona. (Joh. 10:16) Mo nkare o wela ga dinku tse dingwana o boya o sabalatsa ditaba tsa go bafala, o šupetsa gore ga bo ba go tlotsiwa le Jeso o ba nyaka ka matla. Re nghanelana le Jehova le Jeso ka go berekisa so re nang naso go thega mmereko wo ba wo yetang mahlong. (Luk. 16:9) Mo re beyisa, re ka tšhela letsogo ga mmereko wa lefase ka mokana ga lona, tsotsone di rela go gelepa bo ba makegeleng ke tsa go baba ka go ba neya tso ba di hlokang. Re ka gelepa ka ho phutegong ka go ntsha meneyelo le go gelepa batho ba gore re di tšiba gabutši gore ba hloka tšheleta kela tse dingwana.—Diy. 19:17. w20.04 24 ¶12-13

Mo seporofeto sone se makega, kgoši ya lebowa a sanka ya šupetsa gore yi “hlompa Modimo wa bokokwane wa yona.” Ka mokgo mang? Ka taba la gore Soviet Union ke mo yi nyaka go fetsa ka dikereke byalo yi yye ya leketsa go yemisa tso mekgahlo ya dikereke ne yi tlwayele go di maka. Gore ba segelele tsotsone, mmušo wa Soviet ka 1918 ke mo wo šele wo makiye gore dikolong go tšhutisiwe gore Modimo aa šiyo. Kgoši ya lebowa yi yye ya “gadimisa modimo wa matsaka wa go tšhireletsa poleke” ka mokgo mang? Soviet Union yi berekisiye tšheleta ya go tlala ka matla go maka gore masole ya yona ma tšibe ntwa fote yi makiye gore yi be le diketekete tsa dilo tsa go lwa ka tsona tsa gore di ka sinyanya dya boya dya bolaya batho ba go tlala ka matla. Byalo, mo go-ya go-ya, kgoši ya lebowa le kgoši ya borwa di yye dya ba le dilo tsa gore di ka kgona go bolaya dibhiliyoni tsa batho! Go na le so kgoši ya lebowa yi yyeng ya thega kgoši ya borwa ka sona, ba yye ba “leya selo sa go silikisa ka matla sa gore se ya sinyanya”—Ditšhaba tsa go Mamarelana.—Dan. 11:31. w20.05 6-7 ¶16-17

Ke bomang bo ba ka tšhelang letsogo ga taba ya go nyaka bo ba gore baa bata ga tso tsa Modimo? Ka mokana ga rune—bagolo, mašupatsela, mašaga le batšhomayedi ba ka ho phutegong ba ka thuša go kraya gore batho bone ba dula kaye. Ayitsano o na le monghane kela lešaga la gore le ya bata ga tso tsa Modimo? Ayitsano o yye wa gahlana le motho wa gore wa bata ga tso tsa Modimo mo o le tšhomong kela mo o tšhomayela ga poleke ya gore go na le batho ba go tlala? Mo nkare motho yene wa di nyaka go vakašediwa, wene mo hlatollele gore o ko neya bagolo dinombhoro tso a krayegang ga tsona. Mogolo ye ba reng ke Thomas o re: “Sa mathomo, ke butsisa magageru gore a le tšibi mo go dulang motho wa gore wa bata ga tso tsa Modimo. Kela ke butsisa batšhomayedi gore, ayitsano ba tšiba ye mongwana wa gore aa sa tla megahlanong. Ka nthago, mo ke vakašela bo ba gore baa bata ga tso tsa Modimo, ke ba butsisa ka bana ba bona le ka mašaga ya mangwana ya bona. Ba bangwana ga bo ba gore baa bata ga tso tsa Modimo, ke mo ba fela ba tla megahlanong fote bana bone di ka makega gore ke mo go le batšhomayedi. Le bona ba ka gelepiwa gore ba boyele ga Jehova.” w20.06 24 ¶1; 25 ¶6-7

Ga dilo ka mokana ga tsona tso di phelang ho lefaseng, ke batho ba ntoši bo ba kgonang go tšhuta go titshwara ka go gopola dilo, le go pombhola gabutši tso di makegiyeng botala. Byalo, re kgona go tšhuta mekgwa ya gabutši le go kgona go tšhentšha ka mokgo re naganang ka gona le maphelelo ya rune. (1 Makor. 6:9-11; Makol. 3:9, 10) Gabutšibutši, re kgona le go tšhutisa makwalo ya rune go gopola gore sa go loka ke sefeng le gore sa go sa loka ke sefeng. (Maheb. 5:14) Re ka tšhuta go šupetsa ba bangwana gore re ba nyaka ka matla, re ya ba naganela fote re ba kwela go baba. Se sengwana ke gore re kgona go di bona mo motho a makiwa lešidi. Mokgwa wo mongwana wo re ka šupetsang ka wona gore re leboga Modimo mo a re makiye gore re kgone go gopola dilo, ke mo re hlawola go gopola dinako ka mokana ga tsona tso Jehova a yyeng a re gelepa ga tsona a boya a re kgomoletsa. Sosone se nyoko maka gore re sa kamake gore o sa nyoko re gelepa le ku maahlong. (Pis. 77:12; 78:4, 7) Wo mongwana mokgwa wo re ka šupetsang gore re ya leboga, ke ka go sa lebale dilo tsa gabutši tso ba bangwana ba yyeng ba re makela tsona ra boya ra šupetsa gore re leboga ka matla. Bo ba go nyakolla ba krayye taba ya gore ga go tlala motho wa go kwana le go leboga o dula a jabodiye. w20.05 23 ¶12-13

O fo nagana nje gore Moše o yye a tikwa byang nakwela a le ka ku lekoring a kokoropanne, ke mokane a bona go gadima gore ka nnete Jehova o fitiye. Puku ya Insight on the Scriptures yi re “sosone a se bonneng ke mo se makatsa ka matla, fote ne go se na motho ye a yyeng a bona selo sa mošaga wonone go segela mo Jeso Kreste a tla ho lefaseng.” Moše o yye a kwa mantsu yawa ya gore di šupa nkare ke mo ma bolabola ke lengeloyi, ya gore: “Jehova, Jehova, Modimo wa go kwelana go baba, wa gore aa yakgoswi a kwata le wa gore o dula a šupetsa batho gore o ba nyaka ka matla fote o kwana le nnete, wa go šupetsa batho ba go tlala gore o kwana nabo tsa mannete, wa go tshwarelana mo motho a makiye tsa go befa, a kekemisiye kela a sinnye ka matla.” (Ek. 33:17-23; 34:5-7) O ka kraya gore Moše ke mo a dula a gopola taba yone mo a berekisa lebitso la Jehova mo a bolabola mantsu ya ma leng ga temanyana ya lekgono. Mo re nagana ka lebitso lo, Jehova, re ko ba re maka gabutši mo re dula re ghayela ka mong wa lebitso lone. Di nyaka re dula re gopola dilo tso a tšibegang ka tsona, tsa go tshwana le gore o na le matšhika, o hlalefiye, aa makane lešidi fote o re nyaka ka matla. Mo re ghayela ka dilo tsone tsa gore o tšibega ka tsona, re ka kwa re mo hlompa ka matla.—Pis. 77:11-15. w20.06 8-9 ¶3-4

Jeso o yitseri so malata yage ma nyoko tšibegang ka sona ke mo ma šupetsa gore maa nyakanana. (Joh. 13:34, 35) Mara di nyaka re karakare ka matla gore re thogo ba le tumelo ya go tiya. A ra tshwanela go ba le tumelo ka taba la go bona mo batho ba Modimo ba nyakanana go tshwana le Kreste. Ke ntaba? Di ka makega gore mogageru, mogolo kela mošupatsela a sinye ka matla. Kela o ka re king mo mogageru wa monna kela wa mosadi a go kwisa go baba? Kela ye mongwana a kgeloga ke mokane a go botsa gore tso o di krayyeng a yi nnete. Mo dilo tsa mošaga wonone di ka makega, ayitsano di nyoko go kwisa go baba ke mokane wa napa o sa sa yi kena ya go berekela Jehova? Re tšhuta gore: Mo nkare o yaga tumelo yago ga Modimo ka tso batho ba di makang, o sa yi yage ka taba la senghana sago le Jehova, di nyoko fo tshwana le mo o yaga ntlo setensing sa motho ye mongwana. Mo o yaga tumelo yago, di nyaka o sa berekisi fela dilo tsa gore a dya tiya tsa go tshwana le ka mokgo o tikwang ka gona mara di nyaka o berekise le dilo tsa gore di tiyye fote dya tshwarega. Di nyaka o di bone gore Baebele yi bolabola nnete ka Jehova.—Mrm. 12:2. w20.07 8 ¶2-3

Go na le tsa go tlala tso di makegiyeng tsa gore re ka bolabola ka tsona tso di šupetsang gore mangeloyi ma bereka le rune gore re thogo kraya batho ba gore baa bata ga tso tsa Modimo fote ba nyaka go boyela gage. (Kut. 14:6) Mo re beyisa, Silvio wa go dula ku Ecuador, o yye a rapela di mmaba gore a boyele ka phutegong. Mo a kene a rapela, o yye a kwa ba kokota. Ke mo a vakašele ke bagolo ka babedi. Mo bagolo bowa ba kene ba bolabola naye, ke mo ba jabodiye ka matla mo ba mo gelepa. Di nyoko re jabodisa ka matla mo re gelepa batho ba gore baa bata ga tso tsa Modimo gore ba boyele ga Jehova. Salvador ke mošupatsela wa gore o kwana natso ka matla go gelepa bo ba gore baa bata ga tso tsa Modimo, o re: “Di fela di makega le ho gaka tsa go kraya dinepedi di fo thomisa go tšwa ka taba la mojabolo. Mo ke nagana gore Jehova o phonisiye ye nngwana ya dinku tsage ga lefase la Sathane, di njabodisa ka matla gore ke berekisanne naye ga mmereko wone.” Mo nkare o lesetsiye go gahlana le batho ba Jehova, o sa kamake gore Jehova o sa na a go nyaka ka matla. Jehova o yemele gore o boyele gage, fote o ko go yamogela ka matsogo ka mabedi. w20.06 29 ¶16-18

Ka taba la gore Jehova ke “Thitšere ya go di phala ka moka,” o re tšhutisa ka mešupetso yo yi leng ka Baebeleng. (Jes. 30:21) Ka ho Baebeleng, re tšhuta ka mešupetso ya batho ba gore ne ba na le mekgwa ya gore yi jabodisa Jehova. Fote re tšhuta le ka mešupetso ya batho ba gore ne ba womme dihlogo. (Pis. 37:37; 1 Makor. 10:11) Nagana ka so se yyeng sa makegela Kgoši Sawulo. Ne go le motho wa go tinyanafatsa. Ke mo a tšiba tso a kgonang go di segelela fote mo ba mo neya mmereko wa gore o bona nkare a ka sa wo kgone, ne a wo gana. (1 Sam. 9:21; 10:20-22) Mara mo nako yi kene yi ya, o yye a fo re jiki. O yye a thomisa go maka dilo tsa gore aa tshwanela go di maka ka nthago ga gore a be kgoši. Tšatši le lengwana o yye a fela pelo mo a yemele moporofeta Samuwele o yye a maka sehlabelo sa gore ne a sa tshwanela go se maka. Sosone se makiye gore a sa sa jabodisa Jehova ke mokane tsa go ba kgoši dya šaša. (1 Sam. 13:8-14) Re ko ba re hlalifiye mo re ka tšhuta ga mošupetso wa Sawulo, ra lesetsa go tlungwela ga dilo tsa gore a di re nyake. w20.08 10 ¶10-11

Nnete ke gore Jehova o re “neyye banna” ka diphutegong, a berekisa Kreste. (Maef. 4:8) ‘Banna bo a re neyyeng’ bona ke ba Mogoba wa go Lawola, ba go gelepa Mogoba wa go Lawola, ba Komiti ya Lekala, bapotolugi, ba go tšhutisa dikolong tsa Baebele, bagolo le malata. Magageru yawa ya banna ka mokana ga wona ma kgetiwwe ka moya wa go hlawolega gore ma thogo pasopa le go tiyisa dinku tsa Jehova ka diphutegong. (1 Pet. 5:2, 3) Magageru ya banna ma kgetiwa ka moya wa go hlawolega gore ma thogo maka mebereko ya mehlobohlobo. Go fo tshwana le mo matsogo le mawoto ma berekisana, magageru ya gore ma kgetiwwe ka moya wa go hlawolega le wona maa berekisana gore dilo di thogo sepela gabutši. A ma nyake go thanakiwa. Mara ma karakara ka matla gore ma thogo yagisa le go tiyisa magageru ya mangwana. (1 Mathes. 2:6-8) Wa tšiba re leboga Jehova ka banna bo a re neyyeng bona ba gore ba yetisa tsa ba bangwana mahlong! w20.08 21 ¶5-6

So se re tšhofang gore re ye mahlong re tšhomayela ke ka taba la gore batho ba “šigamme fote ba fo tseyatseyega” ka thoko ba kene ba wonngwe go tšhuta nnete ka Mmušo wa Modimo. (Mat. 9:36) Jehova o nyaka gore mehlobo ka mokana ga yona ya batho yi tšibe mong yona nnete le gore yi phone. (1 Thim. 2:4) Go tšiba gore mmereko wowa wa go tšhomayela wo phonisa maphelo ya batho go nyoko re tšhofa gore re nabele go wo maka. Re phonisa maphelo ya batho. (Mrm. 10:13-15; 1 Thim. 4:16) Di nyaka re be le dithulusi mo re tšhomayela. Fote di nyaka re kgone go di berekisa. Jeso o tšhutisiye malata yage gore mmereko wa go loba batho ba wo make byang. O ma butsiye gore ma rwale ying, ma tšhomayele kaye le tso ma tshwaneleng go di hlaya. (Mat. 10:5-7; Luk. 10:1-11) Lekgono, mokgahlo wa Jehova wo makiye Lebhokisi la go Tšhutisa la gore le na le dithulusi tsa gore di ya bereka. Fote re tšhutisiwa go berekisa dithulusi tsone. Mo re šele re tšhutegiye, a re sa kwa re titšhoga fote re ba digele mo re kene re maka mmereko wa rune.—2 Thim. 2:15. w20.09 4 ¶6-7, 10

O nagana gore Johane wa lepostola o yye a tikwa byang mo a kwa gore bo a yyeng a ba gelepa gore ba tšhute nnete ke mo ba ya mahlong ba berekela Jehova ka go tshepega? Ba yye ba ghulana le dintshitshiri tsa go sa fele mara Johane o yye a karakara ka matla gore a tiyise tumelo ya Makreste ya go tshepega ya gore ke mo a ma tseya go le bana bage ga tso tsa Modimo. Byalo, le rune re jabola ka matla mo bana ba rune le bo go leng bana ba rune ga tso tsa Modimo ba tineyela ga Jehova ba boya ba sa lesetse go mmerekela. (3 Joh. 3) Gana hala ga 98 C.E., moya wa Jehova wo yye wa hlohletsela Johane gore a ngwale mangwalo ka mararo. Ke mo go ngwadiwwe mangwalo yane gore ma tiyise Makreste ya go tshepega gore ma thogo ngangarela ga tumelo yo ma nang nayo ga Jeso le go ya mahlong ma sepela nneteng. Johane ke mo a hlupegiye ka matla ka tso ne di makega ka taba la tso ne di tšhutisiwa tsa matsaka ka phutegong. (1 Joh. 2:18, 19, 26) Batho bone ba go kgeloga ke mo ba tipotsa gore bona ba tšiba Modimo mara ke mo ba sa latelele melawo ya Jehova. w20.07 20 ¶1-3

Re ya di tshepa tsa gore so re se tšhomayelang ke nnete, byalo sosone se maka gore re nyake go bolabola le batho ba go tlala ka mokgo re ka kgonang. Tso Modimo a re tshepisiyeng tsona ka Lentsung lage re ro di tshepa. (Pis. 119:42; Jes. 40:8) Re bona diporofeto tsa Baebele di kene di makega gana byalo. Re bona batho ba tšhentšha maphelelo ya bona mo ba thomisa go berekisa tso di leng ka Baebeleng. Tsowa di maka gore re nape re tshepe gore ditaba tsa go bafala tsa Mmušo wa Modimo ke molayetsa wa gore batho ka mokana ga bona di nyaka ba wo kwe. Fote re na le tumelo ga Jehova, wa gore molayetsa wo re wo tšhomayelang wo tšwa gage, le ga Jeso wa gore Jehova o mo hlawodiye gore go be Kgoši ya Mmušo wage. Jehova o nyoko dula a le gona fote o nyoko re neya matšhika le mo go ka teya leduma la mošaga mang. (Pis. 46:1-3) Go tokegela gana hone, re ya di tshepa gore Jeso o yetiye mahlong mmereko wo wa go tšhomayela a le legedimong a berekisa matšhika le mayemo ya go lawola ga gore o ro neya ke Jehova. (Mat. 28:18-20) Tumelo yi maka gore re ro di tshepa gore Jehova o nyoko re rufa mo re karakara. w20.09 12 ¶15-17

Ka dinako tse dingwana mo magageru ya basadi ma gahlana le dilo tsa go ma ghula, o ka kraya ma nyaka wa go ma yemelela. (Jes. 1:17) Mo re beyisa, mosadi wa gore o hlokofalele ke monna kela wa gore monnage o mo lahliye a ka nyaka motho wa go mo gelepa ka dilo tse dingwana tsa gore ne di maka ke monnage. Mogageru wa mosadi wa gore o tsofele a ka nyaka go gelepiwa mo a ye bolabola le togotela yage. Kela mogageru wa mosadi wa gore ke lephayona wa gore fote o maka mmereko wo mongwana ga tso tsa Modimo a ka nyaka gore motho a mo yemelele mo ba bangwana ba bolabolela thoko ba re aa yi tšhomong go tshwana le maphayona ya mangwana. Lebelela mošupetso wa Jeso. Jeso ne a yakgoswela go yemelela magagabo ya basadi mo ba bangwana ba nyaka go ma tseyatseya. Mo re beyisa, o yye a yemelela Mariya mo Mata a re aa make tsona. (Luk. 10:38-42) Fote o yye a yemelela Mariya mo ba bangwana ba tseya nkare o segelele sepheto sa gore a yi sona. (Mar. 14:3-9) Jeso ne a kwisisa gore ke ntaba Mariya a maka ka mokgonone, a boya a ro mo thanaka. O šinnye a porofeta le gore selo sa gabutši so mosadi yewa a se makiyeng se nyoko bolabodiwa “go gongwana le go gongwana ga gore go nyoko tšhomayediwa ditaba tsa go bafala lefaseng ka mokana ga lona.” w20.09 24 ¶15-16

Motho wa gabutši wa go disa wa kwisisa gore di ka makega gore nku yi lahlege. Fote mo nku yone yi fo tloga ho morapeng yi šinya yi lahlega, ke mo a sa yi tshware bošidi mo a yi kraya. Lebelela gore Modimo o yye a ma gelepa ka mokgo mang malata yage ya mangwana ya gore ka nakwenngwana ma yye ma lesetsa go mmerekela. Moporofeta Jona ke mo a tšhabele mmereko wo ne ba mo neyye wona. Mara Jehova o yye a mo lefisela pelo ga Jona. Jehova o yye a mo phonisa, a boya a mo gelepa ka go mo neya matšhika gore a thogo maka mmereko wo ne a mo neyye wona. (Jona 2:7; 3:1, 2) Ka nthago, Modimo o yye a berekisa sehlare sa sekgabatlelo go gelepa Jona gore a di bone gore lephelo la motho ye mongwana le ye mongwana o le tseyela gedimo ka matla. (Jona 4:10, 11) Re tšhuta ying ga taba yowa? Re tšhuta gore a di nyake bagolo ba tobela bo ba gore baa bata ga tso tsa Modimo. Mara, ba leketsa ka matla go kwisisa gore ke mo go rorebeng mo nku yowa yi šinya yi tloga morapeng. Mo nku yone yi boyela ga Jehova, di nyaka bagolo ba ye mahlong ba šupetsa nku yone gore ba yi nyaka ka matla. w20.06 20-21 ¶10-12

Ka nthago ga gore go fele ka Soviet Union ka 1991, batho ba Modimo ga dipoleke tsa go tlalanyana ba yye ba jabolela ‘go gelepiwa ka go nyana,’ go leng nako ya mo ba lokologiye. Byalo, tsotsone di feleletsiye ka gore ba thogo tšhomayela ba sa tšhabe selo fote ka go yakgoswa nombhoro ya batšhomayedi ba gore ba dula ga dinaga tsa gore mmušo wa tsona wo berekisana le dinaga tse dingwana, yi yye ya segela ga makgolokgolo ya diketekete. Mo go-ya-go-ya, Russia le bo yi berekisanang nabo ba yye ba nyarela go le kgoši ya lebowa. Gore mmušo wo be kgoši ya lebowa kela kgoši ya borwa, di nyaka wo make dilo tsowa ka ditharo: (1) wo šuhlašuhlane le batho ba Modimo, (2) wo šupetse ka tso wo di makang gore ke lenaba la Jehova le la batho bage, fote (3) wo phadisane le kgoši yo wo sa kwaneng nayo. Russia le bo yi berekisanang naboke botala ba hlupa batho ba Modimo, ba rakela mmereko wa go tšhomayela ba boya ba hlorisa makgolokgolo ya diketekete tsa magageru. Tsotsone ba di makiyeng di šupetsa gabutši gore ba mo hloyye ga Jehova fote ba hloyye le batho bage. Fote ke mo ba kene ba phadisana le kgoši ya borwa, go leng Mmušo wa Makgowa le Maamerikha. w20.05 12-13 ¶3-4

Mmereko wa go tšhutisa wo yelana ka matla le wa go maka batho gore go be malata, byalo di nyaka re be digele ga taba ya go tšhutisa. Nnete yo yi leng ka ho Baebeleng re yi tšhutisa dimiliyoni tsa batho lefaseng ka mokana ga lona. Tso re di tšhutisang ka ho Baebeleng re kwana natso ka matla. Byalo, o ka kraya re šele re bolabolanya ka matla re sa kgwisi le mare. Mara, mo go le wene o gapang Sewokamelo sa go Tšhutisa, sekopa sela sa go Tšhuta Baebele re le Phutego kela o tšhutisa motho Baebele, a di nyake o bolabola ka matla. Gore ye a tšhutisang a thogo lesetsa Baebele gore yi tipolabolele, di nyaka a titshware fote a sa fo hlatolla dilo ka mokana ga tsona tso a di tšibang ka ho Baebeleng. (Joh. 16:12) Nagana ka tso ne o di tšiba o soko bane o kolobetsiwa le tso o di tšibang gana byalo. Mo o sa thomisa, ke mo o kwisisa ka gonyana tso Baebele yi di tšhutisang. (Maheb. 6:1) Di go tsere mengwagangwaga gore o tšhute tso o di tšibang gana byalo, byalo motho yewa wa gore o sa thomisa go tšhuta, o sa mo phiphetsi ka dilo tsa go tlala. w20.10 14-15 ¶2-4

Jehova o kgetele Jeso babelegi ba gabutši ka matla. (Mat. 1:18-23; Luk. 1:26-38) Tso Mariya a di bolabodiyeng tsa go tikisa pelo tsa gore di ka Baebeleng di šupetsa gabutši gore ke mo a kwana ka matla le Jehova le Lentsu lage. (Luk. 1:46-55) Fote ka mokgo Josefa a yyeng a theetsela Jehova mo a mo yetetsa, di šupetsa gore ga Modimo o mo nyaka ka matla fote wa di nyaka go mo jabodisa. (Mat. 1:24) Mo Jehova a kgetela Jeso babelegi ba ho lefaseng, aa mo nyakela ba gore ba ghannye. Sehlabelo so Josefa le Mariya ba neyeleng ka sona ka nthago ga go belegiwa ga Jeso se šupetsa gabutši gore ke mo ba tihlupegela. (Luk. 2:24) Fote di ka makega gore ne ba phela lephelo la lula ka matlamatla ka taba la gore mutšing wage ke mo ba tlele, go na le gana hala ga kašupa ya bananyana. (Mat. 13:55, 56) Jehova ne a tšhireletsa Jeso ga tsa go sasamela mara ke mo a sa thibele ka mokana ga tsona tso ne di mo phiriketsa. (Mat. 2:13-15) Mo re beyisa, Jeso ke mo a na le mašaga ya gore a ma di tseyi taba ya gore ke yene Mesiya. (Mar. 3:21; Joh. 7:5) Fote di ka makega gore papage Josefa o hlokofele Jeso go sa le ye monyana ke mokane tsotsone dya maka gore a kwe di mo kgahleletsiye ka matla. w20.10 26-27 ¶4-6

Ayitsano o fela o tikwa nkare o lahlegiye, la go šinya o kwa nkare a go na le ka wweši wa gore o ka llela gage? Tsotsone di makegele ba go tlala, re ra le mong malata ya Jehova. (1 Mag. 19:14) Mo nkare tsa mošaga wonone dya go tlela, o sa lebale so Jehova a se tshepisiyeng sa gore: “Nka sa go lesetse fote nka sa ro go lahla.” Re ka tikgihla sekguba ka gore: ‘Jehova ke yene a n’gelepang, nka sa hlagasedisi ke selo.’ (Maheb. 13:5, 6) Pawulo wa lepostola o ngwadiye mantsu yawa a ngwalela Makreste ya ku Judeya gana hala ga bo 61 C.E. Mantsu yage ma re gopotsa ka so se leng ga Pisalema 118:5-7. Go fo tshwana le mopisalema, Pawulo o di bonne ka yene mong gore ke Jehova a mo gelepang. Mo re beyisa, mengwaga ya go teya ka ku ga mabedi mo Pawulo a soko bane a ngwalela Maheberu lengwalo, o yye a phona sedingwana sa go tshosa ka matla a le lewatleng. (Meber. 27:4, 15, 20) Ga dilo ka mokana ga tsona tso Pawulo a fitiyeng ga tsona go segela le ka nako yonone, Jehova o šupetsiye ka mokgwa wa go tlala gore ke yene a mo gelepang. w20.11 12 ¶1-2

Ke ntaba go le bophokophoko go dula re nagana gore lephelo la rune la ku botala ne le le kawone? Go ngangarela tsa ku botala go ka maka gore re nagane fela ka dilo tsa gabutši tso di yyeng dya makega. Lebelela mošupetso wa Maisrayele ya ku botala. Mo ma šele ma tlugiye Egepita, ma yakgoswiye ma lebala ka lephelo la wona la go sasamela la gana ku. Mara, ma fo dulela go nagana ka tsa go ja tsa go nabetsa tsa gana ku. Ma yitseri: “Wa tšiba re gopola ka matla dihlapi tsa mahala tso ne re tlwayele go di ja ku Egepita, fote le dikgebetlele, magapu, dinyala tsa mphogo, dinyala le dikonofolo!” (Dip. 11:5) Mara ke mo ma resa gore tsa go ja tsone ne go le tsa “mahala?” Dho. Maisrayele ma di kwile; ne ma kgahleletsiwa fote go le mabhantiti ku Egepita. (Ek. 1:13, 14; 3:6-9) Le mo go le ka mokgonone, mo goya-goya ma yye ma lebala ka tsa go sasamela ke mokane ma thomisa go llela tsa ku nthago. Ma yye ma kgeta go nagana ka “tsa gabutši tsa ku botala” ma lesetsa go nagana ka dilo ka mokana ga tsona tso Jehova a ma makeleng tsona. Ka mokgo ma yyeng ma tseya dilo ka gona, a dya mo jabodisa ga Jehova.—Dip. 11:10. w20.11 25 ¶5-6

Ka dinako, tse dingwana re ka nagana ka taba ya gore lephelo a le ya lefa fote matšatši ya rune ma “tlele ka mesasamelo.” (Jobo 14:1) Byalo, dya kwisisega mo re fela re kgongwela. Malata ya go tlala ya Jehova ya ku botala, ke mo ma tikwa ka mokgonone. Ba bangwana ke mo ba nabela le go kgwa. (1 Mag. 19:2-4; Jobo 3:1-3, 11; 7:15, 16) Mara Jehova Modimo wa gore ba mo tshepiye ka matla, o yye a sa lesetse go ba tiyisa. Dilo tsowa ka mokana ga tsona di ngwadiwwe gore di thogo re kgomoletsa le go re yetetsa. (Mrm. 15:4) Lebelela Josefa morwayi wa Jakobo. Di so yi kgole, Josefa wa gore papage ke mo a kwana naye ka matla, o yye a feleletsa go le lebhantiti la ndhuna ya ku Egepita ya gore a yi rapele Modimo. (Gen. 37:3, 4, 21-28; 39:1) Ke mokane mogatsa Potifaro o yye a bolabolela Josefa matsaka ya gore ke mo a nyaka go mo reyipa. Potifaro a sanka a tihlupa ka go nyakolla ditaba, o yye a fo fošela Josefa jele ba boya ba mo tšhokela ka diketane. (Gen. 39:14-20; Pis. 105:17, 18) Wa tšiba a di makatse mo Josefa a tikwa a kgongwele! w20.12 16-17 ¶1-4

Jeso o yitseri re thome ka mantsu yane mo re rapela. Mara mantsu yane ya Jeso ke mo ma ra gore king? Go gadimisa selo go rela go maka gore se hlawolege, se yele kela se sa be le selabi. Ba bangwana ba ka tiputsisa gore, ‘Ayitsano lebitso la Jehova a la hlawolega, a la yela fote le na le selabi?’ Gore re thogo fetola putsiso yone, di nyaka re tšibe gore ke dilo difeng tso di sipidisanang le lebitso lone. Lebitso a yi fo ba taba ya go ngwala dihlaka fase, kela go le bitsa ka mokgo le leng ka gona. Lebelela so Baebele yi se bolabolang mo yi re: “Go kawone go kgeta go ba le lebitso la gabutši go phala go kgeta go ghanya.” (Diy. 22:1; Mmo. 7:1) Ke ntaba lebitso go le selo se segolo ka matla? Ka taba la gore le sipidisana le so ba bangwana ba se naganang ka mong wa lebitso lone. Byalo, gore lebitso le ngwadiwa byang kela le bitsiwa ka mokgo mang, yone re sa hlupegi ka yona, mara so re tshwaneleng go hlupega ka matla ka sona ke gore lebitso ke la mang fote le ra gore king. Mo batho ba bolabola matsaka ka Jehova ba maka gore a tšibege ka dilo tsa go befa. Byalo, tsotsone di mo sinya lebitso. w20.06 3 ¶5-7

Tso tsa go re ghula di ka re kgahleletsa la go šinya re sa sa tšiba ditaba tsa rune. Mo re beyisa, re ka šekedisa ke gore re na le tšheleta ye nyana fote a yi segelele tso re nyakang go di reka kela re ka šekedisa ke gore re ka fo lwala ra šitega go ya mmerekong ke mokane ra feleletsa re loba mmereko. Fote re ka hlupa ke taba ya gore mo go na le tsa go re leketsa, re nyoko šitega go theetsela molawo wa Modimo. Go se botala Sathane o nyoko kutšetsela bo a ba lawolang gore ba kutulugele batho ba Modimo, byalo re ka šekedisa ke gore mo re ka tlela ke tsotsone, nje re nyoko di yemela. Re ka tiputsisa gore, ‘Ayitsano ke tsona mo ke hlupa ke dilo tsa mošaga wonone?’ Re ya di tšiba gore Jeso o butsiye bo ba mo latelelelang gore: “Le sa šekele ka selo.” (Mat. 6:25) Ayitsano ne a rela gore re sa šekele? Le ka gonyana! Phela le mong malata ya go tshepega ya Jehova ya ku botala, ma yye ma hlupa ke go šekela mara Jehova o yye a fo ma yamogela. (1 Mag. 19:4) Gabutšibutši Jeso ne a re tiyisa. Ke mo a sa nyake re šekela ka matla ka tsa lephelo la go šinya di re šitisa go berekela Modimo. w21.01 3 ¶4-5

Taba ya gore monna o tshwara ba mutši wage ka mokgo mang Jehova le Jeso ba yi tseyela gedimo. (1 Pet. 3:7) Ka taba la gore Jehova ke yene hlogo ya ba mutši wage wa legedimong le wa lefaseng ke yene a beyelang bana bage melawo ya gore ba tshwanele ba phele ka mokgo mang, a boye a bone gore melawo yone ba yi latelela. (Jes. 33:22) Ka taba la gore Jeso ke hlogo ya phutego ya Makreste dya mo tshwanela gore a make melawo a boye a bone gore ya latelediwa. (Magal. 6:2; Makol. 1:18-20) Go fo tshwana le Jehova le Jeso, hlogo ya mutši ya gore ke Mokreste yi na le matšhika ya go segelelela ba mutši wa yona dipheto. (Mrm. 7:2; Maef. 6:4) Le mo go le ka mokgonone, matšhika ya a nang nawo ya go lawola go na le mo ma kgerang gona. Mo re beyisa, melawo yo a yi beyang di nyaka yi tšwe ga ditšhiko tso di leng ga Lentsu la Modimo. (Diy. 3:5, 6) Fote hlogo ya mutši yi na le matšhika ya go lawola ba mutši wa yona go seng batho ba bangwana. (Mrm. 14:4) Taba ye nngwana ke gore, mo barwayi le barwediya bage ba šele ba tšwile setense ba ko fo ya mahlong ba mo hlompa mara ba ka sa sa kwa ka yene.—Mat. 19:5. w21.02 2-3 ¶3-5

Selo se segolo so hlogo ya mutši yi tshwaneleng go šupetsa ka sona gore ba mutši wa yona yi ba nyaka ka matla ke go ba pasopa ka tso ba di hlokang gore ba thogo phela. Yi sa lebale gore dilo tsa majabajaba a yi tsona tso di ka ba gelepang gore ba tlalele ga tso tsa Modimo. (Mat. 5:3) Mo Jeso a le ga phate ya mohlupego ne a nyaka gore Mariya a pasopege. Le mo Jeso a kene a lebanne le tsa go sasamela tsa go sa hlayisege, o yye a kgopela Johane wa lepostola gore a pasope Mariya. (Joh. 19:26, 27) O ka kraya mogageru wa gore ke hlogo ya mutši a na le mmereko wa go tlala wa go roba. Di nyaka a thewogele a bereke ka matla gore Jehova a thanakiwe. (Maef. 6:5, 6; Tito 2:9, 10) Fote a ka fo ba a tlalele ke mmereko le ka ho phutegong, wa go tshwana le go vakašela magageru gore a thogo ma tiyisa le go yeta mahlong mmereko wa go tšhomayela. Tsa go tšhuta Baebele ka moka matšatši a na le mosadi wage le bana bage le tsona di mo yemele. Mo a kene a garagara ka matla gore a ba pasope ga tso ba di gayelang gore ba thogo phela, a maka gore ba dule ba jabodiye, a boya a ba pasopa le ga tso tsa Modimo ba nyoko mo leboga ba sa fetse.—Maef. 5:28, 29; 6:4. w21.01 12 ¶15, 17

Mo Lentsu la Modimo le hlatolla mebereko yo mosadi a tshwaneleng a yi make le re, a ka wokamela ka mutšing, a reka a boya a rekisa mašomo fote a pasopa tsa bhisinisi. (Diy. 31:15, 16, 18) A yi lebhantiti la gore le tshwanele le fo re tsee. Mara monna wage wa mo tshepa a boya a mo theetsela mo a tla le dipolane. (Diy. 31:11, 26) Mo monna a ka šupetsa mosadi wage gore wa mo hlompa, mosadi yene o nyoko jabodisa ke go mo hlompa. Le mo Jeso a segelele dilo tsa go tlala aa kwe di mo tšebisa go hlompa bohlogo bya Jehova. (1 Makor. 15:28; Mafil. 2:5, 6) Go fo tshwana le mosadi wa gore o karakara ka matla wa gore o latelela mošupetso wa Jeso a di mo tšebise go hlompa monna wage. O thega monna wage ka taba la gore ga Jehova o mo nyaka ka matla fote wa mo hlompa. Mosadi wa Mokreste a ka sa ye ka monna wage mo a nyaka gore a phakgele melawo le ditšhiko tsa Baebele ku kgole. w21.02 11 ¶14-15; 12 ¶19

Malata ya Jehova ma mo nyaka ka matla ga Modimo wa wona, go tlugisela botala taba yone yi kene yi ma gelepa gore ma tiyisele le mo ma hlorisiwa. Mo re beyisa, nakwela khota ye kgolo ya Majuda yi botsa mapostola gore ma lesetse go tšhomayela, ma yye ma šupetsa gore ma mo nyaka ka matla ga Modimo, ma kwa di ma tšhofa gore ma “theetsele Modimo ye a lawolang, ma sa theetsele batho.” (Meber. 5:29; 1 Joh. 5:3) Le lekgono lo, magageru ma sa na ma re go ka thusuga mo go thusugang, mara ma nyoko fo ya mahlong ma šupetsa Modimo gore ma mo nyaka ka matla, fote ya go tlala ma mo mamarela le mo memmušo yi ma maka lešidi. Tsa mošaga wonone a di re kgongwetse, mara re di tseya go le lešuba la go šupetsa gore re ko tiyiseleng le mo lefase le re hloyye. (Meber. 5:41; Mrm. 5:4, 5) Mo re phigisa ke mašaga, o ka kraya di baba ka matla. Mo re thomisa go tlalela ga tso tsa Modimo, mašaga ya rune ya mangwana ma ka tseya nkare re fukugiye. Ya mangwana ma ka tseya nkare se re ya yera. (Tshwanisa le Mareka 3:21.) Go gongwana o ka kraya ba mutši kela mašaga ba re teya kela ba re rogelela. Dilo tsowa a di ya tshwanela go re makatsa. Jeso o yitseri: “Motho o nyoko hloya ke bobo a dulang nabo ka ho ntlong.”—Mat. 10:36. w21.03 21 ¶6-7

Mo o yye le motšhomayedi ye mongwana ga ye a tšhutang naye Baebele, wene theetsela mo ye a tšhutisang le ye a tšhutang naye ba kene ba bolabola. Ke mokane mo nkare go thulega lešuba, o ko thogo gelepa. Ke nnete gore le wene di nyaka o thomise o nagana, o sa fo bolabola. Mo re beyisa, a di nyake o bolabola ka matla, o kraya mo ye a tšhutisang a sa re wa bolabola o fo mo tshwaranya molomo kela o fo thomisa taba ye nngwana ya gore a le bolabole ka yona hone. Mara o ka fo bolabola ka go nyana, wa bolabola ka mošupetso kela wa butsisa putsiso, nakwengwana o ka maka gore taba yo le bolabolang ka yona yi mo yelele. Ka dinako tse dingwana, o ka kwa nkare a go na so o ka se bolabolang. Mara mo o ka fo thanaka ye le tšhutang naye wa boya wa šupetsa gore wa tihlupa ka yene, o nyoko mo gelepa gore a ye mahlong. Mo di kgonega, mo yanegele gore nnete yowa o yi krayye byang mara o sa lefisi, o mmotse gore o makiye byang gore o hlule tso ne di leketsa go go phiriketsa, kela gore wene Jehova o go gelepiye byang ho o kene o phela. (Pis. 78:4, 7) Tsotsone o mo hlayiselang tsona go ka fo ba tsona tso di nyoko go mo tikisa. Di ka fo yi tiyisa tumelo yage kela dya mo hlohletsela gore a šinye a segela le mo a kolobetsiwang. w21.03 10 ¶9-10

Gabutšibutši ke mang ye a makang gore re phomelele mo re le tšhomong? Pawulo o fetodiye putsiso yone mo a ngwala ka phutego ya Korente mantsu ya ma reng: “Nna ke gašiye, gwa tšheletsa Apholo, mara Modimo ke yene ye ne a dulela go maka gore di gule, gore ye a gašang kela ye a tšheletsang go sa be selo, mara go be Modimo ka taba la gore ke yene a makang gore di gule.” (1 Makor. 3:6, 7) Tla re tshwaneneng le Pawulo, le rune re dule re thanaka Jehova mo go na le selo sa go jabodisa so re se segelelang ho re le tšhomong. Re ka šupetsa ka ying gore re jabolela taba ya gore ke rune “dibereki ggoši” le Modimo, Kreste le mangeloyi? (2 Makor. 6:1) Re ka šupetsa ka go ba le matšato ka go nyakela bo re ka ba botsang ditaba tsa go bafala. Byalo di nyaka re gaše dipewu tsa nnete re boye re di tšheletse. Mo motho a šupetsa gore wa di nyaka ditaba tsowa, di nyaka re karakare ka matla gore re boyele ga motho yene o ka kraya go thulegiye lešuba ke mokane a napa a thomisa go bala naye Baebele. Mo motho yene a kene a tšhutega, re jabola ka matla mo re bona Jehova a berekana le pelo yage le monagano gore a thogo ba lelata. w20.05 30 ¶14, 16-18