December

Ka dinako tse dingwana go ka thathafa go kwisisa dilo tse dingwana ka Lentsung la Modimo. Kela di ka makega gore Jehova a sa fetole merapelo ya rune ka mokgo ne re naganne ka gona. Tsotsone di ka maka gore re kamake. Mo tsotsone re ka di takisa maahlo di nyoko kwaramollanya tumelo ya rune di boya di sinyanya senghana sa rune le Jehova. (Jak. 1:7, 8) Fote di ka maka gore tshepo yo re nang nayo ya ku mahlong yi psye. Pawulo wa lepostola o tshwanisiye tshepo yo re nang nayo le tshipi yo yi gelepang sekepe gore se sa thogathoge. (Maheb. 6:19) Tshipi yone yi gelepa sekepe gore se sa thogathoge mo go na le sedingwana fote yi maka gore se sa khunghulege se rulanya matlapa. Mara tshipi yone yi nyoko gelepa mo nkare ketane ya yona a yi tlopoge. Go fo tshwana le rusi mo yi ja ketane ya go tshwara tshipi ya sekepe le rune mo re fo lesetsa re sa lukisi tso di makang gore re kamake, go fediye ka tumelo ya rune. Mo motho a phigisiwa fote go na le tso a di kamakang, tumelo yage ga taba ya gore Jehova o nyoko maka tso a di tshepisiyeng yi nyoko šehla. Mo šele go fediye ka tumelo ya rune, tshepo yona ayya! Motho wa gore o ga seyemo sa mošaga wonone a ka sa ro jabola! w21.02 30 ¶14-15

Di ka makega gore Abhrahama ne a na le mengwaga ya go teya ka ku ga 70 mo yene le ba mutši wage ba rura Uri. (Gen. 11:31–12:4) O duli nageng ya Kanana lekgolo la mengwaga, a tsama a dula matengteng. Abhrahama o hlokofele a na le 175 ya mengwaga. (Gen. 25:7) Mara a sanka a bona mo Jehova a maka tso a di tshepisiyeng ka batlogolo bage. Fote aa bona poleke yo Mmušo wa Modimo wo nyoko bang ga yona. Abhrahama o hlokofele a le ye “mogolo fote a kgotsofele.” (Gen. 25:8) Le mo yi le gore Abhrahama o yye a hlakana le dintshitshiri tsa go sa fele, o yye a dula a na le tumelo ya go tiya fote ne a tikemesele go yemela Jehova. King so se makiyeng gore a tiyisele? Ke gore Jehova o yye a mo tšhireletsa mo a kene a phela fote ne a mo tseya go le monghanage. (Gen. 15:1; Jes. 41:8; Jak. 2:22) Le rune re yemele poleke ya gore yi na le fandhiši ya go tiya go fo tshwana le Abhrahama. (Maheb. 11:10) Mara rune a ra yemela gore yi yagiwe. Mmušo wa Modimo wo thomisiye ka 1914 fote ke wona wo lawolang ku legedimong. (Kut. 12:7-10) Gana byalo re f’lo yemela gore wo lawole le ho lefaseng. w20.08 4-5 ¶11-12

Gore re thogo theetsela batho ba bangwana gabutši, di nyaka re tinyanafatse fote re lefise pelo. Mo re maka ka mokgonone tsotsone di nyoko re gelepa ga dilo ka ditharo, ke tsowa. Sa mathomo, re ka sa di make tsa go kraya re fo naganela batho dilo tsa go sa yi ka tsela. Sa bobedi, re ka yakgoswa re di bona gore mogageru o tikwa byang ke mokane ra thogo mo kwela go baba. Sa boraro, re ka gelepa motho yene gore a tšhute se sengwana ka yene mong. Ka dinako tse dingwana, le rune beng o kraya re sa kwisisi gore re tikwa byang, go segela mo re botsa ye mongwana ka mokgo re tikwang. Magageru ya mangwana ma kwa di roba go botsa motho gore ma tikwa byang, tsotsone di maka ke ka mokgo ma gudisiweng ka gona, setšo kela le so ma leng sona. Di ka fo tseya nako gore ma thomise go lokologa go bolabola le rune, mara mo ma thomisa go re botsa so se leng ka ku tengteng, o ka kraya re kgona go kwisisa gabutši ka mokgo ma tikwang. Mo re ka fo lefisa pelo go tshwana le Jehova, ba ka kwa ba lokologa go re botsa tso di ba robang. Ke mokane mo re di bona gore ba thina le go re botsa ka mokgo ba tikwang, di nyaka le rune re be re le gabutši gore re thogo theetsela. w20.04 15-16 ¶6-7

Ga go tlala dihlapi di krayega ga dipoleke tsa gore di kwana le meetši ya gona fote go na le tsa go ja tsa go tlala. Ayitsano di ya hlupa gore motho ye a lobang dihlapi o di loba ka nako mang? Hlatse ya ku polekeng ya go dukuluga ke meetši ya Pacific yi yye ya bolabola se sengwana sa go yelana le nako ya gabutši ya go loba dihlapi ka taba la gore ke mo yi bitsa morumiwa ye mongwana yi re ba koriye gwe loba dihlapi. Mogageru wa morumiwa o yitseri, “Re ko ya ka motshwana ka 9 ya ka bošego.” Mogageru o yye a fetola ka gore, “A wo kwisisi. Re ya ka nako yo dihlapi di lobegang ka yona, yi seng ka nako yo yi tshwaneleng rune.” Le bo ne ba loba batho ka dinako tsa mapostola ke mo ba ya dipolekeng tso ne ba kraya batho ba go tshwana le dihlapi ka nako yo yi tshwaneleng dihlapi tsone. Mo re beyisa, bo ne ba latela Jeso ke mo ba tšhomayela tempeleng, disinagogeng, mutši ka mutši le mmakete. (Meber. 5:42; 17:17; 18:4) Di nyaka le rune re tšibe maphelelo ya batho ba tšhomong ya rune. Di nyaka re phendhuge le seyemo gore re thogo tšhomayela mo batho ba krayegang gona le ka nako ya gore re ka ba kraya ka yona—1 Makor. 9:19-23. w20.09 4 ¶8-9

Mokgwa wo mongwana wa go tiyisa senghana sa rune le Jeso ke go thega ka mokgo phutego ya Sekreste yi makang dilo ka gona. Re ka tiyisa senghana sa rune le Jeso wa gore ke hlogo ya phutego mo re berekisana le bo a ba rommeng gore ba re pasope. (Maef. 4:16) Mo re beyisa, gana byalo re leketsa ka matla gore Diholo tsa Mmušo ka mokana ga tsona di dule di berekisiwa. Gore sone se thogo makega, diphutego tse dingwana di yye dya gahlanisiwa le tse dingwana. Ke mokane sosone se makiye gore tšheleta yi thogo berekisiwa gabutši. Magageru ya diphutego tsone ne di nyaka gore ma tlwayele seyemo sowa sa nyuwane. Magageru yane ya go tshepega ma ka fo ba ma yye ma bereka mengwaga ya go tlala le phutego ye nngwana, fote ma yye ma maka senghana sa thina ka matla le magageru ya phutego yone. Gana byalo ma yisiwwe ga diphutego tse dingwana. Jeso di mo jabodisiye lela la go sa hlayisege mo a bona malata yage ya go tshepega ma kwana le seyemo sowa sa nyuwane! w20.04 24 ¶14

Kgoši ya lebowa le kgoši ya borwa di ya maahlong di phigisana ka gore lefase le kwe ka bona. Mo re beyisa, tseya ka so se makegiyeng ka nthago ga Ntwa ya Bobedi ya Lefase mo Soviet Union le bo yi berekisanang nabo ba phomelela ga taba ya go kutšetsela ba go tlala ku Yuropo. Tso kgoši ya lebowa yi di makiyeng di yye dya tšhofa kgoši ya borwa gore yi thome so ba reng ke NATO, go leng go berekisana ggoši ga dinaga ntweng. Kgoši ya lebowa yi kene yi phadisana le kgoši ya borwa ka go reka dilo tsa go lwa ka tsona tsa go tura ka matla. Kgoši ya lebowa yi yye ya lwa le kgoši yo yi sa kwaneng nayo mo yi kgopela ba bangwana gore ba yi lwele sekala le go jikela Afrikha, Asia le Latin America. Ga mengwaga ya go sa tšwa go fela, Russia le bo yi berekisanang nabo ba yye ba hlohletsela lefase ka mokana ga lona. Fote ba yye ba berekisana le kgoši ya borwa ntweng ya go berekisa dikhomphyutha gore ba sinyanye. Ba yye ba šuhlašuhlana ka matsaka ya gore ba bangwana ba berekisa dilo tsa dikhomphyutha gore ba thogo sinyanya ikhonomi le dipolotiki tsa ba bangwana. Fote go fo ba ka mokgonola Daniyele a bolabodiyeng botala gore kgoši ya lebowa yi ya maahlong yi kene yi hlasela batho ba Modimo.—Dan. 11:41. w20.05 13 ¶5-6

“Ayitsano mosadi wa gore wa yangwisa a ka lebala ngwanage?” Yone ke putsiso yo Jehova a yyeng a yi butsisa ka dinako tsa moporofeta Jesaya. Modimo o butsiye batho bage gore, “Le mo bommane bone ba ka lebala bananyana ba bona, nna nka sa ro le lebala.” (Jes. 49:15) A yi ga go tlala Modimo a titshwanisa le bommane. Mara ka nako yonone, o yye a titshwanisa nabo. Gore Jehova a thogo šupetsa ka mokgo a tikwang ka gona ka malata yage, o yye a ba beyisela ka mmane wa gore o na le sengwananyana. Bommane ba go tlala ba ka bolabola go tshwana le mmane ye mongwana ye ba reng ke Jasmin, mo a re, “Mo o yangwisa ngwanago, o kwa a le thina nago ka matla fote o napa o kwa o mamarelanne naye mo le na le phela.” Jehova o di bona gabutši mo ye mongwana wa bana bage a lesetsa phutego fote le tšhomong a sa sa ya. Magageru ya go tlala ya gore ma yye ma bata ga tso tsa Modimo maa boya ka ho phutegong, fote ke gona mo ma yamogediwang gona! Jehova o di nyaka ka matla gore ma boye, le rune re nyaka tsotsone.—1 Pet. 2:25. w20.06 18 ¶1-3

A yi dilo ka mokana ga tsona tsa gabutši tso Modimo a di makiyeng tsa gore re kgona go di bona. Nnete ke gore dilo tsa gabutši tsa gore di phala dilo ka mokana ga tsona ke tsa gore motho a ka sa kgone go di bona. Nakwela Jeso a tšhutisa a le ku Thabeng, o bolabodiye ka dilo tsa gabutši tsa legedimong gore di phala kgole dilo tsa majabajaba tso motho a ka bang natso. Ke mokane a tokegela ka go bolabola nnete yowa ya gore: “Mo dilo tsago tso o di tseyelang gedimo di leng gona, le pelo yago yi nyoko fo ba gana hone.” (Mat. 6:19-21) Dipelo tsa rune di nyoko re tšhofa gore re lelekisane le dilo tsa gore re di tseyela gedimo ka matla. Re hlekeletsa “dilo tso di tseyediwang gedimo ku legedimong” ka go timakela lebitso la gabutši ga Modimo. Jeso o hlatolliye gore dilo tsone tsa gabutši di ka sa tsoge di sinyegiye kela gwa ba le ye a di yetswang. Pawulo wa lepostola o re hlohletsela gore re ‘beye maahlo ya rune ga dilo tsa gore a di bonale.’ (2 Makor. 4:17, 18) Ga dilo tsone tsa go sa bonale tsa gore ke dilo tsa gabutši tsa gore di tseyediwa gedimo, go kena le tso re nyoko rufiwang ka tsona ga lefase la Modimo la nyuwane. Ayitsano re šupetsa gore re leboga dilo tsa gabutši tsa gore di tseyediwa gedimo tsa go sa bonale? w20.05 26 ¶1-2

Tso Moše ne a di tšhutisa Maisrayele di ba fepiye fote ba fo kwa ba yitseri tswee, go fo tshwana le mo motšhawulela wo nela dimilane. Re ka maka ying gore le rune mo re tšhutisa, re fo maka ka mokgonone? Mo re tšhomayela mutši ka mutši kela re tšhomayela ga poleke ya gore go tlele batho, re ka berekisa Baebele ya rune mo re šupetsa batho lebitso la Modimo, Jehova. Re ka ba neya dipuku tsa rune, ra ba šupetsa dividiyo ra boya ra ba neya se sengwana so se leng ga wepsayete ya rune sa gore se gadimisa Jehova. Mo re le mmerekong, sekolong kela mo re ya ga go ya, go ka fo thulega mašuba ya gore re thogo bolabola ka Modimo wa rune wa gore re mo nyaka ka matla ra boya ra hlatolla gore o byang. Mo re botsa batho bo re hlakanang nabo ka tso Jehova a nyakang go di makela batho le tso a nyakang go di maka ka lefase lo, o ka fo kraya gore re ba botsa selo sa gore ke mo ba sa se tšibi ka Jehova. Mo re kene re botsa batho nnete ka Papa wa rune wa gore o re nyaka ka matla, re ba re maka gore lebitso la Modimo le gadimisiwe. Re ba re maka gore batho ba sa sa poyila Jehova fote re sula matsaka ya ba ka fo bang ba tšhutisiwwe wona ka yene. Tso re di tšhutisang batho di ya ba fepa fote le dipelo tsa bona di ro kgehlemela.—Jes. 65:13, 14. w20.06 10 ¶8-9

Ke mekgwa yifeng yo di nyakang re ba nayo gore re thogo gelepa batho bo ba nyakang go boyela ga Jehova? Lebelela tso re ka di tšhutang ga mošupetso wa Jeso, wa go bolabola ka morwayi wa go lahlega. (Luk. 15:17-24) Monagano wa mošomanyana yewa wo yye wa boya, ke mokane a tipotsa gore o boyela gaye. Papage o yye a taboga a ye gahlanetsa morwayi wage ke mokane a mo tlaparela, a mo šupetsa gore o sa na a mo nyaka ka matla. Morwayi yewa ke mo a kokona ke lekwalo fote a tikwa gore le tsa gore batho ba re ke yene morwayi wa papa yewa a di sa mo tshwanela. Papa yene o yye a kwela ngwana yene wage go baba mo a mmotsa tso di leng ka ho pelong yage. Go na le dilo tso papa a di makiyeng go gelepa morwayi wage gore a sa kamake gore nnetennete o mo yamogele ka gaye go le ye mongwana wa bana ba ka ho mutšing. Papage o yye a maka phathi ye kgolo a boya a neya morwayi yewa wage wa gore wa tisola dikobo tsa go bafala ka matla, gore di nape di ba lekgwaying gore o mo yamogele. Jehova o tshwana le papa ye go bolabodiwang ka yene ga mošupetso wone. O ma nyaka ka matla magageru ya banna le basadi ba gore ba nyaka go boyela gage. Mo re yekisela Jehova, le rune re ka di kgona go ba gelepa gore ba boyele gage. Tsotsone di nyaka gore re lefise pelo, re ba kwele go baba, fote re ba šupetse gore re ba nyaka ka matla. w20.06 25-26 ¶8-9

Jeso o yitseri ba bangwana ba nyoko yamogela nnete “ba jabodiye,” mara mo tumelo ya bona yi leketsiwa di nyoko šaša. (Mat. 13:3-6, 20, 21) Di ka makega gore ke mo ba sa di tšibi gore go latelela Jeso di rela gore ba nyoko gahlana le tsa go ba ghula le tsa go sasamela. (Mat. 16:24) Kela ne ba tseya nkare go ba Mokreste di rela go phela lephelo la lula la gore ba nyoko dula ba rufiwa le la go sa be le dintshitshiri. Mara ga lefase lowa la go sa yenela, re nyoko ja dintshitshiri. Mayemo ma ka tšhentšha ke mokane sosone sa maka gore re dule re sa jabola. (Pis. 6:6; Mmo. 9:11) Magageru ya go tlala ya banna le ya basadi ma šupetsiye gabutši gore a ma kamake gore ma tshwere nnete. Ka mokgo mang? Le mo mogageru ye mongwana a ka ma kwisa go baba kela a maka tsa go tšebisa, a ma tekateke. (Pis. 119:165) Tumelo ya wona yi fo ya yi kene yi tiya, a yi šehle le mo ma tlela ke dintshitshiri tsa go sa fele. (Jak. 1:2-4) Di nyaka re be le tumelo ya go tiya. w20.07 8 ¶1; 9 ¶4-5

Mo o soko thomisa go bala Baebele, kgopela Jehova gore mo o kene o bala a go šupetse tso di ka go gelepang. Mo re beyisa, mo nkare o na le tso di go ghulang, kgopela Jehova a go gelepe gore o kraye ditšhiko tsa Baebele gore o thogo tšwa mo o logeleng gona. (Mafil. 4:6, 7) Mokgwa wo Jehova a re makiyeng ka wona wa go nagana wo makatsa ka matla. Mo o nyaka gore so o se balang ka ho Baebeleng se nape se ro go yelela, leketsa go tipona o le ga poleke yone, go le wene o makegelang ke dilo tsone. Leketsa go bona dilo tso a di bonneng le go tikwa ka mokgo a ka fo bang a yye a tikwa ka gona. Ke mokane o ghayele. Go ghayela re ra mo o šila ka ho hlogong ka tso o di badiyeng le gore di ra gore king ho gago. O tseya tso o di tšhutang wa di gahlanisa le tso o šeleng o di tšiba, taba yone ya napa yi re nghwee. Go bala Baebele mara o sa ghayele re ka go tshwanisa le mo o ntshiye dilo tsa mohlobohlobo o re o nyoko di yapega. Go ghayela go re gelepa gore re thogo kwisisa dilo gabutši. w21.03 15 ¶3-5

Pawulo wa lepostola ke mo a ka fo dulela go nagana ka tsa ku nthago, a tiputsisa gore ayitsano hala a kgetiye go maka dilo ka mokgo mongwana, nje nke ba sa mo kwalela jele. Ke mo a ka kwatela batho ba naga ya Asia ba gore ba yye ba sa sa tihlupa ka yene, kela banghana bage ba bangwana a ba teyisa moya. Mara Pawulo aa maka dilo tsone. Pawulo ke mo a tšhugiye gore o nyoko kgwa, mara aa lebala selo se segolo ka matla—go gadimisa Jehova. Ke mo a sa lesetse go nagana ka ditsela tsa go tiyisa ba bangwana. Ke mo a tisamela ka go dula a rapela Jehova. Ke mo a sa dulele go nagana ka bo ba mo lahliyeng, mara ke mo a leboga banghana bage bo ne ba dula ba mo thegeletsa ka tso ne a di gayela. Go tokegela gana hone, Pawulo ke mo a sa lesetse go bala Lentsu la Modimo. (2 Thim. 3:16, 17; 4:13) Se segolo ka matla ke gore ke mo a sa kamake gore Jehova le Jeso ba mo nyaka ka matla. w21.03 18 ¶17-18

Gana hala ga bo-200 C.E., phutego ya Makreste ya mannete yi yye ya thomisa go tlala ka Makreste ya matsaka ya gore ke mo ma dumela dilo tso di tšhutisiwang tsa gore ke matsaka ma boya ma maka gore nnete yo yi leng ho Lentsung la Modimo yi sa tšibegi. Go tlugisela ka nako yonone go segela ka bo-1900, ke mo go se na mokgahlo wa malata ya Modimo ho lefaseng. Ngwere ya Makreste ya matsaka yi yye ya hlohlotela ke mokane ya phiphetsa Makreste ya mannete. (Mat. 13:36-43) Ke ntaba taba yone re tshwanele go yi tseyela gedimo? Di bonala gabutši gore tso re di balang ga Daniyele tema 11 ka kgoši ya lebowa le kgoši ya borwa a di rele bo ba lawolang kela memmušo yo ne yi le gona go tlugisela gana hala ga mengwaga ya bo-200 go segela ga sekopa sa bobedi sa mengwaga ya bo-1900. Ke mo go se na so ba ka se hlaselang ka taba la gore ke mo go se na mokgahlo wa Modimo ka dinako tsotsone. Mara ne re ka yemela gore kgoši ya lebowa le kgoši ya borwa di nyarele fote, mo mengwaga ya bo-1900 yi ya mafelelong. w20.05 3 ¶5

Juwele o bolabodiye go sa le botala ka ditšiya tsa go tla le dilo tsa go sasamela fote di nyoko sinyanya naga ya Israyele di nyoko phuranya selo se sengwana le se sengwana so di se bonang! (Juw. 1:4) Ke botala ka matla re kwisisa seporofeto so ka mokgwa wa go fo tshwanisela se šupa ga batho ba Jehova, gore moririmane wo wa ditšiya a wo thibege wo maka mmereko wa wona wa go tšhomayela. Ke mo re tseya gore mmereko wo wa rune wa go tšhomayela wo sinyanya “naga” kela batho ba gore ba lawola ke baruti ba dikereke. Mara mo re lebelela seporofeto so ka mokana ga sona, re thogo bona gore di nyaka taba yo re yi pombhole fote. Bona so Jehova a yyeng a se tshepisa nakwela a bolabola ka ditšiya tso di nyoko tlang le dilo tsa go sasamela, o yitseri: “Ke nyoko raka wa go tšwa lebowa [ditšiya] ho thina gago.” (Juw. 2:20) Mo nkare ditšiya di yemela Dihlatse tsa Jehova mo di kene di theetsela so Jeso a se bolabodiyeng sa gore di tšhomayele le go maka batho gore go be malata, ke ntaba Jehova a tshepisa gore o nyoko ba raka? (Hezek. 33:7-9; Mat. 28:19, 20) Di fo ba lekgwaying gore Jehova aa rake malata yage ya go tshepega, mara o raka selo se sengwana kela motho ye mongwana wa gore o hloyye kela o nyenya batho bage. w20.04 3 ¶3-5

Re ka maka byang mo re bona nkare Jehova aa yakgoswe a fetola merapelo ya rune? Jakobo o re, ‘re ye mahlong re kene re kgopela’ Modimo. Mo re dula re kgopela Jehova gore a make gore re hlalefe tsotsone a di mo tinwisi. A ka sa re tšebisi. Papa wa rune wa legedimong “aa konane” mo re kgopela gore a make gore re hlalefe re thogo tiyisela dintshitshire. (Pis. 25:12, 13) Wa di bona mo di re rulanya, o kwelana go baba fote o tikemisele go re gelepa. Phela tsotsone a yi go jabodisa ga tsona wa tšiba! Mara Jehova o maka gore re hlalefe ka mokgo mang? Ka Lentsu lage Baebele. (Diy. 2:6) Gore re thogo šupetsa gore re hlalefiye di nyaka re tšhute Baebele le dikgatiso tsa rune. Mara mo re tšhuta a di nyake re fo wolela. Tso Modimo a re yetetsang ka tsona gore re thogo šupetsa gore re hlalefiye di nyaka re di berekise mo re kene re phela. Jakobo o ngwadiye gore: “Sa fo theetsela lentsu o boye o le make.” (Jak. 1:22) Mo re berekisa tso Modimo a re yetsetsang ka tsona re nyoko beba, ra tseya dilo gabutši fote ra kwelana go baba. (Jak. 3:17) Mekgwa yone yi nyoko re gelepa gore re tshwaragane le dintshitshire re kene re jabodiye. w21.02 29 ¶10-11

Ga go tlala, ho nkare ba bangwana ka ho phutegong le bona ba gelepa motho ye a sa ga tšhuta Baebele, o ya a kene a butšwa, a šinya a segela le mo a kolobetsiwang. Motšhomayedi ye mongwana le ye mongwana a ka tšhela letsogo gore phutego yi gule. Mogageru ye mongwana wa gore ke mošupatsela kela lephayona o re: “Ngwana a yi wa motho ka wweši. Ke nagana gore go fo ba ka mokgonone le ga taba ya go maka batho gore go be malata; ga go tlala di nyaka gore phutego yi tšhele letsogo gore motho a tsike nneteng.” Babelegi, mašaga, banghana le mathitšere ba tšhela letsogo gore ngwana a thogo butšwa. Tsotsone ba di maka ka go hlohletsela ngwanene ka go mo tšhutisa tsa lephelo. Byalo, batšhomayedi le bona ba ka yeletsa ye a sa ga tšhuta Baebele, ba mo tiyisa ba boya ba ba mešupetso ya gabutši gage, gore ba mo gelepe a šinye a kolobetsiwe. (Diy. 15:22) Ke ntaba motšhomayedi a ko ba a sa make tsona mo a ganela batšhomayedi mo ba re ba nyaka go gelepa ye a tšhutang naye Baebele? Ka taba la gore batšhomayedi ba go tlala ba ka tšhela letsogo go maka gore ye a tšhutang Baebele a hluhlutele ga tso tsa Modimo. w21.03 8 ¶1-3

Makreste ka mokana ga wona, ya ma sa golang le ya gore ke botala ma kene ma ja mabele, di nyaka gore ma kganele kgole le taba ya go maka nkare ke Makreste mara ma kene ma maka dilo tsa gore a di yi ka tsela. Johane wa lepostola o bolabodiye gabutši gore di ka sa kgonege gore re sepele nneteng ka ho thoko re kene re maka dilo tsa go sa hlamatsega. (1 Joh. 1:6) Mo nkare re nyaka gore Modimo a re yamogele gana byalo le ku mahlong di nyaka re make dilo re kene re tšiba gore dilo ka mokana ga tsona tso re di makang di fo ba lekgwaying. Gabutšibutši re ka sa re mo re sinnye ka matla ra tseya nkare Jehova aa di bone, ka taba la gore dilo ka mokana ga tsona gage di fo ba lekgwaying. (Maheb. 4:13) A di nyake re lesetsa ka mokgo batho ba lefase ba tseyang go sinya go re tshelela. Ka dinako tsa Johane, bo ba go kgeloga ke mo ba tseya gore motho a ka fo sinya ka mokgo a nyakang ke mokane a ya mahlong a na le senghana sa gabutši le Modimo. Lekgono re phela le batho ba gore ba nagana ka mokgonone. Ba go tlala ba re ba dumela ga Modimo mara a ba dumelelane le ka mokgo Jehova a tseyang taba ya go sinya ka gona, ka matlamatla ga taba ya go yetsela ga monna le mosadi. Tso Jehova a di tseyang go le go sinya ka matla, bona ba tseya go le taba ya gore motho a ka tikgetela gore yene mong o nyaka go phela byang. w20.07 22 ¶7-8

Ayitsano wa ma yemelela magageru ya basadi mo ma nyaka wa go ma bolabolela? Tseya taba ye nngwana ke yowa. Batšhomayedi ba bangwana ka ho phutegong ba bona mogageru wa mosadi wa gore monnage a yi Hlatse a dula a segela megahlano yi šele yi thomme ke mokane a yakgoswa a sepela mo yi fela. Ba bona le gore a yi ga tlele a tla le dibananyana tsage. Ke mokane ba thomisa go mo sola ba re nke a tseye bananyana bone ka tšhinghi a tle nabo megahlanong, le mo monnage a sa nyake. Mara a ba tšibi gore mogageru yewa wa mosadi o kene wa leketsa ka mokgo a ka kgonang. Monnage ke yene ye a lawolang dilo tsa go tlala tso mosadi yewa a di makang; fote monnage ke yene a hlayang gore go makege ying ka bana ba bona. Mo o ka thanaka mogageru yewa wa mosadi ka go bolabola ka dilo tsa gabutši tso a di makang, o ko ba o gelepiye gore ba lesetse go mo seba. Bagolo ba di tšiba gabutši tsa gore Jehova o nyaka gore magageru ya basadi ma tshwariwe gabutši. (Jak. 1:27) Bagolo ba yekisela Jeso ka go sa duli ba beya molawo mara ba leketsa go kwisisa taba gabutši fote ba šupetsa go kwelana go baba. (Mat. 15:22-28) Mo bagolo ba gelepa magageru yawa ya basadi, ma kgona go bona gore Jehova le mokgahlo wage ba ba nyaka ka matla. w20.09 24-25 ¶17-19

Moporofeta Daniyele ne a dula a tisamela ka Jehova. Mo re beyisa, nakwela Jehova a berekisa Daniyele gore a hlatolle tso di loriyeng ke Nebukhadhinezara, a sanka a titeya sekguba. Mara o yye a tinyanafatsa ke mokane a maka gore go thanakiwe Jehova. (Dan. 2:26-28) Re tšhuta ying? Mo nkare magageru ma jabodisa ke mo re beya dipolabolo kela mo nkare tso tsa go tšhomayela re fo teya re beyelele, re sa lebale gore le rune di ro nyaka re gadimise Jehova. Di nyaka re tinyanafatse gore re thogo bona gore dilo tsowa re ka sa di kgone re sa gelepe ke Jehova. (Mafil. 4:13) Mo re ka maka ka mokgonone, re ko ba re yekisela mošupetso wa Jeso wa gabutši. Jeso ke mo a dula a tshepela ga Jehova. (Joh. 5:19, 30) A sanka a leketsa go phigisana le Papage wa legedimong ga taba ya go lawola. Mafilipi 2:6 yi re Jeso “aa nyaka gore go lawole yene gore a thogo lekana le Modimo.” Jeso ne a tšiba tso a kgonang go di segelela fote ne a hlompa ka mokgo Papage a lawolang ka gona ka taba la gore ke mo a tinyanafatsiye. w20.08 11 ¶12-13

Ba bangwana ba gore ba taboga ga pata ya lephelo ba lebana le seyemo sa bonabeng sa gore batho ba bangwana ba ka sa kgone go se bona kela go se kwisisa. Mo nkare go na le tsa go go kgerela fote o kwa nkare a wo kwisisi ke motho, mošupetso wa Mefibhošethe o ka go tiyisa. (2 Sam. 4:4) Le mo a kene a le sekoka, Kgoši Dafita le yene a sanka a mo yahlula gabutši. Nnete ke gore, a sanka a kwata o yye a fo ya mahlong a jabolela tsa gabutši tso di makegang mo a kene a phela. Ke mo a jabolela tsa gabutši tso Dafita a yyeng a mo makela tsona ku botala. (2 Sam. 9:6-10) Byalo, ka nakwela Dafita a sa mo yahlule tsona Mefibhošethe o yye a fo kwisisa seyemo. A sanka a kwatisa ke tsa go kekema tso Dafita a di makiyeng. Fote a sanka a sola Jehova ka tso Dafita a di makiyeng. Mefibhošethe o yye a fo lebelela so a ka se makang gore a thege kgoši yone ya gore yi kgetiye ke Jehova. (2 Sam. 16:1-4; 19:24-30) Jehova o makiye gore mošupetso wa gabutši wa Mefibhošethe wo ngwadiwe ka Baebeleng gore wo thogo tšhutisa rune.—Mrm. 15:4. w20.04 26 ¶3; 30 ¶18-19

Ba bangwana ka phutegong ba ka kgetiwa gore ba bereke go le barumiwa, maphayona ya go hlawolega kela maphayona ya nako ka moka. Ma kgetiye mmereko wa go tšhomayela gore go be wa nako ka moka. Le mo yi le gore magageru yawa ya go bereka nako ka moka a ma na dilo tsa go tlala tsa majabajaba mara Jehova o ma neyye dilo tsa go tlala tsa gabutši. (Mar. 10:29, 30) Magageru yawa re ma nyaka ka matla fote re jabola la go sa hlayisege ka gore le wona ma ka ho phutegong! Anthe mmereko wa ka diphutegong o maka ke magageru ya banna ya gore ma kgetiwwe ka moya wa go hlawolega le magageru ya gore ma berekela Jehova ka nako ka moka? Dho! Jehova o tseyela gedimo ye mongwana le ye mongwana wa gore o tšhomayela ditaba tsa go bafala fote le ka ho phutegong ba tseyediwa gedimo. (Mrm. 10:15; 1 Makor. 3:6-8) Re maka sowa ka taba la gore re nyaka go maka batho malata ya Morena wa rune Jeso Kreste. (Mat. 28:19, 20; 1 Thim. 2:4) Batšhomayedi ba gore ba kolobetsiwwe le ba gore a baa kolobetsiwa, ba maka so ba ka se kgonang gore ba thogo yetisa mmereko wowa mahlong.—Mat. 24:14. w20.08 21 ¶7-8

Mantsu ya ma leng ga temanyana ya lekgono ma re botsa gore mo re gahlana le tsa go re ghula, Jeso o nyoko re thega. Gabutšibutši, le rune mantsu ya Jeso maa re tiyisa. Ke ntaba? Ka taba la gore matšatši a ma tshwane. Mo re beyisa, mo lešaga la rune le hlokofala, mengwaga yi fo ya yi takamela re kene re kwa go baba. Ba bangwana ba hlupa ke go tikwela go tsofala. Fote ba bangwana ba tikwa ba kgongwele ka taba la gore ba kgahleletsiye ke tsa lephelo. Le mo go le ka mokgonone, re tiyisa ke taba ya gore Jeso o na le rune “ka moka matšatši,” le mo go ka ba go bifiye go segela kaye. (Mat. 11:28-30) Lentsu la Modimo le re Jehova o re gelepa a berekisa mangeloyi. (Maheb. 1:7, 14) Mo re beyisa, mangeloyi maa re tiyisa ma boya ma re yetetsa mo re tšhomayela “ditaba tsa go bafala tsa Mmušo wa Modimo” ga batho ba “ditšhaba, ditšo le mebolabolo ka mokana ga yona.”—Mat. 24:13, 14; Kut. 14:6. w20.11 13-14 ¶6-7

Re nyaka gore bo re tšhutang nabo Baebele ba di tšibe gore tso ba di tšhutang di tšwa ka Lentsung la Modimo. (1 Mathes. 2:13) Re ka di maka byang tsotsone? Hlohletsela ye o tšhutang naye Baebele gore a botse ba bangwana ka tso a di tšhutang. Mo lesetse a go hlatollele so a se kwisisang ka Baebele, o sa fo dula o mmotsetsela. Mo gelepe gore a di bone ka mokgo Lentsu la Modimo le mmerekelang ka gona. Mmutsise diputsiso tso di ka go gelepang gore o thogo bona gore o nagana ying fote o tikwa byang ka mangwalo ya a ma balang. (Luk. 10:25-28) Mo re beyisa, mmutsise gore: “Lengwalo lowa le go gelepiye ka mokgo mang gore o thogo bona dilo tsa go bafala tso Jehova a tšibegang ka tsona?” “Nnete yowa yi leng ka ho Baebeleng yi ka go berekela byang?” “O tikwa byang ka so o sa tšwang go se tšhuta?” Gore ye o tšhutang naye Baebele o tšiba tsa go tlala go segela kaye di sa go hlupe mara hlupega ka gore o kwana natso go segela kaye le gore ayitsano wa di berekisa. Lesetsa Baebele gore yi tipolabolele. Di nyaka o tinyanafatsa mo nkare o nyaka go ba segele ga taba ya go tšhutisa. w20.10 15 ¶5-6

Re ka di tshepa tsa gore mmereko wa go tšhomayela ka Mmušo wa Modimo wo nyoko fela ka nako. Bona gore go makegiye ying ka dinako tsa Nnowa. Jehova o šupetsiye gore tsa go tshwara nako ke tsage. Jehova o hlayye go sa šele gana hala ga 120 ya mengwaga gore Mogogola wo nyoko thomisa leng. Mo go šele go fitiye mengwaga ya go tlala, Jehova o yye a botsa Nnowa gore a yage areka. Nakwenngwana 40 kela 50 ya mengwaga Mogogola wo soko thomisa, Nnowa o yye mahlong a karakara ka matla mmerekong wage. Le mo batho ba sa nyake go mo theetsela, o yye mahlong a tšhomayela molayetsa wa go ba pasopisa go segela mo Jehova a mmotsa gore a kene arekeng. Ke mokane ka nako ya gona, ‘Jehova o yye a kwala sekwalo.’ (Gen. 6:3; 7:1, 2,16) Go se botala, Jehova o nyoko maka gore mmereko wo wa go tšhomayela ka Mmušo wage wo fele; o nyoko “kwala sekwalo” sa lefase lowa la Sathane ke mokane a re leyela lefase la nyuwane la go loka. Mo re sa yemele tsotsone, barena tla re yekiseleneng Nnowa le ba bangwana ba gore ba f’lo dula ba kenne fase. Tla re sa lesetse selo se re tlonya, re lefise pelo fote re dule re na le tumelo ya go tiya ga Jehova le tso a re tshepisiyeng tsona. w20.09 13 ¶18-19

Mo di ka sa bonale gore hlogo ke mang, mutši wa Jehova wo nyoko hlakahlakana fote mojabolo dho. Mo re beyisa re ka sa tšibi gore ke mang ya tshwaneleng go segelela dipheto fote a boye a bone gore dya makega. Mo nkare bohlogo ke selo sa gabutši so Modimo a se makiyeng byalo ke ntaba basadi ba go tlala lekgono ba kwa ba kgahleletsegiye? Ka taba la gore banna ba go tlala ba takisiye maahlo melawo ya Jehova ya go bolabola ka mitši ke mokane ba hlawola go latelela ditšo. Ba tshwara basadi ba bona go baba go fo re ba tikwe ba yitse tswee. Mo re beyisa, monna a ka tshwara mosadi wage go baba a llela go hlompiwa kela go šupetsa ba bangwana gore yene ke yene “mong monna.” A ka tipotsa gore a ka sa kgone go maka mosadi wage gore a mo nyake ka matla mara a ka kgona go maka gore a mo tšhabe. Ke mokane a ka berekisa go tšhoga gone gore a thogo mo lawola. Banna ba go maka dilo ka mokgonone a ba hlompe basadi ka mokgo ba tshwaneleng ba ba hlompe ka gona fote sosone ke so Jehova a sa se nyakeng.—Maef. 5:25, 28. w21.02 3 ¶6-7

Makreste ya gore di ma kgahleletsiye ka matla ma ka kraya go yimuluga mo ma ka rapela Jehova ma šwennye. Ga phetolo ya merapelo yago, o nyoko kraya “go beba ga Modimo ga gore go feta mehlobo ka mokana ga yona ya go kwisisa.” (Mafil. 4:6, 7) Jehova o maka gore go šekela ga rune go kgibe a berekisa moya wage wa go hlawolega. (Magal. 5:22) Mo o rapela Jehova, mmulele pelo yago. O sa jikajiki. Mo hlatollele bothatha byago o boye o mmotse ka mokgo o tikwang. Mo nkare bothatha byone bya lukisega, mo kgopele a go gelepe gore o ka thogo bo lukisa byang ke mokane a boye a go neye matšhika ya go maka ka mokgonone. Mo nkare a go na so o ka se makang ka bothatha byone, kgopela Jehova a go gelepe gore o sa nape o šekela ka matla. Mo o rapela o sa jikajiki, o nyoko thogo bona ka mokgo Jehova a fetolang merapelo ya yago. Mo nkare a go makege selo ka tso ne o di rapelela, o sa lahle tewu. Jehova o nyaka o dula o rapela fote o sa jikajiki.—Luk. 11:8-10. w21.01 3 ¶6-7

Lekgono ka ho phutegong go na le batho ba gore ba šadhiye fote ba na le mitši. Fote go na le magageru ya mangwana ya gore a ma soko šadha. Bo ba gore a ba soko šadha di nyaka re ba tseye byang? Bona ka mokgo Jeso ne tseya bo ba gore a baa šadha. Nakwela Jeso a sa le ho lefaseng, a sanka a šadha. O yye a dula a sa šadha gore a thogo yetisa mahlong mmereko wo Modimo a mo neyyeng wona. Jeso a sanka a tšhutisa gore Makreste di nyaka ma šadhe kela ma sa šadhe. Mara o hlayye gore Makreste ya mangwana ma nyoko kgeta go sa šadhe. (Lebelela tso di fatisisiwweng ga Matewu 19:12.) Jeso ke mo a hlompa bo ba gore a ba soko šadha. Ke mo a sa tseyi gore bo ba gore a ba soko šadha a yi ba selo kela ba šota se sengwana. Pawulo wa lepostola ke mo a sa šadha mo a kene a maka mmereko wo Modimo a mo neyyeng wona, go fo tshwana le Jeso. Pawulo a sanka a tšhutisa gore mo Mokreste a ka šadha o ko ba a sinya. O di bonne gabutši gore tsowa di nyaka motho a tikgetela. w20.08 28 ¶7-8

Johane wa lepostola o di bonne tsa lephelo. O hlakanne le tsa go mo ghula tsa mohlobohlobo tsa gore di ka tekatekisa tumelo yage. Mara o yye a leketsa ka matla gore a dule a latelela tso Jeso a di hlayyeng tsa gore a nyake magagabo ka matla. Tsotsone di makiye gore Johane a sa kamake gore Jehova le Jeso ba mo nyaka ka matla, fote ke mo a di tšiba gore le mo go ka nyarela ntshitshire ba nyoko mo neya matšhika ya gore a thogo yi hlula. (Joh. 14:15-17; 15:10) A gona tso di makiyeng ke Sathane kela lefase lo lage tso ne di ka thibelela Johane gore a šupetse ka tso a di hlayang le tso a di makang gore magagabo o ma nyaka ka matla. Le rune go fo tshwana le Johane re phela ga lefase la gore le lawola ke Sathane modimo wa lefase lowa wa gore o silikisa ka matla. (1 Joh. 3:1, 10) O nyaka gore re sa kwane le magageru, mara tsotsone a ka sa ro di bona mo rune re sa nyake. Tla re tikemiseleneng go nyaka magageru ka matla, re šupetse ka tso re di hlayang le ka tso re di makang. Ke mokane re nyoko dula re yitseri tswe ka mutšing wa Jehova fote re ka sa kwe nkare lephelo le ya toka.—1 Joh. 4:7. w21.01 13 ¶18-19

Go phela ga lefase lowa la go lawola ke Sathane di thathafa ka matla, ka dinako tse dingwana o ka kwa di go yilametsa. (2 Thim. 3:1) Mara re sa tšhabe kela go hlagasela. Jehova wa di tšiba gore re ghulana le dilo tsa mošaga mang. O re tshepisa gore mo re wa, o nyoko re tshwara ka letsogo lage lago ja la go ba le matšhika. (Jes. 41:10, 13) Mo re tshepa gore o nyoko ba le rune, Mangwalo ma nyoko re tiyisa gore re thogo hlula dilo ka moka tso di ka re phikang. Dividiyo le diderama tsa rune tsa go theetsela le dihlogotaba tsa go lategetsana tsa gore “Yekisela Tumelo ya Bona,” di ka go gelepa gore tso o di balang ka ho Baebeleng di ro go yelela. Mo o soko lebelela dividiyo tsowa le go di theetsela, kela go bala ditaba tso, kgopela Jehova a go gelepe gore o kraye tso wene o ka di berekisang. Titseye go le wene motho yene o balang ka yene. Ghayela ka gore malata yawa ya gore Jehova o ma nyaka ka matla, ma makiye ying gore ma thogo hlula tso ke mo di ma ghula. Ke mokane le wene o make tsotsone. Leboga Jehova ka tso a šeleng a go gelepa ka tsona. O šupetse gore o leboga tso a go gelepang ka tsona ka gore le wene o nyake ditsela tsa go tiyisa ba bangwana le go ba thegeletsa. w21.03 19 ¶22-23

Mo nkare wene le monna kela mosadi wago le nabela go ba le bana, di nyaka le tiputsise gore: ‘Ayitsano ke rune batho ba gore ba tinyanafatsiye ba gore fote ba tlalele ka mo ga tsa Modimo la gore Jehova a ka šinya a re kgeta gore re mo pasopele leseya?’ (Pis. 127:4) Mo nkare o šele o na le bana, tiputsise gore: ‘Ayitsano ke tšhutisa bana baka gore ba sa tshwate go bereka?’ (Mmo. 3:12, 13) ‘Nje ke ya tihlupa ka go tšhireletsa bana baka ga dilo tsa gore di ka ba kwaletsa tso di makegang?’ (Diy. 22:3) O ka sa ro di kgona go ba tšhireletsa ga dilo tsa go ba ghula. Mara o ka ba gelepa o kene o ba lefisele pelo ka go ba tšhutisa gore mo ba gahlana le tsa go ba ghula, ba ka maka byang gore Lentsu la Modimo le ba yetetse. (Diy. 2:1-6) Mo re beyisa, mo nkare lešaga lago le kgeta go lesetsa go rapela Jehova, gelepa bana bago gore ba tšhute ga Lentsu la Modimo gore ke ntaba di le gabutši ka matla gore ba dule ba tshepega ga Jehova. (Pis. 31:23) Kela mo nkare go hlokofele lešaga, šupetsa bana bago ka mokgo ba ka berekisang Lentsu la Modimo gore le ba tiyise fote le ba gelepe gore ba bebe.—2 Makor. 1:3, 4; 2 Thim. 3:16. w20.10 27 ¶7