January

Jeso ke mo a sa tšhabe selo mo a wolola baruti ba go timakisa bo ne ba phela ka dinako tsage. Mo re beyisa, o thuletsele Mafaraseyi gore maa timakisa ka taba la gore ne ma hlupega ka matla ka gore ma hlapa matsogo ya wona byang mara ma se na taba le go pasopa babelegi ba bona. (Mat. 15:​1-​11) Jeso ke mo a sa phiphetsi nnete le mo a na a di tšiba tsa gore baruti ba ka fo tuba. Jeso o šupetsiye gore dilo tse dingwana tso di tšhutisang ke madumedi ke matsaka. Aa hlaya gore Modimo o yamogela madumedi ka mokana ga wona. Mara o bolabodiye gore ba go tlala ba nyoko ba ga tsela ya gore yi yahlamme ya gore yi yisana ga go tšhatšhamela, mara ga setselanyana sa gore ba ro pitegetsana sa go yisana lephelong go nyoko ba go se na ba go tlala. (Mat. 7:​13, 14) O di beyye lekgwaying gore ba bangwana ba nyoko ba ba timakisa mo ba re ba rapela Modimo. O yitseri: “Le pasopeneng baporofeta ba matsaka ba gore ba tla ga lune ba yapere mokgopa wa nku, mara ka ho teng ba fo tshwana le dimpsya tsa hlaga tsa gore di kwa tlala. Le nyoko ba bona ka tso ba di makang.”—Mat. 7:15-20. w21.05 9 ¶7-8

Hanna ke mo go le mosadi wa Lelifi lo ba reng ke Elekana, fote monna yewa ke mo a mo nyaka ka matla ga mosadi wage. Mara Elekana ke mo a na le mosadi ye mongwana, ye ba reng ke Penina. Elekana ke mo a mo nyaka ka matla ga Hanna go phala ka mokgo ne a nyaka Penina, mara “Penina ke mo a na le bana, mara Hanna ke mo a se nabo.” Ka taba la tsotsone, Penina o yye a hlorisa Hanna “ka matla gore a mo kwise go baba.” Hanna di mo hlupiye ka matla! “Ke mo a fo dulela go lla, le go ja a sa ji.” Mara a go na mo Bhayibele yi hlayang gore Hanna o yye a busetsa. O yye a botsa Jehova tso di mo hlupang fote ke mo a tshepa gore Jehova o nyoko lukisa ditaba ka nako yage. (1 Sam. 1:2, 6, 7, 10) Re ka tšhuta ying ga Hanna? Mo nkare go na le motho wa gore o liketsa go phadisana nago, o sa lebale gore wene o ka kgona go sa tshwane naye. A di nyake o tikraya le wene o šele o tšhutiye gage, o thomisa go phigisana naye. Wene maka gore o dule o bebiye, o sa busetsi tsa go befa ka tsa go befa. (Marom. 12:17-21) Le mo a ka sa tšhentšhi, wene o nyoko dula o kgibiye fote o nyoko jabola. w21.07 17 ¶13-14

Dipawu di makiye gore Judase Iskariyote a make tsa go tšebisa ka matla, tsa go sepelana ka fase. Mara yene o thomisiye go le motho wa gabutši. (Luk. 6:13, 16) Di šupa nkare Judase ke mo go le motho wa go tshepega, ka taba la gore ke yene ye ne a tshwara lebhokisi la tšheleta. Mara go yye gwa segela nako ya gore Judase a thomise go ba le lenala, le mo a kwile Jeso a bolabola gatleletlele ka taba ya go ba le dipawu. (Mar. 7:22, 23; Luk. 11:39) Tso di makegiyeng mo Jeso a le thina le go kgwa, di napiye di yedisa taba ya gore Judase o na le dipawu. Jeso le malata yage, le Mariya le sesi wage Mata, ke mo ba vakašele Simoni wa go ba le bolwele bya go jega dinama byo ba reng ke lephera. Mo ba kene ba ja, Mariya o yye a tlogamela a tshwere makgura ya go nkgela ya gore ma turiye ke mokane a ma tšhela ho hlogong ya Jeso. Judase le malata ya mangwana ba yye ba kwata ka matla. Di ka makega gore ke mo ba kwa nkare tšheleta yone yi ka ba gelepa ga mmereko wa bona wa go tšhomayela. Mara Judase yene ke mo a kwatele tsage. Ke mo “go le tsotsi,” fote ke mo a nyaka go yetswa tšheleta ya hone lebhokising.—Joh. 12:2-6; Mat. 26:6-16; Luk. 22:3-6. w21.06 18 ¶12-13

Ayitsano o fela o kwa nkare o tlalele ke mmereko, o kraya mo o thiba ka howa go thulega ka hala? Mo nkare go ka mokgonone, di ra gore o tshwana le Pawulo. Ke mo a sa šekele ka magageru ya phutego ka yyoši, mara ke mo a šekela ka ba “diphutego ka mokana ga tsona.” (2 Makor. 11:23-28) Malwele yago ya gore a ma fole, ayitsano maa go kgongwetsa? Pawulo ke mo a dula a hlupa ke “mutlwa nameng,” di ka makega gore ke mo a sa titsosi gabutši fote ke mo a nabela ka matla gore bolwele byone bo fole. (2 Makor. 12:7-10) Ayitsano o kgongwetsa ke tso di šitang wene mong? Le ga Pawulo ke mo di mo tlela. Ke mo a re ‘nkare o ro ba le senyama’ ka taba la tso ne a gayela ga tsona. (Marom. 7:21-24) Le mo Pawulo a kene a na le tsa go mo kena matolong le tsa go mo kgongwetsa, aa lesetsa go berekela Jehova. Ke mo a ma kraya kaye matšhika yane? Ke mo a di tšiba gabutši gore go na le tso a sa yenelang ga tsona, mara tumelo yage ga sehlabelo sa Jeso ke mo yi sa tekateki. w21.04 22 ¶7-8

Adamo ke mo a yenele gabutši ho mmeleng, mara nakwela a sinya, tsa lephelo la go ya go yye di napiye di šaša, gage le ga bananyana bo ke mo a nyoko ba belega. Adamo ke mo a se na sa go phema ka sona. Phela o sinnye ka bomu. Bana bage gee? A yi bona ba sinnyeng, go sinnye Adamo. (Marom. 5:12, 14) Ayitsano se gona so ne se ka makiwa gore ba sa kraye seghwebo sa likgu, sa gore ke mo se tshwanele kokwane yewa wa bona? Eya, se gona! Go se botala Adamo a sinnye, Jehova o thuletsiye ka gonyana ka gonyana gore o nyoko makamaka byang gore a thogo phonisa dimiliyoni tsa ditlogolwane tsa Adamo ga senyama sa go sinya le sa likgu. (Gen. 3:15) Ka taba la sehlabelo sa Jeso, le mo re sa yenela di ka makega gore re be le senghana le Jehova. Sehlabelo sa Jeso se nyoko maka gore go sa šale le selo ka ssoši sa Diyabolo. (1 Joh. 3:8) Sehlabelo sa Jeso se nyoko maka gore tso Jehova ne a nyaka gore di makege ho lefaseng go tlugisela mathomisong, di fo ba ka mokgonone. Lefase ka mokana ga lona go nyoko ba pharadeyisi. w21.04 14 ¶1; 19 ¶17

Mogoba wo mogolo wa banna le basadi ba go tšwa dinageng tsa go tlala ba gore fote ba bolabola mebolabolo ya mehlobohlobo. Go makegiye selo se sengwana sa go makatsa ka letšatši lone. Di f’lo makega gore Majuda ya mangwana ma kgone go bolabola mebolabolo ya batho bo ne ba vakašiye! Tsotsone di makatsiye mogoba, mara tso Majuda yane ma ba butsiyeng tsona le tso Petro wa lepostola a ba butsiyeng tsona ke mo di makatsa ka matla. Gana hone ke mo go kena le taba ya gore ba ko phona mo ba ka dumela ga Jeso Kreste. Molayetsa wone wo tikisiye dipelo tsa batho bone ka matla. Ka mokgo di ba tikisiyeng ka matla ka gona, ba yye ba šinya ba butsisa gore: “Re make ying?” Petro mo a ba fetola a re: “Ye mongwana le ye mongwana wa lune a kolobetsiwe.” (Meber. 2:37, 38) Tso di makegiyeng ka nthago ga mone ke mo di sa hlayisege. Ka letšatši lone go yye gwa kolobetsiwa gana hala ga 3 000 ya batho ke mokane ba ba malata ya Kreste. Ke mo go thomisa mmereko wo mogolo wa go maka batho gore go be malata wo Jeso a wo neyyeng bo ba mo latelelang. Bo ba mo latelelang ba sa na ba maka mmereko wone le lekgono. w21.06 2 ¶1-2

Ga tšhomo yo re leng ga yona, o ka kraya batho ba sa kwane natso tsa go tšhuta Bhayibele. Batho ba bangwana a ba nyake go kwa selo le ka gonyana ka molayetsa wa rune kela baa re phigisa. Re ka gelepa king gore re sa lahle tewu? Lefase lowa le fageganne, byalo o sa lebale gore seyemo sa batho se dula se tšhentšha, tsotsone di maka gore bo ne ba sa nyake go theetsela ba kwe ba nabela go šutela thina ga Modimo. (Mat. 5:3) Go na le ba bangwana ba gore ke mo ba sa nyake dipuku tsa rune, mara ka nthago ba kgopela gore re tle re ba tšhutise Bhayibele. Fote re ya tšiba gore Mong wa mmereko wowa wa go buna ke Jehova. (Mat. 9:38) O nyaka re ye mahlong re gaša re boya re tšheletsa, mara ke Yene ye a makang gore di gule. Di ya re tiyisa mo re tšiba gore le mo gana byalo re sa kgone go tšhutisa batho Bhayibele, Jehova wa re rufa ka gore wa re bona gore re ya karakara, aa yi ka gore re segelele ying! w21.07 6 ¶14

Jehova o makiye gore batho ba thogo ba le bana, a boya a ba neya mmereko wa gore ba ba tšhutise go šupetsa Modimo gore ba mo nyaka ka matla ba boye ba mmerekele. Jehova o rufiye mangeloyi ka dilo tsa go tlala, mara wona a ma kgone go ba le bana. Mo nkare wene o na le bana, yi tseyele gedimo ka matla taba yone. Jehova o neyye babelegi mmereko wo mogolo wa go gudisa bananyana ba bona ka go ‘ba wolola fote ba ba tšhutise tso Jehova a di nyakang.’ (Maef. 6:4; Dot. 6:5-7) Mokgahlo wa Modimo wo gelepa babelegi ka dilo tsa go tlala tsa gore ditaba tsa tsona di tšwa ka Bhayibeleng, tsa go tshwana le dipuku, dividiyo, dikoša le tse dingwana tsa gore di ga inthanete. Di fo ba lekgwaying gore Papa wa rune wa legedimong le Morwayi wage ba tseyela bananyana gedimo ka matla. (Luk. 18:15-17) Jehova o jabola ka matla mo babelegi ba tisamela ka yene ba boya ba karakara gore ba pasope bananyana ba bona ba gore ba thina le dipelo tsa bona ka matla. Babelegi bowa ba gelepa bananyana ba bona gore le bona ba karakare gore ba be ka mutšing wa Jehova go ya go yye! w21.08 5 ¶9

Batho ba bangwana ba tseya gore go ba le tumelo di rela go fo tshepa selo se sengwana le se sengwana, le mo o sa tšibi gore ke nnete kela he-e. Bhayi­bele yi re a yi yona tumelo ya mannete yone. A re soko mmona ga Jehova le Jeso fote a re soko bona gore Mmušo wa ku legedimong wo yemegiye byang, mara re tshepa re sa thogathoge gore dilo tsowa di gona ka taba la gore go na le sa go šupetsa gore ka nnete di gona. (Maheb. 11:3) Motho ye mongwana wa gore o tšhutele tso di gelepang gore mmele o bereke gabutši tso ba reng ke dikhemikhale gore di sepela byang, wa gore gana byalo ke Hlatse o re: “Tumelo ya rune a yi rele gore tso di hlayang ke sayense tsa gore ke nnete re fo di teyisa ka moya.” Re ka tiputsisa gore, ‘Mo nkare se gona selo sa go napa se maka gore re tshepe gore go na le Ye a makiyeng dilo, ke ntaba batho ba sa tshepe gore dilo tsa go phela di makiye ke Modimo?’ Ba bangwana a baa tihlupa le ka gonyana ba re ba nyaka tso di ka makang gore ba tshepe. Robert, wa gore gana byalo ke Hlatse ya Jehova, o re: “Ku sekolong ke mo ba sa hlaye gore dilo di ro makiwa, nna ke mo ke f’lo tseya gore di ra gore ke matsaka. Ke thomisiye go kwa ditaba tsowa tsa go kwagala tsa gore fote di ya tshepega tsa go tšwa ka Bhayibeleng tsa go šupetsa gore go na le ye a makiyeng dilo ke na le gana hala ga 20 ya mengwaga.” w21.08 15 ¶4-5

Mo re bala Bhayibele re boya re theetsela ba bangwana mo ba bolabola ka tso ba ba neyyeng tsona, re tšhuta se sengwana ka Jehova fote re ya di bona gore o lukiye. Mara mo re ka fo “liketsa” ka borune beng, re napa re di bona gore nnete Jehova o lukiye. Mo re beyisa tla re fo re ke wene yewa o nyaka go berekela Jehova nako ka moka, mara gore o thogo maka tsotsone, di nyaka gore a sa liketse go hlekeletsa dilo tsa go tlala. Re ya di tšiba gore Jeso o tshepisiye gore mo re ka thomisa ka go nyaka tsa Mmušo wa Modimo, Jehova o nyoko re neya tso tse dingwana, mara wene a o soko bona dilo tsone di makega gago. (Mat. 6:33) Mara ka taba la gore tso Jeso a di tshepisiyeng wa di dumela, o liketsa go sa rekareke dilo tsa go tlala, o poma nako yo o yi fetsang o le mmerekong fote o dula o naganne ka mmereko wa go tšhomayela ditaba tsa go bafala. Mo o kene o maka ka mokgonone, o napa o di bona gore ka nnete Jehova wa go pasopa. O “liketsa” Jehova ka bowene beng gore o thogo mmona gore o lukiye. w21.08 26 ¶2

Ayitsano le lekgono di sa na di makega? Eya. Baruti ba go tlala ba jabola ka matla mo dikereke tsa bona di tlala ka batho ba gore baa tšibega, dinghamula le ba gore lefase le ba tseya ba hlalefiye. Ba maka tsotsone le mo nkare maphelelo ya batho bo ba tlang dikerekeng tsa bona a ma sipidisane le melawo ya Modimo. Baruti bone ba ma tseyela fase malata ya Jehova ya gore ma na le matšato, ya gore fote ma titshwere gabutši ka taba la gore batho ba go tlala ba ma tseya go le batho ba go sa re selo. Go fo tshwana le mo Pawulo a hlayye gore, Modimo o kgetiye bo ba gore ba ba “tseyela fase.” (1 Makor. 1:26-29) Mara Jehova o ma tseyela hlogong malata yage ka mokana ga wona ya gore maa tshepega. King so se ka makang gore re sa fokole ke lefase? (Mat. 11:25, 26) O sa fokole nka mokgo batho ba lefase lowa ba tseyang batho ba Modimo. O sa lebale gore Jehova o berekisa batho ba gore ba tinyanafatsiye gore a make tso a di nyakang. (Pis. 138:6) Fote o nagane le ka tso Modimo a di segeleleng a berekisa bo ba gore lefase le ba tseya ba sa hlalefa. w21.05 8 ¶1; 9 ¶5-6

Pawulo wa lepostola ke mo a leboga gore magagabo ke mo ma mo gelepa. Mo magagabo ma nyaka go mo thuša, tsotsone ke mo di sa mo tšebisi. (Mafil. 2:19-22) Go na le dilo tsa go tlala tso lune ba gore le šele le gudiye le ka di makang tsa go šupetsa gore le ba tseyela gedimo bo ba gore ba sa tiyelele ga phutego yo le leng ga yona. Mo ba nyaka go le gelepa ka sa go kalama, go le yela ditolo kela go le makela tse dingwana tsa gore le gayela ga tsona, le sa gane barena. Tseyaneng gore tsotsone ba le makelang tsona di šupetsa gore Jehova o le nyaka ka matla. Le ka kraya le šele le nghanelana nabo. Le liketse go ba gelepa gore ba tiyise senghana sa bona le Modimo, le boye le ba botse gore di ya le jabodisa mo le bona ba liketsa go segelela tse dingwana gore ba thogo berekisiwa ka phutegong. Le tipeyele nako ya go ba hlayisela ka tso le fitiyeng ga tsona tsa lephelo. Mo le maka ka mokgonone le ko ba le šupetsa gore ‘le leboga’ Jehova gore o gogiye ba gore ba sa tiyelele gore ba tle ka ho phutegong.—Makol. 3:15; Joh. 6:44; 1 Mathes. 5:18. w21.09 11-12 ¶12-13

Jehova o kwana le magageru ka matla. Mara o ka kraya di se lula go šupetsa bo re nang nabo ka mutšing wa Jehova gore re ba nyaka ka matla. Phela ka mokana ga rune re tšwa mo re tšwang. Fote ka mokana ga rune re fela re kekemisa go gongwana la go šinya re tshwatisa ba bangwana. Mara re ka tšhela letsogo ga taba ya go šupetsa bo re nang nabo ka mutšing wa Jehova gore re ba nyaka ka matla. Byang mara? Ka go kopisela ka mokgo Papa wa rune a šupetsang magageru gore o ma nyaka ka matla. (Maef. 5:1, 2; 1 Joh. 4:19) Motho wa gore o kwelana go baba; o karakara ka matla gore a ba gelepe a boye a ba kgomoletse. Ka mokgo Jeso ne a tshwara batho ka gona, o napiye a maka gore di be lekgwaying gore Jehova o tikwa byang ka batho. (Joh. 5:19) Nakwela Jeso a bona megoba ya batho, o yye “a yi kwela go baba, ka taba la gore ke mo yi šigamme fote yi lahlegiye go tshwana le dinku tsa gore a di na wa go di disa.” (Mat. 9:36) Mo Jeso a re o ba kwela go baba ne a sa fo bolabola ka molomo, ke mo a maka se sengwana. O yye a yalafa ba go tilwalela a boya a yimulla ba go ‘goga go baba le ba go kwa go roba.’—Mat. 11:28-30; 14:14. w21.09 22 ¶10-11

Jehova o kwana natso tsa go kwelana go baba. Pawulo wa lepostola ba yye ba mo hlohletsela gore a ngwale gore Modimo “o kwelana go baba ka matla.” Ga taba yowa, Pawulo ke mo a bolabola ka mokgo Modimo a yyeng a šupetsa gore o kwelana go baba mo a neya malata yage ya go sa yenela ya gore fote ma tlotsiwwe tshepo ya go phela legedimong. (Maef. 2:4-7) Mara taba ya gore Jehova o kwelana go baba a yi felele hone. Mopisalema Dafita o ngwadiye gore: “Jehova o tshwara batho ka mokana ga bona ka go loka, fote go šupetsa gore o kwelana go baba di bonala gabutši ga dilo ka mokana ga tsona tso a di makang.” (Pis. 145:9) Ka taba la gore Jehova o nyaka batho ka matla, o yye a šupetsa gore o kwelana go baba mo di mo tšhofa gore a make ka mokgonone. Jeso o di tšiba go phala batho ka moka gore Jehova o kwana le go kwelana go baba. Papa le Morwayi wage ba fetsiye mengwagangwaga ba le ggoši ku legedimong. (Diy. 8:30, 31) Ga go tlala, Jeso o di bonne ka mokgo Papage a yyeng a šupetsa batho ba go sinya gore o ba kwela go baba. (Pis. 78:37-42) Ga go tlala, tso Jeso ne a di tšhutisa ne di šihlela mokgwa wowa wa gabutši wa Papage. w21.10 8-9 ¶4-5

Jehova a fetola ka lentsu la nkare ke leduma la go tšwa legedimong, a tshepisa gore o nyoko legadimisa lebitso lage. Mo Jeso a kene a maka mmereko wage wa go tšhomayela, o yye a gadimisa lebitso la Papage. (Joh. 17:26) Byalo, a di makatse mo Makreste ya mannete ma sa tšebisi ke go berekisa lebitso la Modimo fote ma gelepa ba bangwana gore ba le tšibe. Ka dinako tsa ku botala, ka nthagonyana ga mo go šele go na le phutego ya Sekreste, Jehova o yye “a hlawola batho bo ba yemelang lebitso lage ku ditšhabeng.” (Meber. 15:14) Makreste yane ya ku botala ke mo ma sa tšebisi ke go berekisa lebitso la Modimo fote ma maka gore ba bangwana ba le tšibe. Lebitso lowa la go hlawolega ma le berekisiye ka matla mo ma tšhomayela le mo ma ngwala dipuku tsa Bhayibele. Ma tišupetsiye gore lebitso lowa la Modimo a ba ro ma mamaretsa, le ro ma tshwanela. (Meber. 2:14, 21) Le lekgono lowa, Dihlatse tsa Jehova ke batho bo ba ba bitsang ka lebitso la Jehova. w21.10 20-21 ¶8-10

Modimo o nyakanana go ya go yye. Ga Pisalema 136, taba yowa ya go nyakanana tsa mannete yi nyarela ga 26. Temanyana ya mathomo yi re: “Thanakaneng Jehova, ka taba la gore o lukiye; o nyakanana go ya go yye.” (Pis. 136:1) Ga temanyana ya 2 go segela ga 26, mantsu ya gore “o nyakanana go ya go yye” ma nyarela gatleletlele. Mo re kene re ya mahlong re bala ditemanyana tsowa tsa pisalema, taba ya gore Jehova o re nyaka tsa mannete a sa tinwi yi re tikisa dipelo ka matla. Mantsu yawa ya gore “o nyakanana go ya go yye” ma šupetsa gore Modimo mo a re o nyaka batho, aa tšhentšhatšhentšhi. A yi go jabodisa ga tsona go tšiba gore Jehova aa yakgoswi a ngalela malata yage! Mara o dula mamarelanne le malata yage, ka matlamatla mo go bifiye. Go tšiba gore Jehova o dula a na le rune gwa re jabodisa fote go re neya matšhika ya gore re thogo tiyisela mo re gahlana le tsa go re ghula ke mokane tsotsone dya maka gore re sa keketlele kgole le pata ya lephelo.—Pis. 31:7. w21.11 4 ¶9-10

Ayitsano o fela o šekedisa ke dilo tso di re yemeleng ku mahlong—go psyitlanyiwa ga dikereke tsa matsaka, go kutulugela ke Ghogho wa Maghogho le ntwa ya Aremaghedoni? Ayitsano o fela o tiputsisa gore, ‘Nje nko dula ke tshepega mo dilo tsowa tsa go tshosa di kene di kgahlampana?’ Mo nkare o yye wa nagana ka tsona, mantsu ya Jeso ya ma leng ga temanyana ya lekgono, ma ka gelepa ka matla. Jeso o butsiye malata yage gore: “Le sa šekele. Le dumele.” Mo tumelo ya rune yi tiyye, re nyoko tiyisela tsa ku mahlong re sa hlagasedisi ke selo. Re ka tiyisa tumelo ya rune gore re thogo tiyisela tsa ku mahlong ka go pombhola gore re tshwaragana byang le dintshitshire tso di liketsang tumelo ya rune gana byalo. Re nyoko di tšiba gore ke kaye mo di nyakang re tiyise tumelo ya rune. Mo re hlula tso di re liketsang, tumelo ya rune yi napa tiya tsa nkare ke moka. Tsotsone di nyoko re gelepa gore re teye re feta ga tso di re yemeleng ku mahlong. w21.11 20 ¶1-2

Pawulo wa lepostola o yye a hlohletsela Thimothi le Makreste ka moka gore ba yenetse mmereko wa go tšhomayela. (2 Thim. 4:5) Ke nnete gore dintshitshire le tsona a di šoti. Mo re beyisa, go na le magageru ya go dula ga dinaga tsa gore ba rakela mmereko wa rune. Batho ba Jehova ba na le mathatha ya go tlala ya gore ma ka ba kgongwetsa. Mo re beyisa, magageru ya go tlala ma bereka diawara tsa go tlala gore ma thogo krayela mitši ya wona sela le sela. Baa di nyaka go bereka nako ya go tlala tšhomong, mara mo beke yi fela ba ba ba tinnwe. Ba bangwana ba na le malwele ya gore a ma fole, ba šele ba tsofele kela a ba kgone le mong go tšwa ka jareteng, tsotsone di ba kgerela tso ba kgonang go di segelela. Ba bangwana ba fo dula ba hlupa ke go titseya nkare bona a yi selo. Jehova aa yi ka gore re roba ke mathatha ya go segela kaye, a ka re neya matšhika ya go ma hlula le go ya mahlong re mmerekela go ­segela mo re kgonang. w21.05 20 ¶1-3

Ka dinako tse dingwana batho ba bangwana ba ka re gapeletsa gore re make dilo tsa gore a di sipidisane le tso re di dumelang. Mo ba maka tsotsone, di nyaka re segelela sepheto re sa jikajiki. Lebelela tšhiko yo yi leng ga Lefitiko 19:19, ya gore: “Le sa yapare kobo ya gore ba yi rukiye ka mehlobo ka mmedi ya digare.” Molawo wone wo gelepiye gore di be lula go hlawola Maisrayele ga ditšhaba tse dingwana. Lekgono a go sinyege felo mo motho a tiyaparela kobo yage ya gore ba yi rukiye ka malapi ya mehlobohlobo, ya go tshwana le ya jujeta, krempelina le mo go ka ba mokgopa. Mara a re nghanelane le batho ba gore tso ba di dumelang le tso ba di makang di ganana le tso Bhayibele yi di tšhutisang. Phela mašaga ya rune a re ya ma hloya, le bayagelane ba rune re kwana nabo. Mara dipheto tso re di makang di šupetsa gore re theetsela Jehova le mo tsotsone di ka maka gore re fapane kgole le batho ba bangwana. Taba yone yi gabutši ka matla mo re karakara gore re hlawolege.—2 Makor. 6:14-16; 1 Pet. 4:3, 4. w21.12 5 ¶14; 6 ¶16

Pata ya gore yi bakiye lephelong ya krayega. Jeso o yitseri: “Mo le ka theetsela lentsu laka, ka nnete le malata yaka, le nyoko tšiba nnete fote nnete yone yi nyoko le lokolla.” (Joh. 8:31, 32) Re ya go thanaka ka taba la gore a sanka wa latelela mogoba; mara o yye wa hlokotša nnete. O yye wa kenelela ga taba ya go tšhuta Lentsu la Modimo gore o thogo tšiba tso a nyakang re di maka fote wa theetsela tso Jeso a di tšhutisang. Fote o tšhutiye gore Jehova o nyaka gore o kganele kgole le tso di tšhutisang ke dikereke fote wa lisetsa go jabolela diholideyi tsa gore di yelana le dikereke tsa matsaka. O tšhutiye le gore go maka tso Jehova a di nyakang le go lahla dilo tsa gore aa di yamogele go ka ba ntshitshire. (Mat. 10:34-36) Di ka makega gore ke mo di thathafa go lomoga ga tse dingwana. Le mo go le ka mokgonone, o yye wa tiyisela ka taba la gore Papago wa legedimong o mo nyaka ka matla. Phela le yene o titeya sekguba ka wene!—Diy. 27:11. w21.12 22 ¶3; 23 ¶5

Moše ke ye mongwana wa gore o re beyisele gabutši ga taba ya go yamogela mo ba re wolola ka nthago ga mo re sinnye ka matla. Neng-neng o yye a kwata ka matla ke mokane a šitega go gadimisa Jehova. Ka taba la tsotsone Moše o yye a phuka ke go kena ga Naga yo yi Tshepisiwweng. (Dip. 20:1-13) Mo Moše a liketsa go thuletsa gore sepheto sone a se ya mo dula gabutši, Jehova o yye a mmotsa gore: “O sa sa bolabola le nna ka taba yone.” (Dot. 3:23-27) Moše a sanka a tuba. Mara, o yye a yamogela sepheto so Jehova a se segeleleng ke mokane Jehova a ya mahlong a mmerekisa gore a yetetse setšhaba sa Israyele. (Dot. 4:1) Moše o re beyisele ga taba ya tso re ka di makang mo ba re wolola. Moše o yye a šupetsa gore wa di yamogela tso Jehova a mo wololang ka tsona ka taba la gore o f’lo ya mahlong a tshepega le mo yi le gore o yye a phuka ke dilo tso ne a di tseyela gedimo. Di nyoko re berekela ka matla mo re kopisela mošupetso wa banna ba go tshepega ba go tshwana le Moše. (Diy. 4:11-13) Phela magageru ya go tlala ma f’lo maka ka mokgonone. w22.02 11 ¶9-10

Ka 32 C.E., monghana wa Jeso ye ba reng ke Lazaro o yye a lwala a boya a kgwa. (Joh. 11:3, 14) Lazaro ke mo a na le bosesi ka babedi Mariya le Mata fote Jeso ne a kwana le ba mutši wone ka matla. Mo Mata a di kwelela gore Jeso wa tla, o yye a tšwa ka go yakgoswa ke mokane a mo gahlanetsa. O fo nagana gore ke mo a kgongwele go segela kaye mo a šinya a re: “Morena, hala o le howa, bhuti waka nke a sa kgwa.” (Joh. 11:21, 32, 33) Jeso di yye dya mo tšhofa gore a lle mo a bona ka mokgo Mariya le Mata ba kwileng go baba ka taba la likgu la bhuti wa bona. Mo nkare le wene o hlokofalele ke lešaga, di tšibe gore Jehova o kwisisa ka mokgo o tikwang. Jeso o “yemela so Modimo a leng sona.” (Maheb. 1:3) Nakwela Jeso a lla ke mo a šupetsa ka mokgo Papage a tikwang. (Joh. 14:9) Mo nkare o hlokofalele ke lešaga, o sa kamake gore Jehova wa di bona fote o go kwela go baba. O tikemisele go yalafa ba dipelo tsa gore di kwile go baba.—Pis. 34:18; 147:3. w22.01 15 ¶5-7

Mo o beya nako ya go bolabola, go theetsela le go nagana ka Jehova tsotsone di nyoko go maka motho. Sa mathomo, o nyoko segelela dipheto tsa gabutši. Bhayibele yi re tshepisa gore, “ye a sepelang le ba go hlalefa le yene o nyoko hlalefa.” (Diy. 13:20) Sa bobedi, o nyoko ba thitšere ya gabutši. Mo re tšhuta le motho Bhayibele selo se segolo so re nyakang go se segelela ke gore re mo gelepe a be le senghana sa thina le Jehova. Mo re dula re bolabodisana le Papa wa rune wa legedimong re nyoko mo nyaka tsa nkare ke moka fote re ko thogo gelepa ye re tšhutang naye Bhayibele gore le yene a mo nyake ka matla ga Papa wa rune. Tsotsone le Jeso o fitiye ga tsona. O bolabodiye ka Papage ka mokgwa wa gabutši wa gore wo tikisa pelo la go šinya le bo ba mo latelelang ba kwa di ba nabetsa gore le bona ba mo nyake ka matla. (Joh. 17:25, 26) Sa boraro, tumelo yago yi nyoko tiyelela. Lebelela tso di makegang mo o kgopela Jehova gore a go yetetse, a go kgomoletse kela a go thege. Ka moka nako mo Jehova a fetola merapelo yago, tumelo yago yi napa yi hluhlutela.—1 Joh. 5:15. w22.01 30 ¶15-17

Jehova o re hlohletsela gore re kganele kgole le tsa go kekema tso re di naganang le mekgwa ya go befa ka taba la gore o re nyaka ka matla fote o nyaka re tikwisa ka lephelo. (Jes. 48:17, 18) O di tšiba gabutši gore bo ba kenang ka hlogo ga taba ya go nabela tsa go kekema ba nyoko tikwaletsisa ba boya ba kwaletsa le ba bangwana. Fote di mo thonoga ka matla mo a bona re tikwaletsisa re boya re kwaletsa le ba bangwana. Ba bangwana ba banghana ba rune le mašaga ba ka tseya nkare re tshwere ya go kgana mo re liketsa go tšhentšha mekgwa ya rune ya botala. (1 Pet. 4:3, 4) Ba ka boya ba re botsa gore tsa go kekema tso re nyakang go di maka di nyaka rune, fote a go na ye a tshwaneleng a re botse gore re make ying. Mara tsone a di rele gore bo ba phagelang molawo wa Jehova ka thoko bona beng ba lukulugiye. Gabutšibutši ba yikela lefase lowa la Sathane gore le ba kutšetsele. (Marom. 12:1, 2) Ka mokana ga rune di nyaka re tikgetela gore: Re nyaka go tšhentšha mekgwa ya botala, ya gore yi kutšetsela ke taba ya gore re batho ba go sinya yi boya yi kutšetsela ke lefase lowa la Sathane, kela re nyoko lisetsa Jehova a re gelepe gore re tšhentšhe.—Jes. 64:8. w22.03 3 ¶6-7

Re ka dula re tseya seyemo sa rune ka tsela ya gabutši mo re ka ghayela ka Lentsu la Modimo. Bona gore Bhayibele yi yye ya mo gelepa ka mokgo mang ga mosadi ye ne a hlokofalele ke monna. Mogolo ye mongwana o yye a mmotsa gore go na le tso a ka di tšhutang mo a ka bala lengwalo la Jobo. Mo a thomisa go bala, o yakgoswele go solasola Jobo ka dilo tsa go kekema tso ne a di nagana. O yye a tipona a mo lakatsa a re: “Jobo! Anthe o kenne king?” Mara le yene a thomisa go bona gore ke mo a nagana go fo tshwana le Jobo. Tsotsone di mo gelepiye gore a tšhentšhe tsela yo ne a bona dilo ka yona fote di mo tiyisiye gore a kgohlelele taba ya gore o hlokofalele ke monna. Mokgwa wo mongwana wo Jehova a wo berekisang wa go tiyisa Makreste ke wa go berekisa magageru. Pawulo o ngwadiye gore ke mo a hlologele go “tiyisana” le magagabo ya Makreste.—Marom. 1:11, 12. w21.05 22 ¶10-11; 24 ¶12

Maisrayele ya ku botala ke mo ba ma butsiye gore: “Gararo ka mongwaga, banna ka mokana ga bona ba tshwanele ba nyarele mahlong ga Jehova Modimo wa lune ga poleke yo a yi kgetiyeng.” (Dot. 16:16) Ke mo di nyaka ma šiya mitši le mašemo ya wona ma sa pasopa ke motho. Mara Jehova ke mo a ma tshepisiye gore: “Aa šiyo le ka wwoši wa gore o nyoko nabela naga ya lune mo le sa yye go ye nyarela mahlong ga Jehova Modimo wa lune.” (Ek. 34:24) Ka taba la gore Maisrayele ke mo ma mo tshepa ga Jehova, ke mo ma sa thisi go ya monyanyeng wa mongwaga le mongwaga. Tsotsone di ma berekele ka matla. Mo re beyisa, ma tšhutiye tsa go tlala ka molawo wa Jehova, ma kraya nako ya go tlalanyana ya go ghayela ka taba ya ka mokgo Jehova a ma šupetsiyeng gore o lukiye fote ma jabolela go ba ggoši le ba bangwana ba gore le bona ba mo nyaka ka matla ga Jehova. Le rune re rufega ka matla mo re tikona tsa go tlala gore re thogo ya megahlanong ya Sekreste. O fo nagana gore di mo jabodisa byang ga Jehova mo a bona re tla megahlanong re lukiselele gabutši gore re thogo fetola tsa go kwagala. w22.03 22 ¶9

Jehova ke mo a lukiselela Jeso mmereko wage wa ku mahlong wa mo go šele go le Moprista wa rune ye Mogolo. Jeso o di bonne gore a di lula go theetsela Modimo mo o kgahleletsiye ke tsa go roba. Ke mo a kwa go roba ka matla a šinya a rapela “a gotla le go ro yela dinepedi.” A re kamake gore ka taba la gore le yene Jeso o fitiye ga dilo tsa go kgahleletsa, wa re kwisisa gore re nyaka ying fote “o nyoko [re] gelepa” mo re na le ‘sa go nyaka go re phiriketsa.’ Re leboga Jehova gore o re kgetele Moprista ye Mogolo wa gore wa di kgona “go re kwela ga tsa gore re ya šitega”! (Maheb. 2:17; 4:14-16; 5:7-10) Jehova o f’lo lesetsa Jeso a hlorisiwa go baba gore a fetole putsiso ye kgolo ka matla ya gore: Ayitsano batho ba ka di kgona go fo dula ba mamarele Modimo le mo tsa lephelo di gakga? Sathane o re mo di ka makega, a ka tiloma sejabana! O re batho ba berekela Modimo ka taba la gore o ba makela se sengwana fote ba fo makela moyano mo ba berekela Jehova. (Jobo 1:9-11; 2:4, 5) Jeso aa šepisa le ka gonyana, Sathane a fo šala a tšinnye mo di šupetsa gore o na le matsaka. w21.04 16-17 ¶7-8

Mo motho ye o balang naye Bhayibele a soko kolobetsiwa, di nyaka a thomise ka go berekisa tso Bhayibele yi di tšhutisang. Mo ye re balang naye a berekisa tso a di tšhutang, o nyoko tshwana le “motho wa go hlalefa” yela Jeso a yyeng a beyisa ka yene, wa gore o yepiye mokoti wa go yisa gore a yage ntlo yage gedimo ga letlapa. (Mat. 7:24, 25; Luk. 6:47, 48) Gelepa ye o tšhutang naye gore a tšhentšhe maphelelo yage. (Mar. 10:17-22) Jeso ke mo a di tšiba gore di ka sa be lula gore monna yela wa nghamula a rekise dilo tsage ka mokana ga tsona. (Mar. 10:23) Mara, Jeso o yye a fo mmotsa go na go le ka mokgonone gore a tšhentšhe ka mokgo ne a tseya dilo ka gona. Ke ntaba? Ka taba la gore Jeso ke mo a mo nyaka ka matla. Ka dinako tse dingwana, re ka fo kwa re tšeba go botsa ye re balang naye gore a berekise tso a di tšhutang ka taba la gore re bona nkare a ka sa tšhentšhi gana byalo. (Makol. 3:9, 10) Mo o ka fo yakgoswa o yatlala taba yone gore le petapete ka yona, le yene o nyoko yakgoswa a di bona mo a tshwaneleng a potolle gona. Mo o maka gore le bolabole ka taba yone, o ko ba o sa fo mo lisetsa o kene o mmona gore mollo wa mo tšhuba.—Pis. 141:5; Diy. 27:17. w21.06 3 ¶3, 5

Petro wa lepostola o ro hlaya gore nakwela Jeso a tiyisela mo a kene a hlorisiwa, o re beyisele gabutši gore re thogo tseyela gage; mara tso re ka di makang gore re thogo kopisela ga Jeso di tlele ka matla. (1 Pet. 2:18-25) Gabutšibutši, maphelelo ya Jeso—mong dilo ka mokana ga tsona tso ne a di bolabola le tso ne a di maka—di nyaka re fo di latelela. Rune batho a ra yenela gabutši ho mmeleng, byalo ayitsano re ko di kgoneng tsa go tseyela ga Jeso? Re ka sa šitege. O sa lebale gore Petro o re re ‘gate thina le mo Jeso a gatiyeng,’ aa re re nape re gata mong gona. Le mo re kene re sa yenela mara re leketsa ka matla go gata thina le mo a gatiyeng, re ko ba re maka tso Johane wa lepostola a di hlayyeng mo a re: “Ariyeneng mahlong le sepela ka mokgo [Jeso] ne a sepela ka gona.” (1 Joh. 2:6) Go latelela magata ya Jeso go nyoko re šutetsa thina le Jehova. Ke ntaba re reyane? Sa mathomo ke gore Jeso o re beyisele gabutši tso re ka di makang gore maphelelo ya rune ma thogo jabodisa Modimo. (Joh. 8:29) Byalo mo re latelela magata ya Jeso, re nyoko jabodisa Jehova. Fote a re kamake gore Papa wa rune wa magedimong o nyoko šutela thina le bo ba gore baa karakara gore ba nghanelane naye.—Jak. 4:8. w21.04 3 ¶4-6

Jehova wa di bona ho re na le mekgwa ya gabutši; o bona tso re ka kgonang go di maka fote o re šutetsa ho thina gage. Mo re ka dula re tshepega ho gage, le ka letšatši ka lloši a ka sa tsoge a re lahliye! (Joh. 6:44) Mo le rune re di tshepa tsa gore Jehova wa re nyaka, re nyoko kwa re nyaka go mmerekela ka matšhika ya rune ka moka, le mo go na le tso di re ghulang. Mara mo re sa tshepe gore Modimo wa re nyaka, “matšhika [ya rune] ma nyoko pomega.” (Diy. 24:10) Fote mo re thomisa re kgongwela fote re sa di tshepe tsa gore Modimo wa re nyaka, re ka sa phomelele mo Sathane a re hlasela. (Maef. 6:16) Ka taba la go kamaka, Makreste ya mangwana ya go tshepega ma feleletsiye ma tekateka ga tso tsa Modimo. Di nyaka re make ying mo re sa sa tshepa gore Modimo wa re nyaka? Napa o yakgoswa o ntsha dilo tsone ka mo monaganong! Rapela Jehova gore a go gelepe gore o ntshe “tsa go dunghanya monagano” ke mokane o tšhele ‘dilo tsa go beba tsa go tšwa ga Modimo tsa gore di nyoko pasopa pelo yago le matšhika yago ya go nagana.’ (Pis. 139:23; Mafil. 4:6, 7) Sa lebale gore a yi wene o ntoši o tikwang ka mokgonone. w21.04 20 ¶1; 21 ¶4-6

Mo wene o šinya o ba Hlatse ya Jehova, ke mo go rorebeng? Di ka makega gore “ditaba tsa go bafala” o thomisiye go di kwa ga babelegi bago, ga ye o berekang naye kela o kenang naye sekolo, kela mo Dihlatse tsa Jehova di kene di tšhomayela mutši ka mutši. (Mar. 13:10) Ka nthago ga hone, motho ye mongwana ke mo a berekisa nako ya go tlala a karakara gore a go tšhutise Bhayibele. Mo o kene o tšhuta, o yye wa thomisa go kwa o mo nyaka ka matla ga Jehova wa boya wa tšhuta gore le yene wa go nyaka. Jehova ke yene a makiyeng gore o nabele go tšhuta nnete, gana byalo ke wene lelata la Jeso Kreste, byalo o na le tshepo ya gore o nyoko phela go ya go yye. (Joh. 6:44) O mo leboga ka matla ga Jehova gore o berekisiye motho ye mongwana gore a go tšhutise nnete a boya a go yamogela gore o be lelata lage. Gana byalo re šele re tšiba nnete, fote ba re kgetiye gore re thuše batho ba bangwana gore le bona ba kene ga pata yowa ya go ya lephelong. Yowa ya go tšhomayela mutši ka mutši yi ka fo ba yi sa thathafe, mara o ka kraya yowa ya go kgopela batho gore re tšhute nabo Bhayibele yi robanyana. w21.07 2 ¶1-2