February

Jehova o nyaka gore bo ba mo rapelang ba dule ba jabodiye. O thina le ye mongwana le ye mongwana wa rune fote wa di bona mo tsa lephelo di re roba kela re kgongwele. (Pis. 145:​18, 19) Bona ka mokgo Jehova ne a tikwa ka gona ka moporofeta Eliya le gore o mo gelepiye byang. Monna yene wa go tshepega o phidiye ka dinako tsa go thathafa ka matla ku Israyele. Bo ba gore ne ba rapela Jehova ke mo ba hlupegisiwa go baba, fote ne ba nyaka go bona Eliya a kgwile. (1 Mag. 19:1, 2) So ne se ka fo ba se hlupa Eliya ka matla ke gore ne go le yene moporofeta a ntoši ye a šeleng wa gore o berekela Jehova. (1 Mag. 19:10) Modimo o napiye a gelepa Eliya ka go yakgoswa. Jehova o yye a roma lengeloyi gore le tiyise moporofeta Wage ka go mmotsa gore a sa tseye gore o šele a ntoši, ma gona Maisrayele ya mangwana ya go tlala ya gore ma kene maa tshepega ga Modimo! (1 Mag. 19:5, 18) Jeso o butsiye malata yage gore phutego yi nyoko ba nkare ke mutši wa wona. (Mar. 10:29, 30) Fote Jehova wa gore ke Papa wa rune wa legedimong o tshepisa gore o nyoko gelepa ba gore ba nyaka go mmerekela.—Pis. 9:10. w21.06 8-9 ¶3-4

Batho ba go tlala ba kwatisa ke gore re berekisa Bhayibele go šupetsa gore tso madumedi ya mangwana ma di tšhutisang ke matsaka. Baruti ba tšhutisa batho ba bona taba ya gore Modimo o tšhubelela batho ba dipelo tse diphifadu diheleng. Ba berekisa matsaka yane gore ba lawole batho ba bona. Malata ya Jehova ya gore ma rapela Modimo wa go re šupetsa gore o re nyaka ka matla, ma gelepa batho gore ba bone gore baa ba tshokanya ka tso ba ba tšhutisang. Baruti ba tšhutisa le gore moya a wo kgwe. Mo nkare dilo tsone ke nnete, di ra gore a go na motho ye ne a nyoko tsusiwa. Re tšhutisa gore dilo tsone a di šiyo ka Bhayibeleng. Le mo nkare madumedi ya go tlala ma tšhutisa gore Modimo wa re polanela gore re nyoko makegela king kela gore go na le matšhika ya gore a ma bonale ya gore ma re yetetsa ga dilo ka moka, rune re tšhutisa gore batho ba kgona go tikgetela fote ba ka tikgetela gore ba nyaka go berekela Modimo. Baruti ba maka ying mo re ba šiya ba pawogiye ka dilo tsa matsaka tso ba di tšhutisang? Ga go tlala baa fufulela! Di nyaka re yamogele tso Modimo a re botsang tsona mo nkare re kwana le nnete. (Joh. 8:45, 46) Rune re ngangarela nnete, a re tshwane le Sathane Diyabolo. A re nyake go maka selo sa gore se phigisana le tso re di dumelang. (Joh. 8:44) Modimo o nyaka gore batho bage ba ‘nyenye tsa go befa’ ke mokane ‘ba ngangarele ga tsa go loka’ go fo tshwana le Jeso.—Marom. 12:9; Maheb. 1:9. w21.05 10 ¶10-11

Re ka maka ying mo re bona nkare re tannye ke molabo wa go ba le magetla fote re na le dipawu? Re ka khwanyudisa! Pawulo wa lepostola o yitseri bo ba gore Diyabolo o “ba tannye ba kene ba phela,” ba ka khwanyudisa. (2 Thim. 2:26) O sa lebale gore Jehova o na le matšhika ya go phala ya Sathane. Byalo, mo re ka fo lisetsa Jehova a re gelepa, re ka di kgona go khwanyudisa ga molabo wo mongwana le wo mongwana wa gore Sathane o re reyele wona. Go kawone gore re kganele kgole le melabo ya Sathane, di sa šinyi di nyaka gore re khwanyudise ga yona. Tsotsone re ka di kgona mo re gelepa ke Modimo. Byalo kgopela Jehova di go baba, gore a go gelepe o di bone mo nkare mekgwa yone ya go kekema yi thomisa go go kena, o lebelele ka mokgo o naganang le ka mokgo o makang dilo ka gona. (Pis. 139:23, 24) O sa lisetse mekgwa yone yi go mamarela! Sathane o fetsiye mengwaga ya go tlala a nyaka go tanya batho. Mara go se botala ba nyoko mo tshwara ba fetsa ka yene. (Kut. 20:1-3, 10) Letšatši lone re le yemele ka maahlo ya makhubedu. Mo re sa na re yemele letšatši lone, dula o ntshiye maahlo dikwakweng gore Sathane a sa go tanye ka melabo yage. Karakara gore o sa be le magetla le dipawu. Tikemisele go ‘lwa le Diyabolo ke mokane yene o nyoko go tšhaba.’ w21.06 19 ¶15-17

Jehova wa jabola mo motho a nyaka go tšhuta nnete ya ka ho Bhayibeleng ke mokane ka nthago le yene a tšhutisa ba bangwana. (Diy. 23:15, 16) Jehova aa jabole lona mo a bona batho bage ba kene ba tšhomayela le go tšhutisa batho ba šwennye! Mo re beyisa, ka mongwaga wa 2020 mo lefaseng ka mokana ga lona ke mo go na le bolwele bya go sabalala, mara go yye gwa ba le 7 705 765 ya batho ba gore ba tšhutisiwe Bhayibele, sosone se makiye gore 241 994 ya batho ba tineyele ga Jehova ba boye ba kolobetsiwe. Le bona bowa ba nyuwane ba nyoko tšhutisa ba bangwana Bhayibele gore ba be malata. (Luk. 6:40) A re kamake gore Jehova wa jabola mo re tšhutisa batho ba bangwana gore go be malata. Mmereko wa go maka batho gore go be malata wa baba, mara mo Jehova a re gelepa re ka kgona go tšhutisa batho gore ba kwane le Papa wa rune wa legedimong. Ayitsano o ka tipotsa gore o nyoko nyakela ye o ka mo tšhutisang Bhayibele, le mo go ka fo ba ka wwoši? Re nyoko makatsa ke tso re di bonang mo re ka berekisa lešuba le lengwana le le lengwana gore re kgopele motho ye re gahlanang naye gore re tšhute naye Bhayibele. w21.07 6-7 ¶14-16

Kgoši Dafita o yye a neyela ka tšheleta le dilo tsa go tlala gore a thege mmereko wa go yaga tempele. (1 Dikor. 22:11-16) Mo re sa sa na matšhika ya go bereka mebereko ya go yaga, re ka ya mahlong re thega mebereko yowa ka go ntsha meneyelo, yo re ka yi kgonang. Re ka gelepa ba gore ba sa tiyelele ka tso re di tšhutiyeng lephelong. Pawulo wa lepostola le yene wa kena ga taba yowa ya go sa konane. O yye a bitsa Thimothi gore a ye naye ga mmereko wa borumiwa, a boya a mo tšhutisa mekgwa ya go tšhomayela le ya go tšhutisa. (Meber. 16:1-3) Tso Pawulo a di tšhutisiyeng Thimothi di mo gelepiye gore a phomelele ga mmereko wa go tšhomayela ditaba tsa go bafala. (1 Makor. 4:17) Thimothi le yene o yye a tšhutisa ba bangwana tso a di tšhutiyeng ga Pawulo. w21.09 12 ¶14-15

Re ka tšhuta ying ga lelata lo ba reng ke Apholo le Pawulo wa lepostola? Banna bowa ka babedi ga bona ke mo ba tšiba Mangwalo gabutši ka matla. Ka babedi ga bona ga tsa go tšhutisa, ke mo o ka sa le beye. Fote ka babedi ga bona ba gelepiye ba go tlala gore go be malata. Mara banna bowa ke mo ba sa jelaselane. (Meber. 18:24) Gabutšibutši, nakwela Pawulo a kgopela Apholo gore a sologe a ye Korente, ke mo go se botala a tlugiye. (1 Makor. 16:12) Di fo ba lekgwaying gore Apholo ke mo a fiwwe, byalo dilo tso a di kgonang ke mo a di berekisela go tšhomayela ditaba tsa go bafala le go tiyisa magagabo ka ho phutegong. Fote a re kamake gore Apholo ke mo a tinyanafatsiye. Mo re beyisa, a go na sa go šupetsa gore o yye a tuba nakwela Akhwila le Phrisilla “ba mo hlatollela gabutši ka Modimo.” (Meber. 18:24-28) Pawulo wa lepostola ke mo a di bona tsa gore Apholo o kgona go maka dilo tsa go bafala. Mara Pawulo ke mo a sa kwi a mo tšhaba. Pawulo ke mo a tinyanafatsiye, a tšiba gore le yene di gona tsa gore di ya mo šita fote le yene o kgera go gongwana, tsotsone di napa di bonala nakwela a yeletsa phutego ya hala Korente.—1 Makor. 3:4-6. w21.07 18-19 ¶15-17

Adamo le Efa ba kgetiye go sa theetsele Modimo, ke mokane ba sa sa tshwanelega go ba ka mutšing wage. Mara bana bage gee? Ka gore Jehova o kwa a nyaka batho ka matla, mo motho a na le pelo ya gabutši, o tikemisele go mo yamogela ka mutšing wage. O makiye gore Morwayi wage wa gore o fo ba a le ntoši go be sehlabelo. (Joh. 3:16) Sehlabelo sa Jeso se makiye gore Jehova a yamogele 144 000 ya batho ba go tshepega gore go be barwayi bage. (Marom. 8:15-17; Kut. 14:1) Go tokegela gana hone, dimiliyoni tsa batho ba go tshepega di theetsela Modimo fote di maka tso Modimo a di nyakang. Baa di tšiba gore ka nthago ga gore ba liketsiwe la mafelelo mo go fela sekete sa mengwaga, ba ko ba ka mutšing wa Modimo ka go felegelela. (Pis. 25:14; Marom. 8:20, 21) Le gana byalo ba šele ba bitsa Jehova, ye a ba makiyeng, gore ke “Papa.” (Mat. 6:9) Bo ba tsusiwweng le bona ba nyoko neyiwa nako ya go tšhuta gore Jehova o nyaka ba make ying. Ba gore baa mo theetsela le bona ba nyoko feleletsa ba le ka mutšing wage. w21.08 5 ¶10-11

Pawulo wa lepostola ba mo neyye mmereko wa go tšhomayela fote mengwaga yi f’lo takamela a kene a tseya mmereko wone go le mong lekolwane. O yye a tšhomayela “mahlong ga batho ka mokana ga bona le ka mutši ka mutši.” (Meber. 20:20) Gabutšibutši mo go thulega lešuba, ne a tšhomayela! Mo re beyisa, nakwela a le ku Athene a kene a sa yemele bo a sepelang nabo, o yye a thomisa go tšhutisa ditaba tsa go bafala ga megoba ya batho ba go ba le mayemo, fote ba bangwana ga megoba yone ba yye ba di yamogela. (Meber. 17:16, 17, 34) Le mo Pawulo ne ba kene ba sa mo tlemelele ka ‘diketane tsa jele,’ o yye a tšhomayelela bo ne a le nabo. (Mafil. 1:13, 14; Meber. 28:16-24) Pawulo ke mo a yi berekisa gabutši nako yage. Ga go tlala, ke mo a mema ba bangwana gore a ye nabo tšhomong. Mo re beyisa, ga leyeto lage la mathomo o sipidiye le Johane ye ba reng ke Mareka, ke mokane ga la bobedi a sepela le Thimothi. (Meber. 12:25; 16:1-4) A re kamake gore Pawulo ke mo a karakara gore a tšhutise banna bowa gore dilo tsa phutego ba di sipidisa ka mokgo mang, mmereko wa go tiyisa magageru ba wo maka byang le gore ba ka maka ying gore go be digele ga mmereko wa go tšhutisa.—1 Makor. 4:17. w22.03 27 ¶5-6

Ba bangwana ba re a ba tshepe gore go na le Ye a makiyeng dilo ka taba la gore bona ba dumela sa gore ba se bona ka maahlo. Mara baa dumela gore dilo tsa gore a di bonale tsa go tshwana le moya wa go fuka tsona di gona. Mohlobo wa tumelo yo Bhayibele yi bolabolang ka yona yi re ke tsa go “makega tsa gore a re soko di bona.” (Maheb. 11:1) A yi moroba go nyakolla, fote batho ba go tlala baa titshwatela. Motho wa gore aa nyakolle ka boyene beng a ka fo fetsa ka gore a go na Modimo. Ba bangwana ba go tšhutela sayense ba yye ba nyakolla ke mokane ba kraya dilo tsa go maka gore ba tshepe gore Modimo ke yene a makiyeng legedimo le lefase. Ba bangwana ba f’lo re mo ba bona ku yunivesithi ba sa ba tšhutisi selo ka ye a makiyeng dilo, ba fo tseya gore di ra gore aa šiyo. Mara gana byalo ba tšhutiye ka Jehova, baa mo tšiba fote ba kwana le tsage ka matla. Gabutšibutši gore ba thogo dumela ga Modimo le rune di nyaka re make ka mokgonone, le mo re tšhutegiye kela re sa napa re tšhutega go ya kaye. w21.08 14 ¶1; 15-16 ¶6-7

Jeso o berekisiye mošupetso wa morwayi wa gore ne a lahlegiye gore a thogo hlatolla taba ya go tikisa pelo ya ka mokgo Jehova a kwanang le go šupetsa gore o kwelana go baba. Morwayi yene o f’lo tloga gaye “a sinyanya dilo tsela tsage ka go phela lephelo la go sa hlamatsega.” (Luk. 15:13) Ka nthago o yye a tisola ga tsa go befa tso ne a di maka, a tinyanafatsa ke mokane a boyela gaye. Papage o f’lo re king mara? Jeso o yitseri: “Byalo mo papage a mmona a sa le ku kgole, a mo kwela go baba, a mo gahlanetsa a segela a mo tlaparela, a mo khisa.” Mokgalabe yewa a sanka a tšhelela morwayi wage maahlo. Mara o yye a šupetsa mosogana yene gore o mo kwela go baba ka go mo tshwarela a boya a mo yamogela ka mutšing. Morwayi ye ne a lahlagiye ke mo a sinnye ka matla, mara ka taba la gore o yye a sokologa, papage o yye a mo tshwarela. Papa yewa wa gore o kwelana go baba ga mošupetso wowa, o yemela Jehova. Ga taba yowa ya go tikisa pelo, Jeso o šupetsiye gore Papage wa di nyaka go tshwarela bo ba gore ba sinnye mara ba tikemisele go sokologa.—Luk. 15:17-24. w21.10 8 ¶4; 9 ¶6

Lekgono, ba go tlala bo ba yetang dikereke mahlong ba liketsiye ka matla go kogela taba ya gore Modimo o na le lebitso. Ba ntshiye lebitso lone mo ba hlatolla Dibhayibele tsa bona ba boya ba rakela gore lebitso lone le sa berekisiwi dikerekeng tsa bona. Ayitsano go na le ye a ka phigisang taba ya gore Dihlatse tsa Jehova ke tsona di le ntoši tso di tseyelang lebitso la Jehova gedimo di boya di le hlompa? Phela ke rune bo re makang gore lebitso la Modimo le tšibege go phala dikereke tse dingwana! Ga taba yowa, re wa re tsoga gore maphelelo ya rune ma tshwanele lebitso lo la rune la Dihlatse tsa Jehova. (Jes. 43:10-12) Re gatisiye Dibhayibele tsa go teya ka ku ga 240 ya dimiliyoni tsa New World Translation of the Holy Scriptures, tsa gore di busetsiye lebitso la Jehova gana hala ba bangwana ba go hlatolla Bhayibele ba le tlusiyeng. Fote re maka dikgatiso tsa go bolabola ka Bhayibele tsa gore di sabalatsa lebitso la Jehova ka mebolabolo ya go teya ka ku ga 1 000! w21.10 20-21 ¶9-10

Re ba re maka morapelo ga Jehova mo re gelepa magageru ka tso ma di gayelang. Jehova o tshepisiye gore o nyoko rufa Maisrayele ya ma šupetsiyeng gore ma kwela go baba ba go tihlupegela. (Dot. 15:10) Nnete ke gore, ka moka nako mo re gelepa bo re rapelang nabo, Jehova o di tseya gore re makela Yene. (Diy. 19:17) Mo re beyisa, nakwela Makreste ya ku Filipi ma romela Pawulo se sengwana mo a le jele, o yitseri “ke sehlabelo sa go jabodisa Modimo.” (Mafil. 4:18) Ntsha maahlo dikwakweng o lebelele ka phutegong ke mokane o tiputsise gore, ‘Ayitsano go na le ye nka mo gelepang?’ Jehova wa jabola mo a bona re berekisa nako ya rune, matšhika ya rune, tso re kgonang go di maka le tso re nang natso gore re thogo gelepa bo ba gayelang. Dilo tso re di makang o di tseya go le mong wona morapelo. (Jak. 1:27) Morapelo wa mannete o nyaka nako fote di nyaka gore re karakare ka matla. Mara tsotsone a yi tsa gore di ka šinya di ro bhahlisa motho. (1 Joh. 5:3) Ke ntaba re reyane? Ba di maka ka taba la gore Jehova le magageru ba ba nyaka ka matla. w22.03 24 ¶14-15

Mo re nyaka go šupetsa magageru gore re ma kwela go baba, di nyaka re thomise re kwisise tso di ba kgahleletsiyeng. Mo re beyisa, mogageru wa mosadi a ka fo ba a lwala ka matla. Mara o ka sa mo kwe a bolabola ka tsona, le mo go le ka mokgonone wa di nyaka go gelepiwa. Nje a ka sa di jabolele mo re ka gelepa ka go mo yapegela kela go yedisa ntlo? Kela mogageru ye mongwana a ka fo ba a felele ke mmereko. Mo re ka mo romela tšheleta le mo a sa di tšibi gore yi tšwa ga mang, nje a ka sa phetši hala le hala go segela a kraya mmereko? Di nyaka re šupetse magageru gore re ma kwela go baba ka go ma gelepa, re sa yemele gore ma šinye ma kgopele. Re tshwane le Jehova, re sa jikajiki. Ka moka matšatši o re hlabisela letšatši, aa yemele gore re le kgopele! Fote letšatši lowa le re natefela ka mokana ga rune, le mong bo ba gore danki a ba nayo. Ayitsano o ka yi ganetsa taba yowa ya gore mo Jehova a re neya tso re di gayelang o šupetsa gore o re nyaka ka matla? Ye lune, phela taba ya gore Jehova aa konane yi napa yi maka gore re mo nyake tsa nkare ke moka! w21.09 22-23 ¶12-13

Ka taba la gore Modimo o nyakanana tsa mannete, tsotsone di mo tšhofa gore a tshwarelane. Ka taba la gore Jehova o nyakanana tsa mannete, o kwa di mo tšhofa gore a tshwarele motho wa gore o sinnye a boya a sokologa fote a lahla mekgwa yage ya go befa. Mo mopisalema Dafita a bolabola ka Jehova, o yitseri: “Aa balele gore re sinnye go segela kaye kela a re patedisa ga tso re di sinnyeng.” (Pis. 103:8-11) Dafita le yene o di tšiba gabutši gore a yi go baba ga tsona go kikita ke lekwalo. Mara o tšhutiye gore Jehova “o tikemisele go tshwarela.” King so se makang gore Jehova a tshwarelane? Re kraya phetolo ga temanyana ya lekgono. Di fo ba ka mokgonola Dafita a hlayyeng mo a rapela a re, Jehova o tshwarela bo ba tshepelang gage ka taba la gore o ba nyaka tsa mannete. Mo o sinnye, a di makatse mo o kikita ke lekwalo, di fo šupetsa gore wa phela. Di ka re gelepa gore re tisole re boye re lukise mo re sinnyeng. w21.11 5 ¶11-12

Jehova le mo jabodisa ka matla lebitso lo lage, fote o nyaka gore batho ka mokana ga bona ba le hlompe. (Jes. 42:8) Go šele go fitiye 6 000 ya mengwaga batho ba kene ba poyilanya lebitso lage. (Pis. 74:10, 18, 23) Dilo tsowa ka mokana ga tsona di thomisiye nakwela Diyabolo (Wa go Leba) a hlayela Modimo matsaka, a re o kona Adamo le Efa se sengwana. (Gen. 3:1-5) Go tlugisela ka nako yone, Jehova ba sa na ba mo hlayela matsaka, ba re o kona batho dilo tsa gore baa di nyaka. Jeso ke mo yi mo hlupa ka matla taba yowa ya gore batho ba psyirelanya lebitso la Papage ka maraga. Jehova ke yene a tshwaneleng go lawola magedimo le lefase, fote a go na tsela ye nngwana ya go lawola ya gore yi phala yage. (Kut. 4:11) Diyabolo o liketsiye go fokola mangeloyi le batho, a nyaka gore ba tseye gore Modimo wa šitega go lawola. Go se botala taba yowa yi nyoko lukisiwa gwa napa go fela ka yona. Re nyoko thanaka Jehova ka taba la gore o nyoko berekisa Mmušo wage gore a leye go beba le go tšhireletsega ho lefaseng. w21.07 9 ¶5-6

A di makatse mo monna wa gore ke hlogo ya mutši a nyaka go pasopa mosadi wage le bana bage ka tsa go ja, dikobo le ga go dula. Ayitsano o roba ke tsa lephelo? Mo nkare go ka mokgonone, di ra gore o tshwaraganne le bothatha. Le mo di go pategetsiye la go šitega go wona, tseya sosone go le lešuba la go tiyisa tumelo yago. Rapela Jehova, o bale mantsu ya Jeso ya ma leng ga Matewu 6:25-34 o boye o ghayele. Lebelela tso di makegeleng ba bangwana ga dinako tso tsa rune, go šupetsa gore Jehova o pasopa bo ba tshwaraganneng le mmereko wage. (1 Makor. 15:58) Mo o ka maka ka mokgonone, o ka sa kamake gore Papago wa legedimong o nyoko go gelepa go fo tshwana le ka mokgo a gelepiyeng ba bangwana. O tšiba tso o di gayelang fote wa di tšiba gore o nyoko go neya byang. Mo o bona Jehova a go gelepa, tumelo yago yi nyoko ya mahlong yi tiyelela gore o thogo tiyisela dintshitshire tso di go yemeleng ku mahlong. w21.11 20 ¶3; 21 ¶6

Taba yowa ya sehlabelo sa Jeso yi makiye gore tumelo ya Makreste ya go tlala yi tiyelele. A baa lesetsa go tšhomayela le mo ba phigisiwa, ba tiyisele ga tso ne di ba ghula gwa šinya go segela le mo ba tsofalang. Tla re beyiseneng ka Johane wa lepostola. O yye a tšhutisa nnete ka Kreste le ka sehlabelo sage, di ka makega gore ka mengwaga ya go teya ka ku ga 60. Mo a šele a lata 100 ya mengwaga, di šupa nkare ke mo ba tšhoga gore a ka fo ketula Mmušo wa Roma, byalo ba yye ba mo bošela jele ga poleke ya go dukuluga ke meetši ya hala Patimose. Ke mo ba mo tshwarela ying? “Go bolabola ka Modimo le go tšhomayela ka Jeso.” (Kut. 1:9) Le rune re ka tšhuta selo se segolo ga tumelo yage le taba ya go tiyisela! Ga mangwalo ya Johane a ma ngwadiyeng a hlohletsela ke moya wa Modimo, wa kwagala gore ga Jeso o mo nyaka ka matla fote le sehlabelo o se tseyela gedimo ka matla. Mangwalo yawa ma bolabola ka dilo tsa go teya ka ku ga 100 ka sehlabelo sa Jeso kela tso sehlabelo se ka re gelepang ga tsona. (1 Joh. 2:2) Di fo ba lekgwaying gore Johane ke mo a se tseyela gedimo ka matla sehlabelo sa Jeso. w21.04 17 ¶9-10

Jehova o nyaka gore malata yage ma šupetse bo ba gore ba thibele ditsebe le ba gore ba popele maahlo gore ba ba kwela go baba. Mo re beyisa, Maisrayele ne ma sa tshwanela go bolabola tsa go befa ka motho wa gore o thibele ditsebe. Go bolabola dilo tsa go befa go ka rela go tshosetsa motho kela le go mo nabelela gore a wele ke senyama. Wa tšiba ke bošidi go maka motho wa gore o thibele ditsebe tsotsone! Phela a ka sa di kwe le mo ba bolabola ka yene fote a ka sa kgone go tiyemelela. Go tokegela gana hone, ga Lefitiko 19:14 re tšhuta gore malata ya Modimo ma sa “reye motho wa gore o popele maahlo.” Puku ye nngwana mo yi bolabola ka batho ba go sa phelega gabutši, yi re: “Ga dipoleke tsa ku botala tsa Israyele [batho ba mohlobo wonone] ga go tlala ne ba sa ba tshware gabutši fote ba ba maka lešidi.” Ka nakwenngwana motho wa gore hlogo yage yi tlele meetši, a ka fo reya motho wa gore popele maahlo go fo re a mo kwise go baba kela a tshegise batho ka yene. Lešidi le le ka! Jehova o berekisiye molawo wowa gore a gelepe batho bage ba thogo šupetsa bo ba gore a baa phelega gabutši gore ba ba kwela go baba. w21.12 8-9 ¶3-4

Jakobo ke mo a šekedisa ke taba ya gore di ka makega gore bhuti wage o sa na a mo tshwere ka pelo. Byalo, o yye a rapela Jehova ka taba yone di mmaba. Ke mokane a ntsha tse dingwana ga tso a nang natso a di neya Esewu. (Gen. 32:9-15) Mo bobhuti bone ba gore ke botala ba sa bonane ba gahlana, Jakobo o yye a šupetsa gore o hlompa Esewu. O yye a kgotama mahlong ga Esewu, aa kgotama ga teya kela gabedi mara o kgotamme gašupa! Jakobo o lukisiye ditaba le bhuti wage ka go šupetsa gore wa tinyafatsa le ka go mo hlompa. (Gen. 33:3, 4) Re tšhuta se sengwana ga taba ya ka mokgo Jakobo a yyeng a lukiselela go ye gahlana le bhuti wage le ka mokgo a mo gahlanetsiyeng. Jakobo o yye a tinyanafatsa ke mokane a kgopela Jehova gore a mo gelepe. O yye a maka ka mokgo a kgopeleng mo a rapela, a maka tso di tshwaneleng gore ba thogo lukisa ditaba. Mo bobhuti bone ba gahlana, Jakobo a sanka a phigisana le Esewu ka taba ya gore ke mang a sa makang dilo gabutši. So Jakobo ne a nyaka go se segelela ke go lukisa ditaba le bhuti wage. Ayitsano o ka mo kopisela ga Jakobo?—Mat. 5:23, 24. w21.12 25 ¶11-12

Mo o nagana ka gore Jeso o go kgwele gore a sule tso o di sinnyeng, o ka kraya o re, ‘Tsotsone a di tshwanele nna.’ O ka maka king gore o tikwe ka mokgonone? Dipelo tso tsa rune a di ya yenela, di ka re tshokanya, wa kraya re fo kwa nkare re fo titshwanela le ditšiya tsa ditoto kela nkare re ya tshwatisa. (1 Joh. 3:19) Ka dinako tsotsone, di nyaka re gopole gore “Modimo ke ye mogolo ga dipelo tsa rune.” Papa wa rune wa legedimong o re nyaka ka matla fote wa re tshwarela mo re sinnye, tsotsone ke tsona dilo tse dikgolo ka matla go feta dilo tsa go kekema tsa gore di fela di nyarela ho pelong. Di nyaka re tšhute go titseya go tshwana le Jehova. Tsotsone re ko di kgona mo re dula re titšhutisa Lentsu lage, re mo rapela re sa fetsi fote re nghanelana le batho bage ba go tshepega. Dilo tsone a di nyake re di tseyela fase, ke ntaba? Tsotsone di nyoko maka gore di nape di ba lekgwaying gore Jehova ke Modimo wa mošaga mang. O nyoko di bona gore o go nyaka go segela kaye. Mo ka moka matšatši o ghayela ka tso o di badiyeng ka Bhayibeleng, o nyoko bona dilo gabutši, wa thogo “wolola dilo” ka ho monaganong wago le ka pelong.—2 Thim. 3:16. w21.04 23-24 ¶12-13

Gore tumelo ya rune yi thogo tiyele­la, a di nyake re fo tšhutela moyano. Di nyaka re ghayela ka tso re di tšhutang. Lebelela tso di yyeng dya gahlana le ye a ngwadiyeng Pisalema 77. Ke mo di mo kgahleletsiye ka matla ka taba la gore ne a tseya gore yene le Maisrayele ya mangwana Jehova aa sa yi kena ya bona. Go šekedisa ke dilo tsa mošaga wonone ne di maka gore a sa bo pate le ka gonyana. (Ditemanyana 2-8) O yye a fetsa a makiye byang? O butsiye Jehova gore: “Ke nyoko ghayela ka mebereko yago ka mokana ga yona fote ke nagane le ka tso o di makiyeng.” (Temanyana 12) Nnete ke gore mopisalema yewa ne a sa di kamake dilo tso Jehova a yyeng a di makela batho Bage ku botala mara o yye a sa lisetse go šekela a boya a tiputsisa gore: “Ayitsano Modimo aa sa di tšiba tsa go yamogela ba bangwana kela o kwatiye ka matla la gore aa sa kwelana go baba?” (Temanyana 9) Byalo mopisalema yewa o yye a ghayela ka tso Jehova a di makiyeng le taba ya gore Modimo o yye a šupetsa gore o kwelana go baba. (Temanyana 11) Go yye gwa makega ying? Mopisalema yewa o yye a sa sa kamaka le ka gonyana gore Jehova a ka sa tsoge a lahliye batho Bage. (Temanyana 15) w22.01 30-31 ¶17-18

Jehova o tikwa byang ka banna le basadi ba gore ke mo ba tshepega, ba gore gana byalo ba hlokofele? O ba hlologele ka matla! (Jobo 14:15) O bona nkare Jehova o mo hlologele go segela kaye ga monghanage Abhrahama? (Jak. 2:23) Moše yene, wa gore ke mo a bolabola naye “ba lebeletsanne”? (Ek. 33:11) Le ga Dafita le bomopisalema ba bangwana di šupa nkare o fo kwa a nabela go kwa mo ba kene ba yepelela dikoša tsa bona tsa go natefa tsa go mo thanaka! (Pis. 104:33) Re ya di tšiba gore banghana bowa ba Jehova Modimo ba kgwile, mara aa ba lebala. (Jes. 49:15) O gopola selo se sengwana le se sengwana ka bona. O nyoko ba tsosa ka letšatši le lengwana, o nyoko ba kwa mo ba mo rapela di tšwa pelong fote o nyoko ba theetsela. Mo nkare le wene o hlokofalele ke wa genu kela lešaga, nkare mantsu yawa ma ka go kgomoletsa barena. Nakwela Jehova a bona batho ba ku Edeni ba mo jikela, ke mo a tšiba gore go sa nyoko sinyega ka matla. Dilo tsa go befa, batho ba go makana lešidi le bokgohlane tso di makegang ho lefaseng, Jehova aa kwane natso. w21.07 10 ¶11; 12 ¶12

Mo re kwana le magageru, re šupetsa gore sehlabelo sa Jeso re se tseyela gedimo. Ke ntaba? Ka taba la gore Jeso aa kgwela rune re ntoši, mara o kgwele le magageru. Di fo ba lekgwaying gore so se makiyeng gore le bona a ba kgwele ke gore o ba nyaka ka matla. (1 Joh. 3:16-18) Di šupa ka mokgo re tshwarang magageru gore re ya resa mo re re re ba nyaka ka matla. (Maef. 4:29, 31–5:2) Mo re beyisa, re ya ba gelepa mo ba lwala kela ba kwa go baba kela ba tlela ke dikotsi tsa hlago. Mara byalo, di nyaka re make byang mo mogageru a bolabola kela a maka se sengwana sa go re kwatisa? Ayitsano ke wene motho wa go fo yakgoswa o tuba? (Lef. 19:18) Mo nkare o ka mokgonone, maka taba ke yowa: “Ariyeneng mahlong le tiyiselana le boya le tshwarelana mahala le mo go na le so se makang gore go be le tsa go le kokona ka motho ye mongwana. Go fo tshwana le ka mokgo Jehova a le tshwarele a sa le patedisi selo, le lune le make ka mokgonone.” (Makol. 3:13) Mo re dulela go tshwarela magageru, re šupetsa Papa wa rune wa legedimong gore ka nnete sehlabelo sa Jeso re se tseyela gedimo ka matla. w21.04 18 ¶12-13

O ka kraya re karakara mo re kene re berekela Jehova fote re gelepiye batho ba go tlala gore ba thogo kolobetsiwa. Mara di nyaka re sa lebale gore re phomelele ka mokgonone ka taba la gore re rufiye ke Jehova. Re tšhuta taba ye nngwana fote ga taba yowa ya Apholo le Pawulo wa lepostola, gore mo re kene re thomisa go bonala ka matla, di nyaka re nape re berekisa lešuba lone gore re make seyemo gore se bebe. Go jabodisa ka matla mo banna ba gore ba yetiye mahlong ka ho phutegong ba maka gore go bebe fote re mamarelane, ba maka tsotsone ka go berekisa Lentsu la Modimo mo ba yeletsa motho fote ba maka gore batho ba lebelele ga ye re tshwaneleng re tseyele gage, Kreste Jeso, ba sa nyake re tseyela bona hlogong! (1 Makor. 4:6, 7) Ka mokana ga rune, Modimo aa re fa go tshwana. Re ka fo titseya nkare a yi rune selo. Setena se sengwana le se sengwana se maka gore ntlo yi tiyelele, le dilo tse dinyana tso re di makang ka ho phutegong di maka gore re mamarelane. Nkare ka mokana ga rune re ka karakara gore re sa tikraye re kwana le go phadisana le ba bangwana. Tla re karakareneng gore re make gore ka ho phutegong go bebe fote re mamarelane.—Maef. 4:3. w21.07 19 ¶18-19

O sa kamake gore mašaga yago ya gore ma hlokofele o nyoko boya o ma bona fote. Taba ya gore Jeso o yye a lla nakwela a kgomoletsa banghana bage ba gore ba kwile go baba, yi napa yi re šupetsa gore o fo kwa nkare nako ya go tsosa bo ba hlokofeleng nke yi šele yi segele! (Joh. 11:35) Le wene o ka ba kgomoletsa bo ba gore ba kwile go baba. Jeso a sanka a fo lla le Mata le Mariya mara o yye a ba theetsela a boya a ba kgomoletsa. (Joh. 11:25-27) Le rune re ka maka ka mokgonone ga bo ba gore ba kwile go baba. Dan wa gore ke mogolo wa go dula ku Australia, o yitseri: “Ka nthago ga mo mosadi waka a hlokofele, ke mo ke di nyaka ka matla gore ba n’kgomoletse. Magageru ya go tlala ya banna le basadi ya gore ma šadhiye ke mo ma dula ma mvakašela go fo re ma tle ma ntheetsele. Ba yye ba nlisetsa gore ke ba kgotolele so ke se kwang fote le mo ke lla ne di sa ba tšebisi. Mo ke kwa ke šitega go gongwana ne ba n’gelepa ka dilo tsa go tshwana le go nhlatswela koloyi, ba ye nrekela tsa go ja setolo ba boya ba ro n’yapegela. Fote ba yye ba rapela le nna gatleletlele. Ba tišupetsiye gore ke banghana ba mannete fote ke magageru le ka ‘dinako tsa mo go bifiye.’”—Diy. 17:17. w22.01 16 ¶8-9

Jehova o re nyakela tsa gabutši. (Diy. 4:20-22) Mo a re wolola a berekisa Lentsu lage, dikgatiso kela a berekisa magageru o re šupetsa gore o re nyaka ka matla. (Maheb. 12:9, 10) Wene o fo theetsela mo ba go wolola, o sa hlupege gore ba go wolola byang. Ka dinako tse dingwana, di ka makega gore re kwe nkare mo ba re wolola a baa berekisa mokgwa wa gabutši. Nnete ke gore, mo motho a wolola ye mongwana di nyaka a liketse gore di be lula gore ye mongwana a di yamogele. (Magal. 6:1) Mara mo nkare ba wolola rune, re ko ba re maka gabutši go fo theetsela tso ba re wololang ka tsona, le mo yi le gore re kwa nkare nke ba berekisiye mokgwa wo mongwana. Re ka tiputsisa gore: ‘Le mo yi le gore a ke jabolele mokgwa wo ba wo berekisang mo ba ng’wolola, ayitsano tso ba di hlayang baa resa? Ayitsano nka lisetsa go lebelela tsa go kekema tso di makiyeng ke ye a ng’wololang ke mokane ka berekisa tso a di hlayang?’ Re ko ba re hlalefiye mo re ka lisetsa gore ka mokana ga tsona tso ba re wololang ka tsona di re berekele. w22.02 12 ¶13-14

Jehova wa di tšiba tsa gore di nyoko tseya nako fote di nyaka re karakara ka matla gore re thogo kganela kgole le tsa go kekema tso re di naganang le mekgwa ya go befa. (Pis. 103:13, 14) Jehova o berekisa Lentsu lage, moya wage wa go hlawolega le mokgahlo wage, gore a re hlalefise, a re neye matšhika a boye a re thege gore re thogo tšhentšha. Tinyakolle o berekisa Bhayibele. Lentsu la Modimo le tshwana le seboki le ka go gelepa gore o thogo nyakolla mokgwa wago wa go nagana, wa go bolabola kela le wa tso o di makang. (Jak. 1:22-25) Fote Jehova o dula a tikemisele gore a go gelepe. Wa di tšiba tsa gore o nyoko go gelepa ka mokgo mang; le so se leng ka ho pelong yago wa se tšiba. (Diy. 14:10; 15:11) Byalo, o sa wo lisetse mokgwa wa go mo rapela o boya o tšhuta Lentsu lage ka moka matšatši. O sa kamake gore melawo ya Jehova ke mong yona-yona. Dilo ka mokana ga tsona tso Jehova a kgopelang gore re di make di ka re berekela. Bo ba phelang ka melawo yone ba ka sa titseyele fase, fote ba nyoko di tšiba tsa gore ba phelela ying ba boya ba ro jabola tsa mannete.—Pis. 19:8-11. w22.03 4 ¶8-10

Re ba re maka morapelo ga Jehova mo re yaga re boya re pasopa dipoleke tso re rapelang ga tsona. Bhayibele yi re mmereko wa go yaga tabarenakele le tso di leng ka teng ga yona ke “mmereko wa go hlawolega.” (Ek. 36:1, 4) Le lekgono lowa, Jehova o sa na a tseya mmereko wa go yaga Diholo tsa Mmušo le meyago ye mengwana ya go yelana le Mmušo go le wa go hlawolega. Magageru ya mangwana ya banna le basadi ma berekisa nako ya wona ma maka mmereko wowa wa go yaga. Mmereko wo ma wo makang wa go thega Mmušo wa Modimo re wo tseyela gedimo ka matla. Fote ba tšhela letsogo le ga mmereko wa go tšhomayela. Di ka makega gore ba bangwana ba bona baa di nyaka go bereka go le mašupatsela. Byalo, bagolo ka phutegong ba ka šupetsa gore ba thega mmereko wo wa bona wa go yaga ka gore ba sa jikajiki mo di nyaka ba hlawole banna le basadi bo ba go karakara ka matla gore go be mašupatsela mo nkare baa tshwanelega. Ka mokana ga rune re ka tšhela letsogo ga mmereko wa go yedisa le wa go pasopa meyago yowa, di sa yi ka gore re tšiba mmereko wa go yaga kela dho. w22.03 22 ¶11-12