June

Lephelo la mosadi yewa wa gore o kgwele ke monna le ya tooka; ho nkare thole o nayo, o ka kraya a šiba ka meetši. Mara ke yenene o šutela hala ba tšhelang moneyelo, o segela a lahlela ditšheleta ka dipedi tse dinyananyana tsa tshipi, tsa gore kela a di kwagale le mo a lahlela. Jeso wa di tšiba tsa gore mosadi yewa o lahlele ying—o lahlele ditšheleta ka dipedi tsa tshipi tsa gore ke mo go le tse dinyana tsa gona ka nako yone. Ga dinonyane tsa go tšhipa tsa gore motho a ka di ja ke mo go badiwa le ditiyane, mara tšheleta yone ke mo yi ka sa reke le tiyane ka yyoši. Mosadi yewa o mo jabodisiye ka matla ga Jeso. Byalo Jeso o bitsa bo ba mo latelelang, o ba šupetsa mosadi yela ke mokane a re: “Mosadi yewa wa go tihlupegela wa gore o kgwele ke monna, o tšhediye tšheleta ya go phala ya bala ba bangwana ka moka.” Ke mokane o yedisa taba yage, o re: “Batho bowa [ka matlamatla bowa ba go ghanya] ka mokana ga bona ba ngathiye ga yo ba nang nayo ya go tlala, mara mosadi yewa, le mo a kene a tihlupegela, o tšhediye yo ne a le nayo ka mokana ga yona, le mong yela ya gore ne a ka phela ka yona.” (Mar. 12:43, 44) Mo mosadi yewa wa go tshepega a neyela ka tšheleta yage ya mafelelo ka letšatši lone, ke mo a re Jehova o ko di boneng, a šiya dilo naye.—Pis. 26:3. w21.04 6 ¶17-18

Jeso a sa le ho lefaseng, aa lisetsa go tšhomayela batho ka taba la gore ke mo a tshepa gore ka letšatši le lengwana ba nyoko mo theetsela, fote o nyaka gore le malata yage ma be ka mokgonone. (Joh. 4:35, 36) Mo Jeso a sa le ho lefaseng, malata yage ke mo ma kwana natso ka matla tsa go tšhomayela. (Luk. 10:1, 5-11, 17) Mara mo Jeso ba mo tshwara ba fetsa ba mmolayye, malata yawa ma yye ma thomisa go šepisa ga tso tsa go tšhomayela. (Joh. 16:32) Mo Jeso a šele a tsugiye, o yye a ba hlohletsela gore ba hlupege ka matla ka mmereko wa go tšhomayela. Mo a šele a yinugele legedimong, ba yye ba tšhomayela ba šwennye, le manaba ya bona ma šinya ma ro kokola ma bolabola mantsu ya temanyana ya lekgono. Jeso ke mo a yetetsa Makreste ya ku botala mo ma kene ma tšhomayela, ke mokane Jehova a ba rufa ka go maka gore batho ba go tlala ba ba theetsele. Mo re beyisa, ka Pentekoste ya 33 C.E., go yye gwa kolobetsa gana hala ga 3 000 ya batho. (Meber. 2:41) Nombhoro ya bona ya fo ya yi kene yi yeketsega. (Meber. 6:7) Mara, Jeso o yitseri ka dinako tsa mafelelo mmereko wa go tšhomayela wo nyoko phomelela ka matla.—Joh. 14:12; Meber. 1:8. w21.05 14 ¶1-2

Ayitsano o sa gopola nakwela o thomisa go di bona gore o krayye mong yona nnete? Ke mo o kwa nkare batho ka mokana ga bona ba ka yamogela dilo tso o di dumelang. Ne o di tshepa tsa gore molayetsa wa Bhayibele wo nyoko maka gore ba tšibe gore ba phelela ying fote ba tshepa gore go nyoko ba le dilo tsa go jabodisa ku mahlong. (Pis. 119:105) Ke mo o na le matšato mo o kene o tšhomayelela banghana bago le mašaga yago. Mara go makiye byang? Le wene di go makatsiye mo ba go tlala ba gana tso o ba botsang tsona. A yi tsa go makatsa mo batho ba bangwana ba sa nyake go theetsela molayetsa wo re wo sabalatsang. Nakwela Jeso a le ho lefaseng, batho ba go tlala ne ba sa yi kene yage le mo a kene a maka mehlolo ya gore ne yi šupetsa gore Modimo o naye. Mo re beyisa, Jeso o tsusiye Lazaro ga bo ba hlokofeleng, wone ke mo go le mohlolo wa gore le bo ne ba sa kwane naye ne ba ka sa wo phigisi. Mara, bo ba go yeta mahlong ba Majuda ba ganne mong go gana gore Jeso ke Mesiya. Ba yye ba ro nyaka le go bolaya Jeso le Lazaro!—Joh. 11:47, 48, 53; 12:9-11. w21.05 2 ¶1-2

Karakara gore o dule o ya megahlanong. Letheto la gona le nyoko go tiyisa fote o nyoko tšibana le magageru ya mangwana. Nghanelana le batho ba ka phutegong ba gore o ka tšhuta se sengwana ga bona, le mo nkare a le lekane ka mengwaga kela ditšo tsa lune a di tshwane. Bhayibele yi re gopotsa gore “bo ba gore ba šele ba gudiye” ba ka re hlalefisa. (Jobo 12:12) Bo ba gore ba šele ba gudiye le bona ba ka tšhuta se sengwana ga bo ba gore ba sa gola ba gore baa tshepega. Dafita ke mo go le ye monyana ka matla ga Jonathane, mara ke mo go le banghana ba bagolo. (1 Sam. 18:1) Dafita le Jonathane ke mo ba gelepana gore ba thogo berekela Jehova le mo go na le tsa go ba phiriketsa. (1 Sam. 23:16-18) Mogageru wa mosadi ye ba reng ke Irina wa gore ke yene Hlatse a ntoši gagabo o re, “Magageru ya ka phutegong ma ka tshwana le babelegi ba rune kela bosesi le bobhuti ba rune. Jehova a ka maka gore ma thibe sekgala sa mašaga ya rune ya gore ma re jikele.” Banghana bago ba nyaka go go tiyisa le go go gelepa, mara di nyaka o ba botse gore ba ka di maka byang tsotsone. w21.06 10-11 ¶9-11

Jeso o yye a beyisa ka kgoši le sebereki sa yona. Kgoši yone yi sudiye sekoloto se segolo sa gore sebereki sa yona ne se ka sa tsoge se se patele. Ka nthago, sebereki sone se ganne go sula sekoloto se senyana sa sebereki se sengwana. Mafelelong, kgoši yela yi yye ya bošela sebereki sela sa go sa kwelane go baba jele. Tso di makiyeng ke sebereki sela a di ya kwaletsa sona se ntoši, di kwaletsiye le ba bangwana. Sa mathomo, se šupetsiye gore a se mo kwele go baba yela ye mongwana wa gore le yene ke mo go le sebereki, sa “mo hlahlela jele go segela a patela sekoloto sage.” Sa bobedi, dibereki tse dingwana tso ne di lebelele le tsona di kwile go baba. Mo “dibereki tse dingwana di bona so se makegiyeng, dya kwa go baba.” (Mat. 18:30, 31) Le rune tso re di makang di ka kwaletsa ba bangwana. Mo motho a ka fo go manyisa ke mokane wa sa nyake go mo tshwarela, go ka makega ying? Sa mathomo, re mo kwisa go baba mo re gana go mo tshwarela, re mo teyisa ka moya fote re sa šupetse gore re mo nyaka ka matla. Sa bobedi, re maka gore ba bangwana ka phutegong ba sa lokologe mo ba bona gore a re phidisane gabutši le mogageru yene. w21.06 22 ¶11-12

Mo Sathane a bona batho ba gore ba makiwwe ka setshwano sa Modimo ba sa titshware gabutši, o jabola ka matla. Nakwela ya Nnowa mo Jehova Modimo a bona “gore batho ba thomisa go sinya ka matla” ‘o yye a tisola gore mara motho ke mo a sa re o mo makela ying ho lefaseng, pelo yage ya kwa go baba ka matla.’ (Gen. 6:5, 6, 11) Go byang lekgono? Go sa na go fo titshwanela! Diyabolo o jabola ka matla mo a bona batho ba kwana le mehlobo ka mokana ga yona ya bonghwahla, go tshwana le mo motho a yetsela le motho wa gore aa šadha naye, kela mo banna ba yetsela le banna le basadi ba yetsela le basadi! (Maef. 4:18, 19) Mo Sathane a bona batho ba gore ba tipotsa gore ba tshwere nnete ba sinyela Modimo, o napa a ro hlakela. Ga lefase lo la gore le lawola ke Sathane mo motho a le ka ‘kgakala ga motho ye mongwana, o mo kwisa go baba’ fote aa le tshware gabutši lefase lowa le diphoolwane tso Jehova a mo neyyeng gore a di pasope. (Mmo. 8:9; Gen. 1:28) Tsotsone di feleletsiye kaye? Bo ba go tšhutega ba re tso batho ba di makang di ka šinya di maka gore ga mengwaganyana yo yi tlang, go nyamalale gana hala ga miliyoni ya mehlobo ye mengwana ya dimilane le diphoolwane. w21.07 12 ¶13-14

Malata ya mangwana ya Modimo ma kikita ke lekwalo ka taba la tso ma yyeng ma di kekemisa ku botala. Go dulela go nagana ka dilo tsone go maka gore ba tseye gore Jehova a ka sa tsoge a ba tshwarele—le mo ba ka tisola byang. Mo nkare le wene o tikwa ka mokgonone, di ka go gelepa go tšhuta ka taba ya gore Modimo o tikemisele go nyaka malata yage tsa mannete, re ka di kgona go berekela Jehova re jabodiye ka lekwalo la go yela. Tsotsone di ya kgonega ka taba la gore “madi ya Morwayi wage Jeso, ma re hlatswa ga tso re di sinnyeng ka mokana ga tsona.” (1 Joh. 1:7) Mo nkare o kgongwetsa ke tso o di kekemisiyeng, o sa lebale gore Jehova o tikemisele go tshwarela bo ba tisolang. Lebelela gore mopisalema Dafita o re go nyakanana tsa mannete le go tshwarelana di yelana ka mokgo mang. O ngwadiye gore: “Go fo tshwana le mo magedimo ma le ka kgakala ga lefase, le bo ba mo hlompang o ba šupetsa gore o ba nyaka tsa mannete. Tso re di sinnyeng o di beyela ku kgole go fo tshwana le mo bohlabela bo le kgole le bodikela.”—Pis. 103:11, 12. w21.11 5-6 ¶12-13

Mokreste wa monna di nyaka a tseyele mosadi wage gedimo. (1 Pet. 3:7) Mo ba re motho o mo tseyela gedimo ba ra gore o mo tshwara nkare ke lekata fote wa mo hlompa. Mo re beyisa, monna o šupetsa gore o tseyela mosadi wage gedimo ka go maka gore a be le serithi. Aa nyake gore a make dilo tsa go feta tso a ka di kgonang. Fote a ka sa mo tshwanisi le basadi ba bangwana. Go ka makega ying mo a ka mo tshwanisa le ba bangwana, a re baa mo phala? Mogageru wa mosadi ye ba reng ke Rosa o na le monna wa gore a yi Hlatse, byalo monna yewa o dula a tshwanisa mosadi wage le basadi ba bangwana. O dula a mmotsa tsa go tooka fote tsotsone di makiye gore Rosa a titseyele fase ka matla. Rosa o re, “Ke dula ke nyaka motho wa go n’gopotsa gore Jehova o ntseyela gedimo.” Gabutšibutši, monna wa gore ke Mokreste o tshwanele a tseyele mosadi wage gedimo. Wa di tšiba gore mo a maka tsotsone, o tiyisa senghana sage le mosadi wage fote le senghana sage le Jehova se napa se ro tiyelela. Mo monna a thanaka mosadi wage, o šupetsa gore o mo tseyela gedimo, fote wa mmotsa gore o sa na a mo nyaka ka matla a boya a mmotsa le dilo tsa go bafala tso a di makang. w21.07 22 ¶7-8

Ayitsano di ya go kgongwetsa mo o yemele phasela ka maahlo ya makhubedu mara phasela ya gona yi sa segele? Mara mo ba ka go botsa taba ya go kwagala, ayitsano o ka sa yi yemele o lefisiye pelo? Ga Diyema 13:11, re tšhuta gore ke ntaba di nyaka re lefise pelo. Yi re: “Motho wa gore o ghanyisiye ke dilo tsa go sa re selo di nyoko mo felela a šala a yitsa, mara mo motho a ghanya ka go hlekeletsa tso a di berekeleng ka gonyana ka gonyana di nyoko yeketsega.” Re tšhuta ying howa? Motho wa gore o hlalefiye o lefisa pelo, o maka dilo ka gonyana ka gonyana. Diyema 4:18 yi re botsa gore, “pata ya wa go loka yi tshwana le mo go thoma go khanya ka bošego, go fo ya go kene go yela go šinye go ba motshegare.” Mantsu yawa ma šupetsa gabutši gore Jehova o gelepa batho bage gore ba kwisise tso a nyakang go di maka—o ba wunyullela tsona ka gonyana ka gonyana. Mara temanyana yowa yi re yedisela taba ya gore ke dilo difeng tso di nyakegang gore Mokreste a šinye a šupetsa gore o tlalele ga tso tsa Modimo. Gore motho a bonale gore o tlalele ka ho ga tsa Modimo, a di nyake re mo jaga. Di tseya nako. w21.08 8 ¶1, 3-4

Ho re kene re bakiye mafelelong ya lefase lowa, re tlalela ke mmereko. (Mat. 24:14; Luk. 10:2; 1 Pet. 5: 2) Ka mokana ga rune re nyaka go berekela Jehova ka go felegelela. Ba go tlala ba yeketsa mmereko wa bona wa tšhomo. Ba bangwana ba berekela go ba mašupatsela. Ba bangwana ba nyaka go bereka Bethele kela go yaga meyago ya go yelana le tsa Modimo. Magageru ya go tlala maa garagara gore ma thogo ba malata kela bagolo ka phutegong. (1 Thim. 3:1, 8) Jehova o jabola ka matla mo a bona batho bage ba nyaka go mmerekela! (Pis. 110:3) Ayitsano o kgongwetsa ke gore a o soko segelela se sengwana so o nyakang go se makela Jehova? Mo nkare go ka mokgonone, rapela Jehova o mmotse gore go baba kaye. (Pis. 37:5-7) Go tokegela gana hone, butsisa magageru ya gore ma butšwiye gore o ka ghobolla kaye ga tso o di makelang Modimo, ke mokane o karakare gore o make tsotsone ba di hlayang. Mo o ka di maka, o ka kraya ba go neyye mmereko wone kela o segelele selo sa gore ke botala o se nyaka. w21.08 20 ¶1; 21 ¶4

Moporofeta wa mosadi wa gore ke mo a kgwele ke monna ye ba reng ke Ana ke mo a na le 84 ya mengwaga mara “ke mo a sa hloke tempeleng.” Jehova o yye a mo rufa ka taba la gore ke mo a dula “a ya megahlanong” a maka gore ka letšatši le lengwana a bone Jeso mo go sa le leseya. (Luk. 2:36-38) Gana byalo, bowa ba gore ba sa gola ba ka tšhuta tsa gabutši ga ba go tlala ba gore ba šele ba gudiye ba gore baa tshepega. Di ka re gelepa ka matla mo re ka fo tipeyela nako ya gore re ba butsise re boye re ba theetsele mo ba re hlatollela ka tso di ba jabodisiyeng ka mokgahlo wa Jehova. Magageru ya gore ma šele ma gudiye ma na le mmereko wo mogolo ka ho ga Jehova. Ma di bonne mo Jehova a rufa mokgahlo wage le bona beng ga dilo tsa go tlala. Ma tšhutiye dilo tse dikgolo ga tso ma yyeng ma kekemisa ga tsona. Di tšibe tsa gore “ke bona sediba sa mo go hlalefa go tleleng gona,” tšhuta se sengwana ga bona. (Diy. 18:4) Mo o ka maka gore o tšibane nabo o ka tiyisa tumelo yago. w21.09 3 ¶4; 4 ¶7-8; 5 ¶11, 13

Go ba ka mokgonola Jesaya a hlayyeng, batho ba Jehova ba yangwa “lebese la ditšhaba.” (Jes. 60:5, 16) Makolwane yawa ya banna le ya basadi ba na le tsa go tlala tso ba kgonang go di maka byalo mo ba maka mmereko wa go tšhomayela ba wo maka gabutši ga 240 ya dinaga fote dipuku di krayega ka mebolabolo ya go teya ka ku ga 1 000. Ka nako yowa ya mafelelo, taba ya go šiginya ditšhaba yi tšhofa batho gore ba segelele sepheto. Ayitsano ba nyoko yema le Mmušo wa Modimo, kela ba nyoko šupetsa ba tshepa memmušo ya lefase lowa? Di ko fo ya ka motho, mara yowa taba a yi ya go kgana. Le mo batho ba Jehova ba theetsela melawo ya mmušo ya naga yo ba dulang ga yona, a ba tšhele letsogo ga dilo tsa dipolotiki tsa lefase lowa. (Marom. 13:1-7) Baa tšiba gore Mmušo wa Modimo ke wona wo le ntoši wo nyoko tlang wo lukisa mathatha ya batho. Mmušo wone a yi wa lefase lowa.—Joh. 18:36, 37. w21.09 17-18 ¶13-14

Mo lešaga lago le lahla Jehova, di nyaka o dula o tiyisa wene mong le ba bangwana ba genu. O ka di maka byang tsotsone? Lisetsa Jehova a go tiyise, tsotsone o ka di maka ka go dula o bala Lentsu la Modimo o boya o ghayela ka tso o di balang, wa boya wa dula o ya megahlanong ya Sekreste. Joanna o na le papa le sesi ba gore ba yye ba lisetsa nnete, byalo o re: “Ke fo kwa ke yitseri tswee mo ke bala ka batho ba ka ho Bhayibeleng ba go tshwana le Abhigheyili, Esitere, Jobo, Josefa le Jeso. Tso ba di makiyeng di maka gore pelo yaka le monagano di be gabutši fote ke kwa nkare di fodisa hala ga gore gwa baba.” Mo go na le tso di go kgahleletsiyeng, rapela Jehova o sa fetsi. Mo phophotele ga Modimo gore a go gelepe o bone taba go tshwana naye fote a ‘go hlalefise a boye a go yetetse gore o sepele ka pata yifeng.’ (Pis. 32:6-8) Ke nnete gore o ka kraya di baba ka matla mo o kene o hlatollela Jehova gore o tikwa byang. Mara Jehova o di kwisisa gabutši ka matla tso di kwisang pelo yago go baba. Ke yene a hlayang gore o mo kgotolele tso di go robang ka ho pelong.—Ek. 34:6; Pis. 62:7. w21.09 28 ¶9-10

Ka nthago ga Paseka ya 32 C.E., mapostola yawa ka mararo Petro, Jakobo le Johane ma yye ma bona mmono wa go makatsa ka matla. Di ka makega gore mo Jeso a tšhentšha ke mo ba le ga thaba ya go lefa yo ba reng ke Herimone. “Ho mahlong gage gwa thomisa go gadima go tshwana le letšatši, kobo yage ya khanya go tshwana le llampa.” (Mat. 17:1-4) Mapostola yane ma yye ma kwa Modimo a re: “Yewa ke Morwayi waka ye ke mo nyakang ka matla, ke mo yamogele. Le mo theetseleneng.” Mapostola yawa ka mararo ma šupetsiye gore ke mo ma mo theetsela ga Jeso mo ma kene ma phela. Re nyaka go kopisela mešupetso ya wona. Phela taba ya gore Jehova o re yetetsa a berekisa “hlogo ya phutego,” Jeso Kreste yi re jabodisa ka matla! (Maef. 5:23) Tla re tikemisele go ‘mo theetsela’ go tshwana le mapostola yawa ka mararo Petro, Jakobo le Johane. Mo re maka ka mokgonone, re nyoko rufiwa ka matla tsa gana byalo fote re nyoko fo dula re jabodiye ku mahlong. w21.12 22 ¶1; 27 ¶19

Mokreste ye mongwana ku Korente ke mo a maka dilo tsa go sa hlamatsega le mosadi wa papage. Pawulo wa lepostola o yye a botsa Makorente gore ba mo ntshe ka phutegong. Phela maphelelo ya go sa hlamatsega ya monna yene ne ma šele ma yama bo ba leng ka phutegong fote ba bangwana ne ba bona nkare tso a di makang a di sinyi felo! (1 Makor. 5:1, 2, 13) Mo go-ya-go-ya, Pawulo o yye a di kwelela goremorenela o sokologiye tsa mannete! Pawulo o butsiye bagolo gore: “Di nyaka le mo tshwarele fote le mo kgomoletse.” Lebelela gore ke ntaba Pawulo a reyane: “Gore a sa kgongwele ka matla.” Pawulo ke mo a mo kwela go baba ga morenene wa gore o sokologiye. Pawulo wa lepostola ke mo a sa nyake go bona morenene a kgahleletsiye ke tso a di makiyeng la go šinya a nagana gore a ka sa tsoge a tshwarediwwe. (2 Makor. 2:5-8, 11) Bagolo ba kwana natso tsa go yekisela Jehova ga taba ya go kwelana go baba. Ba wolola ba tiyisiye letsogo mo di nyaka ba make ka mokgonone fote mo nkare a go sinyege selo ba šupetsa go kwelana go baba. Phela mo ba ka takisa taba yone maahlo, go ko ba go le go šupetsa go sa kwelane go baba. w21.10 11-12 ¶12-15

Go kwisiwa go baba re ka go tshwanisa le go ba le sethogo. Dithogo tse dingwana ke tse dinyana, tse dingwana ke tse dikgolo. Mo re beyisa, o ka fo re o sa re o bula emvolopo lephephe la go sega senwana sowa. Tsotsone di ka fo ba di sasamela mara ka nthago ga letšatši kela ka mabedi, di ka makega gore o sa sa gopola gore ne di go kwaletsiye kaye. Tse dingwana tso di ka kwisang motho go baba ke tse dinyana. Mo re beyisa, monghana wa rune a ka bolabola kela a maka selo a sa thomisa ka go nagana ke mokane a re kwisa go baba, mara o ka kraya di le lula go mo tshwarela. Mara mo nkare sethogo sone ke se segolo di nyaka togotela a se ruka a boye a se bhandiše. Mo nkare re dulela go se manolla dikgopa kela go se gwayagwaya, se nyoko fo gula se sa fole. Sa go babisa pelo ke gore, o ka kraya ye mongwana wa gore ba mo kwisiye go baba a maka ka mokgonone. A ka fo dulela go nagana ka taba ya gore o kwile go baba go segela kaye. Mara bo ba tshwarang ba bangwana ka pelo ba tikwisa go baba ka bo bona beng. Mo re ka theetsela mantsu ya ma leng ga temanyana ya lekgono, re ka khutsa tsa go tlala. w21.12 12 ¶15

Di ka makega gore mogolo o hlupa ke ka mokgo mogageru a yaparang kela a tilukisang. Mogolo a ka tiputsisa gore, ‘Ayitsano go na le Lengwalo lo le ntšhofang gore ke hlaye se sengwana?’ Ka taba la gore o karakara ka matla gore a dule a tseya dilo gabutši a ka bolabola le mogolo ye mongwana kela motšhomayedi wa gore o butšwiye a mmutsise gore yene o yi bona byang taba yowa. Ba le ka babedi ba ka lebelela tso Pawulo a di hlayyeng mo a bolabola ka taba ya go yapara le go tilukisa. (1 Thim. 2:9, 10) Pawulo o napiye a di yatlala gabutši di tšhiko tsowa a šupetsa taba ya gore Mokreste di nyaka a yapara gabutši ka mokgwa wa gore wa hlompega wa go šupetsa gore o butšwiye. Mara Pawulo a sanka a beya molawo wa gore re yapare byang kela re sa yapare ying. Ke mo a di tšiba gabutši gore tso Makreste ma di jabolelang di ka sa tshwane mara di nyaka ba fo yapara ka mokgwa wa gore a wo ganane le Mangwalo. Byalo, mo bagolo ba nyaka go wolola motho di nyaka ba lebelela gore ayitsano tso a kwanang natso di ya hlompega kela di šupetsa gore o butšwiye. Re ko ba re sa yi lahla mo re ka tšiba taba ya gore di ya kgonega gore Makreste ka mabedi ya gore ma butšwiye ma kgete dilo tsa gore a di tshwane mara ka dipedi ga tsona di yamogelega. Di nyaka re pasope gore re sa gapeletse magageru gore ba make dilo tso rune re tseyang gore ke tsona. w22.02 16 ¶9-10

Go na le tso di makang gore re nyake go šupetsana gore re ya nyakanana. Ke difeng dilo tsa gona? Lebelela ka mokgo diyema tsowa di fetolang putsiso yone: “O sa lisetse go nyakanana tsa mannete le go tshepega. . . . Ke mokane Modimo le batho ba nyoko go yamogela fote ba tseya gore o kwisisa dilo gabutši.” “Motho wa gore o nyakanana tsa mannete, le yene di ya mmerekela.” “Ye mongwana le ye mongwana ye a liketsang go maka tsa go loka le go nyakanana tsa mannete, o nyoko kraya lephelo.” (Diy. 3:3, 4; 11:17; 21:21) Diyema tsowa di šihlela kararo ya dilo tso di re hlohletselang gore re šupetsane gore re nyakanana tsa mannete. Sa mathomo, mo re šupetsa gore re nyakanana tsa mannete, Modimo o nyoko re tseyela gedimo. Sa bobedi, mo re šupetsa gore re nyakanana tsa mannete, tsotsone di berekela rune beng. Mo re beyisa, re thogo maka mong senghananghana le ba bangwana. Sa boraro, mo re karakara ka matla gore re šupetsane gore re nyakanana tsa mannete ba nyoko re rufa ku mahlong, fote re nyoko kraya le lephelo la go ya go yye. Byalo, a di makatse mo re karakara gore re theetsele mantsu yawa ya Jehova mo a re: “Le nyakanane tsa mannete fote le kwelane go baba.” w21.11 8 ¶1-2

Mo nkare dintshitshire tso o gahlanneng natso ku botala kela tsa gana byalo di go šupetsiye gore tumelo yago ya gayela, o sa nape o kgongwela ka matla. Tseya taba yone go le lešuba la gore o tiyise tumelo yago. Rapela Jehova di go baba ka matlamatla mo o gahlana le tsa go go ghula. O di bone mo Jehova a go gelepa a berekisa ba mutši wago kela banghana bago. Mo o lisetsa Jehova gore a go gelepe ga tso o gahlanang natso gana byalo, o nyoko di tshepa tsa gore o ko go gelepeng le mo o gahlana le tsa go thathafa ku mahlong. Jeso o hlayye gore tumelo ya malata yage yi gayela mo di tla kaye, mara ne a sa kamake gore mo Jehova a ka ma gelepa, ga dintshitshire tsa ku mahlong ma nyoko teya ma tshwarelele. (Joh. 14:1; 16:33) Ne a di tšiba gore go ba le tumelo ya go tiya go nyoko gelepa bo ba mogoba wo mogolo gore ba phone ga motšhatšhamelo wo mogolo. (Kut. 7:9, 14) Le wene o ko ba o le nabo mo nkare o berekisa lešuba lo o le krayang gana byalo gore o tiyise tumelo yago!—Maheb. 10:39. w21.11 25 ¶18-19

A re ya letela gore re tšhireletsege ka mohlolo. Mara re ya di tšiba tsa gore ye a tshepang Jehova a ka sa duli a gomele ke tsa go sasamela. Re ya di tshepa tsa gore Jehova wa re tšhireletsa, mara taba yonone yi nyoko liketsiwa go se botala. Mo Ghogho wa Maghogho, go leng mogoba wa ditšhaba wo hlasela batho ba Modimo, di nyoko šupetsa nkare go nyoko napa go fela ka rune. Mara di nyaka re sa kamake le ka gonyana gore Jehova o nyoko re phonisa. Ditšhaba di nyoko tseya nkare re fo tshwana le dinku tsa gore a go na wa go di tšhireletsa. (Hezek. 38:10-12) Re nyoko ba re sa tšhutela tsa ntwa fote le mong segale re sa se tshwara. Tsotsone di nyoko maka gore ditšhaba di nagane nkare di ka fo ghalawela ho ga rune. Ba ka sa bone tso re di bonang, mangeloyi ya Modimo ma nyoko ba ma dukulugele batho bage ma tikemisele go re lwela. Mara ditšhaba ne di ka ma bona byang mangeloyi yane? Phela a di tšibi selo ka tso tsa Modimo. Di kwisa go baba wa tšiba tsa gore a ba tšibi gore ba nyoko makegela king mo masole ya legedimo ma šele ma tl’le re lweleng!—Kut. 19:11, 14, 15. w22.01 6 ¶12-13

Jehova o ma tseyela hlogong magageru ka mokana ga wona, le rune di nyaka re ma tseyela hlogong. Di nyaka re tikemisele go karakara gore re pasope magageru yawa. Mo nkare re ya tšiba gore re kwaletsiye ye mongwana kela re mo thunugiye, a di nyake re fo di phayela ka thoko, o kraya re tipotsa gore re mo ntsha tšhinghi le gore di nyaka a tšibe gore mo ke lefaseng. Ba bangwana ba phiriketsa king? Di ka fo makega gore magageru ya mangwana ma titseyela fase ka taba la ka mokgo ma gudisiwweng ka gona. Ya mangwana a yi botala ma tšiba nnete, fote a ma soko di tšiba gabutši gore ma ka maka ying gore ma tshwarele ba bangwana mo ba ma sinyela. Mo nkare re phiriketsa ba bangwana kela ba bangwana ba re kwisa go baba, di nyaka re karakare ka matla gore re kekemolle gore go dule go bebiye. Go tokegela gana hone, mo motho a fo dula a kwatakwatisa ke tso ba bangwana ba di makang kela ba di hlayang, di nyaka a liketse go lwa le mokgwa wone wa gore a sa fo lla go tuba. Di nyaka a make tsotsone gore yene mong a jabole, ke mokane o nyoko ba le senghana sa gabutši le ba bangwana. w21.06 21 ¶7

Jeso o kwisisa ka mokgo o tikwang. Mo go na le tsa go re šekedisa, di re thoba dipelo ka matla go ba le monghana wa gore o kwisisa ka mokgo re tikwang. Jeso ke monghana yenene. Wa di tšiba gore di byang mo motho a tikwa a lelemela le mo a ­nyaka gore ba mo gelepe. Wa di kwisisa mo go na le tsa go re lelemetsa fote o tikemisele go re gelepa “ka nako ya gona.” (Maheb. 4:15, 16) Go fo tshwana le mo Jeso a yye a yamogela gore lengeloyi le mo gelepe ku Ghetsemane, le rune di nyaka re tikemisele go yamogela mo Jehova a re gelepa a berekisa dikgatiso, dividiyo, dipolabolo, mo re vakašele ke mogolo wa gore o tl’le re tiyiseng kela magageru ya mangwana ya gore ma butšwiye. (Luk. 22:39-44) Jehova “Modimo o nyoko maka gore le bebe” a boya a le tiyisa. Mo re rapela “Modimo o nyoko maka gore re bebe batho ba bangwana ba šala ba sa kwisisi.”—Mafil. 4:6, 7. w22.01 18-19 ¶17-19

Jehova o dula a maka tsa go loka. Mara taba ya go tshepa bo a ba kgetiyeng go ka ba mong ntshitshire ho ga rune. O ka kraya re tiputsisa gore ayitsano bo Jehova a ba beyyeng gore ba yete mahlong ka ho mokgahlong wage, ba maka tso a ba yetetsang ka tsona kela ba maka tsa go tšiba ke bona. Re ko ba re titshwara ka lebelebele mo re tipotsa gore re tshepa Jehova mara re šitega go tshepa bo a ba kgetiyeng ba gore fote wa ba tshepa. Lekgono Jehova o yetetsa mokgahlo wage wa ho lefaseng a berekisa “lelata la go tshepega la gore fote le hlalefiye.” (Mat. 24:45) Go fo tshwana le mogoba wa go lawola wa ku botala, lelata lowa le yetetsa batho ba Modimo lefaseng ka mokana ga lona le boya le yetetsa le bagolo ka diphutegong. Ke mokane bagolo ba berekisa tso ba ba yetetsang ka tsona ka diphutegong. Re šupetsa gore re ya mo tshepa ga Jehova mo re theetsela tso mokgahlo wage le bagolo ba re yetetsang ka tsona. w22.02 4 ¶7-8

Wa tšiba taba ya gore ke rune Dihlatse tsa Jehova yi maka gore re jabole re boye re titeye sekguba! Re jabola la go sa hlayisege mo re gelepa motho wa gore o “tlalele ga lephelo la go ya go yye” gore go be lelata. (Meber. 13:48) Re tikwa go tshwana le Jeso wa gore, ‘Modimo o yye a mo neya moya wa go hlawolega ke mokane a jabola ka matla’ mo malata yage di ma sepelele gabutši ga letsima la go tšhomayela. (Luk. 10:1, 17, 21) Pawulo wa lepostola o hlohletsele Thimothi gore: “Tipasope, o pasope le ka mokgo o tšhutisang ka gona.” Pawulo o tokegele ka gore: “Ka taba la gore o nyoko tiphonisa wa boya wa phonisa le bo ba go theetselang.” (1 Thim. 4:16) Maphelo ma kotsing. Re ya tipasopa ka taba la gore Mmušo wa Modimo ke wa rune. Re dula re nyaka go maka dilo ka mokgwa wa gore wo nyoko thanakisa Jehova wo boya wo tshwanela ditaba tsa go bafala tso re di tšhomayelang. (Mafil. 1:27) Re šupetsa gore re ‘pasopa tso re di tšhutisang’ ka go lukiselela re boya re kgopela Jehova gore a re gelepe mo re ye tšhomayelela ba bangwana. w21.10 24 ¶1-2

“Mekgwa ya nyuwane” ke go nagana le go maka dilo go tshwana le ka mokgo Jehova a makang. Motho wa gore o na le mekgwa ya nyuwane o šupetsa diyengwa tsa moya wa Modimo wa go hlawolega, fote o lisetsa moya wa go hlawolega wo mo hlohletsela ga tso a di naganang, ka mokgo a tikwang le tso a di makang. Mo re beyisa, motho yene o nyaka Jehova le batho Bage ka matla. (Mat. 22:36-39) Motho wa mošaga wonone o dula a jabodiye le mo go na le tsa go mo ghula. (Jak. 1:2-4) Ke motho wa go kwana le go maka gore go bebe. (Mat. 5:9) Fote mo a berekisana le ba bangwana o lefisa pelo a boya ba kwela go baba. (Makol. 3:13) O kwana le go maka tsa go loka. (Luk. 6:35) O šupetsa gore o na le tumelo ga Papage wa legedimong. (Jak. 2:18) O dula a kgibiye mo ba mo šuhlašuhla fote wa titshwara mo go na le tsa go mo woka. (1 Makor. 9:25, 27; Tito 3:2) Mo re nyaka go ba le mekgwa ya nyuwane, di nyaka re ba le diyengwa tsa moya tso di leng ga Magalata 5:22, 23 le ga dipuku tse dingwana tsa Bhayibele. w22.03 8-9 ¶3-4

Bagolo a di nyake ba fo yekisela Pawulo ga mmereko wa go tšhomayela ka mutši ka mutši fela mara di nyaka ba tikemisele go tšhomayela nako ye nngwana le ye nngwana mo go thulega lešuba. (Maef. 6:14, 15) Bagolo le bona ba ka kopisela ga Pawulo ka go berekisa nako ya mo ba le ga mmereko wa go tšhomayela gore ba tlwayetse ba bangwana, re rela le malata ya ka ho phutegong. (1 Pet. 5:1, 2) Mara bagolo di nyaka ba bone gore ba sa tshwaragane ka mmereko wa ka phutegong ka matla la go šinya ba gayela nako ya go maka mmereko wa go tšhomayela. (Mat. 28:19, 20) Gore ba thogo kraya nako ya go maka dilo ka mokana ga tsona tso ba tshwaneleng ba di make, di nyaka ba fela ba gana mo ba ba pakelela ka mebereko ya go tlala. Mo ba šele ba ghayele fote ba rapele ka mmereko wone, ba ka di bona tsa gore mo ba ka yamogela mmereko wone ba nyoko šitega go maka tso di tshwaneleng di yete mahlong. Ga tso di tshwaneleng di yete mahlong re tšhela le go tshwara morapelo wa mutši, go maka mmereko wa go tšhomayela ka matšato kela go tlwayetsa bana ba bona gore le bona go be batšhomayedi. Di nyaka ba sa kamake gore Jehova wa kwisisa mo ba nabela go rwala fela tso ba ka di kgonang. w22.03 27 ¶4, 7; 28 ¶8

Ayitsano o sa gopola nakwela o kwa pelo yowa yi fo re kikiti, o kwa o tšhaba go ba Hlatse ya Jehova? Nakwenngwana ne o bona nkare o ka sa di kgone tsa go tšhomayela. Kela ne o bona nkare mašaga yago le banghana bago ba nyoko go phigisa. Mo nkare go sone, o ka kwisisa gore ye o balang naye o tikwa byang. Jeso o hlayye gore ba bangwana ba nyoko tšhoga ka taba la dilo tsowa. Mara o butsiye bo ba mo latelelang gore go tšhoga go sa ba lisisi go berekela Jehova. (Mat. 10:16, 17, 27) O fo ya o kene o tšhutisa ye o balang naye Bhayibele gore a kgone go botsa ba bangwana ka so a se dumelang. Malata ya Jeso ma ka fo ba ma yye ma tšhoga mo Jeso a ma roma gore ma ye tšhomayeleng. Mara Jeso o ma gelepiye ka go ma botsa gore ma tšhomayele kaye le gore ma bolabole ma re king. (Mat. 10:5-7) O ka mo yekisela byang ga Jeso? Gelepa ye o tšhutang naye gore a tšibe gore a ka tšhomayela kaye. Mo re beyisa, mmutsise gore go na le ye a mo tšibang wa gore a ka gelepa ke nnete ya Bhayibele. Ke mokane o mo gelepe gore a lukiselele so a nyoko se bolabolang ka go mo šupetsa mokgwa wa gore wo lula. w21.06 6 ¶15-16

“Mo re re jiki, ditolo le dintlo tsa botala ke mo di thirimela ka go lategetsana.” “Go sa gotliwi go sa gotliwi . . . Batho ba go tlala ba re di f’lo tseya gana hala ga diminetsi ka dipedi. Gaka ke mo nkare di tsere nako ya go lefa ka matla.” Mantsu yawa ma bolabodiye ke batho ba bangwana ba gore ba yye ba phona nakwela go tekateka lefase hala Nepal ka 2015. Mara gana byalo, re ga mohlobo wo mongwana wa go šiginyega kela go tekateka, go šinyega howa go makega dinageng ka mokana ga tsona. Haghayi wa go porofeta o ngwadiye gore: “Jehova wa masole o re, ‘Fotefote—di nyoko makega go se botala—ke nyoko šiginya magedimo le lefase.’”(Hagh. 2:6) Mohlobo wa go šiginya wo Haghayi a bolabolang ka wona a wo tshwane le mo go tekateka lefase, ga gore go šala go sinyegiye. Mara go leya dilo tsa go bafala. Re botsa ke Jehova ka boyene beng gore: “Ke nyoko šiginya ditšhaba ka mokana ga tsona, ke mokane go nyoko kena mong makolwane ya ditšhaba ka mokana ga tsona; fote ke nyoko maka gore ntlo yowa yi thanakiwe ka taba la go gadima.” w21.09 14 ¶1-3

Mo o nyaka gore wene le monghanago le be le senghana sa go tiya, di nyaka le bolabodisane gatleletlele fote le thuletselane tso di leng ka ku tengteng ga pelo. Senghana sa rune le Jehova le sona se ka mokgonone. Mo re rapela, re mmotsa ka mokgo re tikwang ka gona, tso re di naganang le tso di re hlupang, re šupetsa gore re ya mo tshepa le gore re ya tšiba gore wa re nyaka. (Pis. 94:17-19; 1 Joh. 5:14, 15) Nghanelana le batho ba go tshepega; o ba neyye ke Jehova. (Jak. 1:17) Papa wa rune wa legedimong o šupetsa gore wa tihlupa ka rune, o re neya magageru ka ho phutegong ba gore ‘ba dula ba šupetsa gore ba re nyaka ka matla.’ (Diy. 17:17) Ga borifi bya gore Pawulo wa lepostola ke mo a bo ngwalela Makolosi, o hlayye mabitso ya Makreste ya gore ma yye ma mo thega, a re ‘ba yye ba mo kgomoletsa ka matla.’ (Makol. 4:10, 11) Le Kreste Jeso ke mo a di nyaka gore banghana bage ba gore ke mangeloyi le ba ho lefaseng ba mo thege, fote ke mo a ba tseyela gedimo. (Luk. 22:43) O ko ba o sa lepelele mo o thuletsela monghanago wa gore o butšwiye gore wene o kokona king, mara o ko ba o titšhireletsa. w21.04 24-25 ¶14-16

Di nyaka o make ying mo ­mogageru a makiye dilo tsa gore a di go tshware gabutši gee, o kraya di sa go yetsedisi? Liketsa ka matla go maka gore go dule go bebiye. Botsa Jehova gore o tikwa byang. Mo kgopele gore a gelepe motho ye a go kwisiyeng go baba fote a go gelepe le wene gore o bone dilo tsa gabutši tso motho yene a di makang tsa gore di maka gore Jehova a mo nyake ka matla. (Luk. 6:28) Mo nkare o šitega go lebala tso mogageru yene a di makiyeng, nagana gore o ka bolabola naye byang, gore o mo kene gabutši. Di gabutši ka matla go dula o nagana gore mogageru a ka sa fo go kwisa go baba ka bomu. (Mat. 5:23, 24) O mo naganele tsa gabutši mo o bolabola naye. Mo nkare aa nyake go lukisa dilo gee? ‘Ariye mahlong o mo lefisela pelo.’ O sa mo lahlele tewu. (Makol. 3:13) Fote se segolo ka matla ke sowa, o sa duli o mo kwatele ka taba la gore tsotsone di ka sinya senghana sago le Jehova. O sa lisetsi selo se go phiriketsa. Mo o maka ka mokgonone, o napa o šupetsa gore ga Jehova o mo nyaka ka matla go phala dilo tse dingwana.—Pis. 119:165. w21.06 23 ¶15