July

Tso tsa gore batho ba ntshiwe ka phutegong di makiye ke Jehova. O nyaka gore dilo di re sepelele gabutši, le mong yene yewa wa gore o sinnye. Mo o kraya motho a thomisa go hlaya dilo tsa go kekema, a re a baa yi yahlula gabutši taba yowa, o ka kraya a maka ke gore aa nyake go bolabola dilo tsa gore di ka re kwisa go baba ka motho yewa wa gore o sinnye. Rune a re tšibi ditaba ka moka. Byalo, re ko ba re šupetsa gore re hlalefiye mo re tshepa gore bagolo bo ba yyeng ba yahlula taba yone ba yye ba karakara gore ba berekise ditšhiko tsa ka ho Mangwalong fote mo ba yahlula ke mo ba “makela Jehova.”(2 Dikor. 19:6) Mo o yema le sepheto so bagolo ba se segeleleng sa go ntsha motho wa genu ka phutegong, o ka kraya o mo thuša gore a yakgoswe a sologa a tle ga Jehova. Elizabeth le yene wa dumela, o re: “Go kgopela morwayi wa rune gore a sa sa tla mo re gahlanne re le mutši ke mo di roba le lengwana la go sa hlayisege. Mara mo a šele a buyye a berekela Jehova, o yye a dumela gore ke mo di ro ba lekgwaying gore di nyaka a ntshiwe ka phutegong. Mo nako yi kene yi ya, o yye a leboga gore taba yowa yi mo tšhutisiye se sengwana.” w21.09 28-29 ¶11-12

Nagana ka yene ša. A re kamake gore hala a na le tšheleta ya go tlala, ke mo a nyoko ro mo neya yi tlele ga Jehova. Mara o f’lo segela gana hone; o neyye Jehova a fo tišalela a yitsa. Fote Jeso ke mo a di tšiba tsa gore Papage o wo tseyela gedimo ka matla moneyelo wone. Re tšhuta taba ya gabutši ke yowa: Jehova wa jabola mo re mo neya mong sona so re se tseyelang gedimo—re mmerekela ka dipelo tsa go felegelela. (Mat. 22:37; Makol. 3:23) Jehova o jabola ka matla mo re mmerekela ka mokgo re kgonang! Mantsu yawa ma rela nako le matšhika ya re ma berekiselang tso tsage, go ka fo ba go le tšhomong le megahlanong. Tso o di tšhutiyeng ka mosadi yela wa go kgwela ke monna o ka di berekisa byang? Nagana ka batho bo o ba tšibang ba gore ba nyaka ye mongwana a ba botsa gore Jehova o jabolela tso ba mo makelang tsona. Di ka makega gore go na le mogageru wa mosadi ye wene o mo tšibang, wa gore o fo kwa nkare a go sa le yene selo ka taba la gore gana byalo o hlupa ke malwele kela aa sa na matšhika ya go tšhomayela go tshwana le botala. w21.04 6 ¶17, 19-20

Jehova o tšiba nako ya gabutši ya go napa a fetsa ka lefase lowa la go sa loka. O lefisiye pelo gore re thogo kgobeketsa mogoba wo mogolo wa batho, gana byalo ba taboga ga dimiliyoni, batho ba gore baa mmerekela fote baa mo thanaka. Ka mokana ga bona ba jabodisa ke gore Jehova o yye a kgohlelela ba šinya ba belegiwa, ba tšhuta go kwana le tsage ke mokane ba tineyela ho gage. Mo dimiliyoni tsa rune batho bage re ka fo yi tshwara ka mokgonone go segela mafelelong, di nyoko ba lekgwaying gore Jehova o makiye gabutši mo a lefisa pelo! Le mo Sathane a kwisiye batho go baba fote a ba hlupegisa, Jehova go sa na go le “Modimo wa gore o jabodiye.” (1 Thim. 1:11) Le rune re ka dula re jabodiye mo re kene re yemele gore Jehova a yedise lebitso lage, a lawole, a tlose dilo ka mokana ga tsona tsa go sa loka a boye a tlose mathatha ya re nang nawo gana byalo. Tla re tikemiseleng go tiyisela fote nkare di ka re kgomoletsa go tšiba gore Papa wa rune wa legedimong le yene o kene o kgohlelele. w21.07 13 ¶18-19

Batho ba go tlala ba ku botala ne ba sa mo dumele ga Jeso. Ne ba fo mo tseya go le morwayi wa monna wa go tihlupegela wa go bereka ka go betla dibhakabhaka. Fote ne a tšwa Nazareta, yone poleke di šupa nkare batho ne ba yi tseyela fase ka matla. Le mong Nathaniyele mo a soko ba lelata la Jeso, o yye a hlaya gore: “Nje go na le selo sa gabutši sa go ka tšwa Nazareta?” Ne a ka fo ba a naganne ka seporofeto so se leng ga Mmika 5:2 sa gore se hlayye gore Mesiya ba ka sa mmelegele Nazareta mara ba nyoko mmelegela Betlelehema. Ke botala moporofeta Jesaya a hlayye gore manaba ya Jeso ma ka sa tihlupe “ka ditaba tsa ba moloko [wa Mesiya].” (Jes. 53:8) Hala batho bone ba yye ba ba le nako ya go nyakolla ditaba ka moka, nke ba di krayye tsa gore Jeso ba mmelegele Betlelehema le gore ke mo go le setlogolwane sa Kgoši Dafita. (Luk. 2:4-7) Jeso ba mmelegele ga poleke ya gore ba bolabodiye ka yona ga Mmika 5:2. Bothatha ne go le ying byalo? Batho ke mo ba na le magaba. Ke mo ba sa tšibi ditaba ka moka. Tsotsone di makiye gore ba kwate. w21.05 2-3 ¶4-6

Bhayibele yi re neya mešupetso ye mengwana ya gore a yi tshwane le yela re bolabodiyeng ka yona mathomisong, mešupetso ya gabutši ya batho ba gore ba ba rufiye ka taba la gore ba yye ba yamogela mo ba ba wolola. Lebelela taba ya Jobo. Le mo yi le gore ne a sa yenela, ne a mo hlompa ga Modimo. Nakwela di mo kgahleletsiye o yye a fo tipolabolela tsa gore di fo re tlo. Tsotsone dya maka gore Elikgu le Jehova ba mo wolole ba sa jikajiki. Jobo o yye a titshwara byang? O yitseri: “Ke bolabodiye ke sa nagana . . . ke masopo tso ke di hlayyeng fote ke tisola ke le mobung le luteng.” (Jobo 42:3-6, 12-17) O šupetsiye gore wa resa mo a re o tinyanafatsiye mo a yamogela mo Elikgu wa gore ke ye monyana gage a mo wolola. (Jobo 32:6, 7) Fote go tinyanafatsa go nyoko re gelepa gore re berekise tso ba re wololang ka tsona le mo re kwa di re tshwatisa kela mo ye a re wololang go le ye monyana ga rune. Ke mang wa gore yene aa di nabele tsa go phomelela ga taba ya go ba le diyengwa tsa moya le go ba motšhomayedi kela thitšere ya gabutši? w22.02 11 ¶8; 12 ¶12

Ka mokana ga rune ka mo phutegong re na le mmereko wa go maka gore go bebe fote re šupetse gore re ya nyakanana gore go sa be le ye a tikwang a le ntoši. Tso re di makang le tso re di hlayang di ka tiyisa ba bangwana! O ka maka byang gore o thogo gelepa bo ba gore a ba na mašaga ya gore ke Dihlatse gore ba nape ba di bona gore magageru ma ba nyaka ka matla? Liketsa go nghanelana le bo ba gore a yi botala ba tlile ka phutegong. Re ka thomisa ka go yamogela bo ba gore a yi botala ba thomisiye go tla megahlanong. (Marom. 15:7) Mara a di nyake re fo tamisa motho ke mokane ra felela gana hone. Mo nako yi kene yi ya, di nyaka re make gore senghana sa rune se tiye. Byalo, šupetsa motho wa gore o sa thomisa go tla megahlanong gore o mo tseyela gedimo. Liketsa go kwa gore a ka fo ba a phiriketsa king, mara o sa nape o ya ka matla, o kraya o butsisa le tsa gore a di go nyake. Ga ba bangwana o ka kraya go se lula go go botsa gore ba tikwa byang, byalo mo lisetse mo a sa nyake go go botsa. Liketsa go butsisa diputsiso tsa gore di ka sa make gore a šale a tšebiye, ke mokane o mo theetsele gabutši mo a fetola. Mo re beyisa, o ka fo mmutsisa gore nnete yowa o yi krayye byang. w21.06 11 ¶13-14

Re jabodisa ke gore re thogo berekela Jehova fote re na le magageru re le “morape ka wwoši” re kene re na le “wa go [re] disa ka wwoši”! Puku ya Go Rulaganyetšwa go Dira Thato ya Jehofa, lephephe 165, yi re: “Ka taba la gore di ya re gelepa mo re maka dilo re mamarelanne, di nyaka le wene o tšhela letsogo gore go dule go le ka mokgonone.” Byalo, di nyaka re “titlwayetsa gore re tseye magageru ka mokgo Jehova a ma tseyang ka gona.” Rune ka mokana ga rune “bowa ba banyana,” Jehova o re tseyela gedimo ka matla. Ayitsano le wene o tseya magageru ka mokgonone? Jehova o di tseyela gedimo fote wa di bona ka mokana ga tsona tso o di makang gore o ma gelepe. (Mat. 10:42) Magageru re ma nyaka ka matla. Byalo re tikemisele go sa ‘make selo sa gore se ka šepisa tumelo ya mogageru kela sa mo phiriketsa.’ (Marom. 14:13) Re tseya magageru ma re phala, fote re nyaka go ma tshwarela di re baba. Nkare re ka tikemisela go maka gore ba bangwana ba sa re phiriketse. Mara di nyaka re “liketse go maka dilo tsa gore re dule re kwana le gore re tiyisane.”—Marom. 14:19. w21.06 24 ¶16-17

Mo wene mong o garagara o kene o titšhutisa o le ntoši o boya o theetsela mo o wolola ke Lentsu la Modimo le mokgahlo wage, mo nako yi kene yi ya re nyoko ba le mekgwa ya go tshwana le ya Kreste. Re nyoko tokegela ga tso re di tšibang ka Modimo. Jeso o re beyisele ka se sengwana gore a thogo re yedisela taba ya gore mo re tšhomayela molayetsa wa Mmušo, ke setšha pewu ye nyana yi kene yi gola ka pelong ya motho wa go nyaka go maka tsa gabutši. O hlayye gore: “O kraya pewu yela yi thunnye fote yi gudiye, mara gore byang le yene [ye a gašang] aa tšibi. Pewu yone yi yengwa ka gonyana ka gonyana, mara yi thomisa ka go thunya yi ntsha hlogo, ya fetsa ka go ntsha diyengwa tsa gore di gudiye gabutši.” (Mar. 4:27, 28) Jeso ke mo a hlatolla gore semelane se gola ka gonyana ka gonyana, byalo, le motho wa gore o dumela tso a di tšhutang ka Mmušo, senghana sage le Modimo se gola ka gonyana ka gonyana. Mo re beyisa, mo ye re tšhutang naye Bhayibele a kene a šutela thina ga Jehova, re bona a thomisa go tšhentšha dilo tsa go tlala ga maphelelo yage. (Maef. 4:22-24) Mara a di nyake re lebala gore Jehova ke yene a midisang pewunyana yone. w21.08 8-9 ¶4-5

Mo re nyaka go jabola, di nyaka re tšibe gore re ka jabodisa ke dilo tsa mošaga mang. Motho wa gore o jabodisa ke “tso di bonang ke maahlo” o kgotsofatsa ke so a nang naso le seyemo so a leng ga sona gana byalo. Mara motho wa gore o fo dulela go lelekisana le dilo tso a di nabelang tsa gore aa natso o dulela go nyaka tsa gore a ka sa ro tsoga a di krayye. Re tšhuta ying howa? Mo re nyaka go jabola, di nyaka re lebelele so re nang naso le so re ka kgonang go se segelela. Nje di ya kgonega go kgotsofatsa ke tso o šeleng o le natso? Batho ba go tlala ba tseya gore di ka sa tsoge di kgonegiye, phela mo re le batho re kwana le go tšhuta dilo tsa nyuwane. Mara nnete ke gore di ya kgonega. Re ka jabola tsa mannete, re sa fo lebelela “tso di bonang ke maahlo.” Re ka di kgona byang? Mošupetso wa Jeso wa ditalente wo wo leng hala ga Matewu 25:14-30 wo nyoko re thuletsela taba yone fote re nyoko tšhuta gore re ka gelepa king gore re jabodise ka matla ke dilo tso re šeleng re le natso. w21.08 21 ¶5-6

Jehova o ba kwela go baba ka matla bowa ba gore ‘ba kgongwele fote baa šekela.’ A yi bagolo ba ntoši, mara ka mokana ga rune re ka tiyisa magageru ka ho phutegong. Mokgwa wo mongwana wa go ba tiyisa ke wa go šupetsa gore re ba tseyela gedimo. Jehova o kwana ka matla le dinku tsage, byalo o nyaka le rune re šupetsa gore re di nyaka ka matla. (Diy. 19:17) Mo magageru ya mangwana ma di bona gore re tinyanafatsiye fote a re kganye, ba nyoko tšhuta se sengwana ho ga rune. A di nyake re kwana le maahlo ya batho, wa kraya batho ba bangwana ba thomisa go re jelasela. Mara di nyaka re berekisa dilo tso re di kgonang le tso re di tšibang gore re thogo tiyisana. (1 Pet. 4:10, 11) Re ka tšhuta tsa go tlala gore batho ba bangwana re ka ba tshwara byang mo re lebelela ka mokgo Jeso ne a tshwara bo ba mo latelelang. Ke mo go le motho wa go ba phala ka mokana ga bona bo ba yyeng ba phela. Mara, ke mo ‘a bebiye fote a tinyanafatsa.’ (Mat. 11:28-30) Ke mo a sa berekisi mantsu ya go hlupa mo a bolabola le batho fote le tso ne a beyisa ka tsona ke mo di tikisa dipelo tsa batho ba gore ba tinyanafatsiye.—Luk. 10:21. w21.07 23 ¶11-12

Šutela ga bo ba gore ba šele ba gudiye, o bolabole nabo. Di ka makega gore a ba sa bona gabutši mo maahlong, mo ba sepela baa nanankela, le mo ba bolabola a ba sa kwagala gabutši, mara ba sa nyaka go bereka, fote ba timakele “lebitso la gabutši” ga Jehova. (Mmo. 7:1) O sa lebale gore ke ntaba Jehova a ba tseyela gedimo ka matla. O sa lisetse go ba hlompa. Tseyela ga Eliša. O yye a fo ngangarela Eliya ka letšatši lo ne go le la mafelelo ba le ggoši. Eliša o hlayye gararo gore: “Nka sa go šiyi.” (2 Mag. 2:2, 4, 6) Mo o butsisa dilo ga bowa ba gore ba šele ba gudiye, di butsise gabutši go šupetsa gore wa tihlupa ka bona. (Diy. 1:5; 20:5; 1 Thim. 5:1, 2) Ba butsise tsa go tshwana le gore: “Mo o sa le ye monyana, o makiye king gore o tshepe gore o krayye nnete?” “Tso di go makegeleng ho lephelong di go gelepiye byang gore o šutele thina ga Jehova?” “O tšhutiye gore motho a ka maka byang gore a dule a jabodiye mo a kene a berekela Jehova?” (1 Thim. 6:6-8) Ke mokane o theetsele mo ba go hlatollela. w21.09 5 ¶14; 7 ¶15

Mo o karakara gore o theetsele Jeso mo a re re tšhomayele re boye re tšhutise batho gore go be malata, o šupetsa gore wa resa mo o re ga Modimo o mo nyaka ka matla. (1 Joh. 5:3) Bona se sengwana ke sowa: Le wene ga Jehova o mo nyaka ka matla, byalo o tšhofa ke tsotsone mo o šinya o kena mutši ka mutši o tšhomayela. Taba yone ya fefoga nje? Le ka gonyana. Nakwela o sa thomisa go ya tšhomong, ayitsano ke mo o sa kwi nkare mawoto yawa maa kgwelakgwehla ka taba la go tšhoga? O ka kraya gore le go bhahla ke mo o bhahliye! Mara ke mo o tšiba gore Jeso o nyaka gore o tšhomayele, fote o yye wa mo theetsela. Di ka makega gore mo o kene o tlwayela tšhomo, tso tsa go tšhoga di yye dya pomeganyana. Taba ya go bala le motho Bhayibele yona? Go fo nagana ka yona nje, ayitsano ya go tshosa? Di ka makega. Mara mo o ka rapela Jehova gore a go gelepe o hlule go tšhoga, a go neye lešiši la go kgopela motho gore o bale naye Bhayibele, o nyoko go tiyisa gore o kwane le mmereko wa go maka malata. w21.07 3 ¶7

Mabhantiti ka dinako tsa ku botala ke mo ba ma mereka go šupetsa gore mong wa wona ke mang. Le lekgono, di nyoko nyaka gore batho ka mokana ga bona ba be le selo sa nkare ba ro ba mereka kela setwaba ho letsogong kela ho mopong. Tso ba di naganang le tso ba di makang di nyoko šupetsa gore ke ba mokgahlo wofeng wa dipolotiki. Ayitsano re nyoko yamogela selo sowa sa nkare ke setwaba ke mokane ra yema le memmušo ya dipolotiki? Mo motho a gana go merekiwa, o nyoko goga go baba fote o nyoko ba a kgana ka mollo. Puku ya Kutullo yi re: “Go sa be le motho wa go reka kela wa go rekisa mo go se motho wa gore ba mo merekiye.” (Kut. 13:17) Mara batho ba Modimo baa di tšiba tsa gore Modimo o nyoko maka ying ka batho ba gore ba na le setwaba so go bolabodiwang ka sona ga Kutullo 14:9, 10. Ba ka sa dumele go merekiwa, gabutšibutši ba ko ba ba šupetsa gore ho matsogong ya bona ke setšha ba ba ngwadiye gore, “Ke Nna wa Jehova.” (Jes. 44:5) Di nyaka re šupetse gana byalo gore ga Jehova re mo ngangarele ka go tshepega fote a re thogathoge. Mo re maka ka mokgonone, le Jehova a ka sa tšebe mara o nyoko ro hlaya a kene a ngwalangwala a re ke rune bage! w21.09 18 ¶15-16

Re ka gelepa ke ba bangwana gore re thogo yenetsa mmereko wa rune wa go tšhomayela. Pawulo wa lepostola ke mo a tšhutisa Thimothi ditsela tsa go tšhomayela le go tšhutisa, fote ke mo a hlohletsela Thimothi gore a berekise ditsela tsone gore a gelepe ba bangwana. (1 Makor. 4:17) Re ka tseyela ga Thimothi le rune, re ka gelepa ke tso ba bangwana ka ho phutegong ba šeleng ba gahlanne natso. Fote di nyaka re rapele gore Jehova a go gelepe. Nako ye nngwana le ye nngwana mo o tšhomayela, kgopela Jehova gore a go yetetse. Mo re sa gelepe ke moya wage wa go hlawolega wa go ba le matšhika, re nyoko phuka gatleletlele. (Pis. 127:1; Luk. 11:13) Mo o rapela Jehova gore a go gelepe, mo thuletsele gore o nyaka a go makela ying. Mo re beyisa, mmotse o sa jikajiki gore a make gore o gahlane le motho wa pelo ya go bafala wa gore fote o nyoko theetsela tso o mmotsang tsona. Fote di nyaka re tipeyele nako ya go titšhutisa. Lentsu la Modimo le re: ‘Makaneng gore le thogo tšiba gore Modimo o nyaka ying ga lune, tsa go tshwana le dilo tsa go loka, tsa go felegelela le tsa go mo jabodisa.’ (Mrm. 12:2) Mo rune beng re sa kamake gore re tšiba nnete ka Modimo, re ka sa kamake le mo re tšhutisa ba bangwana ku tšhomong. w21.05 18 ¶14-16

O nyoko maka byang mo o karakariye ka matla o boya o rapelela ye o tšhutang naye Bhayibele mara a sa šupetse go thogathoga di šinya di nyaka gore o lisetse go tšhuta naye? Kela mo nkare a o soko gelepa le motho ka wweši gore a šinye a kolobetsiwe? Ayitsano tsotsone di ka maka gore o sa bo pate, o šinya o tseya gore Jehova aa rufi mmereko wago wa go tšhomayela? Lebelela gore Jehova o yi kala byang taba ya rune ya go phomelela. Go karakara le go tiyisela ke tso Jehova a di lebeleleng. Jehova wa jabola mo re tšhomayela ka matšato go le ka taba la gore re mo nyaka ka matla le mo batho ba re theetsela kela dho. Pawulo o ngwadiye gore: “Modimo aa na pelo ye phifadu fote a ka sa lebale tso le di makiyeng, le ka mokgo le šupetsiyeng ka gona gore le kwana le lebitso lage ka go berekela bo ba go hlawolega fote le kene le ya mahlong le ba berekela.” (Maheb. 6:10) Jehova aa lebale gore re ya karakara fote re mo nyaka ka matla, le mo tso re di makang di bonala nkare a yi selo. Ka mokgonone, o ka berekisa tso Pawulo a di hlayyeng ga temanyana ya rune ya lekgono. w21.10 25 ¶4-6

Ka mokgo Jeso ne a tshwara malata yage, ke mo di šupetsa gore ke motho wa batho fote o ba nyaka ka matla. Ke mo a di tšiba tsa gore a ba kgone dilo tsa go tshwana fote a ba tshwane ka seyemo. Byalo ke mo ba ka sa di kgone go maka mmereko wa go tshwana; fote ke mo ba ka sa tšhomayele go tshwana. Mara ke mo a leboga gore ye mongwana le ye mongwana wa karakara. Nakwela Jeso a re beyisela ka ditalente, ke mo di šupetsa gore ke motho wa go kwisisa. Ga taba yonone, monna yewa wa gore ke mo go le mong wa bona o yye a neya lelata le lengwana le le lengwana mmereko, “ka mokana ga wona a ma neya tso di ma lekanneng.” Lelata le lengwana ga yala ka mabedi ya go karakara le yye la tswadisa tšheleta yela go feta le lengwana. Mara mong wa wona o yye a ma thanaka go tshwana, a re: “O berekiye, ke wene lelata la gabutši le la go tshepega!” (Mat. 25:14-23) Le rune Jeso o re tshwara ka mokgwa wa go šupetsa gore ke motho wa batho fote o re nyaka ka matla. Wa di tšiba gore a re kgone dilo go tshwana fote le ka mayemo a re tshwane, byalo wa jabola mo re maka tso rune re di kgonang. Di nyaka re tshware batho go tshwana le Jeso. w21.07 23 ¶12-14

Kgoši Dafita ne di fela di mo šita tsa go kwelana go baba. Mo re beyisa, nakwela Nabhala wa gore aa di kgone tsa go kwela ba bangwana go baba a bolabola nkare o wile gedimo ga mohlare mo a kona Dafita le masole yage tsa go ja, Dafita o yye a bila a tipotsa gore o nyoko fetsa ka monna yewa le ka mokana ga bona ba mutši wage. Mola go se ka Abhigheyili mosadi wa Nabhala wa gore o yye a lefisa pelo, Dafita nke a fetanne le molato wa madi. (1 Sam. 25:9-22, 32-35) O sa lebale gore nakwela Dafita a fufulele ka matla o yye a re Nabhala le batho bage ka moka ba tshwanela ke go kgwa. Le ka nthago Dafita o yye a yahlula morenela ga mošupetso wa Nathane a re o tshwanela ke go kgwa. Ga taba yowa ya bobedi, o ka šinya o tiputsisa gore ke ntaba monna ye wa go tšibega a na le pelo ya go bafala a yahlula go baba ka mokgo. Lebelela taba yowa gabutši. Ka nako yonone, Dafita ke mo a kokona ke lekwalo. Taba ya gore o yye a yahlula ka bošidi yi šupetsa gore ke mo a tilwalela ga tso tsa Modimo. Gabutšibutši a yi taba ya go kwala. w21.10 12 ¶17-18; 13 ¶20

Ga mantsu ya temanyana ya lekgono, re tšhuta gore re ka kopisela ga Jehova wa gore a go na wa go hlawolega go tshwana naye. Di nyaka re hlawolege ga maphelelo ya rune. Tsotsone di ka bonala nkare di ka sa kgonege ka taba la gore a re ya yenela. Petro wa lepostola le yene o yye a maka tsa go kekema ga go tlala mara gage re tšhuta gore le rune re ka maka gore re hlawolege. Batho ba go tlala mo ba nagana ka motho wa gore o hlawolegiye ba tseya go le motho wa gore o tišupetsa a sa jabola, o dula a yapere seyaparo sa kereke fote o phela a teyye mokgakga. Mara yone a yi nnete. Jehova wa gore o hlawolegiye o tšibega go le “Modimo wa gore o jabodiye.” (1 Thim. 1:11) Bo ba mo rapelang ba tšibega ba “jabodiye.” (Pis. 144:15) Bo ba gore ba yapara dikobo tsa gore di ya ba hlawola ga ba bangwana ba boya ba timakisanya nkare ba lukiye mo batho ba ba lebelele, Jeso o yye a ba botsa ditaba tsa bona. (Mat. 6:1; Mar. 12:38) Rune Makreste gore re tseye taba ya go hlawolega gabutši re gelepa ke tso re di tšhutang ka Bhayibeleng. Re ya di tšiba fote a re kamake gore Modimo wa rune wa gore o re nyaka ka matla a ka sa re kgopele gore re make dilo tsa gore re ka sa di kgone. w21.12 2 ¶1, 3

Ga dilo ka mokana ga tsona tso Modimo a re neyyeng, se segolo ka matla ke gore re kgona go mo rapela. Re šupetsa Jehova gore re ya mo nyaka mo re ‘theetsela melawo yage.’ (1 Joh. 5:3) Mo Jeso a re botsa tso di nyakang ke Papage, o yitseri re make batho gore go be malata, re ba kolobetse. (Mat. 28:19) Fote o yitseri re nyakanane. (Joh. 13:35) Bo ba gore ba theetsela, Jehova o nyoko ba leya ka mutšing wage wa lefase ka mokana ga lona wa batho ba go mo rapela. (Pis. 15:1, 2) Šupetsa ba bangwana gore wa ba nyaka. Selo se segolo ka matla so Jehova a tšibegang ka sona ke gore o re nyaka ka matla. (1 Joh. 4:8) Jehova o šupetsiye gore wa re nyaka, rune le go mo tšiba re soko mo tšiba. (1 Joh. 4:9, 10) Mo re šupetsa ba bangwana gore re ya ba nyaka, re ko ba re tseyele gage. (Maef. 5:1) Selo sa go di phala ka moka so re ka šupetsang batho gore re ba nyaka ka matla, ke mo re ba gelepa gore ba tšhute ka Jehova nako yi sa le gona. (Mat. 9:36-38) Mo re ba tšhutisa, re ba thulela lešuba la gore le bona ba be ka mutšing wa Modimo. w21.08 5-6 ¶13-14

Jeso ne a kwana ka matla le Jehova, tsotsone di yye dya mo tšhofa gore a tikone tsa go tlala a makela Papage le rune. (Joh. 14:31) Ka mokgo Jeso ne a phela ka gona nakwela a le ho lefaseng o šupetsiye gore batho o ba nyaka ka matla. Ka moka matšatši ne a šupetsa gore wa nyakanana fote o kwelana go baba, le mo ba bangwana ba mo phigisa. Se segolo so a šupetsiyeng ka sona gore o nyaka batho ka matla ke go ba tšhutisa ka Mmušo wa Modimo. (Luk. 4:43, 44) Fote Jeso o šupetsiye gore o tikona tsa go tlala a makela Modimo le batho ka go tikemisela go kgwa go baba o bolaya ke batho ba go sinya. Phela ka tso a di makiyeng o ro napa a re thulela lešuba la gore re kraye lephelo la go ya go yye. Re tineyele re boya re kolobetsiwa ka taba la gore Papa yewa wa rune wa legedimong Jehova, re mo nyaka ka matla. Byalo, go fo tshwana le Jeso di nyaka re šupetsa gore ga Jehova re mo nyaka ka matla, ka go tshwara batho ba bangwana gabutši. Johane wa lepostola o ngwadiye gore: “Motho a ka sa nyake Modimo wa gore aa mmone ka thoko a kene a hloyye bhuti wage wa gore wa mmona.”—1 Joh. 4:20. w22.03 10 ¶8-9

Le mo di re jabodisa go fetsa nako ya rune re na le Jehova, tsa go re ghula le tsona di fo re gememe. Re šele re hlayye gore lephelo le ya re yemayemisa, byalo a di lula go kraya nako ya go maka dilo ka mokana ga tsona ga tso tsa Modimo. Mmereko wa go tipasopa, go pasopa mutši le tse dingwana di ka ja nako ya rune ya go tlala la go šala re bona nkare nako ya go rapela, go tšhuta le go ghayela a yi sa le šiyo. Go na le se sengwana sa gore se ka fo ya se rotša nako ya rune re sa di bone. Mo re sa pasope, o ka kraya re lisetsa dilo tsa gore di šupetsa di sa sinyi selo di yetswa nako yo re tshwaneleng re yi fetsa re maka senghana le Jehova. Mo re beyisa, lebelela taba ya tsa go tijabodisa, yona a yi kgelose motho mo re fela re yi maka. Mara le mo re tijabodisa ka dilo tsa gabutši di ka poma nako yo re yi fetsang re maka tso tsa Modimo. Di nyaka re yi tšibe gabutši nako ya go tijabodisa.—Diy. 25:27; 1 Thim. 4:8. w22.01 26 ¶2-3

Mo Jehova a neya Maisrayele molawo wa gore ma šupetse gore ma nyaka batho ba bangwana ka matla, ke mo a sa rele gore tsotsone ma di make ga Maisrayele fela. O ba butsiye gore ba nyake le bo ba gore ba tšwa mafaseng ya ka tawong. Wone ke molayetsa wa go kwagala wa gore wo krayega ga Lefitiko 19:33, 34. Motho wa gore o tšwa mafaseng ya ka tawong di nyaka ba mo tshware go tshwana le “batho ba gana hone” fote ne di nyaka gore Maisrayele ma “mo nyake” ka mokgo ma tinyakang. Mo re beyisa, Maisrayele ne di nyaka gore ma lisetse ye wa go tšwa mafaseng ya ka tawong a hlokotše go fo tshwana le ba bangwana ba go tihlupegela. (Lef. 19:9, 10) Tšhiko ya go yelana le taba ya go tshwara batho ba go tšwa mafaseng ya ka tawong gabutši, yi sa na yi bereka le ga Makreste lekgono. (Luk. 10:30-37) Byang mara? Ba tlele ba gore ba rurele ga dinaga tse dingwana fote ba bangwana ba bona ba dula thina nago. Byalo di nyaka banna bowa, basadi le bana re ba tshware ka serithi fote re ba hlompe. w21.12 12 ¶16

Mo re ka yemela gore Jehova a re yetetse gana byalo, le ku mahlong re nyoko tshepa gore o nyoko di kgona go re phonisa. Di nyaka re ba le tumelo fote re tikemisela go tisamela ka Jehova mo di nyaka re kgopela bo ba re hiriyeng gore ba re neye nako ya gore re thogo ya megahlanong ye megolonyana le ye megolo, kela re ba kgopele go tšhentšha dinako tsa rune tsa go bereka gore re thogo ya megahlanong ya phutego re boye re yeketse mmereko wa rune wa go tšhomayela. Tla re fo re ye a re hiriyeng wa re ganela ke mokane tsa mmereko dya tšhipa. Nje re ya di tshepa tsa gore Jehova a ka sa re lisetse kela a re lahla fote o nyoko fo ya mahlong a kene a re neya tso re di gayelang? (Maheb. 13:5) Ba go tlala bo ba leng ga mmereko wa nako ka moka ba ka go botsa tsa go tlala tso ba gahlanneng natso tsa go šupetsa gore Jehova o yye a ba gelepa mo ba goga go baba. Jehova wa tshepega. Mo Jehova a na le rune, re ka sa tshosanye ke tsa ku mahlong. Phela Modimo wa rune a ka sa re lisetse mo re ka fo yetisa tsage ku mahlong mo re kene re phela. w22.01 7 ¶16-17

Taba ya gore re tshepa bagolo yi ka liketsega ka mokgo mang? Tla re fo re ga motho wa gore o ntshiwwe ka phutegong wa gore re tlwayelanne naye. O ka kraya re hlupa ke taba ya gore ayitsano bagolo ba lebelele ditaba ka moka, kela wa kraya re tiputsisa gore nje bagolo ba yahludiye ka mokgo Jehova ne a ka yahlula ka gona. King so se ka gelepang gore sepheto so ba se segelelang re se tseye gabutši? Re ko ba re maka gabutši mo re ka sa lebale taba ya gore Jehova ke yene a beyyeng gore mo motho a sinya ba mo ntshe ka phutegong fote tsotsone di ka gelepa phutego le ye a sinnyeng. Motho wa gore o sinnye a boya a sa tisole mo ba ka fo mo lisetsa ka ho phutegong a ka kutšetsela le ba bangwana. (Magal. 5:9) Go tokegela gana hone, a ka fo tseya gore tso a di sinnyeng a yi selo, a boya a sa bone so se mo tšhofang gore a tšhentšhe ka mokgo a naganang kela tso a di makang gore Jehova a thogo mo yamogela. (Mmo. 8:11) A re kamake gore mo bagolo ba šinya ba fetsa ka gore motho ba mo ntshe ka phutegong ba thomisiye ba yi nagana gabutši taba yone. w22.02 5-6 ¶13-14

Mo motho a thomisa ka go tšhingha mo ba mo wolola ka Bhayibele go lefisa pelo le go kwelana go baba ke tsona tso di nyakegang ka matlamatla. Bagolo di nyaka gore ba bone gore ba sa fufulele mo motho a sa yamogele mo ba mo wolola fote a boya a sa berekisi tso ba mo wololang ka tsona. Byalo, mogolo mo a rapela a le ntoši a ka kgopela Jehova gore a gelepe ye di nyakang ba mo wolola gore a kwisise gore ke ntaba ba mo wolola le gore tsotsone a ka di berekisa ka mokgo mang. Mogageru yene wa gore ba mo wolodiye di ka mo tseya nako a kene a ghayela ka tso ba di hlayyeng. Mo mogolo a ka lefisa pelo a boya a šupetsa gore o kwelana go baba, motho yene a liketsang go mo gelepa a ka sa tihlupe ka gore ba mo wolodiye ka mokgo mang mara o nyoko fo tseya tso ba di hlayyeng. Nnete ke gore tso ba wololang batho ka tsona di tshwanele di tšwe ka Lentsung la Modimo. Re nyaka gore re wolole motho gabutši di boya di “jabodisa pelo” yage.—Diy. 27:9. w22.02 18 ¶17; 19 ¶19

Mo re rapela Jehova gore a re neye matšhika ya go tiyisela ga tsa go re ghula kela go maka tsa gore a di mo jabodisi, re ka tseya gore ke botala re rapela mara a go soko makega selo. Ke ntaba Jehova a sa yakgoswe a re fetola mo re rapela? Mo re mo rapela re šwennye, wa di bona gore re na le tumelo. (Maheb. 11:6) Fote Jehova o nyaka go bona gore ayitsano le rune go na le so re se makang sa go šupetsa gore re liketsa go maka tso re di rapelelang re boya re maka tso a di nyakang. (1 Joh. 3:22) Tsotsone di ka nyaka gore re sa lahle tewu mara re make tsa go šupetsa gore re nyaka go lisetsa selo sone re se rapeleleng gore Jehova a re gelepe ga sona. Tso Jeso a di hlayyeng di maka re kwisise gore mo re rapela, tse dingwana Modimo a ka sa yakgoswe a di fetola. O re hlohletsele gore: “Ariyeneng mahlong le kgopela, ba ko le neyeng; ariyeneng mahlong le nyaka, le ko kraya; ariyeneng mahlong le kokota, ba nyoko le bulela; ka taba la gore ye a kgopelang wa neyiwa, ye a nyakang wa kraya, fote le ye a kokotang, ba nyoko mmulela.”—Mat. 7:7, 8. w21.08 8 ¶1; 10 ¶9-10

Gore o dumele ga Ye a re makiyeng, di nyaka o ye mahlong o bala Lentsu la Modimo. (Još. 1:8) Lebelela tso yi di porofitiyeng le ka mokgo di kwanang ka gona. Mo o ka maka ka mokgonone, o nyoko tshepa gore Ye a re makiyeng wa gore o re nyaka ka matla, wa gore fote o hlalefiye, ke yene a hlohletseleng tso di leng ka ho Bhayibeleng. (2 Thim. 3:14; 2 Pet. 1:21) Mo o bala Lentsu la Modimo, lebelela gore tso le go yeletsang ka tsona di go gelepa byang. Mo re beyisa, go tlugisela botala Bhayibele yi kene yi re pasopisa gore go kwana ka matla le tšheleta gwa kwaletsana fote go leya tsa “go baba ka matla.” (1 Thim. 6:9, 10; Diy. 28:20; Mat. 6:24) Re napa re ro di bona gore Bhayibele yi re gelepa ka matla mo yi re re pasope taba ya go kwana le tšheleta ka matla! Ayitsano o ka nagana ka ditšhiko tse dingwana tsa Bhayibele tso o di bonneng gore di ya bereka? Mo re theetsela tso Bhayibele yi re yetetsang ka tsona, re nyoko tšhuta go tisamela ka Ye a re makiyeng wa gore o hlalefiye fote o re nyaka ka matla. (Jak. 1:5) Tsotsone di maka gore re di bone gore nnete lephelo le ya natefela.—Jes. 48:17, 18. w21.08 17-18 ¶12-13

Mo nkare o kene wa tsofala, o sa kamake gore Jehova o gopola mmereko wo o wo makiyeng ku nthago. O karakariye ka matla ga mmereko wa go tšhomayela. O tiyisele dintshitshire—le tsa go kwisa go baba ka matla—wa ngangarela melawo ya Bhayibele ya go loka, wa bereka mebereko ya phutego ya gore a yi lula wa boya wa tšhutisa ba bangwana mmereko. O yye wa ganya dikobo gore o sipidisane le mokgahlo wa Jehova le mo dilo di kene di tšhentšha ka go yakgoswa. Le ba gore ke mo ba nyaka go ba mašupatsela o ba hlohletsele. Jehova Modimo o go nyaka ka matla ka taba la gore wa tshepega. O tshepisa gore “bo ba gore baa tshepega ho gage a ka sa ba lahle”! (Pis. 37:28) Mo yene a bolabola nago o re: “Ho moriring o nyoko šinya o thunya dimpu nkene ke go kakodiye.” (Jes. 46:4) Byalo o sa tseye nkare mo o kene o tsofala, mokgahlo wa Jehova wo nyoko thomisa go go tseyela fase. Re go tseyela gedimo ka matla wa tšiba! w21.09 3 ¶4

Jehova o kwelana go baba ka taba la gore a go na ye a hlalefiyeng go lekana naye. Bhayibele yi re “mo mahlalefelo ya motho go le ya go tšwa legedimong” o “kwelana go baba ka matla fote o yengwa diyengwa tsa gabutši.” (Jak. 3:17) Go fo tshwana le mmelegi wa gore o nyaka bana bage ka matla, Jehova wa di tšiba gore mo a kwelana go baba, tsotsone di nyoko gelepa bana bage. (Jes. 49:15) Mo ba kwela go baba ke Modimo tsotsone di ba neya tshepo le mo ba kekemisa go gongwana. Byalo go hlalefa ga Jehova go mo tšhofa gore a kwelane go baba mo a bona gore di nyaka a make ka mokgonone. Fote go kwelana go baba ga Jehova go lekanele. Ka gore o hlalefiye, aa šupetse go kwelana go baba mo a bona nkare motho a ka tseya gore tsa go befa tso a di makang di lukiye. Tla re fo re lelata la Modimo le tikemisele go fo ya mahlong ka go maka tsa go befa. Re nyoko re king? Pawulo o ngwadiye gore, “le kganele kgole” naye. (1 Makor. 5:11) Ba go maka tsa go befa ba gore a ba nyake go sokologa baa ntshiwa ka phutegong. Tsotsone di gabutši ka taba la gore di tšhireletsa magageru fote di šupetsa gore Jehova o hlawolegiye. w21.10 9-10 ¶7-8

Re ba re maka morapelo ga Jehova mo re thega mmereko wa Mmušo ka meneyelo. Mo Maisrayele ma nyarela mahlong ga Jehova ne di nyaka ma tla ma tshwere se sengwana, ma sa fo tla ma lekalekisa matsogo. (Dot. 16:16) Ke mo ma tshwanele ma neyele ka dilo go ya ka mokgo ma kgonang. Mo ma neyela ne ma šupetsa gore ma leboga dilo ka mokana ga tsona tso Jehova a ma makeleng tsona. Rune gee, re nyoko maka ying sa go šupetsa gore re leboga dilo ka mokana ga tsona tso Jehova a re makeleng tsona? Re ka thega phutego ya thina le mo re dulang ka meneyelo kela ra thega mmereko wa lefase ka mokana ga lona. Pawulo wa lepostola o beyye taba ka mokgo: “Mo motho a neyela ka pelo yage ka moka, Modimo wa di yamogela ka taba la gore Modimo aa nyake gore motho a neyele ka tsa gore a ka sa di kgone, mara o nyaka gore a neyele ka tso a di kgonang.” (2 Makor. 8:4, 12) Jehova o di tseyela gedimo mo re neyela di tšwa pelong, fote aa lebelele gore tso re di neyelang di teya kaye.—Mar. 12:42-44. w22.03 24 ¶13

Bagolo ba ka sa di kgone go tlosa dintshitshire tso batho ba Jehova ba ghulanang natso. Le mo go le ka mokgonone, Jehova o nyaka gore bagolo ba tiyise ba boye ba tšhireletse dinku tsage. Mara ka gore bagolo ba šele ba tlalele ke mmereko, byalo ba nyoko yi kraya kaye nako ya go gelepa magageru mo go nyakega. Kopisela ga mošupetso wa Pawulo wa lepostola. Pawulo ke mo a dula a tikemisele go thanaka magagabo a boya a ma tiyisa. Bagolo ba ko ba ba maka tsona mo ba yekisela mokgwa wage, ke mokane ba šupetse magageru gore ba ma nyaka ka matla fote ba ma kwela go baba. (1 Mathes. 2:7) Pawulo o butsiye bo a rapelang nabo gore ba di tšibe tsa gore o ba nyaka ka matla fote le Jehova o ba nyaka tsa nkare ke moka. (2 Makor. 2:4; Maef. 2:4, 5) Pawulo ke mo tseya bo ba leng ka phutegong go le banghana bage, a fokatsa nabo. Fote o šupetsiye gore wa ba tshepa mo a šinya a bolabola nabo ka tso di mo hlupang le ka tso di mo phiriketsang. (2 Makor. 7:5; 1 Thim. 1:15) Pawulo ne a sa fo dulela go lla le go nagana ka mathatha yage. Mara ne a kwana le go gelepa magagabo. w22.03 28 ¶9-10