August

Di šupa nkare Jeso ke mo a ra masole ya Roma ya gore ma kokotele dipikiri ho mawotong le matsogong yage. Ba mo makiye lešidi ga Jeso, mara aa ba tubela kela go ba tshwara ka pelo. (1 Pet. 2:23) Di nyaka re tseyele ga Jeso, re tikemisele go tshwarela ba bangwana. (Makol. 3:13) Mašaga ya rune le ba bangwana ba ka re phigisa ka taba la gore a ba kwisisi tso re di dumelang le maphelelo ya rune. Ba ka re hlayela matsaka, ba re poyilanya mahlong ga batho, ba tlerolanya dipuku tsa rune kela ba ro re tshepisa le go re teya. Re ka kgopela Jehova gore a gelepe bo ba gore baa re hlupegisa gore ba sokologe mara re sa ba tshware ka pelo. (Mat. 5:44, 45) Ka dinako tse dingwana, di ka thathafa go tshwarela ba bangwana, ka matlamatla mo ba re makiye lešidi. Mara mo re ka dulela go ba tshwara ka pelo kela go fo kokomosa dikana, go kwalela rune. (Pis. 37:8) Mo re tshwarela ba bangwana, re kgeta go phohla ga dilo tso di yyeng dya re kwisa go baba.—Maef. 4:31, 32. w21.04 8-9 ¶3-4

Tso tsa gore wa genu a ntshiwe ka phutegong, nje di yye dya makega gago? Di baba mong go baba! Nakwela mangeloyi ya ma leng ka mutšing wa Jehova ma mo jikela, di šupa nkare o yye a kwa go baba ka matla! (Juda 6) Fote o fo nagana gore di ka fo ba di mo thunugiye go segela kaye ho a bona batho bage ba gore o kwana nabo ka matla, Maisrayele, ba mo jikela gatleletlele. (Pis. 78:41) Di tšibe tsa gore le Papa wa rune wa ku legedimong wa gore o re nyaka ka matla, o kwa go baba mo motho ye mongwana wa genu a sa sa yi kena yage. Wa di kwisisa gore le wene o kwa go baba go segela kaye. O nyoko go šupetsa gore o go kwela go baba, o nyoko go tiyisa a boya a go thegeletsa. Mo morwayi kela morwediya a re tsa go berekela Jehova o ko tšwa a di beyye ka thoko, di ka makega gore babelegi ba tiputsise gore anthe ba ka potolla kaye gore ba thogo gelepa ngwana wa bona gore a ngangarele nnete. Mogageru ye mongwana o yitseri: “Ke yye ka tseya gore o makiye ke nna. Le boroko ke mo bo sa tshware.” Mogageru wa mosadi ke mo a šekedisa ke seyemo sa mohlobo wonone, o yye a re: “Ke nna mmane wage, ke sinnye kaye barena? Ke mo ke kwa nkare di nšitiye go kikitela nnete ka ho pelong ya morwayi waka.” w21.09 26 ¶1-2, 4

Ba bangwana ba nagana gore batho ba Jehova a baa tshwanela go tšhutisa ba bangwana ka Bhayibele ka taba la gore a baa kena ga dikolo tsa Bhayibele tsa gore batho ba di tseyela gedimo. Mara di nyaka ba nyakolla ditaba ka moka. Luka wa go ngwala puku ya Bhayibele, ne a tikemisele go maka tsotsone. O yye a karakara ka matla gore a nyakolle “dilo ka mokana ga tsona go tlugisela mathomisong gore ke nnete.” Ke mo a nyaka gore bo ba go bala ba di tšibe gore dilo tso ba di kweleleng ka Jeso ‘ke nnete ya go felegelela.’ (Luk. 1:1-4) Bowa ba gore ke mo go le Majuda ya ne ma dula Bheriya ka dinako tsela tsa botala ke mo ba tshwana le Luka. Mo ba thomisa go kwa ditaba tsa go bafala ka Jeso, ba yye ba lebelela Mangwalo ya Seheberu ba nyaka go bona gore ayitsano tso ba di kwang di ka mokgonone. (Meber. 17:11) Le batho di nyaka ba nyakolle ditaba ka moka. Mo motho a ba tšhutisa taba ka Modimo, di nyaka ba lebelele gore ayitsano le Bhayibele yi hlaya tsotsone. Di nyaka fote ba lebelele gore batho ba Jehova ba maka ying gana byalo. Mo ba ka “nyakolla” gabutši, ba ka sa hlawolane go ya ka mehlobo kela ba lisetsa mabarebare ma ba phiphetsa. w21.05 3 ¶7-8

Ayitsano o gona ga phutego ya lune wa gore o nyaka go mo mema? Magageru ma ka fela ma nyaka go fokatsa le rune. Ba bangwana ba ka thathafela ke go ba le mašaga ya bona ya gore a yi Dihlatse ka dinako tsa diholidheyi. Ba bangwana ba ka kgongwela mo go segela matšatši ya mangwana ya go tshwana le letšatši lo ye ba mo nyakang ka matla a hlokofeleng ka lona. Mo re fokatsa le magageru ya gore ma gahlana le dilo tsa mošaga wonone, re ma šupetsa gore re ‘ma pasopa di re baba.’ (Mafil. 2:20) Di tlele tso di ka makang gore Mokreste a kwe budutu. Mara re sa lebale gore Jehova wa di tšiba tsone ka mokana ga tsona. Ga go tlala o berekisa magageru gore a re neye tso re di gayelang. (Mat. 12:48-50) Le rune re šupetsa gore re leboga tso Jehova a re makeleng tsona mo re karakara gore re gelepe magageru. O ka fo fela o tikwa ka mokgo mongwana, mara a wa šala o le ntoši ka taba la gore Jehova o dula a le ho thina gago! w21.06 13 ¶18-20

Jeso ke mo a sa kgongwetse ke gore batho ba bangwana a ba mo theetsele mo a ba tšhomayela. Ke ntaba? Ke mo a di tšiba tsa gore di nyaka batho ba tšibe nnete fote ke mo a nyaka gore ba go tlala ka matla ba berekise lešuba lo le thulegiyeng la gore ba kwe ditaba tsa Mmušo. Fote ke mo a di tšiba tsa gore batho ba bangwana ba gore ne ba sa jabolele go kwa nnete ba ko šinya ba di yamogela. Nagana ka tso di makegiyeng ka ba gabo. Nakwela Jeso a tšhomayela ka mengwaga ka meraro le sekopa, aa šiyo le ka wweši ga bobhuti wage wa gore o yye a ba lelata lage. (Joh. 7:5) Mara mo a šele a tsugiye ga bo ba hlokofeleng, bobhuti wage go yye gwa ba Makreste. (Meber. 1:14) A re tšibi gore ke mang ye a nyoko feleletsang a yamogela nnete ya Bhayibele yo re yi tšhutisang. Batho ba bangwana ba tseya nako ba sa theetsele tso re ba botsang tsona. Bo ba gore a ba nyake go re theetsela ba kene ba re lebelele gore re titshwere byang le gore a re šepisi, tsotsone di ka maka gore ba thomise “go thanaka Modimo.” w21.05 18 ¶17-18

Mo Jeso a le ho lefaseng, o rumme malata yage gore ma make mmereko wa gore ke mo wo nyaka dilo ka dipedi. O ba butsiye gore ba tšhomayele ditaba tsa go bafala tsa Mmušo, a boya a ba šupetsa gore ba tšhomayele byang. (Luk. 8:1) Fote Jeso o ba butsiye gore ba bangwana ba nyoko theetsela mara ba bangwana ba ka sa theetsele. (Luk. 9:2-5) O hlayye le gore mmereko wa go tšhomayela wo nyoko segelela batho ba go tlala le ga dipoleke tsa kgole, le gore malata yage ma nyoko maka gore “ditšhaba ka mokana ga tsona di thogo bona.” (Mat. 24:14; Meber. 1:8) Fote o yitseri malata yage ma tšhutise bo di ka makegang gore go be malata gore ba make dilo ka mokana ga tsona tso a di hlayyeng. Jeso o yitseri mmereko wowa wo mogolo wo nyoko ya mahlong go šinye go segele le ka nako ya rune, “go segela lefase lowa le fela.” (Mat. 28:18-20) Ga tso a yyeng a di wunyullela Johane, o napiye a šihlela gore o nyaka malata yage ka mokana ga wona ma gelepa batho gore ba tšhute ka Jehova.—Kut. 22:17. w21.07 2-3 ¶3-4

Di tlele ka matla lekgono tsa go kraya batho ba na le mokgwa wa go phadisana fote ba tinaganela ba ntoši. Mo re beyisa, motho wa go ba le bhizinisi a ka nyaka go ghanya go phala batho ba bangwana, a fetsa a kwisiye ba bangwana go baba. Ga tsa mekgano, ye mongwana a ka fo kwaletsa ye mongwana ka bomu ga bo ba phigisanang nabo, gore ba thogo hlula. Mo go le nako ya gore bana ba sekolo ba ngwale, o ka kraya ngwana wa sekolo a kopa a makela gore a thogo kena yunivesithi. Rune Makreste re ya di tšiba gore dilo tsone a yi tsona; mara ke tse dingwana tsa “dilo tso re di nabelang.” (Magal. 5:19-21) Ayitsano di ka makega gore malata ya Jehova ya mangwana ma make gore re kwane le tso tsa go phadisana ka ho phutegong, mara wona beng ma sa tiponi? Putsiso yone yi kwagala gabutši ka taba la gore mokgwa wone wo ka maka gore ngata ya batho ba ka ho phutegong yi šehle. Re nyoko ba re maka gabutši mo re ka lebelela mešupetso ya banna le basadi ba go tshepega ba dinako tsa mo go sa ngwadiwa Bhayibele, ba gore a baa lisetsa mokgwa wone wa go phadisana wo ba kena. w21.07 14 ¶1-2

Mo re nyakanana tsa mannete tsotsone di nyoko re tšhofa gore re gelepe bo ba gore di ba kgahleletsiye. Magageru ka phutegong ya gore ma kwelana go baba a ma ngalele ba gore ba kwile go baba kela ba gore ba kgongwele. Ba nyaka magageru ka matla fote ba tikemisele go maka se sengwana le se sengwana gore ba ma gelepe. (Diy. 12:25; 24:10) Ke tsona tso Pawulo wa lepostola a re hlohleletsang gore re di make mo a re: “Le kgomoletse bo ba gore ba kgongwele, le gelepe bo ba gore baa lelemela, fote batho ka mokana ga bona le ba lefisele pelo.” (1 Mathes. 5:14) Ga go tlala mokgwa wa gabutši wa go gelepa mogageru mo a kgongwele ke go mo theetsela gabutši mo a bolabola o boye o mo šupetse gore o mo nyaka ka matla. Jehova a ka sa takisi maahlo tso o di makelang dinku tsage tso a di tseyelang gedimo. Diyema 19:17 yi re: “Ye a kwelang wa gore o kgongwele o yadima Jehova, fote O nyoko mo patela tso a di makiyeng.” w21.11 10 ¶11-12

Di nyaka re make ying gana byalo gore re thogo tilukiselela tsa ku mahlong? Di nyaka re kgotsofale ka tso re nang natso ke mokane re jabodise ke senghana so re nang naso le Jehova. Mo re kene re karakara gore re tšibe Modimo wa rune gabutši, re ka sa kamake gore o nyoko di kgona go re tšhireletsa mo Ghogho wa Maghogho a re kutulugela. Mantsu ya temanyana ya lekgono ma fo di beya lekgwaying gore ke ntaba Dafita ne a sa kamake gore Jehova o nyoko mo thega. Ga go tlala Dafita ne a tisamela ka Jehova, fote Modimo a sanka a mo tšebisa le ka gonyana. Mo Dafita a sa gula o yye a ye gahlana le Lefilisita la segoboro lo ba reng ke Gholiyati ke mokane a le botsa gore: “Ke re lekgono lolowa Jehova o nyoko go lisetsa ke fetsa ka wene.” (1 Sam. 17:46) Ka nthagonyana Dafita o yye a berekela kgoši yo ba reng ke Sawulo, ya gore yi liketsiye ga tlele gore yi mmolaye. Mara “Jehova o yye a yema le” Dafita. (1 Sam. 18:12) Dafita ne a sa kamake gore Jehova o nyoko mo gelepa le ga ntshitshire yowa, ka taba la gore O yye a mo gelepa le ku botala. w22.01 6 ¶14-15

Dilo ka mokana ga tsona tso Jehova a di makang, aa tabogele go fetsa. O maka ka mokgonone gore a thanakise lebitso lage le gore a gelepe batho ba bangwana. Tla re bone tso Jehova ke mo a di maka ka gonyana ka gonyana mo a kene a makela batho lefase. Mo Bhayibele yi hlatolla yi hlaya gore wa “meta,” le go kokotela “dikholomo tsa lona,” a boya a beya “letlapa la lona la khonong.” (Jobo 38:5, 6) Ke mo a fela a yemanyana, a lebelela mmereko wage. (Gen. 1:10, 12) O fo nagana nje gore mangeloyi ke mo ma tikwa byang mo ma bona tso Jehova a di makang di ya di kene di bonala gabutši gore o maka ying? Di šupa nkare di ma jabodisiye ka matla! Ke tsona tso di makiyeng gore ma kwagale ka matla mo ma “mo teyela matsogo.” Re tšhuta ying? Jehova o fetsiye dikete tsa go tlala tsa mengwaga a kene a maka lefase, dinanedi le dilo ka mokana ga tsona tsa gore di ya phela, mara mo a kene a pombhola se sengwana le se sengwana so a se makiyeng, a re “di bafele.”—Gen. 1:31. w21.08 9 ¶6-7

Ga mošupetso wa Jeso wa, monna yewa o thina le go vakašela ga poleke ye nngwana. Mo a soko tloga, o bitsa malata yage ke mokane o ma neya ditalente gore ma make bhizinisi. Ka taba la gore monna yewa wa tšiba gore ma kgona go segela kaye, o neya lelata la mathomo sehlano kela kaphetha ya ditalente, la go latela o le neya ka dipedi ke mokane la mafelelo o le neya ka yyoši. Malata ka mabedi ya mathomo ma bereka di ma baba gore ma tswadise tšheleta yone. Mara lowa la boraro, a le make selo ka tšheleta yo ba le neyyeng, ke mokane mong wa lona a le raka mmerekong. Lelata la mathomo le la bobedi ma yye ma tseyela gedimo mmereko wo mong wa wona a ma neyyeng ma boya ma mmerekela ma šwennye. Ke sona so se ma tšhofiyeng gore ma tswadise ditalente tsa mong wa wona. Mong wa wona o yye a ma neya patela ka taba la gore ma karakariye ka matla ma boya ma ro bhahla. Ke mo a jabodiye ka matla, a ma thanaka a boya a re o nyoko ma neya mebereko ye mengwana ya go feta yowa! w21.08 21 ¶7; 22 ¶9-10

Jehova o lefisiye pelo ka matla ka matšatši yawa ya mafelelo. Aa nyake go ba le ka wweši ye a bolayiwang. (2 Pet. 3:9) Ka mokana ga rune o re thulele lešuba la gore re tisole. Mara a ka sa fo lefisa pelo go ya go yye, go na le mo a nyoko kgerang gona. Mo motho a ka fo pumutsa ke lešuba lowa o nyoko tikraya a tshwana le Faro ka dinako tsa Moše. Jehova o yitseri ga Faro: “Nke ke šele ke gogiye letsogo laka ke teyannye wene le batho bago la šala le kwa go sasamela, fote nke ke le suwelannye ho lefaseng. Mara ke fo ba ke go lisetsiye gore o phele ka taba la gore: ke nyaka go go šupetsa gore ke na le matšhika fote ke nyaka go maka gore lebitso laka le sabalale lefaseng ka mokana ga lona.” (Ek. 9:15, 16) Ditšhaba ka mokana ga tsona di nyoko šinya di tšiba gore Jehova ke yene a ntoši Modimo wa nnete. (Hezek. 38:23) Mohlobo wowa wa go šiginya ba wo hlayang ga temanyana ya lekgono wo rela gore go nyoko ro napa go fela ka batho ba gore ba tshwana le Faro, ba gore ba gana go yamogela taba ya gore Jehova ke yene a lawolang. w21.09 18-19 ¶17-18

Ayitsano o kwa go baba ka taba la gore lešaga lago ba le ntshiye ka phutegong? Fote o ka maka byang mo nkare ba bangwana ka ho phutegong ba hlaya dilo tsa go kekema, tsa nkare ba ro tšhela letswayi mola ga gore o kwalele gona? Nnete ke gore ba bangwana ba nyoko fela ba hlaya tsa go fo tikela ku. (Jak. 3:2) Ka mokana ga rune a re ya yenela gabutši ho mmeleng, byalo o sa makale mo ba bangwana ba šitega go hlaya tsa nkare di wolologiye kela ba fo hlaya dilo tsa gore di go kwisa go baba ba sa nagana. O sa lebale tso Pawulo wa lepostola a di hlayyeng mo a re: “Ariyeneng mahlong le lefiselana dipelo fote le tshwarelana le sa kokole le mo go ka fo ba go na le so se ka makang gore ye mongwana a kokole.” (Makol. 3:13) Ariye mahlong o kene o thegeletsiye ba mutši wone ba gore baa tshepega. Gana byalo gona go ro ba mong yona nako yo ba nyakang o nape o ba šupetsa gore o ba nyaka ka matla fote o ba tiyise. (Maheb. 10:24, 25) Di fela di makega tsa gore ba mutši wa ye a ntshiwweng ka phutegong ba kwe nkare ba bangwana baa ba kgera mo go na le dilo tso phutego yi di makang ggoši. Tla re sa di makeneng tsotsone! Bo ba gore ba sa gola ba gore babelegi ba bona ba lisetsiye nnete ba napa ba ro nyaka go thanakiwa le go tiyisiwa. w21.09 29 ¶13-14; 30 ¶16

Mo ye wa gore o šele a gudiye a handahanda le wa gore o sa gola, baa tiyisanana. (Marom. 1:12) Lune ba gore le sa gola, le nyoko di bona gabutši gore Jehova wa ma pasopa malata yage ya go tshepega, fote ye wa gore o šele a gudiye o ko kweng gore le mo tseyela gedimo. O nyoko go hlatollela gore Jehova o mo rufiye ka mokgo mang. Ga go tlala mo motho a bafele, o kraya go bafala mola go thomisa go pomega mo a tsofala, mara ba gore baa tshepega ga Jehova mo mengwaga yi kene yi takamela ba napa ba bafala ka matla ho gage. (1 Mathes. 1:2, 3) Ke ntaba? Ka taba la gore mengwaga ka moka yo yi fitiyeng, ba lisetsiye moya wa Modimo gore wo ba gelepe gore ba be le mekgwa ya go bafala. Mo re kene re tišutetsa thina ga magageru ya gore ma šele ma gudiye ya re ma tseyelang gedimo, re ma hlompa, re boya re tšhuta se sengwana ho ga wona, re nyoko di bona gabutši gore nnete ke makolwane ya go tura ka matla! Mo bowa ba gore ba sa gola le ba gore ba šele ba gudiye ba tseyelana gedimo, ba tiyisa diphutego. w21.09 7 ¶15-18

Tla re kganeleneng kgole le taba ya go makana bošidi fote re karakare gore re ‘kwelane go baba ka matla,’ go tshwana le Modimo wa rune. (Maef. 2:4) Go kwelana go baba a yi fo ba taba ya ka mokgo motho a tikwang. Gabutšibutši, re “šupetsa go kwelana go baba ka go gelepa ba bangwana.” Byalo ka mokana ga rune, re ka pombhola gore ba mutši wa rune, phutego le ba bangwana ba mo re dulang ba ka gelepiwa ka mokgo mang. Nnete ke gore go thulegiye mašuba ya go tlala ya gore re ka šupetsa batho gore re ba kwela go baba! Ayitsano go na le ye a nyakang go kgomoletsiwa? Ayitsano o ka maka se sengwana sa go tshwana le go leyela motho tsa go ja kela go mo hakolla go gongwana? Ayitsano go na le Mokreste wa gore o busetsiwwe ka phutegong wa gore o nyaka go kgomoletsiwa le go tiyisiwa? Ayitsano re ka kgomoletsa ba bangwana ka molayetsa wa ditaba tsa go bafala? (Jobo 29:12, 13; Marom. 10:14, 15; Jak. 1:27) Mo re dula re ntshiye maahlo dikwakweng, re nyoko di bona gore di tlele tso re ka di makang go šupetsa ba bangwana gore re ba kwela go baba. Mo re kwelana go baba, re jabodisa Papa wa rune wa ku magedimong, Modimo wa gore o ‘kwelana go baba ka matla’! w21.10 13 ¶20-22

Ga Pisalema tema 23, Dafita o hlaya dilo tsa gore re di tseyela gedimo ka matla—ga dilo tsa go tlala tso ba mo rufiyeng ka tsona o jabolele le taba ya gore Jehova ke yene ye a mo disang. Jehova o mo yetetsa “tseleng ya go loka,” fote o thega Dafita go le mothebenene kela go sasamela. Dafita wa di tšiba tsa gore le mo Jehova a mo yetetsa “madisong ya matala” a di rele gore dilo di nyoko fo sepela ka go thelela. Ka nako ye nngwana a ka tikwa a kgongwele ka matla tsa nkare o sepela “moyeding wa letshwifi,” a boya a kwa nkare o tlalele ke manaba. Mara mo Jehova go le yene ye a mo Yetetsang, Dafita a ka sa “hlagasedisi ke selo.” Ba ra gore king mo ba re Dafita a ka sa “gayele selo”? Ke mo a sa gayele selo le ka gonyana ga tso tsa Modimo. Ne a sa fo jabodisa ke gore ne a tlalele ke dilo. Mara ne a kgotsofatsa ke tso Jehova a mo neyang tsona. So ne a se tseyela gedimo ka matla ke taba ya gore Modimo a mo rufe a boye a mo tšhireletse. Ga tso Dafita a di hlayyeng re napa re di bona gabutši tsa gore di nyaka re di tseye byang dilo tso re nang natso. w22.01 3-4 ¶5-7

Dihlatse tsa ku botala tsa Jehova di gahlanne nayo taba ya go tšhomayelela batho ba gore a ba nyake go theetsela. Mo re beyisa, Nnowa o tsere mengwagangwaga go le monna “wa go tšhomayela ka go loka.” (2 Pet. 2:5) A re kamake gore Nnowa ne a nabela gore ba bangwana ba ka yamogela molayetsa wage, mara a go na so Jehova a se hlayyeng sa go šupetsa gore dilo ne di nyoko makega ka mokgonone. Mo Modimo a botsa Nnowa gore a yage areka, o yitseri: “Kena arekeng, wene, barwayi bago, mosadi wago le basadi ba barwayi bago.” (Gen. 6:18) Fote mo Nnowa a lebelela areka yo Modimo a mmutsiyeng gore a yi yage gore yi teya kaye le gore go ka kena batho ka bakaye, o f’lo tiposa gore di ra gore a baa tlala ba gore ba nyoko yamogela molayetsa wage. (Gen. 6:15) Phela ga lefase lone la go tlala ka batho ba go ba le lešidi, a sanka gwa ba le ka wwoši wa gore o yye a yamogela molayetsa wa Nnowa. (Gen. 7:7) Ayitsano Jehova o yye a tseya gore Nnowa o šitegiye? Le ka mbhitšane! Modimo ne a tseya gore Nnowa o phomelele ga mmereko wage wa go tšhomayela ka taba la gore o makiye dilo ka mokana ga tsona tso Jehova a mo kgopeleng gore a di make.—Gen. 6:22. w21.10 26 ¶10-11

O fo nagana gore mantsu ya ma hlayyeng ke Nawumi ma yye ma mo tshwara ka mokgo mang ga Ruthi! Phela Ruthi o tikonne tsa go tlala a nyaka go gelepa Nawumi. Ruthi o yye a lla naye, a mo kgomoletsa fote a šikašika naye go segela mafelelong. Ga dilo ka mokana ga tsona tso Ruthi a mo makeleng tsona, mara Nawumi o yitseri: “Jehova o makiye gore ke boye ke lekalekisiye matsogo.” Nawumi o bolabola mantsu yawa ya go hlaba ya go kwagala nkare tso Ruthi a di makiyeng a dya mo gelepa ka selo, Ruthi a kene a yemme gana ho thina. Di ka makega gore Ruthi o yye a thonoga ke taba yone! Mara a sanka a mo lahla ga Nawumi. (Rut. 1:3-18) Lekgono, mogageru wa mosadi wa gore di mo kgahleletsiye a ka bolabola le rune ka mantsu ya go hlaba—le mo re karakara ka matla gore re mo gelepe. Mara re liketsa ka matla gore di sa re tubisi. Re ka sa tsoge re mo lahliye ga mogageru yewa fote re nyoko kgopela Jehova gore a re gelepe re thogo tšiba gore mo re mo kgomoletsa re thome ka kaye. (Diy. 17:17) Di ka makega gore mogageru wa mosadi a thomise ka go gana mo re nyaka go mo gelepa. Le mo go le ka mokgonone, ka taba la gore re mo nyaka tsa mannete re ka sa mo lahle.—Magal. 6:2. w21.11 11 ¶17-19

Ka Bhayibeleng, lentsu lowa “go hlawolega” gabutšibutši le rela go yela ga maphelelo re boye re yele ga taba ya go berekela Modimo ka mokgo a nyakang. Lentsu lowa re ka le berekisa le ga taba ya gore ba hlawole motho gore o thogo berekela Modimo. Gabutšibutši re ka fo re, lentsu la gore go hlawolega le berekisiwa mo re na le mekgwa ya go yela, re rapela Jehova ka mokgo a nyakang le mo nkare re na le senghana sa thina naye. Taba yowa ya gore di ya kgonega gore re be le senghana sa thina le Modimo wa rune wa gore o hlawolegiye yi re šiya re yahlamme, ka matlamatla mo re tšhuta ka tso Bhayibele yi di hlayang ga taba ya gore Jehova o hlawolegiye. Jehova o yediye fote aa na selabi ga dilo ka mokana ga tsona. Taba yowa re napa re yi bona gabutši mo mangeloyi ya maserafi ya ma leng thina le setulo sage sa go lawola ma hlaya gore ke yene wa mošaga mang. Ya mangwana ma hlayye gore: “O hlawolegiye, o hlawolegiye, o hlawolegiye Jehova wa masole.” (Jes. 6:3) Di fo ba lekgwaying gore mangeloyi ma hlawolegiye mo ma šinya ma ba le senghana sa thina le Modimo wa gore o hlawolegiye. w21.12 3 ¶4-5

Ga go tlala, bo ba gore ba sa gula ba tiputsisa gore ba nyoko maka ying ka lephelo la bona. Ka nthoko ye nngwana mathitšere ya bona le mašaga ya bona ba ba kutšetsela gore ba tšhutege ka matla gore ba ko thogo hlompega. Mara tsotsone di nyoko tseya nako ya bona ya go tlala. Ka nthoko ye nngwana babelegi le banghana ba bona ka ho phutegong ba hlohletsela bo ba gore ba sa gula gore ba fetse nako ya bona ba berekela Jehova. King so se ka gelepang bo ba gore ba sa gula ba gore ga Jehova ba mo nyaka ka matla gore ba thogo segelela dipheto tsa gabutši? Di ka ba gelepa go bala Maefeso 5:15-17 ba boya ba ghayela ka yona. Mo a fetsiye go bala ditemanyana tsone, ye wa gore o sa gula a ka tiputsisa gore: ‘Gabutšibutši king “tso Jehova a di nyakang”? A ka jabodisa ke sepheto sa mošaga mang? Ke sepheto sefeng so se ka n’gelepang gore ke berekise nako yaka gabutši?’ O sa lebale gore, “re phela ga dinako tsa go thathafa,” fote lefase lowa la gore le lawola ke Sathane tsa lona di nyoko šaša go se botala. w22.01 27 ¶5

Jakobo o thomisiye leng go ba lelata la go tshepega la Jeso? Ka nthago ga mo Jeso ba mo tsusiye ga bo ba kgwileng, “o yye a nyarela ga Jakobo le mapostola ka mokana ga wona.” (1 Makor. 15:7) Lephelo la Jakobo le yye la tšhentšha ka nthago ga mo a gahlanne le Jeso. Ne a le gona nakwela mapostola ma duli ga kamara ya ka kgakala ku Jerusalema ma yemele go kraya moya wa go hlawolega. (Meber. 1:13, 14) Ka nthagonyana, Jakobo o yye a bereka ga ba mogoba wa go lawola wa ku nthago. (Meber. 15:6, 13-22; Magal. 2:9) Fote mo go soko segela mongwaga wa 62 C.E., ba yye ba mo hlohletsela gore a ngwalele Makreste ya go tlotsiwa lengwalo. Lengwalo lone le rune le ya re berekela lekgono, di sa yi ka gore re yemele go ye phela legedimong kela ho lefaseng. (Jak. 1:1) Morene mongwana wa go bolabola ka tso di makegiyeng ku botala ye ba reng ke Josephus, o ngwadiye gore, Jakobo ba yye ba mmolaya ba rometsela ke Moprista ye Mogolo wa Lejuda ye ba reng ke Ananias morwayi wa Annasi. Jakobo o yye a dula a tshepega ga Jehova go segela a kgwa. w22.01 8 ¶3; 9 ¶5

Ga temanyana ya lekgono re ka tšhuta gore a di nyake re fo dula re yemele gore Jehova a re kogetse ka legawu mo re gahlana le dilo tsa nkare di nyoko leketsa tumelo ya rune. Akere Jeso o yye a leketsiwa ka go napa go ro felegelela, le rune di nyaka dule re tshepega, re tipotse gore re ka mpa ra kgwa. (Mat. 16:24, 25) Mara re ya di tšiba tsa gore Modimo a ka sa re lesetse re tlela ke dilo tsa gore re ka sa kgone go di yemela. (1 Makor. 10:13) Se sengwana so re se tšhutang ke gore ba ka fo re maka lešidi le mo re sa sinya selo go fo tshwana naye ga Jeso. (1 Pet. 2:19, 20) Bo ba go re phigisa a ba make ke gore go na le mo re sinnyeng, mara ba maka ke gore a yi rune ba lefase lowa fote re yemelela nnete. (Joh. 17:14; 1 Pet. 4:15, 16) Jeso ke mo a di kwisisa gore ke ntaba Jehova a mo lesetsiye a hlupega. Mara ba bangwana ba gore baa tshepega ba fela ba tiputsisa gore ke ntaba Jehova a ba lesetsa ba ghula ke tse dingwana. (Habak. 1:3) Modimo wa rune wa go kwelana go baba wa gore fote o lefisa pelo wa di kwisisa gore batho bowa a ba gayele tumelo, ba fo ba ba tinyakela go kgomoletsiwa fote baa tšiba gore ke yene fela a ko ba kgomoletsang.—2 Makor. 1:3, 4. w21.04 11 ¶9-10

Jehova o nyoko yamogela merapelo ya rune mo nkare yi yelana le tso yene a di nyakang fote re rapela ka go di nyaka re boya re šupetsa gore re ya mo hlompa. Re ya di tšiba gore Jehova di ro mo tshwanela tsa gore re rapele yene fote re nyaka gore merapelo ya rune go be mong yona-yona. Go rapela Jehova ke mokgwa wo mongwana wa go maka morapelo. Mangwalo ma tshwanisa merapelo yo re yi maka le tsa go tšhubelediwa tsa go nkgela tso ne ba di makela Jehova ku tabarenakeleng, tsa gore ne ba di maka le ka tempeleng. Dilo tsone tsa go tšhubelediwa ne di jabodisa Modimo. Byalo, le rune mo re rapela di tšwa pelong merapelo yone ya mo “jabodisa” le mo re sa hlaye tsa go tlala. (Diy. 15:8; Dot. 33:10) Jehova o jabodisa ke go re kwa re hlaya gore re mo nyaka ka matla fote re ya mo leboga. O kwana natso ka matla tsa gore re bolabole naye ka tso di re hlupang, tshepo yo re nang nayo le tso re di nabelang. Mara mo o nyaka go rapela, ke ntaba o sa yemenyana ke mokane o nagane gabutši ka tso o nyakang go di hlaya? Mo o ka maka ka mokgonone, o nyoko neya Papago wa legedimong “tsa go tšhubelediwa tsa go nkgela” tsa gore di kawone ka matla. w22.03 20 ¶2; 21 ¶7

Ka nako ya Aremaghedoni, a yi rune bo re nyoko segelelang sepheto sa gore Jehova o nyoko kwela bomang go baba fote ke bomang bo a ka sa ba kweleng go baba. (Mat. 25:34, 41, 46) Nje re nyoko di tshepa tsa gore Jehova aa pumutse mo a yahlula kela di nyoko re phiriketsa? Di fo ba lekgwaying gore di nyaka re tiyisa taba ya go tshepa Jehova gore re thogo teya re feta ku mahlong. O fo nagana gore re nyoko tikwa byang ga lefase la nyuwane la Modimo mo Jehova a fetsiye go yahlula. Go ko ba go fediye ka dikereke tsa matsaka, ba go lawola dibhizinisi ba go ba le dipawu le mekgahlokgahlo ya dipolotiki ya gore ke botala yi maka gore lephelo la batho le gakge. Bolwele, go tsofala le taba ya go kgwela ke mašaga ya rune re ka sa sa di bona. Sathane le madimona yage ba ko ba ba kwalele sekete sa mengwaga. Tsa go sasamela tso ba di leyyeng ka taba la go tiwomisa dihlogo di ka sa sa ba gona. (Kut. 20:2, 3) Ye lune, phela ka nako yonone re ka sa tisole ga taba ya gore re yye ra tshepa gore Jehova aa pumutse! w22.02 6-7 ¶16-17

Jeso ne a yeta mahlong ga taba ya go maka gore go bebe fote a hlohletsela ba bangwana gore le bona ba lukise ditaba. O ba tšhutisiye gore mo ba nyaka gore Jehova a yamogele merapelo ya bona di nyaka ba lukisa ditaba le magagabo. (Mat. 5:23, 24) Fote o gelepiye mapostola gatleletlele gore ma lukise taba yo ne yi ba lwisanya ya gore ye mogolo ga bona ke mang. (Luk. 9:46-48; 22:24-27) Mo nkare re kwana le go maka gore go bebe di nyaka re make tsa go feta go fo kganela kgole le go leba. Di nyaka go thomisa rune go lukisa ditaba fote re hlohletsele magageru gore ma lukise mo ma sa fitisane gabutši. (Mafil. 4:2, 3; Jak. 3:17, 18) Re ka tiputsisa gore: ‘Ke tikemisele go maka ying gore ke thogo kwana le ba bangwana? Mo mogageru wa monna kela wa mosadi a ka nthonoga, ayitsano ke nyoko mo tshwara ka pelo? Ayitsano ke ramele gore ye mongwana go be yene ye a lukisang ditaba kela go thomisa nna, le mo yi le gore a yi nna ke sinnyeng?’ w22.03 10 ¶10-11

Ke botala, Bhayibele yi hlayye gore batho ba Modimo ba ka “sa tšhofe ke motho” mo ba kene ba berekela Jehova ba yetetsa ke Morwayi wage. (Pis. 110:3) Seporofeto sone se ya makega lekgono. Mongwaga wo mongwana le wo mongwana malata ya Jehova ma fetsa dimiliyone tsa diawara ma maka mmereko wa go tšhomayela ma kene ma na le matšato. Ma maka mmereko wone ka go tinyakela ma boya ma berekisa tso ma nang natso. Fote ma berekisa nako ya wona gore ma thege magageru ka tso ma di gayelang, ka mokgo ma tikwang le ga tso tsa Modimo. Bagolo le malata ya ka ho phutegong ba berekisa nako ya go tlala ba lukiselela megahlano ba boya ba vakašela magageru gore ba thogo ma tiyisa. King so se ba tšhofang gore ba make mmereko wowa wo mogolo ka mokgo? Nka taba la gore baa nyakanana fote ba nyaka Jehova le bayagelane ka matla. (Mat. 22:37-39) Jeso o re beyisele gabutši ga taba ya go yetisa tsa ba bangwana mahlong. Re karakara ka matla gore le rune re tshwane naye. (Marom. 15:1-3) Bo ba kopiselang gage ba nyoko kraya tsa gabutši. w22.02 20 ¶1-2

Ku Israyele ba go tlala ne ba bereka mašomong, byalo bo ba hirang ne di nyaka ba patele dibereki tšatši lolone. Mo ba ka ngangarela tšheleta ya sebereki sone ba sa se patele, se ka sa kgone go krayela ba mutši wa sona tsa go ja tsa tšatši lolone. Jehova o yitseri: “Mogolo wone wa wo hloka gore a thogo phela.” (Dot. 24:14, 15; Mat. 20:8) Matšatši yawa, bo ba thewogelang ba ba golela gateya kela gabedi ka kgwedi, go seng ka moka matšatši. Mara tšhiko yo yi leng ga Lefitiko 19:13 yi sa na yi bereka le lekgono. Ba bangwana bo ba hirang ba hlalefetsa dibereki ka go di patela tšheleta ye nyana ka matla. Baa di tšiba tsa gore di ka makega gore dibereki tsone a go na mo di ka yang, di nyoko fo ya mahlong di bereka ka taba la gore di tšhaba go teya ke tlala. Batho bo ba makang ka mokgonone mo ba hiriye dibereki ba ‘ngangarela mogolo sebereki.’ Mokreste wa gore o na le dibhizinisi o nyoko maka so a ka se kgonang gore a tseyele taba yowa hlogong. w21.12 10 ¶9-10

Jeso a ka fo ba a yye a kwa a wonngwe meetši ka matla ka nthago ga gore a hlupegisiwe. Ke mo a nyaka sa go mo timula. Mo Jeso a hlaya ka mokgo a tikwang ka gona, tsotsone ke mo di sa rele gore wa lepelela, le rune a ra tshwanela go tikwa ka mokgonone. Re ka fo ba re tlwayele go sa botse ba bangwana ka tso re di gayelang. Mara mo nkare go na le so re nyakang ba bangwana ba re gelepa ka sona, re sa jikajiki go ba kgopela. Mo re beyisa, mo nkare o tsofele kela wa lwala, di ka nyaka gore o kgopele monghanago gore a go felegetse setolo we reka tse dingwana kela ga togotela. Mo nkare o kgongwele kela wa šekela, o sa tšhabe go kgopela mogolo kela monghanago wa gore ke Mokreste wa go butšwa gore a go theetsele mo o kene o bolabola kela a go tiyise ka “lentsu la gabutši.” (Diy. 12:25) Re sa di lebale tsa gore magageru ma re nyaka ka matla fote ma nyaka go re gelepa “mo re gahlana le tsa go re kgahleletsa.” (Diy. 17:17) Mara tsa gore rune re nagana ying a ba di tšibi. Mo re sa ba botse, o ka kraya ba sa tšibi gore re nyaka ba re gelepa. w21.04 11-12 ¶11-12

Ba go tlala ba rune di ya re thathafela mo seyemo se tšhentšha. Ba bangwana ba gore ba berekiye ga mmereko wa go hlawolega wa nako ka moka ba yye ba tshwanela go tšhentšha mebereko yo ne ba kwana nayo ka matla. Ba bangwana ne di nyaka ba lisetsa go maka tso ne ba di maka ga mmereko wa Jehova ka taba la gore ba šele ba tsofele. A di makatse gore re kwa go baba mo seyemo se tšhentšha. Go yamogela seyemo sa nyuwane go ko ba mong meetši ya manyana ga rune, mo re ka tseya dilo ka mokgo Jehova a di tseyang. Phela ke yene a segelelang dilo tse dikgolo lekgono, fote re jabolela gore re thulegele ke lešuba la gore re berekisane naye. (1 Makor. 3:9) Jehova a ka sa tšhentšhe ka mokgo a re nyakang. Byalo, mo nkare tso mokgahlo wo di tšhentšhang dya go yama, o sa kraye o dulela go tiputsisa gore mara king so se makiyeng gore ba tšhentšhe dilo. O sa llele “tsa ku nthago,” rapela Jehova o mo kgopele gore a go gelepe gore o thogo bona tsa gabutši ga seyemo sone sa nyuwane. (Mmo. 7:10) Dula o tseya dilo gabutši. Byalo, re nyoko ro liketsa go dula re jabodiye re boya re šupetsa gore re na le tumelo le mo seyemo sa rune se ka tšhentšha. w22.03 17 ¶11-12

Jehova o šupetsa bomang gore o ba nyaka tsa mannete? Bhayibele yi re re ka kwana le dilo tsa go tlala tsa go tshwana le “go lema,” “wayini le makgura,” “go wolola,” “go tšiba,” “go hlalefa”—le tse dingwana. (2 Dikor. 26:10; Diy. 12:1; 21:17; 29:3) A di kgonege go šupetsa dilo gore o di nyaka tsa mannete mara ga batho di ya kgonega. Mara Jehova aa fo šupetsa ga ye mongwana le ye mongwana gore o nyakanana tsa mannete. O šupetsa go nyakanana tsa mannete ga bo go leng mong banghana bage. Modimo wa rune wa tshepega ga banghana bage. O tikemisele go ba makela tsa gabutši fote a ka sa ro ba lahla. Jehova o šupetsiye batho ka mokana ga bona gore o ba nyaka ka matla. Jeso o butsiye morene mongwana ye ba reng ke Nikhodimase gore: “Modimo o nyakiye lefase [batho] ka matla a šinya a neyela ka Morwayi wa gore o fo ba a ntoši, gore ye mongwana le ye mongwana ye a dumelang gage a sa bolayiwi mara a kraye lephelo la go ya go yye.”—Joh. 3:1, 16; Mat. 5:44, 45. w21.11 2 ¶3; 3 ¶6-7

Lephelo le ya baba, fote di ka makega gore ku mahlong re kwe nkare go nyoko thuhluga le tšhika. (Mat. 24:21) Re le yemele ka maahlo ya makhubedu letšatši la mo dilo tsowa ka mokana ga tsona di ko ba di fitiye, re di libele fote di ka sa sa tsoga di makegiye! (Jes. 65:16, 17) Tsotsone di napa di fo šupetsa gore taba yowa ya go tiyisela, yi ka sa fele gana byalo. Ke ntaba? Akere le Jeso o yitseri: “Le nyoko phona mo le ka tiyisela.” (Luk. 21:19) Mo re nagana ka tso di makang gore ba bangwana ba thogo tiyisela dintshitshire tsa go tshwana le tsa rune, re thogo tiyisela. Ke mang wa go re phala ka mokana ga rune ga taba ya go tiyisela? Ke Jehova Modimo. Ayitsano ya go makatsa taba yone? Nakwenngwana di maka ke gore a o soko yi nagana. Lefase lowa le lawola ke Diyabolo, fote mathatha ma yeketsega ma yeketsegiye. Jehova o na le matšhika ya gore a ka fetsa ka wona gana byalo nyana, mara o yemele letšatši lage gore le segele. (Marom. 9:22) Gana byalo, Modimo wa rune o fo ba a tiyisele gore nako yone yi šinye yi segela. w21.07 8 ¶2-4