September

Jeso ke mo go le segele ga tsa go tšhutisa, mara batho ba bangwana ke mo ba sa kgotsofatse ke matšhutiselo yage. Ke mo ba nyaka tsa go feta tsone. Mara ba yye ba tuba mo a gana go ba neya mošupetso wo ne ba wo nyaka. (Mat. 16:4) Mangwalo ma re king? Nakwela moporofeta Jesaya a ngwala ka Mesiya, o yitseri: “A ka sa gotle kela go yahlamela fote a ka sa make gore lentsu lage le kwagale ku dipateng.” (Jes. 42:1, 2) Mo Jeso a tšhomayela, ne a sa makele go goga maahlo ya batho. Ke mo a sa yage ditempele tsa masithisithi, a sa yapare dikobo tsa baruti fote ne a sa nyake ba mmitsa ka mabitso ya baruti ba go tšibega. Nakwela Jeso ba mo sekisa, o ganne go jabodisa Kgoši Heroda ka go mo makela mošupetso le mo a na a di bona gore ba ka tšhoga ba mmolayye. (Luk. 23:8-11) Jeso o makiye mehlolo, mara ka matlamatla ke mo a hlupega ka go tšhomayela ditaba tsa go bafala. O butsiye malata yage gore, “Ke tso ke tleleng tsona.”—Mar. 1:38. w21.05 4 ¶9-10

Re nyakana le batho ba gore “ba tlalele ga lephelo la go ya go yye.” (Meber. 13:48) Mo re nyaka gore batho bowa go be malata, di nyaka re ba gelepe gore ba (1) kwisise, (2) ba dumele le (3) go berekisa tso ba di tšhutang ka Bhayibeleng. (Makol. 2:6, 7; 1 Mathes. 2:13) Ka mokana ga bona bo ba leng ka phutegong ba ka gelepa bowa ba gore ba sa tšhuta Bhayibele ka go ba beyisela gore ba šupetse batho ba bangwana gore baa ba nyaka le go maka gore ba lokologe mo ba tlile megahlanong. (Joh. 13:35) Le yene ye a mo tšhutisang Bhayibele di ko nyaka gore a berekise nako ya go tlala gore a gelepe ye a tšhutang naye Bhayibele gore a nyekule “dilo tsa gore di tsikiye” tso ke mo a di dumela a boya a di maka. (2 Makor. 10:4, 5) Go ka tseya dikgwedi tsa go tlala gore motho a make dilo tsowa ka moka gore a feleletse a kolobetsiwa. Mara tsotsone di ka gelepa ka matla. w21.07 3 ¶6

Ayitsano a re kamake gore tso re di tšhutisang ke nnete fote mokgwa wa Dihlatse tsa Jehova wa go rapela ke wona wo le ntoši wo Jehova a wo yamogelang? Pawulo wa lepostola ke mo a sa yi kamake nnete. (1 Mathes. 1:5) Go sa kamake gage ne yi se taba ya go fo tseyega nje. Phela Pawulo ne a tšhuta Lentsu la Modimo a sa kgane. Ke mo a tshepa gore “Mangwalo ka mokana ga wona ma hlohletsele ke Modimo.” (2 Thim. 3:16) Tso ne a di tšhuta di mo wunyullele ying? Ka mo Mangwalong, Pawulo o krayye nnete ya gore o ka sa ro yi phigisa ya gore Jeso ke Mesiya ye ne a tshepisiwwe, go leng mong taba yo ba go yeta mahlong ba sedumedi sa Majuda ba kgetiyeng go yi takisa maahlo. Bo ba sedumedi ba go timakisanya ba maka nkare ba berekisana le Modimo mara tso ba di makang a di yelane naye. (Tito 1:16) Mara Pawulo ke mo a sa tshwane nabo ka taba la gore ne a sa tobolle tso a nyakang go di tshepa ka Lentsung la Modimo. Ke mo a tikemisele go tšhutisa le go maka “tso Modimo a di nyakang.”—Meber. 20:27. w21.10 18 ¶1-2

Mo re kene re gaša re boya re tšheletsa, re sa lebale gore Modimo ke yene a makang gore di gule. (1 Makor. 3:6, 7) Lephelo la motho ga Jehova ke lekolwane. O re neyye mmereko wa go bereka le Morwayi wage mo a kene a hlekeletsa batho ba ditšhaba ka moka mo lefase lowa le soko fela. (Hagh. 2:7) Mmereko wa rune wa go tšhomayela wo tshwana le wa go gelepa batho. Rune re tshwana le batho ba gore ba ba rumme gore ba ntshe batho ba gore baa kgwela ku meetšing. Le mo ba sa tlala batho bo re ba krayang ba sa phela, mmereko wo re wo makang ke wo mogolo ka matla. Le mmereko wa rune wa go tšhomayela wo fo ba ka mokgonone. A re tšibi gore nka bakaye batho bo re nyoko kgonang go ba phonisa ga lefase lowa la Sathane. Mara Jehova a ka berekisa ye mongwana le ye mongwana ho ga rune gore a ba phonise. Andreas, wa gore o dula Bolivia, o re, “Nna ke tseya gore motho ye mongwana le ye mongwana ye a tšhutang dinnete tsa Bhayibele a boya a kolobetsiwa aa gelepa ke motho ka wweši, mara o gelepiye ke sekwata.” Le rune nkare re ka yi tseya ka mokgonone taba yowa ya go tšhomayela. Mo re maka ka mokgonone, Jehova o nyoko re rufa, fote go ya tšhomong go nyoko re jabodisa ka matla. w21.05 19 ¶19-20

Nka ssoši selo so se nyakang ke motho wa go tsoma, o fo tinyakela go tanya kela go bolaya phoolwane, ke moka. A ka berekisa difu tsa mehlobohlobo, fote ye mongwana ga banghana bala ba Jobo ke mo a yi tšiba taba yone. (Jobo 18:8-10) Motho wa go reya diphoolwane o maka byang gore a šinye a di tanye? Diphoolwane tsone wa di tšhuta. O lebelela gore di sepelela kaye, di kwana le ying le gore a ka di tanya byang? Sathane o tshwana le motho yene wa go tsoma. Wa re tšhuta. O lebelela gore re kwana le go ya kaye le gore re tlalele ka kaye. Ke mokane o re beyela molabo wa gore wo re tanye re sa nagana. Mara, Bhayibele ya re botsa gore le mo a ka re tanya, re ka khwanyudisa. Fote yi re tšhutisa gore re make byang gore re sa tsoge re tannye ke melabo yone yage. Melabo ka mmedi ya gore Sathane o phomelela ka matla ga yona ke go ba le magetla le dipawu. Ke botala Sathane a berekisa mekgwa yowa ya go sa jabodisi, fote ya mmerekela. O tshwana le motho wa go reya dinonyane wa gore o di woka ka se sengwana gore a thogo di tanya. (Pis. 91:3) Mara re ka sa fo mo lisetsa Sathane a šinya a re tanya. Ke ntaba? Ka taba la gore Jehova o re butsiye dipolane tso Sathane a di berekisang.—2 Makor. 2:11. w21.06 14 ¶1-2

Magageru ya rune ya gore ma šele ma tsofele ya gore fote maa tshepega ke makolwane ya gore re ma tseyela gedimo ka matla. Lentsu la Modimo le re moriri wa bona wa dimpu wo tshwana le fapo. (Diy. 20:29) Mara makolwane yawa, re ka fo tšhoga re ma takisiye maahlo. Bo ba gore ba sa gola ba ka kraya selo se segolo sa go phala go ba dinghamula mo ba ka ba tseyela gedimo bowa ba gore ba šele ba gudiye. Bowa ba go tshepega ba gore ba šele ba gudiye ke makolwane ga Jehova Modimo. Wa ba tšiba gore ke batho ba mošaga mang, o tšiba le mekgwa ya bona ya gabutši fote o yi tseyela gedimo. Di mo jabodisa ka matla mo a bona ba gore ba šele ba gudiye ba tšhutisa bo ba gore ba sa gola tso ba di tšhutiyeng lephelong mo ba kene ba berekela Jehova. (Jobo 12:12; Diy. 1:1-4) Jehova o yi tseyela gedimo le taba ya gore ba kene ba tiyisele. (Mal. 3:16) Le bona ba gahlanne natso tsa go baba tsa lephelo, mara tumelo ya bona ga Jehova yi sa na yi tiyelele. Nakwela ba sa thomisa go tšhuta nnete ke mo ba tshepa gore ku mahlong ba nyoko kraya dilo tsa gabutši, le gana byalo lowa a ba kamake le ka gonyana. Jehova o kwana nabo ka matla ka taba la gore a ba lisetse go bolabola ka lebitso lage “le mo ba šele ba tsofele.”—Pis. 92:12-15. w21.09 2 ¶2-3

Di gabutši ka matla go fela re tinyakolla gore re tšhofa king mo re šinya re maka dilo tse dingwana. Re ka tiputsisa gore: ‘Mo ke kwa nkare ke kawone go phala batho ba bangwana, ayitsano ke kwa le pelo yaka yi tlulatlula? Mo ke šinya ke karakara ka matla ka ho phutegong, ayitsano ke makela gore le batho ba di bone gore ga mogageru moketekete ke mo phala kgole? Kela ke karakara ka mokgonone ka taba la gore ke nyaka go jabodisa Jehova?’ Bhayibele yi re re sa kwane natso tsa go phadisana le ba bangwana. Ke ntaba? Taba ye nngwana ke gore mo re ka fo thomisa go tikwa nkare re phala magageru, re ka thomisa go ba le magetla. Fote mo re fo dulela go tipotsa gore magageru ma re phala ka selo se sengwana le se sengwana, re nyoko kgongwela. (Marom. 12:3) A di nyake re lebala gore mo Jehova a re goga, aa re goga ka taba la gore re bafele, re ya di tšiba tsa go bolabola kela re tšiba ke batho ba go tlala, mara o re gogiye ka taba la gore re mo nyaka ka matla fote re nyaka go theetsela Morwayi wage.—Joh. 6:44; 1 Makor. 1:26-31. w21.07 14-15 ¶3-4

Mo re nyaka go nagana ka mokgwa wa nyuwane, di nyaka re rapele, re bale Lentsu la Modimo re boye re ghayele. Ngangarela ga dilo tsone ke mokane o kgopele Jehova gore a go neye matšhika. Moya wage wa go hlawolega wo nyoko go gelepa gore o lisetse dilo tsowa tsa go kraya o titshwanisa le batho ba bangwana. Jehova o nyoko ro boya a go gelepa gore o di bone mo nkare o thomisa go ba le jelase kela o thomisa go kakola magetla fote o ko maka gore o yakgoswe o tomola mekgwa yone ka ho pelong. (2 Dikor. 6:29, 30) Jehova wa tšiba gore dipelo tsa rune di byang. Wa tšiba le gore re kene re lwa le ying, wa tšiba gore re lwa le moya wa lefase le mmele wa rune wa gore a wa felegelela. Mo Jehova a kene a re bona re karakara gore re hlule mekgwa yone ya go kekema, o ko napa a kwa a re nyaka ka matla. Jehova o re beyisela ka mmane le ngwanage, o nyaka gore re bone gore o tikwa byang ka rune. (Jes. 49:15) Di re jabodisa ka matla go tšiba gore Jehova le yene o kwa a re nyaka ka matla mo a bona re karakara gore re mmerekele ka dipelo tsa go felegelela! w21.07 24-25 ¶17-19

Re ka maka gore re nape re jabola ka matla mo re ka tsika ga mmereko wo mongwana le wo mongwana wa gore ba re neyye wona ka ho ga Jehova. “Napa [o] tshwaragana” ka mmereko wa go tšhomayela fote o karakare ga mebereko ya phutego. (Meber. 18:5; Maheb. 10:24, 25) O lukiselele gabutši mo o ya megahlanong ya phutego gore o thogo tiyisa ba bangwana mo o fetola ga tso le ko bang le di tšhuta. Mo nkare ba go neyye gore o tle o beye polabolo ga mogahlano wa gare ga beke, o sa yi tseyele fase. O tshware nako mo ba go kgopele gore o gelepe ka se sengwana ka phutegong, fote o sa fo dumela mara o sa make. Ga mmereko wo mongwana le wo mongwana wo ba go neyang wona, o sa tseye nkare ba kgana ka wene. Karakara gore o be segele ga mmereko wago. (Diy. 22:29) Mo o ka tsika ga mebereko yo o yi makelang Jehova, senghana sago naye se nyoko hluhlutela fote o nyoko napa o jabola ka matla. (Magal. 6:4) O nyoko bona di sa thathafe go jabola le ba bangwana mo ba ba neya mmereko wa gore ke mo o wo nabela.—Magal. 5:26. w21.08 22 ¶11

Di nyaka re kganela kgole le taba ya go ba le magetla fote o lisetse Jehova a go tšhutise. Go fo tshwana le mo bolwele bo ka šitisa pelo gore yi bereke gabutši, magetla le wona ma ka maka gore re fo swaya molala mo Jehova a re yetetsa. Mafaraseyi ma yye ma fo tiwomisa dihlogo ke mokane ma šitega go bona mo moya wa Modimo wo ma yetetsa. (Joh. 12:37-40) Ne ba tipolayisa ka go maka tsotsone ka taba la gore mo go le lephelo la go ya go yye ne ba ka sa ro le bona. (Mat. 23:13, 33) Di gabutši ka matla gore re lisetse Lentsu la Modimo le bereke ho ga rune gore le thogo tšhentšha tso re di naganang le dipheto tso re di segelelang! Ka taba la gore Jakobo ke mo a tinyanafatsiye, o yye a lisetsa gore Jehova go be yene ye a mo tšhutisang. Fote, taba yone ya go tinyanafatsa ke yona yo yi makiyeng gore go be segele mo a tšhutisa. w22.01 10 ¶7

A re kamake gore mo re ‘rapela re kene re tiyisele,’ Papa wa rune wa legedimong wa re kwa. (Makol. 4:2) Re ka tseya nkare so re se rapeleleng se ya nanankela, mara Jehova o re o nyoko re fetola “ka nako ya gona.” (Maheb. 4:16.) Tsotsone di rela gore re sa mo sole ga Jehova mo se sengwana se sa yakgoswe se makega ka mokgo re nyakang. Mo re beyisa, batho ba go tlala ba fetsiye mong mengwaga ba rapelela gore Mmušo wa Modimo wo fetse ka lefase lowa. Jeso le yene o yitseri re rapelele sosone. (Mat. 6:10) Mara go ko ba go le bophokophoko mo tumelo ya rune ga Modimo yi ka šehla ka taba la gore lefase lowa a le yakgoswe le fela ka nako yo batho ba yi yemeleng! (Habak. 2:3; Mat. 24:44) Re ko ba re šupetsa gore re hlalefiye mo re rapela Jehova re boya re mo tshepa gore o nyoko re fetola. Lefase le nyoko fela ka nako ya gona gabutši, fote Jehova o šele a tšiba gore nako yo a yi beyyeng ya go fetsa ka lona yi “leng.” Letšatši lone go nyoko ba go le lona la gabutši go phala ya mangwana ka mokana ga wona.—Mat. 24:36; 2 Pet. 3:15. w21.08 10 ¶10-11

Ba gore ba šele ba gudiye ba gore ba tinyanafatsiye baa di bona gore mo ba kene ba tsofala, a ba sa kgona go maka dilo tsa go tlala go tshwana le botala. Tla re fo tseya ka bapotulugi. Mo mengwaga ya bona yi segela ga 70, ba ba kgopela gore ba kgete mmereko wo mongwana. O ka kraya di ba thathafela. Di ka maka ke gore ke mo ba jabolela mmereko wa go gelepa magageru. Mara baa di kwisisa gore go nyakega ba gore ba sa na le matšhika. Ba maka go tshwana le Malifi ya Israyele ya ku botala, ya gore ke mo ma tshwanele ma lisetse go bereka taberenakeleng mo mengwaga ya wona yi segela ga 50. Malifi yane ya gore ke mo ma šele ma gudiye ke mo ma sa fo jabolela mmereko ka wwoši. Ke mo ma bereka ma šwennye ga mmereko wo ma nang nawo, ma boya ma karakara gore ma gelepe bo ba gore ba sa tiyelele. (Dip. 8:25, 26) Lekgono, bo ne go le bapotulugi a ba sa vakašela diphutego tsa go tlala mara ba gelepa ka matla le go hlohletsela phutego yo ba leng ga yona. w21.09 8-9 ¶3-4

Ga Luka 15:11-32, Jeso o bolabodiye ka mošupetso wa go tikisa pelo wa morwayi wa gore ne a lahlegiye. Mosogana yene o yye a jikela papage, a tloga gaye ke mokane “a phanakela a ya ga poleke ya kgole.” A sinyanya dilo tsage ka go phela lephelo la go sa hlamatsega. Mo a šele a goga thabeng, a thomisa go nagana dilo gabutši. A thomisa go di bona gore dilo ke mo di thelela nakwela a sa le ku ga papage. Mo Jeso a fo yi beya o re, mosogana yene “hlogo yage ya thomisa go bereka.” A fetsa ka gore a boyele gaye a kgopele papage gore a mo tshwarele. Taba ya gore morwayi yene a šinye a di bone gore o potlomele go segela kaye, ke ye kgolo ka matla. Ke mo di nyaka a maka se sengwana! Morwayi ye ne a lahlegiye o šupetsiye gore o sokologiye tsa mannete ga tso ne a di maka. Mošupetso wowa, a yi fo ba taba ya go tikisa pelo nje. Taba yowa yi tšhutisa ka ditšhiko tso bagolo ba phutego di nyakang ba di tseyele gedimo gore ba thogo bona gore nje Mokreste wa gore o sinnye ka matla wa resa mo a re o sokologiye. w21.10 5 ¶14-15

King sa gore se ka sa tekatekisiwi kela go tlusiwa? Pawulo wa lepostola o ngwadiye gore: “Ka taba la gore re ya di bona gore re nyoko kraya Mmušo wa gore wo ka sa tekatekisiwi, koriyeneng mahlong . . . re kene re makela Modimo mmereko wa go hlawolega re kene re šupetsa gore re ya mo hlompa.” (Maheb. 12:28) Go nyoko tupa lerole mo go šiginyega la mafelelo, mara mo lerole lone le fela, Mmušo wa Modimo wo nyoko šala wo le ntoši fote wo ka sa tekatekisiwi. (Pis. 110:5, 6; Dan. 2:44) Phela a go sa na nako! Di nyaka batho ba kgete gore: Ayitsano ba nyoko ya mahlong ba yema le mokgwa wa go phela wa gore wo hlohletsela ke lefase lo, wa gore wo ba yisa likgung, kela ba nyoko karakara gore maphelelo ya bona ma yelane le so se nyakang ke Modimo, ke mokane ba kraya lephelo la go ya go yye? (Maheb. 12:25) Mo re kene re tšhomayela, re gelepa batho gore ba thogo segelela sepheto sa gore ba nyoko yema kakaye ga taba yowa ye kgolo ka matla. Fote nkare re ka fo dula re naganne mantsu ya Morena wa rune Jeso ya gore: “Ditaba tso tsa go bafala tsa Mmušo di nyoko sabalatsiwa lefaseng ka mokana ga lona, gore ditšhaba ka mokana ga tsona di thogo bona, ke mokane lefase le nyoko fela.”—Mat. 24:14. w21.09 19 ¶18-20

Lune bagolo le na le mmereko wo mogolo wa gore re kgomoletse bo re rapelang ggoši nabo ba gore magagabo a ma sa berekela Jehova. (1 Mathes. 5:14) Liketsa go ba tiyisa mo go soko thoma megahlano ya Sekreste kela mo yi šele yi fediye. Ba vakašele o boye o rapele nabo. Bereka nabo tšhomong, kela mo nkare di ya maka o ka ba bitsa gore ba tle ba be le lune ka nako ya morapelo wa mutši. Banna bo ba gore baa re disa ka ho phutegong di nyaka ba šupetse bo go leng dinku tsa Jehova ba gore ba kwalele gore ba ba kwela go baba, ba ba nyaka ka matla fote ba hlupega ka bona. (1 Mathes. 2:7, 8) Jehova “aa nyake gore go kgwe le motho ka wwoši mara o nyaka gore ka mokana ga bona ba sokologe.” (2 Pet. 3:9) Le mo motho a ka fo ba a sinnye ka matla, Modimo o sa na a mo tseyela gedimo ka matla. O fo nagana gore Jehova o patele ka selo se segolo ka matla go segela kaye—sehlabelo sa go re lepolla ka Morwayi wage wa gore o mo nyaka ka matla—gore a phonise batho ba go sinya. Batho ba mohlobo wonone Jehova o ba kwela go baba fote o nyaka gore ba sologe ba tle ho gage. O nabela nkare ba ka kgeta go maka tsotsone, go tshwana le tso di yyeng dya maka ke mosogana yela wa gore ke mo a lahlegiye yela Jeso a yyeng a beyisa ka yene.—Luk. 15:11-32. w21.09 30-31 ¶17-19

Byalo, o nyoko re king mo nkare go lwala di ya go kgerela ga mmereko wa go tšhomayela? Sosone se senyana so o kgonang go se maka se ka maka gore o jabolele mmereko wa go buna. Lebelela gore Kgoši Dafita le masole yage ba gahlanne le tsa mošaga mang nakwela ba phonisa mitši ya bona le diphahlo tsa bona ga dikgohlane tsa Maamaleke. Ka taba la gore ne go na le makgolo ka mabedi ya banna ba gore ne ba tinnwe la go kgwa gore ba ka ya ntweng, ba yye ba šala gaye gore ba pasope diphahlo tsa bona. Mo ba šele ba hludiye ntweng, Dafita o yye a ba botsa gore ba pomelane tso ba buyyeng natso ka go lekana. (1 Sam. 30:21-25) Di fo tshwana le ka mokgo re makang ga mmereko wa rune wa lefase ka mokana ga lona wa go maka batho gore go be malata. Ye mongwana le ye mongwana ka ho phutegong ye a karakarang ka matšato le yene a ka jabola mo motho ye mongwana a thomisa go tšiba Jehova a boya a kolobetsiwa. Jehova o tseyela gedimo taba ya gore re ya karakara gore re šupetse gore re mo nyaka ka matla fote wa re rufa. O re tšhutisa gore re ka maka byang gore re jabodise ke go tšhela letsogo ga mmereko wa go tšhomayela. (Joh. 14:12) A re kamake gore Modimo o nyoko dula a re yamogela mo re ka sa lahle tewu! w21.10 28 ¶15-17

Ho re kene re tsofala, re ka fo tseya nkare ho ga Jehova go nyoko fo ba pelo phi, ra sa sa bonala go tshwana le nakwela re sa tikwelela. Matšhika ya rune a ma sa tshwana le nakwela re sa le ba banyana, mara re hlalefiye fote le tsa lephelo re ya di tšiba, byalo re ka gelepa bo ba gore ba sa tiyelele gore ba tšibe mmereko fote ba make le tse dingwana tsa nyuwane. Bo ba gore ba šele ba gudiye di nyaka ba tinyanafatse mo ba nyaka go gelepa ba gore ba sa gola. Motho wa gore o tinyanafatsiye o tseya gore ba bangwana baa mo phala. (Mafil. 2:3, 4) Ba gore ba šele ba gudiye ba go tinyanafatsa baa tšiba gore Mangwalo maa hlaya gore di tlele ditsela tsa go maka mmereko, wa boya wa phomelela. Tsotsone di maka gore ba sa yemele gore ba bangwana ba make dilo go tshwana nabo. (Mmo. 7:10) Ba ka tšhutisa bo ba gore ba sa gola tso ba di tšhutiyeng ho lephelong, mara baa tšiba gore “dilo tsa lefase lowa di ya tšhentšha,” le bona di ka nyaka gore ba tšhute dilo tsa nyuwane.—1 Makor. 7:31. w21.09 8 ¶1, 3

Jehova o hlawolegiye a ka sa makisi malata yage dilo tsa gore di nyoko ma ntsha serithi. Mo re bolabola ka go hlawolega re ra yene. Tso ba di ngwadiyeng mone ga sepelekete sa gholdi sa ho mahlong ga tuku ya moprista ye mogolo ne di napa di beya taba yone lekgwaying. Ga sepelekete sone ke mo ba ngwadiye gore: “Wa go hlawolega ke Jehova.” (Ek. 28:36-38) Molayetsa wo ba wo ngwadiyeng ga sepelekete sone ne wo gopotsa ye mongwana le ye mongwana ye a wo bonang gore Jehova o hlawolegiye tsa mannete. Byalo, re re king ka Leisrayele la gore a le kgone go bona sepelekete sone ka taba la gore le ka sa kgone go šutela thina le leprista le legolo? Ayitsano le nyoko phuka ke molayetsa wone wa gore wo tseyediwa gedimo? Dho! Phela Maisrayele ka mokana ga wona ma kwile molayetsa wone nakwela go badiwa Molawo mahlong ga banna, basadi le bana. (Dot. 31:9-12) Mola le wene o le gona nke o wo kwile molayetsa wa gore: “Ke nna Jehova Modimo wa lune, fote di nyaka . . . le hlawolege, ka taba la gore le nna ke hlawolegiye.” “Di nyaka le hlawolege gaka, ka taba la gore nna, Jehova, ke hlawolegiye.”—Lef. 11:44, 45; 20:7, 26. w21.12 3 ¶6-7

Ba bangwana ba ka fo ba šekedisa ke tso ba di gayelang. Di ka makega gore ba dula ga naga ya gore go kenne mohlupego. Go ka ba ntshitshire gore ba kraye tšheleta ya gore ba pasope ba mutši wa bona. Kela di ka makega gore ye ne a ba pasopa ka tso ba di gayelang o timele, ke mokane ba mutši wage ba fo šala ba yi tsa. Mo re ka tshepa Jehova ke mokane ra lisetsa go šekela, di nyoko re sepelela gabutši. Gopola taba ya gore Jehova o tshepisa gore mo re ka yetisa tsa Mmušo wage mahlong o nyoko re neya tso re di gayelang. (Mat. 6:32, 33) O šupetsiye gatleletlele gore wa di kgona go maka tso a di tshepisiyeng. (Dot. 8:4, 15, 16; Pis. 37:25) Mo Jehova a kgona go pasopa dinonyane le mabhlomu, anthe rune ke ntaba re šekela ka gore re nyoko ja ying kela re nyoko yapara ying! (Mat. 6:26-30; Mafil. 4:6, 7) Babelegi ba kwa di ba tšhofa gore ba pasope bana ba bona ka tso ba di gayelang, le Papa wa rune wa ku legedimong o pasopa batho bage ka tso ba di gayelang ka taba la gore o ba nyaka ka matla. w21.12 17 ¶4-5; 18 ¶8

Ayitsano di yye dya go makegela gore ye mongwana, le wa ka ho phutegong, a go kwise go baba ka matla?. Lebelela mošupetso wa Josefa, wa gore bobhuti wage ba yye ba mo maka lešidi. O yye a fo ya mahlong a berekela Jehova, ke mokane a rufega ka taba la gore o yye a tiyisela a kene a lefisiye pelo. Mo nako yi kene yi ya, Josefa o yye a tshwarela bobhuti wage, a lebelela ga tso Jehova a mo rufiyeng ka tsona. (Gen. 45:5) Le rune re tshwana naye ga Josefa, re ko kgomoletsega mo re šutela thina ga Jehova, re mo lisetsa gore go be yene a lukisang mo go na le ba go re maka lešidi. (Pis. 7:17; 73:28) Mo nkare o makiwa lešidi kela o kwisiwa go baba mara o kene o tiyisele, o sa lebale gore Jehova o šutela thina ga “ba dipelo tsa go kwa go baba.” (Pis. 34:18) Tsa gore o kene o tiyisele fote o bošela tsa go go roba ho gage, di maka gore a kwane nago ka matla. (Pis. 55:22) Ke yene wa go yahlula lefase ka mokana ga lona. Ke yene a bonang se sengwana le se sengwana. (1 Pet. 3:12) Mo nkare le wene go na le tsa go go ghula fote a wo tšibi gore o di lukise byang, yemela Jehova go be yene a di lukisang. w21.08 11 ¶14; 12 ¶16

Re ko ba re šupetsa gore re hlalefiye mo re maka dilo tsa gore di jabodisa Jehova mo re kene re phela. Di nyaka re tšiba tso di tshwaneleng go yeta mahlong. Ka dinako tse dingwana go berekisa nako ya rune gabutši di rela go kgeta go maka selo ka ssoši ga dilo ka dipedi tsa gore a di sinyi selo. Re tšhuta se sengwana ga taba ya go tšibega ka matla ya gore Jeso o yye a vakašela Mariya le Mata. A re kamake gore Mata wa gore o kwana le go yamogela divakaši ne a jabodiye mo Jeso a ba vakašela fote a tikemisele go yapega mahenyahenya. Sesi wage Mariya ke mo a tidulele ho thina le Morena Jeso ke mokane a theetsele tso a di tšhutisang. Tso Mata ne a di maka ke mo di sa befa mara Jeso o yitseri, Mariya o “tikgetele dilo tsa gabutši.” (Luk. 10:38-42) Di ka makega gore mo nako yi kene yi takamela, Mariya ne a šele a lebele gore ba yye ba ja ying ka tšatši lolone mara a re kamake gore o sa na a di gopola tso a di tšhutiyeng ga Jeso. Go fo tshwana le ka mokgo Mariya a yyeng a se tseyela gedimo senakonyana so a se fetsiyeng a na le Jeso, le rune re yi tseyela gedimo nako yo re yi fetsang re na le Jehova. w22.01 27 ¶5-6

Ahaba o yye a tinyanafatsa mahlong ga Jehova, mara tso a di makiyeng ka nthago di šupetsiye gore ne a sa sokologa tsa mannete. Phela ka nakwela go sa lawola yene a sanka a tihlupa ka go fetsa ka medimo ya Bhaali. Fote a sanka a hlohletsela batho gore ba rapele Jehova. Mo Ahaba a šele a kgwile, Jehova o yye a napa a šupetsa gore monna yene ke mo a mo tseya byang. Moporofeta wa Modimo ye ba reng ke Jekgu o yitseri ke mo a na le “pelo ye phifadu.” (2 Dikor. 19:1, 2) Byalo lebelela taba yowa gabutši: Mo nkare Ahaba ne a sokologiye tsa mannete, moporofeta wa Modimo ne a ka sa re ke monna wa pelo ye phifadu wa gore o hloyye Jehova. Nnete ke gore Ahaba o yye a šupetsa gore wa tisola, mara a sanka a šupetsa gore o sokologiye tsa mannete. Re ka tšhuta ying ga mošupetso wa Ahaba? Mo Ahaba a kwa molayetsa wa Eliya wa dilo tsa go sasamela tso di nyoko tlelang ba mutši wage, o yye a thomisa ka go tinyanafatsa. Wa tšiba yone ne yi le taba ya gabutši. Mara tso a di makiyeng ka nthago, ke mo di šupetsa gore ne a sa sokologa tsa mannete. Go sokologa tsa mannete, a yi taba ya gore motho o fo kgongwetsa ke dilo tso a di makiyeng ka nako yonone. w21.10 3 ¶4-5, 7-8

Jesaya ke mo go le moporofeta fote di ka makega gore mosadi wage ne a na le mmereko wo a wo makang wa go yelana le go porofeta, nka taba lo ba reng ke “moporofeta wa mosadi.” (Jes. 8:1-4) Ba le ka babedi, Jesaya le mosadi wage ke mo ba yetisa mahlong taba ya go rapela Jehova. Bo ba gore ba šadhiye le bona ba ka maka so ba ka se kgonang gore ba dule ba berekela Jehova. Ba ka tiyisa taba ya go tshepela ga Jehova ka go tšhuta ka diporofeto tsa ka Bhayibeleng ba le ggoši fote ba bone gore di dula di makega ka mokgo mang. (Tito 1:2) Ba ka lebelela gore le bona ba ka tšhela letsogo byang ga taba ya gore diporofeto tse dingwana tsa Bhayibele di makege. Mo re beyisa, ba ka gelepa ga taba ya gore go makege seporofeto sa Jeso sa gore ditaba tsa go bafala ba nyoko di tšhomayela lefaseng ka mokana ga lona nako ya gore go fele ka lona yi soko segela. Mo bo ba gore ba šadhiye ba bona gore seporofeto sa Bhayibele se ya makega, ba nyoko napa ba karakara ka matla mo ba berekela Jehova. w21.11 16 ¶9-10

Jeso ne a hlupegiye ka mmane wage wa gore di ka makega gore ke mo a hlokofalele ke monna. Ka gore Jeso ke mo a mo nyaka ka matla ga Mariya fote a hlupegiye ka yene, o yye a neya Johane mmereko wa gore a mo gelepe ga tso tsa Modimo. Go tlugisela ka nako yonone, Johane o yye a ba nkare ke morwayi wa Mariya ke mokane a mo pasopa tsa nkare ke mmane wage. Jeso o šupetsiye mosadi ye wa gore o mo gudisiye gabutši wa gore fote ne a le gona nakwela a kgwa gore o mo nyaka ka matla! Re ka tšhuta ying ga mantsu ya Jeso? Senghana so re nang naso le magageru ka ho phutegong se ka tiyelela go phala so re nang naso le mašaga ya rune. Mašaga ya rune ma ka re phigisa kela go re jikela, mara Jeso o yitseri mo re ka ngangarela Jehova le mokgahlo Wage, tso di re lahlegeleng re nyoko di “kraya go feta le ga lekgolo.” Ba go tlala ba nyoko tshwana le barwayi, barwediya, bommane kela bopapa ba gore ba re nyaka ka matla. (Mar. 10:29, 30) Wene o tikwa byang mara gore o ka howa mutšing wa batho ba gore tumelo ya bona yi maka gore ba mamarelane fote ga Jehova ba mo nyaka ka matla, le bona beng baa nyakanana?—Makol. 3:14; 1 Pet. 2:17. w21.04 9-11 ¶7-8

Mo re nyakanana tsa mannete re gelepa ba bangwana re sa kgere. Go fo tshwana le magageru ya ku botala, magageru ya go tlala lekgono ma šupetsa gore ma nyaka magageru ya mangwana tsa mannete, le mong ya gore a ma tšibane nawo. Mo re beyisa, mo ma di kwelela gore go makegiye kotsi ya hlago, ma nyaka go tšiba ka yakgoswa gore ma ka gelepa byang. Mo ye mongwana ka phutegong a wela ke mathatha, a ma jikajiki maa gelepa. Go fo tshwana le Makreste ya ku botala ya ku Masedoniya, ma maka tsa go feta tso di nyakegang. Ma tikona tsa go tlala, ma ‘neya le go feta ka mokgo ma ka kgonang’ gore ma gelepe magageru ka tso ma di gayelang. (2 Makor. 8:3) Bagolo ba thanaka magageru ya ma makelang ba bangwana tsa gabutši. Mantsu ya mošaga wonone ya go thanaka ma nyoko tiyisa magageru gore ma ye mahlong ma sa tapege matšhika.—Jes. 32:1, 2. w21.11 11 ¶14; 12 ¶21

Ka mokana ga rune di nyaka ba fela ba re wolola. Ka dinako tse dingwana re ka tikgopelela ga motho wa gore o butšwiye gore a re yeletse. Mogageru wa gore wa tihlupa ka rune a ka re pasopisa mo a bona re “keketlela,” gore re sa make selo sa gore re nyoko boya re tisola. (Magal. 6:1) Kela ba ka re wolola ka go re šupetsa tso di nyakang re di kekemolla ka nthago ga mo re sinnye ka matla. Re sa tihlupe ka gore ba re wolola ka mokgo mang rune di fo nyaka re theetsela. Go maka ka mokgonone go nyoko re berekela fote go nyoko re phonisa! (Diy. 6:23) Temanyana ya lekgono yi re hlohletsela gore ‘re theetsele ba go hlalefa.’ A go na motho wa gore o tšiba dilo ka moka mara go dula go na le wa gore wa re phala ka tso a di tšibang kela tso a gahlanneng natso. (Diy. 12:15) Byalo, mo re theetsela mo ba re wolola di šupetsa gore re ya tinyanafatsa. Tsotsone di šupetsa gore re tšiba tso di re kgerelang fote re ya bona gore di nyaka ba re gelepa gore re thogo segelela tso re nyakang go di segelela. Kgoši Solomoni wa go hlalefa ba mo hlohletsele gore a ngwale gore: “Mo go na le batho ba go tlala ba go yeletsana dilo di sepela gabutši.”—Diy. 15:22. w22.02 8 ¶1-2

Go sokologa tsa mannete a di rele go fo re “ke masopo” ga tsa go kekema tso re di makiyeng. Di rela gore re tšhentšhe ka mokgo re naganang le ka mokgo re tikwang. Tsotsone di tokegela le go lomoga ga dilo tsa go befa tso ne re di maka ke mokane re boya pateng ya Jehova. (Hezek. 33:14-16) So motho wa gore o sinnye di nyakang a tihlupa ka matla ka sona, ke go lukisa senghana sage le Jehova. Re ka maka ying mo nkare re kwelela gore monghana wa rune ye mogolo o sinnye ka matla? Mo re liketsa go dulela tso monghana rune a di sinnyeng, re ko ba re mmolayisa. Tsotsone re di makang di ka sa phomelele ka taba la gore Jehova o re lebelele. (Diy. 5:21, 22) O ka gelepa monghanago ka go mo gopotsa gore bagolo baa di nyaka go mo gelepa. Mo nkare monghanago wa gana go ye hlayeng ga bagolo, wene tlogamela o ye o ba botse, sosone se ko šupetsa gore wa di nyaka go gelepa monghanago. w21.10 7 ¶19-21

Ka mokana ga rune re ka kopisela Jeso ga taba ya go tikona tsa go tlala. Bhayibele yi re o yye “a ba sebereki.” (Mafil. 2:7) Sebereki sa go tshepega se nyoko wa se tsoga gore se thogo jabodisa ye a se hiriyeng. Ka taba la gore re malata ya Jehova fote re berekela magageru, re di nabela ka matla gore Jehova a re berekise fote magageru ma tisamele ka rune. Tiputsise gore: ‘Ke tikemisele go tikona tsa go tlala go segela kaye gore ke thogo gelepa ba bangwana? Mo re beyisa, ke nyoko re king mo ba ka nkgopela gore ke ye vakašela mogageru wa gore o šele a gudiye fote o dula ga poleke ya gore ba pasopa ba gore ba tsofele kela ba nkgopela go lata mogageru wa mosadi wa gore o tigulele gore a thogo ba megahlanong?’ Tla re fo re wa di bona tsa gore di nyaka o potolla go gongwana mara o fo kwa o sa tšhofe ke selo gore o make ka mokgonone. Mo dilo di le ka mokgonone, llela Jehova ka thapelo. Botsa Jehova gore o tikwa byang ke mokane o mo kgopele a make gore o ‘nabele go maka mmereko a boye a go neye matšhika ya go wo maka.’—Mafil. 2:13. w22.02 22-23 ¶9-11

Jeso o šupetsiye gore o kwelana go baba ka go temeka le go bolabodisega le mo di thathafa. (Mat. 11:29, 30) Mo re beyisa, nakwela mosadi wa Lifunišiya a kgopela gore a yalafe ngwanage, o thomisiye a gana go mo gelepa mara mo mosadi yene a šupetsa gore o na le tumelo o yye a mo kwela go baba ke mokane a mo yalafela ngwanage. (Mat. 15:22-28) Le mo yi le gore Jeso ne a kwelana go baba, ne a sa fo tseyega-tseyega. Ka dinako tse dingwana ne a šupetsa go kwelana go baba ka go yemela taba yage ga bo a ba nyakang ka matla mo di nyaka a make ka mokgonone. Mo re beyisa, nakwela Petro a liketsa go šitisa Jeso gore a maka tso Jehova a di nyakang, Jeso o yye a mo wolola bo ba mo latelelang ba kene ba le gona. (Mar. 8:32, 33) Phela mo a maka ka mokgonone, ne a sa re o tšhelela Petro lihlo, mara ne a mo tšhutisa fote ne a pasopisa le ba bangwana bo ba mo latelelang gore ba sa phophoroge. A re kamake gore Petro di yye dya mo tšebisa, mara taba ya gore ba mo wolodiye yi mo gelepiye. Mo re nyaka go šupetsa bo re ba nyakang ka matla gore re ba kwela go baba tsa mannete, ka dinako tse dingwana di nyaka re bolabola nabo re tiyisiye ka ganong. Mo re maka ka mokgonone re ko ba re kopisela Jeso ga taba ya go wolola re berekisa ditšhiko tso di tšwang ka Lentsung la Modimo. w22.03 11 ¶12-13

Re maka morapelo ga Jehova ka go mo thanaka. (Pis. 34:1) Re thanaka Jehova mo re bolabola ka mekgwa yage ya go bafala re boya re bolabola ka tsa gabutši tso a di makiyeng. Mo re mo thanaka di ba di tšwa pelong. Mo re tseya nako re ghayela ka taba ya gore Jehova o re šupetsiye gore o lukiye ka dilo ka mokana ga tsona tso a re makeleng tsona, re ka sa gayele tsa go mo thanaka. Fote le mmereko wa go tšhomayela o napa wo re bulela lešuba la gore “re makele Modimo sehlabelo sa go mo thanaka, sa gore re se maka ka melomo ya rune.” Go fo tshwana le mo re thomisa ka go nagana gore re nyoko re king mo re rapela ga Jehova, di nyaka re thomisa ka go nagana gore bo re gahlanang nabo ku tšhomong bona re nyoko ba botsa gore king. Ka taba la gore re nyaka gore “sehlabelo sa go mo thanaka” go be sa kawone ka matla. Fote ke tsona tso di makang gore re bolabole di tšwa pelong fote ka matšato. w22.03 21 ¶8