October

Tso re di tšhutisang le tso re di dumelang di tšwa ka Bhayibeleng. Mara, ba go tlala lekgono ba kwa re ba tinwisa, ba bona nkare mokgwa wa rune wa go rapela wa tshwatisa fote tso re di tšhutisang a di tshwane le tso ba nyakang go di kwa. King so se ka makang gore tumelo ya rune yi sa šehle? Pawulo wa lepostola o butsiye Makreste ya Roma gore: “Motho o dumela ka nthago ga go kwa lentsu, ke mokane a dumela mo ba mo tšhomayelela ka Kreste.” (Mrm. 10:17) Re tiyisa tumelo ya rune ka go bala Bhayibele, fote a re šutele ga menyanya ya go yelana le tsa sedumedi ya gore a yi kwane le Mangwalo, le mo yi ka fo šupetsa yi jabodisa mo o yi lebelele. Tumelo ya rune yi nyoko napa yi tiya ka matla mo re ka fo karakara gore re tšibe mong yona nnete ka taba la gore “re ka sa di kgone go jabodisa Modimo mo re se na tumelo.” (Maheb. 11:1, 6) A di šinyi di nyaka re bona mošupetso wa go tšwa legedimong gore re thogo bona gore re krayye nnete. Mo re ka nyakolla dilo tso di tšhutisang ke Bhayibele tsa gore di tiyisa tumelo ya rune, re nyoko šala re sa kamake gore re krayye mong yona nnete. w21.05 4-5 ¶11-12

Pawulo wa lepostola o yye a ghula ke dilo tsa go tlala. Nakwela ba mo teya go baba, ba mo kgahla ka matlapa ba boya ba mo bošela jele, ke mo a nyaka Jehova a mo neye matšhika. (2 Makor. 11:23-25) Pawulo aa wutetsa gore ke mo a fela a nagana dilo tsa go mo yilametsa. (Mrm. 7:18, 19, 24) Ke mo a na le bolwele bya nkare ke “mutlwa nameng,” bya gore o rapele Modimo di mmaba gore a bo yalafe. (2 Makor. 12:7, 8) Jehova o yye a mo tiyisa ga Pawulo gore a ye mahlong a tšhomayela le mo go na le tsa go mo phika. Tla re bone gore Pawulo o kgonne go maka ying. Mo re beyisa, ke mo ba mo kwalele ka ntlong ku Roma, mara o yye a yemelela ditaba tsa go bafala a lebeletsanne le ba bagolo ba Majuda, go ka makega gore le ba go bereka mmušong ke mo ba le gona. (Meber. 28:17; Mafil. 4:21, 22) O yye a tšhomayela le Bomatšinghelane ba Kgoši ye kgolo le batho ka moka bo ne ba mo vakašela. (Meber. 28:30, 31; Mafil. 1:13) Ka nako yonone, Modimo o yye a gelepa Pawulo gore a ngwale marifi ya go tlala ya gore le gana byalo ma sa na ma tiyisa Makreste. w21.05 21 ¶4-5

Kgoši Uziya o yye a gana mo ba mo wolola, a šinya a maka tsa gore a yi mmereko wage, ka taba la magetla. Uziya ke mo a maka dilo tsa go tlala gabutši. O hludiye dintwa tsa go tlala, a yaga mitši ya go tlala fote ke mo a na le dibaya tsa go tlala. “Modimo wa mannete o makiye gore a phomelele.” (2 Dikor. 26:3-7, 10) Bhayibele yi re: “Mara mo a šele a tiyelele, a thomisa go ba le magetla ke mokane tsotsone dya mmolayisa.” Jehova ke mo a hlayye gore ke maprista fela ya gore ma ka tšhuba tsa go nkgela ka tempeleng. Mara Kgoši Uziya o yye a kakola magetla a timaka yene, a kena ka ku tempeleng a tšhubanya tsela tsa go nkgela. Jehova o yye a kwata ka matla, a teya monna yene wa go timaka yene ka bolwele bya go jega dinama byo ba reng ke lephera. (2 Dikor. 26:16-21) Ayitsano le rune re ka tanya ke molabo wa go ba le magetla go tshwana le Uziya? Eya, di ka makega ka mokgonone mo nkare re titseya nkare re hlalefiye. A di nyake re lebala gore selo se sengwana le se sengwana so re kgonang go se maka le mmereko wo re wo makang ka ho phutegong, re di neyye ke Jehova. (1 Makor. 4:7) Mo re ka ba le magetla, Jehova a ka sa re berekisi. w21.06 16 ¶7-8

Jeso ke mo a di tšiba gore dilo di ka sa duli di ma sepelela gabutši malata yage ga mmereko wa go tšhomayela. Gabutšibutši, a re tšibi gore nka bakaye bo ba yyeng ba theetsela ke mokane ba feleletsa go le malata. Ne di nyaka gore malata ya Jeso ma sa fo jabodisa ke tso ma di segeleleng mara ma jabodise ke go tšiba gore Jehova o yamogela mmereko wa wona. Mo re ka fo tiyisela ga mmereko wa rune wa go tšhomayela, re nyoko tikwisa ka lephelo la go ya go yye. Mo re kene re gaša re boya re hlagolela nnete ya Mmušo di re baba, ke gona mo re “gašang tso di nyakang ke moya wa go hlawolega” ka go lisetsa moya wa Modimo wo re yetetse mo re kene re phela. Tla “re sa lisetseneng” kela “re sa tini,” ka taba la gore Jehova o re tshepisa gore re nyoko kraya lephelo la go ya go yye, di sa yi ka gore go na le ye re mo gelepiyeng gore a tineyele ga Modimo kela dho.—Magal. 6:7-9. w21.10 26 ¶8-9

Mo re beyisa, mo Jeso le malata yage ma fetsa mmereko wa go tšhomayela, ke mo ba tinnwe la mafelelo. Mo ba sa re ba kraya ga go khutsa, mogoba wa batho wa fo re palakata. Jeso ke mo a ba kwela go baba, a thomisa go ba tšhutisa “dilo tsa go tlala.” Jeso ke mo a kwisisa seyemo sa bona. Ke mo a bona gore baa tihlupegela, ba nyaka so ba ka tshwarelelang ga sona, fote ke mo a nyaka go ba gelepa. Le lekgono batho ba fo ba ka mokgonone. O sa fokole ke so o se bonang ka mo tawong. Ba tshwana le dinku tsa gore di lahlegiye, a di na wa go di disa. Mo Pawulo wa lepostola a bolabola ka batho ba mošaga wowa, o yitseri a ba tšibi Modimo fote a ba na tshepo. (Maef. 2:12) Mo re bona gore batho bo ba leng ga tšhomo ya rune ba nyaka go tšiba ka Modimo, re kwa di re tšhofa gore re ba gelepe ka taba la gore re ya ba kwela fote re ba nyaka ka matla. Tsela ye kgolo yo re ka ba gelepang ka yona ke gore re ba kgopele gore re tšhute nabo Bhayibele. w21.07 5 ¶8

Motho wa gore o na le magetla o tinaganela a ntoši fote aa hlupege ka batho ba bangwana. Motho wa gore o na le jelase o nabela dilo tsa batho ba bangwana fote o kwa a nabela le go ba yamoga tsona. Mo re fo yi beya gabutši, mo o jelasela motho ke setšha o mo hloyye. Go ba le magetla le jelase re ka go tshwanisa le mo makapa ya ntlo ma kene ma ja ke muhlwa. Ntlo yone yi ka fo ba yi bafele, mara mo makapa ya yona ma jile ke muhlwa, ma nyoko feleletsa ma wile. Le motho o ka kraya a fetsiye nako ya go lefanyana a berekela Jehova. Mara mo nkare o na le magetla le jelase, a ka sa yi kgole. (Diy. 16:18) O nyoko lisetsa go berekela Jehova, a tikwaletsa yene mong a boya a kwaletsa le ba bangwana. Re ka yi hlula taba ya go ba le magetla mo re ka gopola mantsu ya Pawulo wa lepostola ya gore: “Le sa make dilo ka go kokola kela le na le magetla mara le di make le tinyanafatsiye le tseya gore ba bangwana baa le phala.”—Mafil. 2:3. w21.07 15-16 ¶6-8

Ba bangwana ba tseya gore sedumedi sa mannete se tshwanele se kgone go fetola diputsiso ka mokana ga tsona, ba ra le mong diputsiso tsa gore Bhayibele a yi nape yi thuletsa ga tsona. Nje di ya kwagala tsotsone? Lebelela mošupetso wa Pawulo wa lepostola. O hlohletsele bo a rapelang nabo a re, “le nyakolleneng gore dilo ka mokana ga tsona ke nnete,” mara a boya a sa ganetsi taba ya gore aa tšibi dilo ka mokana ga tsona. (1 Mathes. 5:21) O ngwadiye gore, “A re tšibi dilo ka moka,” a boya a re, “a re bone gabutši, nkare re lebelele ga seboki sa tshipi.” (1 Makor. 13:9, 12) Pawulo ne a sa kwisisi dilo ka moka; le rune go fo ba ka mokgonone. Mara Pawulo ne a tšiba tsa go tlalanyana ka Jehova. Tsotsone ke tsona tso di makiyeng gore a sa kamake gore o krayye nnete! So se napang se maka gore re sa kamake gore re krayye nnete ke go lebelela mokgwa wa Jeso wa go rapela le tso di makang ke Dihlatse tsa Jehova lekgono. w21.10 18-19 ¶2-4

Lune ba gore le šele le gudiye, le ka gelepa ba bangwana ka dilo tsa go tlala, a go na taba gore le maka mmereko wa nako ka moka ga tso tsa Modimo kela byang. Le ka gelepa ka mokgo mang? Kwana le mmereko wago wa gana byalo, tipeyele tso o nyakang go di segelela, o lebelele ka matlamatla tso o ka kgonang go di segelela, tsa gore o ka sa di kgone o sa hlupege ka tsona. Kgoši Dafita ke mo a di nyaka ka matla go yagela Jehova ntlo. Mara mo Jehova a mmotsa gore o kgetiye Solomoni wa gore go sa le mosogana gore go be yene a yagang, Dafita o yye a yamogela sepheto sa Jehova ka matsogo ka mabedi a boya a tšhela letsogo ka pelo ya go felegelela gore mmereko wone wo makege. (1 Dikor. 17:4; 22:5) Dafita ke mo a sa tseye gore mmereko wone wo nyoko kgona ke yene, ka taba la gore Solomoni ‘ke mo go sa le ye monyana fote a sa phiphila.’ (1 Dikor. 29:1) Dafita ke mo a di tšiba gore mmereko wa go yaga wo nyoko phomelela ka taba la gore Jehova a wo rufa, di ka sa yi ka gore ye a yagang o na le mengwaga ka mekaye kela tsowa tsa go yaga o di tlwayele. Le lekgono, bo ba gore ba šele ba gudiye ba tseyela ga Dafita, a ba lisetse go bereka le mo mmereko wa bona wo tšhentšha. Baa di tšiba gore Jehova o nyoko rufa bo ba gore ba sa tiyelele ba gore ba maka mmereko wo ne wo maka ke bona. w21.09 9 ¶4; 10 ¶5, 8

Dilo tso re nyakang go di segelela ga tso tsa Modimo di maka gore re tšibe gore re bakiye kaye le gore re phelela ying. Mara se segolo ke gore rune beng re tipeyele tso re nyakang go di segelela go ya le ka gore rune re kgona ying fote seyemo sa rune se byang, re sa yi ka batho ba bangwana. Re ka tla ra šala re pawogiye ka go tšeba. (Luk. 14:28) Ke wene lelata la Jehova, a o tshwane le batho ba bangwana mara ka mo mutšing wage re go tseyela gedimo ka matla. Mo Jehova a šinya a go goga gore o tle gage, ke mo a sa make ke gore o go tseya o le kawone ga bayagelani bago. O go gogiye ka taba la gore mo a lebelela pelo yo yago, o di bonne gore wa tematema fote a ka kgona go go tšhutisa gore o tlalele ga tso tsage. O sa kamake gore o jabola ka matla mo a bona o karakara gore o mmerekele. Taba ya gore o kene wa kgohlelela fote wa tshepega, yi napa yi ro šupetsa gore ‘o na le pelo ya gabutši.’ (Luk. 8:15) Byalo, o fo ya mahlong o kene o neya Jehova so wene o se kgonang. Sosone se nyoko maka gore o jabodise ‘ke tso wene o di makang.’—Magal. 6:4. w21.07 24 ¶15; 25 ¶20

Ga go tlala di nyaka re lefisa pelo mo re kene re yemele gore go makege tsa go loka. Mo re beyisa, mo bagolo ba kraya gore go na le wa gore o sinnye ka matla ka ho phutegong, ba rapela Jehova ba mo kgopela gore a ba neye “mahlalefelo . . . ya go tšwa legedimong” gore ba thogo bona dilo ka mokgo yene a di bonang. (Jak. 3:17) Selo se segolo ho ga bona ke go gelepa ‘motho wa gore o sinnye gore a boyele pateng,’ mo di kgonega. (Jak. 5:19, 20) Fote ba nyoko karakara gore ba pasope phutego le go kgomoletsa ba gore ba kwile go baba. (2 Makor. 1:3, 4) Mo bagolo ba berekana le taba ya wa gore o sinnye ka matla, ba thomisa ba nyakolla gore gabutšibutši go makegiye ying, tsotsone di ka tseya nako. Ke mokane mo ba šele ba rapele, ba mo wolola gabutši ka Mangwalo ba boya ba mo šupetsa gore a lukise kaye “go segela mo di nyakegang.” (Jer. 30:11) Bagolo a ba tabogele go segelela sepheto. Mo bagolo ba berekiye taba gabutši, le phutego yi nyoko di bona. w21.08 11 ¶12-13

Nawumi, monnage le barwayi ba bona ka babedi ba rurele Mowaba ka taba la gore ne go wile tlala ku Israyele. Mo ba le gana ku, monna wa Nawumi o yye a hlokofala. Barwayi bage ka babedi ba yye ba šadha, mara sa go kwisa go baba ke gore le bona ba yye ba hlokofala. (Rut. 1:3-5) Tsa go sasamela tso di mo gomeleng di napiye di maka gore a kgongwele ka matla. Ke mo a sa sa tšiba ditaba tsage la go šinya a nagana gore Jehova ke yene ye a mo hlaselang. Lebelela gore o yitseri king mo a bolabola ka Modimo: “Letsogo la Jehova le njikele.” “Wa Matšhika ka mokana ga wona o makiye gore lephelo laka le galake.” O tokegele ka gore: “Ke Jehova ye a lwang le nna fote wa Matšhika ka mokana ga wona o nleyele tsa go sasamela.” (Rut. 1:13, 20, 21) Jehova wa kwisisa gore “mo motho wa gore o hlalefiye ba mo gatelela, tsotsone di maka gore di sa sa tseya.” (Mmo. 7:7) O hlohletsele Ruthi gore a šupetse Nawumi gore o mo nyaka tsa mannete. Ruthi o gelepiye matsalage gore a tiyelele a boye a di tšibe tsa gore Jehova o sa na a mo nyaka ka matla. w21.11 9 ¶9; 10 ¶10, 13

Mo ba re o beye lihlo la ntšhotšhonono ga tso o di makang gana byalo, ayitsano di rela gore o sa sa tihlupa ka go nyaka go maka tse dingwana ga mmereko wa Jehova? Le ka gonyana! Di nyaka re tipeyele tso re nyakang go di segelela tsa gore di nyoko re gelepa gore re be digele mo re le tšhomong re boye re gelepe magageru. Re nyoko phomelela mo re ka hlalefa ra boya ra tinyanafatsa gore re thogo hlupega ka matlamatla ka go gelepa batho ba bangwana, re sa lebelele rune re le ntoši. (Diy. 11:2; Meber. 20:35) Wene o ka nabela go segelela ying? Kgopela Jehova a go gelepe gore o thogo bona gore king sa gore wene o ka kgona go se segelela. (Diy. 16:3) Nje o ka sa liketse go segelela tsa go tshwana le go ba mošupatsela wa go gelepa kela wa nako ka moka, go bereka Bethele kela go gelepa go yaga meyago ya go yelana le tsa Modimo? Kela o ka tšhuta mmolabolo wo mongwana gore o thogo tšhomayela ditaba tsa go bafala ga batho ba go tlala kela ga poleke ye nngwana. w21.08 23 ¶14-15

Jehova o kwana nayo taba ya go nyakanana tsa mannete. (Hos. 6:6) Modimo wa rune o berekisiye moporofeta Mmika gore a re hlohletsele gore re “nyakanane tsa mannete.” (Mmik. 6:8) Nnete ke gore, di nyaka re thomise re tšibe gore mo ba re go nyaka motho o sa tšhentšhatšhentšhi kela go nyakanana tsa mannete ba ra mo o maka ying. Mo ba re go nyakanana tsa mannete ba ra ying? Ga New World Translation of the Holy Scriptures taba ya go nyakanana o sa tšhentšhatšhentšhi yi nyarela gana hala ga bo 230. Tsotsone di ra gore king? Taba ya gore motho o nyaka ye mongwana a sa tšhentšhatšhentšhi yi rela gore o nyoko dula a mo nyaka ka matla, a tshepega gage fote le ka tšatši la mohlolo a ka sa ro tsoga a mo lahliye. Aa šiyo wa go šupetsa go nyakanana tsa mannete go tshwana le Jehova. Nka taba lo Kgoši Dafita a yyeng a kwa di mo tšhofa go hlaya gore: “Wene Jehova, taba ya gore o nyakanana o sa tšhentšhi yi šinya yi segela le ku magedimong . . . A yi go jabodisa ga yona taba ya gore o nyakanana tsa mannete, Barena Modimo!” (Pis. 36:5, 7) Ayitsano taba ya gore Jehova o nyakanana tsa mannete re yi tseyela gedimo go tshwana le ka mokgo Dafita ne a yi tseya ka gona? w21.11 2 ¶1-2; 3 ¶4

Ga bo ba leng ka mutšing wa Jehova go na le Jeso wa gore “ke letšibula la dilo ka mokana ga tsona” le mangeloyi ya go tladisa mohlolo. (Makol. 1:15; Pis. 103:20) Nakwela Jeso a le ho lefaseng, o šupetsiye gore batho ba gore baa tshepega ba ka tseya Jehova go le Papa wa bona. Mo Jeso a bolabola le malata yage, o yitseri Jehova ke ‘Papaka le Papa wa lune.’ (Joh. 20:17) Fote mo re tineyela ga Jehova re boya re kolobetsiwa, re ba ga bo ba leng ka mutšing wa Jehova ba gore ba kwana mong go kwana. (Mar. 10:29, 30) Jehova ke Papa wa gore o re nyaka ka matla. Jeso o nyaka gore re tseye Jehova ka mokgo yene a mo tseyang—go le mmelegi wa gore o re nyaka ka matla fote aa duli a teyye mokgakga kela a re makisanya dilo ka tšhinghi. O ba beyisele gore mo ba rapela ba thomise ka gore: “Papa wa rune.” Hala Jeso a di nyakiye, nke a f’lo re mo re bolabola le Jehova re re “wa Matšhika ka Moka,” “ye a Makiyeng dilo,” kela “Kgoši ya gore ke botala yi le gona”—phela ka mokana ga tsona a di sinyi selo ka taba la gore ke mokgwa wo mongwana wa go reta Jehova wa go tšwa ka Bhayibeleng. (Gen. 49:25; Jes. 40:28; 1 Thim. 1:17) Mara Jeso o kgetiye go berekisa lentsu la gore “Papa.” w21.09 20 ¶1, 3

Kgoši Manase o yye a fo tiwomisa hlogo mo Jehova a mo pasopisa ka baporofeta Bage. Mo go ya-go ya, “Jehova o romele dindhuna tsa masole ya kgoši ya Asiriya gore di lwe le [Juda], ke mokane dya tšhokela Manase, dya mo tlemelela ka diketane dya mo yisa Bhabhilona.” Mo Manase a kene a le jele ga naga ye nngwana, o yye a nagana ka matla ka taba yowa. Ke mokane “a sa lisetse go tinyanafatsa ka matla ga Modimo wa bokokwane wa bokokwane wage.” A sanka a felela gana hone. O yye “mahlong a phophotela Jehova Modimo gore a mo kwele go baba.” Gabutšibutši, Manase “a sanka a lisetsa go rapela Modimo.” (2 Dikor. 33:10-12) Mo nako yi kene yi ya, Jehova o yye a fetola merapelo ya Manase. Ke mo a di bona gore mo monna yewa a re o tšhentšhiye, ne a sa timakisi. Ka taba la gore ne di yelana le tso ne a di rapelela, Jehova o yye a mo theetsela ga Manase mo a mo llela di tšwa pelong ke mokane a mo dumelela gore a lawole fote. Manase a sanka a kgana ka lešuba lo le mo thulegeleng la gore a šupetse gore o sokologiye tsa mannete. w21.10 4 ¶10-11

Akhwila le Phrisilla ke mo di nyaka ba rura ga poleke yo ba yi tlwayeleng, ba thomise mutši wa nyuwane fote ba thomise bhizinisi ya bona ya go maka matente ga poleke ya nyuwane. Ga mutši wa bona wa nyuwane wa ku Korente, Akhwila le Phrisilla ne ba berekisana le phutego ya thina le mo ba dulang ba tshwarisanne le Pawulo wa lepostola gore ba tiyise magagabo ya gana hone. Mo goya-goya, ba rurela ga ditoropo tse dingwana tsa gore ke mo di gayela batšhomayedi. (Meber. 18:18-21; Marom. 16:3-5) Wa tšiba ba yye ba jabolela lephelo ba le ka babedi! Bo ba šadhiyeng ga dinako tso tsa rune ba ka yekisela Phrisilla le Akhwila ka go yetisa tsa Mmušo wa Modimo mahlong. Nako ya gabutši ya gore monna le mosadi ba bolabodisane ka tso ba nyakang go di segelela ke ya mo ba sa kgetisana. Mo monna le mosadi ba segelela dipheto ba le ggoši ba boya ba karakara ka matla gore ba kwane ka tso ba di segeleleng ga tso tsa Modimo, ba nyoko thulegela ke lešuba gore ba bone mo moya wa go hlawolega wa Jehova wo ba berekela.—Mmo. 4:12. w21.11 17 ¶11-12

Di fo ba lekgwaying gore taba yo Modimo a re yetetsang ka yona ya gore re hlompe babelegi di nyaka re yi tseyele gedimo. O sa lebale gore molawo wo re wo krayang ga Lefitiko 19:3 wa gore re hlompe babelegi, ba wo hlayye ka nthago ga mantsu ya gore: “Di nyaka le hlawolege, ka taba la gore nna, Jehova Modimo wa lune, ke hlawolegiye.” (Lef. 19:2) Mo re nagana ka taba yo Jehova a yi hlayang ya go hlompa babelegi, re ka tiputsisa gore, ‘Nje nna ke maka tsona?’ Mo o kwa nkare a wa maka tsona ku nthago, napa o tipotse gore o nyoko lukisa. O ka sa kgone go tšhentšha tso di makegiyeng ku nthago, mara o ka tikemisela gore, go thoma gana byalo o nyoko makela babelegi bago tsa go tlala. Kela o ka yeketsa nako ya go fokatsa nabo. Kela o ka ba gelepa ka go ba rekela tso ba di gayelang, wa ba gelepa gore ba be le senghana sa thina le Jehova kela wa ba tiyisa. Mo o maka ka mokgonone, o ko ba o maka tso di hlayang ke Lefitiko 19:3. w21.12 4-5 ¶10-12

Kgoši Dafita o yye a sinya ka matla. Mo re beyisa, o yye a maka bonghwahla le Bhathišeba fote a maka gore monnage ba mmolaye. (2 Sam. 11:2-4, 14, 15, 24) Ka taba lolone, tso Dafita a di makiyeng a di ya kwisa yene go baba a ntoši mara di kwisiye le ba mutši wage re ra le mong basadi bage ba bangwana. (2 Sam. 12:10, 11) Tšatši le lengwana, Dafita o šupetsiye gore aa tisamele ka Jehova mo a balela banna ba Maisrayele ba gore ke masole Jehova a sa mo roma. Go makegiye ying? Maisrayele ya go teya gana hala ga 70 000 ma yye ma kerefela ke bolwele! (2 Sam. 24:1-4, 10-15) Ayitsano ne o nyoko tseya gore Dafita a di mo tshwanele tsa gore Jehova a mo kwele go baba? Mara Jehova a sanka a mo tseya ka mokgonone. Ne a lebelela dilo ka mokana ga tsona tso di šupetsang gore Dafita wa tshepega fote o sokologiye tsa mannete. Nka taba lo Jehova a yyeng a tshwarela Dafita ga tsa go befa tso a di makiyeng. Jehova ne a di tšiba tsa gore Dafita o mo nyaka ka matla fote wa di nyaka go maka tsa gabutši. Wa tšiba, re yi leboga re sa fetsi taba ya gore Jehova o lebelela tsa gabutši ho ga rune!—1 Mag. 9:4; 1 Dikor. 29:10, 17. w21.12 19 ¶11-13

Jeso o šupetsiye bo ba gore ba thibele ditsebe le ba gore ba popele maahlo gore o ba kwela go baba. Gopola molayetsa wo a yyeng a wo romela Johane wa go Kolobetsa, wa gore: “Ba go popela maahlo ba šele baa bona, digole di ya sepela, ba go ba le bolwele bya go jega dinama byo ba reng ke lephera baa yalafiwa, ba go sa kwe ba šele baa kwa, [le] bo ba hlokofeleng baa tsusiwa.” Ka nthago ga mo ba bonne mehlolo yo Jeso a yi makiyeng, “batho ka mokana ga bona ba thanaka Modimo.” (Luk. 7:20-22) Makreste maa di nyaka go kopisela Jeso ga taba ya go šupetsa bo ba gore ba thibele ditsebe le ba gore ba popele maahlo gore ba ba kwela go baba. Byalo re liketsa ka matla gore re ba šupetse gore re ya ba naganela fote re ba lefisela pelo. Phela Jehova aa re neya matšhika ya go maka mehlolo. Mara re jabolela taba ya gore re thulegele ke lešuba la go tšhomayelela bo ba gore ba popele maahlo tsa mannete le ba gore ba popele maahlo ga tso tsa Modimo re ba botsa ditaba tsa go bafala ka pharadeyisi ya gore ga yona batho ka mokana ga bona ba ko ba ba sa hlupe ke selo. (Luk. 4:18) Ditaba tso tsa go bafala di tšhofiye ba go tlala gore ba thanake Modimo. w21.12 9 ¶5

Tso Jakobo ne a di bolabola ne a di tseya mangwalong. O berekisiye Lentsu la Modimo go gelepa bo ne ba mo theetsele gore ba di bone gore Jehova o rufa ba gore baa tshepega Gage, ba go tshwana le Jobo. Jakobo o f’lo beya taba yage a berekisa mantsu ya gore ma lula fote a maa fagegana. Ka mokgonone o makiye gore batho ba sa thanake yene, ba thanake Jehova. So re se tšhutang: Maka gore molayetsa wago o sa tlemagane fote o tšhutise tso di leng ka Lentsung la Modimo. Di nyaka re sa liketse go ba šupetsa gore re tšiba ka matla, mara re ba botse tso Jehova a di tšibang le taba ya gore o hlupega ka matla ka bona. (Marom. 11:33) Re ka yi kgona taba yone, mo reka lisetsa go tipolabolela tsa rune mara re bolabole tso di leng ka Mangwalong. Mo re beyisa, a di nyake re botsa bo re tšhutang nabo Bhayibele gore rune ne re ka tshwaragana byang le taba mara di nyaka re tšhutise bona gore ba berekise mešupetso ya ka Bhayibeleng ba boye ba nyake go tšiba gore Jehova o re king ka taba yone. Mo re maka ka mokgonone ba nyoko karakara gore ba jabodise Jehova, go seng rune. w22.01 11 ¶9-10

Modimo aa fo re botsa gore re sa kwisi ba bangwana go baba mara o nyaka re ba tshwara gabutši ka matla. Mo nkare Mokreste wa di nyaka go jabodisa Modimo o nyoko mo nyaka ka mokgo o tinyakang ka gona. Lebelela gore Jeso o šihlele ka mokgo mang molawo wo wo leng ga Lefitiko 19:18. Lefaraseyi le lengwana le yye la butsisa Jeso gore: “Molawo wo mogolo ga Molawo wa Moše ke wofeng?” Jeso o fetodiye ka gore, ‘Molawo wo mogologolo le wa mathomo’ ke wa gore ga Jehova re mo nyake ka pelo ya rune ka mokana ga yona, ka borune bya go felegelela le ka monagano wa rune ka mokana ga wona. Ke mokane Jeso a hlaya tso di leng ga Lefitiko 19:18, a re: “Molawo wa bobedi wa go tshwana nawo ke wowa: ‘O nyake moyagelane wago ka mokgo o tinyakang ka gona.’” (Mat. 22:35-40) Di tlele tso re ka di makang go šupetsa gore ga moyagelane re mo nyaka ka matla. Re ka berekisa tso re di krayang ga Lefitiko 19:18. Ya gore: “Le sa busetse mo ba le sinyela kela la tshwarana ka pelo.” w21.12 10-11 ¶11-13

Jeso o yye a goga Petro wa lepostola ka letsogo ke mokane a mo phonisa. Taba ke gore, mola Petro a sa talakanyisa lihlo lage a fo lebelela Jeso, ne a ko fo ya a sepela gedimo ga meetši. Mara Petro o yitseri go lebelela sedingwane, o yye a tšhoga ka matla a thomisa le go kamaka a šinya a nyoko nwelela. (Mat. 14:24-31) Mošupetso wa Petro wo ka re tšhutisa tsa go tlala. Mo Petro a tšwa ka sekepeng fote a sepela lewatleng, ke mo a sa nagana gore go ka ba le sa go mo šitisa ke mokane sa maka gore a thomise go nwelela. Ke mo a tikemisele go segela ga Mong wage a kene a sepela gedimo ga meetši. Mara di mo šitiye go maka ka mokgonone. Nnete ke gore re ka sa di kgone go sepela gedimo ga meetši mara tsa go liketsa tumelo ya rune di ya re tlela le rune. Mo re ka lebala taba ya go tshepa Jehova le tso a di tshepisang, re nyoko thomisa go šepisa ga tso tsa Modimo. Byalo, le mo re ka gahlana le mathatha ya mošaga mang, di nyaka re sa lebale gore Jehova ke yene ye a re gelepang. w21.12 17-18 ¶6-7

Go rapela, go tšhuta re boya re ghayela ke dilo tso re di makelang Jehova. Mo re rapela re ba re bolabola le Papa wa rune wa legedimong wa gore o re nyaka ka matla. Mo re tšhuta Bhayibele re ko thogo “tšiba Modimo,” wa gore go hlalefa go tšwa gage. (Diy. 2:1-5) Mo re ghayela, re liketsa go tšhuta mekgwa ya Jehova ya go bafala le tsa gabutši tso a tikemiseleng go di makela batho fote re nyaka le go kwisisa gore rune di re yama ka mokgo mang. Ayitsano o na le dipolane tsa gore nako yago o nyoko yi berekisa ka mokgo mang? Mara re ka maka byang gore nakonyana yo re nang nayo yi re berekele? Mo nkare di ya kgonega kgeta poleke ya gore yitseri tse. Lebelela mošupetso wa Jeso. Mo Jeso a soko bane a maka mmereko wa go tšhomayela ho lefaseng, o yye a fetsa 40 ya matšatši a le ku mašahleng. (Luk. 4:1, 2) Mo Jeso a le ga poleke yone ya gore yi f’lo re tse ke mo di le lula gore a rapele Jehova a boye a ghayele ka tso Papage a di nyakang gage. Tsotsone di gelepiye Jeso gore a tilukiselele go hlula dintshitshire tso ne di mo yemele. w22.01 27-28 ¶7-8

Mogolo kela mogageru wa gore o butšwiye a ka re šupetsa mo di nyakang re potolla gona. Mo ye mongwana wa gore o re nyaka ka matla a re wolola a berekisa Bhayibele, di nyaka re di maka. Nnete ke gore o ka kraya di re tshwatisa tsa gore motho a re wolole. Fote le go kwata o ka kwata. Ke ntaba? Le mo re sa yi gane taba ya gore a re ya yenela, di ka re thathafela go yamogela mo ye mongwana a re wolola a gonyolla tso re di kekemisang. (Mmo. 7:9) O ka kraya re tiyemelela. Ke mokane re tiputsisa gore yenene a re wololang anthe o re nyakisa ying kela ra kwatisa ke ka mokgo a re wololang. Fote o ka kraya re šele re nyakolliye tsa gage tso a di kekemisang re tipotsa gore: ‘Anthe yene o beyye ke mang gore a ng’wolole? Phela le yene o na le tsage!’ Byalo, mo re kwa nkare tso ba re wololang ka tsona a re kwane natso re nyoko fo di takisa maahlo kela re nyoko tinyakela ye mongwana wa gore a ka re wolola ka mokgwa wo rune re wo jabolelang. w22.02 8-9 ¶2-4

Ayitsano lephelo ga lefase la nyuwane la Modimo le ka re leyela dilo tsa go re di nyoko re ghula ke mokane di liketsa taba ya gore ga Jehova re ya mo tshepa gore aa pumutse? Mo re beyisa, o fo lebelela gore go makegiye ying ka nthago ga mo Maisrayele ba ma ntshiye bobhantiting ku Egepita. Ba bangwana ba yye ba fo thomisa go kokola ba gopola tsa go ja tso ne ba di ja ku nthago, ke mokane ba thomisa go tshwatisa ke manna ya Jehova ne a ba neyye go le tsa go ja tsa bona. (Dip. 11:4-6; 21:5) Ayitsano le rune re ka tseya dilo ka mokgonone ka nthago ga motšhatšhamelo wo mogolo? A re tšibi gore mmereko wa go yedisa le wa go maka lefase lowa gore go be pharadeyisi wo ko ba wo gudiye go segela kaye. Di ka makega gore, mo di sa thoma mmereko go ko ba go le wo mogolo ka matla fote lephelo le ko ba le se lula. Ayitsano re ka fo ya mahlong re kokolela tso Jehova a re neyang tsona ka nako yonone? So re se tšibang ke gore: Mo re ka leboga tso Jehova a re neyang tsona gana byalo, le ku mahlong re nyoko fo maka ka mokgonone. w22.02 7 ¶18-19

Ga seporofeto so leng ga Zakariaya 8:23, mantsu yawa ya gore “Lejuda” kela “batho” ma rela mogoba ka wwoši—wa bo ba šeleng ba gore ba tlotsiwwe. (Marom. 2:28, 29) Byalo “lesome la banna ba go tšwa ga mebolabolo ya ditšhaba ka mokana ga tsona” ba yemela bo ba dinku tse dingwana. Nnete ke gore “ba nyoko yi ngangarela”—ba gobagoba le bo ba go tlotsiwa ba kene ba rapela nabo ggoši. Byalo, ga seporofeto sowa se makegang ga Hezekiyele 37:15-19, 24, 25, Jehova o makiye gore bo ba go tlotsiwa ba tshwarisane le bo ba dinku tse dingwana. Seporofeto sowa se bolabola ka mapara ka mabedi. Bo ba nang le tshepo ya go ye phela legedimong ba tshwana le lepara “la Juda” (moloko wa gore dikgoši tsa Israyele ne di tšwa ga wona), fote bo ba gore ba na le tshepo ya go phela ho lefaseng ba tshwana le lepara “la Eforayimi.” Jehova o nyoko gahlanisa megoba yowa ka mmedi gore go be “lepara ka lloši.” Tsotsone di ra gore ba nyoko berekela Kgoši ya bona Kreste Jeso ba le ggoši.—Joh. 10:16. w22.01 22 ¶9-10

Jeso o yye a bolabola ka bo ba gore ba kwana le go kolekela ba go tihlupegela dilo mara ba boya ba maka gore le ba bangwana ba di tšibe. Tsotsone ba di makang tsa gore di šupetsa nkare ke tsa go loka, a yi selo ga Jehova. (Mat. 6:2-4) Re ka šupetsa gore re ya resa mo re re, re kwana le tsa go loka mo nkare a re makisi ke gore re tinyakela tsa rune beng. Byalo, o ka tiputsisa gore: ‘Ayitsano ke fo tšiba gore sa go loka ke sefeng, ke boya ke sa make selo ka sona? Ke tšhofa king mo ke šinya ke maka tsa go loka?’ Jehova ke Modimo wa gore tso a di bolabolang wa di maka fote o berekisa moya wage mo a maka dilo. (Gen. 1:2) Diyengwa ka mokana ga tsona tsa moya wa go hlawolega di ka re tšhofa gore re sa fo bolabola re make se sengwana. Mo re beyisa, Jakobo o ngwadiye gore: “Tumelo yi kgwile mo re sa make dilo tsa gabutši.” (Jak. 2:26) Go fo ba ka mokgonone le ga diyengwa ka mokana ga tsona tsa moya wa Modimo wa go hlawolega. Ka moka nako mo re šupetsa diyengwa tsone, re napa re šihlela taba ya gore moya wa Modimo wa bereka ho ga rune. w22.03 11-12 ¶14-16

Re ka fo ba re tshwaraganne ka mebereko ya go tlala ga tso tsa Modimo fote re makela ba bangwana tsa gabutši mara Petro wa lepostola o yye a hlohletsela Makreste gore ma make selo ka ssoši sa gore ke se segolo ka matla. Mo Petro a soko bane a re hlohletsela gore di nyaka re hlawolege ga dilo ka mokana ga tsona tso re di makang o yitseri: “Le di tšibeneng gore le nyoko ba le mmereko wo mogolo ka matla.” (1 Pet. 1:13) Mmereko wone ke wofeng? Petro o yitseri ga bobhuti ba Kreste ba gore ba tlotsiwwe “le sabalatse dilo tsa gabutši tsa gore Modimo o tšibega ka tsona.” (1 Pet. 2:9) Gabutšibutši, Makreste ka mokana ga wona lekgono ma jabolela go maka mmereko wo wo mogolo wa gore wo tšhentšha maphelo ya batho ba go tlala. Ye lune, phela go dula re maka mmereko wowa wa go tšhomayela le go tšhutisa ka matšato re le batho ba gore ba hlawolegiye go ro ba mong yona bhasela! (Mar. 13:10) Mo re maka sosone re ko ba re šupetsa gore Modimo le bayagelane ba rune re ba nyaka ka matla. Fote re šupetsa gore re yi tseyela gedimo taba ya gore “di nyaka re hlawolege” ga dilo ka mokana ga tsona tso re di makang. w21.12 13 ¶18

Pawulo wa lepostola ke mo a tseya magagabo gabutši. Ke mo a di tšiba gore mo motho a kekemisiye a di rele gore aa loka. Ke mo a kwana ka matla le magagabo fote ne a fo lebelela mekgwa ya bona ya gabutši. Mo ma goga go baba gore ma thogo maka tsa gabutši ke mo a fetsa ka gore ke mo ba tikemisele go maka tsa gabutši fote ba nyaka go fo gelepiwa. Lebelela gore Pawulo o yye a tshwaragana byang le taba ya magageru ka mabedi ya basadi ya ne ma le ga phutego ya ku Filipi. (Mafil. 4:1-3) Ne di šupa nkare Ebhodiya le Sintike ba f’lo yikela taba ya go sa bone dilo go tshwana yi sinya senghana sa bona. Pawulo a sanka a ba kgwasolanya kela a ba yahlula, ke mo a lebelela mekgwa ya gabutši ga bona. Ke mo go le magageru ya basadi ya gore maa tshepega fote ne ma tšibega ka go maka dilo tsa gabutši. Pawulo ne a sa yi kamake taba ya gore Jehova o ma nyaka ka matla. Ka taba la gore Pawulo ke mo a ma naganela tsa gabutši magageru yawa, o yye a ma hlohletsela gore ma lukise ditaba. Ka taba la gore ke mo a lebelela mekgwa ya gabutši ga ba bangwana o kgonne go ya mahlong a jabodiye a boya a tiyisa senghana le bo ba leng ga phutego yone. w22.03 30 ¶16-18

Taba ya gore Jehova o maka gore re bebe yi re gelepa gore re kgibe re boye nagane gabutši. Tsotsone ke tso di yyeng dya makegela mogageru wa mosadi ye ba reng ke Luz. O yitseri: “Ke ga go tlala ke kwa nkare ke fo ba ke ntoši. Ka dinako tse dingwana, tsotsone di maka gore ke fele ke tikwa nkare Jehova aa na taba le nna. Mara mo tsotsone di ntlela, ke rapela Jehova ka nako yonone ke mmotsa ka mokgo ke tikwang. Go rapela go n’gelepa gore ke kwe pelo yaka yitseri kgehle.” Tso di mo makegeleng di fo re šupetsa gore go rapela go ka maka gore re bebe. (Mafil. 4:6, 7) Re ya di tšiba gore Jehova le Jeso ba ka sa tsoge le ka tšatši la mohlolo ba re lahliye mo re hlokofalele ke mašaga ya rune. Re fo kwa di re tšhofa gore re tšhomayele re boye re tšhutise batho go šupetsa gore re ba kwela go baba ka taba la gore Jehova Modimo le Jeso Kreste mokgwa wone wa go kwelana go baba le bona ba nawo. Fote di ya re kgomoletsa go tšiba gore Jehova le Morwayi wage ba re kwela go baba mo re lelemela fote ba kwana natso tsa go re gelepa gore re tiyisele. Re di yemele ka maahlo ya makhubedu go bona mo Jehova a ‘sula dinepedi ka moka maahlong ya rune’!—Kut. 21:4. w22.01 15 ¶7; 19 ¶19-20

Jeso o bolabodiye ka digheyiti ka dipedi tsa go sa tshwane tsa gore di bakiye ga dipata tsa go sa tshwane, pata ya gore yi “yahlamme” le pata ya gore ke ye “sesane.” (Mat. 7:14) A go na pata ya boraro. Re ko tikgeteleng gore re nyoko tseya yifeng pata. Sowa ke sepheto se segolo so di nyakang re se segelela—ka taba la gore lephelo la go ya go yye le tisamele ka sepheto sone. Batho ba go tlala ba kgetiye pata ya gore yi “yahlamme” ka taba la gore di lula go sepela ga yona. Sa go kwisa go baba ke gore ba kgetiye go dula ba le ga pata yone go fo re ba latelele mogoba. Wa tšiba a ba di bone gore mong wa pata yone ke Sathane Diyabolo fote bo ba sepelang ka pata yone yage ba fo sepelela go ye kgweng. (1 Makor. 6:9, 10; 1 Joh. 5:19) Pata ye “sesane,” a yi tshwane le pata ya gore yi “yahlamme,” fote Jeso o yitseri a yi ba go tlala bo ba yi krayang. Ke ntaba? Ga temanyana ya go latela, Jeso o botsa malata yage gore ma pasope baporofeta ba matsaka.—Mat. 7:15. w21.12 22-23 ¶3-5