November

Jehova o re thega ka mokgwa wa go sa tshwane. A ka go gelepa gore o dule o kgibiye mo o gahlana le motho wa go go phigisa. Fote a ka go gelepa gore o gopole lengwalo la gabutši gore o le šupetse motho wa jabolela. Fote o go neya matšhika ya go ya mahlong o tšhomayela le mo batho ba sa nyake go go theetsela. (Jer. 20:7-9) Jehova o re šupetsiye gore o lukiye ka go re tšhutisa gore mmereko wo wa go tšhomayela re wo make byang. Ga megahlano ya gare ga beke re theetsela dipolabodisano tso re ka di kopang tsa go re gelepa fote re di berekisa tšhomong. Ke nnete gore re ka thomisa re kamaka go berekisa mokgwa wa nyuwane wa go tšhomayela, mara mo re wo berekisa re ka kraya gore wo bereka ka matla tšhomong ya rune. Mo re le ga megahlano ya phutego le ga megahlano ye megolo, ba ka re botsa gore re liketse mekgwa ya go tšhomayela ya gore a re soko yi liketsa. Le gana hone, di nyaka gore re make dilo tsa gore a ra di tlwayela, mara mo re maka ka mokgonone, Jehova o nyoko re rufa. w21.08 27 ¶5-6

Ga lengwalo lo Pawulo wa lepostola ne a le ngwalele Makorente, o ba wolodiye a sa tshege. Mo a fetsiye go le ngwala, o yye a romela Tito gore a ye ga bona. Mo a kraya gore ba di yamogele ka matsogo ka mabedi, o yye a jabola ka matla! (2 Makor. 7:6, 7) Bagolo ba ka yekisela mošupetso wa Pawulo ka gore ba fokatse le bo ba rapelang nabo. Gore ba thogo di maka tsotsone di nyaka ba segele megahlanong ya phutego go sa le nako gore ba handhahandhe le ba bangwana ka tsa go yagisa. Phela ga go tlala, di fo tseya diminetsinyana go botsa magageru mantsu ya go ma tiyisa le ya go šupetsa gore re ma nyaka ka matla. (Marom. 1:12) Mogolo wa gore wa wo latelela mošupetso wa Pawulo o nyoko berekisa Lentsu la Modimo gore a tiyise tumelo ya bo a rapelang nabo a boya a ba gelepa gore ba sa kamake gore Modimo o ba nyaka ka matla. O dula a ramele mo go thulega lešuba la gore a ba thanake. Mo di nyaka a wolole ye mongwana, o berekisa Lentsu la Modimo. Mo a bolabola aa fo tshwara a lesa mara o beya taba a šupetsa gore o kwelana go baba ka taba la gore dya mo hlupa gore ba bangwana ba kwa ying mo ba mo theetsele.—Magal. 6:1. w22.03 28-29 ¶11-12

Lekgono, Jehova o neya batho bage “matšhika . . . ya gore a maa tlwayelega” gore ba thogo ya mahlong ba mmerekela ba kene ba tshepega. Se sengwana so se re tiyisang ke go rapela. Ga Maefeso 6:18, Pawulo wa lepostola o re re rapele Modimo “ka dinako ka moka.” Modimo o nyoko re fetola ka go re tiyisa. Re ka fela re tseya nkare re ka sa kgone go tiyisela fote re kwa re sa tšibi gore re rapelele ying. Mara Jehova o kgopela gore re mo rapele le mo re sa tšibi gore re nyoko thomisa kaye mo re mo hlatollela tso di re kokonang. (Mrm. 8:26, 27) Fote o re tiyisa ka Bhayibele. Pawulo o yye a tisamela ka Mangwalo gore ma mo tiyise ma boye ma mo kgomoletse, le rune re ka maka ka mokgonone. (Mrm. 15:4) Mo re kene re bala Lentsu la Modimo re boya re ghayela ka lona, Jehova a ka berekisa moya wage gore wo re gelepe go kwisisa gore Mangwalo ma bereka byang ga seyemo sa rune.—Maheb. 4:12. w21.05 22 ¶8-10

Re di tšiba gabutši gore mmereko wa rune wa go tšhutisa ke selo se segolo ka matla, mara go na le mathatha ya ma ka makang gore re šitege go wo maka. Go di nyaka re ya di nyaka mara re ya šitega. Mo re beyisa, batšhomayedi ba bangwana ba tsofele kela baa tilwalela. Ayitsano o fo kwa nkare ba ra wene? Mo nkare o tikwa ka mokgonone, gopola gore re tšhutiye gore re ka tšhuta le batho Bhayibele re berekisa difowunu kela dithebholete! Tsotsone di ra gore o ka tšhuta le motho Bhayibele o f’lo tidulela ka mutšing wago. Wa tšiba di gelepa ka ying se sengwana? Batho ba bangwana baa di nyaka go tšhuta Bhayibele wa tšiba, mara a ba šiyo ka nako yo Dihlatse di tšhomayelang ka yona. Mara o ka kraya gore ba gona mo yi sa le ka bošego kela bošego. Wene, nje o ka sa di kgone go tšhuta nabo ka nako yo ba yi kgetang? Nakwela Jeso a tšhutisa Nikhodimase, ke mo go le bošego, mara ke yona nako yo Nikhodemase ne a yi kgetiye.—Joh. 3:1, 2. w21.07 5 ¶10-11

Malata ya Johane wa go Kolobetsa ke mo ma makatsa ke gore malata ya Jeso ne ma sa tikone tsa go ja. Jeso o hlayye gore a di nyake ma tikona tsa go ja mo a sa na a phela. (Mat. 9:14-17) Mara, Mafaraseyi le ba bangwana ba gore ke mo ba phigisana le Jeso ne ba sa mo theetsele ka taba la gore ne a sa latelele ditšo tsa bona. Ba yye ba napa ba ro fufulela mo ba mmona ka Sabatha a yalafa ba go lwala. (Mar. 3:1-6; Joh. 9:16) Le mo ba maka nkare ba hlompa Sabatha, ke bona fote ba gore ke mo ba re a di hlupe go rekisela tempeleng. Ke mo ba kwa nkare ba ka thunya ka taba la go kwata nakwela Jeso a ba lakatsa. (Mat. 21:12, 13, 15) Bo ba gore Jeso o ba tšhomayelele hala sinagogeng ya Nazareta ke mo ba kwa a ba silikisiye ka matla nakwela a bolabola ka mošupetso wa Israyele ya ku botala, mo a re ba fo tinaganela ba ntoši fote ba gayela tumelo. (Luk. 4:16, 25-30) Mokgwa wa Jeso wa go maka dilo wo šiyye ba go tlala ba šikinya dihlogo.—Mat. 11:16-19. w21.05 5-6 ¶13-14

Mokgwa wo mongwana wo Jehova a re pasopisang ga taba ya go ba le magetla le dipawu ke wa go re hlohletsela gore re tšhute ga tso di makegeleng ba bangwana. Di ka makega gore mo o kwa ba re dipawu, o fo nagana ka Sathane Diyabolo. Sathane ke mo go le lengeloyi la Jehova, byalo o ka kraya gore ke mo a na le mebereko ya go tlala ya gabutši. Mara ke mo a phangha. Ke mo a nyaka tsa gore di tshwanela Jehova a ntoši, ne a nyaka gore batho ba mo rapele. Sathane o nyaka gore re tshwane naye, o nyaka gore re sa kgotsofale ka tso re nang natso. Tsotsone di thomme nakwela a bolabola le Efa. Jehova ke mo a neyye Efa le monnage tsa go ja tsa go tlala, o yitseri ba je “diyengwa tsa mohlare wo mongwana le wo mongwana,” mara a re ba sa ji tsa mohlare ka wwoši. (Gen. 2:16) Mara Sathane o yye a fokola Efa, a maka gore a kwe a nyaka go ja diyengwa tsa mohlare wonola ba mmutsiyeng gabutši gore a sa šutele. Efa ke mo a galala tso ne a le natso, a thoma go ba le pawu. A re sa nyaka le go hlaya gore di felele kaye. Efa yewa o sinyannye ka matla, a fetsa a kgwile.—Gen. 3:6, 19. w21.06 14 ¶2-3; 17 ¶9

Adamo le Efa ke mo di nyaka ba belege bana ba boye ba pasope lefase lowa la gore ke mo go le mutši wa bona. Hala Adamo le Efa ba makiye tso ne di nyaka ke Jehova, bona le bana ba bona ne ba nyoko ba ka mutšing wa Modimo go ya go yye. Adamo le Efa ke mo ba le ga poleke ya go hlompega ka mutšing wa Jehova. Hala ga Pisalema 8:5, Dafita o bolabola ka Jehova nakwela a maka motho, o re: “Ke wene o mo makiyeng gore a be ka tlasenyana ga mangeloyi, wa boya wa mo rwesa fapo ya go mo thanakisa le go mo gadimisa.” Ke nnete gore batho a ba segele ga mangeloyi ka matšhika, go hlalefa le go kgona go maka dilo. (Pis. 103:20) Mara, batho ba fo ba “ka tlasenyana” ga mangeloyi ya gore ma na le matšhika ya magolo ka matla. Sa go kwisa go baba ke gore Adamo le Efa ba yye ba ntshiwa ka mutšing wa Jehova. Tsotsone di makiye gore lephelo la bananyana ba bona le gakge. Jehova o sa na a tikemisele go maka tsetsela. O sa na a nyaka gore batho ba go mo theetsela go be bana bage go ya go yye. w21.08 2-3 ¶2-4

Lekgono, malata ya go tlala ya Jehova baa ma phigisa. Mo re beyisa, ba bangwana ba dula ga dinaga tsa gore mmereko wa rune ba wo rakele fote di ka makega gore magageru ba ma tshware ba boya ba ma ‘yise ga ba go lawola le magoši’ gore ba thogo neya bohlatse ga bona. (Mat. 10:17, 18) Kela wa go yahlula wa gore o kwelana go baba a ka segelela sepheto sa go maka gore re berekele Modimo re sa hlupe ke selo. Fote Makreste ya mangwana ma tiyisela mošaga wo mongwana wa go phigisiwa. Ba dula ga dinaga tsa gore ba lukulugiye go berekela Jehova, mara ba sa na phigisa ke ba mitši le mašaga ba gore ba tikemisele go ba lahlisa taba ya go berekela Modimo wa bona. (Mat. 10:32-36) Ga go tlala, mo bo ba go phigisa ba di bona gore di ya ba šita go maka gore mašaga ya bona ya gore ke Dihlatse ma lisetse go berekela Jehova, baa tšwa ga taba ya go ba phigisa. Fote ba bangwana ba gore ke mo ba ba phigisa go baba, go yye gwa ba Dihlatse tsa gore di na le matšato ka matla. Byalo mo ba go phigisa, o sa lahle tewu! Šišimala. A o ntoši, o na le Jehova, o nyoko go gelepa a berekisa matšhika ya moya wage wa go hlawolega fote o sa hlagasele le ka gonyana! w22.03 16 ¶8

Bhayibele yi re wunyullela gore Jehova o hloyye “maahlo ya go tipotsa, lleme la go bolabola matsaka le matsogo ya go falatsa madi ya ba go se na molato.” (Diy. 6:16, 17) Fote “o silikisa ke bokgohlane le ba go maka bošakašakane.” (Pis. 5:6) Batho ba go nagana ba boya ba maka dilo ka mokgonone Jehova aa kwane nabo fote o di šupetsiye gabutši nakwela a suwelanya batho ba dipelo tse diphifadu ba nako ya Nnowa ka taba la gore ne ba tlatsiye bokgohlane ho lefaseng. (Gen. 6:13) Fote Jehova o hlohletsele moporofeta Malaki gore a hlaye gore, O hloyye bo ba hlalanang ka bošakašakane. Batho ba mošaga wonone Modimo aa yamogele morapelo wa bona fote ba nyoko tla ba bonana naye ka taba la tso ba di makiyeng. (Mal. 2:13-16; Maheb. 13:4) Jehova o nyaka re ‘nyenya tsa go befa.’ (Marom. 12:9) Lentsu lowa la gore “nyenyaneng” le hlatolla selo sa gore se ya go silikisa; o se hloyye ka pelo yago ka mokana ga yona fote o kwa nkare se nyoko go go hlatsisa. Byalo, le taba ya go maka selo sa gore Jehova o re a se ya loka di nyaka re tikwa ka mokgonone. w22.03 4-5 ¶11-12

Yi šele yi le thina nako ya gore Papa wa rune wa legedimong a re rufe la go sa hlayisege ka Mmušo wage. Ba gore ba dula ba yemele Jehova ba nyoko rufega ka dilo tsa go tlala ka matla, gana byalo le ga lefase la nyuwane ku mahlong. Mo batho ba Modimo ba segela ga lefase la nyuwane, ba ka sa sa tiyisela dilo tsa go ba šekedisa le dintshitshire. Go makana lešidi le go kwa go baba di ko ba di sa sa le šiyo. (Kut. 21:4) Re ka sa sa yemela tso re di nyakang, di nyoko ba di tlele la gore re boya re ro ragela. (Pis. 72:16; Jes. 54:13) Di nyoko jabodisa la go sa hlayisege! Mo gana byalo re kene re hlula mekgwa ya go befa ke mokane re berekela go ba le mekgwa ya go jabodisa Jehova, o re lukiselela gore re phele ga lefase la go lawola ke yene. O sa lahle tewu barena, fote o sa šepisi. Tsa gabutši ka matla di ku mahlong! Akere re ya tšiba gore ku mahlong re yemele ke dilo tsa go bafala ka matla, byalo tla re sa lisetseneng go fo ba re kene re yemele Jehova re lefisiye pelo, gore go be yene a makang mmereko wage! w21.08 13 ¶17-19

Ka nthagonyana ga mo ba krayye lengwalo la go tšwa ga Pawulo wa lepostola, Makreste ya go dula ku Judiya ne di nyaka ba šiye mitši ya bona, dibhizinisi tsa bona le mašaga ya gore a yi Makreste ke mokane “ba thomise go tšhabela dithabeng.” (Mat. 24:16) A re kamake gore ka nako yonone ne di nyaka ba gelepana. Mo nkare tso Pawulo a ba yeletsiyeng ka tsona ke botala ba kene ba di berekisa di nyoko ba lula gore ba yamogele lephelo la bona la nyuwane. A yi ka moka nako magageru ma ka hlayang tso ma di gayelang. Byalo, kenega. A re kamake gore go na le magageru ya o ma tšibang ka ho phutegong ya gore ma dula ma tikemisele go gelepa ba bangwana. A ma make gore re tikwe nkare re ya ma hlupa. Re ya di tšiba gore re ka tisamela ka bona mo go nyarela bothatha fote re nabela go tshwana nabo! w22.02 23-24 ¶13-15

Ga mengwaganyana ya go fela diphutego le dipoleke tso mopotulugi a berekang ga tsona di yye dya tšhentšha. Mo ba ka re kgopela gore re ye ga phutego ya nyuwane re ka kraya di thathafa gore re šiye banghana le mašaga ya rune. Ayitsano tsotsone tsa gore bagolo ba romela batšhomayedi ka kaye ba di kwa ka Modimo? Dho. Fote taba yonone yi ka maka gore di re thathafele go theetsela tso ba re yetetsang ka tsona. Mara Jehova yene wa di tshepa tsa gore bagolo ba nyoko segelela dipheto tsa gabutši ga taba yone, byalo di nyaka le rune re ba tshepa. Ke ntaba di nyaka re tshwarisana le bagolo re boya re thega dipheto tso ba di segeleleng le mo yi le gore dipheto tsone a re nape re kwana natso ka matla? Ka taba la gore mo re maka ka mokgonone re nyoko maka gore batho ba Modimo ba mamarelane go be selo ka ssoši. Diphutego di ya tiyelela mo ka mokana ga rune re tinyanafatsa re yamogela dipheto tso di segeleleng ke mogoba wa bagolo. (Maheb. 13:17) Selo se segolo ka matla ke gore re šupetsa Jehova gore re ya mo tshepa mo re tshwarisana le bo a tshepang gore ba nyoko re pasopa gabutši.—Meber. 20:28. w22.02 4-5 ¶9-10

Mo nkare ke wene mogageru wa monna wa gore o kolobetsiwwe, karakara gore o lokotše mabolabolelo yago le matšhutiselo yago. Ke ntaba? Ka taba la gore mo o ka ‘napa o ro kenelela’ ga mabalelo, mabolabolelo le matšhutiselo yago, o nyoko gelepa bo ba go theetselang. (1 Thim. 4:15) Tipotse gore taba ye nngwana le ye nngwana yo yi leng ga sepukwane sa Karakara mo o Bala le mo o Tšhutisa o nyaka go yi maka gabutši. Maka ka yyoši, yi make gatleletlele o le gaye o boye o liketse go yi berekisa mo o beya polabolo. Kgopela ye a le yeletsang ka tse dingwana kela bagolo ba bangwana “ba gore baa karakara mo ba bolabola le mo ba tšhutisa” gore ba go yetetse. (1 Thim. 5:17) O sa berekele go fo re o kgone go maka so se leng ga sepukwane sone, mara o makele go gelepa bo ba go theetseleng gore ba tiyise tumelo ya bona kela o ba hlohletsele gore ba berekise so ba se tšhutiyeng. Mo o ka maka ka mokgonone, o nyoko maka gore wene le bona le nape le ro jabola ka matla. w21.08 24 ¶17

Mo re ka fo dumela gore ba bangwana baa re phala re boya re dumela gore di ko ba gona dilo tsa gore ba kgona go di maka tsa gore rune di ya re šita, re ka sa phadisane nabo. Mara re nyoko jabola nabo. Tsotsone ka matlamatla re nyoko di maka mo nkare ba berekisa matšhika ya bona gore ba thanake Jehova ka go mmerekela. Tsotsone di nyoko maka gore ka mokana ga rune re make gore ka ho phutegong go dule go bebiye fote re be ngata ka yyoši. Mo re ka fo yamogela gore go na le mo re kgerang gona, kela go na le dilo tsa gore re ka sa kgone go di maka, re ka sa jelasele magageru. Go šupetsa gore re ya tinyanafatsa, re ka sa liketse go šupa nkare ke rune bo re kgonang go maka dilo go phala batho ka moka. Mara re nyoko liketsa go tšhuta ga bo ba gore ba kgona go maka dilo go re phala. Mo re beyisa, tla re fo re mogageru ye mongwana ka ho phutegong o kgona go beya dipolabolo. O ka mmutsisa gore o lukiselela byang dipolabolo tsage. Mo nkare mogageru wa mosadi wa yi teya poto, re ka mo kgopela gore a re gelepe le rune re thogo tšiba tsa go yapega. w21.07 16 ¶8-9

Ga puku ya Dipalo re bala gore, Jehova o yye a yahlula gore Leisrayele le lengwana le bolayiwe ka taba la gore le yye la kotela mahlare go le Sabatha. Ga Samuwele wa bobedi, re tšhutiye gore mengwaga ka nthago, Jehova o yye a tshwarela Kgoši Dafita ga taba ya go maka bonghwahla le go bolaya. (Dip. 15:32, 35; 2 Sam. 12:9, 13) Di ka makega gore re ya tiputsisa gore ke ntaba Jehova a yye a tshwarela Dafita ka taba ya go bolaya a boya a maka bonghwahla mara a makiye gore ba bolaye monna ye wa gore di bonala nkare aa sinya ka matla?’ Bhayibele a yi duli yi re thuletsela ditaba ka mokana ga tsona. Mo re beyisa, re di tšiba gabutši gore Dafita o yye a tisola a resa ga tso a di makiyeng. (Pis. 51:2-4) Anthe morene wa gore o tshidiye molawo wa Sabatha ne go le motho wa mošaga mang? Ayitsano ne a tisola ka tso a di makiyeng? Ayitsano ne go le la mathomo a tshela molawo wa Jehova? Kela o yye a fo tiwomisa hlogo nengneng mo ba re baa mo wolola? Bhayibele a yi hlaye. Le mo go le ka mokgonone so re se tšibang ke gore Modimo wa rune “o lukiye ga dilo ka mokana ga tsona.”—Pis. 145:17. w22.02 2-3 ¶3-4

Mo motho a titšiba gore o kgera kaye aa be le magaba. Tsotsone di nyoko maka gore a dule a jabodiye a boye a bereke a šwennye. Motho wa gore wa titšiba gore o kgera kaye re ka mo tshwanisa le motho mo a dhrayiva koloyi mmotong. Di nyaka a tšhele ghere ya fase gore koloyi yi thogo rotoga. Koloyi yone o ka kraya yi sepela ka gonyana, mara yi kene ya rotoga. Le motho wa go tšiba mo a kgerang gona o ko tšibeng gore ke leng mo di nyakang a “tšhele ghere ya fase” gore a thogo ya mahlong a berekela Jehova. (Mafil. 4:5) Tla re beyiseneng ka Bharasilayi wa gore ke mo a na le 80 ya mengwaga ka nakwela Kgoši Dafita a mmitsa gore a tle a bereke mošata. Bharasilayi o yye a gana ka taba la gore ke mo a titšiba gore o kgera kaye. Bharasilayi ke mo a titšiba gore, o ko šitegeng ga tse dingwana, byalo o yye a re ba berekise Tšhimohamo ka taba la gore ke mo go sa le mosogana. (2 Sam. 19:35-37) Banna ba gore ba šele ba gudiye ba tshwana le Bharasilayi, a ba kokole mo mmereko wo maka ke ba gore go sa le masogana. w21.09 10 ¶6-7

Ayitsano di ya go thathafela go tseya Jehova go le Papa wa gore o re nyaka ka matla? Ga ba bangwana ba rune go fo ba ka mokgonone. Mo nkare o gudiye papago a go maka lešidi, o ka kraya go ro ba mong taba ya nyuwane gore di ya kgonega gore bopapa ba šupetse bana ba bona gore ba ba nyaka ka matla. Go fo tšiba taba ya gore Jehova o kwisisa ka mokgo re tikwang, di ya re kgomoletsa wa tšiba! Wa di nyaka go šutela thina le rune. Nka taba lo Lentsu lage le re hlohletselang gore: “Šutelaneng thina ga Modimo, le yene o nyoko šutela thina ga lune.” (Jak. 4:8) Phela Jehova o re nyaka ka matla fote o tikemisele go ba Papa wa mannete. Jeso a ka re gelepa gore re šutele thina le Jehova. Ke yene a tšibang Jehova gabutši fote o di tsere ka moka tsa Papage la go šinya a re: “Ye a bonneng nna, o bonne le Papa.” (Joh. 14:9) Ka taba la gore Jeso ke bhuti wa rune ye mogolo, o re tšhutisa tso re ka ga di maka go šupetsa gore re hlompa Papa wa rune fote re ya mo theetsela, le gore re ka maka byang gore re sa mo tshwatisi gore a thogo re yamogela. Gabutšibutši lephelo la Jeso la nakwela a le ho lefaseng, le re wunyullela gore Jehova o na le pelo ya gabutši fote o re nyaka ka matla. w21.09 21 ¶4-5

Batho ba Jehova ba rapela Modimo ka wwoši wa mannete. Jehova o neyye bagolo mmereko wa go roba wa gore ba tshwanele ba bone gore phutego yi dula yi yediye. Mo Mokreste a ka sinya ka matla Jehova o lebelele gore bagolo ba nyakolle gore ayitsano motho yene a ka ya mahIong a kene a le ka phutegong kela awwa. Ga dilo tse dingwana tso ba ka di lebelelang di nyaka ba kraye gore ayitsano motho yene o tisola a resa ga tso a di makiyeng. A ka fo bolabola ka molomo a re o sokologiye, mara ayitsano o šupetsa a nyenya tso a di makiyeng? Nje o tikemisele go sa sa boyelela tsetsela a di sinnyeng? Mo nkare o ro gorometsa ke banghana ba go sa loka ayitsano o tikemisele go kganela kgole le banghana ba mošaga wonone? Bagolo baa rapela ke mokane ba lebelela le gore mangwalo ma re king, ba kene ba sa yi takisi maahlo taba ya gore ye a sinnyeng o tseya dilo ka mokgo mang. Ke mokane ba segelela sepheto sa gore ayitsano motho yene wa gore o sinnye o nyoko ya mahlong a le ka phutegong kela dho. Ka dinako tse dingwana di ka nyaka gore a ntshiwe ka phutegong.—1 Makor. 5:11-13. w22.02 5 ¶11-12

Di sa ye ka gore o kolobetsiwwe malobanyana kela ke botala o kolobetsiwwe, ka mokana ga rune re nyaka go ba le mekgwa ya gore Jehova o kwana nayo ka matla. Gore re be le mekgwa yone ya nyuwane di nyaka re lawola ka mokgo re naganang. Ke ntaba? Ka taba la gore mekgwa ya rune yi kutšetsela ka matlamatla ke tso re di naganang. Mara mo re ka fo dulela go nagana ka dilo tso rune re di nabelang tsa go sa loka, re nyoko bolabola re boya re maka dilo tsa go kekema. (Maef. 4:17-19) Mo re ka tlatsa menagano ya rune ka dilo tsa gabutši, re nyoko bolabola re boya re maka dilo tsa gore di jabodisa Papa wa rune, Jehova. (Magal. 5:16) Mara re ka sa nape re di kgona ka moka nako go kganela kgole le taba ya go nagana tsa go kekema. Mara re ka kgeta gore tsa go kekema tso re di naganang re sa di make. Nakwela re soko kolobetsiwa re yye ra tshwanela ke go lisetsa go bolabola le go maka dilo tsa gore Jehova o di hloyye. Sosone ke selo sa mathomo fote se segolo so re tshwaneleng re se make gore re thogo lahla mekgwa ya botala. Gore re thogo jabodisa Jehova ka matla di nyaka re be le mekgwa ya nyuwane. w22.03 8 ¶1-2

A di lula gore bagolo ba di bone gore nnete motho wa gore o yye a sinya ka matla o šele o sokologiye. Ke ntaba? Bagolo a ba di kgone go bona dipelo, byalo di nyaka ba kraye tso di šupetsang gore mogageru yene o tšhentšhiye le gore o kganela kgole le tso di yyeng dya mo gorometsa. Di nyaka ba bone tso di šupetsang gore o tšhentšhiye tsa mannete ga tso a di naganang, ka mokgo a tikwang le maphelelo. Motho yene di ka mo tseya nako ya go lefa ka matla gore a šinye a šupetse gore o tšhentšhiye. Gore motho wa gore o ntshiwwe ka phutegong a šupetse gore o sokologiye tsa mannete, di nyaka a sa lofe megahlanong fote a berekise tso bagolo ba mo yeletsiyeng ka tsona tsa gore a be le nako ya go rapela le go tšhuta Bhayibele ka moka matšatši. O nyoko ntsha maahlo dikwakweng gore a pasope gore a sa goromele gana hala a yyeng a goromela gona. Mo a ka karakara ka matla gore a lukise senghana sage le Jehova, a ka sa kamake gore o nyoko mo tshwarela fote bagolo ba nyoko mmusetsa ka phutegong. w21.10 6 ¶16-18

Jeso ne a nyaka Jehova ka matla nka taba lo a yyeng a rapela yene a le ntoši nakwela a le ku legedimong le mo a le ho lefaseng. (Luk. 4:8) O tšhutisiye malata yage gore ma make ka mokgonone. Jeso le malata yage ya go tshepega a sanka ba berekisa dithombhe mo ba rapela. Ka taba la gore Modimo aa bonale, a go na so motho a ka se makang sa gore a ka se tshwanisa le Jehova! (Jes. 46:5) Byalo re re king ka taba ya go maka dithombhe tsa batho ba gore ba ba tseya go le ba go hlawolega re boya re di rapela? Selo sa bobedi ga Lesome la Melawo yo Jehova a yi hlayyeng, ke mantsu ya temanyana ya lekgono. Mantsu yawa a go na mo ma tlonyang motho, ka matlamatla bo ba nyakang go jabodisa Modimo. Bo ba tšibang dilo tsa ku botala a ba phigisi taba ya gore Makreste ya ku botala ke mo ma tineyele ga Modimo a le ntoši. Dihlatse tsa Jehova lekgono di kopisela mokgwa wo ne wo berekisa ke Makreste ya ku botala. w21.10 19-20 ¶5-6

Jeso o pasopisiye Makreste ya ku botala ya ne ma dula Judiya ka gore go nyoko tla nako ya gore toropo ya Jerusalema yi nyoko ba “yi kgobakanele ke masole.” (Luk. 21:20-24) Mo tsotsone di makega, ke mo di nyaka ba “thomise go tšhabela dithabeng.” Mo ba ka yakgoswa ba tšhaba ba nyoko phona, mara tsotsone di rela gore ba nyoko šiya mitši ya bona. Mengwaga ya go fela, Sewokamelo se yitseri: “Ba yye ba šiya mašomo le mitši ya bona, fote a sanka ba kgona go rwala le mong diphahlo tsa bona. Mara ka taba la gore ne ba sa kamake le ka gonyana gore Jehova o nyoko ba tšhireletsa a boya a ba thega, ba yye ba yetisa mahlong taba ya go rapela Modimo go phala dilo ka mokana ga tsona.” Fote se tokegele ka gore: “Go ka ba le tsa go re liketsa ku mahlong gore re thogo bona gore dilo tso re nang natso re di tseya ka mokgo mang; ayitsano re di tseyela gedimo ka matla, kela taba ya gore Modimo o nyoko phonisa bo ba mo thegang ke yona re yi tseyelang gedimo? Nnete ke gore mo dinako tsa mafelelo di segela di ka nyaka re tiyisela mohlupego re boya re tikona tse dingwana. Di nyaka le rune re tikemisela gore go thusuge mo go thusugang.” w22.01 4 ¶7-8

Ke mo go se botala Maisrayele ma tšwile Egepita, mo Jehova a wunyullela Moše lebitso Lage a boya a mmotsa gore ke yene wa mošaga mang. O yitseri: “Jehova, Jehova, Modimo wa go kwelana go baba, wa gore aa yakgoswi a kwata le wa gore o dula a šupetsa batho gore o ba nyaka ka matla fote o kwana le nnete, wa go šupetsa batho ba go tlala gore o kwana nabo tsa mannete, wa go tshwarelana mo motho a makiye tsa go befa, a kekemisiye kela a sinnye ka matla.” (Ek. 34:6, 7) Mantsu ya go tikisa pelo yaa Jehova a ma wunyulleleng Moše gore ke yene wa mošaga mang, ma re botsa se sengwana so se šupetsang gore o nyakanana tsa mannete. King sosone? Jehova aa fo hlaya gore yene o nyakanana tsa mannete, mara o yitseri “o dula a šupetsa batho gore o ba nyaka tsa mannete.” Taba yowa yi nyarela ga kobodi ka ho Bhayibeleng. (Dip. 14:18; Neh. 9:17; Pis. 86:15; 103:8; Juw. 2:13; Jona 4:2) Ka mokana ga gona mo go nyarelang taba yowa, yi ba yi bolabola ka Jehova yi seng batho. Mo Jehova a botsa batho gore ke yene wa mošaga mang, aa yi šiyi taba ya gore o nyakanana tsa mannete. w21.11 2-3 ¶3-4

Bo ba šadhiyeng ba ka tšhuta ga mošupetso wa Petro wa lepostola le mosadi wage. Mo go šele go fitiye gana hala ga kobodi ya dikgwedi kela mongwaga Petro wa lepostola a gahlanne le Jeso, ne go na le sepheto se segolo so di nyakang a se segelela. Mmereko wa Petro ne go le wa go loba dihlapi. Byalo, mo Jeso a bitsa Petro gore a mo šale nthago, ne di nyaka Petro a thomise ka go nagana ka seyemo sa mutši wage. (Luk. 5:1-11) Petro o kgetiye go ye tšhomayela le Jeso. Fote di šupetsa mosadi wage a yye a thega sepheto so a se segeleleng. Bhayibele yi šupetsa gore ka nthago ga mo Jeso ba mo tsusiye, Petro ne a fela a sepela le mosadi wage. (1 Makor. 9:5) A re kamake gore mosadi wa Petro ne go le Mokreste wa gabutši, nka taba lo Petro ne a sa titšhoge mo a wolola banna le basadi ba Makreste. (1 Pet. 3:1-7) Di fo ba lekgwaying gore Petro le mosadi wage ne ba tshepa tso Jehova a di tshepisiyeng tsa gore O nyoko ba pasopa mo ba ka yetisa tsa Mmušo mahlong.—Mat. 6:31-34. w21.11 18 ¶14

Pawulo wa lepostola ke mo a ma nyaka ka matla magagabo. Fote ke mo a karakara ka matla gore a ma pasope. (Meber. 20:31) Tsotsone, di makiye gore le bona bo a rapelang nabo ba nyake tsa nkare ke moka. Neng-neng, mo bagolo ba go tšwa Efeso ba di kwelela tsa gore di ka makega gore ba sa sa boya ba mmona fote, ‘ka mokana ga bona ba yye ba lla.’ (Meber. 20:37) Bagolo ba rune ba gore ba karakara ka matla le bona ba ma nyaka ka matla magageru ya banna le basadi fote a ba tikwele go baba le ka gonyana mo di nyaka ba ma gelepa. (Mafil. 2:16, 17) Ka nako ye nngwana, bagolo ba gahlana le tsa go ba ghula. Mara ba ka gelepa king gore ba thogo hlula? Bagolo ba rune ba gore ba karakara ka matla ba ka kopisela ga mošupetso wa Pawulo. Ke mo a se na matšhika ya go tshwana le ya mangeloyi. Fote ke mo a sa yenela, a fela a goga go baba gore a thogo maka tsa go loka. (Marom. 7:18-20) Pawulo ne a gahlana le tsa go mo rula. Mara a sa nka a lahla tewu kela a kgongwela. Mo bagolo ba ka yekisela Pawulo ba ka hlula dintshitshire tso ba gahlanang natso ke mokane ba thogo dula ba jabodiye mo ba kene ba berekela Jehova. w22.03 26 ¶1-2

Lefitiko 19:3 yi bolabola ka taba ya go gopola letšatši la Sabatha. Makreste a ma sa latelela Molawo wa Moše, byalo a di nyake re latelela taba ya Sabatha. Le mo go le ka mokgonone, re ka tšhuta tsa go tlala ga taba ya gore Maisrayele ne ma yi tseya byang Sabatha le gore ne yi ma berekela ka mokgo mang. Letšatši la Sabatha ne go le nako ya go khutsa ga mebereko ye mengwana gore ba thogo kraya nako ya go lebelela tso tsa Modimo. Nka taba lo Jeso ka letšatši lone ne a ya Sinagogeng ya thina le mo a dulang gore a ye bala Lentsu la Modimo. (Ek. 31:12-15; Luk. 4:16-18) Mantsu ya Modimo ya ma leng ga Lefitiko 19:3 ya gore, “le sa lebale letšatši [lage] la sabatha” ma tshwanele go re hlohletsela gore re fele re khutsa ga mebereko yo re yi makang gore re thogo lebelela tso tsa Modimo. Ayitsano o kwa nkare go na le mo o ka potollang gona ga taba yonone? Mo o dula o tipeyela nako ya go lebelela tso tsa Modimo, senghana sago le Jehova se nyoko hluhlutela go leng sona so se nyakegang gore o hlawolege. w21.12 5 ¶13

Nakwela Jeso a bolabola le batho ho lefaseng, ke mo a sa yi ka gore motho ke wa mohlobo mang. Ke mo a ja le dinghamula le banna ba go lawola, mara nako yage ya go tlala ke mo a yi fetsa le bo ba go tihlupegela le ba gore ba šekedisa ke tsa lephelo. Go tokegela gana hone, ke mo a ba kwela go baba bo ba gore batho ne ba ba tseya go le “ba go sinya.” Ba bangwana ba gore ne ba titseya ba lukiye ba yye ba kwatisa ke tso Jeso a di makiyeng. Ba butsisiye malata yage gore: “Ke ntaba le ja fote le nwa le bo ba go sinya le ba go patedisa mothelo?” Mo Jeso a ba fetola o bolabodiye mantsu ya ma leng ga temanyana ya lekgono. (Luk. 5:29-31) Mo Mesiya a soko segela ho lefaseng, moporofeta Jesaya o ro napa a di yedisa tsa gore batho ba ka sa mo yamogele. Seporofeto se hlayye gore: “Batho ke mo ba mo nyenya fote ba sa nyake go ba thina naye . . . Ne nkare ba wutametsiye sefahlego sage gore re sa mmone. Ke mo re mo nyenya fote re mo tseya go se selo.” (Jes. 53:3) “Batho” ne ba ka sa kwane le Mesiya, byalo Majuda ya ku botala ne ma ka fo ba ma yemele gore Jeso ba mo phigise. w21.05 8-9 ¶3-4

Makreste ya mangwana ya ku botala ne ma nanankela ga taba ya go maka tso a di hlayyeng. (Jak. 1:22) Ba bangwana ne ba kwana le ba gore ba ghannye fela. (Jak. 2:1-3) Hala ba bangwana ba sa hlupa ke lleme. (Jak. 3:8-10) Makreste yane ne ma tshwaraganne le ntshitshire mara Jakobo a sanka a ma ngalela. O yye a ma wolola a kene a tiyisiye ka ganong mara a kene a šupetsa gore o ma kwela go baba a boya a hlohletsela bo ba gore baa tilwalela ga tso tsa Modimo gore ba kgopele bagolo ba ba gelepe. (Jak. 5:13, 14) So re se tšhutang: Kwana le nnete mara o tseye ba bangwana gabutši. Ba go tlala bo re tšhutang nabo Bhayibele di ka ba thathafela go berekisa tso Bhayibele yi di tšhutisang. (Jak. 4:1-4) Di ka fo tseya nako go tomula mekgwa ya go befa ke mokane ba thomisa go ba le mekgwa ya gabutši ya Sekreste. Di nyaka re ba le lešiši ga taba ya go botsa bo re tšhutang nabo Bhayibele gore di nyaka ba potolla-potolla kaye. Fote di nyaka re dula re tseya dilo gabutši, re tshepa taba ya gore bo ba go tinyanafatsa Jehova o nyoko ba šutetsa thina gage a boya a ba neya matšhika ya gore ba thogo tšhentšha maphelelo.—Jak. 4:10. w22.01 11 ¶11-12

Makreste ka mokana ga wona ma nyaka go kwelana go baba go tshwana le Jehova. Ke ntaba? Taba ke gore Jehova a ka sa tihlupi a re o theetsela batho ba gore a ba kwele ba bangwana go baba. Ka mokana ga rune re ya di nyaka gore Jehova a theetsele merapelo ya rune, byalo re kganela kgole le taba ya go tighwanyisa dipelo. A re fo tithiba ditsebe mo Mokreste a kwa go baba, mara re tikemisele go theetsela mo “go lla wa gore wa tinyanafatsa.” Byalo re tseyela gedimo taba yo ya gore: “Motho wa gore aa kwelane go baba le yene ba nyoko mo yahlula ba sa mo kwele go baba.” (Jak. 2:13) Mo re ka sa lebale gore le rune re ya di nyaka gore batho ba re kwele go baba, di nyoko ba lula gore re šupetse ba bangwana gore re ba kwela go baba. Ka matlamatla re nyoko šupetsa gore re kwelana go baba mo motho wa gore o sokologiye a busetsiwa ka phutegong. Mešupetso ya ka Bhayibeleng ya bo ba gore ne ba šupetsa go kwelana go baba yi ka re gelepa gore le rune re kwelane go baba fote re sa makane lešidi. w21.10 12 ¶16-17

Bošego bya mo Jeso a le thina le go kgwa nakwela mmereko wage wa go tšhomayela wo segele mafelelong o yye a nyaka poleke ya gore yitseri tse ga gore a ka thogo ghayela le go rapela. O yi krayye ga poleke yo ba reng ke Ghetsemane. Gana hone, Jeso o yye a botsa malata yage ka taba ya go rapela. Mo ba segela polekeng yone ba reng ke Ghetsemane ne go šele go le bošego di ka makega gore ne go le gare ga bošego. Jeso o butsiye mapostola yage gore “le sa koboleneng,” ke mokane a ba šiya a ye rapeleng. (Mat. 26:37-39) Mara mo a sa yye go ye rapeleng, bona ba šala ba tiketselela. Mo Jeso a ba kraya ba sa yetsele o yye a ba hlohletsela fote a re, “le sa koboleneng ariyeneng mahlong le rapela.” (Mat. 26:40, 41) Ke mo a di bona gore di ba kgahleletsiye fote ba tinnwe la go kgwa. Jeso o šupetsiye gore ne a ba kwela go baba mo a šinya a re “mmele wa gana.” Le mo go le ka mokgonone, Jeso a sanka a lisetsa go ye rapeleng o yye a boyelela fote, mo a boya o yye a kraya malata yage ma sa rapele mara ma yye ka boroko.—Mat. 26:42-45. w22.01 28 ¶10-11