January

King so se makiyeng gore Thimothi go be lelata la gabutši la Jehova? Ke mo a na le mekgwa ya gabutši ya go tshwanela Makreste. (Mafil. 2:19-22) Mo Pawulo wa lepostola a bolabola ka Thimothi, di šupa go le motho wa gore o tinyanafatsiye, wa go tshepega, wa go maka mmereko wage ka pelo ka moka fote ba bangwana ba ka tikokotlela ka yene. A tihlupa ka magagabo. Tsotsone di makiye gore Pawulo a nape a kwana naye ka matla ga Thimothi fote dya maka gore a sa jikajike mo di nyaka a mo neye mebereko ye megolo. Le rune mo re karakara ka matla gore re be le mekgwa yo Jehova a yi nyakang, re nyoko maka gore a sa nyake go kwa selo ka rune fote re ko thogo gelepa ba bangwana ka ho phutegong. (Pis. 25:9; 138:6) Byalo, rapela gore o thogo bona gore o ka potolla kaye ga mekgwa yo o nang nayo. Kgeta gore ke wofeng mokgwa wo di nyakang o karakara gore o be nawo. Ayitsano o ka karakara ka matla gore o thomise go kwelana go baba? Ayitsano di nyaka o tšhuta go kwana le go beba kela go tshwarela ba bangwana? O ka kraya gore di ya gelepa gore o kgopele monghana ye o ka mo tshepang a go yeletse ka tso o ka di makang gore o thogo potolla hala le hala.—Diy. 27:6. w22.04 23 ¶4-5

Jehova o nyaka gore re jabole. Tsotsone re di tšiba ka taba la gore go jabola ke seyengwa sa moya wage wa go hlawolega. (Magal. 5:22) Di re jabodisa ka matla mo re tšhela letsogo ga mmereko wa Sekreste wa go tšhomayela re boya re gelepa magageru ka tse dingwana ka taba la gore di jabodisa ka matla go neya ba bangwana dilo go phala mo bona ba neya rune. (Meber. 20:35) Ga temanyana ya lekgono, Pawulo wa lepostola o hlayye dilo ka dipedi tso di ka re gelepang gore re dule re jabodiye. Sa mathomo, di nyaka re tikemisela go makela Jehova so rune beng re se kgonang. Di nyaka re jabole mo nkare re mo neya tso rune re kgonang go di maka. (Mat. 22:36-38) Sa bobedi, re sa liketse le ka gonyana go titshwanisa le ba bangwana. Fote di nyaka re leboga Jehova ka tso re di segeleleng di sa yi ka gore re philegiye, re tšhutegiye go segela kaye kela king tso re kgonang go di maka. Ga taba yonone, mo nkare ba bangwana baa re phala mo ba maka tsa go yelana le mmereko wa go tšhomayela, di nyaka re jabodise ke gore ba berekisa tso ba nang natso gore ba thanake Jehova. w22.04 10 ¶1-2

Dikereke tsa matsaka ba nyoko fetsa ka tsona ka go yakgoswa ke mokane lefase la šala le yahlamme. (Kut. 18:8-10) Mo Bhabhilona ye Mogolo yi psyitlanyiwa lefase le nyoko šiginyega ke mokane di ka makega gore dilo di thomise go thathafa mara go na le dilo ka dipedi tso di makang gore batho ba Modimo ba jabole. Lenaba lowa la Jehova Modimo la botala go nyoko fela ka lona go ya go yye fote taba ya gore re phonisiwe ga lefase lowa la go befa yi ko ba yi šele yi segele! Daniyele o hlayye gore “go tšiba nnete” go “nyoko sabalala.” Fote tsotsone di makegiye! Gana byalo re di kwisisa gabutši diporofeto tso di bolabolang gore go nyoko makega ying ka dinako tso tsa rune. (Dan. 12:4, 9, 10) Diporofeto tsone di napa di korola ke mokane di maka gore re nape re hlompa Jehova le Lentsu lage. (Jes. 46:10; 55:11) Byalo, ariye mahlong o kene o tiyisa tumelo yago ka go tšhuta Mangwalo o kenelela fote o boye o gelepe le ba bangwana gore le bona ba make senghana le Jehova. Bo ba gore ba tikokotlela ka yene o nyoko ba tšhireletsa fote o nyoko maka gore ba “dule ba bebiye.”—Jes. 26:3. w22.07 6-7 ¶16-17

Puku ya Kutullo yi wunyulla gore Mmušo wa Modimo wa ku legedimong wa lawola fote Sathane ba mo rakiye ku legedimong. (Kut. 12:1-9) Taba ya gore ba mo rakiye yi ba khutsisiye tsa go tlala ku legedimong mara mo go le rune yi re leyele tsa go sasamela. Ke ntaba re reyane? Ka taba la gore Sathane o kwatiye ka matla fote o lwa le batho ba gore ba berekela Jehova ka go tshepega ho lefaseng. (Kut. 12:12, 15, 17) Re ka maka byang gore re dule re sa thogathoge le mo Sathane a kene a re hlorisa? (Kut. 13:10) So se ka re gelepang ke gore re tšibe tso di nyoko makegang ku mahlong. Mo re beyisa, ga puku ya Kutullo Johane wa lepostola o bolabodiye dilo tse dingwana tso re nyoko rufiwang ka tsona go se botala. Ga dilo tsone re nyoko rufiwang ka tsona go kena le taba ya gore manaba ya Modimo go nyoko fela ka wona. Temanyana ya mathomo ya Kutullo yi re botsa gore tso re nyoko di balang di yemelang ke “tso di sa nyoko makegang,” tsa gore yi fo ba go tshwanisela.—Kut. 1:1. w22.05 8 ¶1-3

Taba ya gore malata ya Jehova ya go tshepega a ma thogathoge le ka gonyana yi nyoko kwatisa bo ba phigisang Jehova. Ke mokane tsotsone di nyoko maka gore ditšhaba di gahlane di make ngata gore di thogo hlasela malata ya Modimo lefaseng ka mokana ga lona. Taba yonone ya gore ba kwata tsa nkare a ba tseyi gabutši seporofeto mo se yi hlatolla se re ke go hlasela ga Ghogho wa Maghogho. (Hezek. 38:14, 15) Mara Jehova o nyoko re king mo a bona ba hlasela batho bage go baba? O re: “Ke nyoko kwata la go sa hlayisegi.” (Hezek. 38:18, 21-23) Kutullo tema 19 yi re botsa so se makegang ka nthago. Jehova o roma Morwayi wage gore a ye a lwele malata yage ga manaba ya bona. Jeso o ko ba a lwa a na le “masole ya ku legedimong”—go leng mangeloyi ya go tshepega le bo ba 144 000. (Kut. 17:14; 19:11-15) Ntwa yone yi nyoko fela ka mokgo mang? Go nyoko ro napa go fela ka batho le mekgahlo ya gore yi phigisa Jehova!—Kut. 19:19-21. w22.05 17 ¶9-10

Ka nthago ga mo Adamo le Efa ba sinnye, Jehova o yye a neya bana ba bona tshepo a berekisa seporofeto sowa. Tso a di hlayyeng di nyarela ga Genesi 3:15, o yitseri: “Ke nyoko maka gore wene le mosadi le hloyane le bana ba lune ba nyoko hloyana. O nyoko go pshyaya hlogo yowa, wene o nyoko mo loma serethe.” Seporofeto sowa se nyarela ga puku ya mathomo ya Bhayibele. Mara ga ditaba tsa go tlala dipuku tse dingwana tsa Bhayibele di thega seporofeto sowa. Go fo tshwana le selo so se makang gore maphephe ya puku ma mamaretsane mantsu ya ma leng ga Genesi 3:15 le wona ma maka gore tso di leng ga dipuku tsa Bhayibele go be selo ka ssoši, go leng taba ya gore ba nyoko romela wa go phonisa ke mokane a fetsa ka Diyabolo le moririmane ka mokana ga wona wa bo ba mo latelelang. Phela taba yone yi ro jabodisa ka matla ga malata ya Jehova! Go tšhuta Bhayibele go nyoko re gelepa gore re thogo bona mo seporofeto se makega le gore rune se re berekela ka mokgo mang. w22.07 14 ¶1-3

Kgopela Jehova a make gore o hlalefe gore o thogo gelepa bana bago ga taba ya gore ba mo nyake ka matla. (Jak. 1:5) Ke yene Motho wa gore a ka go yeletsa gabutši. Di tlele dilo tso di makang gore go be ka mokgonone. O fo lebelela ka dipedi. Sa mathomo, Jehova o teya a tshwarelele ga mmereko wa go ba mmelegi. (Pis. 36:9) Sa bobedi ke gore, dilo ka moka tso a yeletsang ka tsona di ya bereka ka moka nako. (Jes. 48:17) Jehova o berekisa Lentsu lage le mokgahlo wage go go neya tso o ka di berekisang mo o gelepa bana bago gore ba thogo mo nyaka ka matla mo ba kene ba gula. (Mat. 24:45) Mo re beyisa, o ka kraya tsa go tlala tso ba go yeletsang ka tsona tsa gore di ka go berekela ga dihlogotaba tsa go lategetsana tsa gore, “Tso di ka Gelepang Mutši” tsa gore ke mengwaga ya go tlalanyana di nyarela ga makazini wa Hlahlama! fote gana byalo di ya krayega ga wepsayite ya rune. Fote go na le dividiyo tsa go tlala ga jw.org tsa gore di šupetsa dipolabodisano le dividiyo tso di ka gelepang babelegi gore ba thogo berekisa tso Jehova a ba yetetsang ka tsona mo ba kene ba gudisa bana ba bona.—Diy. 2:4, 5. w22.05 27 ¶4-5

Aa šiyo ho lefaseng wa go Tshwarelana tsa mannete go tshwana le Jehova. Sa mathomo, o dula a tikemisele go re tshwarela. Sa bobedi, o re tšiba gabutši. Wa di tšiba tsa gore re ba mošaga mang fote wa di kgona go bona mo nkare re ya resa mo re re re ya tisola. Sa kararo, mo Jehova a re tshwarela o napa a ro sula ka mokana ga tsona tso re di sinnyeng. Tsotsone di maka gore re sa kokone ke lekwalo fote re jabolele le taba ya gore wa re yamogela. Di nyaka re sa lebale gore re nyoko fela re ya mahlong re kekemisa go gongwana ka taba la gore a ra yenela. Mara, mantsu ya ma leng ga puku ya Insight on the Scriptures, Volume 2, lephephe 771, ma re kgomoletsa mo ma re: “Ka taba la gore Jehova o kwelana go baba wa di kwisisa tsa gore malata yage ma nyoko fela ma kekemisa go gongwana, mara le mo go le ka mokgonone a di nyake ma dula ma kwisa go baba ke taba la tsa go kekema tso ma di makiyeng ka taba la gore a ma yenela. (Pis 103:8-14; 130:3) Mo malata ya Modimo ma ya mahlong ma karakara gore ma thogo maka tso a di nyakang ma ka jabola la go sa hlayisege. (Mafil. 4:4-6; 1 Joh. 3:19-22).” w22.06 7 ¶18-19

Fote taba ya go tšhaba go phigisa ke ba mmušo a yi thulusi yi ntoši yo Sathane a yi berekisang. Ga ba bangwana taba ya gore ba mutši wa bona ba nyoko re king mo ba yamogela nnete yi ba tshosanya go phala go hlorisiwa. Phela ba nyaka mašaga ya bona ka matla fote ba nyaka gore ba tšhute ba boye ba šutele thina ga Jehova. Byalo di ba kwisa go baba ka matla mo ba kwa mašaga ya bona ma sa bolabole Modimo wa mannete le batho bage gabutši. Ka dinako tse dingwana mašaga ya rune ya gore maa re phigisa mo goya-goya maa yi yamogela nnete. Mara o nyoko re king mo mašaga yago ma di kraya tsa gore ke wene Hlatse ya Jehova ke mokane ma sa sa yi kena yago? O nyoko maka byang? Nnete re tiyisa ke mantsu ya go bafala ya ma nyarelang ga Pisalema 27:10. Mo re gopola taba ya gore Jehova o re nyaka ka matla re kwa re sa tšhoge le ka gonyana mo ba re phigisa. Fote a re kamake gore mo re ka tiyisela o nyoko re rufa. Jehova o nyoko re pasopa ka tso re di gayelang a maka gore re dule re jabodiye fote re bebiye a boya a re gelepa gore re dule re na le senghana sa go tiya naye go phala ka mokgo rune re ka timakelang! w22.06 16-17 ¶11-13

Nakwela Jeso a tshwaraganne le mmereko wa go tšhomayela, ba yye ba mo hlayela matsaka ba re o kwana le go tlayila, o na le dipawu, o berekela Diyabolo, aa hlompe Sabatha fote o rogelelanya Modimo. (Mat. 11:19; 26:65; Luk. 11:15; Joh. 9:16) Mara, Jeso aa ba fetola a kwatiye. Le rune di nyaka re tshwane naye ga Jeso, re sa busetsi le mo ba ka fo ba ba re lebela. (1 Pet. 2:22, 23) Nnete ke gore di baba ka matla go fo kgomolela mara o kene o di tšiba tsa gore le wene wa di kgona tsa go patedisa. (Jak. 3:2) Re ka gelepa king mara? Mo mong wa mutši a thomisa go bolabola tsa go kekema, liketsa go di teyisa ka moya. Mogageru ye mongwana ye ba reng ke Sam o re, “Ke hlupega ka matla ka mong wa mutši gore a tšhute nnete ka Modimo le gore a ka tšhentšha.” Go gongwana mong wa mutši a ka fo kwatisa ke gore a re ya meta nako ya gabutši ya go mo vakašela. Mo re bolabola le motho wa gore o kwatiye ka matla, re ka teya thapelo ye nyana, re kgopele Jehova gore a re gelepe re dule re kgibiye fote re titshware gore re sa bolabole ka mokgwa wa go šupetsa gore a re kwelane go baba kela a re hlompe. w22.04 6 ¶8-9

Se segolo so se ka gelepang bana gore ba šutele thina le Jehova ke go tšhuta Bhayibele nabo. (2 Thim. 3:14-17) Fote Bhayibele yi bolabola ka mokgwa wo mongwana wa gore bo ba gore ba sa gola ba ka tšhuta ka Jehova. Ga puku ya Diyema, papa o gopotsa morwayi wage gore a sa tsoge a takisiye maahlo mekgwa ya Jehova ya gore yi bonala ga hlago. (Diy. 3:19-21) Nnete ke gore lune babelegi le di jabolela stereka tsa go tšwa le ye fokatsa le bo ba gore ba sa gola. Berekisaneng nako yonone gore le thogo gelepa bana ba lune ba bone gore “dilo tso a di makiyeng” le mekgwa ya Jehova ya go makatsa di fo re kwatla mo di tla kaye. (Marom. 1:20) Lebelela ka mokgo Jeso a berekisiyeng hlago mo a tšhutisa. Tšatši le lengwana o yye a kgopela malata yage gore ma lebelele dinonyane le dilili. (Luk. 12:24, 27-30) O yye a tšhutisa malata yage taba ye kgolo ka Papa wa bona wa legedimong gore aa konane fote o kwelana go baba ka go ba botsa gore: Jehova o nyoko fepa a boya a tšwesa malata yage ya go tshepega go fo tshwana le mo a pasopa dinonyane le mabhlomu ya ku tšhomong. w23.03 20-21 ¶1-4

Re ya mo leboga ga Jehova ka taba la gore o re thulele lešuba la gore re mo rapele re berekisa Morwayi wage. Jehova o berekisa Jeso gore a thogo re neya tso re di gayelang. Mo re rapela Jehova wa theetsela a boya a fetola merapelo ya rune yo re yi makang re berekisa lebitso la Jeso fote o re tshwarela ga tso re di sinyang a berekisa sehlabelo sa go lepolla sa Jeso. (Marom. 5:1) Mangwalo mo ma re hlatollela ka Jeso ma re, “moprista ye mogolo [o duli] ka letsogong la go ja la setulo sa go lawola sa Modimo ye Mogolo wa ku magedimong.” (Maheb. 8:1) Jeso ke “wa go re yemelela ga Papa.” (1 Joh. 2:1) Re mo leboga re sa fetsi ga Jehova ka taba la gore o re neyye Moprista ye Mogolo wa gore o kwelana go baba, wa kwisisa tso re ghulanang natso fote “wa re phophotela”! (Marom. 8:34; Maheb. 4:15) Hala le gore a go na sehlabelo sa Jeso ke mo di ka sa kgonege go šutela ga Jehova ka thapelo. Re ya di tšiba gore di ka sa makege le ka tšatši la mohlolo gore re re ga Jehova re šele re mo lebogiye go yenele ka tso a re makeleng tsona tsa go re neya Morwayi wage! w22.07 23 ¶10-12

Motho wa go tshepega o dula a bolabola nnete fote o karakara ka matla gore a make tso a di tshepisiyeng. (Pis. 15:4) Fote le batho ba bangwana baa di tšiba gore ba ka tikokotlela ka yene. Re nyaka magageru ma re tseya ka mokgonone. Re ka sa gapeletsi batho gore ba re tshepe. Di nyaka re karakara gore batho ba bangwana ba re tshepe. Re ya di tšiba tsa gore taba ya gore ba bangwana ba go tshepe yi tshwana le tšheleta. Di nyaka o karakara gore o yi kraye fote di lula gore yi fo ya le noka. A re kamake gore Jehova o ro karakara gore re thogo mo tshepa. ‘Dilo ka mokana ga tsona tso a di makang re ka di tshepa.’ (Pis. 33:4) Byalo o nyaka le rune re mo kopisela. (Maef. 5:1) Di re jabodisa ka matla tsa gore Jehova o re gogiye a re tšhela ka mutšing wage wa gore go na le batho ba go nyakanana le ba gore baa tshepega! Ka mokana ga rune re nyoko wa re tsoga gore re thogo šupetsa magageru gore ma ka re tshepa. Mo ye mongwana le ye mongwana a karakara ga taba ya go nyaka ba bangwana, go tinyanafatsa, go kwisisa, go kwana le nnete le go titshwara tsotsone di nyoko tšhela letsogo ga taba ya gore re tshepanane ka ho phutegong. Re nabela go kopisela ga Modimo wa rune Jehova fote re nyaka go šupetsa gore re ya tshepega. w22.09 8 ¶1-2; 13 ¶17

Le mo re na le magageru ya go tlala ka phutegong di ka makega gore re tikwe nkare re fo ba ntoši fote re kgongwetsa ke taba ya go nagana gore di nyaka rune beng re tirwalele mathatha yane ya rune. Jehova aa nyake le ka gonyana go bona re tikwa ka mokgonone. Lebelela gore o yye a gelepa moporofeta Eliya ka mokgo mang. Jehova o yye a hlohletsela Eliya gore a bolabole tso di mo hlupang. Ke ga mabedi a kene a butsisa Eliya gore: “Go ro maka byang?” (1 Mag. 19:9, 13) Ka nako ye nngwana le ye nngwana Jehova ne a theetsela gabutši mo Eliya a ntsha so se leng ka ho pelong. O yye a gelepa Eliya gore a sa kamake le ka gonyana o sa na a na le malata ya go tlala. (1 Mag. 19:11, 12, 18) A re kamake gore Eliya o yye a tikwa a yimulugiye ka matla ka nthago ga mo a butsiye Jehova ka mokana ga tsona tso di mo kokonang fote a kwile mo a mo fetola. Jehova o yye a neya Eliya mebereko ye mogolo. O mo kgopele gore a ye a kgete Hazayele gore go be kgoši ya Siriya, Jekgu go be kgoši ya Israyele ke mokane Eliša go be moporofeta. (1 Mag. 19:15, 16) Taba yonone ya gore Jehova o yye a neya Eliya mebereko yi gelepiye Eliya gore a dule a nagana tsa gabutši. Fote Modimo o yye a mo neya monghana wa gore o ko tshwarisana naye go leng Eliša. w22.08 8 ¶3; 9 ¶5

Ayitsano phutego ya lune yi yye ya yaga kela ya lukisa Holo ya Mmušo? Mo nkare go ka mokgonone a re kamake gore a o le lebale letšatši la mathomo lo le yyeng la tshwarela mogahlano ga Holo yone. Ke mo o leboga Jehova o sa fetsi. Gabutšibutši, ke mo o jabodiye la go šinya o nyaka le go lla wa boya wa šitega le go yepelela koša ya mo ba neyela Holo yone. Diholo tsa rune tsa Mmušo tsa gore ba di yagiye gabutši di thanakisa Jehova. Mara go na le mošaga wo mongwana wa mmereko wa go yaga wa gore mo re ka tšhela letsogo ga wona re nyoko napa re mo thanakisa ka matla. Mmereko wone o tšhela le selo se sengwana sa go tseyediwa gedimo ka matla go phala go fo yaga moyago. Wo tšhela le taba ya go tiyisa ba bangwana bo ba tlang ga meyago yone re makelang merapelo ga yona. Pawulo wa lepostola mo a šinya a bolabola mantsu ya ma leng ga temanyana ya lekgono. Pawulo wa lepostola o napa a re beyisela gabutši ga taba ya go tiyisa magagabo. Ke mo a ma kwela go baba. Re ka mo kopisela ka mokgo mang ga taba ya go tiyisa magageru lekgono.—1 Makor. 11:1. w22.08 20 ¶1-2

Mokreste wa gore wa di nyaka go loka maahlong ga Modimo o nyoko karakara ka matla gore a tshepege ga tso tsa dibhizinisi. Fote motho wa go loka o kwana natso tsa gore batho ba tshwariwe gabutši, aa di nyake tsa go bona motho ye mongwana ba mo tshwara bošidi. Motho wa gore nnete o lukiye ka matla o thomisa a lebelela gore Jehova o di tseya byang dipheto tso a di segelelang ‘gore a thogo maka tso [Jehova] a di nyakang gore a thogo jabola.’ Bhayibele yi re taba ya go loka yi tšwa ga Yene mong Jehova. Nka taba lo ba reng ke “poleke ya go dula ga yona ya go loka.” (Jer. 50:7) Ka taba la gore Jehova ke yene a Makiyeng dilo a go na ye mongwana wa gore a ka re beyela melawo ga taba ya gore ke sefeng sa gore se lukiye kela sa go sa loka. Fote Jehova wa di tšiba gore ke sefeng sa gore se lukiye le sa gore a se ya loka mara rune re ka sa di kwisisi gore ke ntaba a reyane. (Diy. 14:12; Jes. 55:8, 9) Mara ka gore Modimo o re makiye ka setshwano sage re ya di kgona tsa go berekisa melawo yage ya go loka mo re kene re phela. (Gen. 1:27) Fote tsone re kwana natso ka matla. Taba ya gore re mo nyaka ka matla ga Papa wa rune yi re tšhofa gore re we re tsoga re liketsa go mo kopisela.—Maef. 5:1. w22.08 27 ¶5-6

Mo re roba ke mathatha kela re kgongwele, di ya makega gore re kwe nkare di nyaka re maka se sengwana gore re lisetse go šekela ka matla ka mathatha ya re nang nawo. Phela tsone di ya kwagala, mara di nyaka re bone gore re sa nape re tlungwela ga taba ya go maka dilo tsa gore Jehova o di hloyye. (Maef. 5:10-12, 15-, 16) Ga lengwalo lo Pawulo wa lepostola a le ngwaleleng Makreste ya ku Filipi, o ma hlohletsele gore ma ye mahlong ma maka dilo “tsa go loka, . . . tsa go yela, . . . tsa gore di maka gore batho ba nyakanane [fote] le tsa gore ke tsa gabutši.” (Mafil. 4:8) Le mo yi le gore nakwela Pawulo a ngwala ne a sa bolabolele ga taba ya dilo tsa go tijabodisa mara tso a di ngwadiyeng di tshwanele di re hlohletsele ga taba ya go kgeta tsa go tijabodisa. Liketsa sowa ša: Mo o bona lentsu la gore “dilo” le nyarela ga temanyana yowa le tšhentšhe o tšhele “dikoša,” “dimuvi,” “dipuku,” kela “mekgano ya dividiyo.” Mo o maka ka mokgonone, di nyoko go gelepa gore o thogo bona gore ke difeng dilo tso Modimo a ka di yamogelang le tso a ka sa di yamogeleng. Re nyaka gore maphelelo ya rune ma yelane le melawo ya gabutši yo Jehova a yi beyyeng.—Pis. 119:1-3. w22.10 9 ¶11-12

Ku botala ba bangwana bo ba “go sa loka” ke mo ba maka dilo tsa go befa le tsa gore di ya tshosa. Byalo di nyaka ba tšhutisiwa gore ba ka berekisa melawo ya Jehova ka mokgo mang mo ba kene ba phela. Fote gore ba thogo di segelela tsotsone, Mmušo wa Modimo wo nyoko yeta mahlong ga mmereko wa go tšhutisa wa gore a sanka gwa ba le wo mogolo go tshwana nawo ho lefaseng. Mara bo ba gore a baa loka ba ko ba ba tšhutisa ke mang? Mmereko wone wo nyoko maka ke ba mogoba wo mogolo le bo ba gore ba lukiye ba gore ba ba tsusiye. Gore bo ba go sa loka mabitso ya bona ba ma ngwale ka pukung ya lephelo di nyaka ba ba le senghana le Jehova ba boye ba tineyele gage. Jeso Kreste le bo a yahlulang nabo ba ko ba ba lebelele bo ba gore a baa loka gore ayitsano baa tšhentšha kela dho. (Kut. 20:4) Mo go ka ba le wa gore aa theetsele mo ba mo gelepa ba nyoko mo tlosa le mo yi le gore o šele a na le 100 ya mengwaga. (Jes. 65:20) Phela Jehova le Jeso baa di kgona tsa go bona dipelo byalo ba ka sa dumelele gore go be le motho le ka wwoši wa gore o nyoko dunghanya dilo ga lefase la nyuwane.—Jes. 11:9; 60:18; 65:25. w22.09 17 ¶11-12

Ga temanyana yowa mantsu ya gore, “bo ba yetang mahlong” ma rela batho ba go lawola ba gore ba na le matšhika ya go lawola batho ba bangwana. Makreste le wona ma yeta mahlong ke memmušo ya lefase lowa. Memmušo yone yi maka gore dilo di sepele gabutši, batho ba latelele molawo fote ka dinako tse dingwana yi yemelela le batho ba Jehova. (Kut. 12:16) Byalo, re theetsela molawo wa gore di nyaka re patela mothelo re theetsela re boya re hlompa bo ba go lawola. (Marom. 13:7) Mara, memmušo yone yi na le matšhika ka taba la gore Jehova o yi dumelele gore yi be nawo. Jeso o makiye gore tšhiko yone yi nape yi kwagala gabutši nakwela Ndhuna ya Leroma yo ba reng ke Pontiyo Pilato a mo hlaba ka diputsiso. Mo Pilato a bolabola ka matšhika ya a nang nawo ya go phonisa Jeso kela go mo lisetsa gore ba mmolaye, Jeso o mmutsiye gore: “Nke o se na matšhika ho gaka, hala o sa ma neya ke Modimo.” (Joh. 19:11) Go fo tshwana le matšhika yaa Pilato ne a le nawo, batho ka mokana ga bona ba go lawola kela ba dipolotiki lekgono matšhika ya bona maa kgera. w22.10 14 ¶6

Kgoši Dafita di yye dya mo tšhofa gore a ngwale ka lephelo gore le nyoko ba byang mo kgoši ya ku mahlong ya go hlalefa ya gore fote ya tshepega yi šele yi duli setulong sa go lawola. (Pis 37:10, 11, 29) Re dula re balela ba bangwana Pisalema 37:11 mo re bolabodisana ka Pharadeyisi ya gore yi sa ga tla. Re maka tsotsone ka taba la gore Jeso o yye a hlaya mantsu yane nakwela a Tšhutisa a le ku Thabeng go šupetsa gore taba yowa yi nyoko makega ku mahlong. (Mat. 5:5) Mara mantsu ya Dafita ma boya ma šupetsa gore lephelo le nyoko ba byang mo go šele go lawola Kgoši Solomoni. Nakwela Solomoni a lawola Israyele, batho ba Modimo ne ba tikwisa ka go beba fote ba ja mothebenene ga naga ya gore yi “yela lebese le mamapo.” Modimo o yitseri: “Mo nkare le ya mahlong le latelela le go theetsela melawo yaka . . . , Ke nyoko maka gore go bebe hone nageng, le nyoko ro tiketla, go se na le wa go le hlagasedisa.” (Lef. 20:24; 26:3, 6) Dilo tsone di makegiye nakwela Solomoni go le Kgoši ya Israyele. (1 Dikor. 22:9; 29:26-28) Mantsu ya ma leng ga Pisalema 37:10, 11, 29 ma makegiye ku botala fote ma sa nyoko makega le ku mahlong. w22.12 10 ¶8

Ka taba la gore ke rune Makreste ya mannete, di nyaka re sa gane mo ba re yetetsa. Bhayibele yi re yeletsa ka tsa gore re thogo phomelela mo yi re: “O nyoko lwa ntwa o yetetsa ke go hlalefa fote mo ba go yeletsana ba tlele maphomela ke ya gabutši.” (Diy. 24:6) Lebelela gore tšhiko yowa re ka yi berekisa ka mokgo mang gore re thogo phomelela ga mmereko wa rune wa go tšhomayela le wa go tšhutisa. Mara mmereko wa go tšhomayela a re wo make ka mokgo rune beng re nyakang, re liketsa go latelela so ba re botsang sona gore re wo make ka mokgo mang. Tso ba re yetetsang ka tsona re di kraya megahlanong ya rune ya Sekreste, ga gore re tšhuta mokgwa wa gabutši wa go tšhutisa ka Bhayibele ga ba bangwana. Go tokegela gana hone, mokgahlo wa Jehova wo re neya dikgatiso le dividiyo tsa gore di ka gelepa batho gore ba kwisise Bhayibele. Re di leboga re sa fetsi tso Lentsu la Modimo le re yetetsang ka tsona! Mola go se ka lona ne re nyoko ba ba ga mang mara? Tla re tikemiseleneng go dula re maka tso Jehova a re yeletsang ka tsona mo re kene re phela.—Diy. 3:13-17. w22.10 23 ¶18-19

Mo re ja tsa go ja di boya di ghayega mmele wa rune wa tiyelela, go fo tshwana le mo re bala Lentsu la Modimo re boya re ghayela ka lona, tumelo ya rune yi napa yi tiyelela. Ga taba ya Lentsu la Modimo, Jehova o nyaka gore re le kwisise gabutši. Tsotsone re ka di maka ka go rapela, re bala re boya re ghayela. Re thomisa ka go rapela gore re thogo kwisisa dilo ka mokgo Jehova a di tseyang. Ke mokane re bala se sengwananyana sa go tšwa ka ho Bhayibeleng. Re ya yemanyana gore re thogo ghayela re boya re nagana gabutši ka tso re di balang. Maphomela go nyoko ba mafeng? Mo re dula re ghayela pelo ya rune ya go tshwanisela yi nyoko moma Lentsu lo la Modimo. Mara ke ntaba di nyaka re bala Bhayibele re boya re ghayela ka yona? Mo re maka ka mokgonone, re nyoko ba le matšhika ya go ya mahlong re tšhomayela ka molayetsa wa Mmušo gana byalo fote di nyoko re gelepa gore re thogo sabalatsa molayetsa wa go yahlula wa gore wo teya go baba. Fote, mo re ghayela ka mekgwa ya gabutši ya Jehova, tsotsone di nyoko tiyisa senghana so re nang naso naye. w22.11 6-7 ¶16-17

Jeso o šupetsiye gore a yi malata yage fela ya ma ko bonang gore Makreste ya mannete ke bomang, mara le bo go seng Makreste ba ko di bona gore ke bafeng, mo ba bona ba šupetsana gore ba nyakanana ba sa timakisi. Fote ka mokgo batho ba Jehova ba šupetsanang gore baa nyakanana di ro makatsa. Nnete ke gore Dihlatse Tsa Jehova a dya yenela. (1 Joh. 1:8) Fote mo re šele re tšiba magageru gabutši ka ho phutegong, ke gona mo re thomisang go bona mo ba kekemisang. (Marom. 3:23) Sa go kwisa go baba ke gore, ba bangwana ba lisetsiye tso ba bangwana ba kekemisang ga tsona di ba phiriketsa fote di maka gore ba lisetse go berekela Jehova. Jeso o šupetsiye mapostola yage ka mokgo mang gore o ma nyaka ka matla? Fote re ka di kgona byang lekgono go yekisela mošupetso wa Jeso? Wa tšiba di ka ba gabutši ka matla gore le Dihlatse di tiputsise diputsiso tsone. Go maka ka mokgonone, go ko re gelepa gore re thogo šupetsana gore re nyakanana tsa mannete fote a re timakisi, ka matlamatla mo re sa lebale gore re sa nyoko sinyelana.—Maef. 5:2. w23.03 26-27 ¶2-4

Re ka litela dintshitshire tsa gore di tšwa ka ho phutegong, mo lefase lowa le kene le bakiye mafelelong. Dintshitshire tsone di ka liketsa taba ya rune ya gore re ya tshepega ga Jehova. Byalo, di nyaka re berekise monagano wa rune gabutši. Mo o kwa nkare mogageru aa go tshwara gabutši, o sa nape o pipegana ka matla. Mo ba go wolola di sa go tšebisi, yamogela mo ba go wolola fote o potolle mo di nyakang o potolla gona. Fote mo mokgahlo wa Jehova wo tšhentšha se sengwana sa gore le wene se ya go yama, yamogela ka pelo ye tšhwewu fote o latelele molawo. Mo taba ya gore wa tshepega yi liketsiwa, dula o tisamela ka Jehova le mokgahlo wage. Dula o kgibiye, go nagana gabutši o boya o lebelela dilo ka mokgo Jehova a di lebelelang. Rapela Jehova gore a go gelepe. Fote o sa tsoge o tihlawolele kgole le phutego. Le mo go ka teya leduma la mošaga mang, Sathane a ka sa tsoge a phomelele ga taba ya go go yahluganya le Jehova kela mokgahlo Wage.—Jak. 4:7. w22.11 24-25 ¶14-16

Bagolo ba gelepa magageru gore ma tilukiselele go soko bane go ba le kotsi. Ba maka se sengwana gore ba gelepe ka mokana ga bona ka ho phutegong gore ba tšibe tso ba tshwaneleng ba di make gore ba dule ba tšhireletsegiye, le gore bagolo ba ka ba kraya byang. Wene o ka ma ying? Mo go ka fo ba le kotsi thinanyana le mo o dulang, butsisa bagolo gore o ka gelepa ka mokgo mang. O ka gelepa ka go bula mutši wago, wa yamogela bo ba gore ne di nyaka gore ba šiye magaye ya bona kela wa yamogela bo ba berekang ka tsa go gelepa bo ba weleng ke kotsi. Fote mo di kgonega o ka gelepa ka go yisa tsa go ja ga batšhomayedi ba gore baa di hloka. Le mo kotsi yi ka ba gona ga gore ke kgolenyana o ka gelepa. Ka mokgo mang? Ka gore mo o rapela o tšhele le bo ba weleng ke kotsi. (2 Makor. 1:8-11) Fote o ka thega mmereko wa go gelepa bo ba weleng ke kotsi ka go neyela ka go di nyaka ga mmereko wa lefase ka mokana ga lona. (2 Makor. 8:2-5) Mo nkare o ka di kgona go ye gelepa ga poleke ya gore go wile kotsi mara ke kgole, butsisa bagolo gore o ka di makamaka byang tsotsone gore o thogo ye gelepeng. Mo nkare ba go memme gore o ye gelepeng, ba nyoko thomisa ka go go tšhutisa gore di makamakiwa byang, ke kaye mo o nyoko berekang gona fote ke kaye mo ba nyoko bang ba go hloka. w22.12 24 ¶8; 25 ¶11-12

Hlatollo ye nngwana yi beya temanyana ya lekgono ka mokgo: “Tso di le tlelang tsa go le roba di tlela le batho ba bangwana.” Taba yone ke mo ba yi ngwalele banna le basadi ba Makreste ba gore ba dula Korente. Ba bangwana ke mo go le ba go sa tshepege ga bo ba šadhiyeng nabo, go le banna ba go kwana le banna fote go le ba go tlayila ka matla. (1 Makor. 6:9-11) Ayitsano o nagana gore ka nthago ga mo ba kolobetsiwwe a sanka ba vakašela ke taba ya go nabela tsa go kekema? A go ka mokgonone le ka gonyana. Ke nnete gore ka mokana ga bona ke mo go le Makreste ya go tlotsiwa, mara go sa le batho ba go sa yenela. A re kamake gore le bona ne di nyaka gore ba dule ba lwa nawo mokgwa wowa wa go nabela tsa go kekema. Wa tšiba le rune tsotsone di ya re tiyisa. Ke ntaba mara? Ka taba la gore di fo šupetsa gore mo o kene o kikirisana le tsa go kekema tso o di nabelang, ye mongwana o di hludiye. Ke nnete gore le ka dula le maka gore “tumelo ya lune yi sa tekateke, le kene le di tšiba gore magageru … ma gahlana le tsa mošaga wonone.”—1 Pet. 5:9. w23.01 12 ¶15

Jeso o yye a kgopela Jehova gore a beye malata yage lihlo. (Joh. 17:11) Ke ntaba tsotsone di re tiyisa? Ka taba la gore Jehova o na le matšhika go phala manaba ya rune kgole. (1 Joh. 4:4) Fote Jehova o kgona go bona dilo ka mokana ga tsona. A re kamake gore mo re ka tshepela gage, re ka sa tshosanye ke selo fote re nyoko šupetsa gore re šišimele. Ayitsano o kwa di go tšebisa go hlaya gore ke wene Hlatse ya Jehova mo o le sekolong kela mmerekong? Ayitsano wa jikajika mo di tla ga taba ya gore o thomise go ba motšhomayedi kela o kolobetsiwe o tšhaba gore ba bangwana ba nyoko go tseya byang? O sa yikele selo se maka gore o lisetse go maka dilo tsa gore wa di tšiba gore ke mong tsona. O sa lisetse go rapela Jehova. Mo kgopele a go neye lešiši la gore o make tso yene a di nyakang. Mo o kene o di bona gore Jehova o fetola merapelo yago, o nyoko fo ya o tiyelela o boya o šišimala.—Jes. 41:10, 13. w23.01 29 ¶12; 30 ¶14

Jeso o yye a butsisa putsiso ya gore, “Anthe a le ya bala?” gore a thogo yi beya lekgwaying taba ya gore Mafaraseyi ne ma sa kwisisi Mangwalo gabutši. (Mat. 12:1-7) Ka nako yonone, Mafaraseyi ma f’lo thoma taba ya gore malata ya Jeso ma tludiye molawo wa Sabatha. Mo Jeso a fetola o hlayye Mangwalo ka mabedi fote a hlaya le temanyana ya gore yi ga Hoseya go šupetsa gore Mafaraseyi ne ma sa kwisisi molawo wa Sabatha fote ne ma sa kwelane go baba. Ke ntaba barena bowa ne ba sa lisetse tso ba di balang ka Lentsung la Modimo di ba kutšetsela? Ka taba la gore ne ba bala ba kene ba kakodiye magetla. Mokgwa wa bona wa go kekema wo ba teyye ka puku gore ba sa kwisisi tso ba di balang. (Mat. 23:23; Joh. 5:39, 40) Lebelela le Matewu 19:4-6, ga gore Jeso o yye a butsisa Mafaraseyi putsiso yenela ya gore: “Anthe a le ya bala?” Le mo ne ma šele ma badiye taba ya go bolabola ka tso Modimo a di makiyeng, ma yye ma yi takisa maahlo taba ya ka mokgo Modimo a tseyang mošadho. Re tšhuta se sengwana ga mantsu ya Jeso ya gore di nyaka re bale Bhayibele ka mokgwa wa gabutši. Re sa tshwane le Mafaraseyi ya gore ne ma sa tinyanafatse fote ma sa tikemisela go tšhuta. w23.02 12 ¶12-13

Ga Melawo yo Jehova a yi neyyeng setšhaba sa Israyele ne go na le tsa go ma pasopisa ga taba ya gore ma ka titšhireletsa byang mo go nyarela kotsi ka mutšing kela mmerekong. (Ek. 21:28, 29; Dot. 22:8) Mo ye mongwana a ka bolaya motho a sa tikemisela go nyoko ba le molato wo mogolo. (Dot. 19:4, 5) Molawo ne wo re ba wolole le mong ba gore ba kwaletsa ngwana wa gore aa soko belegiwa. (Ek. 21:22, 23) Mangwalo ma di beya lekgwaying gore Jehova o nyaka gore re kganele kgole le dilo tsa gore di ka maka kotsi. Re šupetsa gore re leboga lephelo lo Modimo a re neyyeng lona ka go le tšhireletsa mo re le gaye le mo re le mmerekong. Mo nkare di nyaka re lahla dilo tsa gore di ya sega, dikhemikhale tsa gore go ka ba tšhefu kela dihlare, di nyaka re di lahle ga gore di ka sa kwaletsi ba bangwana fote re ka di beya ga gore bananyana ba ka sa kgone go di segelela. Mo re gotsa mollo, re bidisa meetši fote re berekisa dithulusu tse dingwana re dula re ntshiye maahlo dikwakweng gore re sa tloge re di šiya di ntoši. Re ka sa dhrayivi koloyi mo nkare go na le dihlare tso re di nwang tsa gore di ka re kobodisa ke mokane ra maka kotsi, ra dhrayiva re kene re tlayila kela mo nkare re tinnwe kela re sa yetsela gabutši fote a re ya tshwanela go dula re ngangarele difowunu tsa rune re kene re dhrayiva. w23.02 21-22 ¶7-9

Jehova o lefisa pelo, o kwelana go baba fote ke thitšere ya go kwisisa. O lebelela tsa gabutši ga bo a ba tšhutisang. (Pis. 130:3) Fote aa lebelela gore re mo makele dilo tsa gore re ka sa di kgone. O sa lebale gore ke yene a makiyeng byoko byago go leng selo sa gabutši so a go neyyeng sona. (Pis. 139:14) Ye a re makiyeng o nyaka gore re ye mahlong re kene re tšhuta re boye re tikwise. Phela re ko ba re šupetsa gore re hlalefiye mo re ka maka gore re “wongwe” nnete ya ka ho Bhayibeleng gana byalo. (1 Pet. 2:2) Tipeyele tso o nyakang go di segelela tsa gore o ka di kgona o boye o ngangarele letheto lone la go bala le go tšhuta Bhayibele ka moka matšatši. (Još. 1:8) Mo o gelepa ke Jehova o nyoko thomisa go jabolela go bala o boya o tšhuta ka yene o sa fetsi. Go fo tšiba nje a gwa napa go yenela. Phela mo o tšhuta tsa go tlala ka Jehova, di nyoko go gelepa gore o mo tšibe o boye o be le mekgwa ya gabutši ya go tshwana le go mo nyaka ka matla le go dumela gage. (1 Makor. 8:1-3) Mo o kene o ya mahlong o tšhuta, o sa lisetsi go kgopela Jehova gore a go gelepe o thogo ba le tumelo ya go yeketsega. (Luk. 17:5) Merapelo ya mošaga wonone wa yi fetola wa tšiba. w23.03 10 ¶11, 13

Jeso ke mo a nyaka gore malata yage ma dule ma tshwaraganne mo ma kene ma yemele dinako tsa mafelelo gore di segele. Jeso o ma neyye mmereko. O ma butsiye gore ma tšhomayele ditaba tsa go bafala “Jerusalema ka mokana ga yona le Judiya le Samariya, go segela dipolekeng tsa kgole tsa lefase.” (Meber. 1:6-8) Phela wone ne go le mmereko wo mogolo! Ma yye ma berekisa nako ya wona gabutši ka go maka tso ma ka di kgonang gore ma tšhomayelele ba bangwana. Gore re thogo tipasopa, di nyaka re tineye nako ya go naganisisa ka mokgo re ka berekisang nako ya rune gabutši. “Dilo tso di fo makegang re sa di yemela” di ka tlela ye mongwana le ye mongwana. (Mmo. 9:11) Re ka fo tsoga re ragiye pakete. Re ka berekisa nako ya rune gabutši ka go maka tso Jehova a di nyakang fote re tiyise senghana sa rune naye. (Joh. 14:21) Di nyaka ‘re sa tekateki, re karakare ga tso tsa Morena.’ (1 Makor. 15:58) Ke mokane mo go ka fela ka rune kela gwa segela nako ya gore go fele ka lefase lowa, re ka sa tisole le ka gonyana re nabela gore nke re makele Jehova tsa go tlala.—Mat. 24:13; Marom. 14:8. w23.02 18 ¶12-14