April

Tiputsise gore: ‘Nna ke titshwara byang mo ba ng’wolola? Ayitsano ke yakgoswa ke dumela gore ke kekemisiye kela ke liketsa go tshwana le hlapi ka meetšing? Ayitsano ke liketsa go sola ba bangwana, ke re ke makisiye ke bona?’ Mo o kene o bala ka banna le basadi ba go tshepega ba ka ho Bhayibeleng lebelela ka mokgo ba yyeng ba tshwaragana le ditaba tsa mošaga wonone. Ga taba ye nngwana le ye nngwana, tiputsise gore: ‘Nka ma kopisela byang malata yawa ya go tshepega ya Jehova?’ Fote di ka re berekela ka matla go tšhuta ga bo re rapelang nabo, ba banyana kela ba bagolo. Mo re beyisa, ayitsano go na le ye mongwana ka phutegong ya lune wa gore o fo ya mahlong a kene a tshepega le mo a kgahleletsiye ke dintshitshire tsa go tshwana le tsa dithaka, go phigisa ke mašaga kela go tilwalela? Ayitsano o bona a na le mekgwa ya gabutši ya gore le wene o nyoko tšhuta gore o be nayo? Mo o ka lebelela tsa gabutši tso a di makang, o ka tšhuta ka mokgo wene o ka tiyiselang dintshitshire tso o gahlanang natso. Re leboga re sa fetsi ka taba la gore re na le mešupetso yo re ka yi kopiselang ga taba ya go tshepega—phela tsotsone dya jabodisa!—Maheb. 13:7. w22.04 13 ¶13-14

Mo re gahlana le seyemo sa gore se ya thathafa, re leboga ka matla mo mogolo a berekisa nako yage gore a re theetsele a boya a re kgomoletsa. Mo go na le tso di re tlonyang ga taba ya go tšhutisa ba bangwana Bhayibele, re jabola ka matla mo mošupatsela wa gore ke botala a tšhutisa ba bangwana a dumela go ya le rune mo re ya gwe tšhutisa motho a boya a re botsa gore re ka potolla kaye. Magageru yane ka mokana ga wona ma jabolela go re gelepa. Byalo le rune re ka tšhela letsogo ga taba ya gore re nape re jabola ka matla mo re ka tikemisela go makela magageru se sengwana. Mo o nyaka go yeketsa mmereko wago ga taba yowa kela ya go tshwana nayo, o ka gelepa king gore o thogo segelela tso o di nyakang? Mo o kgeta tso o nyakang go di segelela, di nyaka o thomise ka go tšiba gore gabutšibutši o nyaka go segelela ying. Mo re beyisa, o ka tipotsa gore, ‘Ke nyaka go yeketsa tso ke di makang ka ho phutegong.’ Mara mo o sa di tšibi gore ke difeng dilo tsa gona, o ka kraya di thathafa go tšiba gore o nyoko di segelela ka mokgo mang tsotsone fote di ka sa be lula gore o thogo bona mo o šele o di segelele. Byalo, maka gore so o nyakang go se segelela se be lekgwaying, o se tšibe. O ka šinya o di ngwala fase tso o nyakang go di segelela o boye o ngwale le gore o nabela go di segelela ka mokgo mang. w22.04 25 ¶12-13

Gana byalo Jehova o tikgobaketsela “mogoba wo mogolo” wa batho fote o ba tšhutisa gore ba tle ba phele ka tlase ga Mmušo wage. (Kut. 7:​9, 10) Le mo batho ba go tlala ho lefaseng lekgono ba yahluganne ka taba la go kwana le dintwa mara bo ba mogoba wo mogolo ba liketsa ka matla gore ba hlule dilo tsone ka mokana ga tsona tsa go šupetsa go hlawolana go ya ka ditšhaba, ditšo le go fo kwa o nyenya motho nje. Ba napa ba šupetsa gabutši ka tso ba di makang gore ba tšhentšhiye digale tsa bona ba di maka matsepe. (Mmik. 4:3) Ba kganela kgole le taba ya go kenakena ga tsa dintwa tsa gore di fetsa maphelo ya batho, ke mokane ba gelepa batho gore ba kraye “lephelo la gabutši” ka go ba tšhutisa ka Modimo wa mannete le ka tso a tikemiseleng go di maka. (1 Thim. 6:19) Di ka makega gore mašaga ya bona ma ba phigise kela ba hlupega ka taba la go gayela sekwetše mo ba kene ba thega Mmušo wa Modimo mara Jehova o maka se sengwana gore ba kraye tso ba di hlokang. (Mat. 6:​25, 30-33; Luk. 18:​29, 30) Tsotsone di maka gore re sa kamake gore Mmušo wa Modimo ke wona-wona fote wo nyoko fo ya mahlong wo maka tso Jehova a tikemiseleng go di maka. w22.12 5 ¶13

Mo go fela 1 000 ya mengwaga, batho ka mokana ga bona ho lefaseng ba ko ba ba šele ba yenele. A go na le motho ka wweši ye a ko bang a sa na le senyama ka taba la tso Adamo a yyeng a di sinya. (Marom. 5:12) Senyama so se leyyeng ke taba la tso Adamo a yyeng a di sinya se ko ba se fediye. Ka taba la tsotsone bo ba leng ho lefaseng ba nyoko “tsoga” go le batho ba gore ba yenele mo go fela 1 000 ya mengwaga. (Kut. 20:5) Re di tšiba gabutši gore Jeso o yye a phakgela Sathane ku kgole mo a liketsa go maka gore a lisetse go tshepega. O yye a fo dula a tshepega le mo ba mo liketsa. Mara ayitsano batho ka mokana ga bona ba nyoko ba ba tikemisele go maka ka mokgonone mo Sathane a thulegela ke lešuba la gore a ba liketse? Ye mongwana le ye mongwana o nyoko yi tšiba phetolo ya putsiso yone mo Sathane ba mo tlemolla ku sekoting mo go fela 1 000 ya mengwaga. (Kut. 20:7) Ba gore ba šupetsiye gore baa tshepega mo ba liketsiwa la mafelelo ba nyoko kraya lephelo la go ya go yye fote ba nyoko jabolela go lokologa ga mannete. (Marom. 8:21) Bo ba gore ba tšhinghela Modimo ba nyoko psyitlanyiwa ggoši le Diyabolo le madimona yage.—Kut. 20:​8-10. w22.05 19 ¶18-19

Seporofeto sone se yye sa makega nakwela Sathane a kutšetsela Majuda le Maroma gore ma bolaye Morwayi wa Modimo. (Luk. 23:​13, 20-24) Go fo tshwana le mo serethe sa mannete se na le sethogo ke mokane se maka gore motho a sa kgone go sepela gabutši, Jeso le yene o yye a kgwa ka nakonyana ke mokane a sa sa kgona go maka selo a fo re tse ku lebitleng matšatši ka mararo. (Mat. 16:21) Seporofeto so se leng ga Genesi 3:15 ne se ka sa makege hala Jeso a f’lo ya mahlong a tiketselele ku lebitleng. Ke ntaba re reyane? Ka taba la gore seporofeto sowa se re pewu ke yona yo yi nyoko psyitlanyang hlogo ya noga. Ne di nyaka sethogo sa Jeso sa ho seretheng se fole. Tsotsone di yye dya makega! Matšatši ka mararo ka nthago ga mo Jeso a kgwile ba yye ba mo tsosa go le lengeloyi la gore a le sa kgwa. Jeso o nyoko psyitlanya Sathane ke mokane a fetsa ka yene ka nako yo Modimo a yi beyyeng. (Maheb. 2:14) Bo ba nyoko lawolang le Kreste ba nyoko tšhela letsogo ga taba ya go suwelanya manaba ya Modimo ho lefaseng—go leng pewu ya noga.—Kut. 17:14; 20:​4, 10. w22.07 16 ¶11-12

Lune babelegi, gelepaneng bana ba lune gore ba tikrayele banghana ba gabutši. Lentsu la Modimo le di beya lekgwaying tsa gore banghana ba rune ba ka re hlohletsela go maka tsa gabutši kela ba re kutšetsela go maka tsa go befa. Ayitsano le ya ba tšiba banghana ba bana ba lune? O ka maka byang gore o thogo gelepa bana bago gore ba nghanelane le ba gore ba mo nyaka ka matla ga Jehova? (1 Makor. 15:33) O ka ba gelepa gore ba šupetse gore ba hlalefiye mo ba kgeta banghana ka gore o meme ba bangwana ba gore ba tiyelele ga tso tsa Modimo gore ba be le lune mo le na le tso le di makang tsa gabutši. (Pis. 119:63) Pape mongwana ye ba reng ke Tony o hlatolla gore: “Mengwaga yo ka mokana ga yona nna le mosadi waka ne re fela re mema magageru ya banna le basadi ba go sa lekane ka mengwaga fote ba gore ba gudisiwwe ka mekgwa ya go sa tshwane. Ke mo ba tla ba ja le rune ke mokane re tshwara morapelo wa mutši re le ka moka. Wowa ke mokgwa wa gabutši wo o ka wo berekisang mo o nyaka go tšiba bo ba nyakang Jehova ka matla ba boya ba mmerekela ba jabodiye. . . . Mo bana ba rune ba kwa tso ba gahlanneng natso, ba bona matšato ya bona le ka mokgo ba tineyeleng, tsotsone ne di ba gelepa gore ba nape ba šutela thina ka matla le Jehova.” w22.05 29-30 ¶14-15

Mo bagolo ba gelepa motho wa gore o sinnye, ba nyaka go segelela sepheto so ba šeleng ba se segelele ku legedimong. Mara taba yonone yi gelepa phutego ka mokgo mang? Yi maka gore motho wa gore o sinnye wa gore a ka kutšetsela dinku tsa Jehova a ntshiwe. (1 Makor. 5:​6, 7, 11-13; Tito 3:​10, 11) Tsotsone di ka gelepa ye wa gore o sinnye gore a tisole a boye a sokologe gore Jehova a thogo mo tshwarela. (Luk. 5:32) Bagolo ba nyoko rapela ba mo kgopelela ga Jehova gore a mo gelepe gore a thogo hluhlutela ga tso tsa Modimo. (Jak. 5:15) Mo motho wa gore o sinnye a fo womisa hlogo mo bagolo ba liketse go bolabodisana naye, o nyoko ntshiwa ka phutegong. Mara mo nkare motho yene hlogo yage yi thomisa go bereka gabutši ke mokane a tisola a boya a sokologa, Jehova o tikemisele go mo tshwarela. (Luk. 15:​17-24) O nyoko mo tshwarela le mo yi le gore o yye a sinya ka matla.—2 Dikor. 33:​9, 12, 13; 1 Thim. 1:15. w22.06 9 ¶5-6

Jehova o gelepiye Makreste lefaseng ka mokana ga lona gore ma hlule dintshitshire fote ma di kgonne go phigisa Diyabolo. (1 Pet. 5:9) Le wene o ka di kgona. Go se botala, Jehova o nyoko botsa Jeso le bo a lawolang nabo gore ba “fetse ka dilo ka mokana ga tsona tso Diyabolo a di makang.” (1 Joh. 3:8) Ka nthago batho bo ba berekelang Modimo ho lefaseng ba ka sa sa “tshosanya ke selo fote go ka sa sa ba le sa go ba hlagasedisa.” (Jes. 54:14; Mmik. 4:4) Mo re sa litele gore tsotsone di makege di nyaka re karakara gore re thogo hlula tso di re tshosanyang. Di nyaka re kikitela taba ya gore re sa kamake gore Jehova o nyaka malata yage ka matla fote wa ma tšhireletsa. So se ka re gelepang ke gore re dule re ghayela re boye re bolabole gore Jehova o yye a ma tšhireletsa ka mokgo mang malata yage ku botala. Fote di nyaka re gopola gore rune o yye a re gelepa ka mokgo mang mo re le mathatheng. Mo Jehova a re gelepa re nyoko di hlula tso di re tshosanyang!—Pis. 34:4. w22.06 19 ¶19-20

Mmušo wa lefase wa gore wo yemela “mawoto ya tshipi le letsopa” go šele go lawola wona gana byalo. Wo thomisiye ka Ntwa ya Mathomo ya Lefase mo Brithani le United States di maka senghana sa mmušo wa Makgowa le Maamerikha. Sethombhe so Nebukhadinezara a se loriyeng se re botsa dilo tso di makang gore mmušo wowa wo sa tshwane le memmušo yela ye mengwana. Mmušo wowa wa Makgowa wo tshwarisanne le Maamerikha a wo tshwane le memmušo yela ye mengwana ka taba la gore wona a wo yemele ke gholdi kela silva mara wo gahlanisiye tshipi le letsopa. Letsopa lone le yemela “batho.” (Dan. 2:43) Di fo ba lekgwaying lekgono gore ka taba la gore batho bone ke bona ba kutšetselang tsa divowutu, megoba ya go lwela gore batho ba tshwariwe gabutši, ditoyitoyi le mekgahlo ya go lwela dibereki batho bone ke bona bo ba makang gore mmušo wa lefase wo sa di kgone tsa go napa wo lawola gabutši. w22.07 4-5 ¶9-10

Ayitsano o fo kwa o kamaka mo di tla ga taba ya go kolobetsiwa? Di ka gelepa ka matla mo o ka tiputsisa gore, ‘Anthe go hakiye kaye gore ke kolobetsiwe?’ (Meber. 8:36) Lebelela ka mokgo Jeso a yyeng a tshwanisa go maka tso Papage a di nyakang le tsa ja. Ke ntaba mara? Re hloka tsa go ja gore re dule re philegiye. Jeso wa di tšiba gore tso Jehova a reng re di make di berekela rune. Jehova aa nyake gore re make dilo tsa gore di ka feleletsa di re kwaletsa. Ayitsano Jehova wa di nyaka gore le wene o kolobetsiwe? Eya. (Meber. 2:38) Byalo, o ka tshepa o tiyisiye gore mo o ka theetsela taba ya gore o kolobetsiwe, a go jiki yi nyoko go berekela. Mo nkare a o jikajiki mo o tshwanele o je dikhenekhene, byalo ke ntaba o jikajika mo di nyaka gore o kolobetsiwe? Anthe go hakiye kaye? Ba go tlala ba ka fetola ka gore, “Ke sa lukisa.” Taba ke gore go segelela sepheto sa go tineyela ga Jehova o boya o kolobetsiwa a yi go kgana. Byalo, di nyaka o nagane gabutši ka sepheto sone fote di ka tseya nako le gore motho a tshwanelege. w23.03 7 ¶18-20

Mo ba mo tlotsa ka moya wa go hlawolega Jeso go yye gwa ba yene sekopa sa mathomo sa pewu ya mosadi. Ka nthago ga mo Jeso a kgwile fote ba mo tsusiye, Modimo “o makiye gore a hlompiwe fote a gadimisiwe” fote o yye a mmeya gore a “lawole . . . legedimong le lefaseng,” a boya a mo neya matšhika ya “gore a tl’le fetsa ka dilo ka mokana ga tsona tso Diyabolo a di makang.” (Maheb. 2:7; Mat. 28:18; 1 Joh. 3:8) Mara go sa nyoko ba le sekopa sa bobedi sa pewu. Pawulo wa lepostola o hlayye gore sekopa sowa sa pewu ke bomang nakwela a bolabola le Makreste ya gore ma tlotsiwwe mara go se Majuda o yitseri: “Mo nkare le malata ya Kreste, gabutšibutši le ditlogolwane tsa Abhrahama fote le nyoko kraya so a tshepisiwweng sona.” (Magal. 3:​28, 29) Mo Jehova a tlotsa Makreste ka moya wa go hlawolega motho yenene go ba pewu ya mosadi. Byalo, ga pewu yowa re tšhela Jeso Kreste le bo a ko lawolang nabo ba 144 000. (Kut. 14:1) Batho bowa ka mokana ga bona ba liketsa ka matla go nagana le go maka dilo go tshwana le Papa wa bona Jehova Modimo. w22.07 16 ¶8-9

Re ya di tšiba gore ka dinako tso tsa mafelelo re nyoko tlela ke dintshitshire tsa go sa fele. (2 Thim. 3:1) Ka nako yonone re ka tikwa re kgongwela fote di re kgahleletsiye la gore re sa sa tšiba ditaba tsa rune ka matla-matla mo nkare tso di re welang di fo tla di lategetsanne kela di pepulanne. Mara o sa lebale gore Jehova wa re pasopa fote mo a re gelepa re nyoko teya re tshwarelele ga dintshitshire tsone. Lebelela gore Jehova o yye a mo gelepa ka mokgo mang monna wa go tshepega ye ba reng ke Jobo. O yye a tlela ke dintshitshire tsa go fo tla di kene di lategetsanne ka nakonyana ye nyana. Jobo ba mmutsiye ka bokgohlane byo bo yyeng bya maka gore a lobe merape yage, go kgwe malata yage fote sa go kwisa go baba ka matla ke gore go kgwile le bana bage. (Jobo 1:​13-19) Ka nthagonyana ga mone, mo Jobo a sa re o tikgomoletsa ka tso di mo makegeleng o yye a fo thomisa go lwala a kena ke bolwele ba gore bo mo šiya a sa bonale le gore ke yene. (Jobo 2:7) Jehova ke mo a kene a mo pasopa ga Jobo. Ka taba la gore Jehova ke mo a mo nyaka ka matla ga Jobo, O yye a mo neya tso ne a di gayela gore a thogo tiyisela dintshitshire. w22.08 11 ¶8-10

Di ya baba go wolodiwa. Re ka tseya nkare ba re wolodiye ba kene ba totometsa kela ba sa re kwele go baba. Tsotsone di ka maka gore re sa kwisisi taba ye kgolo ya gore mo Jehova a re wolola o ba a šupetsa gore o re nyaka ka matla. (Maheb. 12:​5, 11) Byalo, yamogela mo ba go wolola fote o potolle mo di nyakang o potolla gona. Jeso o yye a wolola Petro ga go tlala mapostola ya mangwana ma kene ma le gona. (Mar. 8:33; Luk. 22:​31-34) Di ka makega gore tsotsone di yye dya mo tšebisa ka matla ga Petro! Mara, Petro o yye a fo dula a tshepega ga Jeso. O yye a yamogela mo ba mo wolola a boya a tšhuta ga tso a di kekemisiyeng. Byalo, taba ya gore Petro ke mo a tshepega yi yye ya maka gore Jehova a mo rufe, a boya a mo neya mmereko wo mogolo ka ho phutegong. (Joh. 21:​15-17; Meber. 10:​24-33; 1 Pet. 1:1) Mo re sa dulele go nagana ka gore go wolodiwa di tšebisa go segela kaye, re yamogela mo ba re wolola re boya re potolla mo di nyakang re potolla gona, tsotsone di nyoko re berekela di boya di berekela ba bangwana. Mo re ka maka ka mokgonone, re pomela Jehova le magageru mmereko wa gore ba sa kamake mo di nyaka ba re berekise. w22.11 21-22 ¶6-7

Abhrahama ke mo a di tšiba tsa gore Jehova ne a ka sa make dilo tsa go sa loka kela tsa bošidi. Pawulo wa lepostola o yi beyye gabutši mo a re, Abhrahama o yye a tipotsa gore Jehova o nyoko di kgona tsa go tsosa morwayi wage Isaka. (Maheb. 11:​17-19) Phela o sa lebale gore Jehova ke mo a tshepisiye gore Isaka go nyoko ba papa wa setšhaba fote ka nako yonone Isaka ke mo a se na ngwana. Abhrahama ke mo a mo nyaka ka matla ga Jehova, tsotsone dya maka gore a di tshepe tsa gore Papage o nyoko maka tsa go loka. Ka taba la gore ne a na le tumelo o yye a theetsela le mo di roba. (Gen. 22:​1-12) Re ka mo kopisela ka mokgo mang ga Abhrahama? Le rune di nyaka re ya mahlong re tšhuta ka Jehova go fo tshwana naye. Mo re kene re maka ka mokgonone re ko ba re šutela thina naye fote re napa re mo nyaka tsa nkare ke moka. (Pis. 73:28) Re nyoko tšhutisa lekwalo la rune ka go tseya dilo ka mokgo Modimo a di tseyang. (Maheb. 5:14) Mo re maka ka mokgonone re ka sa dumele mo motho ye mongwana a liketsa go re makisa tsa go befa. Re nyoko hloya le mong go maka se senyananyana sa gore se ka kwisa Papa wa rune go baba sa gore fote se ka sinya senghana so re nang naso naye. w22.08 28-29 ¶11-12

Mo ba boyela Listara, Ikoniyamo le ku Anthiyoko, Pawulo wa lepostola le Bharenabhase ba yye ba “hlawola bagolo ga phutego ye nngwana le ye nngwana.” (Meber. 14:​21-23) A re kamake gore bagolo bone ba gore ba yye ba ba hlawola ke mo ba tiyisa diphutego ka matla go fo tshwana le ka mokgo bagolo ba makang lekgono. Barena lune bagolo, ntshaneng maahlo dikwakweng gore le thogo gelepa bo ba gore ba fo nyaka go kwa le hlaya “mantsu ya gabutši” ya gore maa tiyisa. Pawulo o yye a botsa magagabo gore ma sa lebale gore, “mogoba wo mogolo wa dihlatse” wo yye wa tiyisela dintshitshire ka taba la gore Jehova ne a wo neya matšhika. (Maheb. 12:1) Pawulo ke mo a di kwisisa gore tso di yyeng dya makegela ba ku botala ba gore ba yye ba hlula ga taba ya go tiyisela dintshitshire tsa mošagašaga di ka hlohletsela magagabo gore ma šišimale fote dya ma gelepa gore ma sa yi takisi maahlo “poleke ya Modimo wa go phela.” (Maheb. 12:22) Go fo ba ka mokgonone le lekgono. Ayitsano wo gona ye a ka reng a di ya mo tiyisa le ka gonyana mo a bala ka mokgo Jehova a gelepiyeng Ghidiyone, Bharake, Dafita, Samuwele le ba bangwana ba go tlala?—Maheb. 11:​32-35. w22.08 21-22 ¶5-6

Byalo bo ba gore ba ba tsusiye ba nyoko ba yahlula ga dilo difeng tso ba di “makiyeng”? Ayitsano ba nyoko ba yahlula ka tso ba di makiyeng nakwela ba soko kgwa? Awwa! O sa lebale gore nakwela ba kgwa ba tshwarediwwe ga tso ba di sinnyeng. Byalo tsone di rela gore a di kgonege gore ba ba yahlule ba lebelele tso “ba di makiyeng” ku nthago. Mara di nyoko ya ka tso ba di makang ka nthago ga mo ba ba tšhutisiye ga lefase la nyuwane. Phela le banna ba go tshepega ba go tshwana le Nnowa, Samuwele, Dafita le Daniyele di nyaka ba ba tšhutisa ka Jeso Kreste gore ba thogo šupetsa tumelo ga sehlabelo sage. Mo nkare banna bo ba go tshepega di nyaka ba tšhuta, tsotsone di ra gore bo ba gore a baa loka di nyaka ba napa ba kena fase! King so se nyoko makegang ka bo ba gore ba fo tiwomisa dihlogo mo ba ba thulela lešuba la gore ba tšhentšhe? Kutullo 20:15 yi re: “Fote ye mongwana le ye mongwana wa gore lebitso lage a le ya ngwadiwa ka pukung ya lephelo, o bošediwwe ledhamong la mollo.” Eya, ba nyoko psyitlanyiwa ke mokane go napa go fela ka bona. Taba yowa yi napa yi re šupetsa gore re ko ba re maka gabutši ka matla mo re karakara gore mabitso ya rune ma ngwadiwe ka pukung ya lephelo fote ma dule ma le gana hone! w22.09 19 ¶17-19

Dipheto tso re di segelelang ga taba ya gore re nyaka ba re yalafe ka mokgo mang, re di tseya ga tso re di tšhutiyeng ka ho Bhayibeleng. (1 Thim. 3:9) Mo re segelela dipheto fote re bolabola le ba bangwana ka tsona, re ko ba re maka gabutši go berekisa tšhiko yo yi leng ga Mafilipi 4:5 ya gore: “Makaneng gore go kwisisa ga lune go tšibe ke batho ka mokana ga bona.” Mo re kwisisa, a re nape re šekela ka taba ya gore re philegiye byang. Magageru re ma nyaka ka matla fote re ya ma hlompa le mo ma sa segelele dipheto tsa go tshwana le tsa rune. (Marom. 14:​10-12) Re ba re šupetsa Jehova gore re ya mo leboga Yene ye a re neyyeng lephelo mo re le pasopa re boya re mo makela tso re ka di kgonang. (Kut. 4:11) Tsa gana byalo re lebanne le taba ya go lwala le tsa go sasamela. Mara re di tšiba gabutši tsa gore a yi ka mokgo ye a re Makiyeng ne a nyaka gore re phele ka gona. Go se botala, o nyoko re neya lephelo la go ya go yye la gore ga lona a go na tsa go baba le mong likgu. (Kut. 21:4) Ye lune, phela di gabutši ka matla mo re kene re phela re tšwa re tshwere taba ya go berekela Papa wa rune wa ku legedimong wa gore o re nyaka ka matla, Jehova! w23.02 25 ¶17-18

Jehova o makiye gore di šupetse gore ke yene wa ku malenghelengheng ga “bo ba yetang mahlong.” (Marom. 13:1) Lebelela kararo ya mešupetso ke yowa. Faro wa ku Egepita o yye a maka batho ba Jehova mabhantiti, fote ke gatleletlele a gana go ba lisetsa gore ba sepele. Mara Modimo o yye a ba tlemolla ke mokane a maka gore Faro a kgwele ku Lewatleng le Lekhubedu. (Ek. 14:​26-28; Pis. 136:15) Kgoši Bhelešatsara wa ku Bhabhilona o yye a maka monyanya wo mogolo “a fo ba le magetla mahlong ga Morena wa magedimo” fote “o thanakiye medimo ya silva le gholdi” a sa thanake Jehova. (Dan. 5:​22, 23) Mara Modimo o yye a mo nyanafatsa monna yene wa go tipotsa. Bhelešatsara ba yye ba mmolaya “bošego bobone,” ke mokane mmušo wage ba wo neya Mamede le Maperesiya. (Dan. 5:​30, 31) Kgoši Heroda Aghripa wa mathomo wa ku Palestine o yye a bolaya Jakobo wa lepostola ke mokane a bošela Petro wa lepostola jele, a tikemisele gore o nyoko fetsa ka yene. Mara Jehova a sanka a dumela gore polane yone ya Heroda yi phomelele. “Lengeloyi la Jehova la maka gore a lwale ka nako yonone,” ke mokane a kgwa.—Meber. 12:​1-5, 21-23. w22.10 15 ¶12

Mo re kene re tšhuta ka taba ya ka mokgo Jehova a yyeng a pasopa malata yage ya go tshepega ya ku botala, tshepo ya rune yi napa yi tiya. Dilo ka mokana ga tsona tso di leng ka Lentsung la Modimo “di ngwalediwwe go re tšhutisa, gana byalo re ya tiyisela ka gore go na le tso re tshepisiwweng tsona, tsa gore di nyoko makega fote tso re di krayang ka ho Mangwalong di ya re kgomoletsa.” (Marom. 15:4) Ghayela ka mokgo Jehova a yyeng a maka tso a di tshepisiyeng. Lebelela tso Modimo a yyeng a di makela Abhrahama le Sara. Ke mo ba šele ba titsufalele la gore di ka sa be lula gore ba kraye bana. Mara, go yye gwa makega tso Modimo a ba tshepisiyeng ke mokane ba kraya ngwana. (Gen. 18:10) Mara Abhrahama o f’lo re king? Bhayibele yi re: “Ke mo a tshepa fote a na le tumelo ya gore o nyoko ba papa wa ditšhaba tsa go tlala.” (Marom. 4:18) Le mo batho ne ba ka tseya gore a go na so Abhrahama a ka se makang ga seyemo sone, yene ke mo a tshepa gore Jehova o nyoko maka tso a di tshepisiyeng. Monna yene wa go tshepega a sanka ba mo tšebisa. (Marom. 4:​19-21) Ditaba tsa go tshwana le tsowa di re tšhutisa gore ka moka nako re mo tshepe ga Jehova gore o nyoko di maka tso a di tshepisiyeng. w22.10 27 ¶13-14

Mantsu yane ma yye ma makega nakwela Majuda ba ma lokolla bobhantiting. Jehova o tišupetsiye go le yene Thitšere ye Kgolo mo ba yetetsa ke yene, fote batho bage ba yye ba phomelela mo ba tsosa morapelo wa mannete. Le rune lekgono, re rufegiye la go sa hlayisegi ka taba la gore Jehova ke Thitšere ya rune ye Kgolo. Jesaya o re tshwanisiye le bo ba tšhutisiwang ba gore ba tšhutisa ke Jehova, mo a re: “O nyoko bona Thitšere ye Kgolo ka maahlo yago.” Ga mošupetso wowa, Thitšere yi bonala yi yemme mahlong ga bo yi ba tšhutisang. Ye lune, phela ke taba ye kgolo ka matla ga rune go tikraya re tšhutisa ke Modimo lekgono. Jehova o re yetetsa ka mokgo mang? O berekisa mokgahlo wage. Di re jabodisa ka matla mo Jehova a re yetetsa ka dilo tsa go kwagala a berekisa mokgahlo wage! Tso ba re tšhutisang tsona megahlanong, megahlanong ye mogolo, megahlanong ye megolonyana, ka di kgatiso tsa rune, setiši sa JW le mekgwa ye mengwana di re gelepa gore re tiyisele dintshitshire re kene re jabodiye. w22.11 10 ¶8-9

Mo di tla ga nako yo dilo tso di nyoko makegang ka yona ya gore Jerusalema yi psyitlanyiwe le “dinako tsa mafelelo,” Jeso o yitseri: “A go na ye a tšibang gore dilo tsone di nyoko makega leng, le mangeloyi ya legedimong le mong Morwayi a ba di tšibi, mara go tšiba Papa a ntoši.” Ke mokane a pasopisa malata yage gore ma ‘dule ma hlahlamme’ fote ma ‘dule ma ntshiye maahlo dikwakweng.” (Mar. 13:​32-37) Makreste ya Majuda ya ku botala ne di nyaka ma dula ma ntshiye maahlo dikwakweng; phela tsotsone ne di rela lephelo la wona. Jeso o butsiye bo ba mo latelelang gore: “Mo le bona Jerusalema yi kgobakanele ke masole, le nape le di tšiba gore yi thina le go psyitlanyiwa.” Ka nako yonone ne di nyaka ba theetsele tso Jeso a ba pasopisiyeng ka tsona ke mokane “ba thomise go tšhabela dithabeng.” (Luk. 21:​20, 21) Bo ba yyeng ba yi tseyela hlogong taba yowa ba yye ba phona mo Maroma ma fetsa ka Jerusalema. Lekgono re phela mong mafelelofelelong ya dinako tsa mafelelo ya lefase lowa la go befa. Byalo, le rune di nyaka re dule re ntshiye maahlo dikwakweng fote re sa kobole. w23.02 14 ¶1-2; 16 ¶3

Jehova o tšhutisa malata yage gore ma tshepege ma boye ma kwane le tsa go loka. Tsotsone di ba gelepa gore ba be le serithi fote ba tikwe ba yitse tswee. (Diy. 13:​5, 6) Ayitsano o yye wa bona Jehova a go makela tsotsone mo o kene o bala Bhayibele? O di bonne gore ka mokgo Jehova a makang dilo di gabutši ga batho ka mokana ga bona le ga wene mong. (Pis. 77:13) Byalo, o nyaka go maka tso Modimo a reng di lukiye. (Mat. 6:33) O nyaka go yemelela nnete o boya o šupetsa gore tso Sathane a di hlayyeng ka Jehova Modimo ke mong letsaka. O ka di maka byang tsotsone? Maphelelo yago ma ka di beya lekgwaying gore o ganana le matsaka ya Sathane fote o thega so go leng nnete. O ka maka tsotsone ka go šupetsa gore o nyaka gore Jehova go be yene a go Lawolang o boye o make tso a reng di lukiye. Tsotsone o ka di maka byang? Rapela Jehova, o tineyele gage o boye o šupetse mahlong ga batho gore o tineyele ka go kolobetsiwa. Go kwana le nnete le tsa go loka ke tsona tso di ka go tšhofang gore o šinye o kolobetsiwe. w23.03 3 ¶4-5

Go na le go beba ga gore batho ba lefase lowa a ba soko go tanya. Ke ga gore “Modimo o nyoko maka gore le bebe,” go leng go kgiba ga gore re go kraya ka taba la go nghanelana le Papa wa rune wa ku legedimong. Mo Modimo a makiye gore re bebe re fo kwa re sa tšhabe selo. (Mafil. 4:​6, 7) Re jabolela go ba le mong senghanaghana le ba bangwana ba gore le bona ba mo nyaka ka matla. Fote taba ya gore “Modimo o nyoko maka gore le bebe” yi maka gore re nape re jabolela senghana so re nang naso naye. (1 Mathes. 5:23) Mo re gahlana le seyemo sa go thathafa, go fo tšiba Papa wa rune, go mo tshepa le go mo theetsela ga taba ya gore o nyoko maka gore re bebe, tsotsone di ka re gelepa gore re kgibe mo re yilametsa ke mešekelo. Ayitsano di ya kgonega gore Modimo a make gore motho a dule a bebiye le mo go na le mathatha ya go tshwana le go kutulugela ke bolwele, go wela ke kotsi, batho go maka gore go sa lawolege kela go na le go hlorisana? Mathatha ya mošaga wonowa ma ka maka gore re fo dula re tšhugiye. Sa go jabodisa ke gore magageru ma yye ma latelela tsotsone mo Jeso a ma yetetsa ka mantsu ya gore ma ga temanyana ya lekgono. Le mo tsa go ba ghula di ba tshwarisiye bothatha ba yye ba fo dula ba bebiye ka taba la gore ba gelepa ke Jehova. w22.12 16 ¶1-2

Re ka sa di kgone go lawola dilo ka mokana ga tsona tso di re tlelang. Byalo, di ko ba gabutši ka matla gore re sa nagane gore Jehova o re tseyela gedimo ka taba la mebereko yo re mo makelang yona fote re sa liketse go titshwanisa le ba bangwana ba gore ba jabolela go makela Jehova mebereko ya gore a yi tshwane le ya rune. (Magal. 6:4) Di gabutši ka matla go dula re lebelela gore re ka gelepa ba bangwana ka ying. Maka gore o krayege mo ba nyaka ye a ka makang mmereko ga tso tsa Modimo, ka gore o sa hlekeletse dilo tsa go tlala tsa lephelo fote o kganele kgole le dikoloto. Thomisa ka go kgeta dilo tse dinyana tso o nyakang go di segelela gore o thogo segelela tse dikgolo. Mo re beyisa, mo nkare se segolo so o nyakang go se segelela ke gore go be wene mošupatsela wa nako ka moka, ke ntaba o sa thomisi gana byalo o bereka go le wene mošupatsela wa go gelepa o sa tshidisi? Mo nkare o nyaka go ba lelata ka ho phutegong, ke ntaba o sa berekisi nako yago ga mmereko wa tšhomo? Tso o di tšhutang gana byalo di nyoko go thulela lešuba la gore ba go neye mebereko ye mengwana yo o ka yi makelang Jehova ku mahlong. Tipotse gore o nyoko karakara ka matla gore o make se sengwana le se sengwana ga mmereko wo ba go neyang wona. w22.04 26 ¶16-17

Jehova a ka re gelepa gore re tiyisele dintshitshire mo re kene re phela fote re jabolele mmereko wa rune wa go hlawolega. Mo re rapela Modimo re mo kgotolela tso di re kokonang, Jehova a ka yakgoswa a re neya matšhika ya gore re tiyisele seyemo sone. Fote mo nkare dintshitshire tsone a di yakgoswe di fela, re ka kgopela Jehova gatleletlele gore a re neye matšhika ya gore re tiyisele. Phela le yene o re re make ka mokgonone. Tsotsone di nyarele ga mantsu ya Jesaya ya gore: “Ga [Jehova] le sa mo khutsisi.” (Jes. 62:7) Di ra gore king tsotsone? Mo re rapela Jehova di nyaka re mo rapele gatleletlele tsa nkare a re nyake go bona Jehova a khutsa. Mantsu ya Jesaya ma re gopotsa mešupetso ya Jeso ya go bolabola ka thapelo yo yi leng ga Luka 11:​8-10, 13. Gana hone, Jeso o re hlohletsele gore ‘re ye mahlong re kgopela’ moya wa go hlawolega. Fote re ka kgopela Jehova gore a re yetetse mo di nyaka re segelela dipheto tsa gabutši. w22.11 8 ¶1; 9 ¶6-7

Wene le ba mutši wago le ka thomisa gana byalo go tilukiselela go hlorisiwa. O sa liketse le ka gonyana o re o nagana ka dilo tsa go befa tsa gore di ka fo makega. Mara liketsa ka matla gore o tiyise senghana sago le Jehova o boye o hlohletsele bana bago gore ba make ka mokgonone. Mo nkare ka dinako tse dingwana o fela o vakašela ke taba ya go šekela, kgotolela Modimo so se leng ka pelong yago. (Pis. 62:​7, 8) Ka mokana ga lune le le mutši petapetaneng ka taba ya gore ke ntaba le tshwanele le mo tshepe ga Modimo. Le mo go ka fo nyarela kotsi, taba ya go lukiselela le ya go tshepa Jehova yi ka gelepa bana bago gore ba šišimale ba boye ba tikwe ba kgibiye. Re tikwa re tšhireletsegiye ka taba la gore Modimo o makiye gore re bebe. (Mafil. 4:​6, 7) Ka taba la tsotsone, Jehova o makiye gore dipelo tsa rune di kgibe le mo lekgono re kikirisana le malwele, dikotsi le go hlorisiwa. O berekisa bagolo ba gore ba karakara ka matla gore ba re dise. Fote o re thulele lešuba la gore ye mongwana thuše ye mongwana. Taba ya gore re jabolela go dula re bebiye gana byalo yi nyoko re lukiselela ga tsa go sasamela tso di sa tlang le ga “motšhatšhamelo wo mogolo.”—Mat. 24:21. w22.12 27 ¶17-18

Di nyaka re liketse ka matla gore re sa kikiti ke lekwalo ka taba la tso re di sinnyeng ku botala. Nnete ke gore, re ka sa tsoge re tseyye sehlabelo sa go lepolla go le so re ka phemang ka sona gore re “tlwayele go sinya ka bomu.” (Maheb. 10:​26-31) Mara re ka tshepa re tiyise gore mo re sokologiye tsa mannete ga tso re di sinnyeng, re kgopele Jehova le bagolo gore ba re gelepe fote re lahliye mekgwa ya rune, Jehova o re tshwarele. (Jes. 55:7; Meber. 3:19) Sehlabelo sa go lepolla se na le matšhika ya go kogela ka mokana ga tsona tso re di sinnyeng fote se nyoko maka gore lephelo le be gona Pharadeyising. Gana hone lephelo le ka sa tsoge le tshwatisiye. Re ko dula re gahlana le batho ba go jabodisa fote re na le mmereko wa go jabodisa. Sa go di phala ka moka ke gore, letšatši le lengwana le le lengwana re nyoko tšiba Papa wa rune wa ku magedimong gabutši re boye re tikwise ka tso a re neyyeng tsona. Go nyoko dula go na le tse dingwana tso re ka di tšhutang ka yene fote re nyoko tšhuta tsa go tlala ka tso a di makiyeng. w22.12 13 ¶17, 19

“Mosadi” yewa di ka sa makege gore go be Efa. Seporofeto se hlayye gore pewu ya mosadi yi nyoko “psyitlanya” hlogo ya noga. Noga ke Sathane wa gore ke lengeloyi fote di ka sa tsoge di kgonegiye gore motho wa go sa yenela wa gore ke pewu ya Efa a di kgone tsa go psyitlanya Sathane. Byalo Sathane ba nyoko mo psyitlanya ka mokgo mang? Mosadi ye ba bolabolang ka yene mo ga Genesi 3:15 baa hlaya gore ke mang ga puku ya mafelelo ya Bhayibele. (Kut. 12:​1, 2, 5, 10) Mosadi yene a yi fo ba mosadi nje! O na le ngwedi mo mawotong yage fote mo hlogong o yapere fapo ya gore yi na le 12 ya dinanedi. O kraya ngwana wa gore aa tshwane le bana ba bangwana go leng: Mmušo wa Modimo. Mmušo wone wa Modimo ke wa ku legedimong byalo di rela gore mosadi yewa le yene ke wa ku legedimong. O tshwanisela sekopa sa mokgahlo wa Jehova go leng mangeloyi ya go tshepega. (Magal. 4:26) Lentsu la Modimo le re gelepa gore re tšibe gore sekopa sa mathomo sa pewu ya mosadi ke mang. Ne di nyaka gore go be setlogolwane sa mannete sa Abhrahama.—Gen. 22:​15-18. w22.07 15-16 ¶6-8

Jehova o re neyye Bhayibele ya gore yi tlele ka tsa go hlalefa tsa go tšwa gage. Mayele ya Bhayibele ma gelepiye batho ba go tlala ka matla. Bhayibele yi tšhentšha maphelo. Mo Moše a ngwala dipuku tsa mathomo tsa Bhayibele o butsiye Maisrayele gore: “Mantsu yawa a yi ya go kgana mara ma rela lephelo ga lune.” (Dot. 32:47) Bo ba yyeng ba theetsela Mangwalo yane ne ba nyoko phomelela fote ba tikwise ka lephelo. (Pis. 1:​2, 3) Le mo yi le gore Lentsu la Modimo ba le ngwadiye botala, le sa na le matšhika ya go maka gore maphelo ya batho ma kawonege. Ditšhiko tsa ka ho Bhayibeleng ke tsa go ya go yye fote di berekele batho ba gore ba phidiye ga dinako tsa go sa tshwane. Mo re kene re bala puku yone ya go hlawolega re boya re ghayela ka tso re di tšhutiyeng, Ye a yi Ngwadiyeng o berekisa matšhika yage go leng moya wa go hlawolega gore a re gelepe re thogo bona ka mokgo re ka berekisang tso Bhayibele yi re yeletsang ka tsona mo re kene re phela. (Pis. 119:27; Mal. 3:16; Maheb. 4:12) Nnete ke gore, Ye a Ngwadiyeng Bhayibele wa gore wa phela o dula a tikemisele gore a re gelepe. Ye lune, phela re fo kwa di re tšhofa gore re nyake go bala Bhayibele ka moka matšatši! w23.02 3 ¶5-6

Kutullo tema 13 mo yi ya mahlong yi re botsa gore hlogo ya kašupa go leng mmušo wa lefase wa Makgowa le Maamerikha ke wona fote wo wo yemelang phoolwane ya hlaga ya go ba le “manaka ka mabedi ya go tshwana le ya nku, mara ya thomisa go bolabola go tshwana le noga ye kgolo ya go tshosa ka matla.” Phoolwane yowa “yi maka mehlolo fote yi ro maka le gore mollo wo tšwe legedimong wo tla ho lefaseng batho ba kene ba lebelele.” (Kut. 13:​11-15) Kutullo tema 16 le 19 di hlatolla phoolwane yone ya hlaga ya go tshosa go le “moporofeta wa matsaka.” (Kut. 16:13; 19:20) Daniyele yi hlayye selo sa go tshwana le sowa mo yi re mmušo wa lefase wa Makgowa le Maamerikha wo nyoko “leya mafelelo ya go sasamela.” (Dan. 8:​19, 23, 24) Sosone ke sona so se yyeng sa makega ka Ntwa ya Bobedi ya Lefase. Dibhomu ka dipedi tsa atomic tso di yyeng dya maka gore ntwa yi fele ku Japane ke mo di makiye ke batho ba sayense ba Brithani ba tshwarisanne le ba Amerikha. Ka mokgonone mmušo wa lefase wa Makgowa le Maamerikha gabutšibutši wo yye wa maka gore “mollo wo tšwe legedimong wo tla ho lefaseng.” w22.05 10 ¶9