May

Ka nthago ga mo Johane a bonne mogoba wa legedimong o yye a bona “mogoba wo mogolo ka matla wa batho.” Mogoba wo mogolo a wo tshwane le wola wa 144 000 ka taba la gore a go na motho ye a ka kgonang go wo balela. Ba re botsa ying ka bona? Johane o re: “Bowa ke bo ba gore ba tšwa ga motšhatšhamelo wo mogolo fote ba hlatswiye dikobo tsa bona gore go be tse ditšhwewu ka madi ya Nku.” (Kut. 7:14) Mo bo ba “mogoba wo mogolo ka matla wa batho” ba šele ba phonne motšhatšhamelo wo mogolo ba nyoko dula ho lefaseng ke mokane ba jabolela tsa gabutši tso ba ba rufang ka tsona. (Pis. 37:​9-11, 27-29; Diy. 2:​21, 22; Kut. 7:​16, 17) Di sa yi ka gore ba re hlawodiye gore re ye phela legedimong kela ho lefaseng, ayitsano taba yo yi hlatollang ke Kutullo tema 7 le rune re ya kena ga yona? A go jiki. Phela yone go ko ba go le nako ya go jabodisa ka matla ga megoba ka mmedi ya malata ya Modimo! Re ko ba re jabodisa ke gore re kgetiye go thega Mmušo wa Jehova. w22.05 16 ¶6-7

Mo nkare di yye dya nyaka gore o segelele sepheto se segolo, a re kamake gore o thomisiye ka go rapela gore Modimo a go hlalefise gore o thogo bona dilo gabutši. (Jak. 1:5) Kgoši Solomoni o ngwadiye gore: “Ka matlamatla di nyaka re hlalefe.” (Diy. 4:7) Re ya di tšiba gore Solomoni ne a sa bolabole ka taba ya go tšiba dilo ka matla kela ya gore motho wa pasa mo a le sekolo. Mara ke mo a bolabola ka go hlalefa ga gore motho o go neya ke Jehova Modimo. Ayitsano mo Jehova a re hlalefisa tsotsone di nyoko re gelepa gore re thogo hlula mathatha ya re gahlanang nawo lekgono? Eya go fo ba ka mokgonone. Mokgwa wo mongwana wo wo ka napang wo re gelepa gore re hlalefe ke gore re tšhute re boye re berekise tso di tšhutisang ke banna bowa ka babedi ba gore ba ba hlompa ka taba la gore ba hlalefiye. Wa mathomo ye re ka tšhutang gage ke Solomoni. Bhayibele yi re, “Modimo o makiye gore Solomoni a hlalefe a boye a kwisise dilo gabutši.” (1 Mag. 4:29) Wa bobedi ye re nyoko tšhutang gage ke Jeso, wa gore ne go se na motho ye mongwana wa gore o hlalefiye go tshwana naye. (Mat. 12:42) Seporofeto mo se bolabola ka Jeso se yitseri: “Moya wa Jehova wo nyoko mo koramela, moya wa go hlalefa le wa go kwisisa.”—Jes. 11:2. w22.05 20 ¶1-2

Taba ya go kgeta tso re nyakang go di segelela ga tso tsa Modimo a yi yi ka gore o na le mengwaga ka mekaye. Lebelela mošupetso wa mogageru ye mongwana wa mosadi ye ba reng ke Beverley wa gore o na le 75 ya mengwaga. Ke mo a lwala ka matla, a šitega le mong go ro sepela. Mara ke mo a nabela go tšhela letsogo ga letsima la go memela batho Segopotsong. Ne a tšiba tso a nyakang go di segelela. Beverley ne a jabodiye ka matla mo a šele a segelele tso a di nyakang ga letsima lone. Taba yone ya gore o yye a karakara ka matla yi tšhofiye ba bangwana gore le bona ba yeketse tso ba ka di makang ga mmereko wa go tšhomayela. Jehova o wo tseyela gedimo mmereko wo wo makang ke magageru yane ya banna le basadi ya gore ma tsofele, le mo seyemo se ba kgerela ga tso ba di makang. (Pis. 71:17) Tikgetele tso o nyakang go di segelela tsa gore di ya kgonega. Karakara gore o be le mekgwa yo yi ka makang gore Jehova a nape a go nyaka ka matla. Tšhuta mebereko ye mengwana ya gore yi nyoko go gelepa gore o berekise ke Jehova le mokgahlo wage. Lebelela tso o ka di makang gore o thogo berekela magageru o boye o ba makele dilo tsa gabutši. O nyoko tshwana le Thimothi, mo Jehova a go rufa, o ka maka gore “batho ka mokana ga bona ba thogo di bona gore o gudiye.”—1 Thim. 4:15. w22.04 27 ¶18-19

Mara o nyoko re king mo ka nthago ga mo o liketsiye dilo ka mokana ga tsona ke mokane bana bago ba fo tla ba re gago a re sa yi kena ya go berekela Jehova? Barena wene mmelegi o sa tseyi gore di go šitiye. Phela Jehova o makiye gore ka mokana ga rune le mong bana ba rune re tikgetele gore re nyoko mmerekela kela dho. O sa lahle tshepo ya gore o ko sologeng. Gopola mošupetso wola wa morwayi wa gore ne a lahlegiye. (Luk. 15:​11-19, 22-24) Mosogana yene ne a ro napa a keketlela ku kgole le tsa go loka mara o yye a feleletsa ka go sologa. Lune babelegi, ba le neyye mmereko wa go bafala ka matla go leng go gudisa batho ba gore ka motshwana go nyoko ba bona malata ya Jehova. (Pis. 78:​4-6) Re ya di tšiba tsa gore wone a yi mmerekonyana mara re le phaphatela matsogo ka taba la gore le wa le tsoga gore le thogo gelepa bana ba lune gore ba mo nyake ka matla ga Jehova le boya le ba gudisa le kene le ba wolola fote le ba yetetsa. Le sa kamake gore Papa wa lune wa gore o le nyaka ka matla wa ku legedimong o nyoko jabola.—Maef. 6:4. w22.05 30-31 ¶16-18

Gore ka ho phutegong go dule go bebiye fote re dule re mamarelanne, di nyaka ye mongwana le ye mongwana a make so a ka se kgonang. Lebelela mošupetso wa Makreste ya ku botala. Tso ne ba neyiwwe tsona ke mo di sa tshwane fote le mebereko yo ne di nyaka ba yi maka ke mo yi sa tshwane. (1 Makor. 12:​4, 7-11) Mara tsotsone ne di sa ba tšhofe gore ba bhetšisane kela di maka gore ba sa kwane. Pawulo o yye a ba hlohletsela gore ba neyele ka tso di nyakegang gore “ba yage mmele wa Kreste.” Pawulo mo a ngwalela Maefeso o yitseri: “Mo se sengwana le se sengwana se bereka gabutši, di maka gore mmele wo thogo gola ka taba la gore wo thogo tiyelela wo kene wo kwana.” (Maef. 4:​1-3, 11, 12) Bo ba yyeng ba liketsa go maka ka mokgonone ba makiye gore go bebe fote phutego yi be selo ka ssoši—yone ke mong yona mekgwa ya gabutši yo re yi bonang ga diphutego tsa rune tsa lekgono. Tikemisele go kganela kgole le taba ya go titshwanisa le ba bangwana. Mara o tšhute ga Jeso o boye o karakare ka matla gore o kopisele mekgwa yage ya go bafala. O sa kamake le ka gonyana gore Jehova “aa na pelo ye phifadu fote a ka sa lebale tso le di makiyeng.” (Maheb. 6:10) O di tseyela gedimo mo a go bona o karakara ka pelo yago ka mokana ga yona gore o mo jabodise. w22.04 14 ¶15-16

Phela di ya re yimulla go fo tšiba gore a re kene felo ga taba ya gore ayitsano Jehova wa mo tshwarela motho ye a sinnyeng kela dho! Mara le mo go le ka mokgonone, go na le so le rune re tshwaneleng re se make. Mara king sosone? Ka dinako tse dingwana di ka makega gore motho a re sinyele fote a re sinyele ka matla mara a boye a kgopele gore re mo tshwarele. Mara ye mongwana a ka sinya ke mokane a sa hlaye gore ke masopo. Mo go ka makega ka mokgonone, di ko ba gabutši gore re kgete go fo mo tshwarela ke mokane re yi fitise taba yone ya go fo dulela go mo kwatela. Go fo bolabola nnete, di nyoko tseya nako fote di nyaka re ro karakara ka matla mo nkare di šiyye sethogo se segolo. Sewokamelo sa September 15, 1994, se yitseri: “Mo motho a tshwarela ye mongwana tsone a di rele gore o kwana natso tsa go kekema tso a di makiyeng. Mara mo Mokreste a tshwarela o lisetsa gore Jehova go be yene ye a tshwaraganang le taba. Ke yene wa go Yahlula gabutši lefaseng ka mokana ga lona fote o nyoko lukisa dilo ka nako ya gona.” w22.06 9 ¶6-7

Jehova o tshepisiye gore ka dinako tso tsa rune o nyoko maka gore batho ba go tšwa ga ditšhaba ka mokana ga tsona, ditšo ka mokana ga tsona, batho ba mohlobo ka mokana ga wona le mebolabolo ba gahlane ga morapelo wa mannete. Lekgono, batho bone ba re ke “mogoba wo mogolo” ka matla wa batho. (Kut. 7:​9, 10) Le mo yi le gore ga mogoba wone go na le banna, basadi le bana ba go tšwa ga ditšo tsa go sa tshwane ke magageru ya lefase ka mokana ga lona ya gore ke selo ka ssoši. (Pis. 133:1; Joh. 10:16) Fote ba tikemisele go botsa bo ba ba theetselang ka tshepo yo ba nang nayo ya gore lefase le nyoko ba kawone. (Mat. 28:​19, 20; Kut. 14:​6, 7; 22:17) Mo nkare le wene o ga mogoba wone a re kamake gore o yi tseyela gedimo tshepo ya gore go nyoko makega tsa gabutši ku mahlong. Diyabolo o nyaka go re tsotsa tshepo yo re nang nayo. O tikemisele go maka gore re tseye nkare Jehova tso a re tshepisang a ka sa ro re makela. Mo Sathane a ka phomelela ga taba yone ya go re tshokanya tsotsone di nyoko re tapa matšhika re šinya re lisetsa go berekela Jehova. w22.06 20-21 ¶2-3

Mo tshepo ya rune yi tiyelele, di nyoko re gelepa gore re lome meno re tiyisele dintshitshire ka taba la gore a re kamake gore go se botala go nyoko loka ku mahlong. O sa lebale gore Jeso o hlayye gore ba nyoko re hlorisa. (Joh. 15:20) Byalo, mo re ka ghayela ka tso ba nyoko re rufang ka tsona tsa gore ba re tshepisa gore re nyoko di kraya ku mahlong di nyoko re gelepa gore re sa lisetse go berekela Jehova. Lebelela ka mokgo tshepo yo Jeso ne a le nayo yi yyeng ya mo gelepa gore a sa thogathoge le mo a tšiba gore o nyoko kgwa go baba. Ka Pentekoste ya 33 C.E., Petro wa lepostola o yye a hlaya seporofeto so se leng ga puku ya Dipisalema sa gore se yi beya gabutši taba ya gore Jeso ke mo a sa hlagasele le ka gonyana, o hlayye gore: “Ke nyoko dula ke go tshepa; ka taba la gore o ka sa nšiyi Lebitleng, fote a o nyake go bona setopo sa ye a tshepegang se bola. . . . Fote mo o le gona ke jabola ka matla.” (Meber. 2:​25-28; Pis. 16:​8-11) Jeso ke mo a tshepa a sa kamake gore Modimo o nyoko mo tsosa fote o nyoko boya a gahlana le Papage ku legedimong.—Maheb. 12:​2, 3. w22.10 25 ¶4-5

Tšatši le lengwana, mapostola ya mangwana ka mabedi go leng Jakobo le Johane, ba butsiye mmane wa bona gore a ye a kgopele Jeso gore a ba neye ditulo tsa mayemo Mmušong wa Modimo. (Mat. 20:​20, 21) Taba yo yi makiyeng ke Jakobo le Johane yi šupetsiye gore ke mo ba na le magetla fote ne ba nyaka go tseyediwa gedimo go phala ba bangwana. (Diy. 16:18) Phela ke mo go se Jakobo le Johane bo ba yyeng ba šupetsa ba na le mekgwa ya go sa loka ka letšatši lone. Lebelela gore mapostola yala ya mangwana ma yitseri king: “Mo lesome la bala ba bangwana ba kwa taba yone, ba yye ba kwatela bala ka babedi.” (Mat. 20:24) Nkare re šele re ya ma bona mapostola ya mangwana ma botsa Jakobo le Johane ditaba tsa bona. Mara Jeso o yye a tshwaragana le taba yone ka mokgo mang? A sanka a kwata. Fote a sanka a hlaya gore o ko tinyakela mapostola ya mangwana ya gore ma kawone, banna ba gore ba tinyanafatsiye ba gore fote ba tshwarana gabutši ba kene ba šupetsa gore baa nyakanana. Mara, Jeso o bolabodiye nawo a kene a lefisiye pelo ka taba la gore ne a di tšiba tsa gore ne ma nyaka go maka dilo tsa gabutši. (Mat. 20:​25-28) Jeso ne a dula a tshwara mapostola gabutši. w23.03 28-29 ¶10-13

O šele o segelele tsa go tlala. O yye wa bala Bhayibele o kenelela fote di ka makega gore tsotsone di go tsere mengwaga. Tso o di tšhutiyeng ka Bhayibeleng di go gelepiye gore o sa yi kamake taba ya gore Bhayibele ke Lentsu la Modimo. Fote go tokegela gana hone o šele o mo tšiba gabutši ye a Ngwadiyeng puku yowa ya go hlawolega. Se sengwana fote ke gore ga Jehova o napa o ro mo nyaka ka matla la go šinya o tineyela o ba lelata lage la go kolobetsiwa. Taba ye ka! A re kamake gore tumelo yago yi yye ya tšukatšukisiwa ka matla mo o šele o nyaka go kolobetsiwa. Mara mo o kene o gola ga tso tsa Modimo, o sa nyoko gahlana le dintshitshire tsa go tlala. Sathane o nyoko liketsa go go lahlisa taba ya go mo nyaka ka matla ga Jehova fote o khwanyudisa le ga taba ya go mmerekela. (Maef. 4:14) Wene o sa dumele yi makega taba ya mošaga wonone. Mara king so se ka go gelepang gore o dule o tshepega ga Jehova o boye o make tso o mo tshepisiyeng tsona? Tshwarelela ga taba ya go gola o sa fetsi o boye o “karakare” gore o be Mokreste wa gore o butšwiye.—Maheb. 6:1. w22.08 2 ¶1-2

Ye mongwana le ye mongwana ka mutšing di nyaka a bone gore aa ntshe ditaba tsa ka ho gaye ga batho ba bangwana. Mo re beyisa, di ka makega gore mosadi wa gore ke Mokreste o na le mokgwa wo mongwana wa gore monnage o nagana gore wa tshegisa. Ayitsano monna yewa a ka poyidisa mosadi wage ka go botsa batho taba yowa? A ka sa ro thomisa a maka taba ya mošaga wonone! O mo nyaka ka matla ga mosadi wage fote a ka sa nyake go maka selo sa gore se nyoko mo kwisa go baba. (Maef. 5:33) Bo ba gore ba sa gola baa di nyaka go hlompiwa. Byalo babelegi di nyaka ba sa yi tseyi ka gonyana taba yone. Ba ka sa poyidisi bana ba bona ka gore ba botse ba bangwana tso ba di kekemisang. (Makol. 3:21) Bananyana le bona di nyaka ba tšhuta go hlalefa, o sa kraye ba tlatsatlatsa ditaba tsa ka ho gaye ga batho ba bangwana ka taba la gore tsotsone di ka poyidisa ba bangwana ba ka ho mutšing. Mo ye mongwana le ye mongwana ka mutšing a karakara gore ditaba tsa ka mutšing di felele gana hone tsotsone di nyoko maka gore ba mutši ba nape ba mamarelana tsa nkare ke moka. w22.09 10 ¶9

Jehova o bolabodiye le Jobo, a mo gopotsa taba ya gore yene beng o hlalefiye fote dilo ka mokana ga tsona tso a di makiyeng o di pasopa a boya a di šupetsa gore o di nyaka ka matla. O bolabola ka diphoolwane tsa go tlala tsa go makatsa. (Jobo 38:​1, 2; 39:​9, 13, 19, 27; 40:15; 41:​1, 2) Jehova fote o yye a berekisa monna wa go tshepega ye ba reng ke Elikgu gore a thogo tiyisa Jobo a boye a mo kgomoletse. Elikgu o yye a gopotsa Jobo taba ya gore Jehova o dula a rufa malata yage mo ma tiyisela. Mara Jehova o yye a hlohletsela Elikgu gore a wolole Jobo a kene a mo tšhutisa gore o mo nyaka ka matla. Elikgu o yye a gelepa Jobo gore a lisetse go fo hlupega ka matla ka tso di mo kgongwetsang ke mokane a gopole taba ya gore ke ye monyana ka matla mo re mo likanisa le Jehova wa gore o Makiye dilo ka mokana ga tsona. Fote Jehova o yye a neya Jobo mmereko wo di nyakang a wo maka, o mmutsiye gore a rapelele banghana bage ka bararo ba gore ba sinnye. (Jobo 42:​8-10) Mara rune Jehova o re thega ka mokgo mang lekgono mo re gahlana le dintshitshire? Jehova aa bolabole le rune go tshwana le ka mokgo ne a bolabola le Jobo, mara o bolabola le rune a berekisa Lentsu lage go leng Bhayibele.—Marom. 15:4. w22.08 11 ¶10-11

Ga phutego ya ku Roma ke mo go na le Majuda le Makreste ya gore ke mo go se Majuda. Mo Molawo wa Moše wo segela mafelelong melawo ye mengwana ya gore ke mo yi ba kgerela ga tso ba di jang ke mo ba sa sa yi latelela. (Mar. 7:19) Go tlugisela ka yona nako yonone Makreste ya mangwana ya Majuda ke mo ma kwa ma lukulugiye gore ma ka tijela se sengwana le se sengwana. Mara Makreste ya mangwana ya Majuda ke mo ma sa yi kwisisi gabutši taba yone. Byalo taba yonone yi yye ya maka gore phutego yi yahlugane. Pawulo wa lepostola o yye a yi šihlela ka matla taba ya go karakara gore go bebe. Phela tso Pawulo a di bolabodiyeng di gelepiye magagabo gore ma thogo di bona gore mo ma sa kwane ka ditaba tsa mošaga wonone tsotsone di kwaletsa ba bangwana fote di sinya le phutego. (Marom. 14:​19, 20) Yene beng ke mo a tikemisele go tšhentšha tso ke mo a tlwayele go di maka go fo re a sa thunugi ba bangwana. (1 Makor. 9:​19-22) Le rune re ka tiyisa ba bangwana mo re ka karakara ka matla gore go dule go bebiye fote re sa tseyi taba ye nyana re yi maka ye kgolo le mong ga dilo tsa gore motho o lukulugiye go tikgetela tso a kwanang natso. w22.08 22 ¶7

Mo nkare go na le tso re tipeyeleng gore re nyaka go di segelela ga mmereko wa Jehova di nyaka re karakare gore re thogo di segelela. Go fo ba ka mokgonone le ga taba ya go karakara gore re thogo maka tsa go loka. Fote Jehova o nyoko re gelepa gore di bonale gore go na le so re se makang a kene a re lefisele pelo gore re ye mahlong. (Pis. 84:​5, 7) Ka taba la gore Jehova o re nyaka ka matla o re gopotsa gore go maka tsa go loka a yi letogo. (1 Joh. 5:3) Mara gwa re tšhireletsa fote ke selo so re se nyakang ka moka matšatši. O sa lebale dikobo tsa ntwa tsa go felegelela tso Pawulo wa lepostola a bolabodiyeng ka tsona. (Maef. 6:​14-18) Gabutšibutši king so se tšhireletsang pelo ya lesole? Ke “sephemo sa dikguba sa go loka,” sa gore se tshwanisela melawo ya go loka ya Jehova. Go fo tshwana le sephemo sa dikguba sa gore se tšhireletsa pelo ya mannete melawo ya Jehova ya go loka le yona yi tšhireletsa pelo ya go tshwanisela go leng so motho a leng sona ka gare. Byalo, di nyaka o karakara ka matla gore ga dikobo tsago tsa ntwa go be le sephemo sa sekguba sa go loka!—Diy. 4:23. w22.08 29 ¶13-14

Ke mong botalatala Lentsu la Modimo le kene le ba yetetsa ka tsa gabutši banna le basadi ba go tshepega. Tsotsone di yye dya makega ka mokgo mang? Mara Jehova o makiye gore batho ba kopolle Mangwalo ya go hlawolega. Batho bo ne ba kopolla ke mo ba sa yenela mara ne ba dula ba ntshiye maahlo dikwakweng. Mo re beyisa, morene mongwana wa go tšhutega mo a bolabola ka Mangwalo ya Seheberu o ngwadiye gore: “A re kamake gore a go na puku ye nngwana ya botala ya gore ba yi kopolliye gabutši go tshwana le yowa.” Byalo a re kamake gore mantsu ya re ma balang ka ho Bhayibeleng lekgono ke ya Ye a ma Ngwadiyeng go leng Jehova. Jehova o re neya “dilo ka mokana ga tsona tsa gore di gabutši le tsa gore di felegelele.” (Jak. 1:17) Bhayibele ke se sengwana sa gabutši so Jehova a re neyyeng sona. Mo motho a re neya se sengwana, selo sone a re neyang sona se napa se šupetsa ka mokgo motho yene a re tšibang ka gona fote o tšiba le tso re di hlokang. Go fo ba ka mokgonone le ka ye a re Neyyeng Bhayibele. Mo re bala Bhayibele, re tšhuta tsa go tlala ka Jehova. Re tšhuta gore o re tšiba go segela kaye le tso re di hlokang. w23.02 2-3 ¶3-4

Go ko ba go sa jabodisi lona mo ba thomisa go tsosa batho ho lefaseng ga Sekete sa Mengwaga mo go Lawola Kreste! Ka mokana ga bona ba gore ba yye ba loba mašaga ba hlologele go ma bona. Jehova le yene o tikwa ka mokgonone. (Jobo 14:15) O fo nagana gore batho lefaseng ka mokana ga lona ba ko ba ba jabodiye byang mo ba gahlana fote. “Ba go loka,” ba gore mabitso ya bona ba ma ngwadiye ka pukung ya lephelo ba nyoko “tsusiwa gore ba phele.” (Meber. 24:15; Joh. 5:29) Di ka makega gore mašaga yago ya go tlala ma be ga mogoba wo wo tsusiwang la mathomo ho lefaseng. Go tokegela gana hone, “ba go sa loka” go leng ba gore a baa kraya lešuba la gore ba mo tšibe ga Jehova kela ba gore a sanka ba mmerekela nakwela ba soko kgwa ba nyoko “tsusiwa gore ba yahludiwe.” Ka mokana ga bona ba gore ba ko ba ba tsusiye di nyaka ba tšhutisiwe. (Jes. 26:9; 61:11) Byalo, di nyaka go makiwe mmereko wo mogolo wa go tšhutisa wa gore a wo šiyo wa go lekana nawo.—Jes. 11:10. w22.09 20 ¶1-2

Jehova o šupetsiye gore ke yene wa ku malenghelengheng ga magoši ya gore ke mo ma timakiye ngata ka yyoši. O yye a lwela Maisrayele gore ma hlule 31 ya magoši ya ku Kanana fote a ma gelepa gore ma tseye dipoleke tse dikgolo tso ne di le ga Naga yo ne ba ba Tshepisiye yona. (Još. 11:​4-6, 20; 12:​1, 7, 24) Ke gatleletlele Jehova a šupetsa gore ke yene wa ku Malenghelengheng! Mo Kgoši Nebukhadhinezara wa ku Bhabhilona a yi takisa maahlo taba ya gore Jehova ke yene a ntoši ye a tshwaneleng go thanakiwa, o yye a thomisa go ba le magetla ‘ka matšhika ya a nang nawo le taba ya gore ba gadimisa mmušo wage’, Jehova o yye a maka gore a thomise go kotela maphephe dya sa sa tseya gabutši. Ka nthagonyana mo Nebukhadhinezara a thomisa go tseya gabutši o yye a “thanaka wa ku Malenghelengheng” a yi dumela taba ya gore “[Jehova] bogoši byage bo nyoko ba gona go ya go yye.” O tokegele ka gore: “A go na ye a ka mo šitisang.” (Dan. 4:​30, 33-35) Mopisalema o hlayye gore: “A yi go jabola ga sona setšhaba sa gore Modimo wa sona ke Jehova, batho ba gore yene mong o ba kgetiye gore go be bage.” (Pis. 33:12) Phela taba yone ke yona yo yi makang gore re dule re tshepega ga Jehova! w22.10 15-16 ¶13-15

Diporofeto tsa Bhayibele tsa gore di šele di makegiye di napa di maka gore re sa kamake le ka gonyana gore dilo tso Modimo a re tshepisiyeng tsona tsa ku mahlong di nyoko makega. Re tikwa go tshwana le mopisalema wa gore o yye a rapela Jehova a re: “Ke di yemele ka maahlo ya makhubedu gore o mphonise, ka taba la gore lentsu lago ke tshepo yaka.” (Pis. 119:81) Ka ho Bhayibeleng, Jehova o re neyye “tsa gabutši tsa ku mahlong le tshepo.” (Jer. 29:11) Tshepo ya rune ya tsa ku mahlong a ya tithega ka tso motho a karakarang go di maka mara yi tisamele ka tso Jehova a re tshepisang tsona. Nkare re ka ya mahlong re tiyisa tshepo ya rune ga Lentsu la Modimo ka go jabolela go tšhuta ka diporofeto tsa Bhayibele. So se ka makang gore re yi tshepe Bhayibele, ke gore yi gelepa batho mo ba berekisa tso yi di yeletsang. (Pis. 119:​66, 138) Mo re beyisa, bo ba gore ba šadhiye ba gore ne go šele bhitšani gore ba hlalane, gana byalo ba jabodiye ka taba la gore ba berekisiye mayele ya Bhayibele. Bana ba bona ba jabolela go gulela ga mutši wa Makreste wa gore wo na le babelegi ba gore baa tihlupa ka bona fote ba ba nyaka ka matla.—Maef. 5:​22-29. w23.01 5 ¶12-13

O fo nagana gore di go berekele ka mokgo mang go bona mo Modimo a go makela tso a di tshepisiyeng ka Lentsung lage. Mo re beyisa, Jeso o tshepisiye gore Papage o nyoko go neya tso o di gayelang gore o thogo phela. (Mat. 6:​32, 33) Fote Jeso o hlayye gore, Jehova o nyoko go neya moya wa go hlawolega mo o wo kgopela. (Luk. 11:13) Phela Jehova aa hlaya matsaka, o di makiye tso a di tshepisiyeng. Di ka makega gore di gona tse dingwana tsa gore ke mo a go tshepisiye tsona ke mokane a di maka. Mo re beyisa, o tshepisiye gore o nyoko go tshwarela, a go kgomoletse a boye a go tšhutise gore o be le senghana sa thina naye. (Mat. 6:14; 24:45; 2 Makor. 1:3) Mo o ghayela ka tso Modimo a šeleng a di makiye, o nyoko tiyisa tshepo yago ga tso a nyoko go makelang tsona ku mahlong. Ka taba la gore re ya di tšiba tsa gore Jehova a ka sa re tshokanye o nyoko di maka tso a re tshepisang tsona. Go fo tshwana le mopisalema wa gore o ngwadiye gore, “go jabola ye a . . . tshepelang ga Jehova Modimo wage, . . . Ye a dulang a tshepega.”—Pis. 146:​5, 6. w22.10 27 ¶15; 28 ¶17

Ayitsano seporofeto so se bolabolang ka go tsosa morapelo wa mannete se ya bereka le ga rune lekgono? Nnete se ya bereka! Ka mokgo mang mara? Go tlugisela ka 1919 C.E., dimiliyoni tsa batho di lukulugiye ga dikereke tsa lefase ka mokana ga lona tsa matsaka go leng Bhabhilona ye Mogolo. Ba ga poleke ya gore yi kawone ka matla go phala Naga yo ne ba Tshepisiye Maisrayele yona. Ba ba yisiye ga Pharadeyisi ya tso tsa Modimo. (Jes. 51:3; 66:8) Go tlugisela ka 1919 C.E., bo ba go tlotsiwa ne ba kene ba jabolela go phela pharadeyising ya tso tsa Modimo. Mo nako yi kene yi ya, bo ba gore ba na le tshepo ya go tl’le phela ho lefaseng go leng “dinku tse dingwana,” le bona ba kenne ga naga ya gore ba tikwisa ka tso tsa Modimo fote ba jabolela tsa go tlala tso Jehova a ba rufang ka tsona. (Joh. 10:16; Jes. 25:6; 65:13) Poleke ya tso tsa Modimo yi ka krayega go gongwana le go gongwana ho lefaseng. Le rune lekgono, re ka ba ga pharadeyisi ya tso tsa Modimo mo re ka thega morapelo wa mannete fote di sa yi ka gore re dula kaye. w22.11 11-12 ¶12-15

Ayitsano di ya go thathafela go kwisisa taba ya gore Jehova ke mo a kene a le gona fote ke “wa go ya go yye”? (Jes. 40:28) A yi mohlolo go tikwa ka mokgonone. Elikgu o yitseri ka Modimo: “Mengwaga yage le mo o ka nyaka go yi kwisisa o ka sa di kgone.” (Jobo 36:26) Mara tsone a di rele gore mo go na le so re sa se kwisising di ra gore taba ka mokana ga yona ke matsaka. Mo re beyisa, ayitsano mo re sa kwisisi gabutši ka mokgo ghezi yi berekang ka gona tsotsone di ra gore a go na selo so ba reng ke ghezi? Le ka gonyana! Le ga rune batho di ka re thathafela go kwisisa taba ya gore Jehova ke mo a kene a le gona fote o nyoko fo dula a le gona. Mara tsotsone a di rele gore Modimo a yi wa go phela go ya go yye. Taba ya gore Ye a Makiyeng dilo ke botala a kene a le gona, a ya tithega ka gore re ya yi kwisisa kela dho. (Marom. 11:​33-36) Fote ke mo a kene a le gona dilo ka mokana ga tsona ho lefaseng di soko bane di ba gona, tsa go tshwana le letšatši le dinanedi. Fote ke mo a kene a le gona mo a soko bane a “yatlala magedimo.”—Jer. 51:15; Meber. 17:24. w22.12 2-3 ¶3-4

Ka dinako tse dingwana ba ka go kgopela gore o rapele. Mo re beyisa, mogageru wa mosadi wa gore o tšhutisa ye mongwana Bhayibele a ka kgopela mogageru wa mosadi ye a mo felegetsiyeng gore a rapele ga setšhuto sone. Byalo mogageru yene wa mosadi wa gore o sepela naye di ka makega gore aa tšibi ye ba mo tšhutisang gabutši byalo di ka ba lula gore a rapele mafelelong mo ba fetsiye go tšhuta. Ka mokgonone, mo a rapela a ka di kgona go tšhela le tso di gayelang ke ye ba mo tšhutisang. Di ka makega gore mogageru ba mo kgopele gore a rapele mogahlanong wa tšhomo kela ga mogahlano wa phutego. Byalo, magageru ya ba ma kgopelang gore ma make ka mokgonone di nyaka ma sa lebale gore ke ntaba re le ga mogahlano wone. A di nyake gore mo ba rapela ba berekise nako yone go le ya go wolola phutego kela ba tšibisa se sengwana. Megahlano ya go tlalanyana ya phutego ba yi beyele kapheta ya diminetse tsa go yepelela koša le go rapela, byalo magageru ya ma rapelang di nyaka ma sa nape ma berekisa “mantsu ya go tlala,” ka matlamatla mo mogahlano wo sa thomisa.—Mat. 6:7. w22.07 24 ¶17-18

Jeso o hlayye botala gore ka dinako tsa mafelelo go nyoko ba le malwele ya go tshosa kela malwele ya go sabalala “ga dipoleke tsa go sa tshwane.” (Luk. 21:11) Ke ntaba go fo tšiba tsotsone go maka gore re bebe? A di re makatse mo re bona bolwele bo fo re kutulugela. Re di bona gabutši gore dilo tsowa di makega ka mokgo Jeso a hlayyeng. Byalo, re nyoko fo latelela ka mokgo Jeso a yyeng a yeletsa bo ba phelang ga dinako tsa mong mafelelong mo a re: “Le sa tšhogeneng.” Ka dinako tsa mo re kutulugele ke bolwele o ka kraya re šepisa ga tse dingwana tso ne re tlwayele go di maka, mara re sa dumele di re šitisa ga taba ya go tšhuta Bhayibele re le ntoši kela go ba gona mogahlanong. Ga tso di makegeleng ba bangwana tsa gore di krayega ga dikgatiso tsa rune le ga dividiyo re ko di bona gabutši gore magageru ma fo ya mahlong ma kene ma tshepega le mo ma gahlana le dintshitshire tsa mošaga wonone. w22.12 17 ¶4, 6

Di fo ba lekgwaying gore mopatriyareka Jakobo ga morwayi wage Josefa ke mo a mo nyaka ka matla. (Gen. 37:​3, 4) Tsotsone di makiye gore barwayi ba Jakobo ba gore ke ba bagolo ba thomise go jelasela bhuti wa bona. Mo ba thulegela ke lešuba ba yye ba rekisa Josefa ga mogoba wa bo ba go sepela ba rekisa ba Mamidiyene. Batho bone ba go rekisa ba yye ba tseya Josefa ba sepela naye makgolo ya dikhilomitha ba ya naye Egepita, ba segela ba mo rekisa fote, ba mo rekisela Potifaro, ndhuna ya bomatšinghelane ba Faro. Josefa ke mo go le morwayi wa gore papage o mo nyaka ka matla mara lephelo lage le tšhentšhiye ka go yakgoswa nakwela ba maka gore go be lebhantiti la go tseyediwa fase ka matla ku Egepita! (Gen. 39:1) Le rune ka dinako tse dingwana re ka tlela ke mathatha ya gore a ma ‘thome ka rune’ go leng mathatha ya gore batho ka mokana ga bona ba gahlana nawo. (1 Makor. 10:13) Kela re ka fo hlorisiwa go le ka taba la gore ke rune malata ya Jeso. Mo re beyisa, ba ka re poyilanya, ba re phigisa kela le mong go re hlorisa ka taba la so re se dumelang. (2 Thim. 3:12) Le mo re ka tlela ke mathatha ya mošaga mang, Jehova o nyoko maka gore re ma hlule. w23.01 14-15 ¶3-4

Ka dinako tse dingwana di ka nyaka gore re bolabole le mogageru wa gore o re thunugiye. Mara di ko ba gabutši mo re thomisa ka go tiputsisa diputsiso tsa go tshwana le gore: ‘Ayitsano ke tšiba ditaba ka moka?’ (Diy. 18:13) ‘Nje di ka makega gore ne a sa tikemisela go nthonoga?’ (Mmo. 7:20) ‘Ayitsano le nna a sanka ke ya di maka tsotsowa?’ (Mmo. 7:​21, 22) ‘Mo nka ya gage, nje di ka sa make gore bothatha byowa bo nape bo tlemeletsane?’ Mo re ka tineya nako ya gore re nagane ka diputsiso tsowa, re ko di boneng gore go nyakanana go nyoko re tšhofa gore re fitise taba yone. Ye mongwana le ye mongwana wa rune o šupetsa gore nnete re malata ya Jeso mo re fo ya mahlong re šupetsa magageru gore re ma nyaka ka matla le mo ma kene ma kekemisa go gongwana. Mo re maka ka mokgonone, re gelepa ba bangwana gore ba thogo bona sedumedi sa mannete fote ba be le rune mo re rapela Jehova. Tla re tikemiseleneng go ya mahlong re šupetsa taba ya go nyakanana ya gore yi re hlawola re le Makreste ya mannete. w23.03 31 ¶18-19

Bhayibele yi re gelepa gore re thogo kwisisa gore ga mekgwa yo Jehova a nang nayo, wo mogolo wa gona ke go nyakanana. Ka taba la gore Jehova o re nyaka ka matla, a sanka a re tokegelanya ka ditaba tsa go tlala tsa gore di nyoko re šita go di tshwara. (Joh. 21:25) Go šupetsa gore Jehova wa re nyaka, mo a bolabola le rune o re šiya re na le serithi. Ka ho Bhayibeleng aa re neye letheto la melawo ya go sa fele a re botsa gore re make ying kela re sa make ying mo re kene re phela. Mara, o berekisa tso ba bangwana ba yyeng ba gahlana natso ho lephelong, diporofeto tsa go jabodisa le mayele ya gabutši gore a thogo re gelepa gore re segelele dipheto tsa gabutši. Ka mokgonone Lentsu la Modimo le nyoko re tšhofa gore re mo nyake ka matla fote re mo theetsele ka dipelo tsa rune. Bhayibele yi re botsa gore Jehova wa tihlupa ka rune. Ka mokgo mang mara? Lentsu Lage le tlele ka ditaba tsa go šupetsa ka mokgo batho ba tikwang. Re thogo kwisisa ka mokgo ba bangwana ka ho Bhayibeleng ne ba tikwa ka gona ka taba la gore ke mo go le batho “go fo tshwana le rune.” (Jak. 5:17) Se segolo ka matla ke gore, mo re lebelela ka mokgo a tshwarang batho ba go tshwana le rune ka gona re napa re di kwisisa gabutši gore “Jehova o kwelana go baba fote o nyakanana ka matla.”—Jak. 5:11. w23.02 6 ¶13-15

Puku ya mafelelo ya Bhayibele yi thomisa ka mantsu ya gore: “Dilo tsowa di wunyulliye ke Jeso Kreste tsa gore Modimo o mmutsiye tsona, gore a šupetse lelata lage gore king tso di nyoko makegang go se botala.” (Kut. 1:1) Byalo, re jabolela go bona dilo tso di makegang ho lefaseng gana byalo fote le go tšiba ka mokgo di nyoko makang gore seporofeto sa Bhayibele se makege. Fote re ka jabolela go bolabodisana ka dilo tso di makegang. Mara mo re kene re handahanda ka seporofeto sa Bhayibele di nyaka re kganele kgole le taba ya go fo naganela. Ke ntaba? Ka taba la gore a re nyake go tikraya re šele re hlayye dilo tsa gore di ka maka gore ka ho phutegong re sa mamarelane. Mo re beyisa, re ka fo kwa bo ba go yetamahlong ba lefase ba bolabola ka mokgo ba ka lukisang ditaba ke mokane ba maka gore go bebe fote go tšhireletsege. Wa tšiba a di nyake re naganela gore taba yone ba yi hlayyeng yi rela gore seporofeto so se leng ga 1 Mathesalonika 5:3 se ya makega, mara di nyaka re dula re sipidisana le tsa nyuwane tso ba di gatisiyeng. Mo dilo tso re petapetang ka tsona di tšwa ga dikgatiso tsa gore di makiye ke mokgahlo wa Jehova, re gelepa gore phutego yi dule yi le selo ka ssoši ‘ga tso yi di naganang.’—1 Makor. 1:10; 4:6. w23.02 16 ¶4-5

Ke ntaba ga Jeso Kreste re mo nyaka ka matla? Jeso o kwana le nnete, go tinyanafatsa le tsa go loka. Mo nkare o kwana le nnete le tsa go loka, a di makatse mo ga Jeso Kreste o mo nyaka ka matla. O fo nagana ka mokgo Jeso a yyeng a yemelela nnete le tsa go loka a kene a šišimele. (Joh. 18:37) Jeso o yye a šupetsa ka mokgo mang gore o kwana le go tinyanafatsa? Jeso o re beyele mošupetso ga taba ya go tinyanafatsa. Mo re beyisa, ne a sa kwane le gore ba thanake yene mara ne a nyaka gore ba thanake Papage. (Mar. 10:​17, 18; Joh. 5:19) Taba ya gore Jeso o tinyanafatsiye, yi go tshwara ka mokgo mang? Ayitsano a yi go tšhofe gore ga Morwayi yewa wa Modimo o mo nyake ka matla o boye o mo latelele? Phela go fo ba ka mokgonone. Anthe ke ntaba Jeso a kwana le go tinyanafatsa? Nka taba la gore ne a kwana le go yekisela Papage wa gore le yene o tinyanafatsiye. (Pis. 18:35; Maheb. 1:3) Ayitsano a o mo nabele ga Jeso wa gore ne a yekisela mekgwa ya Jehova gabutši? w23.03 3-4 ¶6-7

Bhayibele yi bolabola ka megoba ka mmedi ya batho ya gore yi nyoko tsusiwa gore yi tl’le phela ho lefaseng go ya go yye ke “ba go loka” le “ba go sa loka.” “Ba go loka” ke ba gore ba berekele Jehova ka go tshepega nakwela ba sa phela. Ka nthoko ye nngwana bo “ba go sa loka” ke ba gore a sanka ba berekela Jehova. Byalo, ka taba la gore megoba yowa ba yi tsosa, ayitsano re ka napa re hlaya gore di ra gore mabitso ya bona ba ma ngwadiye ka pukung ya lephelo? Nakwela ba soko bane ba kgwa bo “ba go loka” mabitso ya bona ke mo ba ma ngwadiye ka pukung ya lephelo. Ayitsano mabitso yane ba yye ba ma sula ka pukung nakwela ba kgwa? Dho, ka taba la gore ga Jehova ba sa “phela.” Jehova “a yi Modimo wa batho ba gore ba kgwile, mara ke Modimo wa batho ba go phela ka taba la gore gage baa phela ka mokana ga bona.” (Luk. 20:38) Tsotsone di rela gore mo bo ba go loka ba ba tsosa gore ba tl’le phela ho lefaseng mabitso ya bona ma ko ba ma kene ma le gona ka pukung ya lephelo le mo yi le gore ba thomisiye ba ma ngwala ka “pensele”.—Luk. 14:14. w22.09 16 ¶9-10

Jehova ne a nyaka gore motho wa mathomothomo a tikwise ka tso A di makiyeng. Mo Jehova a maka Adamo, O mo neyye pharadeyisi ya go bafala gore a dule ga yona a boya a mo neya le mmereko wa gore a yi pasope le go yi gudisa. (Gen. 2:​8, 9) O fo nagana ka mokgo Adamo ne a jabodiye ka gona mo a kene a lebelele dipewu di thunya le mo mabhlomu ma thomisa go bhloma. Ye lune, phela Adamo ne ba mo neyye mmereko wo mogolo wa go pasopa tšhomo ya Edeni! Fote Jehova o yye a kgopela Adamo gore a reye diphoolwane tsa mohlobohlobo mabitso. (Gen. 2:​19, 20) Phela Jehova nke a tireyele diphoolwane tsone mabitso, mara o yye a neya Adamo mmereko wone. A re kamake gore mo Adamo a soko bane a di reya mabitso, o yye a thomisa ka go di tšhuta, a lebelela ka mokgo di leng le ka mokgo di makang dilo. Adamo a ka fo ba a jabodisiye ke go maka mmereko wone. Mmereko wone wo mo thulele lešuba la gore a thogo kwisisa ka mokgo Papage a hlalefiyeng ka gona le ka mokgo dilo tso a di makiyeng di jabodisang di boya di ro bafala. w23.03 15 ¶3

Mo mmušo wone wa gore wo yemela ke mawoto ya sethombhe go leng mmušo wa Makgowa le Maamerikha Bhayibele yi hlayye gore go nyoko ba mmušo wa lefase wa mafelelo. (Dan. 2:​31-33) A go na mmušo wo mongwana wa dipolotiki wa gore wo nyoko tla wo lawola ka nthago. Mara go nyoko fela ka wona ka ntwa ya Aremaghedoni mo Mmušo wa Modimo wo wo psyitlanya wo boya wo psyitlanya le memmušo ka mokana ga yona ya batho. (Kut. 16:​13, 14, 16; 19:​19, 20) Seporofeto sowa se ka re berekela ka mokgo mang? Seporofeto sa Daniyele se re botsa tse dingwana tso di napang di tiyisa taba ya gore re phela ga dinako tsa mafelelo. Mengwaga ya go teya ka ku ga 2 500 ya go fela, Daniyele o hlayye gore ka nthago ga Bhabhilona go nyoko ba le kanne ya memmušo ya lefase ya gore yi nyoko tla yi yama batho ba Modimo. Fote o wunyulliye gore mmušo wa mafelelo go nyoko ba wa Makgowa le Maamerikha. Taba yowa ya re kgomoletsa fote yi re neya tshepo ya gore go se botala Mmušo wa Modimo wo nyoko suwelanya memmušo ya batho ka mokana ga yona ke mokane go šala go lawola wona wo le ntoši. w22.07 4 ¶9; 5 ¶11-12