September

Mo re bolabola dilo tsa go yagisa, re šupetsa gore ke rune malata ya Jehova. Re nyoko gelepa bo ba re theetseleng gore ba thogo bona gabutši “ye a berekelang Modimo le wa gore aa mmerekele.” (Mal. 3:18) Lebelela gore taba yowa yi berekiye ka mokgo mang ga mogageru wa mosadi ye ba reng ke Kimberly. Ke mo ba mo neyye mmereko wa sekolo wo a tshwaneleng a wo make le ye a kenang naye ka tlelaseng. Mo ba fetsiye mmereko wone, ye a kenang naye ka tlelaseng o di bonne tsa gore Kimberly ke mo a sa tshwane le batho ba bangwana bo ba kenang nabo. Ke mo a sa kwane le go bolabola dilo tsa go befa ka ba bangwana, a bolabola tsa gabutši fote a kganela kgole le go bolabola tsa go kekema. Tsotsone di yye dya mo tikisa ka matla ga ye a kenang le Kimberly ka tlelaseng ke mokane a dumela go tšhuta Bhayibele. Jehova o jabola ka matla mo mabolabolelo ya rune ma gelepa ba bangwana gore ba nabele go tšhuta nnete! Ka mokana ga rune re ya di nyaka tsa gore mabolabolelo ya rune ma thanakise Jehova. w22.04 5-6 ¶5-7

Jeso o phonisiye Mariya Magdalina ga kašupa ya madimona! Ka taba la gore ke mo a nyaka go šupetsa gore wa leboga, o yye a thega mmereko wa go tšhomayela. (Luk. 8:​1-3) Le mo Mariya ne a leboga tso Jeso a mo makeleng tsona di tšwa pelong, ke mo a sa nape a kwisisa gore go na le tse dingwana tse dikgolo tso Jeso a sa nyoko mo makelang tsona ku mahlong. Ke mo a nyoko neyela lephelo lage “gore ye mongwana le ye mongwana ye a dumelang gage” a jabolele lephelo la go ya go yye. (Joh. 3:16) Le mo go le ka mokgonone, Mariya o yye a šupetsa gore wa di leboga tso Jeso a mo makeleng tsona ka go dula a tshepega gage. Nakwela Jeso a kwa go baba hala phateng ya mohlupego, Mariya ke mo a kene a le gana hone thina a šupetsa gore wa mo thega fote a boya a tiyisa ba bangwana. (Joh. 19:25) Ka nthago ga mo Jeso a kgwile, Mariya le basadi ba bangwana ka babedi ba yye ba leya tsa go nkgela gore ba thogo tlotsa setopo sa Jeso. (Mar. 16:​1, 2) Mariya o yye a thulegela ke lešuba la gore a bone Jeso wa gore ba mo tsusiye ga bo ba kgwileng a boya a bolabola naye. Di ya hloka go thulegela ke lešuba la mošaga wonone, malata ya mangwana a maa le kraya.—Joh. 20:​11-18. w23.01 27 ¶4

Re ka sa nape re titshwarelela ka matla ga tso re yyeng ra di makela Jehova ku botala. Le mo nkare di tlele tsa go re kgerela gana byalo, di nyaka re dula re karakara “ga tso tsa Morena” fote re ye mahlong re kene re hlahlamme re boya re ntsha maahlo dikwakweng go segela mafelelong. (1 Makor. 15:58; Mat. 24:13; Mar. 13:33) Di nyaka ga Jehova re mmerekele ka matšato fote re sa tšhofe ke motho. Jeso ga molayetsa wo a wo romeleng bo ba leng ga phutego ya Lawodisiya o wunyulliye gore ba na le bothatha bofeng bya gore bo tshwana bo le ntoši. Ke mo ‘ba sa bate fote ba sa fisi’ ga morapelo wa bona. Ka taba la gore ke mo ba sa tšibi gore ba yemme kaye, Jeso o ba butsiye gore ‘a le ya jabola fote le babisa pelo.’ Ne di nyaka ba šupetsa matšato ga taba ya go berekela Jehova. (Kut. 3:​16, 17, 19) Re tšhuta ying ga taba yowa? Mo re bona nkare a re sa na matšato gabutši, di nyaka re gopole taba ya go leboga dilo ka mokana ga tsona tso re nang natso ga tso tsa Modimo. (Kut. 3:18) Re sa tsoge re yikele lephelo la mabešebeše gore le re šitise go beya tso tsa Modimo ku mahlong. w22.05 3-4 ¶7-8

Go šele go fitiye dikete tsa mengwaga Jehova a kene a ngwala ka pukung yage ya go hlawolega. Ka pukung yowa o ngwadiye mabitso ya batho, o thomisiye ka lelata lage la go tshepega lo ba reng ke Abele. (Luk. 11:​50, 51) Mengwaga yo ka mokana ga yona, Jehova ne a kene a ngwala mabitso ka pukung fote lekgono o šele a ngwadiye dimiliyone tsa mabitso ga puku yone. Bhayibele mo yi hlatolla yi re ke “puku ya segopotso,” “pukung ya lephelo,” kela “lengwalo la go phutiwa la lephelo.” (Mal. 3:16; Kut. 3:5; 17:8) Ga puku yowa ya go hlawolega go na le mabitso ya bo ba rapelang Jehova ba šupetsa gore ba mo hlompa fote ba le tseyela gedimo lebitso lage. Tso di makang ke bo ba leng ga puku yone di ba thulela lešuba la gore ba kraye lephelo la go ya go yye. Lekgono le rune re ka maka gore mabitso ya rune ba ma ngwale ka pukung yone mo nkare re wa re tsoga gore re be le senghana sa thina le Jehova ka go šupetsa gore re na le tumelo ga sehlabelo sa Morwayi wage Jeso Kreste. (Joh. 3:​16, 36) Ka mokana ga rune re ya di nyaka tsa gore mabitso ya rune ma ngwadiwe ga puku yone—di sa yi ka gore re na le tshepo ya go ye phela legedimong kela ho lefaseng. w22.09 14 ¶1-2

Puku ya Kutullo yi bolabola ka “noga ye kgolo ka matla ya go tshosa ya gore yi na le khala ya nkare ke mollo.” (Kut. 12:3) Noga yone ye kgolo yi lwa le Jeso le mangeloyi yage. (Kut. 12:​7-9) Yi hlasela batho ba Modimo fote yi neya memmušo ya batho matšhika. (Kut. 12:17; 13:4) Noga yone ke mang? Ke “Noga yone ya botala ya gore ba re ke Diyabolo le Sathane.” (Kut. 12:9; 20:2) Ke yene ye a hlohletselang manaba ya mangwana ya Jehova. King so se makegeleng noga yone? Kutullo 20:​1-3 yi hlatolla gore lengeloyi le yye la lahlela Sathane ka sekoting sa gore se tshwana le nkare o bošediwe jele. Mo Sathane a kwalediwe ka mokgonone, a ka “sa sa fokola ditšhaba go segela go fela 1 000 ya mengwaga.” Mo di segela mafelelong Sathane le madimona yage ba nyoko ba lahlela ga “ledhamo la mollo le matlapa ya go dura nkare ke magala” tsotsone di šupetsa gore go nyoko napa go fela ka bona. O fo nagana gore lephelo le nyoko ba le le byang mo Sathane le madimona yage ba sa sa le šiyo ho lefaseng. Ye lune, phela go nyoko natefa tsa nkare ke moka! w22.05 14 ¶19-20

Jeso ne a sa tshwate le ka gonyana. Nakwela a sa gula a le ho lefaseng, ke mo a maka mmereko wa go betla. (Mar. 6:3) A re yi kamake taba ya gore babelegi bage ke mo ba yi tseyela gedimo taba ya gore ne a ba gelepa go pasopa ba mutši wa bona wo mogolo ka tso ba di gayelang. Fote mo Jeso a maka mmereko wone wa go betla, ne go le motho wa go yenela byalo di ka makega gore batho ne ba wo nyaka ka matla mmereko wone wage! Di ka makega gore le yene mong ne a kwana nawo ka matla mmereko wone wage. Le mo yi le gore Jeso ne a wo tseyela gedimo mmereko wone, ke mo a sa tikone nako ya gore a thogo maka tso tsa Modimo. (Joh. 7:15) Ka nthagonyana mo a šele a maka mmereko wa go tšhomayela nako ka moka, o yeletsiye bo ba mo theetseleng ka gore: “Le sa berekele tsa go ja tsa gore di ya bola mara le berekele tsa go ja tsa gore di nyoko fo dula di le gona go ya go yye.” (Joh. 6:27) Fote nakwela Jeso a Tšhutisa a le Thabeng o yitseri: “Tikgobaketseleneng dilo tsa gabutši ku legedimong.” (Mat. 6:20) Mo Modimo a maka gore re hlalefe tsotsone di nyoko re gelepa gore re thogo tseya mmereko gabutši. Ka taba la gore re Makreste ba re tšhutisiye gore re make “mmereko . . . , wa gabutši.” w22.05 22 ¶9-10

Yunisi ke mo go le mošupetso wa gabutši ga Thimothi. Ke mo a sa kamake le ka gonyana gore tso mmane wage a di makang ke mo a hlohletsela ke taba ya gore o mo nyaka ka matla ga Jehova le gore mmane wage o jabodisa ke go berekela Jehova. Le lekgono, bommane ba go tlala ba f’lo tikisa dipelo tsa ba mitši ya bona ba sa hlaya “lentsu.” (1 Pet. 3:​1, 2) Le wene o ka maka ka mokgonone. Byang? Senghana sago le Jehova o beye sona ka ku mahlong. (Dot. 6:​5, 6) Le wene o tshwana le bommane ba go tlala, o tikona tsa go tlala. O berekisa nako yago, tšheleta yago, o tikona boroko le tse dingwana mo o kene o pasopa bana bago ka tso ba di gayelang. Mara a di nyake o tshwaragana ka matla ka dilo tsone la go šinya o lebala ka senghana sago le Jehova. Tipeyele nako ya wene mong ya go rapela, ya go tšhuta Bhayibele o le ntoši le ya go ya megahlanong ya phutego. Mo o maka ka mokgonone, o nyoko napa o tiyelela ga tso tsa Modimo fote o nyoko beyisela ba mutši wago le batho ba bangwana. w22.04 16 ¶1; 19 ¶12-13

Go fo tšiba gore mmereko wa go yahlula a wo šalele rune di re yimulla ka matla! Jehova ka taba la gore ke yene ye mogolo wa gona wa go yahlula o ko wo makeng mmereko wone. (Marom. 14:​10-12) Rune a re kamake le ka gonyana gore mo a yahlula o nyoko berekisa melawo yage ya gabutši. (Gen. 18:25) Phela a ka sa tsoge a kekemisiye le ka gonyana! Re di yemele ka maahlo ya ma khubedu go bona nako ya mo Jehova a lukisa dilo ka mokana ga tsona tsa gore di sinnye ke taba ya gore batho a baa yenela fote ba na le senyama. Ka nako yonone, tso di re hlupang ho mmeleng le ka mokgo re tikwang di nyoko yalafega go ya go yye. (Pis. 72:​12-14; Kut. 21:​3, 4) Phela dilo tsone di ka sa sa wunyuluga le ho pelong. Mara mo re kene re sa yemele nako yone gore yi segele, so se re jabodisang ke gore Jehova o makiye gore re di kgone tsa go kopisela mokgwa wage wa go tshwarelana. w22.06 13 ¶18-19

Di nyaka motho wa go yahlula a tšibe molawo fote a wo kwisise gore a thogo yahlula gabutši. Di nyaka a tšiba a sa kamake gore ke sefeng sa gore se lokiye kela ke sefeng sa go sa loka. King tse dingwana tsa gore motho wa go yahlula o tshwanele a thogo di maka? Di nyaka a lebelele mahlaya ka mokana ga wona ya taba, a sa fo wokola ka kgakala ke mokane a fo lla go segelela sepheto. Mara ka taba la gore Jehova yene o tšiba ditaba ka moka a di runi mo go le yene wa go Yahlula. Mokgwa wo Jehova a wo berekisang mo a yahlula wo tshwana wo le ntoši, ka taba la gore o kwisisa mahlaya ka mokana ga wona ya taba. (Gen. 18:​20, 21; Pis. 90:8) Batho mo ba yahlula ba fo ya ka tso ba di bonang kela tso ba di kwileng. Mara yene o kwisisa gabutši gore taba ya gore motho yene babelegi bage ke bo mang, ba mo gudisiye byang, o golele kaye le gore o tikwa ka mokgo mang, ke yona yo yi ka makisang motho dilo tse dingwana. Fote Jehova wa di kgona go bona ka teng ga dipelo. Wa di bona gore king tso di tšhofang motho, tso a tikemiseleng go di maka le tso motho a di nabelang. A se šiyo sa gore se tšhiregiye mahlong ga Jehova. (Maheb. 4:13) Byalo, mo Jehova a tshwarela motho o thomisa a lebelela mahlaya ka mokana ga wona ya taba. w22.06 4 ¶8-9

Di nyaka re ntsha maahlo dikwakweng gore re thogo bona bošakašakane byo Sathane a bo berekisiyeng ga Jobo ka taba la gore o nyoko boya a bo berekisa le ho ga rune lekgono. Sathane o re hlayela matsaka mo a re rune a re mo nyake ga Jehova Modimo fote re nyoko mo jikela mo di nyaka gore re phonise lephelo la rune. Fote Sathane o hlayela Modimo matsaka o re, gabutšibutši aa re nyake fote le tso re liketsang go mo makela tsona o fo di takisa maahlo. Mara rune ba gore re ya mo tshepa ga Jehova bošakašakane byone bya Sathane bo ka sa bereke ho ga rune ka taba la gore re šele re ya mo tšibela. Mo re tlela ke dintshitshire di nyaka re tseya go le lešuba la go re gelepa gore re thogo tšiba mo re yemmeng gona. Dintshitshire tso Jobo a yyeng a gahlana natso di yye dya mo gelepa gore a thogo bona gore o kekemisa kaye ke mokane a potolle. Selo so ne di nyaka a nape a potolla ga sona, ne di nyaka a tšhute go tinyanafatsa ka matla. (Jobo 42:3) Le rune re ka tšhuta se sengwana mo re gomela ke dintshitshire. Mo o šele o tšiba tso o di kekemisang o nyoko napa o kena fase gore o di potolle. w22.06 23 ¶13-14

Jehova o tshepisa gore o nyoko re gelepa. Mo re beyisa, Jehova o hlayye gore: “Ke lune dihlatse tsaka,” ke mokane a re: “Mo le feta ga poleke ya meetši, ke nyoko ba le lune, le mo le feta dinokeng, di ka sa le khunghule. Le mo le ka sepela mollong wo ka sa le tlabolele, kela la tshilela ke dihlase tsa wona.” (Jes. 43:2) Mo re kene re maka mmereko wa rune wa go tšhomayela, ka dinako tse dingwana re nyoko fela re gahlana le tsa go re ghula tsa gore re ka šinya re di tshwanisa le mogogola kela ra gahlana le dintshitshire tsa go thathafa ka matla tsa gore re ka šinya re di tshwanisa le mollo. Le mo go le ka mokgonone, ka taba la gore Jehova wa re gelepa re nyoko thogo ya mahlong re kene re maka mmereko wa go tšhomayela. (Jes. 41:13) Batho ba go tlala lekgono a ba kwane nawo molayetsa wo re ba leyelang wona. Mara a re yi lebale taba ya gore mo ba sa wo yamogele molayetsa wowa, tsotsone a di rele gore mmereko wa rune wa go tšhomayela a re ya wo maka gabutši. Di ya re kgomoletsa fote di ya re tiyisa go tšiba gore Jehova wa jabola mo a bona re ya mahlong re sabalatsa molayetsa wowa ka go tshepega. Pawulo wa lepostola o hlayye gore: “Ye mongwana le ye mongwana o nyoko kraya patela yage di ya ka mmereko wo a wo makiyeng.”—1 Makor. 3:8; 4:​1, 2. w22.11 4 ¶5-6

Lekgono re e bona seporofeto sa Bhayibele se makega. Batho “ba go tšwa ga mebolabolo ka mokana ga yona ya ditšhaba” ba tšhuta go bolabola “mmolabolo wa go yela” go leng nnete ya Bhayibele. (Zak. 8:23; Zef. 3:9) Batho ba go teya ka ku ga 8 000 000 ba gore ba dula ga 240 ya dinaga ba šele ba kenne ka mokgahlong wa Jehova fote mongwaga wo mongwana le wo mongwana masome ya dikete ya batho baa kolobetsiwa! Mara selo se segolo ka matla ke gore malata yawa ya nyuwane ma thomisa go ba le, “mekgwa ya nyuwane.” (Makol. 3:​8-10) Ba go tlala ga bona ba lisetsiye taba ya go maka tsa go sa hlamatsege, bokgohlane, go tshwarana bošidi le taba ya go hlawolana go ya ka ditšhaba. Seporofeto so se leng ga Jesaya 2:4 se ya makega ka taba la gore a ‘ba sa tšhuta go lwa.’ Mo re kene re karakara ka matla gore re be le mekgwa ya nyuwane re boya re gelepa ba bangwana gore le bona ba kene ka mokgahlong wa Modimo re šupetsa gore re theetsela tso Jeso Kreste a re yetetsang ka tsona. (Joh. 13:35) Dilo tsowa di makegang a di fo re palakata. Di makega ka taba la gore Jeso ke yene a re gelepang. w22.07 9 ¶7-8

Mo re rapela Jehova di nyaka re šupetsa gore re ya hlompa. O fo nagana ka memmono ya go makatsa yo yi yyeng ya bona ke Jesaya, Hezekiyele, Daniyele le Johane. Ba bonne Jehova go le Kgoši. Jesaya o “bonne Jehova a duli ga setulo sage sa gore se kgakala.” (Jes. 6:​1-3) Hezekiyele a bona Jehova a duli ga koloyi yage ya gore yi dukulugiye ke “go gadimela . . . ga go tshwana le molalatladi.” (Hezek. 1:​26-28) Daniyele yene a bona wa “Botalatala” a yapere dikobo tse ditšhwewu fote mo ga setulo sage go bonala kgafo ya mollo. (Dan. 7:​9, 10) Ke mokane Johane yene a bona Jehova a duli ga setulo sa go lawola sa gore se dukulugele ke selo sa go tshwana le molalatladi wa go ba le khala ye tala. (Kut. 4:​2-4) Mo re kene re nagana ka taba yo ya gore a go na ye di mo tshwanelang tsa go gadimisiwa go tshwana le Jehova di nyaka re gopole gore mo re šutela gage ka thapelo di nyaka re šupetse gore re ya hlompa. w22.07 20 ¶3

Lune bo le sa gulang, Sathane o nyoko liketsa go go thibelela gore o sa gole ga tso tsa Modimo. So a nyoko se berekisang ke go maka gore o thomise go kamaka tso o di tšhutang ka ho Bhayibeleng. Mo re beyisa, mo goya-goya o ko di kweng tso ba di hlayang ba dhelela Modimo ba re dilo di f’lo timakegela. Nakwela o sa le ye monyana di ka makega gore a sanka wa kenelela ka matla ga taba yowa mara gana byalo ka taba la gore o šele o gudiye di ka makega gore o gahlane nayo taba yone ku sekolong. Tso mathitšere ma di bolabolang mo ma tla ga taba ya gore dilo di f’lo timakegela di ka bonala nkare di ya kwagala fote ke tsona. Mara, o ka kraya ba sa tihlupe ka go lebelela tso di šupang gore nnete o gona ye a Makiyeng dilo. O sa lebale tšhiko yo yi leng ga Diyema 18:17: “Motho wa mathomo mo a beya taba di ka kwala nkare wa resa, mara dilo di ya tšhentšha mo ye mongwana a thomisa go mo nyakolla ka diputsiso.” Di gabutši ka matla gore o sa fo wela ka hlogo o tshepa se sengwana le sengwana so o kwang ba se bolabola ku sekolong, di nyaka o sekela nnete ka Lentsung la Modimo go leng Bhayibele le ga dikgatiso tsa rune. w22.08 2 ¶2; 4 ¶8

Re di nyaka ka matla gore tso re di balang ka ho Lentsung la Modimo re di kwisise gore di ra gore king. Phela hala go se ka mokgonone, nke re fo balela moyano nje. Mo re beyisa, lebelela ka mokgo Jeso a yyeng a bolabola le “ye mongwana wa go tšiba mangwalo.” (Luk. 10:​25-29) Mo morenene a butsisa gore o tshwanele a make ying gore a thogo kraya lephelo la go ya go yye, Jeso o yye a mo gelepa gore a kraye phetolo ka Lentsung la Modimo ka go mmutsisa gore: “Molawo wo re king? Anthe wene o bala byang?” Morenene o yye a fetola gabutši a berekisa mangwalo ga taba ya go nyaka Modimo ka matla le go nyaka moyagelane. (Lef. 19:18; Dot. 6:5) Mara lebelela gore o yitseri king se sengwana fote: “Gabutšibutši moyagelane waka ke mang?” Di fo ba lekgwaying gore morenene ke mo a sa di kwisisi gore gabutšibutši tso a di balang di ra gore king. Phela le wene o fo di bona gore ke mo a sa di tšibi gore tso a di balang ga mangwalo yane a ka di berekisa ka mokgwa wofeng wa gore ke wona mo a kene a phela. Wa tšiba Jehova re ya mo hloka gore a re gelepe re thogo kwisisa Mangwalo gabutši. Byalo, di nyaka re kgopele moya wage wa go hlawolega wo re gelepe gore mo re bala monagano wa rune wo sa khunghuli ke tse dingwana, re boye re mo kgopele a re gelepe gore re berekise tso re di badiyeng. w23.02 9 ¶4-5

“Wene o yi krayye byang nnete yowa?” A re kamake gore putsiso yowa o yi fetudiye gatleletlele. Ke ye nngwana ya diputsiso tso lelata la Jehova le ka go butsisang mo le thomisa go gahlana. Phela a yi go natefa ga tsona go kwa mo magageru ma re botsa ka mokgo ma tšhutiyeng ka Jehova le go mo nyaka ka matla le rune di ya re jabodisa go le botsa gore re yi tseya byang nnete. (Marom. 1:11) Go bolabola ka dilo tsa mošaga wowa go re gelepa gore re sa lebale gore nnete yowa re yi tseyela gedimo ka mokgo mang. Fote di re gelepa gore re tikemisele ‘go ya mahlong re kene re ngangarele’ taba ya go phela ka mokgwa wa gore wo nyoko maka gore Jehova a re rufe a boye a re yamogele. Di tlele tso di makang gore nnete yowa re yi nyake ka matla. Mara selo se segolo ke taba ya gore ga Jehova Modimo re mo nyaka ka matla go leng yene ye a re tšhutisiyeng nnete. Fote ka Lentsu lage go leng Bhayibele re thogo mo tšiba go le ye a makiyeng dilo ka mokana ga tsona legedimong le lefaseng re boya re mo tseya go le Papa wa rune wa ku legedimong wa gore wa re pasopa.—1 Pet. 5:7. w22.08 14 ¶1, 3

Pawulo wa lepostola o hlohletsele magagabo gore ma šupetsane gore maa nyakanana ka go makelana “dilo tsa gabutši.” (Maheb. 10:24) O gelepiye magagabo ka tso a di hlayang le ka tso a di makang. Mo re beyisa, mo magagabo ya ku Judiya ma gayela tsa go ja Pawulo o yye a ma leyela tso di ka ma gelepang. (Meber. 11:​27-30) Gabutšibutši le mo yi le gore Pawulo ne a tshwaraganne ka matla ka mmereko wa go tšhomayela le wa go tšhutisa o yye a maka dipolane gore a thogo gelepa bo ba gayelang. Ka mokgonone o yye a tiyisa magagabo ga taba ya go tshepa gore Jehova o nyoko ma pasopa. Le rune lekgono mo re berekisa nako ya rune, matšhika le tso re kgonang go di maka gore re thogo gelepa ga mmereko wa go yimulla mo go na le dikotsi tsa hlago re tiyisa tumelo ya magageru. Fote go nyoko makega sosone mo re fela re neyela ga mmereko wa lefase ka mokana ga lona. Mo re maka dilo tsowa re gelepa magageru gore ma sa kamake gore Jehova a ka sa tsoge a ma lahliye. w22.08 24 ¶14

Bhayibele yi na le diporofeto tsa go tlala tsa gore di šele di makegiye fote tse dingwana tsa tsona ke mo ba di ngwadiye makgolokgolo ya mengwaga di soko makega. Dilo tsa botala di šupetsa gore diporofeto tsowa di makegiye. Tsotsone a di re makatse ka taba la gore re ya di tšiba gore ye a Ngwadiyeng diporofeto tsa Bhayibele ke Jehova. Nagana ka diporofeto tsa go bolabola ka go hludiwa ga mutši wa Bhabhilona ya ku botala. Gana hala ga bo 778 le 732 B.C.E., moporofeta Jesaya o yye a hlohletsela ke moya wa go hlawolega gore a hlaye di soko makega gore mutši wa Bhabhilona wa gore fote ne wo na le matšhika wo nyoko hludiwa. A boya a hlaya gore morene ba reng ke Sayirasi ke yene ye a nyoko hlulang mutši wone fote a hlatolla gore o nyoko wo hlula byang. (Jes. 44:27–45:2) Jesaya o porofitiye le gore Bhabhilona ba nyoko yi psyitlanya fote yi nyoko ba mašupi. (Jes. 13:​19, 20) Bhabhilona yi hludiye ke Mameda le Maperesiya ka 539 B.C.E., fote poleke yone gana byalo go fo ba mašuping. w23.01 4 ¶10

Jehova o ro re kgeta a re kenisa ka mutšing wa lefase ka mokana ga lona ga gore go na le malata yage. Ye lune, phela o ro re kota! (Mar. 10:​29, 30) Lefaseng ka mokana ga lona re na le magageru ya banna le ya basadi ya gore ma mo nyaka ka matla ga Jehova go fo tshwana le rune fote ba liketsa ka matla gore ba berekise melawo yage mo ba kene ba phela. Mmolabolo, setšo kela ka mokgo re yaparang a di nape di tshwana mara re fo kwa re le selo ka ssoši le mo re sa nape re tšibana ka matla. Fote di re natefela ka matla mo re gahlanne nabo gore re thogo thanaka re boya re rapela Papa wa rune ye a re nyakang ka matla wa ku malenghelengheng fote re dule re mamarelanne nabo. (Pis. 133:1) Ka dinako tse dingwana ba re gelepa go rwala tso di re robang. (Marom. 15:1; Magal. 6:2) Fote ba re hlohletsela gore re dule re tshwaraganne ka go maka mmereko wa Jehova re boye re dule re tiyye ga tso tsa Modimo. (Maheb. 10:​23-25) O fo nagana gore ne go nyoko ba byang hala le gore ne re sa tšhireletse ke phutego gore re sa thogathoge mo re hlasela ke manaba ya rune go leng Sathane Diyabolo le lefase lowa la go befa. w22.09 2-3 ¶3-4

O ka kraya re liketsega ga taba ya go titshwara mo re bolabola le ba bangwana ga tsa inthanete. Mo re sa pasope re nyoko ntsha ditaba tsa gore a di nyake ba bangwana ba di tšiba re di botsa batho ba go tlala. Mo taba yone yi šele yi sabalele ga tso tsa elekthroniki re ka sa sa ba le matšhika ya go yi thibelela ga taba ya gore batho ba nyoko yi berekisa byang kela yi nyoko sinya go segela kaye. Go titshwara fote go nyoko re gelepa gore re kgomolele re re tsee mo bo ba go phigisa ba re liketsa gore re hlaye dilo tsa gore di nyoko bolayisa magageru. Taba yowa yi ka makega mo maphodisa ma re hlorisa gore re ntshe ditaba ga dinaga tsa gore mmereko wa rune ba wo rakele. Ga seyemo sowa re ka berekisa tšhiko ya gore “re ko kgomolela re re tsee.” (Pis. 39:1) Ka moka nako di nyaka re tshepega mo re berekisana le ba mutši, mašaga ya rune, banghana, magageru le batho ba bangwana. Fote gore re tshepege di nyaka re titshwara. w22.09 13 ¶16

Gore re jabole tsa mannete, re tshwanele re bale re boye re tšhute Bhayibele. Fote re phidisa ke lona. Nka taba lo Jeso a hlayyeng gore: “Motho a ka sa phele ka sekgwa fela, mara o nyoko phela le ka mantsu ya ma tšwang ga Jehova.” (Mat. 4:4) Byalo, di nyaka re karakare gore le sa nape le sobela re sa tšhuta Lentsu la Modimo go leng Bhayibele. Ka taba la gore Jehova o re nyaka ka matla ka ho Bhayibeleng o hlayye tso re ka di makang gore re thogo jabolela lephelo. Re tšhutiye gore ke ntaba a makiye gore batho ba phele ho lefaseng. Fote ra tšhuta le gore re ka maka senghana naye ka mokgo mang le tso re ka di makang gore a re tshwarele ga tso re di sinnyeng. Se sengwana so re se tšhutiyeng ke tso a re tshepisang tsona tsa gore di nyoko makega ku mahlong. (Jer. 29:11) Nnete yowa re yi krayang ka howa Bhayibeleng yi maka gore re jabole ka matla! Mo re kwa nkare tsa lephelo dya re kgongwetsa di nyaka re yeketsa nako yo re yi berekisang go bala Lentsu la Jehova re boye re ghayela ka lona. w22.10 7 ¶4-6

Bhayibele yi re hlohletsela di kwala gore ke ntaba re sa tshwanela go ba ba go sa nyake go tšiba selo. Re ka di kgona go maka ka mokgonone mo re ka berekisa ditšhiko tsa Bhayibele mo re kene re phela. Ka gonyana ka gonyana re nyoko bona ka mokgo ditšhiko tsone di re gelepang gore re thogo hlula dintshitshire fote re segelele dipheto tsa gabutši. Di gabutši ka matla go nagana ka dipheto tso re šeleng re di segelele. Mo nkare ke botala o tšhuta Bhayibele fote o ya megahlanong, o ka tiputsisa gore, ke ntaba ke sa tineyele ga Jehova ke boya ke kolobetsiwa. Mo nkare o šele o kolobetsiwwe, ayitsano o kene o lokotša matšhomayelelo yago le matšhutiselo yago ga taba ya go tšhomayela ditaba tsa go bafala? Ayitsano dipheto tso o di segelelang di šupetsa gore o yetetsa ke ditšhiko tsa Bhayibele? Ayitsano o na le mekgwa ya go šupetsa gore ke wene Mokreste mo o berekisana le ba bangwana? Mo nkare o nyaka go potolla go gongwana o sa lebale tso Jehova a go gopotsang tsona tsa gore, ‘maka wa go sa tšibi selo gore a hlalefe.’—Pis. 19:7. w22.10 20 ¶8

Hezekiyele o di bonne tsa gore moya wa go hlawolega wa Modimo wo na le matšhika. So Hezekiyele a se bonneng ga mmono se mo gelepiye gore a thogo di bona tsa gore moya wa go hlawolega ke wona wo gelepang mangeloyi ya go ba le matšhika gore ma thogo tšhofa mabilo ya koloyi ya Jehova. (Hezek. 1:21) Mara Hezekiyele o yitseri king ka tso a di bonang? Mo a ngwala tso a bonneng di makega o yitseri. “Mo ke yi bona, ka yinamisa sefahlego.” Ka taba la gore Hezekiyele ke mo a makatsiye ke tso a di bonang, o yye a wela fase. (Hezek. 1:28) Ka nthago, mo Hezekiyele a nagana ka dilo tsa go makatsa tso a di bonneng ga mmono wone, di ka makega gore ke mo di šihlela taba ya gore mo a gelepa ke moya wa Modimo wa go hlawolega, o nyoko fo ya mahlong a maka mmereko wa go tšhomayela. Jehova o yye a botsa Hezekiyele a re: “Morwayi wa motho tlogamela gore ke thogo go bolabodisa.” Mo Jehova a botsa Hezekiyele gore a tlogamele, Hezekiyele o yye a tikwa a na le matšhika ya go tlogamela hone fase. (Hezek. 2:​1, 2) Ka nthago, mo Hezekiyele a kene a maka mmereko wa go tšhomayela, ke mo a yetetsa ke “letsogo” la Modimo—go leng moya wa Modimo wa go hlawolega.—Hezek. 3:22; 8:1; 33:22; 37:1; 40:1. w22.11 4 ¶7-8

Gabutšibutši moporofeta Jesaya o re Jehova o tshwana le mong thitšere, ya gore o sepela ka nthago ga bo a ba tšhutisang o ba šupetsa tsela yo ba tshwaneleng ba sepele ga yona a kene a ba yetetsa. Lekgono re kwa lentsu la Modimo ka nthago ga rune. Ka mokgo mang mara? Lentsu la Modimo ba le ngwadiye ku botala ka ho Bhayibeleng, re soko bane re ba gona. Byalo, mo re bala Bhayibele, di fo ba nkare re kwa lentsu la Modimo ka nthago ga rune. (Jes. 51:4) Tso Jehova a re yetetsang ka tsona di ka re berekela ka mokgo mang? Lebelela dilo ka dipedi tso Jesaya a di hlayyeng. Sa mathomo, “tsela ke yowa.” Sa bobedi, “ariye ka yona.” Go fo tšiba “tsela”aa gwa yenela. Di nyaka ‘re ye ka yona.’ Lentsu la Jehova le tso mokgahlo wo re botsang tsona di re tšhutisa tso Jehova a di nyakang ho ga rune. Fote re tšhuta le ka mokgo re ka berekisang tso re di tšhutang. Gore re thogo tiyisela re kene re jabodiye mo re berekela Jehova, di nyaka re make dilo tsone ka dipedi. Mo nkare re tšhuta re boya re di maka a go jiki Jehova o nyoko re rufa. w22.11 11 ¶10-11

Ka nthagonyana ga mo mapostola ya go tlala ya Jeso ma šele ma hlokofele, go yye gwa ba le Makreste ya go timakisa ka phutegong. (Mat. 13:​24-27, 37-39) Ne ma bolabola ‘dilo tsa gore di kekemme, ma maka gore malata ma ma šale nthago.’ (Meber. 20:30) Tse dingwana tsa “dilo tsa gore di kekemme” tso Makreste ya go timakisa ma yyeng ma thomisa go di tšhutisa ke gore, Jeso aa neyela ka mmele wage “ga teya gore a tlose tso ba go tlala ba di sinnyeng,” go ya ka mokgo Bhayibeleng yi hlayang, mara ne ma re sehlabelo sage di nyaka ba se make ba kene ba boyelela. (Maheb. 9:​27, 28) Batho ba go tlala lekgono ba dumela matsaka yane ne ba ma tšhutisa. Ba ya kerekeng beke ye nngwana le ye nngwana fote ka dinako tse dingwana ba ya ka moka matšatši gore ba gopole sehlabelo sa Jeso sa gore ga kereke ya Khatolika ba re ke “Sehlabelo sa Batho ba go Tlala.” Mekgahlo ye mengwana ya dikereke a yi gopole likgu la Jeso gatleletlele mara malata ya wona a ma nape ma di tšiba gabutši so se relang ke sehlabelo sa Jeso. w23.01 21 ¶5

Mo Jeso a Lawola ka Sekete sa Mengwaga o nyoko tsosa bo ba kgwileng ke mokane a gelepa ka mokana ga bona bo ba theetseleng Jehova gore ba felegelele. Bo ba gore Jehova o ba yahludiye a kraya ba lukiye “ba nyoko dula ho lefaseng fote ba nyoko dula mo ga lona go ya go yye.” (Pis. 37:​10, 11, 29) Sa go jabodisa ke gore, “lenaba la mafelelo lo ba reng ke likgu,” go nyoko “fela ka lona.” (1 Makor. 15:26) Lentsu la Modimo ke lona le re neyang tshepo ya go phela go ya go yye. Tshepo yone yi ka re gelepa gore re dule re tshepega ga dinako tso tsa go thathafa tsa matšatši ya mafelelo. Mara gore re thogo jabodisa Jehova, di nyaka re sa tšhofe ke taba ya go fo re re nabela go dula re phela. Selo se segolo so se makang gore re dule re tshepega ga Jehova le ga Jeso ke gore a re timakisi mo re re re ba nyaka ka matla. (2 Makor. 5:​14, 15) Tsotsone ke tsona tso di re tšhofang gore re ba yekisele re boye re botse ba bangwana ka tshepo yo re nang nayo. (Marom. 10:​13-15) Mo re sa tinyakele tsa rune beng fote re sa konane, Jehova o nyoko jabolela go re beya mo lethekeng lage ke mokane re ba banghana bage go ya go yye. w22.12 6-7 ¶15-16

Mo re hlupegisiwa re ka lahlegela ke dilo tsa go tlala tsa go re gelepa gore re dule re bebiye. Re ka thomisa go kgongwela fote ra tshosa ke gore go nyoko makega ying ka nthago. Phela a re sinyi mo re tikwa ka mokgonone. Mara di nyaka re ntsha maahlo dikwakweng. Jeso o hlayye gore taba ya go hlupegisiwa yi nyoko maka gore bo ba mo latelelang ba phiriketsege. (Joh. 16:​1, 2) Jeso o re butsiye gore re nyoko hlupegisiwa a boya a re tshepisa gore re ka di kgona go dula re tshepega. (Joh. 15:20; 16:33) Mo mmereko wa rune ba wo rakele, re ka yetetsa ke ofisi ya lekala le bagolo. Tsotsone ke tsa go tšhireletsa rune, gore re thogo ya mahlong re kraya tsa go ja tsa go tšwa ga Modimo, fote le go re gelepa gore re ye mahlong re tšhomayela ka mokgo re kgonang. Maka so o ka se kgonang gore o theetsele tso ba re yetetsang ka tsona. (Jak. 3:17) Fote a ra tshwanela go fo bolabolanya dilo tso di sa nyakeng re di botsa batho ba gore a ba tshwanela go di tšiba ka magageru.—Mmo. 3:7. w22.12 20-21 ¶14-16

Le lekgono lowa, Jeso o sa na a ya mahlong a yetetsa malata yage mo ma kene ma tšhomayela ka Mmušo wa Modimo lefaseng ka mokana ga lona. O makiye tso a di tshepisiyeng. Jeso o berekisa mokgahlo wa Jehova gore a re tšhutise go tšhomayela fote o re neya dithulusi tso re di hlokang gore re thogo sabalatsa ditaba tsa go bafala. (Mat. 28:​18-20) Re maka mmereko wa rune wa go tšhomayela le wa go tšhutisa ka matšato fote re dula re ntshiye maahlo dikwakweng mo re kene re sa yemele Jehova gore a fetse ka lefase lowa. Mo re ka berekisa mayele ya ma leng ga Maheberu 6:​11, 12, re nyoko dula re ngangarele tshepo ya rune “go segela mafelelong.” Jehova o šele a beyye letšatši le nako yo a nyoko fetsang ka lefase lowa la Sathane. Mo letšatši lone le segela, Jehova o nyoko maka dilo ka mokana ga tsona tso a di porofitiyeng ka Lentsung lage. Ka dinako tse dingwana re ka tseya nkare nako ya gore go fele ka lefase lowa ya diyega. Mara letšatši la Jehova “le ka sa diyegi!” (Habak. 2:3) Byalo, tla re tikemiseleneng go ‘dula re ramele Jehova,’ re šupetsa “mokgwa wa go yemela Modimo [wa rune] wa go re phonisa.”—Mmik. 7:7. w23.02 19 ¶15-16

Motho wa gore o kalama thaba so a tikemiseleng go se segelela ke gore a segele ku malenghelengheng. Le mo go le ka mokgonone, go na le dipoleke tsa go tlala tso di leng ga pata yone ga gore a ka yemanyana a jabolela go lebelela dilo tsa go bafala tso a di bonang. Le wene o ka fo tseya nako o nagana ka mokgo Jehova a makiyeng gore o phomelele le mo o kene o tiyisele mathatha. Mo letšatši le lengwana le le lengwana le fela, o ka tiputsisa gore: ‘Ke bonne Jehova a nrufa ka mokgo mang lekgono? Le mo ke sa na ke tlaparele ke mathatha, Jehova o n’gelepa ka mokgo mang gore ke tiyisele?’ O bone ho nkare o ka kgona go bona selo ka ssoši so Jehova a yyeng a go rufa ka sona sa gore se makiye gore o phomelele. Ke nnete gore o ka fo ba o rapelela gore tso o ghulanang natso di nape di ya le noka. (Mafil. 4:6) Mara a di nyake re takisa maahlo tso re rufiwang ka tsona gana byalo. Akere Jehova o re tshepisa go re tiyisa le go re gelepa gore re tiyisele. Byalo, o sa lisetse go dula o yi tseyela gedimo taba ya gore Jehova wa go thega. Ke mokane o nyoko bona ka mokgo Jehova a go gelepang ka gona gore o phomelele mo o ghulana le dintshitshire.—Gen. 41:​51, 52. w23.01 19 ¶17-18

Tiputsise gore: ‘Ayitsano maphelelo yaka ma šupetsa gore ke ya di bona tsa gore lefase lowa la go befa le thina ka matla le mong mafelelong? Ayitsano sepheto so ke se segeleleng ga taba ya go ya yunivesithi kela ya go hlawola mmereko wa go tipasopa yi šupetsa gore ke yi tseyela gedimo taba ya go berekela Jehova? Ayitsano ke ya yi tshepa taba ya gore Jehova o nyoko mpasopa a boya a pasopa ba mutši waka?’ O fo nagana gore Jehova o jabola go segela kaye mo a bona re liketsa ka matla gore re make tso yene a di nyakang. (Mat. 6:​25-27, 33; Mafil. 4:​12, 13) Di nyaka re dula re nyakolla ka mokgo re naganang ke mokane re potolle mo di nyakang re potolla gona. Pawulo o butsiye Makorente gore: “Le sa lisetse go tinyakolla gore le thogo bona gore ayitsano le na le tumelo. Le ye mahlong le tišupetsa gore ke lune batho ba mošaga mang.” (2 Makor. 13:5) Byalo, di nyaka re tšhentšha ka mokgo re naganang ka go bala Lentsu la Modimo gore re thogo nagana ka mokgo a naganang fote re make dilo ka mokgwa wa gore wo nyoko mo jabodisa.—1 Makor. 2:​14-16. w23.01 9 ¶5-6