October

Ka mokana ga rune re ka maka gore megahlano ya rune ya phutego yi phomelele ka go tšhela letsogo mo re yepelela le go lukiselela gabutši gore re thogo fetola. Ga ba bangwana go ro ba mong ntshitshire go yepelela kela go fetola mo go tleleng batho. Ayitsano le gago go ka mokgonone? Mo nkare go ka mokgonone, lebelela gore ba bangwana ba makiye ka mokgo mang gore ba thogo hlula ntshitshire yone. Ba bangwana ba di bonne gore di ya gelepa go yepelela ka pelo ka moka. Mo re šinya re yepelela dikoša tsa Mmušo, re tšhofa ka matla ke gore re nyaka go thanaka Jehova. Byalo o lukiselela koša a sa le gaye go fo tshwana le mo o lukiselela dipolabolo tse dingwana tsa mogahlano fote o liketsa go bona gore di yelana byang le tso ba nyoko di tšhutang. Fote o sa hlupege ka matla ka go tšoroka mara theetsele molayetsa wa koša. Go fetola megahlanong go ka ba ntshitshire ye kgolo ga ba bangwana. King so se ka go gelepang? O sa lisetsi go fetola. A go sinyegi selo mo o sa lefisi ditaba, fote o sa hlaye dilo tsa go tlala. Jehova o yi tseyela gedimo ka matla taba ya gore re tikemisele go mo thanaka mo re le megahlanong ya phutego. w22.04 7-8 ¶12-15

Lentsu go “gelepa,” le bolabolela ga motho wa gore ka go yakgoswa o taboga a ye gelepa motho wa gore o llela gore ba mo thuše. O fo nagana Jehova ka go yakgoswa a gelepa motho wa gore o gomele ke mathatha. A re kamake gore taba yowa yi šihlela gore Jehova o tikemisele go re gelepa. Mo re na le Jehova, re ka tiyisela dintshitshire re kene re jabodiye. Ke mekgwa yifeng ye mengwana ya go šupetsa gore Jehova wa re gelepa? Gore re kraye phetolo, tla re lebeleleneng puku ya Jesaya. Ke ntaba mara? Diporofeto tsa go tlala tso Jehova a di hlohletseleng Jesaya gore a di ngwale di sa na di bereka le ga malata ya Modimo lekgono. Fote ga go tlala mo Jesaya a bolabola ka Jehova, o berekisa mantsu ya gore di lula go ma kwisisa. Mo re beyisa, re ka lebelela Jesaya tema 30. Ga tema yone, Jesaya o berekisa mešupetso ya gabutši ya go hlatolla ka mokgo Jehova a re gelepang rune batho bage, tsotsone o di maka ka mokgo, (1) o re theetsela di mmaba fote o fetola merapelo ya rune, (2) wa re yetetsa (3) wa re rufa gana byalo fote o nyoko re rufa le ka tsa ku mahlong. w22.11 8 ¶2-3

Ga melayetsa yo Jeso a yyeng a yi romela ga diphutego tsa ku Simirina le Filadelifiya, o butsiye Makreste ya gana ku gore di sa ba hlagasedisi tsa gore ba nyoko ma hlupegisa ka taba la gore ba nyoko rufiwa la go sa hlayisegi mo ba ka fo tshepega. (Kut. 3:10) Di nyaka re di yemele tsa gore re nyoko hlorisiwa fote re tikemisele go tiyisela. (Mat. 24:​9, 13; 2 Makor. 12:10) Puku ya Kutullo yi re botsa gore batho ba Modimo ba nyoko ba hlorisa ga dinako tso tsa rune tsa—“letšatši la Morena.” (Kut. 1:10) Kutullo tema 12 yi re go yye gwa thomisa ntwa ku legedimong ka nthago ga mo Mmušo wa Modimo wo thomisiye go lawola. Mayikhele—go leng Jeso Kreste wa gore o gadimisiwwe le masole yage ba nyoko lwa le Sathane le madimona yage. (Kut. 12:​7, 8) Ka nthago ga tsotsone manaba ya Modimo ba yye ba ma hlula ba ma lahlela ho lefaseng ke mokane tsotsone dya maka gore go makege tsa go sasamela tsa gore a di hlayisegi ho lefaseng le ga batho bo ba dulang ho ga lona.—Kut. 12:​9, 12. w22.05 5 ¶12-13

Jehova o yahlula gabutši fote aa hlawolane. Mo a yahlula aa yi ka gore motho yene ke mang, o nghannye, wa tšibega kela ke segele ga tse dingwana. (1 Sam. 16:7; Jak. 2:​1-4) Aa šiyo wa gore a ka makisa Jehova dilo ka tšhinghi kela a mo neya tšotšo. Fote mo a segelela dipheto aa yi ka gore go na le so se mo tshwatisiyeng. (Ek. 34:7) Byalo, a re kamake gore Jehova di ya mo tshwanela tsa gore go be yene Wa go Yahlula ka taba la gore wa kwisisa fote o tšiba ditaba ka mokana ga tsona. (Dot. 32:4) Bo ba ngwadiyeng Mangwalo ya Seheberu baa di tšiba tsa gore aa šiyo ye mongwana wa go tshwarelana go tshwana le Jehova. Go gongwana mo ba ngwala ba berekisiye lentsu la Seheberu la gore puku ye ngwana mo yi le hlatolla yi hlayye gore “lentsu lone le berekisiwa fela ga taba ya mo Modimo a tshwarela motho wa gore o sinnye, fote lentsu lone a le fo berekisiwe ga taba ya mo batho ka babedi ba tshwarelana.” Ke Jehova a le ntoši wa gore wa di kgona go napa a ro tshwarela motho wa gore o šupetsa gore o tisola tsa mannete. w22.06 4 ¶10-11

Mo nkare o tigudisela bana o le ntoši kela monna wago a yi Hlatse, o sa kamake gore tso o di makang tsa go šupetsa gore wa tshepega di tiyisa ba bangwana fote di ba hlohletsela go maka tsa gabutši. Byalo, mo nkare ngwanago aa di tseyele hlogong tso o liketsang go di maka gee? O sa lebale gore di tseya nako go tšhutisa ngwana. Mo o gaša pewu, go gongwana o fela o tiputsisa gore ayitsano go nyoko ba le semelane, sa boya sa gula gore se thogo yengwa. Le mo o sa tšibi gore kela se ko guleng, o fo ya mahlong o tšheletsa o kene o nabela gore se gule. (Mar. 4:​26-29) Ka mokgonone le wene mmane, di ka makega gore o fela o tiputsisa gore ayitsano wa yi segelela pelo ya ngwanago. O ka sa di kgone go lawola ka mokgo dilo di makegang. Mara mo o kene o karakara gore o ba tšhutise, o ba thulela mašuba ya gabutši ya gore ba hluhlutele ga tso tsa Modimo. w22.04 19-20 ¶16-17

Solomoni ne a titseya gabutši nakwela go sa le lelata la Jehova la go tshepega. Mo a sa le mosogana, ke mo a tinyanafatsiye a tšiba gore go na le tsa go mo kgerela fote a fela a kgopela Jehova gore a mo yetetse. (1 Mag. 3:​7-9) Mo Solomoni a sa thomisa go ba kgoši ke mo a dula a ntshiye maahlo dikwakweng gore a thogo kganela kgole le taba ya go kakola magetla. Mara sa go kwisa go baba ke gore, Solomoni yene beng di mo šitiye go maka tso a di hlayyeng. Mo a kene a lawola go le kgoši, o yye a thomisa go ba le magetla ke mokane a thomisa go phayela melawo ya Modimo ku thoko. Mo re beyisa, molawo wo mongwana ke mo wo re kgoši ya Leheberu “yi sa tseye basadi ba go tlala, gore pelo ya yona yi sa keketlele.” (Dot. 17:17) Solomoni a sanka a di kena tsa molawo wone o yye a titseyela basadi bage 700 a boya a yeketsa ka 300 ya metlabo! (1 Mag. 11:​1-3) Di ka makega gore Solomoni ne a tipotsa gore, “ke tšiba so ke se makang.” Mo goya-goya Solomoni o yye a tlela ke tsa go sasamela ka taba la gore ke mo a keketlela kgole le Jehova.—1 Mag. 11:​9-13. w22.05 23 ¶12

Lekgono batho ba šalele ke gore ba segelele sepheto se segolo. Ayitsano ba nyoko thega Jehova Modimo go le yene ye di mo tshwanelang tsa go lawola lefase ka mokana ga lona kela ba nyoko yema le lenaba lage la go ba le lešidi Sathane Diyabolo? Tsa go fo ba segare a di bereke. Sepheto so ba se segelelang ke sona so se šupetsang gore ayitsano ba ko le kraya lephelo la go ya go yye kela dho. (Mat. 25:​31-33, 46) Ka nako ya “motšhatšhamelo wo mogolo,” batho ba nyoko ba mereka go le ba go tshwanela ke lephelo kela go napa go fela ka bona. (Kut. 7:14; 14:​9-11; Hezek. 9:​4, 6) Mo nkare o kgetiye go thega Jehova le Mmušo wage, o kgetiye gabutši a wa pumutsa. Gana byalo o di nyaka ka matla go gelepa ba bangwana gore le bona ba kgete gabutši. Bo ba gore ba thega Mmušo wa Jehova o nyoko ba rufa. Re nyoko ba re maka gabutši mo re ka fo pombhola nnete yowa. Mo re ka maka ka mokgonone re nyoko dula re ngangarele Jehova re sa khwanyudisi. Go tokegela gana hone, ka tso re di tšhutiyeng re ka gelepa ba bangwana gore ba segelele dipheto tsa gabutši ba boye ba di make. w22.05 15 ¶1-2

Di nyaka re theetsela Jehova go seng manaba ya rune. Jobo ke mo a mo theetsele gabutši ga Jehova mo a bolabola naye. Modimo o yye a gelepa Jobo gore a thogo bona ditaba gabutši o mmutsisiye diputsiso tsowa: ‘Phela dilo ka mokana ga tsona tso di go makegeleng ke di bonne. Ayitsano o nagana gore di ka nšita go go pasopa?’ Jobo o yye a fetola a tinyanafatsiye fote a šupetsa gore o leboga Jehova ka taba la gore o lukiye o yitseri. “Ba nhlayisele ka wene mara gana byalo ke šele ke di bona ka maahlo.” (Jobo 42:5) Phela Jobo ke mo a sa na a duli gana hala luteng, mmele wage o butšwiye ka dithogo mo a hlaya mantsu yane. Le mo go le ka mokgonone, Jehova o yye a šupetsa Jobo gore O mo nyaka ka matla fote wa mo yamogela. (Jobo 42:​7, 8) Le lekgono lowa, batho ba ka re rogelela ba boya ba re tshwara nkare ke rune ditšiya tsa ditoto. Ba ka liketsa go re sinya mabitso ba boye ba sinya le mokgahlo wa rune lebitso. Ga taba yowa ya Jobo re tšhutiye gore Jehova aa kamake gore re nyoko dula re tshepega mo re tlela ke dintshitshire. w22.06 24 ¶15-16

Le mo yi le gore ka nako yonone ku legedimong ba ko ba ba jabodiye ka matla mo ba bona Bhabhilona ye Mogolo yi psyitlanyiwa, go na le se sengwana sa gore se nyoko maka gore ba nape ba jabole la go sa hlayisege. (Kut. 19:​1-3) Gabutšibutši ke mo taba ya puku ya Kutullo yi felelang gona—go leng “mošadho wa Nku.” Ka mokana ga bona bo ba 144 000 ba ko ba ba šele ba le legedimong mo go šele ka gonyana gore ntwa ya Aremaghedoni yi thomise. Mara mošadho wone wa Nku wo ka sa thomisi ka nako yonone. (Kut. 21:​1, 2) Wo nyoko thomisa ka nthago ga ntwa ya Aremaghedoni fote mo go fediye ka manaba ka mokana ga wona ya Modimo. (Pis. 45:​3, 4, 13-17) Mošadho wowa wa Nku wo ba leyela ying ba bangwana? Go fo tshwana le mo mošadho wo maka gore monna le mosadi go be selo ka ssoši, byalo le mošadho wa go tshwanisela wo gahlanisa Kgoši go leng Jeso Kreste le “ye a tseyanang naye” go leng 144 000. Taba yone ye kgolo yi maka gore go be le mmušo wa gore wo nyoko lawola lefase ka 1 000 ya mengwaga.—Kut. 20:6. w22.05 17 ¶11-13

Jeso o hlayye gore ka dinako tsa mafelelo o nyoko kgeta “lelata la go tshepega la gore fote le hlalefiye” gore le thogo pasopa batho ka tso tsa Modimo. (Mat. 24:45) Fote le šupetsa le yi tshwere. Ye a re yetetsang go leng Jeso o berekisa mogoba wo monyana wa banna ba gore ba tlotsiwwe gore ba neye batho ba Modimo le batho ba gore baa di jabolela “tsa go ja ka nako ya gona.” Banna bowa a ba titseyi gore bona ba tshwanele ba lawole tumelo ya ba bangwana. (2 Makor. 1:24) Mara baa di tšiba tsa gore Jeso Kreste ke yene a “yetang mahlong fote ke yene a beyang molawo. (Jes. 55:4) Go tlugisela ka 1919, lelata la go tshepega le yye la maka gore go be le dikgatiso tsa mohlobohlobo tsa go gelepa bo ba nyuwane ba gore baa di jabolela ditaba tsowa gore ba fo leka ka gonyana ba kwe gore tso tsa Modimo di byang. Ka 1921, lelata lowa le yye la maka puku ya gore The Harp of God gore le gelepe bo ba jabolelang gore ba tšhute Bhayibele. Mo goya-goya ba yye ba maka dikgatiso tse dingwana fote. Wene ke kgatiso yifeng yo yi yeng ya go gelepa gore o thogo tšiba Papa wa rune wa legedimong? w22.07 10 ¶9-10

Jehova ke motho wa gore aa konane. Se sengwana le se sengwana so o mo neyang sona, yene o dula a tokegela ka go go neya tsa go napa a ro go nyipela. (Mar. 10:​29, 30) O nyoko go neya lephelo la gabutši la gore wa le jabolela, wa kwa o kgotsofele tsa gana byalo ga lefase lolowa la go befa. Fote ka tsotsone o ko ba a sa fo go lekisa ka gonyana. O ka ya mahlong o kene o mmerekela go ya go yye ga Papago wa gore o mo nyaka ka matla. Phela taba ya gore ga Papago o mo nyaka ka matla yi ko fo ya yi hluhlutela fote o nyoko dula o le gona go ya go yye go tshwana naye. Mo o tineyela ga Modimo o boya o kolobetsiwa o thulegela ke lešuba la go neya Papago selo sa go bafala ka matla. O go neyye selo se sengwana le sengwana sa gabutši le dinako tso o yyeng wa di jabolela. O ka šupetsa gore wa leboga ka go neya Mong wa legedimo le lefase selo sa gore a o soko mo neya sona go leng go mo makela dilo ka go di nyaka o boya o mmerekela o kene o tshepega. (Jobo 1:8; 41:11; Diy. 27:11) Phela ka mokgonone o ko ba o tikgetele lephelo la gabutši wa tšiba! w23.03 6 ¶16-17

Mo motho a thomisa go gola-gola taba ya go maka tsa ka mapaying yi fo duma ka ho hlogong, byalo tsotsone di ka mo tšhofa gore a make dilo tsa go sa hlamatsega. Sathane o nyaka gore o nape o ro tlungwela ga tso o di nabelang. Mara king so se ka go gelepang gore o kganele kgole le go maka dilo tsa go sa hlamatsega? (1 Mathes. 4:​3, 4) Mo o rapela o le ntoši botsa Jehova ka mokgo o tikwang. O sa mo wutametsele selo mo kgopele gore a go tiyise. (Mat. 6:13) O sa lebale gore Jehova o tikemisele go go gelepa fote a ka sa tabogele go go yahlula. (Pis. 103:​13, 14) O sa rwale mathatha yago o le ntoši. Botsa babelegi bago gore o kokona king. Wa tšiba a di lula go botsa ba bangwana ka mathatha yago mara dya nyakega gore o make ka mokgonone. Mo o bala Bhayibele o boya o ghayela ka ditšhiko tsa yona o nyoko di bona gore di lula go segelela dipheto tsa gore di ka jabodisa Jehova. O ko di boneng le wene gore a di nyake go ba le molawo ga seyemo se sengwana le se sengwana ka taba la gore o ko ba o kwisisa gore Jehova o tseya ditaba ka mokgo mang. w22.08 5 ¶10-12

Mokreste ye go leng hlogo ya mutši o na le mmereko wa go pasopa ba mutši wage ka tso ba di gayelang. Mo nkare le wene ke wene hlogo ya mutši, di ka makega gore tsotsone ne di maka gore o šekedise ke taba ya gore ayitsano o nyoko di kgona go pasopa ba mutši wago ka tsa go ja, go patela rente kela go patela sekoloto sa ntlo. Di ka makega gore o tšhogela gore mo o ka felela ke mmereko go nyoko ba letogo go kraya wo mongwana. Kela o thomisiye ka go jikajika nakwela di nyaka o tšhentšhe mmereko wago wa go tipasopa gore o thomise go phela lephelo la lula. Phela mešekelo ya mošaga wonone ke mong thulusi ya gore ya phomelela yo Sathane a yi berekisang. Sathane o liketsa ka matla go maka gore re tseye gore Jehova aa tihlupe ka rune fote mo go le ga taba ya go pasopa ba mutši aa kene felo, rune beng re ko tipona gore re tšwa byang. Ka taba la tsotsone o ka kraya re tipotsa gore re nyoko fo ya mahlong re ngangarele ga mmereko wo re nang nawo le mo re di bona tsa gore mmereko wone o maka gore re keketlele kgole le ditšhiko tsa Bhayibele. w22.06 15 ¶5-6

Re ya di tšiba tsa gore Modimo wa rune ke “wa go kwelana go baba le go naganelana wa gore aa yakgoswe a kwata wa go nyakanana ka matla wa gore fote o kwana le nnete.” (Ek. 34:6) Jehova o nyaka gore batho ba tshwariwe gabutši. (Jes. 61:8) Byalo, di mo kwisa go baba mo a bona re hlupega fote o tikemisele go fetsa ka mehlupego ka mokana ga yona ka nako ya gona. (Jer. 29:11) Ye lune, phela taba yowa ya jabodisa! Nnete a di makatse mo ga Jehova re mo nyaka ka mokgo! King se sengwana so se makang gore re kwane le nnete yowa ka matla? Nnete yowa ya re berekela. Lebelela mošupetso ke wowa. Nnete yo yi leng ka Bhayibeleng yi tšhela le taba ya tshepo yo re nang nayo ya tsa ku mahlong. Go fo tshwana le tshipi yone yi tshwarang sekepe tso re tshepelang ga tsona tsa gore di tšwa ka ho Bhayibeleng di nyoko re gelepa gore re sa thogathoge mo re gahlana le dintshitshire. Ga temanyana ya lekgono, Pawulo wa lepostola ne a bolabola ka tshepo ya go ye phela legedimong yo Makreste ya gore ma tlotsiwwe ma nang nayo. Mara mantsu yawa ma bereka le ga Makreste ya gore ma yemele go tl’le phela go ya go yye pharadeyising ho lefaseng. (Joh. 3:16) Byalo, go tšhuta ka tshepo yo ya lephelo la go ya go yye go nyoko re gelepa gore re tšibe so re se phelelang. w22.08 14-15 ¶3-5

Di lula go tshepa ba bangwana mo nkare re ba nyaka ka matla. Makorente wa Mathomo tema 13 yi bolabola ka taba ya go nyakanana ya gore yi ka re gelepa gore re boye re tshepe ba bangwana. (1 Makor. 13:​4-8) Mo re beyisa temanyana 4 yi re “Motho wa go nyaka batho ba bangwana ka matla, o lefiselana pelo fote o makela ba bangwana dilo tsa gabutši.” Jehova o re lefisela pelo le mo re mo sinyele. Byalo, di rela gore le rune re ka lefisela magageru pelo mo ba ka bolabola kela ba maka dilo tsa gore di ya re tshwatisa kela di re kwisa go baba. Temanyana 5 yi tokegela ka gore: “[Motho wa go nyakanana] aa yakgoswe a toba. Fote aa tshware ba bangwana ka pelo.” Phela a re di nyake tsa go dula re gopola tso ba di kekemisiyeng go fo makela gore re tle re ba gopotse tsona ku mahlong. Mmolabodi 7:9 yi re di nyaka re “sa yakgoswele go kwata.” Liketsa go tseya magageru ka mokgo Jehova a ma tseyang. Modimo o ma nyaka ka matla fote aa balele tso ma di sinyang. Le rune di nyaka re make ka mokgonone. (Pis. 130:3) Di nyaka re karakare ka matla gore re thogo bona mekgwa ya wona ya gabutši.—Mat. 7:​1-5. w22.09 3-4 ¶6-7

Puku ya Daniyele yi re wunyullela ka mokgo dilo tsa go jabodisa di nyoko makegang ka go lategetsana ka dinako tso tsa mafelelo. Mo re beyisa, Daniyele 12:1 yi re wunyullela gore Mayikhele go leng Jeso Kreste o nyoko “tlogamela a yemelela batho [ba Modimo].” Sekopa sa seporofeto sone se thomisiye go makega ka 1914 mo Jeso ba mmeya gore go be Kgoši ga Mmušo wa Modimo ku legedimong. Le mo go le ka mokgonone, Daniyele ba mmutsiye gore Jeso o nyoko “tlogamela” ka “nako ya go sasamela ya gore a yi soko bane yi makega go tlugisela lefase le le gona go segela ka nako yonone.” Mo re bolabola ka “nako ya go sasamela” ke ya “motšhatšhamelo wo mogolo” wo ba bolabolang ka wona ga Matewu 24:21. Jeso o nyoko tlogamela ke mokane a maka se sengwana gore a thogo lwela batho ba Modimo, mo nako yone ya go sasamela yi segela mafelelong ke moka ke nako ya Aremaghedoni. Puku ya Kutullo mo yi bolabola ka bobone ba “mogoba wo mogolo yi re ke ba gore ba tšwa ga motšhatšhamelo wo mogolo.”—Kut. 7:​9, 14. w22.09 21 ¶4-5

Mabitso ya ma leng ga puku ya lephelo di ya kgonega gore ba ma sule, di fo ba nkare Jehova o fo tšwa a ma ngwadiye ka pensele. (Kut. 3:5) Di nyaka re karakara ka matla gore mabitso ya rune ma dule ma le gona ga puku yone go segela ma ngwadiwa ka enke. Ga mogoba wo mongwana wa gore mabitso ya bona ba ma ngwadiye ka pukung ya lephelo go na le bo ba ba kgetiyeng gore ba ye lawola le Jeso ku legedimong. Mantsu ya Pawulo wa lepostola a ma hlayyeng ga bo a “berekisanang nabo” ku Filipi ma re, mabitso ya bo ba go tlotsiwa ba gore ba ba hlawodiye gore ba ye lawola le Jeso gana byalo ma gona ka pukung ya lephelo. (Mafil. 4:3) Mara gore mabitso ya bona ma dule ma le gona di nyaka ba ya mahlong ba šupetsa gore baa tshepega. Ke mokane mo ba šele ba ba hlawodiye la mafelelo ba soko bane ba kgwa kela ka nthago ga mo motšhatšhamelo wo mogolo wo thomisiye mabitso ya bona ba nyoko napa ba ma šihlela gore ma sa sa sulega ka pukung yone.—Kut. 7:3. w22.09 14 ¶3; 15 ¶5-6

Ayitsano di yye dya go makegela? O fo nagana motho ye mongwana a go yapegele tsa go ja tsa gore o kwana natso ka matla. Mara ka taba la gore o jagiye kela di tlele tso o naganang ka tsona, o fo kgwesa tsa go ja tsela o sa hlagunyi o boya o sa di kwe gore di ya ka kaye. Ka nthago ga mo o fetsiye go ja, wa di bona tsa gore o phanghiye mo o ja, byalo o nabela nkare nke o di jile o sa jaga gore o thogo kwa monate wa tsona. Nje di yye dya go makegela tsa gore mo o bala Bhayibele, o fo yakgoswa o wokola ka gedimo o sa di kwe tsa gore Jehova o go tšhutisa ying? O sa taboge mo o bala Lentsu la Modimo, maka nkare wa di bona tso o balang ka tsona, o kwe le mantsu ya batho bo o balang ka bona fote o ghayele ka tso o di balang. Mo o maka ka mokgonone o nyoko jabola ka matla. Jeso o kgetiye “lelata la go tshepega la gore fote le hlalefiye” gore le lukiselele tsa go ja tsa go tšwa ga Modimo ka nako ya gona, fote re tikwa re sa gayele selo ga tso tsa Modimo. (Mat. 24:45) Lelata lo la go tshepega le lukiselela tsa go ja tsa go tšwa ga Modimo le berekisa Mangwalo ya gore ma hlohletsele ke yene.—1 Mathes. 2:13. w22.10 7-8 ¶6-8

Bhayibele yi hlayye botala gore ka dinako tsa mafelelo go nyoko ba le ba go kwerana. (2 Pet. 3:​3, 4) Ba maka tsotsone ba tšhofa ke go nyaka “go maka tso bona ba di nyakang tsa go sa sipidisane le tsa Modimo.” (Juda 7, 17, 18) Re ka titšhireletsa ka mokgo mang gore re sa tshilele ke mokgwa wa bo ba go kwerana? Mokgwa wo mongwana ke gore re sa nghanelane le batho ba gore ba fo kokola ka se sengwana le se sengwana. (Pis. 1:1) Tsotsone di rela gore a re theetsele selo kela go bala selo sa go tšwa ga bo ba go kgeloga. Mo re sa pasopi, o ka kraya re kokola ka se sengwana le se sengwana kela re thomisa go sa sa tshepa Jehova ka tso a re yetetsang ka tsona a berekisa mokgahlo wage. Gore re thogo kganela kgole le mokgwa wa mošaga wonone, di nyaka re tiputsisa gore: ‘Ayitsano ke dulela go solasola mo ba re yetetsa ka tsa gore ke tsa nyuwane kela ba re hlatollela se sengwana? Ayitsano ke dulela go gonyolla tso bo ba yetang mahlong ba di kekemisang?’ Mo re ka yakgoswa re lahla mekgwa ya mošaga wonone, re nyoko jabodisa Jehova la go sa hlayisege.—Diy. 3:​34,35. w22.10 20 ¶9-10

Moya wa go hlawolega wa Modimo wo yye wa tiyisa Hezekiyele gore a thogo maka mmereko wa go tšhomayela ga “ba go tiwomisa dihlogo le ba dipelo tsa letlapa.” Jehova o butsiye Hezekiyele gore: “Ke makiye sefahlego sago gore se tiye go tshwana le sefahlego sa bona fote ke makiye gore mopo wago wo tiye go tshwana le wa bona. Ke makiye gore mopo wago wo tshwane le dhayimondi, wo tiye go tshwana le letlapa. Ba sa go tshosanye kela wa hlagasedisa ke difahlego tsa bona.” (Hezek. 3:​8, 9) Gabutšibutši, Jehova ke mo a botsa Hezekiyele gore: ‘O sa lisetse batho ba go fo tiwomisa dihlogo ba go kgongwetsa. Ke nyoko go tiyisa.’ Ka nthagonyana, moya wa go hlawolega wa Modimo wo yye wa fo ba le Hezekiyele mo a kene a maka mmereko wa go tšhomayela. Hezekiyele o ngwadiye gore, “Letsogo la Jehova le ho gaka.” Ka taba la gore ne di nyaka gore moporofeta yene a tšhomayele, di mo tsere beke gore a tšhute a boye a kwisise molayetsa wo di nyakang a wo sabalatsa. (Hezek. 3:​14, 15) Ke mokane Jehova a mmotsa gore a ye ga poleke ya gore go fo ba molala, gana hone o yye “a kena ke moya wa Modimo.” (Hezek. 3:​23, 24) Hezekiyele ke mo a tilukiselele gabutši gore a ka thomisa mmereko wa go tšhomayela. w22.11 4-5 ¶8-9

Moporofeta Habakuku o yye a gomela ke tsa go mo roba ka matla. Ka nako ye nngwana o yye a fo kwa a yi kamaka taba ya gore Jehova wa tihlupa ka yene. Byalo, o yye a rapela ke mokane a kgotolela Jehova ka mokgo a tikwang. Jehova o yye a fetola thapelo ya go tikisa pelo ya lelata lage la go tshepega. (Habak. 2:​2, 3) Ka nthago ga mo Habakuku a ghayele ka tso Jehova a di makiyeng gore a thogo phonisa batho bage, Habakuku o yye a jabola fote. O napiye a sa kamake taba ya gore Jehova ke mo a mo pasopa fote o nyoko mo gelepa gore a tiyisele ntshitshire ye nngwana le ye nngwana. (Habak. 3:​17-19) Re tšhuta ying mara? Mo o gahlana le tsa go go roba, rapela Jehova o mmotse ka mokgo o tikwang. Ke mokane o tisamele ka yene. Mo o maka ka mokgonone, o ka sa kamake gore Jehova o nyoko go neya matšhika ya o ma hlokang gore o tiyisele. Fote mo o di bona gore ke yene a go thegang, tumelo yago yi nyoko napa yi tiyelela. Mo o ka dula o tshwarelele ga letheto lago la go maka tso tsa Modimo, o ka sa yikele mathatha kela go kamaka go go yahluganya le Jehova.—1 Thim. 6:​6-8. w22.11 15 ¶6-7

Jeso le dikgohlane ka dipedi tsa gore ke mo di le ka ho mathoko gage ne ba kwa go baba ka matla fote ba kene ba nkgela ke likgu. (Luk. 23:​32, 33) Dikgohlane tsela ka dipedi ne di mo tewulanya ga Jeso. (Mat. 27:44; Mar. 15:32) Mara se sengwana sa tsona se yye sa tšhentšha. Sa re: “Jeso, o sa nlebale mo o kena Mmušong wago.” Jeso o yye a fetola ka mantsu ya temanyana ya lekgono. (Luk. 23:​39-42) Mantsu yaa Jeso a ma butsiyeng sekgohlane sela di nyaka ma re tšhofe gore re nagane ka mokgo lephelo le nyoko bang ka gona Pharadeyising. Wa tšiba, ka mokgo Kgoši Solomoni ne a lawola ka go beba, re ka tšhuta se sengwana ga taba yone sa gore se yelana le Pharadeyisi. Fote re yemele Jeso wa gore o feta Solomoni, gore a bereke ggoši le bo a nyoko lawolang nabo gore ba make lefase lowa go be pharadeyisi ya go bafala. (Mat. 12:42) Di fo ba lekgwaying gore bo ba “dinku tse dingwana” ba nabela go tšiba tso di nyakang ba di make gore ba thogo tshwanelega go phela go ya go yye Pharadeyising.—Joh. 10:16. w22.12 8 ¶1; 9 ¶4

A re kamake gore Jesaya o re botsa gore Jehova o nyoko re theetsela di mmaba mo re mo llela, fote o nyoko yakgoswa a fetola merapelo ya rune. Jesaya o tokegele ka gore: “O nyoko go fetola ka nthago ga mo a go kwile.” Mantsu yawa ma fo šupetsa gabutši gore Papa wa rune o tikemisele go re gelepa mo re mo kgopela gore a re thuše. Go fo tšiba tsotsone go re gelepa gore re tiyisele re kene re jabodiye. Jehova o theetsela motho ye mongwana le ye mongwana mo a rapela. Ke ntaba re reyane? Ga sekopa sa mathomo sa Jesaya tema 30, lentsu “wene” le bolabolela batho ba go tlala ka taba la gore Jehova mo a yeletsa batho bage o ba yeletsa go le mogoba. Mara, ga temanyana 19 “wene” yi bolabolela ye mongwana le ye mongwana. Jesaya o ngwadiye gore: “O ka sa ro lla, nnete o nyoko makela wene tsa gabutši; fote mo go le wene o nyoko go fetola.” Ka taba la gore Jehova ke Papa wa go nyakanana ka matla, o hlupega ka ye mongwana le ye mongwana wa rune fote o theetsela merapelo ya rune di mmaba.—Pis. 116:1; Jes. 57:15. w22.11 9 ¶5-6

Mo re tšhomayela re boya re tšhutisa le mo ba kene ba re phigisa, tsotsone di maka gore re jabole fote re bebe. Ku botala bo ba go lawola ba Majuda ba yye ba botsa mapostola gore ba lisetse go tšhomayela, mara banna bone ba go tshepega ba yye ba kgeta go theetsela Modimo. Ba yye mahlong ba tšhomayela fote mmereko wone wo makiye gore ba jabole. (Meber. 5:​27-29, 41, 42) Ke nnete gore mo mmereko wa rune ba wo rakele di nyaka re dule re ntshiye maahlo dikwakweng mo re tšhomayela. Mara mo re ka ganya dikobo, re nyoko beba ka taba la gore re jabodisiye Jehova fote re sabalatsiye molayetsa wa gore wo phonisa maphelo. Di tshepe tsa gore le mo re gahlana le tsa go re manya, re ka di kgona go dula re bebiye. Ka dinako tsa mošaga wonone, re sa lebale gore re hloka go beba ga gore re ka go kraya ga Jehova a ntoši. Tshepela gage mo kutulugele ke bolwele, mo o wele ke kotsi ya hlago kela mo ba go hlorisa. Ngangarela mokgahlo wage. Lebelela tsa gabutši tso di go yemeleng ku mahlong. Mo o kene o maka ka mokgonone, ‘Modimo wa gore o bebiye o nyoko ba nago.’—Mafil. 4:9. w22.12 21 ¶17-18

Di nyaka re karakare ka matla gore re thogo ba le mekgwa ya nyuwane. Ga dilo ka mokana ga tsona tso re tshwaneleng re di make ke gore re hlule mekgwa ya go befa ya go tshwana le go tshwarana ka pelo, go kwata le go fufulela. (Maef. 4:​31, 32) Ke ntaba go maka tsotsone go ka ba ntshitshire? Ka taba la gore mekgwa ye mengwana ya go befa yi tsikiye, fote a di lula go yi tšhentšha. Mo re beyisa, Bhayibele yi re go na le batho ba bangwana ba gore ba fo “yakgoswa ba kwatakwata” fote baa “thokothela ka go kwata.” (Diy. 29:22) Mekgwa ya go befa ya go tshwana le yowa mo nkare re sa le nayo, di nyaka re karakare ka matla gore re yi nyekule le ka nthago ga mo re šele re kolobetsiwwe. (Marom. 7:​21-23) Mo nkare go na le mekgwa ya go befa ya gore o nyaka go yi tšhentšha mara yi fo gagarela, rapela Jehova o sa kamake gore o nyoko go kwa a boya a go gelepa gore o tlubule mekgwa yone. (1 Joh. 5:​14, 15) Le mo yi le gore Jehova a ka sa tlose mokgwa wone ka mohlolo, mara a ka go tiyisa gore o sa nape o tšhomana nawo. (1 Pet. 5:10) Mo o kene o maka tsa go yelana le tso o di rapeleleng, o kganele kgole le mekgwa ya gore yi ka tsosa yela ya botala ya gore yi kekemme. Fote o sa yikele monagano wago wo napa wo ya takataka ga dilo tsa go kekema.—Mafil. 4:8; Makol. 3:2. w23.01 10 ¶7, 9-10

Re ka šupetsa gore re mo nyaka ka matla ga Modimo le Kreste ka go maka mmereko wa go tšhomayela ka matšato. Re bolabola le batho ka mokana ga bona bo re gahlanang nabo. Aa re yi ka gore motho ke wa mohlobo mang, o tšwa ga setšhaba sefeng, setšo sefeng, o ghannye kela dho, o tšhutegiye kela dho. Mo re maka ka mokgonone, re tshwarisanne le Jehova ga so a tikemiseleng sona sa gore “batho ka mokana ga bona ba phonisiwe fote ba tšibe mong yona nnete.” (1 Thim. 2:4) Fote mo re šupetsa magageru gore re ma nyaka ka matla, tsotsone di napa di šihlela taba ya gore ga Modimo le Kreste re ba nyaka ka matla. Re pasopa magageru ka tso ma di gayelang fote re ya ma thega mo ma gahlana le dintshitshire. Re ya ma kgomoletsa mo ma hlokofalele ke mašaga, re ya ma vakašela mo ma sa titsose fote re karakara ka matla gore re ma tiyise mo ma kgongwele. (2 Makor. 1:​3-7; 1 Mathes. 5:​11, 14) Fote re dula re ba rapelela re gopola taba ya gore mo “motho wa go loka a rapela di nyoko gelepa batho ba bangwana ka matla.”—Jak. 5:16. w23.01 28-29 ¶7-8

Go fo tshwana le motho wa go yaga wa gore o dula a lokotša ka mokgo a makang mmereko wage, le rune re ka tilokotša ga taba ya go tiyisa ba bangwana. Re ka gelepa ba bangwana gore ba hlakarele gore ba thogo tiyisela dintshitshire ka go ba botsa ka mešupetso ya ba bangwana ba gore ba yye ba tiyisela. (Maheb. 11:​32-35; 12:1) Fote re ka karakara ka matla gore re dule re kwana ka go bolabola tsa gabutši tso ba bangwana ba di makang le mo go na le tso di liketsang go re yahluganya fote re lukise ditaba mo re sa fitisana gabutši. (Maef. 4:3) Fote re ka ya mahlong re kene re tiyisa tumelo ya magageru ka go ba botsa tse dingwana tso re di krayyeng ka ho Bhayibeleng, re ba gelepe ka tso ba di gayelang re boya re thega ba gore tumelo ya bona yi šepiye. Le rune re ka jabola fote wa kraya re kgotsofele mo re tšhela letsogo ga mmereko wa go tiyisa ba bangwana ka tso tsa Modimo ka ho phutegong. Re ya di tšiba tsa gore mo goya-goya meyago ya tsofala mara maphomela ya mmereko wa rune ma nyoko fo dula ma le gona go ya go yye! w22.08 22 ¶6; 25 ¶17-18

Jeso o šupetsiye mokgwa wo mongwana wa gore di nyaka re wo tseyele gedimo mo re nyaka go kwisisa tso re di balang ka Lentsung la Modimo—ke taba ya go berekisa monagano. (Mat. 24:15) Anthe king go berekisa monagano? Ke go kwisisa ka mokgo taba yi tšhokelanang ka gona le ye nngwana, yi sa tshwane gabutši le ye nngwana fote le go kwisisa taba le mo yi sa nape yi ba lekgwaying. Go tokegela gana hone, Jeso o šupetsiye fote gore di nyaka re berekise monagano gore re thogo bona mo go makega seporofeto sa Bhayibele. Fote di nyaka mokgwa wowa re be nawo gore tso re di balang ka ho Bhayibeleng di thogo re berekela. Jehova o neyye malata yage mokgwa wa go berekisa monagano. Byalo, di nyaka o mo kgopele a go gelepe o thogo ba le mokgwa wone. O ka maka byang gore o sipidisane le tso o di rapeleleng? Maka gore o tšhute se sengwana ga tso o di balang fote o bone gore di yelana ka mokgo mang le tso o šeleng o di tšiba. Nyakolla gore taba yo o yi balang ka ho Bhayibeleng yi ra gore king, o boye o bone le mekgwa yo o ka yi berekisang mo o kene o phela. (Maheb. 5:14) Mo o bala o kene o berekisa monagano, taba ya go kwisisa Mangwalo yi nyoko fo ya yi hluhlutela. w23.02 10 ¶7-8

O fo nagana monghanago a go neya sethombhe sa botala sa gore ba se thalathadiye mara ka mokgo se turang o ka sa se reke. Se tšwile khala, se na le mokgolodi fote se tšharoganne. Le mo se se gabutši mara o ka se kraya ka dimiliyone tsa didhola. Ke nnete gore sethombhe sone o nyoko se tseyela gedimo o boya o se pasopa. Le Jehova o re neyye selo sa gore re ka se tseyela gedimo go leng lephelo. Gabutšibutši, Jehova o šupetsiye gore o tseyela lephelo la rune gedimo mo a šinya a neyela ka Morwayi wage gore a re lepolle. (Joh. 3:16) Lephelo le tšwa ga Jehova. (Pis. 36:9) Pawulo wa lepostola le yene o yema nayo taba yone fote o yitseri: “Re ya phela, re ya sepela fote re gona ka taba lage.” (Meber. 17:​25, 28) Byalo, re ka hlaya re sa kamake gore lephelo re le neyye ke Modimo. Fote o re neya ka go di nyaka tso re di hlokang gore re thogo phela. (Meber. 14:​15-17) Mara Jehova aa re makele mohlolo gana byalo gore re fo ya mahlong re kene re phela. O nyaka gore re make tso re ka di kgonang gore re dule re philegiye fote re ye mahlong re kene re mmerekela.—2 Makor. 7:1. w23.02 20 ¶1-2

Phela re ro fawa barena ka taba la gore Jehova Modimo o re neyye Bhayibele! Ka ho Bhayibeleng o re neya tsa go re yetetsa tsa gore di ka re gelepa gore re phomolele mo re kene re kikirisana le dintshitshire lekgono. Fote o re tshepisa tsa gabutši ku mahlong. Sa go napa se ro tikisa pelo ke gore Jehova o berekisiye Bhayibele gore a thogo re wunyullela tsa go tlala ka mekgwa ya yenemong. Mo re kene re ghayela ka mekgwa yage ya go bafala, dipelo tsa rune di ya thibitha fote re fo kwa di re tšhofa gore re nyake go ba banghana bage ba bagolo. (Pis. 25:14) Jehova o nyaka gore batho ba mo tšibe. Ku botala, ke mo a berekisa meloro, memmono le mangeloyi gore a thogo tšibega. (Dip. 12:6; Meber. 10:​3, 4) Mara mola go se ka taba la gore meloro yone, memmono le melayetsa ya go tšwa ga mangeloyi ba yi ngwadiye fase ne re ko yi tšibela kaye barena? Di napa di ro kwagala ka matla gore ke ntaba Jehova a šinya a berekisa batho gore ba “ngwale ka pukung” tso a nyakang gore re di tšibe. Ka taba la gore “tsela ya Modimo wa mannete yi felegelele,” a re kamake gore mokgwa wowa wa gore a thogo bolabodisana le rune ke mong wona-wona fote wo nyoko re berekela.—Pis. 18:30. w23.02 2 ¶1-2

O bone gore tso o nyakang go di segelela ke tsa gore di nyoko go berekela. Kgeta go segelela dilo tsa gore di nyoko go tiyisa di boya di go lokotša. (Maef. 3:16) Mo re beyisa, o ka segelela dipheto tsa gore o mamarele letheto lago ga taba ya go titšhutisa le go bala Bhayibele. (Pis. 1:​2, 3) Kela di ka fo ba di nyaka gore o rapele ka moka nako fote o rapele di tšwa pelong. Kela di nyaka o titšhutisa go titshwara ga taba ya go kgeta tso o tijabodisang ka tsona le ga taba ya go berekisa nako. (Maef. 5:​15, 16) O nyoko ba Mokreste wa gore wa gola mo o gelepa batho ba bangwana. Mo re beyisa, o ka maka gore taba ya go gelepa ba gore ba gudiye le ba gore a ba titsose gabutši ka ho phutegong go be so o nyakang go se segelela. O ka ba gelepa ka go ba makela mebereko ye mengwana kela wa ba gelepa ga tso ba di berekisang tsa elektroniki. O ka šupetsa ba bangwana ba gore a yi ba ka ho phutegong gore o ba nyaka ka matla ka go ba ngathela ditaba tsa go bafala tsa Mmušo wa Modimo. (Mat. 9:​36, 37) Mo nkare di ya kgonega, tikgetele ga mebereko yo ka mokana ga yona ya nako ka moka gore wene o ka tšhela letsogo kaye ga gona. w22.08 6 ¶16-17