April

Malata ya Jehova ya dinako tsa Bhayibele ma yye ma gahlana le dintshitshire tsa gore ke mo ma sa di nagana. Tseya ka Jakobo. Papage o yye a mmotsa gore a tseye mosadi ga barwediya ba Labane wa gore ke lešaga la bona la gore le rapela Modimo fote papage o yye a mmotsa gore Jehova o nyoko mo rufisa tsa mohlolo. (Gen. 28:1-4) Byalo, Jakobo o yye a maka gabutši ka matla. O yye a tloga ga naga ya Kanana a phanakela a ya ka mutšing wa Labane wa gore o na le barwediya ka babedi—go leng Lliya le Reyitšhele. Jakobo o yye a kwana le morwediya wa Labane ye monyana ye ba reng ke Reyitšhele a boya a tshepisa gore o nyoko berekela papa wa kgareba yone kašupa ya mengwaga a soko bane a mo tseya go ba mosadi wage. (Gen. 29:18) Mara dilo a di ya sepela ka mokgo Jakobo ne a lebelele ka gona. Labane o yye a maka bošakašakane a makela gore a tseye morwediya wage ye mogolo ye ba reng ke Lliya. Labane o yye a re Jakobo o nyoko tseya Reyitšhele ka nthago ga beke mara mo a ka fo mmerekela kašupa ya mengwaga fote. (Gen. 29:26, 27) Wa tšiba Labane o tišupetsiye gore ke yene sešakašakane sa mafelelo mo a berekisana le Jakobo ka mokgo. Ye barena, phela go fediye 20 ya mengwaga Labane a kene a teya Jakobo ka bošakašakane!—Gen. 31:41, 42. w23.04 15 ¶5

Re ka tabogela ga mang mo re nyaka go kgomoletsiwa le go yetetsiwa? Phetolo ya putsiso yone re yi tšiba gabutši. Re ka rapela Jehova Modimo. Jehova o ro re fawa gore re make ka mokgonone. O nyaka gore re rapele gatleletlele—ke gore re ‘dule re rapela.’ (1 Mathes. 5:17) Re ka mo rapela re lukulugiye ke mokane ra mo kgopela gore a re yetetse ga dilo ka mokana ga tsona mo re kene re phela. (Diy. 3:5, 6) Ka taba la gore Jehova o na le pelo ye butši, aa re kgerela gore re ka mo rapela gakaye. Jeso ne a kwisisa gore Jehova o yi tseyela gedimo ka matla merapelo ya rune. Mo a soko bane a tla ho lefaseng, o bonne Papage a fetola merapelo ya banna le basadi ba go tshepega. Mo re beyisa, Jeso ke mo a le ka ho nthoko ga Papage mo A fetola merapelo ya go tšwa pelong ya Hanna, Dafita, Eliya le ba bangwana ba go tlala ba gore ne ba tshepega. (1 Sam. 1:10, 11, 20; 1 Mag. 19:4-6; Pis. 32:5) Ye lune, phela ke sona so se makiyeng gore Jeso a tšhutise malata yage gore ma dule ma rapela fote ma sa kamake le ka gonyana!—Mat. 7:7-11. w23.05 2 ¶1, 3

Moprista ye Mogolo Jehoyada ke mo a tšhaba Jehova. Tsotsone di yye dya ba lekgwaying mo morwediya wa Jezebhele ye ba reng ke Athaliya a thomisa go lawola Juda ka bošakašakane go le kgoši ya mosadi. Ke mo a na le lešidi fote tsa go ba kgoši ya mosadi ke mo a di nyaka ka matla la go šinya a liketsa ka matla gore a bolaye ditlogolwane tsage tsa bašomanyana go fo re a kraye setulo! (2 Dikor. 22:10, 11) Ye mongwana ga bananyana bone ke Jehowaši wa gore o yye a phona ka taba la gore mosadi wa Jehoyada ye ba reng ke Jehošabhethe o yye a mo phonisa. Mosadi yene le monna wage ba yye ba wutametsa ngwananyana yene ba boya ba mo pasopa. Ka mokgonone, Jehoyada le Jehošabhethe ba yye ba maka gore ye mongwana ga ba mutši wa Dafita a phone gore a ko thogo tla a ba kgoši. Jehoyada ke mo a tshepega tsa mannete ga Jehova fote a sanka a tshosanya ke Athaliya. Mo Jehowaši a na le kašupa ya mengwaga, Jehoyada o yye a šupetsa gore wa tshepega ga Jehova fote. O yye a maka polane. Mo polane yone yi ka fo phomelela di ra gore Jehowaši o nyoko ba kgoši, go leng sona setlogolwane sa Dafita sa mannete. Mara mo nkare polane yone ya šaša, go ko fo šala ka gonyana gore Jehoyada a lobe lephelo lage. Jehova o yye a rufa polane yone ke mokane ya phomelela. w23.06 17 ¶12-13

Kgoši Nebhukhadhinezara ne a ka fo ba a naganne gore Daniyele ke lenaba lage fote nke a fetsiye ka Daniyele. Mara Daniyele o yye a šišimala ke mokane a yi hlatollela moloro wone. Daniyele a ka fo ba a gelepiye king gore a šišimale mo a kene a phela? Ke nnete gore mo Daniyele go sa le ye monyana o tšhutiye ga papage le mmane wage. (Dot. 6:6-9) Daniyele ke mo a sa fo tšiba molawo nje ya go tshwana le Lesome la Melawo mara ke mo a tšiba tsa go tlala ga taba ya gore Maisrayele ma tshwanele ma je ying le gore ma sa ji ying. (Lef. 11:4-8; Dan. 1:8, 11-13) Fote Daniyele o tšhutiye ka batho ba Modimo ba ku botala fote ne a di tšiba gore go yye gwa makega ying ka bona mo ba sa theetsele melawo ya Jehova. (Dan. 9:10, 11) Tso Daniyele a yyeng a gahlana natso mo a kene a phela di makiye gore a sa kamake taba ya gore Jehova le mangeloyi yage ya gore ma na le matšhika baa mo thega.—Dan. 2:19-24; 10:12, 18, 19. w23.08 3 ¶5-6

Rebhekha ke mo go le mosadi wa go hlalefa wa gore lephelong lage ka mokana ga lona o yye a maka dilo tsa go šupetsa gore o na le lešiši. (Gen. 24:58; 27:5-17) Fote ke mo a hlompa fote a tikemisele go theetsela mo ba mo yetetsa. (Gen. 24:17, 18, 65) Mo nkare le wene o tinyanafatsiye go fo tshwana le Rebhekha fote o thega bo Jehova a ba neyyeng mmereko wa gore ba yete mahlong, o nyoko ba mošupetso wa gabutši ga ye mongwana le ye mongwana ga mašaga yago le ka ho phutegong. Makreste ka mokana ga wona ya gore ma butšwiye di nyaka ma tšibe mo ma kgerang. Esita ke mo a tšiba mo a kgerang fote go le lelata la Modimo la go tshepega. Ka taba la gore ke mo a tšiba mo a kgerang tsotsone di mo gelepiye gore a sa phophoroge a maka dilo tsa gore aa tshwanela go di maka. O yye a theetsela mo lešaga lage lo ba reng ke Morodekhayi a mo yetetsa a boya a latelela tso ba mmotsang tsona. (Est. 2:10, 20, 22) Le wene o ka šupetsa gore o tšiba mo o kgerang ka go kgopela ba bangwana gore ba go yetetse o boya o maka tso ba go yetetsang ka tsona. (Tito 2:3-5) Esita o yye a boya a šupetsa ka mokgo mongwana gore o tšiba mo a kgerang. Ke “mo [a] bafele ka matla”; mara a sanka a maka gore ye mongwana le ye mongwana a fo lebelela yene.—Est. 2:7, 15. w23.12 19-20 ¶6-8

Go dulela go tikwa molato a yi morwalo wo re tshwaneleng re wo rwale. Mo nkare re hlayye tso re di sinnyeng, ra sokologa ke mokane ra maka tso re ka di kgonang gore re sa boyelele tso re di sinnyeng, re ka sa kamake gore Jehova o re tshwarele. (Meber. 3:19) Ka nthago ga mo re makiye dilo tsone, Jehova aa nyake re tikwa molato. Wa di tšiba gore taba yone yi nyoko re kwaletsa. (Pis. 31:10) Mo re ka fo ya mahlong re kokona ke lekwalo, re ka lahla tewu ga lebelo lo re le tabogang la lephelo. (2 Makor. 2:7) Mo taba ya go dulela go kokona ke lekwalo yi go tshwere ka diwašeni, di nyaka o gopole gore Modimo o “tshwarelana tsa mannete.” (Pis. 130:4) Mo a tshwarela bo ba gore ba sokologiye tsa mannete, o tshepisa gore: “Tso ba di sinnyeng nka sa sa di gopola.” (Jer. 31:34) Tsotsone di rela gore Jehova a ka sa tsoge a gopodiye dilo tso o di sinnyeng tsa gore o šele a go tshwarele ga tsona. O sa tigatelele ka taba la gore o ka fo ba o sa sa kgona go maka mmereko wo mongwana ka ho phutegong. Jehova aa duleli go nagana ka tso o di sinnyeng fote le wene a wa tshwanela go maka ka mokgonone. w23.08 30-31 ¶14-15

Ka nakwela ya bolwele bya go sabalala COVID-19 Dihlatse tsa Jehova tsa gore di theetsele tso mokgahlo wa rune wo re yetetsang ka tsona, a sanka dya ba le mešekelo ya gore yi leyye ke go theetsela ditaba tsa gore di ya lahletsa, go tshwana le bo ba yyeng ba di theetsela. (Mat. 24:45) Di nyaka re sa yi takisi maahlo taba ya “tso di tshwaneleng go yeta mahlong.” (Mafil. 1:9, 10) Tsa go re lebatsa di ka re jela nako ya go tlala dya boya dya re tapa le matšhika. Dilo tsa gore re dula re di maka—tsa go tshwana le go ja, go nwa, tsa go tijabodisa le go thewogela, mo re ka sa pasope di ka re lebatsa mo nkare re di yetisa mahlong mo re kene re phela. (Luk. 21:34, 35) Go tokegela gana hone, ka moka matšatši re kwa re boya re bala ka ba go toyatoya le ka ditaba tsa ba dipolotiki. Di nyaka re bone gore re sa tikraye re lebatsa ke go sa kwane hone. Phela o ka kraya re šele re yema le ye mongwana ka monagano kela ka pelo. Sathane o berekisa mekgwa ya go fapafapana a nyaka go segelela taba ya gore re lisetse go tikemisela go maka tsa gabutši. w23.07 16-17 ¶12-13

Ga batho ba Jehova, Segopotso sa likgu la Kreste ke mong letšatši la go hlawolega ka matla mo mongwageng. Ke sona se ntoši sa gore Jeso o ro hlaya gore malata yage ma se gopole. (Luk. 22:19, 20) Se re gopotsa tso re ka ga di maka go šupetsa gore re leboga sehlabelo sa Jeso. (2 Makor. 5:14, 15) Fote se re thulela lešuba la gore re “thogo tiyisana” le magageru. (Marom. 1:12) Le batho ba go tlala ba gore ba jabolela ditaba tso ba kwa di ba tšhofa gore ba thomise go sepela ga pata yo ya go ya lephelong ka taba la so ba se bonang le so ba se kwang. O ka fo nagana le ka mokgo Segopotso se makang gore magageru lefaseng ka mokana ga lona ba mamarelane. Byalo, a yi tsa go šinya di ro makatsa mo Segopotso re se tseyela gedimo ka mokgo! w24.01 8 ¶1-3

Mo re fo ya mahlong re ghayela ka so Jehova le Jeso ba se pateleng, di napa di ro re yelela gore ba re nyaka ka matla, ye mongwana le ye mongwana wa rune. (Magal. 2:20) Yi re šupetsa gore re nyakiwa la go sa hlayisege. Jehova o re šupetsiye gore o re nyaka tsa mannete ka go ro napa a re neya mong motho wa gore o mo tseyela gedimo go feta se sengwana le se sengwana—yene Jeso. Jehova o mo lisetsiye ga Morwayi wage gore ba mo hlupegise a boya a ro kgwa, a re o makela rune. Jehova aa fo kutela, mara wa re thuletsela gore wa re nyaka. (Jer. 31:3) Jehova o re gogele gage ka taba la gore nnete wa re nyaka. (Tshwanisa le Dotoronoma 7:7, 8.) A se šiyo sa gore se ka re mamarolla ga taba yo ya gore o re nyaka ka matla, le mo re ka ba re le kaye. (Marom. 8:38, 39) Wene o tikwa byang mara ka taba yowa? w24.01 28 ¶10-11

Makreste ya gore ma tlotsiwwe ma na le tshepo ya go ye phela legedimong. Ye mongwana wa wona ye ba reng ke Mogageru Frederick Franz, o hlayye ka mokgo a tikwang ka tshepo yone, o yitseri: “A ke kamake gore tshepo ya rune yi nyoko makega fote ye mongwana le ye mongwana wa rune ga bo ba 144 000, o nyoko kraya tso Modimo a re tshepisiyeng tsona. Patela ya rune yi nyoko phala selo se sengwana le se sengwana so re nang naso.” Ka 1991, Mogageru Franz o hlaye gore: “[Re] sa na re yi tseyela gedimo tshepo ya rune. . . . Mo re yi yemela nako ya go lefa, re napa re yi leboga ka matla. Re tikemisele go yi yemela . . . Tshepo ya rune ke yi tseyela gedimo ka matla go phala botala.” Le mo nkare re yemele go tikwisa ka lephelo go ya go yye legedimong kela ho lefaseng, ka mokana ga rune re na le tshepo ya go bafala ya go maka gore re jabole tsa nkare re ro booga. Fote tshepo ya rune ya go jabodisa stereka, yi napa yi hluhlutela ka matla. w23.12 9 ¶6; 10 ¶8

Ka ho tawong mo ba kenang gona ga tabarenakele ya ku botala ke mo go na le aletare ya koporo ga gore ba makela Jehova dihlabelo ka diphoolwane. (Ek. 27:1, 2; 40:29) Mara, dihlabelo tsone ne di ka sa make gore batho ba tshwarediwe ka go felegelela ga tso ba di sinnyeng. (Maheb. 10:1-3) Taba ya go fo ya ba maka dihlabelo ka diphoolwane tabarenakeleng ne yi šupetsa gore ke ka ssoši sehlabelo sa gore se nyoko hlatswa ka go felegelela senyama so se gomeleng batho. Jeso ke mo a di tšiba gore Jehova o romme yene ho lefaseng gore a neyele ka lephelo lage go be sehlabelo sa batho ka mokana ga bona. (Mat. 20:28) Byalo, mo Jeso a kolobetsiwa, o šupetsiye gabutši gore o nyaka go maka tso Jehova a di nyakang. (Joh. 6:38; Magal. 1:4) Jeso o neyele ka lephelo lage “ga teya” kela go kogela ka go felegelela tso di sinnyeng ke ye mongwana le ye mongwana wa gore o dumela ga Kreste.—Maheb. 10:5-7, 10. w23.10 26-27 ¶10-11

Rune beng ke mo re ka sa di kgone go titlemolla ga taba ya go sinya le ya likgu. (Pis. 49:7, 8) Jehova le Morwayi wage di ba turele ka matla gore yene Jeso a re reke ka lephelo lage. (Marom. 6:23) Mo re ya mahlong re ghayela ka sehlabelo so Jehova le Jeso ba re makeleng sona, taba yo ya go re lepolla re nyoko napa re yi tseyela gedimo ka matla. Mo Adamo a fetsa go sinya, tsa gore o nyoko phela go ya go yye di napiye di šaša gage le ga bana bage ka mokana ga bona. Jeso ke mo a nyaka go reka selo so se lahliyeng ke Adamo, byalo o yye a neyela ka lephelo lage la go yenela gore go be sehlabelo. Ka moka nako mo Jeso a le ho lefaseng, “a sanka a maka dilo tsa go befa, fote aa bolabola matsaka ka molomo wage.” (1 Pet. 2:22) Mo Jeso a kgwa, lephelo lage la gore le yenele le yye na fo napa le re kwatla ga lephelo la gore ke mo le lahlegele Adamo.—1 Makor. 15:45; 1 Thim. 2:6. w24.01 10 ¶5-6

Ka nthago ga mo Jeso ba mo tsusiye, o yye a kena ga go Hlawolega ka Matla ga tempele ya tso tsa Modimo. Re napa re di bona gabutši dilo tso Jehova a di makiyeng gore a thogo lukiselela morapelo wa go yela a berekisa sehlabelo sa Jeso sa go re lepolla le taba ya gore ke moprista. Moprista ye mogolo ku Israyele o kenne ga go Hlawolega ka Matla ga gore go makiye ke batho a na le sehlabelo sa madi ya phoolwane mara Jeso o kenne “legedimong,” ga gore go hlawolegiye go phala dipoleke ka mokana ga tsona gore a thogo nyarela mahlong ga Jehova. Gana hone o šupetsiye gore o re makele selo se segolo ka matla go le motho wa go felegelela ho lefaseng “a neyele ka lephelo lage ke mokane go nape go fela ka tso tsa go sinya.” (Maheb. 9:24-26) Le mo re na le tshepo ya go phela legedimong kela lefaseng, ka mokana ga rune re ka rapela Jehova ga tempele yage ya tso tsa Modimo. w23.10 28 ¶13-14

Nagana ka tso Jeso a re makelang tsona a le ku magedimong go le Kgoši ya rune le Moprista ye Mogolo wa gore o kwelana go baba. Re gelepa ke yene gore re thogo šutela thina le “setulo sa go lawola sa Modimo wa gore o re kwela go baba,” re mo kgopela gore a re kwele go baba a boye a re gelepe “ka nako ya gona.” (Maheb. 4:14, 15) Barena, re sa lisetsi letšatši le šinye le dikele re soko bane re ghayela ka dilo tso Jehova le Jeso ba šeleng ba re makele tsona le tsa gore ba kene ba re makela tsona gana byalo. Taba ya gore ba re nyaka ka matla di nyaka yi re tikise pelo fote yi re tšhofe gore re be le matšato mo re kene re berekela Jehova. (2 Makor. 5:14, 15) Mokgwa wo mongwana wa gabutši ka matla wa go šupetsa gore re leboga ke mo re gelepa ba bangwana gore go be Dihlatse Tsa Jehova le malata ya Jeso. (Mat. 28:19, 20) Ke so Pawulo wa lepostola a se makiyeng. Ke mo a di tšiba gore tso Jehova a di nyakang ke gore “batho ka mokana ga bona ba phonisiwe fote ba tšibe mong yona nnete.”—1 Thim. 2:3, 4. w23.10 22-23 ¶13-14

Ba go tlala re berekisa mantsu yawa ya go kgomoletsana ya go tšwa ka Bhayibeleng mo re tšhomayelela batho ka Pharadeyisi. Re ka maka byang gore batho ba bangwana—le rune beng—re nape re ro di tshepa tsa gore dilo tso Kutullo 21:3, 4 yi reng re nyoko rufega ka tsona di nyoko makega ka nnete? Mo Jehova a fetsa go re tshepisa taba yo ya go kgomoletsana, o re neyye le dilo tsa go napa di maka gore re yi tshepe. Ga ditemanyana tsa go latela, re kwa tso di makang gore re nape re tshepa so Jehova a se tshepisang. Ditaba tsa gona di re: “Ye a duling setulong sa go lawola a re: ‘Ke maka dilo ka mokana ga tsona gore go be tsa nyuwane.’ A boya a re: ‘Ngwala dilo tsowa ka taba la gore ke nnete fote di ya tshepega.’ Byalo a re gaka: ‘Dilo tsowa di nyoko feta, ke nna Alfa le Omegha, wa mathomo le wa mafelelo.’”—Kut. 21:5, 6a. w23.11 3 ¶3-5

Go šupetsa gore mosogana o tšhutiye ka mokgo Jehova a tseyang dilo, ke mo a hlawola gabutši mošaga wa dikobo tso a di yaparang le mokgwa wa gabutši wa go maka moriri. Ga go tlala, batho bo ba makang dikobo tsa gore di kenne fešening ba boya ba di sabalatsa, a ba mo hlompi ga Jehova kela ba phela maphelo ya go sa hlamatsega. Byalo, dikobo tso ba di makang o kraya go le tsa gore di ba manya ka matla kela di maka gore banna ba bonale nkare ke basadi. Mo mosogana wa gore o tšhuta go ba Mokreste wa gore o butšwiye a kgeta dikobo tso a nyoko di yaparang, o nyoko yetetsa ke ditšhiko tsa Bhayibele le mešupetso ya gabutši ya ka phutegong. A ka tiputsisa gore: ‘Nje dilo tso ke di hlawolang di šupetsa gore ke nagana gabutši fote ke naganela ba bangwana? Ayitsano mokgwa waka wa go yapara wo maka gore di be lula ga ba bangwana gore ba thogo di bona gore nnete ke lelata la Modimo?’ (1 Makor. 10:31-33) Mosogana wa gore o nagana gabutši a ka sa hlompi ke magageru fela, mara o nyoko boya a hlompa ke Papage wa ku legedimong. w23.12 26 ¶7

Ku botala, “kgoši ya borwa” yi yye ya hlorisa batho ba Jehova ka boyona beng. (Dan. 11:40) Mo re beyisa, magageru ya go tlala ku botala ba yye ba ma hlahlela jele fote bana ba Dihlatse ba yye ba ba raka sekolong ka taba la gore a ba kenakene tsa dipolotiki. Ga mengwaganyana ya go fela, taba ya go tshepega ga batho ba Jehova ba gore ba lawola ke kgoši ya borwa yi yye ya liketsiwa ka mekgwa ye mongwana. Mo re beyisa, ka nako ya go vowuta Mokreste a ka liketsega gore a thege mokgahlo wa dipolotiki kela a be se sengwana ga wona. Le mo a ka sa vowuti mara di ka makega gore go na le mokgahlo wo a yemang nawo ka monagano le ka pelo. Phela di ko ba di le gabutši ka matla gore ka mokgo re makang dilo ka gona, re naganang le ka mokgo re tikwang re sa kene felo le ka go twii ga tsa dipolotiki!—Joh. 15:18, 19. w23.08 12 ¶17

Mo re kene re taboga lebelo lowa la lephelo, di nyaka ‘re tabogeneng di šupetsa gore re nyaka go hlula.’ (1 Makor. 9:24) Jeso o yitseri re ka “kgahleletsa ke go šekela ka tsa lefase lowa, go ja le go nwa ka matla.” (Luk. 21:34) Mešupetso yowa le mangwalo ya mangwana ma ka go gelepa gore o thogo bona ho di nyakang o lukisa gona mo o kene o taboga lebelo lago la lephelo. Re bolabola re sa nghanghamele gore re ka hlula ga lebelo lo re le tabogang la lephelo ka taba la gore Jehova o nyoko re neya matšhika ya re ma hlokang. (Jes. 40:29-31) Byalo, o sa taboge nkare ke wene khudu! Kopisela ga Pawulo wa gore o yye a taboga ka matla gore a thogo kraya patela yo yi leng mahlong gage. (Mafil. 3:13, 14) Aa šiyo ye a nyoko go tabogelang sekala, mara o ka gelepa ke Jehova gore o thogo phomelela. Jehova a ka go gelepa gore o rwale merwalo yago le go lahla merwalo ya gore a yi hlokege. Mo Jehova a le nago, o ko thogo taboga lebelo lago o kene o tiyisele ke mokane wa hlula! w23.08 31 ¶16-17

Mo Jeso a sa na le 12 ya mengwaga o yye a ya le babelegi bage Jerusalema mara mo ba šele ba boyela gaye a sanka ba di bona gore Jeso o šele nthago. (Luk. 2:46-52) Ke nnete gore Josefa le Mariya ke bona bo ne ba tshwanele ba bone gore bana ba bona ba felele mo ba boyela gaye ka nthago ga monyanya. Mo Josefa le Mariya ba feleletsa ba krayye Jeso, Mariya o yye a mo solela tso a di makiyeng! Phela hala Jeso a di nyakiye nke a f’lo ba le sekokonono a re a baa mo tshwara gabutši. Mara, o yye a fetola babelegi bage a sa thathafe fote a šupetsa gore wa ba hlompa. Mara Josefa le Mariya ne “ba sa kwisisi tso a ba botsang tsona.” Le mo go le ka mokgonone, Jeso a sanka a ‘lisetsa go ba hlompa.’ Lune ba gore le sa gola, ayitsano di ya le thathafela go theetsela babelegi ba lune mo ba kekemisa go gongwana kela mo ba sa kwisisi se sengwana ka lune? King so se ka gelepang? Nagana gore Jehova o tikwa byang. Bhayibele yi re mo o theetsela babelegi bago, “tsotsone di jabodisa Morena.” (Makol. 3:20) Jehova wa di tšiba gore ka dinako tse dingwana babelegi bago go na le so ba ka sa se kwisising ho gago kela ba beya molawo wa gore a di lula go wo theetsela. Mara mo o kgeta go ba theetsela, o maka gore a jabole la go sa hlayisegi. w23.10 7 ¶5-6

Mo motho ye re kenang naye sekolo a ka fo hlaya gore Dihlatse Tsa Jehova di tshwanele di tšhentšhe ka mokgo di tseyang banna ba go kwana le banna kela basadi ba go kwana le basadi. Di nyaka re make gore a yi tshepe taba ya gore re kwana le batho ka mokana ga bona fote re hlompa taba ya gore motho ye mongwana le ye mongwana o tshwanele go tikgetela so a se nyakang. (1 Pet. 2:17) Ke mokane re ka mmotsa tso Bhayibele yi di hlayang fote ra mo hlayisela gore mo re latelela tso yi di hlayang tsotsone di maka gore lephelo le jabodisa. Mo re gahlana le motho wa gore aa kwane le ditaba, tsa rune re sa nape re fetsa ka gore re tšiba so a se dumelang. Mo re beyisa, byalo re ko re king mo nkare motho ye o kenang naye sekolo o re a di kwagale go dumela gore Modimo gona? Ayitsano o nagana gore motho yene o dumela ga taba gore dilo di f’lo timakegela fote o tšiba tsa go tlala ka taba yone? Gabutšibutši, o ka kraya gore motho yene o fo tipolabolela tso a di kwileng. Nakwenngwana o ka mmotsa gore a ye ga dikgatiso tsa go bolabola ka tsa gore di ro makiwa ga jw.org. Di ka makega gore ka nthago a kwe a nabela go petapeta ka hlogotaba kela vidiyo yo a yi krayyeng gana hone. Mo re mo fetola re šupetsa go mo hlompa, di ka mo tšhofa gore a nabele go tšhuta tsa go tlala ka Bhayibeleng. w23.09 17 ¶12-13

Re ka sa yi kamake taba ya gore Jehova a ka re berekisa fote a re rufa le mo re ka ba re yye ra kekemisa, mo re ka maka so re ka se kgonang gore re potolle ditsela tsa rune re boye re sa lisetse go tikokotlela ka yene. (Diy. 28:13) Samsoni ke mo a sa yenela mara le mo go le ka mokgonone a sanka a lahla tewu ga taba yage ya go berekela Jehova le ka nthago ga mo Delayila a makiye gore a kekemisiye ka matla. Fote Jehova a sanka a mo ngalela. Modimo o yye a berekisa Samsoni ga go tlala. Fote Jehova o yye a mo tseya go le monna wa go ba le tumelo a boya a mo tšhela ga letheto la batho ba go tshepega ba gore ba ga Maheberu tema 11. Phela di re tikisa ka matla go fo tšiba gore re berekela Papa wa ku legedimong wa gore o re nyaka ka matla wa gore o tikemisele go re tiyisa, ka matlamatla mo re lelemela! Byalo, go fo tshwana le Samsoni tla re kgopeleneng re re: “Barena o sa nlibale fote o ntiyise.”—Bay. 16:28. w23.09 7 ¶18-19

Ka taba la gore re ya di tšiba gore letšatši la Jehova le thina le go segela, tsotsone di re tšhofa gore re botse ba bangwana ditaba tsa go bafala. Mara re ka fo kwa re tšhaba go maka ka mokgonone. Ke ntaba? Ka taba la gore re ka fo kwa re tšhaba ka mokgo batho ba ka re tseyang. Tsotsone le Petro di yye dya mo makegela. Phela bošego bya mo Jeso a gahlana le tsa go mo phiriketsa Petro o yye a tšhaba go hlaya gore ke yene ye mongwana wa malata ya Jeso a boya a mo phiga ga tleletlele a re aa mo tšibi. (Mat. 26:69-75) Mara Petro o yye a hlula taba ya go tšhaba a boya a ngwala gore: “Dilo tso ba di tšhabang lune le sa di tšhabe, fote di sa le hlagasedisi.” (1 Pet. 3:14) Le rune mantsu ya Petro maa re tiyisa gore re ka yi hlula taba ya go tšhaba batho. Re ka gelepa king gore re hlule taba ya go tšhaba batho? Petro o re botsa gore: “Le di tšibeneng ka ho dipelong tsa lune gore Kreste ke Morena, le gore o hlawolegiye.” (1 Pet. 3:15) Di nyaka re sa lebale gore Jeso Kreste ke Kgoši ya rune fote o na le matšhika ya magolo ka matla. w23.09 27-28 ¶6-8

Di nyaka re ye mahlong re lwa le taba ya gore re sa tikraye re “maka dilo tsa gore di makediwa letshwifing.” (Maef. 5:11) Mo motho a dulela go lebelela, go theetsela kela go bolabola ka dilo tsa gore a dya yela, mong dithila, di ba lula gore a make dilo tsa go tšwa pateng. (Gen. 3:6; Jak. 1:14, 15) Lefase lowa la Sathane le liketsa go re tshokanya, gore re bone nkare Jehova o yi lahliye ga tso a reng di tšwile pateng fote a dya yela. (2 Pet. 2:19) Mathayithayi ya mangwana ya gore ke botala Diyabolo a ma berekisa ke go kwalakwala nnete gore batho ba sa bone gore sa gabutši le sa gore a yi sa gabutši ke sefeng. (Jes. 5:20; 2 Makor. 4:4) A di makatse gore dimuvi tsa go tlala, ditori tsa ho TV le diwepsayiti di yetisa mahlong dilo tsa gore a di sipidisane le melawo ya Jehova ya go loka! Sathane o liketsa go maka gore re tseye nkare a go na bothatha mo motho a maka dilo tsa go sa yela fote go ka sa re kwaletse.—Maef. 5:6. w24.03 22 ¶8-10

Tabarenakele ne yi yemme go tshwana le letente la gore Maisrayele ne ma le rwala mo ma kene ma rurela ga dipoleke tse dingwana. Ma yye ma yi berekisa ampore 500 ya mengwaga go segela mo ma yaga tempele ku Jerusalema. (Ek. 25:8, 9; Dip. 9:22) Poleke yo Maisrayele ne ma gahlana ga yona gore ma make dihlabelo ne ba re ke tabarenakele. (Ek. 29:43-46) Fote tabarenakele ne yi yemela selo sa kawone. Ne yi “šupetsa dilo tsa ku legedimong” fote ne yi šupetsa tempele ya Jehova ye kgolo ya tso tsa Modimo. Pawulo wa lepostola o yitseri “letente lowa [kela, tabarenakele] le beyisela dinako tsa gana byalo.” (Maheb. 9:9) Byalo ka nakwela a ngwalela Maheberu lengwalo, tempele ya tso tsa Modimo ne go šele go le selo sa mannete ga Makreste. Yi thomisiye ka 29 C.E. Jeso o yye a kolobetsiwa ka mongwaga wonone, a boya a thomisa go berekela Jehova go le “moprista ye mogolo” ga tempele ya tso tsa Modimo.—Maheb. 4:14; Meber. 10:37, 38. w23.10 25-26 ¶6-7

Le rune di nyaka re temateme mo lephelo le thomisa go thathafa gore re thogo ya mahlong re berekela Jehova re jabodiye. Byang mara? Di nyaka re temateme ka go tšhentšha le seyemo le ka go hlompa ka mokgo ba bangwana ba tseyang dilo le dipheto tso ba di segelelang. Rune malata ya Jehova re nyaka go tematema. Fote re nyaka go tinyanafatsa re boye re naganelane. Jehova ba re ke “Letlapa” ka taba la gore o tiyelele fote aa tekateki. (Dot. 32:4) Le mo go le ka mokgonone, wa kwisisa kela wa naganelana. Mo dilo di kene di tšhentšha ga lefase lowa, Jehova le yene wa tšhentšhatšhentšha gore a thogo bona gore dilo ka mokana ga tsona tso a di tshepisiyeng di ya makega. Jehova o re makiye gore re tshwane naye, byalo le rune o re makiye gore re thogo tšhentšhatšhentšha le seyemo. O re neyye ditšhiko tsa Bhayibele tsa gore di re gelepa gore re thogo segelela dipheto tsa gabutši le mo re ka fo ba re gahlanne le dintshitshire tsa mošaga mang. Mošupetso wa Jehova le ditšhiko tso a re neyyeng tsona di re gelepa gore re thogo tšiba gore le mo Jehova go le “Letlapa,” mara o sa na a kwisisa. w23.07 20 ¶1-3

Ka ho Bhayibeleng, Jehova o titshwanisa le mmane wa go kwelana. (Jes. 66:12, 13) O fo nagana ka mmane wa gore aa nyake go kwa selo ka ngwananyana wage fote o yakgoswa a mo neya so a se hlokang. Mo re kwa go baba, re ka tisamela ka Jehova gore o re nyaka ka matla. Mo re kekemisa, aa nape a re šiya re ntoši a re re ko tikweleng. (Pis. 103:8) Setšhaba sa Israyele se mo tšebisiye gatleletlele ga Jehova; mara o šupetsiye batho bage ba gore baa tisola gore ba ro ba ho pelong yage mo a re: “Ke yye ka le tseyela gedimo ka matla, ka le beya mayemong, ka le šupetsa gore ke le nyaka tsa nkare ke moka.” (Jes. 43:4, 5) Ga taba yo ya gore Modimo o re nyaka ka matla, o sa na a fo ba ka mokgonola. Le mo re ka fo ba re yye ra kekemisa ka matla, mo re tisola ke mokane re sologa re ya ga Jehova, re nyoko fo mo kraya a re nyaka go fo tshwana le maloba wenela. O re tshepisa gore “o nyoko re tshwarela ka matla ya magolo.” (Jes. 55:7) Bhayibele mo yi bolabola ka go tshwarela howa yi re ke go leya “dinako tsa go timuluga … tsa go tšwa ga Jehova ka boyenemong.”—Meber 3:19. w24.01 27 ¶4-5

Jehova a ka re gelepa mo go na le tsa go re ghula. Mo re beyisa, mo re kgopela ye a re hiriyeng gore a re neye nako ya go ya ga mogahlano wo mogolo kela mo re kgopela go sa bereke diawara tsa go tshwana le tsa ba bangwana gore re thogo ba gona ga megahlano ya rune ka moka ya phutego, re thula lešuba la go bona mo Jehova a re makela se sengwana ho lephelong. Re ka šala re sa tshepe. Tsotsone di maka gore ga Jehova re nape re mo tshepa ka matla. Ezera o yye a tinyanafatsa ke mokane a kgopela Jehova gore a mo gelepe. Nako ye nngwana le ye nngwana mo Ezera a kwa a roba ke mmereko wage, o yye a tinyanafatsa ke mokane a rapela Jehova. (Ezera 8:21-23; 9:3-5) Mokgwa wa Ezera wa go tseya dilo wo yye wa tšhofa bo ba yemang naye gore ba be naye ke mokane ba yekisele tumelo yage. (Ezera 10:1-4) Mo re kwa nkare re šekela ka matla ka dilo tso re di nyakang tsa nama kela taba ya go pasopega ga ba mutši wa rune, di nyaka re tšhabela ga Jehova re kene re mo tshepa. w23.11 18 ¶15-17

Phela ga taba yowa, Jehova aa hlaye gore mo re nyaka gore a re tseye re le ba go loka di nyaka re make tsetsela Abhrahama a di makiyeng go šupetsa gore re na le tumelo. Gabutšibutši, go na le mekgwa ya go tlala ya go maka dilo gabutši ya gore re ka šupetsa gore ka nnete re na le tumelo. Re ka yamogela ba gore ba sa thoma go tla ka phutegong, ra gelepa magageru ya gore ma gayela sa go gayela ra boya ra makela mašaga ya rune tsa gabutši ka gore tsotsone ka mokana ga tsona ke dilo tsa gore Modimo wa di yamogela fote wa di rufa. (Marom. 15:7; 1 Thim. 5:4, 8; 1 Joh. 3:18) Selo se segolo so re ka šupetsang ka sona gore re na le tumelo ke ka go tšhomayelela ba bangwana ditaba tsa go bafala re na le matšato. (1 Thim. 4:16) Ka mokana ga rune re ka šupetsa ka tso re di makang gore re na le tumelo ya gore tso Jehova a di tshepisiyeng di nyoko makega le gore mokgwa wage wa go maka dilo ke mong wona. Fote mo re maka ka mokgonone, re ka sa kamake gore Modimo o nyoko re bala ga batho ba go loka a boya a re ke rune banghana bage. w23.12 2 ¶3; 6 ¶15

Mo Dafita a le thina le go kgwa, o butsiye Solomoni mantsu ya ma leng ka ho kgakala. (1 Mag. 2:1, 3) Banna ka moka ba gore ke Makreste lekgono ba maka gabutši mo ba berekisa mayele yane. Gore ba thogo phomelela, di nyaka ba theetsele melawo ya Modimo fote ba berekise ditšhiko tsa Bhayibele ga selo se sengwana le se sengwana mo ba kene ba phela. (Luk. 2:52) Ke ntaba go le selo se segolo gore magageru ya gore go sa le masogana ma be banna ba gore ke Makreste ya gore ma butšwiye? Monna wa gore ke Mokreste o na le mmereko wo mogolo ka mutšing le ka phutegong. Lune magageru ya gore ma sa gola, a re kamake gore le šele le naganne ka mebereko yo le ka yi makang ku mahlong. O ka fo ba o nyaka go ba mošupatsela wa nako ka moka, lelata la ka ho phutegong ke mokane ka nthago o be mogolo wa phutego. Fote o ka fo ba o nyaka go šadha o boye o be le bana. (Maef. 6:4; 1 Thim. 3:1) Gore o thogo segelela dilo tsowa fote o phomelele, di nyaka o be Mokreste wa gore o butšwiye. w23.12 24 ¶1-2

Bagolo ba Makreste di nyaka ba pasope dinku tsa Jehova. Banna bowa ba gore baa tshepega ba yi tseyela gedimo taba ya go berekela magagabo fote ba karakara ka matla gore go be bona “ba go disa . . . tsa mannete.” (Jer. 23:4; 1 Pet. 5:2) Phela a yi go jabodisa ga tsona go ba le batho ba mošaga wonone ka phutegong ya rune! Bagolo ba ka tšhuta tsa go tlala ga Ghidiyoni wa go Yahlula. (Maheb. 6:12) Ke mo go le wa go tšhireletsa a boya a disa batho ba Modimo. (Bay. 2:16; 1 Dikor. 17:6) Go fo tshwana le Ghidiyoni, bagolo ba ba kgetiye gore ba pasope batho ba Modimo ka dinako tsa mo go thathafa ka matla. (Meber. 20:28; 2 Thim. 3:1) Re ka tšhuta tsa go tlala ga Ghidiyoni ga taba ya go tšiba mo re kgerang, go tinyanafatsa le go theetsela. Taba ya gore wa tiyisela yi yye ya liketsiwa mo a kene a tshwaraganne ka mmereko wage. Le mo re le bagolo kela re se bona, re ka yi tseyela gedimo taba ya go leboga bagolo ba rune. Re ka liketsa ka matla gore re ba thege ka taba la gore baa re pasopa ka ho phutegong.—Maheb. 13:17. w23.06 2 ¶1; 3 ¶3