May

Makreste ya ku botala ma yye ma kenela ke tlala ya gore yi yye ya hlasela “lefaseng ka mokana ga lona.” A re kamake gore babelegi ne yi ba hlupa taba yowa ya gore ne ba sa tšibi gore ba nyoko pasopa ba mutši wa bona ka mokgo mang. Fote bo ba gore ba sa gola ba gore ba polanne gore ba nyaka go yeketsa ga mmereko wa go tšhomayela, re re king ka bona? Ayitsano ba fo kwa nkare ba ka fo tšwa ba yemmenyana ka tso ba di polanneng? Makreste ma yye ma fo yamogela seyemo sone. Ma yye ma fo ya mahlong ma tšhomayela ka mokgwa wo ma kgonang fote ne ma jabolela go ngathelana so ma nang naso le magagabo ya ku Judiya. (Meber. 11:29, 30) Bo ba yyeng ba kraya tsa go ba yimolla ba di bonne gabutši gore Jehova o tšhediye letsogo gore a ba gelepe. (Mat. 6:31-33) Ma yye ma tikwa gore ma mamarelanne le magageru ya gore ma tlile gore ma ba gelepe. Fote bo ba gore ba neyele kela ba gore ba tlile gore ba ba gelepe ba yi bonne taba ya gore di jabodisa ka matla mo ba neya ba bangwana ka taba la gore mo seyemo se tšhentšha ba yye ba fo keka naso.—Meber. 20:35. w23.04 16 ¶12-13

Ka dinako tse dingwana, Jehova o fetola merapelo ya malata yage ka go tšhofa bo ba gore a ba rapele yene gore ba ma gelepe. Mo re beyisa, o yye a tšhofa Kgoši Athazeksisi gore a dumelele Nehemiya a boyele Jerusalema gore a thogo ye gelepa ga taba ya go yaga mutši wone ka bonyuwane. (Neh. 2:3-6) Le lekgono, Jehova a ka berekisa le bo ba gore a ba rapele yene gore ba re gelepe mo go thathafa. A yi ga go tlala merapelo ya rune yi fetodiwang ka mokgwa wa mohlolo. Mara diphetolo tso re di krayang ke so re se hlokang gore re thogo dula re tshepega ga Papa wa rune wa legedimong. Byalo, o sa wo takisi maahlo mokgwa wo Jehova a fetolang merapelo yago ka wona. Nako le nako di nyaka o yemenyana ke mokane o lebelele ka mokgo Jehova a fetolang merapelo yago. (Pis. 66:19, 20) A re šupetsi gore re na le tumelo ga Jehova ka go fo mo rapela mara le ka go yamogela mokgwa wo mongwana le wo mongwana wo a re fetolang ka wona.—Maheb. 11:6. w23.05 11 ¶13; 12 ¶15-16

Nakwela re tineyela ga Jehova, re yanne gore re nyoko mmerekela re boya re maka tso a di nyakang. Re tshwanele go dula re maka tso re di tshepisiyeng. Go dula re maka tso re di tshepisiyeng Jehova a yi morwalo. Phela Jehova o re makele gore re make tso yene a di nyakang. (Kut. 4:11) O re makiye gore re kwe re nabela go mo tšiba le go mmerekela fote o makiye gore re tseyele gage. Byalo, tsotsone di maka gore re thogo šutela thina naye re boye re jabodise ke go maka tso a di nyakang. Go tokegela gana hone, mo re maka tso Modimo a di nyakang re boya re latelela Morwayi wage, re “nyoko šala re yimulugiye.” (Mat. 11:28-30) Byalo, maka gore taba ya go nyaka Jehova ka matla yi kumatele ka go ghayela ka dilo ka mokana ga tsona tso a šeleng a go makele tsona le dilo tsa gabutši tso a nyoko go makelang tsona. Mo taba ya go nyaka Modimo ka matla yi fo ya mahlong yi hluhlutela, di nyoko ba lula gore o mo theetsele. (1 Joh. 5:3) Jeso o yye a di kgona go maka tso Modimo a di nyakang ka taba la gore o rapele Jehova gore a mo gelepe ke mokane a dula a beyye patela yage lihlo. (Maheb. 5:7; 12:2) Go fo tshwana le Jeso, rapela Jehova gore a go neye matšhika fote o dule o nagana ka tshepo ya lephelo la go ya go yye. w23.08 27-28 ¶4-5

Ka mokana ga rune mo re yitsa re ba teyela matsogo batho ba gore ba lefisa pelo. Ke ntaba re maka tsotsone? Re ba hlompa ka matla ka gore ba ka di kgona go litela selo ba sa tšhoga. Re ro thinya le letolo mo ba bangwana ba re lefisela pelo mo re kekemisa go gongwana. Fote re yi leboga re sa fetsi taba ya gore ye a re tšhutisiyeng Bhayibele o re lefisele pelo mo re sa lwa le go tšhuta, go yamogela kela go maka tso Bhayibele yi di tšhutisang. Sa go di phala ka moka ke gore a re hlaye matsaka mo re re ga Jehova Modimo re mo leboga re sa fetsi mo a re lefisela pelo! Le mo re yi tseyela gedimo taba ya gore ba bangwana ba lefisa pelo, mara ga runebeng go lefisa pelo o ka kraya go le mong sejumbha. Mo re beyisa, o ka kraya di se lula go dula re kgibiye mo re fodiye layini ya go lefa, ka matlamatla mo re teyye ke nako. O ka kraya re kwata ka matla mo ba bangwana ba maka tsa go re tshwatisa. Fote ka dinako tse dingwana go yemela lefase la nyuwane lo Jehova a re tshepisiyeng go ka ba mong ntshitshire. Le mo go le ka mokgonone, ga dinako tsowa ka moka, di nyaka re lefise pelo. w23.08 20 ¶1-2

Jehova o butsiye Ghidiyoni gore a pome masole yage ampore ka mokana ga wona ke mokane a re ma boyele gaye. Di ka makega gore o yye a tiputsisa gore: ‘Ayitsano di ya hlokega gore go be ka mokgonowa? Ayitsano di nyoko maka?’ Le mo go le ka mokgonone, Ghidiyoni o yye a theetsela. Lekgono, bagolo ba yekisela Ghidiyoni ka go theetsela mo mokgahlo wo ba botsa gore ba make tso di tšhentšhiyeng. (Maheb. 13:17) Ghidiyoni o yye a theetsela Jehova le mo ne a kene a hlagasedisa ke gore mmereko wone wo kotsi. (Bay. 9:17) Ka nthago ga mo Jehova a makiye se sengwana gore Ghidiyoni a mo tshepe, o yye a sa kamake gore Modimo o nyoko mo thega gore a tšhireletse batho bage. Bagolo ba gore ba dula ga poleke ya gore mmereko wa rune ba wo rakele ba yekisela ga Ghidiyoni. Ba yeta mahlong ga taba ya megahlano le tšhomo ba kene ba šišimele le mo ba ba tshosetsanya ka gore ba nyoko ba hlahlela jele, ba ba hlaba ka diputsiso, ba nyoko lahlegela ke mebereko kela ba ba make bošidi. Ka dinako tsa motšhatšhamelo wo mogolo, bagolo di ko nyaka gore ba šišimale gore ba thogo theetsela melawo yo ba nyoko yi krayang le mo tsotsone di ka ba tšhela kotsing. w23.06 5-6 ¶12-13

Jehova o yye a maka gore taba ya Moprista ye Mogolo Jehoyada yi ngwadiwe ka ho Bhayibeleng gore re thogo tšhuta se sengwana ga yona. (Marom. 15:4) Fote mo Jehoyada a hlokofala ba yye ba mmoloka “le magoši ya mangwana ga poleke yo ba reng ke Mutši wa Dafita, ka taba la gore o makiye tsa gabutši ku Israyele ka matlamatla a makela Modimo wa mannete le ntlo Yage.” (2 Dikor. 24:15, 16) Taba ya Jehoyada yi ka re gelepa ka mokana ga rune gore re šupetse gore re tšhaba Modimo. Bagolo ba ka yekisela Jehoyada ka go dula ba lebelele gore phutego ba ka yi tšhireletsa ka mokgo mang. (Meber. 20:28) Bo ba gore ba šele ba gudiye ba ka tšhuta ga Jehoyada gore mo ba tšhaba Modimo fote ba dula ba tshepega, a ka berekisa bona gore a thogo segelela tso a di nyakang. Bo ba gore ba sa gola ba ka lebelela ka mokgo Jehova a yyeng a tshwara Jehoyada ka gona ke mokane ba kopisela Gage ka go tshwara bo ba gore ba šele ba gudiye ka mokgwa wa serithi le wa go hlompega, ka matlamatla bo ba gore ke botala ba kene ba berekela Jehova. (Diy. 16:31) Tla re sa lisetse go thega re resa ‘bo ba gore ba re yeta mahlong’ re boya re ba theetsela.—Maheb. 13:17. w23.06 17 ¶14-15

Mo o le megahlanong, di nyaka o lebelele gore ke leng mo o tshwaneleng go yemisa letsogo. Mo re yemisa ka matla, re maka gore ye a tšhutisang a kwe di mo tšhofa gore a kgete rune a boyelela le mo ba bangwana ba soko bane ba thulegela ke lešuba la go fetola. Tsotsone di maka gore ba bangwana ba kwe ba sa sa nyaka le go yemisa matsogo. (Mmo. 3:7) Mo batšhomayedi ba go tlala ba yemisa matsogo mo re kene re tšhuta, di ka makega gore re sa fetole ga go tlala ka mokgo ne re nyaka ka gona. Ka dinako tse dingwana, di ka makega gore ye a tšhutisang a sa re kgete. Tsotsone di ka re tapa matšhika, mara di nyaka re liketse ka matla gore di sa re kwatisi mo ba sa re kgete. (Mmo. 7:9) Mo nkare a o kgone go fetola ga go tlalanyana ka mokgo wene o nyakang, ke ntaba o sa theetsele ba bangwana gabutši mo ba kene ba fetola ke mokane ka nthago ga mogahlano o ba thanake ka tso ba di fetodiyeng? Magageru ma ka tiyisa ke taba ya gore o ma thanakiye go fo tshwana le ka mokgo wene ne o nyoko ma tiyisa ka gona mo o fetola. w23.04 23-24 ¶14-16

Tšhuta Lentsu la Modimo o boye o ghayele ka lona. Mohlare wo ka di kgona go yema wo tiyye mo nkare midu ya gona yi segele fase, byalo le rune mo nkare re na le tumelo ya go tiya ga Jehova re ka di kgona go yema re sa thogathoge. Mo mohlare wone wo kene wo gola, midu ya gona yi napa yi ro kenelela fase yi boya yi ro naama. Mo re tšhuta re boya re ghayela re tiyisa tumelo ya rune fote re napa re sa kamake gore ditsela tsa Modimo ke mong tsona. (Makol. 2:6, 7) Nagana ka mokgo molawo wa Jehova, tso ne a yetetsa malata yage ya ku botala ka tsona le ka mokgo ne a ma tšhireletsa di yyeng dya ma gelepa ka gona. Mo re beyisa, lengeloyi le yye la yi meta gabutši tempele yo Hezekiyele a yi bonne ka mmono. Mmono wone wo yye wa tiyisa Hezekiyele ka matla fote wo re tšhutisa tsa go tlala ga taba ya ka mokgo re ka thegang melawo ya Jehova ga morapelo wa go yela. (Hezek. 40:1-4; 43:10-12) Le rune di ya re berekela mo re fetsa nako re tšhuta re boya re ghayela re kenelela ga dilo tso di leng ka Lentsung la Modimo. Le rune re ka ba nayo pelo ya go tiyelela mo re tshepa Jehova ka go felegelela.—Pis. 112:7. w23.07 18 ¶15-16

Bhayibele yi tlele ka mešupetso ya gabutši ya masogana ya o ka ma kopiselang. Masogana yane ya ku botala ke mo ma mo nyaka ka matla ga Jehova fote ne ma pasopa batho ba Modimo ka mekgwa ya mehlobohlobo. Fote o ka kraya mešupetso ya gabutši ga banna ba gore ke Makreste ya gore ma butšwiye ka mutšing wa genu le ka phutegong ya genu. (Maheb. 13:7) Fote o na le mošupetso wa Jeso Kreste wa gore wo yi phala ka moka. (1 Pet. 2:21) Mo o kene o tšhuta ka mešupetso yowa, nagana ka tsa gabutši tso banna bowa ba tšibegang ka tsona tsa gore di ya go jabodisa. (Maheb. 12:1, 2) Ke mokane o fetse ka gore banna bowa o nyoko ba kopisela ka mokgo mang. Monna wa gore o tseya dilo gabutši aa phophorogi, mara o thomisa ka go nagana a soko bane a segelela sepheto. Byalo, le wene di nyaka o karakare gore o make dilo ka mokgonone le gore o ye mahlong o kene o di maka. Thomisa ka go tšhuta ditšhiko tsa Bhayibele o boye o ghayele ka gore ke ntaba di ka go berekela. Ke mokane o berekise ditšhiko tsone gore di go gelepe o thogo segelela dipheto tsa gore di jabodisa Jehova. (Pis. 119:9) Phela di nyoko go gelepa ka matla gore o thogo ba monna wa Mokreste wa gore o butšwiye.—Diy. 2:11, 12; Maheb. 5:14. w23.12 24-25 ¶4-5

Babelegi ba ka tšhutisa bana ba bona gore ba ka fetola ka mokgo mang ba kene ba kgibiye mo tumelo ya bona yi liketsiwa. (Jak. 3:13) Babelegi ba bangwana ba tšhutisa bana ba bona ka mokgo ba ka fetolang ka gona mo ba tshwere morapelo wa mutši. Ba lebelela ditaba tsa gore bana ba bona ba ka gahlana natso mo ba le sekolong, ba petapeta ka tsona fote ba ba šupetsa ka mokgo ba ka fetolang ka gona, ke mokane ba tšhutisa bana ba bona ka mokgo ba ka bolabolang ba kgibiye le ka mokgwa wa gore wa nabetsa. Go tšhuta dilo ka go di maka go ka gelepa bo ba gore ba sa gola gore bonabeng ba titshepe ba boye ba hlatollele ba bangwana so ba se dumelang. Dihlogotaba tsa go lategetsana tsa “Bo ba Gore ba sa Gola Baa Butsisa” ga jw.org di na le maphephe ya gore bo ba gore ba sa gola ba ka ngwalela ga wona. Ke tsa gore ba di makele bo ba gore ba sa gola gore ba tshepe tso ba di dumelang le gore ba thogo fetola ka mantsu ya bona. Mo le bala dihlogotaba tsa go lategetsana le le mutši, ka mokana ga rune re ka tšhuta go yemelela tumelo ya rune re kene re kgibiye le ka mokgwa wa gabutši. w23.09 17 ¶10; 18 ¶15-16

Ayitsano o yye wa nyaka go segelela se sengwana ga tso tsa Modimo mara gwa fo ba ntshitshire gore o se segelele? Mo nkare go ka mokgonone, barena a yi wene o le ntoši. Mo re beyisa, Philip ne a nyaka go lokotša ka mokgo a rapelang le gore o rapela gakaye mara ke mo go le ntshitshire gore a kraye nako ya go rapela. So Erika ne a nyaka go se segelela ke gore a tshware nako ya go ba gona ga megahlano ya tšhomo; mara ke mo a dula a leta ampore megahlano yone ka moka. Mo nkare go na le so o nyakang go se segelela mara a o soko bane o se kraya, di sa go kgongwetsi tsone barena. Phela le mong go segelela selo se senyana, ga go tlala di tseya nako fote di nyaka o karakare. Taba ya gore o sa na o nyaka go se segelela, yi šupetsa gore senghana sago le Jehova o se tseyela gedimo fote o nyoko maka ka mokgo o ka kgonang. Jehova o di tseyela gedimo tso o karakarang go di maka. Ke nnete gore, aa yemela gore o make dilo tsa gore di feta tso o ka di kgonang. (Pis. 103:14; Mmik. 6:8) Byalo, mo o kgeta so o nyakang go se segelela, di nyaka o pombhole gore ayitsano o ka di kgona. w23.05 26 ¶1-2

Batho ba gore ba na le lešiši, le bona baa tšhoga mara a ba lisetsi tsotsone di ba paraka gore ba make tsa go loka. Daniyele ke mo go le mosogana wa go ba le lešiši. O yye a tšhuta tso di ngwadiyeng ke baporofeta ba Modimo le tso di porofitiyeng ke Jeremiya. Ga tso Daniyele a di tšhutiyeng o di bonne gore go se botala Majuda ba nyoko ma lokolla bobhantiting ku Bhabhilona. (Dan. 9:2) Mo Daniyele a bona seporofeto sa Bhayibele se makega, a re kamake gore tsotsone di napiye di maka gore a mo tshepe ga Jehova fote bo ba gore ga Modimo baa mo tshepa ba ka napa ba šišimala. (Tshwanisa le Maroma 8:32, 37-39.) Sa go di phala ka moka ke gore Daniyele ne a rapela Papage wa ku legedimong gatleletlele. (Dan. 6:10) O yye a botsa Jehova ka moka tso a di sinnyeng ke mokane a mo kgotolela ka mokgo a tikwang. Fote Daniyele o yye a kgopela Jehova gore a mo gelepe. (Dan. 9:4, 5, 19) Phela le yene ne go le motho go tshwana le rune, byalo ke mo a sa belegiwa a na le lešiši. Mara, taba ya go tšhuta, go rapela le go tshepela ga Jehova yi mo gelepiye gore a be le mokgwa wone wa gabutši. w23.08 3 ¶4; 4 ¶7

Mo re theetsela bo ba yetang mahlong ba mmušo tsotsone di nyoko re berekela dya boya dya berekela le ba bangwana. Ka mokgo mang mara? Re ka sa tsoge re wolodiwwe ka taba la go sa theetsele molawo. (Marom. 13:1, 4) Mo re theetsela ba mmušo ba nyoko di bona gabutši gore Dihlatse Tsa Jehova ke batho ba go ba le tsebe. Mo re beyisa, mengwaganyana ya go fela ku Nigeria, masole ma yye ma kena Holong ya Mmušo ka nako ya mogahlano wa phutego ma nyakana le batho ba gore a ba nyake go patela methelo. Mara ye mogolo wa masole o yye a botsa masole yane gore ba tloge ke mokane a hlaya gore: “Dihlatse Tsa Jehova a di make tsa go sa patele methelo ya tsona.” Ka moka nako mo re latelela melawo, tsotsone di maka gore Dihlatse Tsa Jehova di be le lebitso la gabutši—la gore le nyoko tšhireletsa magageru letšatši le lengwana. w23.10 9 ¶13

Malata ya mangwana ya Jehova ke botala ma kene ma yemele gore go fele ka lefase lowa. Ba bangwana ba nagana gore nako ya gore go fele ka lefase lowa ya diyega. Jehova o bolabodiye ka taba yone mo a tshepisa moporofeta Habakuku gore: “Ka taba la gore mmono wo yemele nako ya gona, fote wo yakgoswele go ya mafelelong, fote wo ka sa hlaye matsaka. Le mo wo ka diyega, dula o wo yemele! Ka taba la gore wo ka sa šitisi ke selo gore wo makege. Wo ka sa diyege!” (Habak. 2:3) Ayitsano taba yo Modimo a yi tshepisiyeng, ne yi le ya go berekela Habakuku a ntoši? Kela ayitsano mantsu Yage ma rela se sengwana ga rune lekgono? Pawulo wa lepostola o hlohletsele ke moya wa go hlawolega gore a berekise mantsu yawa ga Makreste ya gore ma yemele lefase la nyuwane ka maahlo ya makhubedu. (Maheb. 10:37) Byalo, re ka tshepa re tiyisiye gore le mo taba yo Jehova a re tshepisang ya gore o nyoko re phonisa yi bonala nkare ya diyega, ‘yi ka sa šitisi ke selo gore yi makege. Yi ka sa diyege!’ w23.04 30 ¶16

Maisrayele ya go tlala ma yye ba sa yi kene ya gore Jehova o berekisa Moše, le mo di na di bonala gabutši. (Dip. 14:10, 11) Ba swayye molala gatleletlele mo Moše a re wa ba yetetsa. Tsotsone di makiye gore leloko lone la Maisrayele ba le ganele go kena ga Naga yo ne yi Tshepisiwwe. (Dip. 14:30) Mara ya mangwana Maisrayele ma yye ma latelela tso Jehova a di hlayang. Mo re beyisa, Jehova o yitseri: “Khelebho … ke mo a dulela go nlatelela ka pelo ka mokana ga yona.” (Dip. 14:24) Modimo o yye a mo rufa ga Khelebho, a boya a ro mo neya le naga ya gore ke mo a yi kgetiye hala Kanana. (Još. 14:12-14) Leloko la go latela la Israyele le lona le makiye dilo gabutši ka gore ke mo le latelela tso di hlayang ke Jehova. Mo Jošuwa ba mmeya gore a kene sekgaleng sa Moše gore a thogo yetetsa Maisrayele, ba yye ba “mo hlompa ka matla lephelo lage ka mokana ga lona.” (Još. 4:14) Tsotsone di makiye gore Jehova a ba rufe ke mokane ba kena ga naga ya gore ke mo a ba tshepisiye.—Još. 21:43, 44. w24.02 21 ¶6-7

Akere togotela yi ka kgona go kwa mo tšhika yi thibitha ke mokane ya thogo hlaya gore pego yi philegiye kela byang, le rune di ko šupetseng gore ayitsano re ya resa mo re re ga Modimo re ya mo nyaka, tsotsone re di kala ka go pombhola gore nje batho ba bangwana re ba nyaka tsa mannete. Mo re ka bona nkare ga magageru a re sa napa re ba nyaka go tshwana le matšatši, tsotsone di ka fo ba di šupetsa gore le ka ho ga Modimo go thomisa go phohla. Mara mo re fo dulela go šupetsa magageru gore re ba nyaka tsa nkare ke moka, di fo napa di ba lekgwaying gore le ka ho ga Modimo go sa na go swinegiye. Di nyaka re kwe di re hlupa mo re bona nkare magageru a re sa napa re kwana nabo gabutši. Ke ntaba? Ka taba la gore tsotsone di ka fo šupetsa gore senghana sa rune le Modimo se thomisa go kgwelakgwehla. Johane wa lepostola aa yi jikajiki taba yo mo a re gopotsa gore: “Motho a ka sa nyake Modimo wa gore aa mmone ka thoko a kene a hloyye bhuti wage wa gore wa mmona.” (1 Joh. 4:20) Re tšhuta ying? Mo rune beng re šupetsana gore ‘re nyakanana ka matla,’ Jehova o nyoko jabola.—1 Joh. 4:7-9, 11. w23.11 8 ¶3; 9 ¶5-6

Mo Kgoši Jehowaši go sa le ye monyana, o yye a segelela sepheto sa go šupetsa gore o hlalefiye. Ka taba la gore ke mo a hlokofalele ke papa, o yye a theetsela Moprista ye Mogolo wa gore wa tshepega ye ba reng ke Jehoyada mo a mo yeletsa. Phela moprista yene o yye a yeletsa Jehowaši tsa nkare go ro ba mong morwayi wage. Ka taba la gore o yye a kopisela ga Jehoyada, Jehowaši o yye a fetsa ka gore o nyoko berekela Jehova a boye a gelepe batho gore le bona ba berekele Jehova. Jehowaši o yye a maka gore tempele ya Jehova yi lukisiwe. (2 Dikor. 24:1, 2, 4, 13, 14) Mo nkare babelegi bago kela ye mongwana o go tšhutisa gore ga Jehova o mo nyake ka matla fote o phele ka melawo yage, taba yone ba go makelang yona ke ye kgolo ka matla. (Diy. 2:1, 10-12) Babelegi bago ba ka go tšhutisa tsa go tlala ka mekgwa ya go sa tshwane. Fote ba nyoko jabola ka matla mo o berekisa mayele ya ba go neyang wona ya gore ma tšwa ka Bhayibeleng. Se segolo ke gore, o nyoko jabodisa Modimo wa boya o tiyisa senghana sago naye. (Diy. 22:6; 23:15, 24) Ayitsano dilo tsowa a di nape di go tšhofa gore o kopisele ga mošupetso wa Jehowaši nakwela a sa le ye monyana? w23.09 8-9 ¶3-5

Jehova wa re tshepisa gore o nyoko re theetsela mo re mo rapela. Modimo wa rune o kwana ka matla le bo ba gore ba mmerekela ka go tshepega, byalo le ka tšatši la mohlolo a ka sa ba teyisi moya mo ba mo rapela. (Pis. 10:17; 37:28) Mara taba yowa a yi re gore o nyoko re neya dilo ka mokana ga tsona tso re di kgopelang. Tse dingwana tsa dilo tso re di kgopelang di ka fo nyaka re di yemele gore re tle re di kraye ga lefase la nyuwane. Jehova wa lebelela gore nje re kgopela tsa go yelana le tso a nyakang go di segelela. (Jes. 55:8, 9) Se sengwana ga dilo tso a nyakang go di segelela ke go tlatsa lefase lo ka banna le basadi ba go lawola ke yene ba gore ba jabodiye fote ba mamarelanne. Mara Sathane o re batho ba ka jabola ka matla mo ba ka fo tilawola bona beng. (Gen. 3:1-5) Jehova o lisetsiye batho gore ba tilawole gore di nape di šupetsa gore Diyabolo wa re tshokanya ka tso a di hlayang. Mathatha ya go tlala ya re gahlanang nawo lekgono ma maka ke gore go lawola batho. (Mmo. 8:9) Re di kwisisa gabutši gore Jehova a ka sa tlose mathatha yawa ka mokana ga wona gana byalo. w23.11 21 ¶4-5

Jehova o tshepisiye gore ka Abhrahama “ditšhaba tsa go tlala” di nyoko rufiwa. Le mo Abhrahama a na le 100 ya mengwaga ke mokane Sara a na le 90 ya wona, morwayi yela ba ba tshepisiyeng ke mo a soko bane a ba gona. Go bolabola nnete ne di sa tshepisi gore Abhrahama le Sara ba ka ba le morwayi. Ka nnete taba yone ne yi šiginya tumelo ya Abhrahama. “Ke mo a tshepa fote a na le tumelo ya gore o nyoko ba papa wa ditšhaba tsa go tlala.” (Marom. 4:18, 19) Ye lune, phela tsetsela Abhrahama ke mo a di yemele di yye dya makega. O yye a ba papa wa Isaka, morwayi wa gore ke botala a litiye gore a be naye. (Marom. 4:20-22) Le rune Modimo a ka re yamogela a boya a re bala ga batho ba go loka fote re le banghana bage go fo tshwana le Abhrahama. Tsotsone ke tso Pawulo a di šihleleng mo a ngwala gore: “Mantsu yawa ya gore ‘o mmone a’ ke mo ba sa ma ngwalela [Abhrahama] a ntoši, ba ma ngwalele le rune. Modimo o nyoko re bona re lukiye ka taba la gore re tshepele gage, yene wa gore o tsusiye Jeso.” (Marom. 4:23, 24) Le rune go fo tshwana le Abhrahama, di nyaka re be le tumelo re make tsa gabutši fote re sa kamake gore tso re di yemeleng ku mahlong a go jiki, di ko makega. w23.12 7 ¶16-17

Mo nkare o ghula ke tsa gore dya go tshosanya, o sa lebale gore Jehova wa di bona tso o fetang ga tsona le gore di maka gore o tikwe byang. Mo re beyisa, Jehova o yye a di bona nakwela Maisrayele ba ma maka lešidi hala Egepita a boya a bona ‘tso di ba kwisang go baba.’ (Ek. 3:7) Mara fote o ka makatsa ke gore Jehova wa go gelepa mo o kene o tlela ke tsa go go ghula tsa go tshosa. Byalo mo kgopele gore a go gelepe o thogo bona mo a go thega. (2 Mag. 6:15-17) Ke mokane o tiputsise gore: Ayitsano go yye gwa ba le polabolo kela ye mongwana a fetola megahlanong ya phutego wa šala o kwa o tiyelele? Ayitsano kgatiso, vidiyo kela koša yi yye ya go tiyisa? Ayitsano go na le motho wa gore o yye a go botsa taba kela a go balela lengwalo wa kwa di go tikisa pelo? O ka kraya re di tseyela fase tsa gore re na le magageru fote re na le tsa go ja tsa go re šutetsa thina ga Modimo. Mara dilo tsowa ke mong tse dikgolo ka matla tsa gore Jehova o re neyye tsona. (Jes. 65:13; Mar. 10:29, 30) Dilo tsowa di fo ba di šupetsa gore wa tihlupa ka wene. (Jes. 49:14-16) Di boya di ro šupetsa gore di nyaka o mo tshepe. w24.01 4-5 ¶9-10

Mo Jeso a šele a le thina le go boyela legedimong, o yye a gopotsa malata yage ka mmereko wo ma tshwaneleng ma wo make wa go tšhomayela ka yene “Jerusalema ka mokana ga yona le Judiya le Samariya, go segela dipolekeng tsa kgole tsa lefase.” (Meber. 1:8; Luk. 24:46-48) Di so yi kgole, ba go yeta mahlong ba Sejuda ba yye ba tshwara Petro le Johane ba ba yisa ga Sanhendrini, ba botsa banna bowa ba go tshepega gore ba lisetse go tšhomayela ba boya ba ro ba tshosetsa. (Meber. 4:18, 21) Mo Petro le Johane ba fetola ba yitseri: “Mo le bona nkare Modimo o nyaka gore re theetsele lune re sa theetsele yene, di nyaka lune tsone. Mara rune, re ka sa lisetse go bolabola ka tso re di bonneng le tso re di kwileng.” (Meber. 4:19, 20) Mo Petro le Johane ba ba lokolla, malata yawa ma yye ma rapela ga Jehova ma bolabola ka go maka tso yene a di nyakang. Jehova o yye a fetola thapelo yone ya go tšwa pelong.—Meber. 4:31. w23.05 5 ¶11-12

Jehova le Morwayi wage ba kwana ka matla, fote a yi lekgono ba kene ba mamarelanne. Ke bona ba mathomothomo ba go mamarelana go tlugisela. Jehova o yi yedisiye ya gore ga Jeso o mo nyaka ka matla, re šele re yi badiye ga temanyana ya lekgono. Ke mo di ka sa hlupe le hala Jehova a f’lo re, ‘Ke kgetiye yewa.’ Mara ke mo a nyaka re di tšiba tsa gore o tikwa byang ka Jeso, a re, “Morwayi waka ye ke mo nyakang ka matla.” Jehova ke mo a titeya sekguba ka Jeso le ka so ne a le thina le go se maka. (Maef. 1:7) Le Jeso ke mo a sa kamake gore o thina ka matla le pelo ya Papage. Jeso ke mo a ro di bona tsa gore Jehova o mo nyaka tsa nkare ke moka, a ro di kwa ka ku tengteng. O hlayye gatleletlele a sa kamake gore Papage o mo nyaka la go sa hlayisege.—Joh. 3:35; 10:17; 17:24. w24.01 28 ¶8

O fo nagana ša: Motho wa gore o mo tseyela gedimo o hlaya selo se sengwana sa go befa ka wene. Wene wa di tšiba tsa gore taba yone ke matsaka; mara go na le motho wa gore wa yi tshepa. Sa go napa se ro totometsa ke gore motho yene o botsa ba bangwana matsaka wone ke mokane ba go tlala le bona ba thomisa go di tshepa. O ka re king mara? Ga go tlala, tso ba go hlayelang tsona di nyoko go kwisa go baba, akere? Taba yo yi ka re gelepa gore re thogo kwisisa gore Jehova o yye a fo re king mo ba mo hlayela matsaka. Ye mongwana wa barwayi bage ba ku legedimong o yye a mmolabolela matsaka ga mosadi wa mathomo ye ba reng ke Efa. Mosadi yewa le yene a tshepa letsaka lone. Letsaka lone le makiye gore babelegi ba rune ba mathomo ba sa sa yi kena ya Jehova. Ka mokgonone go sinya le likgu dya napa di kena bathong. (Gen. 3:1-6; Marom. 5:12) Mathatha ka mokana ga wona ya re ma bonang ho lefaseng—malikgu, dintwa, tsa go sasamela—di makegiye ka taba la matsaka ya Sathane a ma sabalatsiyeng. Ayitsano di mo kwisa go baba ga Jehova mo ba mo hlayele matsaka ka mokgonone le mo di feleleng gona? Di fo ba lekgwaying. Mara Jehova aa tuba kela go kukumusa dikana. Gabutšibutši, go sa na go le “Modimo wa gore o jabodiye.”—1 Thim. 1:11. w24.02 8 ¶1-2

O ka mo yekisela byang ga Josefa? O ka segelela sepheto gana byalo sa gore mo go ka ba le sa go go woka, o nyoko maka ying. Titšhutise gore dilo tsa gore Jehova o di hloyye o di gane di sa tloga, o sa nyake le go nagana ka tsona. (Pis. 97:10; 119:165) Mo o maka ka mokgonone, di ka sa go tshetshisi mo di go woka. Wene o ka fo ba o šele o tšiba gore o krayye nnete le gore o nyaka go berekela Jehova ka pelo yago ka mokana ga yona, mara o sa na o jikajika ga taba ya go tineyela o boya o kolobetsiwa. O ka tseyela ga Kgoši Dafita. O ka mo fawa ga Jehova wa re: “Nnyakolle barena Modimo, fote o tšibe pelo yaka. Mpombhole, fote o tšibe tso di nšekedisang. Lebelela gore ayitsano go na le dilo tsa go kekema ho gaka, fote o n’yetetse ga tsela ya gore yi nyoko ba gona go ya go yye.” (Pis. 139:23, 24) Jehova o rufa bo ba gore ba ‘mo nyakela tsa mannete.’ Mo o berekela ga taba ya gore o fetse o tineyele fote o kolobetsiwwe, o mo šupetsa gore o mo nyaka tsa mannete.—Maheb. 11:6. w24.03 6 ¶13-15

Moprista ye mogolo ne a na le mmereko wa go yemela batho ga Modimo. Moprista ye mogolo wa mathomo wa Leisrayele wa gore o kgetiye ke Jehova mo ba neyela tabarenakele ke Aroni. Mara Pawulo wa lepostola o hlatolliye gore, “ne di nyaka maprista ya mangwana ma thibe sekgala sa maprista ya botala ka taba la gore maprista yane ke mo ma kgwa, tsotsone di yye dya maka gore ma sa sa kgona go ya mahlong ka mebereko ya wona.” (Maheb. 7:23-26) Fote ka taba la gore maprista yane ya magolo ne ma sa yenela, ne di nyaka gore ma make dihlabelo ga tso ma di sinnyeng. Tsotsone di napa di re šupetsa mo maprista ya magolo ya Israyele ma fapanang gona le Moprista ye Mogolo Jeso Kreste. Ka taba la gore Jeso Kreste ke Moprista wa rune ye Mogolo ke “lelata la gore le bereka . . . ga letente la mannete la gore le makiye ke Jehova, a le ya maka ke batho.” (Maheb. 8:1, 2) Pawulo o hlayye gore “ka taba la gore Jeso aa kgwe, sekgala sage sa gore ke moprista a se thibe ke motho.” Pawulo o tokegele ka gore Jeso “aa na selabi, aa tshwane le ba go sinya” fote aa tshwane le maprista ya magolo ya Israyele, “a di nyake a maka dihlabelo letšatši le lengwana le le lengwana” ga tso a di sinnyeng. w23.10 26 ¶8-9

Mo ba re “legedimo la botala” ba ra memmušo ya dipolotiki ya gore yi kutšetsela ke Sathane le madimona yage. (Mat. 4:8, 9; 1 Joh. 5:19) Ka ho Bhayibeleng mo ba berekisiye “lefase,” le ka ra batho ba gore ba dula ho lefaseng. (Gen. 11:1; Pis. 96:1) Byalo, mo ba re “lefase la botala” ba ra leloko la batho ba go ba le dipelo tse diphifadu. Jehova a ka sa liketsi go potolla kela go lukisa “legedimo” le “lefase” tso di leng gona, mara o nyoko ro napa a suwelanya ke mokane a beya se sengwana. Ga sekgala sa legedimo la gana byalo le lefase la gana byalo, o nyoko tšhela “legedimo la nyuwane le lefase la nyuwane”—tsotsone di ra gore o nyoko maka mmušo wa nyuwane wa gore wo na le leloko la nyuwane la batho. Jehova o nyoko maka gore lefase le batho go be nkare ke ba nyuwane ka taba la gore ba nyoko felegelela kela go yenela ho mmeleng. Ka mokgonola Jesaya a hlayyeng botala, lefase ka mokana ga lona le nyoko tshwana le tšhomo ya nkare ke phaka—Edeni ya lefase ka mokana ga lona. Le rune beng ba nyoko maka gore re be ba nyuwane—mong go ro re yalafa. Go nyoko yalafiwa ba go golofala, ba go kwalega maahlo, ba go sa kwi ho ditsebeng, le mong ba gore ba timele ba nyoko tsusiwa.—Jes. 25:8; 35:1-7. w23.11 4 ¶9-10

Phela “motšhatšhamelo wo mogolo” wo nyoko thomisa ka go yakgoswa. (Mat. 24:21) Mara motšhatšhamelo wo mogolo wo nyoko fapana le dikotsi tse dingwana ka taba la gore re ya di tšiba gore ke wonone. Gana hala ga 2 000 ya mengwaga ya go fela, Jeso o yye a pasopisa bo ba mo latelelang gore ba tilukiselele letšatši lone. Mo nkare re tilukiselele, go ko ba moroba ga rune gore re tiyisele nako yone ya go thathafa le gore re gelepe ba bangwana gore ba make ka mokgonone. (Luk. 21:36) Di ko nyaka gore re tiyisele gore re thogo theetsela Jehova re tshepa gore o nyoko re tšhireletsa. Re nyoko maka byang mo magageru ma ka loba tse dingwana kela dilo ka mokana ga tsona tso ma nang natso? (Habak. 3:17, 18) Ka taba la gore re ma kwela go baba tsotsone di nyoko re tšhofa gore re ma yimulle ka go ma gelepa. Re nyoko maka byang mo nkare ka taba la go kutulugela ke ditšhaba tsa go timaka ngata ka yyoši di nyaka re dule thina le magageru ya go tlala tsa senakonyana? (Hezek. 38:10-12) Gore re thogo tiyisela nako yone ya go thathafa di ko nyaka gore re nyakanane re sa timakisi. w23.07 2 ¶2-3

Monna le mosadi ba gore ba šadhiye ba ka tšhuta ga mošupetso wa Akhwila le Phrisilla ba gore ke monna le mosadi ba gore Makreste ya go tlala ya ku botala ne ba ba hlompa ka matla. (Marom. 16:3, 4) Ne ba bereka ggoši, ba tšhomayela ba boya ba gelepa ba bangwana ba le ggoši. (Meber. 18:2, 3, 24-26) Gabutšibutši, mo o krayang Bhayibele yi bolabola ka Akhwila le Phrisilla ga go tlala yi bolabola ba le ggoši. Bo ba gore ba šadhiye ba ka ba yekisela ka mokgo mang? O fo nagana ka dilo tsa go tlala tso wene le ye o tseyanneng naye di nyakang le di maka. Ayitsano le ka sa make dilo tsone le le ggoši wa lisetsa go di maka o le ntoši? Mo re beyisa, Akhwila le Phrisilla ne ba tšhomayela ggoši. Ayitsano o dula o maka polane ya gore o make ka mokgonone? Phela Akhwila le Phrisilla le bona ne ba bereka ggoši. Di ka makega gore wene le ye o tseyanneng naye le sa thewogele poleke ka yyoši, mara ayitsano le ka sa bereki mmereko wa ka ho gaye le le ggoši? (Mmo. 4:9) Mo le gelepana ga mebereko ye mengwana le nyoko fo kwa le le batho ba go tshwarisana fote le nyoko thulegela ke lešuba la gore le bolabole. w23.05 22-23 ¶10-12

Re fela re tšhoga ka mokana ga rune. Mo re beyisa, nakwela Kgoši Sawulo a lelekisana le Dafita a nyaka go fetsa ka yene, Dafita o yye a kgeta go tšhabela ga mutši wa Mafilisita wo ba reng ke Ghathe. Kgoši ya Ghathe yo ba reng ke Akhiši yi yakgoswiye yi di kwelela tsa gore Dafita ke monna wa go ba le matšhika wa go lwa dintwa wa gore ba yye ba mo thanaka ka koša ba re o bolayye ‘diketekete’ tsa Mafilisita. Dafita o yye “a thomisa go tšhoga ka matla.” (1 Sam. 21:10-12) Ke mo a šekedisa ke gore Akhiši a ka mo maka ying. Dafita o yye a di hlula ka mokgwa mang tso tsa gore ke mo di mo tshosa? Ga Pisalema 56, Dafita wa hlaya gore ke mo a tikwa byang nakwela a le Ghathe. Pisalema yo yi napa yi ro di beya lekgwaying tso ne di mo tshosa ga Dafita, mara yi thuletsa le taba ya gore o di hludiye ka mokgwa mang. Mo Dafita a kwa nkare matolo yage maa kgwelakgwehla, o yye a tshepa Jehova. (Pis. 56:1-3, 11) Ke mo a sa mo tshepe mahala. Jehova o yye a mo rufa ke mokane Dafita a timakela polane ya gore a ya tlwayelega mara yi mmerekele: O yye a maka nkare wa hlanya! Gana byalo mo Akhiši a libelela Dafita, ke mo a sa sa mo tšhoga mara a bona a mo tinisa; Dafita a napa a krayye lešuba.—1 Sam. 21:13–22:1. w24.01 2 ¶1-3

Ba bolabola ka bomang mo ga temanyana ya lekgono? Ke ba go tlotsiwa ba gore ba nyoko ba ba tsusiwwe! Byalo, mo ba mafelelo ho lefaseng ga bo ba go tlotsiwa ba ya legedimong mo motšhatšhamelo wo mogolo wo le thina le go fela, ga mebereko ya bona ya mathomothomo, wo mongwana wa gona ke go lwa. Mo ba šele ba tsugiye gore ba phele legedimong, ba nyoko ba ba bereka le Kreste le mangeloyi yage ya go hlawolega, ga ntwa ya mafelelo ya go lwa le manaba ya Modimo. O fo nagana nje! Ho lefaseng, Makreste ya mangwana ya go tlotsiwa ma šele ma tsofele, le mong mmele a wo sa maka. Mara mo ba šele ba tsugiye gore ba phele legedimong, ba nyoko ba le matšhika fote ba nyoko ba ba le batho ba moya ba gore a ba sa kgwa, mmereko wa bona go nyoko ba wa go lwa ba le thina le Kgoši ya go Hlula, Jeso Kreste. Mo ntwa ya Aremaghedoni yi fitiye, ba nyoko tšhela letsogo ga taba ya go maka gore batho ba yenele ho mmeleng. Di fo ba lekgwaying gore ka nako yonone, mo ba le ku legedimong ba nyoko makela magagabo ho lefaseng dilo tsa go tlala tsa go bafala go feta nakwela ba sa le ho lefaseng fote ba soko yenela ho mmeleng! w24.02 6-7 ¶15-16

Ba bangwana ba šele ba butšwiye gore ba ka tineyela ba boya ba kolobetsiwa mara ba sa na ba fo re mokaka ke wo monyana. Ba ka fo tiputsisa gore, ‘Mo nka sinya ka matla ba nntsha ka phutegong gee?’ Mo nkare tsotsone di ya go tshosanya, o sa kamake gore Jehova o nyoko go neya dilo ka mokana ga tsona tso o di hlokang ‘gore o thogo mo makela tso a di nyakang gore a nape a ro jabola.’ (Makol. 1:10) O nyoko go neya le matšhika ya gore o make dilo tsa gabutši. Yene o šupetsiye gore wa di kgona go maka tsotsone ka gore o šele a gelepiye ba go tlala. (1 Makor. 10:13) Ke tsotsone di makang gore go sa ntshiwi batho ba go tlala ka mo phutegong ya Sekreste. Jehova wa ba fefa batho bage gore ba dule ba tshepega. Motho ye mongwana le ye mongwana wa gore aa yenela wa feta ga tsa go nyaka go mo makisa tsa go kekema. (Jak. 1:14) Mara, ke wene o kgetang gore o maka ying mo di go phika—go kgeta wene. Mong taba ke gore ke wene o kgetang gore o nyoko phela byang. Batho ba bangwana ba re re ka sa kgone go lawola ka mokgo re tikwang le tso re di makang, mara nnete ke gore o ka kgona go lawola tso di go kutšetselang. w24.03 5 ¶11-12