June

Jehova o yye a rufa Makreste ya ku botala ka taba la gore mo seyemo se tšhentšha ba yye ba fo keka naso. Ne ma hlorisiwa ga tleletlele fote ka dinako tse dingwana tsotsone ne di makega ma sa di nagana. Lebelela tso di yyeng dya makegela Bharenabhase le Pawulo wa lepostola nakwela ba tšhomayela ga poleke ye nngwana ya ku Lisitara. Mo ba sa thomisa, batho ba yye ba ba yamogela ba boya ba ro ba theetsela. Mara di soko ya kgole, bo ba go phigisa ba yye ba “kutšetsela mogoba” wa batho fote ba bangwana ba bona ba yye ba pora Pawulo ka matlapa ba mo šiya gore a šale a kgwa. (Meber. 14:19) Mara Bharenabhase le Pawulo ba yye ba fo ya mahlong ba tšhomayela go gongwana le go gongwana. Maphomela go yye gwa ba mafeng? Ba yye ba maka gore “batho ba go tlalanyana go be malata” fote ba yye ba tiyisa magagabo ka mantsu ya bona le ka mošupetso. (Meber. 14:21, 22) Ba go tlala tsotsone di yye dya ba berekela ka taba la gore Bharenabhase le Pawulo a sanka ba šepisa le mo tsa go ba hlorisa di fo re palakata. Phela mo re ka sa lahle tewu ga mmereko wo Jehova a re kgopelang gore re wo make, a go jiki re nyoko rufiwa tsa nkare ke moka. w23.04 16-17 ¶13-14

Lephelo lage ka mokana ga lona Kgoši Dafita o yye a gahlana le manaba ya go tlala ya gore ma kotsi ka matla fote o yye a rapela ga tleletlele a kgopela Jehova gore a mo gelepe. Dafita ke mo a sa kamake taba ya gore Jehova o kwa merapelo fote wa yi fetola. Le wene o ka tshwana naye ga taba yone ya go sa kamake. Bhayibele yi maka gore re sa kamake gore Jehova a ka re hlalefisa a boya a re neya matšhika ya re ma hlokang gore re tiyisele. A ka berekisa magageru kela le mong bo ba gore a ba rapele yene gore ba re gelepe ka mokgwa wo mongwana. Le mo Jehova a kene a sa fetole merapelo ya rune ka mokgo re nyakang re ya di tšiba gore o na a nyoko yi fetola. O nyoko re neya tso re di hlokang fote o nyoko re neya tsona ka nako yonone re di hlokang. Byalo, o sa lisetsi go rapela, o sa kamake gore Jehova o nyoko go pasopa gana byalo le gore o nyoko “kgotsofatsa so se nabelang ke se sengwana le se sengwana sa go phela” ga lefase la nyuwane la gore le sa tla.—Pis. 145:16. w23.05 8 ¶4; 13 ¶17-18

Di gabutši ka matla gore o lebelele dilo tso ba go rufang ka tsona mo o segelela tso o di nyakang. Ke dilo difeng tso o ka rufegang ka tsona tso o tshwaneleng go dula o nagana ka tsona? Mo nkare tso o nyakang go di segelela ke go lokotša mokgwa wago wa go bala Bhayibele kela merapelo yago, o fo nagana ka mokgo tsotsone di nyoko tiyisang senghana sago le Jehova. (Pis. 145:18, 19) Mo nkare o nyaka go segelela taba ya go ba le mekgwa ya gabutši ya Sekreste, dula o nagana ka mokgo di nyoko makang gore senghana sago le ba bangwana se hluhlutele. (Makol. 3:14) Ke ntaba o sa ngwale fase dilo ka mokana ga tsona tso di makang gore o šinye o nyaka go segelela taba yonone? Dula o pombhola dilo tso o di ngwadiyeng fase. Fote o dule o na le batho ba gore ba nyoko go hlohletsela. (Diy. 13:20) Ke nnete gore, ka mokana ga rune re na le matšatši ya mangwana ya gore re fo kwa re se na so se re tšhofang gore re make se sengwana. Ayitsano tsotsone di rela gore re ka sa kgone go lwela go segelela so re se nyakang? Awwa. Le rune re ka liketsa go segelela tso re di nyakang le mo go se na so se re tšhofang. Ke nnete gore di ka sa be lula, mara o nyoko jabola mo o šele o se segelele. w23.05 27-28 ¶5-8

Mo re ka yemela dipheto tso re segeleleng tsotsone di nyoko re tšhofa gore re hlaye tso re di sinnyeng, re lukise fote re kganele kgole le taba ya go boyelela tso re di kekemisiyeng. Mo re ka maka dilo tsowa, di nyoko re gelepa gore re dule re taboga lebelo la lephelo. O ka maka ying mo nkare a wa segelela sepheto sa gabutši? O sa tisinyeli nako yago le matšhika o liketsa go šupetsa gore wene a wa sinya kela wa liketsa go sola ba bangwana. Mara, di nyaka o yamogele gore o kekemisiye ke mokane o make so o ka se kgonang gana byalo. Mo o kwa taba yo o yi makiyeng yi go ja, rapela Jehova o kene o tinyanafatsiye, o yamogele gore o sinnye fote o mo kgopele gore a go tshwarele. (Pis. 25:11; 51:3, 4) Kgopela tshwarelo ga bo o ba kwisiyeng go baba fote mo di hlokega, o kgopele bagolo gore ba go gelepe. (Jak. 5:14, 15) Tšhuta ga dilo tso o di kekemisiyeng fote o liketse ka matla go kganela kgole le go di maka fote. Mo o kene o maka ka mokgonone, o ka sa kamake gore Jehova o nyoko go kwela go baba a boya a go thega.—Pis. 103:8-13. w23.08 28-29 ¶8-9

Jehoyada o yye a gelepa kgoši Jehowaši gore a be motho wa gabutši. Byalo, mo Kgoši yone yi sa gola ke mo yi nyaka go jabodisa Jehova. Mara ka nthago ga mo Jehoyada a kgwile, Jehowaši o yye a theetsela magoši ya go kgeloga. (2 Dikor. 24:4, 17, 18) Taba yone yi yye ya kwisa Jehova go baba ka matla, nka taba lo a yyeng a “dula a romela baporofeta ga bona gore ba ba busetse nthago . . . , mara ba ganne go theetsela.” Fote a sanka ba tihlupa ba re ba theetsela le mong morwayi wa Jehoyada ye ba reng ke Zakariya, wa gore ke mo go sa fo ba moporofeta le moprista wa Jehova fela, mara ne go le motswala wa Jehowaši. Gabutšibutši, Kgoši Jehowaši o yye a maka gore Zakariya a bolayiwe. (2 Dikor. 22:11; 24:19-22) Jehowaši a sanka a gotetsa taba ya go tšhaba Jehova. Jehova o hlayye gore: “Bo ba nhloyyeng ba ka sa tseyediwi gedimo.” (1 Sam. 2:30) Ka nthagonyana, masole ya manyana ya Masiriya ma yye ma hlula Jehowaši le “masole ya go tladisa mohlolo” fote ne a “kwalele ka matla.” (2 Dikor. 24:24, 25) Jehowaši o yye a kutulugela ke malata yage ma mmolaya ka gore o yye a bolaya Zakariya. w23.06 18-19 ¶16-17

Pawulo wa lepostola a fitiye hala Efeso a tšhomayela ditaba tsa go bafala a boya a tšhutisa. (Meber. 19:1, 8-10; 20:20, 21) Ke mo a ma nyaka ka matla ga magagabo fote a nyaka go ma gelepa gore ma dule ma tshepega ga Jehova. Maefeso ya gore Pawulo o ma ngwalele, ke mo go le mabhantiti ya sedumedi sa matsaka fote ma kenne ka hlogo ga tsa masalamose. Batho ba Efeso ke mo ba sa kgone go titshwara fote ke mo ba na le tšhinghi. Ke mo ba tlwayele go kwa dilo tsa go bola hala batho ba gahlanelang gona ku mutšing le menyanyeng ya sedumedi. (Maef. 5:3) Batho ba go tlala ba go dula hone ke mo ba sa “tšebe le go tšeba,” mantsu yane gabutšibutši ma rela gore ke mo “ba kgwile bogašu.” (Maef. 4:17-19) Mo Maefeso ma soko tšhuta gore gabutšibutši sa go bafala ke sefeng le gore sa go kekema ke sefeng, ke mo ma sa kokone ke lekwalo. Pawulo o makiye ke tsotsone mo a šinya a re “menagano ya bona yi letshwifing fote ba keketlela kgole le lephelo lo ba le neyyeng ke Modimo.” Maefeso ya mangwana a maa dula ma le letshwifing. w24.03 20 ¶2, 4; 21 ¶5-6

Ne di nyaka gore Ghidiyoni a karakare ka matla gore a thogo bereka go le wa go yahlula. Mo Mamidiyane ma tšhaba ka nakwela ya ntwa ya bošego, Ghidiyoni o yye a ma lelekisa a tloga Moyeding wa Jeziriyele go segela ga Noka ya Jorodane. (Bay. 7:22) Ayitsano Ghidiyoni o yye a yema Jorodane? Awwa! Le mo ne a šele a tinnwe, yene le banna bo ne a le nabo 300 ya bona ba yye ba takamela fote ba ya mahlong ba ma lelekisa. Mafelelong ba yye ba ma kraya Mamidiyane ke mokane ba ma hlula. (Bay. 8:4-12) Ghidiyoni ke mo a yi tshepa taba ya gore Jehova o nyoko mo neya matšhika fote Jehova a sanka a mo tšebisa. (Bay. 6:14, 34) Tšatši le lengwana, Ghidiyoni le banna bo ne a le nabo ba yye ba lelekisa magoši ka mabedi ya Midiyane ka mawoto mo magoši yane ma kene ma kalamme dikamela. (Bay. 8:12, 21) Mafelelong, Modimo o yye a gelepa Maisrayele gore ma thogo hlula hone ntweng. Bagolo le bona ba ka tshepela ga Jehova wa gore “a ka sa tsoge a tinnwe kela go lelemela.” O nyoko ba neya matšhika mo di ba kata fase.—Jes. 40:28, 29. w23.06 6 ¶14, 16

Le rune re ka ba nayo pelo ya go tiyelela le mo re ka gahlana le dintshitshire tsa mošaga mang. Byalo, tshepela ga Jehova. Lebelela ka mokgo Bharake a yyeng a phomelela ka taba la go tshepela ga Jehova mo a mo yetetsa. Le mo ka nako yonone batho ba Israyele ne ba sa tilukiselela ntwa fote ba se na le digale tsa go lwa ka tsona, mara Jehova o yye a botsa Bharake gore a ye a lwe le masole ya gore ma na le tsa go lwa ka tsona ya Makanana ya kgoši Sisera. (Bay. 5:8) Moporofeta wa mosadi ye ba reng ke Debhora o butsiye Bharake gore a thewogele dithabeng ga gore ke molala a ye a lwe le Sisera le dikoloyi tsage 900 ya tsona. Le mo yi le gore ne go nyoko fo ba moroba ga dikoloyi tsone gore di sepele ga gore ke molala mara Bharake o yye a fo theetsela. Mo masole yane ma kene ma thewogela fase Thabeng ya Tabhore, Jehova o yye a maka gore go ne pula ye kgolo. Dikoloyi tsa Sisera di yye dya potlomelanya marageng ke mokane Jehova a maka gore Bharake a hlule. (Bay. 4:1-7, 10, 13-16) Le rune Jehova o nyoko maka gore re hlule mo re ka mo tshepa re boya re tshepa tso a re yetetsang ka tsona a berekisa mokgahlo wage. w23.07 19 ¶17-18

Phela di nyaka motho a lefisa pelo gore a thogo phona. Go fo tshwana le malata ya go tshepega ya ku botala, di nyaka re yemele Modimo re lefisiye pelo gore a thogo maka tso a di tshepisiyeng. (Maheb. 6:11, 12) Bhayibele yi tshwanisa seyemo sa rune le sa motho wa go lema. (Jak. 5:7, 8) Motho wa go lema wa gaša a boya a tšheletsa tso a di gašiyeng mara aa di tšibi gore di nyoko mela leng. Byalo, ye wa go lema o yema a kene a lefisiye pelo fote a sa kamake gore o nyoko kraya se sengwana ga seyengwa sone. Le rune, re karakara ka matla ga tso tsa Modimo le mo re sa di “tšibi gore Morena wa [rune] o nyoko tla leng.” (Mat. 24:42) Re yema re kene re lefisiye pelo re sa kamake gore Jehova o nyoko maka dilo ka mokana ga tsona tso a di tshepisiyeng ka nako ya gona. Phela mo re ka sa lefisi pelo re ko fo kwa re tinwisa ke go yema, ke mokane ra thomisa go lisetsa nnete ka gonyana ka gonyana. Fote re nyoko thomisa go lelekisana le dilo tsa gore re nagana gore di nyoko maka gore re jabole tsa gana byalo. Mara mo re ka lefisa pelo, re nyoko tiyisela go segela mafelelong fote ra phona.—Mmik. 7:7. w23.08 22 ¶7

Mo re lebelela seporofeto sa gore se ga Daniyele 2:41-43 le tse dingwana ga puku ya Daniyele le ya Kutullo, re ka fetsa ka gore mawoto ma yemela senghana so mmušo wa lefase wa Makgowa le Maamerikha wo nang naso, phela mmušo wone go lawola wona lekgono. Mo Daniyele a bolabola ka matšhika yane o re “mmušo wone go gongwana wo nyoko tiya fote go gongwana wo ka sa tiyi.” Ke ntaba wo ka sa tiyi? Ka taba la gore batho ba ba tshwanisiye le botsopa ga mmušo wone a ba tshepe gore bo nyoko tiya go tshwana le tshipi. Tso Daniyele a di hlatollang ga sethombhe sa gore se ro loriwa, re ka tšhuta tsa go tlala. Sa thoko, Mmušo wa Lefase wa Makgowa le Maamerikha wo šupetsiye matšhika ya wona ka mokgwa wo mongwana. Mo re beyisa, mmušo wone wo yye wa hlula Ntwa ya Mathomo ya Lefase le Ntwa ya Bobedi ya Lefase. Mara, mmušo wone wa lefase wa gore wo na le matšhika wo šepiye fote wo nyoko fo ya mahlong wo kene wo šepa ka taba la gore wo lwa ka bowona beng. Sa mabedi, mmušo wone wa lefase wa Makgowa le Maamerikha go nyoko ba wona mmušo wa mafelelo wa go lawola ho lefaseng go soko segela Mmušo wa Modimo wa gore wo nyoko fetsa ka memmušo ka mokana ga yona ya batho. w23.08 10-11 ¶12-13

Dafita ke mo a fela a kwa di mo roba mo a tlela ke mathata ka moka le tsa go mo phika. (Pis. 18:4, 5) Mara o yye a timula ke taba ya gore nnete Jehova wa mo nyaka fote wa mo pasopa. Jehova o yye a yetetsa monghana ye wage wa gore ke mo a tinnwe, a mo yisa gore a ye “kgula go gotala” le “ga poleke ya go khutsa ya gore ba yi tšheletsa gabutši.” Dafita o yye a hlakarela, a tlogamela. (Pis. 18:28-32; 23:2) Le lekgono, re gahlana le tsa go re babela fote re fela re goga thabeng, mara “a go soko fela ka rune ka taba la gore Jehova o re nyaka ka matla.” (Dil. 3:22; Makol. 1:11) Dafita ba mo phukiye gatleletlele fote ke mo a na le manaba ya go tlala ya go ba le matšhika. Mara ke mo a fo kwa a yitseri kgehle ka taba la go tšiba gore Jehova o mo nyaka tsa mannete. Dafita ke mo a di bona tsa gore Jehova o naye ga seyemo se sengwana le se sengwana, a kwa di mo tiyisa ka matla. O šinnye a yepelela a re: “[Jehova] o mphonisiye ga dilo ka mokana ga tsona tsa gore ke mo ke di tšhoga.” (Pis. 34:4) Dafita ke mo a tšhaba dilo tsa mannete, mara tsa go hlagasela ke mo di poma ke gore ga taba ya go mo nyaka ga Jehova aa šepisi. w24.01 30 ¶15-17

Tšhuta ga dipheto tsa go kekema tsa Jehowaši. Ka nthago ga mo Moprista ye Mogolo ye ba reng ke Jehoyada a hlokofele, Jehowaši o yye a kgeta banghana ba go sa loka. (2 Dikor. 24:17, 18) O kgetiye go theetsela magoši ya Juda ya gore ne ma sa mo nyake ga Jehova. Le wene o ka fo ba o dumela gore Jehowaši nke a kganele kgole nawo ka taba la gore tso ne ma di maka ne di sa loka. Mara ayya, o yye a theetsela mayele ya bo a reng ke banghana bage. Gabutšibutši, mo motswalage ye ba reng ke Zakariya a liketsa go mo wolola, Jehowaši o yye a layelela gore ba mmolaye. (2 Dikor. 24:20, 21; Mat. 23:35) Ye lune, phela tsone ne go le bophokophoko! Jehowaši o gudiye a le motho wa gabutši, mara sa go kwisa go baba ke gore o yye a kgeloga fote gwa ba motho wa gore wa bolaya. Mafelelong, malata yage ma yye ma mmolaya. (2 Dikor. 24:22-25) O fo nagana gore lephelo lage nke le le byang hala a yye mahlong a theetsela Jehova le bo ba gore ga Modimo ba mo nyaka ka matla! w23.09 9 ¶6

Jeso ne a di tšiba gore Petro wa lepostola a ka di kgona go dula a tshepega. Byalo, Jeso o yye a botsa Petro gore “o sa tšhoge.” Taba ya gore Jeso ke mo a mo tshepa ka matla ga Petro yi yye ya tšhentšha lephelo Petro. Ka nthago, Petro le bhuti wage ye ba reng ke Andreya ba yye ba lisetsa bhizinisi ya bona ya go loba dihlapi ke mokane ba thomisa go latelela Mesiya nako ka moka, tsotsone di makiye gore ba ba rufe tsa nkare ke moka. (Mar. 1:16-18) Petro o gahlanne le tsa go tlala tsa gabutši mo a kene a latelela Kreste. O bonne Jeso a yalafa ba go lwala, a raka madimona a boya tsosa bo ba kgwileng. (Mat. 8:14-17; Mar. 5:37, 41, 42) Fote Petro o bonne mmono wa go makatsa wa mo Jeso a šele a lawola go le Kgoši ga Mmušo wa Modimo, tsotsone di makegiyeng a sanka a di lebala le ka gonyana. (Mar. 9:1-8; 2 Pet. 1:16-18) Ke nnete gore, hala Petro a sa latelela Jeso dilo tsowa nke a sa di bona. Phela a re kamake gore o yye a jabola la go sa hlayisege ka taba la gore a sanka a dumelela tso a di kekemisiyeng di maka gore a sa rufiwi ka dilo tsowa! w23.09 21 ¶4-5

Ga lengwalo la mathomo lo Petro wa lepostola a le ngwadiyeng o berekisiye mantsu ya gore re ‘nyakanane ka matla.’ Go nyakanana ga mošaga wonone a go phiphetsi tsa go sinya tse dinyana mara go kugetsa “dilo ka mokana ga tsona tsa go sinya.” (1 Pet. 4:8) Di ka makega gore Petro ne a gopola tso a di tšhutiyeng ga taba ya go tshwarelana ya gore Jeso o mo tšhutisiye yona mengwaga ya go fela. Ka nako yonone, Petro ke mo a tshepa taba ya gore o ba a šupetsa gore ke yene motho wa gabutši mo a nagana gore o tshwanele a tshwarele mogageru “ga šupa.” Mara Jeso o mo tšhutisiye a boya a tšhutisa le rune gore go tshwarela “go segela ga 77” go fo rela go fo ya takataka. (Mat. 18:21, 22) Mo nkare di ya go thathafela go berekisa taba yowa, o sa nape o kgongwela ka matla! Malata ya Jehova ka mokana ga wona ya gore a maa yenela le wona ka dinako tse dingwana taba yone ya go tshwarela ke mong ntshitshire. Taba ye kgolo gana byalo ke gore o make so o ka se kgonang gore o tshwarele mogagenu o boye o lukise ditaba naye. w23.09 29 ¶12

Mo Jona a le ka teng ga mpa ya hlapi, o yye a ba le tumelo ya gore Jehova o nyoko mo theetsela mo a rapela le gore Jehova o nyoko mo gelepa. Jehova o yye a phonisa Jona, ke mokane ka nthago ke mo a tikemisele go maka mmereko wo Jehova a mmutsiyeng gore a wo make. (Jona 2:10–3:4) Mo o kene o lebanne le ntshitshire, ayitsano o fela o tikwa o šekela ka matla gore o rapele Jehova? Kela o fo kwa o tapegiye matšhika ya gore o tšhute Bhayibele? O sa lebale gore Jehova o kwisisa gabutši seyemo so o leng ga sona. Byalo, le mo o ka fo rapela o sa lefisi, o ka sa kamake le ka gonyana gore Jehova o nyoko go neya mong sona so o se hlokang. (Maef. 3:20) Mo nkare di ya go thathafela gore o bale le go tšhuta ka taba la gore wa lwala, o tinnwe kela o šekela ka matla, o ka theetsela Bhayibele ya gore yi rekhodiwwe kela dikgatiso tsa rune tsa gore ba di rekhodiye. Fote o ka theetsela dikoša tse dingwana tsa rune kela wa lebelela vidiyo ga jw.org. Jehova o nyaka go go gelepa gore o tiyelele fote o nyoko maka ka mokgonone mo o ka fo mo rapela ke mokane wa boya o nyakela diphetolo tsa dilo tso o di rapeleleng ka Bhayibeleng le ga dilo ka mokana ga tsona tso a re neyang tsona. w23.10 13 ¶6; 14 ¶9

Tabarenakele le tempele tso ba di yagiyeng ka nthagonyana ku Jerusalema ne di nyakiye di tshwana ka ho teng. Ka ho teng ne go na le dikamara ka dipedi—“Poleke ya go Hlawolega” le “Poleke ya go Hlawolega ka Matla”—tsa gore ba di kupiye ka bogare ka legaredheni. (Maheb. 9:2-5; Ek. 26:31-33) Ka hone teng ga gore ke ga go Hlawolega ke mo go na le setšhubampara sa gholdi, aletare ya go tšhuba tsa go nkgela le tafola yo ba beyang sekgwa sa go tshwanisela. Ke “maprista ya go tlotsiwa” fela ya ne ma kena hone ga go Hlawolega gore ma thogo maka mmereko wa maprista. (Dip. 3:3, 7, 10) Ka ho ga go Hlawolega ka Matla go na le areka ye gholdi ya go maka kwano ya gore yi yemela go ba gona ga Jehova. (Ek. 25:21, 22) Ke moprista ye mogolo fela wa gore ne a dumelediwwe go kena ka gare ga legaredheni ga go Hlawolega ka Matla ga teya ka ngwaga ka Letšatši la go Lukisa Senghana le Modimo. (Lef. 16:2, 17) O kena ka hone le madi ya phoolwane gore a thogo lukisa senghana sage le Modimo ga tso a di sinnyeng le ga setšhaba ka mokana ga sona. Jehova o makiye gore di thogo ba lekgwaying gore dilo tso di yemelang tabarenakele king.—Maheb. 9:6-8, 7. w23.10 27 ¶12

Lentsu la Modimo le hlaya gatleletlele gore “le nyakanane.” (Joh. 15:12, 17; Marom. 13:8; 1 Mathes. 4:9; 1 Pet. 1:22; 1 Joh. 4:11) Mara taba yo ya go šupetsa ba bangwana gore re ba nyaka ka matla yi thomisa ka ku pelong, ka ku teng ga motho, byalo motho ye mongwana a ka sa tšibi gore go na le ying ka ho dipelong tsa rune. Byalo re ka maka byang gore magageru ba di bone gore re ba nyaka tsa mannete? Ba nyoko bona ka tso re di hlayang le ka tso re di makang. Di tlele ditsela tsa go šupetsa magageru gore re ba nyaka ka matla. Tse dingwana ke tso: “Le botsanane nnete.” (Zak. 8:16) ‘Le phidisane gabutši le ba bangwana.’ (Mar. 9:50) Thoma wene ‘o kwe di go tšhofa gore o hlompe batho ba bangwana.’ (Mrm. 12:10) “Le yamogelane.” (Marom. 15:7) “Ariyeneng mahlong . . . le tshwarelana.” (Makol. 3:13) “Ariyeneng mahlong le rwalelana merwalo.” (Magal. 6:2) “Ariyeneng mahlong le kgomoletsana.” (1 Mathes. 4:18) “Ariyeneng mahlong . . . le tiyisana.” (1 Mathes. 5:11) “Le rapelelane.”—Jak. 5:16. w23.11 9 ¶7, 8

Ka moka matšatši re segelela dipheto tsa gore di nyaka tumelo ya go tiya. Mo re beyisa, re segelela dipheto tsa gore go kena le taba ya go kgeta banghana, tsa go tijabodisa, go tšhutega, go šadha, go ba le bana le ga mmereko wa go tipasopa. Re ko ba re maka gabutši mo re tiputsisa gore: ‘Ayitsano tso ke di kgetang di šupetsa gore a ke kamake gore go nyoko fela ka lefase lowa ke mokane go se botala go nyoko ba le lefase la nyuwane la Modimo? Kela ke kgeta go maka dilo tsa go tshwana le tsa bo ba gore a ba di tshepi tsa gore ba ka phela go ya go yye?’ (Mat. 6:19, 20; Luk. 12:16-21) Mo re ka tiyisa tumelo ya rune ga taba ya gore lefase la nyuwane le gana ho thina, re nyoko ba re segelele sepheto sa go di phala ka moka. Dintshitshire tso re gahlanang natso di nyaka tumelo ya go tiya. Re ka gahlana le taba ya go hlorisiwa, bolwele bya gore a bo fole kela tse dingwana tsa gore di ka re šiya re kgongwele. Re ka thomisa ka go bona nkare re ka sa yi kwi ntshitshire yo re lebanneng nayo. Mara dintshitshire tsa mošaga wowa ga go tlala di tseya nako, byalo re nyoko hloka tumelo ya go tiya gore re tiyisele fote re ye mahlong re berekela Jehova re jabodiye.—1 Pet. 1:6, 7. w23.04 27 ¶4-5

Jehova o nyaka gore re make dilo tsa go yelana le tso re di rapelelang. Mo re beyisa, mogageru a ka fo kgopela Jehova gore a mo gelepe ba mo lisetse gore a sa yi mmerekong gore a thogo ya ga mogahlano wo mogolo. Jehova a ka fetola byang mo motho a rapela ka mokgonone? A ka gelepa mogageru yene gore a šišimale gore a thogo ya ga ye a mo hiriyeng a ye bolabola naye. Mara di sa na di nyaka yene mogageru yewa gore a tlogamele a ye kgopeleng. Di ka nyaka gore a kgopele gatleletlele. Go gongwana a ka kgopela le go tšhentšhisana dinako tsa mmereko le motho wa gore o bereka naye kela a ka boya a ro kgopela gore ba sa mo golele ka matšatši yane ya gore o ko ba a sa thewogela. Jehova o nyaka gore re rapele gatleletlele ka dilo tsa gore re hlupega ka tsona. Jeso o hlayye gore dilo tse dingwana tso re di kgopelang di ka fo sa makege ka nako yonone. (Luk. 11:9) Byalo o sa lahle tewu! Rapela di go baba fote di make gatleletlele. (Luk. 18:1-7) Mo re maka ka mokgonone, re šupetsa Jehova gore so re se kgopelang re se tseyela gedimo ka matla. Fote re šupetsa gore re na le tumelo ya gore yene o nyoko re gelepa. w23.11 22 ¶10-11

Jehova o tshepisiye monghanage Abhrahama gore o nyoko ba le morwayi fote ditšhaba ka mokana ga tsona ho lefaseng di nyoko rufiwa ka taba lage. (Gen. 15:5; 22:18) Ka taba la gore Abhrahama ke mo a na le tumelo ya go tiya ga Modimo, ke mo a sa kamake le ka gonyana gore tso Modimo a mo tshepisiyeng tsona di nyoko makega. Le mo go le ka mokgonone, mo Abhrahama a na le 100 ya mengwaga fote mosadi wage yene a na le 90 ya mengwana, bagatša bone ka babedi ke mo ba soko ba le morwayi. (Gen. 21:1-7) Le mo go le ka mokgonone, Bhayibele yi re: “[Abhrahama] ke mo a tshepa fote a na le tumelo ya gore o nyoko ba papa wa ditšhaba tsa go tlala le mo tsotsone ne di bonala nkare di ka sa makege. O tshepiye tso Modimo a mmutsiyeng.” (Marom. 4:18) Le wene wa di tšiba gore tso Abhrahama ba mo tshepisiyeng tsona di yye dya makega. O yye a ba papa wa morwayi wa gore ke botala ne a tshepa gore o nyoko ba naye, ye ba reng ke Isaka. Ke ntaba Abhrahama ne a sa kamake gore Jehova o nyoko maka tso a mo tshepisiyeng tsona? Phela senghana sa thina so Abhrahama ne a le naso le Jehova ke sona so se makiyeng gore a nape a “tshepa gore tso Modimo a di tshepisiyeng” di nyoko makega. (Marom. 4:21) Jehova o yye a yamogela Abhrahama fote a re o lukiye ka taba la gore ne a na le tumelo.—Jak. 2:23. w23.12 8 ¶1-2

Mosogana wa gore wa tshepega o maka mmereko wage ka mokana ga wona gabutši. Lebelela mošupetso wa gabutši ka matla wa Jeso. Ke mo a sa fo tseya dilo moroba. Mara o yye a maka mebereko ka mokana ga yona yo Jehova a mo neyyeng, le mo ne di sa mo fefogele go wo maka. Ke mo a kwana le batho—ka matlamatla malata yage—fote o neyele ka lephelo lage a sa tšhofe ke motho a makela bona. (Joh. 13:1) Byalo, le wene kopisela ga Jeso, o bereke di go baba ga mmereko wo mongwana le wo mongwana wo ba go neyang wona. Mo nkare a o soko napa o tšiba gore o ka di maka byang tsotsone, tinyanafatse ke mokane o kgopele magageru gore ma go gelepe. O sa tsoge o makiye tse dinyananyana. (Marom. 12:11) Mara, maka mmereko wo ba go neyyeng wona o boye o wo fetse, o kene o gopola gore o “makela Jehova, a [o] makele batho.” (Makol. 3:23) Ke nnete gore a wa yenela, byalo di nyaka o tinyanafatse fote o yamogele mo o kekemisiye go gongwana.—Diy. 11:2. w23.12 26 ¶8

A ma hlayisege manatefelo ya go ba ka ho mutšing wa Jehova mo re fetsa go kolobetsiwa. Bo ba gore ba na le senghana sa thina le Jehova ba yi tseyela gedimo ka matla taba yone fote ba yema le mopisalema Dafita wa gore o yitseri: “Go jabola ye wa gore wene [Jehova] o mo hlawodiye, wa mo šutetsa thina gore a dule lapeng lago.” (Pis. 65:4) A yi batho ka mokana ga bona ba gore Jehova o maka senghana nabo. Modimo o kgeta bo ba gore ba šupetsa gore baa di nyaka go nghanelana naye. (Jak. 4:8) Mo o tineyela ga Jehova o boya o kolobetsiwa, o sa kamake gore ka nthago ga gore o kolobetsiwe, yene o nyoko go ‘rufa la go sa hlayisegi go segela o sa sa gayela selo.’ (Mal. 3:10; Jer. 17:8) Mo o kolobetsiwa, o ba o thomisa lephelo la nyuwane. O nyoko karakara gore maphelelo yago ma sipidisane le tso o di tshepisiyeng mo o tineyela le mo go ka ba le tsa go go woka kela tsa go liketsa tumelo yago gore yi tiyelele go segela kaye. (Mmo. 5:4, 5) Ke wene lelata la Jeso, byalo o nyoko ganya dihempe gore o tseyele gage Jeso o boye o mo theetsele.—Mat. 28:19, 20; 1 Pet. 2:21. w24.03 8 ¶1-3

Mo nkare wene le ye o šadhiyeng naye a di le jabodisi go fetsa nako le le ggoši gee? Le ka maka byang? Nagana ka mollo. Mollo a wo fo thomisa wo tshwara di sa tloga. Di nyaka o tšhela mahlare ka gonyana ka gonyana. Ke ntaba le lune le sa thomisi ka go fetsa nako ye nyana le le ggoši? Le makeneng tsa gore di le jabodisa ka mokana ga lune. (Jak. 3:18) Mo le ka thomisa ka gonyana, taba ya lune ya go nyakanana yi nyoko ya yi gola fote. Selo so di nyakang se tseyediwa gedimo mošadhong ke go hlompa. Taba ya go hlompa yi tshwana le moya wa go butšwelela mollo gore wo dure. Mollo wo yakgoswa wo tima mo o sa fele o wo butšwelela. Go fo tshwana le mo bo ba šadhiyeng ba sa hlompane, go nyakanana ga bona go ka yakgoswa go fola. Mara go gongwana mo monna le mosadi ba karakara ka matla gore ba šupetse gore baa hlompana ba nyoko maka gore go nyakanana ga bona go sa timi. Le mo go le ka mokgonone, o sa lebale gore a di yi ka gore o tseya go le wene o šupetsang gore wa hlompa mara di ya ka gore ye o tseyanneng naye o tikwa a hlompiwa. w23.05 22 ¶9; 24 ¶14-15

Ka ho Bhayibeleng, malata ya Modimo ya go tshepega ma bolabola ka dinako tsa go fela ma kwa go roba ma boya ma ro hlagasela ka taba la manaba kela tse dingwana. (Pis. 18:4; 55:1, 5) Le wene o ka kraya o phigisa ke bo o kenang nabo sekolo, bo o berekang nabo, mašaga kela ba mmušo. O ka kraya o lwala, le wene o di bona tsa gore likgu le go lalele. Ka dinako tsotsone, re ka fo sa tšibi gore re ka kena kakaye, re fo titshwanela le ngwananyana. Jehova o re gelepa ka mokgwa mang ga seyemo sa mohlobo wonone? Wa re kgomoletsa a boya a re timula. Byalo, dula o tipeyela nako ya go ba le Jehova—o mo rapele fote o bale Lentsu lage. (Pis. 77:1, 12-14) Ke mokane mo di go kgahleletsiye, ga go tlala o nyoko llela ga Papago wa legedimong. Mo thuletsele ga Jehova gore o tšhaba ying le gore o tšhoga gore go ka makega ying. Mo lisetse le yene a bolabole nago a boye a go papatele a kene a berekisa Mangwalo.—Pis. 119:28. w24.01 24-25 ¶14-16

Wa tšiba, ke selo se segolo ka matla gore go be le so se go tšhofang gore o thogo segelela so o se nyakang. Mo motho a fo kwa di mo tšhofa gore a segelele se sengwana, o nyoko karakara ka matla gore a thogo se kraya. Fote mo re na le so se re tšhofang kela so se re hlohletselang, di ka makega gore re segelele tso re di nyakang. Byalo, o ka maka ying gore o kwe o na le so se go hlohletselang? Rapelela gore go dule go na le sa go go hlohletsela. Jehova a ka berekisa moya wage gore a thogo go hlohletsela gore o segelele so o se nyakang. Ka dinako tse dingwana re ba le tso re nyakang go di segelela ka taba la gore re ya di tšiba gore re tshwanele re make ka mokgonone fote re ba re maka gabutši. Mara o kraya go se na so se re tšhofang gore re se segelele. Ghayela ka tso Jehova a go makeleng tsona. (Pis. 143:5) Pawulo wa lepostola o yye a ghayela ka taba ya ka mokgo Jehova a yyeng a mo šupetsa gore o mo kwela go baba fote tsotsone di yye dya mo tšhofa gore a berekele Jehova di mmaba. (1 Makor. 15:9, 10; 1 Thim. 1:12-14) Go fo ba ka mokgonone, mo o dula o ghayela ka dilo tso Jehova a go makeleng tsona, o nyoko ro napa o kwa di go tšhofa gore o segelele tso o di nyakang.—Pis. 116:12. w23.05 27 ¶3-5

Papa wa rune wa legedimong wa jabola mo re thanaka lebitso lage. (Pis. 119:108) Ayitsano tsotsone di ra gore Modimo wa matšhika ka moka o tshwana le batho ba go sa yenela ba gore ba dulela go nyaka go kwa gore batho ba ba thanaka ba re king ka taba la gore a ba titshepi kela ba dula ba tšhugiye? Awwa. Mo re thanaka Papa wa rune wa legedimong, re tšhela letsogo gore re šašise matsaka ya gore le rune ba re bolabolela wona. Sathane mo a šele a tikwela tsage o re aa šiyo motho wa gore a ka di kgona go yemelela lebitso la Modimo ka go tshepega. O re wa go tshepega ho ga rune aa šiyo. O re ka mokana ga rune re ka mo jikela ga Modimo mo re bona nkare dilo di nyoko re sepelela gabutši le mo a se šiyo ho thina. (Jobo 1:9-11; 2:4) Mara Jobo o yye a fo dula a tshepega, Sathane le matsaka yage a šala a pawogiye ka go tšeba. Wene gee? Go thulegiye lešuba la gore ka mokana ga rune re yemelele lebitso la Papa wa rune ka go tshepega re boye re mo jabodise ka go mmerekela re sa kgawoletsi. (Diy. 27:11) Manatefelo ya go maka ka mokgonone a ma hlayisege. w24.02 8-9 ¶3-5

Ka nthago ga dinako tsa bo Moše le Jošuwa, Jehova o yye a beya ba go yahlula gore ba yetetse batho bage. Ke mokane, ka dinako tsa magoši, Jehova o beyye ba go porofeta gore ba yetetse batho bage. Magoši ya go tshepega ke mo ma theetsela tso di hlayang ke ba go porofeta. Mo re beyisa, Kgoši Dafita o yye a tinyanafatsa ke mokane a yamogela mo Nathane wa go porofeta a mo wolola. (2 Sam. 12:7, 13; 1 Dikor. 17:3, 4) Kgoši Jehošafate o yye a tisamela ka Jahaziyele wa go porofeta gore a mo yetetse a boya a hlohletsela batho ba Juda gore ba “tshepe baporofeta [ba Modimo].” (2 Dikor. 20:14, 15, 20) Mo Kgoši Hezekiya a kwa di mo kgahleletsiye, o yye a llela ga Jesaya wa go porofeta. (Jes. 37:1-6) Ka moka nako mo magoši ma latelela tso Jehova a ma yetetsang ga tsona, ke mo ma rufega fote setšhaba se pasopega. (2 Dikor. 20:29, 30; 32:22) Ke mo di fo bonala tsa gore Jehova o berekisa ba go porofeta gore a yetetse batho bage. w24.02 21 ¶8

Sathane o nyaka re nghanelana le batho ba gore ba nyoko maka gore di re thathafele go phela ka melawo ya Jehova. Di nyaka re sa lebale gore go nghanelana le motho a di fo rela go fokatsa naye le duli thina le thina. Di rela le bo re fokatsang nabo inthaneteng. Di nyaka re lwisane le monagano wa lefase lowa wa gore go sa titshware gabutši a yi selo sa go hlupa. Re ya di tšiba gore a yi tsona. (Maef. 4:19, 20) Di nyaka re tiputsise gore: ‘Ayitsano ke liketsa ka matla gore mo nkare a go hlokege, ke sa fo tikraya ke fokatsa le batho ba gore ke bereka nabo, ba gore ke kena nabo ka tlelaseng kela ba bangwana ba gore a ba hlompe melawo ya Jehova ya go loka? Ayitsano ke latelela melawo ya Jehova nkene ke šišimele le mo ba bangwana ba ka fo re ke tseya nkare nna ke nna?’ Le ka ho phutegong ya Sekreste, di ka nyaka gore re kgete gabutši batho bo re nghanelanang nabo, ka mokgo go hlayang 2 Thimothi 2:20-22. Wa tšiba go na le batho ba bangwana ba gore ba ka sa re gelepe gore re dule re tshepega mo re kene re berekela Jehova, a di nyake re yi lebala taba yone. w24.03 22-23 ¶11-12

Ayitsano o yye wa tiputsisa gore Jehova a ka fo ba a yemegiye byang? Jehova aa bonale, mara Bhayibele yi berekisa mekgwa ya mohlobohlobo mo yi bolabola ka yene. Ba re Jehova ke “letšatši le morithi” fote ke “mollo wa go gagara.” (Pis. 84:11; Maheb. 12:29) Mo a le gona, ba re go tshwana le letlapa la mayemo, tshipi ya go gadima le molalatladi wa go bafala tsela tsa go kraya le wene o sa sa tšiba. (Hezek. 1:26-28) A re kgone go mmona ga Jehova, byalo o ka kraya di roba go tshepa mo re kwa ba re wa re nyaka. Ba bangwana ba tšwile moropologo ka taba la tso ba fitiyeng ga tsona tsa lephelo, byalo a ba tshepe gore nnete le bona Jehova wa ba nyaka. Jehova wa di kwisisa tsotsone le gore di re maka ying. O re thuletsela ka Lentsu lage gore o na le dilo tsa go bafala tso a tšibegang ka tsona. Nnete ya gore yi wolologiye ke ya gore Jehova o re nyaka ka matla. (1 Joh. 4:8) Tsa go nyakanana re tšhuta gage. O tšhofa ke go nyakanana mo a maka selo se sengwana le se sengwana. Modimo o re nyaka tsela tsa nkare ke moka fote aa timakisi, o šinya a šupetsa le bo ba gore a ba yi kene yage gore yene o kwana nabo stereka.—Mat. 5:44, 45. w24.01 26 ¶1-3

Jehova o beyye Moše gore a yete Maisrayele mahlong a ma ntshe Egepita fote selo sa gore ba ro se bona ke mo a ba neyye sewolo sa liru motshegare ke mokane bošego a ba yetetsa ka sewolo sa mollo. (Ek. 13:21) Moše ke mo a latelela sewolo sone, sa yisa yene le Maisrayele Lewatleng le Lekhubedu. Batho ba yye ba hlagasela mo ba tseya nkare a ba sa na boyo ka taba la gore ba lebanne le lewatle fote masole ya Maegepita ma kene maa šutela. Anthe a ba tšibi. Jehova ke mo a tšiba gore o maka ying mo a leya batho bage hone a berekisa Moše. (Ek. 14:2) Modimo o yye a ba phonisa ka mokgo mongwana le bona ba šala ba sa tshepe. (Ek. 14:26-28) Ka nthago ga 40 ya mengwaga, Moše ke mo a sa na a tisamele ka sewolo sa liru gore se yetetse batho ba Modimo hala mašahleng. (Ek. 33:7, 9, 10) Jehova ke mo a bolabola le Moše a le ga sewolo sone, ke mokane yene a yisa molayetsa wa Modimo bathong. Maisrayele ke mo ma ro di bona tsa gore Jehova o berekisa Moše gore a ma yetetse. w24.02 21 ¶4-5