July

Dilo ka mokana ga tsona tso Jeso a di hlayyeng le tso a di makiyeng re ra le ga mehlolo yo a yyeng a yi maka, o yye a fo šupetsa ka mokgo Papage a naganang le ka mokgo a tikwang. (Joh. 14:9) Re ka tšhuta ying ga mehlolo yo Jeso a yi makiyeng? Jeso le Papage ba re nyaka ka matla. Nakwela Jeso a le ho lefaseng, o šupetsiye gore batho o ba nyaka ka matla ka go berekisa matšhika yage a maka mehlolo gore a thogo gelepa ba go hlupega. Tšatši le lengwana banna ba bangwana ka babedi ba gore ba popele maahlo ba yye ba mo llela gore a ba gelepe. (Mat. 20:30-34) Lebelela ka mokgo Jeso “ne a ba kwela go baba” ke mokane a ba yalafa. Ka mokgo ba berekisiyeng lentsu lowa la Segerika la gore ba le hlatolliye gore “ne a ba kwela go baba,” tsotsone di rela gore ne a sa fo ba kwela go baba mo a ba lebelele mara ne a kwa go baba le ka ku tengteng gage. Mokgwa wone wa go kwelana go baba wa gore Jeso o šupetsiye gore wa nyakanana, wo mo tšhofiye gore a fepe ba gore ba kwa tlala a boye a yalafe ba gore ba na le bolwele ba go jega dinama byo ba reng ke lephera. (Mat. 15:32; Mar. 1:41) A re kamake gore Jehova Modimo le Morwayi wage ba gore ba re “kwela go baba ka matla” ba re nyaka ka matla fote ba kwa go baba mo ba re bona re hlupega. (Luk. 1:78; 1 Pet. 5:7) Wa tšiba ba fo kwa nkare nke yi šele yi segele nako ya gore ba fetse ka mathatha ka mokana ga wona ya ma tshwarisiyeng batho ntshitshire! w23.04 3 ¶4-5

Re ka karakara gore re kganele kgole le go bala re boya re theetsela dilo tsa gore a yi tsona tsa gore di tšibega ka matla ga lefase la Sathane. Re ka tlatsa menagano ya rune ka dilo tsa gore di yediye ka go bala le go tšhuta Bhayibele. Go ya megahlanong le go tšhela letsogo ga mmereko wa go tšhomayela go ka pasopa ka mokgo re naganang. Ke mokane Jehova yene o re tshepisa gore a ka sa re lisetse re tlela ke dilo tsa gore re ka sa kgone go di tiyisela. (1 Makor. 10:12, 13) Ye mongwana le ye mongwana wa rune di nyaka a dule a rapela go phala mathomisong gore a thogo ya mahlong a tshepega ga Jehova ga dinako tsowa tsa go thathafa tsa mafelelo. Jehova o nyaka gore re ‘tshollwele dipelo tsa rune mahlong gage’ mo re rapela. (Pis. 62:8) Thanaka Jehova o boye o mo leboge ga dilo ka mokana ga tsona tso a di makang. Mo kgopele gore a go gelepe o thogo ba le lešiši tšhomong. Mo llele gore a go gelepe o thogo tiyisela mathatha ya mangwana le ya mangwana ya ma go tlelang fote o thogo tšhingha mo go ka nyarela dilo tsa gore di ka go woka. O sa dumelele selo kela motho a go šitisa gore o dule o rapela Jehova. w23.05 7 ¶17-18

Anthe re yela ying megahlanong ya phutego? Sa mathomothomo, ke gore re thanake Jehova. (Pis. 26:12; 111:1) Fote re ya megahlanong gore re thogo tiyisana ga dinako tsowa tsa go thathafa. (1 Mathes. 5:11) Mo re yemisa letsogo ke mokane re fetola, re ba re tšhela letsogo ga dilo tsowa ka dipedi. Mara mo re fetola, re ka gahlana le dintshitshire. Re ka tikwa re tšhoga mo re tshwanele re fetole kela re ka fo kwa re nabela go fetola ga go tlala mara ka dinako tse dingwana magageru a ma re kgete mo re yemisa letsogo. King so se ka re gelepang gore re thogo lebeletsana le dintshitshire tsowa? Pawulo wa lepostola o yitseri di nyaka re lebelele taba ya go “tiyisana.” Re ka sa nape re tšhoga ka matla mo re tshwanele re yemise letsogo mo re ka fo gopola gore re ka tiyisa ba bangwana le ka phetolo ya gore a ya napa yi lefa ya go šupetsa tumelo ya rune. Fote mo nkare a ba duli ba re kgeta, re ka jabodisa ke taba ya gore ba bangwana ka ho phutegong ba thulegele ke lešuba la gore ba fetole.—1 Pet. 3:8. w23.04 20 ¶1-3

Lentsu le tšwile! Majuda ya gore ma fetsiye gana hala ga 70 ya mengwaga ma le bobhantiting Bhabhilona, ne ma lukulugiye gore ma ka boyela gaye, Israyele. (Eze. 1:2-4) Di fo ba lekgwaying gore ke Jehova ye a makiyeng gore di kgonege tsotsone. Bhabhilona ne yi sa tšibege ka go lokolla mabhantiti. (Jes. 14:4, 17) Mara Bhabhilona ba yi hludiye, fote ye a lawolang wa nyuwane o butsiye Majuda gore ma ka tloga. Lejuda le lengwana le le lengwana, ka matlamatla dihlogo tsa mitši ne di tshwanele di segelele sepheto sa gore: ba tloge Bhabhilona kela ba fo tidulela. Phela sone ne go sa fo ba sepheto sa go kgana. Ba go tlala ne ba šele ba tsofele ka matla gore ba ka sepela leyeto lone la go lefa. Fote ka taba la gore Majuda ya go tlala ba ma belegele Bhabhilona, ne ma fo tšiba gore gana hone ke gaye. Bona ne ba tseya Israyele go le naga ya bokokwane ba bona. Ne di šupetsa nkare Majuda ya mangwana ne ma ghannye gana hone Bhabhilona, byalo ne di ka sa be lula gore ma šiye magaye ya wona ya mabešebeše kela dibhizinisi tsa wona ke mokane ma phanakele ma ye ga naga ya gore a ma yi tlwayela. w23.05 14 ¶1-2

Lentsu la Modimo le re hlohletsela gore re tiyisele, re kwelane go baba re boye re nyakanane. Luka 21:19 yi re: “Le nyoko phona mo le ka tiyisela.” Makolosi 3:12 yi re: “Le šupetse gore le . . . kwelana go baba.” Fote Mathesalonika wa Mathomo 4:9, 10 yi re: “Modimo o le tšhutisiye gore le nyakanane. . . . Mara re ya le kgopela magageru gore le fo ya mahlong le maka ka mokgonone.” Ditemanyana tsowa ka mokana ga tsona ke mo ba di šihlela ga malata ya gore ma šele ma yi šupetsiye taba ya go tiyisela, go kwelana go baba le go nyakanana. Ne di nyaka gore ma sa lisetsi go ba le mekgwa yone. Le rune di nyaka re make ka mokgonone. Gore taba yone yi thogo go gelepa, lebelela gore Makreste ya ku botala ma šupetsiye mokgwa yowa ka mokgo mang. Ke mokane o ko thogo bona gore malata yane o ka ma kopisela ka mokgo mang fote wa šupetsa gore nnete o tilukiselele motšhatšhamelo wo mogolo. Ke mokane mo motšhatšhamelo wo mogolo wo thomisa, tsa go tiyisela go ko ba go šele go le dilo tsago fote o nyoko tikemisela go fo ya mahlong o kene o tiyisela. w23.07 3 ¶4, 8

Le mo re le ba go tlotsiwa kela ba “dinku tse dingwana,” di nyaka re dule re le ga “Pata ya go Hlawolega” ka taba la gore yi nyoko re gelepa gore re dule re berekela Jehova gana byalo le ku mahlong mo Mmušo wa Modimo wo leya tsa go bafala ho lefaseng. (Joh. 10:16) Go tlugisela ka 1919 C.E., dimiliyoni tsa banna, basadi le bana di lisetsiye Bhabhilona ye Mogolo go leng mmušo wa lefase ka mokana ga lona wa dikereke tsa matsaka ke mokane ba thomisa go sepela ga pata ya go tshwanisela. Jehova o makiye gore go sa be le selo sa go šitisa Majuda ho tseleng ya gore ne ma tloga Bhabhilona. (Jes. 57:14) Byalo, re re king ka “Pata ya go Hlawolega” ya dinako tsa gana byalo? Dikitikiti tsa mengwaga go soko segela 1919, Jehova o berekisiye banna ba gore ne ba mo hlompa gore ba gelepe ka go kgora pata ya go tšwa Bhabhilona ye Mogolo. (Tshwanisa le Jesaya 40:3.) Ba yye ba maka mmereko wa gore di thogo ba lula ga batho ba dipelo tsa go bafala gore ba tloge ga dikereke tsa matsaka, ke mokane ba rapele Jehova ba na le batho bage ga morapelo wa go yela wa gore ba wo tsusiye fote. w23.05 15-16 ¶8-9

Jehova o nyaka gore re mmerekele re jabodiye fote re sa tšhofe ke motho. (2 Makor. 9:7) Byalo, ayitsano di nyaka re lwele go segelela tso re di nyakang ga tso tsa Modimo le mo re fo kwa re sa nyake? Lebelela mošupetso wa Pawulo wa lepostola. O yitseri: “Ke lawola mmele waka tsa nkare ke nna lebhantiti.” (1 Makor. 9:25-27) Le mo Pawulo a yye a kwa a sa nabele go maka tso Jehova a nyakang a di make mara o yye a fo tigapeletsa gore a di make. Ayitsano Jehova o yye a wo yamogela mmereko wo Pawulo a mo makeleng wona? A go jiki! Fote Jehova o yye a mo rufa ka taba la gore o yye a karakara. (2 Thim. 4:7, 8) Phela Jehova wa jabola mo a re bona re lwela go segelela so re se nyakang le mo go se na so se re tšhofang. Wa jabola ka taba la gore wa di tšiba gore le mo re sa duli re kwana ka matla le tso re di makang, re fo ya mahlong re di maka ka taba la gore yene re mo nyaka ka matla. Go fo tshwana le mo Jehova a rufiye Pawulo, O nyoko rufa tso re karakarang go di maka. (Pis. 126:5) Fote mo re šele re di bonne gore Jehova wa re rufa, tsotsone di ka maka gore re thomise go kwa re na le so se re tšhofang. w23.05 29 ¶9-10

Pawulo wa lepostola o tshwanisiye bo ba gore ba ka sa phone letšatši la Jehova le batho ba gore ba yetsele. A ba di boni dilo tso di makegang kela mo nako yi kene yi sepela. Byalo, a ba tšibi mo go makega taba ye kgolo fote a ba tšibi gore ba re king mo yi makega. Batho ba go tlala lekgono ba tshwana le batho ba gore ba yetsele. (Marom. 11:8) A ba tshepe dilo tso di šupetsang gore re phela ga “dinako tsa mafelelo” le gore motšhatšhamelo wo mogolo wo nyoko segela go se botala. (2 Pet. 3:3, 4) Le mo go le ka mokgonone, rune re tseya taba ya go dula re hlahlamme letšatši le lengwana le le lengwana go le ye kgolo ka matla. (1 Mathes. 5:6) Byalo, di nyaka gore re dule re kgibiye fote re sa tekateki. Ke ntaba? Gore re sa tikraye re kenne ga ditaba tsa dipolotiki kela tso di makegang lekgono. Mo letšatši la Jehova le kene le šutela re ka fo kwa re gapeletsega gore re kgete gore re wela ka kaye ga ditaba tsowa. Le mo go le ka mokgonone, a di nyake re šekedisa ke taba ya gore re fetola re re king. Moya wa go hlawolega wa Modimo wo ka re gelepa gore re dule re kgibiye, re sa tšhoge gore re thogo segelela dipheto tsa go šupetsa gore re hlalefiye.—Luk. 12:11, 12. w23.06 10 ¶6-7

O tlela king ho monaganong mo o kwa ka lebitso la Samsoni? Nnete o nagana ka monna wa gore o na le matšhika ka matla. Phela yone go ro ba nnete. Mara Samsoni o yye a segelela sepheto sa gore a tlele ke tsa go sasamela. Le mo go le ka mokgonone, Jehova o yye a lebelela dilo ka mokana ga tsona tso Samsoni a šupetsiyeng gore wa tshepega, ke mokane a di tšhela ka Bhayibeleng gore di thogo gelepa rune. Jehova o berekisiye Samsoni gore a make dilo tsa go makatsa gore a thogo gelepa batho bage ba Maisrayele. Ka nthago ga mengwagangwaga mo Samsoni a šele a kgwile, Jehova o yye a hlohletsela Pawulo gore a tšhele le lebitso la Samsoni ga letheto la banna ba go ba le tumelo. (Maheb. 11:32-34) Mošupetso wa Samsoni wo ka re tiyisa. Ke mo a tshepela ga Jehova le mo go thathafa. Re ka tšhuta se sengwana ga Samsoni le gore mošupetso wage wo ka re tiyisa ka mokgo mang. w23.09 2 ¶1-2

Re ka ba le matšhika ya go tiyisela mo re ka kgotolela Jehova gatleletlele re mmotsa re sa mo wutametsele selo gore re hlupa king. (1 Mathes. 5:17) Di ka makega gore dintshitshire tso o gahlanang natso gana byalo a yi tsa go hlupa. Le mo go le ka mokgonone, ayitsano ga Jehova wa mo kgopela gore a go yetetse mo o kwa nkare o kgongwele, o hlakahlakanne kela a o tšibi gore o make ying? Mo nkare gana byalo, o dula o botsa Modimo gore a go gelepe ga dintshitshire tso o gahlanang natso ka moka matšatši, phela di ko ba lula gore o mmotse le ga tse dikgolo tso o ka gahlanang natso ku mahlong. Ke mokane o ka sa kamake le taba ya gore Modimo wa di tšiba gore ke leng fote ke byang mo di tshwaneleng a go gelepe. (Pis. 27:1, 3) Mo re ka kgona go tiyisela tsa go re ghula lekgono, re ka sa šitegi go tiyisela motšhatšhamelo wo mogolo ku mahlong. (Marom. 5:3) Ke ntaba re reyane? Magageru ya go tlala ma hlaya gore, ga go tlala mo re tiyisela seyemo sa go thathafa, tsotsone di re lokotša gore re teye re tshwarelele le mo go nyarela tse dingwana. Mo Jehova a ba gelepa gore ba tiyisele mo di ba manya, tsotsone di maka gore ba be le tumelo ya gore wa di nyaka go ba gelepa. Tumelo yi ba gelepa gore ba tiyisele mo go nyarela ntshitshire ye nngwana.—Jak. 1:2-4. w23.07 3 ¶7-8

Taba ya gore Jehova o tinyanafatsiye fote o kwelana go baba yi mo tšhofa gore a naganelane. Mo re beyisa, Jehova o šupetsiye ka mokgo a tinyanafatsiyeng mo a šele a le thina le go fetsa ka batho ba go sa loka ba Sodoma. Jehova o berekisiye mangeloyi yage gore ma layelele Llota gore a tšhabele dithabeng. Llota ke mo a tšhaba go ya gana hone. Byalo, o yye a kgopela gore yene le ba mutši wage ba ba dumelele gore ba tšhabele Zowara, go leng mutši wo monyana wa gore Jehova ne a tiputsiye gore o nyoko fetsa ka wona. Phela Jehova nke a f’lo gapeletsa Llota gore a make tso A mmutsiyeng tsona. Mara, Jehova o yye a dumelela Llota gore a ye Zowara fote a sanka A wo psyitlanya mutši wone. (Gen. 19:18-22) Ka nthago ga mengwagangwaga, Jehova o šupetsiye batho ba Ninive gore o ba kwela go baba. O yye a romela moporofeta Jona gore a botse batho ba dipelo tse di phifadu ba ku Ninive gore o nyoko fetsa ka bona le ka mutši wa bona. Mara Maninive ma yye ma sokologa, Jehova a ma kwela go baba ke mokane a sa psyitlanyi mutši wone.—Jona 3:1, 10; 4:10, 11. w23.07 21 ¶5

Re ka tšhuta ying ga mošupetso wa Jehowaši? Ke mo a tshwana le mohlare wa gore mudu wa gona a wa na napa wo ya fase ka matla, wo tithegiye ka phate ya mohlare wone. Mo phate yone ya gore o tithegiye ka yona go leng—Jehoyada—yi wa fote moya wa ba go kgeloga wo tšutla ka matla, Jehowaši o yye a thomisa go sa sa tshepega ga Jehova. Taba yowa yi fo re šupetsa gore a di nyake re theetsela Modimo ka taba la gore ba geru kela ba bangwana ka ho phutegong ba re hlohletsele ka mošupetso wa gabutši. Gore re dule re le thina ka matla le Jehova, di nyaka re tiyise taba ya rune ya go mo nyaka ka matla re boye re mo hlompe ka go tšhuta ka moka matšatši, go ghayela re boya re rapela. (Jer. 17:7, 8; Makol. 2:6, 7) Jehova aa nyake re mo makela dilo tsa go tlala. Tso a di nyakang di ga Mmolabodi 12:13, ya gore yi re: “Tšhabaneng Modimo wa mannete fote le theetsele melawo yage, ke tsona tso motho a tshwaneleng a di make.” Mo re tšhaba Modimo, le mo go ka nyarela tsa go re ghula tsa mošaga mang ku mahlong re ka sa thogathoge. A se šiyo sa gore se ka hlafolanyana senghana sa rune le Jehova. w23.06 19 ¶17-19

Tso Modimo a napang a ro di kikitela di thomisa ka mantsu ya gore: “Ye a duling setulong sa go lawola a re.” (Kut. 21:5a) Ga puku ya Kutullo, ke gararo fela ga gore Jehova ka boyenemong wa bolabola, yawa mantsu ke ya mangwana ya gona. Mantsu yawa a maa hlaya ke lengeloyi la go ba le matšhika kela Jeso wa gore ke mo a šele a tsusiwwe, mara ma ro šihlela ke yene mong Jehova! Taba yo yi napa yi re šupetsa gore tso di nyoko latelang di tshepega mong go tshepega. Ke ntaba go le ka mokgonone? Ka taba la gore Jehova “a ka sa re botse matsaka.” (Tito 1:2) Mantsu wone ma maka gore re di bone gore tso re di balang ga Kutullo 21:5, 6 go ro ba mong nnete. Lebelela so Jehova a se hlayang howa. O thomisa ka go berekisa lentsu la Segerika la gore mo ba le hlatolla le ka ra gore “Ke tsotsone ditaba” kela “Theetsela ša” fote lentsu lone le bereka le go gongwana ga puku ya Kutullo. Lentsu lone le latela king? Le latela ke mantsu ya ma hlayang ke Modimo ya gore: “Ke maka dilo ka mokana ga tsona gore go be tsa nyuwane.” Ke nnete gore Jehova o bolabola ka dilo tsa gore di nyoko tšhentšha ku mahlong, mara ho gage, dilo tso ke mong tsa mannete ka matla, o šinya a bolabola ka tsona tsa nkare di šele di na di makega.—Jes. 46:10. w23.11 3-4 ¶7-8

Petro wa lepostola ke mo a phiriketsa ke tse dingwana. Lebelela mešupetso ye mengwana ke yowa. Mo Jeso a hlatolla taba ya ka mokgo a nyoko hlupegisiwang a boya a kgwa gore go thogo makega seporofeto sa Bhayibele, Petro o yye a mo sola. (Mar. 8:31-33) Ke ga go tlala, Petro le mapostola ya mangwana ba phigisana ka gore ke mang a nyoko bang ye mogolo. (Mar. 9:33, 34) Bošego bya mo Jeso a soko kgwa, Petro o yye a kutulugela morene mongwana ke mokane a mo kupa tsebe yowa. (Joh. 18:10) Bošego byobyone, Petro o yye a tšhoga ke mokane a phiga monghanage Jeso gararo a re aa mo tšibi. (Mar. 14:66-72) Tsotsone di makiye gore Petro a ro lla ka sethaga. Jeso a sanka a ngalela lepostola lowa lage la gore le kgongwele ka matla. Ka nthago ga mo Jeso ba mo tsusiye, o yye a thulela Petro lešuba la gore a šupetse gore o sa na a mo nyaka. Jeso o yye a mema Petro gore a bereke a kene a tinyanafatsiye go le wa go disa dinku tsage. (Joh. 21:15-17) Petro a sanka a yi gana taba yone. Ka letšatši la Pentekoste ke mo a le Jerusalema fote ke yene wa mathomo wa go tlotsiwa ka moya wa go hlawolega. w23.09 22 ¶6-7

Petro wa lepostola o yye a hlohletsela bagolo ggoši gore“disaneng morape wa Modimo.” (1 Pet. 5:1-4) Mo nkare o mogolo re ya di tšiba gore magageru o ma nyaka ka matla fote o nyaka go ma disa. Mara, ka dinako tse dingwana di ka makega gore o di bone gore o tshwaraganne kela o kwe o tinnwe la gore o ka sa di kgone le go maka mmereko wone. O ka maka byang mara? Kgotolela Jehova ka mokgo o tikwang o sa mo wutametsele selo. Petro o ngwadiye gore: “mo nkare go na le ye a berekang, a lisetse Modimo a mo gelepe ka matšhika yage.” (1 Pet. 4:11) Di ka makega gore magageru ma gahlana le dintshitshire tsa gore di ka sa nape di lukisega ga lefase lowa. Mara o sa lebale gore “ndhuna ya ba go disa” Jeso Kreste a ka ba gelepa go phala motho ye mongwana le ye mongwana. A ka maka ka mokgonone lekgono le ga lefase la nyuwane. So Modimo a nyakang bagolo ba se maka ke gore ba nyake magagabo ka matla, ba ma dise ba boye ba be “mešupetso ya gabutši ga morape.” w23.09 29-30 ¶13-14

Di nyaka re kganele kgole le go tseya dilo ka mokgo batho ba tseyang. Mo nkare re tseya dilo ka mokgo batho ba di tseyang, o ka kraya re thomisa go kganyela Jehova le melawo yage. (1 Makor. 3:19) Ga go tlala “mahlalefelo ya lefase lowa” ma kutšetsela batho gore ba sa theetsele Modimo. Makreste ya mangwana ku Phegama le Thiyathira ma yye ma kutšetsela ke batho bo ba yagelanneng nabo ba gore ne ba maka tsa go sa hlamatsega fote ba rapela medimo ya dithombhe. Jeso o yye a wolola diphutego tsone a tiyisiye letsogo ka taba la gore ne di sa sa tseya bonghwahla go le selo sa go hlupa. (Kut. 2:14, 20) Lekgono, re gahlana le tsa go re kgahleletsa tsa gore re fo dumela matsaka re kene re ma lebelele. Mašaga le batho ba gore re ba tlwayele, ba ka liketsa ka matla gore re dumele taba ya gore re ya gatelelana le gore re sa theetsele melawo ya Jehova. Mo re beyisa, ba ka fo re di ka sa re gelepe ka selo tsa go dula re titshwere gabutši ba boya ba re melawo ya go tšwa ka Bhayibeleng a yi ya lekgono ke ya mong botalatala. Ka dinako tse dingwana, re ka fo re tso Jehova a re yetetsang ka tsona a di ya napa di yela gabutši. O ka kraya re liketsega le ga taba ya gore re sa ‘make tso di ngwadiwweng.”—1 Makor. 4:6. w23.07 16 ¶10-11

Mariya, wa gore ke mmane wa Jeso, ne a hloka matšhika. Phela ke mo a soko šadha; mara ne a nyoko yima. Ke mo a sa di tšibi tsa go gudisa bana, mara ne a tshwanele a pasope mošomanyana wa gore go nyoko ba Mesiya. Fote se sengwana ke gore Mariya ne a soko maka tsa ka mapaying, byalo ne a nyoko yi hlatolla byang taba yowa ga morene a tshepisanneng naye mošadho, ye ba reng ke Josefa? (Luk. 1:26-33) Mara Mariya o ma krayye kaye matšhika? O yye a kgopela ba bangwana gore ba mo gelepe. Mo re beyisa, o kgopele Ghabhriyele gore a mmotse tsa go tlalanyana ka mmereko wo a mo neyyeng wona. (Luk. 1:34) Ka nthagonyana ga gana hone, o yye a phanakela a ya ga “poleke ye nngwana ya dithabeng” tsa Juda gore a vakašele lešaga lage lo ba reng ke Elizabheta. Elizabheta o yye a thanaka Mariya fote o yye a hlohletsela ke Jehova gore a botse Mariya seporofeto sa go bolabola ka morwayi wage wa gore aa soko belegiwa. (Luk. 1:39-45) Mariya o hlayye gore Jehova “o makiye dilo ka mokana ga tsona ka letsogo lage la matšhika.” (Luk. 1:46-51) Jehova o berekisiye Ghabhriyele le Elizabheta gore a tiyise Mariya. w23.10 14-15 ¶10-12

Malata ya gore o ka kgona go ma balela ya Kreste ma tlotsiwwe ka moya wa go hlawolega fote ma jabolela go ba le senghana sa go hlawolega le Jehova. Malata yawa 144 000 ya wona ma nyoko bereka ma le maprista ku legedimong ma na le Jeso. (Kut. 14:1) Taba ya go Hlawolega ga tabarenakele yi yemela gore ba ba rekiye ba sa le ho lefaseng gore ba be ga seyemo sa go ba barwayi ba Modimo. (Marom. 8:15-17) Poleke ya go Hlawolega ka Matla ga tabarenakele yi yemela legedimong mo Jehova a dulang gona. “Legaredheni” la gore le kgera ga go Hlawolega le ga go Hlawolega ka Matla le yemela mmele wa Jeso wa nama wa gore wo mo thibelela go kena legedimong go le Moprista ye Mogolo wa tempele ya tso tsa Modimo. Taba ya gore Jeso o makele batho sehlabelo ka mmele wage tsotsone di thulele Makreste ka mokana ga wona ya go tlotsiwa gore ma ye ma phele legedimong. Le bona di nyaka ba lebale ka mmele wa bona wa nama gore ba thogo kraya patela ya bona ya go phela legedimong.—Maheb. 10:19, 20; 1 Makor. 15:50. w23.10 28 ¶13

Ghidiyoni o yye a fetola a kgibiye mo Maifrayimi ma mo sola. (Bay. 8:1-3) A sanka a fetola a kukumusiye dikana. O yye a šupetsa gabutši gore o tinyanafatsiye ka go theetsela tso ba llang ka tsona a boya a bolabola nabo a sa fufulela ke mokane tsotsone dya maka gore le bona ba kgibe. Bagolo ba gore ba hlalefiye ba kopisela ga Ghidiyoni ka go theetsela gabutši ba boya ba fetola ba kgibiye mo ba ba sola. (Jak. 3:13) Nnete ba tšhela letsogo ga taba ya go maka gore go bebe ka phutegong. Mo ba bangwana ba thanaka Ghidiyoni ga taba ya gore o yye a hlula Midiyane, o yye a maka gore go thanakiwe Jehova. (Bay. 8:22, 23) Banna ba gore ba ba hlawodiye ba ka yekisela Ghidiyoni ka mokgo mang? Ba ka thanakisa Jehova ga tso ba kgonang go di segelela. (1 Makor. 4:6, 7) Mo re beyisa, mo mogolo ba mo thanaka ka taba la gore o kgona go tšhutisa, a ka hlaya gore so se mo gelepiyeng ke Lentsu la Modimo kela tso mokgahlo wa Jehova wo re yetetsang ka tsona. Bagolo di nyaka ba sa yi takisi maahlo taba ya gore mo ba tšhutisa ayitsano ba tšhutisa ka mokgwa wa gore ba thanakisa Jehova kela ba fo nyaka go jabodisa batho. w23.06 4 ¶7-8

Mo re sa kraye so re se kgopeleng mo re rapela, di ka nyaka re tiputsisa gore, ‘Ayitsano selo so ke se rapelelang se gabutši?’ Ga go tlala re tseya gore re tšiba sa gabutši so re se nyakang. Mara mo nako yi kene yi ya, o ka kraya dilo tso re yyeng ra di kgopela go sa nape go le tsona tso re di hlokang. Mo go na le bothatha byo re bo rapelelang, o ka kraya gore go na le tsela ya kawone ya go bo lukisa go feta yo rune re yi rapelelang. Fote dilo tse dingwana tsa gore re ya di kgopela, o ka kraya di sa yelane le tso Jehova a di nyakang. (1 Joh. 5:14) Mo re beyisa, tla re bolabole ka babelegi ba gore ba kgopele Jehova gore a make gore ngwana bona a ngangarele nnete. Taba yone go kwagala go le yona. Mara Jehova a ka sa tšhofe motho gore a mmerekele. O nyaka gore ka mokana ga rune, le bana ba rune, re kgete go mmerekela. (Dot. 10:12, 13; 30:19, 20) Byalo, sa gore kela babelegi bowa ba ka se kgopela ke gore Jehova a ba gelepe gore ba thogo segelela pelo ya ngwana wa bona, a kwe di mo tšhofa gore ga Jehova a mo nyake tsa mannete fote a be monghanage.—Diy. 22:6; Maef. 6:4. w23.11 21 ¶5; 23 ¶12

Ke ntaba go kgomoletsa batho ba bangwana go le taba ye kgolo ya go ba šupetsa gore re ba nyaka ka matla? Puku ye nngwana ya go hlatolla tso di leng ka Bhayibeleng yi re lentsu lo Pawulo a le berekisiyeng ho la “go kgomoletsana” le ra “go yema thina le motho gore o thogo mo papatela mo a kwa go sasamela tsa nkare mo a kwaleleng ba tšhediye letswayi.” Byalo, mo re kgomoletsa mogageru, re mo gelepa gore le mo a kwa di mo kgahleletsiye, a tlogamele ke mokane a thomise go tshetsha-tshetsha a kene a hlakarela a le ga pata yo ya gore yi bakiye lephelong. Nako ye nngwana le ye nngwana mo re lisetsa mogageru a tisamela ka rune mo di mo thunugiye, re šupetsa mogageru yene gore re mo nyaka tsa mannete. (2 Makor. 7:6, 7, 13) Go kwelana go baba le go kgomoletsana gwa yelana. Byang? Motho wa go kwelana go baba o kwa di mo tšhofa gore a kgomoletse ba bangwana le go liketsa go ba gelepa mo ba hlabiye ke mutlwa. Re thomisa ka go kwela motho go baba ke mokane ra mo kgomoletsa. Lebelela gore Pawulo o šupetsa gore taba ya Jehova ya go kwelana go baba yi yelana byang le gore Wa re kgomoletsa. Mo Pawulo a bolabola ka Jehova o re ke “Papa wa go kwelana go baba le Modimo wa go kgomoletsana.”—2 Makor. 1:3. w23.11 9-10 ¶8-10

Ka mokana ga bona bo ba latelelang Kreste, di nyaka ba yemele go hlupegisiwa. Lebelela mošupetso wa Pawulo wa lepostola. O butsiye bo ba leng Thesalonika gore: “Nakwela re na le lune, ke mo re fela re le botsa gore re nyoko hlupegisiwa, fote … go f’lo makega ka mokgonone.” (1 Mathes. 3:4) Fote a ngwalela Makorente gore: “Re nyaka gore le di tšibe magageru, tsa gore re hlorisiwwe . . . Ke mo re sa tšibi gore re ko pheleng kela byang.” (2 Makor. 1:8; 11:23-27) Le Makreste lekgono di nyaka ma dule ma di tšiba gore le wona ma ka hlupegisiwa. (2 Thim. 3:12) Ka taba la gore o dumela ga Jeso le gore o thomisiye go mo latelela o ka fo poyilannye ke banghana le mašaga. Ayitsano taba ya gore o tikemisele go tshepega ga dilo ka mokana ga tsona, yi go bakele mathatha mmerekong? (Maheb. 13:18) Ayitsano o yye wa phigisa ke ba mmušo ka taba la gore o tšhomayelele ba bangwana ka tshepo yo o nang nayo? Le mo go le ka mokgonone, ga seyemo se sengwana le se sengwana so re yyeng ra hlupegisiwa ga sona, Pawulo o re di nyaka re jabole. w23.12 10-11 ¶9-10

Jakobo o yye a tiyisela dintshitshire tsa go tlala. Barwayi bowa ba Jakobo ka babedi go leng Simiyoni le Llifi ba yye ba poyidisa mutši wa gabo le lebitso la Jehova. Go tokegela gana hone, mosadi ye Jakobo a mo nyakang ka matla o yye a kgwa a kene a sa belega ngwana wa bona wa bobedi. Fote Jakobo o yye a gapeletsega gore a rure mo a dulang a ye ga naga ya ku Egepita a kene a titsofalele ka taba la gore ne go wile tlala ye kgolo hone polekeng ya bona. (Gen. 35:16-19; 37:28; 45:9-11, 28) Ga dilo tsowa Jakobo di mo makegelang ka mokana ga tsona, a sanka a khwanyudisa ga taba ya go tshepa Jehova le tso A di tshepisang. Fote Jehova o šupetsiye Jakobo gore aa mo lahla. Mo re beyisa, Jehova o yye a mo rufa ka dilo tsa go tlala. O fo nagana fote gore Jakobo o yye a mo leboga ka mokgo mang ga Jehova mo a mo gahlanisa le Josefa—go leng morwayi wage wa gore ne a tseya gore ke botala a kgwile! Taba ya gore Jakobo ne go le monghana wa Jehova wa thina yi mo gelepiye gore a fo hlula mo a gahlana le dintshitshire. (Gen. 30:43; 32:9, 10; 46:28-30) Mo re ka sa šepisi ga senghana so re nang naso le Jehova, le rune re nyoko teya re tshwarelele mo re tlela ke dintshitshire tsa gore ne re sa di nagana. w23.04 15 ¶6-7

Pisalema 23 ke koša ya go šupetsa gore nnete Jehova o re nyaka ka matla fote wa re pasopa. Pisalema yo yi ngwadiye ke Dafita, o hlaya gore yene le Ye wa go mo Disa, Jehova, ba kwana mong go kwana. Dafita ke mo a kwa a le gabutši mo a lisetsa Jehova gore a mo yetetse, a šiya dilo ka moka Naye. Dafita ke mo a di tšiba tsa gore Jehova o nyoko fo dula a mo nyaka lephelo lage ka mokana ga lona. Ke mo a maka king gore a di tshepe ka matla tsotsone? Pelo ya Dafita ke mo f’lo re kgehle ka taba la gore Jehova ke mo a dulela go mo neya tso a di hlokang. Fote Dafita ke mo go le monghana wa Jehova, a mo tshwere gabutši. Ke mo a sa kamake gore le mo go ka teya leduma la mošaga mang, Jehova o sa na a nyoko mo neya dilo ka mokana ga tsona tso a di hlokang. Dafita ke mo a le nayo mešekelo, mara ke mo a ngangarele ga yo ya gore Jehova o mo nyaka ka matla, sosone se makiye gore a jabole ka ku tengteng, a fo re tswee.—Pis. 16:11. w24.01 29 ¶12-13

Go tlugisela ka nako ya Ntwa ya Bobedi ya Lefase, batho ba Jehova ga dinaga tsa go tlala ke mo ba phela ba bebiye fote ba lukulugiye mo ba kene ba maka mmereko wa go tšhomayela. Gabutšibutši, mmereko wo wo phomelele. Lekgono ba Mogoba wa go Lawola ba sa na ba yi tshwere ya go tisamela ka Kreste gore a ba yetetse. Ba nyaka gore dilo tso ba di fitiselang ga magageru di šupetse gore hala legedimong taba yone ba yi tseya ka mokgwa mang. Ke mokane bapotulugi le bagolo ba tseya ditaba tsone ba di yisa diphutegong. Bagolo ba gore ba tlotsiwwe ba ka ho ga ‘letsogo la go ja’ la Kreste. (Kut. 2:1) Ke nnete gore bagolo bowa a baa yenela ho mmeleng fote ba fela ba kekemisa ga tse dingwana. Moše le Jošuwa ke mo ba fela ba kekemisa, le mapostola ma yye ma kekemisa. (Dip. 20:12; Još. 9:14, 15; Marom. 3:23) Mara Kreste o sa na a ya mahlong a le yetetsa gabutši lelata la go tshepega le bagolo, fote o nyoko fo ya mahlong a maka ka mokgonone. Byalo, di nyaka re nape re mo tshepa mo a re yetetsa a berekisa bo a ba kgetiyeng gore ba yete mahlong. w24.02 23-24 ¶13-14

Lekgono re ka mo jabodisa ga Jehova mo re bolabola ka yene di re baba, re šupetse gore ra leboga fote re mo nyaka tsa mannete. Mo re le tšhomong, a re lebale gore se segolo so re karakarang gore re se segelele ke go šutetsa batho thina ga Jehova, re liketsa go ba gelepa go tseya Papa wa rune wa gore o re nyaka ka matla ka mokgo le rune re mo tseyang ka gona. (Jak. 4:8) Gwa re jabodisa mo re šupetsa batho gore Bhayibele yi re king ka Jehova, ya šupetsa gore o re nyaka mong go re nyaka, aa na lešidi, o hlalefiye, o na le matšhika fote o tšibega le ka tse dingwana tsa gabutši. Ga Jehova re boya re mo thanaka re kene re liketsa go mo jabodisa ka go karakara gore re tseyele gage. Mo re maka ka mokgonone, re fapana le batho ba lefase lo la go befa. Batho ba ka fo di bona tsa gore a re tshwane le ba bangwana fote o ka kraya ba tiputsisa gore re maka king. (Mat. 5:14-16) Mo re kene re phela nabo ka moka matšatši, di ka makega gore go kgonege go ba hlayisela gore ke ntaba re maka dilo ka mokgo re di makang. Tsotsone di nyoko maka gore batho ba dipelo tsa gabutši ba kwe ba nabela go šutela ga Modimo wa rune. Mo re thanaka Jehova ka mokgo, re jabodisa pelo yage.—1 Thim. 2:3, 4. w24.02 10 ¶7

Gore o thogo ba monna wa Mokreste wa gore o butšwiye, di nyaka o tšhute dilo tsa gore di nyoko go gelepa mo o kene o phela. Dilo tsowa di nyoko go gelepa gore o thogo yamogela mebereko ya ka phutegong, o sa lahlegele ke mmereko wa gore o thogo tipasopa kela o pasope mutši wago fote o be le senghana sa gabutši le ba bangwana. Mo re beyisa, tšhuta go bala le go ngwala gabutši. Bhayibele yi re monna wa gore o jabodiye wa gore fote o phomelele o bala Lentsu la Modimo letšatši le lengwana le le lengwana a boya a ghayela ka lona. (Pis. 1:1-3) Mo a bala Bhayibele ka moka matšatši, o nyoko tšiba ka mokgo Jehova a tseyang dilo fote tsotsone di nyoko mo gelepa gore a nagane gabutši le go tšhuta go berekisa Mangwalo gabutši. (Diy. 1:3, 4) Magageru ma nyaka go gelepa ke banna ba gore ba thogo ma tšhutisa ba boya ba ma neya mayele ya ka ho Bhayibeleng. Mo o kgona go bala le go ngwala gabutši, o ko thogo lukiselela dipolabolo le diphetolo tsa gore di gelepa ba bangwana fote dya tiyisa le tumelo ya bona. Fote o ko thogo ngwala fase ditaba tsa gore di nyoko go gelepa gore o be le tumelo ya go tiya fote o tiyise le ba bangwana. w23.12 26-27 ¶9-11

Mo o kwa nkare wa tšhaba, ghayela ka tso Jehova a nyoko di makang ku mahlong mo Sathane a sa sa le šiyo. Go yye gwa ba le mošupetso ga mogahlano wo mogolo wa 2014, wa gore ke mo wo šupetsa papa ye mongwana a bolabola le ba mutši wage ka 2 Thimothi 3:1-5, a šupetsa gore mo mantsu yane ma šele ma bolabolela Pharadeyisi ma ka fo re king, a re: “Ga lefase la nyuwane go nyoko ba go le mong la mathomo re kwa re jabodiye ka matla. Ka taba la gore batho go nyoko ba ba go kwana ka matla le ba bangwana, ba go kwana le nnete, ba go tipeya fase, ba go tinyanafatsa, ba go thanaka Modimo, ba go theetsela babelegi, ba go leboga, ba go tshepega, ba gore ba kwana ka matla le ba mitši ya bona, ba gore baa dumelelana ka dilo, ba gore ba dula ba bolabola tsa gabutši ka ba bangwana, ba go kgona go titshwara, ba go temeka, ba go kwana le tsa loka, ba go tshepega, ba go sa be le magaba, ba gore a ba na magetla, ba gore ga Modimo ba mo nyaka ka matla go feta tsa go tijabodisa, ba gore ba maka tso Modimo a di nyakang ba sa tšhofe ke motho; fote batho ba mohlobo wonone o nape o ro ba mamarela.” Ayitsano wene wa di tshwara ditaba le ba mutši wago kela magageru ka ho phutegong tsa go fo re lephelo le nyoko ba le le byang ga lefase la nyuwane? w24.01 6 ¶13-14

Mong go fo tšiba gore Jehova o kwana ka matla le batho bage di jabodisa la go sa hlayisege! Bhayibele yi re: “Jehova o jabodisa ke batho bage.” (Pis. 149:4) Mara ba bangwana ba fela ba kgongwela ka matla ba boya ba ro tiputsisa gore, ‘Nje le nna Jehova wa n’yamogela?’ Batho ba go tlala ba ka ho Bhayibeleng ba gore ke mo ba berekela Jehova ba kene ba tshepega ke mo di fela di ba tlela tsa mohlobo wonone. (1 Sam. 1:6-10; Jobo 29:2, 4; Pis. 51:11) Bhayibele yi di beya lekgwaying gore Jehova wa ba yamogela batho ba gore a baa yenela, kela gona go tihlupa ka bona. Ka mokgwa mang? Di nyaka re dumele ga Jeso Kreste ke mokane re kolobetsiwe. (Joh. 3:16) Mo re maka ka mokgonone, re šupetsa mang le mang gore re sukulugiye ga tso ne re kekemisa ga tsona fote re tshepisiye Modimo gore re nyoko maka tso yene a di nyakang. (Meber. 2:38; 3:19) Jehova wa jabola mo re maka dilo tsowa gore re thogo šupetsa gore re nyaka go tšibana naye tsa thina. Mo re na re ya mahlong re karakara gore maphelelo ya rune ma yelane le moyano wo re wo makiyeng mo re tineyela, Jehova o nyoko re yamogela a boya a re tseya re le banghana bage ba thina.—Pis. 25:14. w24.03 26 ¶1-2

Le rune re ka kopisela ga malata ya Jeso ka go fo ya mahlong re tšhomayela le mo bo ba go lawola ba mmušo ba nyaka go re lisisa ka tšhinghi. A re kamake le ka gonyana gore Jehova o nyoko re gelepa gore re thogo maka mmereko wa rune wa go tšhomayela. Byalo, re ka rapelela gore ba re neye lešiši le go maka gore re hlalefe fote le gore Jehova a go gelepe gore o tiyisele mo o na le mathatha. Ba go tlala ba rune re kwa go baba ka taba la malwele kela o kraya le rune beng re sa tšibi gore re tikwa byang, go hlokofalela ke lešaga, mathatha ya ka mutšing, go hlorisiwa kela mathatha ya mangwana. Fote dilo tsa go tshwana le malwele ya go sabalala le dintwa di makiye gore mathatha yawa ma nape ma sa be lula go lebeletsana nawo. Kgotolela Jehova so se leng ka ho pelong yago. Mmotse ka seyemo sago go fo tshwana le ka mokgo ne o ka hlayisela monghanago. O sa kamake gore Jehova “o nyoko go yemela sekala.” (Pis. 37:3, 5) Mo re ka sa lisetsi go rapela, tsotsone di nyoko re gelepa gore re thogo ‘tiyisela mo re gahlana le tsa go re phiriketsa.’ (Marom. 12:12) Jehova wa di tšiba tso malata yage ma ghulanang natso—“o theetsela gabutši mo ba mo llela gore a ba gelepe.”—Pis. 145:18, 19. w23.05 5-6 ¶12-15

Mo re tshwanele re segelele dipheto tse dikgolo, di nyaka re kwisise gore king “tso Jehova a di nyakang” ke mokane re make tsa go kwana natso. (Maef. 5:17) Mo re kraya ditšhiko tsa ka Bhayibeleng tsa gore di ya bereka ga seyemo sa rune, re ba re nyaka go tšiba gore Modimo o yi tseya byang taba yone. Ke mokane mo re berekisa ditšhiko tsage, re ko kgoneng go segelela dipheto tsa gabutši. Ye “wa pelo ye phifadu,” lona lenaba la rune lo ba reng ke Sathane, o nyaka gore re dule re tshwaraganne re kene re lelekisana le dilo tsa lefase lowa gore re sa be le nako ya go berekela Modimo wa rune. (1 Joh. 5:19) Mokreste a ka thomisa go kraya ka ku mahlong a beyye tšheleta, sekolo kela mmereko, a sa yi kene ya go nyakela mašuba ya gore a thogo berekela Jehova. Gwa ka makega ka mokgonone, di ka šupetsa gore lefase lowa le mo fukudiye. Ke nnete gore dilo tsowa ka botsona a dya sinya, mara a di nyake o kraya re beyye tsona ka ku mathomisong lephelong la rune. w24.03 24 ¶16-17