Ditodi tsa Sepukwane sa Mogahlano wa Maphelelo le Matšhomayelelo
AUGUST 6-12
MAKOLWANE KA TENG GA LENTSU LA MODIMO | LUKA 17-18
“Leboga”
(Luka 17:11-14) Mo a kene a ya Jerusalema, ke mo a bhukulela gare ga Samariya le Galeliya. 12 Fote mo a kena dimitšaneng tsa gana hone, a gahlana le lesome la banna ba go kena ke lephera, mara ba yemela kgole. 13 Ke mokane ba yahlamela ba re: “Jeso, Thitšere, re kwele go baba!” 14 Mo a ba bona, a re ga bona: “Ariyeneng le ye nyarela ku ga maprista.” Ke mokane mo ba kene ba ya gona, ba yedisiwa.
nwtsty tso di fatisisiwweng ga Lu 17:12, 14
lesome la banna ba go kena ke lephera: Ku botala, di šupa nkare batho ba go kena ke lephera ke mo ba gahlana kela ba dula ka megoba, gore ba thogo gelepana. (2Mg 7:3-5) Molawo wa Modimo ke mo wo re ba go kena ke lephera ba tihlawole. Fote motho wa go kena ke lephera ke mo di nyaka a yahlamele gore batho ba bangwana ba sa šutele thina naye, a re: “Dithila, dithila!” (Lef 13:45, 46) Go ya ka tso Molawo ke mo wo di hlaya, ba go kena ke lephera ke mo ba yemme kgole le Jeso.—Bona tso di fatisisiwweng ga Mat 8:2 le Glossary, “Lephera; Wa go Kena ke Lephera.”
ariyeneng le ye nyarela ga maprista: Nakwe Jeso Kreste a le ho lefaseng ke mo a theetsela Molawo, ke mo a tšiba gore go lawola maprista ya Arone, ke mokane a botsa bo a ba yalafiyeng lephera gore ba ye ga moprista. (Mat 8:4; Mar 1:44) Go ya ka Molawo wa Moše, ke mo di nyaka gore moprista a pombhole motho wa go kena ke lephera gore a di bone mo ka nnete a fodiye. Ke mo di nyaka gore ye a yalafiwweng lephera a ye tempeleng a tshwere se sengwana, go tshwana le dinonyane ka dipedi tsa go phela tsa go yela, sehlare sa maphayi, llapi la go topela ka bokhubedu le sehlare so ba reng ke hisopo.—Lef 14:2-32.
(Luka 17:15, 16) Ka wweši wa bona, mo a bona gore o fodiye, a sologa, a kene a yahlamela a thanaka Modimo. 16 Ke mokane a kgotama mawotong ya Jeso a ghobiye hlogo, a mo leboga. Fote, ke mo go le Lesamariya.
(Luka 17:17, 18) Jeso mo a fetola a re: “Ka mokana ga bona bo ba yedisiwweng ke mo go le lesome la bona, akere? Byalo, nkokwane (9) ya bona ba kaye? 18 Aa šiyo ye mongwana ga bona ye a sologiyeng a tl’le thanaka Modimo mo go se monna yewa ka wwoši wa setšhaba se sengwana?”
w08 8/1 14-15 ¶8-9
Ke Ntaba di Nyaka re Leboge?
Tsa gore bala lesome la bona ba šitegiye go leboga, Jeso aa fo di lesetsa? Taba yowa mo yi ya mahlong yi re: “Mo Jeso a fetola o yitseri: ‘Ka mokana ga bona bo ba yedisiwweng ke mo go le lesome la bona, akere? Byalo, nkokwane ya bona ba kaye? Aa šiyo ye mongwana ga bona ye a sologiyeng a tl’le thanaka Modimo?’ ”—Luka 17:17, 18.
A yi gore nkokwane ya banna bala ba go kena ke lephera ne ba na le dipelo tse diphifadu. Ba thomisiye ba šupetsa gore baa dumela ga Jeso fote ba yye ba theetsela tso a yitsering ba di make, ba ro rwalagana ba bakiye Jerusalema ga maprista. Bona ba ka fo ba ba mo lebogiye ka matla ga Jeso ka ho dipelong ka tso a ba makeleng tsona, mara ba šitegiye go mmotsa. Tso ba di makiyeng di mo tšebisiye ga Kreste. Rune gee? Mo motho a re makela dilo tsa gabutši, ayitsano re yakgoswela go leboga, kela le mong go mo ngwalela sephephane sa go leboga?
Go Wunyulla tso di Wutammeng ka Baebeleng
(Luka 17:7-10) “Ke mang ho ga lune wa gore o na le lelata la go lema kela la go disa wa gore mo le boya tšhomong o ko re ga lona, ‘Napa o tla ho tafoleng re je’? 8 Mara, nje a ka sa hlaye gore, ‘Mmakele tsa go ja tsa ka malobana, o yapare faskoti fote o ntsholele go šinye go segele nako ya ho ke kgora le mo ke kgolwa, ke mokane mo ke fetsiye o ko thogo ja fote wa nwa’? 9 A ka sa kwe go na le sa go mo tšhofa go leboga lelata lela ka taba la gore le makiye tso ba le rommeng, akere? 10 Le lune, mo le makiye dilo ka mokana ga tsona tso ba le rommeng, le hlaye gore: ‘Ke rune malata ya go sa re selo. Tso re di makiyeng, ke mo re na re tshwanele go di maka.’ ”
nwtsty tso di fatisisiwweng ga Lu 17:10
ya go sa re selo: Yi rela “sa go sa thuši ka selo, kela selo nje.” Jeso ke mo a sa rele gore malata, kela bo ba tšhutang gage, a ba thuši ka selo kela yi fo ba dilo nje. Taba yo go bolabodiwang ka yona ya gore, “go sa re selo” yi fo ba yi rela gore malata di nyaka ma tinyanafatse, ma sa bone nkare wona ke wona kela go nyaka go fo thanakiwa. Bo ba go tšhutega ba bona nkare lentsu lowa le berekisiwweng howa ke la go fetelela la gore le rela gore “rune re fo ba malata ya gore a maa hlawolega ka selo le ka gonyana.”
(Luka 18:8) Ke ya le botsa, o nyoko maka gore ba tshwariwe ka go loka ka go yakgoswa. Mara, mo Morwayi wa motho a segela, nje o nyoko kraya tumelo ya mošaga wowa ho lefaseng?”
nwtsty tso di fatisisiwweng ga Lu 18:8
tumelo ya mošaga wowa: Kela “tumelo ya mohlobo wowa.” Gabutšibutši., “tumelo yowa.” Lentsu la Segerika lo le berekisiwweng howa thina le lentsu la gore “tumelo” le šupetsa gore Jeso ke mo a sa fo rela go dumela nje, ke mo a rela go dumela ga mošaga wa gona, ga go tshwana le ga mosadi yela wa gore o kgwele ke monna ku ga mošupetso wa Jeso. (Lu 18:1-8) Sowa se rela le go dumela gore thapelo yi na le matšhika, le go dumela gore Modimo o nyoko maka gore batho bage ba makegele ke tsa go loka. Jeso o lesetsiye putsiso yela yi butsisiwweng ka tumelo yi sa fetodiwa, gore bo ba mo latelelang ba šale ba ghayela ka gore tumelo ya bona ke ya mošaga mang. Mošupetso wa go bolabola ka thapelo le tumelo ke mo wo le gabutši ka taba la gore Jeso ke mo a bolabolela gore bo ba mo latelelang ba nyoko gahlana le tsa go ba phika.—Lu 17:22-37.
Go Bala Baebele
(Luka 18:24-43) Jeso a mo lebelela a re: “Di thathafa ka matla ga batho ba gore ba na le tšheleta gore ba tshware pata yo yi ba yisang Mmušong wa Modimo! 25 Gabutšibutši di lola gore kamela yi kene lešubeng la naleta ya go roka go na le gore nghamula yi kene Mmušong wa Modimo.” 26 Ba gore ba kwile tsotsone ba re: “Le re go nyoko phonisiwa mang mara?” 27 A re: “Dilo tsa gore a di kgonege ga batho, di kgonega gabutši ga Modimo.” 28 Mara Petro a re: “Bona! Re šiyye tso e re le natso ra latelela wene.” 29 A re ga bona: “Ka nnete ke ya le botsa, aa šiyo ye a šiyyeng ntlo kela mosadi kela bobhuti kela babelegi kela bana ka taba la Mmušo wa Modimo 30 wa gore a ka sa kraye tsa go feta tsotsone ga go tlala gana byalo le ga tso di sa ga tlang ku mahlong, a kraya lephelo la go ya go yye.” 31 Ke mokane bala 12 ya bona a ba bitsela ka thoko a re: “Bonaneng! Re yinugela Jerusalema, fote dilo ka mokana ga tsona tso di ngwadiyeng ke baporofeta ka Morwayi wa motho di nyoko makega. 32 Mo re beyisa, o nyoko yisiwa ga banna ba ditšhaba fote o nyoko poyidiwa a boya a makiwa lešidi ke mokane ba mo tshwela ka mare. 33 Mo ba šele ba mo hlopegisiye, ba nyoko mmolaya, mara o nyoko tsoga ka letšatši la boraro.” 34 Mara ba sa kwisisi le ka ssoši so a bolabolang ka sona, ka taba la gore mantsu yawa ke mo ma wutegiye ga bona, ba sa kwisisi tso a di bolabolang. 35 Byalo mo Jeso a le thina le go kena Jerikho, monna wa go popela mahlo ke mo a duli ka thoko ga pata a kene a kgopela. 36 Mo a kwa mogoba wo feta, a thomisa go butsisa gore go makega ying. 37 Ba mmotsa gore: “Go feta Jeso wa Lenazareta!” 38 Mo ba re yane a yahlamela a re: “Jeso, Morwayi wa Dafita, nkwele go baba!” 39 Ke mokane bo ne ba le ho thina gage ba thomisa go mo lakatsanya, ba re a kgomolele, mara a napa a ro yahlamela ka matla a re: “Morwayi wa Dafita, nkwele go baba!” 40 Ke mokane Jeso a yema, a re ba mo leye ho gage monna yene. Mo a šele a šutele, Jeso a mmutsisa gore: 41 “O nyaka ke go makela ying?” A re: “Morena, maka gore ke bone fote.” 42 Ke mokane Jeso a re gage: “Bona fote, tumelo yago yi go fodisiye.” 43 A napa a popologa mahlo ka nako yonone, a thomisa go mo šala nthago, a thanaka Modimo. Le batho ka mokana ga bona mo ba bona tsotsone ba thanaka Modimo.
AUGUST 13-19
MAKOLWANE KA TENG GA LENTSU LA MODIMO WORD | LUKA 19-20
“Tšhuta ga Mošupetso wa Lesome la Dimina”
(Luka 19:12, 13) Ke mokane a re: “Monna ye mongwana wa go tšwa mutšing wa bogoši o yye ga poleke ya kgole gore a ye lukisa ditaba tsa bogoši byage ke mokane a thogo sologa. 13 A bitsa lesome la malata yage, a ba neya lesome la dimina ke mokane a ba botsa gore, ‘Berekisaneng dilo tsowa go reka le go rekisa go segela ka nako yo ke nyoko šinyang ke sologa.’
Mosupetso Wage wa Lesome la Dimina
A re: “Monna ye mongwana wa go tšwa mutšing wa bogoši o yye ga poleke ya kgole gore a ye lukisa ditaba tsa bogoši byage ke mokane a thogo sologa.” (Luka 19:12) Mosepelo wage ke mo go nyoko ba wa go lefa ka matla. Di fo ba lekgwaying gore Jeso ke yene “monna ye mongwana” wa go ya “ga poleke ya kgole,” legedimong, ga gore Papage ke mo a nyoko mo neya matšhika ya go lawola go le kgoši.
Ga mošupetso wowa, mo “monna ye mongwana wa go tšwa mutšing wa bogoši” a so ko tloga, o bitsa lesome la malata ke mokane a neya ye mongwana le ye mongwana mina ya silva, a ba botsa gore: “Berekisaneng dilo tsowa go reka le go rekisa go segela ke boya.” (Luka 19:13) Mina ya silva yo re yi tšibang ke tšheleta ya gabutši ka matla. Mina ka yyoši ye lekana le tšheleta yo ke mo yi gola ke motho wa go bereka dibayeng ka dikgwedi ka ditharo.
Di šupetsa nkare bo ba mo latelelang ke mo ba tshwana le lesome la malata ya howa ga mošupetso wage, ka taba la gore Jeso ke mo a šele a ba tshwanisiye le batho ba go buna. (Matewu 9:35-38) Ke nnete gore aa ba kgopela gore ba leye mabele ya ba ma bunneng. Mara, go buna ke malata ya mangwana ya gore le wona ma ka tla ma phela ga Mmušo wa Modimo. Malata yawa ma berekisa selo se sengwana le se sengwana gore go krayege dilo tsa go tlala tsa Mmušo.
(Luka 19:16-19) Ke mokane wa mathomo a šutela, a re, ‘Morena, mina yago yi belegiye lesome la dimina.’ 17 A re gage, ‘O berekiye, ke wene lelata la gabutši! Ka taba la gore o tshepegiye ga dilo tse dinyana, lawola lesome la mitši.’ 18 Ke mokane gwa šutela wa bobedi, a re, ‘Mina yela yago Morena, yi belegiye sehlano sa dimina.’ 19 Le ga yenewa a re, ‘Le wene lawola sehlano sa mitši.’
Mošupetso Wage wa Lesome la Dimina
Mo bo ba tšhutang ga Jeso ba di bona tsotsone tsa gore ba tshwana le malata yawa ya gore ma ro ganya dikobo gore ma berekise tso ma nang natso gore ma make malata ya mangwana, ba napa ba tshepa gore Jeso o nyoko jabola. Fote ba ka dumela gore o nyoko ba rufa mo ba kene ba tihlopa ka mokgonone. Ke nnete gore a yi malata ka mokana ga wona ya Jeso ya gore ma gahlana le dilo tsa go tshwana lephelong kela go thulegela ke mašuba ya go tshwana le go kgona dilo tsa go tshwana. Mara Jeso, ye a neyiwang “matšhika ya bogoši,” o nyoko di bona ke mokane a ba rufa mo ba kene ba tihlopa gore ba make batho malata.—Matewu 28:19, 20.
(Luka 19:20-24) Mara gwa šutela ye mongwana, a re ‘Morena, mina yago ya gore ke mo ke yi wutegiye kobong ke yowa. 21 Wa tšiba, ke mo ke go tšhaba, ka taba la gore ke wene monna wa go garatsa; sa gore a wa se berekela o fo tseya, fote le ga gore a wa gaša o fo buna.’ 22 A re gage, ‘Ke go yahlola ka mantsu ya wene beng, lelata la pelo ye phifadu. Anthe ke mo o di tšiba gore ke nna monna wa go garatsa, ke tseya so ke sa se berekelang le gore ke buna ga gore a ke ya gaša? 23 Byalo ke ntaba o sa tšhela tšheleta yaka bhankeng? Ke mokane mo ke segela, ke mo ke nyoko yi kraya yi tswalele.’ 24 “Byalo a re ga bo ne ba yemme mone, ‘Mo yamogeneng mina yone le yi neyeneng yewa wa go ba le lesome la dimina.’
Mošupetso Wage wa Lesome la Dimina
Lelata lowa la gore le šitegiye go yeketsa go ghanya ga mong wa lona, le psyile. Mapostola ma yemele gore go segele nako ya Jeso ya go buša Mmušong wa Modimo. Tso a di bolabolang ka lelata lowa la mafelelo, di ka fo ba di šupetsa gore mo ba ka sa ganye dikobo, Mmušo wone ba ka sa wo bone.
Go Wunyulla tso di Wutammeng ka Baebeleng
(Luka 19:43) Ka taba la gore go nyoko segela matšatši ya gore manaba yago ma nyoko go yagelela ka diphata tsa dinhla fote ma nyoko go dukuluga ma go thibelela ka nthoko ye nngwana le ye nngwana.
nwtsty tso di fatisisiwweng ga Lu 19:43
go yagelela ka diphata tsa dinhla: Kela “mabalela.” Lentsu la Segerika la khaʹrax le fo nyarela gana howa fela ga Mangwalo ya Sekreste ya Segerika. Mo ba le hlatolla ba re ke “phata ya go ba le nhla kela diphate tsa go maka legora; sekwatane” fote le ku “bosoleng ke mo ba berekisa diphate tsa mošaga wonone; mabalela.” Tso Jeso a di bolabodiyeng di makegiye ka mongwaga wa 70 C.E., nakwela Tito a botsa Maroma gore ma yagelele Jerusalema ka lepharo, kela mabalela. Tito ke mo a fo ba a nyaka go thibelela Majuda gore ma sa tšhabe, go ma maka gore ma dumele gore o ma hludiye le go ma maka gore ma šinye ma theetsele yene ka tšhinghi. Maroma ke mo ma kwetla mehlare ya ka thoko ga naga ya bona gore ba thogo kraya dilo tso ba ka yagelelang Jerusalema ka tsona.
(Luka 20:38) A yi Modimo wa ba go kgwa, mara ke wa ba go phela, ka taba la gore ka mokana ga bona ba phelela yene.”
nwtsty tso di fatisisiwweng ga Lu 20:38
ka taba la gore ka mokana ga bona ba phelela yene: Kela “ka taba la gore ba phela ka mokgo yene a nyakang.” Baebele yi re bo ba phelang mara ba keketlela kgole le Modimo, ke setšha ba kgwile ho gage. (Ef 2:1; 1Ti 5:6) Go fo tshwana le ga tsotsone, malata ya Modimo ya gore wa ma yamogela, le mo ma ka kgwa, ma sa phela ga Modimo ka taba la gore tso a tikemiseleng tsona tsa gore o nyoko ma tsosa, di nyoko makega.—Rom 4:16, 17.
Go Bala Baebele
(Luka 19:11-27) Mo ba kene ba theetsele dilo tsowa, a ba botsa ka mošupetso wo mongwana, ka taba la gore ne a le thina le Jerusalema fote ne ba nagana gore Mmušo wa Modimo o nyoko nyarela ka nako yonone. 12 Ke mokane a re: “Monna ye mongwana wa go tšwa mutšing wa bogoši o yye ga poleke ya kgole gore a ye lukisa ditaba tsa bogoši byage ke mokane a thogo sologa. 13 A bitsa lesome la malata yage, a ba neya lesome la dimina ke mokane a ba botsa gore, ‘Berekisaneng dilo tsowa go reka le go rekisa go segela ka nako yo ke nyoko šinyang ke sologa.’ 14 Mara batho ba gana hone ke mo ba mo hloyye ke mokane ba romela sekwata sa bayemedi gore ba ye naye ba segele ba hlaye gore, ‘Monna yewa a re mo nyake gore go be kgoši ya rune.’ 15 “O yye a šinya a sologa ka nthago ga go neyiwa matšhika ya bogoši, a bitsa malata yage yala ya gore o ma neyye tšheleta, gore a di bone gore ba šadiye ba yi berekisa byang. 16 Ke mokane wa mathomo a šutela, a re, ‘Morena, mina yago yi belegiye lesome la dimina.’ 17 A re gage, ‘O berekiye, ke wene lelata la gabutši! Ka taba la gore o tshepegiye ga dilo tse dinyana, lawola lesome la mitši.’ 18 Ke mokane gwa šutela wa bobedi, a re, ‘Mina yela yago Morena, yi belegiye sehlano sa dimina.’ 19 Le ga yenewa a re, ‘Le wene lawola sehlano sa mitši.’ 20 Mara gwa šutela ye mongwana, a re ‘Morena, mina yago ya gore ke mo ke yi wutegiye kobong ke yowa. 21 Wa tšiba, ke mo ke go tšhaba, ka taba la gore ke wene monna wa go garatsa; sa gore a wa se berekela o fo tseya, fote le ga gore a wa gaša o fo buna.’ 22 A re gage, ‘Ke go yahlola ka mantsu ya wene beng, lelata la pelo ye phifadu. Anthe ke mo o di tšiba gore ke nna monna wa go garatsa, ke tseya so ke sa se berekelang le gore ke buna ga gore a ke ya gaša? 23 Byalo ke ntaba o sa tšhela tšheleta yaka bhankeng? Ke mokane mo ke segela, ke mo ke nyoko yi kraya yi tswalele.’ 24 “Byalo a re ga bo ne ba yemme mone, ‘Mo yamogeneng mina yone le yi neyeneng yewa wa go ba le lesome la dimina.’ 25 Mara ba re gage, ‘Morena, mara o šele a na le lesome la dimina!’— 26 ‘Ke re ga lune, motho ye mongwana le ye mongwana wa gore o na le dilo, o nyoko neyiwa tse dingwana, mara motho wa aa na selo, o nyoko yamogiwa le tso a nang natso. 27 Byalo, leyaneng manaba yawa ho gaka, bala ba gore ne ba sa di nyake gore ke be kgoši, le ba bolayeneng ho mahlong gaka.’ ”
AUGUST 20-26
MAKOLWANE KA TENG GA LENTSU LA MODIMO | LUKA 21-22
“Go Phonisiwa ga Lune gwa Šutela”
(Luka 21:25) “Fote, go nyoko ba le mošupetso ku letšatšing, ngweding le dinaneding, fote mo lefaseng ditšhaba di nyoko kwa go baba di sa di tšibi gore di ka tšhabela kakaye ka taba la gore lewatle le ko ba le rasa fote le dhungheganne.
kr 226 ¶9
Mmušo wa Modimo wo Tlosa Manaba ya Wona
9 Tso di makegang ku sebakabakeng. Jeso o bolabodiye go sa le botala gore: “Letšatši le nyoko fifala, le ngwedi wo ka sa khanye, dinanedi di nyoko wa di tšwa legedimong.” Ka nnete ba go yeta dikereke mahlong ba ka sa tseyiwi go le bo ba ka neyang batho go khanya—ba ka sa sa tseyiwa ka mokgonone. Ayitsano Jeso ke mo a bolabola le ka dilo tsa gore a di hlayisege tso di šupetsang matšhika ya magolo ku sebakabakeng? Nakwenngwana. (Jes. 13:9-11; Juw 2:1, 30, 31) Batho ba nyoko maka byang mo ba di bona? Ba nyoko “šekela” ka taba la go ‘sa di tšibi gore ba ka tšhabela kakaye.’ (Luka 21:25; Zeph. 1:17) Eya, manaba ya Mmušo wa Modimo—go tlugisela ga ‘dikgoši go segela ga malata’—ba nyoko “yidibala ka taba la go tšhoga le ka taba la dilo tso ba yemeleng gore di segele” fote ba nyoko tšhaba ba nyakana le mo ba ka wutamang gona. Mara poleke ya gabutši ya go lekanela yo ba ka tšhabelang ga yona ba ka sa yi kraye mo ba kene ba tšhabelela Kgoši ya rune mo yi kene yi kwatiye.—Luka 21:26; 23:30; Kut. 6:15-17.
(Luka 21:26) Batho ba nyoko yidibala ka taba la go tšhoga le ka taba la dilo tso ba yemeleng gore di segele ho lefaseng, ka taba la gore tsa go ba le matšhika tsa legedimong di nyoko tekateka.
(Luka 21:27, 28) Ke mokane ba nyoko bona Morwayi wa motho a tla ka liru a na le matšhika fote a gadima ka matla. 28 Mara mo dilo tsowa di thomisa go makega, le yeme le wolologiye fote le yinamoloseneng dihlogo tsa lune, ka taba la gore go phonisiwa ga lune gwa šutela.”
w16.01 10-11 ¶17
Tikemiseleneng ‘go ya Mahlong le Nyakana ka Matla go Tshwana le Bana ba Motho”!
17 “Šišimalaneng ka matla.” (Bala Maheberu 13:6.) Re ba le lešiši mo ga Jehova re mo tshepa, le mo re ka fo ba re gahlana le mathatha ya mošaga mang. Lešiši lowa, le maka gore re thogo tseya dilo gabutši. Mo re nyakana ka matla tsa nkare ke rune bana ba motho, fote le dilo re di tseya gabutši, re nyoko tiyisa bo re leng nabo ga bodumedi ka byoši fote re nyoko ba kgomoletsa. (1 Mathes. 5:14, 15) Le mo lefase le nyoko ba le le senyameng ka nako ya motšhatšhamelo wo mogolo, re ko thogo ‘yema re wolologiye fote ra yinamolosa dihlogo tsa rune,’ re kene re di tšiba gore go phonisiwa ga rune gwa šutela.—Luka 21:25-28.
w15 7/15 17-18 ¶13
“Go Phonisiwa ga Lune gwa Šutela”!
13 Bo ba tshwanang le dipudi ba nyoko re king mo ba kwa gore ba nyoko “tlusiwa gwa napa go fela” ka bona? Di “nyoko šekela ka matla ka taba la go kwa go baba.” (Mat. 24:30) Mara bobhuti ba Kreste le banghana ba bona ba go tshepega ba nyoko maka byang ka nako yonone? Mo ba dumela ba felegelele ga Jehova Modimo le Morwayi wage, Jeso Kreste, ba nyoko theetsela tso di hlayang ke Jeso mo a re: “Mo dilo tsowa di thomisa go makega, le yeme le wolologiye fote le yinamolose dihlogo, ka taba la gore go phonisiwa ga rune gwa šutela.” (Luka 21:28) Eya, re nyoko tseya dilo gabutši, re kene re tshepa gore re nyoko phona.
Go Wunyulla tso di Wutammeng ka Baebeleng
(Luka 21:33) Legedimo le lefase di nyoko feta, mara mantsu yaka wona ma ka sa fete le ka gonyana.
nwtsty tso di fatisisiwweng ga Lu 21:33
Legedimo le lefase di nyoko feta: Mangwalo ya mangwana ma šupetsa gore go nyoko fo dula go na le legedimo le lefase. (Gen 9:16; Pis 104:5; Mmo 1:4) Byalo di ka fo šupetsa nkare mantsu ya Jeso mowa maa feteletsa, ma ka rela gore le mo go ka makega tsa gore a di kgonege, gwa fela ka lefase le legedimo ka nnete, tso Jeso a di hlayyeng di sa na di nyoko makega. (Bona le Mat 5:18.) Mara, legedimo le lefase mowa ga taba yowa ya Kut 21:1 ma ka fo ba ma rela “legedimo la botala le lefase la botala.”
mantsu yaka ma ka sa fete le ka gonyana: Kela “mantsu yaka ma ka sa felele ke mmereko.” Mantsu yawa ya Segerika ya ma berekisiwweng mowa ma napa ma šupetsa gabutši gore taba yone yi ka sa kgonege, ma šupetsa gore mantsu ya Jeso ma nyoko fo dula ma le gona.
(Luka 22:28-30) “Mara, ke lune ba gore ne le dula le mamarele ho gaka mo nkene ke phiriketsiwa; 29 fote ke maka senghana le lune, go fo tshwana le mo Papa a makiye senghana le nna, sa mmušo, 30 gore le thogo jela le boya le nwela tafoleng yaka ga Mmušo waka, le go boya le dula ditulong tsa go lawola gore le thogo yahlola 12 ya meloko ya Israyele.
w14 10/15 16-17 ¶15-16
Le Nyoko ba “Mmušo wa Maprista”
15 Mo Jeso a fetsa go thomisa go maka Selalelo sa Morena, o yye a maka senghana le bo ba mo latelelang ba go tshepega, ga go tlala sosone re re ke senghana sa Mmušo. (Bala Luka 22:28-30.) Senghana sowa sa gore Jeso o se makiye go le sage le bo ba mo latelelang ba gore ba tlotsiwwe a se tshwane le mehlobo ye mengwana ya senghana sa gore Jehova le yene wa kenelela gana hone. Mo a re, “ka mokgonola Papa a makiyeng senghana le nna,” di šupa nkare Jeso ke mo a bolabola senghana so Jehova a se makiyeng naye sa go ba “moprista wa go ya go yye ka mokgwa wa go tshwana le Melekizedeke.”—Maheb. 5:5, 6.
16 Mapostola yala 11 ya wona ya go tshepega ke mo ma fo dula ma na le Jeso le mo a tlela ke tsa go mo phika.’ Senghana sa Mmušo se makiye gore ba nape ba tshepa gore ba nyoko ba naye legedimong ke mokane ba dula ditulong tsa go lawola gore ba lawole go le dikgoši fote go le maprista. Mara, ke mo go ka sa be bala 11 ya bona fela ba go lawola naye. Jeso wa gore o gadimisiwwe o nyarele ka mmono ga Johane wa lepostola a re: “Wene wa go hlola ka mokana ga bona, ke nyoko mo lesetsa gore a dule le nna setulong sa go lawola, go fo tshwana le ka mokgo le nna ke hludiyeng le go lawola le Papa setulong sage sa go lawola.” (Kut. 3:21) Byalo, senghana sa Mmušo se maka ke 144 000 ya Makreste ya go tlotsiwa. (Kut. 5:9, 10; 7:4) Senghana sowa ke sona se makang gore ba tikwe gore ba ba dumelele ka molawo, go lawola le Jeso ku legedimong. Sowa se tshwana le kgareba yo yi tšwang ga mutši wa bogoši ya gore yi ka nyaka ke kgoši ya gore yi šele ya lawola, kgareba yone le yona ya kena mola ga tsa go lawola. Gabutšibutši, Mangwalo ma tshwanisa Makreste ya go tlotsiwa le “mosadi ye a nyadiwang” ke Kreste, “kgareba ya gore yi yediye” ya gore yi nyoko nyaka ke Kreste.—Kut. 19:7, 8; 21:9; 2 Ko. 11:2.
Go Bala Baebele
(Luka 22:35-53) A bolabola nabo a hlaya gore: “Nakwela ke le roma le sa tshwara dipatši tsa tšheleta le sekhafotini sa tsa go ja le dimphašane, le yye la gayela se sengwana nje?” Ke mokane ba re: “Awwa!” 36 Ke mokane a re ga bona: “Mara gana byalo, wa gore o na le sepatši sa tšheleta a se tseye, le wa gore o na le sekhafotini sa tsa go ja, fote motho wa gore lerumo aa nalo, a rekise kobo yage ya ka tawong ke mokane a le reke. 37 Ka taba la gore ke ya le botsa gore tso di ngwadiwweng di nyaka di makege ka nna, tsa gore, ‘O yye a badiwa le ba go sa latelele molawo.’ Ka taba la gore sowa se makega ka nna.” 38 Ke mokane ba re: “Morena, bona! marumo ka mabedi ke yawa.” A re ga bona: “Ma lukiye.” 39 Mo a tloga, a ya ga Thaba ya Dihlo ka mokgonola ne a tlwayele, ke mokane bo ba tšhutang gage ba mo latelela. 40 Mo a segela gana hone, a re ga bona: “Ariyeneng mahlong le kene le rapela gore le sa phikege.” 41 Ke mokane a tloga mone ga bona a ya thoko nyana ga gore go ka segela letlapa mo o le boša, a kgotama a thomisa go rapela, 42 a re: “Papa, mo nkare wa di nyaka, tlosa sego sowa ho gaka. Mara go sa makege tso di nyakang ke nna, go makege tso di nyakang ke wene.” 43 Ke mokane gwa nyarela morongwa wa go tšwa legedimong, ke mokane a mo neya matšhika. 44 Mara ke mo a kwa go baba ka matla a fo ya mahlong a rapela di mmaba ka matla, go bhahla gage gwa thothela mo fase go tshwana le madi. 45 Mo a tlogamela ka nthago ga go rapela, a ya ga bo ba tšhutang gage, a ba kraya ba yetsele ba tinwisiye ke go šekela. 46 A re ga bona: “Ke ntaba le yetsele? Tsoganeng le ye mahlong le kene le rapela, gore le sa kene ga tsa go le phika.” 47 Mo a sa bolabola, bona! gwa nyarela mogoba wa gore ke mo o sepela le monna ye ba reng ke Judase, ye mongwana wa bala 12 ya bona, ke mo a ba yetiye mahlong, a segela a khisa Jeso. 48 Mara Jeso a re gage: “Judase, ayitsano o sepela Morwayi wa motho ka fase ka go mo khisa?” 49 Bo ne ba le thina naye mo ba bona gore go nyoko makega ying, ba re: “Morena, re teye ka lerumo?” 50 Ye mongwana a šinya a boša lelata la moprista ye mogolo ka lona, a le kopa tsebe ya la go ja. 51 Mara Jeso a fetola a re: “Lesetsaneng.” Ke mokane a tikisa tsebe yela a mo yalafa. 52 Jeso a re ga maprista ya magolo le dindhuna tsa tempeleng le ba bagolo ba gore ba tl’le mo tshwareng: “Ayitsano marumo yawa le mapara le tlile le ma tshwere ka mokgonowa nkare le latiye sekgohlane? 53 Nakwela ke na le lune ku tempeleng ka moka matšatši, ke ntaba le sa ntshwara. Mara yowa ke nako ya lune fote go nyoko nyarela letshwifi.”
AUGUST 27–SEPTEMBER 2
MAKOLWANE KA TENG GA LENTSU LA MODIMO | LUKA 23-24
“Tikemisele go Tshwarela ba Bangwana”
(Luka 23:34) Mara Jeso ne a re: “Papa, ba tshwarele, ka taba la gore a ba tšibi so ba se makang.” Ke mokane, ba teya madhayisi gore ba thogo pomelana dikobo tsage.
cl 297 ¶16
“Go Tšiba go Rata ga Kreste”
16 Jeso o šupetsiye gabutši lerato la Papage ka tsela ye nngwana ye kgolo ka matla—ke mo a “tikemisele go tshwarela.” (Pisalema 86:5) Tsotsone di napiye di bonala gabutši le nakwela a le ku phateng ya mohlopego. Mo Jeso a kene a bolayiwa go baba ka mokgonone, dipikiri di kenelele matsogong le mawotong yage, o yye a bolabola ka ying? Ayitsano o yye a yahlamela Jehova a re a wotle bo ba mo hlopegisang? Aa maka tsotsone, mantsu ya mangwana ya a ma bolabodiyeng mafelelong ke mo go le ya gore: “Papa, ba tshwarele, ka taba la gore a ba tšibi so ba se makang.”—Luka 23:34.
(Luka 23:43) Ke mokane a re gage: “Ka nnete ke go botsa lekgono lowa ke re, o nyoko ba le nna Pharadeyising.”
g 2/08 11 ¶5-6
Nje Modimo wa Tshwarelana mo Motho a Sinnye ka Matla?
Jehova aa fo lebelela gore motho o sinnye, o lebelela le gore motho yene a sinnyeng o tikwa byang ka tso a di makiyeng. (Jesaya 1:16-19) Tla re fo nagana ka banna bala ka babedi ba go maka tsa go befa bo ne ba le ka nthoko ga Jeso. Ka babedi ga bona ke mo ba makiye bokgohlane bya go tshosa, ye mongwana ga bona o šinnye a dumela gore: “Re kraya patela ya go felegelela ya dilo tso re di makiyeng; mara monna yewa [Jeso] aa sinya selo le ka gonyana.” Di šupetsa gore sekgohlane sowa ke mo se kwelele tse dingwana ka Jeso. Fote go tšiba tsotsone di šupa go makiye gore a tšhentšhe maphelelo yage. Sosone se šupetsiye ke tso a yyeng a di bolabola, gana byalo ke mo a kgopela Jeso a re: “O n’gopole barena mo o kena mmušong wago.” Kreste o mo fetodiye byang ga monna yene wa gore ne a bolabola di mmaba? O yitseri: “Ka nnete ke go botsa lekgono lowa ke re, o nyoko ba le nna Pharadeyising.”—Luka 23:41-43.
Nagana ka taba yone: Mantsu ya Jeso ya mafelelo mo a sa na le mmele wa nama ne ma šupetsa gore ne a mo kwela go baba ga monna yela wa go yamogela gore o tshwanela ke likgu. Taba yone yi tiyisana ka matla! Byalo, re ka dumela gore Jeso Kreste le Papage, Jehova, ba nyoko ba kwela go baba batho ka mokana ga bona ba gore baa tisola tsa mannete, a di na taba gore ba makiye ying ku botala.—Maroma 4:7.
(Luka 24:34) ba gore ba yitseri: “Ka nnete Morena o tsusiwwe, fote o nyarele ga Simone!”
cl 297-298 ¶17-18
“Go Tšiba go Rata ga Kreste”
17 Nakwenngwana mohlobo wa tshwarelo ya go tikisa pelo ya Jeso ke nakwela a maka tsotsone ga Petro wa lepostola. Re ya di tšiba tsa gore Petro ke mo a mo nyaka ka matla ga Jeso. Ka Nisani 14, ya gore ne go le bošego bya mafelelo bya Jeso, Petro o yitseri gage: “Morena, ke tikemisele go ya nago jele fote nka kgwa nago.” Mara go soko ya kaye, Petro ke mo a šele a phigiye gararo a re yene ga Jeso aa mo tšibi! Baebele yi re botsa gore go makegiye ying Petro a mo phiga la boraro, yi re: “Morena a sokologa, a lebelela Petro.” Petro o yye a kwa go baba ka matla ka taba la gore ke mo a roba ke tso a di makiyeng, “a ya ka tawong, a lla ka sethakga.” Ka nthagonyana ga letšatši lolone mo Jeso a kgwa, di ka makega gore Petro ke mo a kene a tiputsisa gore, ‘Nje Morena o ntshwarele?’—Luka 22:33, 61, 62.
18 Petro aa yema nako ya go lefa gore a kraye phetolo. Jeso o tsusiwwe ka bošego ka Nisani 16, fote di šupa nkare ka letšatši lolone, o yye a vakašela Petro. (Luka 24:34; 1 Makorente 15:4-8) Ke ntaba Jeso a yye a napa a hlopega ka matla ka lepostola lowa la gore le mo phigiye le sa thogathoge? Jeso ke mo a di tšiba gore Petro o tisodiye, byalo di ka makega gore ke mo a nyaka gore a di bone gore Morena yewa wage o sa mo nyaka ka matla fote o mo tseyela gedimo. Mara Jeso o makiye le tsa go feta tsotsone gore a thogo mo tiyisa ga Petro.
Go Wunyulla tso di Wutammeng ka Baebeleng
(Luka 23:31) Mo ba maka dilo tsone mo mohlare o tematema, byalo mo wo womelele gona ba nyoko maka ying?”
nwtsty tso di fatisisiwweng ga Lu 23:31
mo mohlare wo tematema, . . . mo wo womelele gona: Di šupa nkare Jeso ke mo a bolabola ka setšhaba sa Majuda. Ke mo se tshwana le mohlare wa gore o šele o le thina le go kgwa mara wo sa tematema, ka taba la gore Jeso ke mo a sa le gona, fote ke mo go sa na le Majuda ya gore ne ma dumela gage. Mara, Jeso ke mo a le thina le go bolayiwa, fote Majuda ya go tshepega ne ma nyoko tlotsiwa ka moya wa go hlawolega, ke mokane ma wela ga Maisrayele ya moya. (Rom 2:28, 29; Gal 6:16) Ka nako yonone, setšhaba sa mannete sa Israyele ne se ka sa sa ba le senghana le Modimo, se tshwana le mohlare wa go womelela.—Mat 21:43.
(Luka 23:33) Byalo mo ba segela ga poleke yo ba reng ke Bokakara, ba mo kokotela phateng, nthoko gage go na le dikgohlane ka dipedi, se sengwana se le ga letsogo lage la go ja, se sengwana se le ga la sepata.
nwtsty tso di fatisisiwweng
Sepikiri Lešapong la Serethe
Sowa ke senepe sa lešapo la serethe la gore le na le sepikiri sa gore se lefiye ka 11.5 ya disenthimitha (4.5 ya diintši). Ba se yepolliye ka 1968, nakwela ba kene ba yepa ku lebowa la Jerusalema, fote se šupa nkare ke sa dinako tsela tsa Roma ya botala. Se napa se šupetsa gore ke nnete gore dipikiri ne di berekisiwa mo ba kokotela batho phateng. Sepikiri sowa se ka fo ba se tshwana le so masole ya Roma ma kokoteleng Jeso Kreste ka sona ku phateng. Se krayiwwe ka teng ga lebhokisi la letlapa lo ba reng ke lebitla, mo ne ba tšhela mašapo ya go woma ya batho ba gore ba hlokofele, mo nama yi šele yi bodiye. Sowa se šupetsa gore mo motho a fetsa go bolayiwa ne ba mo yisa dilahlong.
Go Bala Baebele
(Luka 23:1-16) Byalo ba go tlala ba tlogamela, ka mokana ga bona ba ya naye ga Pilato. 2 Ke mokane ba thomisa go mmolabolela matsaka ba re: “Re krayye monna yewa a dhunghanya setšhaba sa rune, a re ba sa patele methelo ga Kesara, a re ke yene Kreste, kgoši.” 3 Ke mokane Pilato a mmutsisa a re: “Ke wene kgoši ya Majuda?” Mo a fetola a re: “Go bolabola wene beng.” 4 Ke mokane Pilato a botsa maprista ya magolo le megoba a re: “Monna yewa aa maka selo sa bokgohlane.” 5 Mara ba fo ya mahlong ka tšhinghi ba re: “O dhunghanya batho a ba tšhutisa Judea ka mokana ga yona, a thomisa Galeliya go segela gana howa.” 6 Mo Pilato a kwa tsotsone, a butsisa gore monna yewa ke Legaleliya naa. 7 Mo a šele a di bonne gore o ka tlase ga Heroda, a mo yisa ga Heroda, wa gore ka dinako tsotsone ne a le ku Jerusalema. 8 Mo Heroda a bona Jeso, a jabola ka matla. Ka taba la gore ke botala ka matla a nyaka go bona Jeso, ke mo a maka ke gore o kwelele tsa go tlala ka yene, fote ne a nabela go bona a maka mošupetso. 9 Byalo a thomisa go mmutsisa dilo tsa go tlala, mara a sa mo fetole. 10 Mara maprista ya magolo le bamangwalo ba fo yema gana hone ba kene ba fo ya mahlong ba mmolabolela matsaka. 11 Ke mokane Heroda le masole yage ba mo maka lešidi, ke mokane a mo tewola ka go mo yapesa kobo ya go bafala, a mmusetsa ga Pilato. 12 Heroda le Pilato ba napa ba ba banghana go tlogisela ka letšatši lone, ka taba la gore mo go soko segela nako yone ke mo ba hloyananne. 13 Pilato a bitsa maprista ya magolo, ba go lawola le batho ba bangwana 14 a re ga bona: “Le leyye monna yewa ho le re o dhunghanya batho. Mara bonaneng! Ke mo hlodiye le kene le lebelele mara mo ga monna yewa a ka kraya go na le tso di yelanang le so le hlayang gore o se makiye. 15 Gabutšibutši, le Heroda aa kraya selo, o šinnye a mmuyisa ho ga rune, byalo bonaneng! aa maka selo sa go šinya se nyaka gore a bolayiwe. 16 Ke nyoko fo mo teya ke mokane ka mo lesetsa gore a sepele.”