Ditodi Tsa Sepukwane sa Mogahlano wa Maphelelo le Matšhomayelelo
NOVEMBER 4-10
MAKOLWANE KA TENG GA LENTSU LA MODIMO PISALEMA 105
“Kwano yo a yi Makiyeng o yi Gopola go ya go Yye”
Jehova o re Tshepisiye Lefase la Nyuwane—Re ka Tiyisa Tumelo ya Rune Byang?
11 Lebelela tse dingwana tsa dilo tso Jehova a di tshepisiyeng batho ba ku botala tsa gore ne di šupetsa nkare di ka sa kgonege. O butsiye Abhrahama le Sara gore ba nyoko ba le morwayi le mo ba šele ba tsofele. (Gen. 17:15-17) A boya a botsa Abhrahama gore ditlogolwane tsage di ko kraya naga ya Kanana. Nakwela ditlogolwane tsa Abhrahama go leng Maisrayele, di le mabhantiti mengwaga ya go tlala ku Egepita, ke mo di ka fo bonala nkare tso ba di tshepisiyeng tsona ne di ka sa makege. Mara di makegiye. Ka nthagonyana, Jehova o hlayye gore Elizabheta o nyoko ba le ngwana le mo a kene a tsofele. Fote a botsa le Mariya, wa gore ne go sa le kgareba, gore o nyoko belega Morwayi wage fote tsotsone ne di nyoko maka gore tso Jehova a di tshepisiyeng dikitikiti tsa mengwaga ku tšhomong ya Edeni di makege!—Gen. 3:15.
12 Re tiyisa tumelo ya rune ga taba ya gore Jehova o na le matšhika ya go leya lefase la nyuwane ka go nagana ka tso a di tshepisiyeng a boya a di maka. (Bala Jošuwa 23:14; Jesaya 55:10, 11.) Tsotsone di maka gore re dule re tilukiselele go gelepa ba bangwana gore ba thogo bona gore lefase la nyuwane lo ba re tshepisiyeng a yi fo ba moloro kela setori. Jehova o hlayye ka boyene ka taba ya magedimo ya nyuwane le lefase la nyuwane, mo a re: “Ke nnete fote di ya tshepega.”—Kut. 21:1, 5.
it-2-E 1201 ¶2
Lentsu
Tso Modimo a di makiyeng, tsa gore di ya phela le tsa go sa phele, ke tso Lentsu la Modimo le bolabolang ka tsona, fote a ka di berekisa gore a segelele tso a di nyakang. (Pis 103:20; 148:8) Re ka le tshepa Lentsu lage; Modimo aa lebale go maka tso a di tshepisiyeng. (Dot 9:5; Pis 105:42-45) Go fo ya ka mokgo a hlayyeng, lentsu lage “le nyoko ba gona go ya go yye”; le ka sa boyele gage le sa maka tso a nyoko di segelelang.—Jes 40:8; 55:10, 11; 1Pe 1:25.
Tso di Wutammeng ka Bhayibeleng
w86-E 11/1 19 ¶15
Bo ba Gore ba sa Gola—Tso o ka di Makang ga Mutši wa Gore ke Selo ka Ssoši wa Gore Fote wo Jabodiye
15 “Ba mo [Josefa] tlemme mawoto ka diketane, ba mo tlema molala ka ditshipi; go segela go makega tso Modimo a di hlayyeng, tso Jehova a di hlayyeng di mo yedisiye.” (Pisalema 105:17-19) Go fediye 13 ya mengwaga Josefa a le lebhantiti fote a le jele go segela go makega tso Jehova a di tshepisiyeng. O yye a yedisiwa ka taba la tso di mo makegeleng. Le mo nkare Jehova aa re leyele mathatha, o ma dumelele gore ma makege. Ayitsano Josefa ne a ka šupetsa gore o tshepele ga “tso Jehova a di hlayang” le mo lephelo lage le gakga? Ayitsano ne a nyoko napa a tšibega ka tsa gabutši ke mokane a šupetsa gore o lefisiye pelo, o tinyanafatsiye, o tiyelele ga tso tsa Modimo a boya a maka mmereko wa go thathafa? Gabutšibutši, Josefa ne a tshwana le gholdi ya gore ba yi yedisiye mollong—a yediye fote a jabodisa Modimo ka matla, ka nthago Modimo a mmerekisa go segelela tse dingwana.—Genesi 41:14, 38-41, 46; 42:6, 9.
NOVEMBER 11-17
MAKOLWANE KA TENG GA LENTSU LA MODIMO PISALEMA 106
“Ba Lebele Modimo ye a ba Phonisiyeng”
“Ke Mang wa Gore o Yema le Jehova?”
13 Maisrayele ma tshusiye ke liru la gore le tlemme, legadima, le mešupetso ya go tshosa ya go tšwa ga Modimo. Moše o dumele gore a ba bolabolele le Jehova ku Thabeng ya Sinayi mo ba mo kgopela. (Ek. 20:18-21) Moše o fetsiye nako ya go lefa a le gedimo ga thaba. Ayitsano Maisrayele ne ma yemme dihlogo ku mašahleng ka taba la gore ne ma se na wa go ba yeta mahlong wa gore ba ka mo tshepa? Di šupetsa go le ka mokgonone, tumelo ya batho bowa ne yi tisamele ka matla ga taba ya gore ne ba kgona go bona Moše. Ba yye ba thomisa go šekela ke mokane ba botsa Aroni gore: “Re makele modimo ya gore o nyoko re yeta mahlong, ka taba la gore a re di tšibe gore ye bareng ke Moše o makegele king, yene ya gore o re ntshiye nageng ya Egepita.”—Ek. 32:1, 2.
Tso di Wutammeng ka Bhayibeleng
w06-SE 7/15 13 ¶9
Tso re di Tšhutang ga Puku ya Kararo le ya Kanne ya Dipisalema
106:36, 37. Ditemanyana tsowa di hlaya gore go rapela medimo ya dithombhe go sipidisana le go makela madimona dihlabelo. Tsowa di šupetsa gore motho wa go rapela medimo ya dithombhe a ka fo kutšetsela ke madimona. Bhayibele yi re: “Le tipasopeneng ga medimo ya dithombhe.”—1 Johane 5:21.
NOVEMBER 18-24
MAKOLWANE KA TENG GA LENTSU LA MODIMO PISALEMA 107-108
“Leboga Jehova, ka Taba la Gore o Lukiye”
w07-SE 4/15 20 ¶2
Phutego yi Thanake Jehova
2 Phutego a yi fo ba mogoba wa batho ba gore ba fo gahlana nje. A yi fo ba batho ba gore ba gahlana ga poleke yo ba dulang ga yona kela mogoba wa batho ba gore go na le tso ba tshwanang ka tsona kela tso ba kwanang ka tsona ga tsa mekgano kela tse dingwana tsa go fokatsa ka tsona. Mara, phutego ke ya go gelepa batho gore ba thogo thanaka Jehova Modimo. Ke botala go le ka mokgonone, go fo ya ka mokgo puku ya Dipisalema yi šihlelang taba yowa. Ga Pisalema 35:18, re bala gore: “Ke nyoko go thanaka ke le ga phutego ye kgolo; ke nyoko go thanaka ke le gare ga batho ba go tlala.” Fote, Pisalema 107:31, 32 yi re hlohletsela ka gore: “Batho ba leboge Jehova ka gore o nyakanana ka matla le ka taba la gore o makela barwayi ba batho dilo tsa gabutši. Fote ba mo thanake gare ga mogoba wa batho.”
w15-SE 1/15 9 ¶4
Leboganeng Jehova ke Mokane le Nyoko Rufega
4 Mo nkare re nyaka go ba le dipelo tsa go leboga, di nyaka re ghayele re boye re leboge tso Jehova a re rufang ka tsona ke mokane re nagane ka tso a di makang go šupetsa gore wa nyakanana. Mo mopisalema a maka ka mokgonone, o makatsiye ke dilo tsa go tlala tsa gabutši tsa gore Jehova o di makiye.—Bala Pisalema 40:5; 107:43.
Tso di Wutammeng ka Bhayibeleng
it-2-E 420 ¶4
Mowaba
Ka nthago, mo Dafita a lawola go le kgoši, Israyele le Mowaba ke mo di sa kwane. Mamowaba ba yye ba ma hlula ke mokane ba ma maka gore ma patele mothelo ga Dafita. Di ka fo makega gore ka nthago ga go sa kwane howa, megoba ka mmedi ya banna ba Mowaba ba gore ne ba ya ntweng ba yye ba ba bolaya. Di šupetsa nkare Dafita o makiye gore ba patlame mo fase ba makiye layini ke mokane a meta layini yone gore a thogo bona gore megoba ka mmedi ya gore o nyoko yi bolaya yi segela kaye le go meta mogoba ka wwoši wa gore wo nyoko šala wo phela. (2Sa 8:2, 11, 12; 1Kr 18:2, 11) Di ka fo makega gore mo ba kene ba sa kwane, Bhenaya morwayi wa Jehoyada “o bolayye barwayi ka babedi ba Ariyele wa go tšwa Mowaba.” (2Sa 23:20; 1Kr 11:22) Mo Dafita a hlula Mamowaba, ke mo go makega seporofeto sa gore Bhiliyamo o se hlayye go soko segela mengwaga ya go teya ka ku ga 400, hala a re: “Nanedi yi nyoko nyarela ga Jakobo, fote thoka yi nyoko tšwa Israyele. Fote ka nnete o nyoko pshayanya ditempele tsa Mowaba mo mopong ke mokane a pshayanya bokakara bya barwayi ba go kwana le go lwa.” (Dip 24:17) Fote di ka fo makega gore ga taba yowa ya go hlula, mopisalema o bolabodiye ka Modimo gore Mowaba ke ‘poto ya go hlatswela ga yona.’—Pis 60:8; 108:9.
NOVEMBER 25–DECEMBER 1
MAKOLWANE KA TENG GA LENTSU LA MODIMO PISALEMA 109-112
Yemaneng le Jeso wa Gore ke Kgoši!
w06-SE 9/1 13 ¶6
Tso re di Tšhutang ga Puku ya Kapheta ya Dipisalema
110:1, 2—King so “Morena [wa Dafita],” Jeso Kreste, a se makiyeng mo a duli ka letsogong la go ja la Modimo? Ka nthago ga gore a tsusiwe, Jeso o yinugele legedimong ke mokane a fo tšwa a yemme a le ka letsogong la go ja la Modimo go segela ka 1914 gore a thomise go lawola go le Kgoši. Ka nako yonone, Jeso ke mo a lawola malata yage ya gore ma tlotsiwwe, a ma yetetsa ga mmereko wa go tšhomayela le go maka malata, le go ma lukiselela gore ma lawole naye Mmušong wage.—Matewu 24:14; 28:18-20; Luka 22:28-30.
w00-SE 4/1 18 ¶3
Bo ba go Lwa le Modimo ba ka sa Phomelele!
3 Go tlugisela ka lekgolo la bo 20 ya mengwaga, batho ba Jehova ne ba kene ba hlasediwa. Ga dinaga tsa go tlala, batho ba dipelo tse diphifadu ne ba nyaka gore taba ya go sabalatsa ditaba tsa go bafala tsa Mmušo wa Modimo yi sa makege—eya, ne ba nyaka gore go šale go f’lo re tsee! Ba hlohletsela ke Lenaba la rune le legolo, Diyabolo, wa gore “o yinghayingha go tshwana le tawu ya go bopa, o nyaka go kgwisa ye mongwana.” (1 Petro 5:8) Ka nthago ga gore “nako yo yi beyiwweng ya ditšhaba” yi fele ka 1914, Modimo o makiye gore Morwayi wage go be Kgoši ya nyuwane ya lefase, a mmotsa gore: “Ariye mahlong o hlula o le gare ga manaba yago.” (Luka 21:24; Pisalema 110:2) Mo a šele a berekisa matšhika yage, Kreste o yye a thomisa ka go raka Sathane legedimong ke mokane a maka gore a fo kgona go phela mo lefaseng. Ka taba la gore wa di tšiba gore o šalele ke nako ye nyana, Diyabolo o kgotolela go kwata gage ga Makreste ya gore ma tlotsiwwe le bo ma berekang nabo. (Kutullo 12:9, 17) Bo ba gore ba lwa le Modimo ba segelele ying mo ba dula ba hlasela batho bage?
be-SE 76 ¶2
Thogathoga—Šupetsa Gore wa Gola
Taba ya gore re berekise tso re neyiwweng tsona yi bereka le ga taba ya go sa fo phuta matsogo. Ayitsano o maka se sengwana gore o bereke le ba bangwana tšhomong? Nje o liketsa go gelepa bo ba gore a yi botala ba segele phutegong, ba gore ba sa gola kela ba gore ba tsofele mo go thulega lešuba? Ayitsano o yedisa Holo ya Mmušo o sa tšhofe ke motho, wa boya wa gelepa ga megahlano ye megolo le ye megolonyana? Ayitsano o ka fela o ba mošupatsela wa go gelepa? Ayitsano o ka kgona go ba mošupatsela wa nako ka moka kela wa gelepa ga phutego ya gore yi gayela batšhomayedi? Mo nkare o mogageru wa monna, ayitsano o karakara gore o thogo ba lelata kela mogolo? Mo o nyaka go gelepa fote o maka tso ba go neyang tsona, tsotsone di šupetsa gore wa gola.—Pis. 110:3.
Tso di Wutammeng ka Bhayibeleng
it-1-E 524 ¶2
Kwano
Kwano ya go ba Moprista go Tshwana le Melekitsedeke. Kwano yo go bolabodiwang ka yona ga Pisalema 110:4, le tso di ngwadiwweng ga puku ya Bhayibele ya Maheberu di rela Jeso ga Maheberu 7:1-3, 15-17. Ke kwano ya gore yi makiye ke Jehova le Jeso ba le ntoši. Di šupetsa Jeso a bolabodiye ka yona hala a maka kwano ya mmušo le malata yage. (Lu 22:29) Jeso Kreste, yene Morwayi wa magedimong wa Modimo, o nyoko ba moprista go tshwana le Melekitsedeke go fo ya ka mokgo Jehova a tshepisiyeng ka gona. Melekitsedeke ke mo go le kgoši le moprista wa Modimo mo lefaseng. Jeso Kreste o nyoko ba Kgoši le Moprista ye Mogolo, a ka sa make tsotsone mo lefaseng, mara ku legedimong. Ba mo neyye mmereko wowa ka nthago ga gore a yinugele legedimong. (Heb 6:20; 7:26, 28; 8:1) Kwano yowa yi nyoko ba gona go ya go yye, ka gore Jeso o nyoko maka dilo go le Kgoši le Moprista ye Mogolo go ya go yye a kene a yetetsa ke Jehova.—Heb 7:3.
DECEMBER 2-8
MAKOLWANE KA TENG GA LENTSU LA MODIMO PISALEMA 113-118
Mara ga Jehova re Nyoko mo Patela ka Ying?
w01-SE 1/1 11 ¶13
Yetetsa ke go Nyakanana
13 Ga tso Jeso a di hlayyeng, di fo ba lekgwaying gore selo sa mathomothomo sa gore di nyaka re se make ke go šupetsa gore ga Jehova re mo nyaka ka matla. Mara, a re ya belegiwa re kgona go šupetsa gore ga Jehova re mo nyaka ka matla. Ke selo sa gore di nyaka re karakara gore re thogo se segelela. Nakwela re thomisa go kwa ka yene, tso re di kwileng di re makiye gore re kwane naye. Ka gonyana ka gonyana, re tšhutiye gore lefase o le makiye byang gore batho ba thogo dula ga lona. (Genesi 2:5-23) Re tšhutiye gore o berekisanne le batho ka mokgo mang, a sa re lahle hala tso tsa go sinya di tlala mo lefaseng, mara a maka se sengwana gore a thogo re lepolla. (Genesi 3:1-5, 15) O šupetsiye gore wa kwelana hala a berekisana le bo ba go tshepega, ke mokane a neyela ka Morwayi wage wa gore o fo ba a ntoši gore re thogo tshwarediwa tso re di sinnyeng. (Johane 3:16, 36) Go tšiba tsa go tlala go re makiye gore re nyake go leboga Jehova ka matla. (Jesaya 25:1) Kgoši Dafita o hlayye gore ga Jehova o mo nyaka ka matla ka taba la gore Modimo o pasopana ka matla. (Pisalema 116:1-9) Lekgono, Jehova wa re gelepa, wa re yetetsa, wa re tiyisa, fote o maka gore re sa lahle tewu. Re nyoko mo nyaka ka matla mo re kene re tšhuta ka yene.—Pisalema 31:23; Zefaniya 3:17; Maroma 8:28.
w09-SE 7/15 29 ¶4-5
Yamogela o Kene o Šupetsa Gore wa Leboga—Neyana ka Pelo Yago ka Mokana ga Yona
Mopisalema o butsisiye gore: “Jehova ke nyoko mo patela ka ying ka taba la dilo ka mokana ga tsona tso a mmakeleng?” (Pis. 116:12) King tso a di krayyeng? Jehova o mo pasopiye ka nako ya “tsa go sasamela le mo a kgongwele.” Go tokegela gana hone, Jehova ke mo a “mo phonisiye ga likgu.” Gana byalo ke mo a nyaka mokgwa wa go “patela” Jehova. Mopisalema ne a ka maka ying mara? O yitseri: “Ke nyoko patela Jehova tso ke mo tshepisiyeng tsona.” (Pis. 116:3, 4, 8, 10-14) O fetsiye ka gore a make dilo ka mokana ga tsona tso a di tshepisiyeng Jehova.
Le wene o ka maka ka mokgonone. Byang mara? Ka go dula o maka dilo tsa gore di sipidisana le melawo le ditšhiko tsa go tšwa ga Modimo. Nka taba lo di nyakang o maka gore go rapela Jehova go be selo sa gore o se tseyela gedimo ka matla lephelong lago, ke mokane o lisetse moya wa Modimo wo go yetetse ga dilo ka mokana ga tsona tso o di makang. (Mmo. 12:13; Gal. 5:16-18) Gabutšibutši o ka sa kgone go napa o patela Jehova ka taba la dilo tso a go makeleng tsona. Mara di sa na di ‘maka pelo ya Jehova gore yi jabole’ mo a di bona gore o mo makela mmereko ka pelo yago ka mokana ga yona. (Diy. 27:11) Ke selo se segolo ka matla go jabodisa Jehova ka mokgwa wowa!
Tso re ka di Tšhutang ga Puku ya Lefitiko
9 Sa bobedi: Go leboga Jehova go re tšhofa gore re mmerekele. Mo re kene re bolabola ka taba yowa, re ko tšhuta se sengwana ga dihlabelo tsa go hlekediwa tso ke mo di makiwa ke Maisrayele. Ga puku ya Lefitiko, re thogo di bona gabutši gore Leisrayele ke mo le ka yisa sehlabelo sa go hlekediwa ‘go šupetsa gore le ya leboga.’ (Lef. 7:11-13, 16-18) Mo le maka sehlabelo sone, ke mo le sa makele moyano, mara ke mo le se maka ka taba la gore le ro di nyaka. Mo Leisrayele le maka sehlabelo sone, ke mo le šupa gore ga Jehova Modimo le mo nyaka ka matla. Ye a makang sehlabelo, ba mutši wage le maprista ke mo ba ja nama ya phoolwane yo go makiwweng sehlabelo ka yona. Mara dilo tse dingwana ga phoolwane yone ke mo di neyiwa Jehova a ntoši. Ke difeng dilo tsa gona?
10 Sa boraro: Re kwa re nabela go neya Jehova so re ka se kgonang ka taba la gore re mo nyaka ka matla. Jehova ke mo a tseyela makgura ya phoolwane gedimo ka matla. O yye a yi beya lekgwaying taba yo ya gore dipshiyo le tse dingwana o di tseyela gedimo ka matla. (Bala Lefitiko 3:6, 12, 14-16.) Byalo Jehova ke mo a jabola ka matla mo Leisrayele le mo neya makgura le dilo tse dingwana tso a di tseyelang gedimo le sa tšhofe ke motho. Leisrayele lo le makiyeng sehlabelo sone ke mo le šupetsa gore le nyaka go neya Modimo so le se kgonang. Nka mokgo Jeso a makiyeng dilo ka gona, ka taba la gore ke mo a nyaka Jehova ka matla, o yye a mo neya so a ka se kgonang, a mmerekela ka go felegelela a sa tšhofe ke motho. (Joh. 14:31) Jeso ke mo a jabodisa ke go maka tso Modimo a di nyakang, ke mo a kwana ka matla le melawo ya Modimo. (Pis. 40:8) Jehova ke mo a jabodiye ka matla, mo a bona Jeso a mmerekela ka go di nyaka!
11 Go fo tshwana le dihlabelo tsa go hlekediwa, mo re berekela Jehova ka go di nyaka re šupetsa gore re tikwa byang ka yene. Re neya Jehova so re ka se kgonang ka taba la gore re mo nyaka ka matla. Jehova o jabola ka matla mo a bona dimiliyoni tsa bo ba mo rapelang ka go di nyaka ba mmerekela ka taba la gore ba mo nyaka ka matla, fote ba kwana ka matla le melawo yage! Di ya re tiyisa go tšiba gore Jehova o bona tso re di makang, le gore ke ntaba re di maka. Mo re beyisa, mo nkare se o tsofele fote a o sa kgona go berekela Jehova ka mokgo o nyakang, tšiba gore Jehova wa kwisisa. O ka fo kwa nkare o maka ka go nyana, mara Jehova o kgona go bona ka ku tengteng gago gore o maka so o kgonang go se maka. Yene o yamogela so o kgonang go se maka fote wa se jabolela.
Tso di Wutammeng ka Bhayibeleng
w12-SE 5/15 22 ¶1-2
Diputsiso Tsa bo ba Šeleng ba Badiye
Mopisalema ba mo hlohletsele gore a yepelele gore: “Bo ba gore ba hlokofala ba kene ba tshepega, Jehova o ba tseyela gedimo ka matla.” (Pis. 116:15) Jehova o tseyela gedimo ka matla ye mongwana le ye mongwana wa gore o mo rapela tsa mannete. Mara, tso di ngwadiwweng ga Pisalema 116 di feta kgole taba ya go fo re ye mongwana o hlokofele.
Mo go beyiwa polabolo ya likgu la Mokreste, a di gabutši go hlaya gore Pisalema 116:15 yi rela ye wa gore o hlokofele, le mo nkare mo a hlokofala ne go le lelata la Jehova la go tshepega. Ke ntaba? Ka taba la gore tso di hlayyeng ke mopisalema di bolabolela taba ye nngwana ye kgolo. Di rela gore Modimo o tseya likgu la batho bage ka mokana ga bona ba go tshepega le mo turela ka matla tsa gore a ka sa fo lisetsa a sa make selo.—Lebelela Pisalema 72:14; 116:8.
DECEMBER 9-15
MAKOLWANE KA TENG GA LENTSU LA MODIMO PISALEMA 119:1-56
“Mosogana a ka Maka Byang Gore Tso a di Makang di Dule di Yediye?”
w87-E 11/1 18 ¶10
Ayitsano o Dula o Yediye ga Dilo ka Mokana ga Tsona?
10 Ga Maefeso 5:5 Pawulo o pasopisiye ka gore: “Ka gore le ya di tšiba fote le ya di kwisisa gore mo motho a maka bonghwahla kela a sa yela kela a na le dipawo, tsotsone di rela gore o rapela medimo ya dithombhe fote a ka sa kene Mmušong wa Kreste le wa Modimo.” Mara, dikete tsa batho baa kgalemediwa kela ba ntshiwa ka phutegong ka taba la bonghwahla—‘ba sinyela mmele wa bona.’ (1 Makorente 6:18) Ga go tlala, nka taba la go sa “duli ba ntshiye maahlo dikwakweng go fo ya ka lentsu [la Modimo].” (Pisalema 119:9) Mo re beyisa, magageru ya go tlala maa šepisa ka dinako tsa mo ma vakaša. Ma nghanelana le batho ba gore a yi Makreste gana mone ma vakašiyeng gona, fote a ma make tsa gore di ma gelepa gore ma tlalele ga tso tsa Modimo. Makreste ya mangwana ma makiye tse dingwana tsa gore di šiya motho le diputsiso ka taba la gore ma hlaya gore ‘batho bowa baa jabodisa watšiba.’ Fote ba bangwana ba tlwayelanne ka matla le bo ba berekang nabo. Mogolo ye mongwana wa Mokreste ke mo a tlwayelanne ka matla le mosadi ye ne a bereka naye a šinya a lisetsa mutši wage a ye dula le mosadi yene! O yye a tlusiwa ka phutegong. Bhayibeleng ya korola mo yi hlaya gore, “Mo motho a nghanelana le batho ba go maka tsa go befa, o nyoko fokoga”!—1 Makorente 15:33.
w06-SE 6/15 25 ¶1
“Ke Kwana ka Matla le Tso o re Gopotsang Tsona”
GO NA le tso Jehova a gopotsang batho bage tsona gore a thogo ba gelepa gore ba lebane le tsa go ba kgahleletsa tsa dinako tsowa tsa go thathafa. Tse dingwana tso a re gopotsang tsona di nyarela mo motho a tipalela Bhayibele, tse dingwana re di kraya ga tso re tšhutisiwang tsona megahlanong ya Sekreste kela mo ba bangwana ba fetola. Tsa go tlala tsa gore re ya di kraya kela re ya di kwa a yi dilo tsa nyuwane ga rune. Di ka fo makega gore dilo tsowa re yye ra di tšhuta. Ka taba la gore tsa go lebala di re tshwere ka diwašene, di nyaka gore re dule re tigopotsa tso Jehova a nyakang go di segelela, melawo yage le tso a re yetetsang ka tsona. Di nyaka re tseyele gedimo tso a re gopotsang tsona. Di maka gore re nape re tsika ka go re gelepa gore re sa keketlele ga tso di makiyeng gore re sepele ka pata ya go maka gore re kwane le Modimo. Nka taba lo mopisalema a yepeleleng Jehova a re: “Ke kwana ka matla le tso o re gopotsang tsona.”—Pisalema 119:24.
w10-SE 4/15 20 ¶2
O sa Lebelele Dilo Tsa go sa re Selo!
2 Tso re di lebelelang di ka re leyela tsa go sasamela. Ka mokgo maahlo ya rune le menagano ya rune di berekang di ka maka gore tso re di bonang di thomise se sengwana ka ku pelong kela dya maka gore re thomise go nabela. Ka taba la gore re phela ga lefase la gore le lawola ke Sathane Diyabolo la gore le kekemme, la gore fote batho ba gona ba kakodiye magetla, go fo dula go na le dithombhe le dilo tsa gore di ka maka gore re keketlele—le mo re ka sa nape re di lebelela ka matla. (1 Joh 5:19) A di makatse mo mopisalema a kgopele Modimo gore: “Maka gore maahlo yaka ma sa lebelele dilo tsa go sa re selo; maka gore ke dule ke phela ka mokgwa wago.”—Pis. 119:37.
Tso di Wutammeng ka Bhayibeleng
w05-SE 4/15 10 ¶2
Tshepela ga Lentsu la Modimo
2 Selo se segolo ga Pisalema 119 ke tso lentsu la Modimo kela molayetsa wage wo di segelelang. Gore a sa lebale, ye a yi ngwadiyeng di ka makega gore o ngwadiye koša yowa a berekisa dihlaka di lategetsana. Ditemanyana tsa yona 176 ya tsona di na le dihlaka tsa go lategetsana tsa Seheberu. Ga Seheberu sa mathomothomo, direle 22 ya tsona tsa pisalema di na le mabala (8) ya melayini ya gore yi thomisa ka hlaka ya go tshwana. Pisalema yowa ke Lentsu la Modimo, melawo, tso a re gopotsang, ditsela tsage, tso a re botsang tsona, tso a re yetetsang ka tsona, tso a re tšhutisang, ka mokgo a yahlulang, tso a di hlayang le tsa go re gelepa. Ga hlogotaba yowa le ya go latela, re nyoko bolabola ka Pisalema 119 go ya ka hlatollo ya gore ya korola ya Bhayibele ya Seheberu. Mo re nagana ka tso di makegeleng malata ya Jehova ku botala le gana byalo, tsotsone di nyoko maka gore re tseyele gedimo koša yowa ya gore yi tšwa ga Modimo, dya boya dya maka gore re leboge Lentsu la Modimo la gore le ngwadiwwe, Bhayibele.
DECEMBER 16-22
MAKOLWANE KA TENG GA LENTSU LA MODIMO PISALEMA 119:57-120
Ka Mokgo re ka Tiyiselang Dintshitshire
w06-SE 6/15 20 ¶2
“Ke Kwana le Molawo Wago ka Matla!”
2 O ko ba o maka gabutši mo o butsisa gore, “Molawo wa Modimo ke mo wo kgomoletsa wo boya o mo papatela ka mokgo mang ga mopisalema?” Selo sa gore se mo gelepiye ke go tshepa gore Jehova ke mo a mo tseyela hlogong. Go tšiba gore molawo wone ne wo maka gore dilo di sepele ka letheto di makiye gore mopisalema a jabole, le mo nkare ne go na le mathatha ya gore ne ma leya ke bo ba gore ne ba mo ganetsa. O di bonne gore Jehova o mo makele tsa gabutši. Go tokegela gana hone, mopisalema o yye mahlong a hlalefa go phala manaba yage ka taba la gore ne a yetetsa ke molawo wa Modimo fote di makiye gore a ye mahlong a phela. Ke mo a bebiye fote a na le lekwalo la gabutši ka taba la gore ne a theetsela molawo wo Modimo ne a mo neyye wona.—Pisalema 119:1, 9, 65, 93, 98, 165.
w00-SE 12/1 14 ¶3
Ayitsano o Kwana ka Matla le Tso Jehova a re Gopotsang Tsona?
3 Mopisalema ke mo a kwana ka matla le tso Modimo a re gopotsang tsona, o yepelele ka gore: “Ke makiye ka go yakgoswa, a ke ya sinya nako gore ke thogo theetsela melawo yago. Dithapo tsa bo ba dipelo tse diphifadu di ndukulugiye. A ke ya lebala molawo wago.” (Pisalema 119:60, 61) Tso Jehova a re gopotsang di re gelepa gore re thogo tiyisela mo re hlupegisiwa ka taba la gore re ya di tshepa gore Papa wa rune wa legedimong a ka kopa dithapo tsa gore manaba ya rune ma re tlema ka tsona. Ka nako ya gona, wa re lokolla ga dilo tsone gore re ye mahlong re maka mmereko wa go tšhomayela ka Mmušo wage.—Mareka 13:10.
w06-SE 9/1 14 ¶4
Tso re di Tšhutang ga Puku ya Kapheta ya Dipisalema
119:71—King sa gore go ka ba sa gabutši ga taba ya mo re tlela ke tsa go baba? Dilo tsa go baba di ka re gelepa gore re nape re tisamela ka Jehova, re rapele re šwennye, le go napa re karakara ka matla gore re bale Bhayibele re boye re berekise tso yi re botsang. Go tokegela mone, tso re di makang mo re tlela ke tsa go baba di ka re wunyullela mo re tshwaneleng re ghobolle gona. Tsa go baba di ka sa make gore re kwate mo re ka di dumelela gore di re lokotše.
w17.07-SE 13 ¶3, 5
“Le Lleneng le bo ba Llang”
3 A re kamake gore Papa wa rune wa legedimong, Jehova, ke yene a re kgomoletsang. (Bala 2 Makorente 1:3, 4.) Jehova, yene wa gore o ja bo fodiye ga tso tsa go kwelana go baba o tshepisa batho bage gore: “Ke nna ye a le kgomoletsang.”—Jes. 51:12; Pis. 119:50, 52, 76.
5 Di nyaka re sa kamake gore Jehova o nyoko re gelepa. Byalo, a di nyake re tšhaba go mo kgotolela tso di re šekedisang ka thapelo. Di ya re papatela go tšiba gore Jehova wa kwisisa mo re kwa go baba ke mokane a re kgomoletsa ka gore re nyaka go kgomoletsiwa! Mara o di maka byang tsotsone?
Tso di Wutammeng ka Bhayibeleng
w06-SE 9/1 14 ¶5
Tso re di Tšhutang ga Puku ya Kapheta ya Dipisalema
119:96—Di rela gore king mo ba re ‘go fela ga dilo ka mokana ga tsona tsa go yenela’? Mopisalema o bolabola ka ka mokgo batho ba tseyang go yenela ka gona. Di ka fo makega gore ne a naganne ka taba ya gore ka mokgo batho ba tseyang go yenela a go tshwane le ka Modimo a go tseyang. Mara, melawo ya Modimo yi fo dula yi bereka. Tso yi re yetetsang ka tsona di bereka ga se sengwana le se sengwana mo re kene re phela. New International Version yi re “Dilo tsa go yenela go na le mo di felelang gona, mara melawo yago a go na mo yi kgerang.”
DECEMBER 23-29
MAKOLWANE KA TENG GA LENTSU LA MODIMO PISALEMA 119:121-176
Kganela Kgole le Dilo Tsa Gore di ka Tla Dya go Kwisa go Baba
Lesetsa Melawo ya Modimo yi go Tšhutise
5 Mo re nyaka melawo ya Modimo yi re berekela, di nyaka gore re sa fo bala ka yona kela go fo yi tšiba. Di ro nyaka gore re kwane nayo ka matla fote re yi tseyele hlogong. Lentsu la Modimo le re: “Hloyaneng tsa go befa, le nyakeneng tsa go bafala.” (Amo. 5:15) Mara sosone re se maka byang? Se segolo ka matla ke ho re leketsa go tseya dilo go tshwana le ka mokg’o Jehova a di tseyang. Tla re fo maka mošupetso ke wowa: Tla re fo tseya gore ke botala o ferega boroko. Byalo o ya ga dogotela, ke mokane o go botsa gore o sa ji ying o je ying, o taboge ka bošego byo bongwana le byo bongwana, le tse dingwana tso di nyakang o di lesetsa. Mo le wene o leketsa tso a yitsering o di make, o thomisa go di bona gore di ya go berekela! Nnete ga dogotela yone o nyoko yi leboga o sa fetse ka taba la gore o tikwa o phelegiye.
6 Di ya tshwana ka taba la gore ye a re makiyeng o re neyye melawo gore re thogo sepelela kgole le tso di ka re kwaletsang mo re ka sinya, le rune ra tikwa gore re gabutši. Ka nnete di thuša rune mo re berekisa melawo ya Baebele mo yi re re sa bolabole matsaka, re sa sepele ba bangwana ka fase, re sa yetswe, re sa šitege go titshwara, re sa be dikgohlane kela go loyanana. (Bala Diyema 6:16-19; Kut. 21:8) Mo re kraya re na le maphomela ya go bafala ka taba la go maka dilo ka tsela ya Jehova, re fo kwa re jabola fote ka ho dipelong go ba le so se re tšhofang go leboga Jehova le melawo yage.
w93-SE 4/15 17 ¶12
Lune ba Gore le sa Gula—King so le Nyakang go se Segelela?
12 Ga dilo ka mokana ga tsona, o tshwanele go hloya, go silikisa le go nyenya dilo tsa go befa. (Pisalema 97:10) O maka byang gore o hloye selo sa gore mathomisong ne se ka fo ba se go jabodisa kela se maka gore o fo kwa o f’lo re tswee? Ka go nagana ka maphomela ya gona! “Ba sa le tshokanye, Modimo aa kweriwi. Ka taba la gore so motho a se gašang ke sona so a nyoko se bunang; Ye a gašang tso di nyakang ke mmele wage o nyoko buna tsa go sa loka tsa go nyaka ke mmele wage.” (Magalata 6:7, 8) Mo o liketsega gore o make se sengwana sa go sa loka, nagana ka maphomela ya gona—gore tsone ga Jehova di nyoko mo kwisa go baba ka mokgo mang. (Tshwanisa le Pisalema 78:41.) Nagana le ka taba ya gore motho a ka fo yima a sa nagana kela go kena ke bolwele bya go tshwana le AIDS. O fo nagana nje ka ka mokgo o nyoko šalang o kwa go baba ka ku tengteng le taba ya gore o ka fo šala o tipona o sa sa le selo. Go ka fo ba le maphomela ya go baba ya gore ma ka tseya nako. Mogageru wa mosadi ye mongwana o hlaya gore: “Nna le monnaka re makiye tsa mapaying le batho ba bangwana mo re soko tšibana. Le mo nkare gana byalo ke rune Makreste, tso re di makiyeng tsa mapaying mo re soko šadha di maka gore re fele re sa kwane kela re jelaselane.” Se sengwana sa gore a se nyake re se takisa maahlo ke gore di ka feleletsa ka gore motho ba sa sa kgona go mmerekisa ka phutegong kela mong go ro ntshiwa ka phutegong! (1 Makorente 5:9-13) Ayitsano go tijabodisa ka senakonyana go phala maphomela ya gona ya go baba?
Tso di Wutammeng ka Bhayibeleng
O sa Kamake Gore ‘Lentsu la Modimo ke Nnete’
2 Rune malata ya Jehova a re kamake gore ke “Modimo wa nnete” fote o dula a re nyakela tsa gabutši. (Pis. 31:5; Jes. 48:17) Re ka di tshepa re tiyise tso re di balang ka ho Bhayibeleng—tsa gore “monopo wa lentsu la [Modimo] ke nnete.” (Bala Pisalema 119:160.) Re yema le tso di ngwadiyeng ke morene mongwana wa go tšhutela Bhayibele, mo a re: “A go na selo ka ssoši so Modimo a se hlayyeng sa gore ke matsaka kela sa šitega go makega. Batho ba Modimo ba tshepa tso a di hlayang ka taba la gore ba tshepa yene Modimo ye a di hlayyeng.”
DECEMBER 30–JANUARY 5
MAKOLWANE KA TENG GA LENTSU LA MODIMO PISALEMA 120-126
Ba Gašiye ba Kene ba Lla, Mara ba Bunne ba Jabodiye
w04-SE 6/1 16 ¶10
Bo ba Gore ba Gadimisa Modimo ba Rufegiye
10 Mo re kakola lejoko la gore re be malata, re lwa le Sathane. Jakobo 4:7 yi re tshepisa gore:“Le lwe le Diyabolo ke mokane yene o nyoko le tšhaba.” Tsowa a di rele gore di lula go maka ka mokgonone. Di nyaka re karakare gore re thogo berekela Modimo. (Luka 13:24) Mara Bhayibele yi re tshepisa se sengwana ga Pisalema 126:5, yi re: “Bo ba gore ba gaša ba kene ba lla ba nyoko buna ba hlakela.” Eya, a re berekele Modimo wa pelo ye phifadu. Yene o “rufa bo ba mo nyakang tsa mannete,” fote o rufa bo ba gore baa mo gadimisa.—Maheberu 11:6.
Nje o ko ba o sa na le Tumelo?
17 Ayitsano o sa kwisiye go baba ke taba ya gore lešaga lago le hlokofele? Tipeyele nako ya go tšhuta ka ditaba tsa batho ba ka ho Bhayibeleng ba gore ba yye ba ba tsosa bakgung gore o thogo tiyisa tumelo yago ga taba ya tsogo. Ayitsano o kwisa go baba ke taba ya gore ye mongwana ka mutšing wago ba mo ntshiye ka phutegong? Tšhuta gore o sa yi kamake taba ya gore mokgwa wa Modimo wa go wolola ke mong wona wa kawone ka matla. Ntshitshire ye nngwana le ye nngwana yo yi go tlelang, yi tseye go le lešuba la go tiyisa tumelo yago. Kgotolela Jehova so se leng ka pelong. O sa kwane le go dula o ntoši, mara o dule o na le magageru. (Diy. 18:1) Tshwaragana ka dilo tsa gore di nyoko go gelepa gore o tiyisele, le mo tsa go go thonoga di ka sa go lisetse. (Pis. 126:5, 6) O sa lisetse letheto lago la go ya megahlanong, tšhomong le go bala Bhayibele ka moka matšatši. Fote o sa takisi maahlo dilo tsa go bafala tso Modimo a nyakang go go rufa ka tsona ku mahlong. Mo o bona ka mokgo Jehova a go gelepang, tumelo yago gage yi nyoko napa yi tiya.
w01-SE 7/15 18-19 ¶13-14
Napa o ro Kena Fase ga Mmereko wa go Buna!
13 Mantsu ya go kgomoletsa bo ba gore baa buna ga mmereko wa Modimo, ka matlamatla bo ba gore baa hlupegisiwa re ma kraya ga Pisalema 126:5, 6 ya gore: “Bo ba gore ba gaša ba kene ba lla ba nyoko buna ba hlakela. Ye wa gore wa tšwa le mo go teya leduma la mošaga mang, le mo a lla, a kene a kakodiye lesaka la gore le tlele ka pewu, o nyoko boya a hlakela, a tshwere tso a di bunneng.” Mantsu ya mopisalema ya go bolabola ka go gaša le go buna ma šupetsa ka mokgo Jehova ne a pasopa le go rufa bo ba gore ne ba šele ba buyye bobhantiting ba tšwa Bhabhilona. Ke mo ba jabodiye stereka mo ba ba lokolla, mara ba ka fo ba ba lliye mo ba gaša pewu ga poleke ya gore ne yi sa pasopiwi ya gore go fediye 70 ya mengwaga yi sa limiwi nakwela ba le bobhantiting. Mara bo ba gore ba yye mahlong ba gaša fote ba maka mmereko wa go yaga, ba jabodiye mo ba buna fote ba kgotsofele ka taba la mmereko wa bona.
14 Re ka fo lla mo go na le tsa go re phiriketsa kela mo Makreste ya mangwana ma hlupegisiwa ka taba la gore ma maka dilo tsa gabutši. (1 Petro 3:14) Ga mmereko wa rune wa go buna, mathomisong di ka fo sa be lula ka taba la gore go ka fo ba go se na maphomela ga mmereko wa rune wa go tšhomayela. Mara mo re ya mahlong re gaša re boya re tšheletsa, Modimo o nyoko maka gore di gule, go phala ka mokgo ne re naganne ka gona. (1 Makorente 3:6) Tsowa re di bona ga maphomela ya go neya batho Dibhayibele le dikgatiso tsa go tšwa Mangwalong.
Tso di Wutammeng ka Bhayibeleng
cl-SE 73 ¶15
Matšhika ya go Pasopa—“Modimo ke Poleke ya Rune ya go Tšhabela ga yona”
15 Tla re thomise ka go nagana ka taba ya go pasopega. Ka taba la gore re rapela Jehova, re libelele gore a re pasope re le mogoba. Mo go ka sa be ka mokgonone, di nyoko ba lula gore Sathane a re kgwise. Nagana ka taba yowa: Sathane, “yene wa gore o lawola lefase lowa,” o fo nabela go fetsa ka morapelo wa mannete. (Johane 12:31; Kutullo 12:17) Memmušo ye mengwana ya go ba le matšhika mo lefaseng yi rakele mmereko wa rune wa go tšhomayela fote yi liketsiye go fetsa ka rune. Le mo go le ka mokgonone, batho ba Jehova ba yemme ba sa thogathoge fote ba yye mahlong ba tšhomayela ba sa tšhabe selo! Ke ntaba ditšhaba tsowa tsa go ba le matšhika di šitegiye go fetsa ka mmereko wa mogoba wo monyana wa Makreste wa go šupetsa wo sa kgone go tilwela? Ka taba la gore Jehova o re koramele ka mafafela yage ya go ba le matšhika!—Pisalema 17:7, 8.