Ditodi Tsa Sepukwane sa Mogahlano wa Maphelelo le Matšhomayelelo
SEPTEMBER 2-8
MAKOLWANE KA TENG GA LENTSU LA MODIMO PISALEAMA 79-81
Šupetsa Gore o Kwana le Lebitso la Jehova la go Hlawolega
w17.02-SE 9 ¶5
Go Lepolla—Ke Selo sa go Bafala so Papa wa Rune a re Makeleng Sona
5 Re ka šupetsa byang gore lebitso la Jehova re kwana nalo? Ka mokgo re titshwarang. Jehova o nyaka gore re hlawolege. (Bala 1 Petro 1:15, 16.) Tsotsone di rela gore re rapela Jehova a ntoši fote re mo theetsela ka dipelo tsa rune ka moka. Le mo re kene re hlupegisiwa, re maka so re ka se kgonang gore theetsele ditšhiko tsage le melawo yage ya go loka. Mo re ya mahlong re maka tsa go loka, llampa la rune le fo ya le khanya fote tsone di maka gore lebitso la Jehova le gadimisiwe. (Mat. 5:14-16) Ka taba la gore re batho ba go hlawolega, re šupetsa ka tso re di makang ho lephelong gore melawo ya Jehova yi lukiye le gore tso Sathane a di hlayyeng ka Modimo ke matsaka. Ke nnete gore ka mokana ga rune re fela re sinya, byalo mo re sinnye re tisola re resa fote re kganela kgole le go maka dilo tsa gore a di thanakisi Jehova.—Pis. 79:9.
ijwbv-SE 3 ¶4-5
Maroma 10:13—“Bitsa Lebitso la Morena”
Ka Bhayibeleng, mantsu yawa ya gore “bitsa lebitso la Jehova” a ma fo rela go tšiba lebitso la Modimo le go le berekisa mo re rapela fela. (Pisalema 116:12-14) Di rela le go tshepa Modimo le go tithega ka yene gore a re gelepe.—Pisalema 20:7; 99:6.
Jeso Kreste ne a le tseyela gedimo ka matla lebitso la Modimo. Mantsu ya mathomo ya thapelo yo a re beyeleng mošupetso ka yona ma re: “Papa wa rune wa magedimong, lebitso lago le hlawolege,” kela le gadimisiwe. (Matewu 6:9) Jeso o yi šihlele gabutši taba ya gore di nyaka re tšibe, re theetsele re boye re kwane le Mong wa lebitso lone gore re thogo kraya lephelo la go ya go yye.—Johane 17:3, 6, 26.
Tso di Wutammeng ka Bhayibeleng
it-2-E 111
Josefa
Lebitso la Josefa le Neyiwa Mayemo. Ka taba la gore Josefa ne a na le mayemo ya gedimo go phala barwayi ba Jakobo ka moka, ne di kwagala gore lebitso lage ka dinako tse dingwana ba le berekise ka mokgwa wa go yemela meloko ka moka ya Israyele (Pis 80:1) kela bo ba tlileng ba ba ga mmušo wa lebowa. (Pis 78:67; Amo 5:6, 15; 6:6) Fote lebitso lage le nyarela le ga diporofeto tsa ka Bhayibeleng. Ga mmono wa seporofeto sa Hezekiyele, lefa la Josefa go nyoko ba dikopa ka dipedi (Hez 47:13), gheyiti ye nngwana ya mutši wa “Jehova ka bo Yene o Gana Hone” yi bitsiwa ka lebitso la Josefa (Hez 48:32, 35), fote mo go bolabodiwa ka go maka gore batho ba Jehova go be selo ka ssoši, Josefa go bolabodiwa ka yene go le kgoši ya sekopa ka ssoši sa setšhaba sone fote Juda go le kgoši ya sekopa se sengwana. (Hez 37:15-26) Seporofeto sa Obadiya se šupetsa gore “mutši wa Josefa” ne wo nyoko tšhela letsogo mo ba fetsa ka “mutši wa Esewu” (Oba 18), fote seporofeto sa Zakariya se hlayye gore Jehova o nyoko phonisa “mutši wa Josefa.” (Zak 10:6) Go sa tshwane le Eforayimi, Josefa o nyarela ga meloko ya Israyele ya go tshwanisela.—Kut 7:8.
Taba ya gore Josefa ba mo badiye ga Kutullo 7:8 yi šupetsa gore seporofeto so Jakobo a se hlayye mo a le thina le go kgwa se nyoko tla se makega ga Israyele ya go tshwanisela. Di nyaka re yi tseyele gedimo taba ya gore wa go ba le matšhika wa go gelepa Jakobo, go leng Jehova Modimo, o re neyye Kreste Jeso wa go kgona go disa gabutši gore a kgwele “dinku.” (Joh 10:11-16) Fote Kreste Jeso ke letlapa la khona ya fandiši, la gore tempele ya Modimo ya go ba le Israyele ya go tshwanisela yi duli gedimo ga lona. (Ef 2:20-22; 1Pe 2:4-6) Fote yenewa wa go Disa wa gore fote ke Letlapa o na le Modimo wa Matšhika ka Moka.—Joh 1:1-3; Meb 7:56; Heb 10:12; tshwanisa le Gen 49:24, 25.
SEPTEMBER 9-15
MAKOLWANE KA TENG GA LENTSU LA MODIMO PISALEMA 82-84
Leboga Tso o Kgonang go di Makela Jehova
wp16.6-SE 8 ¶2-3
Tso re di Tšhutang ga Dinonyane Tsa Magedimong
Bo ba dulang Jerusalema ne ba tlwayele go bona difokotswane tsa gore ga go tlala di maka dihlagela tsa tsona mo kgakala ga dikhona tsa dintlo. Tse dingwana tsa tsona ne di timakela dihlagela ga tempele ya Solomoni. Ga go tlala, difokotswane tso ne di maka dihlagela tempeleng mongwaga wo mongwana le wo mongwana ne di krayye poleke ya gore yi pasopegiye, ga gore di ka gudisa bana ba tsona di sa hlupe ke selo.
Mopisalema ye a ngwadiyeng Pisalema 84—wa gore ne go le ye mongwana wa barwayi ba Kora, wa gore ne a bereka beke ka yyoši tempeleng ka nthago ga kobodi(6) ya dikgwedi—o yye a bona dihlagela tsone mone tempeleng.[2] Ne a nabela go tshwana le lefokotswane lone la gore ne le makiye sehlagela hone ntlong ya Jehova, le dula gona nako ka moka, o hlayye gore: “Yi bafele ka matla tabarenakele yago ye kgolo, wene Jehova wa masole! Mmele waka ka moka wo hlologela, eya, wo nabela go ba mutšing wago Jehova . . . Le nonyane yi tikrayele ga go dula le lefokotswane le timakele sehlagela, ga gore le kgona go pasopa bana ba lona thina le aletare yago ya go hlawolega, Wene Jehova wa masole, Kgoši yaka le Modimo waka!” (Pisalema 84:1-3) Ayitsano rune le bana ba rune ra šupetsa gore re hlologela le go leboga go dula re gahlana le batho ba Modimo phutegong?—Pisalema 26:8, 12.
w08-SE 7/15 30 ¶3-4
O sa Nyake go Maka Dilo Tsa ka Kgakala ga Matšhika Yago, Dula o Jabodiye
Go tsofala le malwele di ka re kgerela ga tso re nyakang go di makela Jehova. Mo nkare o mmelegi, o ka tseya gore a wo tšhuti tsa go tlala mo o titšhutisa Bhayibele kela o le megahlanong ya Sekreste ka taba la gore bana bago ba go šiya o tinnwe. Taba ya go lebelela tso o šitegang go di maka, nje a yi yona yo yi makang gore o sa kgone go bona tso o ka kgonang go di maka?
Ga mengwaga ya sekete ya go feta, Lelifi le lengwana ne le kwa le nabela go maka dilo tsa gore di ka sa kgonege. Ne le di jabolela ka matla go bereka mabeke ka mabedi tempeleng mongwaga wo mongwana le wo mongwaga. Mara le mo go le ka mokgonone, o yye a sa yi wutametse taba ya gore o nabela go dula thina le aletare. (Pis. 84:1-3) King so se gelepiyeng monna yewa wa go tshepega gore a kgotsofale ga seyemo so a leng ga sona? Ke taba ya gore ke mo a sa takisi mahlo taba ya gore le mong go bereka letšatši ka lloši tempeleng ne go le selo se segolo ka matla. (Pis. 84:4, 5, 10) Le rune a di nyake re dulela go nagana ka dilo tso re sa kgoneng go di maka, mara di nyaka re bone gore king tso re ka kgonang go di maka fote re leboge tso re kgonang go di maka.
Jehova Modimo Wago o go Tseyela Gedimo!
12 Mo nkare wa lwala, o sa kamake gore Jehova wa di tšiba tsa gore o hlakana le tsa mošaga mang. Mo llele, gore a go gelepe gore o thogo tseya seyemo sago gabutši. Bala Baebele gore o kraye mantsu ya Jehova ya gore ma ka go kgomoletsa. Lebelela ka matla mangwalo ya ma šupetsang ka mokgo Jehova a tseyelang malata yage gedimo. Mo o maka ka mokgonone, o ko di boneng gore Jehova o ba kwela go baba bo ba mmerekelang ka go tshepega.—Pis. 84:11.
Tso di Wutammeng ka Bhayibeleng
it-1-E 816
Mošomanyana wa Gore aa na Papa
Ka taba la gore ne go le lula gore batho ba lebale ka bo ba gore ba kwile go baba le ba go sa kgone go tipasopa, Jehova o berekisiye mantsu yawa “mošomanyana wa gore aa na papa” go hlatolla gore Maisrayele ne ma lukiye go segela kaye kela gore ma tšwile pateng byang ka nthago ga hone. Nakwela setšhaba se sa na le senghana sa go tiya le Modimo, mošomanyana wa gore aa na papa ne a pasopegiye. Mo setšhaba se thomisa go sa sa yahlula gabutši, mošomanyana wa gore aa na papa ne a nyoko phageliwa ka thoko, fote tsone ne di nyoko šupetsa gore setšhaba sone a sa titshwara gabutši. (Pis 82:3; 94:6; Jes 1:17, 23; Jer 7:5-7; 22:3; Hez 22:7; Zak 7:9-11; Mal 3:5) Jehova ne a kwatela bo ne ba hlupegisa mošomanyana wa gore aa na papa. (Dot 27:19; Jes 10:1, 2) Jehova o tihlatolla go le wa go Phonisa (Diy 23:10, 11), wa go Gelepa (Pis 10:14), fote go le Papa (Pis 68:5) wa batho ba mošaga wonone. Ke yene Wa go yahlula gabutši (Dot 10:17, 18), o šupetsa gore o ba kwela go baba (Hos 14:3), wa ba yimulla (Pis 146:9), fote o ba pasopa gore ba ye mahlong ba phela.—Jer 49:11.
Selo se sengwana so se šupetsang gore re Makreste ya mannete ke mo re nagana ka bo ba kwang go baba ka taba la go hlokofalela ke banna kela babelegi. Jakobo wa gore ke lelata o yye a ngwalela Makreste gore: “Mokgwa wa go rapela Modimo wa gore wo yediye fote a wo na selabi mahlong gage ke wowa: ke go gelepa bana ba go se na babelegi le basadi ba gore ba kgwele ke banna ga tso di ba hlupang le go tipasopa gore re sa fokole ke batho ba lefase lowa.”—Jak 1:27.
SEPTEMBER 16-22
MAKOLWANE KA TENG GA LENTSU LA MODIMO PISALEMA 85-87
Thapelo yi re Gelepa Gore re Tiyisele
w12-SE 5/15 25 ¶10
Ayitsano o Gadimisa ke Jehova?
10 Gore re šupetse gore re gadimisa ke Modimo, di nyaka re sa “lisetse go rapela.” (Mrm. 12:12) Di nyaka re rapele ga Jehova re kgopele a re gelepe gore re thogo mo berekela ka mokgwa wa gore wa wo yamogela. Fote re ka kgona go mo kgopela gore a re neye moya wa go hlawolega, gore a re yeketsele tumelo, a re neye matšhika ya gore re sa wele melabong, le gore re thogo ‘tshwara lentsu la modimo gabutši.’ (2 Thim. 2:15; Mat. 6:13; Luk 11:13; 17:5) Go fo tshwana le mo ngwana a tshepele ga papage, le rune di nyaka re tshepele ga Papa wa rune wa ku malenghelengheng, Jehova. Di nyaka re di tshepe tsa gore mo re mo kgopela gore a re gelepe gore re mmerekele gabutši, o nyoko re gelepa . O sa nagane gore wa mo hlupa mo o mo kgopela! Mo re rapela di nyaka re mo thanake, re mo leboge, re kgopele gore a re yetetse ka matlamatla mo re lebanne le mathatha, fote re kgopele le gore a re gelepe re thogo mmerekela ka mokgwa wo wo nyoko gadimisang lebitso lage la go hlawolega.—Pis. 86:12; Jak. 1:5-7.
Jehova o Fetola Merapelo ya Rune ka Mokgo Mang?
17 Bala Pisalema 86:6, 7. Mopisalema Dafita ke mo a sa kamake taba ya gore Jehova o kwa merapelo fote wa yi fetola. Le wene o ka tshwana naye ga taba yone ya go sa kamake. Mešupetso yo yi leng ga hlogotaba yowa yi maka gore re sa kamake gore Jehova a ka re hlalefisa a boya a re neya matšhika ya re ma hlokang gore re tiyisele. A ka berekisa magageru kela le mong bo ba gore a ba rapele yene gore ba re gelepe ka mokgwa wo mongwana.
18 Le mo Jehova a kene a sa fetole merapelo ya rune ka mokgo re nyakang re ya di tšiba gore o na a nyoko yi fetola. O nyoko re neya tso re di hlokang fote o nyoko re neya tsona ka nako yonone re di hlokang. Byalo, o sa lisetsi go rapela, o sa kamake gore Jehova o nyoko go pasopa gana byalo le gore o nyoko “kgotsofatsa so se nabelang ke se sengwana le se sengwana sa go phela” ga lefase la nyuwane la gore le sa tla.—Pis. 145:16.
Tso di Wutammeng ka Bhayibeleng
it-1-E 1058 ¶5
Pelo
Go Bereka ka “Pelo ka Moka.” Di nyaka gore pelo yi be yi felegelele gore yi thogo bereka gabutši, mara pelo ya go tshwanisela di ka makega yi sa felegelela. Dafita o rapele a re: “Maka gore pelo yaka yi felegelele yi tšhabe lebitso lago,” tsone di ka ba di rela gore pelo ya motho a ya felegelela mo di tla ga tso yi di nabelang kela tso yi di tšhabang. (Pis 86:11) Batho ba mošaga wone a ba make dilo ka ‘pelo ka moka’—ba fo belabela mo ba kene ba berekela Modimo. (Pis 119:113; Kut 3:16) Gwa kgonega gore motho ka wwoši a “be le dipelo ka dipedi” (gabutšibutši, go ba le pelo le pelo), ka go liketsa go berekela magoši ka mabedi, kela a hlaya tse dingwana hala ka nthoko ye nngwana a nagana tse dingwana. (1Kr 12:33; Pis 12:2, setwaba) Jeso o yye a bolabola a tiyisiye ka ganong gore batho ba go ba le dipelo ka dipedi baa timakisa.—Mat 15:7, 8.
SEPTEMBER 23-29
MAKOLWANE KA TENG GA LENTSU LA MODIMO PISALEMA 88-89
Mokgwa wa Jehova wa go Lawola wo Gabutši ka Matla
w17.06-SE 28 ¶5
Thega go Lawola ga Jehova!
5 Go na le selo se sengwana so se makang gore Jehova go be yene ye di mo tshwanelang go lawola. Matšhika yage o ma berekisa go yahlula gabutši. O šihlela ka gore: “Ke nna Jehova, ye a šupetsang go nyakanana tsa mannete, wa go yahlula gabutši, fote go loka gaka go lefaseng, go maka dilo tsowa gwa njabodisa.” (Jer. 9:24) Aa thome ka go lebelela melawo yo yi ngwadiyeng ke batho ba go sa yenela gore a thogo bona gore king sa gore se lukiye le sa go sa loka. O yahlula gabutši ka taba la gore o segelela sepheto ka bo yene mong, fote ka taba la tsotsone, ke yene a neyyeng batho melawo ya gore yi ngwadiwwe. “Go loka gage le go yahlula gabutši ke fandhiši ya setulo [sage] sa go lawola,” byalo re ka tshepa gore melawo yage ka moka, ditšhiko tsage, le dipheto tso a di segelelang di lukiye. (Pis. 89:14; 119:128) Go se na taba gore Sathane o hlayela Jehova matsaka ya mošaga mang mo di tla ga taba ya go lawola, yene mong di mo šitiye go maka gore mo lefaseng go be le go yahlula gabutši.
w17.06-SE 29 ¶10-11
Thega go Lawola ga Jehova!
10 Mo Jehova a lawola, aa gatelelane fote aa gapeletsi batho go maka dilo. O maka gore re lokologe fote re dule re jabodiye. (2 Makor. 3:17) Dafita o yi hlatolliye ka mokgo: “Mo a leng gona [Modimo] gwa gadimela fote go bafele ka matla; mo a dulang gona go na le matšhika fote gwa jabodisa.” (1 Dikor. 16:7, 27) Le mopisalema Ethane o ngwadiye gore: “Go jabola batho bo ba tšibang go hlakela. Wene Jehova, ba sepela mo go khanyisiyeng sefahlego sago. Ba jabodisa ke lebitso lago letšatši ka moka, fote go loka gago go maka gore ba tiyelele.”—Pis. 89:15, 16.
11 Go dula o ghayela ka go loka ga Jehova go ka tiyisa tshepo yago ga taba ya gore mokgwa wa Modimo wa go lawola wo gabutši ka matla. Re nyoko tla re tikwa go tshwana le mopisalema mo a re: “Letšatši ka lloši ke le morutudung wago le phala matšatši ya sekete go gongwana!” (Pis. 84:10) Le rune a go jike re tikwa ka mokgonone! Jehova Modimo wa rune wa go nyakanana ye a makiyeng dilo o tšiba tso re di gayelang gore re thogo jabola fote o nyoko re neya tsona. Tso a reng re di make di berekela rune fote maphomela ya gona ma maka gore re jabole. Go fo ba ka mokgonone le mo nkare ga tso re tshwaneleng go di maka go kena le taba ya go tikona tse dingwana.—Bala Jesaya 48:17
w14-SE 10/15 10 ¶14
Tshepela ga Mmušo ka Pelo Yago ka Moka
14 Nagana ka tso Jehova a di tshepisiyeng kgoši Dafita wa Israyele ya botala a berekisa kwano ya Dafita. (Bala 2 Samuwele 7:12, 16.) Nakwela Dafita a lawola Jerusalema, Jehova o makiye kwano naye, a mo tshepisa gore Mesiya go nyoko tla go ba setlogolwane sage. (Luka 1:30-33) Byalo Jehova ne a šupetsa gore setlogolwane sone se nyoko tšwa ga Dafita, fote ke sona sa gore se nyoko ‘tshwanelega’ go dula ga setulo sa go lawola sa Mmušo wa Mesiya. (Hezek. 21:25-27) Ka taba la Jeso, Mmušo wa Dafita “wo nyoko ba gona go ya go yye.” Ke nnete gore setlogolwane sa Dafita “se nyoko tiyisela go ya go yye; setulo sage sa go lawola se nyoko tiyisela go tshwana le letšatši.” (Pis. 89:34-37) Eya, mmušo wa Mesiya wo ka sa tsoge wo biye le bošakašakane, fote tso wo di makang di nyoko ba gona go ya go yye!
Tso di Wutammeng ka Bhayibeleng
cl-SE 281 ¶4-5
“Ke Wene Fela wa go Tshepega”
4 Mantsu yawa “go tshepega tsa mannete” ka mokgo ma berekisiwweng ga Mangwalo ya Seheberu ma rela go loka ga gore gwa mamarela fote a go lisetse go ba gona go segela tso di di gahlanisang di fela. A yi fo ba taba ya go tshepega fela. Ka taba la gore ba bangwana go tshepega ga bona ba fo makela moyano. Mara go tshepega tsa mannete go sipidisana le go nyakanana. Go tokegela gana hone lentsu go “tshepega” ba ka le berekisa le ga dilo tsa gore a di phele. Mo re beyisa, mopisalema o hlayye gore ngwedi “ke hlatse ya go tshepega ku legedimong” ka taba la gore wo nyarela bošego byo bongwana le byo bongwana. (Pisalema 89:37) Mara o ka sa hlaye gore ngwedi wo tshepega tsa mannete. Ke ntaba? Ka taba la gore go tshepega tsa mannete go sipidisana le go nyakanana fote selo sa gore a se phele a se kgone go šupetsa mokgwa wa go nyakanana.
5 Go ya ka mangwalo, go nyakanana tsa mannete gwa belabela. Gwa šupetsa gore go na le senghana segareng ga batho bo ba šupetsanang mokgwa wone. Go tshepega tsa mannete a go fo tšhentšhatšhentšha. A go tshwane le maphoto ya lewatle ya gore ma fo dulela go tšhentšhatšhentšha go ya ka gore moya o teya o libiye kaye. Mara go tshepega tsa mannete kela go nyakanana tsa mannete gwa kgona go yema go tiyye le go ba le matšhika ya go hlula dintshitshire tse dikgolo.
SEPTEMBER 30–OCTOBER 6
MAKOLWANE KA TENG GA LENTSU LA MODIMO PISALEMA 90-91
Gore o Thogo Phela Nako ya go Lefa, Tshepa Jehova
wp19.3-SE 5 ¶3-5
Nyaka Lephelo la go ya go Yye
A yi ka moka ga bo ba go tšhutela tsa sayense ba dumelang gore go nwa dihlare tsa go maka gore o sa tsofale di ka makang gore o phele nako ya go lefa go phala batho ba bangwana. Ke nnete gore mengwaga yo motho a phelang yona yi yeketsegiye go tlugisela ka bo 1800. Mara tsone di maka ke gore re phela ga dipoleke tsa gore di yediye, re na le mekgwa ya go thibela malwele ya go tshelela, fote re na le maphilise le dihlare tsa go yalafa. Ba bangwana bo ba go tšhutela tsa maphelo ba hlaya gore nako yo motho a yi phelang yi ka sa sa pomega kela go yeketsega.
Ga 3 500 ya mengwaga ya go feta, Moše wa gore o yye a ngwala Bhayibele o hlayye gore: “Nako yo re yi phelang ke 70 ya mengwaga, kela 80 ya mengwaga mo nkare motho o tiyelele. Mara yi tlele ka mathatha le mehlupego; mengwaga yi yakgoswa fela, fote ka go yakgoswa ra sa sa ba gona.” (Pisalema 90:10) Batho ba karakara ka matla gore ba thogo yeketsa mengwaga yo re yi phelang, mara re sana re phela mengwaga yo Moše a yi hlayyeng.
Mara ka nthoko ye nngwana, go na le diphoolwane tse dingwana tsa lewatle tsa gore di phela mengwaga ya go teya ka ku ga 200, fote mehlare ye mengwana ye megolo ya kgona go phela dikete tsa mengwaga. Mo re tshwanisa mengwaga yo re yi phelang le yo dilo tse dingwana di yi phelang, ayitsano a re tiputsise gore ‘nje lephelo lowa la 70 kela 80 ya mengwaga le felele gana mowa?’
wp19.1-SE 5, lebhokisi
Lebitso la Modimo ke Mang?
Ke putsiso yo batho ba go tlala ba tiputsisang yona. Di ka makega le wene o tiputsisa putsiso yonone. Ba ka butsisa ka mokgowa: Mo nkare lefase le dilo ka moka tso di leng ga lona go na le ye a di makiyeng, Modimo yene o makiye ke mang?
Bo ba sayense ba dumela gore lefase go na le mo le thomisiyeng gona. Le Bhayibele yi dumelelana le taba yone, ka gore temanyana ya mathomo ya Bhayibele yi re: “Ku mathomisong Modimo o makiye magedimo le lefase.”—Genesi 1:1.
Lefase lowa le ka sa fo timakegela ka bo lona beng; a go kgonege gore le fo ba gona nje. A go kgonege gore mo go se nang selo go ka fo thomega gwa makega se sengwana. Mo nkare ne go se na selo mo go soko makiwa lefase, nke le lekgono lowa lefase le se šiyo. Le mo nkare dya re thathafela go kwisisa taba yowa, ne di nyakega gore go be le wa gore a re kgone go mmona ye a makiyeng dilo tsowa. Jehova Modimo, wa gore o na le matšhika ya go sa hlayisege fote o hlalefiye, ke yene a Makiyeng Dilo tsowa.—Johane 4:24.
Bhayibele mo yi bolabola ka Modimo yi re: ‘Mo dithaba di so ko ba gona kela o so ko maka lefase le dilo tsa lona, o Modimo wa go ya go yye.’ (Pisalema 90:2) Nka taba lo re reng Modimo ne a na a le gona go tlugisela botala. Ke mokane “mathomisong” o makiye lefase le legedimo.—Kutullo 4:11.
A re Tšhabe Selo ka Taba la Gore Modimo o re Nyaka ka Matla
16 Sathane wa di tšiba tsa gore lephelo re le tseyela gedimo. Le mo go le ka mokgonone o re hlayela matsaka a re rune re ka maka se sengwana le se sengwana le mong taba ya go lahla senghana sa rune le Jehova re makela go fo re re tšhireletse lephelo la rune. (Jobo 2:4, 5) Mo go le ga yowa taba Sathane o pumutsiye wa tšiba! Ke “wa gore o na le matšhika ya go baka likgu,” Sathane o berekisa taba yowa ya gore re tšhaba likgu gore a thogo re tlosa ga Jehova. (Maheb. 2:14, 15) Ka dinako tse dingwana malata ya Sathane ma tshosetsa batho ba Jehova ka gore ma nyoko ba bolaya mo ba sa lisetse tumelo ya bona. Fote go gongwana, Sathane a ka berekisa seyemo sa mo motho a lwala go liketsa gore a šepise go gongwana. Ditogotela kela mašaga ya rune ya gore a yi Makreste ma ka re gapeletsa gore re dumele ba re tšhela madi mola yi le gore tsotsone di nyoko maka gore re tshile molawo wa Modimo. Kela ye mongwana a ka liketsa go re kutšetsela gore re yamogele gore ba re yalafe ka mokgwa wo mongwana wa gore a wo dumelelane le ditšhiko tsa Bhayibele.
17 Le mo re di tšhaba tsa go kgwa re ya tšiba gore Jehova a ka sa lisetse go re nyaka ka matla le mo re kgwile. (Bala Maroma 8:37-39.) Mo banghana ba Jehova ba kgwa aa ba lebale o fo dula a ba gopola tsa nkare ba sa phela. (Luk. 20:37, 38) O nabela go ba tsosa gore ba tle ba phele fote. (Jobo 14:15) Jehova o yye a patela ka matla gore re “kraye lephelo la go ya go yye.” (Joh. 3:16) Re ya di tšiba tsa gore Jehova o re nyaka ka matla fote wa re pasopa. Byalo, a re fo tabogela go mo lahla mo re lwala kela re nkgela ke likgu re tšhabela gage gore a re kgomoletse, a re hlalefise a boye a re tiyise. Valérie le monnage ba makiye ka mokgonone.—Pis. 41:3.
Tso di Wutammeng ka Bhayibeleng
wp17.5-SE 5
Ayitsano o Nalo Lengeloyi la go go Pasopa?
Bhayibele a yi hlaye gore motho ye mongwana le ye mongwana o na le lengeloyi la go mo pasopa. Ke nnete gore Jeso o hlayye gore: “Le bone gore a le phiriketse bo ba banyana [malata ya Kreste], ka taba la gore mangeloyi ya ma ba pasopang ma fo dula ma le thina ga Papa wa ku magedimong.” (Matewu 18:10) Mowa Jeso ne a sa rele gore motho ye mongwana le ye mongwana o na le lengeloyi lage la go mo pasopa, mara ne a rela gore mangeloyi ma tihlupa ka ye mongwana le ye mongwana wa malata yage. Phela Makreste ya mannete a ma make dilo tsa go šupetsa gore a ma hlalefa kela go maka dilo tsa go beya maphelo ya bona kotsing, ba nagana gore mangeloyi ya Modimo ma nyoko ba tšhireletsa.
Ayitsano tsone di rela gore mangeloyi a ma gelepe batho? Awwa. (Pisalema 91:11) Ba bangwana ba tshepa ba sa kamake taba ya gore Modimo o maka gore mangeloyi ma ba pasope le go ba yetetsa. Kenneth, wa gore go bolabodiwwe ka yene ku mathomisong o tikwa ka mokgonone. A ka ba a resa. Ga go tlala Dihlatse tsa Jehova di fela di bona gore go gongwana ne go le letsogo la lengeloyi mo di kene di maka mmereko wa tsona wa go tšhomayela. Mara ka gore a re kgone go bona mangeloyi, re ke se hlaye gore Modimo o ma berekisa go segela kaye gore ma gelepe ye mongwana le ye mongwana wa rune ga tso re gahlanang natso. Le mo go le ka mokgonone, re ko ba re sa sinya mo re leboga Modimo wa Matšhika ka moka ga dilo ka moka tso a re gelepang ga tsona.—Makolosi 3:15; Jakobo 1:17, 18.
OCTOBER 7-13
MAKOLWANE KA TENG GA LENTSU LA MODIMO | PISALEMA 92-95
A Gona sa go Phala go Berekela Jehova ka Lephelo Lago!
Lune bo le sa ga Golang, Nje tso tsa Modimo le ya Nyaka go di Segelela?
5 Taba ye kgolo yo yi makang gore re šinye re tipeyela tso re nyakang go di segelela ga tso tsa Modimo ke go šupetsa Jehova gore re leboga ka mokg’o a re nyakang ka gona le tso a re makelang tsona. Mopisalema le yene o di bonne mo a šala a re: “Go leboga Jehova di gabutši . . . Ke dula ke jabodiye ka taba lago, Wene Jehova, ke yahlamela ke jabodiye ka taba la mmereko wa matsogo yago.” (Pis. 92:1, 4) Mo o kene o gola o itseri yawa, nagana ka dilo ka mokana ga tsona tso o di neyyeng ke Jehova. Lephelo lago, tumelo, Baebele, phutego le tshepo yo o nang nayo ya tso di saga tlang. Go yetisa mahlong tso tsa Modimo go šupetsa gore le leboga tso Modimo a le rufang ka tsona, tsotsone di le šutetsa thina gage.
Wene o Kutšetsela ke Mang?
8 Jehova o tshwana le mmelegi wa gabutši ka matla, o nyaka gore bana bage ba jabolele lephelo ka matla. (Jes. 48:17, 18) Byalo o ba botsa tso ba ka ga di makang gore ba thogo titshwara gabutši le go tshwara ba bangwana gabutši. Ga ditaba tsa mošaga wonone, o re tšhutisa gore re leketse go nagana go tshwana naye le go tseya dilo ka mokgo yene a di tseyang ka gona. Go maka tsotsone go maka gore re hlalefe, re jabole le go nagana dilo gabutši, a go make gore re kwe nkare a re tshwane le batho ba bangwana. (Pis. 92:5; Diy. 2:1-5; Jes. 55:9) Tsotsone di maka gore re hlawole dilo tso di nyoko re leyelang mojabolo, mara le gana byalo dilo tsone di ka maka gore ka mokana ga rune re jabolele lephelo. (Pis. 1:2, 3) Eya, di gelepa ka matla go nagana go tshwana le Jehova fote tsotsone di gabutši ka matla!
Jehova Modimo Wago o go Tseyela Gedimo!
18 A re kamake gore Jehova o sa nyaka go re berekisa le mo re ya mahlong re kene re tsofala. (Pis. 92:12-15) Jeso o re tšhutisiye gore le mo go na le tso re sa kgoneng go di maka kela re bona nkare tso re di makang a yi selo, Jehova yene o di tseyela gedimo. (Luk. 21:2-4) Maka tso o kgonang go di maka. Mo re beyisa, o ka maka tsa go tshwana le tsowa, wa bolabola ka Jehova, wa rapelela magageru wa boya wa ma tiyisa gore ma dule ma tshepega. Jehova o tseya go le wene motho wa gore o bereka naye, go se ka taba la gore o na le tso o kgonang go di maka, mara go le ka taba la gore o nyaka go maka tso a di nyakang o sa tšhofe ke motho.—1 Makor. 3:5-9.
Tso di Wutammeng ka Bhayibeleng
cl-SE 176 ¶18
“Ka Mokgo Modimo . . . a Hlalefiyeng ka Gona!”
18 Bona ka mokgo Pawulo a hlatolliyeng go hlalefa ga Jehova ka gona: “Ka mokgo Modimo a hlalefiyeng ka gona le ka mokgo a tšibang dilo ka gona le tso a rufanang ka tsona a di hlayisege, ka mokgo a yahlulang ka gona re ka sa di kwisisi le ditsela tsage re ka sa di tšibi!” (Maroma 11:33) Mantsu ya Pawulo ya mathomisong ga temanyana yowa ma šihlela ka mokgo ne a tikwa ka gona, taba yone ne yi mo tikisa ka matla. Lentsu la Segerika lo a le berekisiyeng la “hlayisege” le šagelana le mantsu yawa “mokoti wa go yisa.” Mantsu yage ma maka re naganisise ka taba yone. Mo re ghayela ka go hlalefa ga Jehova, go ba nkare re lebelele ga poleke ya kgole, ga gore ke mokoti wa go yisa ka matla, ga gore go yisa ka matla tsa gore re ka sa tsoge re kwisisiye, tsa gore re ka sa kgone go wo nyakisisa kela go wo thala mmepong gore wo kaye ga gona. (Pisalema 92:5) Ayitsano mo o nagana ka tsotsone a di make gore o tinyanafatse?
OCTOBER 14-20
MAKOLWANE KA TENG GA LENTSU LA MODIMO PISALEMA 96-99
“Tšhomayela Ditaba Tsa go Bafala”!
w11-SE 3/1 6 ¶1-2
Ditaba Tsa go Bafala King?
MAKRESTE di nyaka ma tšhomayele “ditaba tsa go bafala tsa mmušo” ka go di botsa ba bangwana, ma ba hlatollele gore Mmušo wone ke wona wo nyoko lawolang lefase ka mokana ga lona gabutši ku mahlong. Mara mantsu yawa “ditaba tsa go bafala” ba ma berekisiye le ga tse dingwana ka ho Bhayibeleng. Mo re beyisa, ba ma berekisiye le ga “ditaba tsa go bafala tsa go phonisa” (Pisalema 96:2); “ditaba tsa go bafala tsa Modimo” (Maroma 15:16); le “ditaba tsa go bafala ka Jeso Kreste.”—Mareka 1:1.
Mo re fo yi beya nje, ditaba tsa go bafala ba ra dinnete ka moka tso Jeso a bolabodiyeng ka tsona le tso malata yage ma di ngwadiyeng. Mo Jeso a soko boyela legedimong o butsiye malata yage a re: “Ariyeneng le ye maka batho ba ditšhaba ka mokana ga tsona gore go be malata, le ba kolobetseneng ka lebitso la Papa le la Morwayi le la moya wa go hlawolega, le ba tšhutiseneng go theetsela dilo ka mokana ga tsona tso ke le butsiyeng tsona.” (Matewu 28:19, 20) Byalo mmereko wa Makreste ya mannete a yi go fo botsa batho ditaba tsa go bafala ka Mmušo; mara di nyaka ma karakare gore ma make malata.
w12-SE 9/1 16 ¶1
Go Nyoko Makega Ying ka Letšatši la go Yahlula?
Ka mokgo re bonang ga sethombhe so se leng ga letsogo la go ja, batho ba go tlala ba nagana gore ka Letšatši la go Yahlula dibhiliyoni tsa batho di nyoko yema mahlong ga setulo sa Modimo sa go lawola gore ba thogo yahludiwa go ya ka tso ba di sinnyeng ba sa phela—ba bangwana ba nyoko rufiwa ka go kraya lephelo la go ye phela legedimong, ke mokane ba bangwana ba nyoko tšhubiwa diheleng. Le mo go le ka mokgonone, Bhayibele yi hlaya so se nyoko makegang ka Letšatši la go Yahlula, yi re go nyoko phonisawa batho bo ne ba sa yahludiwa gabutši. (Pisalema 96:13) Modimo o neyye Jeso mmereko wa go Yahlula, ke yene a nyoko yahlulang batho gabutši.—Bala Jesaya 11:1-5; Mebereko 17:31.
w12-SE 9/15 12 ¶18-19
Go Nyoko Beba Sekete sa Mengwaga—Le go Feta!
18 Senghana sela sa go natefela se thomisiye go sinyega mo batho ba go kutšetsela ke Sathane, ba thomisa go lwisana le go lawola ga Jehova. Mara go tlugisela ka 1914, Mmušo wa Mesiya wo šele wo thomisiye go lukisa tse dingwana tso di nyoko makang gore re be selo ka ssoši go boye go bebe. (Maef. 1:9, 10) Ka Nako ya Sekete sa Mongwaga, dilo tsa go makatsa tsa gore a re so “hlwe re di bona” re nyoko di bona di makega. Ke mokane “ka nthago” ga hone, go lawola ga Kreste ga Sekete sa mengwaga go nyoko fela. Byalo go nyoko makega ying ka nthago? Le mo nkare ba mo neyye “gore a lawole dilo ka mokana ga tsona legedimong le lefaseng,” Jeso aa na dipawo. Aa tikemisela go yamoga Jehova bogoši byage. A tinyanafatsiye “o nyoko busetsa Mmušo ga Modimo wa gore fote ke Papa.” O nyoko berekisa mayemo yage le go lawola gage gore “go thogo gadimisiwa Modimo.”—Mat 28:18; Fil 2:9-11.
19 Ka nako yonone, batho ka moka bo ba nyoko bang ba phela ka tlase ga Mmušo wa Modimo ba nyoko ba ba yenele. Ba nyoko latelela mošupetso wa Jeso fote ba nyoko tinyanafatsa le go jabodisa ke mokgwa wa Jehova wa go lawola ba sa tšhofa ke motho. Ba nyoko thulegela ke lešuba la go maka tsotsone, ka go šupetsa gore ba tlalele ka kaye mo ba liketsiwa la mafelelo. (Kut. 20:7-10) Ke mokane ka nthago ga hone, ka moka bo ba phigisang, gana hone go kena batho le madimona, ba nyoko fetsa ka bona. Phela go nyoko ba go le nako ya go jabola le go hlakela! Lefase ka mokana ga lona go nyoko ba go le mutši ka wwoši wa gore wo jabodisa ke go thanaka Jehova, wa gore o nyoko ba a le “dilo ka moka ga batho ka moka.”—Bala Pisalema 99:1-3.
Tso di Wutammeng ka Bhayibeleng
it-2-E 994
Koša
Tso ba di hlayyeng ka “koša ya nyuwane” a di fo nyarela fela ga Dipisalema mara di nyarela le ga tso Jesaya le Johane wa lepostola ba di ngwadiyeng. (Pis 33:3; 40:3; 96:1; 98:1; 144:9; 149:1; Jes 42:10; Kut 5:9; 14:3) Mo ba nyakolla taba yo yi dulang yi bolabodiwa mo go bolabodiwa ka “koša ya nyuwane” ba kraya gore yi yepelediwa ka taba la gore go na le sa nyuwane ga ka mokgo Jehova a lawolang lefase ka gona. Ba yye ba yahlamela ba jabodiye ga Pisalema 96:10 ba re: “Jehova ka bo yene ke kgoši.” Mantsu ya “koša ya nyuwane” ma bolabola ka tsa nyuwane ga taba ya gore Jehova o yeketsa nako yo a nyoko lawolang yona, le taba ya gore tsotsone di rela ying ga legedimo le lefase.—Pis 96:11-13; 98:9; Jes 42:10, 13.
OCTOBER 21-27
MAKOLWANE KA TENG GA LENTSU LA MODIMO PISALEMA 100-102
Šupetsa Gore o Leboga Taba ya Gore Jehova o go Nyaka Tsa Mannete
Nka Maka Byang Gore le Nna ke Šinye ke Kolobetsiwe
18 Mokgwa wa go bafala ka matla wo o nang nawo ke wa go nyaka Jehova ka matla. (Bala Diyema 3:3-6.) Mo nkare taba ya go mo nyaka ka matla ga Modimo yi tiyelele, tsotsone di nyoko go gelepa gore o teye o feta ga tso di go ghulang. Ga go tlala Bhayibele yi re mo Jehova a nyaka malata yage, aa tšhentšhatšhentšhi. Taba ya go nyaka malata yage a sa tšhentšhatšhentšhi yi rela gore le ka tšatši la mohlolo a ka sa tsoge a ma lahliye kela a kwa a sa sa ma nyaka. (Pis. 100:5) Phela wene ba go makiye gore o tshwane le Modimo. (Gen. 1:26) O ka maka byang gore le wene o šupetse gore wa nyakanana?
19 Thomisa ka go leboga. (1 Mathes. 5:18) Dula o tiputsisa gore, ‘Jehova o šupetsiye ka mokgo mang gore o nnyaka ka matla?’ Ke mokane o sa yi phayele ka thoko taba ya go leboga Jehova mo o rapela o kene o hlaya dilo tso a go makeleng tsona. O sa yi takisi maahlo taba ya gore Jehova o go makela dilo tsa gabutši ka taba la gore o go nyaka ka matla, go fo tshwana le ka mokgo Pawulo wa lepostola a yyeng a yi bona taba yone. (Bala Magalata 2:20.) Tiputsise gore, ‘Ayitsano le nna ke nyaka go mo šupetsa gore ke mo nyaka ka matla?’ Taba ya go nyaka Jehova ka matla yi ka go gelepa gore o tiyisele le mo o gahlana le dintshitshire. Fote yi ka go tšhofa gore o ye mahlong o kene o ngangarele ga taba ya go berekela Jehova o šupetsa gore ga Papago o mo nyaka tsa nkare ke moka.
“Le Duleneng le Ntshiye Maahlo Dikwakweng, le sa Kobole!”
10 Dikotsi tse dingwana tso di nyakang re kganele kgole natso ke go nabela motho o sa tikemisela selo ka yene, go gaputlela mokgete, go ja ka matla, go bolabola dilo tsa gore di kwaletsa ba bangwana le go lebelela dilo tsa gore di na le bokgohlane, batho ba go sa tšwara le tse dingwana tsa go tshwana le tsone. (Pis. 101:3) Lenaba la rune Diyabolo, le dula le ramele lešuba la gore le sinye senghana sa rune le Jehova. (1 Pet. 5:8) Mo re ka sa pasope, Sathane o nyoko gaša dipewu tsa gore a yi tsona ka ho dipelong le menaganong ya rune tsa go tshwana le go ba le mona, go sa tshepege, dipawu, go hloyana, go ba le magetla le go kwata. (Magal. 5:19-21) Mo di sa thomisa, o ka nagana gore dilo tsowa a di se kotsi. Mara mo re ka fo di lisetsa ra sa make se sengwana gore re di tomole, di nyoko fo ya mahlong di gola go tshwana le semelane sa gore se na le tšhefu fote di nyoko re leyela mathatha.—Jak. 1:14, 15.
w11-SE 7/15 16 ¶7-8
Ayitsano o nyoko Theetsela Tso Jehova a go Pasopisang ga Tsona?
7 Go nyakega ying gore re thogo tšhabelela matsaka ya ba bangwana ba ma tšhutisang? A re ba yamogele ma gaye ya rune fote a re ba tamisi. Fote a re bale dikgatiso tsa bona, a re lebelele matheto ya bona ga TV, a re bale tso ba di ngwalang ga inthanete, kela ra hlaya so rune re se naganang ga tso ba di ngwalang ga inthanete. Ke ntaba re yi tseya yi le kgolo taba yone? Ka taba la gore ra nyakanana. Re kwana le “Modimo wa nnete,” a re kwane le matsaka ya ba ma tšhutisang ya gore a ma dumelelane le so Lentsu la nnete la Modimo le se hlayang. (Pis. 31:5; Joh 17:17) Re wo nyaka ka matla ga mokgahlo wa Jehova, ka taba la gore wo re tšhutisiye di nnete tsa go jabodisa—wo re tšhutisiye lebitso la Jehova le tso le relang tsona, tso Modimo a nyakang go di segelela ka lefase, tso di makegang mo motho a hlokofele le tshepo ya gore bakgu ba nyoko tsoga. Ayitsano o sa gopola gore o yye wa tikwa byang la mathomo mo o tšhuta ka dinnete tsowa tsa gore o di tseyela gedimo? Byalo ke ntaba o ka kwatisa ke dilo tso motho a ka di hlayang tsa go sa hlamatsega ka mokgahlo wo wo go tšhutisiyeng dinnete tsowa?—Joh 6:66-69.
8 Le mo bo ba go tšhutisa matsaka ba ka re king, re ka sa ro ba theetsela! Ke ntaba o ya ga sediba sa gore se womme ga gore o ka sa kraye selo fote wa šala o tšebiye? Di nyaka re tikemisele go dula re tshepega ga Jehova le mokgahlo wage wa gore go tlugisela botala wo re neya meetši ya go batela go leng nnete ya go tšwa Lentsung la Modimo.—Jes. 55:1-3; Mat. 24:45-47.
Tso di Wutammeng ka Bhayibeleng
it-2-E 596
Leyakaboswane
Mo leyakaboswane le jile le kguri, la fofa le ya ga poleke ya gore yi kgomolele, ga gore le fihla le tidulela le ntoši, le dule le re tsee, tsa nkare ke letlapa le lešwewu mo o le lebelele o le kgole. Nonyane yone yi dula ka mokgonone nako ya go lefa, nka taba lo mopisalema a berekisiyeng taba yo ya gore yi dula yi le ntoši go hlatolla ka mokgo ne a kgongwele ka gona, mo a ngwala mantsu ya gore: “Nna ke tshwana le leyakaboswane la ku mašahleng.” (Pis 102:6) Mowa lentsu lowa “mašahleng” a le nape le rela ku hlageng mara le fo ra ku thoko ga gore a go duli batho, kela ga poleke ya gore yi tlele meetši. Go na le dinako tsa gore ku lebowa la Jorodane go tlala diyakaboswane ka matla. Go na le mehlobo ka meraro ya diyakaboswane ku Israyele. La gore le tlwayelegiye ka matla ke leyakaboswane le lešwewu (Pelecanus onocrotalus); fote leyakaboswane la Dalmatian (Pelecanus crispus) le la pink-backed (Pelecanus rufescens) a ma napa ma tlala ka matla.
Diyakaboswane di šupetsa di kwana le dipoleke tsa nkare ke mašahlanyana, ga gore a di šitisi ke batho. Gana hone di kgona go maka dihlagela le go gudisa bana ba tsona fote ka nthago ga mo di jile dihlapi, di ya khutsa. Ka taba la gore nonyane yowa yi kwana le go tidulela yi ntoši ga poleke ya gore yi thoko, ka ho Bhayibeleng ba yi berekisa go tshwanisela seyemo sa gore sa kgongwetsa. Mo a bolabola ka seyemo sa gore sa kgongwetsa sa Edomo sa gore se se tla, Jesaya o porofitiye gore leyakaboswane le nyoko tseya naga yone. (Jes 34:11) Zefaniya o porofitiye gore diyakaboswane di nyoko dula ga dikholomo tsa mapharo ya Ninive, go šupetsa gore go sinyegiye fote a go na batho.—Zef 2:13, 14.
OCTOBER 28–NOVEMBER 3
MAKOLWANE KA TENG GA LENTSU LA MODIMO PISALEMA 103-104
Wa Gopola “Tsa Gore re Lerole”
Yekisela Jehova—O Temateme
5 Taba ya gore Jehova o tinyanafatsiye fote o kwelana go baba yi mo tšhofa gore a naganelane. Mo re beyisa, Jehova o šupetsiye ka mokgo a tinyanafatsiyeng mo a šele a le thina le go fetsa ka batho ba go sa loka ba Sodoma. Jehova o berekisiye mangeloyi yage gore ma layelele Llota gore a tšhabele dithabeng. Llota ke mo a tšhaba go ya gana hone. Byalo, o yye a kgopela gore yene le ba mutši wage ba ba dumelele gore ba tšhabele Zowara, go leng mutši wo monyana wa gore Jehova ne a tiputsiye gore o nyoko fetsa ka wona. Phela Jehova nke a f’lo gapeletsa Llota gore a make tso A mmutsiyeng tsona. Mara, Jehova o yye a dumelela Llota gore a ye Zowara fote a sanka A wo psyitlanya mutši wone. (Gen. 19:18-22) Ka nthago ga mengwagangwaga, Jehova o šupetsiye batho ba Ninive gore o ba kwela go baba. O yye a romela moporofeta Jona gore a botse batho ba dipelo tse di phifadu ba ku Ninive gore o nyoko fetsa ka bona le ka mutši wa bona. Mara Maninive ma yye ma sokologa, Jehova a ma kwela go baba ke mokane a sa psyitlanyi mutši wone.—Jona 3:1, 10; 4:10, 11.
Tikokotlele ka Jehova go fo Tshwana le Samsoni
16 Le mo Samsoni a yye a gahlana le tsa go sasamela ka matla ka taba la tso a yyeng a di kekemisa mara a sanka a lisetsa go maka tso Jehova a di nyakang. Phela le rune re ka kekemisa go gongwana fote di nyaka gore ba re wolole kela re sa sa maka mmereko wo ne re wo maka, re sa lahle tewu. Re sa lebale gore Jehova le ka tšatši la mohlolo a ka sa hlaye ga rune gore le fo napa le lisetsa ka gore di le šitiye. (Pis. 103:8-10) Phela le mo re ka ba re kekemisiye go segela kaye, Jehova a ka sa re ngalele ka taba la gore le ga Samsoni a sanka a di maka tsotsone.
17 Tseya ka mošupetso wa mogageru ye mongwana ye ba reng ke Michael. Ke mo a tshwaraganne ka matla ga taba ya go berekela Jehova a le lelata la ka ho phutegong fote go le mošupatsela wa nako ka moka. Byalo, sa go kwisa go baba ke gore o yye a kekemisa go gongwana la go šinya di šaša tsa go maka mmereko wo ne a wo maka ka ho phutegong. O re “le gana byalo lowa ne ke dula ke tshwaraganne ka taba ya go berekela Jehova. Di soko ya kgole ke yye ka kwa nkare ga Jehova nka sa mo makele selo. Ne ke di tšiba tsa gore Jehova a ka sa tsoge a nllahliye mara ne ke tiputsisa gore ayitsano senghana saka naye se sa nyoko tshwana le sa mathomisong kela ayitsano ke sa nyoko boyela ke mmerekela ka ho phutegong go tshwana le mathomisong.”
18 Sa go jabodisa ke gore, Michael a sanka a lahla tewu. O tokegele ka gore: “Ke liketsa ka matla gore ke lukise senghana saka le Jehova ka go dula ke rapela, ke tšhuta ke boya ke ghayela.” Mo goya-goya, Michael o yye a boyela a maka mmereko wage wa ka ho phutegong. Gana byalo ke mogolo fote ke mošupatsela wa nako ka moka. O re: “Ka mokgo bagolo ba yyeng ba nthega ka gona ba boya ba tiyisa tsotsone di n’gelepiye gore ke di bone gore Jehova o sa na a nnyaka. Phela ke boyele ke bereka ka ho phutegong ke sa kikiti ke lekwalo. Taba yowa yi ntšhutisiye gore Jehova o nyoko dula a tshwarela ye mongwana le ye mongwana wa gore o tisola a resa.” Re ka sa yi kamake taba ya gore Jehova a ka re berekisa fote a re rufa le mo re ka ba re yye ra kekemisa, mo re ka maka so re ka se kgonang gore re potolle ditsela tsa rune re boye re sa lisetse go tikokotlela ka yene.—Pis. 86:5; Diy. 28:13.
Le Wene o ka di Kgona go Segelela Tso o di Nyakang ga Tso Tsa Modimo
2 Mo nkare go na le so o nyakang go se segelela mara a o soko bane o se kraya, di sa go kgongwetsi tsone barena. Phela le mong go segelela selo se senyana, ga go tlala di tseya nako fote di nyaka o karakare. Taba ya gore o sa na o nyaka go se segelela, yi šupetsa gore senghana sago le Jehova o se tseyela gedimo fote o nyoko maka ka mokgo o ka kgonang. Jehova o di tseyela gedimo tso o karakarang go di maka. Ke nnete gore, aa yemela gore o make dilo tsa gore di feta tso o ka di kgonang. (Pis. 103:14; Mmik. 6:8) Byalo, mo o kgeta so o nyakang go se segelela, di nyaka o pombhole gore ayitsano o ka di kgona. Mo nkare go ka mokgonone, king so o ka se makang gore o thogo se segelela? Tla re petapeteneng ka dilo tso o ka di makang.
Tso di Wutammeng ka Bhayibeleng
cl-SE 55 ¶18
Matšhika ya go Maka Dilo—“Wa go Maka Legedimo le Lefase”
18 Re tšhuta ying ga ka mokgo Jehova a berekisang matšhika yage ya go maka dilo? Dilo tsa go tlala tso a di makiyeng tsa gore fote a di tshwane di re šiya re yahlamme. Mopisalema ye mongwana o hlayye gore: “Mebereko yago yi tlele ka matla, Wene Jehova! . . . Lefase le tlele ka dilo tso o di makiyeng.” (Pisalema 104:24) Tsone go ro ba mong nnete! Bo ba go tšhutela tsa maphelo ba krayye dilo tsa go phela tsa go teya ka ku ga miliyoni tsa gore di phela ho lefaseng; fote ba bangwana ba naganela gore go na le tse dingwana tsa go teya ga miliyoni tsa gore di ka ba di le gona mara re sa di tšibi. Motho wa gore o kgona go maka dilo tsa go kgabisa ka dinako tse dingwana a ka felela ke matšhika ya go di maka. Mara matšhika ya Jehova—go leng matšhika yage ya go maka dilo tsa go tlala mo lefase—ma ka sa tsoge ma fediye.