‘Legawu Lago le Legolo la Tumelo’—Ayitsano wa le Pasopa?

1-2. (a) Maefeso 6:16 yi re ke ntaba di nyaka re be le “legawu le legolo la tumelo”? (b) Re nyoko fetola diputsiso difeng?

AYITSANO le wene o na le “legawu le legolo la tumelo”? (Bala Maefeso 6:16.) A re kamake gore o nalo. Go fo tshwana le mo legawu le legolo le kgona go pasopa mmele ka mokana ga wona, le tumelo yi ka re pasopa ga maphelelo ya go sa yela, bokgohlane le go fokola ke dilo tsa lefase lo, tsa go sa sipidisane le melawo ya Modimo.

² Ka taba la gore re phela ga “dinako tsa mafelelo,” tumelo ya rune yi nyoko fo dula yi leketsiwa. (2 Thim. 3:1) O ka pombhola legawu lago la tumelo ka mokgo mang gore o thogo bona gore le sa na le tiyelele? Fote o ka maka byang gore legawu lago le sa go khwanyogele? Tla re petapeteneng ka diphetolo tsa diputsiso tsowa.

POMBHOLA LEGAWU LAGO GABUTŠI

3. Masole ya ku botala ke mo ma pasopa magawu ya wona byang fote ke ntaba?

³ Masole ya ku botala, ga go tlala ke mo ma na le magawu ya gore ba ma rokelele mokgopa. Masole yane, ke mo ma tlotsa magawu ya wona ka makgura gore mokgopa wone wo sa sinyege le gore ditshipi tsa legawu di sa rusi. Mo lesole le bona nkare legawu la lona le ya sinyega, le yakgoswa le le lukisa gore le thogo le berekisa mo go tla ntwa. Mara tsotsone di bereka ka mokgo mang ga tumelo yago?

4. Ke ntaba di nyaka o dula o pombhola legawu lago la tumelo fote o ka di maka byang tsotsone?

⁴ Go fo tshwana le masole ya ku botala, di nyaka o dula o pombhola le go pasopa legawu lago la tumelo gore o thogo tilukiselela ntwa. Ke rune Makreste, re lwa ntwa ya moya fote manaba ya re lwang nawo ke madimona. (Maef. 6:10-12) Phela a go na ye a ka go pasopelang legawu lago la tumelo. O ka maka king gore le wene o sa kamake gore o ko dula o tiyye le mo go nyarela tsa go go ghula? Sa mathomo, rapela Modimo o šwennye gore a go gelepe. Byalo di nyaka o berekise Lentsu la Modimo gore o thogo tipona ka mokgo Modimo a go tseyang ka gona. (Maheb. 4:12) Baebele yi re: “Tshepa Jehova ka pelo yago ka mokana ga yona, o sa yi ka mokgo wene o kwisisang.” (Diy. 3:5, 6) Ga taba yonone, nagana ka dipheto tso o sa tšwang go di segelela, gore o yye wa di maka byang? Mo re beyisa, ayitsano ga tso tsa ditšheleta o yye wa goga thabeng? Nje tso Jehova a di tshepisiyeng ho ga Maheberu 13:5 o yye wa di nagana mo a re: “Nka sa go lesetse fote nka sa ro go lahla”? Ayitsano sosone se makiye gore o nape o tshepa gore nnete Jehova o nyoko go gelepa? Mo nkare go sone, di fo ba lekgwaying gore legawu lago la tumelo le dula le pasopegiye.

5. O ka tšhoga o krayye ying mo o pombhola tumelo yago?

⁵ Mo o ka pombhola tumelo yago gabutši, o ka makatsa ke so o se krayang. O ka tšhoga o krayye le tsa go kekema tsa gore ke botala di le gona mara o sa di bone. Mo re beyisa, o ka kraya gore go šekela ka matla, matsaka le dilo tsa go go kgongwetsa di kwaletsiye tumelo yago. Mo nkare tsotsone di yye tsa go makegela, o ka maka byang gore o tšhireletse tumelo yago yi sa hlagale gwa šala go le malabulabu?

TIPASOPE GA TABA YA GO ŠEKELA KA MATLA, MATSAKA LE GO KGONGWELA

6. Ke mešekelo ya mošaga mang ya gore yi gabutši?

⁶ Wa tšiba, ye mengwana mešekelo yi gabutši ka matla. Mo re beyisa, di gabutši ka matla mo re šekedisa ke go nyaka go jabodisa Jehova le Jeso. (1 Makor. 7:32) Mo re sinyele Modimo ka matla, di nyaka re kwe di re kokona gore re lukise senghana sa rune naye. (Pis. 38:18) Se sengwana so se re šekedisang ke gore re nyaka go jabodisa banna kela basadi ba rune re boya re pasopa ba mutši wa rune le magageru ka ho phutegong.—1 Makor. 7:33; 2 Makor. 11:28.

7. Diyema 29:25 yi re ke ntaba di sa nyake re hlagasedisa ke motho?

⁷ Se sengwana ke gore go šekela ka matla go ka kwaletsa tumelo ya rune. Mo re beyisa, re ka fo dula re šekedisa ke gore re nyoko ja ying fote re ko tšwara ying. (Mat. 6:31, 32) Byalo, o ka kraya re lelekisana le dilo tsa majabajaba. Ra thomisa le go kwana le sekwetše ka matla. Mo re ka fo yikela tsotsone di re makegela, re nyoko maka gore senghana sa rune le Jehova se šehle. (Mar. 4:19; 1 Thim. 6:10) Kela wa kraya re šekela ka matla, re šekedisa ke gore re nyaka batho ba dula ba re tseya gabutši. O ka fo kraya re tšhaba go hlorisiwa kela go hlupegisa ke batho go phala go sinyela Jehova. Gore re sa hlagasedisi ke dilo tsone, di nyaka re kgopele Jehova gore a re neye tumelo le lešiši gore re thogo hlula tsa go re phiriketsa.—Bala Diyema 29:25, Luk. 17:5.

8. Re ka re king mo go wunyuluga matsaka?

⁸ Sathane, “papa wa matsaka,” o berekisa bo a ba lawolang gore ba sabalatse matsaka ka Jehova le magageru. (Joh. 8:44) Mo re beyisa, bo ba go kgeloga ba sabalatsa matsaka fote ba bolabola dilo tsa gore a yi tsona ka mokgahlo wa Jehova ba berekisa diwepsayete, TV le tse dingwana ga inthanete. Matsaka yane ke “mesefo ya go dura” ya Sathane. (Maef. 6:16) Re ka re king mo ye mongwana a ka re tlela ka matsaka ya mošaga wonone? Re ka sa ro mo theetsela! Ke ntaba? Ka taba la gore re na le tumelo ga Jehova fote le magageru re ma tshepa ka matla. Gabutšibutši, di nyaka re kganele kgole le ga bo ba go kgeloga. A re nyake motho kela selo le ka ssoši kela go nabela go tšiba, go maka gore re phigisane nabo.

9. Go kgongwela go ka re kwaletsa go segela kaye?

⁹ Go kgongwela go ka maka gore tumelo ya rune yi šehle. Re ka sa make nkare a re na mathatha. Gabutšibutši, mo re ka fo re a re na mathatha, re ko ba re tšhabelela morwalo wa rune. Ka dinako tse dingwana, re ka fo tikwa re kgongwele. Mara a di nyake re dula re naganne ka mathatha ya rune. Mo re ka maka ka mokgonone, dilo tsa gabutši tso Jehova a re tshepisang tsona ku mahlong, re ka sa sa di tseyela hlogong. (Kut. 21:3, 4) Go kgongwela go ka re poma matšhika ke mokane ra thomisa go šepisa. (Diy. 24:10) Mara re sa lesetse dilo tsone di re makegela barena.

10. O tšhutiye ying ga borifi byo mogageru wa mosadi a bo ngwadiyeng?

¹⁰ Lebelela ka mokgo mogageru wa mosadi wa ku United States a yyeng a tiyisa tumelo yage le mo a kene a tshwaraganne le go pasopa monnage wa gore o lwala ka matla. Ga borifi byo a bo ngwaleleng ntlo ye kgolo ya lefase ka mokana ga lona ya Dihlatse tsa Jehova o yitseri: “Ka dinako tse dingwana seyemo sa rune se re kwisa go baba fote se ya re kgongwetsa, mara tumelo ya rune a yi tekateki. Ke kwa ke tikisega pelo ka dilo ka mokana ga tsona tso Jehova a re neyyeng tsona, di tiyisa tumelo ya rune fote di maka gore re sa lelemele. Go yetetsiwa le go tiyisiwa ka mokgonone, ke mo re di nyaka ka matla. Go maka gore re sa šepisi fote re tiyisele ga tso Sathane a re porang ka tsona.” Nnete re ya di bona gore re ka tšhuta ga mogageru yewa wa mosadi gore le mo re gahlana le tsa go re kgongwetsa, re ka hlula! Ka mokgo mang? Tseya tsa go re phiriketsa go le molabo wa Sathane. Tseya Jehova go le yene a ka go kgomoletsang. Leboga Modimo ka taba la Lentsu lage, Baebele.

11. Gore re thogo bona gore tumelo ya rune a yi tekateki, re ka tiputsisa diputsiso difeng?

¹¹ Ayitsano go na le mo o bonang nkare legawu lago la tumelo le nyaka go lukisiwa? Ga dikgwedi tsa go fela, nje o yye wa kgona go hlula ga taba ya go šekela ka matla? Ayitsano o yye wa gana go theetsela kela go phigisana le bo ba go kgeloga ka taba la matsaka ya ba ma sabalatsang? Ayitsano o yye wa kgona go tiyisela ga tsa go go kgongwetsa? Mo nkare go sone, di ra gore tumelo yago a yi sekoka. Mara di nyaka re dule re ntshiye mahlo dikwakweng, ka taba la gore Sathane o dula a ramele mašuba ya gore a re phukuluse. Tla re boneneng le lengwana la wona.

TIPASOPE GA DILO TSA MAJABAJABA

12. Dilo tsa majabajaba di ka maka ying ho ga rune?

¹² Dilo tsa majabajaba di ka maka gore re sa tseyele legawu la rune la tumelo gedimo. Pawulo wa lepostola o yitseri: ‘A go na lesole la gore le ka kenakena ga tsa dibhisinisi ke mokane la yamogela ke ye a le kgetiyeng gore go be lesole.’ (2 Thim. 2:4) Gabutšibutši masole ya Roma ke mo ba ma rakela gore ma bereke mebereko ye mengwana. Mara ke mo go nyoko makega ying mo lesole le ka fo tiwomisa hlogo?

13. Ke ntaba di sa nyake lesole le kenakena ga dilo tsa dibhisinisi?

¹³ Nagana ka taba yowa. Masole ke wonone ma tsugiye go sa le ka bošego ma tilukiselela ntwa ma tshwere disabola tsa wona, mara lesole le lengwana a le šiyo. Lesole lone le yye go rekisa tsa go ja toropong. Ka malobana, masole ya mangwana ma tseya nako ma pombhola dikobo tsa wona tsa ntwa le go lokotša digale tsa wona. Mara lesole lo la go rekisa tsa go ja, le fetsa nako le lukiselela tsa go ja tso le nyoko di rekisang ka motshwana. Ka motshwana wa gona go sa le ka bošego, manaba ma fo re palakata. Ke lesole lefeng lo le ka kgonang go lwa ke mokane la jabodisa ye a le kgetiyeng gore go be lesole? Ke lesole lefeng lo o ka nyakang go yema thina nalo mo go lwiwa ntwa, ke la gore le dula le tilukiselele ntwa kela ke lo la go lebatsega?

14. Ka gore ke rune masole ya Kreste, king so re se tseyelang gedimo?

¹⁴ Re tshwana le masole ya go maka dilo gabutši, a re nyake go lebatsega ga so re nyakang go se segelela, sa gore re yamogele ke Jehova le Kreste, bona bo ba re kgetiyeng gore re be masole. Re tseya go yamogela ke Jehova le Kreste go le selo se segolo go phala go lelekisana le dilo tsa lefase la Sathane. Re maka ka mokgo re ka kgonang gore re berekise nako le matšhika ya rune re berekela Jehova, gore dikobo tsa rune tsa ntwa tsa go tšwa ga Modimo di sa sinyege le gore legawu la rune la tumelo le sa sinyege.

15. Pawulo o pasopisiye ga taba yifeng, fote ke ntaba?

¹⁵ Di nyaka re dula re ntshiye mahlo dikwakweng! Ke ntaba? Pawulo wa lepostola o pasopisiye ka taba ya gore, ‘bo ba tikemiseleng go ghanya’ ba nyoko ‘keketlela ku kgole le tumelo.’ (1 Thim. 6:9, 10) Taba yo ya ‘go keketlela’ yi rela gore re ka fukula ke go nyakana le dilo tsa gore gabutšibutši a re di hloke. Re ka thomisa go lelekisana le dilo tsa ‘go tlala tsa go sa re selo le go nabela dilo tsa gore di ka re kwaletsa.’ Di nyaka re sa lebale gore Sathane wa di bona mo re na le dipelo, byalo o berekisa go nabela mo ga rune gore a sinyanye tumelo ya rune.

16. Taba yo yi leng ga Mareka 10:17-22 yi maka gore re tiputsise diputsiso difeng?

¹⁶ Di ka makega gore re na le sekwetše sa go ka reka dilo tsa go tlala tsa majabajaba. Ayitsano re ko ba re ya ka matla, mo re fo reka se sengwana le se sengwana so re kwang re nyaka go se reka, mara re sa se hloke? Aritši. Mara nagana ka diputsiso ke tsowa: Le mo re ka fo ba re kgona go reka selo, ayitsano re nyoko kraya nako ya go se berekisa le go se pasopa? Nje re ka thomisa go kwana ka matla le dilo tsone tsa rune? Go nyaka dilo tsa majabajaba ka matla go ka maka byang gore re tshwane le mosogana yela wa go gana mo Jeso a mmitsa gore a tle a yeketse mmereko wage wa go berekela Modimo? (Bala Mareka 10:17-22.) Di gabutši ka matla gore re phele lephelo la lula fote re berekise nako le matšhika ya rune gabutši gore re thogo maka tso Modimo a di nyakang!

DULA O NGANGARELE LEGAWU LAGO LA TUMELO

17. A di nyake re lebala ying?

¹⁷ Re sa lebale gore re ntweng fote di nyaka re dule re tilukiselele go lwa letšatši le lengwana le le lengwana. (Kut. 12:17) Phela magageru ma ka sa re rwalele legawu la rune la tumelo sekala. Di nyaka re dula re ngangarele legawu la rune la tumelo.

18. Ke ntaba ne di nyaka gore masole ya ku botala ma dule ma ngangarele magawu ya wona?

¹⁸ Lesole la ku botala ke mo le thanakiwa ka matla ka taba la go lwa ntwa le šišimele. Mara ke mo le nyoko tšeba mo le ka boyela gaye le se na legawu. Morene mongwana wa go tšhutela dilo tsa botala ye ba reng ke Tacitus wa ku Roma o ngwadiye gore: “Mo lesole le ka lahla legawu la lona, ke mo di nyoko tšebisa ka matla.” Nka taba lo masole ke mo ma dula ma ngangarele magawu ya wona.

19. Re ka dula re ngangarele legawu la rune la tumelo ka mokgo mang?

¹⁹ Le rune re dula re ngangarele legawu la rune la tumelo ka go sa lofe megahlanong ya Sekreste fote re boya re bolabola ga ba bangwana ka lebitso la Jehova le ka Mmušo wage. (Maheb. 10:23-25) Go tokegela gana hone, re bala Lentsu la Modimo ka moka matšatši re boya re rapela Jehova gore a re gelepe re berekise dilo ka mokana ga tsona tso re di tšhutiyeng. (2 Thim. 3:16, 17) A go na so Sathane a ka se berekisang sa gore se nyoko re kwaletsa go ya go yye. (Jes. 54:17) ‘Legawu la rune le legolo la tumelo’ le nyoko re tšhireletsa. Re nyoko ya mahlong re bereka le magageru re šišimele fote re sa tekateki. Phela a yi fo ba taba ya gore re nyoko hlula ntwa ya ka moka matšatši, mara re nyoko boya re jabolela go ba ka thoko ga Jeso mo a hlula Sathane le bo ba mo latelelang.—Kut. 17:14; 20:10.