HLOGOTABA YA GO TŠHUTIWA 21
KOŠA 107 Mo re Nyakanana, re Tseyele ga Modimo
O ka mo Kraya Byang Motho wa Gabutši ye o ka Šadhang Naye?
“Mosadi wa gabutši a ka kraya ke mang? O tseyediwa gedimo ka matla go phala le makolwane.”—DIY. 31:10.
MONG TŠHIKO
Ditšhiko tsa Bhayibele di re botsa ka mokgo re ka krayang motho wa gabutši wa gore re ka šadha naye le ka mokgo ba bangwana ka phutegong ba ka thegang bo ba gore ba nyaka go šadha.
1-2. (a) Makreste ya gore a ma soko šadha di nyaka ma nagane ka ying mo ma soko bane ma kgetisana le motho? (b) Mo re bolabola ka “go kgetisana,” re ba re bolabola ka ying? (Lebelela “Hlatollo ya Lentsu.”)
AYITSANO o nyaka go šadha? Le mo nkare a di rele gore o tshwanele o šadhe gore o thogo jabola, mara Makreste ya go tlala ya gore ma gudiye le ya gore ma sa gola, maa di nyaka tsa gore le wona ma tikrayele motho wa gore ma ka šadha naye. Ke nnete gore, mo o soko bane o kgetisana le motho, di nyaka o be le sekwetše sa go tiphidisa, o tlalele ga tso tsa Modimo fote le wene o tikwe gore go šele go le nako ya gore o ka šadha.a (1 Makor. 7:36) Mo go le ka mokgonone, o ka ba le mošadho wa gore wa phomelela.
2 Mara, a go moroba gore o kraye motho wa gabutši wa gore o ka šadha naye. (Diy. 31:10) Le mo o kraya motho wa gore o nyaka go tšibana naye gabutši, di ka fo sa nape di ba lula gore le kgetisane.b Ga hlogotaba yowa, re nyoko bolabola ka tso di ka gelepang Makreste ya gore a ma soko šadha gore ma thogo kraya motho wa gabutši ye ma ka šadhang naye ke mokane ma kgetisane. Re nyoko tšhuta le ka mokgo ba bangwana ka phutegong ba ka thegang bo ba nyakang go šadha.
O KA GELEPA KING GORE O THOGO KRAYA MOTHO WA GABUTŠI YE O KA ŠADHANG NAYE?
3. Mokreste di nyaka a lebelele ying mo a nyaka motho wa gore a ka šadha naye?
3 Mo nkare o nyaka go šadha, di gabutši ka matla gore o tšibe gore o nyaka ying ga motho yene o soko bane o thomisa go kgetisana naye.c Phela mo o ka sa make ka mokgonone, o ko tikraya o f’lo fitisa lihlo ga motho wa gore ne a ka go tshwanela kela wa tikraya o kgetisanne le motho wa gore aa gabutši. Ke nnete gore motho ye re tshwaneleng go šadha naye go tshwanele go be Mokreste wa gore o kolobetsiwwe. (1 Makor. 7:39) Mara tsotsone a di rele gore o ka fo kota ye mongwana le ye mongwana wa gore o kolobetsiwwe ke mokane wa šadha naye. O ka tiputsisa gore: ‘Ke tikemisele go segelela ying ho lephelong laka? Ke mekgwa yifeng yo ke nyakang go yi bona ga motho ye ke nyakang go šadha naye? Ayitsano tso ke di nyakang ga motho ye nka nyakang go šadha naye di bonala di kwagala?’
4. Ba bangwana mo ba rapela ba kgopela le ying?
4 A re kamake gore o yye wa rapela ka taba ya gore o kraye motho wa gabutši ye o nabelang go šadha naye. (Mafil. 4:6) Ke nnete gore, Jehova aa tshepisi motho gore o nyoko mo neya motho ye a ka šadhang naye. Mara o na le taba le gore wene o nyaka ying le gore o tikwa byang, fote a ka go gelepa gore o thogo kraya motho wa gabutši ye o ka šadhang naye. Byalo, ariye mahlong o mmotsa tso o di nabelang le ka mokgo o tikwang ka gona. (Pis. 62:8) Rapela gore o thogo go lefisa pelo le gore o hlalefe. (Jak. 1:5) Mogageru ye mongwana wa gore aa šadha ye ba reng ke Johnd wa ku United States, o hlatolla tso a di tšhelang mo a rapela, o re: “Ke botsa Jehova gore ke nyaka motho wa go ba le mekgwa ya mošaga mang. Ke rapela gore ke thulegele ke mašuba ya go kraya motho wa gabutši. Ke kgopela le Jehova gore a n’gelepe gore ke thogo ba le mekgwa ya gabutši ya gore yi ko maka gore ke be monna wa gabutši.” Tanya, wa gore ke mogageru wa mosadi wa hala Sri Lanka, yene o re: “Mo nkene ke nyakana le ye nka šadhang naye, ke kgopela Jehova gore a thogo n’gelepa gore ke thogo dula ke tshepega, ke nagana ka dilo tsa go yagisa fote ke jabole.” Le mo nkare a o nape o kraya motho wa gore o ka šadha naye ka go yakgoswa, Jehova o go tshepisa gore o nyoko ya mahlong a go pasopa ga tso o di gayelang le go go thega.—Pis. 55:22.
5. Makreste ya gore a maa šadha ma thulegele ke mašuba mafeng ya gore ma thogo kraya motho wa gore ga Jehova o mo nyaka ka matla? (1 Makorente 15:58) (Lebelela le sethombhe.)
5 Bhayibele yi re hlohletsela gore re “karakare ga tso tsa Morena.” (Bala 1 Makorente 15:58.) Mo o kene o ya mahlong o berekela Jehova fote o fetsa nako ya go tlala le magageru ya mangwana ya go sa tshwane, o nyoko jabolela go ba le senghana nabo fote wa thulegela ke lešuba la go tšibana le bo ba gore a ba soko šadha ba gore fote ba fo tinyakela go berekela Jehova ka dipelo tsa bona ka moka go fo tshwana nago. Fote mo o kene o maka so o ka se kgonang gore o thogo jabodisa Jehova, o nyoko ro jabola mong go jabola.
Mo o kene o ya mahlong o berekela Jehova fote o fetsa nako ya go tlala le magageru ya mangwana ya go sa tshwane, o ka kgona go kraya bo ba ka nyakang go šadha (Lebelela serele 5)
6. Makreste ya gore a ma soko šadha, di nyaka ma gopole ying mo ma kene ma nyaka go kraya motho ye ma nyakang go šadha naye?
6 Mara di nyaka o pasope: O sa krayi taba ya gore o nyakana le motho yi maka gore o fetse nako ya go tlala o naganne ka yona fela. (Mafil. 1:10) Go jabola ga mannete a go tšwe fela mošadhong, mara o go kraya mo o na le senghana le Jehova. (Mat. 5:3) Ka taba la gore a o soko šadha, o sa lukulugiye gore o ka yeketsa ga mmereko wago wa tšhomo. (1 Makor. 7:32, 33) Berekisa nako yago gabutši. Mogageru wa mosadi ye ba reng ke Jessica, wa gore o šadhiye mo a šele a lata 40 ya mengwaga wa hala United States, o re, “Ne ke dula ke maka mmereko wa go tšhomayela fote tsotsone di n’gelepiye gore ke kgotsofale le mo nkare ne ke di nyaka tsa go šadha.”
TSEYA NAKO O MMEYYE LIHLO
7. Ke ntaba o ko ba o šupetsa gore o hlalefiye mo o ka mmeya lihlo ga motho yene nako ya go lefanyana o soko bane o mmotsa ka mokgo o tikwang? (Diyema 13:16)
7 Byalo, o ka maka byang mo o bona nkare yewa ke mong yene? Ayitsano di nyaka o fo napa o tabogela gage o ye mmotseng gore o tikwa byang ka yene? Bhayibele yi re, motho wa go hlalefa o thomisa a tšiba tsa go tlala mo a soko bane a maka se sengwana. (Bala Diyema 13:16.) Phela o ko ba o šupetsa gore o hlalefiye mo o ka mmeya lihlo nako ya go lefanyana mara o sa nape o šupetsa gore o maka ka mokgonone o soko bane o mmotsa gore o tikwa byang ka yene. Aschwin wa ku Netherlands o re, “O ka fo tikwa o jabolela motho mara jikijiki wa fo kwa o sa sa mo jabolela. Byalo, mo wene o tineya nako ya go lebelela motho, o ka sa fo mo kgetisa ka nako yonone o sa nagana, nkare o ro ponya lihlo.” Go tokegela gana hone, mo o kene o sa mmeyye lihlo, o ka feleletsa o di bona gore motho yene di ka sa make.
8. Motho wa gore aa soko šadha, a ka maka byang gore a thogo mmeya lihlo ga motho ye a nyakang go šadha naye? (Lebelela le sethombhe.)
8 Mara o ka di maka byang tsa gore o mmeye lihlo mara o sa nape o šupetsa gore o maka ka mokgonone? Megahlanong ya phutego kela mo le gahlanne ka se sengwana nyana, o ka kgona go bona gore motho yene o byang ga tso tsa Modimo, gore ke motho wa mošaga mang le gore o titshwere byang. Banghana bage ke bomang fote yene o bolabola ka dilo tsa mošaga mang? (Luk. 6:45) Ayitsano tso a nyakang go di segela di sipidisana le tsago? O ka bolabola le bagolo ba phutego yage kela Makreste ya mangwana ya gore ma butšwiye ya gore ma mo tšiba gabutši. (Diy. 20:18) O ka butsisa gore o tšibega byang le gore o na le mekgwa ya mošaga mang. (Rut 2:11) Mo o kene o pombhola motho yene, kganela kgole le taba ya go maka gore a tikwe a sa lukuluga. Hlompa taba ya gore o tikwa byang, o kganele kgole le taba ya go nyaka go tšiba-tšiba selo sengwana le se sengwana ka yene fote o sa duli o tlele ho a leng gona.
Mo o soko bane o botsa motho yene ka mokgo o tikwang, thomisa ka go mmeya lihlo nako ya lefanyana (Lebelela direle 7-8)
9. Mo o soko bane o ya ga motho ye o mmeyyeng lihlo, king sa gore di nyaka o sa se kamake?
9 Di nyaka o tseye nako ya go teya kaye o kene o beyye motho yene lihlo o soko bane o mmotsa gore o tikwa byang ka yene? Mo o ka fo yakgoswa o botsa motho yene ka mokgo o tikwang, di ka bonala nkare a o thomisi ka go nagana mo o soko bane o segelela sepheto. (Diy. 29:20) Fote ka nthoko ye nngwana, mo o ka tseya nako ya go lefa ka matla o sa yi ga motho yene, di ka bonala nkare wene o thomisa o kamaka ka matla mo o soko bane o segelela sepheto, ka matlamatla mo nkare motho yene o šele a di bonne gore wa tikgwela ka yene. (Mmo. 11:4) O sa lebale, mo o soko ya ga motho yene o lahlela la bošuwana, o sa tseye gore a go jiki, wene naye le nyoko šadha. Mara di nyaka o sa kamake gore wene o šele o tikemisele gore o ka šadha fote o bona motho yene go ka ba wa gabutši gore o ka šadha naye.
10. Di nyaka o make ying mo o bona gore motho ye mongwana wa go nyaka mara yene aa go tikisi felo?
10 Byalo, di nyaka o make ying mo o bona nkare ye mongwana wa go nyaka? Mo nkare motho yene aa go tikisi felo, liketsa go maka gore a bone ka tso o di makang gore a o tikwi ka mokgo yene a tikwang ka wene. Phela o ko ba o sa make tsona mo o maka gore motho yene a nagane nkare wene wa mo nyaka le gore a o šiyo hone.—1 Makor. 10:24; Maef. 4:25.
11. Ga dipoleke tse dingwana tsa gore batho ba bangwana ba nyakela lešaga la bona kela monghana wa bona motho wa gore a ka kgetisana naye kela go šadha naye, di nyaka batho bone ba gopole ying?
11 Ga dipoleke tse dingwana, babelegi kela bo ba gore ba šele ba gudiye ba ka ba kgopela gore ba nyakele lešaga la bona motho ye a ko šadhang naye. Ga dipoleke tse dingwana tsona, ba genu kela banghana ba go nyakela motho ye ba bonang nkare o ka šadha naye ke mokane ba maka gore lune le le ka babedi le gahlane gore le thogo bona gore ayitsano le ka tshwanela naa. Mo nkare ba go kgopele gore o gahlanise kela o šadhise batho, thomisa o nagane ka tso batho bone ba di nyakang le tso ba ka nyakang go di bona ga motho yene. Mo o krayye motho wa gore o nyaka go mo gahlanisa le ye mongwana, di nyaka o thomise o tšibe tsa go tlala ka motho yene gore ke wa mošaga mang, o tšibe mekgwa yage, fote sa go di phala ka moka, o tšibe gore o yemme kaye ga tso tsa Modimo. Go ba le senghana sa thina ka matla le Jehova go phala go ba le tšheleta, go tšhutega kela go tšibega. O sa lebale gore mogageru yene wa monna le wa mosadi ke bona bo ba ko segelelang sepheto sa gore baa šadha kela dho.—Magal. 6:5.
GO THOMISA GO KGETISANA
12. Mo nkare o kwa o nyaka go kgetisa motho, o ka di makamaka byang tsotsone?
12 Mo nkare o nyaka go kgetisana le motho, o tshwanele o make byang mo o nyaka go mmotsa ka mokgo o tikwang ka yene?e O ka kgopela go gahlana naye go gongwana ga gore go na le batho kela wa mo fowunela. Napa o ro mmotsa gabutši tso o tikemiseleng tsona ka yene. (1 Makor. 14:9) Mo go hlokega, neya motho yene nako ya gore a nagane ka tso o mmutsiyeng tsona. (Diy. 15:28) Mo nkare motho yene aa tikwi ka mokgo wene o tikwang ka yene, barena, hlompa ka mokgo a tikwang.
13. O ka maka ying mo nkare motho o go botsa ka mokgo a tikwang ka wene? (Makolosi 4:6)
13 Di nyaka o make byang mo motho a go botsa ka mokgo a tikwang? Phela ne di nyaka gore a be le lešiši gore a go botse ka mokgo a tikwang, byalo mo naganele o boye o mo hlompe. (Bala Makolosi 4:6.) Mo nkare o nyaka nako ya go nagana ka yona, o mmotse. Mara o sa tseye nako ya go lefa. (Diy. 13:12) Mo nkare wene a o tikwi ka mokgo a tikwang, mmotse taba yone gabutši fote o mo yedisele yona. Lebelela ka mokgo mogageru ye ba reng ke Hans, wa hala Austria, a yyeng a fetola ka gona mo mogageru wa mosadi a mo soma: “Ke yye ka mmotsa ka sepheto saka ke mo naganela fote ke makiye tsotsone gabutši. Ke makiye tsotsone ka go yakgoswa ka taba la gore ne ke sa nyake a nagana gore le nna ke tikwa ka mokgo a tikwang. Fote ka taba la tsotsone, ke yye ka lebelela gore ke bolabodisana naye byang ka nthago ga tsotsone.” Ka nthoko ye nngwana, mo nkare le wene o nyaka go kgetisana naye, mmotse ka mokgo o tikwang le gore king tso o wene o yemeleng go di bona gage. Tso wene o yemeleng go di bona gage, di ka fo sa tshwane le tso yene a di yemeleng gago, tsotsone di nyoko ya ka setšo kela tse dingwana.
BA BANGWANA BA KA THEGA BYANG MAKRESTE YA GORE A MAA ŠADHA?
14. Re ka ma thega byang Makreste ya gore a maa šadha ka tso re di bolabolang?
14 Ka mokana ga rune re ka ma thega byang Makreste ya gore ma nyaka go šadha? Mokgwa wo mongwana ke go nagana gabutši ka tso re di hlayang. (Maef. 4:29) Re ka tiputsisa gore: ‘Ayitsano ke bolabola dilo tsa go tshegisa tsa gore di ka kwisa bo ba nyakang go šadha go baba? Mo ke bona mogageru wa monna a bolabola le mogageru wa mosadi, ayitsano ke fo napa ke nagana gore ba kgetisanne?’ (1 Thim. 5:13) Go tokegela gana hone, le ka tšatši la mohlolo re sa tsoge re maka gore Makreste ya gore a maa šadha ma tikwe nkare a yi wona ya selo ka taba la gore a maa šadha. Hans, yela re bolabodiye ka yene, o hlaya gore: “Magageru ya mangwana ma re, ‘Anthe go ro maka byang wene o sa šadhe? Phela nako ya go teya.’ Dilo tsa go tshwana le tsotsone, di ka maka gore bo ba gore a baa šadha ba šale ba tikwe go se ba selo fote tsotsone di napa di maka gore ba kwe ba gapeletsega gore ba šadhe.” Phela di ka ba gabutši ka matla gore o nyake mašuba ya go thanaka Makreste ya gore a maa šadha!—1 Mathes. 5:11.
15. (a) Mo re lebelele tšhiko yo yi leng ga Maroma 5:2, di nyaka re nagane ka ying mo re soko bane re gelepa motho gore a thogo kraya ye a ka šadhang naye? (b) Wene o tšhutiye ying ga vidiyo yowa? (Lebelela le sethombhe.)
15 Di nyaka re make byang mo nkare re bona nkare mogageru ye mongwana a ka tshwanela ke mokete? Bhayibele yi re botsa gore re naganele ba bangwana. (Bala Maroma 15:2.) Batho ba go tlala ba gore a baa šadha, a ba di jabolele mo batho ba bangwana ba ba panisa le ba bangwana gore ba kgetisane, fote di nyaka re hlompe taba yonone. (2 Mathes. 3:11) Ba bangwana ba ka di jabolela mara a di nyake o kraya re kenakena dilo tsa gore a di re nyake ba sa re kgopela.f (Diy. 3:27) Ba bangwana ba ka nyaka gore re ba gelepe. Mogageru ye mongwana wa mosadi wa gore ba re ke Lydia, wa ku Germany, o re: “O ka maka gore mogageru wa monna le wa mosadi ba gahlane ga gore go na le batho ba bangwana. Sago ke go ba thulela lešuba la gore ba gahlane ke mokane tsa go tlala wa di šiyela bona.”
Mo Makreste ma gahlanang gona gore ma tijabodise go thulela Makreste ya gore a maa šadha gore ma tšibane (Lebelela serele 15)
16. Makreste ya gore a maa šadha, di nyaka ma gopole ying?
16 Ka mokana ga rune—re šadhiye kela a re ya šadha—re ka phela lephelo la go jabodisa la gore fote le ya kgotsofatsa! (Pis. 128:1) Mo nkare wa di nyaka tsa go šadha mara a o soko kraya motho, wene ariye mahlong o jabolela go berekela Jehova. Mogageru wa mosadi wa ku Macao ye ba reng ke Sin Yi, o re: “Nako yo o nyoko yi fetsang o na le motho wago Pharadeyising, yi lefiye ka matla go phala yo o yi fetsang gana byalo o sa šadha. Yi tseyele gedimo nako yowa ya gana byalo fote o yi berekise gabutši.” Byalo, di nyaka o make ying mo nkare o šele o krayye motho wa gore wa go jabodisa fote le šele le kgetisanne? Ga hlogotaba ya go latela, re nyoko petapeta ka mokgo bo ba gore ba kgetisanne ba ka segelelang dipheto tsa gabutši.
KOŠA 137 Basadi ba go Tshepega, Bosesi ba Makreste
a Gore o thogo tšiba gore go šele go le nako ya gore o ka šadha, lebelela hlogotaba ya gore, “Go Ratana—Karolo 1: Na ke Loketše go Ratana?” ga jw.org
b HLATOLLO YA LENTSU: Ga hlogotaba yowa le ya go latela, mo re bolabola ka “go kgetisana” re ba re bolabola ka nako yo monna le mosadi ba thomisang go tšibana gabutši gore ba thogo bona gore ayitsano ba ka tshwanelana gore go be monna le mosadi ba gore ba šadhiye. Ga dinaga tse dingwana, mo ba bolabola ka taba yone ba re ke go kwana le motho kela go thomisa go tšiba motho. Gore ba feleletse ba re batho ba kgetisanne, di thomisa mo monna le mosadi ba botsana ka mokgo ba tikwang, ke mokane di ya mahlong go segela ba tseya sepheto sa go šadha kela sa go lisetsana ba soko bane ba šadha.
c Gore ditaba tsa rune di yele, ga direle tsa go latela, re nyoko berekisa ye a kgetisang go le mogageru wa monna. Ke nnete gore le ga magageru ya basadi tšhiko yowa yi bereka go tshwana.
d Mabitso ya mangwana ba ma tšhentšhiye.
e Ga ditšo tse dingwana, ga go tlala ke mogageru wa monna ye a kgetisang mogageru wa mosadi. Mara di ya kgonega gore mogageru wa mosadi a ye a kgetise mogageru wa monna. (Rut. 3:1-13) Gore o thogo kraya tsa go tlala, lebelela hlogotaba ya gore “Bafsa ba a Botšiša . . . Nka Mmotša Bjang Kamoo ke Ikwago ka Yena?” ga Hlahlama! ya October 22, 2004.
f Lebelela vidiyo ya gore, Ba Gore Baa Hlula mo ba Lwela Tumelo ya Bona—Makreste ya Gore a Maa Šadha ga jw.org.