Jehova a ka sa Šitege go go Gelepa

1. Moše o yye a šupetsa byang gore o tshepa Jehova nakwela a ntsha Maisrayele ku Egepita?

PUKU ya Maheberu yi bolabola ka batho ba go tlala ba gore ne ba na le tumelo ga Jehova. Ye mongwana wa bona ke Moše, wa gore ne a na le tumelo ya go makatsa stereka. (Maheb. 3:2-5; 11:23-25) O yye šupetsa gore o na le tumelo mo a yeta Maisrayele mahlong a ma ntsha Egepita. A sanka a tshosetsanya ke Faro le masole yage. O yye a tshepa Jehova ka go felegelela ke mokane a yeta mahlong setšhaba sela gore se fete Lewatleng le Lekhubedu ke mokane ka nthago ba kena mašahleng. (Maheb. 11:27-29) Maisrayele ya go tlala ma yye ma thomisa go kamaka gore Jehova o nyoko ma pasopa, mara Moše o f’lo ya mahlong a tshepela ga Modimo wage. Tumelo ya Moše a sanka ya šikinyega ka taba la gore Modimo o yye a neya batho bage tsa go ja le meetši ka mohlolo gore ba thogo phela mo ba kene ba le ku mašahleng ga gore go womme.a​—Ek. 15:22-25; Pis. 78:23-25.

2. Ke ntaba Modimo a yye a butsisa Moše gore: “Ayitsano Jehova a ka sa kgone go maka dilo tsowa”? (Dipalo 11:21-23)

² Le mo Moše ne a na le tumelo ya go tiya, mara ka nthago ga gana hala ga mongwaga Jehova a phonisiye Maisrayele ku Egepita, Moše o yye a thomisa go tiputsisa gore ayitsano Jehova o sa nyoko neya batho Bage nama. Moše ke mo a sa kgone go bona gore Jehova ne a nyoko di makamaka byang tsa gore a neye dimiliyoni tsa batho nama ya gore ne ba ka yi ja ba kgotsofala ba kene ba kampiye ku mašahleng ya gore ne ma gayela tsa go ja. Jehova mo a fetola o butsisiye Moše gore: “Ayitsano Jehova a ka sa kgone go maka dilo tsowa?” (Bala Dipalo 11:21-23.) Ka Seheberu, mo ba fo beya mantsu yawa phaa, ba re ke ‘letsogo la Jehova.’ Mantsu yawa ma rela moya wa go hlawolega wa Modimo kela matšhika ya a ma berekisang gore a thogo maka tso a di nyakang. Gabutšibutši, Jehova ke mo a butsisa Moše gore, ‘Ayitsano o nagana gore nka šitega go maka so ke se hlayyeng?’

3. Ke ntaba tso di makegeleng Moše le Maisrayele di nyaka re di rwalele mafoayisi?

³ Ayitsano o yye wa tiputsisa gore nje Jehova o nyoko neya wene le ba mutši wago tso le di gayelang gore le thogo phela? Le mo o ka fo ba o tiputsisiye kela o sa maka ka mokgonone, tla re lebeleleneng gore ke ntaba Moše le Maisrayele ba sa di tshepa tsa gore Jehova ne a ka ba neya tso ne ba di gayela. Fote re nyoko lebelela le mangwalo ya mangwana ya gore ma nyoko maka gore taba ya rune ya go tshepa gore Jehova o nyoko dula a re gelepa yi nape yi tiyelele.

TŠHUTA GA MOŠE LE MAISRAYELE

4. Ke ntaba Maisrayele ya go tlala ma yye ma thomisa go kamaka gore Jehova o nyoko ma pasopa?

⁴ Lebelela gore go makegiye ying. Setšhaba sa Israyele le “batho ba mehlobohlobo ba go tlala” ba gore ne go se Maisrayele ke mo go šele go le nako ba sepela mašahleng ya magolo ba tšwa Egepita ba bakiye ga Naga yo ba ba Tshepisiyeng. (Ek. 12:38; Dot. 8:15) Batho bala ba gore ne go se Maisrayele ke mo ba šele ba tlapele ke go ja manna, le Maisrayele ya go tlala ma f’lo tikwa ka mokgonone fote ka mokana ga bona ba yye ba kokola ga Moše ka taba yowa. (Dip. 11:4-6) Batho bala ne ba fo dulela go lora ka tsa go ja tso ne ba di ja ku Egepita. Ka taba la gore batho bone ne ba yilametsa Moše, o yye a tseya nkare ke yene ye a tshwaneleng a make polane ya gore a ba neye tso ba mo llelang ka tsona.​—Dip. 11:13, 14.

5-6. Re ka tšhuta ying ga mokgwa wo batho bo ne go se Maisrayele ba yyeng ba kutšetsela Maisrayele ya go tlala ka gona?

⁵ Batho bala ba gore ne go se Maisrayele ke mo ba se na danki ga dilo ka mokana ga tsona tso Jehova a ba neyyeng tsona fote Maisrayele le wona ma yye ma fokoga ma thomisa go nagana go tshwana nabo. Le rune re ka fokola ke moya wa ba bangwana wa go sa leboge ke mokane ra sa kgotsofatse ke tso Jehova a re neyang tsona. Tsotsone di ka makega mo re ka fatela nthago ga dilo tso ne re le natso botala kela ra thomisa go jelasela ba bangwana ka taba la dilo tso ba nang natso. Mara, re nyoko jabola mo re ka fo kgotsofatsa ke tso re nang natso.

⁶ Maisrayele ne ma tshwanele ma gopodiye tso Modimo a ma butsiyeng tsona tsa gore mo ma segela ga legaye la wona la nyuwane, ne ma nyoko tikwisa ka dilo tsa go tlala tso ne a nyoko ba neya tsona. Tso a ba tshepisiyeng tsona ne di nyoko makega ga Naga yo ba ba Tshepisiyeng, ne di ka sa makege mo ba kene ba yinghayingha mašahleng. Re ka jabola le rune mo re sa nagane ka matla ka dilo tsa gore a re natso gana byalo, mara re nagane ka tso Jehova a re tshepisang gore o nyoko re neya tsona ga lefase la nyuwane. Re ka boya re ghayela ka ditemanyana tsa Bhayibele tsa gore di re gelepa gore re nape re mo tshepa mong go mo tshepa ga Jehova.

7. Ke ntaba re sa kamake gore Jehova o nyoko kgona go dula a re gelepa?

⁷ Mara o ka fo ba o sa tiputsisa gore ke ntaba Modimo a yye a butsisa Moše gore: “Ayitsano Jehova a ka sa kgone go maka dilo tsowa?” Mo Jehova a šinya a butsisa Moše putsiso yo re yi krayang ga Dipalo 11:23, ke mo a nyaka gore Moše a nagane ka dilo tsowa ka dipedi: (1) Matšhika yage a ma kgere. (2) O kgona go berekisa matšhika yage go gongwana le go gongwana, re ra le mong ga dipoleke tsa kgolekgole. Byalo, le mo Maisrayele ne ma le tengteng ga mašahla, Jehova ne a nyoko di kgona go ma neya nama ya go tlala. Modimo o yye a šupetsa matšhika yage a berekisa “letsogo lage la go ba le matšhika la gore fote o le wolodiye.” (Pis. 136:11, 12) Byalo, mo re le ga seyemo sa go thathafa, re ka sa kamake le ka gonyana gore Jehova o thogo gelepa ye mongwana le ye mongwana wa rune, gana hone a ko bang a le gona.​—Pis. 138:6, 7.

8. Re ka gelepa king gore le rune re sa yi lahle go fo tshwana tso ba go tlala bo ne ba le ku mašahleng ba di makiyeng? (Lebelela le sethombhe.)

⁸ Jehova o yye a maka tso a di tshepisiyeng ke mokane a romela batho bage dikhwiri tsa go tladisa mohlolo. Le mo go le ka mokgonone, Maisrayele a sanka ma leboga Modimo ga mohlolo wo a wo makiyeng. Mara, ba go tlala ba yye ba ba le dipawo. A sanka ba yetsela letšatši lone le ka motshwana wa gona ba kene ba hlekeletsa dikhwiri tsa go tlala ka mokgo ba ka kgonang. Jehova o yye a kwatela bo “ba gore ke mo ba na le dipawo,” fote o yye a fetsa ka bona. (Dip. 11:31-34) Re ka tšhuta se sengwana ga mošupetso wowa. Di nyaka re pasope gore re sa wele molabong wa go ba le dipawo. Mo nkare re ghannye kela re ya tihlupegela, di nyaka re yetise mahlong taba ya go tikgobaketsela “dilo tsa gabutši ku legedimong” ka go ba le senghana sa thina ka matla le Jehova le Jeso. (Mat. 6:19, 20; Luk. 16:9) Mo re ka maka ka mokgonone, re ka tshepa re tiyisiye gore Jehova o nyoko re neya tso re di gayelang.

9. King sa gore re ka se tshepa re tiyisiye?

⁹ Wa tšiba, le lekgono lowa Jehova o sa na a tikemisele go gelepa batho bage. Ayitsano tsotsone di rela gore re ka sa tsoge re gayele tšheleta kela tsa go ja?b Dho. Mara re ka di tshepa tsa gore Jehova o nyoko dula a le gona gore a re thege. O nyoko dula a re gelepa ga mathatha ya mangwana le ya mangwana ya re gahlanang nawo. Re ka šupetsa ka mokgo mang gore re tshepa gore Jehova o nyoko re neya tso re di gayelang? Tla re lebeleleneng ditaba ka dipedi ke tsowa: (1) mo re gayela sekwetše sa gore re thogo pasopa ba mitši ya rune le (2) mo re šekedisa ke gore re nyoko di kraya byang tso re di gayelang mo re šele re gudiye.

MO O GAYELA SEKWETŠE

10. Ke mathatha mafeng ya sekwetše ya re ka gahlanang nawo?

¹⁰ Mo re kene re šutela mafelelong ya lefase lowa, lephelo la rune le ka fo thathafa le go feta ka taba la memmušo ya go dula yi tšhentšha, dintwa, dikotsi tsa hlago kela malwele ya nyuwane ya go sabalala. Re ka fo felela ke mmereko re sa nagana, ra loba dilo tso re nang natso kela di ka nyaka gore re tloge mo re dulang fote di ka makega gore di nape di thathafa ka matla gore re thogo tipasopa ka taba la tso re di gayelang. Di ka nyaka gore re kraye mmereko wa nyuwane kela re nagane go rura le ba mutši wa rune gore re thogo ba pasopa. Re ka gelepa king mara gore re thogo segelela dipheto tsa gore di šupetsa gore re tshepele ga Jehova?

11. O ka gelepa king gore o thogo tshwaragana le mathatha ya sekwetše? (Luka 12:29-31)

¹¹ Selo sa mathomothomo se segolo so o ka se makang, ke go botsa Jehova tso di go hlupang. (Diy. 16:3) Mo kgopele gore a go hlalefise o thogo segelela dipheto tsa gabutši le gore a make gore o kgibe gore o thogo kganela kgole le taba ya “go fo dulela go šekela” ka seyemo so o leng ga sona. (Bala Luka 12:29-31.) Ariye mahlong o mo kgopela gore a go gelepe o thogo kgotsofala ka tso o nang natso gore o thogo phela. (1 Thim. 6:7, 8) Nyakolla ka ho dikgatisong tsa rune dihlogotaba tsa go bolabola ka dilo tso o ka di makang mo o na le mathatha ya tšheleta. Ba go tlala ba re dividiyo le dihlogotaba tso di nyarelang ga jw.org tsa gore di bolabola ka mathatha ya tšheleta, di ba gelepiye ka matla.

12. Ke diputsiso difeng tso di ka gelepang Mokreste gore a thogo segelelela ba mutši wage dipheto tsa gabutši?

¹² Ba bangwana ba yye ba tseya mmereko wa gore ne wo nyaka gore ba be kgole le mitši ya bona mara ba go tlala ka nthago ba yye ba di bona gore a baa segelela sepheto sa gabutši. Mo o soko bane o yamogela mmereko wa nyuwane, o sa fo nagana fela ka tšheleta yo o nyoko yi golang mara ka matlamatla di nyaka o thomise ka go nagana gore ayitsano mmereko wone wo nyoko gelepa wene le ba mutši wago gore le dule le thina le Jehova. (Luk. 14:28) Tiputsise gore: ‘Go nyoko makega ying ka mošadho waka mo nkene ke le ku kgole le motho waka? Ayitsano nko kgoneng go ya ga megahlano ka mokana ga yona, ka ya tšhomong le go ba le nako ya go fokatsa le magageru?’ Mo nkare o na le bana, di ka ba gabutši gore o boye o tiputsise putsiso yowa ye kgolo, ya gore: ‘Mara nko di makisa sekaye tsa gore ke gudise bana baka ke boya ke ba “wolola fote [ke] ba tšhutisa tso Jehova a di nyakang” mo nkare nko ba ke se šiyo ho thina nabo?’ (Maef. 6:4) Mo o segelela dipheto, wene o berekise ditšhiko tsa Bhayibele, o sa make tso o di botsang ke mašaga yago kela banghana ba gore a ba dumele tso Bhayibele yi di hlayang.c Tony wa gore o dula bodikela bya Asia, ba yye ba mo neya mebereko ya go tlalanyana ya gore yi golela tšheleta ya go tlala mara mebereko yone ke mo yi le ga naga ye nngwana. Mara, ka nthago ga go rapela ka taba yone le go bolabola le mosadi wage, o yye a fetsa ka gore a sa tseye le mong mmereko ka wwoši ke mokane a nagana ka gore ba ka tšhentšha byang lephelo la bona gore ba thogo phela ka tšheleta ye nyana. Lekgono, Tony o re: “Ke yye ka thulegela ke lešuba la gore ke gelepe batho ba go tlalanyana gore ba tšibe Jehova fote bana ba rune ba kwana natso tsa go berekela Jehova. Mutši waka wo tšhutiye gore solanka re phela ka mantsu ya ma leng ga Matewu 6:33, Jehova o nyoko re pasopa.”

MO O ŠEKEDISA KE GORE O NYOKO DI KRAYA BYANG TSO O DI GAYELANG MO O ŠELE O GUDIYE

13. Ke dilo difeng tso re ka di makang gana byalo gore re thogo ba le tso re di hlokang mo re šele re gudiye?

¹³ Taba ya gore re tshepa Jehova yi ka boya yi re liketsega mo re kene re nagana ka gore seyemo sa rune se ko ba se le byang mo re šele re gudiye. Bhayibele yi re hlohletsela gore re bereke ka matla gore re thogo ba le sekwetše sa go yenela gore re thogo tipasopa ku mahlong. (Diy. 6:6-11) Mo nkare seyemo sa rune se ya re dumelela, di ko ba gabutši ka matla gore re beye sekwetše ka thoko sa gore re nyoko se berekisa ku mahlong. Ke nnete gore tšheleta yi ka re pasopa. (Mmo. 7:12) Le mo go le ka mokgonone, re sa tsoge re makiye gore tšheleta go be selo so re se yetisang mahlong mo re kene re phela.

14. Maheberu 13:5 yi ka re gelepa ka mokgo mang gore re sa šekele ka matla?

¹⁴ Jeso o yye a beyisa ka mošupetso wa go šupetsa gore motho wa gore o hlekeletsa tšheleta mara “ga tso tsa Modimo a sa ghanya,” motho yenene o ko ba a šupetsa gore aa hlalefa. (Luk. 12:16-21) A go na ye a tšibang tsa ka motshwana. (Diy. 23:4, 5; Jak. 4:13-15) Rune ka taba la gore re latelela Kreste, re gahlana le dintshitshire tsa mošaga wonowa. Jeso o hlayye gore re dule re tikemisele go ‘šiya’ dilo tsa rune ka mokana ga tsona gore re thogo ba malata yage. (Luk. 14:33) Makreste ya ku botala ya Judiya, ma yye ma yamogela go loba dilo tsa wona ma kene ma jabodiye. (Maheb. 10:34) Ka dinako tsowa tsa rune, magageru ya go tlala ma felele ke mebereko ka taba la gore ne ma sa thege mekgahlo ya dipolotiki. (Kut. 13:16, 17) Ma gelepiye king gore ma thogo maka ka mokgonone? Ma tshepa ka go felegelela taba yo Jehova a yi tshepisang ya gore: “Nka sa go lisetse fote nka sa ro go lahla.” (Bala Maheberu 13:5.) Byalo, re maka so re ka se kgonang gore re thogo ba le tso re ko di gayelang mo re šele re gudiye. Fote re tshepa re tiyisiye gore Jehova o nyoko re gelepa mo go ka tšhoga go makega se sengwana sa gore ne re sa se nagana.

15. Babelegi ba gore ke Makreste di nyaka ba tseye bana ba bona ka mokgo mang? (Lebelela le sethombhe.)

¹⁵ Ga ditšo tse dingwana, batho ba ba le bana ka taba la gore ba nyaka gore bana bone mo ba šele ba gudiye ba make tšheleta ya gore ba thogo pasopa babelegi ba bona mo ba šele ba tsofele. Mara Bhayibele yi re babelegi ke bona bo ba tshwaneleng ba pasope bana ba bona ga tso ba di gayelang. (2 Makor. 12:14) Ke nnete gore mo babelegi ba šele ba gudiye, ba ka hloka bana ba bona gore ba ba gelepe ka sekwetše le tse dingwana fote bana ba go tlala baa di jabolela go neya babelegi ba bona tso ba di gayelang. (1 Thim. 5:4) Mara babelegi ba gore ke Makreste ba kwisisa gore selo so se ko makang gore ba jabole mong jabola, a yi go fo gudisa bana gore ba tle ba ba gelepe ka sekwetše, mara go jabola ga mannete go leya ke go gelepa bana ba bona gore go be malata ya Jehova.​—3 Joh. 4.

16. Babelegi ba ka lukiselela bana ba bona byang gore ba thogo tipasopa ka tšheleta mo ba šele ba gudiye? (Maefeso 4:28)

¹⁶ Mo o kene o gelepa bana bago gore ba tšhute gore ba ka maka byang gore ba thogo tipasopa ku mahlong, ba šupetse le gore o tshepela ga Jehova. Mo ba kene ba sa gola, ba šupetse gore taba ya go bereka ka matla, ke selo sa gabutši ka matla. (Diy. 29:21; bala Maefeso 4:28.) Mo ba kene ba gola, ba gelepe gore ba karakare mo ba le sekolong. Babelegi ba gore ke Makreste ba maka gabutši mo ba nyakolla ba boya ba berekisa ditšhiko tsa Bhayibele gore ba gelepe bana ba bona ba thogo segelela sepheto sa gore ba ka tšhutela ying sekolong. Tsowa di nyoko gelepa bana ba bona gore ba thogo tipasopa le gore ba thogo ba le nako ya go tšhomayela kela le mong go ba mašupatsela.

17. King sa gore re ka se tshepa re tiyisiye?

¹⁷ Malata ya Jehova ya go tshepega ya gore ma berekisa tso a di hlayang a ma yi kamake le ka gonyana taba ya gore Jehova a ka sa šitege go ma neya tso ma di gayelang fote o tikemisele go maka ka mokgonone. Mo re kene re šutela thina le mafelelong ya lefase lowa, yowa ke mong yona nako yo di nyakang re nape re mo tshepa ga Jehova. Byalo, le mo go ka teya leduma la mošaga mang, tla re tikemiseleneng barena gore re mo tshepe ga Jehova gore o nyoko berekisa matšhika yage gore a re neye tso re di gayelang. Re ka tshepa re tiyisiye gore Jehova a ka sa šitege, o nyoko dula a re gelepa gana mo re ko bang re le gona.