Ayitsano go na le Mmušo wa Gabutši wa Gore wo ka Lawola Lefase la Rune?—Bhayibele yi re King?

Memmušo lefaseng ka mokana ga lona yi lebeletsanne le dintshitshire. Le ga dinaga tsa gore mmušo wa gona wo bonala nkare dilo di sepela gabutši, go na le go gogana ka dinko, mekurukuru ya dipolotiki, bošakašakane bya divowutu le dintwa.

Bhayibele yi hlaya gore go na le mmušo ka wwoši wa gore wa tshepega. Ayitsano o šele o di kwelele tsa mmušo wonone. Ke wo Jeso Kreste a bolabodiyeng ka wona ga thapelo ya morena.

“Byalo, di nyaka le rapeleneng ka mokgo:“‘Papa wa rune wa magedimong, lebitso lago le hlawolege. Lisetsa Mmušo wago wo tle, fote go makege tso wene o di nyakang, legedimong le lefaseng.’”—Matewu 6:9, 10.

Bhayibele yi re king ka Mmušo wonone?

Mmušo—wa gore wa tshepega

Mmušo wone wo lawola wo le legedimong.

Jeso o hlaya gore mmušo wone ke “Mmušo wa magedimo.” (Matewu 4:17; 5:3, 10, 19, 20) Nka taba lo a hlayyeng gore: “Mmušo waka a yi wa lefase lowa.”—Johane 18:36.

Mmušo wone wo nyoko tseya sekgala sa memmušo ka mokana ga yona ya batho.

Bhayibele yi re: “Mmušo wone . . . wo nyoko psyitlanya memmušo yo ye mengwana ka mokana ga yona fote wona wo nyoko dula wo le gona go ya go yye.”—Daniyele 2:44.

Mmušo wa gore go nyoko lawola Jeso Kreste go le Kgoši, wo nyoko fo dula wo le gona.

Bhayibele yi hlaya gore: “Mmušo wage ke wa go ya go yye ba ka sa wo neye batho ba bangwana, fote Mmušo wage ba ka sa wo psyitlanye.”—Daniyele 7:13, 14.

Mmušo wone wo nyoko maka gore go bebe fote go tšhireletsege ho lefaseng.

Bhayibele yi re: “Ye mongwana le ye mongwana o nyoko tidulela ka tlase ga modhriva wage le ka tlase ga mogo wage ga gore go bebiye, fote aa šiyo wa gore o nyoko ba tshosanya.”—Mika 4:4, Good News Translation.

Tšhuta tsa go tlala ka Mmušo wowa

Nakwela Jeso a le mo lefaseng, o berekisiye nako yage “a tšhomayela ditaba tsa go bafala tsa Mmušo.” (Matewu 9:35) O hlayye le gore:

“Ditaba tso tsa go bafala tsa Mmušo di nyoko sabalatsiwa lefaseng ka mokana ga lona, gore ditšhaba ka mokana ga tsona di thogo bona, ke mokane lefase le nyoko fela.”—Matewu 24:14.

Lekgono, ditaba tsa go bafala tsa Mmušo di sabalatsiwa ga dinaga tsa go teya ka ku ga 240. Re ya go fawa gore o tšhute tsa go tlala ka mmušo wowa le ka tso wo nyoko re leyelang tsona.

Barena lebelela vidiyo yowa ya gore Mmušo wa Modimo ba ra Ying?