Ditodi Tsa Sepukwane sa Mogahlano wa Maphelelo le Matšhomayelelo
MARCH 4-10
MAKOLWANE KA TENG GA LENTSU LA MODIMO | PISALEMA 16-17
“Jehova, ye a Mmakelang Dilo Tsa Gabutši”
Lune ba Gore le sa Gola, le ka Tikwa le Kgodwiye mo le Kene le Phela
NYAKA BANGHANA BA GABUTŠI
11 Bala Pisalema 16:3. Dafita ke mo a tšiba mekgwa ya go kraya banghana ba gabutši. Ke mo a “jabola ka matla” mo a na le batho ba gore ga Jehova ba mo nyaka ka matla. Batho bone ke mo go le “ba go hlawolega,” maphelelo ya bona ke mo ma yediye, ma se na dilibilibi.” Le mopisalema ye mongwana o yye a tikwa ka mokgonone ga taba ya go hlawola banghana. O ngwadiye gore: “Batho ka mokana ga bona ba gore baa go hlompa le ba go boya ba go theetsela ke banghana baka.” (Pis. 119:63) Ka mokgonola re tšhutiyeng ga hlogotaba ya go fela, le wene o ka tikrayela banghana ba go tlala ba gabutši ga batho bo ba hlompang Jehova ba boya ba mo theetsela. Fote a di ye ka gore motho ke thaka’go kela byang.
w14-SE 2/15 29 ¶4
“Lebelela Tsa go Bafala Tso Jehova a di Makiyeng”
Dafita o yepelele a re “Jehova ke sekopa saka so ba n’yabeleng sona fote ke komitši yaka. Wene o pasopa lefa laka. Dipoleke tsa go bafala ba mmetele tsona.” (Pis. 16:5, 6) Dafita ne a leboga “sekopa so ba mo neyyeng sona,” go leng senghana sage le Jehova fote a leboga le taba ya gore o kgona go mmerekela. Go fo tshwana le Dafita, le rune re ghulana le mathatha ya go tlala, mara Modimo o re rufiye ka dilo tsa go tlala! Byalo tla re sa lisetse go šupetsa gore re jabolela morapelo wa mannete fote re dule re “šupetsa gore re leboga” tempele ya Jehova ga tso tsa Modimo.
w08-SE 2/15 3 ¶2-3
Dula o Yetisiye Jehova Mahlong
2 Ka mokana ga rune re ka tšhuta se sengwana ga tso di makegeleng malata ya go tšibega ya ka ho Bhayibeleng—Abhrahama, Sara, Moše, Ruthi, Dafita, Esita, Pawulo wa lepostola le ba bangwana. Mara re ka tšhuta se sengwana le ga ba gore ne ba sa tuma ka matla. Go ghayela ka batho ba ka ho Bhayibeleng go nyoko re gelepa gore re dule re maka tso di hlayyeng ke mopisalema mo a re: “Ke dula ke yetisiye Jehova mahlong. Ka taba la gore o ka ho letsogong laka la go ja, Nka sa hlagasedisi ke selo” (Pis. 16:8) Mantsu yawa di nyaka re ma kwisise byang?
3 Ga go tlala lesole le tshwara sabola ka letsogo la go ja, fote letsogo lone le tshwereng sabola ka lona le ba le sa pasopega go tshwana le lo le tshwereng legawu. Mara ne a tšhireletsega mo nkare go na le lesole lo le lwang thina naye ga letsogo lage la go ja. Mo re dula re naganne ka Jehova le go maka tso di nyakang ke yene, o nyoko dula a re pasopa. Byalo tla re boneneng gore go tšhuta ka mešupetso ya batho ba ka ho Bhayibeleng go nyoko re gelepa byang gore re tiyise tumelo ya rune gore re thogo “dula re yetisiye Jehova mahlong.”—Byington.
Tso di Wutammeng ka Bhayibeleng
it-2-E 714
Todi ya Lihlo
Lentsu la Seheberu ʼi·shohnʹ (Dot 32:10; Diy 7:2), mo ba le gahlanisiye le ʽaʹyin (lihlo), le ra gore “monna ye monyana wa lihlo”; go fo tshwana le bath (morwediya) yo yi berekisiwweng ga Dillo tsa Jeremiya 2:18 yi rela “morwediya wa lihlo,” di hlatollo tsowa ka dipedi di bolabola ka todi ya lihlo. Dihlatollo tsone ka dipedi ba di gahlanisiye gore ba thogo šihlela taba yo yi leng ga Pisalema 17:8 (ʼi·shohnʹ bath-ʽaʹyin), ya gore yi rela gore, “monna ye monyana, morwediya wa lihlo” (“todi ya lihlo,” NW). Gabutšibutši dihlatolla tsowa di rela ka mokgo o tiponang o le semothwane mo o tilibelele ga lihlo la motho ye mongwana.
Lihlo le nyenyela ka matla; le mo go ka kena moriri wo mo nyana kela lerole nyana lihlo le yakgoswa le di kwa. Selo so sa gore sa bonabona (sa gore ba se bitsa cornea) sa gore se kugetsa lihlo di nyaka se pasopiwe ka moka nako ka gore mo se ka kwalela kela sa sinyega ka taba la bolwele, tsone di ka maka gore o sa sa bona gabutši kela o popele maahlo. Mo Bhayibele yi bolabola ka “todi ya maahlo yago” yi ba yi šihlela selo sa gore di nyaka se pasopiwe ka matla fote se tshwariwe gabutši. Molawo wa Modimo di nyaka wo tshwariwe ka mokgonone. (Diy 7:2) Mo Bhayibele yi bolabola ka gore Modimo o pasopa setšhaba sa Israyele go tshwana le papa, Dotoronoma 32:10 yi re O pasopa setšhaba sone go tshwana le mo a pasopa “todi ya lihlo la yene beng.” Dafita o yye a rapela gore Modimo a mo pasope go tshwana le mo a pasopa “todi ya lihlo lage.” (Pis 17:8) Ne a nyaka gore Jehova a yakgoswe a mo yemelela mo manaba ma mo hlasela. (Tshwanisa le Zak 2:8; ga gore lentsu lo la Seheberu ba·vathʹ ʽaʹyin, “lihlo,” ba le berekisiye.)—Lebelela LIHLO.
MARCH 11-17
MAKOLWANE KA TENG GA LENTSU LA MODIMO | PISALEMA 18
“Jehova ke . . . Yene a Mphonisang”
w09-SE 5/1 14 ¶4-5
Go Jabola ga Gore le go Neya ke Jehova go Maka Gore re Tiyelele
Bhayibele yi fela yi tshwanisa Jehova le dilo tsa go sa phele. Ba mo hlatolla go le “letlapa la Israyele,” go le “lekori,” fote go le “poleke ya go tšhabela ga yona.” (2 Samuwele 23:3; Pisalema 18:2; Dotoronoma 32:4) Dilo tsowa di tshwana mo di tla kaye? Go fo tshwana le mo o tshepa gore letlapa le legolo le ka sa tsoge le tlugiye mo le leng, le ga Jehova Modimo re ka tshepa gore o nyoko dula a re pasopa.
5 Puku ya Pisalema yi tlele ka mešupetso yo yi hlatollang mekgwa ya Jehova ya go jabodisa. Mo re beyisa, Pisalema 84:11 yi hlaya gore Jehova ke “letšatši le legawu” ka taba la gore ke yene a re neyyeng letšatši, lephelo, matšhika fote wa re tšhireletsa. Ka nthoko ye nngwana, Pisalema 121:5 yi hlaya gore “Jehova ke morithi wa ka letsogong lago la go ja.” Go fo tshwana le mo morithi wo re tšhireletsa ga letšatši la go fisa ka matla, Jehova a ka tšhireletsa bo ba mmerekelang ga tso di ka ba kwaletsang, gwa ba nkare ke morithi ka fase ga “letsogo” lage kela fase ga “mafafela” yage.—Jesaya 51:16; Pisalema 17:8; 36:7.
it-2-E 1161 ¶7
Lentsu
Modimo o kwa lentsu la malata yage. Bo ba berekelang Modimo tsa mannete ba di tshepe gore Modimo wa ba kwa mo ba mmitsa, go se na taba gore ba berekisa mmolabolo wofeng. Go tokegela gana mone, le mo nkare a ka sa fetole a berekisa lentsu la mannete, mo o mo mmitsa, Modimo wa gore o tšiba so se leng ka dipelong tsa batho o nyoko go kwa kela go go theetsela. (Pis 66:19; 86:6; 116:1; 1Sa 1:13; Neh 2:4) Modimo wa ba kwa bo ba gore ba kgahleletsegiye ba gore ba llela gage gore a ba gelepe, o kwa lentsu la bona fote o tšiba dipolane tsa bo ba mo phigisang le tsa go befa tso ba di polanelang malata yage.—Gen 21:17; Pis 55:18, 19; 69:33; 94:9-11; Jer 23:25.
O ka Maka Byang Gore o sa Kgongwetsi ke Mešekelo?
2. Nagana. Mo o nagana ka tso di makegiyeng gago mo o kene o phela, ayitsano o sa di gopola dintshitshire tso o yyeng wa teya o feta ka gare ga tsona ka taba la gore Jehova ke mo a le ho thina gago? Mo re ghayela ka taba ya gore Jehova o yye a re tiyisa a boya a tiyisa le malata yage ku nthago, re kwa re tiyelela fote re napa re mo tshepa ka matla. (Pis. 18:17-19) Mogolo ye mongwana ye ba reng ke Joshua o re: “Ke ngwadiye fase gore ke difeng dilo tsa gore ke yye ka di rapelela tsa gore ba šele ba di fetodiye. Tsotsone di n’gelepa gore ke sa lebale gore ke yye ka kgopela Jehova gore a mmakele se sengwana ke mokane a nneya so ke se gayelang.” Nnete ke gore mo re ka nagana ka matla ka tso Jehova a re makeleng tsona, re kwa re tiyelela gore re thogo yema re sa thogathoge mo go na le tsa go re šekedisa.
Tso di Wutammeng ka Bhayibeleng
it-1-E 432 ¶2
Lekerubi
Ba go tlala ne ba nagana gore tsowa ne go le dilo tsa go tshosa tsa go tshwana le dithombhe tsa dipoko tsa go ba le mafafela tso ne di rapela ke ditšhaba tsa go rapela medimo ya dithombhe. Ditšo tsa Sejuda tsa botala ne di dumelelana ka taba ya gore makerubi yane ne ma yemegiye nkare batho (Bhayibele a yi hlayi selo ga taba yowa). Ka mokgo ne ma makiwwe ka gona, ne ma bafele ka matla, ma tshwanisela mangeloyi ya go gadimela ka matla, fote ma makiwwe ka mokgo Jehova a butsiyeng Moše ka gona. (Ek 25:9) Fote Pawulo wa lepostola o ma hlatolla go le “makerubi ya go gadima ya gore ne ma wokamele sekogelo sa poleke ya go hlawolega.” (Heb 9:5) Makerubi ne ma šupetsa gore Jehova o gana mone: “Fote ke nyoko tišupetsa ga lune mone ka boya ka bolabola le lune ke le gedimo ga sa go kugetsa, ke le segare sa makerubi ka mabedi ya gore ma gedimo ga areka ya go kwanisanya.” (Ek 25:22; Dip 7:89) Nka taba lo ba hlayang gore Jehova o “duli gedimo [kela, segare] ga makerubi.” (1Sa 4:4; 2Sa 6:2; 2Mg 19:15; 1Kr 13:6; Pis 80:1; 99:1; Jes 37:16) Ka tsela ya go tshwanisela, makerubi ma “yemela sekotšikara” so Jehova a se kalammeng (1Kr 28:18), fote mafafela ya makerubi ma pasopa le go maka gore a sepele ka go yakgoswa. Byalo Dafita, ga koša yage ya go reta, o hlatolliye lebelo lo Jehova a tlang ka lona gore a tle a mo gelepe, go tshwana le mo a tla a “kalamme lekerubi, fote o segele a phurrwa” le mo “lengeloyi le mo kakodiye ka lefafela la lona.”—2Sa 22:11; Pis 18:10.
MARCH 18-24
MAKOLWANE KA TENG GA LENTSU LA MODIMO | PISALEMA 19-21
“Magedimo ma Šupetsa Matšhika ya Modimo”
w04-SE 1/1 8 ¶1-2
Nkare ka Moka le ka Botsa Batho ka Matšhika ya Jehova
DAFITA, morwayi wa Jese, o gudiye a disela Bhetlelehema. Di ka makega gore mo go le bošego, ne a fela a lebelela dinanedi tsa go tlala tsa ku magedimong mo a le ntoši a kene a pasopa dinku tsa papage ku mašahleng! A re kamake gore tso a di bonne ne a di gopola mo moya wa Modimo wa go hlawolega wo mo hlohletsela gore a ngwale koša ya go ba le mantsu ya go bafala ya ma leng ga Pisalema 19 ya gore: “Magedimo ma Šupetsa Matšhika ya Modimo; fote sebakabaka se re botsa mmereko wo wo makiyeng ke matsogo yage. Modumo o tšwile wa ya lefaseng ka moka, fote tso wo di hlayang di fihliye mafelelong ya lefase lowa.”—Pisalema 19:1, 4.
2 Ma sa hlaye selo, ma se na mantsu, magedimo ya go makatsa ya Jehova a ma makiyeng ma dula ma šupetsa matšhika yage, ka moka matšatši le bošego byo bongwana le byo bongwana. Hlago yi dula yi šupetsa matšhika ya Modimo, fote motho o nyoko tinyanafatsa mo a ghayela ka hlago yo a kgonang go yi bona “lefaseng ka moka.” Mara hlago yi le ntoši yi ka sa di kgone. Batho ba go tshepega le bona di nyaka ba tšhele letsogo ga taba ya go bolabola ka matšhika ya Modimo. Mopisalema wa gore a ba mo hlaya ka lebitso o bolabodiye ka malata ya go tshepega mo a re: “Thanakaneng Jehova ka taba la matšhika ya a nang nawo. Thanakaneng matšhika ya Jehova ka taba la lebitso lage.” (Pisalema 96:7, 8) Bo ba nang le senghana sa thina le Jehova ba jabodisa ke go maka tsotsone. Ga taba ya go thanaka Modimo go kena le ying?
w04-SE 6/1 11 ¶8-10
Hlago yi Šupetsa Matšhika ya Modimo!
8 Ka nthago Dafita o hlatolla se sengwana sa go makatsa ga tso Jehova a di makiyeng ga hlago: “Ku [magedimong] o beyye letente la letšatši, fote le tshwana le mokgwenyane mo a tšwa kamareng yo ne a tilukisa ga yona; le tshwana le monna wa matšhika mo a taboga pateng yage. Le thomisa ga nthoko ye nngwana ya lefase la dukuluga go segela ga nthoko ye nngwana ya lefase; fote a go na mo go fisa ga lona go sa segeleng.”—Pisalema. 19:4-6.
9 Letšatši ke nanedi ya gore a yi ye kgolo ka matla kela ye nyana. Mara le makatsa ka matla fote le maka gore dipolanete tse dingwana tso di le dukulugang di bonale di le tse dinyana. Go go nngwana ba ngwadiye gore le roba gana hala ga “2 ya dibhiliyoni tsa dibhiliyoni tsa dibhiliyoni tsa dithone”—phela le nyakiye go lekana le dipolanete tso di le dukulugang mo di gahlanne! Matšhika ya lona ma maka gore lefase le le dukulugele le le kgole ka dikhilomitha tsa go teya ga 150 ya dimiliyoni, a le le gogele thina nalo kela go le lisetsa le ya kgole. Matšhika ya letšatši ya ma segelang ho lefaseng ke hafo ya bhiliyoni mara ma lekanne gore go thogo ba le lephelo ho lefaseng.
10 Mopisalema o bolabola ka letšatši ka tsela ya go tshwanisela, o le tshwanisa le “monna wa matšhika” wa gore motshegare o taboga legedimong go thomisa ga nthoko yowa go ya ga ye nngwana fote bošego o boyela “letenteng” lage. Mo letšatši lone la go ba le matšhika le dikela, mo o le lefaseng di bonala nkare le kenne “letenteng,” gwe khutseng. Ka bošego, le ya tšwa, le gadimela ka matla go “tshwana le mokgwenyane mo a tšwa kamareng yo ne a tilukisela ga yona.” Dafita ne a disa, fote ne a tšiba gore bošego go bata ka matla. (Genesi 31:40) Ne a gopola ka mokgo letšatši ne le maka gore yene le dilo tso a di bonang tsa hlago di kwe go belabela. Di lekgwaying gore ne le sa tinwa ka taba la leyeto la lona la go tloga bodikela go ya bohlabela, mara ne le tshwana le “monna wa matšhika” wa gore o tikemisele go sepela leyeto lone fote.
g95-SE 11/8 23 ¶2
Segele sa Matšatši Yawa sa Gore ba go Tlala a ba se Thanake
Go leboga dilo tsa go bafala ka matla tsa hlago di nyoko re gelepa gore re tšibe Modimo wa rune ye a re makiyeng, wa gore mebereko yage yi go gongwana le go gongwana mo re lebelelang. Tšatše’nngwana Jeso o butsiye malata yage gore ma lebelele mabhlomu ya hlaga ya ne ma mela Galeliya. O yitseri: “Tšhutaneng ga mabhlomu ya dilili, a ma bereke fote a ma tirokele tsa go yapara; Mara ke ya le botsa gore le Solomoni ke mo a sa tšhepe go tshwana nawo.” (Matewu 6:28, 29) Byalo mo o bona lebhlomu la go bafala, di nyaka o di gopole gore Modimo wa tihlupa ka batho le gore ba gayela ying.
Tso di Wutammeng ka Bhayibeleng
Le ka sa Šitege go ‘Tšhentšha Mekgwa ya Lune ya Botala’
O sa kamake gore melawo ya Jehova ke mong yona-yona. Dilo ka mokana ga tsona tso Jehova a kgopelang gore re di make di ka re berekela. Bo ba phelang ka melawo yone ba ka sa titseyele fase, fote ba nyoko di tšiba tsa gore ba phelela ying ba boya ba ro jabola tsa mannete. (Pis. 19:7-11) Mara bo ba gore bo phagela melawo ya Jehova ku thoko ba tlela ke tsa go sasamela ka taba la tsa go kekema tso ba di makang. Theetsela gore morene mongwana ye ba reng ke Elie o re king ga taba ya go gana go phela ka melawo ya Modimo. O gudisiye ke babelegi ba gore ga Jehova ba mo nyaka ka matla. Mara mo Elie a kene a gula, o yye a nghanelana le batho ba go sa loka. O yye a thomisa go kgoga didraksi, a phela lephelo la go sa hlamatsega a boya a re go yetswa. Elie o yitseri o tikrayye a šele a le motho wa go fo kwata-kwata wa gore fote o kwana le bokgohlane. O yitseri, “Gabutšibutši ke makiye dilo ka mokana ga tsona tso ba ntšhutisiyeng gore a di tshwanele Makreste.” Mara, Elie a sanka a lebala dilo tso ba yyeng ba mo tšhutisa tsona nakwela a sa le ye monyana. Mo goya-goya o yye a thomisa go tšhuta Bhayibele fote. O yye a karakara ka matla gore a lomoge ga mekgwa yage ya go befa ke mokane a kolobetsiwa ka 2000. Taba ya go phela ka melawo ya Jehova yi mo gelepiye ka mokgo mang? Elie o re: “Gana byalo ke kwa ke bebiye fote a ke kikiti ke lekwalo.” Taba yowa yi napa yi šupetsa gore, bo ba ganang melawo ya Jehova baa tikwaletsisa bona beng. Le mo go le ka mokgonone, Jehova o sa na a tikemisele go ba gelepa gore ba tšhentšhe.
MARCH 25-31
MAKOLWANE KA TENG GA LENTSU LA MODIMO | PISALEMA 22
Bhayibele yi Porofitiye Botala ka Likgu la Jeso
w11-SE 8/15 15 ¶16
Ba Krayye Mesiya!
16 Ne di nyoko bonala nkare Modimo o mo lahliye ga Mesiya. (Bala Pisalema 22:1.) Go fo ya ka mokgo seporofeto se hlayyeng, “ka 3 ya ka sethewo, Jeso a yahlamela a re: ‘Eli, Eli, lama sabachthani?’ ya gore yi rela gore, “Modimo waka, Modimo waka, ke ntaba o nlisetsiye?’” (Mareka 15:34) Ne go se taba ya gore Jeso ne a se na tumelo ga Papage wa ku Legedimong. Modimo o lisetsiye Jeso ga manaba yage ka go sa sa mo pasopa gore tumelo ya Kreste yi kgone go liketsiwa. Fote mo Jeso a yahlamela mantsu yawa, ne a maka gore go makege tso di leng ga Pisalema 22:1.
w11-SE 8/15 15 ¶13
Ba Krayye Mesiya!
13 Dafita o porofitiye gore Mesiya ne a nyoko hlupegisiwa. (Bala Pisalema 22:7, 8.) Jeso ne ba kene ba mo kweranya mo a kene a kokotediwwe ga phate ya mohlupego, Matewu o ngwadiye gore: “Bo ne ba feta ka pata, ne ba mo poyila ba kene ba šikinya dihlogo ba re: ‘Wene wa gore wa di kgona go wisa tempele o boya o yi yaga ka matšatši ka mararo, tiphonise! Phologa mone phateng ya mohlupego mo nkare ke wene morwayi wa Modimo!’” Fote le dindhuna tsa maprista, bomabhalane le banna ba gore batho ba ba tseya nkare ba butšwiye ba yye ba mo kwera ba re: “Tsa go phonisa ba bangwana o di tšiba ka matla; mara o šita ke go phonisa yene beng! Akere ke Kgoši ya Israyele; a phologe mone phateng ya mohlupego, ke mokane re ko mo tshepeng. O tshepiye Modimo akere; mo nkare Modimo wa mo nyaka a mo phonise, ka taba la gore o yitseri, ‘Ke nna Morwayi wa Modimo.’” (Mat. 27:39-43) Mara Jeso o yye a tiyisela dilo tsowa a kene a tinyanafatsiye. Ye lune! Phela o re beyele mošupetso wa gabutši.
w11-SE 8/15 15 ¶14
Ba Krayye Mesiya!
14 Ne ba nyoko lahla dikgakgare ka taba la dikobo tsa Jeso. Mopisalema o hlayye gore: “Ba pomelanne dikobo tsaka bona beng, fote ba lahliye dikgakgare ka taba la dikobo tsaka.” (Pis. 22:18) Ke so se makegiyeng, mo masole ya maroma ma ‘mo kokotele ku phateng, ma lahliye dikgakgare gore ma thogo pomelana dikobo tsage tsa ka tawong.’—Mat. 27:35; bala Johane 19:23, 24.
Tso di Wutammeng ka Bhayibeleng
w06-SE 11/1 29 ¶7
Re Hlompa Megahlano ya Rune ya go Hlawolega
7 Go na le mekgwa ya go tlalanyana yo re ka šupetsang gore re hlompa megahlano ya rune. Mokgwa wo mongwana ke go tšhela letsogo mo go yepelediwa dikoša tsa Mmušo. Dikoša tsa go tlala ke mantsu ya go tšwa ga dithapelo, byalo mo re yepelela di nyaka re šupetse gore re hlompa ka matla. Ga mantsu ya go tšwa ga Pisalema 22, Pawulo wa lepostola o ngwadiye ka Jeso gore: “Ke nyoko sabalatsa lebitso lago ga bobhuti baka, ke nyoko go thanaka ka go yepelela koša ke le gare ga phutego.” (Maheberu 2:12) Nka taba lo di nyakang re karakara gore re be re duli fase mo ye a gapang mogahlano a hlaya koša yo yi nyoko yepelediwang fote re theetsele mantsu ya koša yone mo re kene re yepelela. Nkare ka mokgo re yepelelang ka gona go ka šupetsa gore re tikwa ka mokgo mopisalema ne a tikwa ka gona mo a ngwala gore: “Ke nyoko thanaka Jehova ka pelo yaka ka moka ke gahlanne le mogoba wo monyana wa batho ba go loka mo ke le phutegong.” (Pisalema 111:1) Eya, taba ya gore re thanaka Jehova mo re yepelela yi tshwanele yi re tšhofe gore re yakgoswe re segela megahlanong fote re dule go segela mafelelong.
w03-SE 9/1 20 ¶1
Thanaka Jehova “mo o le Megahlanong”
Lekgono, go fo tshwana le ga dinako tsa ku botala, magageru ma thulegela ke lešuba la go šupetsa gore ma na le tumelo ‘mo ma le megahlanong.’ Lešuba le lengwana lo le ba thulegelang ke la go fetola diputsiso tso di bang gona mo ba le megahlanong. Taba yone o sa yi tseyele fase. Mo re beyisa, diphetolo tso di hlatollang gore o ka lebana le bothatha byang di ka maka gore magageru ma tikemisele go berekisa ditšhiko tsa Bhayibele. Diphetolo tsa go hlatolla mangwalo ya ma ngwadiwweng ho ga serele kela go hlaya tso o di krayyeng mo o nyakolla di ka hlohletsela ba bangwana gore le bona ba titšhutise taba ya go nyakolla.
APRIL 1-7
MAKOLWANE KA TENG GA LENTSU LA MODIMO | PISALEMA 23-25
“Jehova ke Yene a Ndisang”
w11-SE 5/1 31 ¶3
“Jehova ke Yene a Ndisang”
Jehova o yetetsa dinku tsage. Dinku tsa go se na wa go di disa dya lahlega. Go fo ba ka mokgonone le ga rune, re nyaka wa gore yetetsa gore re thogo sepela ga tsela ya gabutši ho lephelong. (Jeremiya 10:23) Dafita o hlatolla gore Jehova o yisa batho bage ga poleke “ya go kgula ga yona ye tala” le ga “poleke ya go khutsela gona ya go ba le meetši.” O ba “sipidisa tseleng ya ba go loka.” (Ditemanyana 2, 3) Taba yowa yi maka gore re sa kamake gore re ka mo tshepa ga Modimo. Mo re latelela tso a re yetetsang ka tsona tsa go tšwa ka Bhayibeleng, re nyoko phela lephelo la go kgotsofatsa, la gabutši fote re pasopegiye.
w11-SE 5/1 31 ¶4
“Jehova ke Yene a Ndisang”
Jehova o pasopa dinku tsage. Dinku mo di se na ye a di disang dya tšhoga fote a di tšibi so di ka se makang. Jehova o botsa batho bage gore ba sa tšhoge selo, le mo ba ka “sepela letshwifing la go tshosa”—di ka makega ba ra dinako tsa go thathafa ka matla ho lephelong. (Temanyana 4) Jehova wa ba pasopa, o dula a tikemisele go ba gelepa. O maka gore bo ba mo rapelang ba hlalefe le go ba neya matšhika gore ba thogo tiyisela dintshitshire tso ba ghulanang natso.—Mafilipi 4:13; Jakobo 1:2-5.
w11-SE 5/1 31 ¶5
“Jehova ke Yene a Ndisang”
Jehova o fepa dinku tsage. Dinku di tshepele ga ye a di disang gore a di yise mo go nang le tsa go ja. Le rune re nyaka tso tsa Modimo tsa gore re di kraya gage fela. (Matewu 5:3) Sa go jabodisa ke gore Jehova aa konane, o lukiselela malata yage tsa go ja tsa go tlala. (Temanyana 5) Bhayibele le dikgatiso tse dingwana tsa Bhayibele, tsa go tshwana le yo o yi balang, ke tsona tso Modimo a di berekisang gore re thogo tšiba ka tsa lephelo le tso Modimo a nyoko re makelang tsona.
Tso di Wutammeng ka Bhayibeleng
w11-SE 2/15 24 ¶1-3
Kwana le go Loka ka Pelo Yago ka Mokana ga Yona
A BEREKISA Lentsu lage le moya wa go hlawolega, Jehova o sipidisa batho bage ga “pata ya go loka.” (Pis. 23:3) Ka taba la gore a ra yenela, re na le go fela re tšwa pateng. Gore re boyele re make tsa go loka go nyaka re karakare. King so se nyoko re gelepang gore re phomelele? Go fo tshwana, le Jeso go nyaka re kwane le go maka tsa go loka.—Bala Pisalema 45:7.
2 Ba ra ying mo ba re “pata ya go loka”? Pata ba ra setselane sa go sepela ka mawoto kela go sepela mo ye mongwana a sipidiyeng gona. “Pata” yone yi lawola ke melawo ya Modimo ya go loka. Ka Seheberu le Segerika, lentsu go “loka” le rela selo sa gore se “wolologiye,” tsotsone di rela gore re sa kekemise mo re latelela melawo ya gore re titshware byang. Ka taba la gore Jehova ke “poleke ya gore yi lukiye,” bo ba mo rapelang ba jabodisa ke go ya gage gore a ba botse gore ke yifeng pata ya go loka yo ba tshwaneleng ba sepele ka yona.—Jer. 50:7.
3 Modimo o nyoko jabola ka matla mo nkare re karakara ka dipelo tsa rune ka moka gore re latelele melawo yage ya go loka. (Dot. 32:4) Re ka thomisa ka go tšhuta tsa go tla ka Jehova Modimo ka Lentsung lage go leng Bhayibele. Mo re ya mahlong re tšhuta ka yene ka moka matšatši fote re šutela thina naye, re nyoko kwana ka matla le melawo yage ya go loka. (Jak. 4:8) Di nyaka re yamogele mo Lentsu la Modimo le re yetetsa ka matlamatla mo re nyaka go segelela dipheto tse dikgolo ho lephelong.
APRIL 8-14
MAKOLWANE KA TENG GA LENTSU LA MODIMO | PISALEMA 26-28
Tso Dafita a di Makiyeng Gore a Dule a Tikemisele go Tshepegela Jehova
w04-SE 12/1 14 ¶8-9
Sepela ka Mokgwa wa go Šupetsa Gore wa Tshepega
8 Dafita o rapele a re: “Mpombhole, barena Jehova, fote nliketse, lukisa di dipshiyo tsaka le pelo yaka.” (Pisalema 26:2) Dipshiyo di krayega mong teng ga mmele. Ka tsela ya go tshwanisela, dipshiyo di yemela tso motho a ghayelang ka tsona le ka mokgo motho a tikwang. Fote pelo yi tshwanisela ka mokgo a leng—tso di mo hlohletselang, le tso a di naganang. Mo Dafita a kgopela Jehova gore a mo pombhole, ne a kgopela gore tso a di naganang ka tengteng le ka mokgo a tikwang ka gona go pombhodiwe.
9 Dafita o yye a kgopela gore dipshiyo tsage le pelo yage di pombhodiwe. Jehova o mo pombhola byang motho ye re leng yene ka tengteng? Dafita o yepelele a re: “Ke nyoko thanaka Jehova, wa gore o neyye mayele. Le bošego tso ne ke ghayela ka tsona ne di n’wolola.” (Pisalema 16:7) Tsotsone di ra gore king? Di ra gore tso Modimo a re yetetsang ka tsona di kenelele monaganong wa Dafita fote dya kraya ga go dula, di wolola ka mokgo a naganang le ka mokgo a tikwang. Le rune go ka ba ka mokgonone mo re yamogela tso ba re wololang ka tsona tsa go tšwa ka Lentsung la Modimo, ga bo a ba beyyeng gore ba re yetetse le ga mokgahlo wage, ra boya ra di lisetsa gore di kenelele ka dipelong tsa rune. Mo re dula re rapela gore Jehova a re pombhole, tsotsone di nyoko re gelepa gore re dule re sepela ka go tshepega.
w04-SE 12/1 15 ¶12-13
Sepela ka Mokgwa wa go Šupetsa Gore wa Tshepega
12 Mo a bolabola ka se sengwana so se mo gelepiyeng gore a tshepege, Dafita o yitseri: “A ke duli le banna ba go se na nnete; fote ke kganela kgole le bo ba wutetsang so ba leng sona. Ke hloyye phutego ya ba go maka tsa go sa loka, fote a ke duli le ba dipelo tse diphifadu.” (Pisalema 26:4, 5) Dafita ne a sa kwane le go dula le batho ba go sa loka. Ne a hloyye go tigahlanisa nabo.
13 Rune ge? Ayitsano dipheto tso re di segelelang mo re kgeta tsa go tijabodisa ga TV, dividiyo, dithombhe, ka mokgo re berekisang inthanete le tse dingwana di šupetsa gore re gana le go dula le batho ba go se na nnete? Ayitsano re kganela kgole le batho bo ba wutetsang so ba leng sona? Ba bangwana sekolong kela mmerekong ba ka liketsa go maka senghana le rune ba kene ba re polanele tsa gore a di gabutši. Ayitsano o nyoko nghanelana le batho ba go sa sepele ga tsela ya Modimo ya nnete? Batho ba go kgeloga ba ka fo maka nkare ba re nyakela dilo tsa gabutši le gore ba nyaka go maka gore re sa sa berekela Jehova. Byalo re re king ka bo ba leng ga phutegong ya Sekreste ba gore ba gata ka ho le ka ho? Le bona ba wutametsa so ba leng sona. Jayson wa gore o bereka go le lelata ka phutegong, ne a na le banghana ba mošaga wonone mo a sa le ye monyana. Mo a bolabola ka bona, o hlaya gore: “Tšatšengwana ye mongwana wa bona o yitseri gaka: ‘A gona taba gore re maka ying gana byalo, ka taba la gore mo lefase la nyuwane le segela re nyoko ba re kgwile. Re ka sa tšibi gore re feta ke ying.’ Mo ke kwa tsotsone ke napiye ke hlahlama. A ke nyake go tikraya ke se šiyo lefaseng la nyuwane.” Jayson o napiye a lisetsa go nghanelana le batho ba mošaga wonone. Pawulo o re pasopisiye ka gore “Le sa tshokanye ke motho. Mo motho a nghanelana le batho ba go maka tsa go befa, o nyoko fokoga.” (1 Makorente 15:33) Di nyaka o kganele kgole le banghana ba go sa loka!
w04-SE 12/1 16 ¶17-18
Sepela ka Mokgwa wa go Šupetsa Gore wa Tshepega
17 Tabarenakele le aletare yo ne ba makela dihlabelo ga yona, ke mo Maisrayele ne ma rapela gona. Dafita o yye a šupetsa gore o yi jabolela ka matla poleke yone, mo a rapela a re: “Jehova ke kwana le ntlo yago fote le poleke yo go gadima gago go leng ga yona.”—Pisalema 26:8.
18 Ayitsano re kwana natso go gahlana ga dipoleke tso re tšhutang ka Jehova? Holo ye nngwana le ye nngwana ya Mmušo yo re gahlanang ga yona gore re yetetsiwe, ke mo re tšhutang ka Modimo gona. Go tokegela gana hone, mongwaga wo mongwana le wo mongwana re ba le megahlano ye megolo, megahlano ye megolo nyana, le megahlano ya go hlawolega. Ga megahlano yone re “gopotsiwa” ka tso Jehova a di nyakang. Mo re ka titšhutisa go “kwana le melawo yage ka matla,” re nyoko jabolela go ba gona megahlanong fote re nyoko theetsela mo re le ga yona. (Pisalema 119:167) Wa tšiba di jabodisa ka matla go ba le magageru ya gore ma tihlupa ka rune fote ma nyaka go re gelepa gore re dule re le ga pata yowa ya nnete!—Maheberu 10:24, 25.
Tso di Wutammeng ka Bhayibeleng
w06-SE 7/15 28 ¶15
Jehova o Phonisa bo ba Gore ba Kgongwele
15 Mopisalema Dafita o yepelele gore: “Le mo papaka kela mmane waka ba ka nšiya, Jehova o nyoko n’yamogela.” (Pisalema 27:10) Dya kgomoletsa go tšiba gore Jehova o re nyaka go feta babelegi ba rune! Di baba ka matla go sa nyakiwi, go sa tshwariwi gabutši kela go lahla ke babelegi, tsotsone a di tšhentšhe ka mokgo Jehova a re nyakang ka gona. (Maroma 8:38, 39) O sa lebale gore Modimo bo a ba nyakang o ba gogela gage. (Johane 3:16; 6:44) A gona taba gore batho ba yye ba go tshwara byang, di tšibe tsa gore Papa wa rune wa ku magedimong o go nyaka ka matla!
APRIL 15-21
MAKOLWANE KA TENG GA LENTSU LA MODIMO | PISALEMA 29-31
Mo Modimo a re Wolola o Šupetsa Gore o re Nyaka ka Matla
it-1-E 802 ¶3
Sefahlego
Go ‘wutetsa sefahlego’ di ka rela dilo tsago tlala, di ya ka mayemo. Mo Jehova Modimo a wutametsa sefahlego sage tsotsone di rela gore aa sa go rufa kela go go thega. Fote di ka maka ke gore motho ka wweši kela ba go tlalanyana a ba theetsela, go tshwana le setšhaba sa Israyele. (Job 34:29; Pis 30:5-8; Jes 54:8; 59:2) Ka dinako tse dingwana go ka rela gore Jehova aa sa fetola kela go maka se sengwana, a yemele nako yage. (Pis 13:1-3) Mo Dafita a kgopela gore, “Wutetsa sefahlego sago ga tso ke di sinnyeng,” ne a kgopela Modimo gore a mo tshwarele kela go di lahlela kgole tso a di sinnyeng.—Pis 51:9; tshwanisa le Pis 10:11.
w07-SE 3/1 19 ¶1
Di ya Jabodisa go Yemela Jehova
Jehova mo a re wolola di berekela rune, re ka di tshwanisa le mo diyengwa di gola kela di butšwa. Mo go bolabodiwa ka tso Modimo a re wololang ga tsona, Bhayibele yi hlaya gore: “Bo ba gore baa lokotšega mo ba wolodiwa ba šala ba bebiye fote ba maka dilo tsa go loka.” (Maheberu 12:11) Go fo tshwana le mo seyengwa se nyaka nako gore se butšwe, le rune re nyaka nako gore re tšhentšhe mekgwa ya rune re berekisa tso Modimo a re yetetsang ka tsona. Mo re beyisa, mo re sa titshware gabutši ke mokane tsotsone dya maka gore ba re yamoge mebereko ye mengwana ka phutegong, taba ya go nyaka Modimo ka matla yi maka gore re mo yemele re lefisiye pelo fote re sa lahle tewu. Mo o le ga seyemo sosone, mantsu ya Dafita ma ka go kgomoletsa: “Go kwatela ke [Modimo] ke tsa senakonyana, mara go jabolela ke yene ke tsa go ya go yye. Ka malobana o ka tikraya o lla, mara mo bo sa wa jabola.” (Pisalema 30:5) Mo re ka titlwayetsa go yemela Jehova re lefisiye pelo re boya re berekisa tso ba re yetetsang ka tsona tsa go tšwa ka Bhayibeleng le ga mokgahlo wage, nako ya gore re ‘jabole’ yi nyoko segela.
King go Tisola Tsa Mannete?
18 Gore motho wa gore o ntshiwwe ka phutegong a šupetse gore o sokologiye tsa mannete, di nyaka a sa lofe megahlanong fote a berekise tso bagolo ba mo yeletsiyeng ka tsona tsa gore a be le nako ya go rapela le go tšhuta Bhayibele ka moka matšatši. O nyoko ntsha maahlo dikwakweng gore a pasope gore a sa goromele gana hala a yyeng a goromela gona. Mo a ka karakara ka matla gore a lukise senghana sage le Jehova, a ka sa kamake gore o nyoko mo tshwarela fote bagolo ba nyoko mmusetsa ka phutegong. Nnete ke gore mo bagolo ba tshwaraganne le taba ya motho wa gore o sinnye, ba pombhola taba ye nngwana le ye nngwana go ya ka seyemo fote ba yahlula ka go kwelana go baba.
Tso di Wutammeng ka Bhayibeleng
w06-SE 5/15 19 ¶13
Monopo wa Puku ya Mathomo ya Pisalema
31:23—Jehova o nyoko patela motho wa go ba le magetla ka mokgo mang? Ka go mo wolola. Motho wa go loka wa gore aa sinya ka bomu patela yage ke go wolola ke Jehova. Motho wa go ba le magetla a tisole ga tso a di sinnyeng, o nyoko patediwwa ka go wolodiwa ka matla.—Diyema 11:31; 1 Petro 4:18.
APRIL 22-28
MAKOLWANE KA TENG GA LENTSU LA MODIMO | PISALEMA 32-33
Ke Ntaba di Nyaka o Hlaye mo o Sinnye?
w93-SE 3/15 9 ¶7
Mo Jehova a re Tshwarela di Maka Gore re sa Kokone ke Lekwalo
7 Mo re kokona ke tso re di sinnye ka go sa latelele molawo wa Modimo, di ka re thathafela gore re hlaye tso re di sinnyeng, re ka šitega le go botsa Jehova. Go ka makega ying ga mayemo ya mošaga wonone? Ga Pisalema 32, Dafita o hlayye gore: “Mo ke dula ka taba [mola ke tshwanele gore ke hlaye] mašapo yaka ne ma womelela ka taba la go kokola letšatši ka moka. Motshegare le bošego letsogo lago [Jehova] ne le nroba. Matšhika yaka ma yye ma pshya go tshwana le mo meetši ma pshya ka taba la go fisa.” (Ditemanyana 3, 4) Go liketsa go wutametsa tso a di sinnyeng le go sa theetsele lekwalo lage la go mo kokona go yye gwa mo tapa matšhika. O yye a tisola ka matla tsa gore matšhika yage ma yye ma tshwana le ya sehlare sa go womelela ka taba la kgwaakgwa. Fote di ka makega gore o yye a thomisa go hlakana hlogo le go lwala. O yye a kgongwela. Mo le rune re ka tikraya re le ga mayemo yanane, king so re ka se makang?
cl-SE 262 ¶8
Modimo wa gore o “Tikemisele go re Tshwarela”
8 Dafita wa gore wa tisola o yitseri: “Mafelelong ke yye ka hlaya tso ke di sinnyeng; ka sa sa wutametsa tso ke di kekemisiyeng. . . . Fote wene wa ntshwarela ga tso ke di sinnyeng.” (Pisalema 32:5) Lentsu “tshwarela” mo ba le hlatolla ka Seheberu le rela “go kakola” kela “go rwala.” Ka mokgo ba le berekisiyeng ka gona mowa le rela go tlosa “go kokona ke lekwalo, tso o di sinnyeng, tso o kekemisiyeng ga tsona.” Gabutšibutši Jehova o kakodiye tso Dafita a di sinnyeng ke mokane a sepela natso. Byalo a re kamake gore tsowa di makiye gore Dafita a sa sa tikwa a kgahleletsegiye. (Pisalema 32:3) Le rune a re kamake le ka go nyana gore mo motho a kgopela tshwarelo, Modimo o rwala tso a di sinnyeng a berekisa tumelo yo motho yene a nang nayo ga sehlabelo sa Jeso.—Matewu 20:28.
w01-SE 6/1 30 ¶1
Go Hlaya mo o Sinnye go Maka Gore go sa be le so se go Kokonang
Ka nthago ga gore Dafita a hlaye tso a di sinnyeng, taba ya go tikwa a se wa selo yi yye ya fela. Tso a di ngwadiyeng ga dipisalema di šupetsa gore o yye a tikwa a yimulugiye ka nthago ga go hlaya tso a di sinnyeng le gore o tikemisele go berekela Modimo ka go tshepega. Mo re beyisa, lebelela Pisalema 32. Ga temanyana 1, go ngwadiwwe gore: “Go jabola ye a tshwarediwweng tso a di sinnyeng, wa gore ba mo tshwarele mo a kekemisiyeng.” Go se na taba gore tso a di sinnyeng ke tse dikgolo go teya kaye, motho wa gore o tisola a resa ga tso a di sinnyeng o nyoko jabola. Mokgwa wo mongwana wa go šupetsa gore o tisola a resa ke go yamogela maphomela ya tso o di sinnyeng, go tshwana le Dafita. (2 Samuwele 12:13) A sanka a liketsa go tiyemelela ga Jehova kela go solasola ba bangwana gore ke bona ba makiyeng gore a sinye. Temanyana 5 yi re: “Mafelelong ke yye ka hlaya tso ke di sinnyeng; ka sa sa wutametsa tso ke di kekemisiyeng. Ke yitseri: ‘Ke nyoko botsa Jehova tso ke di sinnyeng.’ Fote wene wa ntshwarela ga tso ke di sinnyeng.” Go hlaya mo re sinnye go maka gore re yimuluge, le gore motho a sa sa kokona ke lekwalo ka taba la tso a di sinnyeng botala.
Tso di Wutammeng ka Bhayibeleng
w06-SE 5/15 20 ¶1
Monopo wa Puku ya Mathomo ya Pisalema
33:6; setwaba—“Moya” wa go tšwa molomong wa Jehova king? Mowa wone ke matšhika ya Modimo kela moya wa go hlawolega, wo a wo berekisiyeng go maka magedimo. (Genesi 1:1, 2) Ba re ke moya wa go tšwa molomong wa Jehova ka taba la gore o berekisa wona go maka dilo a le kgole.
APRIL 29–MAY 5
MAKOLWANE KA TENG GA LENTSU LA MODIMO | PISALEMA 34-35
“Thanaka Jehova ka Dinako ka Moka”
w07-SE 3/1 22 ¶11
Tla re Thanakeneng Lebitso la Jehova Ggoši
11 “Ke nyoko thanaka Jehova ka dinako ka moka; molomong waka go nyoko dula go tšwa mantsu ya go mo thanaka.” (Pisalema 34:1) Nakwela Dafita a tšhaba di ka makega gore ne a hlopega ka phahlo yage, mara mantsu yawa ma šupetsa dilo tso ne a hlupega ka tsona ka moka matšatši ne di sa phale ka mokgo ne a tikemisele ka gona go thanaka Jehova. Ye lune phela ke mošupetso wa gabutši wa gore re ka wo yekisela mo re na le mathata! Go se na taba gore re sekolong, mmerekong, re na le Makreste ya mangwana kela re tšhomong, so re nyakang go se segelela ke go dula re thanaka Jehova. Re na le tsa go tlala tso di ka re tšhofang gore re make ka mokgonone! Mo re beyisa, go na le dilo tsa go tlala tso re ka di krayang le go di jabolela ga hlago ya go makatsa yo Jehova a yi makiyeng. Fote ghayela le ka tso a di segeleleng a berekisa mokgahlo wage wa ho lefaseng! Le mo yi le gore a ma yenela, Jehova o berekisiye malata yage ya go tshepega ka tsela ya go makatsa. Mebereko ya Modimo yi byang mo re yi tshwanisa le ya batho ba gore lefase lowa le ba tseyela gedimo? Nje a wo kwane le so Dafita a se hlayyeng mo a re: “Ga medimo ka moka a gona wa go tshwana nago, Wene Jehova, a gona mebereko ya go tshwana nago”?—Pisalema 86:8.
w07-SE 3/1 22 ¶13
Tla re Thanakeneng Lebitso la Jehova Ggoši
13 “Moya waka wo nyoko titeya sekguba ka Jehova; ba go loka ba nyoko kwa ke mokane ba nyoko hlakela.” (Pisalema 34:2) Mowa Dafita ne a sa titeye sekguba ka dilo tso yene mong a di segeleleng. Mo re beyisa, a sa nka a kganya ka taba ya gore o yye a tshokanya kgoši ya Ghathe. O di bonne tsa gore ke Jehova ye ne a mo pasopa nakwela a le Ghathe le gore o gelepiye ke Jehova gore a tšhabe. (Diyema 21:1) Nka taba lo Dafita a sa titeya sekguba ka yene mong, mara o titeyye sekguba ka Jehova. Tsotsone di makiye gore ba go loka ba šutele ga Jehova. Jeso le yene o yye a gadimisa lebitso la Jehova, tsotsone di makiye gore ba go tinyanafatsa le ba go theetsela ba šutele thina ga Modimo. Lefaseng ka moka lekgono, batho ba go loka ba kwa ba nyaka go šutela ga phutego ya Makreste ya go tlotsiwa, yo yi yetetsang ke Jeso go leng Hlogo ya phutego. (Makolosi 1:18) Dipelo tsa batho ba go loka di tikisa ke mo di kwa malata ya Modimo ma gadimisa lebitso lage le mo ba kwa molayetsa wa ka Bhayibeleng, fote moya wa go hlawolega wo ba gelepa gore ba thogo wo kwisisa.—Johane 6:44; Mebereko 16:14.
w07-SE 3/1 23 ¶15
Tla re Thanakeneng Lebitso la Jehova Ggoši
15 “Ke butsisiye Jehova, fote yene a nfetola, fote ga ka moka tso di ntshosang ne a mphonisa.” (Pisalema 34:4) Taba yowa Dafita ne a yi tseyela gedimo ka matla. Nka taba lo a tokegeleng ka gore: “Motho ye wa gore o kwile go baba o mmitsiye, fote Jehova a mo kwa. Fote ga mešekelo yage ka moka o yye a mo phonisa.” (Pisalema 34:6) Mo re le ggoši le magageru, re thulegela ke mašuba ya go tlala ya go tiyisa magageru ka go ma botsa ka mokgo Jehova a re gelepiyeng ka gona gore re tiyisele mayemo ya go thathafa. Mo re maka ka mokgonone, re ko ba re tiyisa tumelo ya magageru go fo tshwana le ka mokgo tso Dafita a di hlayyeng di tiyisiyeng bo ba mo thegang. Ga mayemo ya Dafita, bo ne a sepela nabo ne ba “tshepele ga [Jehova] fote ba gadimela, le mong difahlego tsa bona ne di sa tšebisi ke selo.” (Pisalema 34:5) Le mo yi le gore ne ba tšhabelela Kgoši Sawulo, tsotsone a sa nka dya ba tšebisa. Ne ba sa kamake le ka go nyana gore Modimo ne a thega Dafita, fote difahlego tsa bona ne di gadimela. Go fo ba ka mokgonone, bo ba gore ba sa tšo tšhuta dinnete le ba gore ke botala ba le Makreste ya nnete ba tshepela ga Jehova gore a ba thege. Ka taba la gore ba šele ba bonne gore Modimo wa ba gelepa, difahlego tsa bona di gadimela mong go gadimela fote ba kwa di ba tšhofa gore ba dule ba tshepega gage.
Tso di Wutammeng ka Bhayibeleng
w06-SE 5/15 20 ¶2
Monopo wa Puku ya Mathomo ya Pisalema
35:19—Dafita ne a ra gore king mo a kgopela gore bo ba mo hloyyeng ba sa ponye mahlo ya bona? Mo ba ka ponya mahlo ya bona tsone ne di rela gore manaba ya Dafita ne ma tiketliye fote ma phomelela ga tso ba mo polanelang tsona tsa go befa. Dafita ne a kgopela gore tsotsone di sa makege.