16 “Inu Yehova, Mulungu amene mumapereka moyo kwa anthu onse,* sankhani munthu woti azitsogolera gululi. 17 Musankhe munthu woti akhale mtsogoleri wawo pa zinthu zonse, woti aziwatsogolera pa zochita zawo zonse, kuti gulu la Yehova lisakhale ngati nkhosa zopanda mʼbusa.”

17 Choncho Mikaya anati: “Ndikuona Aisiraeli onse atabalalika mʼmapiri+ ngati nkhosa zopanda mʼbusa. Ndipo Yehova anati: ‘Amenewa alibe mtsogoleri. Aliyense abwerere kunyumba kwake mwamtendere.’”

5 Choncho zinamwazikana chifukwa zinalibe mʼbusa+ ndipo zinakhala chakudya cha zilombo zonse zakutchire.

34 Koma atatsika anaona gulu lalikulu la anthu ndipo anawamvera chisoni,+ chifukwa anali ngati nkhosa zimene zilibe mʼbusa.+ Ndiye anayamba kuwaphunzitsa zinthu zambiri.+