CHUMA CHOPEZEKA M’MAWU A MULUNGU | YOBU 33-37

Mnzako Weniweni Amakuuza Malangizo Othandiza

Losindikizidwa

Elihu atayamba kuyankhula, ananena malangizo abwino kwambiri kusiyana ndi amene ananena Elifazi, Bilidadi ndi Zofari. Ankachitanso zinthu mokoma mtima pa nthawi imene ankayankhula ndi Yobu. Zimene anachitazi zikusonyeza kuti anali mnzake weniweni wa Yobu amene anamuthandizadi. Ndipo ife tingachite bwino kumutsanzira.

Elihu akuyankhula ndi Yobu pamene Elifazi, Bilidadi ndi Zofari akungoyang’ana

MLANGIZI WABWINO AYENERA KUKHALA:	ELIHU NDI CHITSANZO CHABWINO
32:4-7, 11, 12; 33:1
WOLEZA MTIMA WOMVETSERA WAULEMU	Elihu anadikira moleza mtima kuti anzake a Yobu omwe anali aakulu kwa iyeyo amalize kaye kuyankhula Iye anamvetsera kaye nkhaniyo mwatcheru n’cholinga choti amupatse Yobu malangizo othandiza Poyankhula ndi Yobu ankamutchula dzina lake komanso ankamuyankhula monga mnzake wapamtima
33:6, 7, 32
WODZICHEPETSA WOCHEZEKA WACHIFUNDO	Elihu anali wodzichepetsa komanso wokoma mtima ndipo anavomereza kuti nayenso anabadwa ndi uchimo Ankamumvera chifundo Yobu chifukwa cha mavuto ake
33:24, 25; 35:2, 5
WOGANIZA BWINO WOKOMA MTIMA WOOPA MULUNGU	Elihu anathandiza Yobu kuzindikira kuti ankaganiza molakwika Elihu anathandiza Yobu kuti asamaone ngati chinthu chofunika kwambiri ndicho kudziona ngati wolungama Malangizo a Elihu anathandiza kwambiri kuti Yobu asavutike kulandira malangizo ochokera kwa Yehova