Yehova samawona mopepuka awo osasonyeza ulemu kaamba ka kakonzedwe ka ukwati. Mosiyana ndi lamulo la Mulungu, amuna a ku Yuda adzitengera akazi achilendo. (Deuteronomo 7:3, 4) Iwo achita mwachinyengo ndi akazi a uchichepere wawo mwa kuwasudzula iwo. Yehova “adana nako kulekana,” Malaki akuchenjeza tero.​—2:10-17.

○ 2:13​—Amuna ambiri a Chiyuda anali kusudzula akazi a uchichepere wawo, mwinamwake kuti akwatire akazi akunja achichepere. Guwa la Yehova linaphimbidwa ndi misozi​—mwachiwonekere ija ya akazi okanidwa omwe anabwera ku malo oyera kutsanula chisoni chawo pamaso pa Mulungu.​—Malaki 2:11, 14, 16.